Ұлы Отан соғысындағы Жеңістің 80 жылдығы қарсаңында Сыбайлас жемқорлыққа қарсы қызметтің Шығыс Қазақстан облысы бойынша Департаменті Халық қаһарманы Қасым Қайсеновке арналған «Адалдық сағаты» бейнесабағын дайындады. Қасым Қайсенов –Кеңес Одағының Батыры, көрнекті партизан және «Халық Қаһарманы» Шығыс Қазақстан облысының тумасы, еліміздің тарихында елеулі із қалдырды.

Бұл бейне Сабақтың мақсаты-жастар арасында патриотизм, адалдық және парасаттылық сияқты құндылықтарды насихаттау. Сыбайлас жемқорлыққа қарсы қызмет департаменті студенттер мен оқушыларды осы қасиеттердің маңыздылығын түсінуге шабыттандыру үшін сабақты облыстың барлық білім беру мекемелеріне жіберді.

Бүгін Сыбайлас жемқорлыққа қарсы қызметтің Шығыс Қазақстан облысы бойынша Департаментінің аға офицері Г.Бекбаева Д.Серікбаев атындағы Шығыс Қазақстан техникалық университетінде бейнесабақ ұйымдастырды. Іс-шараға қатысушылар Қасым Қайсеновтың өмірі мен ерлігі туралы біліп, оның ҰОС-дағы Жеңіске және еліміздің әдебиетіне қосқан үлесін талқылады. Бұл іс-шара жастар арасында патриотизм мен тарихты құрметтеуге тәрбиелеудегі маңызды қадам болды.

#Заң_мен_тәртіп

#ЗАҢменТӘРТІП

Ақпарат көзі : https://www.gov.kz/memleket/entities/anticorruption-vko/press/news/details/983907?lang=kk