Облыс әкімі Нұралхан Көшеровтің тапсырмасына сәйкес, «Түркістан әлеуметтік-кәсіпкерлік корпорациясы» АҚ-ның бастамасымен жыл сайын дәстүрлі түрде өткізіліп жатқан жәрмеңкелер бағаны тұрақтандыруға тікелей ықпал жасауда.Түркістан қаласында апта сайын азық-түлік жәрмеңкесі өткізіліп келеді. Бүгінгі кезекті жәрмеңке «Turan Mall» ойын-сауық орталығының алаңында ұйымдастырылды. Келген халықтың қарасы қалың болды. Тұрғындар мүмкіндіктен қалыс қалмай, күнделікті тұрмысқа қажет өнімдерді тиімді бағада алғандары үшін ризашылығын білдірді.Жәрмеңкеде жалпы 19 түрлі әлеуметтік маңызы бар тауар төмен бағада ұсынылды. Атап айтқанда, картоп пен сәбіз – 100 теңгеден, қырыққабат – 55 теңгеден, пияз – 77 теңгеден, нан бөлкесі – 70 теңгеден, жұмыртқа данасы – 40 теңгеден сатылды. Бұдан бөлек, аз тұзы – 45 теңгеге қолжетімді болса, І сұрыпты бидай ұны – 190 теңге, қарақұмық жармасы – 220 теңге, сүт – 260 теңге, күнбағыс майы – 520 теңгеден саудаланды.Аталған корпорацияның өкілі Лаура Жанасбаеваның айтуынша, қазіргі таңда ішкі нарықта картоп бағасының қымбаттауы өзекті мәселе болып тұр. Дегенмен Түркістан өңірінің азық-түлік тұрақтандыру қорында көкөністер де, бакалеялық өнімдер де жеткілікті. Бағасы шарықтап тұрған картоп 3 есе арзан бағада халыққа ұсынылып жатыр. Сөрелерді бос қалдырмау мақсатында қордағы өнімдер базарлар, ірі сауда орындары, әлеуметтік дүкендер мен бұрыштарға тұрақты түрде жеткізіліп, арнайы бекітілген бағада сатылуда.Айта кетейік, бұл бір реттік шара емес. Алдағы уақытта да жалғасады. Тұрақтандыру қорының тауарлары базарларға шығарылса, көшпелі жәрмеңкелер апта сайын өткізілуде.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/921407

Түркістан облысының әкімі Нұралхан Көшеровтің төрағалығымен өңірдегі қоғамдық-саяси ахуалдың жай-күйі талқыланған жиын өтті. Өңір басшысы басқарма басшылары мен аудан, қала әкімдеріне өз міндеттерін сапалы атқаруды тапсырды.– Жергілікті әкімдерге тұрғындардың сұрақтары мен өтініштерін сапалы, созбалаңға салмай, уақтылы шешуді тапсырамын. Қабылдауға келген азаматтардың өтініштерін заң шеңберінде орындап, міндеттеріңізді сапалы атқарыңыздар. Тұрғындарды негізінен тұрғын үй, жер, инфрақұрылымдық мәселелер, сондай-ақ ауыл шаруашылығы мен әлеуметтік мәселелер мазалайды. Осыларды назарда ұстаңыздар, – деді Нұралхан Көшеров.Түркістан облыстық қоғамдық даму басқармасының басшысы Ерлан Күзембаев аймақтағы қоғамдық-саяси ахуал туралы баяндама жасады. Сонымен бірге өңірдегі өзекті мәселелер талқыланып, аудан, қала әкімдері мен басқарма басшыларына тиісті тапсырмалар берілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/921615

Тәжікстан Республикасы, Соғды облысы, Бабоджон Гафуров ауданының делегациясы Мақтаарал ауданына жұмыс сапарымен келді. Делегацияны аудан әкімінің орынбасары Нұрбол Саттаров күтіп алып, кәсіпкерлік, ауыл шаруашылығы саласындағы жетістіктермен және мақтааралдықтардың тәжірибесімен бөлісті.Ең алдымен қонақтар «Мақта және бақша ауыл шаруашылығы тәжірибелік стансасы» ЖШС-інде болып, оларға мекеме басшысы Амандық Қостаков тәжірибе стансасындағы зерттеу жұмыстарымен кеңінен таныстырды. Мұнда селекция және тұқым шаруашылығы саласында атқарылып жатқан жұмыстарға тоқталып, мақтаның М-4011, М-5027 жаңа сорттары туралы, сорттардың артықшылықтары мен өнімділігі туралы кеңінен мәлімет берілді. Қонақтар қазақстандық сорттарға үлкен қызығушылық танытып, туған жері Соғды облысында 100 гектардан астам жерге егуге ниет білдірді.Мұнан соң делегация «Төрткүл-7» шаруа қожалығына барып, қожалықтың ауыл шаруашылығында қолданылатын техникаларымен танысты. Қожалыққа тиесілі «Джон дир» комбайны, «Беларусь 80», «Беларусь 95» тракторлары, «Elvorti» культиваторы және 4 дана трактор тіркемесі бар. Аудан әкімінің орынбасары ауыл шаруашылығы техникаларын сатып алу бойынша мемлекет тарапынан берілетін жеңілдіктер мен лизингтер туралы кеңінен ақпарат берді. Мемлекеттік қолдаудың арқасында ауданда ауыл шаруашылығы техникалары жыл сайын жаңарып жатқанын атап өтті.Ауданның индустриалды аймағынан жақында ғана Орталық Азияда бәсекеге қабілетті «Жанасыл» мақта өңдеу зауыты ресми түрде іске қосылған болатын. Делегация мүшелері жаңа кәсіпорынның жұмысымен де танысты.Кәсіпорын 150 адамды тұрақты жұмыс орнымен қамтып, тәулігіне 600 тонна таза мақтаны өңдеп шығарады. Одан бөлек, күніне 180 тонна мақта талшығы өңделеді. Зауыт қазіргі таңда шитті мақтаны өңдеп, одан мақта талшығын, мақта шитін, мақта линтін және улюк өнімдерін шығарып, тікелей Қытай, Түркия, Тәжікстан, Иран, Қырғызстан және Еуропа елдеріне экспорттауда. Дәл осындай кәсіпорынды жеке кәсіпкер Қабыл Боев іске қосқан болатын. Құны 3 миллиард теңгені, қуаттылығы 60 мың тоннаны құрайтын мақта талшығын өңдейтін зауытта 80 адам тұрақты жұмыс орнымен қамтылған.Тәжікстандық қонақтарға аудандағы тамшылатып суғару технологиясын ендіру шаралары да көрсетілді. «Хамро ата» ауы шаруашылығы өндірістік кооперативі өткен жылы 310 гектар алқапқа мақта дақылын тамшылатып суғару технологиясы арқылы егіп, 1 гектардан 58-60 центнер (ауданның орташа өнімділігі 26,2 центенрді құрауда) өнім алған болатын. Жаңа технологияның арқасында ағын су көлемі біршама үнемделіп, өнімділіктің көлемі 2-2,5 есеге артты. Сонымен қатар тамшылатып суғару технологиясын енгізгені үшін шаруа қожалығына мемлекет тарапынан кеткен шығынның 80%-ы субсидия ретінде өтелді. Орта Азия үшін ағын су мәселесі өзекті болып жатқан қазіргі уақытта қазақстандықтардың жаңа технологияға бет бұрыс жасап жатқанына тәжік делегациясы оң бағасын берді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/921896

