Шымкентте қысқы маусымға 189 арнайы техника дайындалды. Бұл өткен жылмен салыстырғанда 34-ке артық. 2023 жылы қар тазалау жұмыстарына 155 техника тартылған болатын. Сонымен қатар, орталық көшелерді тазалауға мердігер ұйымдардың 2000-ға жуық қызметкерлері атсалысады. Қазіргі таңда мегаполисте жалпы ұзындығы 891 шақырымды құрайтын 443 магистральдық көше бар. Бұл көшелердің санитарлық және механикалық тазалығын мемлекеттік-жекеменшік серіктестік аясында бес мердігер ұйым қамтамасыз етеді. Алдағы қысқы маусымда Шымкенттің бес ауданында көшелерді қардан тазалау бірнеше ауысымда жүргізіледі. Мысалы, Абай ауданында тазалау жұмыстары сегіз бағыт бойынша ұйымдастырылады. Жалпы ұзындығы 357,2 шақырымды құрайтын 80 магистральдық көшені тазалау үшін 37 арнайы техника жұмылдырылады. Әл-Фараби ауданында тазалау жұмыстары бес бағытта жүзеге асырылып, жалпы ұзындығы 147,4 шақырым 109 магистральдық көшені тазалауға 39 арнайы техника тартылады. Сондай-ақ, Еңбекші ауданында қар тазалау бес бағыт бойынша жүргізіледі. Жалпы ұзындығы 221,6 шақырымдық 83 магистральдық көшені тазарту үшін 38 арнайы техника тартылмақ. Тұран ауданында жұмыс алты бағыт бойынша ұйымдастырылады. Жалпы ұзындығы 203,3 шақырымдық 111 магистральдық көшені тазалауға 36 арнайы техника тарту жоспарланған. Ал Қаратау ауданында ұзындығы 181,1 шақырымды құрайтын 83 көшені тазалау бес бағытта жүргізіліп, 39 арнайы техника жұмылдырылады. Сонымен қатар, қыс мезгілінде қарды шығару орындары аудан әкімдіктерімен келісіліп, арнайы бос жер телімдері белгіленеді. Жол мен тротуарлардың тайғақ болмауын қамтамасыз ету мақсатында коммуналдық қызметтер инертті материалдардың қомақты қорын әзірледі. Атап айтқанда, шамамен 24 800 текше метр құм және 13 200 тонна тұз дайындалды. Биыл инертті материалдар мемлекеттік-жекеменшік серіктестік аясында қосымша келісімшарт негізінде сатып алынды. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/882707

Сауран ауданында шағын кәсіпорындар саны артып келеді. Ол үшін жергілікті әкімдік тарапынан кәсіпкерлерге қолдау көрсетіліп жатыр. Өнеркәсіптік аймақтарды салу және дамыту бағытында басымдық берілуде. Ауданда 2024-2026 жылдар аралығында өндірістік аймақтар құрылмақ. Нақтырақ айтқанда, І кезеңде Шаға, Қарашық, Иассы, Шорнақ және Үшқайық ауыл округтерінен, ІІ кезеңде 2026 жылдан бастап қалған 7 ауыл округінде өндірістік алаңдар салу жұмыстары қолға алынды.Қазіргі уақытта Шаға ауылдық округінде орналасқан «Өндірістік парк» жобасының құрылысы қарқынды жүргізілуде. 30 гектар жерге 29 жобаны іске асыру жоспарланған. Бүгінде парк аумағында 10 браунфилдтің құрылысы аяқталды. Индустриалды аймақ құру үшін қосымша 70 гектар жер бөлініп, қажетті инфрақұрылыммен қамтамасыз ету бойынша құжаттандыру жұмыстары жүргізілуде.Сонымен қатар, Қарашық ауылынан шағын өндірістік алаңын құру үшін 10 гектар жер бөлініп, 21 кәсіпкермен меморандум түзілді. Атап айтқанда, жиһаз жасайтын 9 цех, құрылысқа қажетті материалдар өндіретін 10 цех, 1 тігін цехы және 1 қолөнер бұйымдарын өндіретін цех ашылмақ. Қазіргі уақытта кәсіпкерлер цех құрылыстарын бастап кетті. Өндіріс алаңына қажетті электр желісі тартылып, жолға тас төсеу жұмыстары жүргізілді.Еңбекші Дихан ауылынан «Иассы» өндірістік алаңына 9 гектар жер учаскесі бөлініп, 18 жобаны іске асыру жоспарлануда. Бүгінгі таңда 9 кәсіпкермен меморандум түзіліп, 2 кәсіпкер құрылыс жұмыстарын бастады. Мұнда жиһаз жасайтын, құрылысқа және тамақ өнімдеріне қажетті материалдар өндіретін цехтар ашылады.Одан бөлек, Шорнақ ауылынан 8 гектар жерге өндірістік алаң құрылып, 1 гектар аумаққа жиһаз жасау цехының құрылысы басталды. Бұл аймақта 10 браунфилд салынады. Жобаны жүзеге асыру 2024-2030 жылдар аралығына жоспарланған.Аудандағы Теке ауылынан «Үшқайық» өндірістік алаңы жобасының құрылысын жүргізуге 18 гектар жер бөлінді. Мұнда 2025-2030 жылдар аралығында 37 жобаны іске асыру жоспарлануда. Қазіргі таңда өндіріс алаңында құрылысқа қажетті материалдар өндіретін, сүт өңдейтін және тігін цехтарын салу үшін меморандум түзілді. Өндірістік алаңына басқа да жобаларды орналастыру үшін инвесторлармен келіссөздер жүргізу жұмыстары жалғасады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/882735

