Елордалық пара спортшылар АҚШ-та өткен «USADSS & AWL 2024 OPEN NATIONAL CHAMPIONSHIPS» ашық чемпионатында жүзуден жүлделі орындарға ие болды, деп хабарлайды Астана әкімдігінің ресми сайты.Орландода (АҚШ) пара жүзу «USADSS & AWL 2024 OPEN NATIONAL CHAMPIONSHIPS» өтті. Бұл интеллектуалдық бұзылыстары бар пара атлеттер үшін ең маңызды оқиғалардың бірі болды. Жарыс үш санаттағы спортшылар арасында өткізілді:II-1 - жеңіл ақыл-ой кемістігі (IQ 75-тен аз);II-2 - Даун синдромы;II-3 - аутизммен ауыратын спортшылар (ASD).АҚШ ашық чемпионатына биыл Қазақстаннан пара спортшылар алғаш рет қатысты. Қазақстан, АҚШ, Канада, Колумбия, Мексика, Жапония, Португалия, Аустралия және Польша сияқты сегіз елден 100-ден астам спортшы баұ сынасты.Қазақстан II-3 санатында Астанадан барған екі пара спортшы – Валерий Югай 17 & Under жас тобында және Алпамыс Әмір 18 & Over ересектер тобында өнер көрсетті. Олар әртүрлі жарыс бойынша жүлделі орындарға ие болды:50 м фристайл – 1-орын Валерий Югай және 3-орын Алпамыс Әмір;100 м фристайл – 1-орын Валерий Югай және 6-орын Алпамыс Әмір;200 м фристайл – 2-орын Валерий Югай және 4-орын Алпамыс Әмір;400 м фристайл – 1-орын Валерий Югай және 3-орын Алпамыс Әмір;800 м фристайл – 3-орын Алпамыс Әмір.Жаттықтырушы Ернұр Сайлаубектің шәкірттері жақсы дайындық нәтижесінде Қазақстанның атын шығарып, халықаралық аренада өз шеберліктерін көрсете білді.«Біздің пара спортшылар Қазақстан қоржынына медальдар салып, барлық жарыс бойынша финалдық жүзулерде сәтті өнер көрсете алғанын мақтан тұтамыз. Сәтті өнер көрсеткен команда 2025 жылы жаңа старттарға, соның ішінде Таиландта жүзуден Virtus әлем чемпионатына және Ташкенттегі жасөспірімдер пара Азия ойындарына дайындалады», - деді «Зияткерлік даму ерекшеліктері бар адамдарға арналған спорт федерациясы» РҚБ президенті Дина Темірғалиева.Ақпарат көзі : https://www.gov.kz/memleket/entities/astana/press/news/details/882300

Астана, 2024 жылғы 12 қараша – Қазақстан Республикасы Сыртқы істер министрінің орынбасары Роман Василенко Польшаның Қазақстандағы Уақытша сенімді өкілі Михал Лабенданы қабылдады.Кездесу барысында тараптар саяси, сауда-экономикалық, парламенттік, мәдени және білім салаларындағы екіжақты ынтымақтастықты тереңдету мәселелерін талқылады.Министрдің орынбасары поляк дипломатының Астанаға тағайындалғаннан бері атқарып жатқан белсенді қызметін жоғары бағалап, екі ел арасындағы өзара тиімді табысты ынтымақтастықтың одан әрі дами беретініне сенім білдірді.Саяси диалогты нығайту аясында тараптар Нью-Йоркте өткен БҰҰ Бас Ассамблеясының 79-шы сессиясы шеңберіндегі (2024 ж. 24 қыркүйек) сыртқы істер министрлері Мұрат Нұртілеу мен Радослав Сикорскийдің келіссөздері мен Варшавада өткен Қазақстан-Польша сімаралық консультацияларының (2024 ж. 22-23 қазан) нәтижесінде қол жеткізілген уағдаластықтардың іске асырылуын талқылады.Дипломаттар Қазақстан нарығындағы «Polpharma» (фармацевтика), «Selena Group» (құрылыс химиясы материалдарын өндіру) және «Stokson» (кондитерлік зауыт) секілді ірі поляк компаниялардың қызметінің арқасындағы жемісті сауда-экономикалық байланыстарды атап өтті. Сонымен қатар 2025 жылы Астанада ұйымдастырылатын Сауда-экономикалық ынтымақтастық жөніндегі үкіметаралық комиссияның (ҚР Сыртқы істер министрлігі мен Польшаның Экономикалық даму және технологиялар министрлігі тең төрағалар болып табылады) 10-шы отырысына дайындықты жалғастыруға келісті.М. Лабенда мәдени байланыстарды кеңейтуге ерекше қызығушылық білдіріп, Қазақстанда концерттер мен кино көрсетілімін өткізу туралы бастама көтерді.Білім және ғылым салаларындағы байланыстарды тереңдету мәселелеріне де аса назар аударылды. Польшаның қазақстандық студенттер үшін танымал бағыт болып табылатыны және қазіргі уақытта олардың саны 3 мыңнан асатыны аталып өтті. Сондай-ақ Қазақстанның орта және жоғары оқу орындарында 20-дан астам поляк тілі мұғалімі жұмыс істейді, бұл екі ел арасындағы мәдени және академиялық байланыстардың нығаюына ықпал етеді.Өз кезегінде Р. Василенко поляк тарапының бастамаларын қолдап, жан-жақты ынтымақтастықты дамытуға бейілділігін атап өтіп, поляк дипломатын 11 қарашада аталып өтетін Польшаның Тәуелсіздік күнімен құттықтады және поляк халқына одан әрі өркендеу мен игілік тіледі.Анықтама: 2024 ж. қаңтар-қыркүйек кезеңінде Қазақстан мен Польша арасындағы тауар айналымы 852,8 млн АҚШ долларын құрады. 2023 ж. тауар айналымы 1,23 млрд долларға жетті. 2005 жылдан бастап Польшадан Қазақстанға тікелей шетелдік инвестициялар көлемі 447,8 млн долларды құрады. Қазақстанда поляк капиталының қатысуымен 140 компания жұмыс істейді, оның ішінде «Polpharma» (Santo), «Selena», «Stockson» және т.б. бар.Ақпарат көзі : https://www.gov.kz/memleket/entities/mfa/press/news/details/882410

