Отан қорғаушылардың отбасының әл-ауқаты – Қорғаныс министрлігінің басты бағыттарының бірі. Оларды қолдауда әскери қызметшілердің отбасыларымен жұмыс жөніндегі қызметтердің рөлі зор.Қазақстан Қарулы күштерінде 36 мыңнан астам отбасылы әскери қызметші бар, олардың 17 мыңнан астамы жас және көпбалалы отбасы санатына жатады. Жас отбасыларға тұрғын үйге орналастыру, бейімделу және әлеуметтік мәселелерді шешуге көмек көрсетіледі. Әскери қызметшілердің әйелдеріне жұмысқа орналасуға жәрдем беріледі, ал балаларын балабақшаларға орналастыру мәселесі шешіледі. Бітімгерлік миссияларға қатысатын әскери қызметшілердің отбасыларына құқықтық және тұрмыстық қолдау көрсетіліп, командирлермен кездесулер ұйымдастырылады.2025 жылы министрдің бастамасымен «Мектепке жол» акциясы кең ауқымға ие болды. Көптеген меценаттар мен банктер жаңа оқу жылы қарсаңында мыңдаған балаларға қолдау көрсетті.Сондай-ақ, ерекше күтімді қажет ететін балаларды тәрбиелейтін отбасыларға ерекше көңіл бөлінеді. Медициналық мекемелер мен қоғаммен бірлесіп, дәрігерлік консультациялар өткізіледі, оңалту орталықтарында емдеу жүргізіледі және басқа да қайырымдылық іс-шаралары ұйымдастырылады.Жыл сайын әскери қызметшілердің 1000-нан астам баласы республикалық «Балдәурен» оқу-сауықтыру орталығының Щучинск, Балқаш, Қонаев қалалары мен Түркістан облысындағы лагерлерінде демалып, білім алады. Демалыс квоталары алдымен шалғай гарнизондарда қызмет атқарып жүрген әскери қызметшілердің балаларына, мүмкіндігі шектеулі балаларға, толық емес және көпбалалы отбасылардан шыққан тәрбиеленушілерге беріледі.Қазіргі таңда гарнизондарда 157 үйірме мен секция жұмыс істейді, оған шамамен 3 мың бала қатысады. Оларға экскурсиялар, жарыстар, спорттық іс-шаралар, қауіпсіздік сабақтары және әскери-патриоттық тәрбиелік сабақтар ұйымдастырылады.Ақпарат көзі : https://www.gov.kz/memleket/entities/mod/press/news/details/1133669?lang=kk

Алматы қаласында Ұлы Отан соғысының ардагері Зұлхарнай Сейітов 103 жасқа толды. Оны құттықтауға Алмалы ауданы қорғаныс істері жөніндегі басқармасының әскери қызметшілері келді.Олар Зұлхарнай Сейітовке Қорғаныс министрінің атынан құттықтау хатын табыстап, зор денсаулық пен амандық тіледі.– Ардагерлер – тарихтың тірі куәгерлері, елдің абыройы мен даңқы. Майдангердің ерлігін ұмытпау, қамқорлық көрсету және батырлығы мен төзімділігі туралы естелікті жас ұрпаққа жеткізу – біздің міндетіміз, – деді Алматы қаласы Алмалы ауданы ҚІБ тәрбие және идеологиялық жұмыс бөлімінің бастығы капитан Гүлсім Бәкірова.Өз кезегінде ардагер Зұлхарнай Сейітов те әскери қызметшілерге бейбіт өмір, қызметте табыс және отбасыларына бақ-береке тіледі.Зұлхарнай Сейітов 1922 жылғы 27 желтоқсанда Жаңа Қыпшақ (Ресей, Омбы облысы) ауылында дүниеге келген. 1942 жылы қызыл әскер қатарына шақырылды. Ұлы Отан соғысы жылдарында Сталинградтан Берлинге дейінгі майдан жолынан өтті. Беларусь пен Польшаны азат етуге қатысып, Потсдам сарайын минадан тазарту жұмыстарына атсалысты. Майдандастарымен бірге фашистік Германияның астанасына шабуыл жасады.Майдангер Қызыл Жұлдыз орденімен, «Ерлігі үшін» медалімен және басқа да наградалармен марапатталған.