Мемлекет басшысы Қасым-Жомарт Тоқаев Жолдауында балық шаруашылығына айрықша көңіл бөлу қажеттігін айтқан болатын. Түркістан облысында балық шаруашылығымен айналысуға ниетті кәсіпкерлер саны артып келеді. Соның бірі – Сайрам ауданы, Ақсукент ауылының тұрғыны, кәсіпкер Қалдыкүл Ермекова. Ол балық шаруашылығын дамыту мақсатында мемлекеттен қайтарымсыз грант алып, қажетті құрал-саймандар сатып алған. Кәсіпкер 2024 жылдың маусым айында өз бизнес жобасын ұсынып, комиссия шешімімен қайтарымсыз 1 476 800 теңге алған.Қазіргі таңда Қалдыкүл Ермекова жеке кәсіпкерлігін ашып, өз жұмысын дөңгелетіп отыр. Бүгінде мұндағы көлемі 40, 120 текше метрлік бассейндерде фарель, сазан және бекіре балықтары бар.– Қазір кәсіп бастаймын немесе кәсібімді ұлғайтамын дегендерге мемлекет тарапынан түрлі жағдайлар жасалынып жатыр. Қайтарымсыз мемлекеттік грант соның бір дәлелі. Бұл шағын іс бастауға қаражаты жоқтарға немесе қаражаты жетпеген белгілі бір санаттағы азаматтарға үлкен көмек. Мысалы, мен қолымнан келетін кәсібімді мемлекеттің осынау көмегі арқылы бастағаныма өте қуаныштымын. Бұл берекенің бастауы болса керек, – дейді грант иегері.Кәсіпкер алдағы уақытта ауданға қарасты жергілікті Жібек жолы ауылдық округінен жер телімін алып, жасанды көл орнатуды көздейді. Осылайша, ол балық басының санын 50 мың тоннаға арттыруды жоспарлап отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/921976

✔️Республикалық маңызы бар жолдардың күтіп-ұстауына көңілі толмаған Түркістан облысының әкімі Нұралхан Көшеров сылбырт жұмыстарды сынға алып, «Қазавтожол» мекемесінің облыстағы өкілдеріне ескерту жасады. Жолдағы ақауларды дер кезінде ретке келтіруді тапсырған әкім жол бойындағы сервистік нысандардың санитарлық тазалығы талапқа сәйкес келмейтінін ескертті. Сондай-ақ қысқы маусымдағы тиісті жұмыстарды талапқа жүргізуді баса айтты.✔️Өңір басшысының төрағалығымен өткен кеңесте облыстағы жолдардың жағдайы мен жақсарту жоспары қаралды. Өзекті мәселелер ортаға салынып, жауаптыларға нақты тапсырмалар жүктелді. Аймақ басшысы саладағы мәселелердің аз еместігін айтып, басқосу барысында тиісті тұлғалардан жауап алды.✔️Өңірдегі жолдардың жағайын Түркістан облысы жолаушылар көлігі және автомобиль жолдары басқармасының басшысы Қуатжан Жұматаев, республикалық жолдардағы жұмыстарды «ҚазАвтоЖол» ҰҚ» АҚ-ның Түркістан облыстық филиалының басшысы Ербол Примбеков баяндады.✔️Биыл Түркістан облысындағы жергілікті маңызы бар жолдардың жақсы және қанағаттанарлық жағдайдағы жолдар үлесін 95%-ға жеткізу көзделген. 2025 жылы облыс аумағындағы автомобиль жолдары саласын дамыту үшін құрылыс-жөндеу жұмыстарымен жалпы 202 нысан немесе 1 103 шақырым жолдар мен көшелер қамтылмақ. Жыл қорытындысымен 547 шақырымды құрайтын 123 нысан пайдалануға берілмек. Облыстық, аудандық маңызы бар жолдар мен елді мекен көшелері жаңарып, «Ауыл – Ел бесігі» бағдарламасы бойынша 140 елді мекенде 89 нысанды жөндеуден өтеді.📌Сапаны арттыруға бағытталған жұмыстарға күш салынады. Нысандардағы жұмыстар мен қолданылып жатқан материалдардың сапасы жауапты және қадағалаушы мекемелерден бөлек, «Ұлттық жол активтері сапасы орталығы» РМК ТО филиалының тұрақты бақылауында. Сынама сапасы талапқа сай келмейтін нысандар қабылданбайды. Сот арқылы кемшіліктер қайта қалпына келтіріледі.📌– Басты талап – жол жөндеу жұмыстарына бақылауды күшейтіп, сапаның сақталуын қатаң қадағалау. Әрбіріміз өз міндетімізге аса жауапкершілікпен қарауға тиіспіз. Бейінді басқарма мен жол қызметкерлеріне қойылған талап жоғары, сұраныс та жоғары болмақ! – деді Нұралхан Көшеров.📌Облыс әкімі қауіпсіз жол қозғалысын қамтамасыз ету мақсатында жүйелі және нақты жұмыстар атқаруды, аудан, қалалардағы жолдарды талапқа сай салып, күтіп-ұстау жұмыстарын қатаң бақылауға алуды тапсырды. Автомобиль жолдарының бұзылуына жол бермеу үшін, кен орындарына арнайы таразылар орнатып, заң талаптарын сақтауды қамтамасыз етуді жүктеді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922118

