2024 жылы ҚР Мәдениет және ақпарат министрлігі Қазақстан халқы Ассамблеясының 2022–2026 жылдарға арналған даму тұжырымдамасын сәтті іске асырды. Осы жұмыстар аясында 9 мыңнан астам іс-шара ұйымдастырылып, 700 мыңнан астам адам қамтылды.Жылдың маңызды оқиғаларының бірі – 25 сәуірде Мемлекет басшысының төрағалығымен өткен Қазақстан халқы Ассамблеясының XXXIII сессиясы. Бұл шараға 1500-ден астам адам, соның ішінде ҚХА мүшелері, Парламент депутаттары және этномәдени бірлестіктердің өкілдері қатысты.Ақпараттық салада да маңызды жобалар жүзеге асырылып, 6 деректі фильм түсірілді. Мысалы, «Отандастар», «Бірлік бесігі», «Шаңырақ» бағдарламасы сияқты көп сериялы деректі фильмдер жарық көрді.Сондай-ақ, Қазақстанның бірқатар қалаларында ҚХА Журналистер клубының отырыстары өтті. Онда этносаралық қақтығыстардың алдын алу, «араздық тілін» анықтау және алдын алу, этносаралық саладағы фактчекинг әдістері талқыланды.Білім беру саласында еліміздің төрт жоғары оқу орнында «Этносаяси сауаттылық» пәні енгізілді. «Этносаясаттану» және «Этножурналистика» бағыттары бойынша бағдарламалары бар жоғары оқу орындарының санын арттыру жұмыстары жүргізілуде.Еліміздің жастарына арналған «Бірлік» халықаралық жастар лагері және ҚХА-ның «Тіл мектебі» ұйымдастырылды.Сонымен қатар, «Бір ел» және «Бейбітшілік пен келісім жолымен» жобалары жүзеге асырылды.22 қарашада Астанада Қазақстан халқы Ассамблеясының «Мың бала» мәдени-ағарту жобасының жеңімпаздарын марапаттау рәсімі өтті. Жоба қазақстандық бірегейлікті дамытуға және халықтың бірлігін нығайтуға бағытталған. Мақсаты – мектеп оқушылары мен түрлі этнос жастары арасында мемлекеттік тіл арқылы ұлттық құндылықтарды насихаттау.2025 жылы Қазақстан халқы Ассамблеясының құрылғанына 30 жыл толады. Осыған орай, 5 мыңнан астам түрлі форматтағы іс-шаралар жоспарланған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/906914

Астанада Отбасын қолдау орталықтары мен қиын өмірлік жағдайда қалған отбасыларды ерте анықтау бойынша мобильдік топтар қызметі бойынша 2024 жылдың қорытындысына арналған жиын өтті. Іс-шараға ҚР Мәдениет және ақпарат министрлігі, ҚР Еңбек және халықты әлеуметтік қорғау министрлігі, ҚР Ішкі істер министрлігінің өкілдері қатысты.Айта кету керек, қазіргі уақытта елімізде 65 Отбасын қолдау орталығы (ОҚО) жұмыс істейді. Орталықтар қазақстандықтарға түрлі мәселелерді шешуге көмек көрсету үшін құрылған. ОҚО психологиялық, заңгерлік, ақпараттық кеңес береді, жұмысқа орналасуға және біліктілікті арттыруға жәрдемдеседі. Сондай-ақ, тұрмыстық зорлық-зомбылық құрбандарына бір айға дейін уақытша баспана ұсынады.2024 жылдың сәуір айында әйелдердің құқықтарын қорғау және балалардың қауіпсіздігін қамтамасыз ету туралы Заңның қабылдануы отбасы институтын нығайту мен тұрмыстық зорлық-зомбылықтың алдын алуда маңызды қадам болды.Заңның жаңа редакциясы ОҚО қызметіне де өзгерістер енгізді – Отбасын қолдау орталықтарының бірыңғай желісі құрылып, отбасы мәселелерін шешуде кейс-менеджмент енгізілді.Орталықтар көмекке жүгінгендердің жағдайын кешенді түрде бағалап, әр отбасының жағдайына байланысты жеке жоспар әзірлеп, оны жүзеге асыруда.Жаңа тәсілде алдын алу шараларына баса назар аударылды. Қиын өмірлік жағдайда қалған отбасыларды ерте анықтау үшін Мәдениет және ақпарат, Еңбек және халықты әлеуметтік қорғау, Ішкі істер, Денсаулық сақтау министрліктерінің мамандарынан мобильдік жұмыс топтары құрылды.Сонымен қатар, мемлекеттік органдардың ведомствоаралық өзара іс-қимылының жеделдігі мен ыңғайлылығы үшін әлеуметтік қызметтерді ұсынудың интеграцияланған моделі ретінде мобильді қосымша әзірленді. Қазіргі уақытта мобильді қосымша сынақтан өтуде.Заң күшіне енген сәттен бастап Орталықтардың саны 33-тен 65-ке дейін өсті. 2025-2027 жылдары олардың санын 208-ге жеткізу жоспарланып отыр.Жыл басынан бері орталық мамандары 400 мыңнан астам кеңес берді.Орталықтардың қызметкерлерінің біліктілігін арттыру, сондай-ақ мобильдік топтардың тиімді жұмысын қамтамасыз ету үшін барлық өңірлерде көшпелі оқыту семинар-тренингтері өткізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/906931

Ұлытау облысының Дастан Рыспеков кеніш астына түсіп, қызметкерлермен кездесті. Әрі қарай келіссөздер учаскелердің бригадирлерімен өтті. Сондай-ақ кездесуге облыстық мәслихат төрағасы Бауыржан Шыңғысов, Сәтбаев қаласының әкімі Мұрат Бөрібаев, «Қазақмыс корпорациясы» ЖШС ардагерлер кеңесінің төрағасы Төлеген Бүкіров, құқық қорғау органдарының басшылары қатысты. Облыс әкімі өңірдің жылумен жабдықтау объектілері үшін өндірісті тоқтатудың ауыр зардаптары туралы түсіндіріп, мәселені келісу іс-шаралары арқылы шешу қажеттігін атап өтті. Сондай-ақ, өңір басшысы Жезқазған және Сәтбаев қалалары тұрғындарының Оңтүстік Жезқазған кенішіндегі жағдайға байланысты алаңдаушылығын жеткізді. Ұлытау облысының әкімі барлық кеншіні наразылық акцияларын тоқтатуға және жұмысқа кірісуге шақырды. Келіссөздер жалғасуда.Ақпарат көзі : https://www.gov.kz/memleket/entities/ulytau/press/news/details/906395

