Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге – 982,2 млрд теңге, ынтымақты зейнетақы төлеуге – 2 трлн 136 млрд теңге қарастырылды.2024 жылғы 1 қарашадағы жағдай бойынша зейнеткерлер саны – 2 млн 421 мың адам.2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері – 89 122 теңге, базалық зейнетақы – 42 608 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Ақпарат көзі : https://www.gov.kz/memleket/entities/enbek/press/news/details/882920

Абай атындағы балалар кітапханасы 18–22 қараша аралығында Үндістан мәдениетімен танысқысы келетіндер үшін арнайы шара ұйымдастырмақшы. Әлемдік дәстүрді тануға бағытталған жаңа бағдарлама аясында бірқатар кездесулер өткізу жоспарланған. Кіру тегін.«Қазір әлем мәдениетін тану маңызды. Бұл адамның дүниетанымын көзқарасын қалыптастырады. Біздің «Мәдениеттер тоғысы» жобамыз Италия, Жапония және Қытай дәстүрімен таныстырды. Алдымен қарағандылықтарға Үндістан атмосферасына еніп, танысу мүмкіндігін ұсынамыз», – дейді кітапхана өкілдері.Бағдарлама:* 18 қараша сағат 12:00-де – Үндістан мәдениет күндерінің ашылуы; Үнді ұлттық әні мен биі, танымдық викторина өтеді;* 19 қараша сағат 14:00-де – "Йога әлемі" йогадан шеберлік шыңдауға болады;* 20 қараша сағат 15:00-де – "Мехенди өнері" Хна көркем кескіндеме шеберлік сыныбы;* 21 қараша сағат 15:00-де – "Үнді тағамдары" аспаздық сабағы;* 22 қараша сағат 10:30-да – «Золотая антилопа» мультфильміннің көрсетілімі (Үнді ертегілері негізінде).Апта бойы кітапханада кітап көрмесі мен Қарағанды облыстық бейнелеу өнері музейі ұсынған сурет көрмесі өтеді. Кітапхананың мекенжайы: Бухар-жырау даңғылы, 30Ақпарат көзі : https://www.gov.kz/memleket/entities/karaganda/press/news/details/882861

Министрліктің Су ресурстарын реттеу, қорғау және пайдалану комитеті бассейндік инспекцияларды жаңа жабдықтармен қамтамасыз ету бойынша жұмыс жүргізуде.Бүгінгі таңда бассейндік инспекцияларға 18 жеңіл автокөлік, көп функциялы құрылғылар, судың жылдамдығы мен шығынын өлшеуге арналған датчиктер берілді. Сондай-ақ бассейндік инспекциялар ғимараттарына жөндеу жұмыстары жүргізілуде.«Су ресурстарын реттеу, қорғау және пайдалану комитеті судың «көлеңкелі» нарығына қарсы күресті күшейту үшін құрылған. Ведомство суды заңсыз пайдаланумен және оны есепке алу деректерінің бұрмалануымен, сондай-ақ, елдің су объектілеріндегі құқыққа қарсы шаруашылық қызметпен күреседі. Қазіргі уақытта бассейндік инспекциялар мен мемлекеттік су инспекторларының функцияларын кеңейту, жедел әрекет етудің жаңа құралдарын енгізу бойынша жұмыс атқарулуда», − деді Су ресурстары және ирригация министрі Нұржан Нұржігітов.Бүгінгі таңда бассейндік инспекциялардың жалпы штаты 241 адам. Министрлік құрылғаннан бері штат саны 1,5 есе ұлғайды. Бұл республиканың әрбір облыс орталығында бассейндік инспекция бөлімдерін ашуға мүмкіндік берді.Айта кетейік, елімізде 8 бассейндік инспекция бар. Ол Арал-Сырдария, Балқаш-Алакөл, Ертіс, Есіл, Жайық-Каспий, Нұра-Сарысу, Тобыл-Торғай және Шу-Талас бассейндік инспекциялары.Ақпарат көзі : https://www.gov.kz/memleket/entities/water/press/news/details/882866

Премьер-Министрдің орынбасары – Ұлттық экономика министрі Нұрлан Байбазаров Байбазаров Бакуде өткен БҰҰ-ның климаттың өзгеруі жөніндегі –COP29 жыл сайынғы конференциясына қатысты.Нұрлан Байбазаров «ИДБ-ға қатысушы елдерде климаттық өзгерістерге төзімді су инвестицияларын қаржыландыруды ашу» атты жоғары деңгейлі сессияда сөйлеген сөзінде су саласының өзекті мәселелеріне тоқталып өтті. Сондай-ақ Қазақстанның тәжірибесімен бөлісіп, қазіргі сын-қатерлерді шешу жөніндегі жоспарлар мен су ресурстарын тұрақты басқарудың стратегиялық инвестициялары туралы айтты.«Еліміздің су саласын реформалау және трансформациялау үшін жаңа ведомство яғни, Су ресурстары және ирригация министрлігі құрылды. Жаңа Су кодексі әзірленіп, Су ресурстарын басқару жүйесін дамыту тұжырымдамасы мен Су саласын дамытудың кешенді жоспары бекітілді», - деп хабарлады іс-шараға қатысушыларға вице-премьер.Оның айтуынша, орта мерзімді кезеңде Қазақстан 20 жаңа су қоймасын салу әрі кемінде 15 жұмыс істеп тұрған су қоймасын реконструкциялау, сондай-ақ 3500 шақырым каналды жөндеу мен цифрландыру міндетін қойды.Қазақстан Үкіметі еліміздің барлық өңірлерінде, оның ішінде халықаралық қаржы ұйымдары мен қаржы институттарын тарта отырып, су инфрақұрылымын салу мен жаңғырту бойынша белсенді жұмыс жүргізе бастады.Сонымен қатар, Н.Байбазаров Ислам Даму Банкі (ИДБ) Қазақстанның су шаруашылығы саласына $1,1 млрд инвестиция құятынын атап өтті. Бірінші кезеңде ИДБ бөлетін қаражатты 8 су қоймасын салу мен реконструкциялауға әрі 115 каналды күрделі жөндеуге бағыттау жоспарлануда.Ақпарат көзі : https://www.gov.kz/memleket/entities/economy/press/news/details/882869