Түркістан облыстық клиникалық ауруханасының Эндокринологиялық орталығы 14 қараша күні ашық есік күнін өткізеді. Шараға келген барлық азаматтар қандағы қант деңгейін анықтай отырып, арнайы маманнан кеңес ала алады. Бұл туралы брифингте Түркістан облысы бойынша штаттан тыс бас эндокринолог Ғалия Батырханова мәлімдеді.– 14 қараша Дүниежүзілік қант диабетімен күрес күні. Қант диабеті - бұл қанда қант мөлшерінің көбейіп кетуінен пайда болатын дерт. Статистикалық мәліметтерге сүйенсек, қазіргі таңда елімізде қант диабетіне шалдыққан 500 мыңға жуық азамат тіркелген. Жыл сайын 30 мың адам қант диабетіне шалдығады. Қант диабетін ерте анықтау - оның асқынуларының алдын алуға мүмкіндік береді,-деді спикер.Сонымен қатар баспасөз мәслихатында балалар дәрігері-эндокринолог Арай Жайлаубаева облыстағы қант диабетіне қарсы күрес жұмыстарының барысы туралы баяндады.– Қазіргі таңда облыс бойынша ресми статистикалық мәліметтерге сүйенсек, 37 мың адам осы ауру бойынша тіркелген. Сырқаттың алдын алу мақсатында өңірдегі барша эндокринолог-дәрігерлерге қант диабетін емдеу бойынша қолданысқа енгізіліп жатқан жаңа тәсілдерді, жаңа дәрі-дәрмектерді түсіндіру мақсатында тұрақты түрде конференциялар өткізіп келеміз,-деді спикер.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/882737

Сауран ауданында 2024 жылдың 9 айында 42,2 млрд теңге көлемінде инвестиция тартылып, 21 жоба іске қосылған. Оның 12-і өңдеу өнеркәсібі бағытында болса, 9 жоба әлеуметтік салаға бағытталған. Бұл жайында Сауран ауданының әкімі Мақсат Таңғатаров БАҚ өкілдерімен өткен брифингте мәлімдеді.«Облыс әкімінің тапсырмасына сәйкес, аудан көлемінде 2030 жылға дейін жалпы құны 209,3 млрд. теңгені құрайтын 254 инвестициялық жобаны іске асырып, 4 162 жаңа жұмыс орнын құру көзделуде. Ауыл шаруашылық саласына инвестициялық құны 116,1 млрд теңге құрайтын 68 ірі жобаны іске асыру жоспарланған. Ал, өнеркәсіп саласында 53,1 млрд теңгені құрайтын, 85 жобаны іске асыру көзделіп отыр. Сонымен қатар, 2024 жылдың 9 айында ауданның жалпы өңірлік өнімі 78,7 млрд. теңгені құрап, өткен жылмен салыстырғанда 100,6%-ға артқан. Өңірлік өнімнің 75%-ы - ауыл шаруашылығы, 11,6%-ы - өнеркәсіп, 10,3%-ы - құрылыс және 3,1%-ы сауда саласының үлесінде» – деді аудан басшысы.Сондай-ақ, Мақсат Асылбекұлы аудан көлемінде өндірістік алаңдар құрылатынын жеткізді. 2024-2026 жылдары ауданға қарасты Шаға, Қарашық, Иассы, Шорнақ және Үшқайық ауыл округтерінен, ал 2026 жылдан бастап қалған 7 ауылдық округте өндірістік алаңдар құрылмақ. Олардың қатарында 13 жиһаз жасау цехы, 19 құрылысқа қажетті материалдар өндіретін цех, 2 тамақ өнімдеріне қажетті материалдар, 1 қолөнер бұйымдарын өндіретін және 1 тігін цехы бар.Сонымен қатар, ауданда азаматтарды тұрғын үймен қамтамасыз ету мақсатында 3 қабатты 24 пәтерлі жалпы саны 16 тұрғын үйдің құрылысы жоспарланған. Жыл соңына дейін 48 пәтерлі 2 тұрғын үй пайдалануға беріледі. Коммуналдық сала бойынша, жыл басынан бері ауданда 10 елді мекенге табиғи газ тартылып, газбен қамту үлесі 43,3%-ды құраған. Биыл Оранғай, Қарашық, Жүйнек ауылдық округтеріне магистральды газ құбырын салуға республикалық бюджеттен қаржы бөлініп, құрылыс жұмыстары жүргізілуде. 2024 жылы «Ауыл-Ел бесігі» жобасы аясында 31 ішкі көшеге, яғни 39,4 шақырым жолға орташа жөндеу жұмыстары жүргізілуде. Жұмыстар аяқталғанда елді мекен жолдарының жақсы және қанағатты жағдайы70%-ға жетпек.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/882739

13 қараша күні Маңғыстау облысының әкімі Нұрдәулет Қилыбай Мемлекет басшысы Қасым-Жомарт Тоқаевтың жарлығымен мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін бірқатар азаматты мемлекеттік наградалармен салтанатты түрде марапаттады.«Парасат» орденімен еңбек ардагеріБектұр Төлеуғалиев, «Құрмет» орденімен еңбек ардагері Қосай Жұбаниязов, жеке кәсіпкер Гүлмира Қуаншалиева марапатталды. «Ерен еңбегі үшін» төс белгісі «Бұрғылау» ЖШС еңбек және жалақы бөлімінің басшысы Тұрған Ахметоваға,«Өзенмұнайгаз» АҚ бас директордың бірінші орынбасары Нұржан Әбдірахмановқа, «Нұрмұхан Жантөрин атындағы облыстық музыкалық – драмалық театры» МКҚК әртісі Майра Бақбердиеваға, еңбек ардагері Өрендік Нұрбердіхановқа табысталды.«Шапағат» медалімен «Маңғыстаумұнайгаз» АҚ «Жетібаймұнайгаз» ӨБ басшысының орынбасары Жолдасбек Есжанов марапатталды.Аймақ басшысы Нұрдәулет Қилыбай марапат иелерін құттықтап, азаматтарға ел дамуына қосқан үлесі үшін алғыс білдірді.- Егемен еліміздің дамуына қосқан үлестеріңіз үшін алғыс айтамын. Бұл марапат — сіздердің көп жылғы еңбектеріңіздің, елге деген адал қызметтеріңіздің нәтижесі. Сіздердің табыстарыңыз баршамызға үлгі. Марапаттарыңыз құтты болсын, әрі қарай да жаңа биіктерді бағындыра беріңіздер! – деді Нұрдәулет Қилыбай.Айта кетейік, 25 қазан - Республика күніне орай өңір мен елдің әлеуметтік-экономикалық дамуына үлес қосқан 42 маңғыстаулық ҚР Президентінің Жарлығымен мемлекеттік наградалармен марапатталған болатын.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/882683

