Эстонияның Тарту қаласында өткен эстетикалық топтық гимнастикадан әлем чемпионатының жүлдегерлерін жанкүйер қауым Астана әуежайынан салтанатты түрде қарсы алды, деп хабарлайды елорда әкімдігінің ресми сайты.Әлем чемпионаты 22-24 қараша күндері өтті. Дүбірлі додаға әлемнің 19 елінен 447 спортшы қатысты. Қазақстан намысын қорғаған 6 команда арасынан ересектер санатында елордалық Samruk командасы және жасөспірімдер санатында Alan-Junior командасы үшінші орын иеленіп, қола жүлдеге қол жеткізді. Айта кету керек, бұл жетістік қос команда үшін биылғы алғашқы жеңіс емес. Бұған дейін олар Гонконгте өткен Азия чемпионатында да жүлделі орындарға ие болған.«Әлем чемпионатына тыңғылықты дайындалып, жүлдеге қол жеткізуді мақсат еттік. Бәсеке тартысты әрі эмоцияға толы болды. Бұл жетістігімізге бапкерлеріміздің, академиямыздың және ата-анамыздың қолдауының арқасында жеттік. Барлығына шексіз алғыс білдіреміз», – деді команда мүшесі Ақерке Оңғарбай.Қазақстан құрамасы эстетикалық гимнастикадан әлем чемпионатына 2019 жылдан бастап тұрақты түрде қатысып келеді. 2022 жылы Аустрияда өткен жаһандық сайыста командалық есепте қола жүлде жеңіп алса, 2023 жылы Алматыда тұңғыш рет өткен әлемдік додада жасөспірімдер санатында Астананың «Самұрық» командасы қола жүлдені еншілеген еді.Ақпарат көзі : https://www.gov.kz/memleket/entities/astana/press/news/details/890314

Зорлық-зомбылықты болдырмау және оның алдын алу шаралары туралы көпшіліктің хабардар болуын арттыру бағытында бүгін елордада «Гендерлік зорлық-зомбылыққа қарсы белсенді іс-қимылдың 16 күні» науқаны басталды, деп хабарлайды қала әкімдігінің ресми сайты.Науқанныі негізгі мақсат - тұрмыстық зорлық-зомбылық пен адам саудасының алдын алу және онымен күресу. Шараға мүдделі мемлекеттік органдардың, үкіметтік емес ұйымдардың, қоғамның, дағдарыс орталықтарының және бұқаралық ақпарат құралдарының өкілдері қатысады. Бұл туралы қалалық коммуникациялар қызметі алаңында өткен брифингте Астана қаласы әкімдігі жанындағы Әйелдер істері және отбасылық-демографиялық саясат жөніндегі комиссия төрағасының орынбасары Назгүл Мақжан мәлімдеді.«Әйелдер істері және отбасылық-демографиялық саясат жөніндегі комиссияның нәтижелі жұмысы оның құрамына тікелей байланысты. Комиссия құрамында 32 адам бар, олар: қалалық мәслихат депутаттары, қалалық басқармалардың басшылары мен орынбасарлары, үкіметтік емес сектордың басшылары, әртүрлі қоғамдық және жеке қорлардың өкілдері, әйелдер кәсіпорындарының директорлары, дағдарыс орталықтарының өкілдері, жергілікті полиция қызметінің қызметкерлері, журналистер және т.б. Құрамдағы осындай кең ауқымды қатысушылар әйелдер құқықтары мен мүмкіндіктерін қорғау, отбасылық-демографиялық саясатты нығайту мәселелерін толық қамтуға ықпал етеді», - деді Назгүл Мақжан.Комиссия құрамында үш жұмыс тобы құрылған. Яғни әйел көшбасшылығы, қиын өмірлік жағдайдағы әйелдер, отбасылық құндылықтар бағытында жұмыс жүргізіледі. Көпбалалы отбасыларға, қиын жағдайда қалған әйелдерге қолдау көрсетіп келе жатқан комиссия 2024 жылы 80-нен астам іс-шара өткізген.Назгүл Сейітқожақызының мәліметінше, елорда тұрғындарының жалпы 52,4 пайызын әйелдер құрайды. 2024 жылғы 1 маусымдағы жағдай бойынша Астана тұрғындарының саны 1 464 415 адам болса, оның 768 181-і – әйелдер.Естеріңізге сала кетейік, жыл сайынғы «Гендерлік зорлық-зомбылыққа қарсы белсенді іс-қимылдың 16 күні» халықаралық науқаны дәстүрлі түрде 25 қарашада Әйелдерге қатысты зорлық-зомбылықты жою үшін халықаралық күрес күні басталып, 10 желтоқсанда Халықаралық адам құқықтары күні аяқталады.Ақпарат көзі : https://www.gov.kz/memleket/entities/astana/press/news/details/890318

ҚР Денсаулық сақтау вице-министрі Тимур Мұратов өңірге жұмыс сапары барысында жауаптыларға осындай тапсырма берді. Жексенбіде Тимур Мұратов Президент тапсырмасымен жүзеге асып жатқан «Ауылдық денсаулық сақтауды жаңғырту» ұлттық жобасы аясында салынып жатқан нысандардың құрылыс барысымен танысты. Алға ауданының Тоқмансай ауылында күніне 25 адамды қабылдауға қауқарлы жаңа медициналық пункт жақында ашылады. Бұған дейін жергілікті дәрігер ескі ғимаратта 300-ге жуық ауыл тұрғынына көмек көрсеткен. Заман талабына сай медициналық пунктте жалпы практика дәрігерінің кабинетінен бөлек процедуралық, күндізгі стационар және дәріхана пункті жабдықталуда. Нысан желтоқсан айының басында халық игілігіне берілмек.Ал Мұғалжар ауданының Жарық ауылында жаңа медициналық пункттің құрылысы жанданды. Мердігер ҚР Денсаулық сақтау вице-министрін жұмыстарды жыл соңына дейін аяқтайтынына сендірді. Тимур Мұратов құрылыстың тез салынуы медициналық мекеме сапасына әсер етпеуі керек екенін алға тартты. Мұғалжар аудандық ауруханасында жаңа жылдан бастап Ауданаралық тері арқылы коронарлық араласу орталығын ашу үшін қосымша нысан салу жұмыстары басталады. Бұл бірнеше аудан тұрғындары үшін көрсетілетін медициналық қызметтердің сапасын арттырады, сондай-ақ Ақтөбе-Астрахань автожолында орын алатын Төтенше жағдайлар кезінде шұғыл медициналық көмек көрсетуді жеделдетеді. ҚР Денсаулық сақтау министрінің орынбасары өңірге жұмыс сапарының екінші күнінде Ақтөбедегі қалалық және облыстық балалар стационарлары, көпсалалы облыстық аурухана, облыстық перинаталдық орталық, Ақтөбе медициналық орталығы, сондай-ақ бірқатар қалалық емхананың жұмысымен танысты. Әрбір медициналық мекеменің проблемалық мәселелерін Тимур Мұратов өзінің жеке бақылауына алды. Сондай-ақ, ол ҚР ДСМ Медициналық және фармацевтикалық бақылау комитетінің Ақтөбе облысы бойынша Департаментіне барып, «Ақтөберентген» АҚ зауытында шығарылатын медициналық техникалармен танысты.Ақпарат көзі : https://www.gov.kz/memleket/entities/aktobe/press/news/details/890305