ҚР Туризм және спорт министрі Ербол Мырзабосынов биылғы 26 қазан мен 4 қараша аралығында Черногорияның Будва қаласында және сол уақытта АҚШ-тың Пуэбло қаласында өткен бокстан жастар арасындағы әлем чемпионаттарының жеңімпаздарымен және жүлдегерлерімен кездесіп, жас былғары қолғап шеберлері мен олардың жаттықтырушыларын марапаттады.Іс-шараға Қазақстан бокс федерациясының президенті Шахмұрат Мүтәліп, Қазақстан бокс федерациясының бас хатшысы Рауан Игенев, Бокстан ҚР жастар әйелдер құрама командасының аға жаттықтырушысы Жанкелді Ахметов, бокстан ҚР жастар құрама командасының аға жаттықтырушысы Мақсат Бақтыбазаров және әлем чемпионатының жеңімпаздары мен жүлдегерлері қатысты.Министр жас боксшылардың әлем чемпионаттарындағы табысын ерекше атап өтіп, еліміздің болашағы үшін бұл жеңістің маңызы зор екенін айтты.Сондай-ақ спортшылардың жарқын жеңісі халықаралық аренада еліміздің абыройын арттырып қана қоймай, өскелең ұрпаққа даүлгі-өнеге екенін жеткізді.«Жас спортшылардың әлем чемпионаттарында топ жаруы – үлкен жетістік. Бұл жеңіс ел боксшыларының бұған дейінгі жетістіктерінің заңды жалғасыекендігін көрсетеді. Сондай-ақ әлемге біз Қазақстан құрамасының жаңа, жұлдызды буынының өсіп келе жатқанын дәлелдедік. Жастар – біздің үмітіміз, еліміздің жарқын болашағы. Боксшыларымыз өздерінің еңбекқорлығы, таланты мен талабының арқасында әлемдік аренада еліміздің абыройын асқақтаты. Олардың жетістіктері жаңа буынға үлгі-өнеге болады. Жас боксшыларымыздан болашақта одан да жоғары нәтижелер күтеміз», – деді Ербол Мырзабосынов.Айта кетейік, Черногорияның Будва қаласында өткен жастар арасындағы бокстан әлем чемпионатында қазақстандық боксшылар 6 алтын, 1 күміс, 10 қола медаль еншілеп, алғаш рет жалпыкомандалық есепте бірінші орын алды. Ал АҚШ-тағы әлем чемпионатында біздің боксшылар екі күміс медаль иеленді.Ақпарат көзі : https://www.gov.kz/memleket/entities/tsm/press/news/details/882844

Абай облысындағы заңсыз қоқыс үйінділерін жою жұмысы облыс әкімі Нұрлан Ұранхаевтың төрағалағымен өткен жиында талқыланды. Бұл бағыттағы жұмыс жалғасуда. Ғарыштық мониторинг деректеріне сәйкес өңірде 2024 жылдың сәуір-қазан айлары аралығында 266 қоқыс орны анықталған. Бүгінде оның 133-і жойылды, бұл жалпы көлемнің 50 пайызын құрайды. Әсіресе Семей қаласы мен Аягөз, Жарма, Жаңасемей аудандарында заңсыз қоқыс үйінділері азаймай тұр.«Аталған қала, аудан әкімдері, бұл бағыттағы жұмысты ширату керек. Мәселені шешудің жолдарын қарастыру қажет. Полициямен бірлесе жұмыс істеңіздер. Ал қоқыс полигонын салу қажет болса оны да ойластырыңыздар», — деді облыс әкімі.«Таза Қазақстан» экологиялық бағдарламасы аясында tazaqazaqstan.kz онлайн-платформасы іске қосылды. Бұл платформа арқылы азаматтар экологиялық мәселелерді жою бойынша өз өтініштерін бере алады. Платформа іске қосылғаннан бері 102 өтініш түсіп, оның 92-сі орындалды.«Облыстың экологиялық ахуалын жақсарту бағытындағы жұмыс жалғасады. Қалдықтарды басқарудың инфрақұрылымын дамытуға, азаматтардың өтініштері бойынша жұмыстың тиімділігі мен сапасын арттыруға ерекше көңіл бөлінуде», - деді облыстық Табиғи ресурстар және табиғатты пайдалануды реттеу басқармасының басшысы Айнұр Ақмырза.Өңірдегі өзекті жобалардың бірі – Семей қаласында тұрмыстық қатты қалдықтарға (ТҚҚ) арналған заманауи полигон мен қоқыс сұрыптау зауытының құрылысы.Абай облысын дамытудың кешенді жоспарына сәйкес жоба 2025 жылға дейін жүзеге асырылады. Қазір жоба аяқталып, мемлекеттік сараптамадан оң қорытынды алды.Ақпарат көзі : https://www.gov.kz/memleket/entities/abay/press/news/details/882826