Coursera Qazaqstan студенттердің кәсіби дағдыларын дамытуға қалай көмектеседіАбай университетінің «7M01513 – Биология» білім беру бағдарламасының 1 курс магистранты Тлеулес Тахатбек Coursera Qazaqstan платформасы ұсынған «Стратегиялық көшбасшылық және менеджмент» бағдарламасы бойынша оқуын сәтті аяқтады.Бағдарлама аясында магистрант басқару дағдыларын дамытуға, ұйымды жобалауға, корпоративтік стратегияны, көшбасшылықты және тиімді команда мәдениетін қалыптастыруға бағытталған негізгі курстарды меңгерді.Оқуын сәтті аяқтаған Тлеулес Тахатбек «Стратегиялық көшбасшылық және менеджмент» бағдарламасы бойынша диплом алып, Coursera Qazaqstan жобасы аясында оқуын аяқтаған Жаратылыстану және география факультетінің алғашқы магистранты атанды.Coursera Qazaqstan – қазақстандық студенттер мен мамандарға қазақ тіліндегі әлемдік деңгейдегі курстарға қолжетімділікті қамтамасыз ететін инновациялық платформа. Жоба ҚР Ғылым және жоғары білім министрлігінің қолдауымен жүзеге асырылуда, бұл ел азаматтарына озық білім беру ресурстарын пайдалануға және халықаралық деңгейде өз құзыреттерін дамытуға мүмкіндік береді.Абай университетінің студенттері бұл платформаның мүмкіндіктерін белсенді түрде пайдаланып, білімдерін толықтырып, университеттің еліміздегі жетекші оқу орны ретіндегі мәртебесін нығайтады.Ақпарат көзі : https://www.gov.kz/memleket/entities/sci/press/news/details/906330

Биыл суару кезеңінде Жамбыл облысының 5 ауданына трансшекаралық Шу және Талас өзендері арқылы суармалы су берілді. Бұл Қордай, Меркі, Байзақ, Жамбыл және Талас аудандары.Еске салсақ, 26 сәуірде Бішкек қаласында Шу және Талас өзендерінде мемлекетаралық пайдаланудағы су шаруашылығы құрылыстарын пайдалану жөніндегі Қазақстан мен Қырғыз Республикалары комиссиясының 33-ші отырысы өтті. Отырыс шеңберінде 2024 жылғы суару кезеңіне арналған Шу және Талас өзендерінің мемлекетаралық көздері бойынша су алу кестесі бекітілді.Нәтижесінде, Талас өзені арқылы Қазақстанға болжанған 380 млн текше метр судың орнына іс жүзінде 418 млн текше метр су келді. Бұл өткен жылмен салыстырғанда 94,2 млн текше метрге артық. Шу өзенімен бекітілген кестеге сәйкес 165,3 млн текше метр су алынды, бұл былтырмен салыстырғанда 29,7 млн текше метрге көп.«Биыл суару кезеңінде Жамбыл облысының шаруалары сұраныстарына сай суармалы сумен толық көлемде қамтамасыз етілді. Атап айтқанда, 90,1 мың га егіс алқабын суаруға 533,3 млн текше метр су берілді»,- деді Жамбыл облысы бойынша «Қазсушар» филиалы директоры Қайрат Аманов.Ақпарат көзі : https://www.gov.kz/memleket/entities/water/press/news/details/906654

ҰАО Халал IFHAB аккредиттеу органдары Ислам форумы Бас Ассамблеясының 2-ші отырысына онлайн-форматта қатысты. IFHAB-тың негізгі мақсаты әлемдік тәжірибедегі шариғат қағидаттары мен техникалық талаптарға сәйкес Халал өнімдері мен қызметтерін аккредиттеудің ашық жүйесін іске асыру болып табылады.Кездесуде Ислам ынтымақтастығы ұйымына мүше мемлекеттердің аккредиттеу жөніндегі 27 органы бас қосты.Қатысушылардың алдында IFHAB Бас Хатшысы Dabr Al Abdullatif сөз сөйлеп, IFHAB-тың жаңа мүшелеріне Әзірбайжанның (AzAK) және Алжирдің (ALGERAC) сәттілік тіледі. Сондай-ақ IFHAB Хатшылығының 2024 жылғы қызметі туралы ағымдағы ақпаратты ұсынды.Бас Ассамблеяның отырысында IFHAB Жарғысы бекітіліп, комитеттердің төрағалары тағайындалды. Атап айтқанда: MRA комитетінің төрағасы (Өзара тану туралы келісім) Lana Marashdeh (Иорданияның аккредиттеу жүйесі - JAS-AU); Бұқаралық ақпарат құралдары және коммуникация комитетінің төрағасы Naif Alobilan (Сауд аккредиттеу орталығы - SAAC); техникалық комитетінің төрағасы Erdem Basdemirci (Халал аккредиттеу агенттігі - ҰАК). Анықтама:Халал IFHAB аккредиттеу органдарының Ислам форумы Ислам ынтымақтастығы ұйымына (OIC) мүше мемлекеттерде Халалдың сапалы инфрақұрылымын бір мезгілде қалыптастыру кезінде шариғат пен техникалық талаптарға сәйкес халал өнімдері мен қызметтері үшін айқын және ашық жүйені енгізуге жәрдемдеседі. Ислам елдері үшін стандарттар және метрология институтымен (SMIIC) ықпалдасу жолымен IFHAB форумы OIC/SMIIC мүше мемлекеттер арасында озық тәжірибені тұрақты дамыту және зерделеу жұмысын жүргізеді. Форум түрлі мүдделі тараптардың: аккредиттеу органдарының, сәйкестікті бағалау органдарының, заң шығарушылардың, тұтынушылардың өкілдігін қамтамасыз етеді және Халал саласындағы өзара сауда мен білімді дамытуды кеңейтуге жаңа мүмкіндік береді.Ақпарат көзі : https://www.gov.kz/memleket/entities/mti/press/news/details/906670

