Ақмола облысында техникалық және кәсіптік білім беру саласында мамандар даярлау бойынша белсенді жұмыс жүргізілуде. Бүгінгі таңда өңірдің 29 колледжінде шамамен 20 мың студент білім алуда, оның 16 мыңнан астамы тегін білім алады. Мұндай тәсіл жастарға сұранысқа ие мамандықтарды меңгеруге және өңірдің дамуына белсене араласуға мүмкіндік береді.2025 жыл жұмысшы мамандықтар жылы болып жарияланғандықтан, облыста кадрлар даярлау үшін мемлекеттік білім беру тапсырысын 5700 орынға дейін ұлғайту, сондай-ақ өңір кәсіпорындарынан мақсатты мемлекеттік тапсырысты 500-ден 600 орынға дейін көбейту жоспарлануда. Бұл шешім кәсіпорындарды жоғары білікті мамандармен қамтамасыз етуге және студенттерді кәсіби жолдың басында қолдауға бағытталған.Ақмола облысының әкімі Марат Ахметжанов Шағалалы ауылындағы Жоғары агротехникалық колледжге барып, оқу орнының қызметімен танысты. Мұнда шамамен 500 студент 10 жұмысшы мамандығы бойынша білім алуда, оның ішінде агроном және механик сияқты сұранысқа ие мамандықтар бар. Колледжде студенттер үшін қолайлы жағдайлар жасалған: жатақхана, тамақтану орындары, сондай-ақ болашақ мамандардың кәсіби дағдыларын шыңдайтын заманауи зертханалар бар. «Серпін» жобасы аясында колледжде Оңтүстік Қазақстан, Маңғыстау және басқа да облыстардан келген студенттер білім алуда.Колледж директоры Арман Оспановтың айтуынша, әлеуметтік серіктестермен тығыз байланыс орнатылған, дуалды оқыту аясында экономиканың нақты секторына кадрлар даярлау жүзеге асырылуда. Ақмола облысының компанияларымен тұрақты келісімшарттар жасалған, басқа да білім беру мекемелерімен серіктестік байланыстар дамытылуда. Сонымен қатар, Жоғары агротехникалық колледж кәсіби шеберлік бойынша халықаралық «WorldSkills Competitions» қозғалысының белсенді қатысушысы болып табылады.Өңір басшысы студенттермен кездесіп, олардың жетістіктерімен, болашаққа жоспарларымен танысты. Студенттер оқудағы жетістіктерімен бөлісіп, жұмысшы мамандықтар бойынша білім алудың маңыздылығын атап өтті. Агроном мамандығы бойынша білім алып жатқан Диас Марал өңірдің ауыл шаруашылығының дамуына өз үлесін қосқысы келетінін айтты. Техник-механик мамандығы бойынша білім алып жатқан Руслан Дыньков агрофирмада жұмыс істеуге ниетті екенін және оның мамандығы қазіргі заман талабына сай сұранысқа ие екенін тілге тиек етті.Ақмола облысының колледждерінде кадрлар даярлау бағдарламасы аймақтың дамуына берік негіз қалыптастыруға және жастарды қолдауға бағытталған. Бұл бастамалар кәсіби өсу перспективаларын ашып, еңбек нарығындағы өзекті мәселелерді шешуге ықпал етеді.Ақпарат көзі : https://www.gov.kz/memleket/entities/aqmola/press/news/details/922257

Қосшы қаласында көпбейінді жаңа облыстық аурухананың құрылысы қарқынды жүріп жатыр. Емдеу мекемесі 350 орынға шақталған және Қосшы қаласы мен елорда маңындағы жеті өңірдің тұрғындарына қызмет көрсетеді. Аурухана «Viamedis» компаниясының жеке инвестициялары есебінен салынып жатыр.Жобаның жалпы жеке инвестиция көлемі 28 млрд теңгеден асады. Оның 17 млрд теңгесі құрылыс жұмыстарына, ал 9 млрд теңгеден астамы аурухананы заманауи медициналық жабдықтармен қамтамасыз етуге жұмсалмақ. Жаңа емдеу мекемесінің базасында ауысымына 1000 адам қабылдайтын емхана, сондай-ақ хирургия, травматология, кардиохирургия, нейрохирургия, онкология және химиотерапия бөлімшелері кіреді.Аурухананың құрылысы екі бөлікке бөлінген – емхана және стационар. «Viamedis» ЖШС-нің бас директоры Әсет Ахметовтың айтуынша, негізгі құрылыс жұмыстары ақпан айының ортасына дейін аяқталады. Кейін 2025 жылдың мамыр айына дейін ғимараттың сырты мен аумағы абаттандырылатын болады.«Жыл соңына дейін қала тұрғындарына арналған емхана іске қосылады. Жоба бойынша стационар 2026 жылдың соңында іске қосылуы тиіс еді. Бірақ қазір біз жоспарланаған мерзімнен келеміз. Сондықтан 2026 жылдың үшінші тоқсанында стационарды ашуды жоспарлап отырмыз. Құрылыс материалдары бойынша жергілікті өндірушілермен жұмыс істеуге тырысамыз», – деді «Viamedis» ЖШС-нің бас директоры Әсет Ахметов.Қазіргі таңда құрылыс-монтаж жұмыстарына екі жүзге жуық адам тартылған. Олардың қатарында «Viamedis» ЖШС-нің электригі Бахтияр Ыбырайұлы да бар.«Қазіргі кезде бетон плиталарды жылыту және біріктіру жұмыстарын атқарудамыз. Біз қаншалықты маңызды нысан салып жатқанымызды түсінеміз. Себебі аурухананы Мемлекет басшысының тапсырмасы бойынша салып жатырмыз. Сонымен қатар, 2025 жыл – жұмысшы мамандықтар жылы. Сондықтан жаңа нысан сапалы салынуы керек», – деді Бахтияр Ыбырайұлы.Еске сала кетсек, көпбейінді жаңа аурухана мен емхана салу туралы шешім 2024 жылдың маусым айында қабылданған болатын. Сол кезде Ақмола облысы әкімдігі мен «Viamedis» компаниясы арасында меморандумға қол қойылған еді.Ақпарат көзі : https://www.gov.kz/memleket/entities/aqmola/press/news/details/922326

