Алматылық университет Еуропалық желінің (ENAEE)29-шы Бас Ассамблеясын өткіздіСәтбаев университетінде Орталық Азия білім беруді аккредиттеу қауымдастығы (CAAAE) және Инженерлік білім беруді аккредиттеу бойынша Еуропалық желі (ENAEE) ұйымдастырған маңызды іс-шаралар өтті. Осы шаралар аясында «ENAEE желісінің аккредиттеу агенттіктеріне қойылатын талаптар» атты халықаралық семинар және ENAEE 29-шы Бас Ассамблеясы өтті.Бас Ассамблея жұмысына Австрия, Франция, Италия, Испания, Ұлыбритания және басқа да жиыны 15 елден келген 16 аккредиттеу агенттігінің бірінші басшылары, сондай-ақ инженерлік білім беру ісінің сапасын қамтамасыз ету саласы бойынша отандық және халықаралық сарапшылар қатысты.Жиынды Сәтбаев университетінің ректоры Мейрам Бегентаев өзінің құттықтау сөзімен ашты. Ол халықаралық аккредитацияға университеттің қатысуы өте маңызды екенін атап өтті және бұл өңірде инженерлік білім беру сапасын арттыруға, сондай-ақ болашақта студенттердің мансап жолы табысты болуына ықпал етеріне сенім білдірді. Ректор сонымен қатар инженерлерді жоғары деңгейде даярлауды қамтамасыз етудің маңызды құралы ретінде EUR-ACE аккредитациясының маңыздылығын да атап өтті.ENAEE президенті Жозе Карлос Квадрадо өз сөзінде халықаралық ынтымақтастық қарым-қатынасты одан әрі нығайту және бүкіл Еуропа мен одан тыс жерлерде инженерлік білім беру бағдарламаларын аккредиттеуді дамыту өте маңызды екендігін атап өтті. Ол осы аймақтағы студенттерге жаңа мансаптық мүмкіндіктер аша отырып, Еуропалық одақ пен Орталық Азия арасындағы ынтымақтастық байланысты кеңейту мен тереңдету жөніндегі жұмыстарды жалғастыра беретінін айтты.Профессор Жозе Карлос Квадрадо – инженерлік білім беру бағдарламаларын, әсіресе, Орталық Азия бойынша аккредиттеуді жақсартуға бағытталған бірқатар ауқымды жобалардың бас сәулетшісі. Ал ENAEE іс-шаралары өз кезегінде Еуропа мен Орталық Азияны біріктіру ісінде маңызды рөл атқарады, сөйтіп өзара тәжірибе алмасу мен инженерлік білім берудің сапасын арттыру үшін өз платформасын ұсынады.Ақпарат көзі : https://www.gov.kz/memleket/entities/sci/press/news/details/889145

«Жидебай-Бөрілі» мемлекеттік мұражай-қорығы мен Абай атындағы Қазақ ұлттық педагогикалық университетінің ынтымақтастығы аясында «Абай мұрасы мен қазіргі мұражай: таным тоғысында, білім, ғылым және тәрбие» тақырыбында дөңгелек үстел өтті. Шара барысында ұлы ойшылдың туған жерінде арнайы ғылыми-мәдени орталық құру бастамасы айтылды.Жоба Абай мұрасын жастар арасында кеңінен насихаттаудың жаңа тәсілдерін іздестіру, оқу-ағарту, ғылыми және білім беру іс-шараларында заманауи мұражайлардың әлеуетін пайдалану, сондай-ақ өлкетануға басымдық беретін мәдени туризмді дамытуға бағытталған. Бастама музейге келуді арттыру және жаһандану жағдайында өскелең ұрпақты ұлттық тарих пен мәдениетті меңгеруге бағытталған.Ашылу салтанатынан кейін абайтанушылардың кездесуі өтті. Студенттерге Абай философиясы мен шығармашылығы туралы ашық дәрістер ұйымдастырылып, сарапшылар көрнекті ойшылдың мұрасы туралы өз зерттеулері мен бірегей пікірлерімен бөлісті.Ақпарат көзі : https://www.gov.kz/memleket/entities/abay/press/news/details/889142

«Жас сәтбаевшылар» жас ғалымдардың I конгресі:қазақстандық ғылымның болашағына қадамАлматы қаласында ҚР Президентінің жанындағы ҚР Ұлттық ғылым академиясының ұйымдастыруымен «Жас сәтбаевшылар» атты I Қазақстан жас ғалымдарының конгресі өтті. Бұл конгресс көрнекті ғалым, академик Қаныш Сәтбаевтың 125 жылдығына арналды. Іс-шараға Қазақстанның 1000-нан аса жас ғалымдары, сондай-ақ шет мемлекеттерде табысты қызмет етіп жүрген қазақстандық жас зерттеушілер өздерінің инновациялық жобаларын ұсынып, елдегі ғылымның өзекті мәселелерін талқылады.ҚР Президентінің жанындағы ҚР Ұлттық ғылым академиясының Президенті Ақылбек Күрішбаев өз сөзінде Қазақстанның болашағын қалыптастыруда жас ғалымдар маңызды екенін атап өтті: «Жас ғалымдар – ұлы ғалым, академик Сәтбаевтың ізбасарлары! Бүгінгі жиынның Қазақстан Ұлттық ғылым академиясының негізін қалаушы, ұлы ғалым Қаныш Имантайұлы Сәтбаевтың 125 жылдығына орай «Ғылым ордасы» ғимаратында «Жас сәтбаевшылар» атауымен өтуі өте маңызды. Бұл конгресс – биылғы жылы елімізде «Сәтбаев жылы» деп жарияланған бірқатар ғылыми іс-шаралардың соңғы кезеңі болды. Біздің басты мақсатымыз – Қазақстандағы ғалымдардың жан-жақты дамуы үшін ғылыми тұрғыда жоғары деңгейлі елдердегідей жағдай жасау».Конгресте Қазақстан Республикасының Мемлекеттік кеңесшісі Ерлан Қариннің құттықтау сөзі оқылды: «Жас ғалымдардың I конгресінің ашылуы – қоғамда білім мен ғылым культін қалыптастырып, оны барынша орнықтыруға ықпал ететін маңызды бастама. Мемлекет басшысы Қ.Ж.Тоқаев ғалымдарды қолдауға айрықша мән береді. Елімізде дарынды әрі еңбекқор жастардың сапалы білім алып, ғылыммен шұғылдануына барлық жағдай жасалған. Бүгінгі басқосу – соның айқын дәлелі».Қазақстан Республикасы Парламенті Сенатының төрағасы Маулен Әшімбаев өз сөзінде Президент Қасым-Жомарт Тоқаевтың ғылымды дамытуға үлкен мән беретінін, «Президентіміз атап өткендей, ғылым мен инновация – әділ, инклюзивті және бәсекеге қабілетті экономика құрудың басты тірегі» екенін атап өтті.Қазақстан Республикасы Парламенті Мәжілісінің төрағасы Ерлан Қошанов құттықтау сөзінде білім мен ғылымның ел дамуындағы стратегиялық бағыт екенін атап өтті: «Ал ғылыми зерттеулерді өрістету – экономикалық өсімнің, әлеуметтік прогресс пен тұрақты дамудың берік негізі», – деді Е.Қошанов.Қазақстан Республикасы Ғылым және жоғары білім министрі Саясат Нұрбек өз сөзінде жас ғалымдарды қолдауға бағытталған мемлекеттік шаралар туралы айтып, шетелдік зерттеу орталықтарында тағылымдамадан өтуге, халықаралық конференцияларға қатысуға мүмкіндік беретін бағдарламалар іске асырылып, және халықаралық деңгейдегі ғылыми қоғамдастыққа кірігуіне барлық жағдай жасалып жатқандығын атап өтті.Конгресте отандық ғылымды дамытудың өзекті мәселелері талқыланды. Қатысушылар ғылыми зерттеулердің басым бағыттарын анықтап, елдің қажеттілігіне сай ғылыми қызметтің ең перспективалы бағыттарын анықтады. Сондай-ақ ғалымдар халықаралық байланыстарды кеңейту және шетелдік сарапшыларды тарту мүмкіндіктерін қарастырды. Конгресте жас зерттеушілерді қолдаудың жаңа тәсілдері, атап айтқанда, гранттар, стипендиялар және шетелде тәжірибе жинақтау мүмкіндіктері ұсынылды.А.Күрішбаевтың айтуынша: «Жас ғалымдар кеңесі – бұл жас ғалымдардың үні ең жоғарғы деңгейде естілетін алаң». Ол сондай-ақ ғылым саласындағы жүйелі реформа туралы айтып, Академияның отандық ғылымды дамытудағы рөлін атап өтті: «Қазақстанда ғылым саласында зерттеулер мен инновациялардың тиімділігін арттыруға бағытталған кең ауқымды реформа жүргізілуде. Академия елдегі ғылыми қызметті үйлестіруші рөлін атқарып, ғылым мен білім интеграциясына ықпал етеді». Оның айтуынша, Академия халықаралық байланыстарды белсенді дамытып, Қазақстанға әлемнің жетекші ғалымдарын және заманауи технологияларды тартып жатыр. Жаңа зертханалар, гранттар мен стипендиялар арқылы жас ғалымдардың карьерасын дамыту үшін барлық жағдай жасалуда. Осының арқасында қазақстандық жас ғалымдардың халықаралық ынтымақтастығы белсенді дамып келеді.Конгресс барысында жас ғалымдардың заманауи инновациялық жобаларының көрмесі, пленарлық форум, «Қаныш Сәтбаев феномені» кітабының тұсаукесері, екінші күні бағыттар бойынша 8 секциялық ғылыми конференция, дөңгелек үстел және нетворкинг өтті. Ұлттық ғылыми кеңес мүшелері ғылыми жобаларын іріктеуден өткізген 100-ден астам ең үздік жас ғалым, сонымен қатар шетелде жұмыс істейтін жастар сөз сөйледі. Баяндамашылардың қатарында ҚР Президентінің жанындағы Ғылым және технология жөніндегі Ұлттық кеңестің, Ұлттық Құрылтайдың мүшелері бар. «Жас сәтбаевшылар» конгресі жас ғалымдарға өз зерттеулерін кең аудиторияға ұсынуға, Қазақстанның жетекші ғалымдарымен байланыс орнатуға, әлеуетті серіктестер мен жұмыс берушілермен кездесуге, ғылымдағы өзекті мәселелерді талқылауға және оларды шешу жолдарын табуға тамаша мүмкіндік берді. Әсіресе, ғылыми зерттеулер нәтижелерін коммерциализациялау мәселесіне ерекше назар аударылды.«Жас сәтбаевшылар» атты жас ғалымдардың I конгресі Қазақстан ғылымындағы маңызды оқиғаға айналды. Қатысушылар ғалымдар мен мемлекет бірігіп күш салу арқылы елдегі ғылыми зерттеулер деңгейін айтарлықтай арттыруға болатынына сенімді.Ақпарат көзі : https://www.gov.kz/memleket/entities/sci/press/news/details/889143