Астана әкімі Жеңіс Қасымбек Instagram парақшасында қалада іске асырылып жатқан инвестициялық жобалар туралы мәлім етті, деп хабарлайды елорда әкімдігінің ресми сайты.«Қаланың дамуына жеке инвестициялар да тартылып жатыр. Инвест штабтың отырысын өткізіп, инвесторлардың бірқатар ұсынысын қарадық.Мәселен, олар – құрама темірбетон конструкциялары, мамандандырылған жұмыс аяқ киімдері, толық циклді санитарлық-гигиеналық қағаздар шығаратын зауыттар салу бойынша жобалар.Сол сияқты Қазақстанның мәдени мұрасын насихаттауға бағытталған этно-демалыс базасы мен ат спорты кешенін, шахмат академиясын, балмұздақ пен өзге де азық-түлік өнімдерін өндіру, тарату және сақтау үшін логистикалық кешенді және т.б. салу бойынша жобаларды қарастырдық.Бұл жобалар қалаға 16 млрд теңге жеке инвестиция тартуға, 700-ге жуық тұрақты жұмыс орнын ашуға мүмкіндік береді.Өңірлік инвест штаб отырыстарын тұрақты негізде өткізіп тұрамыз. Біз әр жобаны жеке қарастырамыз әрі инвесторларға жан-жақты қолдау көрсетеміз», - деп жазды елорда әкімі.Ақпарат көзі : https://www.gov.kz/memleket/entities/astana/press/news/details/882713

Семейде «AMANAT» партиясынан Абай облысы бойынша сайланған әкімдердің І облыстық форумы өтті. Іс-шараға облыс әкімі Нұрлан Ұранхаев, мәслихат төрағасы Қуаныш Сүлейменов, қала мен аудан әкімдері, басқарма басшылары, депутаттар, қоғам белсенділері, мемлекеттік қызметшілер, аумақтық филиалдың төрағалары мен атқарушы хатшылары, бастауыш партия ұйымының төрағалары, аумақтық әйелдер қанатының кеңесшілері, студенттер мен бұқаралық ақпарат құралдарының өкілдері қатысты.Форум еліміздің бес аймағында «AMANAT» партиясы алғаш рет өткізіп отырған осындай жиындардың жалғасы деуге болады. Мұндай шараларды өткізу идеясы Президент Қасым-Жомарт Тоқаевтың 2020 жылғы 1 қыркүйектегі Жолдауында айтқан саяси реформалармен байланысты. Сол кезде Мемлекет басшысы ауыл әкімдерін тікелей сайлау қажеттігін жариялап, жергілікті өзін-өзі басқаруды дамытудағы маңызына тоқталған еді. Бүгінде бұл ауылдарға жаңа мүмкіндіктер ашты.Форумның ашылуында сөз сөйлеген облыс әкімі Нұрлан Ұранхаев ауылды жаңғыртып, әлеуметтік-экономикалық әлеуетін арттырудың маңызы зор екенін атап өтті.«Ауыл – әр азаматқа қымбат киелі мекен, алтын бесік. Мемлекет басшысы Қасым-Жомарт Тоқаев «Ауыл – ел бесігі. Ауылдағы жағдайды жақсарта алмасақ – бәрімізге сын» екенін атап өтіп, ауылды дамыту мәселесі туралы тиісті Жарлыққа қол қойған болатын. Өткен жылы Үкіметтің қаулысымен ауылдық аумақтарды дамытудың 2023-2027 жылдарға арналған тұжырымдамасы қабылданып, нәтижелі іске асырылып келеді. Абай облысы да ауылдық елді мекендерді дамытуға бағытталған бірқатар жобалар қолға алынды. Инфрақұрылымды дамыту, әлеуметтік қызметтердің сапасын арттыру, кәсіпкерлікті қолдау мәселелерінде жүйелі шаралар қабылдануда», — деді аймақ басшысы.Сыбайлас жемқорлыққа қарсы іс-қимыл агенттігінің облыс бойынша департаменті превенция басқармасының басшысы Нұржан Толыбеков, ҚР Президенті жанындағы Мемлекеттік басқару академиясы филиалының директоры Әсет Абжақов, Мемлекеттік сатып алу басқармасының басшысы Мақсұт Өмірханов және «018.kz» ақпараттық порталдың бас редакторы Думан Кенжеғазин форум аясында сөз сөйледі.Облыс әкімінің орынбасары Димитрий Гариков, ардагерлер кеңесінің төрағасы Мұрат Алин, сондай-ақ Курчатов қаласы мен бірнеше ауылдық округ әкімдері баяндамаларында өңірді дамытудың маңызды тұстарына тоқталды.Бүгінде облыста «AMANAT» партиясынан 133 әкім сайланды. Жыл басынан бері 31 ауылдық округ әкімдеріне сайлау өтті. Жыл соңына дейін тағы төрт ауданда сайлау болмақ.Ақпарат көзі : https://www.gov.kz/memleket/entities/abay/press/news/details/882700

Бүгін ҚР Көлік министрі Түркістан облысының тұрғындарымен кездесу өткізіп, азаматтарды жеке қабылдады. Жиын барысында Марат Қарабаев өткен жылы халықпен кездесуде көтерілген мәселелердің орындалу барысы туралы ақпарат бөлісті.Мәселен, «Түркістан-Сарыағаш» бағытындағы теміржол қатынасы қалпына келтірілді. Жалпы ұзындығы 64 шақырымды құрайтын республикалық маңызы бар «Шәуілдір-Түркістан» тас жолын қайта жаңғырту жұмыстары жалғасуда, оның 32 шақырымында жұмыстар аяқталды. Сондай-ақ, Түркістан (30 шақырым) және Сарыағаш (160 шақырым) қалаларының айналма жолдарын салуға тиісті ведомство тарапынан қаражат қарастырылған. Жұмыс 2025 жылы басталады. Қаражат бөлінді, конкурстық рәсімдер жүргізілуде.Сондай-ақ, министрдің ұсынысына сәйкес Түркістан облысы әкімдігінің жолаушылар көлігі және автомобиль жолдары басқармасының «Оңтүстік жолдары» мемлекеттік коммуналдық кәсіпорны қызметкерлерінің жалақысы көтерілді. Осылайша, 2024 жылдың 1 қаңтарынан бастап жалақы 15 пайызға өсті. Қызметкерлердің еңбек жағдайын жақсарту жұмыстары жалғасуда.Бүгінгі кездесу барысында өңір тұрғындары Астана және Алматы қалаларына әуе рейстерінің санын ұлғайту, сондай-ақ «Түркістан-Қарағанды» бағыты бойынша әуе рейстерін ашуды, «Түркістан-Самарқанд» халықаралық әуе рейсін қалпына келтіру және «Түркістан-Шымкент» теміржол қатынасын Ленгір станциясына дейін ұзарту мәселесін көтерді. Министрлік бұл ұсыныстарды құзырлы мемлекеттік органдармен және әуе компанияларымен бірлесіп жедел қарастырып, қажетті жұмыстар жүргізеді.Марат Қарабаев облыс халқымен кездесуден кейін өңір азаматтарын жеке қабылдады. Сұрақтар ұзындығы 55 шақырым болатын «Түркістан-Ащысай» тас жолын жөндеу және Ханқорған ауылдық округіндегі жергілікті маңызы бар жолды жөндеуге қатысты болды. Барлық өтініштер бақылауға алынып, министрліктің жауапты қызметкерлеріне тиісті тапсырмалар берілді.Ақпарат көзі : https://www.gov.kz/memleket/entities/transport/press/news/details/882727

