Қостанайда Қостанай құрылыс колледжінің 3–4 курс студенттері қатысқан эскиздік жобалар байқауының қорытындысы шығарылды. Байқау сәулет, құрылыс және дизайн саласындағы болашақ мамандардың шығармашылық және кәсіби әлеуетін қолдауға бағытталды.Қатысушыларға қаланың нақты қоғамдық кеңістіктері үшін концептуалдық шешімдер әзірлеу ұсынылды. Мұндай формат студенттерге оқу бағдарламасының шеңберінен шығып, алған білімдерін тәжірибеде қолдануға, қалалық ортаны дамытуға арналған тың идеялар ұсынуға мүмкіндік берді.Байқау аясында бірнеше бағыт бойынша жобалар ұсынылды. Соның бірі — эко-квартал құру, яғни Абай даңғылы мен Баймағамбетов көшесінің қиылысындағы аумақты абаттандыру тұжырымдамасы. Студенттер бұл аумақты заманауи қоғамдық кеңістікке айналдыру, сквер қалыптастыру және экологиялық абаттандыру элементтерін енгізу бойынша түрлі ұсыныстар әзірледі.Сонымен қатар қатысушылар smart-урбанистика бағытында да жобаларын ұсынды. Жобаларда заманауи технологияларды қолдана отырып шағын сәулет нысандарын жасау, сондай-ақ қала кеңістігінде ыңғайлы бағдарлауға арналған навигациялық жүйелерді енгізу қарастырылды.Байқаудың тағы бір бағыты тұрғын үй кешендерін әлеуметтік нысандармен ықпалдастыру және қалалық инфрақұрылымға экологиялық шешімдерді енгізу бойынша концептуалдық идеяларға арналды.Ұсынылған жұмыстарды қала құрылысы мен сәулет саласының мамандарынан құралған қазылар алқасы бағалады. Сарапшылар студенттердің дайындық деңгейінің жоғары екенін, идеялардың тың әрі жобалардың практикалық маңызға ие екенін атап өтті.Ақпарат көзі : https://www.gov.kz/memleket/entities/kostanay/press/news/details/1177147?lang=kk

Алматы облысының елді мекендерінде мәдени инфрақұрылымды дамыту және әлеуметтік маңызы бар нысандарды пайдалануға беру жұмыстары жүйелі түрде жалғасуда. Осындай маңызды оқиғалардың бірі Балқаш ауданының тұрғындары үшін Бақанас ауылында жаңа тарихи-өлкетану музейінің ашылуы болды.Салтанатты ашылу рәсіміне Алматы облысының әкімі Марат Сұлтанғазиев, Жетісу облысының әкімі Бейбіт Исабаев, сондай-ақ зиялы қауым өкілдері, еңбек ардагерлері, жастар және жобаның жүзеге асуына қолдау көрсеткен меценаттар қатысты.– Музей өткен мен бүгінді жалғап, тарихи жадымызды сақтауға қызмет ететін маңызды мәдени орталыққа айналады. Әрбір жәдігер, құжат пен фотосурет Балқаш ауданының бай мұрасын айшықтап, жастар, зерттеушілер мен туристер үшін ерекше құндылыққа ие болады, – деді облыс әкімі.Тарихи сабақтастық пен мәдени құндылықтарды сақтау қағидаты жаңа Конституцияда да көрініс тапқан. Онда азаматтардың тарихи және мәдени мұраларды қорғауға, тарих пен мәдениет ескерткіштеріне ұқыпты қарауға міндетті екендігі айқын көрсетілген.Марат Сұлтанғазиев Балқаш ауданы тұрғындарының әрдайым қоғамдық-саяси өмірге белсенді қатысатынын атап өтті. Оның айтуынша, алдағы референдумда да аудан тұрғындары өздерінің азаматтық жауапкершілігін танытады. Облыс әкімі ел бірлігі мен ортақ мақсаттардың арқасында Әділетті әрі Қуатты Қазақстанды бірге құруға болатынына сенім білдірді.Бұған дейін музей бұрын дәріхана орналасқан ғимаратта жұмыс істеген, алайда ол қазіргі талаптарға сай келмейтін. Аумағы 363 шаршы метрді құрайтын жаңа ғимарат жергілікті меценаттар Айгерім Исабаева мен Дархан Кәкетайдынның қолдауымен салынды. Музейде өңірдің флорасы мен фаунасына, аудан тарихына, сондай-ақ Д.А. Қонаевтың өмірі мен қызметіне арналған үш экспозициялық зал бар.Музей бөлмелерінде жәдігерлерді сақтау үшін қажетті температуралық режим қамтамасыз етілген, ал интерьер экспозиция тақырыптарына сай безендірілген. Қорында екі мыңға жуық экспонат сақталған. Залдар заманауи цифрлық ақпараттық тақталармен, аудио және бейне құрылғылармен жабдықталған.Музей меңгерушісі Ахмет Басшыбайдың айтуынша, ең құнды жәдігерлердің бірі – 1713 жылы Сауд Арабиясындағы баспаханада басылып шыққан қасиетті Құран кітабы. Сондай-ақ оның өңірге қалай келгені туралы да қызықты дерек бар. 1890 жылы жергілікті байлардың бірі Ташкенттегі жәрмеңкеде осы кітапты көріп, оны алу үшін жүз жылқы беріп, үстіне алтынмен әшекейленген қамшысын қоса сыйлаған. Осылайша бұл бірегей жәдігер Балқаш ауданына жеткізілген.Ашылу салтанаты өнерпаздардың концерттік бағдарламасымен және құрметті қонақтардың жылы лебіздерімен жалғасты. Дәстүр бойынша ақсақал бата берді. Меценат Айгерім Исабаева жаңа музей аудан тұрғындары мен қонақтары үшін маңызды мәдени орталыққа айналатынына сенім білдірді. Салтанатты түрде лента қиылғаннан кейін алғашқы келушілер музей экспозициясымен танысты.Ақпарат көзі : https://www.gov.kz/memleket/entities/almobl/press/news/details/1177074?lang=kk

