Қазақстан Қорғаныс министрі генерал-полковник Руслан Жақсылықов Абу-Дабиге ресми сапары аясында IDEX және NAVDEX-2025 халықаралық қорғаныс технологиялары көрмесінің жұмысымен танысып, зерделеді.ADNEC көрме орталығында Қазақстан қорғаныс ведомствосының делегациясы қару-жарақ, әскери техника үлгілерін және қорғаныс мақсатындағы технологиялар ұсынған ірі әскери-өнеркәсіптік компаниялардың павильондарын аралады. Көрме алаңында Руслан Жақсылықов БАӘ вице-премьері және қорғаныс министрі шейх Хамдан ибн Мұхаммед Әл Мактуммен кездесті. Тараптар екіжақты өзара іс-әрекет бағыттарын талқылап, қорғаныс саласындағы ынтымақтастықты дамытуға бейілділігін растады.Одан бөлек Қазақстанның Қорғаныс министрі қорғаныс өнімдерінің жетекші өндірушілерінің басшыларымен келіссөздер жүргізді. Айта кетсек, IDEX және NAVDEX 2025 қорғаныс технологияларының ең ірі халықаралық көрмесі БАӘ Президентінің қолдауымен өтуде. Биыл оған 65 елден 1500-ден аса компания қатысты.Ақпарат көзі : https://www.gov.kz/memleket/entities/mod/press/news/details/940715

Алматы облысында су тасқыны жағдайына байланысты күнделікті мониторинг жүргізілуде. Төтенше жағдайлардың алдын алу үшін жаңадан әзірленген "Tasqyn" ақпараттық жүйесі енгізіліп, мамандар арнайы оқытылуда. Бұл жүйені Қазақстан Республикасының Цифрлық даму, инновациялар және аэроғарыш өнеркәсібі министрлігі әзірлеген.Облыста су деңгейін бақылау үшін 42 гидропост орнатылды, оның ішінде 27-сі "Қазгидрометке", ал 15-і "Қазселденқорғау" мекемесіне тиесілі. Бақылау нәтижесінде өзен арналарының су өткізу қабілеті тұрақты екені анықталды. Аймақтағы "Қапшағай", "Күрті", "Бартоғай" және "Бестөбе" су қоймаларында су толтыру штаттық режимде жүргізілуде. Бүгінде су толтыру деңгейі 31%-дан 92%-ға дейінгі көрсеткіштерді құрайды: Бестөбе – 30,5% Күрті – 53,9% Бартоғай – 78,3% Қапшағай – 92,6% Қалған су қоймалары транзиттік режимде жұмыс істеп, тұрақты мониторинг жүргізілуде. Облыстың 4 ауданында су тасқыны қаупі жоғары деп танылған 13 учаске анықталды. Бұл аймақтарда 11 мыңнан астам тұрғын үй және 34 мыңнан астам адам тұрады.Су тасқыны қаупін азайту үшін келесі жұмыстар атқарылды: 63,6 км арық пен 30 км канал тазартылды. 78 су өткізу құбыры (автомобиль және теміржол астындағы) қалпына келтірілді. Елді мекендерден қар шығару үшін 6 арнайы орын белгіленді, мердігерлік ұйымдармен келісім жасалды. 17 мың м³ қар шығарылды. Төтенше жағдайлардың алдын алу шаралары аудандар жоғары деңгейде ұйымдастырылды.Су тасқынына қарсы іс-шаралар үшін облыста 1136 маман және 347 арнайы техника дайындалды. Оның ішінде: 155 бірлік – трактор, бульдозер, экскаватор 108 бірлік – кран, тиегіш, самосвал 65 бірлік – эвакуациялық техника 19 бірлік – жоғары өтімді техника (трекол, УАЗ, т.б.) 130 мотопомпа, 36 жүзу құралы 8,2 мың тонна инертті материал, 81,5 мың қап 76 тонна жанар-жағармай (48 тн бензин, 28 тн дизель отыны) Барлық техниканың дайындығы тексерілді.Сонымен қатар, Алматы қаласы мен Алматы облысының шекаралас аудандарындағы өзендердің деңгейі ерекше бақылауға алынды. Облыстың төтенше жағдайлар қызметтері барлық аудандар мен қалалар әкімдіктерімен тығыз байланыста жұмыс істеуде. Су тасқыны қаупі бар учаскелерде алдын алу шаралары күшейтіліп, бақылау жұмыстары жүргізілуде.Қазіргі таңда өңірдегі су тасқыны жағдайы тұрақты және қатаң бақылауда.Ақпарат көзі : https://www.gov.kz/memleket/entities/almobl/press/news/details/940365

Астана, 2025 жылғы 18 ақпан – Қазақстан Республикасының Сыртқы істер министрлігінде Қазақстанда түсті металдарды өндіру және терең өңдеу саласындағы инвестициялық жобаны іске асыру жөніндегі келісімге қол қойылды. Қол қою рәсіміне Қазақстан Республикасының Сыртқы істер министрінің орынбасары Әлібек Қуантыров, Қазақстан Республикасының Өнеркәсіп және құрылыс министрлігінің вице-министрі Олжас Сапарбеков және «East Hope Group» компаниясының бас директоры Чанцзюнь Мэн қатысты.Жоба екі өңірде жаңа өндірістік қуаттарды құруды қарастырады, бұл металлургия саласында озық технологияларды енгізуге және дайын өнімді халықаралық нарықтарға, соның ішінде Еуропалық одақ, Орталық Азия және Қытайға экспорттауды кеңейтуге мүмкіндік береді. Жоба аясында электр қуаттары станцияларының құрылысы көзделуде.«Қазақстан мен Қытай арасындағы қатынастар стратегиялық серіктестіктің жоғары деңгейінде тұр. Бұл көбінесе Қазақстан Республикасының Президенті Қасым-Жомарт Тоқаев пен Қытай Халық Республикасының Төрағасы Си Цзиньпин арасындағы тығыз және сенімді қатынастардың арқасында мүмкін болды. Аталған жобаны іске асыру озық технологияларды енгізіп қана қоймай, мыңдаған жаңа жұмыс орнын ашып, жергілікті жеткізу тізбегін дамытуға ықпал етіп, қазақстандық өнімдердің халықаралық нарықтардағы бәсекеге қабілеттілігін арттырады», – деп атап өтті Ә.Қуантыров.Сонымен қатар тараптар инвестициялар келісімнің егжей-тегжейлі пысықталуына келісім берді, ол ынтымақтастықтың нақты шарттарын, мемлекеттік қолдау шараларын және тараптардың міндеттемелерін қамтитын болады.Өз кезегінде О.Сапарбеков жобаға жан-жақты қолдау көрсетуге дайын екенін білдіріп, оның Қазақстанның өнеркәсіптік дамуы үшін стратегиялық маңыздылығын атап өтті. «Ірі өндірістік қуаттарды құру Қазақстанның өңірдегі металлургия орталығы ретіндегі позициясын нығайтып қана қоймай, жаңа инвестициялар тарту мен технологиялық алмасудың қозғаушы күшіне айналады», – деді ол.Қол қою нәтижелері бойынша Чанцзюнь Мэн «East Hope Group» компаниясы Қазақстанды өңірдегі маңызды стратегиялық серіктес ретінде қарайтынын атап өтті: «Біз Қазақстанның экономикалық әлеуетін және инвестициялық климатын жоғары бағалаймыз. Бұл жоба біздің компания үшін ғана емес, елдің өнеркәсіптік дамуына да маңызды қадам болады. Біз бірлескен күш-жігерімізбен оны ең жоғары деңгейде жүзеге асыратынымызға сенімдіміз».Тараптар ынтымақтастықты одан әрі нығайтуға деген сенім білдіріп, жобаны практикалық іске асыруға дайындық бойынша бірлескен жұмысты жалғастыруға келісті.East Hope Group (EHG) компаниясы – әлемдік жетекші түсті металдар, жартылай өткізгіш технологиялар және өнеркәсіптік инновациялар саласындағы өндіруші. Компания төмен көміртекті өнеркәсіптік кешендерді дамыту мен халықаралық жобаларды іске асыруға белсенді түрде инвестиция салуда.Ақпарат көзі : https://www.gov.kz/memleket/entities/mfa/press/news/details/940892

