Бұған дейін азаматтар өзін құмар ойындардан 6 айдан 12 айға дейінгі мерзімге шектей алатын. Енді бұл мерзім 10 жылға дейін ұзартылды. Қызметті eGov mobile қосымшасы арқылы пайдалануға болады.Аталған қызмет өтінімдерді өңдеу уақытын қысқартуға және өзін құмар ойындардан шектеу жүйесін жеңілдетуге мүмкіндік береді. Бұл кез келген азаматқа барлық лицензияланған ойын алаңдары мен онлайн букмекерлік платформаларға кіруді шектеуге мүмкіндік береді. Қызмет тек 21 жастан асқан адамдар үшін қолжетімді екенін атап өткен жөн.🔺Қызметті пайдалану үшін мынадай қадамдар жасау қажет:🔹 eGov mobile қосымшасына кіріп, «Қызметтер» → «Спорт» бөлімін таңдаңыз;🔹 «Құмар ойындарға және (немесе) бәс тігуге қатысуға шектеу қою» қызметін таңдаңыз;🔹 Шектеудің аяқталу жылын және айын көрсетіп, «Қызметке тапсырыс беру» батырмасын басыңыз;🔹 Өтінішке Face ID/Touch ID арқылы қол қойыңыз.Өтініш бергеннен кейін қолданушы құмар ойындарға қатысуға шектеу қойылған тұлғалар тізіміне автоматты түрде енгізіледі және өтініш кері қайтарылмайды. Бұған дейін шектеу қойғандар үшін мерзімді ұзарту мүмкіндігі де бар.Жаңартылған қызмет ҚР Цифрлық даму, инновациялар және аэроғарыш өнеркәсібі министрлігі Мемлекеттік көрсетілетін қызметтер комитеті, «Ұлттық ақпараттық технологиялар» АҚ және Туризм және спорт министрлігі Ойын бизнесін және лотереяны реттеу комитетімен бірлескен жұмысының нәтижесінде енгізілді.Айта кетейік, бүгінге дейін 173 868 адам өзін құмар ойындардан шектеген.Ақпарат көзі : https://www.gov.kz/memleket/entities/tsm/press/news/details/896378

2024 жылғы 4 желтоқсанда Қазақстан Республикасында бұлтты сервистерді (Cloud Policy) пайдалануды реттеу мәселелері бойынша воркшоп өтті. Air Astana, Google, FIBO Cloud, Microsoft, EPAM, EY және KPMG сияқты халықаралық компаниялардың сарапшылары бұлтты технологиялар саласындағы реттеуші шектеулерді, сондай-ақ деректерді және бұлтты сервистерді реттеу мәселелерін талқылады.Қатысушылар инновацияларды енгізуге ықпал ететін теңдестірілген нормативтік ортаны қалыптастыру үшін жеке және мемлекеттік сектор арасындағы диалогтың маңыздылығын атап өтті.Кездесу барысында цифрлық даму, инновациялар және аэроғарыш өнеркәсібі министрі Жаслан Мадиев бұлтты технологияларды дамыту мен деректер қауіпсіздігі арасындағы теңгерімді сақтаудың маңыздылығын атап өтті.«Үкімет ЖИ-ді дамытуға қолайлы заңнамалық жағдайларды, деректерді өңдеу орталықтарын және жекелеген салаларды цифрландыруды заңнамалық реттеуді енгізуде. Цифрлық трансформацияны сәтті жүзеге асыру үшін барлық мүдделі тараптардың үйлестірілген жұмысы қажет. Үкімет, бизнес, ғылыми қауымдастық және азаматтар ортақ мақсатқа жету үшін күш біріктіруі маңызды», — деп атап өтті министр.Қазақстан Республикасы Президенті жанындағы Шетелдік инвесторлар кеңесінің жұмысы аясында KPMG компаниясы Минцифрмен бірлесіп өзекті цифрлық бастамаларды белсенді түрде ілгерілетуде.«Бұлтты технологиялар — бұл тек құрал ғана емес, бизнес пен қоғамды тиімдірек ететін өзгерістердің катализаторы. Оларды дұрыс енгізу қазіргі шектеулерді жеңуге ғана емес, Қазақстанды технологиялық дамудың жаңа деңгейіне шығаруға мүмкіндік береді», — деп атап өтті KPMG Кавказ және Орталық Азиядағы басқарушы серіктесі және бас директоры Сәкен Жұмашев.Шетелдік инвесторлар кеңесінің цифрландыру жөніндегі жұмыс тобының аясында және Мемлекет басшысының тапсырмасын орындау үшін Министрлік Транскаспий талшықты-оптикалық байланыс желісін, «Батыс-Шығыс» ұлттық гипермегатрассасын салу және халықаралық трафикті транзиттеу мен сақтауға арналған TIER-III деңгейінен төмен емес деректерді өңдеу орталығын құру бойынша жобаны іске асыруда. Бұл жоба Еуропа мен Шығыс Азияның өзара байланысын Қазақстан Республикасы аумағы арқылы жер үсті бағытымен қамтамасыз етуге мүмкіндік беретін инфрақұрылымды құруға ықпал етеді.Сонымен қатар, BigTech компанияларының жұмыс істеуіне қолайлы жағдай жасайтын, бұлтты технологияларға басымдық беруді (Cloud First Policy), үшінші тарап контенті үшін жеткізушілердің жауапкершілігінен босатуды және басқа да шараларды қарастыратын заң қабылданды.Іс-шара қорытындысы бойынша тараптар диалогты жалғастырып, келесі кездесуді Digital Almaty технологиялық форумы аясында кеңейтілген форматта өткізуге келісті. ҚР ЦДИАӨМ баспасөз қызметі Ақпарат көзі : https://www.gov.kz/memleket/entities/mdai/press/news/details/896080

