Qazaqstan жеңіл атлетика кешенінде Кеңес Одағының Батыры Әлия Молдағұлованың 100 жылдығына орай әскери қызметшілер арасында қазақ күресінен I әлем чемпионатының салтанатты ашылу рәсімі өтті. Conseil international du Sport Militaire қолдауымен ұйымдастырылған жарыс басталған күні Қорғаныс министрі авиация генерал-лейтенанты Дәурен Қосанов күш құрылымдарының кіл мықты балуандарымен кездесті. Қорғаныс ведомствосының басшысы ұлттық спорт түрі – қазақ күресін дамытудың маңыздылығын атап өтіп, жауынгерлерге белдесуде жарқын жеңістер тіледі. Әскери қызметшілер арасында біріншіліктің салтанатты ашылу рәсіміне орталық мемлекеттік органдардың, күш құрылымдарының басшылары және Халықаралық әскери спорт кеңесінің (CISM) Президенті Бразилия Қарулы күштерінің полковнигі Ролим Фильо Нилтон Гомес қатысты.«Елімізде осындай ауқымды халықаралық турнирді өткізу – үлкен мәртебе. Әскери спортты дамытуға және ұлттық күрес түрлерін насихаттауға үлес қосып жатқанымыз біз үшін зор мақтаныш. Чемпионат жоғары деңгейде ұйымдастырылып, нағыз спорттық бәсекелестік рухта өтетініне сенімдімін. Бүгінгі жекпе-жектер барлық қатысушыларға жарқын эмоциялар, нағыз сайыс пен ұмытылмас әсер сыйлары анық. Ұлттық спортымыз – қазақ күресі болашақта Дүниежүзілік армия спорты кеңесінің бағдарламасында лайықты орын алады деп сенемін», – деп атап өтті Қорғаныс министрі.CISM спорт форумына қатысушылар шеруі Бразилия, Венесуэла, Гана, Иран, Италия, Камерун, Қытай және басқа 25 елдің (150-ден аса спортшы) әскери командаларын тоғыстырды.Қазақстанның Мемлекеттік Туы мен CISM туын көтеру құрметіне ҚР ҚМ Армия орталық спорт клубының спортшылары, Олимпиада ойындарының қола жүлдегері капитан Ғұсман Қырғызбаев пен Дүниежүзілік көшпенділер ойындарының күміс жүлдегері капитан Зәмзәгүл Файзолланова ие болды. «Батырлар ізімен» театрландырылған қойылымы, фольклорлық-этнографиялық дефиле және «Намыс» финалдық нөмірі тамаша сәтті айшықтай түсті. Балуандар боз кілемге шыққан сәттен турнирдің жарыс бөлігі басталды. Жекпе-жек ерлер мен әйелдер арасында 16 салмақ дәрежесінде өтуде.Чемпионат қазақ күресінің ежелгі спорт түрін халықаралық аренада дамытуға, әлем әскерлері арасындағы спорттық, мәдени және достық байланысты нығайтуға бағытталған.Ақпарат көзі : https://www.gov.kz/memleket/entities/mod/press/news/details/1051274?lang=kk

2025 жылғы 13 тамызда Бейжіңге (ҚХР) жұмыс сапары шеңберінде Қазақстан Республикасы Қаржы вице-министрі Дәурен Кеңбеил Қытай Қаржы министрлігінің, Қытай Халық Банкінің (PBoC) және Қытай Қаржы нарығының институционалдық инвесторлары ұлттық қауымдастығының (NAFMII),сондай-ақ Қытай Экспорттық-импорттық банкінің (Эксимбанк) өкілдерімен екіжақты кездесулер өткізді.Қытай Қаржы вице-министрі Ляо Минмен кездесуде сауда-экономикалық ынтымақтастықты дамыту және екіжақты қаржылық қатынастарды кеңейту мәселелері талқыланды.«Қытай Қазақстанның маңызды стратегиялық және инвестициялық әріптесі болып табылады. Қазақстанның Үкіметі Қытай қаржы институттарымен ынтымақтастықты нығайту бойынша белсенді жұмысты жалғастыруда. Осындай іскерлік кездесулер біздің қарым-қатынасымызды жаңа деңгейге шығаруға мүмкіндік береді» – деп Дәурен Кеңбеил атап өтті.Өз кезегінде, Ляо Мин экономикалық ынтымақтастықтың деңгейін және екіжақты іс-қимылдың перспективаларын жоғары бағалады. Қытайдың юаньмен қаржы нарығының құралдарына Қазақстанның қызығушылығын Қытай тарапы қолдады.Әріптестікті одан әрі дамыту мақсатында Тараптар ынтымақтастық туралы ведомствоаралық меморандум жасасу туралы уағдаласты.Қытай Халық Банкі төрағасының орынбасары Ксюан Чаненгпен және NAFMII Бас хатшысының орынбасары Ксю Джонгпен келіссөздер барысында халықаралық қаржылық нарықтардағы ағымдағы жағдай, қаржылық ынтымақтастықты дамыту туралы пікір алмасты және қытайлық нарыққа бондтарды юаньмен шығару бойынша өзара іс-қимыл туралы уағдаласты.Қытай Эксимбанкімен инвестициялық жобалардың іске асу барысы талқыланды.Кездесулер қорытындылары бойынша Тараптар бірлескен жобаларды іске асыруда, әріптестікті одан әрі дамытуда және өзара тиімді мақсаттарды қол жеткізуде сенімділік білдірді.Ақпарат көзі : https://www.gov.kz/memleket/entities/minfin/press/news/details/1051125?lang=kk