Мемлекет басшысының бастамасымен жүзеге асырылып жатқан «Жайлы мектеп» ұлттық жобасы аясында Алматы облысының Қаскелең қаласы мен Кемертоған ауылында әрқайсысы 1500 орындық жаңа форматтағы екі мектеп, ал Түркістан облысында 2000 оқушыға арналған 1 жайлы мектеп ашылды. Жобаның негізгі бағыты – функционалды және қауіпсіз білім беру ортасын құру болып табылады. Бұл мектептерде:- бастауыш және жоғары сынып оқушылары үшін бөлек блоктар қарастырылған;- заманауи техникалық шешімдерді енгізу арқылы қауіпсіздік шаралары күшейтілген;- ерекше білім беру қажеттіліктері бар балалар үшін кедергісіз орта қалыптастырылған;- заманауи пәндік кабинеттермен, зертханалармен жабдықталған. Айта кетейік, «Жайлы мектеп» ұлттық жобасы аясында Алматы облысында 17 мың оқушы орнына арналған 7 мектеп салынды. Оқу жылының басынан бері елімізде 100 мыңнан астам орындық 41 жайлы мектеп пайдалануға берілді.Ақпарат көзі : https://www.gov.kz/memleket/entities/edu/press/news/details/906479

Бауыржан Омарбеков қайта құруды қажет ететін бірнеше көппәтерлі үйлерді аралап, сорғы және сүзгі станцияларында болды. Бұл жерде оларды жаңарту жоспарлары және жұмыстарды орындау үшін қажетті қаржыландыру талқыланды.Атап айтқанда, вице-министр Рудныйда үй кезегінде тұрған адамдарға бос тұрған ғимараттарды көппәтерлі тұрғын үй ретінде қайта жөндеп беру секілді табысты тәжірибесімен танысты. Бұл жобалар инвесторлар мен жергілікті бюджет есебінен жүзеге асырылды.Осылайша, 2023 жылы Рудныйда 4 бос ғимарат қайта жаңартылып, нәтижесінде 228 пәтер пайдалануға берілген. Ағымдағы жылы тағы 7 көпқабатты үйді қайта жаңарту жұмыстары жүргізілуде.Ақпарат көзі : https://www.gov.kz/memleket/entities/economy/press/news/details/906998

Ұлттық экономика вице-министрі Бауыржан Омарбеков Қостанай облысына жұмыс сапарымен барып, Заречное ауылында болды.Сапар барысында "Ауыл – ел бесігі" бағдарламасы шеңберінде ауылда салынған нысандарға ерекше назар аударылды. Олардың ішінде дене мүмкіндіктері шектеулі балаларды оңалтуға және емдеуге арналған спорт кешені мен жабық манеж бар. 1,16 млрд теңге сомасында іске асырылған бұл жобалар өңірдің әлеуметтік инфрақұрылымын дамытуға маңызды үлес болды.Жалпы, ағымдағы жылы "Ауыл – ел бесігі" бағдарламасы шеңберінде көлік, инженерлік және әлеуметтік инфрақұрылымды салуға, күрделі және орташа жөндеуге Қостанай облысына 9,8 млрд теңге бөлінді.Содан кейін Ұлттық экономика вице-министрі Бауыржан Омарбеков "Ауыл аманаты"жобасы шеңберінде жүзеге асырылған тігін цехының қызметімен танысты. Тобыл қаласындағы бұл жоба құны 8,5 млн теңгені құрады.Қостанай облысына жұмыс сапары кезінде Бауыржан Омарбеков Тобыл қаласының тұрғындарымен кездесті. Кездесу кезінде инфрақұрылымды жақсартуға және әлеуметтік мәселелерді шешуге қатысты өзекті мәселелер көтерілді.Ақпарат көзі : https://www.gov.kz/memleket/entities/economy/press/news/details/907003

Кеңеске әділет органдарының аумақтық және құрылымдық басқармаларының басшылары қатысты.Талқылаудың негізгі тақырыптары кадр саясаты, азаматтарды қабылдауды ұйымдастыру және ақпараттық қауіпсіздікті қамтамасыз ету мәселелері болды.Сандуғаш Ерсейітова әділет органдары жүйесіндегі кадрлық ресурстарды тиімді басқару қажеттілігіне ерекше тоқталып өтті. Олардың ішінде қызметкерлерді іріктеу, оқыту және біліктілігін арттырудың заманауи тәсілдерін енгізуге баса назар аударылды.Кездесудің маңызды бөлігі азаматтарды қабылдауға қатысты мәселелерді талқылау болды. Азаматтармен кері байланыс орнату, көрсетілетін заң қызметтерінің сапасын бақылауды күшейту және өтініштерді қарау уақытын қысқарту маңыздылығын атап өтті.Сонымен қатар, ақпараттық қауіпсіздікті қамтамасыз етуге айтарлықтай көңіл бөлінуде. Кездесуге қатысушылар мемлекеттік қызметтерді цифрландыру аясында азаматтардың министрлік жұмысына сенімін арттырудың маңызды құрамдас бөлігі болып табылатын жеке деректерді қорғау және киберқауіптердің алдын алу шараларын талқылады.Жиын соңында Сандуғаш Ерсейітова жүктелген міндеттерді жүзеге асыру үшін министрліктің барлық құрылымдық бөлімшелерінің жұмысы заман талабына сай үйлесімді және кәсіби деңгейде дер кезінде әрекет ету қажеттігін баса айтты.Ақпарат көзі : https://www.gov.kz/memleket/entities/adilet/press/news/details/906958