Облыс әкімі Асхат Шахаровтың төрағалығымен өткен аппарат отырысында өңірде «Таза Қазақстан» акциясын өткізу барысы қаралды.Жиынға қатысушылар «Таза Қазақстан» акциясы елімізде жалпыұлттық экочелленджге айналғанын атап өтті. Бүгінгі таңда оған еріктілер мен белсенді студенттер ғана емес, сонымен қатар әртүрлі ұйымдардың қызметкерлері де қатысып келеді. Негізгі мақсат - қоршаған ортаны сақтау және халықтың экологиялық мәдениетін қалыптастыру.Табиғи ресурстар және табиғатты пайдалануды реттеу басқармасы басшысының м.а. Бекболат Құлмағамбетов жергілікті аумақтарды жинау және көгалдандыру бойынша жаппай экологиялық акцияларға өңірдің 418 мыңнан астам тұрғыны, 7 мыңнан астам мекеме мен кәсіпорындардың қызметкерлері қатысқанын айтты. 74 мың тоннадан астам қатты тұрмыстық қалдық жиналып, 365 мыңға жуық ағаш пен 6 мың бұта отырғызылды. 291 саябақ пен алаң ретке келтіріліп, 207 су айдынының жағалауы тазартылды. Аумақтарды тазарту үшін 6 мыңнан астам техника жұмылдырылды.Бекболат Құлмағамбетов облыстық мәслихаттың шешімімен «Таза Қазақстан» экологиялық мәдениетті дамытудың 2029 жылға дейінгі өңірлік жоспары бекітілгенін алға тартты. Жоспарға сәйкес санитарлық жағдайды жақсарту, жасыл желектерді кеңейту, халықтың экологиялық әдеттерін қалыптастыру және өңірдегі қоршаған ортаны қорғау мәселелері туралы ақпараттандыруды арттыру көзделіп отыр.Қала әкімі Азамат Бекеттің айтуынша, акция аясында Ақтөбедегі 4 056 кәсіпкерлік объектісіне мониторинг жүргізілді. Нәтижесінде санитарлық тазалық ережелерін сақтамағаны үшін 2 042 нысан иесіне ескерту берілді. Ескертулерді елемеген кәсіпкерлерге қатысты жергілікті полицияның учаскелік қызметкерлері хаттамалар рәсімдеген. Акцияға барлығы 169 бірлік техника жұмылдырылып, оның көмегімен барлығы 987 тоннадан астам қоқыс шығарылды. Баяндамашыларды тыңдаған соң, өңір басшысы қала мен аудандардың әкімдеріне қыста қар тазалауға ерекше назар аудару керектігін тағы да еске салды. Автомобиль жолдарын, қоғамдық көлік аялдамаларын, автотұрақтарды, жаяу жүргіншілер жолдарын қар мен мұздан уақытылы тазарту қажет. Сондай-ақ, мүмкіндігі шектеулі азаматтар мен қарт адамдарға дер кезінде қар тазалауға көмек ұйымдастыру маңызды екендігін жеткізді.Ақпарат көзі : https://www.gov.kz/memleket/entities/aktobe/press/news/details/921034

Қазақстан Республикасының Мемлекеттік қызмет істері агенттігі және Қазақстан Республикасының Денсаулық сақтау министрлігінің келісімімен Ақтөбе облысы денсаулық сақтау басқармасының басшысы болып Ерлан Бақытұлы Сұлтангереев тағайындалды.Ол 1980 жылы Ақтөбе облысында дүниеге келген. Білімі – жоғары: 2003 жылы Марат Оспанов атындағы Батыс Қазақстан мемлекеттік медицина академиясын «Емдеу ісі», 2013 жылы Астана медицина университетін «Медицина» мамандықтары бойынша тәмамдаған. Медицина ғылымдарының докторы.Еңбек жолын 2004 жылы Жедел медициналық жәрдем ауруханасының хирургия бөлімінде дәрігер- хирург болып бастаған. 2010 жылы осы мекемеде дәрігер-ординатор лауазымына ауыстырылған. 2017-2018 жылдары Ақтөбе медициналық орталығының бас дәрігердің хирургиялық қызмет жөніндегі орынбасары; 2018-2020 жылдары Ақтөбе медициналық орталығыныңбалалар стационарының медициналық директоры қызметтерін атқарған. 2020 жылдың қазан айынан бастап – 2024 жылдың тамыз айы аралығында Ақтөбе медициналық орталығының бас дәрігері қызметінде болды.Ақпарат көзі : https://www.gov.kz/memleket/entities/aktobe/press/news/details/921911

Қазақстан Республикасының Мемлекеттік қызмет істері агенттігі және Қазақстан Республикасынының Оқу-ағарту министрлігінің келісімімен Ақтөбе облысы білім басқармасының басшысы болып Бұлбұл Бисембайқызы Күзембаева тағайындалды. Бұлбұл Күзембаева 1978 жылы Ақтөбе облысында дүниеге келген. Білімі – жоғары: 2000 жылы Батыс Қазақстан мемлекеттік университетін педагогикалық мамандығын, 2016 жылы Қ.Жұбанов атындағы Ақтөбе мемлекеттік университетін «Құқықтану» мамандығын тәмамдаған.Еңбек жолын 2000 жылы №2 Мәртөк орта мектебінің мұғалімі болып бастаған. 2003-2007 жылдары осы мектепте директордың тәрбие жұмысы бойынша орынбасары болып жалғастырған. 2007-2010 жылдары Мәртөк аудандық мәдениет және тілдерді дамыту бөлімінің басшысы; 2010-2011 жылдары Ақтөбе облысы балалардың құқықтарын қорғау департаментінің мониторинг және ақпараттық-талдау қызметі бөлімінің бастығы; 2011-2018 жылдары Мәртөк ауданы әкімінің орынбасары, Ойыл ауданының әкімі қызметтерін атқарған. 2018-2022 жылдары Қазақстан Республикасы Білім және ғылым министрлігінің Білім және ғылым саласында сапаны қамтамасыз ету комитетінің Ақтөбе облысының білім саласында сапаны қамтамасыз ету департаментінің басшысы қызметінде болды. 2022 жылдың маусым айынан бастап Қазақстан Республикасы Оқу-ағарту министрлігі Білім саласында сапаны қамтамасыз ету комитетінің Батыс Қазақстан облысының білім саласында сапаны қамтамасыз ету департаментінің басшысы қызметін атқарып келді.Ақпарат көзі : https://www.gov.kz/memleket/entities/aktobe/press/news/details/921917

