Ұлттық статистика бюросының мәліметінше, 2026 жылғы тамызда Қазақстандағы айлық инфляция шілде айындағы деңгейде қалып, 0,6%-ды құрады. Бұл ретте жыл басынан бері алғаш рет азық-түлік бағасы төмендеді. Айлық дефляция 0,1%-ды құрады.Инфляцияның баяулауына Мемлекет басшысының тапсырмасымен Үкімет жүзеге асырып жатқан бағаны тұрақтандыру және ішкі нарықты жеткілікті көлемде тауармен қамтамасыз ету шаралары ықпал етуде.Тамыз айында бағаның төмендеуі негізінен маусымдық жеміс-көкөніс өнімдеріне қатысты болды. Бір айдың ішінде азық-түлік тауарларының 46 позициясы бойынша баға төмендеді. Арзандау негізгі тауар топтарының басым бөлігінде байқалды. Атап айтқанда, көкөністер мен бақша өнімдері, жемістер мен жидектер, ет және балық өнімдері, сүт өнімдері мен балалар тағамы, бакалея және қайта өңделген өнімдер, кондитерлік өнімдер, дайын тағамдар мен сусындар арзандады.Бағасы ең көп төмендеген өнім – баялды. Оның бағасы 15,4%-ға түсті. Картоп 12,3%-ға, тәтті бұрыш 11,9%-ға, қырыққабат 9,7%-ға, жүзім 8,0%-ға, пияз 7,7%-ға, киви 7,3%-ға және кәді 6,6%-ға арзандады. Сонымен қатар алма, сәбіз, лимон, қызылша, саңырауқұлақ, алмұрт және қияр бағасы да төмендеді.Жылдық көрсеткіш бойынша да оң динамика сақталып отыр. Азық-түлік инфляциясы 2025 жылғы желтоқсандағы 13,5%-дан 2026 жылғы тамыздың қорытындысы бойынша 9,5%-ға дейін төмендеді.Бір жыл ішінде баялды бағасы 46,8%-ға, кәді 40,0%-ға, қияр 39,9%-ға, қызылша 13,8%-ға, қызанақ 13,6%-ға және алма 10,6%-ға арзандады. Сондай-ақ сарымсақ, мандарин, қырыққабат, банан, күріш, апельсин, гүлді қырыққабат және брокколи бағасы да төмендеді.Үкімет азық-түліктің түпкілікті бағасына әсер ететін факторларды азайту бағытындағы жұмысты жалғастыруда. Өңірлерде азық-түлік нарықтарына зерттеу жүргізіліп, тауарлардың жеткізу тізбегі мен жалдау шарттары талдануда. Бұл ретте артық делдалдарды анықтауға ерекше көңіл бөлінуде.Көлік шығындарын азайту мақсатында азық-түлік өнімдерін теміржол арқылы тасымалдауға жеңілдікті тариф енгізілген. Бүгінде бұл мүмкіндікті 50-ден астам компания пайдаланды. Жалпы 38 мың тонна өнім тасымалданды.Отандық өндірушілерді қолдау бойынша да жұмыс жалғасуда. Әлеуметтік маңызы бар азық-түлік тауарларын өндірушілер үшін электр энергиясының тарифін 20%-ға төмендету қарастырылған. Бұл қолдау өндірушілердің өз өнімдерінің босату бағаларын ұстап тұру бойынша қарсы міндеттемелер қабылдауы жағдайында көрсетіледі.Тұрақтандыру қорларының жұмыс істеу тетігі де қайта қаралуда. Енді негізгі назар сатып алынған өнім көлемі мен бөлінген қаражаттың игерілуіне емес, қабылданған шаралардың өнімнің түпкілікті бағасына нақты әсеріне аударылады. Тұрақтандыру тетіктері әр тауар мен өңірдегі нақты жағдайды ескере отырып, нысаналы түрде қолданылатын болады.Сонымен қатар өнімдердің қозғалысына және әлеуметтік-кәсіпкерлік корпорациялар арқылы бөлінетін қаражаттың тиімді пайдаланылуына бақылау күшейтіледі.Сауда үстемелерінің белгіленген мөлшерін сақтау мәселесіне де ерекше назар аударылуда. 2026 жылдың 27 тамызындағы жағдай бойынша Сауда және интеграция министрлігінің аумақтық департаменттері белгіленген 15%-дық сауда үстемесін асырғаны үшін 76 млн теңгеден астам сомаға 3 096 әкімшілік қаулы шығарды. Салыстыру үшін, 2025 жылдың бүкіл кезеңінде 2 913 қаулы шығарылған болатын. Осылайша, биылғы көрсеткіш өткен жылдағыдан 183 жағдайға немесе 6,3%-ға жоғары.Жыл басынан бері 5 мыңнан астам ауыл шаруашылығы жәрмеңкесі өткізілді. Жәрмеңкелерде фермерлер өз өнімдерін делдалсыз тікелей тұтынушыларға ұсынады. Жыл соңына дейін тағы шамамен 4 мың жәрмеңке өткізу жоспарланып отыр.Ақпарат көзі : https://www.gov.kz/memleket/entities/mti/press/news/details/1283813?lang=ru

Астана, 2026 жылғы 1 қыркүйек - Қазақстан Республикасы Сыртқы істер министрінің орынбасары Арман Исетов Қазақстан Республикасындағы Польша Республикасының Уақытша сенімді өкілі Михал Лабендамен кездесті.Кездесу барысында тараптар екіжақты күн тәртібіндегі өзекті мәселелерді және қазақ-поляк ынтымақтастығын одан әрі дамыту перспективаларын талқылап, саяси және парламентаралық өзара іс-қимылды нығайтуға ерекше назар аударды.Алдағы екіжақты іс-шараларға айрықша көңіл бөлінді. Олардың мазмұндық толықтырылуы мен практикалық іске асырылу мәселелерін талқылай отырып, тараптар тиісті бағыттар бойынша тығыз үйлестіруді жалғастыруға дайын екендерін растады.Кездесу қорытындысы бойынша дипломаттар Қазақстан мен Польша арасындағы өзара іс-қимылды одан әрі дамытуға өзара мүдделілік білдірді.Ақпарат көзі : https://www.gov.kz/memleket/entities/mfa/press/news/details/1283930?lang=ru

Астана, 2026 жылғы 31 тамыз – Қазақстан Республикасы Сыртқы істер министрінің орынбасары Әлібек Қуантыров Оман Сұлтандығы Сыртқы істер министрінің орынбасары Халифа әл-Харисимен кездесу өткізді.Кездесу барысында тараптар Қазақстан-Оман ынтымақтастығының қазіргі жай-күйі мен перспективаларын, сондай-ақ сауда-экономикалық және инвестициялық байланыстарды одан әрі дамыту мәселелерін талқылады.Тараптар екіжақты өзара іс-қимылдың қолданыстағы тетіктерінің маңыздылығын атап өтті. Атап айтқанда, 2025 жылғы желтоқсанда өткен Қазақстан Республикасы мен Оман Сұлтандығы арасындағы Үкіметаралық комиссияның бірінші отырысының нәтижелілігі аталып өтті. Осы тұрғыда тараптар Үкіметаралық комиссияның екінші отырысын өткізуге дайындық мәселелерін талқылады.Іскер топтар арасындағы байланыстарды жандандыру, инвестициялық өзара іс-қимылды кеңейту және бірлескен жобаларды ілгерілету мақсатында Қазақстан-Оман іскерлік кеңесін, сондай-ақ бірлескен инвестициялық қор құру мәселелеріне ерекше назар аударылды.Экономикалық күн тәртібі аясында тараптар энергетика, тау-кен өнеркәсібі, көлік және логистика, ауыл шаруашылығы, туризм және жаңа технологиялар салаларындағы ынтымақтастықты кеңейту үшін елеулі әлеует бар екенін атап өтті.Кездесу қорытындысы бойынша тараптар Қазақстан-Оман қатынастарын одан әрі нығайтуға мүдделілігін растады және ынтымақтастықтың перспективалы бағыттарын ілгерілету бойынша бірлескен жұмысты жалғастыруға уағдаласты.Ақпарат көзі : https://www.gov.kz/memleket/entities/mfa/press/news/details/1283505?lang=ru