Жамбыл облысының әкімі Ербол Қарашөкеев республикалық «Таза Қазақстан» акциясы аясында ұйымдастырылған «Үлгілі ауыл» байқауының жеңімпаздарын марапаттады.Облыста «Таза Қазақстан» акция аясында 60 тарихи-мәдени ескерткіш, 143 саябақ пен сквер аумағы, 829 шақырым канал мен арық жүйесі, 137,5 мың аула және 4,8 мың шақырым көше жолдары тазартылды. 30 мыңнан астам тонна қоқыс шығарылып, 60 мыңға жуық көшет отырғызылды. Бұл жұмыстарға 1 104 бірлік техника тартылды.– Мемлекет басшысының тапсырмасына сәйкес «Таза Қазақстан» республикалық экологиялық акциясы жалғасуда. Сенбіліктерге жамбылдықтар белсенді атсалысып келеді.Бірақ есеп үшін суретке түсіп, ақпарат беріп отырсақ болды деген ойдан аулақ болуымыз керек. Дегенмен, жауапкершілікпен қарап, үлгілі еңбек еткендер аз емес. Олар басқаларға өнеге болуы тиіс. «Таза Қазақстан» акциясы еліміздің тазалығына қамқорлық жасаудың қаншалықты маңызды екенін көрсетеді. Сондықтан тазалық жұмыстарын жұрт болып жұмылып, жүзеге асыруымыз маңызды, – деген Ербол Қарашөкеев «Үлгілі ауыл» байқауының жеңімпаздарына марапаттар табыстады.Ауылдар арасындағы бәсекенің қортындысы бойынша 8 елді мекен үздік деп танылып, қаржылай сертификатқа (I орын - 50 млн. теңге, II орын - 25 млн. теңге, III орын - 10 млн. теңге) ие болды.Атап айтқанда, Қаракемер (Қордай), Көктал (Талас), Игілік (Сарысу), Аспара (Меркі), Гродекова (Жамбыл) ауылдары үшінші орынға жайғасты. Қайрат (Жуалы) және Ақыртөбе (Т. Рысқұлов) ауылы екінші орынды еншіледі.Байзақ ауданына қарасты Кеңес ауылы жеңіс тұғырынан көрініп, «Үлгілі ауыл» атанды.Айта кетейік, берілген қаржыға әлеуметтік нысандардың құрылысы, сондай-ақ ауылдағы ғимараттарға ағымдағы жөндеу жұмыстары жүргізіледі. Бұл - ауыл-аймақтың ажарын ашып, тұрғындардың тұрмысын түзеуге ықпал ететіні анық.Ақпарат көзі : https://www.gov.kz/memleket/entities/zhambyl/press/news/details/906984

Абай облысының әкімі Нұрлан Ұранхаев «Ерекше білім беруді қажет ететін балаларды қолдау орталығына» барды. Орталықтың материалдық-техникалық базасымен танысты. Балалармен әңгімелесіп, тілектерін тыңдады. Бүгінде мұнда 3 пен 18 жас аралығындағы 53 бала тәрбиеленуде. 24 мұғалім, 14 тәрбиеші еңбек етеді.Орталықта 80 орындық асхана, 17 оқу кабинеті, 8 шеберхана бар. Балалар ағаш өңдеу, тігіншілік, сәндік-қолданбалы өнер, сылақ және кескіндеме, қыш өнері үйірмелеріне қатысады. Сондай-ақ әлеуметтік бейімделу, емдік дене шынықтыру, психологиялық көмек көрсету және логопед кабинеттер бар.Аймақ басшысы оқу кабинеттерінің, шеберханалардың және басқа да орындардың жағдайына ерекше назар аударды. Балалардың қол жұмысы қойылған шеберханаларды, сондай-ақ балалар қолөнерді үйренетін ағаш шеберханасын аралады.«Балалардың оқуға, еңбекке деген ерекше талпынысын, жетістіктерін байқап отырмын. Олардың ынта-жігері шығармашылық әлеуетін ашып қана қоймай, үлкен өмірге бейімделуге көмектеседі. Біз алдағы уақытта да бастамаларды қолдап, балаларға қажеттінің барлығын жасайтын боламыз», - деді Нұрлан Ұранхаев.Балаларға ғимараттың ішінде ғана емес, ауласында да қолайлы жағдай жасалған. Футбол, спорт алаңдары, мұз айдыны, сырғанақ бар.Аймақ басшысы сондай-ақ қаладағы арнаулы әлеуметтік қызметке мұқтаж балаларға қолдау көрсету орталығында болды. Бүгінде мұнда 68 оқушы тұрады. Орталықта балалармен 39 педагог жұмыс істейді.Балалардың жан-жақты дамуы үшін мекемеде тиісті жағдай жасалған. Педагог-психолог, логопед, әдіскер, вокал, бейнелеу өнері, ұлдар мен қыздарға арналған қол еңбегі кабинеттері, сондай-ақ әлеуметтік бейімделу кабинеттері, еркін күрес залы, шағын спорт залы және ойын бөлмелері бар. Орталық аумағында спорт алаңдары, «Орбита» демалыс аймағы бар.Орталықтың оқушылары түрлі байқауларға қатысып, жүлделі орындарға ие болып жүр.Атап өтерлігі, 2024 жылы орталықтың материалдық-техникалық базасын нығайтылды. Алдағы уақытта ғимараттың шатыры мен «Орбита» демалыс аймағының асханасы күрделі жөндеуден өтеді. Негізгі ғимараттағы қонақ бөлмелердің есіктері мен едендері ауыстырылады.Ақпарат көзі : https://www.gov.kz/memleket/entities/abay/press/news/details/906971

Абай облысы ТЖД бастамасымен ұйымдастырылып, облыс әкімінің орынбасары Димитрий Гариковтың төрағалығымен өткен іскерлік пікірталасқа пиротехникалық өнімдерді сататын базарлардың басшылары қатысты.Кездесуде Абай облысы ТЖД бастығының орынбасары Алексей Штыкель сөз сөйледі. Ол объектілердің өрт қауіпсіздігін қамтамасыз етудегі басшылардың жеке жауапкершілігін ерекше атап өтті. Қатысушыларға пиротехникалық өнімдерді сатуға байланысты негізгі өртке қарсы талаптар жеткізілді.Атап айтқанда, нысандардағы өртті автоматты түрде анықтау және сөндіру жүйелерімен жабдықтау тәртібін, алғашқы өрт сөндіру құралдарының болуы қажеттілігін, электр жабдықтарын дұрыс ұстау ережелерін, сондай-ақ эвакуациялық шығу жолдарының ашық болуының маңызды екенін түсіндірді.Дөңгелек үстелдің қорытындысында базар басшылары өрт қауіпсіздігін қамтамасыз ету шараларын күшейтуге және пиротехникалық өнімдерді сату кезінде белгіленген талаптарды сақтауға дайын екендіктерін білдірді.Ақпарат көзі : https://www.gov.kz/memleket/entities/abay/press/news/details/907004

