Ұлттық ұлан спорт командасын даярлау орталығының аға маманы (дене шынықтыру және спорт бойынша аға нұсқаушысы) Милад Карими Хорватияның Осиек қаласында өткен спорттық гимнастикадан әлем кубогында қола медаль жеңіп алды.Едендегі еркін жаттығулар финалында ефрейтор Карими 13,966 ұпай жинап, жоғары шеберлік көрсетті. Бұл оған үшінші орынды жеңіп, құрмет тұғырына көтерілуге мүмкіндік берді.Хорватияда өткен дода Әлем кубогы сериясындағы төртінші кезең болды және қатысушылардың рекордтық санын жинады — яғни 35 ел спортшылары бақ сынады. Қазақстан құрамасының құрамында Нариман Құрбанов, Зейнолла Ыдырысов (атқа міну жаттығулары), Асан Сәлімов (тірек секіру) және Милад Карими өнер көрсетті. Милад тек едендегі еркін жаттығуларда ғана емес, сонымен қатар зілтемірде де бақ сынасты.Кезең қорытындысы бойынша Қазақстан екі қола медаль жеңіп алды. Нариман Құрбанов 14,233 ұпаймен ат спорты бойынша финалда үштікке ілінді.Ұландық Милад Каримидің жетістігі — оның жеке көрсеткіші ғана емес, сондай-ақ қатарында нағыз чемпиондар қызмет ететін Ұлттық ұлан үшін де үлкен мақтаныш. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/975096?lang=kk

Кеңес Одағының Батыры, Халық қаһарманы армия генералы Сағадат Нұрмағамбетов атындағы әскери колледжде көшет отырғызылды.Экологиялық акцияға Тәрбие және идеологиялық жұмыстар департаментінің бастығы әділет полковнигі Тілеухан Басқожаев, Әскери білім және ғылым департаментінің бастығы полковник Мұрат Олжабаев, армия генералы Сағадат Нұрмағамбетов атындағы әскери колледждің бастығы полковник Ғазиз Төлеушев, әскери қызметшілер мен кадеттер қатысты.– Бұл күндері "Таза Қазақстан" акциясы аясында Қарулы күштердің барлық әскери бөлімдерінде экологиялық акциялар өтуде. Әрбір отырғызылған көшет, ол тыл еңбеккерлері мен жалпы Жеңіс үшін күрескен жауынгерлерге құрмет пен ризашылықтың символы іспеттес, - деп атап өтті әділет поковнигі Тілеухан Басқожаев.  Әскери колледж бастығы полковник Ғазиз Төлеушев атап өткендей, оқу орнының аумағын көгалдандыру кадеттер үшін маңызды оқиға болып саналады.– Біз үшін де, тәрбиеленушілеріміз үшін де бұл көшеттер Ұлы Отан соғысының батырлары сыйлаған бейбітшіліктің символына айналады. Ал, бүгінгі күні елдің тыныштығын қорғауда тұрған қазіргі әскери қызметшілерге алғыс пен құрмет іспеттес, сондай-ақ ол болашақ ұрпаққа қазақстандық жауынгерлердің ерлігін  еске салады, – деді Ғазиз Төлеушев.Естеріңізге сала кетейік, "Таза Қазақстан" акциясы аясында Ұлы Отан соғысының батырларын еске алу үшін бүкіл ел бойынша мыңдаған көшеттер отырғызылады. Ақпарат көзі : https://www.gov.kz/memleket/entities/mod/press/news/details/975093?lang=kk

Телеграмм КС - https://t.me/consot_kz   Страсбург, 2025 жылғы 9-10 сәуір – ҚР Конституциялық Сотының Төрайымы Э.Азимова және ҚР Парламенті Сенатының Төраға орынбасары О.Перепечина Еуропа Кеңесінің (ЕК) штаб-пәтеріне жұмыс іссапарымен барды.Іссапар аясында қазақстандық делегация ЕК Бас хатшысы А.Берсе, ЕК Адам құқықтары жөніндегі комиссары М.О’Флаэрти, Еуропа Кеңесінің Парламенттік Ассамблеясы (ЕКПА) Президенті Т.Русопулос, ЕКПА-ның "Еуропалық консерваторлар, патриоттар және одақтастары" саяси фракциясының Төрағасы, Қазақстан бойынша баяндамашы Ж.Немет, Адам құқықтары жөніндегі Еуропалық сотының судьясы А.Арутюнян, Венеция комиссиясы хатшысының орынбасары Д.Фрейманн және Страсбург сотының төрағасы Ф.Бабомен кездесті.А.Берсемен кездесуде Қазақстан мен Еуропа Кеңесінің екіжақты ынтымақтастығын одан әрі дамыту мәселелері қарастырылды. Еуропалық ұйымның басшысы Қазақстандағы демократиялық процестер, конституциялық реформалар мен Парламент қызметі туралы жан-жақты ақпарат алды.Өз кезегінде ЕК Бас хатшысы А.Берсе Қазақстанды ұйымның маңызды серіктесі ретінде атап өтті. Оның айтуынша, Қазақстан мен Еуропа Кеңесін адам құқықтарын нығайтуға деген ортақ ұмтылыс біріктіреді. Ол Қазақстанның ұйым шеңберіндегі түрлі бастамаларға, соның ішінде сыбайлас жемқорлыққа қарсы күреске белсенді қатысуын жоғары бағалады. А.Берсе Еуропа Кеңесінің түрлі бағыттары бойынша бірлескен жұмысты жалғастырудың маңыздылығын атап өтті.Қазақстан делегациясы Адам құқықтары жөніндегі Комиссарға Президент Қ.Тоқаевтың елдің саяси және әлеуметтік-экономикалық жүйесін түбегейлі өзгертуге бағытталған бастамалары туралы ақпарат берді. Қазақстандағы реформалар халық сұранысымен байланысты екені және мемлекет қоғаммен ашық диалог орнатуға және адам құқықтарын сақтау тұрғысынан азаматтардың сұраныстарына жедел әрекет етуге ерекше көңіл бөлетіні айтылды.М.О’Флаэрти Қазақстандағы реформалардың оң нәтижелерін, өлім жазасының жойылуын ризашылықпен атап өтті. Ол билікті орталықсыздандыру процесінің маңыздылығын және Конституциялық соттың ұлттық құқық қорғау жүйесіндегі рөлін ерекше атап өтті. Мемлекеттің әлеуметтік осал топтарды қолдау жөніндегі бастамаларын қолдайтынын білдірді.ЕКПА Президентімен кездесуде парламентаралық ынтымақтастық мәселелері талқыланды. Парламенттік дипломатияның тікелей байланыстар орнатуда және маңызды мәселелерді шешуде маңызды рөл атқаратыны айтылды. Т.Русопулосқа ҚР Парламентінің реформаларды жүзеге асыру, заңнаманы жетілдіру және құқық үстемдігін нығайту бағытындағы заң шығару қызметі туралы ақпарат берілді. Сонымен қатар, ЕКПА Президентіне Қазақстанда Әлемдік және дәстүрлі діндер лидерлерінің съезі туралы айтылды.ЕКПА-дағы саяси фракция төрағасы Ж.Неметпен кездесуде Қазақстандағы адам құқықтарын қорғау жағдайы талқыланды. Еуропалық депутат адам құқықтары саласындағы реформаларды іске асырудың маңыздылығын атап өтіп, Қазақстанмен ынтымақтастықты дамытуға қолдау білдірді. Бұл контексте көршілестік саясаты шеңберінде Қазақстанмен ынтымақтастықтың басымдықтарын іске асыруға ерекше көңіл бөлінеді.Адам құқықтары жөніндегі Еуропалық сотта Қазақстандағы реформалар туралы егжей-тегжейлі әңгіме өтті. Судья А.Арутюнянға Конституциялық соттың қызметі және реформалар туралы жан-жақты ақпарат берілді. Конституциялық бақылаудың рөлі мен оны іске асыру тетіктері бойынша сындарлы пікір алмасу болды.Венециялық комиссияда өткен кездесуде одан әрі ынтымақтастықтың практикалық қадамдары қарастырылып, өзара іс-қимылдың басым бағыттары белгіленді.Қазақстанда Конституциялық соттың құрылуына байланысты реформалар Страсбург сотының Төрағасы Ф.Бабомен кездесу барысында талқыланды. Екі тарап өзара тиімді ынтымақтастықты дамытуға ұмтылысын растады. https://www.gov.kz/memleket/entities/mfa-strasbourg/press/news/details/975091?lang=kk Ақпарат көзі : https://www.gov.kz/memleket/entities/ksrk/press/news/details/975258?lang=kk