Семей қаласының Қарағайлы ауданындағы тұрғын үйлер мен әлеуметтік нысандарды уақтылы пайдалануға беруді қамтамасыз ету үшін «КАЗЭНЕРГОМАШ-Т» ЖШС қаражаты есебінен қуаты сағатына 21,5 Гкал болатын блокты-модульді қазандықтың құрылысы жүргізілуде. Жобаның аяқталу мерзімі ағымдағы жылдың соңына жоспарланған.Облыс әкімі Нұрлан Ұранхаев жұмыс барысымен танысу үшін құрылыс алаңына болып қайтты. Қазіргі уақытта нысанда дренаждық жүйелер, ауа өткізгіштер, жалпы коллектор, газ құбырлары, пилоттық қондырғыларды монтаждау белсенді түрде жүргізілуде. Желілік сорғыларды құбырмен байланыстыру аяқталып, ауа мен түтін сорғыларының астына іргетастарды құюға дайындық жүргізілуде. Қазір барлық 10 қазандықтағы монтаждау толық аяқталды.№3 көтергіш-сорғы станциясының құрылысы аяқталуға жақын. Бұл жақын маңдағы жаңа ғимараттарды жылумен қамтамасыз етуге мүмкіндік беретін негізгі нысан. Атап айтқанда, алты тұрғын үйді қараша айында, ал үш үй мен 1200 орындық мектепті ағымдағы жылдың желтоқсан айында қосу жоспарланып отыр. Блокты-модульді қазандық іске қосылғанға дейін жылумен жабдықтау «Теплокоммунэнерго» МКК РК-3-тен жаңа көтеру-сорғы станциясы арқылы қамтамасыз етілетін болады.«Бұл жобаны іске асыру Қарағайлы шағын ауданы үшін ерекше маңызға ие. Қазандық салу - аудан инфрақұрылымын дамытудың негізгі элементі. Біз тұрғындарды және әлеуметтік сала нысандарын мерзімінде жылумен қамтамасыз етуге міндеттіміз. Нысан пайдалануға берілісімен мемлекет оны сатып алуға дайын. Сондықтан барлық жұмыс сапалы және белгіленген мерзімде аяқталуы қажет», — деді облыс әкімі Нұрлан Ұранхаев.Қазіргі уақытта Қарағайлы шағын ауданы жылумен тұрақты қамтамасыз етілген. Бұл ауданның одан әрі дамуын жоспарлауға мүмкіндік береді.Ақпарат көзі : https://www.gov.kz/memleket/entities/abay/press/news/details/890257

Бородулиха ауданы Жезкент мектеп-лицейінің 9-сынып оқушысы Нұрали Амангелдіев сыбайлас жемқорлыққа қарсы «Сатылмайтын Алпамыс» атты компьютерлік ойын әзірледі. Ойынның басты мақсаты – оқушыларға сыбайлас жемқорлықтың зиянын түсіндіріп, оған қарсы тұру мәдениетін қалыптастыру.Бұл ойын квест форматында жасалған. Ойыншы өзіне жасырын агент немесе журналист рөлін таңдай алады. Сондай-ақ тергеуді кімге қатысты жүргізетінін де шешеді: сот, прокурор немесе мемлекеттік қызметші. Ойын барысында әртүрлі эпизодтардан өтіп, ойыншы жемқорлыққа қарсы әрекеттердің қыр-сырын меңгереді және ойын соңында жемқорлық схемасын әшкерелейді.Автор болашақта бұл жобаны ұялы телефондарға арналған тегін қосымша ретінде үш тілде ұсынуды жоспарлап отыр. Осы мақсатта Нұрали өткен жылы І республикалық сыбайлас жемқорлыққа қарсы жобалар байқауында жеңіп алған 1 000 000 теңге сыйақысын ойынның дамуына жұмсаған. Ол VR көзілдіріктері мен арнайы техникалық жабдықтар сатып алып, ойынның қызметін кеңейтуді қолға алған. Сонымен бірге ойынның әр кезеңіне Абайдың қара сөздерін қосу арқылы оның рухани мазмұнын байытуды жоспарлап отыр. Бұл ойыншыларға шешім қабылдау кезінде терең ой салуға бағытталған.Ақпарат көзі : https://www.gov.kz/memleket/entities/abay/press/news/details/890263