Қазақстан Республикасы Төтенше жағдайлар министрлігі сыбайлас жемқорлыққа мүлдем төзбеушілік қағидатын қатаң ұстанады. Ведомство сыбайлас жемқорлық көріністерінің алдын алу және оларға жол бермеу үшін барлық қажетті шараларды қабылдай отырып, өз қызметкерлері арасында сыбайлас жемқорлыққа қарсы мәдениетті қалыптастыру бойынша белсенді жұмыс істейді. Осы саясат аясында барлық деңгейдегі сыбайлас жемқорлықты жоюға бағытталған көптеген алдын алу шаралары жүргізілуде. ТЖМ аумақтық бөлімшелерінде «Құтқарушылар сыбайлас жемқорлыққа қарсы» акциясы жалғасуда, оның мақсаты – жеке құрам арасында сыбайлас жемқорлыққа қарсы хабардарлықты арттыру және нығайту. Акция шеңберінде азаматтық қорғау органдарында сыбайлас жемқорлық құқық бұзушылықтардың алдын алуға бағытталған іс-шаралар ұйымдастырылады. Құқық қорғау органдары мен басқа да ведомстволардың лауазымды тұлғаларының қатысуымен семинарлар, дөңгелек үстелдер, жұмыс кездесулері мен сауалнамалар үнемі өткізіліп тұрады. Бұл іс–шаралардың негізгі мақсаты –сыбайлас жемқорлыққа қарсы заңнаманың сақталуын қамтамасыз ету және сыбайлас жемқорлық көріністерінің алдын алу үшін жағдай жасау. Ертіс ауданында Павлодар облысы ТЖ бөлімі жеке құрамының 2-санаттағы заңгер, Ертіс ауданының прокуроры Қанат Омаровпен кездесу өткізілді. Кездесу барысында қолданыстағы заңнама аясындағы сыбайлас жемқорлық құқық бұзушылықтың жауапкершілік аспектілері түсіндірілді. Баянауыл ауданында «Аманат» партиясы өкілдерінің қатысуымен дөңгелек үстел ұйымдастырылды, онда сыбайлас жемқорлыққа қарсы заңнаманың негізгі мәселелері және сыбайлас жемқорлық тәуекелдерін жою шаралары талқыланды. Шығыс Қазақстан облысында ТЖД Кадр және тәрбие жұмысы басқармасының жеке құрам инспекторы және психологы Сыбайлас жемқорлыққа қарсы іс-қимыл агенттігінің психологы Гүлжан Әбділлиновамен кездесу өткізді. Іс-шара барысында қызметкерлер арасында сыбайлас жемқорлыққа қарсы мінез-құлықтың алдын алуға және ынталандыруға бағытталған ТЖ қызметі офицерлерінің қатысуымен трансформациялық ойын ұйымдастырылды. ШҚО ТЖД бастығының орынбасары Фархат Әміре мұндай тренингтер азаматтық жауапкершілік пен құқықтық сананы тәрбиелеуге ықпал ететінін атап өтті. Ұлытау облысы ТЖ департаментінде бастықтың орынбасары Шыңғыс Самиевтің төрағалығымен семинар-кеңес өтті, онда сыбайлас жемқорлыққа қарсы заңнаманы бұзудың алдын алу мәселелері талқыланды. Облыстың сыбайлас жемқорлыққа қарсы қызмет превенциясы басқармасының аға офицері Бақыт Шотов Қазақстан Республикасының «Сыбайлас жемқорлыққа қарсы іс-қимыл туралы» заңнамасының талаптарын түсіндіріп, жеке құрамның сұрақтарына жауап берді. Жетісу облысы ТЖД қызметкерлер арасында сыбайлас жемқорлықтың алдын алуға бағытталған семинар-кеңес өткізілді. Іс-шара Қазақстан Республикасы Сыбайлас жемқорлыққа қарсы іс-қимыл агенттігі Жетісу облысы бойынша департаментінің өкілдерінің қатысуымен ұйымдастырылды. Кездесу барысында сыбайлас жемқорлыққа қарсы саясат тұжырымдамасын іске асырудың негізгі аспектілері жан-жақты қарастырылды. Қатысушыларға сыбайлас жемқорлыққа қарсы іс-шаралардың басты мақсаттары мен міндеттері, сондай-ақ ашықтық пен есептіліктің жаңа стандарттарын енгізу кезеңдері түсіндірілді. Іс-шара қызметкерлер арасында сыбайлас жемқорлыққа қарсы мәдениетті қалыптастырудың және кез келген сыбайлас жемқорлық көріністеріне төзбеушілікті дамытудың маңыздылығын ерекше атап өтті. ТЖД басшылығы қызметкерлердің жауапкершілігін арттыру мен олардың хабардарлығын жақсарту арқылы ғана осы салада сапалы өзгерістерге қол жеткізуге болатынына сенімді. Жетісу облысы ТЖ департаментінде де Сыбайлас жемқорлыққа қарсы іс-қимыл агенттігі өкілдерінің қатысуымен семинар-кеңес өткізілді. Іс-шара барысында мемлекеттік қызметтің барлық деңгейлерінде сыбайлас жемқорлықты жоюға бағытталған сыбайлас жемқорлыққа қарсы саясат тұжырымдамасын іске асырудың негізгі аспектілері қаралды. Қатысушыларға ашықтық пен есептіліктің жаңа стандарттары қалай енгізілетіні түсіндірілді, сондай-ақ қызметкерлер арасында сыбайлас жемқорлыққа қарсы мәдениетті қалыптастырудың маңыздылығы атап өтілді. Қазақстан ТЖМ-де сыбайлас жемқорлыққа қарсы күреске ерекше көңіл бөлінеді. Қызметкерлер арасында сыбайлас жемқорлыққа төзбеушілікті тәрбиелеуге бағытталған профилактикалық жұмыс тұрақты негізде жүргізіледі. Осы шаралардың барлығы сыбайлас жемқорлық тәуекелдеріне тиімді қарсы тұра алатын ашық және адал жүйені құруға ықпал етеді. Ақпарат көзі : https://www.gov.kz/memleket/entities/emer/press/news/details/906803