Маңғыстауда IT-мамандарды даярлау және стартаптарды қолдау үшін "Yessenov Technopark" ашылды. Білім беру бағдарламасын жүзеге асыру үшін бүкіл әлем бойынша IT оқыту тәсілін өзгерткен Ecole 42 және 01 edu революциялық әдістерінің авторы, әйгілі француз педагогы Николя Садирак шақырылды.Ecole 42 бағдарламасы - "мұғалімдер мен жаттықтырушыларсыз"әдісіне негізделген. Студенттер өзара әрекеттесу арқылы нақты жобаларды жүзеге асырады. Қазір бұл тәсіл бүкіл әлем бойынша мамандарды даярлау эталонына айналған. Оның осы принципке негізделген 01 Edu платформасы студенттерге жасанды интеллект,блокчейн, ойын дамыту және киберқауіпсіздік сияқты озық бағыттарды игеруге көмектесетін екі жылдық білім беру бағдарламасынан тұрады. Николя Садирактың беру мектебі Цифрлық даму, инновациялар және аэроғарыш өнеркәсібі министрлігі мен Astana Hub халықаралық технопаркінің қолдауымен ашылды.Есенов университеті Қазақстанда 01 Edu платформасын енгізген алғашқы жоғары оқу орны. Жаңа технопарк өнімділігі жоғары 90 компьютермен жабдықталған. Бұл білім алушыларға халықаралық еңбек нарығының талаптарына сәйкес оқуға және нақты жобаларды әзірлеуге мүмкіндік береді. Бағдарлама түлектері тек Қазақстанда емес, шет елдерде де бәсекеге қабілетті болады.Қазақстанның цифрлық даму, инновациялар және аэроғарыш өнеркәсібі министрлігі мен NSDS Digital Investments арасында Қазақстанда және Орталық Азияда цифрлық және жасанды интеллект білімін дамыту мақсатында стратегиялық серіктестік туралы меморандумға қол қойылды. Меморандумға цифрлық даму, инновациялар және аэроғарыш өнеркәсібі министрі Жаслан Мәдиев пен NSDS Digital Investments-тің тең құрылтайшысы Николя Садирак қол қойды.Astana Hub басты серіктес рөлін атқаратын бұл ынтымақтастық 01Edu платформасы негізінде инновациялық бағдарламалау мектептері желісі – Tomorrow School-ды дамытуға, жасанды интеллект бойынша инновациялық оқу бағдарламасын құруға, қазақстандық таланттарды халықаралық аренада ілгерілетуге, сондай-ақ екі тараптың әртүрлі іс-шараларға қатысуына және білім алмасуға бағытталған.Tomorrow School – Қазақстан Республикасы Президентінің жасанды интеллект пен цифрландыруды дамыту жөніндегі бастамасы шеңберінде осы жылдың қазан айында Astana Hub технопаркі іске қосқан Қазақстандағы алғашқы peer-to-peer жасанды интеллект мектебі. Tomorrow мектебі тек 01 edu платформасы негізінде жұмыс істейді және алдын ала бағдарламалау дағдыларын қажет етпестен AI саласында тегін білім алудың бірегей мүмкіндігін ұсынады.Ақпарат көзі : https://www.gov.kz/memleket/entities/mdai/press/news/details/895461

Парламент Сенатында Палатаның Қоғамдық Жобалық кеңсесінің кеңейтілген отырысы өтті. Онда Қазақстанда туризмді дамыту, табиғатты қорғау және туристік орындарда қажетті инфрақұрылым қалыптастыру мәселелері талқыланды. Іс-шараға Сенат Төрағасы Мәулен Әшімбаев, мемлекеттік органдардың, сараптама және бизнес қауымдастық өкілдері қатысты.Палата Спикері отырысқа қатысушыларға ілтипат білдіре келіп, Мемлекет басшысы елімізде туризмді дамытуға баса мән беріп отырғанын атап өтті. Сондай-ақ аталған бағыт әлемдік экономиканың қарқынды дамуының катализаторы және инвесторлар үшін ең тартымды салалардың бірі екені айтылды.Мәулен Әшімбаев Қазақстанда туризмге салынып жатқан инвестицияның артуына қарамастан, оның дамуын тежейтін бірқатар жүйелі проблемалар бар екеніне де назар аударды. Бұл ретте көлік және инженерлік инфрақұрылымы нашар, жету қиын туристік аймақтарға қатысты түйткілдер сөз болды.Сонымен қатар Сенат Төрағасы Палатаның жобалық кеңсесінің заңнамалық қызметіне және барлық мүдделі тараптың күш-жігерін жұмылдыруды, халықаралық тәжірибелерді зерделеуді, сондай-ақ, озық технологияларды енгізуді талап ететін маңызды міндеттерге тоқталды. Нақты айтқанда, туристік аймақтарда баламалы энергия көздерін, сумен жабдықтауды және «жасыл» инфрақұрылымның басқа да түрлерін пайдаланатын жобаларды қолдау үшін заңнамалық нормалар әзірлеу барысы сөз болды.«Белгілі туристік ел болу үшін нақты стратегия мен мемлекет, бизнес және қоғам арасындағы белсенді өзара іс-қимыл қажет. Сол себепті, «жасыл» технологияларды қолдана отырып, туристік аймақтардың инженерлік инфрақұрылымын жаңғырту керек. Баламалы энергия көздерін қолдану, суды тиімді пайдалану, су тазарту жүйелерін енгізу, «жасыл» көлік инфрақұрылымын дамыту және экологиялық туризм түрлерін жетілдірудің де маңызы зор. Осы істе шет елдердің тәжірибелерін жан-жақты зерделеген жөн. Бұл бағытта Сенат қажетті заңнамалық өзгерістер енгізуге қатысты сындарлы ұсыныстарды бірлесіп талқылауға әрдайым дайын», – деді Мәулен Әшімбаев.Отырыс барысында елімізде туризмді дамыту және стандартты емес тетіктерді пайдалану бағытындағы жүйелі шаралар да талқыланды. Соның аясында Ақмола облысының Ақкөл ауданындағы баламалы инфрақұрылымның түрлі тәсілдері қолданылған жаңа курорттық аймақтардың жобалары таныстырылды. Оның ішінде күн энергиясын пайдалану, ауа жылу белдеуінің құралдары, биотазарту нысандарын қолдану, автономды су көздері және басқа да баламалы түрлер бар.Сараптама және бизнес қауымдастық өкілдері мемлекет тарапынан қолдау парадигмасын өзгерту мәселесіне назар аударды. Олардың айтуынша, мемлекеттік гранттан мемлекеттік инвестицияларға өту және инвестордың жауапкершілігін арттыру аса маңызды. Бұл тәсіл осы салада жүргізіліп жатқан жаңғыртудың тиімділігін 10 есеге дейін ұлғайтуға қауқарлы.Іс-шараға Сенат Төрағасымен бірге Палата Спикерінің орынбасары Жақып Асанов, сенаторлар, Туризм және спорт министрі Ербол Мырзабосынов, Ақмола облысы әкімінің орынбасары Ернар Жаркешов, Ұлттық экономика вице-министрі Бауыржан Құдайбергенов, Энергетика вице-министрі Құдайберген Арымбек және тағы басқалар қатысты.Айта кетейік, 13 қыркүйек күні сенаторлар туризмді дамыту және инвестор тарту, Ақмола облысы Ақкөл қаласының тәжірибесі негізінде туристік нысандарға инфрақұрылымның баламалы көздерін пайдалануды мемлекет тарапынан қолдауға арналған депутаттық сауал жолдады. Соның нәтижесінде мүдделі мемлекеттік органдардың қатысуымен жұмыс тобы құрылды. Онда отандық курорттарды баламалы инфрақұрылыммен қамтамасыз ету жөніндегі жобалар қаралып, зерделенді.Сенаттың Баспасөз қызметіФото: Н.БайбулинАқпарат көзі : https://www.gov.kz/memleket/entities/tsm/press/news/details/895195