Бородулиха ауданына жұмыс сапары барысында облыс әкімінің орынбасары Жасұлан Сәрсебаев тиісті басқарма басшыларымен бірге аудандағы әлеуметтік нысандардың жай-күйі мен құрылыс барысын бағамдады.Делегация барған алғашқы нысан – Новопокровка ауылындағы Мұхтар Әуезов атындағы орта мектеп. 1980 жылы салынған ғимарат 3852,3 шаршы метр аумақты қамтиды. 18 оқу кабинеті бар. Мұнда 125 оқушы білім алуда. Делегация мүшелері «Новопокровка орта мектебі» КММ-де де болды.Бородулиха колледжі де назардан тыс қалмады. Мұнда 140 студент тамақтандыру, ауыл шаруашылығын механикалау және дәнекерлеуші мамандықтарында білім алуда. Колледж 16 кәсіпорынмен ынтымақтаса отырып, өз түлектерін 100 пайыз жұмыспен қамтамасыз етіп отыр.Делегация өкілдері қызмет алушылардың тұрмыс жағдайымен де танысты. Орталықтың жабдықталуын жетілдіру мәселесі, ерекше қажеттіліктері бар адамдардың жайлы және қауіпсіз тұруын қамтамасыз ететін көпфункционалды төсек-орындарды сатып алу жайы талқыланды. Орталық инфрақұрылымының басқа элементтерін жаңарту, атап айтқанда, мүмкіндігі шектеулі адамдар үшін қолжетімді ортаны құру және оңалту іс-шараларын өткізуге арналған үй-жайларды жаңғырту мүмкіндіктері қарастырылды.«Жоспарланған міндеттерді жүзеге асыру күш-жігерді біріктіруді талап етеді. Ауданды дамытуды басты назарда ұстап, әрбір тұрғынның жайлы өмір сүруіне жағдай жасау қажет. Әрбір басшы өзіне жүктелген жауапкершілікті түсініп, жүктелген міндеттерді жедел шешуі керек», – деді облыс әкімінің орынбасары.Бородулиха ауданының активімен өткен жиында облыс әкімінің орынбасары Жасұлан Сәрсебаев пен Ішкі саясат басқармасының басшысы Айдар Садырбаев өңірдегі қоғамдық-саяси тұрақтылықты сақтау мен толеранттылықты нығайтудың маңызын атап өтті. Бірлік пен өзара түсіністікті нығайтуға бағытталған нақты шаралар талқыға түсті. Олардың қатарында өңірдегі өзге диаспоралардың салт-дәстүрі мен әдет-ғұрпын кеңінен насихаттауға, бірлікті нығайтуға ықпал ететін қоғамдық бастамаларды қолдауға бағытталған мәдени шаралар да бар.Сапар нәтижесінде Жасұлан Сәрсебаев басқарма басшыларына ауданның әлеуметтік инфрақұрылымын жақсартуға үшін инвестиция тарту шараларын әзірлеуді, сондай-ақ аудан тұрғындары арасында толеранттылық, өзара іс-қимыл, өзара көмек идеяларын насихаттау бойынша жұмысты күшейтуді тапсырды.Ақпарат көзі : https://www.gov.kz/memleket/entities/abay/press/news/details/889138

Абай облысында жас мұғалімдерге арналған форум өтті. Жас мамандардың кәсіби өсуіне арналған «Жас ұстаз: табысқа апарар жол» облыстық форумның мақсаты – «Білімді ұлт» сапалы білім беру» ұлттық жобасын іске асыру аясында жас педагогтерге кәсіби дамудың жаңа мүмкіндіктерін көрсету, педагогикалық тәжірибелерін жетілдіруге бағыт-бағдар беру.Форумның алғашқы бөлімі мотивациялық бағытта өтті. Спикерлер ретінде өз салаларында табысқа жеткен мамандар шақырылды. Олар қатысушылармен жеке тәжірибелері мен жетістіктерін бөлісті.Форумның екінші бөлімі жас мамандардың кәсіби құзыреттілігін арттыруға бағытталған шеберлік сабақтарға жалғасты. Жас педагогтер білім беру процесіне инновациялық әдіс-тәсілдерді енгізуге бағытталған тренингтер мен практикалық жұмыстарға қатысты. Сабақтар барысында оқыту әдістемесін жетілдіру, заманауи технологияларды тиімді қолдану және оқушылардың танымдық қызығушылығын арттыру жолдары талқыланды. Қатысушылар математикалық стильдегі креативті тәсілдерді, ағылшын тілі сабақтарында жасанды интеллектіні қолданудың тиімділігін, орта буын оқушыларына көркем шығарманы оқытуда цифрлық технологияларды пайдалану жолдарын қарастырды.Сонымен бірге инклюзивті білім беру жағдайында оқу үдерісін бейімдеу, оқушыларды олимпиадаға дайындау стратегиялары және STEAM негізіндегі инженерия мен дизайндағы инновациялық шешімдерді әзірлеу тәсілдері бойынша тәжірибе алмасып, кәсіби құзыреттіліктерін арттырды.Биыл үшінші рет ұйымдастырылған шараға облыстың білім беру мекемелерінен 200-ге жуық жас педагог қатысты. Қатысушылар форумнан өз салаларындағы жаңа әдіс-тәсілдерді меңгеріп, кәсіби тәжірибелерін жетілдіруге арналған құнды ақпарат пен идеялар алды. Форум жас мамандардың өзара тәжірибе алмасу алаңына айналып, педагогикалық шеберліктерін дамытуға серпін берді.Ақпарат көзі : https://www.gov.kz/memleket/entities/abay/press/news/details/889139