Облыс әкімі Нұрлан Ұранхаевтың төрағалығымен әкімдіктің отырысы өтті. Күн тәртібінде биылғы жол жөндеу жұмыстарын аяқтау, жолдарды қысқы маусымға дайындау және күтіп ұстау мәселелері қаралды.2024 жылы жалпы трансферттер аясында жергілікті маңызы бар жолдарды орташа жөндеуге 10,3 млрд теңге бөлінді. Жөндеу жұмыстарымен ұзындығы 60 шақырымды құрайтын аудандық маңызы бар 7 учаске және ұзындығы 96 шақырымдық аудандық маңызы бар 16 учаске қамтылған. «Ауыл – ел бесігі» бағдарламасы аясында 50,4 шақырым көшеде жөндеу жүргізілді. Семейде жалпы ұзындығы 36 шақырымды құрайтын 40 көшені жөндеу жұмысы аяқталуға жақын. Облыстың жолдарын қысқа дайындау жоспарлы түрде жүріп жатыр. Республикалық жолдарға қызмет көрсету үшін «КАЖсервис» ЖШС жұмылдырылған, оның құрамында 293 қызметкер мен 90 бірлік техника бар. Облыстық маңызы бар жолдарды «Семей жолдары» ЖШС үш қосалқы мердігер ұйыммен бірлесіп күтіп ұстауда. Аймақ басшысы жиында жол жөндеу жұмысы әлі аяқталмаған бірнеше аудан әкіміне бұл жұмысты ширатуды тапсырды.«Күн суытып, қар жауа бастағанда жанталасып жол жөндеп кетеміз. Неге уақытылы, ауа райы қолайлы болып тұрғанда жасамаймыз?! Жолдың сапасына сұраныс ерекше болатынын ескертемін! Жылдың аяғына дейін барлығын тездетіп бітіру қажет. Бөлінген қаржыны игеру керек», — деді облыс әкімі.Отырыста өңірдегі қоғамдық көлік мәселесі талқыланды. Облыс әкімі бұл мәселе халық тарапынан жиі көтерілетінін атап өтіп, проблеманы шешетін уақыттың жеткенін айтты.«Семейде қоғамдық көлік дұрыс жүрмейді. Олардың санын кім бақылап отыр? Тұрғындардың шағымы көп. Қайда барсаң да осы мәселе алдымыздан шығады. Автопарк жаңарып жатыр дейсіздер. Дегенмен, халық наразы! Егер жұмыс істей алмасаңыздар басқа өңірден тасымалдаушылар шақыру жағын қарастыру керек. Бұл қашанғы жалғасады? Міне, күн де суыды. Жер тайғақ. Тезірек реттеңіздер бұл жұмысты», — деді облыс әкімі.Абай облысында қыс кезінде халықты қорғау, төтенше жағдайлардың алдын алу мақсатында тиісті шаралар жүзеге асырылуда. Дайындық аясында «2023-2025 жылдардағы қысқы кезеңде Абай облысының тұрғындарын қолайсыз жол-климат жағдайлары кезінде төтенше жағдайлардан қорғауды ұйымдастыру жөніндегі іс-шаралар жоспары» бекітілді.Өңірде қар ұстайтын қалқандарды орнату, жылу пункттерін жөндеу, жабдықтау, жолдардың қиын учаскелеріне кезекшілерді бөлу, қосымша техникаларды тарту және оларды жылумен жабдықтау шаралары жүргізілуде. Аймақ басшысы жиында су тасқынының алдын алуға қазірден бастап қамдану қажеттігін атап өтті.«Су басу қаупі бар аудандар белгілі. Сол аудандарды ерекше назарда ұстау қажет. Жолаушылар көлігі және автомобиль жолдары басқармасына, қала және аудан әкімдеріне жүргізіліп жатқан жол жөндеу жұмыстарының сапасын тұрақты түрде бақылауды, 1 желтоқсанға дейін 2025 жылға арналған жол жөндеу жұмыстары жоспарын ұсынуды, қалалар мен аудандардың бюджеттерінен аудандық маңызы бар автомобиль жолдары мен елді мекендердегі көшелерді жөндеуге және күтіп-ұстауға қаржыландыруды ұлғайтуды тапсырамын», — деді облыс әкіміАқпарат көзі : https://www.gov.kz/memleket/entities/abay/press/news/details/882831