Астана, 2025 жылғы 18 ақпан – Қазақстан Республикасының Сыртқы істер министрлігі елімізде аккредиттелген дипломатиялық корпус, шет елдердегі ҚР мекемелері (бейнеконференц байланыс арқылы), сондай-ақ БАҚ өкілдері үшін Neo Nomad Visa, Digital Nomad Visa, B9 сияқты визалардың жаңа санаттарының артықшылықтары туралы брифинг ұйымдастырды.Брифингке ҚР Сыртқы істер министрінің орынбасары Роман Василенко, Туризм және спорт вице-министрі Ержан Еркінбаев, сондай-ақ Цифрлық даму, инновациялар және аэроғарыш өнеркәсібі министрлігінің Жасанды интеллект және инновацияларды дамыту комитеті төрағасының орынбасары Мирас Закиев қатысты.Брифингтегі алғысөзінде Р.Василенко Neo Nomad Visa, Digital Nomad Visa және B9 сияқты визалардың жаңа санаттарын енгізу Қазақстанда тұрып, жұмыс істегісі келетін шетелдік азаматтар үшін мүмкіндіктерді едәуір кеңейтетінін атап өтті.«Еліміз 80-нен астам мемлекеттің азаматтары үшін визасыз кіруді, 109 ел үшін жеңілдетілген электрондық визаны ұсына отырып, халықаралық кәсіпқойларды тарту үшін қажетті жағдайлар жасауда. Әуе қатынасын кеңейте отырып, Қазақстан 30-дан аса елге аптасына 700-ден астам халықаралық рейсті орындайды. Сондай-ақ мемлекет «ақылды» қалаларды іске қосып, жоғары жылдамдықты интернетке қол жеткізуді қамтамасыз ете отырып, цифрлық инфрақұрылымды белсенді дамытуда», – деп атап өтті қазақстандық дипломат.Сонымен қатар Р.Василенко икемді визалық саясатты қолдану Қазақстанға ғана емес, оның серіктестеріне де қашықтан жұмыс істейтін кәсіпқойлардың салықтары мен ақша аударымдары, сондай-ақ елімізде жұмыс барысында жинаған дағдылар мен бірегей тәжірибе түрінде пайдалы екенін жеткізді.Е.Еркінбаев өз сөзінде визаларды енгізудің уақыттылығы мен өзектілігіне назар аударып, «Қазақстан халықаралық қонақтар үшін ашық және қолжетімді бағыт ретінде өз рөлін нығайтуды жалғастыруда. Бұл ашықтыққа деген ұмтылыс туризм өсуінің негізгі факторына айналды. 2024 жылы Қазақстанға 15,3 млн адам келді, бұл өткен жылмен салыстырғанда 66%-ға артық көрсеткіш», – деп атап өтті.Neo Nomad Visa, Digital Nomad Visa және B9 сияқты визалардың жаңа санаттарын енгізу цифрлық көшпенділер мен білікті мамандар үшін тартымды бағыт ретінде мемлекеттің рөлін нығайтуға бағытталған, осылайша Қазақстанның жаһандық экономикаға интеграциялануына, туристік саланы дамытуға және білім мен мәдениетпен алмасу үшін қолайлы жағдайлар жасауға ықпал етеді.Neo Nomad Visa (B12-1) цифрлық көшпенділерге, қашықтан жұмыс істейтін және еңбек қызметін саяхатпен біріктіретін шетелдік азаматтарға арналған. Визаның бұл түрін енгізу Қазақстанның туристік бағыт ретінде танылуын және қолжетімділігін арттыруға мүмкіндік береді.Digital Nomad Visa (B9-1) кез келген елден келген «цифрлық көшпенділерге», атап айтқанда мамандарға (фрилансерлерге, өзін-өзі жұмыспен қамтыған кәсіпкерлерге, стартаптардың негізін қалаушыларға) Қазақстанда ұзақ уақыт болуға бірегей мүмкіндік береді.Residence Visa (B9) елге медицина, ғылым, инновация, білім беру және шығармашылық индустрия сияқты салаларда арнайы дағдыларға ие шетелдік мамандарды тарту үшін арнайы әзірленген, бұл виза шетелдік азаматтарға елде 90 күнге дейін болуға мүмкіндік береді.Ақпарат көзі : https://www.gov.kz/memleket/entities/mfa/press/news/details/940897