Түркістан облысы Арыс қаласының орталық мұражайында инженерлік-саперлік батальонның әскери қызметшілеріне арналған арнайы экспозицияның ашылуы өтті.Батальонның жеке құрамы 44859 әскери бөлімінің аумағында оқ-дәрілерді залалсыздандырумен айналысады.Экспозицияның ашылу салтанатына ҚР Қарулы күштері инженерлік әскерлер департаментінің бастығы полковник Руслан Жансейітов, Арыс қаласы әкімінің орынбасары Алмаз Сұлтанов, «Жас сарбаз» әскери-патриоттық сыныптарының тәрбиеленушілері, ардагерлер, қала тұрғындары және әскери борышын орындау кезінде қаза тапқан әскери қызметшілердің туыстары қатысты. – Мұражайдағы бұл бөлім әскерилер мен қала тұрғындары үшін ерекше маңызға ие. Ерлердің есімдері біздің жүрегімізде мәңгі сақталады. Бұл экспозиция қызметі өміріне үлкен қауіп төндіретін адамдардың төзімділігі мен адалдығына арналған, – деді полковник Руслан Жансейітов.Бөлімде саперлік батальон мамандары қолданатын құрылғылар, снаряд түрлері және саперлер қызметінің ерекшелігін айқындайтын суреттер қойылған. Онда әскери борышын орындау кезінде қаза тапқан әскери қызметшілердің өмірбаяндарына да орын берілген. Іс-шараны ұйымдастырушылар мұражайға келушілерге саперлер қаруланған құралдар мен жабдықтар туралы да айтып берді.Ақпарат көзі : https://www.gov.kz/memleket/entities/mod/press/news/details/882676

Бүгін ҚР Мәдениет және ақпарат министрлігінде Біріккен Араб Әмірліктерінің Қазақстандағы Уақытша сенімді өкілі Аиша Әлмесмаримен екі ел арасында мәдениет саласындағы ынтымақтастықты нығайту мақсатында кездесу өткізілді.Кездесуде саладағы өзара іс-қимылды нығайту және екі мемлекет арасындағы мәдени байланыстарды дамытуға бағытталған бірлескен жобалар мен бастамаларды іске асыру мүмкіндіктері талқыланды.ҚР Мәдениет және ақпарат вице-министрі Айзада Құрманова Қазақстан мен БАӘ халықаралық ынтымақтастықты жүзеге асыру үшін қажетті шараларды белсенді түрде іске асырып жатқанын атап өтті. Вице-министр театр өнері саласында өткізілетін бірлескен іс-шараларға тоқталып, «Астана Операның» Біріккен Араб Әмірліктеріне алдағы гастрольдерін, қазақстандық дизайнерлер мен қолөнершілердің Шарджа қаласында өтетін Дүниежүзілік мәдени мұра апталығына қатысатынын айтты.Өз кезегінде Аиша Әлмесмари Біріккен Араб Әмірліктері екі ел арасындағы мәдени байланыстарды одан әрі дамытуға мүдделі екенін жеткізді.Сондай-ақ, кездесуде 2025 жылғы сәуірде Абу-Даби қаласында өтетін мәдени саммит туралы және Қазақстанның осы шараға шақырылғаны айтылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/882673

Қазақстан Республикасының Энергетика вице-министрі Әлібек Жамауов Қашаған ірі қазақстандық мұнай-газ кен орнының нысандарына жұмыс сапарымен барды.Сапар барысында вице-министр басқарған делегация құрлықтағы және теңіздегі өндірістік кешенмен егжей-тегжейлі танысты. Мұнай мен газ өндірудің ағымдағы деңгейіне, сондай-ақ Болашақ зауытынан күкіртті шығару процесіне ерекше назар аударылды.Консорциум басшылығымен жұмыс кездесуі аясында Каспий теңізінің төмендеу деңгейіне байланысты өзекті мәселелер және 2А және 2Б кезеңдерін қоса алғанда, кен орнын одан әрі дамыту перспективалары талқыланды.Естеріңізге сала кетейік, ағымдағы жылдың қазан айында Қашаған кен орнында Слаг-кетчерді (суды, газды және бөлшектерді мұнайдан бөлу үшін қолданылатын технологиялық жабдық) ауыстыру бойынша жоспарлы жөндеу жұмыстары сәтті аяқталды. Бұл маңызды технологиялық жабдық мұнайды тасымалдауға дайындау процесінде шешуші рөл атқарады.Сапар қорытындысы бойынша Әлібек Жамауов Қашаған жобасының Қазақстан экономикасы үшін маңыздылығын атап өтіп, кен орнының одан әрі табысты дамуына сенім білдірді.Ақпарат көзі : https://www.gov.kz/memleket/entities/energo/press/news/details/882651

