Денсаулық сақтау министрі Ақмарал Әлназарованың USAID денсаулық сақтауды басқару мәселелері жөніндегі кеңесшісі Жан-Жак Фреремен кездесуі барысында халықтың денсаулығын сақтауға және халық үшін дәрілік заттардың қолжетімділігін жақсартуға бағытталған бірлескен бастамаларды іске асыру мәселелері талқыланды.Тараптар фармацевтика өнеркәсібін дамыту, дәрілік препараттардың сапасын арттыру және фармацевтикалық өнімдерді жеткізу тізбегін әртараптандыру аспектілерін қоса алғанда, одан әрі ынтымақтастық жоспарларын белгіледі.Кездесу қорытындысы бойынша еліміздің фармацевтика саласында заманауи тәсілдер мен практикаларды енгізу мақсатында тығыз өзара іс-қимыл туралы уағдаластыққа қол жеткізілді.Ақпарат көзі : https://www.gov.kz/memleket/entities/dsm/press/news/details/882622

Жетісу облысында су тасқынына қарсы іс шаралар белсенді жүргізілуде. Осы орайда биылғы қыркүйек айында Панфилов ауданы Бұрақожыр өзенінің жағалауын нығайтылса, тағы бір учаске - Текелі қаласындағы Қора және Қаратал өзендерінің жағалауларын нықтау жұмыстары қазір қарқынды жүріп жатыр, - деп хабарлайды Жетісу облысы әкімінің баспасөз қызметі.Текелі қаласы – таулы аймақ. Сондықтан, төтенше жағдайлар саласы мамандарының айтуынша, Текелінің су тасқынына қатысты қауіптілігі жоғары саналады. Қаланың ішімен үш өзен - Қора, Шажа, Текелі ағып өтіп, үшеуінің түйіскен жерінен ары қарай Қаратал өзені жалғасады. Сондықтан мұндағы су тасқынының алдын алу жұмыстары «Жетісу облысын дамытудың 2021-2025 жылдарға арналған жоспарына» енгізіліп, қазір жұмыстар белсенді жүргізілуде.Текелі қаласы әкімі аппаратының басшысы Қуандық Байсақовтың айтуынша, аталған жұмыстарға облыстық бюджеттен арнайы қаржы бөлініп, қазір құрылыс 4 учаскеде - жалпы ұзындығы 705 метр жерде атқарылуда. Қаладағы су тасқынының алдын алуда бұл жобаның маңызы зор. Қора және Қаратал өзенінің жағалауын нығайту 4 учаскеге бөлінген, соның 2-еуінде жұмыстар аяқталып, құрылыс ауқымының 62 %-ы атқарылды, яғни 440 метрдей жер жасалды. Биыл жобаны аяқтап бітіруіміз керек. Бұл жұмыстар төтенше жағдай қаупін болдырмауға ықпал етеді, - дейді Қ. Байсақов.Қора және Қаратал өзенінің жағалауын нығайту жұмыстарында қазір 15 адам жұмыс істеуде.- Жаз бойы гобион конструкцияларын құрып, қажетті материалдар әкеліп дайындадық, енді сол конструкцияның ішіне тас салып, нығайту жұмыстарын атқарып жатырмыз. Шынжыр табан экскаватор, КамАЗ, манипулятор сияқты барлық қажетті техникаларды жұмылдырдық. Жұмыс кестеге сәйкес жүріп жатыр, - деді мердігер компанияның өкілі Ералы Құсманов. Жалпы Жетісу облысында 2025 жылдың су тасқынына дайындық барысында 5,2 км су бұру арналары орнатылып, тазартылды, 400 метр қорғаныс бөгеттері салынып, жөнделді, 4,6 шақырым өзен арналары мен каналдарға механикалық тазарту жасалды, 5,6 шақырым өзендердің арналары тереңдетіліп, түзетіліп, жағалаулар нығайтылды. Сол сияқты 241 шақырым арық желісі, 215 шақырым каналдар және автожолдарда 2826 су өткізу құбырлары тазартылды. Су тасқыны кезеңіндегі төтенше жағдайларға жедел ден қою мақсатында аудандар мен қалалар әкімдіктері инертті материалдар, жанармай қоры мен қаптар дайындады, 913 бірлік жеке құрам күштері мен құралдары, 235 бірлік техника, 108 мотопомпалар әзірлікке келтірілді.Атап өтсек, келесі жылы облысты дамыту жоспарының аясында Панфилов ауданы Сүптай ауылында Тышқан өзенінің, Талдықорған қаласы Қаратал өзенінің жағалауларын нығайтылады. Жетісу облысы әкімінің баспасөз қызметі.Фотосуреттер авторы: Дмитрий Ерофеев.Ақпарат көзі : https://www.gov.kz/memleket/entities/zhetysu-oblysy/press/news/details/882450

«Астана дарыны» дарынды балалар мен талантты жастарды анықтау және қолдау орталығы «Дарын» республикалық ғылыми-практикалық орталығының қолдауымен STEM білім беруді дамытудың Жол картасын жүзеге асыру аясында Bibigul Tulegenova Creative School білім ордасында USTEM Foundation қоғамдық қорымен бірлесіп, FIRST халықаралық конкурсының ұлттық кезеңін өткізді, деп хабарлайды елорда әкімдігінің ресми сайты.Конкурсқа Астана, Алматы, Семей, Көкшетау, Қарағанды қалаларынан 450-ге жуық мектеп оқушысы қатысты. Онда жасөспірімдердің жасына қарай әртүрлі деңгейде роботтар құрастырылды.6-10 жас аралығындағы жас зерртеушілер LEGO жобаларын жасап, нақты проблемалар үшін өз шешімдерін ұсынды.10-16 жастағы оқушылар күрделі инженерлік тапсырмаларды орындау үшін LEGO-дан роботтарды әзірлеп, бағдарламалады.12-18 жастағы жоғары сынып оқушылары күрделі инженерлік тапсырмаларды орындау үшін металл конструкциялардан роботтар жасап шығарды.Командалар ішінен Астана қаласының Quantum Stem School мектебінің Quant командасы және Riviera International School мектебінің North Star командаларының оқушылары жеңімпаз атанып, Бельгия елінде өтетін конкурсқа еліміздің намысын қорғауға жолдама алды.Ақпарат көзі : https://www.gov.kz/memleket/entities/astana/press/news/details/882552