Алматы қаласында Қазақстан мен Ресей арасындағы өзара ынтымақтастықты нығайту мақсатында волонтерлік ұйымдарының слеті ұйымдастырылды.Слеттің ашылуына ҚР Мәдениет және ақпарат министрі Аида Балаева, сондай-ақ Ресей Федерациясы Президентінің шет елдермен өңіраралық және мәдени байланыстар жөніндегі басқармасы басшысының орынбасары Антон Рыбаков, екі елдің волонтерлік қозғалыс өкілдері қатысты.Аида Балаева жиналғандарды алдағы Халықаралық волонтер күнімен құттықтап, мемлекет пен волонтерлік қауымдастық арасындағы серіктестіктің маңыздылығын атап өтті.«Қазақстан Президенті Қасым-Жомарт Тоқаев волонтерлер қызметіне үлкен көңіл бөлуде. Мемлекет басшысы, әсіресе, саладағы халықаралық ынтымақтастықты дамытуға баса назар аударып отыр. Бүгін біз Қазақстан мен Ресейдегі волонтерлер қозғалысы қуатты күшке, мейірімді азаматтардың жұдырықтай жұмылуының жарқын үлгісіне, халықтар арасындағы байланыстарды нығайтатын, маңызды әлеуметтік мәселелерді шешуге ықпал ететін қозғалысқа айналды деп сеніммен айта аламыз», – деді министр.Сондай-ақ, Аида Балаева Мемлекет басшысының бастамасымен 2020 жылдың Қазақстанда Волонтерлер жылы деп жарияланғанын, бұл волонтерлер қозғалысына қуатты серпін бергенін айтып, Қазақстандағы волонтерлікті мемлекеттік қолдау шараларына тоқталды.Мемлекеттік органдар жыл сайын волонтерлер қауымдастығымен бірлесіп 50-ден астам жобаны жүзеге асырып, бастамаларды іске асыру үшін 240 шағын грант береді.Бүгінде елімізде 240 мыңнан астам белсенді волонтер бар, 740-тан астам волонтерлік ұйымдар мен мыңнан астам бастамашыл топ жемісті жұмыс істеп келеді.Сөз соңында министр 2025 жылы табиғатты қорғауға бағытталған іс-шараларды өзекті ету мақсатында бірлескен экологиялық акциялар, көрмелер, семинарлар мен конференциялар өткізуді ұсынды.Волонтерлер слетінде сөз сөйлеген Ресей Федерациясы Президенті Әкімшілігінің шет елдермен өңіраралық және мәдени байланыстар басқармасы басшысының орынбасары Антон Рыбаков Қазақстанға іс-шараны ұйымдастырғаны үшін алғыс айтты.«Бірлескен жобаларды сапалық тұрғыда жаңа деңгейге көтерудегі негізгі бастамашылардың бірі – Қазақстан Президенті Қасым-Жомарт Тоқаев. Бұл біз үшін өте маңызды. Қазақстан волонтерлермен жұмыс істеуде үлкен тәжірибеге ие. Біз бұл бағытты толық қолдаймыз және бүгінгі кездесудің маңыздылығы келесі жылы, біз жоспарлағандай, Ресей мен Қазақстан волонтерлерінің «Тату көршілік» атты толыққанды форумы өтетінінде деп білеміз. Бұл біздің елдеріміз арасындағы бірлескен жобалар портфелін байыта түседі деп сенемін. Волонтерлік идеяны насихаттау және волонтерлік қозғалысқа көбірек адам тарту қоғамды біріктіруге, дәстүрлі моральдық және рухани құндылықтарды нығайтуға ықпал етеді», – деді ол.Слет аясында волонтерлер үшін танымдық дәрістер, семинар-тренингтер ұйымдастырылды.Сондай-ақ ресейлік қонақтарға Алматы қаласындағы комьюнити орталықтарының жұмысы таныстырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/889136

Астанада Денсаулық сақтау министрінің төрағалығымен ведомство алқасының кезекті отырысы өтті, онда ағымдағы жылдың 9 айында саланың негізгі көрсеткіштеріне қол жеткізу бойынша болжам ұсынылды. Алқаның жұмысына Министрліктің, республикалық клиникалар мен ғылыми институттардың, ведомстволық бағынысты ұйымдардың, денсаулық сақтау басқармаларының өкілдерін, медициналық жоғары оқу орындары ректорларын, әкімдердің орынбасарларын қоса алғанда, 500-ден астам адам қатысты.Алқа мүшелерінің алдында сөйлеген сөзінде Ақмарал Әлназарова Мемлекет Басшысы өзінің Қазақстан халқына Жолдауында ұлт денсаулығын нығайту және азаматтарды әлеуметтік қолдау жүйесін қайта жаңғырту үшін кешенді шаралар қабылдауды тапсырғанын, денсаулық сақтау саласының алдына жаңа міндеттер қойғанын атап өтті.Алқаның күн тәртібінде мынадай мәселелер талқыланды: ауылдық жерлерде медициналық көмектің қолжетімділігі мен сапасын қамтамасыз ету, салалық статистиканың жай-күйі және ұзақ мерзімді келісімшарттарды қоса алғанда, 2025 жылға арналған медициналық көмекті сатып алудың жаңа тәсілдері, сондай-ақ жалпы практика дәрігерлерінің біліктілігін арттыру.Денсаулық сақтау бірінші вице-министрі Т.Сұлтанғазиев ағымдағы жылдың шілде айында өңірлік ерекшелікті ескере отырып, негізгі индикаторлар мен іс-шараларды қамтитын Қазақстанның 2029 жылға дейінгі ұлттық даму жоспары бекітілгенін хабарлады. Алайда бірқатар индикаторлар жүйелік проблемаларға байланысты нашарлау жағына қайта қаралды, ал кейбір өңірлердің өз мақсаттарына жете алмау қаупі бар.Индикаторлардың орындалу қорытындыларын шығара отырып, министр аудан/қала деңгейіне дейін бөле отырып, көрсеткіштер мен іс-шараларға жетудің егжей-тегжейлі жоспарын әзірлеуді, бірқатар проблемалы өңірлерде ведомствоның бас штаттан тыс мамандарын тарта отырып, ҒЗИ, ҰО, медициналық ЖОО-лардың қатысуымен жұмыс топтарын құру мәселесін пысықтауды тапсырды.Ауылдық денсаулық сақтауды дамыту мәселелері бойынша Вице-министр Ержан Нұрлыбаев өз баяндамасында халықтың тығыздығын, климаттық-географиялық ерекшеліктерін және басқа да факторларды ескере отырып, ауылда медициналық көмекті ұйымдастыру тәсілдерін қайта қарау қажеттігін атап өтті.Ауыл халқына медициналық көмектің қолжетімділігі мен сапасын қамтамасыз ету үшін министр ауылдық денсаулық сақтау үшін телемедициналық қызметтерді дамыту жөніндегі ұлттық жобаны әзірлеуді қарауды, ауыл халқына дәрілік қолжетімділікті қамтамасыз ету жөніндегі, сондай-ақ ауылда жас мамандарды тарту, бекіту және кәсіби бейімдеу жөніндегі жол карталарын әзірлеуді, ауылдық денсаулық сақтаудың ерекшеліктерін ескере отырып, ауылдық денсаулық сақтау деңгейінде тариф белгілеу саясатын жетілдіруді тапсырды.Алқа отырысында талқылаудың үшінші маңызды тақырыбы халықтың денсаулығын қамтамасыз ету бойынша шешімдер құрылатын, ресурстар жоспарланатын және түрлі бағдарламалардың нәтижелері бағаланатын салалық статистиканың жай-күйі болды.Медициналық статистиканың сапасы мен тиімділігін арттыру үшін ведомство басшысы одан әрі өзектендіре отырып, салалық статистика саласындағы нормативтік актілерге ревизия жүргізуді тапсырды.Бұдан басқа, көпбейінді медициналық ұйымдардың базасында Ауруларды кодтау бюросының мамандандырылған орталықтарын құруды және осы бейін бойынша оқытылған мамандармен жасақтауды, медицина қызметкерлерін жаппай оқыту мен біліктілігін арттыруды ұйымдастыруды тапсырды.Отырыстың күн тәртібіндегі келесі тақырып жалпы практика дәрігерлерінің (ЖПД) біліктілігін арттыру болды, бұл әсіресе еліміздің кейбір өңірлерінде мамандандырылған көмектің қолжетімділігі төмен жағдайларда маңызды. Биыл ЖОО-да 9 мыңнан астам ЖПД оқытылды, бұл дәрігерлердің жалпы санының 78%-ын құрайды.«МСАК жалпы практикасы дәрігерлерінің құзыретін одан әрі күшейту және өңірлерді білікті медициналық кадрлармен қамтамасыз ету үшін 2025 жылды – біліктілікті арттыру жылы деп жариялаймын. Бұл ретте, біліктілікті арттыру тек медицина қызметкерлеріне ғана емес, сонымен қатар жоғары оқу орындары мен колледждердің профессорлық-оқытушылық құрамына да әсер етуі тиіс. Жұмысқа кірісетін жас мамандар үшін тәлімгерлікті бейімдеу және дамыту мәселесін пысықтау қажет», - деп атап өтті министр.Осы бағыт шеңберінде практик дәрігерлер мен жалпы практика мейіргерлері үшін қосымша білімнің білім беру бағдарламаларын әзірлеу және бекіту, интерндер мен резиденттердің, болашақ мейіргерлердің білім беру бағдарламаларында практикада цифрлық технологиялар мен электрондық медициналық жүйелерді пайдалануды көздеу, «Жалпы дәрігерлік бағдарлама (Отбасылық медицина)» мамандарын даярлау бойынша интернатура мен резидентураның білім беру бағдарламаларын өзектендіру тапсырмалары берілді.Ақпарат көзі : https://www.gov.kz/memleket/entities/dsm/press/news/details/889137