Соғыстан кейін Зұлхарнай Сейітов Омбы ауыл шаруашылығы институтын тәмамдады. Қазақстанға қоныс аударып, ғылым жолына бет бұрды. Ол – биология ғылымдарының докторы, республикалық Ғылым академиясының академигі, Қазақстан-Ресей медициналық университетінің молекулалық биология кафедрасының профессоры.Зұлхарнай Сейітов 150-ден астам ғылыми еңбек пен монографияның, 10 оқу құралының авторы. Оның 14 патенті және сегіз авторлық куәлігі бар. Ғалымның зерттеулері Қазақстанның медицинасы мен тамақ өнеркәсібінің дамуына елеулі үлес қосты.Ақпарат көзі : https://www.gov.kz/memleket/entities/mod/press/news/details/1133647?lang=kk

«Астана» өңірлік қолбасшылығының 31775 әскери бөлімінде мерзімді әскери қызметшілердің ата-аналарына ашық есік күні өтті. Іс-шара «Армия ата-аналар көзімен» әскери-патриоттық акциясы аясында ұйымдастырылды.Бұл Қарулы күштердің ашықтығын арттыруға және сарбаздардың әскери қызметті өткеру жайы туралы олардың отбасыларын ақпараттандыруға бағытталды.Әскери бөлім аумағының кіреберісінде ата-аналарды өз ұлдары қарсы алды. Сарбаздар туған-туыстарын бөлім аумағында да өздері ертіп жүрді. Бағдарлама Батырлар аллеясында гүл шоқтарын қою рәсімінен басталды. Ата-аналарға Ұлы Отан соғысы жылдарында құрылған, ондаған жылдар бойы елдің қорғаныс қабілетін нығайтуға және Отан қорғаушыларын тәрбиелеуге үлес қосып келе жатқан әскери бөлімнің тарихы таныстырылды.Қонақтар ұлдары оқып-жаттығатын қару-жарақ пен әскери техниканы көрді. Бөлімше командирлері жауынгерлік даярлық процесі туралы жан-жақты айтып, оқу сыныптарын және жеке құраммен өткізілетін сабақтардың түрлерін көрсетті.Ата-аналарға казармаларды аралау ерекше қызығушылық тудырды. Олар сарбаздардың тұрмыс жағдайын көріп, үй-жайлардың тәртібі мен жабдықталуын бағалады. Әскери қызметшілердің тұрмысын жайлы етуге арналған қосымша мүмкіндік ретінде заманауи техникамен жабдықталған жаңа монша-кір жуу кешені қызмет етеді. Ата-аналардың көбі әскери қызмет жағдайы өздерінің бұрынғы түсініктерінен айтарлықтай өзгеше екенін атап өтті.Экскурсиядан кейін әскери бөлім басшылығымен кездесу өтті. Ата-аналар бөлім басшылығына, әскери прокурорға, одан басқа «Аналар жүрегі» сарбаздар аналары комитеті» РҚБ өкіліне өздерін қызықтырған сұрақтарды қойды. Әңгіме барысында тұрмыс, оқу-жаттығу және әскери қызметшілердің құқықтарының сақталуы мәселелері талқыланды.– Біз үшін ата-аналардың қызмет жағдайын өз көздерімен көріп, командирлермен ашық сөйлесіп, кез келген сұрақты қоя алуы аса маңызды. Ашықтық пен сенім – жұмысымыздың негізі. Әрбір сарбаз біз үшін бір үйдің баласы, біз оның қауіпсіздігіне, дайындығына және лайықты қызмет жағдайына жауаптымыз, – деп атап өтті «Астана» өңірлік қолбасшылығы әскерлерінің қолбасшысы полковник Махсут Гусейнов.Ашық есік күні сарбаздар асханасында бірге түскі ас ішумен аяқталды. Ата-аналар әскер тағамынан дәм татып, ұлдарымен бейресми жағдайда уақыт өткізе алды.– Жаңа жыл қарсаңындағы бұл кездесу бізге керемет сый болды. Барлығын өз көзімізбен көріп, сарбаздардың жақсы жағдайда тұрып жатқанын, барлығы жеткілікті қамтамасыз етілгенін білдік. Осындай мүмкіндік жасаған бөлім басшылығына үлкен рахмет, – деді сарбаздың анасы Гүлдана Жаналина.Ашық есік күнінің өткізілуі армия мен қоғам арасындағы сенімді нығайтудың маңызды қадамы болды. Мұндай іс-шаралар ата-аналарға балаларының лайықты жағдайда қызмет өткеріп жатқандығына, ал даярлықты тәжірибелі әрі сенімді командирлер жүргізіп отырғанына көз жеткізуге мүмкіндік береді.Ақпарат көзі : https://www.gov.kz/memleket/entities/mod/press/news/details/1133642?lang=kk