Абай облысы әкімінің орынбасары Жасұлан Сәрсебаев жұмыс сапарымен Мақаншы ауданына барды. Сапар барысында әлеуметтік мәселелерді шешуге, білім беру, спорт, мәдениетті дамытуға, сондай-ақ ономастика бойынша жұмыстарға бағытталған мемлекеттік бағдарламаларды іске асыру мәселелері көтерілді. Конфессияаралық және ұлтаралық тұрақтылықты нығайтуға ықпал ететін шараларға ерекше назар аударылдыБақты ауылында Бейсембай Сахариев атындағы орта мектеп-балабақшасы 2016 жылы салынған. Білім мекемесінің жалпы ауданы 4387,9 шаршы метрді құрайды. 362 оқушыға арналған мектеп-балабақшаға арнайы атбасын бұрған әкім орынбасары біраз жайтпен қанықты. Мәселен, ғимараттың қабырғасында жарықшақтар пайда болған. Бұл қауіп төндіреді. Осыған байланысты әкім орынбасары күрделі жөндеу жүргізілгенге дейін мектеп блоктарының бірін уақытша жабуды тапсырды.Сапар аясында Найманбай атындағы орта мектеп те тексерілді. Ауданы 5462 шаршы метр мектеп ғимаратында 1190 бала оқиды. Тексеру барысында парталардың қанағаттанарлықсыз күйде екендігі және ауыстыруды қажет ететіндігі айтылды.Сондай-ақ, Мақаншы ауылында салынып жатқан 140 орындық жаңа балабақшаның құрылысына да ерекше назар аударылды. Жоба «Ауыл – ел бесігі» ұлттық бағдарламасы аясында жүзеге асырылуда. Мердігер - «QK SUNQAR» ЖШС. Құрылыс барысын көзімен көрген әкім орынбасары жұмыс қарқынын жеделдетуді тапсырды. Жаңа балабақшада кіші, орта және үлкен жастағы балаларға арналған алты топ, сондай-ақ мектеп жасына дейінгі балаларға арналған дайындық топтары болады.Ауданның спорттық инфрақұрылымы да назардан тыс қалған жоқ. Жасұлан Сәрсебаев 2021 жылы пайдалануға берілген спорт модулінің қызметімен танысты. Спорттық модуль базасында дзюдо, қазақ күресі және еркін күрес түрлері бойынша 14 жаттықтырушының жетекшілігімен 342 бала жаттығуда. Тексеру барысында нысанның ішкі жарақтандырылуы мен спорт жабдықтарын жаңарту қажеттілігіне қатысты мәселелер талқыланды.Сонымен қатар, Жасұлан Сәрсебаев халыққа қызмет көрсету орталығына (ХҚКО) барып, ондағы кадр тапшылығы көз жеткізді.Сапар барысында аудан әкімі мен басқарма басшыларына тиісті тапсырмалар берілді.Ақпарат көзі : https://www.gov.kz/memleket/entities/abay/press/news/details/890273

Мемлекет басшысының тапсырмасы бойынша құрылған Білім беру инфрақұрылымын қолдау қоры жемқорлардан тәркіленген қаражат есебінен толықтырылып келеді. Мектептерде орын жетіспеушілігі мәселесін шешу мақсатында жаңадан білім беру ұйымдарын салу немесе жаңғырту, оған жапсарлас құрылыс салу жүзеге асырылуда.Қор құрылған уақыттан бастап еліміздің бірқатар өңірлерінде 92 мың оқушы орнына арналған 82 мектептің құрылысы қаржыландырылды.«Мемлекет балалар үшін жайлы әрі қауіпсіз білім беру ортасын қалыптастыруға ерекше көңіл бөледі. Бүгінгі таңда 70 мыңға жуық орындық 55 мектеп пайдалануға берілді. Жыл соңына дейін тағы 7 нысанды іске қосу жоспарлануда», — деп атап өтті Инфрақұрылымды дамыту департаментінің басқарма басшысы Жайық Мақсұтов.Осылайша, 2024 жылдың басынан бері 18 жаңа мектеп салынды. Бұл мектептердің басым бөлігі Астана қаласында және Маңғыстау, Алматы, Жамбыл облыстарында орналасқан. Жаңа мектептерде жайлы білім алу ортасын құру үшін қажетті жағдайлар жасалған. Аталған өңірлердегі бұл мектептердің құрылысы 9 білім беру ұйымының, оның ішінде, 6 үш ауысымды, 2 апатты және 1 ескі мектептегі орын тапшылығы мәселесін шешуге мүмкіндік берді.Ақпарат көзі : https://www.gov.kz/memleket/entities/edu/press/news/details/890188

Жаңа 2024-2025 жылғы жылыту маусымына облыс бойынша халыққа көмір қажеттілігі 714 мың тоннаға, яғни 10 352 вагонға тең болады.Бүгінде темір жол көлігімен 404,1 мың тонна көмір жеткізілді. Сонымен қатар, Райымбек ауданындағы "Ойқарағай" кенішінен 21,7 мың тонна көмір сатылды. Қазіргі уақытта теміржол тұйықтары мен қоймаларында 47,4 мың тонна көмір жинақталған.Әлеуметтік нысандарды сұйық отынмен қамтамасыз ету қажеттілігі 15 млн литрді құрайды, бүгінде бұл қажеттілік толық көлемде жабылған. Қазіргі таңда Заречный ауылындағы қазандық пен Қонаев қаласының қазандықтарына 2 900 тонна мазут отыны дайындалған (жоспар бойынша 3 800 тонна). Сонымен қатар, облыс бойынша барлық қазандықтар жөндеуден өтіп, штаттық режимде жұмыс істеуде, жылу өндіруші ұйымдар тәулік бойы жұмыс істейтін диспетчерлік қызметтермен қамтамасыз етілген.2024 жылдың қазан-қараша айларында Жамбыл ауданының Ақтерек және Бірлік, Талғар ауданының Қайнар және Ұйғыр ауданының Шарын ауылдары газға қосылды. Бұл шара 11 582 тұрғынға табиғи газға қолжетімділік берді. Жоспар бойынша ағымдағы жылдың соңына дейін Талғар ауданының Көктал және Арқабай, Ұйғыр ауданының Тасқарасу және Бахар ауылдары да газбен қамтылады. Бұл жобалар 8 553 тұрғынды газбен қамтамасыз етуге мүмкіндік береді.«Таза Қазақстан» бағдарламасы аясында айтарлықтай жұмыстар атқарылуда. Бағдарламаға 751 мыңнан астам адам мен 8,8 мың кәсіпорын қатысып, 27,4 мың тонна қоқыс жиналып, 79 мың көшет отырғызылды. Телеграм-бот арқылы 485 өтініш түскен, оның 373-і орындалып, 98-і қайтарылған, 14 өтініш орындалу үстінде. Стихиялық қоқыс үйінділерін жою жұмыстары жалғасуда. Қазіргі уақытта 223 рұқсат етілмеген қоқыс үйіндісінің 25-і әлі жойылмаған, бұл мәселені шешу үшін аудан және қала әкімдері жұмысты күшейтуі тиіс.Қазбек бек және Шелек индустриалды аймақтары бойынша 25 инженерлік инфрақұрылым жобасы әзірленуде. 4 жоба сараптама қорытындысын алған, ал 10 жоба жобалау жұмыстары аяқталып, ведомствадан тыс сараптамаға ұсынылған. Қалған 11 жобаның жобалау-сметалық құжаттамасы әзірленуде және ағымдағы жылдың 20-шы желтоқсанына дейін сараптамаға ұсынылуы жоспарлануда.Қорыта айтқанда, облыс әкімі аппараты мен жергілікті басқару органдарының алдында тиімді басқару, қаржылық жауапкершілік және экологиялық мәселелерді шешу бойынша күрделі міндеттер тұр. Әсіресе, коммуналдық берешектер мен экологиялық жұмыстарға қатысты жұмыстарды жандандыру маңызды.Ақпарат көзі : https://www.gov.kz/memleket/entities/almobl/press/news/details/890141