Еліміздің әр өңірінде офицерлер, сержанттар мен запастағы сарбаздарға арналған әскери жиындар өтіп жатыр. Ақтау гарнизонында 30 әскери міндетті Әскери-теңіз күштерінің жауынгерлік кемелерінде даярлықтан өтсе, Шығыс Қазақстан облысының тағы 250 азаматы Аягөз гарнизонында әскери машықтарын жетілдіріп жатыр.Ақтаудағы 30 күндік әскери жиындар тікелей кемелерде өтуде. Тәжірибелі командирлердің басшылығымен қатысушылар экипаж құрамындағы қызметтің ерекшеліктерін меңгеріп, навигациялық дағдыларын жетілдіреді, қару-жарақ пен автоматтандырылған басқару жүйелерін зерделейді. Кеме экипажының қауіпсіздігі мен оның жауынгерлік қабілетін сақтауға бағытталған іс-қимылдарға да ерекше назар аударылады.         Алынған білімді теңізге шығу жаттығулары бекітеді. Әскери міндеттілер нақты теңіз жағдайында әрекет етуге және экипаж құрамында үйлесімді жұмыс істеуге машықтанады.-Бұл жиындардағы ең құндысы – практикалық тәжірибе жинақтау мүмкіндігі. Алған білімдері бірден іс жүзінде теңізде сыналады. Мұндайда экипаждың үйлесімді әрекеті аса маңызды, – деді әртекті кемелер дивизионының командирі 2-ранг капитаны Руслан Яхьяров.Аягөз гарнизонында Шығыс Қазақстан облысынан келген 250 әскери міндетті даярлықтан өтуде. Олардың қатарында 30 офицер және 220 сержант пен запастағы сарбаз бар. Олар тактикалық даярлық, қару-жарақ пен әскери техниканы қолдану дағдыларын жетілдіріп, бөлімше құрамында бірлесіп әрекет етуге машықтанады.Мен үшін бұл жиындар бұрын алған дағдыларымды еске түсіріп, жаңа тәжірибе жинақтауға мүмкіндік береді. Мұнда тәртіптің, жауапкершіліктің және бірлесе әрекет ете білудің қаншалықты маңызды екенін тағы бір түсінесің, – деді әскери міндетті Еркебұлан Кәкімов.         Мұндай әскери жиындар әскери міндеттілерге қызмет барысында қажетті дағдыларын жетілдіруге мүмкіндік береді. Ал Қарулы күштер үшін даярлығы жоғары резервті қалыптастыруға ықпал етеді.Жиындар кезеңінде қатысушылардың жұмыс орны мен атқаратын лауазымы сақталады. Олар әскери киім-кешекпен, тамақпен және медициналық қызметпен қамтамасыз етіледі.Даярлық аяқталғаннан кейін әскери міндеттілер тиісті емтихан тапсырады. Әскери жиындарды сәтті аяқтау белгіленген тәртіппен кезекті әскери атақ алуға да мүмкіндік береді. Ақпарат көзі : https://www.gov.kz/memleket/entities/mod/press/news/details/1283328?lang=ru

Нью-Йорк, 2026 жылғы 31 тамыз - Біріккен Ұлттар Ұйымының Бас Ассамблеясы Қазақстан Республикасының бастамасымен әзірленген «Халықаралық планетаны көгалдандыру күні» қарарын қабылдап, 22 сәуірді Халықаралық планетаны көгалдандыру күні деп жариялады.Халықаралық күнді белгілеу туралы бастаманы Қазақстан Республикасының Президенті Қасым-Жомарт Тоқаев 2025 жылғы қыркүйекте БҰҰ Бас Ассамблеясының 80-сессиясының жалпы пікірталастары барысында ұсынған болатын.Қарарға әлемнің түрлі өңірлерін білдіретін 32 мемлекет тең автор болды. Бұл аталған бастаманың халықаралық қоғамдастық үшін сұранысқа ие әрі өзекті екенін көрсетеді.Қарардың қабылдануы Қазақстанның жаһандық экологиялық күн тәртібін ілгерілетуге және қоршаған ортаны қорғау, экожүйелерді қалпына келтіру, жасыл желектер аумағын кеңейту және экологиялық мәдениетті қалыптастыру бағытындағы халықаралық күш-жігерді біріктіруге қосып келе жатқан дәйекті үлесін көрсетеді.Құжат әлемдік қоғамдастықтың көгалдандыру мен табиғи экожүйелерді қалпына келтірудің маңыздылығы туралы хабардарлығын арттыруға, сондай-ақ мемлекеттерді, БҰҰ жүйесін, халықаралық және өңірлік ұйымдарды, азаматтық қоғамды және басқа да мүдделі тараптарды тиісті іс-шаралар мен бастамаларды жүзеге асыруға ынталандыруға бағытталған.Халықаралық күннің белгіленуі Қазақстанда жүзеге асырылып жатқан қоршаған ортаға жауапкершілікпен қарауды қалыптастыруға, аумақтарды абаттандыруға және қоғамның экологиялық мәдениетін арттыруға бағытталған «Таза Қазақстан» жалпыұлттық экологиялық акциясының мақсаттарымен үндеседі.Қарардың қабылдануы Мемлекет басшысының тағы бір халықаралық бастамасының іс жүзінде жүзеге асырылуы болды және Қазақстанның орнықты даму мен болашақ ұрпақ үшін қоршаған ортаны сақтауға бағытталған көпжақты ынтымақтастықты нығайту жөніндегі тәсілдерінің сұранысқа ие екенін растайды.Ақпарат көзі : https://www.gov.kz/memleket/entities/mfa/press/news/details/1283411?lang=ru

Қазақстанда шағын бизнесті қолдауға бағытталған «Іскер аймақ» бағдарламасы бойынша субсидиялаудың жаңа ережелері күшіне енді. Бағдарламаны «Даму» КДҚ жүзеге асырады. Өзгерістер Қазақстан Республикасы Үкіметінің 2026 жылғы 18 тамыздағы №729 қаулысымен бекітілді. Не өзгерді? Қолдау шараларына салалық шектеусіз әлеуметтік кәсіпкерлік субъектілерінің жобалары енгізілді. Олар әлеуметтік кәсіпкерлік субъектілерінің тізілімінде көрсетілген қызмет түрлері бойынша бағдарламаға қатыса алады. Бұл ретте жобаны іске асыру орны мен кәсіпкердің тіркелген жері ескеріледі. Әлеуметтік кәсіпкерлер үшін субсидиялау мөлшері сыйақының номиналды мөлшерлемесінің 50%-ы, ал басқа кәсіпкерлер үшін 40%.Өңір әкімдіктері Қазақстан Республикасының облыстары мен аудандары бойынша экономикалық қызметтің басым түрлері ретінде қосымша алты ЭҚЖЖ кодын айқындай алады.Инвестициялық жобалардың отандық өнімге бағытталуы күшейтілді. Инвестициялық шығындарға коммерциялық жылжымайтын мүлік, техника және көлік құралдарын сатып алу, сондай-ақ бизнес нысандарын салу, жаңғырту, реконструкциялау және күрделі жөндеу жұмыстары жатады. Бұл ретте инвестициялық жоба аясында жабдық, техника, көлік құралдары, құрылыс материалдары және басқа да активтер тиісті Тізілімге енгізілген қазақстандық тауар өндірушілерден сатып алынуы тиіс. Егер Тізілімде қажетті тауар болмаса, оны басқа өндірушілерден сатып алуға рұқсат етіледі.Инвестициялық жобаларды іске асыру мерзімі субсидиялау басталған күннен бастап 24 айдан 18 айға дейін қысқартылды. Заңнамаға елеулі өзгерістер енгізілген немесе күтпеген техникалық, экономикалық және өндірістік жағдайлар туындаған жағдайда бұл мерзім алты айдан аспайтын уақытқа ұзартылуы мүмкін.Жобалардың тиімділік критерийлерін бағалау тәртібі нақтыланды. Өзгерістер кіріс деңгейі мен еңбекақы төлеу қорының (ЕТҚ) көрсеткіштеріне қатысты. Енді кіріс пен ЕТҚ-тың нақты өсім деңгейінің жинақталған инфляция деңгейінен төмен ауытқуына 1 пайыздық тармақтан аспайтын шекте жол беріледі. Сонымен қатар, кәсіпкерге байланысты емес объективті жағдайлар туындаған кезде жоба іске асырылып, қаражаттың мақсатты пайдаланылғаны расталған жағдайда, тиімділік көрсеткіштеріне қол жеткізу үшін қосымша бір қаржы жылына дейінгі мерзім беріледі. Инфляция деңгейі, оның ішінде жинақталған инфляция туралы ақпарат ҚР Стратегиялық жоспарлау және реформалар агенттігі Ұлттық статистика бюросының ресми сайтында жарияланады.Субсидия беру тетігі өзгертілді. Екінші деңгейдегі банктер мен лизингтік компаниялар (ЛК) арасында лимиттерді бөлу алынып тасталды. Енді кәсіпкер Қордың серіктес кез келген екінші деңгейдегі банкіне немесе лизингтік компаниясына жүгіне алады. Қаржыландыру мақұлданғаннан кейін жоба «Даму» қорына жолданады. Қор 5 жұмыс күні ішінде субсидия беру туралы шешім қабылдайды. Оң шешім қабылданған жағдайда «Даму» қоры, екінші деңгейдегі банк немесе лизингтік компания және кәсіпкер арасында субсидиялау туралы үшжақты шарт жасалады.Сонымен қатар, Ережелерге кәсіпкерге Қордың субсидия беруден бас тарту туралы шешіміне ҚР заңнамасына сәйкес әкімшілік және (немесе) сот тәртібімен шағымдануға мүмкіндік беретін норма енгізілді.Қаржылық емес қолдау шаралары аясында «Даму» қоры шағын және моноқалаларда, аудан орталықтары мен ауылдық елді мекендерде мобильді фронт-офистер жобасын жүзеге асырып жатыр.Мобильді фронт-офистер көшпелі консультациялық алаң ретінде жұмыс істейді. Мұнда кәсіпкерлер мен бизнес бастағысы келетін азаматтар қолданыстағы қолдау құралдары туралы тегін ақпарат алып, сондай-ақ қаржыландыруға өтінімді сол жерде бере алады. Бағдарламаның негізгі шарттары ·                    Қатысушылар – микро және шағын кәсіпкерлік субъектілері, ауыл шаруашылығы кооперативтері және әлеуметтік кәсіпкерлік субъектілері;·                    Несие сомасы – 200 млн теңгеге дейін;·                    Мақсаты – инвестицияларға және айналым қаражатын толықтыруға;·                    Номиналды мөлшерлеме – ҚР Ұлттық Банкінің базалық мөлшерлемесі + 4%;·                    Субсидия мөлшері – номиналды мөлшерлеменің 40%-ы. Бұл ретте кәсіпкер үшін сыйақы мөлшерлемесі кемінде 12,6% болады. Әлеуметтік кәсіпкерлер үшін – 50%;·                    Субсидиялау мерзімі – 3 жылға дейін. Қалай қатысуға болады? Бағдарламаға қатысу үшін кәсіпкер «Даму» қорының серіктес екінші деңгейдегі банкі немесе лизингтік компаниясына жүгініп, қаржыландыруға өтінім беруі қажет. Қаржыландыру мақұлданғаннан кейін жоба субсидия беру туралы шешім қабылдау үшін «Даму» қорына қарауға жіберіледі.Кәсіпкерлер бизнесті қолдау бағдарламалары бойынша кеңес алу үшін жоба іске асырылатын өңірдегі «Даму» қорының филиалына жүгіне алады. Қосымша ақпаратты Қордың ресми сайтынан алуға болады. Сондай-ақ 1408 бірыңғай байланыс орталығының нөмірі арқылы кеңес алуға мүмкіндік бар.Ақпарат көзі : https://www.gov.kz/memleket/entities/economy/press/news/details/1283282?lang=ru