Облыс орталығындағы Кеңес Одағының Батыры Иманғали Білтабанов көшесіндегі ескерткіш тақтаға гүл шоқтарын қою рәсімі өтті. Ақтөбеліктер 10 сәуірде 100 жылдығы болған Ұлы Отан соғысының жауынгері, Кеңес Одағының Батыры Иманғали Білтабановты еске алуға арналған шараға көптеп жиналды. Олардың қатарында әскери қызметшілер, Қарулы күштердің ардагерлері, Ауған соғысына қатысушылар, сондай-ақ батырдың туыстары мен жақындары бар.Иманғали Білтабанов 1925 жылы Қобда ауданы Қосөткел ауылында дүниеге келген. 1943 жылы майданға шақырылып, 289-шы Нарва атқыштар полкінің құрамында соғысқан.Польша жеріндегі ұрыс қимылдары кезінде пулемет есептобының командирі сержант Иманғали Білтабанов Оппельн қаласының оңтүстігіндегі Одер өзенінен сәтті өтті. 1945 жылы 25 қаңтарда Батыс жағалаудағы Одерфельд ауылының маңындағы жағажайды ұстап тұру үшін болған шайқаста пулеметпен ондаған жау сарбазы мен офицерінің көзін жойды. Осы ұрыста жараланып, контузия алса да ұрыс алаңын тастап кетпеді. 1945 жылы 26 ақпандағы шайқаста ерлікпен қаза тапты.Көрсеткен ерлігі үшін КСРО Жоғарғы Кеңесі Президиумының Жарлығымен Иманғали Білтабановқа қаза тапқаннан кейін Кеңес Одағының Батыры атағы берілді.Қосөткел ауылындағы ауылдық округ батырдың есімімен аталады. Бір минут үнсіздікпен басталған салтанатты шара Иманғали Білтабановтың ескерткіш тақтасына гүл шоқтарын қоюмен аяқталды.Ақпарат көзі : https://www.gov.kz/memleket/entities/mod/press/news/details/975090?lang=kk

Елордалық әскери авиабазада БҰҰ миссиясы аясында (UNDOF) Голан жоталарында қызмет атқарып, бір жылдан кейін елге оралған Қазақстанның тұңғыш бітімгерлік контингентін салтанатты қарсы алу рәсімі өтті.Құрмет қарауыл ротасының сүйемелдеуімен бітімгерлік қызмет атқарған әскери қызметшілерді Қорғаныс министрлігінің басшылығы, Қарулы күштердің ардагерлері мен әріптестері қарсы алды.Қорғаныс министрі генерал-полковник Руслан Жақсылықов әр бітімгердің қолын алып, жеке құрамға алғысын білдірді. Ол сондай-ақ, Қазақстан армиясының тарихында алғаш рет Голан жоталарында "БҰҰ-ның бөлінуді бақылау жөніндегі күштері" миссиясында өзінің қару-жарағы мен техникасымен дербес ұлттық контингент орналастырылғанын атап өтті.- Бұл миссия аласапыран аймақта халықаралық бейбітшілік пен тұрақтылықты сақтау жөніндегі маңызды міндет болды. Сіздердің күш-жігерлеріңіз назардан тыс қалмай, халықаралық аренада Қазақстанның беделін жауапты, әрі бейбіт мемлекет ретінде одан әрі нығайтуға негіз болды. Адал қызметтеріңіз бен жауынгерлік тапсырманы орындаудағы жауапкершіліктеріңіз, сондай-ақ, қазіргі таңда басынан қиын кезеңді өткеріп жатқан адамдарға көмек қолын созғандарыңыз үшін алғыс айтамын, – деп атап өтті қорғаныс ведомствосының басшысы.Бітімгерлік ротасының командирі подполковник Жігер Аипов Фауар базасында миссияны орындау барысында қазақстандық контингент 600-ден астам тапсырманы орындағанын атап өтті.- Осыдан бір жыл бұрын біздің 139 адамнан тұратын алғашқы бітімгерлік контингентіміз Голан жоталарына аттанды. Жауапкершілік аймағында ротаның жеке құрамы жүктерді алып жүру бойынша патрульдік және гуманитарлық қызмет атқарды. Біз 4 эвакуация жасадық және 400-ден астам жарылмаған заттардың жойдық, - деді ол.Қиын-қыстау кезеңде ер адамдармен бірге БҰҰ-ның Голан жоталарындағы миссиясында 7 әйел әскери қызметші қызмет атқарды.Алға қойылған міндеттерді ойдағыдай орындағаны үшін қазақстандық бітімгерілік контингенттің жеке құрамы БҰҰ Миссиясы мен Хатшылығы басшылығының  жоғары бағасына ие болды.Ақпарат көзі : https://www.gov.kz/memleket/entities/mod/press/news/details/975054?lang=kk