Бүгін Астана қаласында ҚР Мәдениет және ақпарат министрлігінің қолдауымен Ұлттық волонтерлер фронт-офисі жобасы аясында Белсенді ұзақ өмір сүру орталығының қатысушыларына арналған «күміс» волонтерлік туралы дәрістер мен шеберлік сағаттары өтті.Іс-шара мақсаты — «күміс» волонтерлікті насихаттау, егде жастағы адамдарға волонтерлік қызметтің ерекшеліктері мен мүмкіндіктері туралы ақпарат беру, аға буынды волонтерлік жобаларға қатысуға ынталандыру.Сондай-ақ, орталық қатысушыларына «Күміс волонтерлік: белсенді ұзақ өмір сүрудің жаңа көкжиегі» және «Волонтерлік қызмет туралы» тақырыптарында дәріс оқылып, қатысушылар тарапынан қойылған қызықты сұрақтар талқыланды.Айта кетейік, Қазақстанда «күміс волонтерлік» бағыты қарқын алуда. Бұл бағыт арқылы 50 жастан асқан адамдар жаңа білім мен дағдыларды игеріп, қоршаған ортаны қорғауға ықпал етіп, еліміздің әлеуметтік өміріне белсенді қатыса алады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/882388

Бүгін Шымкент қаласындағы «Достық үйінде» Қазақстан Республикасы Мәдениет және ақпарат министрлігінің Этносаралық қатынастарды дамыту комитеті «Қоғамдық келісім» РММ-нің ұйымдастыруымен «Қазақстан халқы Ассамблеясы қоғамдық құрылымдарының қоғамдық келісім және жалпыұлттық бірлікті нығайтудағы рөлі» тақырыбында лекторий бастау алды.Қоғамдық келісім мен жалпыұлттық бірліктің қазақстандық моделін дәріптеуді көздеген лекторийдің ашылу салтанатына Қазақстан халқы Ассамблеясы Төрағасының орынбасары Лугмар Буларов пен Шымкент қаласы әкімінің орынбасары Сәрсен Құранбек арнайы қатысып, мемлекеттік этносаясаттың басым бағыттарына тоқталды.– Біздің алдымызда сан-қырлы міндеттер тұр. Қоғамдағы бірлікті бекемдеу, этносаралық татулықты нығайту, өзара сыйластық пен түсіністікті тұғырынан түсірмеу және азаматтардың ұлтына, дініне қарай ерекшеленуіне, оқшаулануына жол бермеу, – деді Сәрсен Абайұлы.Қалалық ішкі саясат және жастар істері жөніндегі басқармасының басшысы Айгерім Жұмағұлованың модераторлығымен өткен жиында профессор, Қазақстанның халық әртісі Тілектес Мейрамов, Қазақстан Республикасы Президенті жанындағы Ұлттық Құрылтай мүшесі, Астана қаласындағы «Ахыска» түрік этномәдени орталығының» төрағасы Аскер Пириев, Ө.Жәнібеков атындағы Оңтүстік Қазақстан мемлекеттік педагогикалық университетінің департамент директоры, тарих ғылымдарының кандидаты Қайрат Анарбаев, Шымкент университетінің факультет деканы, география ғылымдарының кандидаты Алтынбай Сәулембаев сөз сөйлеп, қоғамдық келісім мен жалпыұлттық бірліктің мән-маңызын қатысушыларға түсіндірді.Еліміздің үшінші мегаполисі – Шымкент қаласында екі күнге жалғасатын лекторийге республикалық ақпараттық-түсіндіру тобының мүшелері, қалалық ҚХА жанындағы ақсақалдар кеңесі, аналар кеңесі, медиация кеңесі, журналистер мен блогерлер клубы, «Ассамблея жастары» сынды қоғамдық құрылымдар мен қалалық этномәдени бірлестіктердің төрағалары, жоғары оқу орындарының оқытушылары мен студенттер қатысуда.Айта кетейік, «Достық үйінде» бастау алған лекторий 13-14 қараша күндері Шымкенттегі Ө.Жәнібеков атындағы Оңтүстік Қазақстан мемлекеттік педагогикалық университеті мен Академиялық инновациялық университеттің базасында жалғасын табады. Ақпарат көзі : https://www.gov.kz/memleket/entities/shymkent/press/news/details/882317