ҚР Парламенті Сенатының Әлеуметтік-мәдени даму және ғылым комитетінің мүшелері елордадағы спорт нысандарын аралады. ҚР Туризм және спорт вице-министрі Серік Жарасбаев депутаттарды нысандардың жұмысымен таныстырды.Сенаторлар ең алдымен Астана қаласы әкімдігінің «№5 балалар мен жасөспірімдердің мамандандырылған олимпиадалық резерв спорт мектебі» коммуналдық мемлекеттік мекемесіне барып, мектептің спортшыларды даярлау жағдайымен танысты. Білім ордасында балалармен жасөспірімдер гандбол, волейбол және баскетбол сияқты олимпиадалық спорт түрлері бойынша жаттығады. Қазіргі таңда мұнда 600-ге жуық бала білім алып жатыр. Оларды 30 жаттықтырушы жаттықтырады.Сонымен қатар Сенат депутаттары мүмкіндігі шектеулі спортшыларға арналған Паралимпиадалық жаттығу орталығын аралады. Мұнда бір күнде 300-ге жуық параспортшы жаттыға алады. Сондай-ақ ғимаратта көп салалы жүгіру жолағы, 150 адамға арналған киім ауыстыратын және дәрігерлер бөлмесі бар. Орталық Паралимпиадаға қатысатын спортшыларға үлкен қолдау көрсетеді. Кездесу барысында спортшылар сенаторларға ұсыныстарын жеткізді.Одан әрі депутаттар елордада салынып жатқан Ұлттық спорт университетінің құрылысымен танысты. Қазіргі таңда мұнда құрылыс жұмыстарының екінші кезеңі жүріп жатыр. Бұл кезеңде университет ғимараты, атап айтқанда, конференц-зал, әкімшілік блок, дәріс залдары, ғылыми-зерттеу орталығы бар кітапхана, асхана салынады. Сонымен қатар студенттерге арналған жатақхана, профессор-оқытушыларға арналған тұрғын үй және медициналық-оңалту орталығы бой көтереді.Сенат депутаттары еліміздегі спорттық инфрақұрылымды жақсартуға қатысты пікірлерімен ұсыныстарын ортаға салды.Атап айтқанда, спорт нысандарының қолжетімділігін арттыру, оқу-жаттығу жүйесін жақсарту, сондай-ақ спорттық кадрлар даярлау мен оларды халықаралық деңгейге шығару мәселелері сөз болды.Ақпарат көзі : https://www.gov.kz/memleket/entities/tsm/press/news/details/882819

Бүгін Денсаулық сақтау министрі пациенттерді емдеу және дәрі-дәрмекпен қамтамасыз ету, клиникалық бөлімшелердің жұмысын бағалау шарттарымен танысу мақсатында Астанадағы Отан соғысы ардагерлерінің орталық госпиталіне барды.Сапар барысында ол медицина қызметкерлерімен кездесулер өткізіп, мүмкіндігі шектеулі жандардың, ардагерлердің, қарттардың әл-ауқаты туралы сұрады.«Біз құрметті ардагерлерімізге лайықты медициналық көмек көрсетудің қаншалықты маңызды екенін түсінеміз және бұл біздің денсаулық сақтау жүйесі үшін әрқашан басымдыққа ие болады. Жоғары сапалы медициналық көмек көрсетіп қана қоймай, азаматтардың осы санатын оңалту және әлеуметтік бейімдеу туралықамқорлық жасау маңызды», — деп атап өтті министр.Мұнда пациенттерді сәйкестендіру, дәрілік заттарды дербестендіру бойынша жұмыстар көрсетілді, сондай-ақ емдеуге жатқызу шеңберінде жүргізілетін оңалту және қалпына келтіру рәсімдерімен таныстырылды.Екінші келу нысаны №2 қалалық емхана болды, онда министр ҰҒДСДО басқарма төрағасы Гүлнар Құлқаевамен бірлесіп мейіргер қызметінің жұмысымен, диспансерлік науқастарға қызмет көрсетумен, пациенттерді қабылдау және жолдама беру процесімен танысты.Сапар барысында емхана жұмысында жақында енгізілген жаңалықтар талқыланды. Атап айтқанда, бұл пациенттерді емдеуге жатқызар алдында талдаулардың тізбесін қысқарту туралы болды, бұл арнайы мамандардың көп науқастарды қабылдауға уақытын босатуға мүмкіндік берді.Министр сондай-ақ пациенттермен әңгімелесті, көрсетілген медициналық қызметтердің қанағаттанушылығын сұрады, емхананың жұмысын жақсарту бойынша ұсыныстарын назарға алды.Ақпарат көзі : https://www.gov.kz/memleket/entities/dsm/press/news/details/882835

Жамбыл облысының әкімі Ербол Қарашөкеев балалардың қауіпсіздігін қамтамасыз етуге және оқу процесін цифрландыруға мүмкіндік беретін жүйелер енгізілген Тараз қаласындағы білім ошақтарын аралап, пилоттық жобаның іске асырылу барысымен танысты.Алдымен облыс әкімі «Ұлы дала» (15) шағынауданындағы №64 орта мектепке барды. Бұл білім беру нысанына «Отан Мектеп» ақпараттық-бағдарламалық кешені орнатылған.1200 балаға шақталған ғимарат өткен жылы бой көтерген. Бүгінде екі ауысымда 2 285 оқушы білім алуда. Мектепте 132 педагог қызмет етеді. Білім беру нысанында 56 оқу бөлмесі, 6 компьютер, 2 лингафон, 1 мұғалімдер кабинеті бар, сондай-ақ 1 мәжіліс залы, 2 спортзал, асхана, кітапхана, 4 шеберхана мен 3 зертхана қарастырылған.Бұдан соң облыс әкімі Арай алқабында орналасқан 600 орындық №63 орта мектептің жұмысымен танысты. Аталған білім ошағына «Алақан» жобасы пилоттық режимде іске қосылған.Айта кетейік, бұл пилоттық жобалар аясында ата-аналар баласының мектепке кіріп-шыққанын, асханаға қай уақытта барып, қанша қаражат жұмсағанын ұялы телефоны арқылы бақылай алады. Бұдан бөлек, білім ұясындағы барлық кітаптар жүйеге енгізіледі әрі оқулықтарды пайдалануға алған оқушыны анықтау оңайға соғады.Мектеп директоры Медет Жантелиевтің айтуынша, қазір 38 педагог 481 балаға білім беруде. Нысанда 26 оқу бөлмесі, 4 компьютер, 3 модификация кабинеті, 4 шеберхана, мәжіліс залы, спортзал мен асхана бар.Ербол Қарашөкеев балалардың қауіпсіздігін қамтамасыз ету мәселесі ерекше бақылауда тұрғанын атап өтіп, жауаптыларға пилоттық жобалардың тиімділігін жан-жақты зерделеуді тапсырды.Ұтымды жобаның тәжірибесі өңірдегі басқа да мектептерге таратылатын болады.Ақпарат көзі : https://www.gov.kz/memleket/entities/zhambyl/press/news/details/882820