Зияткерлік меншік құқықтарын қорғау және сақтау мәселелеріне арналған XII Халықаралық «Антиконтрафакт» форумы 2024 жылғы 5-6 желтоқсанда Қазақстан Республикасы, Астана қаласында өтеді. Форумның ұйымдастырушылары Қазақстан Республикасының Әділет министрлігі, Еуразиялық экономикалық комиссия және «Антиконтрафакт» халықаралық қауымдастығы болып табылады.«Қазақстан контрафакт деңгейін төмендетуге, инвестициялар тарту үшін қолайлы жағдайлар жасауға және адал бәсекелестікті қолдауға мүдделі ел болып табылады. Жалған өнім айналымына қарсы іс-қимыл-экономикаға деген сенімді нығайтуға және зияткерлік меншікті құқықтық қорғауды қамтамасыз етуге бағытталған мемлекеттік саясаттың басымдықтарының бірі. Қазақстан контрафакт деңгейін қысқартуға және орнықты экономикалық өсу мен инновациялық даму үшін жағдай жасауға ықпал ететін тиімді шараларды енгізу үшін халықаралық ұйымдармен және серіктестермен белсенді ынтымақтасады», - деп атап өтті Қазақстан Республикасының Әділет министрі Азамат Есқараев.Форумның іскерлік бағдарламасы аясында Пленарлық отырыс және құқықтық реттеу, кедендік бақылау, тұтынушылар құқықтарын қорғау, электрондық сауданы дамыту, сондай-ақ зияткерлік меншік саласында IT-технологияларын қолданудың өзекті мәселелеріне арналған 10 пікірталас сессиясы өтеді.«Еуразиялық экономикалық одақ аясында контрафактілік және жасанды өнімдердің өндірісі мен таралуына қарсы күрес жүргізу бойынша ең тиімді жүйе – бұл Одақтың барлық мемлекеттерінің бірлескен және үйлесімді күш-жігеріне негізделген шаралар жүйесі. Осы тұрғыда контрафактінің таралуымен күрес процесін синхрондауға және оңайлатуға көмектесетін механизмдерді дамытуға да көңіл бөлу қажет. «Антиконтрафакт» форумы аясында аталған мәселелерді кәсіби талқылау өтетініне сенімдімін, бұл Еуразиялық экономикалық одақ нарығында контрафактілік өнім айналымына қарсы күрестің тиімділігін арттыруға ықпал ететіні сөзсіз», - деп атап өтті ЕЭК экономика және қаржы саясаты министрі Бақыт Сұлтанов.Форумға Еуразиялық экономикалық одаққа мүше мемлекеттердің министрліктері мен ведомстволарының өкілдері, құқық иеленушілер, тауар өндірушілер, тұтынушылар ассоциациялары, сарапшылар, кәсіби қауымдастықтар мен БАҚ өкілдері шақырылады. Биыл сондай-ақ Үндістан, Иран, Қытай, Тунис, Түркменстан және Өзбекстан елдерінің дипломатиялық корпусы мен компаниялары да қатысуға шақырылды. Форум гибридті форматта өтеді, қатысушыларға офлайн және онлайн, бейне конференция арқылы қатысу мүмкіндігі ұсынылады.«Халықаралық «Антиконтрафакт» форумы зияткерлік меншік құқықтарын қорғау және контрафактілік өнімдерден нарықтарды қорғау саласындағы шешімдерді талқылау және әзірлеу үшін әлемдегі жетекші алаңдардың бірі ретінде танылды. Форум мемлекеттік органдар, бизнес, ғылыми қауымдастық және жұртшылық арасындағы конструктивті диалогты қолдайды. 2024 жылы Қазақстан Республикасының бұл шараны қабылдауға дайын екендігіне ризамыз. Уақыттың тығыздығына қарамастан, форум лайықты деңгейде ұйымдастырылып, жоғары деңгейде өтілетініне сенімдімім», - деп атап өтті «Антиконтрафакт» Халықаралық қауымдастығының президенті, РФ Мемлекеттік Думасының депутаты Владислав Резник.Форумның нәтижелері ЕАЭО мемлекеттері заңнамасын үйлестіруге қатысты ұсынымдарды қамтитын Қорытынды резолюцияда көрсетіледі. ЕАЭО-ға қатысушы елдердің БАҚ-тарында және халықаралық БАҚ-та кеңінен жариялау аса өзекті мәселелерге назар аударуды қамтамасыз етеді.Анықтама:«Антиконтрафакт» Халықаралық қауымдастығы 2011 жылдан бері ЕАЭО аумағында заңсыз тауар айналымына қарсы күресумен айналысып келеді, азаматтарды және бизнесті жалған өнімнен қорғау үшін ауқымды жобаларды жүзеге асырады. Қауымдастық ұлттық заңнамалар мен акциздерді синхрондауды қолдайды, федералды шаралар ұйымдастырады, мемлекеттік органдар мен қоғамдық ұйымдардың қызметіне қатысады, жастарды заңсыз өнімдермен күресуге тартуға және ЕАЭО елдерінде «сұр» нарықтың көлемін төмендетуге ықпал етеді.БАҚ үшін байланыс:«Антиконтрафакт» баспасөз қызметі+7 (962) 183-42-43Ақпарат көзі : https://www.gov.kz/memleket/entities/adilet/press/news/details/882738

Республикалық лекторий Шымкент қаласындағы Ө.Жәнібеков атындағы Оңтүстік Қазақстан педагогикалық университетінде Қазақстан Республикасы Мәдениет және ақпарат министрлігінің Этносаралық қатынастарды дамыту комитеті «Қоғамдық келісім» РММ-нің ұйымдастыруымен «Қазақстан халқы Ассамблеясы қоғамдық құрылымдарының қоғамдық келісім және жалпыұлттық бірлікті нығайтудағы рөлі» тақырыбындағы лекторий жалғасуда.Қоғамдық келісім мен жалпыұлттық бірліктің қазақстандық моделін дәріптеуді көздеген лекторийде алғашқы сөзді Қазақстан халқы Ассамблеясы Төрағасының орынбасары Лугмар Буларов мемлекеттік этносаясаттың басым бағыттары жөнінде айтып өтті.Лекторийді қалалық ішкі саясат және жастар істері жөніндегі басқармасының "Қоғамдық келісім" КММ-нің басшысы Нұркен Әлімқұловтың модераторлығымен өтті.Жиынға профессор, Қазақстанның халық әртісі Тілектес Мейрамов, Қазақстан Республикасы Президенті жанындағы Ұлттық Құрылтай мүшесі, Астана қаласындағы «Ахыска» түрік этномәдени орталығының» төрағасы Аскер Пириев, Ө.Жәнібеков атындағы Оңтүстік Қазақстан мемлекеттік педагогикалық университетінің департамент директоры, тарих ғылымдарының кандидаты Қайрат Анарбаев, Шымкент университетінің факультет деканы, география ғылымдарының кандидаты Алтынбай Сәулембаев сөз сөйлеп, қоғамдық келісім мен жалпыұлттық бірліктің мән-маңызын жастарға кеңінен түсіндірді.Кездесуге Ө.Жәнібеков атындағы Оңтүстік Қазақстан педагогикалық университетінің оқытушылары студенттер, «Ассамблея жастары» қатысуда.Ақпарат көзі : https://www.gov.kz/memleket/entities/shymkent/press/news/details/882637