Ақмола облысы әкімінің 2024 жылғы 13 қарашадағы өкімімен Степногорск қаласының әкімі Алпысбай Қайыржанов өз өтініші негізінде атқарып отырған қызметінен босатылды.Ақпарат көзі : https://www.gov.kz/memleket/entities/aqmola/press/news/details/882453

Ақмола облысы әкімінің 2024 жылғы 13 қарашадағы өкімімен және Қазақстан Республикасы Президенті Әкімшілігінің келісімімен, сондай-ақ мәслихат депутаттарының мақұлдауымен Степногорск қаласының әкімі болып Гайдар Қасенов тағайындалды.Степногорск қаласының жаңа әкімін облыс әкімінің орынбасары Елдос Рамазанов қала активіне таныстырды. Облыс әкімінің бірінші орынбасары бұрынғы әкім Алпысбай Қайыржановқа алғысын білдіріп, жаңа әкімге сәттілік тіледі.Мемлекет басшысының тапсырмасы бойынша Гайдар Қасеновке қаланы дамыту және тұрғындарға қолайлы жағдай жасау бойынша бірқатар міндеттер жүктелді.«Бүгінгі күні жылыту маусымында қала әкімі үшін ең басты міндет – халықты және әлеуметтік нысандарды жылумен үздіксіз және тұрақты қамтамасыз ету. Сондай-ақ, сумен жабдықтау нысандарының жұмысын аяқтау және оларды уақытында іске қосу ерекше бақылауда болуы қажет», - деп атап өтті Е.Рамазанов.Сонымен қатар, Степногорск қаласының әкімдігіне инвестиция тарту, жаңа жұмыс орындарын құру, кәсіпкерлікті дамыту және тұрғын үй құрылысы бойынша нақты жұмыстар жүргізу тапсырылды.Ақпарат көзі : https://www.gov.kz/memleket/entities/aqmola/press/news/details/882473

Мегаполисті агломерациямен байланыстыратын көлік қатынасын жақсарту мақсатында Алматыда қала маңындағы жаңа маршруттар ашылып жатыр. Алматы қалалық мобилділік басқармасы Еңбекшіқазақ, Іле, Қарасай және Жамбыл ауданыдағы елді мекендерді қамтитын 8 жаңа маршрут ұйымдастырды.Осылайша, 13 қарашадан бастап тасымалдаушы «НұржасТранс» ЖШС №218, 238, 246, 248, 250, 255 маршруттарына қызмет көрсетуге кіріседі. «Төле би/Яссауи автобекеті – А.Тоқпанов ауылы» бағыты бойынша №218 маршрутта 5 автобус жүреді. Қозғалыс 5:30 басталып, 23:00 аяқталады.«Төле би/Яссауи автобекеті – Көктөбе ауылы» бағыты бойынша №238 маршрутта 3 автобус жүреді. Қозғалыстың басталуы – 5:30, аяқталуы – 23:00. «Барлық базары – Кемертоған ауылы» бағыты бойынша №246 маршрутта 3 автобус жүреді. Қозғалыстың басталуы – 5:30, аяқталуы – 23:00. «Барлық базары – Шолаққарғалы ауылы» бағыты бойынша №248 маршрутта 2 автобус жүреді. Қозғалыстың басталуы – 6:00, аяқталуы – 22:00. «Мамыр-7 шағын ауданы – Қырғауылды ауылы» бағыты бойынша №250 маршрутта 2 автобус жүреді. Қозғалыстың басталуы – 5:30, аяқталуы – 23:00.«Алматы-1 теміржол вокзалы – Жауғашты ауылы» бағыты бойынша №255 маршрутта 2 автобус жүреді. Қозғалыстың басталуы – 5:30, аяқталуы – 23:00.Сонымен қатар, 11 қарашадан бастап «Жас Транс» ЖШС-не №241 және №242 маршруттары берілді.«Жетісу базары – Қойшыбек ауылы» бағыты бойынша №241 маршрутта 3 автобус жүреді. Қозғалыстың басталуы – 6:00, аяқталуы – 22:00.«Жетісу базары – Базаркелді ауылы» бағыты бойынша №242 маршрутта 3 автобус жүреді. Қозғалыстың басталуы – 6:00, аяқталуы – 22:00.Айта кету керек, жолаушылар мен жүкті автокөлікпен тасымалдау ережесіне сәйкес, аталған маршруттар байқау өткізілгенге дейін тасымалдаушыларға уақытша беріліп, сынақ режимінде жұмыс істейді. Соның нәтижесінде жолаушылардың легі мен тұрғындардың қажеттілігі ескеріліп, қозғалыс сызбаларына өзгерістер енгізіледі.Еске салайық, мегаполис басшысы Ерболат Досаевтың тапсырмасымен өткен жылдан бастап әкімдік 41 қала маңындағы маршрут ұйымдастырып, 600 автобус пен 100 троллейбус сатып алды. Биыл тағы 600 автобус, 112 троллейбус және 100 электроавтобус сатып алынды.Ақпарат көзі : https://www.gov.kz/memleket/entities/almaty/press/news/details/882547