Елордадағы «Qazaqstan» жеңіл атлетикалық кешенінде әскери қызметшілер арасында қазақ күресінен алғашқы әлем чемпионаты жалауын көтерді. Халықаралық әскери спорт кеңесінің (CISM) бастамасымен ұйымдастырылып отырған турнирге әлемнің 20-дан астам елінен 250-ге жуық спортшы қатысып жатыр. Жарысқа Бразилия, Венесуэла, Гана, Иран, Италия, Камерун, Қытай, Қырғызстан, Марокко, Молдова, Моңғолия, Нигерия, Біріккен Араб Әмірліктері, Пәкістан, Ресей, Тәжікстан, Таиланд, Тунис, Түркия, Өзбекстан, Шри-Ланка және Эфиопия елдерінің әскери құрамалары келген.Қазақстан құрамасы сапында әлем және Азия чемпиондары, Дүниежүзілік көшпенділер ойындарының жеңімпаздары, сондай-ақ әлем кубогының иегерлерінен тұратын халықаралық ареналарда үлкен тәжірибе жинаған атақты балуандар өнер көрсетуде. Ел намысын қорғайтын спортшылар қатарында келесі спортшылар бар:Бекжан Төлепов (55 келі) – екі дүркін әлем чемпионы, әлем кубогының және Көшпенділер ойындарының жеңімпазы; Ашым Сағындық (66 келі) – әлем кубогының иегері; Нұрдәулет Бақтыбайұлы (82 келі) – әлем кубогының иегері; Айбек Ізтілеуов (100 келі) – ұлттық турнир жеңімпазы.Әйелдер командасы да тәжірибелі балуандардан құралған. Олардың қатарында келесі спортышлар бар: Айжан Жылқыбаева (48 келі) – 5-ші Көшпенділер ойындарының жеңімпазы; Рауза Нұрмұхамметова (56 келі) – екі дүркін әлем чемпионы, Азия чемпионы, Жекпе-жек өнері ойындарының жүлдегері; Зарина Сәріпова (65 келі) – әлем және Азия чемпионы, үш дүркін Қазақстан чемпионы; Зәмзагүл Файзолланова (77 келі) – Көшпенділер ойындарының күміс жүлдегері, Қарулы күштер құрамасының капитаны.Жарыс күнінің алғашқы жартысында ерлер арасында 55, 66, 82, 100 келі, ал әйелдер арасында 48, 56, 65, 77 келі салмақ дәрежелері бойынша іріктеу және жартылай финалдық белдесулер өтті. Финалдық жекпе-жектер мен салтанатты ашылу рәсімі жарыс күнінің екінші жартысына жоспарланған.Чемпионат Кеңес Одағының Батыры Әлия Молдағұлованың 100 жылдығына орай ұйымдастырылып отыр. Бұл дода – ұлттық спорт түрін дамытуға, әскери-спорттық қозғалысты нығайтуға, түрлі елдердің армиялары арасында тәжірибе алмасуға және спорт саласындағы халықаралық ынтымақтастықты кеңейтуге бағытталған. Қазақстан құрамасы жоғары деңгейде дайындық көрсетіп, өз жерінде өтіп жатқан әлем чемпионатында ел намысын лайықты қорғауға ниетті.Ақпарат көзі : https://www.gov.kz/memleket/entities/mod/press/news/details/1050864?lang=kk

Қазақстан Республикасының Қарулы күштерінде әскерлердің елді қорғау міндеттерін орындау дайындығына жауапты мамандардың кәсіби мерекесін аталып өтеді.Қарулы күштердің жауынгерлік қабілеті сапалы жоспарлау мен жеке құрамды оқытуды ұйымдастырудан басталады. Жауынгерлік дайындық жүйесі бөлімшелер мен взводтардан бастап батальон штабтары, әскери бөлімдер мен құрамаларға дейінгі барлық әскери бөлімшелерді қамтиды.Әскерлерді сапалы даярлау үшін полигондар мен оқу-жаттығу орталықтарының инфрақұрылымы белсенді түрде дамытылуда. Заманауи мультимедиялық сыныптармен, атыс және техника басқару тренажерларымен, автоматтандырылған бағалау жүйелерімен жабдықталған жаңа оқу-жаттығу кешендері құрылуда.Жыл сайын Қарулы күштерде 300-ден астам ірі оқу-жаттығулар өткізіледі. Олардың қатарында «Айбалта» стратегиялық, «Қаратау», «Батыл тойтарыс» сияқты жедел-тактикалық және кешенді оқу-жаттығулар бар. Бұл жаттығулар Қарулы күштердің барлық түрлері мен әскер тектерінің өзара іс-қимылын шынайы жауынгерлік жағдайға барынша жақын пысықтауға мүмкіндік береді.Жауынгерлік дайындық жүйесіне қос мақсатты мамандықтар бойынша оқыту да кіреді. Бұл мамандықтар армияда ғана емес, азаматтық салада да жоғары сұранысқа ие. Атап айтқанда, олардың қатарында байланысшылар, инженерлік-саперлік қызмет, әскери медицина, радиациялық, химиялық және биологиялық қорғаныс, бронетехниканы басқару және авиациялық техниканы техникалық қамтамасыз ету бар.Жыл сайын жауынгерлік дайындық аясында 15 мыңнан астам кәсіби маман – офицер, сержант, сарбаз және техникалық сарапшы даярланып шығады. Бұл тәсіл әскери кадрлардың әмбебаптығы мен олардың азаматтық өмірдегі бәсекеге қабілеттілігін қамтамасыз етеді.Министрлік жүзеге асырып жатқан маңызды жобалардың бірі – «Sarbaz 2.0» бағдарламасы. Аталған бағдарлама аясында жауынгерлік дайындықта жоғары нәтиже көрсеткен әскери қызметшілер ұлттық бірыңғай тестілеусіз және емтихансыз жоғары оқу орындарына түсу мүмкіндігіне ие болады. Бұл сарбаздар үшін жеке тұлғалық және кәсіби дамуға жол ашатын маңызды ынталандыру құралы болып отыр.Қазақстан армиясындағы жауынгерлік дайындық жүйесінің негізін қалағандар қатарында генерал-майорлар Юрий Курматов, Дамир Халиков, Нұрлан Жоламанов, Асқан Тасболатов, Алмаз Асенов, Талғат Қойбақов, Әлімжан Ерниязов, Тимур Әбішев, Алмаз Жұмакеев, Дәулет Оспанов, полковниктер Камил Урманов, Владимир Медведев, Нышанәлі Күзербаев, Хайрулла Ильясов және басқа да есімдері елге белгілі әскери басшылар бар.Бүгінгі күні ҚР Қарулы күштері Бас штабының Жауынгерлік дайындық департаментін генерал-майор Анатолий Довганюк басқарады. Бұл сала мамандарының тәжірибесі мен Отан алдындағы адалдығы – Қазақстан армиясының кез келген жағдайда өз борышын абыроймен атқара алатынына кепіл.Ақпарат көзі : https://www.gov.kz/memleket/entities/mod/press/news/details/1050852?lang=kk