Қостанай облысы – пайдалануға берілген теміржол вокзалдарының саны бойынша республикада үздік үштікке кірдіҚостанай қаласында 50 жылдан астам тарихы бар теміржол вокзалын қайта жаңғырту жұмыстары аяқталды. Вокзал заманауи келбетке ие болып, инфрақұрылымы жаңартылды. Бүгін жаңартылған вокзал кешенінің салтанатты ашылу рәсімі өтті.«Қостанай облысы Мемлекет басшысының бүкіл ел бойынша теміржол вокзалдарын ауқымды жаңғырту жөніндегі тапсырмасын толық орындады. Жыл басынан бері облыста Аманқарағай, Құшмұрын, Железорудная, Арқалық және Тобыл станцияларындағы вокзалдар күрделі жөндеуден кейін қайта жұмысын бастады. Ал соңғы кезеңде Қостанай қаласындағы басты теміржол вокзалы жаңғыртылды», – деді Қостанай облысының әкімі Құмар Ақсақалов.Қостанай қаласының теміржол вокзалы – қаланың көлік инфрақұрылымындағы негізгі нысандардың бірі. Орташа тәуліктік жолаушылар ағыны 1,2 мың адамнан 2 мың адамға дейін артты. Вокзал Қостанайды облыстың ішкі аудандарымен, сондай-ақ республиканың солтүстік, орталық, оңтүстік және батыс бағыттарымен теміржол қатынасымен қамтамасыз етеді.Қостанайдың теміржол қатынасының тарихы ғасырдан асады. Қолданыстағы үш қабатты вокзал ғимараты 1974 жылы салынған.Бүгінде, жарты ғасырдан астам уақыт өткен соң, вокзал жолаушылар инфрақұрылымының қауіпсіздігіне, жайлылығына және қолжетімділігіне қойылатын заманауи талаптарды ескере отырып, толық жаңартылды.Қайта жаңғырту барысында ғимараттың аумағы 7,3 мыңнан 8,5 мың шаршы метрге дейін ұлғайтылды, яғни 1,1 мың шаршы метрге артты. Жоба аясында инженерлік жүйелер толық жаңғыртылып, заманауи жолаушылар эскалаторлары мен лифтер орнатылды.Қазақстан Республикасы Көлік вице-министрі Жәнібек Тайжанов атап өткендей, Қостанай облысы аяқталған және пайдалануға берілген теміржол вокзалдарының саны бойынша республикадағы үздік үштікке кіріп отыр.«Сонымен қатар жаңа теміржол желілері салынуда, желінің өткізу қабілеті арттырылып, жолаушылар жылжымалы құрамы жаңартылуда және заманауи цифрлық технологиялар енгізілуде. Бұл жобалардың барлығы теміржол көлігін азаматтар үшін одан әрі қауіпсіз, жайлы әрі қолжетімді етуге бағытталған», – деді Ж. Тайжанов.Вокзалға іргелес аумақты абаттандыруға да ерекше көңіл бөлінді. Облыстық бюджет қаражаты есебінен вокзал алдындағы алаңға жөндеу және абаттандыру жұмыстары жүргізілді. Жұмыстар барысында заманауи құрылыс материалдары, технологиялар мен жабдықтар пайдаланылды, олардың едәуір бөлігі Қазақстанда өндірілген.Осылайша, толық жаңартылған вокзал кешені – вокзал ғимараты мен вокзал алдындағы аумақ – қала мен облыстың заманауи көлік инфрақұрылымының маңызды бөлігіне айналып, жолаушыларға қызмет көрсетудің неғұрлым жайлы, қауіпсіз және қолжетімді жағдайларын қамтамасыз етеді.Жобаны іске асыру Қостанай облысы әкімдігінің және «Қазақстан темір жолы» ҰК» АҚ-ның, сондай-ақ жобалаушылардың, құрылысшылардың және техникалық мамандардың бірлескен жұмысының нәтижесі болды.Жаңартылған вокзал Қостанай қаласының маңызды көлік тораптарының бірі ретіндегі өз қызметін жалғастырып, жолаушыларға жайлы қызмет көрсетуді қамтамасыз етеді және өзінің ғасырдан астам тарихы арқылы ұрпақтар сабақтастығын сақтайды. Ақпарат көзі : https://www.gov.kz/memleket/entities/kostanay/press/news/details/1283219?lang=ru

Соңғы аптаның қорытындысы бойынша әлеуметтік маңызы бар азық-түлік тауарларының (ӘМАТ) индексі 100,0%-ды құрады. Тамыз айының басынан бері бағалар 0,2%-ға төмендеді. Жыл басынан бері индекс 101,4%-ды құрады, ал өткен жылдың сәйкес кезеңінде бұл көрсеткіш 107,9% болған.Осылайша, жыл басынан бері ӘМАТ бағасының өсуі ең төмен деңгейде қалып отыр және өткен жылғы көрсеткіштен 5 еседен астам төмен.Қазіргі оң динамикаға жаңа өнімнің маусымдық түсуі ықпал етуде. Көкөніс өнімдері бағасының төмендеуі жалпы индексті тұрақтандырып, жекелеген тауарлар бойынша бағаның өсуін өтеуге мүмкіндік беріп отыр.ӘМАТ бойынша оң динамика азық-түлік инфляциясынан да көрінеді. Жылдық мәнде оның деңгейі өткен жылғы желтоқсандағы 13,5%-дан шілде қорытындысы бойынша 10,1%-ға дейін төмендеді.Бұл ретте жұмыс маусымдық шаралармен ғана шектелмейді. Негізгі назар өнімдердің түпкілікті құнына тікелей әсер ететін факторларға: делдалдарға, нарықтарға, көлік шығындарына және өндірушілердің босату бағаларына аударылды.Премьер-Министрдің орынбасары – ұлттық экономика министрі С.М. Жұманғариннің тапсырмасы бойынша өңірлерде азық-түлік нарықтарына зерттеу жүргізілуде. Жеткізу тізбектері, жалдау шарттары және түпкілікті бағаның қалыптасуы талданады. Артық делдалдарды анықтауға ерекше назар аударылуда.Көлік шығындарын төмендету мақсатында азық-түлік өнімдерін теміржол арқылы тасымалдауға жеңілдікті тариф қолданылады. Бүгінгі таңда оны 50-ден астам компания пайдаланды, 38 мың тонна өнім тасымалданды.Отандық өндірушілермен жұмыс жалғасуда. ӘМАТ өндірушілері үшін электр энергиясына тарифті 20%-ға төмендету көзделген. Қолдау босату бағаларын ұстап тұру бойынша қарсы міндеттемелер қабылданған жағдайда көрсетіледі.Сонымен қатар тұрақтандыру қорларының жұмыс істеу тетігі қайта қаралуда. Тәсіл өнімді жай ғана сатып алуға және бөлінген қаражатты игеруге емес, нақты нәтижені – оның бағаға әсерін бағалауға бағытталатын болады.Осы мақсатта тұрақтандыру тетіктері нақты тауар мен өңірдегі жағдайға қарай нысаналы түрде қолданылатын болады. Сондай-ақ өнім қозғалысының қадағалануын және СПК арқылы бағытталатын қаражаттың тиімділігіне бақылауды күшейту жоспарлануда.Жыл соңына дейінгі жұмыс қол жеткізілген оң динамиканы сақтауға, азық-түлік өнімдерінің жеткілікті көлемін қамтамасыз етуге және бағаның негізсіз өсуіне жол бермеуге бағытталады.Ақпарат көзі : https://www.gov.kz/memleket/entities/mti/press/news/details/1282616?lang=ru