Қазақстан мен Венгрия ауыл шаруашылығы саласындағы ынтымақтастықтың перспективалық бағыттарын талқылады17 ақпанда Вице-премьер-Ұлттық экономика министрі Серік Жұманғарин Венгрияның Сыртқы экономикалық байланыстар және сыртқы істер министрі Петер Сийяартомен кездесті.Кездесуде вице-премьер атап өткендей, Венгрия Қазақстанның сенімді және стратегиялық әріптесі. Біздің елдерімізді берік экономикалық іргетас пен ортақ тарихи-мәдени байланыстар тығыз байланыстырады.- Венгрия Қазақстанның ЕО-дағы маңызды сауда-экономикалық әріптесі. Өткен жылы екі ел арасындағы тауар айналымы 4,4%-ға өсіп, 200 млн АҚШ долларына жуықтады. Бүгінде жеткізілетін тауар көлемін ұлғайтумен қатар біз экспортқа шығарылатын өнім желісін және өзара жобаларды әртараптандыруға мүдделіміз, - деді Серік Жұманғарин венгр тарапына.Ынтымақтастықты кеңейту аясында қазақстандық тарап ауыл шаруашылығындағы бірнеше бағытты ұсынды. Қазақстан халықаралық нарықта өзін танытып үлгерді. Жоғары сапалы, экологиялық таза ауыл шаруашылығы өнімдерін өндіру мен экспорттауда зор мүмкіндікке ие. Атап айтқанда, венгр селекциясының тұқымдары мен будандарын бірлесіп өндіруде. Бұл олардың құнын төмендетіп, шаруалар үшін қолжетімділікті арттырып қана қоймай, өнімнің көршілес елдер нарығына шығуына жағдай жасайды.Вице-премьер венгриялық тарапты алдыңғы қатарлы сүт өңдеу, сүтті мал шаруашылығы, құс шаруашылығы және омарта шаруашылығы салаларындағы жобаларды қарастыруға шақырды. Соңғысына келсек, қазақстандық омарташыларды экспорттық нарыққа шығару үшін ара шаруашылығы өнімдерін танымал ету және тарату бойынша венгр тәжірибесі қатты қызықтырады.Тараптар сондай-ақ банк секторы, жаңартылатын энергия көздері, машина жасау жобалары және т.б. салалардағы ынтымақтастықты талқылады.Кездесу қорытындысы бойынша Серік Жұманғарин Петер Сийяартоны 2025 жылғы 29-30 мамырда өткізілетін Астана халықаралық форумына қатысуға шақырды.Анықтама:2024 жылы Қазақстан мен Венгрия арасындағы тауар айналымы 195,8 млн АҚШ долларын құрады (2023 жылмен салыстырғанда 4,4%-ға өсті). Экспорт 12,3%-ға өсіп, 5,3 млн долларға жетті. Қазақстаннан Венгрияға экспортталатын негізгі тауарлар тері, қауырсын, мамық, пропилен полимерлер, компрессорлар, желдеткіштер және т.б.Импорт 4,2%-ға өсіп, 190,5 млн долларды құрады. Венгриядан Қазақстанға әкелінетін негізгі тауарлар – дәрі-дәрмек, ауыл шаруашылығы дақылдарын жинауға және бастыруға арналған машиналар мен механизмдер.Ақпарат көзі : https://www.gov.kz/memleket/entities/economy/press/news/details/940176

Костанай облысы Мемлекет басшысының стратегиялық тапсырмасын жүзеге асырып, үш негізгі экономикалық бағыт бойынша дамып келеді: машина жасау, қара металлургия және ауыл шаруашылығы өнімдерін қайта өңдеу. Өңірдің басым бағыттарының бірі – автомобиль жасау мен автокомпоненттер өндірісін қамтитын машина жасау саласын дамыту.Машина жасау: өндірісті кеңейтуБүгінде Қостанай облысында төрт ірі машина жасау кәсіпорны жұмыс істейді, олар жеңіл, жүк және ауыл шаруашылығы техникасын шығарады. Айта кету керек, төртінші зауыт 2024 жылдың күзіне қарай іске қосылды. Өңірдің өнеркәсіптік дамуы аясында 2025 жылдың соңына дейін тағы екі жаңа зауыт ашу жоспарланған:● KIA автомобиль зауыты – жылына 70 000 автокөлік өндіру қуатымен, 1 500 жаңа жұмыс орнын ашады;● Жүк көліктеріне арналған басты беріліс қораптары зауыты – 550 жаңа жұмыс орнын құрады.Қосымша, 2026 жылдың басында автокомпоненттер шығаратын тағы бір зауыттың ашылуы күтілуде. Бұл кәсіпорын өңірдің автокөлік өндірісі кешеніндегі жетінші зауыт болмақ және қазақстандық автомобиль зауыттарын қажетті бөлшектермен қамтамасыз етеді.Автокомпоненттер зауыты: өндірісті жергіліктендіруАвтокомпоненттерді жергіліктендіру орталығын салу – импортқа тәуелділікті азайтуға және өңірдің машина жасау кластерін нығайтуға бағытталған. Жоба жүзеге асқаннан кейін қазақстандық автомобиль зауыттарына отандық компоненттерді жеткізу қамтамасыз етіледі.Жобаның негізгі көрсеткіштері:● Инвестиция көлемі – 17,8 млрд теңге;● Жаңа жұмыс орындары – 800;● Өндірістік қуаты – жылына 60 000 компонент;● Өндірістік аумақ – шамамен 30 000 м².Қандай бөлшектер өндіріледі?Жаңа кәсіпорында бұған дейін шетелден әкелінген мынадай компоненттер шығарылатын болады:● Орындықтар;● Глушительдер;● Бамперлер, айналар, пластиктен жасалған кузов элементтері;● Электр сымдары;● Интерьер және экстерьер бөлшектері;● Автокөлік бояулары мен герметиктері.Жұмыс орындары және кадрлық әлеуетБүгінгі таңда өңірдің машина жасау саласында 5 053 адам жұмыс істейді, ал жаңа зауыттардың іске қосылуымен бұл көрсеткіш 7 500-ден асады. Автомобиль жасау, металлургия және автоматтандыру салаларында мамандарды белсенді түрде даярлау жүріп жатыр, бұл кәсіпорындарды білікті кадрлармен қамтамасыз етуге мүмкіндік береді.Автокомпоненттер зауытының іске қосылуы Қазақстанда автомобиль өндірісінің толық циклын құру жолындағы маңызды қадам болмақ.«Бұл жоба қазақстандық автозауыттарды отандық компоненттермен қамтамасыз ететін елдегі алғашқы толыққанды машина жасау кластерінің негізін қалады», – деп атап өтті Құмар Ақсақалов.Ақпарат көзі : https://www.gov.kz/memleket/entities/kostanay/press/news/details/939984

ҚР Қорғаныс министрлігі «Намыс» құрамасының футболшылары елорданың әуесқой командалары арасында өткен Astana Futbol Ligasy турнирінде қысқы маусымның жеңімпазы атанды.Әскери қызметшілерден құралған ұжым осыған дейін де лиганың әр түрлі деңгейлерінде өнер көрсетіп, айтарлықтай жеңістерге қол жеткізіп жүр. Өткен жылы Қорғаныс ведомствосының командасы екінші лигада жеңіске жетті, ал осы маусымда бірінші лигада бағын сынады. Іріктеу кезеңінен сәтті өткен «Намыс» ойыншылары үш ай бойы негізгі кезеңде 11 командамен жарысып, турнир кестесіндегі үздіктер арасынан орын алу үшін барын салды.Жартылай финалда «Намыс» ойыншылары BI Group командасымен кездесіп, екі матчтың қорытындысы бойынша 8:1 есебімен сенімді жеңіске жетіп, финалға шықты. Ақтық бәсекеде олар тәжірибелі, жақсы дайындалған Кәсіподақтар федерациясының командасымен кездесті. Ойынның негізгі уақыты 3:3 есебімен аяқталды. Жеңімпаз команда пенальти сериясында анықталды. Финалдық матчтың қорытындысы бойынша Қорғаныс министрлігінің футболшылары бас жүлдеге ие болды. Келесі маусымда олар жоғары лигада өнер көрсетеді. «Намыстың» бас бапкері подполковник Ғани Нүсіпов қорғаныс ведомствосының әскери ұжымдары арасында спортты дамытуға көп көңіл бөлінетінін атап өтті. – Командамыздың турнирдегі жеңісіне шын жүректен қуаныштымыз. Футбол – бұл түсіністікті қажет ететін командалық ойын. Алаңда әскери қызметшілердің спорттық шеберлігі шыңдалып қана қоймай, команданың бірлігі де артады, – деді ол.Жеңімпаз командалар мен жүлдегерлерге кубоктар, медальдар мен дипломдар табыс етілді.Ақпарат көзі : https://www.gov.kz/memleket/entities/mod/press/news/details/939656