eGov Mobile мобильді қосымшасы соңғы жылдардағы ең ауқымды жаңартудан өтті: интерфейсі қайта жасалды, навигациясы жетілдірілді, интеллектуалды іздеу мен цифрлық құжаттарға жедел қол жеткізу мүмкіндігі қосылды. Жаңарту өсіп келе жатқан сұранысқа жауап ретінде іске асырылды – бес жыл ішінде eGov Mobile қолданушыларының саны алты есеге өсіп, 11 миллионнан асты.Интеллектуалды іздеу және виртуалды көмекшіБасты жаңалықтардың бірі – интеллектуалды іздеу. Енді сұранысты енгізген сәтте барлық сәйкес нәтижелер көрсетіледі: қызметтер мен өмірлік жағдайлар. Іздеу жолағының жанында жасанды интеллект негізінде жұмыс істейтін eGov AI виртуалды көмекшісі пайда болды.eGov AI қосымшаға кіріктірілген және пайдаланушыларға мемлекеттік қызметтер жөнінде қажетті ақпаратты жылдам табуға көмектеседі. Ол чат форматында жұмыс істейді – сұрақ қойсаңыз, көмекші қарапайым тілмен не істеу керегін түсіндіреді, қажет болса бірден тиісті бөлімге немесе қызметке бағыттайды. Мұндай тәсіл уақытты үнемдеп, навигацияны жеңілдетеді. Іздеу жолағы жанындағы eGov AI белгішесін басу жеткілікті – сол сәтте чат ашылып, бірнеше секунд ішінде жауап алуға болады.Қауіпсіздік күшейтілдіЖаңарту барысында ақпараттық қауіпсіздікке ерекше мән берілді. Жеке деректерді қорғау деңгейі арттырылды, жүйенің сыртқы қауіптерге төзімділігін жоғарылатуға бағытталған техникалық жетілдірулер енгізілді.Ыңғайлы навигацияБасты бетте енді ең танымал сервистердің белгішелері көрсетіледі – оның ішінде мемлекеттік қызметтерге жедел қол жеткізу мүмкіндігі де бар. Көзге бірден түсетін жерге орналастырылған eGov логотипі қызметтер каталогына тікелей өтеді. Мұнда барлық қызметтер тақырыптар бойынша реттеліп берілген. Навигация электрондық үкімет және Е-лицензиялау порталы бағыттары бойынша бөлінген. Төменгі бөлікте жаңа мүмкіндіктер жөніндегі қысқаша ақпараттық баннерлер, сондай-ақ ТОП-қызметтер, танымал және ұсынылған қызметтер тізімі орналасқан.Жаңартылған «Сервистер» бөліміҚолданушылар үшін барлық цифрлық сервистер тізімі енді қосымшаның төменгі мәзіріндегі «Сервистер» белгішесі арқылы қолжетімді. Басты беттегі танымал сервистерден бөлек, мұнда барлық қолжетімді құралдар бөлімдер бойынша топтастырылған.Интерфейсі де ыңғайлырақ болды: әр сервис қасында түйреуіш бейнесіндегі белгіше бар – оны басқанда қызмет автоматты түрде танымалдар тізіміне қосылады. Сондай-ақ негізгі функцияларды қысқаша сипаттайтын баннерлер орналастырылған, бұл қосымша мүмкіндіктерді тезірек игеруге көмектеседі.Цифрлық құжаттарға жедел қол жеткізу«Цифрлық құжаттар» бөлімі айтарлықтай жаңартылды. Жеке куәлік, паспорт, туу туралы куәлік және өзге де маңызды құжаттар енді басты бетте бірден көрсетіледі – жеке бөлімге кірудің қажеті жоқ. Бұл қажетті құжатты немесе оның түпнұсқалығын тексеруге арналған QR-кодты лезде көрсетуге мүмкіндік береді.Өмірлік жағдайлар каталогыПайдаланушыларға қолайлы болуы үшін өмірлік жағдайлар бойынша жеке каталог енгізілді. Мұнда, мысалы, емханаға тіркелу, құжаттарды қалпына келтіру немесе жүргізуші куәлігін алу тәртібі бойынша кезең-кезеңімен нұсқаулық берілген. Қажетті жағдай таңдалған кезде құрылымдалған ақпарат ашылады: қандай әрекеттерді орындау керек, қайда жүгіну қажет, қай қызметті пайдалану керек және осы жағдайда қандай нормативтік құжаттар қолданылады.Әр өмірлік жағдай интерактивті сауалнама арқылы толықтырылады. Оның нәтижесі бойынша пайдаланушыға жеке сценарий ұсынылады. Егер ұсынылған шешім сәйкес келмесе, сауалнаманы қайта өтіп, балама нұсқаны алуға болады.eGov QR қызметінің жетілдірілуіЕнді экранда қызметтің мақсаты туралы түсініктеме көрсетіледі, ал қажет болған жағдайда түнгі уақытта қолдануға ыңғайлы болу үшін экран автоматты түрде жарықтанады.«Хабарламалар» бөлімін жаңартуҚызмет мәртебелері, сауалнама нәтижелері және маңызды жаңартулар туралы хабарламалар енді тақырыптар бойынша топтастырылған, бұл қажетті ақпаратты іздеуді жеңілдетеді.Жеке профильдегі кеңейтілген деректерПрофильде енді жеке мәліметтер, отбасы, денсаулық, еңбек қызметі, айыппұлдар, мүлік және басқа да салаларға қатысты ақпарат көрсетіледі. Сондай-ақ берілген келісімдер тарихы қолжетімді, ал қажетті бөлімге өту айқын және логикалық навигация арқылы жүзеге асады.eGov Mobile-дың ауқымды жаңартуы ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті мен «Ұлттық ақпараттық технологиялар» АҚ-ның бірлескен жұмысының нәтижесі болды.Ақпарат көзі : https://www.gov.kz/memleket/entities/mdai/press/news/details/1050774?lang=kk

2025 жылғы 12–13 тамызда Алматыда Women ICT Frontier Initiative – Digital Transformation (WIFI DX)бағдарламасы аясында үшінші аймақтық тренинг өтті. Іс-шараны Ақпараттық-коммуникациялық технологиялар бойынша даму үшін Азия-Тынық мұхиты оқу орталығы (APCICT/ESCAP) Қазақстан Республикасының Цифрлық даму, инновациялар және аэроғарыш өнеркәсібі министрлігімен бірлесіп ұйымдастырды.Бағдарлама тарихында алғаш рет тренинг орыс тілінде өткізілді, бұл Қазақстан мен Орталық Азия елдерінің әйел-кәсіпкерлері үшін оны қолжетімді етті. Тренингті жергіліктендіру Банк ЦентрКредиттің қолдауымен, сондай-ақ технологиялар мен кәсіпкерлік саласындағы жетекші әйелдер қауымдастықтарының — Women in Tech Kazakhstan, She Business Community, Women in Business серіктестігі арқылы мүмкін болды.Іс-шараға Қазақстан, Өзбекстан, Қырғызстан және Тәжікстан елдерінен келген тренерлер мен әйел-кәсіпкерлер қатысты. Бұл WIFI DX бағдарламасының Орталық Азиядағы ресми басталуын білдіреді. Өзбекстанның Цифрлық технологиялар министрлігінің өкілдері мен орталықазиялық Women in Tech қауымдастықтарының қатысуы бағдарламаның аймақтық ынтымақтастық пен тәжірибе алмасудағы маңызын көрсетті.WIFI DX бағдарламасы әйел-кәсіпкерлердің бәсекеге қабілеттілігін арттыру үшін олардың цифрлық дағдыларын дамытуға бағытталған. Екі күндік бағдарлама электрондық коммерция және цифрлық маркетинг, деректерді талдау, цифрлық қауіпсіздік, бизнестің үздіксіздігін жоспарлау және маркетинг пен сатуда жасанды интеллектті енгізу бойынша курстарды қамтыды.«Бұл тренинг тек цифрлық дағдылар туралы ғана емес, сонымен қатар сенім, мүмкіндіктер және аймақтық ынтымақтастық туралы», — деді Қазақстан Республикасы Цифрлық даму, инновациялар және аэроғарыш өнеркәсібі министрінің кеңесшісі Ассем Болатжан.«Тренингті қазақ және орыс тілдерінде өткізе отырып, біз тілдік кедергілерді жоямыз және көбірек әйелдер үшін маңызды білімге қол жеткізуді қамтамасыз етеміз», — деп қосты Банк ЦентрКредит Кәсіпкерлікті қолдау бағдарламалары дирекциясының басшысы Амина Хасенова.2016 жылы APCICT/ESCAP бастамасымен іске қосылған WIFI DX бағдарламасы цифрлық экономика жағдайында әйел-кәсіпкерлердің қажеттіліктеріне сай дамуды жалғастыруда. Бағдарламаның Орталық Азиядағы нұсқасы аймақтағы одан әрі жергіліктендірілген және бірлескен бастамаларға негіз болмақ.Ақпарат көзі : https://www.gov.kz/memleket/entities/mdai/press/news/details/1050672?lang=kk