✔️Түркістан облысының әкімі Нұралхан Көшеров ескек есу каналының құрылыс барысын талқылау, оның жан-жағын туристік орталыққа айналдыру бағытындағы жобалар бойынша мамандардың ұсыныс-пікірлерін тыңдады.✔️Италиялық сәулетші Доменико Ротоло туризмді дамытуға бағытталған жоспарлары мен жобаларын баяндап, өз тұжырымдамасын таныстырды. Ол отбасымен демалатын және туристерді тартатын аквопарк желісінің, жағажайлар мен қонақүйлердің тұжырымдамасын ұсынды. Сонымен бірге саябақтар, веложолдар салу және өзге де ұсыныстарын жеткізді. Ескек есу каналының халықаралық деңгейдегі сайыстарды қабылдайтынына сенім білдірді. Сонымен бірге мәжіліске бейнебайланыс арқылы қатысқан түркиялық сәулетшілер де өз ойлары мен ұсыныстарын ортаға салды. Тек жаз емес, жылдың 4 мезгілінде де халық пен туристерге қызмет көрсететін орталық салу туралы пікірін білдірді.📌Облыс әкімі Нұралхан Көшеров жауапты басшыларға жобаларды жан-жақты зерделеп, инвесторлармен келіссөз жүргізуді тапсырды. Түркістанды туризм орталығына айналдыру бағытындағы жұмыстар жалғасады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922119

Ауа-райының нашарлауына байланысты бірінші ауысымның 0-9 сынып оқушылары үшін сабақтар қашықтықтан оқыту форматына көшеді, деп хабарлайды қалалық білім басқармасына сілтеме жасап әкімдіктің ресми сайты."Астана қаласының білім басқармасы хабарлайды: 22.01.2025 жылы ауа райының нашарлауына байланысты бірінші ауысымның 0-9 сынып оқушылары үшін қала мектептерінде сабақ қашықтықтан оқыту форматына көшеді", - деп хабарлады білім басқармасы.Ақпарат көзі : https://www.gov.kz/memleket/entities/astana/press/news/details/922101

Ауданда әлеуметтік маңызы бар азық-түлік тауарлары бағасының өсуіне жол бермес үшін ауыл шаруашылығы жәрмеңкесі ұйымдастырылып тұрады. Жәрмеңке сөрелеріндегі бағалар нарық құнынан төмен. Соның ішінде 19 тауар түріне тікелей жеткізушілермен келісімшарт жасауға ерекше назар аударылды. Бұл бағаны тұрақтандырып қана қоймай, тұрғындарды қолжетімді өнімдермен қамтамасыз етуге мүмкіндік береді.Аудан әкімі Айдар Ибраев Бородулиха ауылында апта сайын өткізілетін ауыл шаруашылығы жәрмеңкесіне барды. Жәрмеңкеде тұрғындар шаруалардан қалаған өнімін еш делдалсыз, қолжетімді бағада сатып ала алады.Ауданда әлеуметтік маңызы бар өнімдер бағасының өсуіне жол бермеу мәселесі күн тәртібінен түскен емес. Осы мақсатта Кәсіпкерлік және ауыл шаруашылығы бөліміне бағаға күнделікті мониторингін жүргізуді, қажет болған жағдайда әкімшілік шаралар қолдану тапсырылды. Сондай-ақ ауыл шаруашылығы өнімдерінің жәрмеңкесін ұйымдастыруды жалғастыру міндеттелді.Ақпарат көзі : https://www.gov.kz/memleket/entities/abay/press/news/details/922056

Жамбыл облысының әкімі Ербол Қарашөкеевтің төрағалығымен өткен аппарат кеңесінде халықты жұмыспен қамту шаралары талқыланды.Жұмыспен қамтуды үйлестіру және әлеуметтік бағдарламалар басқармасының басшысы Еркін Келесовтің сөзінше, биыл салаға 54,4 млрд. теңге бөлінді, бұл өткен жылмен салыстырғанда 22 пайызға артық.2024 жылы өңірлік жұмыспен қамту картасы аясында 67 308 жаңа жұмыс орнын құру жоспары бекітілді. Жыл қорытындысы бойынша 70 056 жұмыс орны құрылып, жоспар 104,1% орындалды.Биыл 68 мыңнан астам жұмыс орнын ашу жоспарлануда.Мемлекет басшысының 10 мың тұрғынға 100 жұмыс орнын құру туралы тапсырмасын орындау міндеті асыра орындалды: 13 111 жұмыс орны ашылды.2024 жылы жұмыспен қамтудың белсенді шараларымен 62 651 тұрғын қамтылды, жоспар 112,7 пайызға орындалды.Еңбек нарығын дамытудың 2024-2029 жылдарға арналған тұжырымдамасы аясында өткен жылдың қорытындысы бойынша 52 776 адам (112,4%) жұмысқа орналастырылды.Субсидияланатын жұмыс орындарына 16 915 адам (111,3%) тартылды, оның ішінде 67,3 пайызы тұрақты жұмыс орындары.Баяндамашы жұмыссыз азаматтардың біліктілігін арттыру және қайта даярлау жөніндегі жұмыстарға кеңінен тоқталды. 2024 жылы кәсіптік оқытумен 1 243 жамбылдық қамтылды, оның 99,3 пайызы тұрақты жұмыс орындарына орналастырылды. 2,9 мың адам «Skills enbek» порталы арқылы онлайн оқытылды.Биыл 1 315 адам газ-электр дәнекерлеуші, кран машинисі, автомеханик, құс өсіруші, тракторшы, ветеринар, косметолог, автослесарь, графикалық дизайнер, электромонтер, химиялық талдау зертханашысы, экскаватор машинисі сияқты танымал мамандықтарды игере алады.Бұдан бөлек, 2 524 жұмыс берушінің қатысуымен 128 бос орындар жәрмеңкесі ұйымдастырылды. Нәтижесінде тұрақты жұмыс орындарына 1 314 азамат орналастырылды.Халықтың әлеуметтік осал топтарына жататын, яғни 1 008 адамға 1,5 млрд. теңге көлемінде қайтарымсыз гранттар берілді.Спикер сондай-ақ аз қамтылған отбасыларға, мүгедектігі бар адамдарға әлеуметтік қолдау көрсету туралы айтты.Жоспарлы көрсеткіштерге қол жеткізе алмаған Тараз қаласы мен аудан әкімдерінің есептері тыңдалды.Ербол Қарашөкеев гранттарды бөлудің ашықтығы мен олардың нысаналы мақсатына қатысты мәселелерді бақылауды, зейнетақы жарналарының, электрондық еңбек кітапшаларының бар-жоғын тексеру арқылы мониторингті күшейтуді, жұмыссыздарды субсидияланатын жұмыс орындары бойынша тұрақты жұмыс орындарына жұмысқа орналастыруға жәрдемдесуді тапсырды.Ақпарат көзі : https://www.gov.kz/memleket/entities/zhambyl/press/news/details/922113