Аbai Regional FIRST Championship 2024 аймақтық кезеңі өтті. Чемпионатқа Астана, Алматы қалалары және Абай, Ақмола, Жетісу облыстарынан 25 команда, 160 қатысушы қатысты. Байқау FLL Explore, FLL Challenge және FIRST Tech Challenge бағыттары бойынша ұйымдастырылды.Чемпионат қорытындысы бойынша бірқатар команда халықаралық деңгейде ел намысын қорғау құқығын иеленді.Абай атындағы мамандандырылған мектеп-гимназия интернатының Region18 командасы 14-16 желтоқсанда Индонезияда өтетін әлемдік чемпионатқа жолдама алды. Электротехникалық колледждің Алаш командасы ақпанда Үндістанда өтетін чемпионатқа қатысады. FTC бағыты бойынша Alash, Region18, Rai, Tengri командалары Орталық Азия чемпионатында бақ сынайды. FLL Challenge бойынша 2 Ro Álemi және НЗМ командалары аймақтық жарыстарда ел намысын қорғайды. Explore бағыты бойынша №5 гимназия және BilKids командалары Орталық Азия чемпионатына жолдама алды.Ақпарат көзі : https://www.gov.kz/memleket/entities/abay/press/news/details/889134

Ақтау қаласы мен Бейнеу кентінде өткен салтанатты рәсімде әскерге шақырылған 753 азамат Отанға адал болуға ант берді.Олардың арасында теңіз бригадасының сарбаздары, материалдық-техникалық қамтамасыз ету базалары және барлау полкінің жауынгерлері болды.Іс-шараға әскери бөлімдердің басшылығы, әскери прокуратура, сарбаздар аналары комитетінің өкілдері, Қарулы күштердің ардагерлері, ауған жауынгерлері, сондай-ақ әскерге шақырылушылардың екі мыңнан астам туған-туыстары мен достары қатысты.– Бүгін сендер әскери ант бердіңдер, осы кезден бастап сендерге Отан алдындағы жауапкершілік жүктеледі. Қызмет атқарған жылы сендер азаматтық өмірде де пайдалы болатын құнды дағдыларды үйренесіңдер. Берген антқа адал болып, абыроймен қызмет етіңдер, – деді "Батыс" өңірлік қолбасшылығы әскерлері қолбасшысының орынбасары полковник Бегімбет Тәжібаев жас сарбаздарға арнаған сөзінде.Сарбаздардың ата-аналары да бір айда ұлдарын әскер мектебі қалай өзгерткенін айтып жатты.– Біз сендерді мақтан тұтамыз және нағыз ел қорғаны дейміз. Әскердегі қызмет сендердің жеке өсулерің үшін ғана емес, еліміздің қауіпсіздігін қамтамасыз ету үшін де маңызды, – деп атап өтті Павлодар облысынан келген қатардағы жауынгер Қайыржан Ақтоғайдың анасы Әсем Рамазанова.Әскердегі қызметтің қалай өтіп жатқаны жайлы Абай облысынан шақырылған қатардағы жауынгер Алмас Дәулетбек былай деді:– Теңіз жаяу әскерінде қызмет етемін. Мұндай абыройлы әскерде борышымды өтеу – үлкен мәртебе. Командирлердің сенімі мен туыстарымның үмітін ақтауға тырысамын. Елді қорғау үшін бәріне дайынбыз. Біз үшін елдің еркін, қуатты болуы және өркендеуі маңызды, – деді ол.Ресми бөлімнен кейін қонақтарға теңіз жаяу әскерлерінің көрсетілімдері, қару-жарақ пен әскери техниканың көрмесі және әскери бөлім бойынша экскурсия ұйымдастырылды. Келушілерге оқу сабақтары, казарма, асхана және спорт залы көрсетілді. Сарбаздардың ата-аналары да өздерін қызықтырған барлық сұрақтарға командирлермен кездесіп, жауап алды. Ақпарат көзі : https://www.gov.kz/memleket/entities/mod/press/news/details/889133

Арменияда грек-рим және еркін күрестен өткен 37-ші әлем чемпионатында әскерилердің қоржыны жеті медальмен толықты. Халықаралық әскери спорт кеңесі (CISM) ұйымдастырған біріншілік Карен Демирчян атындағы спорттық-концерттік кешенде өтті. Оған әлемнің 24 елінен 400 спортшы қатысты. Қазақстан құрамасы атынан еркін және грек-рим күресі бойынша 17 балуан мықтылығын сынға салды.Бұған дейінде қазақстандық құраманың Еревандағы сайыстарын мәлімдеген болатынбыз. Еркін күрестен ең жоғары чемпиондық марапатты ефрейтор Мейіржан Әшіров (70 келі) жеңіп алды. Қола медальдарды грек-рим күресінен кіші сержант Айдос Сұлтанғали – 60 келі салмақта және ҚР Қарулы күштерінің қызметкері Светлана Анкичева – әйелдер күресінен (50 келі) еншіледі.Келесі күндері ел қоржыны тағы екі алтынмен және қола медальдармен толықты. ҚР Қарулы күштерінің қызметкері Камиль Куруглиев 97 келі салмақ дәрежесінде Үндістан мен Моңғолиядан келген спортшыларды жеңді. Шешуші белдесуде ол Ираннан келген қарсыласынан басым түсті. Грек-рим күресінен ефрейтор Әлімхан Сыздықов ирандық балуанмен соңғы белдесуде өзінің артықшылығын дәлелдеп, әлем чемпионы атанды.Қазақстан Қорғаныс министрлігі Армия орталық спорт клубы құрамасының 86 келі салмағында еркін күрестен сынға түскен Рүстем Мырзағалиев пен әйелдер күресінен (55 келі) Марина Седняя Қазақстан құрамасының қоржынын қола жүлделермен толықтыра түсті.Ақпарат көзі : https://www.gov.kz/memleket/entities/mod/press/news/details/889135