ШҚО-да 2024 жылдың басынан интернет-алаяқтықтың 700-ден астам жағдайы тіркелді. Бұл туралы ШҚО ПД Криминалдық полиция басқармасының аға жедел уәкілі полиция аға лейтенанты Нұрай Арыстанбек ШҚО Өңірлік коммуникациялар қызметі алаңында мәлімдеді.- Ақпараттық технологиялардың дамуымен бірге алаяқтар да өз әрекеттерін жетілдіріп, олардың қолданатын әдістері күрделене түсуде. Ең кең таралған әдістерге банктер мен коммуналдық қызметтердің қызметкері ретінде өзін таныту, мемлекеттік органдардың атынан хабарласу және зиянды сілтемелер арқылы мессенджерлерді бұзу кіреді, - деді Нұрай Арыстанбек.Интернет-алаяқтықпен күресудің тиімді әдістерінің бірі — алдын алу шараларын жүзеге асыру. Сондықтан өңірде ақпараттық-профилактикалық іс-шараларға басымдық беріліп отыр. Қазақстан Республикасы Ішкі істер министрлігінің 2023-2025 жылдарға арналған киберқылмыспен күресу бағдарламасына сәйкес, облыста жыл сайын жедел-профилактикалық іс-шаралар өткізіледі. Мысалы, ағымдағы жылы 12-14 қараша аралығында бүкіл ел аумағында «Анти-Фрод» жедел профилактиқалық іс шарасы өткізіледі.Сонымен қатар, өңірде «Стоп-алаяқ» профилактикалық іс шарасы жүзеге асырылуда. Қазіргі таңда бұл іс-шараның үшінші кезеңі өткізіліп жатыр. Іс-шара барысында полиция қызметкерлері тұрғын үйлерді аралап, интернет-алаяқтықтың түрлері туралы ескертулер жасап, халықтың қаржылық және құқықтық сауаттылығын арттыруға бағытталған ақпарат таратуда. Сондай-ақ, облыс және Өскемен қаласы әкімдіктерімен бірлесіп ақпараттандыру бойынша медиажоспар әзірленді.Бүгінгі күні қылмыстарды тиімді тергеу үшін Шығыс Қазақстан облысы Полиция департаменті жанынан киберқылмыстарды ашумен айналысатын арнайы «Киберпол» бөлімі құрылған.Ақпарат көзі : https://www.gov.kz/memleket/entities/akimvko/press/news/details/882535

Қарағанды облысының шаруалары су шығынын 1,5 есе азайтуға мүмкіндік беретін заманауи су үнемдеу технологияларын енгізуде. Бұл туралы Өңірлік коммуникациялар қызметінің алаңында Қарағанды облысы бойынша «Қазсушар» филиалы директорының міндетін атқарушы Ерғали Омаров айтып өтті.Бүгінгі таңда мемлекет суармалы судың әрбір текше метрінің құнының 60%-ын субсидиялау шеңберінде өтейді.«Келесі жылы филиал Жартас су қоймасындағы каналдарды күрделі жөндеуді жалғастырады. Биыл Жартас су қоймасының Жартас және Малокомспай магистральдық арналары учаскелерінің бетон беткейлері мен түбіне жөндеу жүргізілді», − деді Қарағанды облысы «Қазсушар» филиалы директорының м.а. Ерғали Омаров.Ақпарат көзі : https://www.gov.kz/memleket/entities/water/press/news/details/882461

5-7 қараша күндері Вашингтон қаласында (АҚШ) әлемдік авиация саласындағы негізгі оқиға болып табылатын жыл сайынғы Air Traffic Control Association (ATCA) 2024 конференциясы өтті. Іс-шара шеңберінде авиациялық саладағы үздік жетістіктерді дәстүрлі түрде атап өтетін беделді ATCA марапаттар бағдарламасы қарастырылды.ATCA марапаттар бағдарламасы үш санатты қамтиды: әуе қозғалысына қызмет көрсету, индустрия және шағын бизнес, сондай-ақ әскери еңбек жетістіктері. Ұйымдастырушылар бар-жоғы 10 номинация ұсынды. «The David J. Hurley Memorial Award for Aviation Traffic Management» солардың бірі болып табылады. Ол әлемдегі әуе қозғалысына қызмет көрсету саласындағы үздік жетістіктерді атап көрсетеді. Жоғарыда аталған санатқа қатысу үшін 40-тан астам елден өтінім келіп түскен.Жыл сайынғы ATCA конференциясының қорытындысы бойынша «The David J. Hurley Memorial Award for Aviation Traffic Management» номинациясында «Қазаэронавигация» РМК жеңімпаз болып танылды. Бұл ретте, 2023 жылы аталған санатта АҚШ Федералдық азаматтық авиация басқармасының (FAA) өкілдері үздік атанған болатын.«Қазаэронавигация» РМК мамандары «Ақтөбе аудандық диспетчерлік орталығының жауапкершілік аймағында әуе қозғалысына қызмет көрсетуді жақсарту үшін динамикалық секторға бөлуді зерттеу және әзірлеу» тақырыбындағы жобаны ұсынып, ол үздік деп танылды. Ғылыми жұмыстың авторлары «Қазаэронавигация» РМК әуе қозғалысын ұйымдастыру жөніндегі департаменттің әуе кеңістігін ұйымдастыру бөлімінің жетекші мамандары Нұрсұлтан Томпиев, Әсет Ахметбаев және Мәди Асылханов болып табылады.Динамикалық секторға бөлу әуе кеңістігін оңтайландыруға, авиадиспетчерлерге түсетін жүктемені азайтуға және ұшу ақпараты ауданының әуе кеңістігінде өткізу қабілетін арттыруға мүмкіндік береді. Жобада Вороной диаграммасының әдісін пайдалана отырып, Ақтөбе ұшу ақпараты ауданының әуе кеңістігін уақытша бөлудің ғылыми тәсілі қолданылды. Аталған жоба табысты iске асырылған жағдайда, алдағы уақытта Қазақстан Республикасының әуе кеңiстiгiндегi басқа да жауапкершiлiк аймақтарында динамикалық секторға бөлуді енгiзу кезiнде осы әдiснаманы қолдану мүмкiндiгі туындайды.«Қазаэронавигация» РМК мамандары Қазақстанда алғашқы болып беделді халықаралық ATCA сыйлығын алып отыр. Бұл еліміздің авиация саласын дамытудағы және оның халықаралық аренадағы позициясын нығайтудағы тағы бір маңызды қадам болып табылады.Ақпарат көзі : https://www.gov.kz/memleket/entities/transport/press/news/details/882464