Жиын барысында облыс басшысы Асхат Шахаров өңірдің авариялық-құтқару қызметтерін жоғары дайындық режиміне ауыстыруды тапсырды.Басқосу қала мен аудандар әкімдерінің, ТЖ қызметі, коммуналдық кәсіпорындар мен тіршілікті қамтамасыз ету ұйымдары өкілдерінің қатысуымен өтті.Барлық қызметтің алдағы қарлы боран мен су тасқыны кезеңіне дайындығын, төтенше жағдайлар кезіндегі іс-қимылдарды үйлестіру шараларын, сондай-ақ коммуналдық жүйелер мен көлік инфрақұрылымының үздіксіз жұмысын қамтамасыз ету жоспарлары талқыланды.Халықты ықтимал тәуекелдер туралы уақытылы хабардар ету және ауа-райының өзгеруіне жедел ден қою мәселелеріне ерекше назар аударылды.Алдағы күндері ауа райының нашарлауына байланысты облыс әкімі қар тазалайтын техниканы алдын ала дайындап, ТЖ кезінде бірден жолдарға шығу қажеттігін атап өтті.«ҚазАвтоЖол» ҰК» АҚ Ақтөбе облыстық филиалының директоры Айбол Данағұл 104 бірлік арнайы техниканың бар екендігі туралы айтып, бұдан басқа жолдарды қар мен мұздан тазарту бойынша қосымша 11 көлік жалға алынғандығын жеткізді. «КАЖсервис» ЖШС республикалық және халықаралық маңызы бар 1752 шақырым автомобиль жолдарына қызмет көрсетеді. Қызметкерлер саны - 326 адам.Бұдан бөлек, 101 елді мекенде 246 шақырым қарлы учаскелерде қар ұстауға арналған темірбетон қоршаулар немесе уақытша қалқандар орнатылды. Кептелісті болдырмау үшін Хромтау және Қарабұтақ аудандарында ұзындығы 34 шақырым айналма жолдар салынды.ТЖ Департаменті бастығының орынбасары Айбат Жаңабергеновтің хабарлауынша, қысқы кезеңде төтенше жағдайларға ден қою үшін құрамында 1 567 адам және 452 бірлік техника бар азаматтық қорғаныс күштері мен құралдары дайындалған. Қар құрсауында қалған азаматтарға көмек көрсету үшін сыйымдылығы 11 мың адамды құрайтын 161 жылыту пункті дайын. Оның ішінде 46 пункт Қобда, Хромтау, Әйтеке би және Ырғыз аудандарындағы Самара-Шымкент тас жолының бойында орналасқан. Сондай-ақ жеті мыңнан астам автотұрақ дайындалды.Кеңес барысында өңір басшысы гидротехникалық құрылыстар мен жол желісінің жай-күйін қатаң бақылау қажеттігін атап өтті, сондай-ақ қала мен аудандардың әкімдеріне жоспарланған барлық шаралардың іске асырылуын жеке бақылауды тапсырды.«Аудан әкімдеріне жағдайды тұрақты бақылауда ұстауды тапсырамын. Жолдарды қардан, оның ішінде әлеуметтік нысандар мен тұрғылықты жерлерге апаратын жолдардан үнемі тазалауды қамтамасыз ету қажет. Жолдарда көлік құралдарының жүргізушілері мен жолаушыларын эвакуациялауға дайын болу және тіршілікті қамтамасыз ету объектілерінің үздіксіз жұмысын қамтамасыз ету қажет. Әсіресе су тасқыны жағдайын бақылау керек. Облыс аумағында синоптиктердің болжамы бойынша жылы ауа райы күтілуде, осыған байланысты су тасқыны маусымы ерте басталуы мүмкін. Өзендердің, су қоймаларының және гидротехникалық құрылыстардың жай-күйіне мониторингті күшейту, сондай-ақ су басудың алдын-алу шараларын қабылдау маңызды. Жауапты қызметтерге техниканы дайындауды ұйымдастыру, құрылыс материалдарының резервтерін құру және халықты ықтимал тәуекелдер мен қабылданып жатқан шаралар туралы уақытында хабардар ету тапсырылады», - деп түйіндеді Асхат Шахаров.Жиын қорытындысы бойынша әкім ағымдағы ахуалға мониторингті күшейту және барлық қызметтердің қолайсыз ауа райы жағдайында жедел іс-қимылдарға дайындығын арттыру жөнінде нақты тапсырмалар берді.Сондай-ақ, ТЖ Департаменті жанынан туындаған мәселелерді жедел шешу үшін тәулік бойы жұмыс істейтін штаб құрылды.Ақпарат көзі : https://www.gov.kz/memleket/entities/aktobe/press/news/details/922891

"Катонқарағай, Зайсан және кендір курорттық аймақтарының әлеуетін ашу керек. Курорттық аймақтарда Сапалы жол инфрақұрылымын жүргізе отырып, аэровокзал кешендері мен әуежайлар салу қажет", – Қазақстан Республикасының Президенті.Мемлекет басшысының тапсырмасы бойынша ішкі туризмді және жолаушылар авиатасымалдарын дамыту үшін 2025 жылы елде Зайсан, Катонқарағай және кендір курорттық аймақтарында үш жаңа әуежай салуға кірісті. Осы жобаларды іске асыру осы өңірлердің экономикасының дамуына серпін береді, сондай-ақ отандық және шетелдік туристердің келуіне ықпал етеді. Аталған жобалар жергілікті тұрғындар үшін қосымша жұмыс орындарын құруға мүмкіндік береді.Сонымен қатар, ірі тораптық хабтарды дамыту үшін 2024 жылы әуе көлігі инфрақұрылымын жаңғырту шеңберінде үш жаңа жолаушылар терминалы пайдалануға берілді. Алматы, Шымкент және Қызылорда қалаларында жолаушылар терминалдарының өткізу қабілеті сапалы артты.Алматы қаласы халықаралық әуежайының жаңа терминалы-объектінің өткізу қабілеті жылына 2,5 млн. - нан 14 млн. жолаушыға дейін ұлғайтылды.Air Astana, SCAT, Qazaq Air, Fly Arystan отандық авиакомпаниялары Қазақстанның 19 қаласына тұрақты ұшуды орындайды. Халықаралық әуе қатынасын әлемнің 26 елінде 30 шетелдік авиакомпанияның 50 бағыты бойынша орындайды. Шымкент қаласы әуежайының жаңа терминалы - өткізу қабілеті жылына 800 мыңнан 6 млн. жолаушыға дейін. Халықаралық авиамаршруттар саны 10-ға дейін, рейстер аптасына 24-ке дейін ұлғайтылды. Джидда, Медина (КСА), Доха (Катар), Фукуок (Вьетнам) және Пхукетке (Тайланд) әуе қатынасы ашылды.Қызылорда қаласының "Қорқыт Ата" халықаралық әуежайы-өткізу қабілеті жылына 300 мыңнан 2 млн. жолаушыға дейін өсті. Бүгінгі таңда Қызылорда қаласынан 25 ішкі рейс орындалуда."Skyhansa" қазақстандық-германдық компаниясымен "Қорғас – Шығыс қақпасы"арнайы экономикалық аймағында қуаты сағатына 500 адамға дейінгі жолаушылар терминалын, сыйымдылығы жылына 550 000 тоннаға дейінгі отын қоймасын, жүктерді толық өңдейтін жүк терминалын жылына 250 000 тоннаға дейін салу, авиациялық-техникалық орталық құру бойынша жоба іске асырылуда әуе кемелеріне қызмет көрсету, сондай-ақ 300-ден астам тұрақты жұмыс орындарын құра отырып, халық үшін туристік және сауда-ойын-сауық қызметтерін дамыту.Соңғы жылдары әуе көлігі жолаушылар үшін ыңғайлы және тартымды бола бастады. Мысалы, Қазақстанда жыл сайын авиациялық тасымалдар 10-15% - ға өседі. 2024 жылы қазақстандық авиакомпаниялар 15 миллионға жуық адамды тасымалдады, әуежайлар 30 миллион жолаушыға, оның ішінде шетелдік авиакомпанияларға қызмет көрсетті. Жолаушылар тасымалынан басқа, әуе жүк тасымалы көлемінің көрсеткіші де өсуде. 2024 жылы жүк тасымалы көлемі ұлғайды - жылына 28 мың тонна.Отандық компаниялардың ұшақтар паркі жыл сайын 10-15 ұшақпен толықтырылады. 2025 жылы әуе кемелерінің саны 102 ұшақты құрайды.Бүгінгі таңда Қазақстаннан халықаралық әуе қатынасы 31 елмен (Ресей, Қырғызстан, Өзбекстан, Тәжікстан, Грузия, Беларусь, Әзірбайжан, БАӘ, Сауд Арабиясы, Катар, Иран, Оман, Египет, Кувейт, Оңтүстік Корея, Қытай, Үндістан, Вьетнам, Таиланд, Моңғолия, Камбоджа, Малайзия, Мальдив аралдары, Шри-ланка, Түркия, Ұлыбритания, Германия, Италия, Нидерланды, Польша, Чехия) аптасына 582 рейспен 117 маршрут бойынша.Қазақстан әуежайларында ерекше қажеттіліктері бар азаматтар үшін барлық қажетті жағдайлар жасалған. Жерүсті қызметтерінің қызметкерлері ерекше қажеттіліктері бар азаматтарды толық сүйемелдеуді қоса алғанда, алғашқы медициналық көмек көрсету бойынша тұрақты арнайы даярлықтан өтеді. Амбулифтер, кресло-арбалар, зағиптарға арналған тактильді плиткалар және дыбыстық навигация жүйелері қарастырылған.Еліміздің халықаралық әуежайлары ана мен балаға арналған бөлмелерді, валюта айырбастау пункттерін, пошта қызметтерін, сымсыз интернетті ұсынды. Сондай-ақ, бірқатар авиакомпанияларда онлайн-тіркеуден өту процесін жеделдету үшін мобильді қосымшалар енгізілді. Көрсетілетін қызметтердің барлық спектрі азаматтардың барлық санаттары үшін сапа мен қолжетімділікті арттыруға бағытталған.Жолаушылар авиатасымалдарының өсуі, маршруттық желінің кеңеюі ішкі және шетелдік туризмді ұлғайтады, бұл ел өңірлерінің инвестициялық тартымдылығын арттырады.Қазақстанда авиация саласын дамытуды халықаралық тану ұшу қауіпсіздігіне байланысты.Қазақстанда ұшу қауіпсіздігінің халықаралық стандарттарына сәйкестік деңгейі 82% -. құрайды, бұл ТМД елдері арасында ең жоғары көрсеткіш болып табылады және Дания мен Польша сияқты Еуропалық Одақ елдерімен салыстыруға болады.Бұл нәтижелер Қазақстандағы авиациялық Туризм дамуының оң динамикасының көрсеткіші болып табылады, бұл елдің экономикалық әлеуетін нығайтуға және оның халықаралық аренадағы тартымдылығын арттыруға ықпал етеді.Ақпарат көзі : https://www.gov.kz/memleket/entities/transport/press/news/details/922146