Қорғаныс министрлігінің делегациясы ҚР Қарулы Күштері Әуе қорғанысы күштері Әскери-әуе күштерінің қолбасшысы авиация генерал-майоры Руслан Қоңыровтың басшылығымен Aero India 2025 XV халықаралық аэроғарыш көрмесінде әлемдік өндірушілердің ұсыныстарымен танысты.Іс-шара Бангалор қаласындағы Елаханка әскери-әуе базасының аумағында өтті. Қазақстандық делегация мүшелерімен Үндістан Әскери-әуе күштері бас қолбасшысының орынбасары авиация генерал-майоры Суджит Дхаркар кездесті. Келіссөздер барысында тараптар авиация саласындағы әскери-техникалық ынтымақтастықтың аспектілерін талқылады.Aero India халықаралық аэроғарыш көрмесі 1996 жылдан бері өткізіліп келеді. Бұл жолы оған үндінің және шетелдің 150-ден аса компаниясы қатысты. Әлемдік өнеркәсіптік компаниялар онда авиациялық техниканың, қорғаныс инженериясының, инфрақұрылымдық құрылыстардың және әуежайларға арналған техникалық құралдардың үлгілерін таныстырды.Көрмеге қатысушылар мен келушілер үшін тақырыптық семинарлар, конференциялар, техникалық сессиялар және әуе кемелерінің көрсетілім ұшулары ұйымдастырылды.Ақпарат көзі : https://www.gov.kz/memleket/entities/mod/press/news/details/939695

ҚР Қарулы күштері Ұлттық әскери-патриоттық орталығының шығармашылық ұжымы "Азия парк" сауда ойын-сауық орталығында концерт ұйымдастырды.Әскери қызметшілер оны Ұлы Отан соғысындағы Жеңістің 80 жылдығына арнады.– Біздің халық алдында өнер көрсетуіміз сан мыңдаған адамдарды біріктіретін маңызды күнге орайластырылған. Біз осы шара арқылы отандастарымызға аға буынның ерлігі туралы және сұрапыл соғыста оларға рух беріп, барлық қиындыққа төтеп беруге ынтымақтың көмектескенін еске салғымыз келеді. Бұны біз көрермендерге өнер арқылы жеткізуге тырыстық, – деп түсіндірді Ұлттық әскери-патриоттық орталығы бастығының орынбасары аға лейтенант Азамат Ақтасов.Орталық ансамбльдің солистері мен вокалдық топтарының орындауында "Әлия", "Журавли", "Тучи в голубом", "Ехал я из Берлина", "Кестелі орамал" және "Сауыт", "Қайсар армия", "Қорғанысым тірегім", "Жаса қазағым" сынды патриоттық әндері орындалды. Ойын-сауық орталығына келушілерді ансамбльдің би тобының орындауындағы “Сарбаздар биі” көңілдерін көтерді.Ұлттық әскери-патриоттық орталықтың әскери оркестрінің дирижері капитан Нұрлан Қошқаровтың басқаруымен танымал классикалық және заманауи әуендер қойылымын халық қуана қабылдады. Оркестрлердің дефилесі көрермендерді ерекше таң қалдырды.– Сауда орталығында әскери музыканттардың келіп, концерт қоюы бізді таң қалдырды және қуантты. Көңіл-күйімді сөзбен айтып жеткізе алмаймын. Керемет орындау, сымбатты әскери киім – осының бәрі рухымызды көтеріп, Отан қорғаушыларымыз үшін мақтаныш сезімін тудырады, – деп астаналық Алуа Қажанова өз ойымен бөлісті.Көрермендер де орындаушыларға шын жүректен алғысын жаудырып, қошемет көрсетіп, ізгі тілектерін айтып жатты.Ақпарат көзі : https://www.gov.kz/memleket/entities/mod/press/news/details/939006

Қытайдың Харбинінен оралған Қорғаныс министрлігі Орталық спорт клубының спортшыларын қарулас достары, туыстары мен жақындары салтанатты түрде қарсы алды.Астанаға ҚР Қарулы күштерінің қызметшілері командалық эстафетасының күміс жүлдегерлері Надежда Степашина мен Ксения Шалыгина, сондай-ақ шаңғы жарысында 10 шақырымдық еркін стильдегі және командалық эстафетаның қола жүлдегері Олжас Климин келді.Азиада жүлдегерлерін күтіп алу әуежайда оркестр мен құрмет қарауыл ротасының сүйемелдеуімен өтті.Туыстары, достары мен жанкүйерлері оларды гүлдермен, құшақ жая қарсы алды.– Елге оралғанда осындай қолдауды сезінудің өзі керемет. Көңіл бөліп жатқан Қорғаныс министрлігінің басшылығына алғыс айтамыз. Қарсыластардың қарқыны мықты болды, барынша тырыстық. Алда көп еңбектеніп, барынша жұмыс істейтін боламыз, – деді ҚР Қарулы күштерінің қызметшісі Олжас Климин.Сонымен қатар, Алматы әуе айлағында шаңғы эстафетасындағы күміс жүлдегер Кирилл Бауэрді, одан өзге биатлоннан командалық эстафетада қола жүлдегер Дарья Климинді салтанатты түрде қарсы алды.Естеріңізге сала кетсек, Азия құрлығының ойындарында Қорғаныс министрлігі Армия орталық спорт клубының спортшылары бір алтын, екі күміс және үш қола медаль еншілеген болатын.Ақпарат көзі : https://www.gov.kz/memleket/entities/mod/press/news/details/938984