Қонаев қаласындағы Б. Соқпақбаев атындағы орталық саябақ сахнасында Спорт күніне арналған мерекелік кеш өтті. Бір алаңда олимпиада жүлдегерлері, әлем чемпиондары, спорт ардагерлері, жаттықтырушылар және жас спортшылар бас қосты.Мереке Жақсылық Үшкемпіровтің аңызға айналған жеңісін бейнелеген театрландырылған қойылыммен ашылды. Одан кейін спорт ардагерлері, жаттықтырушылар және дене шынықтыру мен спорт саласының мамандары марапатталды.Облыс әкімі Марат Сұлтанғазиев спортшылардың жетістіктері жүйелі қолдаудың нәтижесі екенін атап өтті: «Спорт – ұлт рухын көтеретін күш. Өңірде спорт саласын дамытуға ерекше көңіл бөлінеді. Жоғары нәтижелерге қол жеткізген спортшылар ай сайынғы стипендия алады, ал енді «Алатау» клубының жұмысының арқасында қосымша төлемдер де беріледі. Сонымен қатар, спорт саласының мамандары мен үздік спортшылар «Отбасы банк» арқылы жеңілдетілген ипотекалық несие рәсімдей алады. Бұл – олардың еңбегіне берілген лайықты баға әрі жаңа жеңістерге ынталандыру», – деді ол.Соңғы жылдар өңір үшін жарқын жетістіктерге толы болды: Париж олимпиадасында Демеу Жадраевтың күміс медалі, Харбинде өткен қысқы Азия ойындарында Асет Дүйсеновтің жүлделері, сондай-ақ боксшылар мен ауыр атлеттердің Азия және әлем чемпионаттарындағы алтын жеңістері.Бұқаралық спорт та қарқынды дамуда. 2024 жылдан бері «Алатау лигасы» аясында ауылдық округтерде 140 клуб ашылып, футбол, баскетбол, волейбол және үстел теннисі бойынша 318 команда құрылды. Жоба жаңа жұлдыздарды анықтап, мыңдаған тұрғынды салауатты өмір салтына баулып келеді.Ақпарат көзі : https://www.gov.kz/memleket/entities/almobl/press/news/details/1050647?lang=kk

Елордадағы Qazaqstan спорт кешенінде әскери қызметшілер арасында қазақ күресінен өтетін I-ші әлем чемпионатына қатысушылар үшін Qazaq kuresi қауымдастығы мастер-класс ұйымдастырды.Әр түрлі елдердің спортшыларын Қазақ ұлттық күресінің ерекшеліктерімен United World Wrestling (UWW) төрешілік жөніндегі халықаралық нұсқаушысы, қазақ күресі, алыш және панкратион бойынша халықаралық жарыстардың бас төрешісі Эдмар Абдуллаев таныстырды.Теориялық семинар аясында ол жекпе-жек кезінде туындайтын даулы жайттар туралы айтып, жарыс секунданттарына қандай іс-әрекеттер жасауға құқылы екенін түсіндірді.Бұдан соң бозкілемде практикалық сабақтар өтті. Атақты қазақстандық спортшы Олимпиада ойындарының қола жүлдегері капитан Ғұмар Қырғызбаев өз әдістерін ортаға салды.Жаттығуға CISM штаб-пәтерінің ресми өкілі, CISM дзюдо комитетінің президенті ирандық полковник Реза Бакари де қатысып, итальяндық балуандармен боз кілемде достық кездесулер өткізді.Құрмет белгісі ретінде ҚР Қорғаныс министрлігі Спорт комитетінің төрағасы – Армия орталық спорт клубының бастығы полковник Арман Әбеуов Иран Ислам Республикасынан келген қонаққа қазақ күресіне арналған вегеn күртешесін сыйлады.Әртүрлі елдердің әскери қызметшілері арасында ұлттық күрестің осы түріне деген үлкен қызығушылық Астанаға 20-дан астам елдің командасын жинап отыр.– Қазақ күресінің болашағы зор. Бүгін қазақтың ұлттық күресі CISM-ге әлемдік деңгейдегі спорт түрі ретінде ұсынылатынына көз жеткіздім, – деді полковник Реза Бакари.Естеріңізге сала кетейік, ерлер мен әйелдер арасында 16 салмақ дәрежесінде әскери қызметшілер арасында жекпе-жек өтеді. Оған Қазақстан атынан ҚР Қорғаныс министрлігі мен ҚР Мемлекеттік күзет қызметі құрамындағы ең мықты балуандар қатысады.Ақпарат көзі : https://www.gov.kz/memleket/entities/mod/press/news/details/1050614?lang=kk

Астанға Кеңес Одағының Батыры Әлия Молдағұлованың 100 жылдығына арналған әскери қызметшілер арасында қазақ күресінен өтетін әлем біріншілігіне қатысу үшін дүниенің төрт бұрышынан балуандар жиналды. Qazaqstan жеңіл атлетика спорт кешенінде ҚР Қорғаныс министрлігінің Аппарат басшысы полковник Ербол Құмарбекұлы әлемнің 24 елінен келген делегация басшыларымен және спорт төрешілерімен ресми кездесу өткізді.Ол ЮНЕСКО-ның Адамзаттың материалдық емес мәдени мұрасы тізіміне енгізілген Қазақ күресінен өтетін халықаралық жарысқа қатысуға шақыруға жауап берген әлем армиясының өкілдеріне ризашылығын білдірді.Отырыста CISM жарыстарының бас төрешісі Эдмар Абдулаев қатысушыларды чемпионаттың ережелерімен таныстырды.Ал Qazaq Kuresi қауымдастығы спортшыларды ұлттық жекпе-жек түрінің техникасымен таныстыру мақсатында шеберлік сабағын ұйымдастырды.Жекпе-жек ерлер арасында (55 келі, 60 келі, 66 келі, 74 келі, 82 келі, 90 келі, 100 келіге дейін және одан жоғары) және әйелдер арасында (48 келі, 52 келі, 56 келі, 60 келі, 65 келі, 70 келі, 77 келіге дейін және одан жоғары) 16 салмақ дәрежесі бойынша өтетінін естеріңізге саламыз.Әскери қызметшілер арасында қазақ күресінен I-ші әлем чемпионатының салтанатты ашылуы 2025 жылғы 14 тамызда өтеді. Ақпарат көзі : https://www.gov.kz/memleket/entities/mod/press/news/details/1050578?lang=kk