 Еңбекшіқазақ көпсалалы орталық аудандық ауруханасы ауылдық денсаулық сақтау деңгейінде нағыз технологиялық серпіліс жасады.Ауылдық денсаулық сақтау саласын жаңғыртудың Ұлттық жобасын іске асыру шеңберінде ауруханада алдыңғы қатарлы ангиографиялық қондырғымен жарақтандырылған заманауи рентген интервенциялық бөлімшесі (катетеризациялық зертхана) ресми түрде ашылды.Еңбекшіқазақ көпсалалы орталық аудандық ауруханасының директоры Жәмилә Әбеуова атап өткендей, осы қол жеткізген жетістік ауылдық медицинаның жаңа деңгейге қадам басқандығын білдіреді, яғни жоғары технологиялар ауданымыздың әрбір тұрғынына тікелей тұрғылықты мекен-жайы бойынша қолжетімді болады.Бөлімшеде атқарылған үздік тәжірибенің бастапқы қол жеткізген нәтижелері жобаның өмірлік маңыздылығын көрсетіп отыр: дәрігерлер алғашқы пациенттерге коронарографиялық зерттеулерді сәтті түрде жүзеге асырды. Диагностика жүргізілген бір жағдайда тамырлардың аса күрделі асқынғандығын анықтады, бұл дереу операциялық шара қолданылуын талап етті.Аудандық аурухана тарихында алғаш рет күрделі операция - коронарлық артерияларды стенттеу - аурухана базасында, пациентті облыс орталығына немесе Алматыға шұғыл тасымалдаудың қажеттілігінсіз орындалды.Жүректің ишемиялық ауруын диагностикалаудың «алтын сағаты» форматында көмек көрсету стандартын енгізу - дәрігерлерге қысқа мерзімде емдеу тактикасын анықтауға және адамдардың денсаулығы мен өмірін сақтай отырып, төменинвазивті араласуларды жүзеге асыруға мүмкіндік береді.Енді бұрын ірі мегаполистерде ғана қолжетімді болған жоғары технологиялық эндоваскулярлық көмек ауыл тұрғындары үшін нағыз қолжетімді көмек түрі болып отыр. Бұл медицинаның қолжетімділігін арттырып қана қоймай, пациенттерді бағыттау бейінін түбегейлі өзгертіп, диагноз қоюдан бастап операция жасалғанға дейінгі мерзімнің жеделдетілгендігін, жоспарлы көмек көрсету кезіндегі тұрғындар шығыны да азайғандығын білдіреді. Бұл ауқымды жоба Қазақстан Республикасы Денсаулық сақтау министрлігі мен Алматы облысы әкімдігінің жүйелі қолдауының арқасында жүзеге асырылғандығын атап өту керек.Инфрақұрылымды жаңғырту және ангиографиялық қызметтің іске қосылуы аудан тұрғындары үшін сапалы және жедел денсаулық сақтау саласын дамытудағы жаңашылдық қадамы болып, Еңбекшіқазақ КОАА мамандандырылған кардиологиялық көмектің қуатты өңірлік хабына айналдырады.Ақпарат көзі : https://www.gov.kz/memleket/entities/almobl/press/news/details/1177073?lang=kk

Денисов ауданында республикалық «Қарлы десант» акциясы аясында еріктілер жалғызбасты зейнеткерге көмек көрсетіп, игі іс атқарды.Акцияның басты мақсаты – қарттарға қолдау көрсету, қоғамда мейірімділік пен өзара көмектесу мәдениетін қалыптастыру. Бұл бастама аудан жастарының белсенділігін арттырып, үлкен буынға құрмет көрсету дәстүрін дәріптеуге бағытталған.Шара барысында ауданның белсенді жастары жалғыз тұратын зейнеткердің үйіне барып, ауласы мен үй маңындағы аумақты қардан тазартты. Шамамен 10 ерікті бірлесе жұмыс істеп, 1,5 сағаттың ішінде аула ішін толықтай қардан аршып шықты.«Қарлы десант» акциясы қыс мезгілінде дәстүрлі түрде өткізіліп, жалғызбасты қарттарға, мүмкіндігі шектеулі жандарға және әлеуметтік тұрғыдан осал санаттағы азаматтарға көмек көрсетуге бағытталған.Ақпарат көзі : https://www.gov.kz/memleket/entities/kostanay/press/news/details/1177071?lang=kk

Ыстанбұл, 2026 жылғы 7 наурыз – Түркі мемлекеттері ұйымы cыртқы істер министрлері кеңесінің бейресми отырысы өтті.Іс-шараға Қазақстан делегациясын Қазақстан Республикасы Сыртқы істер министрінің орынбасары Әлібек Бақаев бастап барды.Отырыс Түркия Республикасы Сыртқы істер министрі Хакан Фиданның төрағалығымен өтті. Жиынға ТМҰ-ға мүше мемлекеттер – Әзербайжан, Қазақстан, Қырғызстан және Өзбекстан сыртқы істер министрлері, сондай-ақ Ұйымның Бас хатшысы қатысты.Кездесу барысында қатысушылар өңірлік және жаһандық өзекті мәселелер бойынша пікір алмасты. Сонымен қатар саяси диалогты одан әрі нығайту, институционалдық ынтымақтастықты кеңейту және түркі әлеміндегі өзара іс-қимыл мен интеграцияны тереңдетуге бағытталған бірлескен бастамаларды ілгерілету перспективалары талқыланды.Түркі мемлекеттері ұйымы аясында жоспарланған алдағы іс-шараларға дайындық мәселелеріне, сондай-ақ ынтымақтастықтың негізгі бағыттары бойынша мүше мемлекеттер арасындағы үйлестіруді күшейтуге ерекше назар аударылды.Іс-шара аясында Ә.Бақаев өзге делегация басшыларымен бірге Түркия Республикасы Президенті Режеп Тайип Ердоғанның қабылдауында болды. Сұхбат барысында Қазақстан мен Түркия арасындағы стратегиялық серіктестікті одан әрі нығайту мәселелері, сондай-ақ түркі ынтымақтастығы шеңберіндегі өзара іс-қимылды дамыту перспективалары талқыланды.Тараптар бауырлас түркі мемлекеттері арасындағы ынтымақтастықты одан әрі нығайтуға және түркі әлемінің халықаралық әрі өңірлік үдерістердегі рөлін арттыруға өзара мүдделілік білдірді.Іс-шара қорытындысы бойынша ТМҰ Сыртқы істер министрлерінің Таяу Шығыстағы соңғы оқиғаларға қатысты бірлескен мәлімдемесі қабылданды, сондай-ақ ТМҰ+ форматында үшінші тараптармен ынтымақтастық туралы ереже бекітілді.Ақпарат көзі : https://www.gov.kz/memleket/entities/mfa/press/news/details/1177069?lang=kk