Страсбург, 2025 жылғы 10 сәуір – Еуропа Кеңесінің Парламенттік Ассамблеясының (ЕКПА) көктемгі сессиясы аясында Қазақстандағы демократиялық өзгерістерді іске асыруға арналған «Демократиялық реформалар – тұрақтылық пен өркендеудің негізі» атты дөңгелек үстел өтті.Іс-шараға Қазақстан Республикасы Конституциялық Сотының Төрайымы Э.Әзімова, ҚР Сенаты Төрағасының орынбасары О.Перепечина, ЕКПА саяси тобының Төрағасы Ж.Немет, Венеция Комиссиясы хатшылығының директоры С.Гранат-Менгини, GRECO Атқарушы хатшысы Л.Стойка, Еуропа Кеңесі бағдарламаларын үйлестіру Директорат бөлімінің басшысы Ш.Дюрр, Қазақстан халқы Ассамблеясының өкілдері және халықаралық зерттеу орталықтарының сарапшылары қатысты.Э.Әзімова өз сөзінде Конституцияның үстемдігін нығайту үдерісін, конституциялық бақылау институтының дамуын және Қазақстандағы адам құқықтары мен бостандықтарын қорғаудағы сот билігінің рөлін атап өтті.Іс-шараға қатысушылары Президент Қ.Тоқаевтың Қазақстанның саяси жүйесін жаңғыртуға, ұлттық құқық қорғау тетіктерін күшейтуге, мемлекеттік басқару жүйесінің жауапкершілігін арттыруға бағытталған бастамаларының іске асырылу барысын талқылады.Сонымен қатар, адам құқықтарының күн тәртібіне, сот жүйесінің тәуелсіздігін қамтамасыз етуге, сыбайлас жемқорлыққа қарсы саясатқа және демократиялық құндылықтарды ілгерілету саласындағы халықаралық ынтымақтастыққа назар аударылды.Жүргізілген реформалардың нәтижесінде айтарлықтай оң өзгерістер орын алғаны атап өтілді.Еуропа Кеңесінің өкілдері Қазақстанмен өзара тиімді ынтымақтастықты дамытуға дайын екендіктерін растады және елдің құқық қорғау тәжірибелерін жетілдіру, адам құқықтары мен заң үстемдігін нығайту саласындағы ілгерілеуін ерекше атап өтті.Ақпарат көзі : https://www.gov.kz/memleket/entities/mfa-strasbourg/press/news/details/975085?lang=kk

2025 жылғы 11 сәуірде онлайн-форматта ҚР Цифрлық даму, инновациялар және аэроғарыш өнеркәсібінің бірінші вице-министрі Қаныш Төлеушин мен ПИР Ақпараттық технологиялар және телекоммуникацияның бірінші вице-министрі – федералды хатшысы Хан Заррар Хашам арасында келіссөздер өтті.Тараптар АТ саласындағы ынтымақтастықты жолға қою перспективаларын егжей-тегжейлі талқылап, нақты бағыттарды айқындады.Қаныш Төлеушин Қазақстанның ІТ-нарығындағы ағымдағы жағдай, онлайн-форматта мемлекеттік қызметтерді ілгерілетудегі прогресс, жасанды интеллект, блокчейн технологиялары, финтех және т.б. дамыту тұрғысында жүргізіліп жатқан жұмыстар туралы айтып берді.Өз кезегінде Федералды хатшы ПИР үкіметінің басымдықтары мен АТ секторында жүзеге асырылып жатқан саясат туралы хабардар етті.Х. З. Хашам Қазақстан тарапының айтылған ұсыныстарын қолдап, ҚР-мен ынтымақтастықты жандандыруға қызығушылық білдірді.Өз кезегінде, ҚР Елшісі Е.Қыстафин 2025 жылға жоспарланған іс-шаралар туралы айтып, осы жылдың сәуір айында Үкіметаралық Комиссия отырысы шеңберінде қол қоюға жоспарланған құжаттарды келісуді жеделдетуді ұсынды.Кездесу қорытындысы бойынша а.ж. сәуір айының соңында ақпараттық технологиялар және телекоммуникациялар жөніндегі Бірлескен жұмыс тобының 1-ші отырысын ұйымдастыруға уағдаластыққа қол жеткізілді, онда бірлесіп іске асыру үшін нақты жобалар қарастырылатын болады.Ақпарат көзі : https://www.gov.kz/memleket/entities/mfa-islamabad/press/news/details/975081?lang=kk