Шымкентте "Таза Қазақстан" республикалық экологиялық бағдарламасының акциясы стандартты емес форматта басталды. Ауа-райын ескере отырып және тұрғындардың денсаулығына қамқорлық жасай отырып, іс-шараны қаланың оқу орындарының қабырғасында өткізу туралы шешім қабылданды.Қаланың бірнеше мектептерінде тақырыптық сынып сағаттары өтті, онда педагогтар мен оқушылар Шымкент қаласының табиғаты мен экологиялық болашағына ұқыпты қараудың маңыздылығын талқылады. Мұғалімдер атап өтті: шынайы патриотизм сөзбен емес, істерде көрінеді. Акцияға қатысушылар туған қаланың тазалығына әрбір салымның маңыздылығы туралы айтты.Қаратау ауданының №72 орта мектебінде оқушылар ардагер-мұғалім Ахметбаев Аманбектің, мектеп парламентінің экология министрі Жансай намаздың және мектеп белсендісі Әбдіманап Бидаулеттің сөздерін тыңдады."Табиғат-біздің Отанымыз, біздің жеріміз. Көшелердің, өзен жағалауларының, саябақтар мен аулалардың тазалығы-Отанға деген сүйіспеншілігіміздің көрсеткіші. Табиғатты елемей, біз ауыр зардаптарға тап болуымыз мүмкін. Сондықтан әрқайсымыз-оқушылардан бастап ересектерге дейін-осындай акцияларға қатысуымыз керек. Экологияны жақсартуға бағытталған игі еңбек адамдарды біріктіреді", - деп атап өтті Ахметбаев Аманбек.Қаланың колледждері де бастамаға қосылды. Жол-көлік колледжінде студенттер директордың тәрбие работе жөніндегі орынбасары Берик Ешімовпен және "Жастар ресурстық орталығы" директорының орынбасары Әлжан Аружанмен мәңгілік құндылықтарды – патриотизмді, достықты және қоршаған орта үшін жауапкершілікті талқылады.Шымкент жастар арасында Табиғат пен экологиялық сауаттылықты сақтау жөніндегі күш – жігерімен шабыттандыруды жалғастырып, табиғатқа қамқорлық жасау-әркімнің болашағына қосқан үлесі екенін растайды.Ақпарат көзі : https://www.gov.kz/memleket/entities/shymkent/press/news/details/922438

«Әлеуметтік әмиян» бағдарламасы бойынша пилоттық жоба аясында Батыс Қазақстан облысында атаулы әлеуметтік көмек (АӘК) пен тұрғын үй көмегін (ТК) алатын 840 тұрғын газға жеңілдік алу үшін цифрлық ваучерлерді пайдаланды. Жеңілдік мөлшері 24%-ды құрады. Жобаны жүзеге асырудың алғашқы айының қорытындысы бойынша Шымкент қаласы мен БҚО-ның 2 573 азаматына көмек көрсетілді.Еске сала кетейік, 2024 жылдың желтоқсанына дейін жеңілдік беру механизмі қолмен жүзеге асырылды: алушылардың тізімдерін әкімдіктер жіберіп, олардың деректері абоненттер базасымен салыстырылды. Алайда, мекенжай ауыстыру, деректердегі қателіктер немесе меншік құқығының болмауы сияқты факторлардың салдарынан көмекке мұқтаж кейбір азаматтар көмек ала алмады. 2024 жылдың желтоқсанынан бастап ҚР Энергетика министрлігі, ҚР Еңбек және халықты әлеуметтік қорғау министрлігі, ҚР Цифрлық даму, инновациялар және аэроғарыш өнеркәсібі министрлігі және «QazaqGaz Aimaq» АҚ қолдауымен eGov Mobile қосымшасындағы «Әлеуметтік әмиян» арқылы жаңа цифрлық механизм енгізілді.Енді процесс автоматтандырылды:Азаматтарға 1414 нөмірінен жеңілдік туралы ақпараты бар SMS-хабарлама келеді.Қатысуды растау үшін азаматтар өздерінің жеке шоттарын көрсетеді.Бұл тәсіл бірқатар қателіктерді жояды және көмектің ашықтығы мен қол жетімділігін қамтамасыз ете отырып, процесті едәуір жылдамдатады.Пилоттық жоба аясында цифрлық тәсілді енгізу әлеуметтік қолдауды дамытудағы маңызды қадам болды. «QazaqGaz Aimaq» АҚ әрбір мұқтаж азаматтың көмекті алуын қамтамасыз ету үшін мониторинг пен жүйені жақсартуды жалғастырады.Айта кетейік, Батыс Қазақстан облысының газдандыру деңгейі 99,8%-ды құрайды. Газ құбырларының жалпы ұзындығы – 10 063 км. Газды тұтынушыға қауіпсіз әрі үздіксіз жеткізу үшін «QazaqGaz Aimaq» АҚ-ның БҚО өндірістік филиалының 536 қызметкері қызмет көрсетеді. Ақпарат көзі : https://www.gov.kz/memleket/entities/bko/press/news/details/922291