Түркияның астанасы Анкара қаласында өткен асық атудан ересектер арасындағы әлем кубогіне 10 елдің 60-қа жуық спортшысы қатысып, қазақстандық спортшылар топ жарды, деп хабарлайды елорда әкімдігінің ресми сайты.Байрақты бәсекеде Қазақстан намысын қорғаған алты спортшының бесеуі алтын, біреуі күміс жүлдеге ие болды. Соның ішінде екі астаналық спортшы Аружан Сүйментай (Бірінші сақа) және Балмира Бекбосынова (Екінші сақа) алтыннан алқа тақты.Жалпыкомандалық есепте отандастарымыз бірінші орынды жеңіп алды. Екінші орынды Қырғыз елінің спортшылары теленсе, үздік үштікті түркиялық спортшылар түйіндеді.Ақпарат көзі : https://www.gov.kz/memleket/entities/astana/press/news/details/882294

Облыс әкімінің тапсырмасымен әкім орынбасары Ғалымжан Елеуов Темір ауданына жұмыс сапарымен барып, су тасқынына қарсы қабылданған шаралармен танысты.Қазіргі уақытта аудан орталығында мердігер компаниялар - «Story Master Elite Group» ЖШС Шұбарқұдық кентінің кіреберісінде және «Stro Proekt» ЖШС «Задепо»аймағын су тасқыны қаупінен қорғау мақсатында бөгеттер салып жатыр.Сонымен қатар, сел және су тасқыны қаупінен қорғауға бағытталған қорғаныс бөгеттері құрылысы Саркөл ауылдық округіне қарасты Шұбарши, Құмсай және Қопа елдімекендерінде де жасалуда.Шұбаршиде бас мердігер - «Story Master Elite Group» ЖШС, Құмсай елдімекенінде - «TAF Company» ЖШС, ал Қопа елдімекені бойынша бас мердігер - «Lider Invest» ЖШС жауапты.Бөгет құрылыстарын қарап шыққан Ғалымжан Елеуов аудан әкімінің міндетін атқарушы Жандарбек Қойшыбаевқа ауа райын ескере отырып, құрылыс жұмыстарын жеделдетіп, оның уақытылы аяқталуын бақылауда ұстауды тапсырды.Ақпарат көзі : https://www.gov.kz/memleket/entities/aktobe/press/news/details/882341

Судың «қара нарығымен» күресті күшейту мақсатында Су ресурстары және ирригация министрлігінде жаңа ведомство – Су ресурстарын реттеу, қорғау және пайдалану комитеті құрылды. Бассейндік инспекция қызметкерлерінің саны 1,5 есе өсіп, жалпы штат саны 242 адамға жетті. Нәтижесінде, әрбір облыс орталығында бассейндік инспекция бөлімі ашылды.Ақпарат көзі : https://www.gov.kz/memleket/entities/water/press/news/details/882356

Бүгін Бакуде COP29 аясында Қазақстан Республикасының Экология және табиғи ресурстар министрі Е.Нысанбаев пен Әзербайжан Республикасының Экология және табиғи ресурстар министрі, COP29 Президенті М.Бабаевпен кездесу өткізді.Кездесу барысында тараптар экология және климаттың өзгеруі саласындағы елдер арасындағы ағымдағы ынтымақтастықты талқылады. Сонымен қатар, кездесуде Қазақстан Республикасының Экология және табиғи ресурстар министрлігі мен Әзірбайжан Республикасының Экология және табиғи ресурстар министрлігі арасында қоршаған ортаны қорғау саласындағы өзара түсіністік туралы меморандумға қол қойылды.Меморандум климаттың өзгеруінің салдарын жұмсарту және оған бейімделу, топырақ құнарлығын сақтау және қалпына келтіру, жерді, орманды және минералды ресурстарды ұтымды пайдалану үшін елдер арасындағы ұзақ мерзімді және тиімді ынтымақтастықты нығайтуға және дамытуға бағытталған. Сондай-ақ табиғатты қорғау, жануарлар мен өсімдіктердің сирек кездесетін және жойылып кету қаупі төнген түрлерін қорғау, ерекше қорғалатын табиғи аумақтарды басқару саласында бірлескен ғылыми зерттеулер жүргізу қарастырылған.Бұл ретте Меморандум қоршаған ортаны қорғау және экологиялық қауіпсіздік, қалдықтарды басқару, сондай-ақ тау-кен өнеркәсібінде экологиялық қауіпсіздікті сақтау, оның ішінде қалдық қоймаларын, қалдықтар мен үйінділерді басқару мәселелері бойынша тәжірибе алмасуды көздейді.Кездесу соңында тараптар бұл Меморандум екіжақты ынтымақтастықты одан әрі дамытуға серпін беретініне сенім білдірді.Ақпарат көзі : https://www.gov.kz/memleket/entities/ecogeo/press/news/details/882352