Вашингтон, 2025 жылғы 11 сәуір – Джорджтаун университетінде Еуразиялық, Ресейлік және Шығыс Еуропалық зерттеулер орталығы (CERES) ұйымдастырған «Crude Awakening» конференциясы өтті. Іс-шара аясында сарапшылар мен саясаткерлер Орталық Азиядағы өңірлік үдерістер мен энергетикалық қауіпсіздік мәселелерін кеңінен талқылады.Панельдік отырыстардың бірінде Қазақстан Республикасының Елшісі Ержан Ашықбаев негізгі спикер ретінде сөз сөйледі. «Энергетикалық болашақ және қазақстандық-америкалық қатынастар» тақырыбындағы баяндамасында Елші Қазақстан мен АҚШ арасындағы стратегиялық әріптестіктің өзектілігін атап өтіп, өңірдің энергетикалық трансформациясы экономикалық шынайылықтарды, орнықты даму қағидаттарын және өңірлік тұрақтылықты ескере отырып жүргізілуі тиіс екенін баса айтты.Елші Қазақстанның уран мен сирек кездесетін пайдалы қазбалар қорына бай ел ретінде жаһандық энергетикалық қауіпсіздікке қазірдің өзінде үлес қосып отырғанын және жаңа энергетикалық архитектураларды қалыптастыруға белсенді қатысуға дайын екенін еске салды. Бұл бағыттар қатарында бейбіт ядролық энергетиканы дамыту мен сирек кездесетін металдары саласындағы әріптестікті кеңейту бар.«Біз тек шикізат жеткізуші ғана емес, жаһандық энергетикалық көшудің толыққанды қатысушысы болуға ұмтыламыз», – деді ол.Конференция барысында өңірлік энергетика мәселелеріне қатысты сараптамалық пікірлерімен белгілі зерттеушілер Брианна Тодд (NESA орталығы), Артемий Калиновский (Temple университеті) және Вадим Гришин (Джорджтаун университеті) бөлісті. Олар Орталық Азия энергожүйесінің қайта құрылымдау үдерістері мен стратегиялық ресурстар бойынша әріптестіктің болашағын жан-жақты қарастырды.Сонымен қатар, Джорджтаун университеті жанынан Орталық Азияны зерттеуге арналған арнайы жұмыс тобын құру жоспары жарияланды. Бұл бастама өңірлік мәселелер бойынша академиялық және сараптамалық ынтымақтастықты одан әрі тереңдетуге бағытталған маңызды қадам болмақ.Конференцияға АҚШ-тың Қазақстандағы бұрынғы Елшісі Дэниел Розенблюм, сондай-ақ АҚШ-тың Түрікменстандағы бұрынғы Елшілері Стивен Манн мен Лора Кеннеди қатысты. Олар АҚШ-тың өңірдегі болашақ қатысуы мен энергетикалық трансформация үдерісіндегі жеке сектордың рөліне қатысты өз көзқарастарымен бөлісті.Іс-шара соңында қатысушылар Орталық Азияның орнықты энергетикалық болашағы тек халықаралық серіктестікті нығайту және ұзақ мерзімді стратегиялық көзқарасты қалыптастыру арқылы мүмкін болатынын атап өтті.Конференция қорытындылары АҚШ Әкімшілігінің Орталық Азияға бағытталған саясаты аясында жаңа тәсілдер мен ұсыныстар әзірлеу үшін пайдаланылуы жоспарлануда.Ақпарат көзі : https://www.gov.kz/memleket/entities/mfa-washington/press/news/details/975077?lang=kk

KazAID және ДДҰ денсаулық сақтау саласындағы ынтымақтастық мүмкіндіктерін талқылауда2025 жылғы 8 сәуір, Астана – «KazAID» Қазақстандық халықаралық даму агенттігінің Басқарма Төрағасы д-р. А. Арыстановтың ДДҰ-ның Еуропалық өңірлік бюросының ТБ жөніндегі өңірлік кеңесшісі д-р. А. Еділбаевпен және ДДҰ-ның Қазақстандағы елдік кеңсенің Денсаулық сақтау саласындағы саясат мәселелері жөніндегі кеңесшісімен д-р. С. Георгитамен техникалық кездесуі өтті.Кездесу барысында тараптар ағымдағы жылдың 7 сәуірінде басталған «Орталық Азия туберкулезден азат» бастамасын қоса алғанда, денсаулық сақтау саласындағы ынтымақтастық мүмкіндіктерін талқылады.Ақпарат көзі : https://www.gov.kz/memleket/entities/kazaid/press/news/details/975034?lang=kk

Астанада еліміздің Өнеркәсіп және құрылыс министрлігі өкілдерінің қатысуымен Қазақстан мен Үндістанның қорғаныс ынтымақтастығы мәселелері жөніндегі бірлескен жұмыс тобының кезекті отырысы өтті.Делегация басшылары Қазақстан Республикасы Қорғаныс министрінің орынбасары генерал-майор Бақытбек Сыдықов пен Үндістан Республикасы Қорғаныс министрлігінің Халықаралық ынтымақтастық жөніндегі біріккен хатшысы Шри Вишвеш Неги қорғаныс саласындағы екіжақты қатынастардың оң динамикасын атап өтті. Жауынгерлік дайындық, әскери білім беру және бітімгерлік бағыттары бойынша әскери ынтымақтастық белсенді дамып келеді.Әскери делегацияны қарсы алған Өнеркәсіп және құрылыс вице-министрі Рақымжан Исақұлов Үндістанмен әскери-техникалық ынтымақтастықты жандандыру Қазақстанның бейінді ведомстволарының басым міндеті екенін атап өтті.Шетелдік қонақтар Қазақстан Республикасының Ұлттық қорғаныс университетінде де болды. 2021 жылдан бастап осы оқу орнында Үнді мамандары қазақстандық әріптестеріне ағылшын тілін үйрену тәжірибесі мен әдіснамасын беріп келеді. Ақпарат көзі : https://www.gov.kz/memleket/entities/mod/press/news/details/975021?lang=kk