Түркістан облысының әкімі Дархан Сатыбалды ақын, Қазақстан Жазушылар одағының мүшесі, халықаралық «Алаш» әдеби сыйлығының иегері Бақытжан Алдиярды қабылдады. Кездесу барысында руханият, әдебиет, Түркістанның дамуы жөнінде пікірлер мен ұсыныстар айтылды.– Түркістан – Түркі әлемінің мәдени және рухани орталығы. Өңірді дамытуда шығармашылық өкілдерінің де қосар үлесі мол. Руханият саласына қолдау көрсетіледі. Әдеби байқаулар өткізу де маңызды. Түркістан туралы ел жүрегінде қалатын әндер, өлеңдер, шығармалар жазылуы тиіс, – деген Дархан Сатыбалды ақынды 50 жылдық меретойымен құттықтап, арнайы құрмет көрсетті.Бақытжан Алдияр Түркістандағы оң өзгерістерге жоғары бағасын беріп, құрмет көрсеткен өңір басшысына алғысын білдірді. Оңтүстік өңірінде қаламы қарымды, шығармалары жалынды қаламгерлер шоғыры бар екеніне тоқталып, «ақын-жазушылардың кітаптарын шығару бағытындағы жұмыстар жалғасса», деген пікірін айтты.Ақын, ҚР жазушылар одағының Түркістан облысындағы уәкілі Айдар Сейдәзім талантты жастарды қолдау, әдебиет саласын дамыту жөнінде ұсыныстарын жеткізді. Облыс әкімдігінің қолдауымен 3 қаламгердің кітабы жарық көргенін атап өтті. Ал мәдениет басқармасының басшысы Әзімхан Қойлыбаев мәдениет және руханият бағытында атқарылатын жұмыстар мен бастамалар туралы баяндады. Жаңа жобалар қолға алынатынын жеткізді.Айта кетейік, 14 қарашада Түркістандағы «Фараб» кітапханасында Түркістан облысы әкімдігінің қолдауымен Бақытжан Алдиярдың 50 жылдық мерейтойына арналған «Аналардың анасы» атты шығармашылық кеш өтеді. Әдеби кешке ҚР Жазушылар Одағының өкілдері, танымал ақындар мен жазушылар қатысады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/882609

Жұмыс іздеп жүрген Қарағанды тұрғындары онлайн-жәрмеңкеде қолайлы бос орынды таңдай алады. Жәрмеңке 15 қарашада tanda.enbek.kz порталда өтеді.Сайтта 230-дан астам бос жұмыс орны бар. Жұмыс берушілер арасында "Қарағанды Су" ЖШС, Қарағанды облысы бойынша "Алматы қаласының Көлік холдингі", "Атлант-2000" тәрізді компаниялар бар. Қоғамдық тамақтану, құрылыс, ТКШ, білім беру, Көлік және логистика, сауда салаларында да жұмыс ұсынылады.Өтініш берушілер түйіндемені толтырып, жұмыс берушімен тікелей үйден байланысқа шыға алады. Онлайн чат арқылы жұмыс берушіге нақты уақыт режимінде сұрақтар қоюға болады. Сұхбатқа шақыру алу немесе бейне сұхбат алу мүмкіндігі де бар.Жәрмеңкені өткізу уақыты: 11:00-ден 17: 00-ге дейін. Ақпарат көзі : https://www.gov.kz/memleket/entities/karaganda/press/news/details/882452

Алматыда «Тәуелсіздік ұрпақтары» грантының жеңімпаздарын салтанатты марапаттау рәсімі өтті. Шара қалалық Жастар саясаты басқармасының қолдауымен ұйымдастырылды. Жастардың бастамаларын қолдауға бағытталған бұл грантқа 150-ден астам өтінім келіп түскен. Нәтижесінде комиссия шешімімен 6 бағыт бойынша 13 ерекше жоба ұсынған талантты жастарға 1 000 000 теңгеден үлестірілді. Атап айтқанда, грант иегерлері ғылым, мәдениет, ақпараттық технологиялар, бизнес, медиа және волонтерлік салалары бойынша марапатталды.«Еліміз тәуелсіздік алғаннан бері рухы мен ойы еркін жастардың тұтас буыны өсті. Отанымыздың өркендеуіне өз үлестерін қосып жатқан Тәуелсіздік балаларының толқыны өсуде. Президенттің тапсырмасымен осы гранттар жас қазақстандықтарды қолдау мақсатында жүзеге асырылып келеді. Бұл олардың тың идеялары мен жобаларын жүзеге асыруға мүмкіндік береді», — деп атап өтті Алматы қаласы Жастар саясаты басқармасының жастарды әлеуметтендіру және жастар бастамаларын қолдау бөлімінің басшысы Нұрсұлтан БекқайыровЖобаның басты мақсаты – жастардың белсенді әрі шығармашыл қауымдастығын қалыптастыруға бағытталған бастамаларды қолдау, сондай-ақ жастардың қоғамдық маңызды шараларға қатысуы арқылы Отанға деген сүйіспеншілігі мен патриоттық сезімін дамыту дейді ұйымдастырушылар.«Бұл жобаның басталғанын әлеуметтік желілерден көріп, бағымды сынап көрейін деп шештім. Комиссия шешімінен кейін ұйымдастырушылар “жеңімпаз атандыңыз” - деп, хабарласқанда қатты қуандым. Алдағы уақытта жобаны жастарға және қоғамға пайдасын тигізу үшін барынша сапалы жасауға тырысамыз», - деді бизнес бағыты бойынша грант иесі Нүсіпбаева Жұлдыз.Салтанатты шараға қоғам белсенділері, үкіметтік емес ұйымдарының өкілдері және белсенді қала жастары қатысты. Марапаттау рәсімінен кейін қонақтар үшін концерттік бағдарлама ұйымдастырылды. Ақпарат көзі : https://www.gov.kz/memleket/entities/almaty/press/news/details/882558