Радиоэлектроника және байланыс әскери-инженерлік институтының базасында Қорғаныс министрлігінің әскери оқу орындарының басшылық құрамына арналған оқу-әдістемелік жиын өтті.Қорғаныс министрінің орынбасары, генерал-майор Асқар Мұстабековтің басшылығымен қатысушылар жаңа оқу жылында болашақ офицерлерді даярлау сапасын арттыру және әскери білім беруді дамыту бойынша негізгі міндеттерді айқындады.Негізгі назар оқу процесін ұйымдастыруға, цифрлық технологияларды енгізуге, әскери ғылымды дамытуға, командирлерді даярлауды жетілдіруге және қорғаныс пен қауіпсіздік саласындағы заңнамадағы өзгерістерге аударылды.Курсанттардың көшбасшылық қасиеттерін дамытуға, ұшқышсыз технологиялар бойынша мамандар даярлауға, цифрлық құралдар мен оқытудың интерактивті әдістерін пайдалануға ерекше назар аударылды.Жиын жұмысына әл-Фараби атындағы Қазақ ұлттық университеті мен Халықаралық ақпараттық технологиялар университетінің өкілдері қосылды. Олар мамандарды даярлаудың заманауи тәсілдерін таныстырып, оқытуда цифрлық шешімдерді қолдану мүмкіндіктері туралы айтып берді.Қатысушылар ғылыми-зерттеу жұмыстарын ұйымдастыру, перспективалы жобаларды даярлау және зерттеу нәтижелерін білім беру процесі мен әскерлердің практикалық қызметіне енгізу мәселелерін де талқылады.Генерал-майор Асқар Мұстабеков қойылған міндеттердің практикалық тұрғыда іске асырылуын қамтамасыз ету және әскери оқу орындары басшыларының нәтижеге деген жеке жауапкершілігін атап өтті.– Жаңа оқу жылы нақты міндеттер мен түсінікті нәтижелерден басталуы тиіс. Жұмыс бағыттарын айқындап қана қоймай, олардың әр деңгейде жүйелі түрде орындалуын қамтамасыз ету маңызды, – деді генерал-майор Асқар Мұстабеков.Жиын аяқталғаннан кейін қатысушылар Қ.И. Сәтбаев атындағы Қазақ ұлттық зерттеу техникалық университетіне барды. Олар оқу орнының заманауи техникалық әзірлемелерімен және ғылыми жобаларымен, сондай-ақ озық технологияларды мамандар даярлау процесіне енгізу тетіктерімен танысты.Ақпарат көзі : https://www.gov.kz/memleket/entities/mod/press/news/details/1282744?lang=ru

Сарышаған полигонында «Батыл тойтарыс – 2026» стратегиялық командалық-штабтық оқу-жаттығуы аясында Әуе шабуылына қарсы қорғаныс әскерлері мен Әскери-әуе күштерінің «Ашық аспан – 2026» бірлескен оқу-жаттығуы аяқталды. Оқу-жаттығуға Қорғаныс министрінің орынбасары – Әуе қорғанысы күштерінің Бас қолбасшысы генерал-майор Қайрат Садықов басшылық етті.Оқу-жаттығудың негізгі мақсаты – әскери басқару органдары мен бөлімшелердің әуе шабуылы құралдарының жаппай соққыларына тойтарыс беруге дайындығын тексеру. Әскери қызметшілер авиация, Әуе шабуылына қарсы қорғаныс әскерлері мен радиоэлектрондық күрес бөлімшелерінің өзара іс-қимылын, сондай-ақ жедел маневр жасауды және атыс міндеттерін орындағаннан кейін позицияларды ауыстыруды пысықтады.Ұшқышсыз ұшу аппараттарының әртүрлі түрлеріне қарсы іс-қимыл жасауға және Әуе шабуылына қарсы қорғаныстың эшелонды жүйесін қолдануға ерекше назар аударылды. Оқу-жаттығу барысында бөлімшелер сыртқы нысананы көздеу құралдарын пайдалана отырып, атыс құралдарын жасырын орналастыруды қамтитын әуе шабуылына қарсы тұтқиылдан соққы беру тактикасын да пысықтады.Практикалық кезеңде Әуе шабуылына қарсы қорғаныстың эшелонды жүйесі құрамында С-75 зениттік-зымыран кешені қолданылды. Сонымен қатар радиолокациялық құралдар мен радиоэлектрондық күрес кешендері бірыңғай ақпараттық-барлау кеңістігіне біріктірілді.Тағы бір жаңашылдық – С-300ПС зениттік-зымыран кешенін жердегі нысананы жою үшін қолдану болды. Зымыран ұшыру барысында белгіленген нысана сәтті жойылды. Бұл кешеннің жердегі нысаналарды жою міндеттерін орындау кезіндегі мүмкіндіктерін бағалауға мүмкіндік берді.Бұдан бөлек, әскери қызметшілер шешім қабылдауды пысықтауға арналған жасанды интеллект элементтері бар автоматтандырылған басқару жүйелерін сынақтан өткізді. Алынған тәжірибе Әуе қорғанысы күштері әскерлерін даярлау мен қолдану жүйесін одан әрі жетілдіру барысында пайдаланылатын болады.– Біз бөлімшелердің әуе жағдайы жылдам өзгеретін кезде үйлесімді әрекет ету қабілетін тексердік. Авиация, Әуе шабуылына қарсы қорғаныс және радиоэлектрондық күрес күштерінің өзара іс-қимылын пысықтадық. Алға қойылған міндеттер толық көлемде орындалды, – деп атап өтті Әуе шабуылына қарсы қорғаныс әскерлерінің қолбасшысы полковник Әділ Сүбебаев.Оқу-жаттығу қорытындысы бойынша бөлімшелердің әуе жағдайының әртүрлі шарттарында міндеттерді орындау дайындығына баға берілді. «Ашық аспан – 2026» оқу-жаттығуы барысында жинақталған тәжірибе әскерлерді даярлауды одан әрі жетілдіру жүйесінде ескерілетін болады.Ақпарат көзі : https://www.gov.kz/memleket/entities/mod/press/news/details/1282535?lang=ru

27 тамызда Берлинде екі елдің іскер топтары арасындағы тікелей диалогты дамыту және бірлескен инвестициялық әрі өнеркәсіптік жобаларды ілгерілетуге арналған негізгі алаңдардың бірі – Қазақстан-Германия стратегиялық ынтымақтастық жөніндегі іскерлік кеңесінің (ҚГІК) 17-отырысы өтті.Отырысқа Қазақстанның салалық министрліктерінің, ұлттық компанияларының және отандық бизнес-қоғамдастықтың өкілдері қатысты. Герман тарапынан Siemens Energy, CLAAS KGaA, WILO, KNAUF, HMS Bergbau, Koch Solutions, Aurubis AG, Deutsche Bahn, KfW Bankengruppe, Deutsche Bank және басқа да жетекші өнеркәсіптік кәсіпорындардың, технологиялық және қаржы институттарының басшылары мен өкілдері қатысты.Өз сөзінде Қазақстан Республикасы Сыртқы істер министрінің орынбасары Әлібек Қуантыров ҚГІК-тің экономикалық өзара іс-қимылды тереңдету, іскерлік байланыстарды кеңейту және жаңа инвестициялық бастамаларды қалыптастырудың тиімді тетігі ретіндегі стратегиялық маңызын атап өтті. Ол герман бизнесінің Қазақстан нарығына тұрақты қызығушылығын атап өтіп, іскерлік байланыстар орнатудан ұзақ мерзімді әріптестікке бағытталған нақты бірлескен жобаларды іске асыруға көшудің қажеттігін айтты.Өз кезегінде ҚГІК тең төрағасы, Герман экономикасының Шығыс комитетінің атқарушы директоры Михаэль Хармс екі ел арасындағы экономикалық қатынастарды одан әрі дамыту үшін жоғары әлеует бар екенін атап өтті. Оның айтуынша, Қазақстан Орталық Азиядағы герман бизнесінің стратегиясында барған сайын маңызды орын алып келеді.М. Хармс германдық компаниялардың Қазақстандағы қатысуын кеңейтуге және өнеркәсіп, энергетика, көлік және логистика, машина жасау, шикізат пен сыни материалдарды өңдеу, сондай-ақ заманауи технологияларды енгізу салаларында бірлескен жобаларды іске асыруға мүдделі екенін атап өтті. Қазіргі уақытта Қазақстан нарығында герман капиталының қатысуымен 1 100-ден астам компания жұмыс істейді.Отырыс барысында ынтымақтастықтың перспективалық бағыттары бойынша пікір алмасып, жаңа инвестициялық жобаларды іске асыру, өндірісті оқшаулау, технологиялар трансфері, өнеркәсіптік кооперацияны дамыту, энергетика, «жасыл» технологиялар, сыни шикізат материалдары, машина жасау және көлік инфрақұрылымы мәселелері талқыланды.Герман бизнесіне Қазақстандағы инвестициялық жобаларды қолдауға бағытталған «Бәйтерек» ҰБХ» АҚ-ның қаржылық мүмкіндіктері мен құралдары таныстырылды. Қаржыландыру тетіктеріне, мемлекеттік қолдау шараларына, ұзақ мерзімді қаржыландыруды тарту мүмкіндіктеріне және герман инвесторларының қатысуымен бірлескен жобаларды іске асыруға ерекше назар аударылды.Тараптар көлік-логистикалық ынтымақтастықты, атап айтқанда, Транскаспий халықаралық көлік маршрутын (ТХКМ), немесе Орта дәлізді дамыту мәселесіне де ерекше назар аударды. Сонымен қатар германдық тарапқа Alatau City-дің инвестициялық әлеуеті таныстырылды.Сапар аясында Ә. Қуантыров Германияның мемлекеттік органдары мен іскер топтарының өкілдерімен бірқатар екіжақты кездесулер өткізді. Атап айтқанда, ГФР Сыртқы істер министрлігінің Еуропа істері жөніндегі Мемлекеттік министрі Гюнтер Крихбауммен, Федералдық канцлер ведомствосының халықаралық экономикалық саясат жөніндегі өкілі Бенжамен фон Энгельхардтпен, Германия Сауда-өнеркәсіп палатасының Басқарма мүшесі Фолькер Трайермен, Германия өнеркәсібі федералдық одағының Басқарма мүшесі Вольфганг Нидер маркпен, сондай-ақ Герман экономикасының Шығыс комитетінің атқарушы директоры Михаэль Хармспен келіссөздер өтті. Тараптар ведомствоаралық өзара іс-қимыл тетіктерін, бірлескен бастамаларды институционалдық қолдауды және екіжақты диалогты нығайтудың одан арғы қадамдарын талқылады.Сапар қорытындысы бойынша тараптар Қазақстан-Германия іскерлік әріптестігін одан әрі нығайтуға, екі ел бизнес өкілдері арасындағы тікелей байланыстарды кеңейтуге және нақты инвестициялық әрі технологиялық жобаларды ілгерілетуге өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1282276?lang=ru