8 наурыз – Халықаралық әйелдер күні мерекесіне орай шын жүректен шыққан құттықтауымды қабыл алыңыздар!Тіршілікті түлеткен көктем мерекесі жанымызды жадыратып, бойымызға күш-қуат пен сарқылмас жігер сыйлайды. Осы рух пен жігер әйелдердің ел дамуына қосқан үлесін айқындап, олардың қоғамдағы белсенділігін көрсетуге мүмкіндік береді.Қазақстан Республикасының Президенті Қасым-Жомарт Тоқаевтың басшылығымен жүргізіліп жатқан жүйелі мемлекеттік саясаттың арқасында қыз-келіншектердің экономикадағы, саясат пен қоғамдық қызметтегі рөлі жыл өткен сайын арта түсуде. Әйелдер барлық салада жемісті еңбек етіп, тәуелсіздігімізді нығайтып, елімізді өркендетуге белсенді атсалысып келеді. Осы орайда, әскери қызмет саласына да әйелдердің қосқан үлесі ерекше атап өтуге тұрарлық. Бүгінгі мерекеде ер азаматтармен бірге жауынгерлік қызмет атқарып, жауапкершілігі жоғары кәсіби маман ретінде әскери борышқа адалдық танытып жүрген әйел әскери қызметшілерге айрықша алғыс білдіремін. Сіздердегі төзім мен табандылық, тәртіп пен ұқыптылық шынайы патриотизмнің үлгісіне айналған. Қарулы күштердегі азаматтық персонал санатындағы әйелдерге де алғысым шексіз. Сіздердің адал еңбектеріңіз әскери құрылымның тұрақты жұмысына кепілдік береді, әрі қойылған міндеттердің сәтті орындалуына ықпал етеді.Сонымен қатар, әскери қызметтің барлық қиындығын жұбайларымен бірге бөлісіп жүрген әскери қызметшілердің әйелдеріне де риясыз ризашылығымды білдіремін. Сіздер отбасының жылуын сақтап, жас ұрпақты Отанды сүюге және әскери мамандықты құрметтеуге тәрбиелеп келесіздер. Отан қорғаушылары үшін ең басты тірек – Сіздердің қолдауларыңыз. Әйелдердің өзін-өзі дамыту мүмкіндіктерін кеңейту, тең құқық пен сыйластық қағидаларын нығайту Қарулы күштердің дамуы үшін маңызды бағыт болып қала беретініне сенімдімін. Сіздердің еңбектеріңіз ұлттық қауіпсіздікті қамтамасыз ету мен қоғамдық тұрақтылыққа айтарлықтай үлес қосады.Көктем мерекесі көңілдеріңізге шаттық сыйласын!Баршаңызға зор денсаулық, мол бақыт, бақ-береке, толағай табыс тілеймін! Құрметпен,Қазақстан Республикасының Қорғаныс министріавиация генерал-лейтенанты     Д.ҚосановАқпарат көзі : https://www.gov.kz/memleket/entities/mod/press/news/details/1177054?lang=kk

«Шошқалы» полигонында 32363 әскери бөлімінің жеке құрамы оқу-жауынгерлік тапсырмалар кешенін орындады.Әскери қызметшілер шартты қарсыласқа атыс соққысын ұйымдастырып, әр түрлі штаттық қару-жарақтан оқ ату жаттығуларын пысықтады.– Роталық тактикалық оқу-жаттығу – жауынгерлік даярлықтың маңызды кезеңі. Жеке құрам тапсырмаларды ұрыс қимылына барынша жақын жағдайда орындады. Бізге бөлімшенің үйлесімді іс-әрекеті және бұйрықтардың нақты орындалуы маңызды болды, – деді 32363 әскери бөлімінің рота командирі гвардия капитаны Ақниет Шышнаби.Жалпы оқу-жаттығу бөлімшелердің жауынгерлік әзірлігін арттыруға, командирлердің бөлімшелерді басқару дағдыларын жетілдіруге, жеке құрамның кәсіби шеберлігі мен далалық машығын дамытуға бағытталды.Оқу-жаттығу қорытындысына келсек, бөлімшелердің оқу-жауынгерлік тапсырмаларды орындау кезіндегі әрекетіне, олардың үйлесімді іс-қимыл деңгейі мен міндеттерді мақсатқа сай орындауға дайындығына нақты баға берілді.Ақпарат көзі : https://www.gov.kz/memleket/entities/mod/press/news/details/1176957?lang=kk

Өскемен гарнизонындағы оқу-жаттығу полигонында Т-72 жауынгерлік машинасынан штаттық атыс жаттығулары орындалды. Оған танк батальонының басқармасы, офицерлер мен келісімшарт бойынша әскери қызметшілер қатысты.Танк экипаждары ұрыс жағдайына келтіріліп, түрлі қашықтықтағы нысаналарды жою тапсырмаларын орындады. Әсіресе атысты басқару кезінде жедел шешім қабылдауға, сондай-ақ экипаждардың үйлесімді іс-қимылына айрықша көңіл бөлінді.– Бұл оқу-жаттығуда танк экипаждары нақты әрі бірізді жұмысын көрсете білді. Жеке құрам жауынгерлік техниканы жетік меңгерген, дайындық деңгейі де жоғары. Мұндай іс-шаралар жауынгерлік қабілетімізді арттырып, кез келген күрделі тапсырмаларды орындауға дайындығымызды күшейтеді, – деді 2-танк ротасының командирі лейтенант Ерболат Еңсебаев.Танк қаруынан штаттық снарядпен ату танкистер үшін жауынгерлік дайындықтың негізгі элементтерінің бірі саналады. Экипаждар штаттық қару-жарақтан дәл атуға дағдыланып, атысты басқару машығын жетілдіреді.Жаттығу барысында әскери қызметшілер нысаналарды дәл жойып, бөлімше құрамында үйлесімді әрекет ету дағдыларын көрсетті. Атыс жаттығулары барлық қауіпсіздік талаптарын қатаң сақтай отырып, ұйымдасқан түрде өтті.Ақпарат көзі : https://www.gov.kz/memleket/entities/mod/press/news/details/1176917?lang=kk