Жыл сайын 1 желтоқсанда әлемде ЖИТС-пен күрес күні өткізіледі. Бұл күндері денсаулық сақтау, азаматтық қоғам, түрлі ведомстволар АИТВ-инфекциясының таралуының алдын алу бойынша тиімді іс-қимыл жасау үшін бірігеді. Осы жұмыс аясында елордада аталмыш дерт түрлерінің алдын алу бойынша «Дұрыс жолды – адам құқықтарының жолын таңдаңыз» айлығы басталды, деп хабарлайды Астана әкімдігінің ресми сайты.Осы жылдың тоғыз айында елордада АИТВ-инфекциясының 327 жаңа жағдайы анықталды. Олар: 75,2 пайызы – ерлер, 24,8 пайызы – әйелдер, 62,4 пайызы – 20-39 жас аралығында.Дүниежүзілік науқан аясында 1 қарашадан 1 желтоқсанға дейін Астанада бірқатар іс-шара өткізіледі.Осылайша, бір ай ішінде медицина қызметкерлерінің, азаматтық белсенділердің, білім беру ұйымдарының, ведомстволық органдардың қатысуымен АИТВ-инфекциясының алдын алу және АИТВ-мен өмір сүретін адамдарға қатысты стигма мен кемсітушілікке жол бермеу туралы хабардарлықты арттыру бойынша түрлі іс-шаралар өтіп жатыр.Адамдар көп жиналатын орындарда, сауда-ойын-сауық орталықтарында, базарларда, теміржол вокзалдарында, әуежайда, сондай-ақ өзге өңірлерден келген қала қонақтары үшін АИТВ-инфекциясы мәселелері бойынша мамандардың консультацияларымен АИТВ-инфекциясына жедел тестілеу өткізілетін акциялар өтеді.Елордада халықтың барлық топтарының АИТВ-ның алдын алу және емдеу қызметтеріне сапалы қолжетімділігін қамтамасыз ету бойынша түрлі шаралар қабылданып жатыр.сылайша, медициналық ұйымдарда қызмет көрсетумен қатар, халық инвазивті емес экспресс-тестерді қолдана отырып, АИТВ-ға тестілеуден өтіп, ЖИТС-сервистік үкіметтік емес ұйымдарда кеңес ала алады.Ақпарат көзі : https://www.gov.kz/memleket/entities/astana/press/news/details/882760

Елордада жауын-шашынның көп болуына байланысты коммуналдық қызметтер тәулік бойы ауысымдық режимде жұмыс істеп жатыр. Түнгі ауысымда 1300-ден астам арнайы техника мен 300-ден астам жол жұмысшысы қар тазалауға шықты, деп хабарлайды елорда әкімдігінің ресми сайты.13 қараша күні Астанадан 26 мың текше метрден астам қар шығарылды, бұл 2,1 мыңнан астам ауыр жүк көлемін құрайды.Қыс мезгілінің басынан бері полигондарға 14,3 мың рейс, яғни 181 мың текше метрден астам қар шығарылды.Ережелерге сәйкес, жолдарда кептеліс болмас үшін ең алдымен өте қарқынды қозғалыс аймақтары тазартылады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады.Бірінші кезекте орталық көшелерде, жолаушылар көлігі маршруттарында, аялдамалар мен тротуарларда тазалау жұмыстары жүргізілуде.Қалада бірнеше жабдықталған қар полигондары бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылған, жарықтандыру қосылған.«Қазгидромет» РМК мәліметінше, 14 қараша күндізгі уақытта Астанада күн бұлтты, қар жауып, боран болады. Оңтүстік-батыстан соғатын жел екпіні 15-20 м/с.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарлардан бас тартуды сұрайды.Төтенше жағдай туындаған кезде «112» телефонына хабарласыңыз. Ақпарат көзі : https://www.gov.kz/memleket/entities/astana/press/news/details/882778

2024 жылы Бурабай ауданында инженерлік инфрақұрылымды жаңғырту жалғасуда. Щучинск қаласында және Бурабай, Зеленый Бор, Оқжетпес кенттерінде жылумен жабдықтау бойынша 6 жоба іске асырылды.Жаңа блоктық-модульдік қазандық осы жылдың көктемінде Оқжетпес ауылында пайдалануға берілді. Қазандықтың белгіленген қуаты сағатына 12,0 Гкал 442 абонентті жылумен қамтамасыз етуге мүмкіндік береді.Бурабай және Зеленый бор кенттерінің қазандықтарында қазандықтардың конвективтік бөліктеріне жөндеу жұмыстары жүргізілді, қосалқы тартқыш, сорғы жабдықтары мен электр бөлігіне престеу және жөндеу жүргізілді.Щучинск қаласының бес жылумен жабдықтау объектілерінде құбыр жүйелеріне жөндеу және тазалау жүргізілді, қазандық агрегаттарына гидравликалық сынақтар жүргізілді. 6 қазандық заманауи қазандықтарға ауыстырылды.Ремзавод және гоный аудан орталықтарының шағын аудандарын жылумен тұрақты қамтамасыз ету мақсатында екі сорғы станциясы салынды.Щучинск қаласында жылу магистралін салу бойынша үш жоба іске асырылды, соның арқасында ағымдағы жылы 20 жылдан астам уақыт бойы үй пештерімен жылытылған 18 көппәтерлі тұрғын үй орталық жылытуға сәтті қосылды.«Барлық коммуналдық қызметтердің жұмысы тұрақты бақылауда, халықтың өмірін жақсартуға бағытталған ауданның барлық объектілерін кезең - кезеңімен жаңғырту жүргізілуде», - деді Бурабай ауданының әкімі Арай Садыков.Ақпарат көзі : https://www.gov.kz/memleket/entities/aqmola/press/news/details/882808