Костанай облысында автожол инфрақұрылымын дамыту жұмыстары соңғы жылдары айтарлықтай жанданды. 2025 жылы жол саласының бюджеті 103 млрд теңгені құрап отыр. Бұл көрсеткіш 2022 жылмен салыстырғанда 2,6 есе көп. Мәселен, 2022 жылы бұл бағытқа 39,7 млрд теңге, 2023 жылы – 59,7 млрд теңге, ал 2024 жылы – 73,8 млрд теңге бөлінген болатын.Бюджеттің осылайша ұлғаюы өңірдің жол желісін кешенді жаңғыртуға мүмкіндік беруде. Тек 2025 жылдың өзінде 1 300 шақырым автожол жөнделді. Бұл – 2022 жылдағы көрсеткіштен 4,6 есе жоғары. Сол жылы бар болғаны 280 шақырым жол қалыпқа келтірілсе, биыл жұмыстардың ауқымы бірнеше есеге артты.Жөндеу жұмыстары тек магистральдар мен облыстық маңызы бар жолдармен шектелмей, елді мекендердің ішкі жолдарын да қамтыды. Ағымдағы жылы 50 елді мекенде 253 көше учаскесі, сондай-ақ 103 елді мекенде 400-ден астам көше қайта жөнделді. Бұл ауыл тұрғындарының тұрмыс сапасын жақсартуға, қауіпсіз және комфортты қозғалысты қамтамасыз етуге бағытталған маңызды қадам.Облыстағы жол инфрақұрылымын дамыту алдағы уақытта да басым бағыттардың бірі болып қала бермек. Жаңартылған жолдар – өңірлік экономиканың тірегі, ауылдар мен қалалардың байланысын нығайтатын негізгі фактор.Ақпарат көзі : https://www.gov.kz/memleket/entities/kostanay/press/news/details/1133640?lang=kk

Облыс прокуроры Марат Әбішевтің төрағалығымен прокуратура алқасының отырысы өтіп, онда прокуратура органдарының 2025 жылғы жұмыс қорытындылары шығарылды.Мәжілісті аша отырып, облыс прокуроры облыс прокуратурасының жүйелі жұмысы Мемлекет басшысы мен Бас Прокурордың тапсырмаларын тиімді орындауға бағытталғанын атап өтті.Прокуратура органдарының жүйесінде қадағалаудың тиімділігін арттыруға бағытталған цифрлық трансформация жүріп жатыр.Жиын барысында облыс прокурорының орынбасарлары, қала және аудан прокурорларының, құрылымдық бөлімшелер басшыларының есептері тыңдалды.Қадағалау, құқық қорғау және үйлестіру жұмыстарының негізгі нәтижелері талқыланды.Азаматтардың құқықтарын қорғау, қылмыспен күрес және әлеуметтік-экономикалық салада заңдылықты қамтамасыз ету мәселелеріне, сондай-ақ құқық бұзушылықтардың жүйелі профилактикасы мен құқықтық тәртіпті нығайтудың негізі ретінде «Заң және тәртіп» тұжырымдамасын іске асыруға ерекше назар аударылды.Есепті кезеңде қабылданған шаралардың арқасында тіркелген қылмыстар санының 7%-ға төмендеуіне қол жеткізілді.Прокуратураның үйлестіруімен есірткі зертханалары мен есірткі дүкені жойылып, 76 кг синтетикалық зат тәркіленді.Облыс прокуроры қала және аудан прокурорларына қылмысты азайтуға және қауіпсіз орта қалыптастыруға бағытталған барлық мемлекеттік және құқық қорғау органдарының қызметін үйлестіру туралы тапсырмалар берді.