Қостанай облысы әкімдігінің отырысында азаматтардың өмір сүру сапасын жақсартуға қатысты маңызды мәселелер талқыланды, атап айтқанда, жұмыспен қамту және табыстарды арттыру мәселелеріне ерекше назар аударылды. Осы бағытта жыл сайын жұмыспен қамту шараларын іске асыруға 4 миллиард теңге шамасында қаражат бөлінеді.2024 жылы 48 мыңнан астам адам жұмыспен қамтылу бойынша көмек алды, 19 мың жаңа жұмыс орны құрылды. Көптеген жұмыс орындары өнеркәсіп және агроөнеркәсіптік кешендегі инвестициялық жобалар нәтижесінде ашылды. 2025 жылы 8 жобаны іске асыру жоспарланып, 3,4 мың жаңа жұмыс орны ашылады.Соңғы екі жылда облыстағы жалдамалы жұмысшылар саны 3%-ға артты, жұмыссыздық деңгейі 4,6%-ға дейін төмендеді. Жұмыспен қамту, гранттар және оқыту шаралары халықтың табысын арттыруға әсер етті, бұл өз кезегінде адреске әлеуметтік көмек алушы отбасылардың санының 40%-ға қысқаруына әкелді. 2023 жылы көмек алған отбасылар саны 4 мыңды құраса, 2024 жылы олардың саны 2,4 мыңға дейін төмендеді.Шағын және орта бизнесті қолдауға да айрықша назар аударылады. 1%-бен кәсіпкерлерді қаржыландыру бағдарламасы жалғасуда, 2024 жылы Арқалық қаласы, Амангелді және Жангелді аудандарының тұрғындарына 1,1 миллиард теңге көлемінде 27 кредит берілді, оның басым бөлігі мал шаруашылығын дамытуға бағытталды. Сондай-ақ, суармалы егіншілік бойынша 2 миллиард теңгеге жобалар қаржыландырылды.Соңғы екі жылда облыстағы шағын және орта бизнес субъектілерінің саны 8%-ға артып, 66 мыңға жетті. Осы сектордағы өнім өндіру 3%-ға өсіп, шығару көлемі 900 миллиард теңгені құрады.Жұмыспен қамту шаралары 2025 жылы жалғасады, жастарға, аз қамтылған және көпбалалы отбасыларға, сондай-ақ мүмкіндігі шектеулі азаматтарға ерекше назар аударылатын болады.Ақпарат көзі : https://www.gov.kz/memleket/entities/kostanay/press/news/details/921715

Бесқарағай ауданындағы «Қалиқанұлы» шаруа қожалығы өзінің өндірістік қуатын дамытып, кеңейтуді жалғастыруда. Жуырда аудан әкімі Нұрбек Қошқарбаев шаруашылыққа барып, алдағы жоспарларымен танысты.Қазіргі уақытта шаруашылықта 600-ге жуық ірі қара бар. Кәсіпорын Семей қаласындағы «Айша» серіктестігімен ынтымақтаса отырып, сүт өндіру мен өңдеуде айтарлықтай жетістіктерге жетті. Бүгінде олар сүт, айран, қаймақ, сүзбе, май сияқты сүт өнімдерінің кең ассортиментінен бөлек шұжық өнімдерінің 25 түрін шығарады.2024 жылы шаруа қожалығы инвестиция тарта отырып, инфрақұрылымды жаңғыртуды аяқтады. Бұл қаражат сүт-тауар фермасын кеңейтуге, электр және су жүйелерін жаңартуға, сондай-ақ жем өндірудің жаңа әдістерін енгізуге бағытталды. Атап айтқанда, жоңышқа мен сүрлем жүгерісін өсіру басталды. Бұл жануарларды тұрақты жем-шөппен қамтамасыз етеді. Ол үшін 12 заманауи спринклер машиналары мен сорғы жабдықтары сатып алынды.Кәсіпорынның негізгі мақсаты - өндіріс көлемін ұлғайту және өнім сапасын арттыру. Болашақта тек аудан көлемінде ғана емес, көрші өңірлерге сүт және шұжық өнімдерін жеткізіп, нарықты кеңейтуді жоспарлап отыр.Ақпарат көзі : https://www.gov.kz/memleket/entities/abay/press/news/details/921408