ҚР Қарулы күштерінің Ұлттық әскери-патриоттық орталығында кеңес әскерлерінің Ауғанстаннан шығарылғанына 36 жыл толуына орайластырылған шара өтті. Оны Қарулы күштер Құрлық әскерлерінің қолбасшылығы, Оқу-ағарту министрлігі Ұлттық ғылыми-практикалық дене шынықтыру орталығының және «Жас сарбаз» республикалық әскери-патриоттық балалар-жасөспірімдер қозғалысының басшылығы ұйымдастырды. Іс-шараға Ауған соғысының ардагерлері, ЖОО студенттері мен оқушылар шақырылды. Жиналғандар қаза тапқан жауынгерлерді бір минут үнсіздікпен еске алды.– Шиеленіскен жағдайда сіздер батылдық, мықтылық пен табандылық таныттыңыздар. Талай сынақтардан өтіп, шынайы патриотизм мен жауынгерлік рух барлық кедергіні жеңетінін дәлелдедіңіздер. Сіздердің ерліктеріңіз халық жадында мәңгі қалады, – деп атап өтті Құрлық әскерлері бас қолбасшысының орынбасары полковник Тілек Серіков. Іс-шара аясында 68665 әскери бөлімі қару-жарақ көрмесін ұйымдастырды. Оқушылар мен студенттер Ұлы Отан соғысы кезіндегі жәдігерлер қойылған әскери-тарихи мұражайдың экспозициясымен танысты. Мекемеге келушілер үшін 68665 әскери бөлімінің құрмет қарауыл ротасы дефиле, ал барлаушылар қоян-қолтық ұрыстың элементтерін көрсетті. Сол күні әскери мұражай атриумында елордадағы № 71 мектеп-лицейдің бесінші «Жас сарбаз» сыныбы оқушыларының қатысуымен «Ерлік сабағы» өтті. Ауған соғысына қатысқан отставкадағы полковник Ербол Смағұлов «Парыз» басқа мемлекеттер аумағындағы жауынгерлік іс-қимылдарға қатысқан ардагерлер республикалық қоғамдық бірлестігінің төрағасы балалармен кездесті. – Өз еліңнің патриоты болуы үшін әскери адам болуың міндетті емес, – деді соғыс ардагері. – Дегенмен бала кезімізде, мектеп жылдарында ересектер бізді Отанды сүюге үйретті, Бауыржан Момышұлы, Мәншүк Мәметова және Әлия Молдағұлова туралы әңгімелерді естіп өстік. Нағыз батылдық пен патриотизмнің үлгісі болып табылатын аты аңызға айналған «Қара майор» – Борис Керімбаевпен танысу бақытына ие болдым. Жауап ретінде № 71 мектеп-лицейінің оқушылары мұғалім-тәлімгерлердің не үйреткенін көрсетті. Бесінші сынып оқушылары тамаша саптық және дене шынықтыру дайындығын, қару-жарақсыз өзін-өзі қорғау және қоян-қолтық ұрысының әдістерін жақсы меңгергендіктерін көрсетті. Іс-шара соңында № 71 мектеп-лицейдің 5-сынып оқушылары ұжымға Борис Керімбаевтың есімі берілгені туралы сертификат алды.Ақпарат көзі : https://www.gov.kz/memleket/entities/mod/press/news/details/938909

Кеңес әскерлерінің шектеулі контингентін АДР-нан шығарылуына 36 жыл толуына арналған іс-шаралар аясында елордада Ауғанстанда қаза тапқан жауынгерлерге арналған мемориалға гүл шоқтары қойылды.Жыл сайынғы еске алу акциясына Ауған жауынгерлері, ҚР Қарулы күштерінің ардагерлері Халық қаһарманы генерал-лейтенант Бақытжан Ертаев, генерал-майорлар Мүслім Даиров пен Марат Нағұманов, қалалық әкімшілік өкілдері, "Қазбат” жауынгерлік іс-қимылдары мен бітімгершілік операциялар ардагерлері одағы", "Қазполк” Ирактағы жауынгерлік іс-қимылдары мен бітімгершілік миссиялар ардагерлері одағы, "Таулы Қарабақта этносаралық қақтығысты реттеуге қатысқан жауынгерлік іс-қимылдарының ардагерлері" қоғамдық бірлестіктерінің өкілдері, қаза болған жауынгерлердің туыстары мен әскери қызметшілер қатысты.Жиналғандар қаза тапқандарды бір минут үнсіздікпен еске алды. Құрмет қарауыл ротасы мемориалға гүл шоқтары қойды.– Халық даналығы: "ардагер кеңес бере алады, ал жастар – елдің үміті" дейді. Мұнда тұрған ауған жауынгерлері алпыс жаста, Біз болашақ үшін біртұтас болуымыз керек. Жас ұрпаққа біз көрген және бастан өткерген нәрселер туралы айту керек. Өз Отанының тарихын білетін жастар өз еліне пайда әкелуге ұмтылатын болады, – деді Халық қаһарманы генерал-лейтенант Бақытжан Ертаев.Сол күні ҚР Қарулы Күштерінің Ұлттық әскери-патриоттық орталығында концерт өтті. Көрермендер арасында Ауған жауынгерлері, ҚР Қарулы Күштерінің ардагерлері, 68665 әскери бөлімінің әскери қызметшілері және Кеңес Одағының Батыры С.Нұрмағамбетов атындағы елордалық әскери колледждің ұландары болды.Сахнадан ауғандағы жаралы жылдарды елестетін әндер шырқалды.Қонақтарды Ауғанстандағы соғыс тарихы фактілерімен таныстыру мақсатында Ұлттық әскери-патриоттық орталық залдарының бірінде қазақстандықтардың Ауғанстан аумағындағы ұрыс қимылдарына қатысуы туралы баяндайтын әскери-тарихи музей қорынан фотоаймақ және ақпараттық көрме ұйымдастырылды.Ақпарат көзі : https://www.gov.kz/memleket/entities/mod/press/news/details/938958