Бұл ретте қала және аудан прокурорлары конституциялық құқықтарды қорғауға, есірткі бизнесі мен алаяқтыққа қарсы іс-қимылға, жасөспірімдер қылмысының алдын алуға бағытталды.Қазіргі кезде әкімдікпен бірлесіп ведомствоаралық жұмыс тобы құрылып, балалардың құқықтарын қорғауға бағытталған екі жоба іске асырылуда.Өзге өңірлердің тәжірибесін ескере отырып, жаңа «Құқық бұзушылықтардың профилактикасы туралы» Заңды іске асыруға, «Заң және тәртіп» тұжырымдамасы аясында түсіндіру жұмыстарын жүргізуге баса назар аударылды.Жалпы алғанда, облыс прокуратурасының үйлестіруімен қадағалаудың негізгі бағыты бюджет қаражатының мақсатты жұмсалуын қамтамасыз етуге, мемлекеттік сатып алу процедураларының заңдылығына, салық төлеуден жалтару фактілеріне жол бермеуге, барлық мемлекеттік органдармен өзара іс-қимыл жасай отырып, сыбайлас жемқорлықтың алдын алуға бағытталатын болады.Ақпарат көзі : https://www.gov.kz/memleket/entities/prokuratura-aktobe/press/news/details/1133608?lang=kk

Қонаев қаласының мәдениет үйінде жыл бойы жетістіктер көрсеткен үздік спортшылар, журналистер және жас көшбасшылар марапатталды. Салтанатты шара аясында үш маңызды іс-шара біріктірілді: спорт саласындағы «Хан Тәңірі» премиясы, медиа-саласындағы «Самғау» премиясы және жастарға арналған «Заңғар» сыйлығы.Марапаттау рәсімінде облыс тұрғындарының кәсіби жетістіктері, әлеуметтік-экономикалық дамуға қосқан үлесі және адам капиталының өсуіне ықпал еткен жұмыстары атап өтілді. Алматы облысының әкімі Марат Султангазиев құттықтау сөзінде:«Бүгін осы залда облысымыздың дамуына үлес қосып жүрген әртүрлі саланың адамдары жиналды. Спортшылар жеңістері арқылы облыстың беделін арттырады, журналистер қоғам мен билік арасындағы ашық әрі адал диалогты қамтамасыз етеді, ал жастар жаңа бастамалар мен шешімдерді ұсынып отыр. «Хан Тәңірі», «Самғау» және «Заңғар» - кәсібилік пен табандылыққа берілген құрмет белгісі. Әрқайсысының еңбегін бағалаймыз және алдағы уақытта да қолдау көрсетеміз», — деді.Спорт саласында «Хан Тәңірі» премиясы дәстүрлі түрде жоғары жетістіктер мен спортшыларға қолдау көрсеткен бапкерлер мен мамандардың еңбегін мойындау ретінде табысталды. 152 спортшы қаржылай сыйлықпен марапатталды. Бокс бойынша әлем чемпионатының жүлдегері Ертуған Зейнулинов:«Боксқа 15 жылымды арнадым. Бұл тек бастамасы ғана. Алдағы уақытта да жоғары нәтижелерге жетіп, алтын медаль жеңіп алуды жоспарлап отырмын. Алматы облысының әкімі Марат Султангазиевке қолдауы үшін алғыс айтамын», — деді.Журналистік қауымға ерекше көңіл бөлінді. Үш жылдық үзілістен кейін 2025 жылы қайта қолға алынған «Самғау» медиа-премиясы аймақтағы БАҚ рөлін қолдаудың маңызды белгісі болды. Марапатқа баспа, электронды БАҚ, телеарна, цифрлық платформалар мен блогерлер қатысты.Лауреаттар қатарында «Огни Алатау» газетінің қызметкерлері бар. Журналист Жанар Мықтыбаева «Жылдың үздік журналисі» атанып, кәсіби тәжірибесі мен аудитория алдындағы сенімділігі бағаланды. Ол:«Бұл марапат - команда еңбегінің нәтижесі. Әр материалдың артында әріптестердің қолдауы бар. „Огни Алатау“ газеті маған жауапкершілік пен адал журналистиканың күшті мектебін берді», - деді.