Елордалық №103 мектепте STEM пәндері бойынша халықаралық олимпиада басталды, деп хабарлайды Астана әкімдігінің ресми сайты.Зияткерлік сайыс білім берудегі инновацияларды ілгерілету мақсатында ұйымдастырылған.Оған Қазақстан, Қырғызстан, Өзбекстан, Тәжікстан және Ресейден 200-ден астам оқушы қатысады. Қатысушылар бірнеше бағыт бойынша үздік атаққа таласады: инженерлік, Роботтар шайқасы, бағдарламалау және 3D модельдеу.Халықаралық олимпиадаға іріктеуге 1600 адам қатысты, соның ішінде 74 командада 200-ден астам қатысушы өтті.«Мен бұл олимпиадаға өткен жылдан бері қатысып келемін және бұл интеллектуалды турнирлердің өте маңызды деңгейі деп айта аламын. Біз турнирге дайындық барысында көп еңбектендік, жеңіске жетеміз деп үміттенеміз», - деді ташкенттік қатысушы Бохирбек Иброхимов.Ұйымдастырушылардың айтуынша, іс-шараның басты мақсаты — дәл және инженерлік ғылымдарға қызығушылықты арттыру, оқушылардың шығармашылық және зерттеу әлеуетін дамыту, сондай-ақ инженерия, бағдарламалау, 3D-модельдеу және робототехника сияқты STEM-пәндерді танымал ету.«Бұл — болашақ ғылым мен технология көшбасшыларының әсерлі жиыны. Мен олардың әрқайсысы кездейсоқ емес екеніне сенімдімін. Бұл жай ғана бәсекелестік емес, бұл - сіздің біліміңізді көрсетудің және практикалық дағдыларды алудың бірегей мүмкіндігі. Мұндай іс-шараларға қатысу біздің елдеріміздің жас буыны арасында техникалық білім беруді дамытуға серпін береді», - деп атап өтті елордалық Цифрландыру және мемлекеттік қызметтер басқармасының басшысы Дидар Сүлейманов.Олимпиаданы ұйымдастырушылар қолайлы жағдайдан басқа жеңімпаздарға бағалы сыйлықтар дайындады. «Ұйымдастырушылар бізге роботтарымызбен жұмыс істеу үшін барлық мүмкіндікті берді. Материалдары жоғары сапалы, өте қуаныштымын», - деп атап өтті Өзбекстаннан келген қатысушы Бекзод Пардабаев.Олимпиада Астана әкімдігінің Цифрландыру және мемлекеттік қызметтер басқармасының, «Астана Innovations» АҚ, «Дарын» РҒПО, елорданың Білім басқармасының және STEM Academia ғылыми-өндірістік компаниясының қолдауымен өткізіледі. Ақпарат көзі : https://www.gov.kz/memleket/entities/astana/press/news/details/889125

Биыл Жамбыл облысының құрылғанына – 85 жыл. Осы жылдар белесінде өңір экономикасы өрлеп, тұрғындар жаңа өндірістік және әлеуметтік нысандардың игілігін көріп келеді.Жыл басынан бері барлық аудандар мен облыс орталығында есімі елге белгі жерлестеріміздің қатысуымен мерейтойлық шаралар өтіп жатыр.«Көне Тараз» тарихи-этномәдени кешенінде өңірдің 85 жылдық белесіне арналған салтанатты жиын ұйымдастырылды.Дүбірлі мерекеге ортақтасуға еліміздің әр түкпірінен мемлекет және қоғам қайраткерлері, ғалымдар, өңірден шыққан мәдениет майталмандары арнайы келді.Алдымен құрметті қонақтар мерейтойға орай тігілген ақшаңқай киіз үйлерді аралап, қазақтың салт-дәстүрлері мен әдет-ғұрыптары, музыка өнері мен қолөнер бұйымдары, сондай-ақ ұлттық дәмдері қойылған көрмені тамашалады. Облыстық тарихи-өлкетану музейі археологиялық қазба жұмыстары кезінде табылған алтын және керамикалық бұйымдарды, ежелгі руна жазуының көшірмелерін көпшілік назарына ұсынды.Бұдан соң көрме залында өңірдегі айтулы оқиғалар, экономикалық өсімдер мен түрлі саладағы толайым жетістіктер топтастырылған бейнефильм жиналған қауымға ұсынылды.Кейін Жамбыл облысының тарихы мен рухани мұрасына негізделген кітаптардың тұсауы кесілді. Жамбыл облысы әкімдігінің қолдауымен «Тараз өркениет өрімдерінің куәгері», «Қарахан мен Айша: ғылыми деректер мен аңыздар» сынды кітаптар, отандық жазушылардың еңбектері жарық көрді.Ербол Қарашөкеев барша жамбылдықты айшықты оқиғамен құттықтай отырып, облыс осы уақыт бедерінде түрлі қиындықтарды еңсеріп, елеулі белестерді бағындырғанын атап өтті.– Жамбыл жері құдіретті Қарахан мемлекеті салтанат құрған, Қазақ хандығы іргесін көтеріп, туын тіккен киелі жер.Бұл өлке айыр көмей ақындарымен, орақ тілді шешендерімен, саз балшықтан сәулет өрген шеберлерімен, ғұлама ойшылдарымен, шежірелі қарттарымен, адал да ақкөңіл еңбекқор жандарымен мақтана алады.Жарқын істердің, берекелі бастамалардың жаршысы болған Жамбыл облысының келешегі кемел, болашағы бұдан да баянды болатынына сенімім зор. Бірлігі мен тірлігі жарасқан мерейлі мекеннің 85 жылдық тойы құтты болсын! — деді облыс әкімі.Президент Жарлығына сәйкес түрлі сала мамандарына мемлекеттік наградалар, атап айтқанда «Парасат», «Құрмет», ІІІ дәрежелі «Еңбек Даңқы» ордендері, «Ерен еңбегі үшін» медалі, Қасым-Жомарт Тоқаевтың Алғыс хаты салтанатты түрде табысталды.Бұдан бөлек, кәсібилігімен көзге түсіп, еңбекте зор жауапкершілік танытқан тұрғындарға «Облысқа сіңірген еңбегі үшін» белгісі, облыс әкімінің Құрмет грамотасы мен Алғыс хаты берілді.Барлығы 28 жамбылдық мерекелік марапатқа ие болды, оның ішінде еңбек ардагерлері, әлеуметтік сала мен полиция қызметкерлері, әскерилер, құтқарушылар, коммуналдық қызметшілер және этномәдени бірлестіктердің өкілдері бар.Сонымен бірге Ербол Қарашөкеев облыстың 85 жылдығы аясында ұйымдастырылған «Туған өлкем – Жамбылым!» атты республикалық байқаудың жеңімпаздары мен жүлдегерлеріне марапаттар табыс етті.«Мәдениет – асыл қазынам» мәдениет күндерінің қорытындысы бойынша үздіктер марапатталды. Байзақ және Сарысу аудандары үшінші орынның тұғырынан көрініп, арнайы техникаға ие болды. Жамбыл ауданы 2 орынды еншілесе, Талас ауданы бірінші орынды қанжығасына байлады. Қос ауданның шығармашылық ұжымына шағын автобус сыйға тартылды.Шара соңы мерекелік концертке ұласты.Ақпарат көзі : https://www.gov.kz/memleket/entities/zhambyl/press/news/details/889118