Қазақстан Республикасы Оқу-ағарту министрлігінің Тәрбие жұмысы және қосымша білім беру департаментінің директоры болып Ерлан Болатұлы Қалмақов тағайындалды.Ерлан Болатұлы Қалмақов 1987 жылғы 14 қазанда Қостанай облысында дүниеге келген.2008 жылы Қостанай мемлекеттік педагогикалық институтын «Тарих» мамандығы бойынша, 2010 жылы А. Байтурсынов атындағы Қостанай мемлекеттік университетін «Құқықтану» мамандығы бойынша, 2024 жылы Қазақстан Республикасы Президентінің жанындағы Мемлекеттік басқару академиясын «Мемлекеттік басқару» мамандығы бойынша тәмамдады.Еңбек жолын 2006–2008 жылдары «Қостанай таңы» газетінің редакциясында тілші болып бастаған.2008–2009 жылдары Қостанай облысы әкімдігінің ішкі саясат басқармасының жастармен және жастар бірлестіктерімен жұмыс жөніндегі бөлімінде жетекші маманы.2009–2012 жылдары Қостанай облысы әкімдігінің ішкі саясат басқармасының ақпараттық саясат және бұқаралық ақпарат құралдарын мониторингілеу бөлімінде бас маманы.2010–2012 жылдары Қостанай облысы әкімдігінің ішкі саясат басқармасының жастармен жұмыс және саяси партиялармен өзара іс-қимыл бөлімінің бастығы.2012–2016 жылдары Қостанай облысы әкімдігінің ішкі саясат басқармасы басшысының орынбасары.2016–2023 жылдары Қостанай облысы әкімдігінің мәдениет басқармасының басшысы.2023 жылдан бастап қазіргі уақытқа дейін Қостанай облысы әкімдігінің дін істері жөніндегі басқармасының басшысы қызметін атқарып келді.2024 жылғы 25 қарашадан бастап Қазақстан Республикасы Оқу-ағарту министрлігінің Тәрбие жұмысы және қосымша білім беру департаментінің директоры лауазымына тағайындалды. Ақпарат көзі : https://www.gov.kz/memleket/entities/edu/press/news/details/890212

Өткен айда Алматы облысының Мемлекеттік сәулет-құрылыс бақылау басқармасы (ГАСК) инспекторлары ауқымды тексерістер жүргізіп, құрылыс нормалары мен ережелерін бұзудың жүздеген фактісін анықтады. Тексерістердің қорытындысы бойынша 78 әкімшілік материал әзірленді. Олардың 28-і облыстық соттарға жолданды, ал қылмыстық іс қозғалмаған құқықбұзушыларға жалпы сомасы 14 644 140 теңге айыппұл салынды.Тексерістер барысында 23 заңсыз құрылыс нысаны анықталды. Олардың материалдары да сотқа жолданды. Заңсыз салынған құрылыстар, оның ішінде Талғар ауданындағы көпқабатты тұрғын үй кешені, бұзылуға жатады. Қазіргі уақытта 4 сабан үй бұзылды, ал 7 нысанға бұзу туралы талап-арыздар жолданды.Қонаев қаласындағы оқу корпусы, «Eco-Park Alatau» ТК-ның кәріз жүйелері және Райымбек ауданындағы су бөгеттері құрылысы барысында көптеген бұзушылықтар анықталды. Жауапқа тартылған мердігерлер мен техникалық қадағалау ұйымдарына қатысты шаралар қабылданды. 61 құрылыс компаниясы жауапқа тартылды, оның екіуі — ТОО «Sheberbuild» және ТОО «Жаңарту» — сот шешімімен лицензиясынан айрылған.«Алматы облысындағы құрылыс саласын тәртіпке келтіру бойынша жұмыстар жүргізіліп жатыр. Біздің тексерістеріміз тек рәсім ғана емес, қауіпсіздік пен заңдылықты қамтамасыз ету үшін күрес, — деді Алматы облысы сәулет-құрылыс бақылау (ГАСК) басшысының міндетін атқарушы Өзенбаев Ғабиден. — Құрылыс нормаларын бұзушылар заң арқылы қатал жазаланатын болады. Біз облыс бойынша, әрбір құрылыс нысаны барлық талаптар мен стандарттарға сай болғанша алған беттен қайтпай тексеруді жалғастыра береміз!»Алматы облысы мемлекеттік сәулет-құрылыс бақылау басқармасы (ГАСК) облыстағы құрылыс нормалары мен ережелерінің сақталуын қамтамасыз ету жұмысын жалғастыра береді.Ақпарат көзі : https://www.gov.kz/memleket/entities/almobl/press/news/details/890045

ҚР Ғылым және жоғары білім министрлігі мен Huawei меморандумға қол қойдыҚытайға жұмыс сапары аясында Қазақстан делегациясының құрамында, Ғылым және жоғары білім министрі Саясат Нұрбек пен Huawei вице-президенті Ли Цзюньфэнь және Huawei Kazakhstan бас директоры Макс Чжао арасында кездесулер өтті. Кездесу барысында тараптар ынтымақтастықтың келешегі мен серіктестік қатынастарын дамыту жөніндегі негізгі бағыттарды талқылады.Келіссөздердің нәтижесінде Қазақстан Республикасы Ғылым және жоғары білім министрлігі мен Huawei Technologies Kazakhstan компаниясы арасында өзара түсіністік туралы меморандумға қол қойылды. Бұл меморандум Қазақстандағы жоғары білім саласының цифрлық трансформациясы үшін жаңа мүмкіндіктерге жол ашады.Меморандум аясында 2025 жылы смарт сыныптар жобаларын іске асыру жоспарланып отыр, бұл үздік студенттерге Huawei компаниясында тағылымдамадан өту және халықаралық конкурстарға қатысу сияқты ерекше мүмкіндіктер береді. Сонымен қатар, компания түлектерді жұмысқа орналастыруды қамтамасыз ететін жұмыс жәрмеңкелерін ұйымдастырады, бұл олардың еліміздің цифрлық экономикасына сәтті интеграциялануына мүмкіндік береді.Қазақстандық делегация Huawei компаниясының штаб-пәтерінде компанияның инновациялық шешімдерімен танысты, соның ішінде цифрлық сыныптар мен бұлтты платформаларға арналған инновациялар көрсетілді. Сапар барысында Huawei-дің цифрлық трансформацияға арналған инновациялық шешімдерін таныстыру үшін компанияның көрме залына, Huawei Cloud мәліметтерді өңдеу орталығына және HUAWEI зерттеу және дамыту орталығына да барылды. Сондай-ақ, Smart Classroom – цифрлық сыныптар концепциясы ерекше назарға алынды.Huawei компаниясымен ынтымақтастық жаңа ұрпақ мамандарын даярлау және Қазақстанның цифрлық экономика саласындағы халықаралық позицияларын нығайтуға негіз болады. Бұл қадам жоғары білімді цифрландыруды арттыру және білім экономикасы саласында бәсекеге қабілетті экономиканы қалыптастыру мақсатында жүзеге асырылып жатқан мемлекеттік стратегияның маңызды бөлігі болып табылады. Жоба Қазақстанның ақпараттық-коммуникациялық технологиялар (ИКТ) саласында жаңа технологиялар мен заманауи дағдыларды дамытуға деген көзқарасын білдіреді және елдің цифрлық трансформациясының табысты болуына ықпал етеді.Ақпарат көзі : https://www.gov.kz/memleket/entities/sci/press/news/details/890058