Сондай-ақ медиа-премия аясында Адина Байбак «Үздік дизайнер» атанса, «Өлке Тынысы» компаниясының директоры Кәдірбек Құныпияұлы «Жылдың үздік медиаменеджері» атағына ие болды. Лауреаттар қатарында «Алатау Арайы» газеті, Alatau News сайты және «Жетісу» телеарнасы да бар.Жастарға арналған «Заңғар» премиясы 14-тен 35 жасқа дейінгі белсенді азаматтарды қолдауға бағытталған. Жеңімпаздарға дипломдар мен 500 000 теңгелік сертификаттар табыс етілді. «Үздік жас журналист» атанған Alataunews.kz агенттігінің тілшісі Балнұр Асанова:«Бұл марапат облыс әкімі жүргізіп отырған жастарды қолдау және кәсіби әлеуетін дамыту саясатының жемісі»,-деп атап өтті.Бірлескен салтанатты шара спортшылар, журналистер және жас көшбасшылар еңбегін бірдей бағалауды көрсетті. Қонаев қаласындағы марапаттау рәсімі Алматы облысының дамуына еңбегі сіңген адамдардың үлесін айқын дәлелдеді.Ақпарат көзі : https://www.gov.kz/memleket/entities/almobl/press/news/details/1133623?lang=kk

Ақмола облыстық сотында «Азаматтардың төлем қабілеттілігін қалпына келтіру және банкроттығы туралы заңнаманы қолданудың сот тәжірибесі» тақырыбында «дөңгелек үстел»  отырысы өтті.Шараға облыстық соттың төрағасы Арман Жүкенов, Ақмола облысы бойынша Мемлекеттік кірістер департаментінің басшысы Дулат Нұрмолдин, облыс судьялары, банк құрылымдарының және мемлекеттік кірістер органдарының қызметкерлері қатысты. Төлем қабілеттілігін қалпына келтіру және сот банкроттығы рәсімдерін қолдану – азаматтар үшін құқықтық алаңда төлем қабілетсіздік жағдайынан шығудың, кредиторлардың талаптарын пропорционалды және кезең-кезеңімен қанағаттандырудың, сондай-ақ мемлекеттегі жанжалдық пен әлеуметтік шиеленісті төмендетудің мүмкіндігі болып табылады.Кездесу қатысушылары пікір алмасты, жүйелік дерекқорлармен жұмыс істеу, жазбаша сұраулар жолдау, сондай-ақ қаржы басқарушыларының өкілеттіктеріне қатысты туындайтын қиындықтарды талқылады.Кездесу қорытындысы бойынша, түскен ұсыныстарды ескере отырып, облыстық сот заңнаманы қолдану жөніндегі әзірленген ұсынымдарды әзірлеп, оларды жұмыс барысында қолдану үшін барлық қатысушыларға жолдайтын болады.Ақпарат көзі : https://www.gov.kz/memleket/entities/kgd-akmola/press/news/details/1133597?lang=kk

   Ақмола облысы бойынша Мемлекеттік кірістер департаментінде Департамент қызметкерлер үшін  Қазақстан Республикасы  Бас прокуратурасын құқықтық статистика және арнайы есепке алу жөніңдегі комитетінің Ақмола облысы бойынша департаментінің  қызметкерлер  қатысуымен семинар өтті.Шара барысында Қазақстан Республикасы  Бас прокуратурасын құқықтық статистика және арнайы есепке алу жөніңдегі комитетінің Ақмола облысы бойынша департаментінің  прокуроры Дана Мұқан 2026 жылғы қаңтардан бастап  Қазақстан Республикасының әкімшілік рәсімдік-процестік кодексіне енгізілген өзгерістер және азаматтардың өтініштерін қараудың «Е-Өтініш» ақпараттық жүйесінде жұмыс істеу туралы ақпарат жеткізді.Шараға бейнеконференц байланыс арқылы Департаменттің аумақтық мемлекеттік кірістер басқармалары қатысты.Қызметкерлерге өздерін қызықтырған сұрақтарына толық жауаптар берілді.Ақпарат көзі : https://www.gov.kz/memleket/entities/kgd-akmola/press/news/details/1133600?lang=kk