ҚР Цифрлық даму, инновациялар және аэроғарыш өнеркәсібінің вице-министрі Коняшкин Ростислав Анатольевич 6 желтоқсанда сағат 14.30-да Qyzyljar Creative Center ғимаратында Солтүстік Қазақстан облысының тұрғындарымен кездесу өткізеді және сағат 15:30-да министрліктің құзыретіне кіретін мәселелер бойынша азаматтарды қабылдайды (мекен-жайы: Петропавл қаласы, Ж.Жабаев көшесі, 195).Жеке қабылдауға жазылу үшін және сауалдар мен ұсыныстар: 8-7152502197 (жұмыс уақыты) телефон нөмері арқылы қабылданады.Тұрғындармен кездесудің онлайн-көрсетілімі ҚР Цифрлық даму, инновациялар және аэроғарыш өнеркәсібі министрлігінің «Youtube» әлеуметтік желілеріндегі ресми парақшасында тікелей эфирде көрсетілетін болады.Азаматтарды кездесуге белсенді қатысуға және ҚР Цифрлық даму, инновациялар және аэроғарыш өнеркәсібі вице-министріне сауал жолдауға шақырамыз.Министрліктің қызмет бағыттары: телекоммуникация және байланыс, «электрондық үкімет» және мемлекеттік көрсетілетін қызметтер, аэроғарыш өнеркәсібі, геодезия и картография, электрондық өнеркәсіп, цифрлық активтер индустриясы, ақпараттық қауіпсіздік, инновациялар. Ақпарат көзі : https://www.gov.kz/memleket/entities/mdai/press/news/details/895265

2024 жылдың алғашқы 10 айында туризм саласындағы негізгі капиталға салынған инвестиция көлемі 668,1 млрд теңгеге жетті. Бұл өткен жылдың сәйкес кезеңімен салыстырғанда 33,6%-ға көп.2023 жылы бұл көрсеткіш 787 млрд теңге болса, 2022 жылы 513 млрд теңгеге жеткен еді. Бұл деректер инвесторлардың еліміздің туристік әлеуетіне қызығушылығының артып келе жатқанын көрсетеді.«Туризм саласына салынған инвестицияның артуы бизнестің бұл бағытты дамытуға деген тұрақты қызығушылығын байқатады. Негізгі туристік өңірлерде заманауи инфрақұрылым құру арқылы Қазақстанның халықаралық туристік картадағы орнын нығайта аламыз», – деді Туризм индустриясы комитетінің төрағасы Нұртас Кәріпбаев.Ақпарат көзі : https://www.gov.kz/memleket/entities/tsm/press/news/details/895140

Облыс әкімі Ермек Көшербаев өңірдің қоғам мүшелерімен бірге Қоғамдық кеңес жанынан тұрақты түрде жұмыс істейтін «Өскемен тынысы» экологиялық қорғау бюросын» құру туралы ұсынысты қолдады.Жаңа ұйымның мақсаты – ауа сапасына қатысты қордаланған мәселелердің шешімін іздеп, өскемендіктердің тұрмыс жағдайын жақсарту. Атап айтқанда, қаланың әр ауданында атмосфераға мониторинг жасайтын құрылғыларды орнату, оны калибрлеу, кәсіпорындардағы сүзгіні жақсарту, қолданыстағы шаралардың тиімділігін бағалау, жаңа ұсыныстар әзірлеу, тұрғындарға ауа ластануының қауіп-қатері мен оны азайтудың жолдарын түсіндіру үшін білім беру бағдарламаларын ұйымдастыру, экологиялық стандарттардың орындалуын бақылау.Аймақ басшысы «Өскемен тынысы» экологиялық қорғау бюросының» жол картасын жасақтаудан бастап, қаланың экологиялық жобаларын жүзеге асыруды жеделдету жұмыстарымен айналысатынын алға тартты.- Қоғамның, жергілікті атқарушы органдардың және табиғатты пайдаланушылардың өзара қарым-қатынасының тиімді тетіктері қажет екенін бұдан бұрын да айтқан едім. Экобелсенділер мемлекеттік органдар мен кәсіпорындармен диалог орнату арқылы мәселені шешу жолдарын қарастыратын болады. Ең бастысы, қоғамдық бақылау күшейтіледі. Қаланың әрбір тұрғыны осы ұйымның заңды өкілі деп айтуға негіз бар. Әрине бәрі бірден өзгеріп кетпейтіні анық. Бірақ бірлесе отырып, кезең-кезеңімен қалаған нәтижеге қол жеткізетін боламыз, - деді Ермек Көшербаев.Осы ретте қоғам белсенділері де бастаманы қолдап, өздерінің пікірін білдірді.- Атмосфераның ластану деңгейін анықтайтын датчиктердің санын көбейтіп, оларды қала бойынша біркелкі орнату керек. Тұрғындар да қандай көмір жағатынымызды білуі қажет. Бұл бағыттағы жұмысты жер үйлер орналасқан аудандарда қарастырған жөн. Оң өзгерістер үшін бюро жұмысында әр қадам маңызды, - деді сала маманы Виталий Чернецкий.Облыс әкімі жаңа кеңесті ҚР Экология және табиғи ресурстар министрлігі қоғамдық кеңесінің мүшесі, «ECOJER» Ассоциациясы ШҚО бойынша филиалының жетекшісі Елена Березинская-Әбіловаға басқаруды ұсынды.- Соңғы 10 жылдың ішінде алғаш рет қоршаған ортаның жағдайын талқылап, экологиялық қорғау бюросын құру жөнінде шешім қабылдау үшін экологтар мен тәуелсіз сарапшылар шақырылды. Экологиялық мәселелерді шешуде қоғаммен белсенді қарым-қатынас орнату қажет. Атқарылып жатқан жұмыстар жұртшылыққа ашық түрде көрсетілуі керек, - дейді Елена Березинская-Әбілова.Экологиялық қорғау бюросының құрамына экологиялық, әлеуметтік және денсаулық сақтау мәселелерін шешуге көмектесетін түрлі сала мамандарын қосу жоспарланып отырғанын атап өткен жөн. Сонымен қатар, аталған бюро азаматтар, кәсіп пен билік арасындағы өзара әрекеттесу алаңына айналады деп күтілуде.Ақпарат көзі : https://www.gov.kz/memleket/entities/akimvko/press/news/details/894835

Энергетика және қаржы саласында тәжірибесі бар Ұлыбритания азаматы Сертач Йенер Neo Nomad визасын алғашқылардың бірі болып алды. Ол Қазақстанның мәдениеті, табиғаты және тағамдарымен жақынырақ танысуды жоспарлап отыр.Сертач Йенердің қызы Чикаго университетінде «Қазақ тілі және Орталық Азия зерттеулері» мамандығы бойынша білім алған. Сондықтан ол қазақ тілін бұрыннан жақсы біледі.Neo Nomad Visa визасы алғаш рет Қазақстанның БАӘ елшілігінде берілді. Визаны алған Сертач Йенер жуырда Қазақстанға келуді жоспарлап отыр. Ол бұрыннан Қазақстанның табиғаты, дәстүрі, музыкасы және асханасымен танысуды армандаған.«Қазақстан – керемет ел! Neo Nomad визасы бізге Қазақстанда бір жылға дейін болуға мүмкіндік береді. Бұл виза менің шетелдегі жұмысымды қашықтан жалғастырып, Қазақстанды тереңірек танып-білуге жол ашады», – деді ол.Сертач Йенер – энергетика саласының маманы. Қазіргі таңда ол АҚШ-та таза энергия жобасын әзірлеумен айналысады.Айта кетейік, Neo Nomad виза бағдарламасы Мемлекет басшысының тапсырмасы бойынша Туризм және спорт, Сыртқы істер, Цифрлық даму, Ішкі істер министрліктерінің және Kazakh Tourism ұлттық компаниясының қатысуымен енгізілді.Бұл виза шетелдік туристерге мобильді болуға, өздерінің шетелдегі компанияларында қашықтан жұмыс істеуге және Қазақстанда бір жылға дейін тұруға мүмкіндік береді. Жаңа В12-1 визасын алу үшін шетелдегі Қазақстан елшілігіне немесе консулдық мекемелеріне жүгіну қажет.Ақпарат көзі : https://www.gov.kz/memleket/entities/tsm/press/news/details/894730