2024 жылғы 1 қарашадағы жағдай бойынша жергілікті атқарушы органдардың рұқсатымен Қазақстан аумағында 13 246 шетел азаматы еңбек етеді.Шетел жұмыс күшін (бұдан әрі – ШЖК) тартуға рұқсаттардың арасында мынадай санаттар бар: басшылар мен олардың орынбасарлары үшін 543 рұқсат (бірінші санат), құрылымдық бөлімшелердің басшылары үшін 2 514 рұқсат (екінші санат). Тартылған ШЖК негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше олар 4 859 және 917 адам. Сондай-ақ маусымдық жұмыстарға 1 120 адам, ал корпоративтік ауыстыру аясында 3 293 адам тартылды.Қазіргі уақытта Қазақстанда ШЖК пайдаланатын 1 789 жұмыс беруші бар. Оларда 389,8 мыңнан астам Қазақстан азаматы жұмыс істейді, бұл қызметкерлердің жалпы санының 96,8% - ы.Экономикалық қызмет түрлері бойынша ең көп жұмыс істейтіндер құрылыс саласында – 5 155 адам, өңдеу өнеркәсібі – 1 387 адам, әкімшілік және көмекші қызметтер – 1 363 адам, тау – кен өнеркәсібі және карьерлерді қазу – 1 359 адам, ауыл, орман және балық шаруашылығы – 1 168 адам.Еңбек мигранттары келетін негізгі елдер: Қытай – 4 664 адам, Өзбекстан – 1 230 адам, Түркия – 1 150 адам, Үндістан – 1 108 адам.Ішкі еңбек нарығын қорғау мақсатында ҚР Еңбек және халықты әлеуметтік қорғау министрлігі жыл сайын республикаға шетел мамандарын тартуға квота белгілейді және бөледі. 2024 жылы жалпы квота республикадағы жұмыс күшінің санына қатысты 0,23% немесе 17,2 мың бірлік мөлшерінде белгіленді.Ақпарат көзі : https://www.gov.kz/memleket/entities/enbek/press/news/details/890105

Таразда балалар құқығын қорғау, олардың қауіпсіздігін қамтамасыз етуге негізделген ІІ өңірлік форум өтті.Маңызды басқосуға Жамбыл облысының әкімі Ербол Қарашөкеев, облыс прокуроры Нұрғалым Әбдіров, полиция департаментінің бастығы Бақытжан Малыбаев, сондай-ақ еліміздің Бала құқықтары жөніндегі уәкілі Динара Закиева (бейнебайланыс режимі арқылы), мектеп директорлары мен ата-аналар арнайы қатысты.Жамбыл облысында ағымдағы жылдың 10 айында жоспарлы профилактикалық жұмыстардың нәтижесінде кәмелетке толмағандар арасындағы қылмыс деңгейі 7,7 пайызға, оларға қарсы жасалатын қылмыс 12,8 пайызға төмендеген.Өңірде өткен жылдан бастап «Komek Stop Bullying» жобасы іске асырылуда. Ақпараттық жүйенің QR кодтары 447 мектеп пен 20 мемлекеттік колледжге орнатылған. Жыл басынан бері «Komek Stop Bullying Jambyl» телеграм каналына 428 хабарлама түсіп, оның ішінде 115 құқық бұзушылықтың жолы кесілді.Дегенмен облыс әкімі соңғы жылдары жасөспірімдер арасындағы қылмыстың азаймай отырғанына алаңдаушылық білдірді. Ол күрмеуі қиын түйткілдің түбіне үңіліп, жауаптылардың әлі де өз міндетіне салғырт қарайтынын, ал бала тәрбиесіндегі білікті мамандар мен ювеналды инспекторлардың жетіспеуі мәселені күрделендіріп отырғанын айтты.Бұған дейін өңірде оқушылар арасындағы қауіп-қатерді анықтап, құқық қорғау органдарына дер кезінде хабарлаған білім беру ұйымдарының рейтингтік көрсеткішін оң бағалау тәжірибесі енгізілген болатын. Алайда, талдау қорытындысы мектеп әкімшіліктерінің оқыс оқиғаларды жасыратынын көрсетіп отыр.Ербол Қарашөкеев балалар арасындағы оқыс оқиғаларды жасыру – оның болашағына балта шабумен тең деп бағалап, жауаптыларға шегелеп нақты тапсырмалар берді.– Отбасы – тәрбие институты, ата-ана – бала тәрбиесінің негізі. Осы екі ұғымды естен шығармаған жөн. Ата-ана бала алдындағы өз жауапкершілігін толық сезінуі тиіс. Әлеуметтік желінің ықпалы артқан заманда ұл-қыздарымызға сапалы біліммен қатар, мықты тәрбие беру негізгі ұстанымға айналуы қажет.Ұрпақ тәрбиесі – ұлт болашағы! Бұл тұрғыда ата-анамен қатар, педагог қауымына да жоғары жауапкершілік артылатыны анық!Бабаларымыз «Ұяда не көрсең, ұшқанда соны ілесің» деп тегін айтпаған.Қазіргі кезде кейбір ата-ана өз баласының әлсіздігін мектептен, ұстаздан көріп жатады, ал мектептегілер керісінше ата-ананы сөгеді.Балаға білім мен тәрбие беру тек ұстаздың ғана емес, баршамызға ортақ парыз!Тәрбие сапалы болу үшін балаға мектептің, ата-ананың, қоғамның жан-жақты қамқорлығы қажет, — деген облыс әкімі ата-аналардың міндеттері мен жауапкершілігін арттыру мақсатында арнайы іс-шаралар қабылдауды тапсырды.Бұдан бөлек, беймезгіл уақытта балалардың көшеде жүруі және суицид мәселесіне де назар аударып, мектеп оқушылары арасында ақпараттық-түсіндіру жұмыстарын күшейтуді ескертті.Басқосуда облыс прокуроры Нұрғалым Әбдіров, ҚР Бала құқықтары жөніндегі уәкілі Динара Закиева, облыс әкімінің бірінші орынбасары Нұржан Календеров, облыс прокурорының орынбасары Бахтияр Мұхамеджан сөз сөйледі.Форум аясында облыс прокурорының орынбасары мен Бала құқықтары жөніндегі өңірлік уәкіл өзара ынтымақтастық туралы меморандумға қол қойды.Ақпарат көзі : https://www.gov.kz/memleket/entities/zhambyl/press/news/details/889998