Жамбыл облысында аймақ басшысы Ербол Қарашөкеев, облыс прокуроры Нұрғалым Әбдіров, жергілікті атқарушы органдар, өңірлік кәсіпкерлер палатасы, бизнес-қоғамдастық өкілдерінің қатысуымен бизнесті қорғау бойынша форум өтті.Ербол Қарашөкеев жергілікті атқарушы және құқық қорғау органдарының бірлескен күш-жігерінің арқасында кәсіпкерлікті қорғаудың тиімді жүйесі құрылып жатқанын жеткізді.– Ел Президенті бизнесті қорғау жөніндегі жұмыстың басымдықтарын нақты айқындап, мемлекет кәсіпкерлерге көмектесуге міндетті екенін атап өтті. Кәсіпкерлерге келетін болсақ, олар мемлекеттік аппараттың шынайы тең құқылы серіктестері болуға тиіс, — деді облыс әкімі.Облыста 2025-2028 жылдары құны 3,1 трлн. теңгені құрайтын 62 инвестициялық жобаны іске асыру жоспарланған. Онда барлығы 5 мыңнан астам жаңа жұмыс орындары ашылады. 2024 жылы құны 214 млрд. теңгені құрайтын 35 инвестициялық жоба іске асырылып, 1,4 мыңнан аса жаңа жұмыс орны құрылды.Кедергілер мен бюрократияны жою үшін инвесторларды қолдау орталығы «бір терезе» қағидаты бойынша қызмет көрсетеді.Инвестициялық тартымдылықтың тағы бір факторы – инфрақұрылым. Индустриялық аймақтар дайын өндірістік алаңдарды ұсынады. Бұл туралы облыс әкімінің орынбасары Әбілхайыр Тамабек өз баяндамасында егжей-тегжейлі айтып берді.«Тараз» индустриалды аймағының аумағында 1,3 мың жұмыс орнын құру арқылы құны 137 млрд. теңгені құрайтын 15 жобаны жүзеге асыру жоспарлануда. Облыс аудандарында «Меркі», «Құлан», «Сарысу-1» және «Сарысу-2» субаймақтары 180 гектарға құрылды. Бұл субаймақтарда әр ауданның ерекшелігіне қарай орта және шағын кәсіпорындар ұйымдастырылады.«Тараз» индустриялық аймағы мен «Jibek Joly» арнайы экономикалық аймағы аумағында шағын орта бизнесті қолдау үшін өнеркәсіпті дамыту қорының қаражаты есебінен заманауи өндірістік жайлардың құрылысы басталды (ауданы 40 мың шаршы метр). Кәсіпкерлермен инженерлік инфрақұрылымы жүргізілген жайлардың 30 пайызы броньдалды. Өндірістік жайлар төмен бағамен ұзақ мерзімді жалға беріледі. Нысандар осы жылдың 2 тоқсанынан бастап іске қосылады.Нұрғалым Әбдіровтің айтуынша, өткен жылдың қорытындысы бойынша кәсіпкерлерге қатысты қылмыстық істердің тіркелуі төрт есеге азайып, 21 инвестордың мәселесі шешілген.Прокуратура органдары 4 мыңнан астам кәсіпкердің құқығын қорғады.Кездесу еркін пікір алмасу форматында өтті: кәсіпкерлер өздерін толғандырған сұрақтарын қойып, жүйелі мәселелерді ортаға салды.Форумдағы қорытынды сөзінде облыс әкімі бизнес адал жұмыс істеп, заңнаманы мүлтіксіз сақтауға, қауіпсіз еңбек ортасын құруға тиіс екенін атап өтті.Талқылау нәтижелері бойынша аталған түйткілдерді шешу жолдары әзірленді.Ақпарат көзі : https://www.gov.kz/memleket/entities/zhambyl/press/news/details/921329

Бүгін аймақ басшысы Ермек Көшербаев жұмыс сапарымен ауа райының қалыптан тыс жылынуы салдарынан қардың еруі басталған Зайсан ауданына барды. Су тасқынының алдын алу үшін қазір жолдарды тазалау, қарды күреу және жол жиектеріндегі құбырларды тазарту, су өткізетін құрылыстарды тексеру қажет.Облыс әкімі ШҚО ТЖД, ШҚО ПД және басқа да мүдделі басқармалар өкілдерінің, сондай-ақ Тарбағатай ауданы әкімі мен Зайсан ауданы әкімінің орынбасарының қатысуымен жедел кеңес өткізді. Мамандардың айтуынша, мұндай жылы ауа райы соңғы 50 жылда тіркелмеген.Өңір басшысы Марқакөл және Күршім аудандарында қазірдің өзінде көктемгі су тасқыны қаупін барынша азайтуға көмектесетін жер асты және еріген суларды тарату әдістері сәтті қолданылып жатқанын атап өтті.— Су тасқынын алдын алу жұмыстары маңызды, ол үшін облыстағы әрбір елдімекен үшін су тасқыны қаупі картасын, оның ішінде әрбір ауылды және төтенше жағдай кезіндегі іс-қимылдардың егжей-тегжейлі алгоритмін жаңарту қажет. Әр аудан, ауыл әкімдері төтенше жағдай орын алған жағдайда бекітілген алгоритм бойынша әрекет етуі керек. Бәріне дайын болуларыңыз қажет. Басқа аудандардың да тәжірибесін қолданыңыздар, - деді Ермек Көшербаев.Су тасқынына қарсы іс-шараларға жергілікті атқарушы органдар мен аудандық төтенше жағдайлар бөлімі жұмылдырылған.— Зайсан үшін бұл қалыпты жағдай. Жер қатқан кезде, әсіресе Дайыр мен Қарабұлақ ауылдарының маңында жер асты сулары жиі шығады. Су жиналған кезде құбырға, одан әрі Кеңдірлі көліне құяды. Бұл – жыл сайын қайталанатын табиғи құбылыс, алаңдаудың қажеті жоқ, - дейді гидротехник Мирзан Иманжанов.Құтқару қызметі мен синоптиктердің мәліметінше, алдағы күндері өңірде ауа температурасының төмендеуі күтілуде. Сондықтан бұл аумақта су басу қаупі байқалмайды. Мамандар ауа-райының ықтимал өзгерістеріне жедел назар аудару үшін аталған учаскенің және жалпы облыстағы жолдардың жағдайын бақылауды жалғастырады.Тәулік бойы мониторинг жүргізу, күнделікті дайындық, кешенді алдын алу шаралары Шығыс Қазақстан облысында су тасқыны кезеңінің тұрақты өтуіне негіз болып табылады, - деді Ермек Көшербаев.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/921507