Бүгін осы туралы «Жасыл даму» АҚ инвестициялық жобалар қызметінің басшысы С. Қалиақбаров айтып берді.Ол «Жасыл даму» АҚ өңірлерде қалдықты қайта өңдеу және кәдеге жарату жүйесін жаңғыртуға және жетілдіруге бағытталған инвестициялық жобаларды қаржыландыруды бастағанын атап өтті. «Өнеркәсіпті дамыту қоры» АҚ арқылы 4 экологиялық жоба инвестициялық штабтың қолдауымен барлық іріктеу кезеңінен өтіп, қаржыландыру мақұлданды.Қостанай облысы бойынша екі инвестициялық жоба іске асырылуда. Олардың біріншісі - Рудный қаласында (Қостанай облысы) тұрмыстық қатты қалдықтарды сұрыптау жөніндегі технопарк салу және құрылыс қалдықтарын қайта өңдеу. Өтініш беруші «Рудный-АБАТ-2006» ЖШС. Жобаның қуаттылығы жылына 50 мың тонна қатты тұрмыстық қалдықтарды және 70 мың тонна құрылыс қалдықтарын сұрыптауға мүмкіндік береді. 40-тан астам жұмыс орны ашылады деп күтілуде.Екінші жоба - Рудный қаласында (Қостанай облысы) резеңке-техникалық бұйымдарды қайта өңдеу және кәдеге жарату бойынша өндірісті жаңғырту. «Волга және компания» ЖШҚ өтініш беруші компаниясы. 15-тен астам жұмыс орны ашылады деп күтілуде, ал өндірістік қуаттар жылына 543 тоннадан 8300 тоннаға дейін қайта өңделеді. Ақпарат көзі : https://www.gov.kz/memleket/entities/ecogeo/press/news/details/882366

Үлгілер бойынша заңдар туралы шарт (ҮЗШ) жасасу жөніндегі дипломатиялық конференция аясында Қазақстан Республикасының Әділет министрі Азамат Есқараев Дүниежүзілік зияткерлік меншік ұйымының (ДЗМҰ) Бас директоры Дарен Тангпен кездесті.Кездесуге Қазақстан Республикасының Сауд Арабиясы Корольдігіндегі Төтенше және Өкілетті Елшісі, Қазақстан Республикасының Ислам Ынтымақтастық Ұйымы жанындағы Тұрақты Өкілі Мадияр Смадилұлы Менилбеков қатысты.Министр ҮЗШ қорытындысы тарихи оқиға және өнеркәсіптік үлгілерді қорғаудың халықаралық рәсімдерін оңайлату және үйлестіру жолындағы маңызды қадам болып табылатынын атап өтті. Ол сондай-ақ өткізілетін конференция шеңберінде ҮЗШ қабылдау мәселелерінде Қазақстан Республикасы тарапынан толық қолдау білдірді.Азамат Есқараев Қазақстанның инновациялық әлеуетін дамытуға қосқан елеулі үлесі үшін ДЗМҰ-ға алғысын білдіріп, зияткерлік меншік саласында құқықтық ақпарат алмасуға бағытталған WIPO Lex жобасына, сондай-ақ 2025 жылға жоспарланған «Шапағат» республикалық өнертабыстар конкурсы және Астана Халықаралық форумы сияқты алдағы іс-шараларға қатысу жөніндегі Қазақстанның жоспарларын белгіледі.Кездесуде Қазақстандағы ДЗМҰ-ның ағымдағы бастамалары, соның ішінде технологиялар мен инновацияларды қолдау орталықтарының табысты жұмыс істеуі, зияткерлік меншік және бизнес бойынша магистрлік бағдарламаны іске асыру, сондай-ақ әйелдер басқаратын ШОБ үшін зияткерлік меншікті басқару бойынша клиникалар құру және зияткерлік меншікті қорғаудың тұрақты тетігін құру бойынша жобалар талқыланды.Дарен Танг Қазақстанның тәжірибесі Орталық Азиядағы зияткерлік меншікті дамытудың негізгі факторы болып табылатынын атап өтіп, Қазақстанның инновацияларды ілгерілетуде, зияткерлік меншік құқықтарын қорғауда және озық құқықтық тәжірибелерді енгізуде өзін өңірлік көшбасшы ретінде танытқанын атап өтті.Ол сондай-ақ Қазақстанның халықаралық стандарттарды белсенді енгізу және инновацияларды қолдау үшін инфрақұрылым құру жөніндегі күш-жігері өңір елдері үшін үлгі және зияткерлік меншіктің жаһандық жүйесіне маңызды үлес болып табылатынын атап өтті.Ақпарат көзі : https://www.gov.kz/memleket/entities/adilet/press/news/details/882360