Малайзия астанасы Куала-Лумпурда Х Азия – Тынық мұхиты ойындарының ашылу салтанаты өтті. Спорттық жарысқа әлемнің 24 елінен 1300-ге жуық есту қабілеті зақымдалған спортшылар қатысып жатыр. Олар спорттың 10 түрінен, атап айтқанда, жеңіл атлетика, таэквондо, дзюдо, еркін және грек-рим күресі, үстел теннисі, бадминтон, шахмат, боулинг және футболдан өзара мықтыны анықтайды.Қазақстан құрамасы сапынан бұл жарыста 80 спортшы өнер көрсетеді. Жерлестеріміз 8 спорт түрінен сынға түсуде: жеңіл атлетика, таэквондо, дзюдо, еркін күрес, грек-рим күресі, бадминтон, шахмат және үстел теннисі.«Қазақстан құрамасы Азия – Тынық мұхиты ойындарына 1996 жылдан бері қатысып келеді. Спортшыларымыз Алматы, Қарағанды, Шымкент, Ыстықкөл және Бішкекте оқу-жаттығу жиындарын өткізіп, жарысқа тыңғылықты дайындықпен келді. Енді олардан жоғары нәтиже күтеміз. Спортшыларымыздың табысты өнер көрсетіп, ел намысын лайықты қорғайтынына сенімдімін», – деді Дене мүмкіндіктері шектеулі тұлғаларға арналған спорттық даярлау орталығы спорт басқармасының басшысы Қайратбек Сейтбеков.Алғашқы күннің жеңімпаздарыҚазақстандық спортшылар жарыстың алғашқы күнінде-ақ жеңіс тұғырынан көрінді. Шахматтың блиц түрінен:• Әйелдер арасында Балжан Жұмағазиева 8 ұпай жинап, Азия – Тынық мұхиты ойындарының чемпионы атанды.• Ерлер арасында Самажан Кеттебеков 8,5 ұпай жинап, күміс медаль алды.Азия – Тынық мұхиты ойындары 8 желтоқсанға дейін жалғасады.Ақпарат көзі : https://www.gov.kz/memleket/entities/tsm/press/news/details/894731

2 желтоқсанда Қазақстан Республикасының Цифрлық даму, инновациялар және аэроғарыш өнеркәсібі министрлігінің ұйымдастыруымен ҚР Өнеркәсіп және құрылыс министрлігінің Demo Day іс-шарасы өтті. Бұл іс-шара экономиканың түрлі салаларында цифрлық трансформациян нығайту мен елдегі мемлекеттік басқарудың тиімділігін арттырудағы маңызды қадам болды.Demo Day мақсаты - мемлекеттік қызметтерді жақсарту, процестерді оңтайландыру және олардың халық үшін тиімділігін арттыру мақсатында озық цифрлық жобаларды таныстыру және талқылау.Өнеркәсіп және құрылыс вице-министрі Жәннат Дүбірова алғы сөз сөйлеп, Министрліктің цифрландыру және жасанды интеллект енгізу бойынша жобаларымен таныстырды. Вице-министр Ұлттық өнеркәсіптік ақпараттық жүйе (ҰМЖ), Министрліктің байланыс орталығының виртуалды көмекшісі, Мемлекеттік қызметшінің жұмыс орны, «Кәсіби стандарт» құжатын құру, Заңдар мен нормативтік құқықтық актілерді салыстыру және Экспорттық бақылау сияқты жобаларды таныстырды.Сондай-ақ, Жәннат Дүбірова Геологиялық есептерді өңдеу және жасанды интеллект көмегімен геологиялық білім базасын құру, Жасанды интеллект көмегімен экспорттық бақылау процестерін жаңғырту, BIM қолданбасының пилоттық жобасы, Тұрғын үй-коммуналдық шаруашылық бойынша бірыңғай платформа және т.б. жобалар бойынша жұмыс туралы айтты.Келесі кезекте ҚР ӨҚМ Ахуалдық орталығының және оның құралдарының көрсетілімі өтті. Олардың ішінде қалпына келтіру дэшборды, бейнебақылау және жобаларды бақылаудың ұлттық платформасы бар.Одан кейін «Мемлекеттік қала құрылысы кадастры» ААЖ көрсетілімі өткізілді. Баяндамашылар жобаның әдістемелік және техникалық бөліктерімен таныстырды. МҚҚК жүйесі аумақтың дамуын есепке алу және бақылау құралы болып табылады. ААЖ арқылы қалалық ережелерге сәйкес APP шығаруға, техникалық шарттарды алуға, алдын ала жобаны келісуге және пайдалануға қабылдау актілерін жазуға болады. Бұл қалалық кадастрдың бірыңғай деректер базасын құруға мүмкіндік береді.Бұдан кейін Жер қойнауын пайдаланудың бірыңғай порталының көрсетілімі өтті. Оны жақсарту үшін функциялар кеңейтілді, мемлекеттік қызметтерге реинжиниринг жасалды, Техникалық шарттар қалыптастырылды, нормативтік құқықтық актілерге түзетулер, жүйеге өзгерістер енгізілді, деректерді көшіру және тестілеу жүргізілді.Сондай-ақ «Қаз Реестр» АЖ көрсетілімі өтті. Бұл үлестік қатысу туралы келісімдерді тіркеу бойынша мемлекеттік қызметті ұсынатын тұрғын үй құрылысына ортақ қатысудың бірыңғай ақпараттық жүйесі. Жобаның мақсаты – жергілікті атқарушы органдардан рұқсат алу бойынша мемлекеттік қызмет көрсету мерзімін қысқарту, үлескерлердің қаражатын тарту үшін жергілікті атқарушы органдардан берілген барлық рұқсаттарды есепке алуды орталықтандыру, сондай-ақ бизнес-процестерді оңтайландыру.Нәтижесінде қатысушыларға сұрақ-жауап сессиясы өткізіліп, қатысушылар өздерін қызықтырған ақпаратты алды.Ақпарат көзі : https://www.gov.kz/memleket/entities/mdai/press/news/details/894728