Қызылорда әуежайының жаңа жолаушылар терминалы экологиялық және технологиялық стандарттарға сәйкес келеді. Нысан жеке инвестиция есебінен салынды.Жаңа жолаушылар терминалының ерекшеліктерін атап өтер болсақ:Бірінші. Терминалдың ауданы 3 есеге дерлік ұлғайды (2720-дан 7500 шаршы метрге дейін). Шатыры құстың қанатына ұқсас заманауи әрі ерекше сәулеттік нақыштағы ғимарат екенін атап өткен жөн. Бірінші қабатта (5700 м2) тіркеу орындары, сауда нүктелері мен дәмханалар, ал екінші қабатта (1800 м2) әуе кемесіне тікелей кіруге болатын күту залдары орналасқан. Сондай-ақ транзиттік жолаушыларға арналған алаңдар мен заманауи CIP залы, Duty Free аймағы, дәмханалар, сауда нүктелері, намазханалар, ана мен бала бөлмелері, жүк сақтау бөлмесі, фельдшерлік пункт және басқа да әлеуметтік инфрақұрылым нысандары бар.Екінші. Бұл EDGE экологиялық ғимараттарының халықаралық стандарттарына сәйкес келетін еліміздегі алғашқы аймақтық терминал. Құрылыс барысында энергияны үнемдейтін материалдар пайдаланылды. Терминал ғимараты IATA және ICAO стандарттарына сәйкес келеді және жолаушыларға жайлы Optimum деңгейін қамтамасыз етеді.Үшінші. Терминал германиялық ThyssenKrupp компаниясының екі телескопиялық өтпе жолымен, NUCTECH тексеру құрылғысы және француздық ALSTEF компаниясының автоматтандырылған багаж беру жүйесімен жабдықталғанын атап өткен жөн. Сондай-ақ финдік KONE өндірушісінің эскалаторлары мен лифтілері және BEMO неміс компаниясының конструкциялары орнатылды.Жаңа әуежай еліміздегі ең заманауи және техникалық тұрғыда озық әуежайлардың бірі болып есептеледі.Ақпарат көзі : https://www.gov.kz/memleket/entities/transport/press/news/details/882493

СӘТБАЕВ УНИВЕРСИТЕТІ: 90 ЖЫЛДЫҚ ЖЕТІСТІКТЕР МЕН ҒЫЛЫМИ ЖАҢАЛЫҚТАРАлматы қаласында Қазақстанның ғалымдары, саясаткерлері мен жүйелік маңызы бар кәсіпорындарының басшылары жаппай роботтандыру мен цифрлық технологияларды енгізудің қиындықтары мен мүмкіндіктерін талқылады. «Төртінші өнеркәсіптік революцияның Еуразия ғылыми-инженерлік қауымдастығы алдындағы сын-қатерлері» атты халықаралық форум 22 елдің ғалымдарын жинады.Форум академик Қаныш Сәтбаевтың 125 жылдығына және еліміздегі тұңғыш техникалық зерттеу университеті – Сәтбаев университетінің 90 жылдығына арналды. Салтанатты жиынды Алматы қаласының әкімі Ерболат Досаев ашып, ҚР Президенті Қасым-Жомарт Тоқаевтың Сәтбаев университетінің қызметкерлері мен ардагерлеріне арналған құттықтау хатын оқыды:– Еліміз дамыған мемлекет болуы үшін жастар ғылым мен заманауи технологияларды терең меңгеруі керек. Осы орайда сіздерге өте жоғары жауапкершілік жүктеледі. Бұл міндетті сіздер абыроймен атқарасыздар деп сенемін, сондай-ақ жас ұрпаққа білім беріп, тәрбиелеумен айналысып жүрген университет ұжымына шын жүректен алғысымды білдіремін! - делінген Мемлекет басшысының құттықтау хатында.Ұлттық ғылым академиясының мерейтойлық сессиясында Қасым-Жомарт Тоқаев ғалымдарды өздерінің алдына биік мақсаттар қойып, жаңашылдыққа ұмтылуға, әрі тиімділікті арттыруға шақырып, осыған орай Сәтбаев университетінің базасында инженерлік білім мен ғылымдағы жаңа технологиялардың ғылыми-зерттеу хабын құруды тапсырған болатын, ол орталық еліміздегі жаңа техникалық жоғары оқу орындары үшін ғылыми-өндірістік базаға айналуы тиіс. Мемлекет басшысының тапсырмасын орындау мақсатында университетте ғылыми-өндірістік база құрылуда, ол Қазақстанның барлық техникалық университеттері үшін қолжетімді болады.Сәтбаев университетіндегі жаңа ғылыми зертханалар мен инновациялық өндіріс орындарының ашылуына ҚР Ғылым және жоғары білім министрі Саясат Нұрбек қатысып, ғылым мен өндіріс ынтымақтастығының әлемдік тәжірибесін кеңінен қолдану қажеттігін атап өтті.Форум барысында инженерлік кадрларды мақсатты түрде оқыту және еліміздің өнеркәсіптік кәсіпорындарының технологиялық мәселелерін бірлесіп шешу бойынша бірқатар келісімдер мен меморандумдарға қол қойылды. Массачусетс технологиялық институтының (MIT) стандарттарына сәйкес заманауи құралдармен жабдықталған жаңа MIT FabLab зертханасы ашылды. Сәтбаев университеті дәстүрлі өндірістегі инновацияларды дамыту мен оларды енгізуге бағытталған екі ірі жобаны жүзеге асыруда: тау-кен металлургия кешеніндегі инженерлік орталығы және STROYTECH технопаркі. Олар қазірдің өзінде Қазақстан кәсіпорындарына қызмет көрсету және тауарларды жеткізу бойынша офтейк-келісімшарттарын жасасты.Университет ректоры Мейрам Бегентаев инженерлер мен ғалымдардың жаңа буынын даярлау үшін жасанды интеллект пен цифрлық технологиялардың мүмкіндіктерін белсенді түрде пайдалануға шақырды.«Біздің бәріміздің алдымызда ауқымды міндеттер тұр. Біз білім экономикасына негізделген Қазақстан құрудамыз. Жаңа технологиялар жасауға қабілетті инженерлерді даярлаймыз, біз әрқашан алда болу үшін жұмыс жасаймыз. Соның нәтижесінде түлектердің көпшілігі техникалық жоғары оқу орындарын, оның ішінде біздің университетті таңдайды», - деді Мейрам Бегентаев.Форум жұмысына 200-ден астам ұйымдар мен кәсіпорындардың, қазақстандық және шетелдік жоғары оқу орындарының, елшіліктер мен консулдықтардың, соның ішінде «Қазақмыс», «ҚазМұнайГаз», «ҚазақГаз», Baker Hughes ZMS, Chevron, Zeta, Eurasion Resources Group, Halyk Bank, MIT, Sung Kyun Kwan University, City University of Hong Kong, University of Glasgow, University of Applied Sciences Osnabrück, Nanjing University өкілдері және басқалар қатысты.Форум нәтижесі бойынша қабылданған қарарда атап өтілгендей, цифрландыру мен жасанды интеллектіні дамыту жағдайында инженерлік білім беруді трансформациялау инженерлер мен ғылыми зерттеушілердің біліктілігіне жаңа талаптар қояды. Жаңа технологиялармен жұмыс істей алатын мамандарды даярлау үшін білім беру бағдарламаларын жаңарту, инженерлерді теориялық және практикалық тұрғыда даярлаудың барлық деңгейлерінде икемді және бейімдеуге ыңғайлы оқу форматтарын құру қажет.Ақпарат көзі : https://www.gov.kz/memleket/entities/sci/press/news/details/882440