БҰҰ миссиясының жауапкершілік аймағында орналасқан Фауар базасында Қорғаныс министрінің орынбасары генерал-майор Шайх-Хасан Жазықбаев қазақстандық бітімгершілік контингенттерді ротациялау рәсімін өткізді. «БҰҰ бөлінуді бақылау жөніндегі күштері» миссиясы қолбасшысының бітімгершілік резервінің бірінші және екінші құрамдарының командирлері подполковниктер Жігер Аипов пен Жәнібек Нұрланов Қорғаныс министрлігі қолбасшылығының өкіліне әскери контингенттердің ауысуы туралы баяндады. Миссияны аяқтаған Қарулы күштер әскерилерінің алғашқы құрамы елге оралғалы жатса, олардың орнын екінші құрамдағы әскери қызметшілер басты.Қазіргі таңда контингенттің жеке құрамы орналасып, қызметке кірісуге дайындық жүргізуде. Рота штабы қызметті қабылдау және «БҰҰ-ның бөлінген аумақты бақылау күштері» миссиясы аясындағы міндеттерді нақтылауға бағытталған жұмыстармен айналысуда.Контингент командирі подполковник Жәнібек Нұрлановтың айтуынша, алдымен жеке құраммен теориялық сабақтар өтеді, кейін практикалық дайындық басталады. «Миссияға дайындық кезінде алынған кәсіби дағдылар біздің әскери қызметшілерге қойылған міндеттерді сапалы орындауға мүмкіндік береді», – деді ол.Еске сала кетейік, Қазақстанның алғашқы ұлттық бітімгерлік контингенті 2024 жылдың наурызында БҰҰ миссиясы аясында Голан жоталарына жіберілген болатын. Әскери қызметшілер мобильді патрульдеу, бақылау бекеттерін күшейту, эвакуация және минасыздандыру жұмыстарын орындады. Олар миссия қолбасшылығы мен БҰҰ басшылығынан жоғары баға алды.Осылайша, Қазақстан БҰҰ-ның бітімгерлік қызметіне қатыса отырып, халықаралық бейбітшілік пен тұрақтылықты қамтамасыз ету ісіне маңызды үлес қосып келеді.Ақпарат көзі : https://www.gov.kz/memleket/entities/mod/press/news/details/975007?lang=kk

Қазақстан Республикасы ІІМ Ұлттық ұланында "Таза Қазақстан" республикалық акциясы аясында ауқымды экологиялық іс-шара өтті. Әскери қызметшілер аумақтарды тазалауға, саябақ аймақтарын абаттандыруға, сондай-ақ шекараларды, ағаштарды, орындықтарды және шағын сәулет нысандарын бояуға белсенді қатысты.Әскери бөлімдерге іргелес жатқан учаскелерде тәртіп орнатуға ерекше назар аударылды, онда қызмет өткеру үшін де, жеке құрамның демалысы үшін де қолайлы және таза жағдайлар жасалды.Айта кетейік, бастаманың басты мақсаты — аумақтардың санитарлық жағдайын жақсарту ғана емес, сонымен қатар әскери қызметшілер бойында экологиялық мәдениетті, қоршаған орта үшін жауапкершілік сезімін және табиғатқа ұқыпты қарауды күшейту.Мұндай акциялар командалық рухты нығайтуға, тәртіпті арттыруға және патриоттық тәрбиеге ықпал етеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/974985?lang=kk

Болашақ футболшылар үшін жағымды жаңалық.Алматы облысында жас спортшылар үшін тың мүмкіндік туды. Райымбек ауылдық округіне қарасты Құмтоған ауылында еліміздегі алғашқы жеке меншік мамандандырылған футбол мектебі бой көтеруде. «Jeyran» футбол клубының бастамасымен қолға алынған ауқымды жобаның келер жылы пайдалануға берілуі жоспарланып отыр. Мектеп бір мезетте мыңға жуық шәкіртті қабылдай алады.Аталмыш оқу ордасын 2016 жылдан бері Алматы қаласында жұмыс істеп келе жатқан «Jeyran» футбол клубының құрылтайшылары қолға алған. Қазіргі таңда клуб құрамында 1800-ге жуық жас спортшы жаттығуда. Енді бұл тәжірибе облыс деңгейіне көшіріліп, футболға құмар ауыл балаларына да мүмкіндік берілмек.— Бұл базада бастапқыда мың шақты баламен бастаймыз. Олар 4 пен 18 жас аралығында болады. Жаттығу жасап, түрлі жарыстарға қатысады. Онлайн мектепте оқып, жатақханада тұрады. Құрылысын былтыр бастадық, келесі жылы аяқтаймыз, — дейді жобаның құрылтайшысы Асхат Машанов.Мектептің қаржылық жоспары да ауқымды. Жоба құны шамамен 1 миллиард теңгені құрап отыр. Қаржы директоры Абай Қанатаевтың айтуынша, кешен тек ойыншылар ғана емес, кәсіби жаттықтырушыларды да дайындайтын орталыққа айналмақ. Озық технологиялар, еуропалық стандартқа сай жасалған алаңдар, заманауи инфрақұрылым – бәрі де оқушылар үшін қолайлы жағдай жасауға бағытталған.— Біздің басты мақсатымыз – кәсіби футболшыларды тәрбиелеу. Бүгінде клубтан үш бала ұлттық құраманың сапына енсе, бірнешеуі кәсіби командаларда өнер көрсетуде, — дейді ол.Жалпы аумағы 7 гектарды құрайтын кешенде төрт блоктан тұратын ғимараттар бой көтеріп, құрылыс көлемі 5 мың шаршы метрге жуықтайды. Жасыл алаңдар мен 3 мың адамдық көрермен орындығы да қарастырылған.Алматы облыстық дене шынықтыру және спорт басқармасы басшысының міндетін атқарушы Рахман Шахарбектің айтуынша, бұл бастама өңірдегі бұқаралық спортты дамытуға серпін бермек.— Бұл – облыс үшін үлкен жаңалық. Біріншіден, балаларды спортқа баулимыз. Екіншіден, әлеуметтік осал топтардағы жеткіншектерге де мүмкіндік туады. Алдағы уақытта мемлекет пен жеке кәсіпкерлік арасындағы әріптестік аясында қолдау көрсету бағытында жұмыс жасаймыз, — дейді ол.Бүгінде құрылыс жұмыстарының 20 пайызы аяқталған. Жобалаушылардың айтуынша, келесі жылдың жазында мектеп толық жұмысын бастайды. Бұл – Қарасай ауданындағы спортқа құштар балалар үшін үлкен серпін, ал футбол арманға айналған жас өрендер үшін – нақты мүмкіндікАқпарат көзі : https://www.gov.kz/memleket/entities/almobl/press/news/details/975006?lang=kk