Бүгін, 2 желтоқсан күні Ш. Есенов атындағы Каспий технологиялар және инжиниринг университетінде «Yessenov Technopark» кешенінің ашылу салтанаты өтті. Шараға Маңғыстау облысының әкімі Нұрдәулет Қилыбай, ҚР Ғылым және жоғары білім министрі Саясат Нұрбек, ҚР Парламент Мәжілісінің депутаты Еділ Жаңбыршин сондай-ақ еліміздің жоғары оқу орындарының ректорлары, ірі кәсіпорын басшылары, депутаттар мен қоғам өкілдері қатысты.Жаңадан ашылған сан салалы технопарк кәсіпкерлерге, университет пен колледж студенттеріне және мектеп оқушыларына арналған. Мұнда олар өз идеяларын жүзеге асырып, стартап жобаларымен жұмыс істей алады. Сонымен қатар, токарь, дәнекерлеуші сияқты жұмысшы мамандықтарды меңгеру мүмкіндігі бар.2000 шаршы метр аумақта орналасқан екі қабатты ғимарат заманауи жабдықтармен қамтамасыз етілген. Бірінші қабатта робототехника, цифрлық өндіріс, металл және ағаш өңдеу шеберханалары жұмыс істейді. Екінші қабатта жасанды интеллект, ойын әзірлеу, блокчейн, криптовалюта, мобильді қосымшалар жасау және киберқауіпсіздік бойынша білім беріледі.Технопарктың ашылуынан кейін Маңғыстау облысы әкімі жанындағы ғылыми кеңес өтті. Жиында білім беру, логистика, суды тұщыландыру, Каспий теңізінің экологиясы, теңіз саласы, сутегі энергетикасы және басқа да өзекті мәселелер талқыланды.Отырыста ҚР Ғылым және жоғары білім министрі Саясат Нұрбек Мемлекет басшысының ғылыми зерттеулерді өндіріске енгізу қажеттігін және ғылыми қоғамдастық пен бизнес арасындағы байланысты нығайтуды тапсырғанын атап өтіп, Маңғыстау облысы бұл міндеттерді жүзеге асыру арқылы жаңа технологияларды дамыту орталығына айналуға әлеуеті зор екенін жеткізді.Облыс әкімі Нұрдәулет Қилыбайдың айтуынша, Мемлекет басшысының тапсырмасын жүзеге асыру аясында ашылған технопарк жастардың инновациялық идеяларын дамытуға және өңірдің тұрақты дамуына үлес қосады.- Мемлекет басшысы ғылыми зерттеулерді коммерцияландыру және оларды өндіріске енгізудің маңыздылығын ерекше атап өтуде. Бүгінгі ашылған технопарк өңір жастары мен кәсіпкерлері үшін ғылым мен экономиканы байланыстыратын алаң болмақ. Маңғыстау облысының тұрақты дамуы үшін өзгерістерге тез бейімделіп, тың мүмкіндіктерді пайдалану қажет. Мемлекет ғалымдарға үлкен үміт артып отыр. Сондықтан ғылыми зерттеулерді облыс экономикасының өзекті мәселелерін шешуге бағыттауымыз қажет. Біз әрдайым аймақ экономикасының дамуына септігін тигізетін барлық бастамаларды қолдауға дайынбыз, - деді Нұрдәулет Қилыбай.Айта кетейік, 29 қараша мен 2 желтоқсан аралығында «Yessenov Forum: Тұрақтылық Мағыналар» форумы өтуде. Форум аясында ғылыми хакатон ұйымдастырылып, облыс үшін маңызды үш нысан пайдалануға берілді. Оның бірі - Yessenov Technopark болса, екінші нысан – «Жастар саябағы». Бұл саябақ жастардың таза ауада демалуына және музыкалық іс-шаралар мен ойын-сауық бағдарламаларын өткізуге арналған. Мұнда амфитеатр, субұрқақ және 50 орындық кафе жұмыс істейді. Саябақ аумағына 3000 ағаш отырғызылған. Саябақ барлық қала тұрғындары үшін ашық.Yessenov университетінің аумағында пайдалануға берілген үшінші нысан – 1500 орындық футбол стадионы. Бұл спорттық нысан 7000 шаршы метр аумақты қамтиды. Мұнда футбол және жеңіл атлетика бойынша облыстық деңгейдегі жарыстарды өткізуге болады. Стадионның ашылу салтанатында Yessenov University мен Atyrau University командалары арасында жолдастық футбол ойыны өтеді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/894337

Щучье-Бурабай курорттық аймағыЩучье-Бурабай курорттық аймағы Қазақстандағы қысқы демалыстың негізгі бағыттарының бірі саналады. Өңір тұмса табиғатымен, таза ауасымен және жоғары деңгейдегі жайлылығымен туристерді бірден баурап алады. 2024 жылғы қаңтар-маусым аралығында өңірде туристік ағынның айтарлықтай артқаны байқалды. Орналастыру орындарының саны 203-ке жетіп, қызмет көрсетілген қонақтар саны 143 629 адамға жетті. Бұл өткен жылдың сәйкес кезеңімен салыстырғанда 10 949 адамға көп. Инфрақұрылымның дамуы мен қызмет көрсету сапасының жақсаруы аймақтың тартымдылығын арттыруда маңызды рөл атқарады.Алматы тау кластеріАлматы тау кластері таулы және қысқы спортты ұнататындарға белсенді демалыстың алуан түрін ұсынады. 2024 жылдың бірінші жартыжылдығында курорт 1,2 миллионнан астам қонақты қабылдап, орналастыру орындарының саны 518-ге жеткен. Алматы тау кластері инфрақұрылым мен қызмет көрсету деңгейін ұдайы жетілдіріп, отандық және шетелдік туристер үшін одан да тартымды етеді.Катонқарағай курорттық аймағыКатонқарағай курорттық аймағының табиғаты — тыныш әрі оңаша демалысты сүйетіндер үшін таптырмас орындардың бірі. 2024 жылдың алғашқы алты айында курорттық аймақ өткен жылдың осы кезеңімен салыстырғанда екі есе көп қонақ қабылдап, ұсынылған қызметтердің көлемі 17,7 миллион теңгеге өскен.Шарын шатқалыШарын шатқалы — қыс мезгілінде ерекше атмосфераға бөленіп, табиғат сұлулығын бағалайтын туристерге шабыт сыйлайтын мекен. Кеңейтілген инфрақұрылым мен жаңа демалыс орындары аймақтың туристік тартымдылығын арттыруда маңызды рөл атқаруда. Шарын шатқалы келушілерге таңғажайып табиғат көріністерімен демалуға ыңғайлы мүмкіндіктер ұсынады.Көкшетау және оның айналасындағы көлдерКөкшетау және айналасындағы көлдер шаңғы әрі сноуборд тебу сияқты тыныш демалыс пен белсенді көңіл көтеруді біріктіретін тамаша орындарды ұсынады. Қазіргі таңда аймақтың туристік инфрақұрылымы қарқынды дамып келеді. Бұл өз кезегінде өңірді отбасы мүшелері үшін қысқы демалыс орны ретінде тартымды етеді.Ақпарат көзі : https://www.gov.kz/memleket/entities/tsm/press/news/details/894370

