2025 жылғы 07 қарашада Қаратал ауданы бойынша Мемлекеттік кірістер басқармасы (МКБ) 2025 жылғы 1 қаңтардан бастап күшіне енетін Қазақстан Республикасының жаңа Салық кодексімен енгізілетін негізгі ережелер мен өзгерістерді түсіндіру мақсатында кәсіпкерлер мен аудан тұрғындары үшін «Ашық есік күнін» өткізді.

Қатысушылар жаңа Кодексті практикалық қолдану бойынша нақты сұрақтар қоюға және МКБ басшылығы мен жетекші мамандарынан толық та жан-жақты жауаптар алуға мүмкіндік алды.

Ашық есік күні барысында МКБ қызметкерлері шағын және орта бизнеске арналған арнаулы салық режимдеріне қатысты мәселелерді егжей-тегжейлі түсіндірді.

Мамандар салықтық бақылаудың жаңа тәсілдерін айқындап берді. Бақылау шаралары енді тәуекелдерді басқару жүйесіне негізделетін болады, бұл адал салық төлеушілерге жүктемені азайтуға және бақылауды тек тәуекелі жоғары аймақтарға шоғырландыруға мүмкіндік береді.

Өткізілген «Ашық есік күні» салық төлеушілерге алдағы салық реформасына уақытынан бұрын дайындалуға көмектесуге бағытталған ақпараттық науқанның бір бөлігі болды.

Ақпарат көзі : https://www.gov.kz/memleket/entities/kgd-zhetysu/press/news/details/1101172?lang=kk