Құрметті Шығыс Қазақстан облысының, Өскемен қаласының тұрғындары және қала қонақтары!2024 жылғы 20 қарашада сағат 10-00-де Шығыс Қазақстан облысы әкімінің төрағалық етуімен облыс әкімдігінің кезекті отырысы өтеді.Мекенжайы: Өскемен қаласы, М.Горький көшесі, 40, № 108 конференцзал.Отырыс ашық түрде өтеді, онлайн режимде трансляцияны YouTube арнасынан көруге болады.Әкімдік отырысына тікелей келіп қатысуға ниет білдіргендер үшін хабарлаймыз.Отырыс өткізілетін күннен екі (2) жұмыс күні бұрын, 18 қарашаға дейін қағаз немесе электрондық түрде өтініш қабылданады. Өтініште тегі, аты, әкесінің аты, туған жылы және байланыс телефоны көрсетіледі.Өтінішті М.Горький көшесі, 40, облыс әкімдігінің ғимараты, 414 кабинетте қабылдайды, электрондық түрде P.Kokkozeva@akimvko.gov.kz поштасына жіберуге болады.Отырысқа келіп қатысушылар ғимаратқа кіргізу тәртібін сақтауға міндетті.Қаралатын мәселелер:1. Шығыс Қазақстан облысының ветеринариялық қауіпсіздігін қамтамасыз ету туралы Баяндамашылар:Рамиль Нығметжанұлы Сағандықов, ветеринария басқармасының басшысы Қалалар мен аудандар әкімдері Ақпараттар: 1. Мемлекет басшысының 2024-2028 жылдарға арналған ауыл шаруашылығы жалпы өнімінің көлемін екі есе ұлғайту жөніндегі тапсырмасын орындау жөніндегі Жол картасын іске асыру туралыБаяндамашылар:Ажар Елемесқызы Каджибекова, ауыл шаруашылығы басқармасының басшысы Қалалар мен аудандар әкімдері2. Шығыс Қазақстан облысында мемлекеттік жастар саясатын іске асыру туралы Баяндамашылар:Серік Жеңісұлы Жеңісов, ішкі саясат басқармасының басшысы Қалалар мен аудандар әкімдері Ақпарат көзі : https://www.gov.kz/memleket/entities/akimvko/press/news/details/882239

ҚР Туризм және спорт министрлігі «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасын әзірледі. Құжатта еліміздің спорт саласында жаңа іріктеу жүйесін енгізу қарастырылған. Заң жобасына сәйкес, басым спорт түрлері олардың әлемдік рейтингтері негізінде емес, Олимпиада, Паралимпиада, Сурдлимпиа, Азия және Пара Азия ойындарында ұлттық құрама командаларының көрсеткен нәтижелері бойынша іріктелетін болады. Бұл өзгеріс Қазақстанның спорттық құрамаларын дайындаудағы басымдықтарды нақтылайды және халықаралық деңгейдегі нәтижелерге негізделген жүйені қалыптастыруға мүмкіндік береді. Осылайша, еліміздің спортшыларын халықаралық ареналарда бәсекеге қабілетті ету үшін нақты және нәтижеге бағытталған саясат жүзеге асырылмақ.«Бұл заң жобасы спорт саласындағы жаңашылдықтарды енгізуді, тиімділікті арттыруды және Қазақстанның спорттық құрамасының халықаралық жарыстарда жоғары нәтижелер көрсетуін қамтамасыз етуге бағытталған. Біз Олимпиада, Паралимпиада, Сурдлимпиа, Азия және Пара Азия ойындарындағы нәтижелерді басты бағдар ретінде алып, еліміздің спорт саласын жаңа деңгейге көтеруді көздеп отырмыз», – деп атап өтті Туризм және спорт министрі Ербол Мырзабосынов.Заң жобасының қабылдануы спортты дамыту жүйесін жетілдіріп, Қазақстанның әлемдік спорт аренада озық жетістіктерге қол жеткізуін қамтамасыз етеді.Ақпарат көзі : https://www.gov.kz/memleket/entities/tsm/press/news/details/882222