ҚР Қорғаныс министрлігі Тәрбие және идеологиялық жұмыстар департаментінің бастығы әділет полковнигі Тілеухан Басқожаев бастаған әскери делегация Анкарадағы қазақсандықтар оқитын оқу орнына барды. Осы сәтте Мәскеуден Астанаға ұшқан Қазақстан Қорғаныс министрі курсанттармен бейнебайланыс арқылы байланысқа шықты.– Мемлекет сіздерге әскери білім алуға керемет мүмкіндік берді. Сондықтан білімді сапалы игеру үшін күш-жігерді аямау керек. Бұл сіздердің мемлекет, Президентіміз және халық алдындағы басты міндеттеріңіз. Болашақта халықтың тыныштығы, оның шекарасын сенімді қорғау сіздерге байланысты, – деп атап өтті Қорғаныс министрі генерал-полковник Руслан Жақсылықов.Өз кезегінде курсанттар Айбек Жұмабек пен Әмір Бейсенов сөз алып, Қарулы күштер қолбасшылығына алғысын айтты. Олар оқытудың жоғары деңгейін атап өтіп, басшылықты білімді сапалы игеруге және әскери тәртіпті сақтауға бар күш-жігерін салатынына сендірді. Құрлық әскерлері училищесінде болған офицерлер инфрақұрылыммен, материалдық-техникалық базамен, оқыту жағдайымен, Түркия Қарулы күштері әскери қызметшілерін моральдық-психологиялық және идеологиялық дайындауды ұйымдастырумен танысты. Қазақстандық делегация үшін көшбасшылық, қызметтік этика және кәсібилік бойынша сабақтар ұйымдастырылды.Сапар барысында қазақстандық курсанттармен кездескен әділет полковнигі Тілеухан Басқожаев оқу жағдайы, бос уақыттың ұйымдастырылуы және туған-туыстармен байланыс секілді мәселелерді сұрады.Делегация басшысы армияға білікті, білімді, талантты мамандар қажет екенін атап өтті. – Беделді әскери оқу орнында оқу сіздерге тамаша мүмкіндіктер ашады. Сондықтан оқу бағдарламасын толыққанды меңгеру үшін бар күш-жігерді салу қажет. Білім – баға жетпес байлық екенін естен шығармаңыздар, – деді әділет полковнигі Т.Басқожаев.Курсанттар үшін елден жеткен сәлемдеме бауырсақ пен құрт жағымды сәт болды.Ақпарат көзі : https://www.gov.kz/memleket/entities/mod/press/news/details/882491

ҚР Мәдениет және ақпарат министрі Аида Балаева Парламент Мәжілісінің жалпы отырысында министрлік әзірлеген ақпарат, қоғамдық даму, мәдениет және архив ісі салаларындағы заңнамалық реттеуді жеңілдетуге бағытталған заң жобасы туралы айтып берді.Министр аталмыш құжат 2022 жылғы 13 сәуірдегі Қазақстан Республикасы Президентінің «Мемлекеттік аппараттың қызметін бюрократиядан арылту шаралары туралы» Жарлығын іске асыру аясында әзірленгенін атап өтті.«Заң жобасы Министрліктің құзыретін заңнамалық тұрғыдан шамадан тыс реттеу мәселесін шешеді. Атап айтқанда, бұрын заңнамаға сілтенетін Министрліктің мойнындағы негізгі міндеттерді, соның ішінде ішкі процедураларға және басқа мемлекеттік органдармен қарым-қатынас мәселелеріне қатысты нормалар ендігі жерде министрліктің Ережесімен реттелетін болады. Ұсынылып отырған заң жобасы алдарыңызға келмес бұрын тиянақты түрде сараптамадан өтіп, барлық мүдделі жақтармен барынша талқыланды. Ең бастысы – болашақ заңнама ел Президентінің мемлекет алдына қойған тапсырмаларын толық орындап, оның осы бағыттағы қызмет жүйесін едәуір жақсартуға бағытталған», – деді Аида Балаева.Сондай-ақ Заң жобасы аясында креативті индустриялар саласындағы мемлекеттік саясатты қалыптастыру мен іске асыруға ықпал ететін түзетулер де қарастырылған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/882497