2023 жылдан бастап Мемлекет басшысының бастамасымен жаңа форматтағы көшбасшыларды іріктеу мен оқытуға бағытталған «Білім берудегі өзгерістердің 1000 көшбасшысы» жобасы жүзеге асырылуда. Бағдарламаның бірінші жылында 207 қатысушы республикалық кадр резервіне алынды, оның 180-і мемлекеттік білім беру ұйымдарының басшылары болып тағайындалды. Ал 2024 жылы аяқталған екінші лектің нәтижесінде 376 педагог қабылданды. Олардың 50-і мектеп директоры, 40-қа жуығы директордың орынбасары қызметіне кірісіп кетті. Жобаға қатысушылардың бірі - Мейрам Бектеміров. Петропавл қаласындағы қалалық мектепте жұмыс істегеннен кейін 2025 жылдың қаңтарында Солтүстік Қазақстан облысы Қызылжар ауданындағы ауылдық мектептің директорына тағайындалды. «Мен жоба туралы өткен жылы біліп, белсенді түрде дайындала бастадым. Бұл педагогтер үшін үлкен мүмкіндік. Іріктеудің барлық кезеңдерінен сүрінбей өттім. Байқаудың кәсіби шеберлікті ғана бағалап қоймай, күнделікті тапсырмаларға жаңаша көзқараспен қарауға көмектесетінін түсіндім. Бұл тәжірибе басқа тәсілдерді ойлап табуға және кәсібилігімді байытуға мүмкіндік берді. Бүгінгі таңда мектебімізде оқу үдерісін ұйымдастыруды айтарлықтай жеңілдететін ASC Timetable жүйесін пайдалана отырып, инновациялық жоспарлау бағдарламасы енгізілуде. Өңірдегі әріптестеріммен тәжірибемді бөлісемін,- деді Мейрам Бектеміров. Айта кетейік, ҚР Оқу-ағарту министрлігі Мемлекет басшысының тапсырмасымен 2023 жылдан бастап Президенттік жастар кадрлық резервінің үлгісімен жобаны жүзеге асыруда. 2024 жылы жобаға қатысуға ниет білдірушілер саны алдыңғы жылға қарағанда 2,5 есеге артқан. Бағдарламаға балабақша, мектеп және колледж мұғалімдері қатысуда. Іріктеу бес кезең бойынша өтті: кәсіби және басқарушылық құзыреттерді бағалау бойынша тестілеу, оқу, еліміздің жетекші мектептерінде тағылымдамадан өту, қорытынды бағалау және республикалық комиссиядан әңгімелесуден өту.Ақпарат көзі : https://www.gov.kz/memleket/entities/edu/press/news/details/921690

Түркістан облысында аймақты цифрландыру, интернет сапасын жақсарту мәселелері облыс әкімдігінде арнайы талқыланды. Облыс әкімі Нұралхан Көшеров жауапты басқарма басшысы мен ұялы байланыс операторларының өкілдеріне бұл саладағы жұмысты жандандыруды, байланысы мен интернет сапасы төмен елді мекендердің мәселесін шешуді тапсырды.– Цифрландыру саласындағы өзекті мәселелерді шешу бойынша жүйелі шаралар қабылдау қажет. Интернет жылдамдығын арттыру бағытында нақты жұмыстар атқаруды тапсырамын. Мобильді интернет сапасына халық тарапынан сын көп. Осы бағыт бойынша да нақты ұсыныс беріңіздер, – деді Нұралхан Көшеров.Түркістан облысының цифрландыру, мемлекеттік қызметтер көрсету және архивтер басқармасының басшысы Марат Айнабековтың айтуынша, Түркістан облысы аумағында жалпы 807 елді мекен бар. Бүгінде 739 АЕМ мобильді интернет желісімен қамтылған. Қалған 68 ауылдық елді мекенде интернет байланысымен қамтамасыз ету бойынша жұмыстар жүргізілуде.Аталған көрсеткіш 2023 жылдың сәйкес кезеңімен салыстырғанда салыстырғанда 2,3%-ға артқан. 2024 жылы 149 елді мекенде интернет сапасы жақсарған. 2025 жылы 120 елді мекенде интернет сапасы жақсарту жоспарланып отыр. 35 аумақта 5G орнатылса, 48-інде жаңа базалық станция салынып, 72 елді мекеннің интернет жүйесіне модернизация жүргізіледі.Облыста «Транстелеком» АҚ тарапынан алдағы жылдары 12 аудан бойынша 18577 электр бағанасын орнату, 170 АЕМ-ге оптика тарту көзделген. Ал «Қазақтелеком» АҚ тарапынан 7 аудан бойынша 7221 электр бағанасын орнату, 25 базалық станция орнату, 11 АЕМ-ге оптика тарту жоспарлануда.Мәжілісте аудан, қала әкімдері мен байланыс операторы өкілдерінің де ұсыныстары тыңдалды. Жауаптыларға елді мекендерді, маңызды көлік жолдары бойын, білім, мәдениет, денсаулық сақтау және өзге де мемлекеттік мекемелерді сапалы интернетпен қамту жұмыстарын жандандыру жөнінде нақты тапсырмалар берілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922447

Шағын және орта бизнес субъектілері арасында үздік жаңа жылдық безендіру конкурсына қатысуға өтінімдерді азық-түлік және азық-түлік емес дүкендерді, қоғамдық тамақтану және қызмет көрсету салаларын қоса алғанда, кәсіпкерліктің 60-тан астам өкілі берді.Естеріңізге сала кетейік, жаңа жыл қарсаңында байқаудың ұйымдастырушысы Алматы қаласының кәсіпкерлік және инвестициялар басқармасы болды, өтінімдерді қабылдау 2024 жылғы 26 желтоқсаннан 2025 жылғы 13 қаңтарға дейін созылды.Конкурстық комиссияның құрамына Алматы қаласы Кәсіпкерлік және инвестициялар басқармасының басшылары, Қоғамдық кеңестің, Қазақстанның рестораторлар клубы қауымдастығының және «ШОБ қорғау жөніндегі Тәуелсіз кәсіподақ» ҚҰ-ның мүшелері кірді.Келесі қатысушылар төрт номинация бойынша жеңімпаз деп танылды:* «Азық-түлік дүкенін үздік безендіру» - «Рахат Лотте» (1 млн. теңге мөлшеріндегі сертификат);* «Азық-түлік емес дүкенді үздік безендіру» - «Телли»био-бутик (1 млн. теңге мөлшеріндегі сертификат);* «Қоғамдық тамақтану саласындағы объектіні үздік безендіру» - «Aurora» кафесі (1 млн. теңге мөлшеріндегі сертификат);* «Қызмет көрсету саласындағы объектіні үздік безендіру» - «Busy Bee» сұлулық аумағы (1 млн.теңге мөлшеріндегі сертификат).Байқаудың Гран-при иегері ABR мейрамханалар желісі (2 млн. теңге көлеміндегі сертификат) болды.Жүлде қоры демеушілік қолдау есебінен қалыптастырылды.«Байқау қаламыздың кәсіпкерлері арасында жоғары белсенділік пен қызығушылықты көрсетті. Бизнес бұл бастамаға үлкен ынтамен қарады, қала тұрғындары мен қонақтары үшін ерекше жаңа жылдық көңіл-күй қалыптастыра алды. Байқаудың барлық қатысушыларына көрсеткен белсенділігі үшін алғыс айтамыз. Біз бірге қаламызды одан да әдемі әрі жайлы етеміз», - деп атап өтті марапаттау рәсімі барысында Алматы қаласы Кәсіпкерлік және инвестициялар басқармасының басшысы Әлішер Сатыбалдиев.Шағын және орта бизнес субъектілері арасында үздік жаңа жылдық безендіру конкурсын ұйымдастыру жоғары әлеуметтік және мәдени маңызға ие.Мұндай бастамалар мерекелік атмосфераны құруға, қалалық эстетиканы жақсартуға, тұрғындар үшін қолайлы ортаны нығайтуға және мегаполистің туристік тартымдылығын дамытуға ықпал етті.Ақпарат көзі : https://www.gov.kz/memleket/entities/almaty/press/news/details/922242