Аймақ басшысы Құмар Ақсақалов өңірдің қайраткерлерімен, қоғам белсенділерімен, кәсіпкерлерімен бірге Қостанайдағы Триатлон-парк пен қала маңындағы экопарктегі атқарылып жатқан жұмыстармен танысты.Мемлекет басшысы жайлы қалалық ортаны қалыптастыруға, заманауи инфрақұрылымды дамытуға және азаматтардың сапалы демалысын қамтамасыз етуге үнемі назар аударып келеді.Қостанайда Орталық саябақ, «Жеңіс» саябағы, «Ұлы дала» паркі, Триатлон-парк және бұрынғы Ауыл шаруашылығы институтының аумағында саябақтар салынды. Былтыр теміржол вокзалы маңында, Дулатов және Арыстанбеков көшелерінде, Қасымханов пен Тәуелсіздік көшелерінің қиылысында, сондай-ақ Қонай шағын ауданында саябақтар ашылды.Аумағы 39 гектарды құрайтын Триатлон-парк қала тұрғындары арасында ең сұранысқа ие қоғамдық кеңістіктердің біріне айналды. Оның аумағында 16 спорттық және балалар алаңы жабдықталып, 38 кәсіби жаттығу құралы орнатылды. Қазіргі уақытта әкімшілік-тұрмыстық кешім ғимаратын, субұрқақты және кіреберіс тобын абаттандыру жұмыстары аяқталуға жақын. Әкімшілік-тұрмыстық кешен ғимаратында 8 бөлме қарастырылған. Мұнда кафе орналастыру, гүлдер, кәдесыйлар, спорттық киімдер мен құрал-жабдықтар сату, сондай-ақ спорттық құрал-жабдықтарды жалға беру және сату жоспарлануда. Сонымен қатар кофе, сусындар және балмұздақ сататын орындар жұмыс істейтін болады. Бұдан бөлек, ғимаратта учаскелік полиция пункті, оның ішінде жүріп-тұруы шектеулі азаматтарға арналған қоғамдық дәретханалар қарастырылады. Аумақты абаттандыру жұмыстары жүргізіліп, субұрқақ орнатылды, ғимараттың қасбетіне жарықтандыру жүйесі қойылды.Тобыл өзенінің жағалауын абаттандыру жұмыстары жалғасуда. «Шағала» жағажайын Триатлон-паркпен байланыстыратын бірыңғай жағалау аймағы құрылып, қала тұрғындары арасында ең танымал жағажай аумағы кеңейтіліп, жаңартылды. Ал жаяу жүргіншілерге арналған серуендеу аймағы 1 шақырымнан 2,5 шақырымға дейін ұлғайтылды.Қалаға жаңа инвесторлардың келуі және іскерлік белсенділіктің артуы заманауи қонақүй инфрақұрылымына деген қажеттілікті арттыруда. Қостанайда әлемге танымал екі қонақүй кешенінің құрылысы басталды. Олар – «Мэрриот» және «Новотель». Сондай-ақ, 150 нөмірге арналған «Холидей Инн» қонақүй кешенін салу жоспарланып отыр. Кешен құрамында конференц-зал және тамақтану аймағы болады. 140 жұмыс орны ашылады.Қала тұрғындары мен қонақтарының бос уақытын тиімді өткізуіне мүмкіндік беретін тағы бір нысан – «Инвиктус» фитнес-клубы. Заманауи фитнес-клубтың құрылысы – спорт инфрақұрылымының жаңа нысанын ашумен ғана шектелмейді. Бұл – белсенді демалысқа, спортпен шұғылдануға және бос уақытты мазмұнды өткізуге арналған қосымша орын құру. 40 жұмыс орны ашылды. Мұнда премиум санаттағы заманауи жабдықтар орнатылады. Бір мезгілде 300 адамға дейін жаттығуға мүмкіндік болады.Қостанай облысының тағы бір ерекшелігі – саябақтар мен скверлерінің көптігінде екенін айтқан аймақ басшысы Ел Президентінің ірі қалалар мен облыс орталықтарының қала маңындағы аумақтарында экопарктер құру жөніндегі тапсырмасына сәйкес, Қостанай қаласының агломерациясында 43,8 гектар аумақта экопарк құрылысы жүргізіліп жатқанын атап өтті. Мұнда көлік тұрақтары, жүгіру және велосипед жолдары, футбол және волейбол алаңдары, орындықтар мен күркелер, балалар ойын алаңдары қарастырылған. Сондай-ақ автотұрақ және «Астана» тұрғын үй шағын ауданынан өтетін жерасты жаяу жүргіншілер өткелі салынады.Ақпарат көзі : https://www.gov.kz/memleket/entities/kostanay/press/news/details/1282256?lang=ru

Бүгін Қызылордада Сырдария өзені арқылы өтетін жаяу жүргіншілер көпірінің капсуласын салу рәсімі өтті. Оған облыс әкімі Мұрат Ергешбаев, зиялы қауым өкілдері мен ел ағалары қатысты.Шарада аймақ басшысы Сыр елінің бас шаһарының дамуына серпін беретін жобаларға тоқталды. Соның бірі – Сырдария өзені арқылы өтетін жаяу жүргіншілер көпірінің құрылысы. «Астана» шағын ауданы мен Президент саябағын жалғайтын, қаламыздың жаңа сәулеттік келбетін айшықтайтын маңызды инфрақұрылымдық жоба Нұрлыбек Машбекұлының бастамасы болатын.«Жаңа көпір құрылысын тәжірибесі мол «Әлем Құрылыс» компаниясы жүргізеді. Ұзындығы – 319,4 метр, ені – 12 метр, жалпы құны 13 млрд теңгеге жуықтайды. Ені 3 метр жаяу жүргіншілер жолы және көпір бойында әрқайсысының ені бір жарым метр болатын екі веложолақ салынады.Биыл Қызылорда қаласының жол-көлік инфрақұрылымын дамыту үшін 38 млрд. теңгенің 23 жобасы іске асырылуда, 71 көше күрделі жөндеуден, қайта жаңғыртудан өтіп жатыр. Мәселен, «Бәйтерек» тұрғын ауданындағы оңтүстік магистралды канал арқылы өтетін жаңа көпір құрылысы толық біткенде, көлік қатынасы реттеледі. Торайғыров көшесінен «Қызылорда-Құмкөл» автожолына дейінгі Сағымбаев көшесіндегі қайта жаңғырту жұмыстары да аяқталуға жақын. Осылайша, жаңа көпір мен жаңартылған Сағымбаев көшесі «Батыс Еуропа-Батыс Қытай» халықаралық дәлізі мен Астана қаласынан келетін жолды түйістіретін үлкен әрі заманауи қақпаға айналады.Бұдан бөлек, Назарбаев даңғылы мен негізгі көшелер қайта жаңғыртылды. Тасбөгет кентіндегі Иманов, Бозғұл-1, Наурыз, Есенов көшелері кеңейді. Бұл игіліктер Президентіміз бен Үкіметтің қолдауының арқасында жүзеге асуда. Баршаңыздың ел дамуы, тұрғындарымыздың жайлы тұрмысы мен өскелең ұрпақтың жарқын болашағы жолындағы өрелі жұмыстарыңызға сәттілік тілеймін!», – деді Мұрат Нәлқожаұлы.Шарада облыстық ардагерлер кеңесінің төрағасы Серік Дүйсенбаев сөз сөйлеп, құрылыстың капсуласы салынды.Бүгінде өңірді дамытудағы ілкімді істер жүйелі жүзеге асырылуда.Мемлекет басшысының «Таза Қазақстан» бағдарламасы аясында Президент саябағы жаңа кейіпке енді. Осы аумаққа келушілердің қауіпсіздігі мен жайлылығы үшін автожол және автотұрақ салынды.Сырдария өзенінің қорғаныс бөгеттерін нығайту жұмыстары да қарқын алды. Дария жағалауына екі жолақты жаяу жүргінші және велосипед жолдары түсуде.Бұдан бөлек, жыл бойы үздіксіз қызмет көрсететін «Aй-Керім» оқу-сауықтыру орталығы ашылып, жерлестеріміздің қуанышы еселенді. Лагерь жанынан Ботаникалық бақ пайдалануға берілді. Бақ жасыл желектің бірегей түрлері өсетін, экологиялық мәдениеттің, білім берудің және ішкі туризмнің дамуына қызмет ететін, аймақ тұрғындары мен қонақтары жиі бас қосатын орынға айналды.Саябақты жалғайтын тоғыз қабатты 15 тұрғын үй кешені жақын арада пайдалануға беріледі. Тұрғын үй кешенінің жанынан бес жұлдызды және «Ибис» қонақ үйлері, 200 орындық перинаталдық орталық бой көтеріп келеді.Мемлекет басшысының тапсырмасына сәйкес Президенттік кітапхана мен драма театрдың іргетасы қаланып, құрылысы жүргізілуде.Ақпарат көзі : https://www.gov.kz/memleket/entities/kyzylorda/press/news/details/1281980?lang=ru