Қазақстанның энергетика министрі Алмасадам Сәтқалиев Бакуде (Әзірбайжан) БҰҰ-ның Климаттың өзгеруі жөніндегі негіздемелік конвенциясының 29-шы климаттық саммиты "жасыл" энергетиканы дамыту саласындағы халықаралық компаниялармен және даму институттарымен ынтымақтастық туралы бірқатар құжаттарға қол қойды.Атап айтқанда, Энергетика министрі Қазақстан Энергетика министрлігі мен Азия Даму Банкі (АДБ) арасында өзара түсіністік туралы Меморандумға қол қойды.Құжат мақсаты көмір станцияларын пайдаланудан шығаруды жеделдету және жаңартылатын энергия көздерін пайдалануды ұлғайту, энергия тиімділігін арттыру және электр энергиясы мен жылу энергиясын өндіруде жаңа технологияларды енгізу болып табылатын АДБ (ЭҮП) энергетикалық ауысу тетігі арқылы көміртегі бейтараптығы жөніндегі мақсаттарға қол жеткізудегі ынтымақтастықты көздейді.Қол қойылған құжаттардың қатарында Қытай Халық Республикасының Үкіметімен жаңартылатын энергия көздері саласындағы жобаларды іске асыру туралы келісім де бар, ол Тараптар арасындағы жаңартылатын энергия көздері саласындағы жобаларды ілгерілету, әзірлеу және іске асыру, Қазақстан Республикасының аумағында орнықты даму, экологиялық таза технологияларға көшу және шығарындыларды қысқарту арқылы жаһандық жылынуға қарсы күресте өзара іс-қимылды көздейді. Осы жобалар бойынша инвестициялар сомасы 2 млрд АҚШ долларынан асады деп болжануда.Сондай-ақ, Қазақстан Республикасының Жамбыл облысындағы жел электр станциясының жобасына қатысты ABU DHABI FUTURE ENERGY COMPANY PJSC (MASDAR) компаниясымен инвестициялар туралы келісім жасалды. Осы жоба бойынша инвестициялардың күтілетін сомасы 1,5 млрд АҚШ долларын құрайды.Бұл құжат жаңартылатын энергия көздерінің жобаларын дамыту, "жасыл ауысуды" іске асыру, көміртегі эмиссиясын қысқарту және климаттың өзгеруіне қарсы күрес мақсатында БАӘ-мен қол қойылған үкіметаралық келісімді іске асыру шеңберінде жасалды.Сонымен қатар, конференция аясында Қазақстанның энергетика министрі БҰҰ ЕЭК, ACWA Power және Masdar, АДБ компанияларының өкілдерімен бірқатар кездесулер өткізді.Әңгімелесу барысында А. Сәтқалиев энергетика секторындағы жаңа бастамалар шеңберінде ынтымақтастықты жалғастыру туралы ниетін білдірді."Қазақстан ЖЭК секторының инвестициялық тартымдылығын арттыру үшін заңнамалық базаны белсенді түрде жаңартуда. Біздің еліміз әрқашан ашық және белсенді ынтымақтастыққа дайын", - деп атап өтті министр.Анықтама: БҰҰ-ның Климаттың өзгеруі туралы негіздемелік конвенциясы (SOP29) тараптары конференциясының 29-шы сессиясы Бакуде 11-22 қараша аралығында өтеді. COP29 аясында 12-13 қарашада ең жоғары деңгейдегі іс-шара-Климаттық қызмет бойынша Әлемдік көшбасшылар саммиті өтеді.Ақпарат көзі : https://www.gov.kz/memleket/entities/energo/press/news/details/882449

Қазақстан делегациясы Президент Кеңесшісі-Қазақстан Республикасы Президентінің халықаралық экологиялық ынтымақтастық жөніндегі арнайы өкілі З. Сүлейменова мен Экология және табиғи ресурстар вице-министрі М. Ошурбаевтың басшылығымен АҚШ, Әзербайжан және ҚХР ұйымдастырған Метан және СО2 емес парниктік газдар бойынша СОР29 саммитіне қатысты.Саммиттің негізгі бағыттары:Қаржы: супер ластаушы заттармен күресу және қосымша инвестициялар үшін 2 миллиард доллардан астам халықаралық гранттар жұмылдырылды.Саясат: мұнай-газ секторында және қалдықтарды көму саласында метан шығарындыларын азайту жөніндегі жаңа шаралар.Ғылым: жаһандық N2O шығарындыларын 40% азайту мақсатында азот оксидін бірінші жаһандық бағалауды бастау және тропосфералық озонның климатқа әсерін азайту бойынша күш-жігер.Президент кеңесшісі өз сөзінде Қазақстан метанның апаттық емес шығарындыларын қысқартуға және мұнай-газ секторындағы ағып кетулерді анықтауға және жоюға жәрдемдесуге бағытталған метан жөніндегі нормативтік актілерді әзірлеуді аяқтауға, сондай-ақ 2025 жылы СОР30-ға метан шығарындыларын азайту жөніндегі ұлттық бағдарламаны аяқтауға ұмтылатынын атап өтті.Ақпарат көзі : https://www.gov.kz/memleket/entities/ecogeo/press/news/details/882496

Бүгін Qazaqstan павильонының алаңында «Жасыл қаржыландыру мен экологиялық құралдарды дамыту перспективалары» атты сайд-ивент өтті.Сайд-ивенттің негізгі мақсаты жасыл облигациялар мен климаттық қорлар сияқты жасыл қаржы құралдарын пайдалану перспективаларын талқылау болды.Қазақстанда жасыл қаржыландыру мәселесі күн санап артып келеді, Қазақстанның Даму Банкі мен «Даму» қоры сияқты қаржы институттарының алаңдарында жасыл қаржыландыру құралдары құрылды.Қазақстан тұрақты даму мақсатында қаржыландыру жүйесінде ESG қағидаттарын енгізуді белсенді түрде ілгерілетуде. Ақпарат көзі : https://www.gov.kz/memleket/entities/ecogeo/press/news/details/882537