Жаңа Салық кодексін іс жүзінде қолдану кәсіпкерлердің қызметіндегі тиімділікті арттыруда маңызы зор. Салық есептілігі мен тексеру тәртібіндегі, сол секілді қолдау тетіктеріндегі өзгерістер жайлы хабардар болу бизнеске артық кемшіліктер мен санкциялардан сақ болуға, сондай-ақ заңнамада көзделген мүмкіндіктерді барынша пайдалануға көмектеседі. Осы мақсатта ҚР Қаржы министрлігі еліміздің барлық өңірінде ақпарат жұмысын бастап, заңдағы негізгі ережелерді түсіндіріп, кәсіпкерлердің өзекті сұрақтарына жауап беріп келеді. Мұндай жұмыс форматы салық сауаттылығын арттырып, қоғамның сенімін нығайтады және ашық, қолайлы іскер ортаны қалыптастыруға жол ашады.Айталық, кезекті семинар Петропавл қаласында болып өтті. Солтүстік Қазақстан – аграрлық секторы жолға қойылған өңірлердің бірі, мұнда 42 мыңнан астам шағын және орта бизнес субъектісі бар. Семинарға облыстағы ЖШС, ЖК мен агроқұрылымдардың 500-ден астам өкілі, сондай-ақ «Атамекен» кәсіпкерлер палатасының өкілдері қатысты. Жаңа реформаның артықшылықтары туралы Мемлекеттік кірістер комитеті төрағасының орынбасары Жәнібек Нұржанов айтып берді.Оның айтуынша, аталған кодекс агробизнеске айтарлықтай фискалды артықшылықтар береді. Олардың қатарында: ауыл шаруашылығы тауар өндірушілеріне арналған 3% мөлшеріндегі жеңілдетілген корпоративті табыс салығының мөлшерлемесі, шағын және орта шаруа немесе фермер қожалықтары үшін арнайы салық режімінің сақталуы. Бұған қоса қосылған құн салығы бойынша қосымша шегерім сақталып қана қоймай оның көлемі 70% 80% дейін ұлғаяды. Көлік салығына тоқталсақ, шаруа немесе фермерлік қожалықтарға арналған арнайы салық режімін қолданушыларға бір пикапқа (жеңіл жүк көлігі) қосымша жеңілдік қарастырылған.Бұл амал аграршылар үшін тұрақты әрі тиімді бизнес-ортаны қалыптастырып, салық жүктемесін азайтуға және салаға инвестиция тартуға септеседі.Бұдан бөлек жеңілдетілген салықтық тетіктері қарастырылып отыр: бірыңғай жер салығы алынып тасталады, арнайы режімдер үшке дейін азайды, ал өзін-өзі жұмыспен қамтығандарға арналған мобильді қосымшаларды қоса алғанда, цифрлы сервистерді енгізу азаматтарға декларацияларды тексеріп, салықтарды онлайн түрде төлеуге мүмкіндік береді. Осы арқылы бюрократия азайып, әкімшілендіру ісінің ашықтығы артады.«Жаңа заңдағы аграршыларға арналған жеңілдіктер агроөнеркәсіпті дамытуға айтарлықтай серпін беруі мүмкін.Салықтық әкімшілендіруді жеңілдетіп, осы саладағы жүктемені азайту мен тиісті рәсімдерді оңтайландыру өндірісті кеңейтуге, шаруашылықтарды жаңғыртуға және аграрлық секторға инвестиция тартуға жайлы жағдай жасайды», деді Ж.Нұржанов.Келесі семинар 14 тамызда Ақмола облысының Көкшетау қаласында өтеді.Ақпарат көзі : https://www.gov.kz/memleket/entities/minfin/press/news/details/1050524?lang=kk

Үкіметтің баспасөз орталығы алаңында өткен баспасөз мәслихатында Премьер-министрдің орынбасары – ұлттық экономика министрі Серік Жұманғарин экономиканы қаржыландыру туралы айтты.Ол 2025 жылғы 31 шілдедегі жағдай бойынша «Бәйтерек» холдингі кәсіпкерлерге 3,5 трлн теңгеге қолдау көрсеткенін, оның 1,75 трлн теңгесі – ШОБ субъектілеріне, 657,5 млрд теңгесі АӨК-ке тиесілі екенін айтты. Ірі бизнес 1,38 трлн теңгеге, экспорттаушылар – 394 млрд теңгеге қолдау алды. Субсидиялардан кепілдіктерге көшу шеңберінде «Даму» қорының базасында 7 млрд теңгеге дейінгі ШОБ жобалары және 7 млрд теңгеден астам ірі жобалар үшін кепілдік қорлары құрылды.Банк өтімділігін тарту үшін «Бәйтерек» холдингінің, Экономика министрлігінің, Ұлттық банктің, ҚҚҚ және ҚНРДА қатысуымен жобалық кеңсе құрылды. Синдикатталған қаржыландыру арқылы 9,1 трлн теңгені құрайтын 19 жоба мақұлданды.«Бизнестің хабардарлығын арттыру мақсатында «Бизнестің цифрлық картасы» жобасы жүзеге асырылуда. 100-ден астам қолдау шаралары бар Тізілім бекітілді. “Бәйтерек” холдингіне қолдау көрсету шараларын қамтитын Bgov ақпараттық жүйесін 71 мың пайдаланушы 2,3 млн рет пайдаланған eGov Business қосымшасымен интеграциялау аяқталды», — деп толықтырды Серік Жұманғарин.Ақпарат көзі : https://www.gov.kz/memleket/entities/economy/press/news/details/1050525?lang=kk

Үкіметтің баспасөз орталығы алаңында өткен баспасөз конференциясында Премьер-министрдің орынбасары – ұлттық экономика министрі Серік Жұманғарин республикада шағын және орта бизнесті қолдау бойынша қабылданып жатқан шаралар туралы айтты.Вице-премьер 1 тамызда 288,3 млрд теңгеге 2 048 жоба субсидияланғанын, 61 млрд теңгеге 737 жоба кепілдік алғанын хабарлады. 9 мыңға жуық кәсіпкер оқудан өткен. 2025 жылы ШОБ-ты қолдауға 271,1 млрд теңге бағытталады.«12,6% мөлшерлемемен "Өрлеу" жеңілдетілген несиелеу бағдарламасы іске қосылды. Жалпы қолдау көлемі – 750 млрд теңге. 200 млрд теңгеге 394 жоба қаржыландырылды», — деп атап өтті Серік Жұманғарин.Ақпарат көзі : https://www.gov.kz/memleket/entities/economy/press/news/details/1050508?lang=kk

Үкіметтің баспасөз орталығы алаңында өткен баспасөз конференциясында Премьер-министрдің орынбасары – ұлттық экономика министрі Серік Жұманғарин Мемлекет басшысының экономикалық өсім жөніндегі тапсырмасының орындалу барысы туралы айтты.Вице-премьер Президент Қасым-Жомарт Тоқаев 2029 жылға қарай Қазақстан экономикасын екі есеге арттыру жөнінде өршіл мақсат қойып отырғанын атап өтті. 2024 жылдың қорытындысы бойынша мұндағы нысаналы көрсеткішке қол жеткізілді.«Бұл бағыттағы жұмыстар жалғасуда, соның ішінде инвестицияны ынталандыру, өнімділікті арттыру және экономиканың шикізатқа жатпайтын секторын кеңейту есебінен жүруде. Биылғы қаңтар-шілде айларының қорытындысы бойынша экономикалық өсім 6,3%-ға жетті. Нақты сектордағы өсім 8,3% құрады. Қызметтер өндірісі 5,2%-ға өсті», — деп хабарлады Серік Жұманғарин.Негізгі драйверлер - көлік (+22,5%), құрылыс (+18,5%) және сауда (+8,6%) саласы. Тау-кен өнеркәсібінде өсу жалғасып (+8,5%), өңдеу секторы (+6,1%) жандана түсті.Ақпарат көзі : https://www.gov.kz/memleket/entities/economy/press/news/details/1050477?lang=kk