ҚР Туризм және спорт министрі Ербол Мырзабосынов Халықаралық су спорты федерациясының президенті Хусейн Әл-Мусалламмен кездесті. Тараптар су спорты түрлерін насихаттап, дамытудың өзекті мәселелерін, аталған спорт түрінің адам денсаулығына оң әсерін талқылады.Бұл саладағы басым бағыттардың бірі – халықты жүзуге үйрету. Кейінгі бірнеше жылда Азияда World Aquatics сарапшыларының қолдауымен жаттықтырушыларды заманауи жүзу және спортшыларды даярлаудың тиімді әдістерін үйретуге бағытталған бағдарлама сәтті жүзеге асырылып келеді.Ербол Мырзабосынов еліміздегі су спорты түрлеріне арналған инфрақұрылымның қазіргі жай-күйі туралы айтып, алдағы уақытта бұл бағытқа көп көңіл бөлінетінін жеткізді.«Қазіргі таңда елімізде су спортының дамуына ерекше көңіл бөлініп отыр. Тәуелсіздік жылдарында спортшыларымыз құрлық және әлем біріншіліктерінде жетекші орындарға қол жеткізді. Ел тарихында Дмитрий Баландин алғаш рет жүзу спортынан Олимпиада чемпионы атанды. Былтыр су спорты түрлерінен әлем чемпионатында Наргиза Болатова мен Эдуард Ким әртістік жүзуден тарихи жүлде – алтын медаль жеңіп алды. Осы жетістіктер жылдар бойғы үлкен еңбек пен табандылықтың нәтижесі», – деді Ербол Мырзабосынов.World Aquatics президенті Хусейн Әл-Мусаллам Қазақстанда су спорты түрлерінің табысты дамуына сенім білдіріп, Қытайдың Харбин қаласында өтетін IX қысқы Азия ойындарында ұлттық құрамаға сәттілік тіледі.Ақпарат көзі : https://www.gov.kz/memleket/entities/tsm/press/news/details/922060

Алматының Коммуналдық инфрақұрылымды дамыту басқармасы 2024 жылдың 29 шілдесі мен 7 тамызы аралығында өткен «Алматы жастары» бағдарламасының қосымша кезеңі қорытындыланды.www.almaty-zhastary2024.kz платформасында 2757 қатысушы өтінімін түзетіп, олардың 1872-сі мына бағыттар бойынша құжат тапсырды:• денсаулық сақтау – 456,• білім беру – 773,• мәдениет – 95,• спорт – 23,• ЖОО және ҒЗИ – 196,• БАҚ – 40,• әлеуметтік сала – 75,• коммуналдық қызметтер – 139,• жұмыс істейтін жастар – 75.Қарау нәтижесі бойынша 759 өтінім мына салалар бойынша мақұлданды:* денсаулық сақтау – 210,* білім беру – 332,* мәдениет – 24,* спорт – 3,* ЖОО және ҒЗИ – 74,* БАҚ – 22,* әлеуметтік сала – 18,* коммуналдық қызметтер – 56,* жұмыс істейтін жастар – 20.Оның ішінде ең жоғары балл жинаған 183 қатысушы төлем қабілетін растау үшін жолдама алады.Жолдама алған қатысушылар 15 жұмыс күні ішінде «Отбасы банк» АҚ-ның кез келген қызмет көрсету орталығына жүгінуге тиіс. Төлем қабілетін растаған соң олар 45 күнтізбелік күн ішінде бастапқы немесе қайталама нарықтан тұрғын үй таңдай алады.Қалған 576 қатысушы алғашқы үміткерлердің төлем қабілетін растау мерзімі аяқталғанға дейін резервке енгізілді.Тұрғын үй, зейнетақы аударымдары және басқа да қажетті анықтамалардың болмауынан 1113 өтінім қабылданбады.Толық ақпарат www.almaty-zhastary2024.kz сайтында.Instagram:https://www.instagram.com/akimat_almaty/reel/DFFIYU_TFZN/ Ақпарат көзі : https://www.gov.kz/memleket/entities/almaty/press/news/details/921809