Астана, 2026 жылғы 6 наурыз - Қазақстан Республикасы Сыртқы істер министрінің бірінші орынбасары Ержан Ашықбаев Қазақстанға алғаш сапармен келген Халықаралық Қызыл Крест комитетінің (ХҚКК) Президенті Мирьяна Споляричпен кездесті.Е.Ашықбаев БҰҰ Жарғысы мен халықаралық құқыққа негізделген көпжақты жүйеге Қазақстанның қолдауын растады. Сондай-ақ, еліміздің халықаралық гуманитарлық құқық нормаларын толық сақтауды қамтамасыз ету жөніндегі жаһандық күш-жігер аясында ХҚКК-мен екіжақты ынтымақтастықты кеңейтуге ұмтылысын атап өтті.М.Сполярич халықаралық қауіпсіздікті нығайтуға және қазіргі заманғы жаһандық сын-қатерлерді еңсеруге бағытталған халықаралық бастамаларды ілгерілетудегі Қазақстанның үлесін жоғары бағалады  және осы тұрғыда өзара іс-қимылды жандандыруға дайындығын растады.Сұхбаттастар Халықаралық гуманитарлық құқыққа саяси бейілдікті күшейту жөніндегі Жаһандық бастама шеңберіндегі бірлескен іс-қимылдарды, сондай-ақ 2026 жылдың соңында Амман қаласында (Иордания) өтетін соғыс уақытындағы гуманизм мәселелері жөніндегі жоғары деңгейдегі конференцияға дайындық барысын талқылады.Тараптар Қазақстан мен ХҚКК арасындағы халықаралық, өңірлік және ұлттық деңгейлердегі ұзақ мерзімді ынтымақтастықты одан әрі нығайтуға өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1176886?lang=kk

Премьер-Министрдің орынбасары – ұлттық экономика министрі Серік Жұманғарин Ұлттық экономика министрлігінің қызметкерлерін 8 наурыз – Халықаралық әйелдер күнімен құттықтады.Ол әйелдердің жоғары кәсібилігін, жауапкершілігін және елдің әлеуметтік-экономикалық дамуына қосқан елеулі үлесін атап өтті."Әйел қоғам мен отбасы өмірінде маңызды рөл атқарады. Оның еңбегі, қамқорлығы мен жауапкершілігі мемлекеттің дамуына және отбасылық құндылықты нығайтуға елеулі үлес қосады", - деп атап өтті Серік Жұманғарин салтанатты жиында.Бүгінде Ұлттық экономика министрлігінің жүйесінде 400-ге жуық әйел жұмыс істейді. Оның 100-ден астамы басшылық лауазымда мемлекеттік экономикалық саясатты қалыптастыруға және іске асыруға қатысуда.Қызметкерлердің кәсіби жоғары дайындық деңгейі халықаралық біліммен расталған. "Болашақ" халықаралық стипендиясының 10 иегері бар. 29-ы шетелдік жоғары оқу орнында білім алған. Министрлік қызметкерлері түрлі деңгейдегі жарыстарда жүлделі орындарға ие бола отырып, спорттық өмірге белсенді қатысады. Жетістіктер қатарында мемлекеттік қызметшілер арасындағы тоғызқұмалақтан өткен турнирден бірінші орын, жеңіл атлетикадан қалалық жарыстарда жүлделі орындар, сондай-ақ орталық мемлекеттік органдар арасындағы спартакиадаларда жеңістер мен жүлделі орындар (2024 жылы 1-орын, 2025 жылы 2-орын) бар.Салтанатты жиын барысында вице-премьер саланың дамуына елеулі үлес қосқан әйелдерге мемлекеттік наградаларды табыс етті."Құрмет" орденімен марапатталғандар:* Ұлттық экономика министрлігі Табиғи монополияларды реттеу комитетінің Алматы облысы бойынша департаментінің басшысы Гүлмира Өтегенова;* "Экономикалық зерттеулер институты" АҚ Бас ғылыми қызметкері Шахарбану Жақыпова."Ерен еңбегі үшін" медалімен марапатталғандар:* Еңбек ардагері Бақыт Дүйсебаева;* "Микрография ғылыми-зерттеу институты" республикалық мемлекеттік мекемесінің операторы Айгүл Бекешева."Заман-Банк" Ислам Банкі" АҚ Басқарма төрағасы Гүлфайруз Асаева.Ақпарат көзі : https://www.gov.kz/memleket/entities/economy/press/news/details/1176875?lang=kk

Астана, 2026 жылғы 6 наурыз – Қазақстан Республикасының Сыртқы істер министрі Ермек Көшербаев Түркия Республикасының Сыртқы істер министрі Хакан Фиданмен телефон арқылы сөйлесті.Сұхбат барысында министрлер Таяу Шығыстағы қазіргі ахуалды және оны деэскалациялау мүмкіндіктерін талқылады. Түрік тарапы Түркия мен Әзербайжан аумақтарына жасалған әскери шабуылдарға байланысты елеулі алаңдаушылық білдірді.Сыртқы саяси ведомстволардың басшылары екі ел арасындағы сауда-экономикалық қатынастарды одан әрі дамытуға өзара бейілділігін растады.Сұхбат қорытындысы бойынша екі мемлекеттің сыртқы істер және көлік министрліктері деңгейінде кездесу өткізу туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa/press/news/details/1176873?lang=kk