Боевое крещение приняли солдаты срочной службы войсковой части 32363, совершив первый в жизни прыжок с парашютом с борта вертолета Ми-17 на высоте 800 метров.150 молодых военнослужащих успешно выполнили десантирование с применением парашютных систем Д-6 четвертой серии, предназначенных для учебно-тренировочных прыжков. Этот момент стал не просто частью боевой подготовки, но и символом вступления в братство Десантно-штурмовых войск.Перед выполнением прыжков солдаты прошли серьезную теоретическую и практическую подготовку. Как отметил старший офицер отдела воздушно-десантной подготовки части гвардии капитан Амантай Жалтырбай, особое внимание уделялось укладке парашюта, действиям в воздухе и отработке возможных нештатных ситуаций на специализированных тренажерах. – Каждый десантник должен уметь не только правильно уложить парашют, но и быть готовым к любому развитию событий в воздухе. Это требует максимальной концентрации, дисциплины и физической выносливости, – подчеркнул А. Жалтырбай.Непосредственно перед посадкой в вертолет с личным составом провели инструктаж. После успешного приземления десантники продолжили выполнение тактических задач на земле.Прыжки с парашютом являются важнейшим элементом воздушно-десантной подготовки. Они требуют от солдата мужества, собранности и готовности к действию в любой ситуации. Это проверка духа, характера и боевой выучки. С этим испытанием молодые десантники справились достойно.Ақпарат көзі : https://www.gov.kz/memleket/entities/mod/press/news/details/1050207?lang=kk

Астана, 2025 жылғы 12 тамыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Армения Республикасының Сыртқы істер министрі Арарат Мирзоянмен телефон арқылы сөйлесті.М.Нұртілеу Армения СІМ басшысын Вашингтонда өткен үшжақты кездесудің қорытындысы бойынша Армения мен Әзербайжан арасындағы бейбітшілік орнату туралы декларацияға қол қойылуымен құттықтады.ҚР Сыртқы істер министрі бұл қадамның Оңтүстік Кавказ өңірінде тұрақты бейбітшілік орнату, орнықты даму мен өркендеуді қамтамасыз ету жолындағы маңыздылығын атап өтті.Тараптар өңірлік коммуникацияларды ашу бойынша қол жеткізілген уағдаластықтарды жүзеге асыру аясында сауда, логистика және көлік салаларындағы ынтымақтастықтың перспективаларын талқылады.Сұхбат барысында алдағы уақытта Армения Премьер-министрі Никол Пашинянның Астанаға ресми сапары аясында екіжақты күн тәртібіндегі мәселелерге ерекше назар аударылды.Келіссөздер қорытындысы бойынша министрлер өзара тиімді ынтымақтастықты одан әрі нығайтуға бейілділігін растай отырып, саяси диалогты жалғастыруға келісті.Ақпарат көзі : https://www.gov.kz/memleket/entities/mfa/press/news/details/1049795?lang=kk

Елордада әскери қызметшілер арасында Халықаралық әскери спорт кеңесінің (Conseil International du Sport Militaire) қолдауымен қазақ күресінен I-ші әлем чемпионаты өтеді. Біріншіліктің ашылуы 14 тамызда Qazaqstan жеңілатлетикалық спорт кешенінің базасында өтеді. CISM турнирінің ұйымдастырушылары – ҚР Қорғаныс министрлігінің Спорт комитеті, ҚР Туризм және спорт министрлігі және Астана қаласы әкімдігінің қолдауымен Qazaq Kuresi қауымдастығы.Әскери қызметшілер арасында қазақ күресінен өтетін I-ші әлем чемпионатында әлемнің 25 армиясының балуандары бағын сынайды. Қазақстанның намысын Қарулы күштер мен Мемлекеттік күзет қызметі құрамының мықты спортшылары қорғайды. Жекпе-жек ерлер арасында (55 келі, 60 келі, 66 келі, 74 келі, 82 келі, 90 келі, 100 келіге дейін және одан жоғары) және әйелдер арасында (48 келі, 52 келі, 56 келі, 60 келі, 65 келі, 70 келі, 77 келіге дейін және одан жоғары) 16 салмақ дәрежесі бойынша өтеді.Қазақстан өткен жылдың мамыр айында Танзаниядағы Сonseil International du Sport Militaire 79-шы Бас ассамблеясында және конгресінде жекпе-жектің ең көне түрінің тұсаукесерінен кейін әскери қызметшілер арасында қазақ күресінен I-ші әлем чемпионатын өткізу құқығына ие болды.Әлем чемпионаты Кеңес Одағының Батыры Әлия Молдағұлованың 100 жылдығына орайластырылған. Іс-шара аясында отандасымыздың өмірі мен ерлігіне байланысты бірегей құжаттар, фотосуреттер және артефактілер қойылатын тақырыптық көрме өтеді. Бұдан басқа, спорт форумының қонақтары қазақ мәдениетінің атмосферасымен таныса алады, яғни аренаның жанында киіз үйлер, ұлттық жәдігерлер мен дәстүрлі өнер үлгілері орнатылады.Естеріңізге сала кетсек, Conseil International du Sport Militaire – Халықаралық Олимпиада комитетінен кейінгі екінші маңызды спорттық ұйым. Ол 140-қа жуық ел қарулы күштері өкілдерінің басын қосады.Чемпионатты сәтті өткізу отандық күрес тарихында бетбұрыс жасауға ықпал етеді деп күтілуде, өйткені CISM қазақ күресін әлемдік армия турнирлерінің жыл сайынғы бағдарламасына, одан бөлек 2027 жылы АҚШ-та өтетін дүниежүзілік әскери ойындарға қосу мүмкіндігін қарастыруда.Ақпарат көзі : https://www.gov.kz/memleket/entities/mod/press/news/details/1049738?lang=kk