Алматыда жас мамандарды қолдау үшін қалалық мансап орталығы ұйымдастырған Next Generation Leaders бірегей олимпиадасы басталады. Бұл жоба кадрлық резервті қалыптастыруға және жастар жұмыссыздығының деңгейін төмендетуге бағытталған.Олимпиада үш кезеңнен тұрады: онлайн тестілеу, кейс-чемпионат және практикалық тапсырмамен жеке сұхбат. Жас мамандар түйіндеме жасауды, жұмыс берушілермен диалог жүргізуді және өздерінің кәсіби дағдыларын көрсетуді үйренеді.Қалалық мансап орталығының жұмыс берушілермен жұмыс бөлімінің басшысы Ақарыс Төребековтың айтуынша, жоба қаланың 15 жоғары оқу орнын қамтыды және қатысушылардың 70%-дан астамы барлық кезеңнен өткеннен кейін жұмыс таба алады деп күтілуде.«Next Generation Leaders олимпиадасы - бұл жай ғана байқау емес, жастардың әлеуетін ашуға арналған толыққанды алаң. Біз әрбір түлектің болашағына сенімді болғанын және лайықты жұмыс тапқанын қалаймыз», - деді Төребеков.Ол бұл бастамалар Алматыда жаңа мүмкіндіктер жасауға және жұмыссыздық деңгейін төмендетуге бағытталған жастарды қолдаудың кешенді бағдарламасының бір бөлігі екенін айтты.Бағдарламаға қатысуға өтінім қабылдау 26 қаңтарға дейін жалғасады. Тіркеу мына сілтемеге өтіңіз: https://forms.gle/6gWS8TNY8dPaxb9x9.Жоба туралы толық ақпарат алу үшін мына нөмірлерге хабарласуға болады: Ақарыс - 8 (747) 963 31 35; 8 (708) 769-19-97 Райхан.Ақпарат көзі : https://www.gov.kz/memleket/entities/almaty/press/news/details/922247

«ҚазҚСҒЗИ» АҚ мамандары Алматы қ. Алатау ауданындағы «Ғажайып» тұрғын ауданында орналасқан 6 қабатты тұрғын үйдің вибродинамикалық сынақтарын аяқтады.Зерттеу жұмыстарының мақсаты – ғимараттың сейсмикалық жүктемелерге ұқсас әсерлерге жауап беруін зерттеу және жобалық есептердің дұрыстығын тексеру болды. Зерттеу барысында ғимараттың динамикалық сипаттамалары анықталып, оның деформациялану ерекшеліктері зерттеліп, құрылымдардың жағдайы бақылаудан өтті.Сынақтар нәтижелері ғимараттың нақты жер сілкінісі кезінде болуы мүмкін күйін нақтылау үшін пайдалы болады, бұл тұрғын үй объектілерінің қауіпсіздігін арттыруға мүмкіндік береді.«ҚазҚСҒЗИ» АҚ сейсмикалық белсенділік жағдайында ғимараттардың сенімділігін арттыру мақсатында заманауи зерттеу әдістерін енгізуді жалғастыруда және Қазақстанның құрылыс саласының дамуына үлес қосуда. Ақпарат көзі : https://www.gov.kz/memleket/entities/mps/press/news/details/921276

Өнеркәсіп және құрылыс министрі Қанат Шарлапаев Үкімет отырысында «Таза Қазақстан» республикалық экологиялық акциясы аясында қалалар мен елді мекендердің аумақтарын абаттандырудың үлгілік қағидаларына өзгерістер енгізілгенін хабарлады. Ол осы құжат шеңберінде негізгі ұғымдар түзетіліп, жаңа терминдер енгізілгенін, сондай-ақ елді мекендердегі инфрақұрылым объектілерін абаттандыру мен күтіп ұстауды ұйымдастыру жөніндегі іс-шаралар неғұрлым егжей-тегжейлі толықтырылғанын атап өтті. Атап айтқанда, жаяу жүргіншілер, мүгедектер, велосипед көлігі үшін басымдықтар берілді. Үй жануарлары серуендейтін аумақтарды тазарту, био-дәретханаларды орнату, жолдарды күтіп ұстауға және ғимараттар мен құрылыстардың сыртқы келбетіне қойылатын талаптар айқындалды.«Үлгілік қағидалар негізінде қабылданатын шараларды күшейту үшін аумақтарды абаттандырудың өңірлік қағидалары бекітілді, олар да әрбір өңірдің ерекшелігін ескере отырып кеңейтілді», — деп атап өтті Қанат Шарлапаев.Бұдан басқа, өңірлік саясатты жетілдіру үшін «Қалаларды кешенді салу стандарты» әзірленді. Стандарт сапалы, қолжетімді тұрғын үй және көпсалалы құрылысты енгізу және жайлы қоғамдық кеңістіктерді құру үшін нұсқаулық болып саналады. Құжат барлық жергілікті атқарушы органдарға қалалық аумақтарды дамыту мен салудың егжей-тегжейлі жоспарлау жобаларын әзірлеуде басшылыққа алу үшін жіберілді.Қазақстанда өнеркәсіптік кәсіпорындардың атмосфераны ластаушы заттары азаядыӨнеркәсіп және құрылыс министрі Қанат Шарлапаев Үкімет отырысында өнеркәсіп кәсіпорындарының қоршаған ортаға теріс әсерін азайту жөніндегі шаралар туралы баяндады. Оның айтуынша, Экологиялық кодекске сәйкес Министрлік жетекшілік ететін салаларда 17 кәсіпорын ең үздік қолжетімді технологияларды енгізуі тиіс. Бұл қоршаған ортаға әсерді азайтуға және кәсіпорын қызметкерлерінің еңбек жағдайларын жақсартуға мүмкіндік береді.«Бүгінгі таңда оның бесеуі бағдарламаларын бекітіп, кезең-кезеңімен іске асыруға кірісті. Биыл металлургия саласындағы тағы үш кәсіпорын бағдарлама қабылдауды жоспарлауда. Бұдан басқа, өңірлердегі экологиялық жағдайды жақсартуға, оның ішінде өнеркәсіптік кәсіпорындардың атмосфераға шығаратын ластаушы заттарды азайтуға белсенді қатысуы байқалады», — деді Қанат Шарлапаев.Кәсіпорындар жыл сайын қалалық және аудандық аумақтарды көгалдандыруға, сондай-ақ елді мекендерді абаттандыруға бағытталған іс-шараларға қатысатыны атап өтілді.Ақпарат primeminister.kz сайтынан алынғанАқпарат көзі : https://www.gov.kz/memleket/entities/mps/press/news/details/921531