Өңір басшысының тапсырмасымен Алматы қаласына іссапармен барған облыс әкімінің орынбасары Абзал Әбдікәрімов ынтымақтастықты және инвестициялық жобаларды дамыту перспективалары бағытында бірнеше кездесу өткізді.Екінші күні ақтөбелік делегация Кореяның сауда және инвестицияларды ілгерілету агенттігінің (KOTRA), кеңсесінде болды. Сондай-ақ, Алматы қаласы Кәсіпкерлік және инвестициялар басқармасының бірқатар ведомстволық бағынысты ұйымдарының, соның ішінде «Almaty Business Development Company» АҚ қызметімен танысты.KOTRA басшылығымен кездесу барысында Ақтөбе қаласында құрылып жатқан арнайы экономикалық аймақты тиімді дамыту және басқару үшін жетекші корей компанияларын тарту, өзара тиімді ынтымақтастық орнату, сонымен бірге инвестициялар тарту және сыртқы сауданы кеңейту мүмкіндіктері талқыланды.Ал «Инвестициялар үйінде» ақтөбелік делегацияға инвестициялық ахуалды жақсарту, бизнесті қолдау және инвестициялық жобаларды сүйемелдеуге бағытталған бағдарламалар туралы ақпарат берілді.Сапар аясында нарықта қарқынды дамып келе жатқан жергілікті «ЭНКО» компаниясы да өз жұмыстарын таныстырып, Ақтөбе облысының аумағында қызметін кеңейту перспективаларын талқылады.Абзал Әбдікәрімов өңірлер арасындағы экономикалық байланыстарды нығайту және түрлі салалардағы ынтымақтастықты одан әрі дамыту аса маңызды екенін атап өтті.Ақпарат көзі : https://www.gov.kz/memleket/entities/aktobe/press/news/details/882766

Бүгін, 13-ші қарашада Астана қ. «PolyTech Astana» ЖШС зауытына экскурсия ұйымдастырды. Бұл полиэтилен (ПЭ), поливинилхлорид (ПВХ) және ПВХ-O құбырларын өндіретін жетекші қазақстандық кәсіпорын.Бұл шараға бизнес өкілдері, салалық мамандар, журналистер және заманауи өндірістік технологияларына қызығушылық танытатын қонақтар қатысты.Қатысушыларға зауыттың 5000 м2 аумағында орналасқан инновациялық өндірістік процестерімен танысуға мүмкіндік берілді. Экскурсия барысында шикізатты бастапқы өңдеуден бастап, дайын өнімді қаптауға дейінгі барлық негізгі өндіріс кезеңдері көрсетілді. Қонақтарға кабельдік желілерге, сумен жабдықтауға, су бұруға, газбен жабдықтауға және кәріз жүйелеріне арналған жоғары сапалы құбырларды шығаратын, еуропалық озық технологиялар бойынша жұмыс істейтін сегіз заманауи өндірістік желі таныстырылды.ТОО «PolyTech Astana» өкілдері зауыттың 1,67 м3 су және 5 МВт электр энергиясымен жабдықтау қуатына ие екенін айтып, осының арқасында компанияның өндіріс көлемін тиімді орындап, Қазақстан мен халықаралық нарықтың жоғары талаптарына жауап бере алатынын жеткізді. Қонақтар зауыттың мүмкіндіктерін жоғары бағалап, аймақтың инфрақұрылымдық қажеттіліктерін қамтамасыз етудегі маңызды рөлін атап өтті.Экскурсия сұрақ-жауап сессиясымен аяқталып, қонақтар өндіріс процестері, инновациялар және компанияның даму жоспарлары туралы сұрақтар қоя алды.Ақпарат көзі : https://www.gov.kz/memleket/entities/mps/press/news/details/882764