Қостанай облысының әкімі Құмар Ақсақалов  «Әлемнің жарығы» атауымен өткен мерекелік концертте аймағымыздағы әйелдер қауымын 8 Наурыз – Халықаралық әйелдер күні мерекесімен құттықтады.Сұлулық пен жылулықтың символына айналған әйел – отбасының берекесі, шаңырақтың тұтқасы. Ол – жан-жарының сенімді серігі, перзентінің мейірімді анасы, әулеттің ұйытқысы.XXI ғасырда біздің қазақстандық әйелдер ғылымда, білімде, медицинада, мемлекеттік басқаруда, бизнесте, мәдениетте және халықаралық дипломатияда өздерін табысты көрсетіп келеді.Қазіргі заманғы әйелдер жаңа мамандықтарды батыл меңгеруде. Олар еркін қоғамда өмір сүруді таңдап, лайықты өмір сүру деңгейіне ұмтылады. Дегенмен олар отбасының тірегі, жылулық пен адамгершілік құндылықтарының сақтаушысы ұғымынан алыстаған емес.«Мемлекет басшысы Қасым-Жомарт Тоқаевтың бастамасымен жүзеге асырылып жатқан адамға бағдарланған конституциялық реформа мемлекеттік саясаттың басым бағыттары ретінде әйелдерге жан-жақты жағдай жасауды, олардың құқықтарын қорғауды және отбасы институтын нығайтуды көздейді. Бүгінгі мейрам күні сіздерге зор денсаулық, мол бақыт, құт-береке, көктемгі көңіл күй және жаңа жетістіктер тілеймін. Әр шаңырақта бейбітшілік, татулық пен қуаныш орнасын!», – деді аймақ басшысы құттықтау лебізінде.Салтанатты шарада облыс әкімі өңірдегі еңбегімен еленген нәзік жандарды мемлекеттік наградалармен марапаттады.Жиын мерекелік концертке ұласты.Ақпарат көзі : https://www.gov.kz/memleket/entities/kostanay/press/news/details/1176529?lang=kk

Қостанай облысының әкімі Құмар Ақсақалов мүмкіндігі шектеулі балаларға арналған 60 орындық реабилитациялық орталықтың жұмысымен танысты.Бұл кешен Мемлекет Басшысының тапсырмасына сәйкес өткен жылы ашылған болатын.Орталықты заманауи реабилитациялық құрал-жабдықтармен қамтамасыз етуге «Қазақстан халқына» Қоғамдық қоры 1 млрд теңге бағыттады.Реабилитациялық орталық балалардың денсаулығын жақсартуға және әлеуметтік оңалтуға бағытталған барлық арнайы әлеуметтік қызметтер кешенін ұсынады.«Егер бұрын облыс орталығындағы 20 төсек-орынға арналған жалғыз реабилитациялық мекемеде жылына шамамен 400 бала ғана оңалту курсынан өте алса, қазір реабилитациямен қамту бір жарым жастан 18 жасқа дейінгі кемінде 900 баланы құрайды», – деді Құмар Ақсақалов.Аймақ басшысы сонымен қатар, тағы бір жобаны қолға алғанын айтты. Ол «Қазақстан халқына» қорының қолдауымен Қостанай қаласында мүмкіндігі шектеулі жандарға арналған дене шынықтыру-сауықтыру кешенін салу туралы келісім. Нысанның құрылысы биыл басталады.Ақпарат көзі : https://www.gov.kz/memleket/entities/kostanay/press/news/details/1176188?lang=kk

Қостанайда «Аймақтың экономикалық дамуы: салалараралық диалог» тақырыбында дөңгелек үстел отырысы өтті.Сала басшылары, кәсіпкерлер, қаржы мекемелерінің өкілдері, облыстық мәслихат депутаттары бас қосқан жиында өңірдің әлеуметтік-экономикалық дамуы, жаңа Конституция жобасы талқыланды.Облыс әкімі Құмар Ақсақалов алдағы референдумның ашық әрі әділ өтуі маңызды екенін атап өтіп, жаңа Конституцияның басты қағидалары адами капиталды дамытуға, азаматтық құндылықтарды қорғауға бағытталғанын баса айтты.«15 наурызда жаңа Конституцияны қабылдау бойынша республикалық референдум өтеді. Конституцияның преамбуласында алғаш рет адамға деген құрмет, жауапкершілік және әділдік қағидаттары негізгі құндылықтар ретінде көрсетіліп отыр. Бұл мемлекеттік саясаттың басты басымдығы – адам, оның құқықтары мен өмір сүру сапасы екенін айқындайды», – деді аймақ басшысы.Облыс басшысының айтуынша, өңір экономикасы өркендеген сайын, халықтың әл-ауқаты артып келеді. Көптеген жаңа жұмыс орындары ашылып, тұрғындардың табысы едәуір өскен. Заманауи инфрақұрылымның өрісі кеңейіп, жастардың сапалы білім алуына қажет жағдайдың бәрі жасалып отыр.«Соңғы жылдары мемлекет білімге, ғылымға, инновацияға, ең бастысы – адам капиталын дамытуға айрықша көңіл бөлуде. Жаңа Конституцияның Преамбуласында алғаш рет мемлекеттің негізгі басымдығы ретінде адамға деген құрмет, жауапкершілік пен әділеттілік қағидаттары қойылып отыр. «Адам – мемлекет үшін емес, мемлекет – адам үшін» деген ұстаным мемлекеттің барлық саясатының өзегіне айналуда», – деді Құмар Ақсақалов.Инвестиция тарту мақсатында облыста жалпы құны 2,4 трлн теңгені құрайтын 79 жобадан тұратын пул қалыптасты. Онда 13,2 мың жаңа жұмыс орнын ашуды көзделген.2025 жылы 337,3 млрд теңге көлемінде 12 индустриялық жоба іске қосылып, 3,5 мың жаңа жұмыс орны құрылды.Ауыл шаруашылығы тауар өндірушілеріне көрсетілген мемлекеттік қолдаудың арқасында соңғы екі жылда өндіріс көлемі 48%-ға артты.Мал шаруашылығын одан әрі дамыту үшін биыл жайылымдық мал шаруашылығы жобаларын іске асыруға және жайылым инфрақұрылымын дамытуға 50 млрд теңге қарастырылған.Соның арқасында аймағымыз агроөнеркәсіптік кешенінің өңделген өнімдерін экспорттау көлемі жағынан республикада көшбасшы болып қала береді.Өңірдегі жоғары оқу орындарының базасында әлемнің жетекші университеттерімен қос диплом білім беру бағдарламалары іске қосылды. Машина жасау, металлургия және тау-кен ісі, экономика және құрылыс, энергетика және ақпараттық жүйелер салаларында Жоғары мектептер, колледждерде кадрларды алдын ала даярлау үшін 21 жаңа мамандық ашылған.«Мемлекет Басшысы атап өткендей, «Әділетті Қазақстан – әр өңірден, әр ауылдан, әр азаматтың өмірінен басталады». Алда үлкен саяси науқан күтіп тұр. Ол еліміздің ертеңіне тікелей байланысты шешімдер болмақ. Барша қостанайлықтарды жаңа Конституция жобасын қолдап, ел жаңғыруына өз үлесін қоса береді деп сенемін», – деді облыс әкімі.Алқалы кеңесте облыстық мәслихат төрағасы Сайлаубек Ещанов, «Атамекен» кәсіпкерлер палатасы өңірлік филиалының директоры Ренат Дәулетбаев «Еуразия банкі» филиалының директоры Қырмызы Жаңбыршина сөз сөйлеп, жаңа Конституция тетіктерін баяндады.Ақпарат көзі : https://www.gov.kz/memleket/entities/kostanay/press/news/details/1176150?lang=kk

Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен өткізілген сыртқы сауда және халықаралық экономикалық ұйымдарға қатысу мәселелері жөніндегі Ведомствоаралық комиссияның (ВАК) отырысында еліміздің азық-түлік және экономикалық қауіпсіздігіне әсер ететін бірқатар түйінді мәселе қаралды.Картопты экспорттауға тыйым салынбайдыІшкі нарықтағы бағаның айтарлықтай тұрақтануын және жеткілікті қор бар екенін ескере отырып, картоп экспортына уақытша шектеу енгізудің жөнсіздігі туралы шешім қабылданды.Сиыр етін экспорттаушыларға квота беру талабы жеңілдетіледіКвота бөлудің қолданыстағы тетігі кемінде 5 мың басқа арналған жеке бордақылау алаңы мен өзінің ет комбинатының болуы секілді бірқатар талапты көздейді. Шешім қабылдау кезінде ВАК-қа қатысушылар Үкімет бекіткен Мал шаруашылығын дамытудың кешенді жоспарын да назарға алды. Құжат ірі қара мал санын 7,9 млн-нан 12 млн басқа арттыруды, сондай-ақ экспорттық әлеуетті нығайтуды және қазақстандық сиыр етін өткізудің жаңа нарығын ашуды көздейді. Ауыл шаруашылығы министрлігі квота бөлудің қолданыстағы ережесіне тиісті өзгеріс енгізеді.Сонымен қатар аналық мал басын сақтау және отандық қайта өңдеу кәсіпорындарын шикізатпен қамтамасыз ету мақсатында Қазақстаннан ірі қара мен ұсақ малдың аналық басын, сондай-ақ ІҚМ бұқашықтарын, оның ішінде ЕАЭО-ға мүше мемлекеттерге әкетуге тыйым салуды ұзарту туралы шешім қабылданды.Алты айға дейін тауық жұмыртқасын ЕАЭО елдерінен импорттауға тыйым салынадыҚазіргі уақытта Қазақстанда 70 құс фабрикасы жұмыс істейді. Оның 34-і жұмыртқа, 29-ы ет, 7-еуі асыл тұқым өндіреді. 2025 жылдың қорытындысы бойынша тауық жұмыртқасының өндірісі 2,4%-ға, 4 568,5 млн данаға артқан. Ішкі нарықтағы отандық өндіріс 98%-ды құрады. Тиісті бұйрықты Ауыл шаруашылығы министрлігі қабылдайды.Сондай-ақ жиында темір жол жылжымалы құрамы мен темір жол төсемінің элементтері үшін құрамдас бөліктерді үшінші елдерден импорттауға тыйым салуды енгізудің орындылығы туралы мәселе қаралды. Талқылау барысында отандық жиынтықтаушы өндірушілердің, локомотив өндірушілер мен тұтынушылардың, оның ішінде «ҚТЖ» АҚ-ның ұстанымдары тыңдалды.Талқылау қорытындысы бойынша импортқа шектеулер енгізудің орынсыз екені туралы шешім қабылданды. Сонымен қатар «Қазақстан темір жолы» АҚ-ға теміржол жылжымалы құрамына арналған қосалқы бөлшектер мен теміржол төсемі элементтерін сатып алу кезінде отандық өндірушілерге басымдық беруді қамтамасыз ету тапсырылды. Ақпарат көзі : https://www.gov.kz/memleket/entities/economy/press/news/details/1176158?lang=kk

