2026 жылдан бастап бақылау-касса машиналарының (БКМ) чектерінің мазмұнына фискалдық есепке алуды автоматтандыратын міндетті өзгерістер енгізілді. Оған сәйкес БКМ-нің әрбір чегінде мыналар міндетті түрде көрсетіледі:
Тауарлар кодтарының номенклатурасына (ТКН) қатаң сәйкестікте тауардың, жұмыстың немесе көрсетілетін қызметтің атауы;
ТКН бойынша тауардың сәйкестендіру коды;
Міндетті таңбалауға жататын тауарларға түсірілген цифрлық сәйкестендіру құралдары.

Кәсіпкерлерге енді позициялардың атауларын қолмен енгізудің қажеті жоқ. БКМ-ді қолданған кезде тауардың штрихкодын сканерлеу жеткілікті болады. Барлық атаулар Мемлекеттік деректер базасына (ТКН МДБ) енгізілген және фискалдық деректер операторларының (ФДО) сервистері арқылы автоматты түрде жүктеледі.

Алматы қаласы бойынша Мемлекеттік кірістер департаменті кассалық жабдықты алдын ала тексеруді және қажет болған жағдайда БКМ немесе ФДО жеткізушілерінен бағдарламалық қамтамасыз етуді жаңартуды ұсынады. Бекітілген ережелерге сәйкес келмейтін чекті беру әкімшілік жауапкершілікке әкеп соғады.

Ақпарат көзі : https://www.gov.kz/memleket/entities/kgd-almaty/press/news/details/1261718?lang=ru