Бүгін Шиелі ауданының Досбол датқа ауылдық округінде «Қазақстан халқына» қоғамдық қорының қолдауымен салынған заманауи үлгідегі дене шынықтыру-сауықтыру кешенінің ашылу салтанаты өтті.Жаңа нысанның ашылу рәсіміне облыс әкімінің орынбасары Шахмардан Байманов, «Қазақстан халқына» қоғамдық қорының басқарма төрағасы Ләззат Шыңғысбаева және «Саутс Ойл» ЖШС вице-президенті Серік Мырзабеков қатысты.Облыс әкімінің орынбасары Сыр спортындағы толағай жетістіктерді атап өтіп, қолға алынған жоспарлардың орындалу барысына тоқталды.–Мемлекет басшысы Қасым-Жомарт Кемелұлы халыққа арнаған Жолдауында «Жастарымыз дені сау, мықты азамат болып өсуі керек. Сондықтан ұлт саулығын сақтау үшін бұқаралық спорттың маңызы ерекше», – деген болатын. Осы орайда, аймақ басшысының қолдауымен облысымызда заманауи үлгідегі спорт кешендерінің іргетасы қаланып, спортсүйер қауымның игілігіне табысталуда. Жақында ғана аймақ басшысының қатысуымен Қармақшы ауданына қарасты ІІІ Интернационал және Дүр Оңғар ауылдық округінде спорт кешендері ашылып, пайдалануға берілді. Бүгін «Қазақстан халқына» қоры арқылы тағы бір кешен өңірдегі спорттық инфрақұрылымның қатарына қосылды. Бұл ғимаратта жас өрендеріміз спортпен шұғылданып, еліміздің, аймағымыздың атын асқақтатар чемпион болып қалыптасады деп сенемін. Осы орайда, аймақ басшысының және облыс халқының атынан «Қазақстан халқына» қоғамдық қорына зор алғыс білдіреміз! – деді Шахмардан Асқарұлы.«Қазақстан халқына» қоры жалпы құны 4,8 млрд теңге болатын көптеген жобаларды жүзеге асыруда.Сондай-ақ, ашылу салтанатында қордың басқарма төрағасы Ләззат Шыңғысбаева мен «Саутс Ойл» ЖШС вице-президенті Серік Мырзабеков атқарылған жұмыстарға тоқталып, тұрғындарды жаңа нысанның ашылуымен құттықтады.Айта кетейік, өткен жылы өңір халқының спорттық инфрақұрылыммен қамтылу көрсеткіші 46,2%-ға жетті, 2023 жылы 9 спорт кешені пайдалануға берілсе, 2024 жылға өтпелі 6 нысан толық аяқталып, іске қосылуда. Ақпарат көзі : https://www.gov.kz/memleket/entities/kyzylorda/press/news/details/937288

Бүгін облыстық мәслихат төрағасы Мұрат Тілеуімбетов және мәслихат депутаттары Жанкелді Ысқақ, Ібайдулла Тілеп, Нұрлан Имандосов Қазалы ауданына қарасты Абай, Ақтан батыр, Жанқожа батыр, Бекарыстан би ауылдарына барып, тұрғындармен кездесті. Кездесулерге аудан әкімінің орынбасары Жалғас Сүйеубаев, аудандық мәслихат төрағасы Ғазиз Әліш, аудандық мәслихат депутаттары, ауыл әкімдері мен тиісті сала мамандары қатысты.Облыстық мәслихат төрағасы облыс әкімінің бастамасымен атқарылған, қолға алынған, алдағы уақытқа жоспарланған жобалар туралы айтты. Мәслихаттың жұмысына, депутаттардың көтерген мәселелеріне тоқталып өтті.Ауыл тұрғындары көшелерді асфальттау, электр желілерін жөндеу, балабақша, жанармай бекетін ашу, каналдарды тазарту, қауіпсіздікті қамтамасыз ету мақсатында ауылға қосымша полиция инспекторын бекіту, полиция бөлімшесіне қызметтік автокөлік, өрт сөндіру көлігін алу, аурухана салу туралы ұсыныстарын айтты. Сонымен қатар, халықтың өмір сүру сапасын жақсартуға бағытталған аймақ басшысының жүйелі жұмыстарына оң пікірлерін білдіріп, ризашылықтарын жеткізді.Кездесуден кейін халық қалаулылары Жанқожа батыр ауылындағы «Жайлы мектеп» ұлттық жобасы аясында бой көтерген 300 орындық мектеп құрылысымен, Бекарыстан би ауылындағы №24, Ғани Мұратбаев ауылындағы №91 мектептердің жұмысымен танысты.Ақпарат көзі : https://www.gov.kz/memleket/entities/kyzylorda/press/news/details/937299

2024 жылы Алматы облысының диқандары 49,1 мың гектар жерге жүгері егіп, толық өнім жинады. Орташа өнімділік гектарынан 55 центнерді құрап, жалпы 270,7 мың тонна өнім алынды. Бұл – өңірдің соңғы жылдардағы ең жақсы көрсеткіштерінің бірі.Жиналған өнімнің негізгі бөлігі (175 мың тонна) мал азығына бағытталды, тағы 94 мың тонна өңдеуге жіберілді, ал 1,3 мың тоннасы келесі жылғы егу жұмыстарына қалдырылды. Негізгі өңдеушілер «Жаркент крахмал-патока зауыты» (78 мың тонна), «АзияАгроФуд» (60 мың тонна) және «Көк Теңіз» (14 мың тонна). Жүгерінің орташа сатып алу бағасы тоннасына 55-60 мың теңге болса, құс фабрикалары оны килограмына 74 теңгеден сатып алды.Ауыл шаруашылығы өндірушілерін қолдау мақсатында өңірде жүгері өңдеу субсидияланады. 2024 жылы бұл мақсатқа 1,5 млрд теңге бөлініп, фермерлерге өңдеуге тапсырылған әр тонна үшін 18 мың теңгеден өтемақы берілді. Облыста 102,6 мың тонна астық сақтай алатын үш лицензияланған қойма жұмыс істейді.«Алматы облысында жүгері өндірісінің тұрақты өсуі – дұрыс жүргізілген аграрлық саясаттың, фермерлерді қолдаудың және заманауи технологияларды енгізудің нәтижесі. Өңір елдегі басты астық өндірушілердің бірі болып қала береді. Ал келесі жылы біз егістік алқаптарын ұлғайтуды жоспарлап отырмыз», – деп атап өтті облыс әкімдігі.2025 жылы жүгері егістік алқаптары 52,6 мың гектарға дейін ұлғайтылады, былтырғы жылмен салыстырғанда 3,5 мың гектарға артық. Бұл өңірдің елдегі астық нарығындағы орнын одан әрі нығайтуға мүмкіндік береді.Ақпарат көзі : https://www.gov.kz/memleket/entities/almobl/press/news/details/938789

Жыл басынан бері республикалық бюджеттен 346 млрд теңге сомасына зейнетақы төленді, оның ішінде базалық зейнетақы төлеуге – 111,8 млрд теңге, ынтымақты зейнетақы төлеуге – 234,2 млрд теңге қарастырылды.2025 жылғы 1 ақпандағы жағдай бойынша зейнеткерлер саны – 2 млн 445 мың адам.2025 жылғы 1 ақпандағы жағдай бойынша жиынтық зейнетақының орташа мөлшері 143 248 теңгені құрады, оның ішінде ынтымақты зейнетақы мөлшері – 95 789 теңге, базалық зейнетақы – 47 459 теңге.Бұдан бұрын хабарланғандай, 2025 жылғы 1 қаңтарда базалық зейнетақы төлемінің мөлшері ҚР Ұлттық Банкі айқындайтын инфляцияның болжамды деңгейіне сәйкес 6,5%-ға, ынтымақты зейнетақы 8,5%-ға, яғни инфляция деңгейінен 2% - ға оза отырып ұлғайтылды.Бұдан басқа Мемлекет басшысының тапсырмасы бойынша 2023 жылдан бастап бес жыл ішінде ең төмен базалық зейнетақыны ең төмен күнкөріс деңгейінің 70%-на дейін, ең жоғары – 120%-ға дейін жыл сайын кезең-кезеңімен арттыру жүзеге асырылады.Мәселен, 2025 жылғы 1 қаңтардан бастап базалық зейнетақының ең төмен мөлшері ең төмен күнкөріс деңгейінің 65%-нан 70%-ға дейін ұлғайтылды, бұл 32 360 теңгені құрап, оның ең жоғары мөлшері ең төмен күнкөріс деңгейінен 105-тен 110%-ға дейін арттырылып, 50 851 теңгені құрайды.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 70%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 90 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 110% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Ақпарат көзі : https://www.gov.kz/memleket/entities/enbek/press/news/details/937770