Қазақстан Республикасы Президенті Қасым-Жомарт Тоқаевтың тапсырмасына сәйкес, заманауи білім беру инфрақұрылымын қалыптастыру және әрбір балаға сапалы білім алуда тең қолжетімділікті қамтамасыз ету мақсатында, «Келешек мектептері» ұлттық жобасы аясында Бөрлі ауданы Ақсай қаласында 300 орындық №1 мектебі пайдалануға берілді.Аталған шараға облыс әкімі Нариман Төреғалиев қатысып, білім ордасының ашылуы өңірдің әлеуметтік-экономикалық дамуы мен білім беру сапасын арттырудағы маңызды қадам екенін атап өтті.Жаңа мектеп оқушылардың білім алуына ғана емес, олардың шығармашылық, зияткерлік және спорттық әлеуетін дамытуға бағытталған. Білім ордасында 28 оқу кабинеті, дизайн-технология және робототехника сыныптары, инклюзивті білім беру кабинеттері, хореография залы, спорт залы, шығармашылық және техникалық бағыттағы шеберханалар, заманауи кітапхана және 110 орындық акт залы қарастырылған. Жаңа білім ордасынан ел ертеңін қалыптастыратын білімді, бәсекеге қабілетті ұрпақ өсіп шығарына сенім мол.Ақпарат көзі : https://www.gov.kz/memleket/entities/bko-kurylys/press/news/details/1133557?lang=kk

Сіз бағдаршамдар мен көше жарығының ақаулары бойынша iKomek қызметіне келесі тәсілдердің бірі арқылы өтініш бере аласыз:109 бірыңғай тегін нөміріне қоңырау шалу (тәулік бойы).WhatsApp, Telegram чат-боты немесе Instagram желісінің директі арқылы жазу.Мобильді қосымша арқылы жүгіну (мысалы, SmartQostanai).Өтініштің тіркелуі және барынша жедел өңделуі үшін операторға төмендегі ақпаратты міндетті түрде хабарлауыңызды сұраймыз:Нақты мекенжайы: көшенің атауы және жақын орналасқан үйдің нөмірі. Егер мәселе бағдаршамға қатысты болса, қиылысатын көшелердің атауын көрсетіңіз.Мәселенің егжей-тегжейлі сипаттамасы.Көше жарығына қатысты: «Бір шам жанбайды», «Бүкіл көшеде жарық жоқ», «Шам жыпылықтап тұр» немесе «Плафон сынған».Бағдаршамға қатысты: «Бағдаршам толықтай өшіп тұр», «Белгілі бір түсі (мысалы, жасыл) жанбайды» немесе «Кері санақ таймері жұмыс істемейді».Байланыс деректері: өзіңіздің байланыс нөміріңізді қалдыруыңызды сұраймыз.Фото немесе видео айғақ. Егер өтініш мессенджерлер арқылы жолданса, ақауы бар нысанның фото немесе видеосын қоса жіберу қажет. Бұл жөндеу бригадасының орынды тезірек анықтауына көмектеседі.Ақпарат көзі : https://www.gov.kz/memleket/entities/kostanai-kalasy-akimat/press/news/details/1133572?lang=kk

2025 жылдың 28 қарашасында Осакаров ауданының білім бөлімі тарапынан «Болашаққа билет» облыстық форумының аудандық кезеңінің қорытындылары шығарылды.Форумға 21 жалпы білім беретін мектеп және Трудовое ауылының мектепаралық оқу-өндірістік комбинаты қатысты.Іріктеу кезеңінің қорытындысы бойынша облыстық кезеңге келесі қатысушылар өтті:«Кәсіптік бағдар беру жобасы» номинациясы:Осакаров ауданы КММ «№12 тірек мектебі (ресурстық орталық)»кәсіптік бағдар беруші педагог Естифеева Елена Викторовна.«9–10 сынып оқушыларына арналған кәсіптік бағдар беру бойынша әдістемелік ереже (жоба) –«Менің елді мекенімнің мамандықтар картасы».«Үздік кәсіптік бағдар беру іс-шарасы» номинациясы:КММ «№13 жалпы білім беретін мектеп»кәсіптік бағдар беруші педагог Котвицкая Ирина Геннадиевна.