Қазақстан Республикасы Көлік министрі Марат Қарабаев Жамбыл облысының тұрғындарымен кездесу өткізеді2024 жылғы 14 қараша күні ҚР Көлік министрі Қарабаев Марат Кәрімжанұлы Жамбыл облысының тұрғындарымен кездеседі.Күн тәртібіне сәйкес ҚР Көлік министрлігінің құзыретіне кіретін мәселелер қаралады.Кездесу сағат 09:30-де Тараз қаласы, Төле би көшесі, 23/Б мекенжайы бойынша орналасқан «Достық үйінде» өтеді.Өңір тұрғындары мен бұқаралық ақпарат құралдары өкілдерін кездесуге шақырамыз.Толық ақпарат үшін телефон: +7 707 808 60 70, Дәулет СәмбетбаевАқпарат көзі : https://www.gov.kz/memleket/entities/transport/press/news/details/882556

Азық-түлік корпорациясының еншілес компаниясы – «Астық қоймалары» ЖШС ауыл шаруашылығы тауарларын өндірушілердің астығын қабылдау мен сақтауды қамтамасыз ету үшін өзінің элеваторлық қуатын ұсынады.Ақмола және Солтүстік Қазақстан облыстарында орналасқан төрт лицензияланған астық базасының жалпы сыйымдылығы 491,7 мың тоннаны құрайды. Бүгінде бұл элеваторларда Азық-түлік корпорациясының 139,8 мың тонна көлеміндегі дәнді және бұршақ дақылдарын қоса алғанда 314 мың тонна сақталуда.«Астық қоймалары» ЖШС астық қабылдау пункттерінің жүктемесі 64%-дан аспайтынын ескеріп, ауыл шаруашылығы тауарларын өндірушілер компанияның элеваторларына қосымша тағы 177 мың тонна астық орналастыра алады. Қазіргі уақытта кәсіпорын тәулік бойы жұмыс істеуде, АҚП-да астықты қабылдау, кептіру, тазарту және сақтау қызметтерін көрсетеді.Елімізде ауыл шаруашылығы тауарын өндірушілерге астық қолхаттарын беруге құқығы бар барлығы 191 жеке лицензияланған АҚП жұмыс істейді. Бұл нан базаларының жиынтық сыйымдылығы 13,2 млн тоннаға жетеді.ҚР Ауыл шаруашылығы министрлігінің деректері бойынша республиканың барлық астық қоймаларының жалпы қуаты 30 млн тоннаны құрайды. Бұл ретте лицензияланған АҚП 42%-ға жүктелген және қосымша 7,6 млн тонна астықты орналастыруға қабілетті. Негізгі астық егетін өңірлерге келетін болсақ, мұндағы бос қуаттардың көрсеткіштері келесідей: элеваторлардың бос ауданы Ақмола облысында – 2,5 млн тонна, Солтүстік Қазақстан облысында – 1,6 млн тонна, Қостанай облысында – 1,6 млн тонна құрайды.Ағымдағы сақтау қуаты егін жинау мен сақтауды тиімді басқару үшін жеткілікті. Элеваторлар жұмысының мәселелері тұрақты бақылауда, АШМ туындаған барлық жағдайларға жедел ден қоюға дайын.Айта кетейік, АШТӨ нақты уақыт режимінде Qoldau жүйесінде элеваторлар мен астық қоймаларының картасы бойынша барлық өзекті ақпаратты қадағалай алады.Астықты сақтауға немесе элеваторлардың жұмыс істеуіне байланысты мәселелер туындаған кезде ауыл шаруашылығы басқармасына жүгіну қажет:Қостанай облысы:- облыс әкімінің орынбасары Әбенов Арман +7 (7142) 575-010- Ауыл шаруашылығы басқармасының басшысы Бекмұхамедов Ибрагим +7 (7142) 54-27-95Солтүстік Қазақстан облысы:- облыс әкімінің орынбасары Марат Тасмағанбетов +7 (7152) 46-46-84- Ауыл шаруашылығы басқармасының басшысы Токужинов Даурен +7 (7152) 53-36-20Ақмола облысы:- облыс әкімінің орынбасары Балпан Мұрат +7 (7162) 29-72-80- Ауыл шаруашылығы басқармасының басшысы Әлімжанов Кеңеш + 7 (7162) 72-28-00.Ақпарат көзі : https://www.gov.kz/memleket/entities/moa/press/news/details/882650