2024 жылдың 28-29 қарашасында Қазақстан Республикасының Мәдениет және ақпарат вице-министрі Кочетов Евгений Дмитриевич Ақмола облысына жұмыс сапарымен барады. Сапар аясында облыс тұрғындарымен кездесу және азаматтарды жеке қабылдау жоспарланған.Азаматтарды жеке қабылдау Ақмол ауылында (2024 жылдың 28 қарашасында сағат 10:00, Наурыз көшесі, 34 (аудан әкімдігінің ғимараты) және Щучинск қаласында (2024 жылдың 29 қарашасында сағат 10:00, Абылай хан көшесі, 32) өтеді.Жеке қабылдауға жазылу үшін өтінімдерді қабылдау сағат 09:00-ден 18:00-ге дейін 8 (7172) 74-05-08, 8 (771) 592-81-14 нөмірлері бойынша жүзеге асырылады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/889990

Қарағанды индустриалды Университетінде өңірдегі алғашқы студенттер ассамблеясы жұмыс істей бастады. Оның ашылу бастамасы барлық деңгейдегі жастар жобаларын жан-жақты қолдауға қатысты Қазақстан халқы Ассамблеясының XXXIII сессиясында айтылған Қазақстан Президентінің тапсырмасын іске асырудың бір бөлігі болды.Ассамблеяның ашылуы Қарағанды облысы ҚХА-ның Saryarqa Jastary жастар форумының өткізілуімен тұспа-тұс келді, ол осы ойды іске асырудың маңызды кезеңіне айналды.Жаңа студенттер ұйымының активімен алғашқы кездесуге Қарағанды индустриалды университетінің проректоры Галина Сивякова, ҚХА кеңесінің мүшесі Тимур Жұмырбаев, "Ассамблея жастары" РҚБ төрағасының орынбасары Александр Урмашов, "Ассамблея жастары" РҚБ белсенділері және т. б. қатысты."Ой толғау" форматында қатысушылар Қазақстан халқы Ассамблеясының жастар қанаты қызметінің әлеуетті бағыттарын талқылады. Студенттік ассамблеяныі талантты жастарды қолдау платформасы ретінде дамуына ықпал ететін қолданбалы жобаларды жүзеге асыруға баса назар аударылды.ҚХА Кеңесінің мүшесі Тимур Жұмырбаев белсенді студент жастарды Қазақстан халқы Ассамблеясының, "Ассамблея жастары" РҚБ облыстық өкілдігінің қызметіне тартудың маңыздылығын атап өтті. Ол Студенттер ассамблеясын құру жалпыұлттық құндылықтарды дамытуға, мемлекеттік тілді үйренуге, сондай-ақ әлеуметтік маңызы бар және ұлттық бірлікті нығайтуға ықпал ететін жастар жобаларын қолдауға бағытталғанын атап өтті.Тимур Жұмырбаев жаңа бірлестік белсенділеріне Қарағанды индустриалды университетінің қабырғасында студенттер Ассамблеясының ресми ашылуы туралы куәлікті табыс етті. Ақпарат көзі : https://www.gov.kz/memleket/entities/karaganda/press/news/details/889560

Ұлттық тағам дайындау үшін Қарағанды облысы корейлерінің этномәдени бірлестігінің өкілдері 170 келі қырыққабат пайдаланған. Биыл "Кимчи" жобасы жетінші рет өтті, алғаш рет 2017 жылы болған.– Бұл жобаның мақсаты – дәстүрді сақтау және оны аға буыннан болашақ ұрпаққа жеткізу. "Кимчи" жобасы әрдайым ойын-сауық, отбасылық форматта өтеді, ешқандай насихат немесе ақылсыну болмайды. Кимчиді дайындау кездейсоқ емес: тағам ЮНЕСКО-ның материалдық емес мәдени мұра тізіміне енгізілген, – дейді корей этномәдени бірлестігінің төрағасы Лилия Ким.Биыл іс-шараны алғаш рет жастар ұйымдастырды. Дайын кимчи контейнерлерге салынып, достар мен таныстарға таратылды. Контейнерлерге арналған жапсырмалардың дизайнын да этномәдени бірлестіктің жас мүшелері жасаған.– Жоба ережелерінің бірі – тағамнан дәм тату үшін баршаға тарату. Биыл біз Қазақстан халқы Ассамблеясының мүшелеріне тараттық. Олар біздің жоба туралы біледі және оны күтеді. Достарымыз, әріптестеріміз, іскер топ мүшелеріміз де ауыз тиді, – деді Лилия Ким."Кимчи" жобасын одан әрі жүргізу жоспарлануда, өйткені оның басты мақсаты – әрқашан өзекті болып табылатын тәжірибемен бөлісу және ұрпақтар арасындағы өзара іс-қимыл.Ақпарат көзі : https://www.gov.kz/memleket/entities/karaganda/press/news/details/889585