Кәсіптік бағдар беру бойынша сыныптан тыс сабақтың әдістемелік әзірлемесі –кәсіптік бағдар беру ойыны «Профнавигатор: профи бейнесіндегі 45 минут».«Кәсіби маманнан шеберлік сабағы» номинациясы:КММ «Абай атындағы тірек мектеп (ресурстық орталық)»кәсіптік бағдар беруші педагог Бирибаева Елена Николаевна.«Мәдениет. Шығармашылық. Мамандық» номинациясы:КММ «№18 жалпы білім беретін мектеп»кәсіптік бағдар беруші педагог Дмитриев Константин Федорович.II. «Жаңа мамандықтар атласы» бейнефильмдер байқауыНоминация: Болашақтың жаңа мамандықтарыIT-уағыздаушы – серпінді технологияларды насихаттаушы:КММ «Әлихан Бөкейхан атындағы тірек мектеп (ресурстық орталық)»10-сынып оқушысы Қасымжан Ақшауқ,информатика пәні мұғалімі Муратбек Айғанат.IT және жасанды интеллект этикасы жөніндегі маман:КММ «Әлихан Бөкейхан атындағы тірек мектеп (ресурстық орталық)»10-сынып оқушысы Аманбай Арман,информатика пәні мұғалімі Дутбаева Жанар Құлмұхамбетовна;КММ «Жамбыл атындағы жалпы білім беретін мектеп»10-сынып оқушысы Клешюшина Виктория,кәсіптік бағдар беруші педагог Шохон Аянагүл.Агроэкологиялық фермер:КММ «№18 жалпы білім беретін мектеп»9-сынып оқушылары Айдаров Нурислам, Сыздыкова Адина,кәсіптік бағдар беруші педагог Дедуренко Татьяна Викторовна.Болашақ биотехнологиясы:КММ «Әлихан Бөкейхан атындағы тірек мектеп (ресурстық орталық)»8-сынып оқушылары Асылболатқызы Ақбота, Мереке Айару,химия пәні мұғалімі Мукушева Гүлмира Серікбекқызы;КММ «№18 жалпы білім беретін мектеп»11-сынып оқушылары Фатьянов Дмитрий, Галеев Данил,орыс тілі мен әдебиеті пәні мұғалімі Мальнева Виктория Леонидовна;КММ «№9 гимназия базасындағы тірек мектеп (ресурстық орталық)»9-сынып оқушысы Дуленцов Александр,биология пәні мұғалімі Кондратова Тамара Сергеевна.«Жасанды интеллект жүйелерін оқыту және тестілеу жөніндегі маман»:КММ «Әлихан Бөкейхан атындағы тірек мектеп (ресурстық орталық)»10-сынып оқушысы Асылболат Ақжол,информатика пәні мұғалімі Хутбай Ерболат.Жасанды интеллект (ЖИ) және машиналық оқыту жөніндегі маман:КММ «№13 жалпы білім беретін мектеп»8-сынып оқушысы Гарип Айназ,кәсіптік бағдар беруші педагог Котвицкая;КММ «№3 жалпы білім беретін мектеп»9-сынып оқушысы Бурый Денис,кәсіптік бағдар беруші педагог Сусликова Оксана Васильевна.«Өзекті мамандықтар – жаңа және перспективалы» номинациясы:КММ «№12 тірек мектеп (ресурстық орталық)»8-сынып оқушысы Попандопуло Семела,кәсіптік бағдар беруші педагог Естифеева Елена Викторовна.«Ғылыми-техникалық прогреске салыстырмалы түрде тәуелді мамандықтар» номинациясы:КММ «№12 тірек мектеп (ресурстық орталық)»8-сынып оқушысы Воротникова Дарья,кәсіптік бағдар беруші педагог Естифеева Елена Викторовна.«Ең сұранысқа ие мамандықтар» номинациясы:КММ «№16 жалпы білім беретін мектеп»10-сынып оқушысы Толстоногова Александровна,педагог Ахметова Амелия Маратовна.