Бүгін, 13 қараша күні Маңғыстау облысында алғаш рет «AMANAT» партиясының бастамасымен ауыл әкімдерінің форумы өтті.Форумның мақсаты – елдегі саяси реформалардың, ауыл халқының сапалы өмір сүруіне қолайлы жағдай жасау мақсатындағы жобалардың орындалуын, тұрғындарды толғандырған өзекті мәселелерді ашық талқылау, оны шешу жолдарын қарастыру. Жиынға Маңғыстау облысының әкімі Нұрдәулет Қилыбай, «AMANAT» партиясының хатшысы Эльдар Жұмағазиев, ҚР Ұлттық экономика министрлігінің Өңірлік даму департаменті директорының орынбасары Жәнібек Шәйдікерім және барлық деңгейдегі әкімдер, облыстық мәслихат депутаттары, партия ардагерлері, облыстық басқарма басшылары, «AMANAT» партиясының қалалық және аудандық филиалдарының төрағалары қатысты.Облыс әкімі Нұрдәулет Қилыбай мұндай ауқымды шаралар барлық деңгейдегі әкімдердің өзара байланысын нығайтуға, тәжірибе алмасып, шалғай елді мекендердің әлеуметтік-экономикалық дамуына серпін беретінін айтты.- Президент әр Жолдауында елімізде әділдік пен демократия принциптерін нығайтуға бағытталған жүйелі шаралар қабылданып жатқанын айтып келеді. «AMANAT» партиясы осы бастамаларды іске асыруда белсенділік танытып, оларды Үкімет және әкімдіктермен бірлесе отырып жүзеге асыруда. Сонымен қатар, «Ауыл аманаты» жобасы аясында 2023 жылы облысымызда 165 жоба қаржыландырылды. Бұл жобалардың іске асуына ауыл әкімдері өз үлестерін қосты деп есептеймін. Сондай-ақ, Президент 2022 жылғы сайлаудан кейінгі алғашқы Жарлығында ауылды дамыту мәселесін көтеріп, халықтың 40 пайызы ауылда тұратынын ескере отырып, Үкіметке ауылды дамытудың 5 жылдық жоспарын әзірлеуді тапсырған болатын. Осыған орай ауыл әкімдеріне көптеген мүмкіндіктер қарастырылуда. Бүгінгі «AMANAT» партиясынан сайланған ауыл әкімдерінің форумы да әкімдік пен партия арасындағы қарым-қатынасты нығайтып, ауыл тұрғындарының әл-ауқатын жақсартуға бағытталған маңызды шаралардың бірі деп есептеймін, – деді Нұрдәулет Қилыбай.Өз кезегінде «AMANAT» партиясының хатшысы Эльдар Жұмағазиев елді мекендегі кәсіпкерлікті дамыту, экономикалық ахуалды арттыру мақсатында бастау алған «Ауыл аманаты» жобасының мазмұнына, сонымен қатар партияның алдағы жоспарына тоқталды.Форум әрі қарай Онды, Кендірлі ауылдары және Бейнеу ауданы әкімдерінің баяндамасымен жалғасты.Жалпы Маңғыстау облысында 47 ауыл әкімі бар болса, оның ішінде 43-і «AMANAT» партиясының атынан сайланған. Ауыл әкімдері Мемлекет басшысының тапсырмасын орындауда, ауыл халқының әлеуетін арттыруда белсенді жұмыс жүргізіп жатыр. Бұған 2021 жылы ауыл әкімдерінің сайлауы тың серпін сыйлағаны анық.Форумның екінші бөлігі секциялық жұмыс пен семинар-тренингпен жалғасты. ҚР Президент жанындағы мемлекеттік басқару академиясы Маңғыстау облыстық филиалының өкілдері «Эмоционалды интеллект және көшбасшылық» тақырыбы бойынша тренинг жүргізді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/882401

Қарағандыда «Таза Қазақстан» акциясы аясында ұйымдастырылған «Экоқаһарман-2024» байқауы мәреге жетті. Үздік атану үшін қаланың 33 мектебінің 1–7 сынып оқушылары бақ сынады.Ұйымдастырушылардың айтуынша, байқаудың негізгі мақсаты балалар мен жасөспірімдерге қалдықтарды сұрыптау негіздерін үйрету. Макулатура мен пластикалық бөтелкелерді жинауға тарту экомәдениетке баулу.Байқау екі негізгі аталым бойынша өтті. Бұл "Макулатураны жинаңыз-ағашты сақтаңыз!" және "Пластикті қайта өңдеу – планетаға ауа қажет!" номинациялары. Жеңімпаз болып № 45 гимназияның оқушылары атанды.Біздің гимназия 2017 жылдан бері экологиялық акцияларға ұатысады. Біз макулатура, пластик, қақпақтар, батарейкаларды жыл бойы жинаймыз. Біздің бірінші қабатта контейнерлер орнатылған. Балалар қоқысты дұрыс сұрыптау жолын біледі. Бұл жолы ең белсенді оқушылар, яғни 356 адамнан құралған команда, 1 тонна 600 кг макулатура, 65 кг пластик жинаған. Instagram-да 300-ден астам жарияланым жасаған. Мұндай байқаулар тек сыныптың, school's оқушылары мен ұстаздарын ғана емес, сондай-ақ ата-аналарды да біріктіреді, – дейді № 45 гимназиясының тәрбие ісі жөніндегі орынбасары Ирина Деева. – Енді жеңімпаздар өздерінің төмен сыныптарда оқитын кішкентай балаларға қоқысты дұрыс сұрыптауды үйретуге дайын.«Экомотивация» номинациясында Б. Момышұлы атындағы мектептің оқушылары жеңіске жетті. «Экоамбассадор» атағын Абай атындағы гимназия иеленді. «Командалық рух» аталымында Шәкәрім атындағы гимназияның оқушылары үздік деп танылды. «Жас экологтар» номинациясында № 13 қосымша білім беру орталығының оқушылары жүзден жүйрік шықты.Мектеп командалары өз тәжірибелерімен әлеуметтік желілерде бөлісті. Instagram желісінде байқау барысы жайлы 500-ден астам пост жарияланды. Мұндай жазба басқа оқушыларды экологияға жауапкершілікпен қарауға бағыттайды. Ең белсенді мектеп ретінде № 45 гимназиясының оқушылары танылды.Байқаудың нәтижесі бойынша – 3573,52 келі макулатура мен 540,75 келі пластикалық бөтелке жиналды. Барлық қалдықтар қайта өңдеуге жіберілді. Ұйымдастырушылар – Қарағанды облысының табиғи ресурстар және табиғат пайдалануды реттеу басқармасы, Қарағанды қаласы білім бөлімі мен «ВторСырьё Караганда» ЖШС. Ақпарат көзі : https://www.gov.kz/memleket/entities/karaganda/press/news/details/882332