Қарағанды облыстық бейнелеу өнері мұражайында 26 қараша сағат 16:00-де "Шахтинск квартеті" көрмесі ашылады. Онда төрт суретшінің кескіндеме, графика, сәндік-қолданбалы өнер техникаларында орындалған 50-ден астам жұмысы ұсынылады. Оларды Ә.Исмаилов атындағы балалар көркемсурет мектебіндегі жұмысы таныстырды және біріктірді.Жаңабек Жұмабеков — республикалық және облыстық Жас суретшілер байқаулары мен көрмелерінің қатысушысы және жүлдегері, ағаштан және мұздан жасалған мүсіндердің авторы. Портрет жанрында жұмыс істейді.Елена Нивиденская — "Үздік дизайнер" және "Мастер-ART" байқауларының жүлдегері, сәндік-қолданбалы өнер суретшілерінің республикалық көрме-жәрмеңкелерінің қатысушысы. Көрмеде оның киізден жасалған жұмыстары болады. Суретші жүнмен сурет салу техникасында суреттер салады. Нунофелтинг заманауи бағыттарымен тәжірибе жасайды. Жапон тілінен аударғанда "Нуно" — "мата", ал "фелтинг" — ағылшын тілінен шыққан сөз, киіз басу процесін білдіреді. Суреттердің негізі ретінде тек табиғи мата алынады – жібек, мақта, зығыр және т. б.Еркін Темірғалиев — облыстық, республикалық және халықаралық көркемсурет байқауларының бірнеше дүркін жүлдегері және лауреаты, Қарағанды СО Жас суретшілер одағының мүшесі, Еуразиялық Дизайнерлер одағының мүшесі. Оның жұмыстары Қазақстан мен Латвия мұражайларында қойылды. Ол мүсінге, кескіндемеге және графикаға қызығушылық танытады.Наталья Сайгушева — суретшілер мен бейнелеу өнері педагогтарының облыстық конкурстарының, республикалық және облыстық көрмелердің қатысушысы және жүлдегері. Ол негізінен пейзаждар салады. Көрмеге тушь, соус, пастельмен жасалған графикалық парақтар қойылады.Көрме 3 желтоқсанға дейін жалғасады.Мұражайдың мекен-жайы: Бұқар жырау даңғылы, 76.Ақпарат көзі : https://www.gov.kz/memleket/entities/karaganda/press/news/details/889699

Бүгін елордада "Гендерлік зорлық-зомбылыққа қарсы белсенді іс-қимылдың 16 күні" науқаны басталды. Іс-шаралар зорлық-зомбылықты болдырмау және алдын алу шаралары туралы халықтың хабардар болуын арттыруға бағытталған, деп хабарлайды қала әкімдігінің ресми сайты.Астанада биылғы 10 ай ішінде 102 нөміріне тұрмыстық негіздегі отбасылардағы агрессия фактілері бойынша азаматтардан 8000-нан аса қоңырау түсті. Бұл туралы 25 қараша – әйелдерге қатысты зорлық-зомбылықты жою үшін халықаралық күрес күніне орай елордадағы коммуникация қызметі алаңында өткен брифингте Астана қаласы полиция департаментінің әйелдерді зорлық-зомбылықтан қорғау бөлімінің жетекшісі, полиция подполковнигі Гүлмира Шрахметова мәлімдеді.Спикердің айтуынша, 10 айда зорлық-зомбылық фактісі бойынша құқық бұзушылыққа жол бермеу бойынша 7600-ден астам қорғау нұсқамасы шығарылды, құқық бұзушының мінез-құлқына 647 ерекше талап белгіленді. Профилактиканы күшейту мақсатында есепке алынатын контингентпен жұмыс жанданды.Зорлық-зомбылық жасалып жатқан, сондай-ақ өмірлік қиын жағдайға тап болған отбасыларды анықтау бойынша мобильді топтардың жұмысы жүргізілуде. Мысалы, барлығы 2000-нан астам локалды аралау жүргізілген. Соның ішінде өмірлік қиын жағдайдағы 64 отбасы анықталып, 75 ата-ана бала тәрбиелеу жөніндегі міндеттерді атқармайтындардың есебіне қойылды. ҚР ӘҚБтК-нің 127-бабы бойынша әкімшілік жауапкершілікке 121 адам тартылған.Естеріңізге сала кетейік, жыл сайынғы "Гендерлік зорлық-зомбылыққа қарсы белсенді іс-қимылдың 16 күні" халықаралық науқаны дәстүрлі түрде 25 қарашада Әйелдерге қатысты зорлық-зомбылықты жою үшін халықаралық күрес күні басталып, 10 желтоқсанда Халықаралық адам құқықтары күні аяқталады.Ақпарат көзі : https://www.gov.kz/memleket/entities/astana/press/news/details/889934

Астанада «Қазақстан мұғалімі-2024» Ұлттық сыйлығының финалистерін салтанатты марапаттау рәсімі өтті. Іс-шараға әлемнің әр түкпірінен келген мұғалімдер мен ғалымдар, сарапшылар қатысты, деп хабарлайды елорда әкімдігінің ресми сайты.Бұл Varkey Foundation бекіткен жаһандық мұғалімдер сыйлығы халықаралық байқауының қазақстандық кезеңі болып саналады. Онда бір миллион АҚШ доллары көлеміндегі бас жүлде білім саласына үлес қосқаны үшін әлемнің үздік мұғалімдеріне беріледі.Байқау аясында «Қазақстан мұғалімі-2024» ұлттық сыйлығының иегері анықталып, еліміздің он үздік ұстазы анықталды. Бұл байқаудың мақсаты – ұстаздық мамандықтың маңыздылығын көрсетіп қана қоймай, сонымен қатар үздік мұғалімдердің еңбегін халықаралық деңгейге көрсету.Биылғы байқау рекордтық көрсеткішті көрсетіп Қазақстанның түкпір-түкпірінен 2200-ден астам педагог қатысып, олардың арасынан 10 үздік ұстаз іріктеліп алынды. Олардың қатарында елордалық екі ұстаз бар. Олар Астана қаласындағы №71 мектеп-лицейінің математика пәні ұстазы Октябрина Жунис және Экономикалық лицейдің қазақ тілі және әдебиеті пәні ұстазы Нұржан Байсаков. Үздік он ұстаздың қатарына кірген елордалық екі ұстаздың әрқайсысына 1 миллион теңгеден ақшалай сыйлық табыс етілді.Ақпарат көзі : https://www.gov.kz/memleket/entities/astana/press/news/details/889957