Туризм және спорт министрлігі «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасын әзірледі. Заң жобасын әзірлеу барысында бірнеше маңызды мәселелер мен нақты статистикалық деректер негізге алынды. Қазақстанда қазірдің өзінде 180-нен астам спорт түрі дамуда. Алайда жыл сайын тек 13 жазғы және 5 қысқы Олимпиадалық спорт түрінен ғана медаль жеңіп алынады. 2018 жылы еліміздің спортшылары 370 медаль жеңіп алса, 2020 жылы бұл көрсеткіш 105 медальға дейін төмендеген. Бұл жағдай спортшыларды даярлау жүйесіндегі бастапқы кезеңдер мен жоғары жетістіктер спортына дейінгі аралықтағы жетіспеушіліктердің нәтижесі деп бағаланады. Сондай-ақ, жыл сайын Балалар-жасөспірімдер спорт мектептері мен мектеп-интернаттардың шығындары өсіп келеді, оның ішінде олимпиадалық емес спорт түрлеріне жұмсалатын қаражат көлемі үлкен үлесті құрайды. 2018-2020 жылдары спорттың барлық түрлерін дамытуға 646 миллиард теңге бөлінген, бірақ оның 72 пайызы еліміз үшін басымдығы жоқ спорт түрлеріне жұмсалған. Жағдайды жақсарту үшін Туризм және спорт министрлігі халықаралық тәжірибені зерттеді. Өзбекстан, Беларусь, Ұлыбритания, Германия және Норвегия елдерінің тәжірибесі заң жобасының негізіне алынды. Заң жобасы аясында жоғары жетістіктер спортына жататын спорт түрлерін нақты шектеу ұсынылады. Жаңа жүйе бойынша, тек Олимпиада, Паралимпиада, Сурдлимпия, Азия және Пара Азия ойындары бағдарламасына кіретін спорт түрлері, сондай-ақ ұлттық спорт түрлері жоғары жетістіктер спорт түрлері ретінде қабылданады. Олардың ішінде медаль алған спорт түрлері басым спорт түрлеріне қосылып, республикалық және жергілікті деңгейде бірінші кезекте қаржыландырылады. Бұл шаралар еліміздің спорт саласын тиімді басқаруға және шектеулі ресурстарды мақсатты түрде пайдалануға мүмкіндік береді. «Аталмыш өзгерістерді енгізу арқылы біз елімізде спортты дамытуға жаңа серпін беруді көздеп отырмыз. Қаржыландыруды нақты бағытта және нәтижелі спорт түрлеріне шоғырландыру арқылы Қазақстанның әлемдік аренада озық жетістіктерге жетуін қамтамасыз етеміз», – деп атап өтті Туризм және спорт министрі Ербол Мырзабосынов.Заң жобасының қабылдануы еліміздің спорттық жүйесін оңтайландырып, жоғары жетістіктерге жету үшін дұрыс қаржылық стратегияны қалыптастыруға жол ашады. Ақпарат көзі : https://www.gov.kz/memleket/entities/tsm/press/news/details/882234

Туризм және спорт министрлігі «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасын әзірледі. Қазіргі уақытта еліміздегі жергілікті, өңірлік және республикалық спорт федерациялары жеке субъектілер ретінде әрекет етеді және бір-біріне бағынбайды. Бұл жағдай спортты дамытудағы тәуелсіз саясат жүргізуге, мүдделер қақтығысына және жауапкершіліктің бұлыңғырлығына әкеп соғуда, нәтижесінде спорттың дамуы баяулап отыр. Ұсынылып отырған жаңа модель жергілікті федерациялардың аккредиттелген республикалық (немесе өңірлік) спорт федерацияларына бағынышты болуын көздейді. Бұл өзгеріс спортты дамыту саласындағы басқаруды орталықтандыруды, тиімділікті арттыруды және жауапкершілікті айқындауды мақсат етеді. «Бұл заң жобасы спорт саласындағы басқару жүйесін ретке келтіріп, еліміздегі спортты дамытуға жаңа серпін береді деп сенеміз. Біз әртүрлі деңгейдегі федерациялардың үйлесімді жұмыс істеуі үшін жағдай жасауға тырысамыз», – деп атап өтті Туризм және спорт министрі Ербол Мырзабосынов.Құжат қабылданған жағдайда, спорт федерациялары арасындағы өзара қарым-қатынастарды реттейтін жүйе құрылып, спортты дамытуға бағытталған тиімді саясатты қалыптастыруға мүмкіндік береді. Ақпарат көзі : https://www.gov.kz/memleket/entities/tsm/press/news/details/882236