Алматы ипподромының иелері наурыз айының соңына дейін оның даму бағдарламасын ұсынуы тиіс. Бұл туралы шаһар басшысы Жетісу ауданы тұрғындарымен кездесу барысында мәлімдеді.Қала әкімінің айтуынша, өткен жылдан бері ипподром иелерімен келіссөздер жүргізіліп жатыр. Олар наурыз айының соңына дейін даму бағдарламасын ұсынуы керек, бұл ең алдымен, айтарлықтай қаржыны қажет етеді. Дегенмен, Ерболат Досаев ипподромның мақсатты бағыты өзгеріссіз қалатынын атап өтті.«Егер меншік иелері жаңарту жұмыстарын жүргізбесе, біз жаңа инвестор іздейміз немесе бұл міндетті қала өз мойнына алуы мүмкін, бірақ бұл өте қымбат жоба. Жазға дейін Алматы ипподромының болашағы қалай болатынын анықтауға тырысамыз», – деді Ерболат Досаев.Ақпарат көзі : https://www.gov.kz/memleket/entities/almaty/press/news/details/937913

Биыл өңірде 806,4 мың га алқапта көктемгі далалық жұмыстарын жүргізу жоспарлануда.Егіс жұмыстарына дайындық облыс әкімі Асхат Шахаровтың төрағалығымен өткен аппарат мәжілісінде талқыланды.Ауыл шаруашылығы басқармасының басшысы Асқар Жүсібәлиевтің ақпаратына сүйенсек, дәнді дақылдар 458 мың га, майлы дақылдар 67 мың га, мал азығы дақылдары 274 мың га, картоп 3,5 мың га және көкөніс бақша дақылдары 3,4 мың га жерге егіледі.Көктемгі егіске 51 мың тонна ауыл шаруашылығы дақылдарының тұқымы қажет болса, бүгінгі таңда 47 мың тонна құйылды немесе 92%. Аудандарда тұқым себу жұмыстары жалғасуда.Көктемгі далалық жұмыстарына 6,2 мың тонна арзандатылған дизель бөлінді. Энергетика министрлігі тарапынан жақын арада дизель отынына баға белгіленген соң заңнамға сәйкес жеткізуші операторды анықтау жұмыстары жүргізіледі. 1528 трактор, 135 егіс кешені, 1446 мың тұқымсепкіш пен 1432 мың жер өндейтін техника жұмылдырылмақ.«Кең дала-2» бағдарламасы бойынша «Аграрлық несие корпорациясы» АҚ және «Ақтөбе» ӘКК арқылы егіс науқанын жүргізуге жылдық 5% сыйақы мөлшерлемесімен қазіргі уақытта 3,9 млрд теңгеге өтінімдер қабылданып, 2,0 млрд теңгесі мақұлданды және 532,6 млн теңге несие берілді. Өтінімдерді қабылдау жалғасуда. Бұдан өзге, өсімдік шаруашылығы саласын субсидиялауға 1,2 млрд теңге бөлінді, қаржы тұқым шаруашылығын дамытуға; минералды тыңайтқыштар, пестицидтер және суармалы судың құнын арзандатуға бағытталады», - деп мәлімдеді Асқар Жүсібәлиев.Басқарма басшысы атап өткендей, Мемлекет басшысының елімізде тұқым шаруашылығын дамыту туралы тапсырмасына сәйкес 2024-2028 жылдарға арналған кешенді жоспар бекітілді. Жоспарға сәйкес өңірлерде ауыл шаруашылығы дақылдарының элиткалық тұқым үлесін көтеру көзделген. Бұл мақсатта облыстың астықты аудандары Әйтеке би, Қарғалы, Мәртөк, Хромтау аудандарында алдыңғы қатарлы шаруашылықтар базасында тұқым шаруашылығы субъектілерін құру бойынша жұмыстарды ұйымдастыру қажет.Қолданыстағы субсидиялау тетігін пайдалана отырып, элиталық тұқымға субсидияланатын егіс көлемін 15-тен 30%-ға, бірінші репродукциялы тұқымға 20-дан 40%-ға дейін ұлғайту ұсынылды. Бұл өз кезегінде тұқым өндірісін ұлғайтуға ынталандырып, шаруашылықтардың сапалы тұқымға қолжетімділігін арттырады.Облыс әкімі егіс науқанына дайындықты жылдамдатуды және белгіленген мерзімдер аясында барлық қажетті жұмысты орындауды тапсырды. Сондай-ақ оларға аталған төрт ауыл шаруашылығы ауданында жетекші шаруашылықтар базасында тұқым шаруашылығы субъектілерін құруды ұйымдастыру тапсырылды.«Барлық дайындық жұмыстары уақытында аяқталуы керек және біз ауыл шаруашылығы өндірушілерінің тұқымдарды, техниканы және отынды қоса алғанда, қажетті ресурстармен қамтамасыз етуіміз керек. Тұқым жинау мәселесімен айналысуға тиіспіз. Қорды дәл жоспарлаған жөн. Аудан әкімдері картоп пен көкөніс дақылдарын отырғызу алаңдарын кеңейту, шаруашылықтарды тарту және әсіресе суармалы жерлерді пайдалану мәселесін пысықтауы керек. Бұл өңірдің өнімділігін арттыру және азық-түлік қауіпсіздігін қамтамасыз ету үшін маңызды қадам», - деп атап өтті Асхат Шахаров.Ақпарат көзі : https://www.gov.kz/memleket/entities/aktobe/press/news/details/935135