Алматының коммуналдық қызметтері қала аумағын күннің суытуы мен мен қар жаууына белсенді дайындауда. 25-30 қараша аралығында қалада Тазалық апталығы өтеді. «Таза Қазақстан» жалпы республикалық бағдарламасы және «Алматы – біздің ортақ үйіміз» қалалық науқаны аясында көше-жол желісін, қоғамдық орындарды, өзен арналарын, көше урналарын және арық желісін ауқымды тазалау жүргізіледі. Орындалатын жұмыстардың сапасын бақылауды қамтамасыз ету мақсатында мониторингтік қызмет күшейтілді. Кемшіліктер мен бұзушылықтар анықталған жағдайда мердігер ұйымдарға жасалған шарттар шеңберінде әкімшілік айыппұлдар мен тұрақсыздық айыбы қолданылатын болады.Айта кетейік, «Алматы Тазалық» ШЖҚ МКК базасында өткен баспасөз туры барысында журналистер дайындық барысымен танысып үлгерді, онда жаңа машиналар ғана емес, сонымен қатар күн сайын қаланың игілігі үшін жұмыс істейтіндер де назар аудартты, олар тазалық пен ең қиын қысқы жағдайларда үздіксіз жұмыс жасалуын қамтамасыз етті.– Биыл «Таза Қазақстан» республикалық бағдарламасы аясында 32 заманауи жабдық сатып алынды. Бір арнайы техника 20 адамнан тұратын тұтас бригаданы алмастыра алады, бұл процесті едәуір жылдамдатады және тазалау тиімділігін арттырады, - деді «Алматы Тазалық» МКК директорының орынбасары Ертай Қасенов. Жаңашылдықтардың арасында заманауи сору жүйесі мен щеткаларды қолдана отырып, жолдардағы қоқыстарды тиімді кетіретін қуатты сыпырып-тазалау машинасы бар. Машина қоқысты бір уақытта тиеу технологиясымен жабдықталған, бұл тазалау жылдамдығын айтарлықтай арттырады және қайта-қайта аялдау санын азайтады. Бұл құрылғы үлкен көшелерде де, тар аллеяларда да жұмыс істеуге өте ыңғайлы, тіпті ең қиын жерлерде де мұқият тазалауды қамтамасыз етеді.Сыпырып-тазалайтын машинаТағы бір маңызды модель-қыста жұмыс істеуге арналған мамандандырылған техника, оны коммуналдық қызметтегілердің өздері «жолбарыстар»ьдеп атайды. Негізгі мақсаты - қалалық жолдар мен аэродромдардан қарды, мұзды, шаң мен қоқысты 80 км/сағ дейін жинау жылдамдығымен тазалап тастау. Машина көктайғаққа қарсы сұйық реагенттерді тарату жүйесімен жабдықталған, бұл қыс мезгілінде магистральдардағы қауіпсіздікті едәуір арттырады. Ықшамдылығымен және жоғары маневрлік қабілетімен ерекшеленеді. Сыртқы бұрылу радиусы 13,7 м, магистральдық көшелерді тазалау кезінде икемділік пен ұтқырлыққа қатысты барлық күткеннен асып түседі. Ені 5,4 м қар тазалағышпен, ұзындығы 4,2 м щеткамен және артқы жағында орналасқан үрлеу құрылғысымен жабдықталған.Қысқы жағдайда жұмыс істеу үшін жасалған мамандандырылған техникаТығыз қала құрылысы жағдайында тиімді жұмыс істеу үшін келесі техника өте жақсы. Ықшам, маневрлі және қуатты бұл машина тар көшелерді, аулаларды және жаяу жүргіншілер аймақтарын тазалауда тамаша жұмыс істейді. Ол құмды, жапырақтарды және қоқыстарды тиімді түрде жояды, қаланың ең қиын жерлерінде тазалықты сақтайды.Urban-Sweeper техникасыПарктегі көліктер қатарын толықтырған маңызды техникалардың бірі -бұл бірнеше функцияларды біріктіретін аралас жол машинасы. Ол щеткалар мен соқалар арқылы қар мен мұздан жол жабындарын тазартады және мұздың алдын алу үшін реагенттерді шашады. Көп функционалдылықтың арқасында бұл техника бір жабдықта барлық қажетті қысқы техникалық қызмет көрсету жұмыстарын орындауға мүмкіндік береді, бұл тиімділікті едәуір арттырады және тазалау уақытын қысқартады.Аралас жол машинасыДиректордың орынбасары Ертай Қасеновтың айтуынша, қыс мезгілінде қала көшелерінде 605 бірлік арнайы техника мен бір жарым мыңға жуық жол жұмысшысы жұмыс істейтін болады, бұл жолдарды да, тротуарларды да уақтылы және сапалы тазалауды қамтамасыз етеді.- Біздің кәсіпорынның міндеті - көшелер мен тротуарларды қар мен мұздан сапалы және уақтылы тазалау. Біз қазірдің өзінде қысқы кезеңнің кез келген сын – тегеуріндеріне дайынбыз және жаңа жабдықпен жүктелген міндетті қысқа мерзімде орындай аламыз, - деп атап өтті ол.Қаланың коммуналдық қызметтерінің қызметкерлері де жаңа жабдықты пайдалану бойынша мамандандырылған оқытудан өтті. Бұл қала көшелерінде қауіпсіздік пен тәртіпті қамтамасыз ете отырып, қыс мезгілінде жоғары технологиялық машиналарды тиімді пайдалану үшін қажет. Оқыту жаңа техникамен жұмыс істеудің техникалық аспектілерін ғана емес, сонымен қатар қауіпсіздік ережелерін, сондай-ақ ауа-райының ең қиын жағдайларында да үздіксіз жұмыс істеуге кепілдік беретін техникалық қызмет көрсету әдістерін де қамтыды.– Әріптестерімізбен оқудан өттік, онда техниканы әсіресе қар мен көктайғақ жағдайында қалай дұрыс басқару керектігі егжей-тегжейлі түсіндірілді. Әрбір машинаның өзіндік ерекшеліктері бар және оны қалай тиімді және қауіпсіз пайдалану керектігін білу маңызды. Біз жыл сайын жұмысымыздың сапасын жақсарту үшін жұмыс істейміз. Биылғы жылы жаңа техниканың арқасында біз одан да жылдам жұмыс істей аламыз. Біз қысты толық жарақтандырумен және ұйымдасқан командамен қарсы алуға дайынбыз, - деді «Алматы Тазалық» қызметкері Иван Черный.Коммуналдық инфрақұрылымды дамыту басқармасы басшысының орынбасары Жанат Жақыпбектің айтуынша, Алматыда қысқы кезеңде қалаға қызмет көрсету үшін 841 бірлік техника бар, жолдар мен тротуарларды тазартуға 1 400 жол жұмысшысы тартылуы мүмкін. 9 мердігер ұйымның күшімен «Алматы тазалық» МКК-ден басқа, жалпы ұзындығы 2,7 мың км-ден асатын 2318 көшені санитарлық тазалау жүргізіледі. Күндізгі кезеңде көшелерді тазалауға техниканың күнделікті шығуы 600-ге жуық бірлікті және 800 жол жұмысшысын, түнгі ауысымда 220 бірлік техниканы және 250 жол жұмысшысына дейін құрайды.Ақпарат көзі : https://www.gov.kz/memleket/entities/almaty/press/news/details/889913