Туризм және спорт министрлігі «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасын әзірледі. Құжатта спорт резервін даярлау мәселелеріне айтарлықтай өзгерістер енгізіледі. Заң жобасына сәйкес, спорт резерві тек жоғары жетістіктер спортының түрлері бойынша даярланатын болады. Спортшыларды даярлау уәкілетті орган бекітетін спорттық даярлықтың ұлттық стандарттарына сәйкес қатаң түрде жүргізіледі. Бұл шара Қазақстанның ұлттық құрамасының әлеуетін арттыру және спорт саласындағы жүйелі даму үшін негіз болмақ. Сонымен қатар, кәсіби спортты мемлекеттік бюджет қаражаты есебінен қаржыландыруға қатысты жаңа ережелер ұсынылады. Заң жобасы бойынша, кәсіби клубтарды ұстауға мемлекет тарапынан қаржыландыру лимиттері белгіленетін болады. Бұл шара бюджеттік шығыстардың тиімділігін арттырып, спортты дамытуға бөлінген қаражаттың дұрыс пайдаланылуын қамтамасыз етеді. Заң жобасында тағы да бір маңызды өзгеріс бар: Қазақстан Республикасының азаматтары болып саналмайтын спортшыларды мемлекеттік бюджет және квазимемлекеттік сектор субъектілерінің қаражаты есебінен қаржыландыруға тыйым салу. Бұл шара ел азаматтарының спортта да, қаржылық қолдауда да басымдыққа ие болуын қамтамасыз етеді.«Бұл өзгерістер спорттық саладағы басқаруды оңтайландырып, қаржылық ресурстарды тиімді пайдалануға мүмкіндік береді. Біз жоғары жетістіктер спортына ерекше көңіл бөліп, кәсіби спорттың қаржыландыру жүйесін тұрақты әрі әділ етуді мақсат етіп отырмыз», – деп атап өтті Туризм және спорт министрі Ербол Мырзабосынов.Заң жобасының қабылдануы еліміздегі спорттық жүйені жетілдіруге, мемлекеттік қаражаттың тиімді пайдаланылуына және спорттың кәсіби деңгейде дамуына серпін береді.Ақпарат көзі : https://www.gov.kz/memleket/entities/tsm/press/news/details/882249

Туризм және спорт министрлігі «Қазақстан Республикасының кейбір заңнамалық актілеріне дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы» заң жобасын әзірледі. Құжатта маңызды жаңашылдық ретінде «мүгедектігі бар спортшыны сүйемелдеуші» ұғымы енгізіледі. Бұл жаңа ереже бірінші топ мүгедектігі бар спортшыларға спорттық іс-шараларға қатысу кезінде көмек көрсетуге мүмкіндік береді. Заң жобасы мүгедектігі бар спортшылардың қозғалыс еркіндігін және спорттық жарыстарға қатысу шарттарын ұлғайтуға бағытталған. Туризм және спорт министрлігі өкілдерінің айтуынша, бұл өзгеріс спорттағы инклюзивтілікті арттырып, мүгедектігі бар азаматтардың спортқа қатысуына қолайлы жағдай жасауға септігін тигізеді.«Мүгедектігі бар спортшылар үшін арнайы көмек көрсету жүйесін енгізу – бұл еліміздегі спортты барынша инклюзивті ету жолындағы маңызды қадам. Біз барлық азаматтар үшін тең мүмкіндіктерді қамтамасыз етуге бағытталған саясатты жалғастырамыз», – деп атап өтті Туризм және спорт министрі Ербол Мырзабосынов.Құжаттың қабылдануы спорт саласындағы инклюзивтілікті арттырып, мүгедектігі бар спортшылардың жеңістеріне қолдау көрсетуге үлкен мүмкіндік береді.Ақпарат көзі : https://www.gov.kz/memleket/entities/tsm/press/news/details/882256

Мәжіліс «Келешек» біріңғай ерікті жинақтау жүйесінің қызметін құқықтық реттеуді бірінші оқылымда мақұлдадыМәжіліс кейбір заңнамалық актілерге ақпарат, қоғамдық даму, мәдениет және архив істері салаларындағы нормалардың артық (шамадан тыс) заңнамалық регламенттелуін болғызбау мәселелері бойынша заң жобасын бірінші оқылымда мақұлдады. Заң жобасында Президенттің «Әділетті Қазақстанның экономикалық бағдары» атты халыққа Жолдауын іске асыру аясында әзірленген «Келешек» біріңғай ерікті жинақтау жүйесінің қызметін құқықтық реттеуді көздейтін нормалар қарастырылған.«Келешектің» негізгі моделі Мемлекеттік білім беру жинақтау жүйесінің қолданыстағы тұғырнамасы аясында жүзеге асырылатын болады. Әрбір ата-ананың кез келген банкте немесе өмірді сақтандыру компаниясында кез келген жастағы баласының атына шот ашуға құқығы бар. 5 жасқа толған балалардың шотына мемлекет бюджеттен 60 АЕК, жетім балаларға 120 АЕК мөлшерінде біржолғы бастапқы білім беру капиталын береді.Ата-аналар үшін баланың шотына жыл сайынғы ең төменгі жарна талаптары бар. Ол әлеуметтік жағынан осал отбасылардың балалары үшін – 12 АЕК және қалғандарына – 24 АЕК. Жинақ барлық бала үшін 5 пайыз, әлеуметтік жағынан осал отбасылардың балалары үшін 7 пайыз. Сондай-ақ банктің немесе сақтандыру компаниясының белгіленген табыс көлемі үшін жыл сайынғы мемлекеттік сыйлықақы алады.Ең төменгі жылдық жарнаға қойылатын талаптар бұзылған жағдайда бастапқы білім беру капиталы бюджетке қайтарылуға тиіс.Жиналған қаражатты колледждер мен университеттерде оқуға жұмсауға болады. Егер сіз мемлекеттік білім грантын алсаңыз, жинақталған қаражатты басқа білім деңгейін алуға, ақшаны үшінші тұлғаның депозитіне/сақтандыру шартына аударуға, білім туралы құжатты ұсынған кезде капиталдандырылған сыйақымен қаражат алуға немесе қаражатты заңнамаға сәйкес тұрғын үй жағдайын жақсартуға жұмсауға болады.Ақпарат көзі : https://www.gov.kz/memleket/entities/sci/press/news/details/882296