Бүгінгі таңда әйелдер кәсіпкерлігі экономика өсуінің негізгі нүктесінің бірі. 2025 жылы Қазақстанда бір миллионнан астам әйел шағын және орта бизнесті басқаруда. Бұл шағын және орта кәсіпкерлік субъектілерінің  48,1%-ы. Әйелдер сауданы, қызметтерді, сұлулық индустриясын, қоғамдық тамақтануды, білім беру жобаларын, сондай-ақ экологиялық және әлеуметтік бастамаларды батыл дамытуда. Олар өңір экономикасын нығайта әрі заманауи даму трендін қолдай отырып, тұрақты, технологиялық және қоғамдастыққа бағытталған кәсіпорындар құруда.ҚР Ұлттық экономика министрлігінің қолдауымен елімізде 20 Кәсіпкерлерге қызмет көрсету орталығы және шағын қалалар мен ауылдарда 164 өңірлік орталық жұмыс істейді. Олар қызметтерді ақысыз ұсынып, ісін жаңа бастаған және жұмыс істеп тұрған кәсіпкерлерді қамтиды.Бүгінгі таңда әйелдер кәсіпкерлігін қолдау үшін төрт негізгі құрал бар.Біріншісі — ақпараттық-консультациялық көмек. Әйелдер негізгі сұрақтарға жауап алады: бизнесті қалай тіркеу, ЭҚЖЖ таңдау, құжат ресімдеу, мемлекеттік қолдауды пайдалану және тендерлерге қатысу.  2026 жылғы 1 қаңтарда 16 326 әйелге 60 249 қызмет көрсетілді.Екіншісі — жұмыс істеп тұрған бизнесті сервистік қолдау. Бұл бухгалтерлік есеп, салық, есептілік, "1С", бизнес-жоспар мен ілгерілету стратегиясын әзірлеу. Барлығы 6 410 әйелге 7 106 қызмет ұсынылды.Үшінші құрал — "Іскерлік байланыстар". Кәсіпкерлер шетелдік әріптестермен байланыс орнатып. шетелде тағылымдамадан өтеді. Бағдарламаны 36 кәсіпкер, оның ішінде 10 әйел аяқтады.Төртінші құрал — жергілікті өндірушілердің әлеуетін ашуға көмектесетін және ауылдық жердің экономикалық дамуын күшейтетін "Бір ауыл-бір өнім" жобасы. Бүгінгі таңда қатысушылардың 90%-ы әйелдер. 1 мыңнан астам қатысушы кеңес алса, оның ішінде 742-сі әйел. 38-і финалист атанды. Жоба 5 млн теңгеге дейін мемлекеттік грант алуға және оқытуда, брендингте және өнімді жылжытуға қолдау алуға мүмкіндік береді.Тағы бір бағыт — ЕҚДБ-мен бірлескен "Бизнестегі әйелдер " бағдарламасы. 2015 жылдан бастап 565 консалтингтік және коучингтік жоба өткізілген. Қазақстанның түкпір-түкпіріндегі 10 мыңға жуық кәсіпкер "Микробизнестегі әйелдер” бес модульді онлайн бағдарламасына қатысты. Мемлекеттік субсидиялау және кепілдік беру құралдары кәсіпкер әйелдер үшін қаржы мен бизнесті дамытуға тең жағдай жасайды.Кредиттер бойынша сыйақы мөлшерлемесінің бір бөлігін субсидиялау құралы 13,2%, ал әлеуметтік кәсіпкерлер үшін 12,2% ставка бойынша беріледі. Несиелер 3 жылға дейін 200 млн теңгеге дейін беріледі.Барлығы 3373 жоба 365,7 млрд теңгеге қолдау тауып, 268,5 млрд теңге субсидия төленді.Оның ішінде 1423 жоба, яғни 42% - әйелдердікі. Несие сомасы 119,7 млрд теңге.Кепіл жетіспейтін кәсіпкерлер үшін мемлекет кепілдік береді.1 және 2 Кепілдік қорлары шеңберінде кепілдік беру құралы. Бұл тетік шағын және орта бизнеске 7 млрд теңгеге дейін ірі несие алуға көмектеседі. Кепілдіктің ең жоғары мөлшері-85% дейін, бірақ 3,5 млрд теңгеден аспайды.603,4 млрд теңгеге 3 110 жобаға қолдау көрсетіліп, 304,2 млрд теңгеге кепілдік берілді.Оның ішінде 1 262 жобаны әйелдер іске асырған: олар 67,7 млрд теңгеге кепілдікпен 132,4 млрд теңгеге несие алды.Қазақстандағы әйелдер кәсіпкерлігін қолдау шаралары шағын және орта бизнесті дамытуға ықпал етіп қана қоймай, сонымен қатар "Гендерлік теңдікті қамтамасыз ету және барлық әйелдер мен қыздардың құқықтары мен мүмкіндіктерін кеңейту" тұрақты даму мақсатына қол жеткізуге елеулі үлес қосады. Әйелдер кәсіпкерлігін қолдау бағдарламаларын дамыту, қаржыландыруға қол жеткізу, сондай-ақ оқыту мен тәлімгерлік әйелдер үшін қосымша мүмкіндік туғызып, Қазақстанда гендерлік теңдікке қол жеткізудегі прогресті жеделдетеді.Ақпарат көзі : https://www.gov.kz/memleket/entities/economy/press/news/details/1176001?lang=kk

Ұлттық әскери-патриоттық орталықта Халықаралық әйелдер күні мен Наурыз мейрамына арналған «Көктем шақырады» көрмесінің салтанатты ашылу рәсімі өтті.Бұл жолғы экспозицияда Қазақ ұлттық өнер университеті студенттерінің ең үздік жұмыстары ұсынылып отыр.– Біз өнерді жастардың бойына патриотизм рухын сіңіретін, әрі қазақтың өзіндік ерекшелігі мен дәстүрлерін дәріптейтін құрал деп қабылдаймыз. Сондықтан біздің музей тек әскери тарих қоры ғана емес, жас таланттарға жол ашатын мәдени орталық та болып отыр, – деді Әскери-тарихи музейдің бастығы Дәулет Қадыров.Студенттер өз жұмыстарын сурет, графика, мүсін, сценография, қолданбалы өнер және дизайн бағыттарында ұсынған.– Біз Әскери-тарихи музейге студенттерімізді қолдап, олардың өнерін халыққа көрсету мүмкіндігін бергені үшін шексіз алғыс айтамыз. Бүгінде бұл игі іс-шара дәстүрлі сипатқа ие болды, – дейді Қазақ ұлттық өнер университетінің факультет деканы Арыстан Смағұлов.Өнер университетінің студенті Дария Дидарқызы көрмеге «Бәйшешек», «Қызғалдақтар», «Бүркітші қыз» және «Құсбегі» деп аталатын төрт жұмысын әкеліп отыр. Ол ұйымдастырушыларға құнды тәжірибе алу мен идея бөлісу мүмкіндігін бергені үшін алғысын білдірді.Әскери-тарихи музейдің атриумында жүзге жуық жас суретшінің жұмыстары қойылған. Астана тұрғындары мен қонақтары алдағы бір ай бойы көрмемен таныса алады.Ақпарат көзі : https://www.gov.kz/memleket/entities/mod/press/news/details/1175913?lang=kk