Алматы облысының Кеген ауданында 2025–2029 жылдары жалпы құны 201,7 млрд теңгені құрайтын 50 инвестициялық жобаны іске асыру жоспарланған. Нәтижесінде 600-ден астам жаңа жұмыс орны ашылады деп күтілуде. Бұл туралы Алматы облысы әкімі Марат Сұлтанғазиевтің Кеген ауданы тұрғындарына есеп беру жиынында айтылды. Халықпен кездесуде аймақ басшысы өңірдің әлеуметтік-экономикалық дамуы жайлы есеп берді. Сондай-ақ алдағы жоспарлар баяндалып, ауданның өзекті мәселелері талқыланды, – деп хабарлайды Алматы облысы әкімінің баспасөз қызметі.Қазіргі таңда Кеген ауданында 16,5 млрд теңгеге 7 инвестициялық жоба іске асырылуда. Аталған жобалар аясында 200-ге жуық жаңа жұмыс орны ашылады.Мәселен, «Алматы – Кеген» тасжолының бойында заманауи кешен салынуда. Онда жолаушылар тынығатын қонақүй, тамақтану орны, электр көліктерін қуаттау бекеті, дүкен және жанар-жағармай құю станциясы болады. Жоба құны – 2,8 млрд теңге. Кешен толық іске қосылғанда 100 адам жұмыспен қамтылады. Қазіргі уақытта құрылыс 80 пайызға дайын, жыл соңына дейін пайдалануға беріледі. Одан бөлек ауданда жеке инвестор өз қаражатына “Көлсай көлдеріне” келушілер үшін автотұрақ салып жатып. Бүгінде құрылыс алаңын тегістеу жұмыстары аяқталған. Бұдан бөлек ауданда бірнеше шағын су электр станциясының құрылысы басталды. Қазіргі уақытта инженерлер дамба салынатын аумақты дайындап жатып. Инвестициялық жобаның жалпы құны – 5 млрд теңге.Кеген ауданы тұрғындарының тұрмыс-тіршілігі ауыл шаруашылығымен тығыз байланысты. Осыған орай биыл облыстық бюджеттен ветеринария саласына 213,6 млн теңге бөлінді. Бұл қаржыға Жалаулы және Саты ауылдарында мал қорымы, сондай-ақ Шырғанақ, Бөлексаз, Жылысай және Тұйық ауылдарында модульдік ветеринариялық пункттер салынады.Ауыл шаруашылығы саласындағы өндірісті ілгерілету үшін де ілкімді істер қолға алынған. Мысалы, Кеген ауылында жылына 2 мың тоннаға дейін биязы жүнді терең өңдеп, дайын өнім шығаратын зауыт салынуда. Одан бөлек тәулігіне 30 тонна сүт өңдейтін кәсіпорынның құрылысы жүріп жатыр.Ауыл шаруашылығын дамыту үшін жер телімдеріе тиімді пайдалану керек. Осы ретте биыл ауданда 2 046 гектар жер конкурс негізінде 92 азаматқа үлестірілді.Бүгінде туризм саласы Кеген ауданы тұрғындарының тыныс-тіршілігіне жаңа леп беріп отыр. Аудан халқы шағын және орта кәсіпкерлікті дамытып, елдің әл-ауқаты жақсарып келеді. Одан бөлек бұл бағытта жасалып жатқан ауқымды инвестициялық жобалар да бар. Мәселен, Қара шатқалда туристік аймақ құру жобасы кезең-кезеңімен жүзеге асырылуда. Бүгінге дейін 200 млн теңге инвестиция салынып, тамақтану орны, фотоалаң, әткеншек және шатқалды тамашалауға арналған арнайы аймақтар ашылды. Жобаның жалпы құны – 1 млрд теңге.Инженерлік инфрақұрылымды жаңарту бағыты бойынша Ереуіл ауылының ауызсу жүйесін жөндеу жұмысы аяқталды.Одан бөлек Тұйық, Қарабұлақ, А. Нүсіпбеков ауылдарындағы, Орта Меркі және Шет Меркі жайлауларына электр желілерін тартуға 300 млн теңге қарастырылды. Қазіргі уақытта электр бағаналарын орнату жұмысы жүргізілуде.Білім беру саласында Қарқара орта мектебінің күрделі жөндеуі аяқталуға жақын. Алғабас ауылында «Ұлағатты ұрпақ» қорының қолдауымен 50 балаға арналған бастауыш мектептің іргетасы қаланды.«Денсаулық сақтауды жаңғырту» ұлттық жобасы аясында Қарабұлақ, Жылысай, Жаңаталап, Талды, Жайдақбұлақ және Күрметі елдімекендерінде медициналық нысандардың құрылысы толық аяқталып, қолданысқа берілді.Алматы облысының әкімі жиында облыста атқарылып жатқан ауқымды жұмыстарды халыққа баяндады. Оның ішінде Кеген ауданындағы бастамалар мен алдағы міндеттерге ерекше тоқталды. Айтуынша, Кеген ауданына жыл басынан бері 8,1 млрд теңге инвестиция тартылған.Өз сөзінде аймақ басшысы аудандағы өнеркәсіп саласын дамытуға баса назар аудару керегін жеткізді. Себебі Кеген ауданының өнеркәсіп өнімінің көлемі облыстағы көрсеткіштің небәрі 0,7%-ын құрайды.«Аудан халқы негізінен ауыл шаруашылығымен айналысады. Сонымен қатар өнеркәсіпті дамытуға да әлеуеті жеткілікті. Осыған байланысты аудан әкімдігіне жаңа инвестициялық жобаларды тарту, шағын және орта бизнесті дамыту, ауыл шаруашылығы өнімдерін қайта өңдеу өндірісін жолға қою маңызды.Сонымен қатар өндірістік инфрақұрылымды дамыту, қажетті инженерлік желілермен қамтамасыз ету, кәсіби кадрлар даярлау және заманауи технологияларды енгізу арқылы ауданның өнеркәсіптік әлеуетін арттыру қажет», – деді аймақ басшысы.Марат Елеусізұлының сөзінше, соңғы төрт жылда облыста суару желілерін жаңартуға 16,3 млрд теңге бөлінсе, оның 5,2 млрд теңгесі Кеген ауданына тиесілі. Бұл жобалар ауданда 8,9 мың гектар суармалы жерді экономикалық айналымға қосуға мүмкіндік береді.«Ауыл аманаты» бағдарламасы аясында аудан халқына 17, «Кеңдала» бағдарламасы бойынша 3 несие берілген. Аймақ басшысы бұл жеткіліксіз көрсеткіш екенін айтты. Сондықтан аудан әкіміне түсіндіру жұмысын күшейтіп, жеңілдетілген қаржыландыру мүмкіндіктерін барынша пайдалануды тапсырды. Ал «Дипломмен ауылға» бағдарламасы аясында 20 маманға бюджеттік несиені жыл соңына дейін беру жоспарланып отыр. Одан бөлек биыл 2,5 мың шаршы метр тұрғын үй пайдалануға берілген. Сондай-ақ әлеуметтік осал топтар мен жергілікті атқарушы органдардың кезекте тұрған азаматтарына 150 пәтер қарастырылған.Биыл Қайыңды көліне апаратын жолдың 10 шақырымына асфальт төселіп, күрделі жөндеу жұмысы аяқталды. Сонымен қатар республикалық маңызы бар «Кеген-Нарынқол», «Көкпек – Кеген – Түп», «Жалағаш – Саты – Көлсай көлі» автомобиль жолдарында орташа жөндеу жұмыстары жүргізілуде. Аталған жұмыстар биыл толық аяқталады.Кездесу барысында тұрғындар өз сауалдарын қойып, оларға тұщымды жауап берілді. Мысалы, жергілікті тұрғын Ақсай суармалы каналының 1986 жылдан бері жөндеу көрмегенін айтты. Аудан халқы бұл канал арқылы 30 мың гектар суармалы жерді игеріп отырғанын, сондай-ақ жем-шөп қорын ұлғайтуда аталған каналдың маңызы зор екенін жеткізді.Жауапты мамандардың сөзінше, бұл жоба бойынша мердігер анықталып, құрылыс жұмысы басталған. Ол үшін биыл 500 миллион теңге қаржы қарастырылған. Марат Елеусізұлы Ақсай каналын жөндеуге республикалық бюджеттен қолдау бар екенін, қаражат бөлінсе жұмыс та тез аяқталатынын айтты.Ұзынбұлақ ауылының тұрғыны елдімекендегі ауруханаға күрделі жөндеу жүргізілсе деген өтінішін айтты. Денсаулық сақтау басқармасының басшысы күрделі жөндеу жобасы өте үлкен қаржыны қажет ететінін, ал жергілікті жерге тіркелген тұрғындар санының аз екенін ескерсек, бұл тиімсіз бастама болатынын түсіндірді. Оның орнына жаңа ғимарат салу дұрыс шешім болмақ. Марат Елеусізұлы күрделі жөндеудің бағасы мен тиімділігін қайта сараптап көруді тапсырды. Егер жоба тиімді болса, жөндеуге кірісетінін, болмаса блокты-модульді кешен салу мәселесі қарастырылатынын жеткізді.Ақпарат көзі : https://www.gov.kz/memleket/entities/almobl/press/news/details/1281878?lang=ru