Бүгін Астанада бірлескен профилактикалық жұмыс аясында елордалық және ақмолалық құтқарушылар елорда мен оған іргелес орналасқан облыстың аудандарында бірлескен рейд өткізді. Негізгі мақсат - өрттердің алдын алу, жеке секторда адам өлімін азайту және төтенше жағдайлардың алдын алу үшін мүдделі органдармен өзара іс-қимыл тетігін пысықтау. Оның ішінде пешпен жылытылатын тұрғын үйлерге ерекше назар аударылады.«Елорданың тұрғын секторында және оған іргелес орналасқан елді мекендерде өрт жағдайын тұрақтандыру мақсатында «Біз қауіпсіздік үшін» атты жаппай профилактикалық рейдтер өткізілуде. Жеке үйлер жылу және электр аспаптарын пайдалану ережелерін сақтамау салдарынан жоғары қауіпті аймақ болып қала береді», - деп ТЖМ Өртке қарсы қызмет комитеті төрағасының орынбасары Ерлан Төрегелдиев атап өтті.Жылыту кезеңі басталғаннан бері елімізде 913 өрт тіркелді, 41 адам қаза тауып, 28 адам жарақат алды. Сондықтан мұндай профилактикалық шараларды өткізу аса қажет.Құтқарушылар волонтерлермен бірлесіп үйлерге барып, тұрғындармен әңгімелесулер өткізіп, түсіндіру жұмыстарын жүргізуде. Тұрғандарға: * жылыту құрылғыларын қалай дұрыс пайдалану керек; * жарамды электр сымдарының маңыздылығы; * өрт сөндіру құралдарының болуының қажеттілігі; * өрт болған жағдайда қалай әрекет ету керек дегендей негізгі қауіпсіздік ережелері түсіндірілді.Құтқарушылар өрт қаупін азайту және адамдардың өмірін сақтап қалу азаматтарымыздың қауіпсіздік мәдениетін арттыру арқылы мүмкін болатынын атап өтті.Ақпарат көзі : https://www.gov.kz/memleket/entities/emer/press/news/details/889121

2024 жылдың 10 айының қорытындысы бойынша елорда аумағында 4100-ден астам интернет-алаяқтық дерегі тіркелді. Оның 730-ы бойынша қылмыстық іс ашылып, сот органдарына жіберілді. Бұл туралы Астана қаласы ПД Криминалдық полиция басқармасының жедел уәкілі полиция аға лейтенанты Айдар Қонысбек айтnы, деп хабарлайды Астана әкімдігінің ресми сайты.Жалпы, Астанада жыл басынан бері интернет-алаяқтықпен айналысқан 67 адам қылмыстық жауапкершілікке тартылды, ал басқа да фактілер бойынша тергеу әрекеттері жалғасуда. Келтірілген залал 3 млрд теңгеден асады, оның 424 млн теңгесі өтелді.Криминалдық полиция басқармасының жедел уәкілі алаяқтар банк карталарының деректерін алудың түрлі әдісін ойлап тапқанын айтады.«Алаяқтар өздерін банк, құқық қорғау органдары немесе ұялы байланыс операторы ретінде таныстырып, түрлі себептерді айтады. Мысалы, қазір алаяқтарды ұстау бойынша арнайы операция өтіп жатыр деп алдап, соған орай телефонға хабарлама арқылы келген құпия сандарды айтуды өтінеді. Онлайн-платформалар арқылы жоқ тауар мен қызметті ұсынып, алдын ала төлем жасауды сұрайды. Одан бөлек жалған жеткізу қызметін ұсынып, сілтеме арқылы деректерді толтыруды сұрайды. Осылайша, адамның жеке деректеріне қол жеткізеді. Кейде ақша көбейтудің жалған жолдарын ұсынып, бағалы қағаздар мен криптовалютаға тиімді инвестиция жасауға болатынын айтады. Алаяқтар сайттар жасап, ойдан шығарылған сауда-саттық ұымдастырып, толықтырулар мен кірістер туралы мәліметтер көрсетіледі. Қылмыскерлер WhatsApp мессенджерінің аккаунтына заңсыз кіру әрекетін де жасап жатыр. Онда зиянды сілтемені пайдаланып, әлеуметтік желідегі аккаунтын иемденіп алады. Сол адамның атынан барлық нөмірге жазып, қарызға ақша беруін сұрайды. Міне, осындай алаяқтық түрлері қазір жиі жасалады», - деді ол.Полиция басқармасы өкілінің айтуынша, елорда тұрғыны алаяқтардың арбауына түсіп, 2 миллион теңгесінен айырылған.«Астана қаласының тұрғынына белгісіз адам хабарласып, өзің телефон операторының қызметкері ретінде таныстырған. Әрі қарай қолданыстағы SIM-карта мезгілі өтіп бара жатқанын айтып, пайдалану мерзімін ұзарту үшін телефон нөміріне келген құпия санды айтуды сұраған. Қала тұрғыны алаяқтың айтқанына сеніп, хабарлама арқылы келген сандарды айтқан. Кейін тұрғынға басқа біреу хабарласып, өзің банк қызметкері деп таныстырған. Оған «Жаңа ғана алаяққа алданып қалдыңыз, ақшаңызды қауіпсіз жерге аударыңыз» деп сендірген. Елорда тұрғыны алаяқтың айтқанына көніп, ол жіберген шотқа 2 миллион 100 мың теңге ақша аударып жіберген, - дейді Айдар Қонысбек.Қазір интернет-дүкендердің қызметі тұтынушыларға түрлі мүмкіндіктер қарастырып қойған. Дегенмен алаляқтар интернет-дүкендерін пайдаланып, жеке тұлғаларды алдап, ақша жымқырып жүр.«Елорда тұрғынына белгісіз нөмір хабарласып, интернет-дүкен атынан автокөлік ұтып алғанын айтқан. Жәбірленушіге көлікті рәсімдеу және сақтандыру үшін ақша керегін айтып, 600 мың теңгеге алдап кеткен»,- деді полиция өкілі.Жыл басынан бері 900-ден астам түрлі заңсыз мазмұндағы сайттар бұғатталуға жіберілген.«Интернет-алаяқтықтың алдын алуға болады. Ол үшін күмән тудыратын сілтемелерге өтпеу керек. Ешкімге жеке деректер туралы айтпау қажет. Тауарларды әртүрлі интернет-алаңдарында сатып алатын кезде алдын ала төлем жіберу үшін мәліметтердің түпнұсқалығына көз жеткізу керек. Әлеуметтік желідегі жеке мәліметтерді сақтау үшін қиын құпиясөздер қою қажет», - деп түсіндірді полиция өкілі. Ақпарат көзі : https://www.gov.kz/memleket/entities/astana/press/news/details/889107

Абай облысының әкімі Нұрлан Ұранхаев «Энергетик» шағын ауданы тұрғындарымен кездесті. Аймақ басшысымен бұған дейінгі кездесуде тұрғындар абаттандыру, ыстық су, көше жарығы, балалар алаңын салуға қатысты мәселелерді жеткізген болатын.Бұл жолғы кездесуде шағын ауданды дамытудың нақты жоспары ұсынылып, проблемаларды кешенді түрде шешу үшін Жол картасының әзірленгені, алдағы уақытта толықтырылатыны айтылды.Жол картасына жылу, электр, су желілерін инвентаризациялау, құжаттарын ретке келтіріп, басқа құзырлы ұйымдардың балансына беру секілді шаралар енгізілген. Шағын ауданда аллеялар, жаяу жүргіншілер жолы мен балалар алаңдарын салу, көшелерге жарық орнату, аулаларды жөндеу жоспарланып отыр.«Ұзақ жылдар бойы қордаланған мәселелер бір күнде шешілмейді. Біртіндеп ретке келтіреміз. Біз «Энергетик» шағын ауданының тұрғындарға жайлы, жолдары сапалы, аулалары жаңа болғанын қалаймыз. Сол үшін арнайы Жол картасын әзірледік. Жұмыстың орындалу мерзімін белгіледік. Қалып қойған дүниелер болса қосамыз. Толықтырамыз. Жол картасы бойынша атқарылған жұмысты өздеріңізге хабардар етіп отырамыз. Сіздер барлығын білуге тиіссіздер. Бірде бір мәселе назардан тыс қалмайды» деді Нұрлан Ұранхаев.Тұрғындар өз кезегінде өтініштеріне құлақ асып, мәселелерін шешу жолдарын қарастырғаны үшін алғыс білдірді.Ақпарат көзі : https://www.gov.kz/memleket/entities/abay/press/news/details/889115