«Заң және Тәртіп» идеологиясын іске асыру шеңберінде Ақтөбе облысында алкогольдік масаң күйде көлік құралын басқарудың алдын алу бойынша жұмыстар жүргізілуде.Ағымдағы жылы Ақтөбе облысы бойынша мас күйінде автокөлік құралын басқарғаны үшін 13 тұлға қылмыстық жауаптылыққа тартылды.Ақтөбе қаласының №2 соты ҚК-нің 346-бабы 2-бөлігі (абайсызда мүліктің бүлінуіне алып келген, көлік құралдарын басқару құқығынан айырылған және алкогольдік масаң күйдегі адамның көлік құралын басқаруы) бойынша сотқа берілген сотталушыға қатысты қылмыстық істі қарады.Бұған дейін сотталушы ӘҚБтК-нің 608-бабының 1-бөлігі бойынша әкімшілік жауаптылыққа тартылған, ол бойынша 15 тәулікке қамаққа алынып, 7 жыл мерзімге, яғни 14.03.2030 жылға дейін, көлік құралын басқару құқығынан айырылған.Алайда сотталушы түзету жолына түспей, өзі үшін тиісті қорытынды жасамай, қылмыстық құқық бұзушылық жасаған.Сот мемлекеттік айыптау тарабының жаза түрі бойынша пікірін ескеріп, сот үкімімен сотталушыға көлік құралдарын басқару құқығынан өмір бойына айыра отырып, 4 жыл мерзімге бас бостандығынан айыру жазасы тағайындалды. Құрметті Ақтөбе облысының тұрғындары!Біз Сізге қылмыстың бұл түрі үшін өмір бойы көлік құралдарын басқару құқығынан айыра отырып, төрт жылдан алты жылға дейінгі мерзімге бас бостандығынан айыру түріндегі қылмыстық жауаптылық қарастырылғанын хабарлаймыз.Осылайша жол қозғалысы ережелерін қатаң сақтауға және көлік құралдарын алкогольдік немесе есірткілік масаң күйде басқармауға шақырамыз.#Заң_мен_Тәртіп#ЗАҢменТӘРТІП #ЖауапкершілікАқпарат көзі : https://www.gov.kz/memleket/entities/prokuratura-aktobe/press/news/details/975004?lang=kk

2025 жылғы 8 сәуірде Мехико қаласында Қазақстан Республикасының Мексикадағы Елшісі Алмұрат Тұрғанбеков Дүниежүзілік бокс кеңесінің (WBC) Президенті Маурисио Сулайманмен бокстан бірінші дүниежүзілік кубок – «Riyadh Season WBC Boxing Grand Prix» атты баспасөз конференциясы аясында кездесті.Сұхбат барысында тараптар Қазақстан мен WBC ұйымы арасындағы кәсіби бокс саласындағы ынтымақтастықтың перспективаларын талқылады. Жас таланттарды қолдау, бірлескен спорттық іс-шараларды өткізу, сондай-ақ қазақстандық боксшыларды әлемдік аренада ілгерілету мәселелері де қозғалды.Эр-Риядта (Сауд Арабиясы) ү.ж. 17-20 сәуірде өтетін алдағы «Riyadh season WBC Boxing Grand Prix» турниріне ерекше назар аударылды. Жарысқа 17-ге жуық қазақстандық былғары қолқап шеберлері қатысады.Кездесу жылы және достық атмосферада өтті. Оның қорытындысы бойынша тараптар Қазақстан мен WBC арасындағы спорттық байланыстарды нығайтуды жалғастыруға уағдаласты.«WBC» туралы анықтама: Дүниежүзілік бокс кеңесі (WBC) – штаб-пәтері Мехико қаласында орналасқан әлемдегі ең беделді кәсіби бокс ұйымы. 1963 жылы құрылған WBC барлық салмақ дәрежелерінде чемпиондық жекпе-жек өткізеді.Ақпарат көзі : https://www.gov.kz/memleket/entities/mfa-mexico/press/news/details/975003?lang=kk

Қараша айының 29-ші жұлдызында Вена қаласындағы әйгілі «Konzerthaus» залында көрермендердің назарына, 2015 жылдан бастап Қазақстан Республикасының Елшілігі тарапынан Аустрия және басқа да еуропа елдеріне қазақ мәдениетін танымал ету мақсатында жүзеге асырып жатқан «Қазақстан інжулері – Ұлы Дала сарыны» атты жобасы аясында концерт ұсынылды.2019 жылға арналған Жоба, Егемен еліміздің ең ұлық, ең қастерлі мерекесі – Тәуелсіздік күнінің 28 жылдығына орай мерекелік концерттік бағдарламамен аяқталды.Концерттік бағдарламаға бас дирижер, Қазақстанның еңбек сіңірген қайраткері Бақытжан Мұсақожаеваның жетекшілігімен «Солисттер академиясы» мемлекеттік камералық оркестрі және де Қазақ ұлттық өнер университетінің «Сырлы саз» фольклорлық ансамблі қатысты. Қонақтардың назарына белгілі қазақ композиторларының - Дәулеткерей, Құрманғазы, Нұрғиса Тілендиев, сонымен қатар Еуропалық классиктердің - В.А.Моцарт, Й.Гайден, А.Вивальди, Ж.Россини шығармалары ұсынылды.Мерекелік кешке Аустрия парламентінің және Сыртқы істер министрлігінің өкілдері, Венада тіркелген дипломатиялық миссиялардың басшылары, Венадағы халықаралық ұйымдардың басшылары, Қазақстан Республикасының Құрметті консулдары, аустрия-қазақстандық қоғамының мүшелері, қазақ диаспорасының өкілдері, Аустриядағы қазақстандық студенттер бірлестігінің мүшелері, аустриялық қоғамдық-саяси және іскер топтары мен БАҚ қатысты. Арнайы қонақтардың арасында Қазақ ұлттық өнер университетінің ректоры, профессор Айман Мұсақожаева болды.Тыңдарман қауым қазақстандық музыканттардың орындау шеберлігіне ризашылықтарын білдірді. Оркестрдің әр қойылымы қошеметпен аяқталды. Өнер сүйер қауым қазақтың дарынды ұлдары мен қыздарына, солистерге – Әмина Ахметжановаға, Ислам Әлиевке, Ермек Құрманаевқа және Батыржан Смақовқа ыстық ықыласын білдіріп, гүл шоқтарын ұсынды.Оркестр қазақтың ұлы ақыны Абай Құнанбаевтың «Көзімнің қарасы» атты шығармасын орындау арқылы халқымыздың ішкі жан-дүниесін, мəдениет деңгейін көрсетеді.Қорытындылай келе, музыканттар Аустрияның және Қазақстанның мемлекеттік әнұрандарын орындады.Қазақстан Республикасының Аустриядағы Елшісі және Венадағы халықаралық ұйымдар жанындағы Тұрақты Өкілі Қайрат Сарыбай өзінің құттықтау сөзінде мәдениеттің әртүрлі елдердің халықтары арасындағы байланыстырушы буын ретіндегі рөлін атап өтті. Дипломат қазақстандық музыканттарға Еуропа елдеріндегі Рождестволық мерекелерге сәйкес келетін Қазақстанның Тәуелсіздік күніне арналған керемет сыйлық үшін алғысын білдіріп, барлық қатысушыларға бақ-береке және табыс тіледі.Тәуелсіздік күнін мерекелеу барысында "Silk Way Expedition Through The Great Steppe 2019" экспедициясының аустриялық қатысушыларына: ЕҚЫҰ Парламенттік Ассамблеясының бұрынғы төрағасы Кристин Муттонен және оның жұбайы – Кари Пекка Муттоненге, сондай – ақ туризм саласындағы белгілі аустриялық кеңесшісі Фердинанд Посникке және  оның жұбайына сертификаттар табыстау рәсімі өтті. Олар Жоба аясында Орталық және Шығыс Қазақстанның киелі жерлерін аралап, 16 күндік саяхатта Ұлы Даланың тарихы мен мәдениетімен танысып өтті.Ақпарат көзі : https://www.gov.kz/memleket/entities/mfa-vienna/press/news/details/36048?lang=kk