🔹 3-9 желтоқсан – Пара жүзуден әлемдік кезеңЖарысқа әлемнің 15 елінен 150 спортшы қатысады. Ел намысын 5 отандасымыз қорғайды.Өтетін орны: Мысыр, Каир қаласы.🔹 3-10 желтоқсан– Гандболдан Азия чемпионатыСары құрлық додасында Қазақстан құрамасы да өнер көрсетеді.Өтетін орны: Үндістан, Нью-Дели қаласы.🔹 4-10 желтоқсан – Спорттық гимнастикадан халықаралық турнирЕл құрамасынан 8 спортшы өнер көрсетеді.Өтетін орны: Сербия, Нови-Сад қаласы.🔹 5-7 желтоқсан – Семсерлесуден халықаралық «Гран-При» турниріТурнирге Қазақстан құрамасының 8 спортшысы қатысады.Өтетін орны: Франция, Орлеан қаласы.🔹 5-8 желтоқсан – Дзюдодан Grand Slam турниріҚазақстан құрамасынан 6 палуан жүлдеге таласады.Өтетін орны: Жапония, Токио қаласы.🔹5-8 желтоқсан – Құсбегіліктен республикалық турнирЖарысқа еліміздің барлық өңірінен 70 спортшы қатысады.Өтетін орны: Алматы қаласы.🔹 6-15 желтоқсан – Ауыр атлетикадан әлем чемпионатыӘлемдік додада 5 спортшымыз сынға түседі.Өтетін орны: Бахрейн, Манама қаласы.Ақпарат көзі : https://www.gov.kz/memleket/entities/tsm/press/news/details/893760

Бүгін, 28 қараша күні Маңғыстау облысының әкімі Нұрдәулет Қилыбайдың қатысуымен 8 сайланған облыстық мәслихаттың кезектен тыс он алтыншы сессиясы өтті. Сессия барысында облыстың 2024-2026 жылдарға арналған бюджетіне өзгерістер енгізу, ауыл шаруашылығы жануарларын асырау қағидаларын бекіту, су ресурстарын пайдалану төлемақы ставкаларын анықтау, мәслихаттың тұрақты комиссиялары мен облыс әкімдігінің дербес құрамына өзгерістер енгізу мәселелері қаралды.Жиында Экономика және бюджеттік жоспарлау басқармасының басшысы Светлана Нарешова 2024 жылға арналған облыс бюджетінің нақтыланған параметрлерін баяндады.- Жыл ішінде жергілікті бюджеттен бөлінген қаражат Мемлекет басшысы мен Үкіметтің тапсырмаларын, Даму және Кешенді жоспарлар аясындағы іс-шараларды, сондай-ақ маңызды әлеуметтік міндеттерді қаржыландыруға бағытталды. Ал қысқартылған қаражат ауыз су беру қызметтері, әлеуметтік маңызы бар жол қатынастары бойынша жолаушылар тасымалын субсидиялау, әлеуметтік ұйымдарды күтіп ұстау және жаңа мектепке дейінгі ұйымдарға байланысты шығындарды қамтамасыз етуге жұмсалады, – деді Светлана Нарешова.Сессияны қорытындылаған облыс әкімі Нұрдәулет Қилыбай депутаттарға ел игілігі үшін қабылданған шешімдері мен қолдаулары үшін ризашылығын білдірді.- Ел қалаулыларының маңызды мәселелерде қолдау білдіріп, қабылдаған шешімдері өңірдің тұрақты дамуына ықпал етеді. Әрбір қабылданған шешім халықтың әл-ауқатын арттыруға бағытталуы тиіс. Сіздердің қолдауларыңыздың маңыздылығын ерекше атап өткім келеді. Бірлескен күш-жігерімізбен өңірдің әлеуметтік-экономикалық дамуын жалғастыратынымызға сенім білдіремін, – деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/893139

Бүгін, 29 қараша күні, Маңғыстау облысының әкімі Нұрдәулет Қилыбай Солтүстік-Каспий жобасының операторы - «Норт Каспиан Оперейтинг Компани Н.В.» (NCOC) компаниясының басқарушы директоры Джанкарло Руюмен кездесті.Кездесу барысында тараптар өңірдің әлеуметтік-экономикалық дамуы, инфрақұрылымды жетілдіру және жергілікті тұрғындардың өмір сапасын жақсарту мәселелері талқылады.Облыс әкімі Нұрдәулет Қилыбай әлеуметтік инфрақұрылымды жақсартуға бағытталған нақты ұсыныстарын білдіріп, компаниямен бірлескен бастамаларды қолдауға дайын екенін атап өтті.- Біздің басты міндетіміз – жергілікті халықтың әл-ауқатын арттыру. Президенттің тапсырмасына сәйкес, өңірде туризм саласын дамыту және тұрғындардың өмір сүру сапасын жақсарту бойынша жаңа міндеттер қойылды. Бүгінде өңіріміздің әлеуметтік инфрақұрылымының дамуына бірқатар компаниялар мен жеке сектор тарапынан қолдаулар көрсетілуде. Осыған орай, Маңғыстау облысының әлеуметтік инфрақұрылымын дамытуға арналған қаржыландыру лимитін ұлғайтып, 2025 жылға дейінгі 5 жылдық жоспарды қаржыландыру мүмкіндігін қарастыруды ұсынамыз. Біз өзара тиімді және нәтижелі ынтымақтастыққа әрқашан дайынбыз және әкімдік тарапынан барлық бастамаларды қолдаймыз, – деді Нұрдәулет Қилыбай.Айта кетейік, NCOC компаниясы өңірдегі әлеуметтік маңызды нысандардың құрылысын белсенді түрде жүзеге асырып келеді. Соңғы үш жылда компанияның қолдауымен бес нысан пайдалануға берілді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/893141

29 қарашада облыс әкімі Нұрдәулет Қилыбай «ҚазАзот» АҚ өкілдерімен кездесті. Басқосуда «Аммиак-карбамид кешені» жобасының іске асырылу барысы мен алдағы жоспарлары талқыланды.Аталған жоба іске асқанда жылына 660 мың тонна аммиак, 577,5 мың тонна карбамид , 395 мың тонна азот қышқылы және 500 мың тонна көлемінде аммиак селитрасы өндіріледі деп жоспарлануда.Жобаны жүзеге асыру үшін жалпы ауданы 242,15 гектар жер телімі бөлінген. Құрылыс-монтаж жұмыстары кезеңінде 1500 адам жұмыспен қамтылады. Нысанды 2029 жылы толық пайдалануға беру көзделген.Облыс әкімі Нұрдәулет Қилыбай өңір экономикасының ілгерілеуіне серпін беретін тың жобанының жүзеге асырылуына қажетті барлық инфрақұрылыммен қамтамасыз ету үшін мемлекеттік бағдарламалар шеңберінде тиісті шаралар қабылдауды тапсырды. Сонымен қатар аймақ басшысы бұл жобаның өңір экономикасын дамытуға ғана емес, елдің химия өнеркәсібін ілгерілетуге қосатын зор үлесін атап өтті.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/893511