Қазақстанға жұмыс сапары барысында РФ Ауыл шаруашылығы министрі Оксана Лут "Родина "Агрофирма" ЖШС-не, сондай-ақ Ақмола облысының Целиноград ауданында орналасқан аттас ауылға барды.Ауыл шаруашылығы қызметкерлерінің бірінші форумында Мемлекет Басшысы "Родина" агрофирмасы ауыл шаруашылығында бизнесті қалай дұрыс жүргізу керектігінің тамаша үлгісі екенін айтты."Бұл елорданың азық-түлікпен қамтамасыз етілуіне және аймақ экономикасының дамуына елеулі үлес қосып қана қоймай, ең бастысы, өз қызметкерлері мен ауыл тұрғындарына шынымен қамқорлық жасайтын озық кәсіпорын", - деп атап өтті Президент.Министр Оксана Лут та бұған көз жеткізді. Бас директор Иван Сауэр агрофирманың сүт және ет бағыттарында жұмыс істейтіні туралы айтты.2022 жылы шаруашылықта суаруға жаңа технология енгізу бойынша жоба басталды: 2 мың гектарға 22 дөңгелек үлгідегі суару машинасы орнатылды, ауыр жүк көліктері мен заманауи егіс кешендерін сатып алуды қоса алғанда, ауыл шаруашылығы техникасын жаңғырту жүргізілді.20 мың тоннаға арналған тұқым дәрілері және астық терминалын шығаратын өзінің шағын зауыты жұмыс істейді. 750 кВт жел қондырғысы арзан электр энергиясын өндіруді қамтамасыз етеді, бұл агрофирманың тиімділігін арттырады.Оксана Лут пен делегация мүшелеріне "Глобал-90" және "Елочка" сауу қондырғыларымен жабдықталған, қуаттылығы 88 тоннаға жуық, сондай-ақ қуаттылығы тәулігіне 50 тонна қайта өңдейтін сүт зауыты жабдықталған 2,3 мың бас голштейн тұқымына арналған сүт-мал шаруашылығы кешендері көрсетілді.Күн сайын 35-45 тонна сүт және сүт өнімдері астананың сауда нүктелеріне жеткізіледі.Ауыл дамыған инфрақұрылымымен және жоғары жұмыспен қамтылуымен ерекшеленетін үлгілі елді мекен болып табылады.2023 жылы бизнестің әлеуметтік жауапкершілігі аясында компания "Родина" ауылын қолдауға және дамытуға 791 млн теңге бағыттады. Елді мекенде екі мыңға жуық адам тұрады, толық қалалық инфрақұрылым, жайлы үйлер, кең көшелер, демалыс саябағы бар.Ақпарат көзі : https://www.gov.kz/memleket/entities/moa/press/news/details/889103

Қазақстанға жұмыс сапары барысында РФ Ауыл шаруашылығы министрі Оксана Лут аграрлық ғылымның дамуымен және ҚР агроөнеркәсіптік кешеніне кадрлар даярлау жұмысымен танысты.Делегация мүшелеріне А.И. Бараев атындағы Астық шаруашылығы ғылыми-өндірістік орталығының қызметімен ҚР ауыл шаруашылығы министрі Айдабек Сапаров таныстырды. Онда оларға қазақстандық астық шаруашылығының тарихы мен жетістіктерімен, қазақстандық ғалымдардың селекциялық жұмысының нәтижелері көрсетіліп, Орталық жұмысы Ресей тарапының қызығушылығын арттырды.Министр екі мемлекетте де ауыл шаруашылығын одан әрі тұрақты дамыту үшін негіз болып табылатын тұқым шаруашылығы мен селекция саласындағы Ресей мен Қазақстан арасындағы ынтымақтастықтың маңыздылығы мен перспективаларын атап өтті.Айта кетейік, А.И. Бараев атындағы ғылыми орталық Ресейдің ғылыми мекемелерімен интеграцияны белсенді түрде дамытуда, соның ішінде "Н.И. Вавилов атындағы Бүкілресейлік өсімдіктердің генетикалық ресурстары институты" ФМБҒМ-мен және Алтай ауыл шаруашылығы ҒЗИ" ФМБҒМ-мен тәжірибе және генетикалық ресурстармен алмасуда.Институттармен ғылыми-техникалық ынтымақтастық туралы шарттар шеңберінде ауыл шаруашылығы дақылдарының жаңа сорттарын құру бойынша бірлескен зерттеу жұмыстары жүргізілуде.Ресей делегациясының мүшелері С.Сейфуллин атындағы Қазақ агротехникалық зерттеу университетінде болды, ол Ресейдің 28 ғылыми және білім беру мекемелерімен, соның ішінде Сібір Мемлекеттік Геодезиялық Академиясы және Урал мемлекеттік аграрлық университетімен белсенді жұмыс істейді. ЖОО студенттері өз жобаларын таныстырды.Қонақтар ЖОО-ның материалдық-техникалық базасын, сондай-ақ зертханаларды тамашалады.Бүгінгі таңда ресейлік аграрлық жоғары оқу орындарында Қазақстаннан 64 студент, Ресейден 44 студент оқиды, бұл екі ел арасындағы ауыл шаруашылығы саласындағы білім беру ынтымақтастығына деген қызығушылықтың артып келе жатқанын көрсетеді.Ақпарат көзі : https://www.gov.kz/memleket/entities/moa/press/news/details/889105

Загреб, 2024 жылғы 22 қараша – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Хорватия Республикасына ресми сапары аясында экономиканың түрлі секторларын ұсынатын жетекші хорват компанияларының басшыларымен кездесу өткізді.Атап айтқанда, іс-шараға келесі фирмалардың өкілдері қатысты: «INA» – Балқан өңіріндегі ең ірі мұнай кәсіпорындарының бірі; «JANAF» – «Jadranski naftovod» мұнай құбырлары жүйесінің операторы; әртүрлі жүк түрлерін ауыстырып тиеуді қамтамасыз ететін Риека порты; «JGL» – дәрілік препараттардың кең желісін өндіруші Ядран-Гален зертханасы. Сондай-ақ кездесуге Хорватия экономика палатасының құрамына кіретін әрі туризм, сауда және консалтингтік қызметтер саласында жұмыс істейтін компаниялардың өкілдері қатысты.Кездесудің негізгі мақсаты екіжақты іскерлік серіктестіктің перспективаларын талқылау және ағымдағы геосаяси және геоэкономикалық шындықтарды ескере отырып, оны дамытудың жаңа бағыттарын айқындау болды.ҚР СІМ басшысы сұхбаттастарға Қазақстанда жүргізіліп жатқан негізгі саяси және әлеуметтік-экономикалық реформалар туралы ақпарат берді. Еліміздегі жүйелі қайта құрулар, сондай-ақ инфрақұрылымды, көлік пен логистиканы дамытуға ауқымды инвестициялар, цифрландырудың жоғары деңгейі Қазақстанда бизнес жүргізу үшін қолайлы жағдайларды қамтамасыз ететіні аталып өтті.Министр хорват компанияларын қазақстандық серіктестермен ынтымақтастық орнату мен дамытуға және іскерлік байланыстарды кеңейтуге шақырды. Іскерлік байланыстарды кеңейтудің негізі екі ел арасындағы барлық деңгейлерде жүргізілетін саяси диалогтың оң динамикасы болып табылатынына назар аударылды.Қазақстан мен Хорватияның тиімді геостратегиялық орналасуын назарға ала отырып, сауда-экономикалық және инвестициялық серіктестікті дамытуға екі тараптың Еуропа мен Азия арасындағы негізгі көлік-транзиттік хаб ретінде өз позицияларын нығайтуға ұмтылуы ықпал етеді.Кездесуге қатысушылар энергетика, көлік және логистика, агроөнеркәсіптік кешен, IT-технологиялар, білім беру, туризм сияқты салаларда өзара тиімді бірлескен жобалардың елеулі әлеуетінің бар болуы туралы ортақ пікірге келді.Осыған байланысты хорват компанияларына перспективалы жобаларды айқындау жөніндегі екіжақты тетіктері – Экономикалық ынтымақтастық жөніндегі үкіметаралық комиссия мен «Қазақстан-Хорватия» Іскерлік кеңесінің мүмкіндіктерін пайдалану ұсынылды, олардың келесі отырыстары Астанада 2025 жылы жоспарлануда.Кездесу қорытындысы бойынша өзара тиімді барлық салаларда екіжақты ынтымақтастықты дамыту мақсатында екі елдің үкіметтері мен іскер топтары арасында байланысты қолдау уағдаластығына қол жеткізілді. Ақпарат көзі : https://www.gov.kz/memleket/entities/mfa/press/news/details/889104