5 желтоқсан Қостанай қаласы әкімі аппаратының басшысы, этика жөніндегі комиссар В.В. Клочко төрағалық етті. Дөңгелек үстел «Қазіргі қалыптасу тәсілдері ресми қатынастар »Кездесуге қала әкімі аппаратының басшылары, мамандары қатысты.Күн тәртібінде үлкен мәнге ие ресми қатынастарды қалыптастыру мәселелері талқыланды. Мемлекеттік қызметшінің мінез-құлқы оның қызметінде маңызды рөл атқарады, өйткені оның әрекеттері мен әрекеттері оның қоңырау карточкасы ғана емес, сонымен қатар қызметкерлермен, азаматтармен қарым-қатынасқа да әсер етеді. Тұтастай алғанда мемлекеттің имиджі қызметкердің өз әріптестерімен және азаматтармен қарым-қатынасына байланысты болады.Қарым-қатынас өнері, адамдармен қарым-қатынас құру, оларға дұрыс көзқарас табу қабілеті кез-келген адамға қажет. Бұл қабілет өмірдің және кәсіби жетістіктің негізгі сатысында. Жалпы және әлеуметтік психологиядағы практикалық және теориялық аспектілердегі маңызды қиындықтардың бірі - адамдар арасындағы жеке қарым-қатынас мәселесі. Қарым-қатынас үнемі байланыс топтарында көрінеді.Қызметтік қатынастар - ұйым қызметкерлерінің қызметтік мінез-құлқын сипаттайтын моральдық принциптердің жиынтығы. Мемлекеттік органдағы қызметтік қатынастар көбінесе жетекші мен бағынушының этикасы бойынша анықталады. Ұжымдағы психологиялық климат оған ғана емес, сонымен бірге жұмыс нәтижелерін анықтайтын қызметкерлердің тиімділігіне де байланысты.Турсунбаева Г.К.,Әріптестермен ресми қатынастарда мемлекеттік қызметшілер:1) ұжымда іскерлік және достық қатынастар мен сындарлы ынтымақтастық орнатуға және нығайтуға ықпал ету;2) өзге мемлекеттік қызметшілердің қызметтік этика нормаларын бұзбауының жолын кесу немесе өзге де шаралар қолдану;3) ұжымда өзінің ар-намысы мен қадір-қасиетіне нұқсан келтіретін әріптестердің жеке және кәсіби қасиеттерін талқылауға жол бермеуге;4) әріптестерінің міндеттерін орындауға кедергі келтіретін әрекеттерге (әрекетсіздікке) жол бермеуге.Әрбір мемлекеттік қызметші этикеттің негізгі нормаларын біліп қана қоймай, сонымен қатар белгілі бір ережелер мен қатынастардың қажеттілігін түсінуі керек. Қоғамда өзін-өзі дұрыс ұстай білу өте маңызды: байланыстарды орнатуға ықпал етеді, өзара түсіністікке жетуге көмектеседі, жақсы, тұрақты қарым-қатынас жасайды.Семинар нәтижелері бойынша ұсынылды:1. Департамент басшылары, Қостанай қаласы әкімінің мамандары мемлекеттік қызметшілердің санасында этикалық нормалар мен қызметтік этика нормаларын нығайтуға бағытталған қызметтік қатынастарды қалыптастыру деңгейін жоғарылатсын.Ақпарат көзі : https://www.gov.kz/memleket/entities/kostanai-kalasy-akimat/press/news/details/36037?lang=kk

 Зияткерлік мектептержаңатиптегі оқу орындары ретінде шәкірттерін ұтқырлық, динамизм және конструктивтілік сияқты қасиеттерді дамыта отырып, өзгеруге дайындайды.Жас оқырмандарға арналған №3 кітапхана-бөлімшесінде Қазақстандағы бірегей зияткерлік мектептер туралы әңгімелейтін «Жоғарғы деңгейде» әңгімес іөтті.Әңгіме барысында тыңдаушылар тек білім беру мәселелерін шешіп қана қоймай, ертең елдің болашағын айқындайтын зияткерлік элитасын қалыптастыратын ерекше мектептер туралы білді.Осы мектептердің негізгі мақсаттары мен міндеттері:- отан сүйгіштік, жалпы адамзаттық және этно мәдени құндылықтарды үйлесетін Қазақстанның зияткерлік элитасын оқыту және тәрбиелеу;- қоғамда бейімделу және бәсекеге қабілетті адамдар болу мүмкіндігі;           - өмір бойы оқуға дайын болу;            - мамандықты саналы түрде таңдау мүмкіндігі;           - үштілді және ақпараттық технологияны білу.     Әңгіме өте қызықты және нәтижеліөтті.  Ақпарат көзі : https://www.gov.kz/memleket/entities/vko-ridder/press/news/details/35978?lang=kk