Ағымдағы жылы Алматыда қала әкімі Ерболат Досаевтың тапсырмасы бойынша әр ауданда 16-ға дейін - әр ауданда екіден комьюнити орталықтар пайда болады. Мегаполисте 2024 жылы осындай ұйымдар іске қосылды.Бұл жоба көпфункционалды. Комьюнити орталықтарда жастар өкілдеріне психологиялық және заңгерлік көмек көрсетіледі, жұмысқа орналастыру, мемлекеттік бағдарламалар, кәсіптік бағдар беру, қаржылық сауаттылықты оқыту, тілдік курстар мәселелері бойынша консультациялар беріледі. Сондай-ақ мұнда білім беру және мәдени іс-шаралар өтеді, би залдары, дыбыс жазу студиялары және TikTok аймақтары жұмыс істейді.Өткен жылы мегаполисте 380 мыңнан астам жастарды қамтитын дәрістер, семинарлар, экоакциялар, зияткерлік ойындар, акустикалық кештер, викториналар мен квиздер, шеберлік сыныптары, үстел ойындары және спорттық турнирлер түрінде 1,7 мыңнан астам іс-шаралар өткізілді. 12 мыңнан астам адам кеңес алды, оның ішінде жұмысқа орналастыру бойынша – 4,7 мың, қысқа мерзімді курстар бойынша – 3,3 мың, психологпен және заңгермен 2 мыңнан барлығы 2024 жылы Алматы комьюнити орталықтарына 112 мыңнан астам жас келді.Қала тұрғыны Болат Қисамбаев атап өткендей, комьюнити орталықтарда ол жаңа және қызықты идеяларды, стартаптарды бірлесіп іске асыратын, пікірлес адамдарды табатын белсенді балалармен танысты. «Бұл өте керемет бастама. Жастарға қолдау көрсету керек. Мұндай орталықтар жастарды жұмысқа орналастырып қана қоймай, олардың энергиясын дұрыс бағытқа бағыттауға көмектеседі. Менің ойымша, IT-технологиялар мен жасанды интеллект сияқты өзекті бағыттарға баса назар аудару керек. Қазір еңбек нарығы өзгеруде, қазақстандықтар уақытпен қатар жүруі қажет. Менің білуімше, АҚШ-та, Жапонияда және басқа да дамыған елдерде осындай жобалар бар. Бізге берілген мүмкіндіктер үшін қала әкімдігіне алғысымды білдіремін», - деп ойымен бөлісті Болат Қисамбаев.Волонтер Дилярам Асанованың айтуынша, қалалық комьюнити орталықтардың қызметіне қатысудың арқасында ол көптеген қызықты және пайдалы жандармен танысқан. «Бұл ұйымдар бей-жай қарамайтын азаматтардың күш-жігерін біріктіруге мүмкіндік береді. Біз су тасқынынан зардап шеккендерге гуманитарлық көмек жинауға қатыстық, «Таза Қазақстан» республикалық экологиялық акциясына қатыстық, блогерлер арасындағы түрлі форумдарда, «Бірлік спорт Fest» іс-шарасында және т.б. сөз сөйледік» -, деп атап өтті бойжеткен.Естеріңізге сала кетейік, өткен жылы Алматыда 8 комьюнити орталық «Алматы қаласын дамытудың 2025 жылға дейінгі бағдарламасы және 2030 жылға дейінгі орта мерзімді перспективалар» аясында іске қосылды, қалалық әкімдіктің жобалық кеңсесінің қолдауымен - әр ауданда бір-бірден.Бұдан басқа, өткен жылдан бастап әрбір комьюнити орталықта қазақстандық өндірістің фандоматтары – оларды одан әрі өңдеу үшін пластикалық бөтелкелер мен алюминий банкаларды жинау аппараттары орнатылды. Осылайша, осы жастар кеңістігіне келушілер арасында экологиялық құндылықтар қалыптасуда, ал комьюнити орталықтардың резиденттері қоршаған ортаны қорғау жөніндегі іс-шараларды қолдай отырып, экорейнджерлер қатарын белсенді толықтыруда.Ақпарат көзі : https://www.gov.kz/memleket/entities/almaty/press/news/details/921803

22 қаңтарға қараған түннен бастап екі тәулік ішінде Алматыда қар жауады, кейде қатты жауады деп болжануда. Көктайғақ күтіліп, ауа температурасы төмендейді:• 22 қаңтар түнде -7-ден -9°С-қа дейін, күндіз 0-ден -2°С-қа дейін;• 23 қаңтар түнде -15-тен -17°С-қа дейін, күндіз -5-тен -7°С-қа дейін.Осыған байланысты қаланың коммуналдық қызметтері күшейтілген жұмыс режиміне көшуде. Өндірістік базаларда тәулік бойы кезекшілік ұйымдастырылды. 204 құм таратқыш қар жауа бастағанға дейін орналасқан жерлерінде кезекші болады.Негізгі магистральдық көшелер алдын-ала сұйық реагенттермен өңделеді. Тәулік бойы 624 бірлік арнайы техника мен 1380 жол жұмысшысын тарту жоспарлануда.Бұдан басқа, жолдардың қауіпті учаскелерінде, түсулерде, көтерілулерде, жол айрықтарынан шығатын жолдарда қар көшкіндерінің уақтылы алдын алу және жою үшін 47 жедел бригаданың күшімен жол жамылғысының жай-күйін патрульдеу жөніндегі жұмыс күшейтілетін болады.Болжамды мұздануға, жолдардың жүріс бөлігіндегі қардың жайылуына, тротуарлардағы көктайғаққа байланысты автокөлік жүргізушілері мен жаяу жүргіншілерден сақтық шараларын сақтауды сұраймыз. Жүргізушілерге жылдамдықты төмендетуге, автомобильдер арасындағы қашықтықты арттыруға және өткір маневрлерден аулақ болуға кеңес береміз.Аудандық әкімдіктерде қар тазарту жұмыстарына тәулік бойы мониторинг жүргізу үшін штабтар ұйымдастырылды.Құрметті жаяу жүргіншілер!Тротуарларда абай болыңыз, шатырлардан қар мен мұздың түсу қаупіне байланысты көпқабатты ғимараттардан алшақ жүрген жөн.Алматының коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/921819

Елордада екі күннен бері қалың қар жауып тұр. Коммуналдық қызметтер тәулік бойы қар күреу жұмысын үздіксіз жүргізіп жатыр, деп хабарлайды Астана әкімдігінің ресми сайты.21 қаңтар күні таңертеңнен бері қар күреу жұмысына 2700-ден астам жол жұмысшы мен 1600-ден астам арнайы техника жұмылдырылды.21 қаңтарға қараған түні коммуналдық қызметтер 2509 ауыр жүк көлігінің көмегімен қаладан 31 мың текше метр қар шығарды.Жалпы, қыс мезгілі басталғалы 281 541 рейспен 3,5 миллион текше метрден астам қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/921590