Құрманғазы атындағы Қазақ ұлттық консерваториясы 80 жылдық мерейтойын атап өтуде, осыған орай Александр Зацепин — танымал композиторлардың бірі де бірегейі, «Кавказ тұтқыны», «Бриллиантовая рука», «12 стульев», «Иван Васильевич кәсібін өзгертеді» фильмдері музыкасының авторы — жылы құттықтауын жолдап, шығармашылығының қалыптасуына туған оқу орнының қосқан үлесін атап өтті.«Мен 50-ші жылдары оқуға түстім. Евгений Григорьевич Брусиловскийден дәріс алдым. Профессура өте жақсы әрі қызықты болды. Мұнда көптеген адамдармен таныстым, композиторлар Рахмадиев, Мендығалиев, Мухамеджановтармен достық қарым-қатынаста болдым. Мен тек музыкалық мектепті аяқтап, басқаша білім алған жоқпын, ал осы консерватория маған көптеген нәрселерді үйретті. Рахмет! Оны өмір бойы есімде сақтаймын», — деді Александр Сергеевич.Композитордың үлкен өнерге деген жолы Алматы қаласынан басталды. Мұнда ол композиция мен пианино бойынша білім алды, «Қазақфильм» киностудиясында алғашқы қадамдарын жасап, алғашқы жетістігі болып саналатын «Біздің қымбатты дәрігер» (1958) фильмінің музыкасын жазған.80 жылдың ішінде Құрманғазы атындағы Қазақ ұлттық консерваториясы көптеген танымал музыканттарды тәрбиелеп шығарды. Есімі танымал түлектерінің қатарында Бибігүл Төлегенова, Әлибек Дінишев, Алан Бөрібаев, Абзал Мұхитдинов, Нұржамал Үсенбаева, Медет Шотабаев және басқа да көптеген музыканттар, соның ішінде Александр Зацепиннің өзі бар.Құрманғазы атындағы Қазақ ұлттық консерваториясының 80 жылдығына орай 30-дан астам іс-шарадан тұратын ауқымды марафон ұйымдастырылды. 3 желтоқсан күні Республика Сарайында гала-концерт өтеді, ал салтанатты тойлау 20 желтоқсанда Е. Рахмадиев атындағы Үлкен концерт залында гранд-финалмен аяқталады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/889098

Жетісу облысы Панфилов ауданында ұзындығы 32 шақырым болатын «Жаркент-Қорғас» автомобиль жолының негізгі учаскесі салтанатты түрде ашылды. «Нұр жолы» кеден бекетіне, «Қорғас» ХШЫО-ға, Алтынкөл станциясына, «Қорғас – Шығыс қақпасы» АЭА-ға баратын автокөліктер легі дәл осы жол арқылы жүреді, - деп хабарлайды Жетісу облысы әкімінің баспасөз қызметі.Автомобиль жолы қай кезде де елдің инфрақұрылымының маңызды бөлігі болып саналған. Мұндай негізгі артериялар тек жергілікті тұрғындардың ғана емес, көптеген туристердің де кедергісіз қозғалысына ықпал етіп, сонымен қатар экономиканың дамуына, басқа аймақтармен байланысты нығайтуға оң әсерін тигізеді. Бұл ретте шекаралас Панфилов ауданы да осы игі үрдістен тыс қалған жоқ.Ұзындығы 32 км болатын «Жаркент-Қорғас» жолы учаскесі Панфилов ауданының Қырыққұдық, Ақкент, Ават, Атамекен ауылдары арқылы өтеді. Бұл жол өткен ғасырдың 60-70 жылдарында салынғандықтан, соңғы жылдары көлік жүргізушілер мен жергілікті тұрғындарға біршама жайсыздық туғызған еді. Бұл ретте тұрғындар жөндеу жұмыстарының басталғанын қуана құп алып, құрылысшыларға барынша қолдау көрсетті.Құрылыс жұмыстары осы жылдың шілде айында басталып, белгіленген мердігер ұйымның жол жөндеушілері Жетісу облысы «ҚазАвтоЖол» ҰК» АҚ филиалының тапсырысымен жұмыстарды бес айдың ішінде аяқталды.- Өңірдің инфрақұрылымын дамыту және жолдардың сапасын көтеру мақсатында биыл біз Қорғас ауылынан Жаркент қаласына апаратын ескі жолға орташа жөндеу жүргіздік. Жоба аясында жаңа екі қабатты асфальт төсеу есебінен жол төсемінің сапасы жақсарды. Жол бойындағы елді мекендерде тротуар төселді, жарықтандыру, жаңа жол белгілері мен ақпараттық панельдер орнатылды, жол қозғалысының қауіпсіздігін қамтамасыз ету үшін белгілер қойылды, - дейді «Қазавтожол» АҚ облыстық филиалының директоры Нұрхат Ақылтаев.Жолдың ашылу рәсіміне қатысқан ауыл тұрғындары алғыстарын білдірді. Үлкеншыған ауылдық округінің Қоғамдық кеңесінің төрағасы Тойлыбай Домбағұлов «Жаркент-Қорғас» жолының ұзына бойына тротуарлар, жаяу жүргіншілер өткелдері, жарықтандыру жасалғаны ауыл тұрғындары үшін қолайлы жағдай туғызғанын атап өтті. Оның айтуынша, жол сапасын күн сайын көлігімен әрлі-берлі сапарлайтын Жаркент жүргізушілері де оң бағалап отыр.Жалпы облыс аумағында республикалық маңызы бар автожолдарды қайта жаңғыртуға бағытталған ірі жобалар іске асырылуда. «Үшарал-Достық» республикалық маңызы бар жол пайдалануға берілді. Жуырда «Талдықорған – Үшарал» автожолын қайта жаңарту аяқталады, ондағы жұмыстар 98%-ға орындалды, нысанды толық аяқтау 2024 жылдың соңына жоспарланған. Сондай-ақ, Республикалық маңызы бар «Сарыөзек – Көктал» және «Айдарлы-Көктал» автожолдарында жөндеу жұмыстары жүргізілуде.Сонымен қатар осы жылы облыстық маңызы бар автомобиль жолдарын дамытуға 24,9 млрд. теңге бөлінді. Бұл қаражатқа 29 жоба іске асырылуда, оның аясында 193,4 км жол жөнделеді. Осылайша, 2024 жылдың соңына қарай жақсы және қанағаттанарлық жағдайдағы жергілікті автомобиль жолдарының үлесін 94% жеткізу жоспарланған.Жетісу облысы әкімінің баспасөз қызметі.Ақпарат көзі : https://www.gov.kz/memleket/entities/zhetysu-oblysy/press/news/details/889095