Жидда, 2026 жылғы 27 тамыз – Қазақстан Республикасының Сыртқы істер министрінің орынбасары Арман Исағалиев Ислам ынтымақтастығы ұйымы Сыртқы істер министрлері кеңесінің 23-ші кезектен тыс сессиясына қатысты.Жабық жұмыс отырысының негізгі тақырыбы Палестинадағы қазіргі жағдайды талқылауға арналды. Қатысушылар палестиналық аумақтарда шиеленістің сақталып отырғанын, күрделі гуманитарлық ахуалды және тұрақсыздықтың өңірде одан әрі таралу тәуекелдерін атап өтті. Отырыста шиеленісті бәсеңдетуге, гуманитарлық көмек көрсетуді қамтамасыз етуге және саяси реттеу жолдарын іздеуге бағытталған дипломатиялық күш-жігерді жалғастыру қажеттігі де атап өтілді.Өз сөзінде А. Исагалиев палестиналық қақтығысты мүмкіндігінше тез арада тек саяси-дипломатиялық әдістермен реттеу қажеттігін мәлімдеді. Қазақстан делегациясының басшысы Қазақстанның Палестина халқына қолдау көрсетуге практикалық үлес қосуға дайын екенін білдірді. Атап айтқанда, азық-түлік көмегін көрсету, Газадағы әлеуметтік инфрақұрылымды қалпына келтіруге қатысу және Палестина жастарына білім беру гранттарын бөлу ұсынылды. Қазақстан тарапы Таяу Шығыста тұрақты бейбітшілікке тек «екі халыққа – екі мемлекет» қағидаты негізінде, астанасы Шығыс Иерусалим болатын 1967 жылғы шекаралар шегіндегі тәуелсіз Палестина мемлекетін құру арқылы қол жеткізуге болатынын растады.Сессия қорытындысы бойынша Палестина жөніндегі қарар қабылданып, сондай-ақ ИЫҰ-ның жаңа Бас хатшысы сайланды.Ақпарат көзі : https://www.gov.kz/memleket/entities/mfa/press/news/details/1281768?lang=ru

Гвардейск гарнизонында Құрлық әскерлері кіші мамандар даярлау орталығының 30212 әскери бөлімінде мерзімді әскери қызметшілерді әскери мамандықтарға даярлау жұмыстары жүйелі түрде жүргізілуде. Соның бірі – әскери аспаздарды даярлау.Отан алдындағы борышын өтеп жүрген қатардағы жауынгер Қарсыбай Данабек қазіргі таңда аспаздар даярлау ротасында әскери аспаз мамандығын меңгеріп жатыр. Әскери қызметші үшін бұл – жауапкершілігі жоғары әрі маңызды мамандықтардың бірі.Оқу-жаттығу барысында жас сарбаз тағам әзірлеудің қыр-сырын үйреніп, күнделікті ас мәзірін дайындау, азық-түлікті тиімді пайдалану және санитарлық талаптарды сақтау бойынша теориялық білімін тәжірибемен ұштастырып келеді.Әскери аспаздың жұмысы тек ас әзірлеумен шектелмейді. Ол жауынгерлердің сапалы әрі құнарлы тамақтануын қамтамасыз етіп, олардың күнделікті қызмет атқаруына қажетті күш-қуатты қалыптастыруға өз үлесін қосады.– Әскери аспаз болу – үлкен жауапкершілікті талап ететін мамандық. Әр тағамның сапасы мен дайындалу тәртібіне мұқият қарау керек. Оқу барысында көп нәрсе үйреніп жатырмын. Алдағы уақытта осы мамандықты жақсы меңгеріп, әскери қызметте алған білімімді тиімді пайдаланғым келеді, – дейді қатардағы жауынгер Қарсыбай Данабек.Жауынгер әскери қызметтегі күндері мен таңдаған мамандығы туралы ойын айтып, ас дайындау барысын көрсетті.Әскердің күнделікті тыныс-тіршілігінде әр мамандықтың өз орны бар. Ал әскери аспаздың еңбегі – жауынгерлердің дұрыс тамақтануын қамтамасыз етіп қана қоймай, олардың жауынгерлік даярлығы мен қызметтік міндеттерін сапалы орындауына қажетті жағдай жасаудың маңызды бөлігі.Ақпарат көзі : https://www.gov.kz/memleket/entities/mod/press/news/details/1281641?lang=ru

Алматы облысының әкімі Марат Сұлтанғазиев Райымбек ауданы тұрғындарымен кездесіп, атқарылған жұмыстардың есебін берді. Жиында өңірдің әлеуметтік-экономикалық дамуы, жыл басынан бері жасалған жұмыстар мен олардың нәтижелері баяндалды. Сондай-ақ Райымбек ауданының өзекті мәселелері талқыланып, алдағы негізгі міндеттер сараланды, – деп хабарлайды Алматы облысы әкімінің баспасөз қызметі.Райымбек ауданы тұрғындарының негізгі күнкөрісі ауыл шаруашылығымен тығыз байланысты. Оны дамыту үшін бірқатар инвестициялық және ғылыми жобалар жүзеге асырылуда. Мәселен, Қақпақ ауылдық округінде 5 мал бордақылау алаңының құрылысы басталды. Ал, Алатау қаласында салынып жатқан «PepsiCo» компаниясының игілігін де дәл осы Райымбек ауданының тұрғындары көрейін деп тұр. Өйткені осы зауытта өндірілетін қытырлақ тіскебасар (чипсы) дайындайтын картоп Нарынқолда өсіріледі. Ғылыми-зерттеу институты ғалымдарының қолдауымен «Тәуекел» шаруа қожалығы 80 гектарға арпа және 80 гектарға бидайдың элиталы тұқымдарын септі. Қазақ ұлттық аграрлық зерттеу университетімен мал шаруашылығын асылдандыру бойынша меморандум жасалып, шаруа қожалықтарға ғылыми-тәжірибелік қолдау көрсетілуде.Соңғы жылдары ауданда туризм саласы қарқынды дамып келеді. Қазіргі таңда Хан Тәңірінің етегіне 300-ден астам киіз үй тігіліп, жаз айларында шетелдік және отандық туристерге қызмет көрсетуде. Сонымен қатар қонақ қабылдайтын үйлер ашу бойынша 1 жарым айлық оқыту жұмысы жүргізіліп, нәтижесінде Қарасаз, Сарыжаз, Жамбыл, Қақпақ ауылдарында 17 қонақжай ашылды.Ауданда әлеуметтік нысандар да бой көтеруде. Мәселен, Қайнар ауылында спорт кешенінің құрылысы қарқынды жүріп жатыр. Ал Нарынқолда 250 адамды қабылдай алатын емхана құрылысы аяқталды. Қазіргі таңда медициналық құрал-жабдықпен қамтамасыз етуге өтінім берілді. Сондай-ақ бүгінде ауданда 260 тұрғын үй бой көтеруде. Инфрақұрылым саласы бойынша республикалық «Кеген – Нарынқол» автожолы жөнделуде. Жыл соңына дейін аяқталады деп жоспарланған.Марат Елеусізұлы халық алдында облыстың даму қарқыны туралы да баяндама жасады. Айтуынша, биылғы бірінші тоқсанда өңірлік өнім көлемі 6,8%-ға өскен. Жыл соңына дейін бұл көрсеткішті 7,4 трлн теңгеге жеткізу жоспарланып отыр. Сонымен қатар биыл облысқа 664,8 млрд теңге инвестиция тартылған. Оның 4,5 млрд теңгесі Райымбек ауданына тиесілі. Соған қарамастан ауданның облыстық инвестициядағы үлесі төмен. Марат Елеусізұлы аудан әкіміне жаңа инвестициялар тарту, кәсіпкерлікті қолдау, инфрақұрылымды жақсарту және кәсіби кадрларды даярлау, сол арқылы өндірісті ілгерілету міндетін жүктеді.Алматы облысы тоғыз жолдың торабында тұр. Бұл өңірді көлік-логистикалық орталыққа айналдырды деуге болады. Мәселен, соңғы төрт жылда логистикалық қоймалардың саны 43-ке дейін жетіп, олардың жалпы аумағы 334 мың шаршы метрді құрады. Бұл - Орталық Азиядағы ең жоғары көрсеткіш.Облыс әкімінің сөзінше, өңір экономикасын дамытудың негізгі драйвері – агроөнеркәсіптік кешен, осы салада өндірілген жалпы өнім көлемі бойынша облыс республикада екінші орында тұр.Бүгінде облыстағы суармалы алқаптардың 41,2 пайызына су үнемдеу технологиясы енгізілген. Осы арқылы шаруалар тіршілік нәрін 40-50 пайызға дейін үнемдей бастады.Биыл облыста 1 млн 81 мың шаршы метр тұрғын үй пайдалануға беру жоспарланған. Қазіргі таңда оның 909,8 мың шаршы метрі халық игілігіне берілді. Бұл көрсеткіш бойынша Алматы облысы республикада 3-орында.Қазіргі таңда өңірде 7 жаңа білім беру нысанының құрылысы жүргізіліп, 13 мектеп күрделі жөндеуден өтуде. Ал денсаулық сақтау саласы бойынша 3 медициналық нысан салынып жатыр.Облыс әкімі өз есебінде туризм бағытына ерекше тоқталды. Жыл басынан бері облысқа келген туристер саны 1,8 млн адамға жетті. Аймақ басшысы бұл тұрғыда Райымбек ауданында экологиялық, этно және агротуризмді дамытуға мүмкіндік мол екенін айтты. «Бұл бағыт ауыл тұрғындарының табысын арттыруға, жаңа жұмыс орындарын ашуға және жергілікті өнімдерді нарыққа шығаруға мүмкіндік береді. Ендігі міндет – осындай жобалардың санын көбейтіп қана қоймай, олардың қызмет сапасын арттыру», – деді облыс әкімі.Кездесу барысында жергілікті тұрғындар өздерін толғандырған сауалдарын қойды. Мәселен, жергілікті кәсіпкер қонақтарды қабылдайтын үй-жай салған. Туристік нысан Байынқол шекаралық аймағында орналасқан. Бекеттен өту үшін шекаралық аймаққа кіру рұқсатнамасы керек. Бірақ ол өте ұзақ дайындалады. Кейде туристер құжат ала алмай, кері қайтуға мәжбүр болады. Кәсіпкер тексеру мерзімін қысқартып, бекеттен өтуді жеңілдетуді сұрады. Аймақ басшысы Туризм басқармасы мен Шекара қызметіне құжат дайындау уақытын қысқартудың жолын қарастырып, туроператорлармен тікелей жұмыс істеудің оңтайлы жолдарын зерделеуді тапсырды.Тағы бір тұрғынның айтуынша, Байынқол өзенінің суы жаз айларында тасып, лайлануына байланысты 5300 га суармалы жер эрозияға ұшырап, тозып бара жатыр. Осыған байланысты Қаратоған ауылы маңындағы Ақкөл өзенінің суын Үкірші каналына қосуды және тоспа салуды өтінді. Аймақ басшысы бұл ұсынысқа қатысты жобалық-сметалық құжаттаманы әзірлеуді тапсырды.Азаматтар сондай-ақ газбен қамту ең өзекті мәселелердің бірі екенін айтады. Аймақ басшысының мәлімдеуінше, бұл түйткілдің шешімін табу мақсатында Кеген және Райымбек аудандарын газдандыру үшін «Шелек-Кеген-Нарынқол» магистральдық газ құбырын салу жобасы әзірленген. Жалпы құны – 39,5 млрд теңге, ұзындығы – 238 шақырым. Бүгінде жобаны қаржыландыру мәселесі Үкімет деңгейінде қаралуда.Марат Елеусізұлы сондай-ақ азаматтарды жеке мәселелері бойынша да қабылдады. Онда тұрғындар банк бөлімшелері мен спорт кешенін ашып беруді өтінді. Сондай-ақ газ, жарық, білім беру, ерекше қажеттілігі бар балаларға қолайлы жағдай жасау бойынша туындаған мәселелерін жеткізді. Аймақ басшысы азаматтарды мұқият тыңдап, жауапты мамандарға нақты тапсырмалар берді.Ақпарат көзі : https://www.gov.kz/memleket/entities/almobl/press/news/details/1281528?lang=ru