Қазақстан Республикасының цифрлық даму, инновациялар және аэроғарыш өнеркәсібі министрлігі Мемлекеттік органдардың цифрлық вице-министрлерінің қатысуымен Demo Day ұйымдастырадыКүні: 2024 жылғы 2 желтоқсанУақыты: 15:00Өтетін жері: Мәңгілік ел даңғылы, 55/8, Блок С 4.6, Astana Hub, Event hallDemo Day шеңберіндегі кезекті таныстырылымды ҚР Өнеркәсіп және құрылыс министрлігі өткізеді.Шарада Ахуалдық орталық, сондай-ақ министрлік тарапынан әзірленген МҚҚК ААЖ, Жер қойнауын пайдаланудың бірыңғай порталы және «Қаз Реестр» АЖ жобаларының көрсетілімі болады. БАҚ аккредитациясы үшін байланыс телефоны:+7 778 552 8116 – Еңлік БердірахмановаАккредитация 29 қараша сағат 16:00-ге дейін қабылданады. Ақпарат көзі : https://www.gov.kz/memleket/entities/mdai/press/news/details/893053

ЦДИАӨМ ақпараттық қауіпсіздік комитеті мен Қостанай облысы әкімдігінің ақпараттандыру басқармасы және "Astel" АҚ бірлесіп киберқауіпсіздік және кибергигиена мәселелеріне арналған семинар өткізді.Киберқауіпсіздік бойынша біліктілікті арттыруға арналған бұл оқыту мемлекеттік органдар қызметкерлері үшін 2023-2029 жылдарға арналған цифрлық трансформация, ақпараттық-коммуникациялық технологиялар саласын дамыту және киберқауіпсіздік тұжырымдамасы аясында өткізілді.Семинар барысында қатысушылар сыртқы және ішкі тәуекелдерді қоса алғанда, ақпараттық қауіпсіздік саласындағы өзекті қатерлерді талқылады. Сарапшылар деректерді қорғау жүйесіндегі негізгі элемент ретінде кибергигиена принциптерін сақтаудың маңыздылығына назар аудара отырып, ақпаратты қорғаудың практикалық нұсқаулары мен стратегияларымен бөлісті. Іс-шараға облыстық басқармаларды, қалалар мен аудандардың әкімдіктерін, АКИАМО-ларды қоса алғанда, мемлекеттік мекемелердің 70-ке жуық өкілі жиналды. «Кибергигиена – бұл ережелер жиынтығы ғана емес, бұл әр ұйымға енгізілуі керек тұтас мәдениет. Тәуекелдерді түсіну және олардың алдын алу әдістерін білу қауіпсіз цифрлық ортаны құрудың негізі болып табылады», - деп атап өтті ҚР ЦДИАӨМ ақпараттық қауіпсіздік комитетінің өкілі.Сонымен қатар, қатысушылар кибергигиена мен қызметкерлердің хабардарлығын арттырудың маңыздылығын талқылады. Семинар киберқауіптер туралы хабардар болу деңгейін арттыруға және мемлекеттік мекемелерде ақпаратты қорғауды жақсартуға мүмкіндік беретін қатысушылар арасында тәжірибе мен үздік тәжірибелермен алмасу үшін маңызды платформаға айналды. Ақпарат көзі : https://www.gov.kz/memleket/entities/mdai/press/news/details/893285

Қазақстанда сурдлимпиадалық спорт тәуелсіздік жылдарында қарқынды дамып, ерекше қажеттіліктері бар азаматтардың әлеуетін ашуға бағытталған маңызды салаға айналды. Мемлекет бұл бағытта үлкен қолдау көрсетіп, инклюзивті қоғам құруға ықпал етуде. Сурдоспорттың дамуы спортшылардың жетістіктері, мемлекеттік қолдау және қоғамның инклюзивтілікке ұмтылуымен тығыз байланысты.ТарихыСурдоспорт Қазақстанда 1992 жылы «Спорттық одақтың» құрылуымен бастау алды. Бұл ұйымның басты мақсаты – есту қабілеті зақымданған азаматтардың спорттық әлеуетін ашып, олардың құқықтарын қорғау болатын. Осы бастаманың арқасында елде сурдоспорттың іргетасы қаланып, алғашқы қадамдар жасалды.1996 жылы Малайзияның Куала-Лумпур қаласында өткен Азия-Тынық мұхиты ойындарында отандық спортшылар алғаш рет өнер көрсетіп, 1 күміс және 4 қола медаль жеңіп алды. Бұл – Қазақстанның әлемдік аренаға жол ашқан алғашқы жеңісі еді.1997 жылы тәуелсіз ел ретінде еліміздің ұлттық құрамасы Данияның Копенгаген қаласында өткен 18-ші Сурдлимпиада ойындарына қатысты. Сол жарыста жеңіл атлетика мен күрестен жеңіп алған алғашқы медальдарымыз сурдоспорттың жаңа дәуірін бастады.2011 жылы Қазақстанда «Ұлттық сурдлимпиялық федерациия» құрылып, 2014 жылы «Дефлимпикс Қазақстан» қауымдастығы халықаралық деңгейде мойындалды.2014 жылы елімізде есту қабілеті зақымдалған спортшылар арасында тұңғыш Спартакиада ойындары өтті. Спорттың 5 түрінен басталған бұл шара 2022 жылғы 3-ші Спартакиадада қатысушылар саны 1000 адамға дейін жетіп, жарыстар 11 спорт түрін қамтыды.Қазақстандық сурдоспортшылардың ең ірі жетістігі – 2022 жылы Бразилияның Кашиас-ду-Сул қаласында өткен XXIV жазғы Сурдлимпиада ойындарында тіркелді. Бұл жарыста ұлттық құрама 4 алтын, 7 күміс және 18 қола медаль жеңіп, ел тарихындағы рекордтық нәтижеге қол жеткізді.2024 жыл Қазақстан үшін ерекше маңызды оқиғалармен есте қалады. Елімізде алғаш рет сурдлимпиадалық спорт түрлерінен әлем чемпионаттары өтті: Астанада 10 мемлекеттін қатысуымен сурдо футзалдан, ал Түркістанда 21 мемлекеттен келген 200-ге жуық спортшының қатысуымен сурдо дзюдодан әлем біріншіліктері ұйымдастырылып, еліміздің спорттық деңгейін биікке көтерді. Сурдоспорттың бүгінгі ахуалы2023 жылғы деректерге сүйенсек, Қазақстанда мүгедектігі бар 700 000-наң астам адам өмір сүреді, олардың ішінде 56 822 адам спортпен шұғылданады. Есту қабілеті зақымдалған спортшылар саны 6 180 адамды құрайды.Кәсіби деңгейде мыңға жуық спортшы сурдоспорттың 15 түрімен шұғылданады:АрмрестлингТаеквондоЕркін күресГрек-рим күресіЖеңіл атлетикаФутзалШаңғы жарысыЖүзуҮстел теннисіДзюдоШахматДойбыКёрлингФутболБадминтонБұл спорт түрлері бойынша елімізде жыл сайын чемпионаттар мен кубоктар өткізіледі. Осындай жарыстардың қорытындысында ең үздік спортшылар ұлттық құрама сапына еніп, Қазақстан намысын халықаралық деңгейде қорғайды. Қазіргі таңда ұлттық құрамаға 731 спортшы кіреді.Жарыстар мен алдағы жоспарларСурдоспортшылардың басты асқары – Сурдлимпиада ойындары. Қазақстан алғаш рет 1997 жылы бұл ауқымды жарысқа тәуелсіз мемлекет ретінде қатысып, бүгінгі күнге дейін 5 жазғы және 3 қысқы Сурдлимпиада ойындарында 8 алтын, 8 күміс және 26 қола медаль жеңіп алды.Сонымен қатар, Қазақстан спортшылары Азия-Тынық мұхиты ойындарында да жоғары нәтижелерге жетуде. 1996 жылдан бері бұл жарыста ел құрамасы 27 медаль жеңіп алды: 2 алтын, 9 күміс және 16 қола медаль. Биылғы жылдың 1-8 желтоқсанында Малайзияның Куала-Лумпур қаласында өтетін 10-шы Азия-Тынық мұхиты ойындарында ұлттық құрама сапындағы 80 спортшы 8 спорт түрінен ел намысын қорғауға дайын. Бұл жарыстар 2025 жылы Токиода өтетін Сурдлимпиадаға дайындықтың маңызды кезеңі болмақ. Сурдоспорттың Қазақстан үшін маңызыСурдоспорт – бұл тек медальдар мен жеңістер ғана емес, қоғамдағы теңдік пен инклюзияны іске асырудың нақты мысалы. Қасым-Жомарт Кемелұлы Тоқаевтың басшылығымен жүргізіліп жатқан реформалар ерекше қажеттіліктері бар азаматтарға қолдау көрсету аясын кеңейтіп, олардың қоғамдағы орнын айқындайтын тиімді экожүйе қалыптастыруды көздейді.Экожүйе тек физикалық қолдаумен шектелмейді, ол азаматтардың әлеуметтік бейімделуі мен өмір сапасын арттыруға бағытталған жан-жақты шараларды қамтиды. Осы салада Туризм және спорт министрлігі маңызды рөл атқарып, дене мүмкіндіктері шектеулі тұлғалардың спорт арқылы өмірден өз орнын табуына және қоғамға толыққанды араласуына жағдай жасауда.Осының арқасында Қазақстанның сурдоспортшылары халықаралық ареналарда ел намысын абыроймен қорғап, қоғамда жаңа құндылықтарды орнықтыруда. Олардың табыстары – еңбек пен ерік-жігердің жарқын дәлелі, әрі жас ұрпаққа үлгі. Бұл жетістіктер еліміздегі спорттық мәдениетті нығайтып, жас буынның спортқа деген ынтасын арттырып келеді.Биылғы Азия-Тынық мұхиты ойындары мен алдағы Сурдлимпиада Қазақстанның жаңа биіктерді бағындыруына жол ашпақ. Бұл жарыстар тек спорттық қана емес, елдің әлеуметтік саясатының нәтижесін көрсететін маңызды алаң.Сурдоспортшыларымыздың жеңістері Қазақстанның инклюзия қағидаттарын іске асырудағы нақты қадамдарын айқындайды. Бұл жетістіктер еліміздің халықаралық беделін нығайтып, инклюзия мен теңдікті қолдайтын прогрессивті мемлекет ретінде танылуына ықпал етуде. Алдағы уақытта сурдоспорт еліміздегі барлық азаматтардың әлеуетін ашып, қоғамның барлық саласына оң әсерін тигізетініне сенім зор.Ақпарат көзі : https://www.gov.kz/memleket/entities/tsm/press/news/details/892690