Бүгін ҚР Өнеркәсіп және құрылыс министрі Қанат Шарлапаев «Alstom» компаниясының Африка, Таяу Шығыс және Орталық Азия аймақтарындағы президенті Эндрю Делеонимен кездесті.«Alstom» Қазақстанда 35 000 м² аумақты құрайтын Астананың индустриялық аймағында орналасқан «Электровоз құрастыру зауыты» ЖШС (ШҚЗ) арқылы ұсынылған. Жүк және жолаушылар электровоздарын шығарумен және оларға техникалық қызмет көрсетумен айналысады. Бұл Орталық Азия мен Кавказ аймағындағы электровоз шығаратын жалғыз зауыт.Зауыт 2012 жылдың желтоқсан айында ашылды. ЭКЗ «Қазақстан темір жолы» ҰК» АҚ (ҚТЖ) үшін жүк KZ8A және жолаушы KZ4AT сияқты Prima сериялы электровоздарын шығаруға бағытталған. Сондай-ақ Әзірбайжан темір жолы (ADY) үшін Әзірбайжанға 40 бірлік AZ8A жүк электровозын экспорттады.Кәсіпорынның қуаттылығы жылына 100 локомотив секциясын құрайды.Сонымен қатар, ЭКЗ жылына 240 бірлік қуаттылығы бар борттық трансформаторлар мен тартқыш жүйе түрлендіргіштерін шығарады. Сонымен қатар, зауыт өндірілген күннен бастап 25 жыл бойы KZ8A және KZ4AT локомотивтеріне қызмет көрсетумен белсенді түрде айналысады.Кездесу барысында Қазақстандағы темір жол саласын одан әрі дамытудың жоспарлары мен перспективалары, сондай-ақ «Alstom» компаниясының елдегі қызметін кеңейту мүмкіндіктері талқыланды.Ақпарат көзі : https://www.gov.kz/memleket/entities/mps/press/news/details/922020

Жетісу облысында әлеуметтік сауда орындарының саны 12-ге жеткізілмек. Атап айтқанда, Талдықорған қаласында 7 стационарлық әлеуметтік нүкте, оның ішінде 5-уі әлеуметтік дүкен болса, қазір тұрғындарға ыңғайлы болу үшін тағы 5 көше сауда нысаны қосылып жатыр. Жетісу өңірінде әлеуметтік маңызы бар азық-түлік тауарларының бағасын тұрақтандырудың екі тетігі бойынша 18 мың тоннадан астам өнім қоры бар. Оның 1485 тоннасы картоп. «Жетісу» ӘКК тауарлық интервенцияларды тұрақты негізде әлеуметтік пункттерінде келісім-шарт бойынша азық-түлік өнімдерін сатумен айналысады, – деп хабарлайды Жетісу облысы әкімінің баспасөз қызметі.«Жетісу» ӘКК әлеуметтік маңызы бар азық-түлік тауарларының бағасын тұрақтандыру мақсатында жыл сайын көкөніс өнімдерінің, оның ішінде картоптың қорын қалыптастырады. Жергілікті ауыл шаруашылығы тауарын өндірушілермен келісім-шарт жасап, өңірлік тұрақтандыру қорын қалыптастыру және өндіретін шаруашылық жүргізуші субъектілерді жеңілдікпен несиелеу бойынша жұмыс жүргізеді. Мәселен, 2023-2024 жылдарға арналған жоғарыда аталған тетіктерді жүзеге асыруға жергілікті бюджеттен 9 млрд. қаржы қарастырылды. Көрсетілген мерзімде бөлінген қаражатқа 31,2 мың тонна өнім жеткізуге келісім-шарт жасалды. Оның бүгінгі таңда 12,6 мың тоннасы сатылды. Қазіргі таңда қорда 18 мың тоннадан астам азық-түлік тауарлары бар. Атап айтар болсақ, әлеуметтік нан, І сортты ұн, қант, күріш, кеспе (макароны) күнбағыс майы, қарақұмық, тұз, тауық еті, жұмыртқа, сиыр еті, картоп, пияз, сәбіз және қырыққабат.– Картоп бағасының көтерілуіне байланысты осы кезеңде тұрақтандыру қорынан тауарлық интервенция жүргізіп жатырмыз. Картоптың бағасы 180 теңгеден аспайды. Осы кезеңде Талдықорған қаласында әлеуметтік дүкендерді қосқанда 7 стационарлық әлеуметтік пунктіміз бар. Сонымен қатар, облыс әкімінің әлеуметтік маңызы бар азық-түлік тауарларының бағасын тұрақтандыру жөніндегі тапсырмасына сәйкес әлеуметтік сауда орындарын көбейту бойынша жедел шаралар қолға алынды. Біз 5 сауда нүктесін ашып жатырмыз, соның ішінде 2-уі жұмыс жасап тұр. Әзірге бұл қосымша сауда орындары алдағы 2 айда тұрақты жұмыс істейді деп жоспарлап отырмыз, – деді «Жетісу» ӘКК басқарма төрағасының бірінші орынбасары Альмира Ибраимова.Қала орталығындағы жаңа әлеуметтік сауда нүктесінің жұмысы жергілікті тұрғындардың ризашылығына бөленіп үлгерді. Талдықорған қаласының тұрғыны Эльмира Смағұлова әлеуметтік дүкеннің тұрақты тұтынушысы екенін жеткізді.- Бүгін әлеуметтік сауда нүктесінде картоп 180 теңгеге алдым. Яғни 3 есеге арзан баға. Басқа азық-түлік өнімдері мен көкөністер де сатылуда. Сәбіз, «Бақанас» күрішінің дәмді сортын да сатып алдым. Бұл күріштің түрі базардан тым сирек кездестіреміз, – деді қала тұрғыны.Жетісу облысы әкімінің баспасөз қызметі Фототілші: Жұмабай Мұсабеков «Жетісу» ӘКК АҚ әлеуметтік дүкендері мен сауда нүктелерінің ТІЗІМІ№АтауыМекен жайыЖұмыс уақыты1№1 әлеуметтік дүкенТалдықорған қаласы, Еркін ауылы, Бесшатыр көшесі, 75сейсенбі-сенбісағат 09:00-ден 18:00 дейін;жексенбі ж/е дүйсенбі - демалыс2№2 әлеуметтік дүкенТалдықорған қаласы, Еркін ауылы, «Көктал» шағын ауданы, Амангелді көшесі, 47Асейсенбі-сенбісағат 09:00-ден 18:00 дейін;жексенбі ж/е дүйсенбі - демалыс3«Жарық» әлеуметтік дүкеніТалдықорған қаласы, «Самал» шағын ауданы, 43 үйдемалыс жоқ сағат 08:00-ден 23:00-ге дейін4 «Talmart» әлеуметтік дүкеніТалдықорған қаласы, «Қаратал» шағын ауданы, 7демалыс жоқсағат 09:00-ден 23:00-ге дейін 5«Talmart» әлеуметтік дүкеніТалдықорған қаласы, Тәуелсіздік көшесі, 116демалыс жоқсағат 09:00-ден 23:00-ге дейін6 «Көк базар» сауда орталығындағы әлеуметтік сауда нүктесіТалдықорған қаласы, Біржан сал көшесі, Гаухар ана көшесінің қиылысыдемалыс жоқсағат 09:00-ден 18:00-ге дейін7Коммуналдық базардағы әлеуметтік сауда нүктесіТалдықорған қаласы, Алдабергенов көшесі, Рақышев көшесінің қиылысысейсенбі-сенбісағат 10:00-ден 17:00 дейін;жексенбі ж/е дүйсенбі - демалыс Көшедегі сауда нүктелері1Қала орталығындағы әлеуметтік сауда нүктесі («Dynasty» дүкені мен «Қарағаш» сауда орталығының маңы)Талдықорған қаласы, Ақын Сара көшесі, Қабанбай батыр көшесімен қиылысысейсенбі-сенбісағат 10:00-ден 15:00 дейін;жексенбі ж/е дүйсенбі - демалыс2«Береке» коттеджді қалашығының аумағындағы әлеуметтік сауда нүктесі («JLC» дүкенінің жанында)Талдықорған қаласы, «Береке» коттеджді қалашығы №5 көшесейсенбі-сенбісағат 10:00-ден 15:00 дейін;жексенбі ж/е дүйсенбі - демалыс Ақпарат көзі : https://www.gov.kz/memleket/entities/zhetysu-oblysy/press/news/details/921986

