Рияд, 2026 жылғы 13 сәуір – Қазақстанның Сауд Арабиясындағы Елшісі Мадияр Меңілбеков «Acwa» компаниясы Төрағасының орынбасары және Басқарушы директоры Раад Әл-Саадимен келіссөздер жүргізді.

Сұхбат барысында энергетика саласындағы бірлескен инвестициялық жобаларды іске асыру мәселелеріне ерекше назар аударылды.

Қазақстан тарапы тұрақты энергетиканы дамыту және экономиканың энергия тиімділігін арттыру үшін «Acwa» компаниясының озық технологиялары мен халықаралық тәжірибесін тартуға мүдделі екенін атап өтті.

Өз кезегінде, компания басшылығы екіжақты ынтымақтастықтың жоғары әлеуетін атап өтті және Қазақстанның орнықты энергетикалық дамуына белсенді қатысуға дайын екенін білдірді.

Кездесу қорытындысы бойынша тараптар энергетика және орнықты даму салаларындағы ынтымақтастықтың жаңа бағыттарын пысықтау мақсатында диалогты жалғастыруға уағдаласты.

«Acwa» (2026 жылғы қаңтарға дейін – «ACWA Power») – 2004 жылы құрылған Сауд Арабиясындағы ірі энергетикалық компаниялардың бірі. Компания электр станциялары мен тұщыландыру қондырғыларын салу және пайдалану саласына маманданған, кең халықаралық тәжірибеге ие және оның қызметі жаңартылатын энергетиканы дамытуға бағытталған.

Ақпарат көзі : https://www.gov.kz/memleket/entities/mfa-riyadh/press/news/details/1199935?lang=kk