Астана қаласы Жастар саясаты мәселелері басқармасының басшысы Самат Ибраев Коммуникациялар қызметінде өткен брифингте ведомствоның өткен жылы атқарған шаруалары туралы айтты, деп хабарлайды елорда әкімдігінің ресми сайты.Басқарма басшысының айтуынша, былтыр ведомствоның көмегімен 13 мыңнан астам жас жұмыспен қамтылды.Негізгі бағдарламалар қатарында «Жастар практикасы», «Қоғамдық жұмыстар» және «Алғашқы жұмыс орны» бағдарламалары іске асырылды. Ал жаз мезгілінде «Жасыл ел» жобасы аясында 4 200 адам жұмысқа орналастырылып, олар елорданы абаттандыруға белсенді қатысты.Сонымен қатар, Joltap жобасы аясында 3 773 адам SMM, таргет, графикалық дизайн және видеомонтаж сияқты цифрлық мамандықтарды игерді.Сонымен қатар, 3 904 адам тігінші, бариста, сатушы-кассир және бухгалтерлік есеп негіздері сияқты мамандықтар бойынша оқудан өтті.Ұлттық статистика бюросының мәліметтері бойынша, елордада NEET санатындағы жастардың үлесі 6,1%-ды немесе 26 447 адамды құрайды. Жастарды әлеуметтендіру үшін «Жас жігер», «Үздік» жобалары жүргізіліп жатыр.«2024 жылы «Таза Қазақстан» акциясы аясында зиянды әдеттермен күресу мақсатында насыбайды өртеу бойынша ауқымды акция және «Тәуелділікті спортқа айырбаста» акциясы өткізілді. Ал есірткі заттары туралы жарнамалық жазуларды бояу бойынша рейдтер ұйымдастырылды.Экологиялық шаралар аясында жастар «Таза дүйсенбі», «Сәтті сәрсенбі», «Жасыл Астана» акцияларына белсенді қатысып, қаланы көгалдандыру және тазалау жұмыстарына атсалысты.2024 жылы ойынқұмарлықтың алдын алу бойынша жұмыстар күшейтілді. Колледж студенттерімен психиатрлар мен наркологтардың қатысуымен 8 кездесу өткізіліп, 500-ден астам ақпараттық буклет пен парақша таратылды.«Еріктілер мектебі» аясында 2024 жылы волонтер ШЫҰ саммиті (200 ерікті) және Дүниежүзілік көшпенділер ойындары (1 600 ерікті) сияқты халықаралық іс-шараларға белсенді қатысты», - дейді басқарма басшысы.Самат Ибраев сөзін жалғай отырып, «Жас сарбаз» жобасы аясында жастарды патриоттық рухта тәрбиелеу мақсатында іс-шаралар өткізілгенін, сондай-ақ 110 мектеп пен 35 колледжде 10 000-нан астам жас оқитын «Жас сарбаз» сыныптары мен клубтары ашылғанын қозғап өтті.«Отбасы институтын нығайту мақсатында «Отбасы – бақыт мекені» жобасы жүзеге асырылып жатыр. Жоба аясында аспаздық, қыш-құмыра ісі бойынша мастер-кластар, спорттық эстафеталар мен шығармашылық байқаулар өткізілді. Жастардың шығармашылық қабілетін ашу мақсатында «Жастар жалыны» фестивалі, «Жастар фест» және «Жаңа белес» жобалары ұйымдастырылды.Астана жастарына қолдау көрсету мақсатында әртүрлі жобалар мен бастамаларды жүзеге асырып, олардың дамуы мен жүзеге асыруы үшін қолайлы орта қалыптастырылып жатыр», - деп Жастар саясаты мәселелері басқармасының басшысы Самат Ибраев сөзін қорытындылады. Ақпарат көзі : https://www.gov.kz/memleket/entities/astana/press/news/details/921616

Астана қаласының әкімі Жеңіс Қасымбек Instagram парақшасында нөсер және тазарту құрылыстары салынып жатқаны туралы жазды, деп хабарлайды елорда әкімдігінің ресми сайты.«Елорданың қарқынды дамып келе жатқанын ескерер болсақ, нөсер және тазарту құрылыстарын салу – маңызды бағыт. Елордада бірқатар инженерлік инфрақұрылымның құрылысын жүргізіп жатырмыз.Мәселен, Е32 (Нұра ауданы) көшесінде кәріз сорғы станциясын (КСС) салып жатырмыз. Бұл ғимарат қуаттылығы тәулігіне 290 мың м3 болатын қаладағы ең өнімді станциялардың бірі болады. Оны іске қосу қаланың сол жағалау бөлігін су тарту жүйесімен қамтамасыз етуге мүмкіндік береді, ал бұл тұрмыстық кәріз коллекторларының су басу және толып кету қаупін азайтады. Бұл нысанды осы жылдың соңына дейін аяқтауды жоспарлап отырмыз.Сонымен қатар, осы жылдың соңына дейін Абай даңғылында кәріз сорғы станциясын пайдалануға беруді жоспарлап отырмыз, бұл 80-ші жылдардағы тозығы жеткен желілер мен құрылыстарды қолданыстан шығаруға мүмкіндік береді. Бұл станция сонымен қатар қаланың оң жағалауындағы тұрмыстық кәріз жүйесінің үздіксіз жұмысын қамтамасыз етеді.Сондай-ақ, нөсерлі кәріз жүйесін дамыту мәселесімен жүйелі түрде айналысамыз. Біз жауын-шашын кезінде ағын су жиналатын қаланың жекелеген учаскелеріндегі нөсерлі кәріз желілері мен құрылыстарының жарамдылығына байланысты нақты қиындықтарды шешеміз.Биыл Ақбұлақ шағын ауданында нөсер кәрізінің тазарту құрылысын реконструкциялау жұмысын аяқтаймыз. Жоба аясында тазарту құрылыстарының өнімділігін тәулігіне 21 мың м3 дейін арттыру, сорғы жабдығын ауыстыру, жаңбыр суы ағынының тазарту жүйесін тиісті жағдайға келтіру жұмысы орындалатын болады. Бұл жобаны іске асыру Момышұлы даңғылында және т.б. орындарда су басу қаупін азайтуға мүмкіндік береді.Жалпы, қала бойынша 2024 жылы 24 км сумен жабдықтау желісі, 11 км тұрмыстық кәріз желісі салынды, сол сияқты 8,1 км сумен жабдықтау желісі, 2,1 км тұрмыстық кәріз желісі ауыстырылды және реконструкциялаудан өтті. Бұған қоса, 3 кәріз сорғы станциясы және 7,3 км нөсер кәрізінің магистральды коллекторы салынды», - деп жазды елорда әкімі.Ақпарат көзі : https://www.gov.kz/memleket/entities/astana/press/news/details/921725