Солтүстік Киву провинциясындағы Гома қаласының мектебінде БҰҰ бітімгерлері подполковник Алтынбек Жалмұханов пен майор Батыр Тұяқов мәдени-білім беру іс-шарасын өткізді.Сабақ барысында әскери қызметшілер қақтығыстардың алдын алудағы халықаралық күш-жігердің маңыздылығын атап өтті. Конгодағы БҰҰ бітімгерлерінің міндеттері, олардың бейбітшілік пен қауіпсіздікті сақтаудағы рөлі туралы айтты.Бітімгерлер балаларға Қазақстан және оның мәдени дәстүрлері туралы айтып, ағылшын тілі сабақтары мен командалық рухты дамытуға бағытталған ойындар өткізді.– Біздің ел БҰҰ бітімгерлік миссияларына белсенді қатысып жатқанын мақтан тұтамыз. Балалар Қазақстанға қызығушылық танытып, тарихымыз бен мәдениетіміз туралы білді. Мұндай іс-шаралар халықтар арасындағы достықты нығайтуға ықпал етеді, – деп атап өтті майор Батыр Тұяқов.Жергілікті тұрғындар ұйымдастырушыларға алғыстарын білдірді. Іс-шара елдер арасындағы мәдениетаралық байланыстар мен өзара түсіністікті нығайтудағы маңызды қадам болды.Ақпарат көзі : https://www.gov.kz/memleket/entities/mod/press/news/details/882298

Qazaqstan ұлттық павильонында Қазақстан Республикасы Экология және табиғи ресурстар министрлігі «Жасыл Академия» ҰБО-мен бірлесіп, ЭЫДҰ SIPA жобасының қолдауымен «Орталық Азияда төмен көміртекті инфрақұрылымды қалыптастырудың әлеуеті мен басымдықтары» тақырыбында сессия өткізді.Қазақстан Республикасы Парламенті Мәжілісінің депутаты, Экология және табиғат пайдалану мәселелері комитетінің төрағасы Еділ Жаңбыршин, Қазақстан Республикасы Экология және табиғи ресурстар министрі Ерлан Нысанбаев, ЭЫДҰ тұрақты инфрақұрылым және «Жасыл өсу» бөлімінің басшысы, Freedom Holding Corp. Басқарма Төрағасы Тимур Тұрлов, сондай-ақ ЮНЕП халықаралық ұйымдарының, CTCN Хатшылығының, Agritech Nexigol navovar өкілдері, ғылыми ұйымдардың басшылары сөз сөйледі.Іс-шара соңында қатысушылар халықаралық ынтымақтастықты күшейту және төмен көміртекті технологияларды енгізу қажеттілігіне назар аудара отырып, Орталық Азия елдерінің үкіметтері үшін ұсынымдар ұсынды.Ақпарат көзі : https://www.gov.kz/memleket/entities/ecogeo/press/news/details/882306

Жезқазғанда «QH» нейро-ортопедиялық бұзылыстары бар балаларға арналған мемлекеттік оңалту орталығының ашылуы өтті.Жаңа орталық 3 пен 18 жас аралығындағы балаларға арналған және жылына 600-ге дейін бала қабылдай алады. Ұлытау облысы әкімдігінің қолдауымен мұнда жөндеу жұмыстары жүргізілді, кішкентай пациенттердің келуі үшін қолайлы жағдайлар жасалды.Көрсетілетін көмектің жоғары деңгейін қолдау мақсатында орталықта мультидициплинарлық топ құрылды, оның құрамына неврологтар, реабилитологтар, логопедтер, емдік дене шынықтыру (ЕДШ) нұсқаушылары, дефектологтар, еңбек терапевттері, психологтар кіреді.«Қамқорлық» қорының орталықтары «Қазақстан халқына» ҚҚ жобасының бас әріптесі қаражатына сатып алынған сараптамалық сыныптағы заманауи медициналық оңалту жабдықтарымен жарақтандырылған.Балалар жеңілдетілген санат ретінде әлеуметтік медициналық сақтандыру жүйесінің қаражаты есебінен қалпына келтіру емі толығымен тегін ала алатынын айта кеткен жөн.Ақпарат көзі : https://www.gov.kz/memleket/entities/dsm/press/news/details/882266