Қостанай облысында білім басқармасының кеңейтілген алқа мәжілісі өтіп, 2024 жылдың қорытындылары шығарылып, 2025 жылға арналған негізгі даму бағыттары айқындалды. Жиында білім сапасын арттыру, жаңа мектептер мен балабақшалар салу, қауіпсіздікті қамтамасыз ету және сұранысқа ие мамандар даярлау мәселелеріне ерекше назар аударылды.Мемлекет басшысы әрбір азаматтың, тұратын жеріне қарамастан, сапалы білім алу мүмкіндігіне ие болуы маңызды екенін бірнеше рет атап өткен болатын. Осы бағытта өңірде ауқымды жұмыстар жүргізілуде.Білім беру жүйесін қаржыландыру және жаңғыртуҚостанай облысының білім саласына бөлінетін бюджет соңғы екі жылда 23%-ға артып, 2025 жылы 218 млрд теңгеден асты. Айтарлықтай қаржы білім беру мекемелерінің материалдық-техникалық базасын жаңартуға бағытталды. Өткен жылы бұл мақсатқа 1,5 млрд теңге бөлініп, 59 заманауи пәндік кабинет (химия, физика, биология) және STEAM-зертханалар жабдықталды.Білім беру ұйымдарында интернет жылдамдығын арттыру маңызды қадам болды. Бүгінгі таңда өңірдегі барлық мектептер жоғары сапалы интернетпен қамтылған, ал соңғы екі жылда оның жылдамдығы 5-10 Мбит/с-тан 70-100 Мбит/с-қа дейін артты.Мектептер мен балабақшалар құрылысыЖаңа мектептер салу жұмыстары жалғасуда. 2025 жылы Аэропорт және Береке шағын аудандарында екі жаңа мектеп ашылды, жыл соңына дейін тағы 5 мектептің құрылысы аяқталады. Оның ішінде үшеуі ауылдық жерлерде (Әулиекөл, Қостанай және Жангелдин аудандарында) салынады.Мектепке дейінгі білімнің қолжетімділігін арттыру мәселесі де шешілуде. Соңғы екі жылда балабақшаларға кезек саны екі есе қысқарып, 5000-нан 2700 балаға дейін азайды. 2024 жылы өңірде 1000 орындық 7 жаңа балабақша ашылды, сондай-ақ Аэропорт шағын ауданында және Рудный қаласында тағы екі балабақшаның құрылысы жалғасуда.Мектептердегі қауіпсіздікБілім беру мекемелерінің қауіпсіздігін қамтамасыз ету – басты басымдықтардың бірі. 2025 жылы бұл мақсатқа 3 млрд теңгеден астам қаржы бөлінді. Нәтижесінде барлық мектептер лицензияланған күзетпен, турникеттермен және бейнебақылау камераларымен қамтамасыз етіледі.Сонымен қатар, соңғы екі жылда 35 қазандық мектеп ғимараттарынан тыс жерге шығарылды, бұл оқушылар мен мұғалімдер үшін қолайлы жағдай жасауға мүмкіндік берді.Сұранысқа ие мамандарды даярлау2025 жыл Қазақстанда Жұмысшы кәсіптер жылы деп жарияланған, сондықтан техникалық және кәсіптік білім беруді дамыту ерекше маңызға ие. Өңірде колледждерді жаңғырту және еңбек нарығының қажеттіліктеріне сәйкес кадрлар даярлау жұмыстары белсенді жүргізілуде.Қостанай облысы – еліміздегі ірі өнеркәсіптік және аграрлық өңірлердің бірі. Алдағы жылдары өнеркәсіп пен ауыл шаруашылығында ірі инвестициялық жобалар жүзеге асырылып, мыңдаған жаңа жұмыс орындары ашылады. Тек 2025 жылы машина жасау және металлургия саласында 7 жаңа жоба іске қосылып, 3000-нан астам жұмыс орны құрылады.Өңір кәсіпорындарын білікті мамандармен қамтамасыз ету үшін бизнес қауымдастықпен тығыз ынтымақтастық орнатылған. Жұмыс берушілер колледждердегі білім беру бағдарламаларын жаңартуға, жаңа мамандықтар ашуға және студенттердің тәжірибелік дайындығына белсенді қатысуда.Болашаққа жоспарлар мен жаңа міндеттерҚостанай облысында білім беру саласын дамыту жұмыстары жалғасуда. Ауылдық елді мекендердің инфрақұрылымын жақсартуға ерекше көңіл бөлінуде. 2025 жылы бұл мақсатқа 67 млрд теңгеден астам қаржы қарастырылған. 83 кіреберіс жолды және 382 көшені жөндеу, 40 жобаны іске асыру арқылы ауылдарды сапалы ауыз сумен қамту, сондай-ақ 15 000 көше шамдары мен 4 300 тірек орнату жоспарланған.Оқушыларға қолайлы жағдай жасау, мұғалімдерді қолдау және болашақ мамандарды даярлау – білім беру саласындағы басты бағыттар. Барлық белгіленген міндеттер тұрақты бақылауда, өйткені білімге салынған инвестиция – елдің жарқын болашағына салынған инвестиция.Ақпарат көзі : https://www.gov.kz/memleket/entities/kostanay/press/news/details/938540

Қазақстан Республикасының Экология және табиғи ресурстар министрлігі елдің Париж келісімі аясында қабылдаған міндеттемелеріне сәйкес 2035 жылға дейінгі жаңартылған Ұлттық деңгейде айқындалатын үлес (ҰДАҮ 3.0) жобасын әзірлеу жұмысын жалғастыруда. ҰДАҮ 3.0 әзірлеу – тұрақты дамуға және ұлттық климаттық мақсаттарға қол жеткізу жолындағы маңызды қадам.Бүгін Қазақстан Республикасының Экология және табиғи ресурстар министрі халықаралық ұйымдар мен сарапшылар қауымдастығының өкілдерімен кездесіп, ҰДАҮ 3.0 қалыптастырудың негізгі аспектілерін талқылады. Талқылауға NDCP, UNDP, UNITAR, UNICEF, FAO, GIZ және ССАС өкілдері қатысты. Олар құжатты әзірлеуге сараптамалық және техникалық қолдау көрсететін болады.Кездесу барысында халықаралық тәжірибені ескеру, ұлттық және халықаралық мамандар арасындағы іс-қимылдарды үйлестіру, сондай-ақ заманауи талдау құралдарын енгізу мәселелеріне баса назар аударылды. Атап айтқанда, ҰДАҮ 3.0 әзірлеу LEAP (Long-range Energy Alternatives Planning System) моделінің негізінде жүргізілетін болады. Бұл Қазақстанның төмен көміртекті даму сценарийлерін егжей-тегжейлі талдауға және парниктік газдар шығарындыларын азайтудың тиімді шараларын әзірлеуге мүмкіндік береді.Министрлік ҰДАҮ 3.0 әзірлеу үдерісі мемлекеттік органдарды, бизнес-қоғамдастықты, ғылыми орта мен азаматтық секторды қоса алғанда, негізгі мүдделі тараптармен тығыз ынтымақтастықта жүргізілетінін атап өтті. Мұндай тәсіл құжаттың ашықтығын және ұлттық тұрақты даму басымдықтарына сәйкес келуін қамтамасыз етеді.Ақпарат көзі : https://www.gov.kz/memleket/entities/ecogeo/press/news/details/938815