Қарағанды, 2024 жылғы 12 қараша – Қарағанды облысына жұмыс сапары барысында Қазақстан Республикасы Сыртқы істер министрінің орынбасары Әлібек Қуантыров пен «Kazakh Invest» ҰК» АҚ басқарушы директоры Азамат Қожанов бірқатар ірі өңірлік кәсіпорындарға, соның ішінде «Сарыарқа» АЭА нысандарына барып, өзекті инвестициялық мәселелерді талқылады.Осылайша, «Линде Газ Казахстан» ЖШС инвестициялық жобасының алаңында делегация техникалық газдар шығаратын ауа бөлетін қондырғылардың өндірістік циклімен танысып, компанияның Қазақстандағы қызметін одан әрі кеңейту әлеуетін талқылады. 2009 жылы құрылған кәсіпорын оттегі мен азот сияқты өнеркәсіптік газдарды өндіруге маманданған. Бұрын іске асырылған жобалардың сомасы шамамен 200 млн АҚШ долларын құрайды.Бұдан әрі делегация «Qarmet» АҚ қазақстандық ірі болат және тау-кен өндіру компаниясының металлургиялық комбинатына барды, онда домна пешінің жұмысы, сондай-ақ ыстық мырыштау және алюминий цехының жұмыс істеуі көрсетілді. «Qarmet» АҚ негізгі қызметінен басқа, әлеуметтік салада бірқатар жобаларды іске асырды, атап айтқанда, Теміртау қаласында саябақ салынды, сондай-ақ трамвай инфрақұрылымын қалпына келтіру жұмыстары басталды. Компанияның бас директоры Вадим Басинмен кездесу барысында тараптар компанияның өндіріс пен өндірістік қуаттылықты ұлғайту, логистикалық мәселелерді шешу, сондай-ақ инвестициялық қызметті кеңейту жөніндегі жоспарларын талқылады.Сапар барысында Ә. Қуантыров диірмендерге арналған футерлерді өндіруге маманданған «Polymet Solutions Corporation» ЖШС кәсіпорнының қызметімен танысты. Зауыт 2020 жылы іске қосылды және қазіргі уақытта оның өнімдері көрші нарықтарға белсенді түрде экспортталуда. Бұған дейін 2024 жылы кәсіпорын алаңында «OKUMA» жоғары дәлдіктегі фрезерлік өңдеу орталығы пайдалануға берілген болатын. Нысан басшылығымен кездесуде өндірісті дамыту жоспарлары, оның ішінде құю зауытын салу жобасы талқыланды.Министрдің орынбасары сондай-ақ 2021 жылы іске қосылған және Ресей мен Қырғызстанға өнімді экспорттайтын «Алтын Арна Geosynthetics» ЖШС геомембрана өндіру зауытының қызметімен, сондай-ақ «Qaragandy Power Silicon» ЖШС ферросиликоалюминий өндіру зауытының құрылыс алаңымен танысты.Сонымен қатар «Сарыарқа» АЭА аумағында облыс әкімінің орынбасары Ермек Алпысовпен және басқарушы компаниямен бірлесіп АЭА қажетті инфрақұрылыммен және электрмен жабдықтау мәселелерін талқылады. Сондай-ақ рұқсат құжаттарын алу бөлігінде өндірістердің ағымдағы проблемалық мәселелері, инфрақұрылымдық мәселелер және өткізу нарығына байланысты мәселелер талқыланды. Инвестициялық штабқа одан әрі шығара отырып, бірқатар мәселелерді қарау туралы шешім қабылданды.Сапар қорытындысы бойынша делегация Қарағанды облысының әкімі Ермағанбет Бөлекпаевпен өңірдегі өнеркәсіпті одан әрі дамыту және инвестициялар тарту үшін қажетті шараларды талқылау үшін кездесті.Анықтама: Қарағанды облысы өңірдің экономикасын нығайтуға, салаларды әртараптандыруға және жұмыс орындарын құруға бағытталған инвестициялық жобаларды іске асыру үшін отандық және халықаралық инвесторларды тарта отырып, белсенді дамуын жалғастыруда. Осылайша, инвестициялық жобалардың ұлттық пулы аясында 2023 жылы жалпы құны 141,5 млрд теңге болатын 2000-нан астам жұмыс орнын құрумен 24 ірі инвестициялық жоба іске асырылды. 2024 жылы 2400-ге жуық жұмыс орнын құра отырып, 214,2 млрд теңге сомасына 10 жобаны пайдалануға беру жоспарлануда. 2025 жылы тамақ өнеркәсібі, энергетика, металлургия, құрылыс және ауыл шаруашылығы салаларында 8 инвестициялық жобаны іске қосу жоспарлануда. Қарағанды облысының инвестициялық жобалар пулының жалпы көлемі шамамен 1,3 триллион теңгені құрайды.Ақпарат көзі : https://www.gov.kz/memleket/entities/mfa/press/news/details/882774

Бүгін Бакуда БҰҰ-ның COP29 климаттың өзгеруі жөніндегі конференциясы аясында Қазақстан Республикасының Энергетика Вице-министрі Сұңғат Есімханов атом энергиясын пайдалануды үш есе арттыру бойынша күш-жігерді ілгерілету жөніндегі халықаралық іс-шараға қатысты.Вице-министр өз сөзінде Париж келісімінің мақсаттарын орындау үшін әлемдік экономиканы декарбонизациялауды жеделдетуге және парниктік газдар шығарындыларын азайтуға бағытталған 2050 жылға қарай атом энергетикасын үш есе ұлғайту жөніндегі декларацияға Қазақстанның қосылатынын жариялады.«Қазақстанның 2050 жылға қарай атом энергиясын үш есе ұлғайту туралы Декларацияға қосылуы – тұрақты және экологиялық таза болашаққа жасалған маңызды қадамымыз. Біз энергетикалық қауіпсіздікті нығайтып қана қоймай, ортақ мақсатқа жету үшін әлемдік қоғамдастықпен ынтымақтаса отырып, көміртегі шығарындыларының жаһандық төмендеуіне елеулі үлес қосуға тырысамыз», - деп атап өтті Энергетика вице-министрі.Париж келісімінің алғашқы жаһандық шолуы аясында атом энергетикасы температураның 1,5 °С өсуін шектеу мақсатына жетудің негізгі шешімдерінің бірі ретінде танылды.Қазіргі уақытта декларацияға 26 мемлекет қосылды: Армения, Болгария, Канада, Хорватия, Чехия, Финляндия, Франция, Гана, Мажарстан, Ямайка, Оңтүстік Корея, Молдова, Моңғолия, Марокко, Нидерланды, Польша, Румыния, Словакия, Словения, Швеция, Украина, БАӘ, Ұлыбритания, Америка Құрама Штаттары және оның ішінде Қазақстан.Қазақстанның атом энергетикасын үш есе ұлғайту туралы Декларацияға қосылуы елдің орнықты даму мақсаттарына бейілділігін және климаттың өзгеруіне қарсы күреске елеулі үлес қосуға дайын екендігін білдіреді. Қазақстан атом энергетикасын 2060 жылға қарай көміртегі бейтараптығына қол жеткізуге, таза энергия көздерінің үлесін ұлғайтуға және сенімді энергиямен жабдықтауды қамтамасыз етуге мүмкіндік беретін өзінің болашақ энергия теңгерімінің маңызды компоненттерінің бірі ретінде қарастырады.Қазақстан бейбіт атомды дамыту жөніндегі халықаралық бастамаларға белсенді қатысуға және осы саладағы жетекші мемлекеттермен және халықаралық ұйымдармен ынтымақтастықты кеңейтуге ниетті.Ақпарат көзі : https://www.gov.kz/memleket/entities/energo/press/news/details/882798