Қарағандыда "Террикон алқабы" стартап-экожүйесі ұйымдастырған бастаушы және тәжірибелі әзірлеушілерге арналған байқау өтті. 48 сағат ішінде қатысушылар инновациялық технологиялық шешімдерді жасау бойынша жұмыс жасады. Жүлде-ақшалай сыйлық.Байқау талабы бойынша хакантоншылар бос жұмыс орындарына үміткерлерді іздеу және іріктеу жүйесіне арналған жобаларды әзірлеуі керек.Байқауға 230 үміткерден 80 команда қатысты. Ақтық мәреге 40 команда өтті. Олардың әрқайсысы өз шешімдері мен ұсыныстарын қазылар алқасына ұсынды– Әр команда өздерінің прототиптерін таныстырды. Біз функционалдылықты, жасанды интеллектіні қолдануды, пайдаланушы интерфейсінің ыңғайлылығын, дизайнын бағаладық. Сондай-ақ, масштабталу және адаптивтілік маңызды болды. Әрбір критерий бойынша ұпайлар берілді. Инновациялар үшін қосымша жеке баға берілді. Мысалы, 8-ші команда жасанды интеллектпен жүргізілген сұхбатты қамтитын ерекше шешім ұсынды, – деп баяндады «Террикон алқабы» стартап-экожүйесінің басқарушы серіктесі Диана Салехова. Бірінші орынды №47-ші команда (Арман Сергазин мен Рахат Балтабеков) жеңіп алып, 500 мың теңге көлемінде басты жүлдені иеленді.– Мен геологпын, сондай-ақ бұдан басқа бірнеше мамандықтарым бар. Олардың ішінде fullstack-әзірлеуші, мобильді әзірлеуші, жүйелік әкімші, жоба менеджері тәрізді саланы меңгергенмін. Бұл хакатон мен үшін 12-ші байқау. Олардың жетеуінде мен жеңіске жеттім. Үздік шығуыма тәжірибем мен нейрондық желілерді пайдаланудағы ұтымды шешімім басты рөл атқарды деп ойлаймын. Мен үшін бұл тәжірбиемді шыңдау ғана емес, сонымен қатар ақша табу мүмкіндігі. Демек, менің мансабымда бір қадам алға жылжу бар деген сөз, – дейді Арман Серғазин.Екінші орын және 300 мың теңге жүлдені № 8 команда (Ерасыл Базарбаев, Әлімжан Жорабек, Айжас Сериков және Алинур Толбаев) жеңіп алды. Үшінші орын және 200 мың теңге № 74 командасына (Руслан Анасов пен Малик Абдулов) бұйырды.Жекелеген марапаттар «Көрермендер көзайымы» аталымында үздік шыққан жобаларға берілді. № 14 және № 28 командалары әрқайсысы 100 мың теңге жүлдені иеленді. Байқаудың серіктестері – Freedom Bank және Freedom Telecom. Ұйымдастырушылар мен серіктестер қатысушылардың дайындығын жоғары бағалап, үздік жобалардың бизнеске енгізілу мүмкіндігіне сенім білдірді. Осыған байланысты жобаларды пилоттық режимде іске қосу мүмкіндігі бар үздік 15 командаға арналған қосымша жоба жарнамаланады.Ақпарат көзі : https://www.gov.kz/memleket/entities/karaganda/press/news/details/882245

Қарағандылық мамандар эндоскопиялық зерттеудің озық әдісі – капсулалық эндоскопияны игеруде. Тұңғыш рет ұйымдастырылған оқу Қарағандының көпсалалы облыстық балалар ауруханасында өтті. Дәрігерлер астаналық штаттан тыс балалар хирургы Ринат Байғыреев пен хирург, бейнекапсулалар өндіруші компанияның өкілі Виктор Исаковтан практикалық білім алды.Капсульды эндоскопия – асқазан-ішек жолдарын зерттеудің заманауи және қауіпсіз әдісі. Бұл әдіс 2001 жылы пайда болды. Дәрігерлердің айтуынша, бұл инвазивтілігі төмен әрі ыңғайлы диагностикалық тәсіл, әсіресе балаларға өте ыңғайлы.«Егер кәдімгі гастроскопия немесе колоноскопия тек асқазан-ішек жолдарының белгілі бір бөліктерін қарауға мүмкіндік берсе (гастроскопия – өңеш, асқазан және он екі елі ішек, колоноскопия – тоқ ішек), капсульды эндоскопия бүкіл асқазан-ішек жолдарын зерттеуге көмектеседі. Науқасқа арнайы белдік тағылып, ол шамамен бір сантиметрден сәл үлкен капсуланы жұтады. Капсула жоғары рұқсаттама камерасымен (4K) және жарықдиодты шамдармен жабдықталған. Олар жарықты қамтамасыз етеді. Қозғалыс жылдамдығына байланысты капсула секундына 2-ден 18-ге дейін сурет түсіреді», – дейді дәрігерлер.Зерттеу процесі видеотіркеумен бірге жүреді. Капсула шамамен 80 мың сурет түсіреді. Олар біріккен видеқатарға айналады. Нәтижесінде науқастың ішкі жағдайы туралы тұтас «фильмі» яғни көрінісі шығады. Егер зерттеу барысында ауытқулар анықталса, олар хаттамаға тіркеледі. Әдетте, мұндай зерттеу шамамен 8 сағатқа созылады.kgp.odkb.krg Ақпарат көзі : https://www.gov.kz/memleket/entities/karaganda/press/news/details/882376