2024 жылы Қазақстан ТЖМ қызметкерлері өздерінің жоғары кәсіби дайындығы мен адалдығын тағы бір мәрте растады. Еліміздің әртүрлі өңірлерінде мемлекеттік жастар саясатын іске асыруға белсенді қатысқан және айрықша батылдық пен жанқиярлық танытқан құтқарушылар беделді наградаларға ие болды. Елордада Аманат партиясы жанындағы «Рухтастар» жастар сыйлығының жеңімпаздары марапатталды. Үздіктердің қатарында Астана қаласы ТЖД 24-МӨСБ бөлімшесінің командирі Елдар Қанафиянов болды. Бұл номинация төтенше жағдайлардағы жанқиярлық пен батылдық үшін беріледі. Елдар көптеген күрделі өрттерді сөндіруге және авариялық-құтқару жұмыстарын жүргізуге қатысты. Ол 2022 жылы Қостанай облысындағы және 2023 жылы Абай облысындағы орман өрттерін сөндіруге барған елордалық өрт сөндірушілердің құрамында болды. Ал биыл Елдар елордалық құтқарушылар құрамында Қостанай және Батыс Қазақстан облыстарындағы су тасқыны салдарын жоюға қатысты, онда адамдар мен жануарларды құтқарып, өңір тұрғындарын қоныстандыруға және олардың мүлкін қорғауға көмек көрсетті. Елдар Қанафиянов азаматтық қорғау жүйесіндегі қызметін 2018 жылдан бастап өрт сөндіруші-құтқарушы лауазымынан бастады. «Қазіргі уақытта құтқарушы мамандығына деген сұраныс өте жоғары. Құтқарушылар бірінші болып су тасқыны, өрт, табиғи апаттар мен жазатайым оқиғалар кезінде көмекке келеді. Мен құтқарушы мамандығын таңдағанымды мақтан тұтамын. Бұл жолы «Қайсар» номинациясының маған берілгеніне қуаныштымын», – деп Елдар Қанафиянов бөлісті. Тараз қаласындағы №20 өрт сөндіру бөлімінің қарауыл бастығы Байдәулет Дүйсенов Жамбыл облысының әкімі ұйымдастырған «Әулиеата үздігі–2024» жастар сыйлығының лауреаты атанды. Марапаттау рәсімі облыстық оқушылар сарайында өтті. Бұл сыйлықты облыс әкімдігінің арнайы комиссиясы бергенін атап өткен жөн, осы комиссия әр түрлі саладағы қатысушыларды қоса алғанда, 11 түрлі мамандық бойынша лауреаттарды іріктейді. Байдәулет М. Ғабдуллин атындағы Азаматтық қорғау академиясының түлегі. Ол еңбек жолын 2022 жылы Қордай ауданы №15 өрт сөндіру бөлімінің қарауыл бастығы болып бастап, кейін қызметін Тараз қаласының №20 өрт сөндіру бөлімінде жалғастырды. 2024 жылы Байдәулет су тасқыны кезінде Жамбыл облысынан Ақмола облысына жіберілген құтқару тобының қатарында болды. Байдәулеттің бастамасымен 10 тұрғын үйдің аумағындағы суды сору және адамдарды қауіпсіз жерлерге эвакуациялау жұмыстары жүргізілді. Өз кезегінде жергілікті тұрғындар алғыстарын білдірді. Ақтөбе қалалық мәдениет үйінде «Жыл үздігі–2024» салтанатты іс-шарасы өтті. Ақтөбе қаласы ТЖ басқармасы бастығының орынбасары Данарбек Иманғазин қаланың әлеуметтік-экономикалық дамуына қосқан үлесі үшін «Жыл үздігі» номинациясына ие болды. Батырлығы мен кәсібилігі лайықты болған ведомствоның үздік жас қызметкерлері дипломдармен және ақшалай сертификаттармен наградталды. Бұл наградалар - олардың жетістіктерін мойындау ғана емес, сонымен қатар азаматтардың қауіпсіздігін сақтайтын болашақ құтқарушыларды да шабыттандырады. Ақпарат көзі : https://www.gov.kz/memleket/entities/emer/press/news/details/906943

Астананың орталығында орналасқан No3 мамандандырылған өрт сөндіру бекетінде ағымдағы жөндеу жұмыстары аяқталды. Жаңғырту Төтенше жағдайлар министрі генерал-майор Шыңғыс Әріновтың тапсырмасы бойынша жеке құрамның қызмет көрсету және тұрмыстық жағдайын жақсарту мақсатында жүргізілді. Жөндеу жұмыстары 2024 жылдың ақпанында Төтенше жағдайлар министрі құтқарушылардың еңбек және тұрмыс жағдайын бағалап, елорданың барлық өрт сөндіру бөлімшелерін аралады. Сапар барысында қызметтік міндеттерін тиімді атқару үшін қажетті қолайлы жағдайлар жасау, сондай-ақ жеке құрамның еңбек жағдайын жақсарту бойынша бірқатар тапсырмалар берілді. Жұмыс алты айға жетпей аяқталып, елеулі өзгерістер енгізілді. Бөлімше ғимаратының екі қабаты жаңартылды, резервтік қораптың және трансформаторлық қосалқы станцияның шатыры ауыстырылды, ғимараттың айналасындағы соқыр аумақ бетондалды. Ішкі үй-жайлар да күрделі өзгерістерге ұшырады: душ, дәретханалар, оқу бөлмелері, асхана, демалыс бөлмелері және кеңсе бөлмелері жөнделді. «Батыр командасы» спорт залы да жаңартылды.Бөлім аумағында спортпен айналысуға арналған жаңа воркаут алаңдары орнатылып, жасыл аллея ретке келтірілді, қарағай мен шырша отырғызылды, бұл ерекше көрік береді. өрт сөндірушілер мен олардың отбасы мүшелерінің бос уақытын өткізуге арналған атмосфера. Министр сондай-ақ аумақтық департаменттердің басшыларына Төтенше жағдайлар министрлігінің өңірлердегі нысандарының инфрақұрылымын жаңғырту жұмыстарын жүргізуді тапсырды, олар сондай-ақ жаңартылған өрт сөндіру бекетін аралады. «Бүгінгі таңда өрт сөндіру бекеттерін жаңғырту және жөндеу жұмыстары жүргізілуде. республика бойынша жүргізілуде, біз тек негізгі жұмыс бөлмелеріне ғана емес, сонымен қатар қызмет көрсететін жатақханаларға да назар аударып отырмыз. Біз құтқарушылардың жайлы және тиімді жұмысын жеңілдететін жағдай жасауға ұмтыламыз. Қызметтік пәтерлері бар бірегей No23 өрт сөндіру бекетіне ұқсас кеңістік құру маңызды», - деді Төтенше жағдайлар министрі, генерал-майор Шыңғыс Әрінов. No3 өрт сөндіру бөлімінде 90-ға жуық қызметкер кезекшілік етеді. Төтенше жағдайларды жоюға белсенді қатысатын күн сайын. Екінші кезеңде қызметтік жатақханаларды күрделі жөндеуден өткізу жоспарлануда. Жақсартылған жағдайлар олардың жұмысының тиімділігін арттыруға ықпал етеді және кез келген уақытта көмектесуге дайын адамдарға барынша жайлылық береді. Ақпарат көзі : https://www.gov.kz/memleket/entities/emer/press/news/details/907006