Бүгін, 12 тамызда Қостанай облысы бүкіл елмен бірге Халықаралық жастар күнін атап өтуде. 3-12 тамыз аралығында өңірде өткізілген ауқымды іс-шаралар онкүндігі осы маңызды күнге орайластырылып, жастардың спорттық, мәдени және әлеуметтік бастамаларын біріктірді.Мереке басталғаннан қостанайлықтар белсенділік танытып, ерекше атмосфераға бөленді: орталық алаңда көңілді жарыстар, байқаулар мен спорттық-сауықтыру кештері өтті. Алаңда орналасқан караоке сахнасында жастардың сүйікті хит-әндері шырқалды. 5 тамызда I-Qostanay кеңістігінде жұмысшы жастар форумы өткізіліп, өз саласының үздік мамандарына «Үздік шебер» сыйлығы табысталды. Жеті жеңімпаздың әрқайсысына 100 000 теңге сомасында ақшалай сертификат берілді.6 тамызда қала орталығы - қостанайлық Арбатта қолөнер көрмесі, көше музыкасының шеруі, ашық аспан астында мерекелік қойылымдар мен шығармашылық интерактивті іс-шаралар өтті. Атмосфера еуропалық рухтағы ең жақсы мерекелерді еске түсірді. 7 тамыз күні «Ұлы Дала» саябағындағы жазғы кинотеатрда көрермендер ашық аспан астында көркемфильм тамашалады. Ал 8 тамызда жастар тек көңіл көтеріп қана қоймай, Тобыл жағалауында «Таза ойындар» экологиялық квестін өткізді, онда қатысушылар аумақты тазалаудан жарысып, туған қалаға деген қамқорлықты дәріптеді.Бұл күндері жастар бастамаларын қолдауға ерекше көңіл бөлінді. 11 тамызда «Жастар сарайында» шағын гранттар байқауы өтіп, бастамашыл топтар мен еріктілер бірлестіктеріне өз жобаларын жүзеге асыру үшін 100 000 теңгеден 7 грант берілді.Онкүндіктің маңызды сәттерінің бірі 9-10 тамыз аралығында өткен баскетбол, шағын футбол және киберспорт бойынша жасөспірімдер арасындағы турнирлер болды. Бұл жарыстар тек ойыншыларды ғана емес, сонымен қатар спорт пен ойын ежелден өмір салты болған жастар командаларын, клубтарды біріктірді.   Баскетбол турниріне қала мен облыс бойынша әрқайсысы оқу орындары, спорт клубтары немесе бейресми жастар бірлестіктерінің атынан шыққан мықты 7 команда қатысты. Турнирге деген қызығушылықтың жоғары болғаны сонша, спорт кешендерінің трибуналары жанкүйерлерге лық толды.  Тобыл кентінегі «Затоболец» стадионында өткен футбол турнирінде 32 команда бақ сынады. Қатысушылар арасында мектеп оқушылары, студенттер, жас мамандар мен футбол жанкүйерлері болды. Турнир топтық және плей-офф сияқты екі кезеңнен құралды.Киберспорттық жарыстар да қызықты өтті, онда 30-дан астам геймер-қауымдастықтар мен клуб өкілдерінің командалары бақ сынасты.FIFA 2025-те 30 қатысушы өз шеберліктерін айқын көрсетті, виртуалды стадиондар эмоцияларға толы болды, UFC 4 ойынындағы тағы 20 ойыншы финалы болжанбайтын нағыз кибержекпе-жекті көрсетті. Киберспорт бойынша жалпы жүлде қоры 525 000 теңгені құрады, бұл қатысушылар үшін күшті ынталандыру болды. Онкүндік 12 тамызда Ұлы Дала саябағының сахнасында Open Air концерттік бағдарламасымен аяқталды. Шығармашылық топтар өз өнерімен көрермендерге мерекелік көңіл-күй сыйлады. Соңында турнир жеңімпаздары мен облыстың белсенді жастарын салтанатты марапаттау рәсімі өтті. Жас көшбасшылар, волонтерлар, спортшылар мен шығармашылық дарындарға сертификаттар мен сыйлықтар табыс етілді.Ақпарат көзі : https://www.gov.kz/memleket/entities/kostanay/press/news/details/1049689?lang=kk

Қонаев қаласында заманауи қала ортасын қалыптастыруға бағытталған ауқымды тұрғын үй құрылысы жалғасуда. Бүгінде қаланың әртүрлі шағынаудандарында абаттандырылған аулалары, сауда нысандары және демалыс орындары бар 86 жаңа тұрғын үйдің құрылысы жүргізілуде.Д. Қонаев даңғылында «MDI Construction» ЖШС «Маяк» тұрғын үй кешенін салып жатыр. Жоба жеті төрт қабатты секциядан тұрады және 216 пәтерді қамтиды. Сондай-ақ, кешен аумағында жеке кафе, дүкен және спорт залы қарастырылған.19-шағынауданда «Хаммер Бау Девелопмент» ЖШС «Атамекен» тұрғын үй кешенін салуда. Жоба үш тоғыз қабатты кең пәтерлі үйден тұрады. Құрылысты 2025 жылдың соңына дейін аяқтау жоспарланған.Ірі жобалардың бірі – «Али-Нұр транс» ЖШС-нің «NNS City» тұрғын үй кешені. Мұнда 21 бес қабатты үй салынып, шамамен 600 пәтер пайдалануға беріледі. Бірінші кезектің құрылысы 2026 жылдың қараша айында аяқталады.Қаланың орталығында, Д.А. Қонаев даңғылында Retail Construction компаниясы 50 пәтерден тұратын ықшам бес қабатты үй салып жатыр. Нысанды 2025 жылдың желтоқсан айында тапсыру көзделген.«R&M Construction» ЖШС жүзеге асырып жатқан «Аристократ» тұрғын үй кешені 25 үйден тұрады. Қазіргі таңда кейбір үйлер пайдалануға берілген, ал жоба толықтай 2027 жылы аяқталады.«GS QURYLYS» ЖШС «Comfort» тұрғын үй кешенінің құрылысын жүргізуде. Жоба төрт тұрғын блоктан, дүкендерден және автотұрақтан тұрады. Құрылысты 2026 жылдың басында аяқтау жоспарланған.10-шағынауданда Chinese Foreign Construction Company компаниясы «Феникс» тұрғын үй кешенінің құрылысын бастайды. Бірінші кезек 2026 жылы тапсырылады.Осы жылдың басынан бері қалада 14,213 мың шаршы метр тұрғын үй пайдалануға берілді, бұл 2024 жылғы көрсеткіштің 65,2%-ын құрайды. Орындаған құрылыс жұмыстарының көлемі 8 млрд теңгені құрады.Аталған жобаларды іске асыру қала тұрғындарын заманауи әрі жайлы тұрғын үймен қамтамасыз етіп, абаттандыру деңгейін арттыруға, сондай-ақ әлеуметтік және коммерциялық инфрақұрылым нысандарын көбейтуге мүмкіндік береді.Ақпарат көзі : https://www.gov.kz/memleket/entities/almobl/press/news/details/1049612?lang=kk