ҚР Еңбек және халықты әлеуметтік қорғау министрі Светлана Жақыпова ҚР Парламенті Мәжілісінің депутаттарымен кездесу өткізді. Оған ҚР Президенті Әкімшілігінің, ҚР Оқу-ағарту министрлігінің, ҚР Мәдениет және ақпарат министрлігінің өкілдері қатысты. Кездесу барысында қиын өмірлік жағдайдың деңгейін анықтау және балалы отбасыларға әлеуметтік қолдау шараларын көрсету мәселелері талқыланды.Министр мемлекеттік органдардың ақпараттық жүйелерінің деректері негізінде әлеуметтік әл-ауқат деңгейін айқындауға және мұқтаж азаматтарға мемлекеттік қолдау шараларын жедел проактивті форматта көрсетуге мүмкіндік беретін Отбасының цифрлық картасының мүмкіндіктерін көрсетті.«Қазіргі уақытта әлеуметтік саясат, оның ішінде ана мен баланы қолдау жөніндегі саясат еліміздің бірнеше орталық мемлекеттік органдарында қалыптастырылып, жергілікті деңгейде іске асырылуда. Біздің басты міндетіміз – отбасының жағдайын жақсарту және өмір сүру сапасын арттыру», – деп атап өтті Светлана Жақыпова.Кездесуге қатысушыларға балалы отбасылар үшін әлеуметтік көмек пен әлеуметтік сақтандырудың кешенді моделі туралы ҚР ЕХӘҚМ Әлеуметтік көмек департаментінің директоры Асқар Аймағамбетов баяндады. Оның айтуынша, қазіргі уақытта балалары бар 2 млн–ға жуық қазақстандық отбасы республикалық бюджеттен берілетін жәрдемақылармен және отбасының табысына қарамастан тағайындалатын Мемлекеттік әлеуметтік сақтандыру қорынан (бұдан әрі – МӘСҚ) төленетін әлеуметтік төлемдермен қамтылған. 2024 жылы осы мақсаттарға 1,5 трлн теңгеден астам қаржы бөлінді (оның ішінде республикалық бюджеттен 750 млрд теңге, Мемлекеттік әлеуметтік сақтандыру қорынан 807 млрд теңге).«Егер базалық деңгейде мемлекет жұмыс істейтін және жұмыс істемейтін ата-аналарға республикалық бюджет қаражаты есебінен бала тууға арналған біржолғы жәрдемақыға кепілдік берсе, онда жұмыс істемейтін ата-аналарға бала бір жарым жасқа толғанға дейін оның күтімі бойынша ай сайынғы жәрдемақы көзделген. Осы жәрдемақы түрлерінің мөлшері туылған баланың кезектілігіне байланысты сараланған түрде белгіленеді.Бұл мөлшерді анықтау жәрдемақы алушылардың құрылымының өзгеруіне әсер етті. Осылайша, 4 және одан да көп бала тууға жәрдемақы алушылардың үлесі 2013 жылғы 12,7% - дан 2024 жылғы 1 қарашадағы жағдай бойынша 32,4% - ға дейін өсті.Сол сияқты, егер 2013 жылы 4 және одан да көп бала күтімі бойынша жәрдемақы алушылардың үлесі 17,6% болса, 2024 жылғы 1 қарашадағы жағдай бойынша 35% - ға дейінгі мөлшерді құрайды. Осылайша, әрбір үшінші бала көп балалы отбасында өмірге келеді», – деді Асқар Аймағамбетов.Жұмыс істейтін ата-аналар үшін МӘСҚ-дан төленетін әлеуметтік төлемдердің екі түрі қарастырылған: жүктілік және босану, сондай-ақ бір жарым жасқа дейінгі бала күтіміне байланысты табысынан айырылу жағдайы бойынша берілетін төлем.Бұдан басқа 1,5 жасқа толғанға дейін бала күтімімен айналысатын әйелдерге орташа айлық табыстың 10% мөлшерінде міндетті зейнетақы жарналарын субсидиялау көзделген.Мүгедектігі бар балаларды тәрбиелеп отырған отбасыларды қолдау үшін мүгедектігі бар баланы кәмелетке толғанға дейін тәрбиелеушіге жәрдемақы көзделген (жәрдемақы мөлшері 1,61 ең төмен күнкөріс деңгейі – 69 886 теңге). 1 қарашадағы жағдай бойынша 77,3 млрд теңге сомасына 109 мыңнан астам адам жәрдемақы алды. 2024 жылы бұл мақсаттарға барлығы 91 млрд теңге қарастырылған.Бүгінде 585 мыңнан астам отбасы көпбалалы отбасыларға арналған жәрдемақы алады, олардың мөлшері балалар санына қарай анықталады. Жәрдемақы төлеудің қолданыстағы тетігін енгізу алушылар санының 2 еседен астам өсуіне негіз болды, атап айтқанда олардың саны 2019 жылғы 252 мың отбасыдан 2024 жылғы 1 қарашада 585 мың отбасыға дейін өсті.Әлеуметтік кодекс шеңберінде «Алтын алқамен» марапатталған, яғни 7 және одан да көп баланы өмірге әкеліп, тәрбиелеген аналарға арналған жәрдемақы мөлшері ұлғайтылды. 2019 жылмен салыстырғанда аталған жәрдемақы алғаш тағайындалғандар саны оң динамикаға ие екенін атап өткен жөн. Мәселен, егер 2019 жылы ол 6 900 адамға тағайындалса, 2023 жылы 11 762 анаға тағайындалған.Осылайша, біздің елімізде кәмелетке толмаған балаларды тәрбиелеп отырған көпбалалы аналар бір мезгілде бірнеше төлем алуға құқылы.Сонымен бірге жұмыспен қамтуды қамтамасыз ету және халықтың табысын арттыру Еңбек министрлігі жұмысының негізгі бағыттары болып табылады.«Жұмыссыздықтан әлеуметтік қорғау мақсатында мемлекет жұмыспен қамтуға жәрдемдесудің белсенді шараларын іске асыруда, олар: кәсіптік оқыту, кәсіпкерлік бастамаға жәрдемдесу, халықтың әлеуметтік осал топтарын жұмысқа орналастыру үшін субсидияланатын жұмыс орындарын құруды қамтиды. Биыл бекітілген өңірлік жұмыспен қамту карталары шеңберінде 2024 жылғы 1 қарашадағы жағдай бойынша көпбалалы отбасылардан 31,1 мыңнан астам адам жұмысқа орналастырылды.Естеріңізге сала кетейік, халықтың әлеуметтік осал топтары арасынан «Бастау Бизнес» жобасы бойынша оқудан өткен адамдарға 400 АЕК (1 476 800 теңге) мөлшерінде жаңа бизнес-идеяларды іске асыруға гранттар беріледі. 1 қарашадағы жағдай бойынша берілген 8 941 гранттың 63,2% - ы көпбалалы отбасыларға берілді», – деді Асқар Аймағамбетов.Ақпарат көзі : https://www.gov.kz/memleket/entities/enbek/press/news/details/882560

ТЖМ құтқарушылары Шығыс Қазақстан облысындағы дарынды балаларға арналған валеологиялық мамандандырылған мектеп-кешенінде оқитын балалармен кездесті.ТЖ қызметінің мамандары балалармен және тәрбиешілермен өрт қауіпсіздігі ережелерін пысықтады. Викторина өткізіліп, балаларға үйдегі өртті қалай болдырмауға болады, егер сіз отты байқасаңыз, қайда қоңырау шалу керек, не істеу керек, өрт басталған бөлмеде не істеу керек деген сияқты сұрақтар қойылды. Балалар өздеріне қойылған сұрақтарға ықыласпен және қызығушылықпен жауап берді, сондай-ақ өрт қауіпсіздігі ережелерін елемеудің неге әкеп соғатынын, отпен ойнау жаман екенін жақсы біледі. Кездесу нәтижесінде балалар қауіпсіздік бойынша білімдерін шыңдады.«Осындай қызықты сабақтардың арқасында балалар білім алып, қысылтаяң жағдайлар кезіндегі іс-қимылдарды практикада үйренеді», - деп Шығыс Қазақстан облысы ТЖД бастығының орынбасары Қуатбек Кенжебекұлы атап өтті.Ақпарат көзі : https://www.gov.kz/memleket/entities/emer/press/news/details/882623