13 қарашада Қарағанды облысының аумағында тұрмыстық газ баллондарын пайдалану қауіпсіздігін қамтамасыз ету мақсатында Төтенше жағдайлар департаментінің және оның аумақтық бөлімшелерінің қызметкерлері автогаз құю станциялары мен газ толтыру станцияларында рейдтік үгіт-профилактикалық іс-шаралар өткізді.Осы іс-шараны өткізу барысында қызметкерлер тұрмыстық газ баллондарын пайдалану ережелерін жеткізді, ұсынымдар берді.«Есіңізде болсын, осы ережелерді мұқият орындау ықтимал төтенше жағдайлардың алдын алуға, өзіңіздің және жақындарыңыздың қауіпсіздігін қамтамасыз етеді», - деп Қарағанды облысы ТЖД Мемлекеттік өрт бақылау басқармасының бастығы Нұрлан Жақыпов атап өтті.ТЖМ тұрғындарға екі қабаттан асатын көппәтерлі тұрғын үйлерде тұрмыстық газ баллондарын сақтауға және пайдалануға тыйым салынатыны туралы еске салады. Газ баллондарының жарамдылығына ерекше назар аударған жөн, яғни оларды жылыту аспаптары мен пештердің жанында орналастыруға, сондай-ақ автогаз құю станцияларында баллондарға жанармай құюға тыйым салынады. Газ баллондары тек мамандандырылған газ толтыру станцияларында жанармай толтырылу қажет, ал суық жерден әкелінген кезде – пайдалану үшін қауіпсіз жерлерде сақталуы тиіс. Ақпарат көзі : https://www.gov.kz/memleket/entities/emer/press/news/details/882776

Туризм және спорт министрлігі «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасын әзірледі. Құжатта маңызды жаңашылдық ретінде «мүгедектігі бар спортшыны сүйемелдеуші» ұғымы енгізіледі. Бұл жаңа ереже бірінші топ мүгедектігі бар спортшыларға спорттық іс-шараларға қатысу кезінде көмек көрсетуге мүмкіндік береді. Заң жобасы мүгедектігі бар спортшылардың қозғалыс еркіндігін және спорттық жарыстарға қатысу шарттарын ұлғайтуға бағытталған. Туризм және спорт министрлігі өкілдерінің айтуынша, бұл өзгеріс спорттағы инклюзивтілікті арттырып, мүгедектігі бар азаматтардың спортқа қатысуына қолайлы жағдай жасауға септігін тигізеді.«Мүгедектігі бар спортшылар үшін арнайы көмек көрсету жүйесін енгізу – бұл еліміздегі спортты барынша инклюзивті ету жолындағы маңызды қадам. Біз барлық азаматтар үшін тең мүмкіндіктерді қамтамасыз етуге бағытталған саясатты жалғастырамыз», – деп атап өтті Туризм және спорт министрі Ербол Мырзабосынов.Құжаттың қабылдануы спорт саласындағы инклюзивтілікті арттырып, мүгедектігі бар спортшылардың жеңістеріне қолдау көрсетуге үлкен мүмкіндік береді.Дереккөз: ҚР Туризм және спорт министрлігінің ресми сайты.Ақпарат көзі : https://www.gov.kz/memleket/entities/zhetysu-oblysy/press/news/details/882744

Шымкентте халықты табиғи газбен қамту жұмысы қарқынды жүріп жатыр. Бүгін Қаратөбе тұрғын алабы көгілдір отынға қосылды. Қала әкімі Ғабит Сыздықбеков жергілікті тұрғындармен бірге газды іске қосу шарасына қатысты. Мегаполис басшысы азаматтармен кездесу кезінде әрбір елдімекеннің газдандырылуы экологиялық тұрақты орта құру және қолайлы жағдай жасау жолындағы маңызды қадам екенін атап өтті. Сондай-ақ, газды пайдалануда сақтық шараларын қатаң сақтау қажеттігін ескертті. Бұған дейін халық тұрмыста сұйытылған газ, көмір және отын пайдаланып келді. Бұл халық үшін едәуір қиындық туғызған әрі адам өмірі үшін де қауіпті. Енді көгілдір отынға қол жеткізген тұрғындардың жылыту шығындары да азаяды. Айта кетейік, газдандыру жұмысы 2024 жылдың мамыр айында басталған. Қазіргі таңда 62 абонент газға қосылды. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/882658