Басылымның 100 жылдық мерейтойына арналған шара Тахауи Ахтанов атындағы облыстық драма театрда ұйымдастырылды. Облыс әкімі Асхат Шахаров ардагер журналистерді, газеті ұжымы мен оқырмандарын мерейлі мерекемен құттықтады. Алдымен өңір басшысы ғасыр тойына арнайылап келген құрметті меймандармен бірге қазақ әдебиетінің классиктері Тахауи Ахтанов пен Қуандық Шаңғытбаевтың ескерткішіне гүл шоқтарын қойды.Театр сахнасында облыс әкімі құттықтау сөз сөйлеп, «Ақтөбе» газетінің баспасөздегі орнын, оның өңірдің әлеуметтік-экономикалық дамуына қосып отырған үлесі ерекше екенін атап өтті, әлі де мағыналы мақалалар мен жағымды жаңалықтардың жаршысы болатынына сенім білдірді.««Ақтөбе» газеті қай кезде де елдің бүгіні мен ертеңіне арналған шараларға белсене атсалысты. Әр кезеңнің алға қойған міндеттеріне сәйкес қызмет етіп, тиімді идеология құралы ретіндегі рөлін ойдағыдай атқарып отырды. Өңірдің қоғамдық-саяси, экономикалық және мәдени-әлеуметтік өмірінің айнасы ретінде танылған басылым облыс аймағындағы өзекті мәселелер мен шешімін күткен проблемаларды батыл жазды. Олардың дер кезінде шешілуіне барынша үлес қосты. Газет өткен жылдар ішінде қарапайым халықты билік орындарымен жалғап тұратын дәнекер ретінде де рөл атқарды. Оқырман хаттары мен ұсыныс-пікірлеріне мол орын беріліп, арнаулы беттер жарық көріп тұрды. Бір ғасыр аз уақыт емес. Осы жүз жылда «Ақтөбенің» алған бағыты, мақсат-мұраты өзгерген жоқ. Алдағы уақытта да, «Ақтөбе» газетінің ұжымынан жағымды жаңалықтар, мағыналы мақалалар асыға күтеміз», - деді ол.Асхат Шахаров салтанатты шарада «Ақтөбенің» бірқатар қызметкерін алғыс хатпен марапаттады. Ал тілшілер Мейрамгүл Рахатқызы, Арайлым Нұрбаева және Айбек Тасқалиев «Ақпарат саласының үздігі» атанды.Кеш барысында Сенаттың Әлеуметтік-мәдени даму және ғылым комитетінің төрағасы Нұртөре Жүсіп Сенат төрағасы Мәулен Әшімбаевтың құттықтау хатын оқып берді.Мерекелік шарада өңір өнерпаздары ән мен күйден шашу шашты. Шара соңында мерейтойлық газет ұжымы облыстық филармония әртістерімен бірге Сәтжан Дәрібайдың сөзіне, Орал Байсеңгірдің музыкасына жазылған және Бақытбек Зейнеловтің аранжировкасымен өңделген газеттің әнұранын орындады.1924 жылдың 7 маусымында «Кедей» деген атпен басылған газет әр жылдары түрлі атаулармен жарық көріп, әр заманның талабына сай оқырманға қызмет етіп келеді. Еске салайық, биылғы жылдың 7 маусымында газет ұжымына Мемлекет басшысы Қасым-Жомарт Тоқаев құттықтау хатын жіберген еді.Ақпарат көзі : https://www.gov.kz/memleket/entities/aktobe/press/news/details/907007

Шығыс Қазақстан облысына жұмыс сапарымен келген ҚР Туризм және спорт министрі Ербол Мырзабосынов өңірдегі бірқатар спорт нысанын аралап, жұмыс барысымен танысты.Сапар барысында Министр Олимпиада чемпионы Ольга Рыпакова атындағы жеңіл атлетика манежіне барды. 2013 жылы қолданысқа берілген спорт кешенінде жыл бойы жаттығу жасау үшін барлық жағдай жасалған, сондай-ақ мұнда облыстық, республикалық және халықаралық деңгейдегі спорттық жарыстар тұрақты түрде өткізіліп тұрады.Сонымен қатар ведомство басшысы Өскемендегі Үстел теннисі орталығын аралады. Орталық үстел теннисі бойынша облыстағы балалар мен жасөспірімдерге арналған олимпиадалық резерв спорт мектебінің базасында құрылған. Мұнда ірі жарыстар, бұқаралық спорттық іс-шаралар мен оқу-жаттығу жиындары өтеді. Ғимарат заманауи спорт құралдарымен жабдықталған. Орталықта спортшылардың жарыстан кейін немесе жарақат алған кезде физиотерапия ем-шараларын алып, қалыпқа келуіне мүмкіндік беретін дәрігерлік-денешынықтыру диспансері бар.Туризм және спорт министрі Үстел теннисі орталығында олимпиадалық, олимпиадалық емес және ұлттық спорт түрлері бойынша облыстың аға жаттықтырушыларымен кездесіп, олардың ұсыныстары мен пікірлерін тыңдады. Кездесу барысында Министр аймақ спортын дамыту, жаттықтырушылардың біліктілігін арттыру және спортшылардың дайындық деңгейін көтеру қажеттілігін атап өтті.Шығыс Қазақстан облыстық дене шынықтыру және спорт басқармасының басшысы Асқар Можанов жабық футбол стадионы мен теннис академиясын салу жобасын таныстырды. Бұл жобаларды жүзеге асыру Мемлекет басшысының өңірге жасаған сапары кезінде тапсырылған болатын.«Шығыс Қазақстан облысы – елімізді әлемге танытып, көк байрағымызды желбіреткен талантты спортшыларды дүниеге әкелген өңір. Бұл аймақта даңқты хоккейші Борис Александров, Олимпиада чемпионы Ольга Рыпакова, фристайлдан қысқы Олимпиада ойындарының қола жүлдегері Юлия Галышева сияқты дарынды спортшыларымыз дүниеге келген. Жалпы, ШҚО қысқы спорт түрлері бойынша ұлттық құрамалардың негізгі орталығы саналады.Сол себепті дайындық барысында қолда бар әлеует пен ресурстарды тиімді пайдалану қажет. Келесі жылы Қытайдың Харбин қаласында қысқы Азия ойындары өтетіні белгілі. Қазақстан құрамасынан 6 спорт түрінен 139 спортшы қатысады деп жоспарлануда. Оның ішінде Шығыс Қазақстан облысынан биатлон, тау шаңғысы, шорт-трек және шайбалы хоккей сияқты спорт түрлерінен 15 спортшы бақ сынайды», – деді Ербол Мырзабосынов.Ақпарат көзі : https://www.gov.kz/memleket/entities/tsm/press/news/details/906996