Бүгін Таиланд Корольдігінің Чиангмай қаласында бокстан ерлер мен әйелдер арасындағы кезекті Азия чемпионатының шымылдығы түріледі. 11 желтоқсанға дейін жалғасатын сары құрлық бәсекесінде ерлер – 13, ал әйелдер 12 салмақ дәрежесінде сынға түседі.Әуелгі жоспар бойынша биылғы Азия біріншілігі осыдан екі жыл бұрын аталған доданы қабылдаған Иордания астанасы – Амманда өткізілуі тиіс еді. Алайда өңірдегі қауіпсіздік мәселесі ескеріліп, чемпионат Иорданиядан Таиландқа ауыстырылды. Осылайша, Таиланд Корольдігі 1963 жылдан бері ұйымдастырылып келе жатқан бокстан Азия чемпионатын өз тарихында 9-мәрте қабылдап отыр.Биылғы Азия чемпионатының ерекшелігі, сары құрлық додасына алғаш рет Украина боксшылары да қатыспақ. Бұл Азия чемпионатында тіркелген алғашқы жайт болса да, Еуропа чемпионатында өзге құрлықтан, яғни, Израиль, Мысыр сияқты елдердің де боксшылары қатысқан кездер болған.Қазақстан ерлер құрамасынан Азия чемпионатына қатысатын 13 боксшының екеуі, яғни, Санжар Тәшкенбай (48 кг, 2022 жыл) мен Айбек Оралбай (92 кг, 2022 жыл) бұған дейін Азия біріншілігінде топ жарған. Сондай-ақ Таиландта төрт әлем чемпионы жұдырықтасады. Олар: Санжар Тәшкенбай (48 кг), Сәкен Бибосынов (51 кг), Махмұд Сабырхан (54 кг) және Бекзат Нұрдәулетов (86 кг). Ал Оразбек Асылқұлов (57 кг), Бейбарыс Жексен (60 кг), Мұхаммедсабыр Базарбайұлы (63,5 кг), Диас Молжігітов (75 кг), Ерасыл Жақпеков (80 кг) және Бекзат Нұрдәулетов (86 кг) Азия чемпионатына алғаш рет қатысады.Қазақстан ерлер құрамасының тізімі:48 келі: Санжар Тәшкенбай51 келі: Сәкен Бибосынов54 келі: Махмұд Сабырхан57 келі: Оразбек Асылқұлов60 келі: Бейбарыс Жексен63,5 келі: Мұхаммедсабыр Базарбайұлы67 келі: Дулат Бекбауов71 келі: Абылайхан Жүсіпов75 келі: Диас Молжігітов80 келі: Ерасыл Жақпеков86 келі: Бекзат Нұрдәулетов92 келі: Сағындық Тоғамбай+92 келі: Айбек ОралбайҚазақстан әйелдер құрамасының тізімі:48 келі: Әйгерім Сәттібаева50 келі: Алуа Балқыбекова52 келі: Жазира Орақбаева54 келі: Сымбат Әлиасқар57 келі: Ұлжан Сәрсенбек60 келі: Виктория Графеева63 келі: Аида Әбікеева66 келі: Милана Сафронова70 келі: Наталья Богданова75 келі: Диана Мағауияева81 келі: Гүлсая Ержан+81 келі: Елдана ТалиповаАйта кетейік, сары құрлық чемпионаты 29 қараша мен 11 желтоқсан аралығында өтеді.Ақпарат көзі : https://www.gov.kz/memleket/entities/tsm/press/news/details/893615