2025 ж. 14 қараша, Кёнжу қ. - Өңірлік халықтық дипломатияның маңызды оқиғасы - 16-шы «DGIEA Достық кеші» өтті. Биылғы іс-шара АРЕС 2025 саммитіне дайындық аясында ұйымдастырылды.

Қазақстан Республикасының Пусан қаласындағы Бас консулы іс-шараға қатысып, Кёнсан-Пукто провинциясы мен Тэгу қаласының басшылығымен бірқатар кездесулер өткізді.

Бұл серіктестіктің мәні неде?

Қауымдастықтың тең төрағасы, Кемён университетінің ректоры доктор Син Иль Хи біздің өңірмен ынтымақтастыққа тікелей жетекшілік етеді. Бұл - бастамаларымыздың жоғары деңгейде қолдау табатынының айқын белгісі.

Негізгі нәтижелер мен фактілер:

✅ Нақты көмек.
2025 жылдың қыркүйегінде DGIEA еріктілер миссиясы Алматы мен Үштөбеге барып, корей дәрігерлері медициналық көмек көрсетті, ал еріктілер диаспораның мәдени орталықтарына гуманитарлық жүк табыстады.

✅ Медицина.
2026 жылы Тэгудің жетекші клиникаларында қазақстандық дәрігерлер үшін тағылымдамаларды жалғастыру жөнінде келісімге қол жеткізілді. Сонымен қатар, Қазақстаннан келген балаларға күрделі ота жасауға арналған қайырымдылық бағдарламасы жалғасатын болады.

✅ Тарихи жад.
Қауымдастық Үштөбе өңіріндегі этникалық кәрістерге ерекше қолдау көрсетіп, депортация тарихын сақтау және ұрпақтар сабақтастығын нығайту ісіне маңызды үлес қосуда.

Губернатор Ли Чхоль У және доктор Син Иль Хи мырзалармен кездесу барысында қазақстандық тарап сөзбен емес, нақты игі істермен дәлелденген достық үшін шынайы ризашылығын білдірді.

Ақпарат көзі : https://www.gov.kz/memleket/entities/mfa-busan/press/news/details/1107805?lang=kk