Туризм және спорт министрі Ербол Мырзабосыновтың қатысуымен Қазақстан футбол федерациясының ХХVІI кезектен тыс конференция отырысы өтті. Іс-шара барысында федерацияның жаңа президенті сайланды.Қазақстан футбол федерациясының президенттігіне кандидаттар ретінде «Алматы облысының футбол қауымдастығы» ЗТБ атынан Алтай Даумов, «Ақмола облыстық футбол қауымдастығы» ЗТБ атынан Ербол Қайыров және «Астана қаласы футбол федерациясы қауымдастығы» ЗТБ атынан Марат Омаров үміткер атанды.ҚФФ Бас хатшысы Саян Хамитжанов жиынды ашып, күн тәртібіндегі мәселелерді атап өтті. Одан кейін президенттікке үміткерлерге сөз берілді. Отырыстың ресми бөлігі аяқталған соң облыстық футбол қауымдастығы заңды тұлғалар бірлестігінің, футбол ұйымдарының және футбол мектептерінің өкілдері жаңа президентті сайлау үшін дауыс берді. Нәтижесінде қатысушылар М.Омаровтың кандидатурасын қолдады.Министр Ербол Мырзабосынов Марат Омаровты жаңа лауазымымен құттықтап, алдағы жұмысына сәттілік тіледі.«Қазақстан футбол федерациясының жұмысында үлкен өзгерістер болып жатыр. Бүгін құрылымның жаңа президенті тағайындалды. Басшылыққа Марат Омаров келіп отыр. Футбол әлемдегі ең қызықты әрі танымал спорт түрі. Қазақстан үшін де дәл солай. Жаңа президенттің басшылымен ұлттық құрама жақсы нәтижелер көрсетеді деп сенемін. Марат Талғатұлы салаға жаңаша серпін әкеліп, осы уақытқа дейін жинаған тәжірибесін отандық футболдың дамуына жұмсайды деген ойдамын. Ел азаматтары футболға ерекше қызығушылықпен қарайды. Сондықтан футболды жаңаша дамытуымыз керек. Әсіресе, халықаралық деңгейдегі ынтымақтастықты арттыру қажет. Футболшылардың, әлемдік деңгейдегі бапкерлер мен төрешілердің дайындығына, резервті даярлауға ерекше көңіл бөлу маңызды», – деді Ербол Мырзабосынов.Айта кетейік, бүгінгі таңда бұл спорт түрімен 1 миллионнан астам адам тұрақты түрде айналысады. Оның ішінде ауылдық жерлерде 537 мың адам шұғылданады.Ақпарат көзі : https://www.gov.kz/memleket/entities/tsm/press/news/details/906997

Маңғыстау облысында ауыз сумен қамту әлі де өзекті. Мәселені кезең-кезеңімен шешу үшін 2025 жылға дейін жалпы су тұщыту қуаты қуаты 140,5 мың текше метрді құрайтын 10 жобаны жүзеге асыру жоспарланған. Оның ішінде:Қаражанбас кен орнында тәулігіне 17 мың текше метр су тұщыту зауыты іске қосылды. Нәтижесінде «Астрахан - Маңғыстау» су құбырынан босаған 15 мың текше метр ауыз су Жаңаөзен қаласы, Бейнеу, Жетібай ауылдары тұрғындарының игілігіне пайдаланылуда.«Каспий» су тұщыту зауытының қуатын 40 мың текше метрге дейін жеткізудің 2-ші кезеңі бойынша жұмыстар жалғасуда. Биыл жыл аяғына дейін бұл жұмыстарды толықтай аяқтау көзделіп отыр.Ақтау қаласында жеке инвестор есебінен қуаттылығы тәулігіне 7 000 текше метр су тұщыту зауытын салу жұмыстары жүргізілді. Қазіргі таңда зауыт тәулігіне 5 мың текше метр ауыз су беріп отыр.Сайын Шапағатов ауылында жеке инвестор тарапынан қуаттылығы тәулінгіне 6500 текше метр су тұщыту қондырғысы орнатылды. Бүгінгі күні қондырғы 4000 мшекше метр ауыз су өндіріп, Ақшұқыр, Сайын Шапағатов ауылдарын ауыз сумен қастамасыз етіп отыр.Қондырғының қуаты алдағы уақытта арттырылатын болады.«Биыл Форт-Шевченко қаласында тәулігіне 5 мың текше метр, «МАЭК» аумағында 24 мың текше метр және Кендірлі аймағында 50 мың текше метр су тұщыту қондырғыларын салу жұмыстары басталды. Зауыт құрылысы «Қазмұнайгаз» ұлттық компаниясының қолдауымен жүзеге асырылуда және аталған жобаларды 2025 жылға дейін аяқтау үшін барлық қажетті шараларды қабылдайтын боламыз»,- деді облыс әкімі Нұрдәулет Қилыбай.Су ресурстарының баламалы көздерінің бірі – Ақтау қаласынан 43 шақырымда орналасқан «Құйылыс» кен орны. Бүгінде құбыр толығымен ескірген. Сондықтан осы кен орнының суын игеру үшін «Каспий» су тұщыту зауытына дейін су құбыры жаңартылуда. Бұл жұмыстар Мемлекет басшысының жіті бақылауында тұр.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/906399