Министрлік 2025 жылғы 31 желтоқсандағы жағдай бойынша Әлеуметтік кәсіпкерлік субъектілерінің тізілімін бекітті. Оған 1431 әлеуметтік кәсіпкерлік субъектісі енгізілген. Ал 2024 жылғы қорытынды бойынша тізілімде 835 кәсіпорын болған.Тізілімге сәйкес, әлеуметтік кәсіпкерлердің көбі Астана мен Алматы қаласында, сондай-ақ Батыс Қазақстан, Алматы және Абай облыстарында шоғырланған.Қызмет түрлері бойынша әлеуметтік кәсіпкерлердің шамамен 60% - ы білім беру, 20% - ы әлеуметтік қызмет көрсету, тағы 10% - ы денсаулық сақтау, 10% - ы-басқа салада жұмыс істейді.Тізілімді қалыптастыру және жүргізу облыстардың, республикалық маңызы бар қалалардың және астананың жергілікті атқарушы органдары ұсынатын мәліметтер негізінде жүзеге асырылады. Өтінімдерді алдын ала арнайы комиссия қарайды.Комиссияның негізгі міндеті — Әлеуметтік кәсіпкерлік саласындағы қызметті жүзеге асыратын дара кәсіпкерлер мен заңды тұлғаларды (ірі кәсіпкерлік субъектілерін қоспағанда) Тізілімге енгізу бойынша ұсыным әзірлеу.Қолданыстағы заңнамаға сәйкес, Тізілімді Министрлік жыл сайын өткен күнтізбелік жылғы 31 желтоқсандағы жағдай бойынша ағымдағы жылғы 1 наурызға дейін бекітеді.Еске салсақ, Қазақстанда әлеуметтік кәсіпкерліктің жұмыс істеуі үшін заңнамалық негіз 2021 жылы қалыптасты. Содан кейін нормативтік деңгейде "әлеуметтік кәсіпкерлік" ұғымы, яғни азаматтар мен қоғамның әлеуметтік мәселелерін шешуге арналған кәсіпкерлік қызмет бекітілді.Әлеуметтік кәсіпкерлікке мүгедектігі бар адамдар құрған кәсіпорындар, сондай-ақ ерекше қажеттілігі бар адамдар мен халықтың әлеуметтік осал тобы өкілдері үшін жұмыс орнын қамтамасыз ететін бизнес жатады.  Ақпарат көзі : https://www.gov.kz/memleket/entities/economy/press/news/details/1175582?lang=kk

Қазақстан Республикасы Сыртқы істер министрдің орынбасары Арман Исетов Грек Республикасының Елшісі Антония Кацуруды қабылдады.Кездесу барысында тараптар қазақ-грек ынтымақтастығының өзекті мәселелері мен перспективаларын, сондай-ақ жоғары деңгейдегі байланыстар кестесін талқылады. Саяси диалог пен сауда-экономикалық, мәдени-гуманитарлық салалардағы өзара әрекеттестіктің оң динамикасы аталып өтті.«Грекия – Жерорта теңізі өңіріндегі Қазақстанның маңызды серіктесі. Біз шарттық-құқықтық базаны кеңейтуге және екіжақты деңгейде де, халықаралық ұйымдар аясында да ынтымақтастықты тереңдетуге дайын екенімізді білдіреміз», – деп атап өтті А.Исетов.Өз кезегінде, А.Кацуру Афинаның Қазақстанмен жан-жақты байланыстарды одан әрі нығайтуға ұмтылысын атап, туризм саласындағы ынтымақтастыққа ерекше назар аударды.Кездесу соңында тараптар саяси диалогты тұрақты түрде қолдауға және барлық бағыттар бойынша қазақ-грек серіктестігін кеңейту бойынша жұмысты жалғастыруға келісті. Ақпарат көзі : https://www.gov.kz/memleket/entities/mfa/press/news/details/1175390?lang=kk

Ағымдағы жылдың 4 наурызында Қостанай облысының әдеп жөніндегі уәкілі Қ. Сюндиков және Қазақстан Республикасы Мемлекеттік қызмет істері агенттігінің Қостанай облысы бойынша департаменті басшысының орынбасары Г. Шагирова ауыл шаруашылығы және жер қатынастары басқармасында ҚР мемлекеттік қызмет саласындағы заңнамасын, ҚР Мемлекеттік қызметшілерінің Әдеп кодексін сақтау мәселелері бойынша семинар - кеңес өткізді.Г. Шагирова қатысушылардың назарын қызметшілердің шектеулерді сақтауына, оның ішінде құмар ойындарға (бәс тігуге) қатысуға, ойын мекемелеріне баруға аударды. Сондай-ақ, ол тәртіптік практика, декларация беру тәртібі, квазимемлекеттік сектор өкілдерінің жекелеген санаттармен кәсіпкерлікпен айналысуын шектеу, мүдделер қақтығысы туралы хабардар етті. Қызметшілерге мемлекеттік қызметтің гибридті моделін, еңбек өтілін есептеуді, қызметші қызметінің тиімділігін бағалауды есепке алуды және халыққа көрсеткен қызметтерге қанағаттануын бағалаудың әсерін көздейтін заңнамадағы алдағы өзгерістер туралы хабардар етілді.Қ. Сюндиков 2025-2027 жылдарға арналған "Адал азамат" идеалдарына сәйкес мемлекеттік қызметшілердің кәсіби және жеке қасиеттерін ілгерілету жөніндегі іс-шаралардың іске асырылу барысы, әдеп стандарттарды сақтау, қызметтік автокөлікті тиімді пайдалану жөніндегі талаптар, көпшілік алдында сөйлеу мәдениеті, зайырлы мемлекет қағидаттары және басқа да мәселелер туралы хабардар етті.Ақпарат көзі : https://www.gov.kz/memleket/entities/kostanay/press/news/details/1175353?lang=kk