Абу-Даби, 2026 жылғы 25 тамыз – Қазақстан Республикасы Сыртқы істер министрінің орынбасары Арман Исағалиев Абу-Дабиге жұмыс сапары аясында Біріккен Араб Әмірліктерінің Сыртқы істер министрінің орынбасары Омар Обейд Альхесан Аль-Шамсимен және БАӘ Сыртқы істер министрінің халықаралық даму және ұйымдар мәселелері жөніндегі көмекшісі Сұлтан Мұхаммед Аль-Шамсимен келіссөздер жүргізді.Кездесулер барысында Қазақстан-Эмират стратегиялық қатынастарын одан әрі нығайтуға ерекше назар аударылды. Тараптар саяси диалогты тереңдету, сауда-экономикалық және инвестициялық ынтымақтастықты кеңейту, сондай-ақ консулдық өзара іс-қимылды одан әрі дамыту перспективаларын талқылады. Осы ретте инвестициялық ынтымақтастықтың оң серпіні атап өтіліп, БАӘ Қазақстанның ірі бес шетелдік инвесторының қатарына кіретіні айтылды. Екі елдің сыртқы саяси ведомстволары арасындағы белсенді диалогты сақтау және жоғары және жоғары деңгейлерде қол жеткізілген уағдаластықтарды іс жүзінде іске асыруға өзара мүдделілік расталды.Эмират тарапына Қазақстан Республикасының Президенті Қасым-Жомарт Тоқаевтың Халықаралық су ресурстары ұйымын құру жөніндегі бастамасы таныстырылды. Осыған байланысты тараптар биыл 8–10 желтоқсан күндері Абу-Дабиде өтетін БҰҰ-ның Су ресурстары жөніндегі үшінші конференциясына дайындық мәселелерін талқылап, оның халықаралық ынтымақтастықты ілгерілету және су қауіпсіздігі саласындағы практикалық шешімдерді дамыту үшін маңыздылығын атап өтті.Консулдық саладағы ынтымақтастықты дамыту аясында қазақстандық делегацияға БАӘ Сыртқы істер министрлігінің «Smart Mission» цифрлық платформасы және оның консулдық қызметтерді жетілдіруге, сондай-ақ шетелдегі мекемелер жұмысының тиімділігін арттыруға бағытталған мүмкіндіктері таныстырылды. Презентация қорытындысы бойынша тараптар консулдық қызметті цифрландыру және заманауи технологиялық шешімдерді енгізу саласында тәжірибе алмасуды одан әрі жалғастыруға қызығушылық білдірді.Халықаралық алаңдардағы, оның ішінде БҰҰ, ИЫҰ және ИЫҰ Парламенттік одағы аясындағы өзара іс-қимылға, сондай-ақ өңірлік және халықаралық күн тәртібіндегі өзекті мәселелер жөніндегі пікір алмасуға ерекше назар аударылды.Келіссөздер қорытындысы бойынша тараптар Қазақстан-Эмират стратегиялық әріптестігін одан әрі практикалық мазмұнмен толықтыру мақсатында тығыз өзара іс-қимылды жалғастыруға дайын екендерін растады.Ақпарат көзі : https://www.gov.kz/memleket/entities/mfa/press/news/details/1281377?lang=ru

Қазақстан Республикасының Сауда және интеграция министрлігі азаматтардан келіп түскен өтініштерге байланысты автомобиль бензинінің сапасына зертханалық зерттеуді жалғастыруда.ҚР СИМ Техникалық реттеу және метрология комитетінің Павлодар облысы бойынша аумақтық департаменті Павлодар мұнай-химия зауытында тікелей алынған бензиннің арбитраждық сынамаларын өндірушіден тәуелсіз зертханаға тапсырды. Sinoil, QazaqOil және Helios қоспалары қосылған отын үлгілері де жеке зерттелуде. Зерттеу нәтижелері бір апта ішінде белгілі болады.Қазіргі уақытта азаматтардың 12 өтініші қаралуда: 9-ы – Астана қаласынан, 1-еуі – Павлодардан және 2-еуі – Солтүстік Қазақстан облысынан.Сонымен қатар, 17 жанармай құю станциясында бақылау сатып алуы жүргізілді: 5-еуі – Алматы қаласында, 5-еуі – Алматы облысында, 6-ауы – Абай облысында және 1-еуі – Жамбыл облысында. Қазіргі уақытта алынған үлгілерге зертханалық сынақ жүргізілуде.Осылайша, жүргізіліп жатқан тексеру отын сапасын өндіріс кезеңінде ғана емес, оны тұтынушыға сатуға дейінгі кейінгі айналым кезеңдерінде де бағалауға мүмкіндік береді.Тексеру аясында сынамалар бүкіл жеткізу тізбегі бойынша, оның ішінде мұнай базаларында да алынады. Бұл жұмыстарды жүргізу үшін қажетті нормативтік-техникалық құжаттар, мемлекеттік стандарттар және сынақ зертханалары бар.Автомобиль бензинінің техникалық регламент талаптарына сәйкес келмейтіні анықталған жағдайда, заңнамада көзделген шаралар қабылданады. Оның ішінде талаптарға сәйкес келмейтін жанар-жағармай материалдарын сатуға тыйым салу және айналымнан алып қою шаралары қарастырылған.Сауда және интеграция министрлігі жүргізіліп жатқан зерттеулердің нәтижелері туралы хабардар етіп отырады.Ақпарат көзі : https://www.gov.kz/memleket/entities/mti/press/news/details/1281142?lang=ru

Қазақстан Республикасы Сыртқы істер министрінің орынбасары Арман Исағалиевтің Оман Сұлтанатына жұмыс сапары өтті.Сапар аясында А. Исағалиев Оман Сұлтанатының Сыртқы істер министрінің бірінші орынбасары Халифа әл-Харисимен кездесті. Тараптар қазақ-оман қатынастарының қазіргі жай-күйі мен даму перспективаларын, өңірлік және халықаралық күн тәртібінің өзекті мәселелерін, сондай-ақ көпжақты ұйымдар аясындағы өзара іс-қимылды талқылады.Жоғары және жоғары деңгейдегі байланыстарды одан әрі жандандыру және сапарларды ұйымдастыру мәселелеріне ерекше назар аударылды. Тараптар сондай-ақ Қазақстан мен Оманның сыртқы саяси ведомстволары арасындағы саяси консультациялардың екінші раундын Астанада өткізу мерзімдерін келісті.Кездесу барысында әл-Хариси Қазақстанды ел тарихындағы бір палаталы Құрылтайға алғашқы сайлаудың сәтті өтуімен жылы құттықтады. Жаңа Парламент Қазақстандағы саяси реформаларды ілгерілетуге, жүргізіліп жатқан өзгерістерді тиімді заңнамалық сүйемелдеуге және Қазақстан Республикасының Президенті Қасым-Жомарт Тоқаевтың басшылығымен елдің одан әрі орнықты дамуына елеулі үлес қосатынына сенім білдірілді.Жұмыс сапары аясында А. Исағалиев Оманның Инвестициялар агенттігі төрағасының бірінші орынбасары Мулхам әл-Джарфпен де кездесті.Тараптар инвестициялық ынтымақтастықты дамыту перспективаларын, оның ішінде бірлескен жобаларды іске асыру және Қазақстан мен Оманның іскер топтары арасындағы өзара іс-қимылды кеңейту мәселелерін талқылады.Көлік-логистикалық ынтымақтастықты дамытуға, оның ішінде Қазақстан өнімдерінің Парсы шығанағы және Үнді мұхиты елдерінің нарықтарына шығуын кеңейту үшін Оманның порт инфрақұрылымын пайдалану мүмкіндіктеріне ерекше назар аударылды.Кездесулер қорытындысы бойынша тараптар саяси диалогты одан әрі нығайтуға және Қазақстан мен Оман арасындағы өзара тиімді ынтымақтастықты кеңейтуге мүдделі екендерін растады.Ақпарат көзі : https://www.gov.kz/memleket/entities/mfa/press/news/details/1281033?lang=ru