Алматы облысында 35 жасқа дейінгі шамамен 430 мың жас тұрады, олардың 80%-дан астамы – ауылдық жерде, 136 ауылдық округте. Ауылдарда жастармен жастар ісі жөніндегі нұсқаушылар жұмыс істейді – олар мемлекеттік саясатты ауыл деңгейінде жүзеге асыратын негізгі буын.Өңірде алғаш рет осы саладағы үздік мамандарды анықтап, ынталандыруға бағытталған «Umtylys» байқауы өтті. Іріктеу кезеңінен кейін 44 қатысушы финалға жолдама алды, олардың арасынан комиссия 8 жеңімпазды анықтады. Меценаттардың қолдауына ие болған олардың жобалары жыл соңына дейін жүзеге асырылады. Бүгін жеңімпаздарға салтанатты жағдайда қаржылай сертификаттар мен естелік сыйлықтар табысталды. Облыстық мәслихат төрағасы Қуат Байғожаев белсенді жастардың өңірдегі жастар ортасын дамытуға және әлеуметтік капиталды нығайтуға қосып жатқан үлесін атап өтті.Қуат Байғоджаев айтуынша, облыста бірқатар маңызды бағдарламалар сәтті іске асырылып жатыр: жас мамандарға арналған «Алатау жастары» жеңілдетілген ипотекасы, ғылым, мәдениет және инновация саласындағы жобаларға арналған «Тәуелсіздік ұрпақтары» және «Заңғар» гранттары, сондай-ақ ауыл жастарына төмен пайыздық мөлшерлемемен несие беретін «Ауыл аманаты» бағдарламасы.Жастар инфрақұрылымы да дамып келеді: Қонаев қаласында, Кеген, Райымбек және Балқаш аудандарында жаңа жастар ресурстық орталықтары ашылды, жыл соңына дейін мұндай орталық Қарасай ауданында да іске қосылады. Бұл алаңдар белсенді жастар үшін оқуға, дамуға және өз идеяларын жүзеге асыруға мүмкіндік беретін орталыққа айналды.Өңірде Жастар күні 10 тамызда – Абай күні басталды. Ұлы ақынның 180 жылдығына орай шығармашылық кештер, зияткерлік ойындар мен челлендждер, сондай-ақ «Ізгі істер марафоны» және «Таза Қазақстан» аясында қайырымдылық және экологиялық акциялар өтті. Балқаш, Жамбыл, Еңбекшіқазақ және Ұйғыр аудандарында белсенділерді марапаттау рәсімімен өтетін фестивальдар ұйымдастырылады.Мерекенің шарықтау шегі – танымал қазақстандық орындаушылар қатысатын «Aspan Fest» ашық аспан астындағы концерті болмақ. Жастар күні аясында өңірде 50-ден астам іс-шара – спорттық турнирлерден бастап, тренингтер мен қайырымдылық акцияларына дейін өтеді. Оларға 50 мыңнан астам қатысушы жиналады. Мақсат – талантты әрі бастамашыл жастарды қолдау, көшбасшылық пен волонтерлікті дамыту.Ақпарат көзі : https://www.gov.kz/memleket/entities/almobl/press/news/details/1049571?lang=kk

Биыл қаңтардан бастап елімізде мемлекет есебінен сатып алынатын тауарлардың, жұмыстардың, көрсетілетін қызметтердің сапасын арттырып, сатыпалым рәсімдерін жеңілдету мен одан әрі автоматтандыруға бағытталған «Мемлекеттік сатып алу туралы» Заң күшіне енген болатын.Аталған заңның ережелерін іске асырудағы маңызды құралдардың бірі сатыпалым процесінің барлық қатысушысына арналған (мемлекеттік сатып алудың электронды қызметтеріне бірыңғай қол жеткізуге септесетін) мемлекеттік сатып алу веб-порталы болып саналады.Рәсімдерді толық цифрландыру арқылы (жоспарлаудан бастап келісішарттағы міндеттемелерді орындауға дейін рәсімдер автоматтандырылған) веб-портал барлық мүдделі тарап үшін ашықтықтың, есептіліктің және ақпарат қолжетімділігінің кепіліне айналды.Айталық, 2025 жылы осы реформаға сәйкес веб-порталда:- конкурс өткізу мерзімі (конкурс құжаттарын талқылау 5 2 жұмыс күніне дейін; өтінімдерді қабылдау 15 5 жұмыс күніне дейін; өтінімдерді қарау 10 3 жұмыс күніне дейін) азайтылды;- сатып алу қорытындыларына шағымданудың жаңа тәртібі жолға қойылды. Сатыпалымды жедел жүргізу мен тиісті рәсімнің ұзаққа созылуын болдырмау мақсатында шағымдарды сатып алуды ұйымдастырушылардың өздері қарайды;- шағын және орта кәсіпкерлікті қолдау мақсатында осы субъектілерден  құны 50 000 АЕК аспайтын тауарларды, жұмыстар мен көрсетілетін қызметтерді сатып алуға басымдық берілді;-ішкі нарықты қолдау үшін ұлттық режімнен алып қоюды белгілеу жолымен веб-порталда отандық өндірушілерден тауарларды сатып алуға басымдық беру жалғасып келеді;- бәсекелестікті дамыту және бизнесті қорғау мақсатында мемлекеттік ұйымдар мен квазимемлекеттік сектор субъектілері болып саналатын өнім берушілердің өтінімдерін жеке кәсіпкерлік субъектілері болып саналатын өнім берушілерден кемінде екі өтінім болған кезде веб-портал автоматты түрде қабылдамайды.Бұдан басқа, бірыңғай оператордың базасында мемлекеттік, ұлттық компаниялардың және «Самұрық-Қазына» қорының сатып алуларына қатысуға бірыңғай қолжетімділікті қамтамасыз ететін (қолданыстағы goszakup.gov.kz, zakup.sk.kz, mitwork.kz сатып алу алаңдарымен интеграциялау арқылы) бірыңғай сатып алу платформасы іске қосылды.Қабылданған шаралардың қорытындысы бойынша осы порталда:- тіркелген пайдаланушылар саны - 18 мыңнан астам тапсырыс беруші, 102 мың қызмет көрсетуші;- жасалған келісімшарттардың сомасы екі есе өсті 3,4 трлн теңгеден (2024 ж.) 7,2 трлн теңгеге дейін (2025 ж.);- жасалған келісімшарттар саны 23%, яғни 870 мыңнан (2024 ж.) 1 072 мыңға (2025 ж.) дейін ұлғайды;- берілген шағымдар саны 25%, атап айтқанда 22 мыңнан (2024 ж.) 16 мыңға (2025 ж.) дейін азайды;- отандық тауар өндірушілермен жасалатын келісімшарттардың сомасы 137%, яғни 150,8 млрд теңгеден (2024 ж.) 357,0 млрд теңгеге (2025 ж.) дейін ұлғайды.Толық цифрландырудың арқылы сатып алу процесіндегі әрбір қадам электронды жүйеде тіркеледі және порталда автоматты түрде сақталады. Аталған жүйе бәсекелестік ортаны қалыптастыруға ықпал етеді. Мұнда барлық қызмет ұсынушыға тең мүмкін берілген. Бұл нарықтың жаңа қатысушыларына жол ашып, мемлекеттік сатыпалымның сапасы мен өсімін арттырады.Сонымен қатар кез келген адам сатыпалым туралы хабарландыруларды, сауда-саттық нәтижелерін, жасалған келісімшарттар мен тапсырыс берушілердің әрекеттерін бақылай алады. Бұл қоғамдық бақылауды күшейтіп, барлық процестің ашықтығын нығайта түседі.Ақпарат көзі : https://www.gov.kz/memleket/entities/minfin/press/news/details/1049405?lang=kk