Жетісай ауданындағы Қызылқұм ауылдық округіне қарасты Түркебай елді мекені табиғи газға қосылды. Осы орайда аудан әкімі Серік Мамытов елді мекенге арнайы барды. Бүгінде ауылда 472 тұрғын бар. Енді жыл соңына дейін Жаңа ауылдық округінің Жаңа ауыл, Қарой, Әбдіхалық, Мырзашөл және Атақоныс елді мекендері табиғи газға қосылмақ. Сондай-ақ, Ж.Ералиев ауылдық округінің Жетіқазына, Бәйтерек және Сейфуллин елді мекендерін, Мақталы ауылдық округінің Сарқырама, Мақталы, Алмалы, Жібек жолы, Теміржол елді мекендері де қамтылмақ.Одан бөлек, Қызылқұм ауылдық округінің Датқа, Ақтөбе, Жалпаққұм, Алғабас, 1-мамыр, Қосқұдық, Мақталы елді мекендерін, Абай ауылдық округінің Халықтар достығы және Ш.Ділдәбеков ауылдық округінің Күрішті елді мекенін табиғи газға қосу жоспарланған.Сонымен қатар ауданда мемлекеттік бағдарламалар аясында елді мекендердегі ескірген электр бағаналарын жаңарту, инфрақұрылымды дамыту, ішкі және қалааралық, ауданаралық жолдарға жөндеу жұмыстары жүргізілуде.Айта кетейік, өткен жылы Ж.Ералиев ауылдық округінің Абай елді мекені, Қызылқұм ауылдық округінің Қызылқұм, Қызылту, Қарасақал елді мекендері көгілдір отынға қосылған болатын.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/921601

Түркістан қаласында жаңа ғимараттар мен нысандар бой көтереді. Оның ішінде көпқабатты тұрғын үйлер, білім нысандары, бизнес орталықтары мен демалыс аймақтарының құрылысын жүргізу жоспарланған. Әр ғимарат сәулетшілердің мақұлдауынан кейін ғана салынуы тиіс. Бұл мәселені Түркістан облысының әкімі Нұралхан Көшеровтың бақылауында. Сәулеттік жобалар талқыланған мәжілісте 14 жаңа жаңа жоба таныстырылып, сәулетшілер мен жауапты басшылардың сараптауынан өтті.Сәулеттік кеңеске жауапты басқарма басшылары, кәсіпкерлер мен инвесторлар және сәулет, құрылыс саласының өкілдері қатысты. Өңір басшысы әрбір жобаны терең зерделегеннен кейін ғана кеңес отырысына ұсыну керектігін айтты. Сондай-ақ құрылыс сапасын басты назарда ұстауды ескертті.– Түркістан қаласында жаңа нысандардың салынуы жалғасады. Шаһарды туризмнің тартылыс нүктесіне айналдыруға мүмкіндік бар. Жаңа нысандар салу, инвестициялық жобаларды жүзеге асыру бастамаларын қолдаймыз. Басталған іс аяқталуы тиіс. Ғимараттардың сәулетіне қатысты талаптар толық сақталуы тиіс. Көгалдандыру, абаттандыру жұмыстарына мән беру керек. Бізге әлеуметтік тұрғыда тиімді, елге қызмет ететін ірі жобалар қажет, – деді облыс әкімі.Мәжілісте қаланың Мәдени-рухани орталығында құрылысы жүргізіліп жатқан жобалардың жұмыс барысы баяндалды. Құрылыс нысандарының сапасы мен сәулеті тұрақты бақылауда болады.Ақпарат көзі : https://www.gov.kz/memleket/entities/ontustik/press/news/details/921314

Түркістан облысында мақта нарығына экспорттық тәуелділікті жою, тоқыма-тігін саласын дамыту мақсатында «Мақта шаруашылығын дамытудың және мақта-тоқыма кластерін қолдаудың 2027 жылға дейінгі өңірлік жол картасы» бекітілген болатын. Жол картасына сәйкес, өңірде 9 мақта-тоқыма кластерін құру жұмыстары жүргізілуде. Нәтижесінде 14 мың жұмыс орны ашылып, жыл сайын салық түсімі 26,2 млрд теңге құрайтын болады деп жоспарланған. Аталған жоспардың орындалу барысы облыс әкімдігінде арнайы талқыланды.Өңір басшысы Нұралхан Көшеров мақта кластерін дамытудың маңызына тоқталып, жауаптыларға жұмысты жандандыруды тапсырды.– Мақта кластеріне қатысты жоспарды тағы да нақтылап, қарап шығыңыздар. Келісілген инвесторлармен байланысты үзбей, жобаларды жүзеге асыруға ықпал етіңіздер. Мақта кластерін дамыту көзделіп отырған аудан әкімдері мен жауапты басқарма басшылары жұмысты күшейтуі тиіс. Екіншіден, мақта алқаптарына су үнемдеу технологияларын енгізуде өңірде ашылған кәсіпорындар тартылуы қажет, – деген Нұралхан Көшеров мақта кластерін қалыптастыруға арналған жобалардың инфрақұрылымын тарту, ұйымдастыру жұмыстарын кешіктірген әкімдерге нақты міндеттер жүктеді.Түркістан облыстық ауыл шаруашылығы басқармасы басшысының міндетін уақытша атқарушы Әлібек Плалов осы бағыттағы жұмыстарды баяндады. Сауран, Ордабасы, Шардара аудандарында бір-бірден және Мақтаарал мен Жетісайда кәсіпорыннан құру жоспарланған. «Turan» арнайы экономикалық аймағында «Түркістан мақта агроөнеркәсіп кешені» ЖШС-нің мақтаны терең өңдеу және дайын өнімді экспорттау көпсалалы нысанының құрылысы басталды. Жаңа қытай технологиясымен 1,2 мың гектарға мақта егілді. Технологияның тиімділігі – суды, энергияны, еңбек ресурстарын және минералды тыңайтқыштарды үнемдей отырып, гектарына 60 центнерден өнім алуға мүмкіндік берді.2025 жылы облыс бойынша мақта дақылын 135 мың гектарға орналастыру жоспарланған. Оның ішінде: дәстүрлі тәсілмен – 85 мың гектар, жаңа технологиямен 50 мың гектарға мақта егілмек.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/921315