Ведомствоны бұған дейін аймақ басшысының экономика, инвестициялар және сыртқы байланыстар жөніндегі кеңесшісі қызметін атқарған Бауыржан Каменов басқаратын болды.  Жаңа басшыны облыстық әкімідкте өткен жиында Павлодар облысының әкімі Болат Бақауов таныстырды. Ол жаңадан тағайындалған басшының жұмыс тәжіриебсі мол екендігін атап өтіп, қызметіне табыс тіледі. Бауыржан Каменов 1987 жылы дүниеге келген. 2008 жылы  Инновациялық Еуразия университетін «Қаржы бакалавры» маманыдғы, 2014 жылы С. Торайғыров атындағы Павлодар мемлекеттік университетін «Құқық бакалавры» мамандығы бойынша тәмамдады. Экономика және бизнес магистрі.Еңбек жолын 2008 жылы бастады. Павлодар облысы әкімінің аппаратында бас маман, Павлодар ауданы әкімінің кеңесшісі, Григорьевка ауылдық округінде әкім, Павлодар қаласының кәсіпкерлік бөлімінде басшы, қаржы бөлімінде орынбасар, Павлодар қаласы әкімінің кеңесшісі қызметтерін атқарды.  2016 жылдың сәуір айынан бастап, Павлодар обылсы әкімінің көмекшісі, Павлодар обысы әкімі аппарат басшысының орынбасары қызметтерін атқарды. 2019 жылғы маусым айынан бастап осы тағайындауға дейін облыс әкімінің экономика, инвестициялар және сыртқы байланыстар жөніндегі кеңесшісі қызметін атқарды.Ақпарат көзі : https://www.gov.kz/memleket/entities/pavlodar/press/news/details/35953?lang=kk

Облыстық кардиологиялық орталықтың №3 қалалық ауруханамен бірігуі дәрігерлердің жасап  жүрген операцияларға ешқандай кері әсерін тигізбейді. Бұл туралы Павлодар облысы Денсаулық сақтау басқармасы басшысының міндетін атқарушы Ардақ Күзеков медицина мекемелерін қайта құру мәселелері бойынша арнайы баспасөз конференциясында мәлімдеді.Естеріңізге сала кетейік, облыстық денсаулық сақтау басқармасында кардиоорталықты және №3 қалалық аурухананы біріктіру туралы шешім қабылданған болатын. Біріншіден, оны заңнама талап етеді -үкіметтің тиісті қаулысы, сондай – ақ стационарлық, стационарды алмастыратын және консультациялық-диагностикалық көмек бір ұйым болатын көп профильді орталықтарды құруға көшуді ұйғаратын Денсаулық сақтау министрлігінің бұйрығы бар. Екіншіден, мидың тамырлы зақымдануынан зардап шеккен пациенттерге медициналық қызмет көрсетуді жақсарту үшін қайта ұйымдастыруды қажет етеді.- Павлодар облысында инсульт салдарынан өлім көрсеткіші өсіп келеді, - деп атап өтті Денсаулық сақтау басқармасы басшысының міндетін атқарушысы. - 9 айдың қорытындысы бойынша инсульт 440 адамның өліміне себеп болды, бұл өткен жылға қарағанда 10-15% - ға жоғары. Үш инсульт орталығы құрылды. Олардың бірі №3 қалалық аурухананың базасында орналасқан, бірақ онда заманауи магнитті-резонансты томограф, кардиограф, жоғары сапалы УДЗ-аппараттары жоқ. Бұл ретте барлық материалдық-техникалық база кардиологиялық орталықта бар. Сондықтан осы инсульт орталығын кардиоорталыққа ауыстыру идеясы туындады. Осының арқасында кардиохирургиялық клиника мен инсульт орталығынан, жіті жүрек аурулары және созылмалы жүрек патологиясы бар пациенттерге арналған кардиологиялық клиникадан тұратын жүрек-қан тамырлары кластері, сондай-ақ жүрек-қан тамырлары патологиясы бар пациенттерге арналған оңалту орталығы түпкілікті қалыптастырылатын болады.Өкінішке орай, кардиоорталық ұжымының бір бөлігі осындай бірлестікке риза болмады. Қайта құруға қарсыластардың басты дәлелі орталық өзінің жоғары мәртебесін жоғалтады және оның мамандарына жүрекке күрделі операция жасауға рұқсат берілмейді. Ардақ Күзеков мұндай жағдайға жол берілмейді,- деп сендірді.- Орындалатын операциялардың деңгейі кадрлар мен материалдық базаға байланысты және кардиоцентрдің өз бетінше жұмыс істейтіндігіне немесе қалалық аурухананың бір бөлігі ретінде жұмыс жасайтынына байланысты емес, - деді ол. - Кардиохирургиялық көмекке жататын жоғары технологиялық медициналық қызметтер жоғарғы деңгейде көрсетіледі. Келешекте орталықта тек қарапайым операциялар жүргізіледі деп ешкім айтып тұрған жоқ. Кардиоорталықта бұрын көрсетілген операциялардың барлық түрлері болашақта да көрсетілетін болады.Кардиологиялық орталықты қаржыландыру да тиісті деңгейде қалады, оның бүгінде 360 миллион теңге көлемінде үлкен кредиторлық берешегі бар. Медициналық мекеменің штаттық кестесі де өзгермейді. Жалғыз, орталық басшысының орны қысқартылады. Алайда, өзінің мәртебесін ауыстыратын барлық топ-менеджмент жұмысқа орналасады,ал бұрын жасалған ұжымдық шарттар алдағы уақытта да орындалатын болады.- Екі медициналық мекеменің құқықтық мәртебесінен басқа ештеңе өзгермейді, - деп түйіндеді облыстық денсаулық сақтау басқармасы басшысының міндетін атқарушы. - Яғни екі заңды тұлға – бір заңды тұлғаға айналады. Сондай-ақ, облыстық перзентхана №1 қалалық аурухананың үлкен құрылымына айналды, ал перинаталды орталық, жұқпалы аурулар және тері-венерологиялық қызметтер Султанов атындағы облыстық аурухананың құрамына кірді. Павлодар облысы әкімінің баспасөз қызметіСурет: depzdrav.gov.kzАқпарат көзі : https://www.gov.kz/memleket/entities/pavlodar/press/news/details/35950?lang=kk