«Жаңа мамандықты қалай таңдау керек»(Трендте қалу үшін қайда оқуға түсу қажет)» номинациясы:КММ «№12 тірек мектеп (ресурстық орталық)»9-сынып оқушысы Полонская Елена,кәсіптік бағдар беруші педагог Естифеева Елена Викторовна;КММ «№9 гимназия базасындағы тірек мектеп (ресурстық орталық)»11-сынып оқушылары Земская Юлия, Сыропятова София,кәсіптік бағдар беруші педагог Вяхирева Ксения Сергеевна.III. Оқушылардың бизнес-стартап жобалары көрмесі:КММ «№13 жалпы білім беретін мектеп»11-сынып оқушылары Шопан Камил, Ковчег Олег –бизнес-стартап жобалар көрмесі«Ауылдық омарта – “Салауатты бал”»,педагог Калугин Владимир Вячеславович;КММ «№13 жалпы білім беретін мектеп»10-сынып оқушысы Пискунов Владислав –мини бизнес-стартап жобалар көрмесі«Авто жуу»,кәсіптік бағдар беруші педагог Котвицкая Ирина Геннадиевна.IV. Креативті индустриялар саласындағы шығармашылық жобалар байқауы«Activ Creative»(цифрлық білім беру және дамытушы платформалар)«Комикстер» номинациясы:КММ «№11 жалпы білім беретін мектеп»орыс тілі мен әдебиеті пәні мұғаліміЖантупова Меруерт Оразғалымқызы,жұмыстың атауы – «Өзіме хат»;КММ «Әлихан Бөкейхан атындағы тірек мектеп (ресурстық орталық)»орыс тілі мен әдебиеті пәні мұғалімдеріЯрвекюльг Ирина Павловна,Калкеева Панарияш Райхановна,жұмыстың атауы –А. И. Куприннің «Гранат білезік» повесі бойынша комикстер.«Цифрлық білім беру және дамытушы платформалар» номинациясы:КММ «Әлихан Бөкейхан атындағы тірек мектеп (ресурстық орталық)»ағылшын тілі пәні мұғаліміТөлеубекова Жадыра Қайратқызы,конкурстық жұмыстың атауы –«Digital Teacher – ағылшын тілі мұғалімінің жаңа келбеті».Ақпарат көзі : https://www.gov.kz/memleket/entities/edu-osakarovka/press/news/details/1133505?lang=kk

22-26 Желтоқсанда балабақшаларда барлық жастағы топтарда жарқын, әсерлі жаңа жылдық ертеңгіліктер өтті. Мерекелік безендірілген залдар, ертегі кейіпкерлері, көңілді ойындар, дөңгелек билер, әндер мен билер нағыз сиқыр атмосферасын жасады.Балалар үлкен қуанышпен өлең оқыды, театрландырылған көріністерге қатысты, өздерінің шығармашылық қабілеттері мен әртістерін көрсетті. Аяз Ата мен Ақшақармен кездесу, сондай-ақ көптен күткен жаңа жылдық сыйлықтар алу барлығына ерекше қуаныш сыйлады.Ертеңгіліктер жоғары деңгейде өтті, тәрбиеленушілер мен олардың ата-аналарына жарқын эмоциялар, жақсы көңіл-күй мен ұмытылмас әсерлер сыйлап, балабақшалар өміріндегі жылы және қуанышты оқиғаға айналды.Ақпарат көзі : https://www.gov.kz/memleket/entities/edu-osakarovka/press/news/details/1133510?lang=kk

Кеген аудандық  мәслихатының тұрақты комиссиясының бірлескен отырысы 2025 жылғы 26 желтоқсанда өтті.Тұрақты комиссия отырысында келесі мәселелер қаралды:1.Кеген ауданының   2026-2030   жылдарға   арналған   даму   жоспары туралы; 2.Кеген ауданының 2026-2028 жылдарға арналған бюджетін бекіту туралы;3.Кеген ауданының ауылдық округтерінің 2026-2028 жылдар-ға арналған бюджетін бекіту туралы;         4.Аудан әкімдігі жанынан қылмыстық жазаларды және өзге де қылмыстық-құқықтық ықпал етушараларын орындайтын мекемелер мен органдардың қызметіне  жәрдемдесу, сондай-ақ қылмыстық жазаларын өтеген адамдарға әлеуметтік және өзгеде көмекті ұйымдастыру жөніндегі консультативтік-кеңесші органның комиссия құрамын бекіту туралы.Кеген ауданы әкімдігі жанындағы жастар істері жөніндегі кеңестің құрамын бекіту туралы;Кеген аудандық мәслихаты және мәслихат аппаратының 2026 жылға жүмыс жоспарын бекіту туралы;Аталған мәселелер талқыланып, сессия отырысында қарау туралы қаулы қабылданды.Ақпарат көзі : https://www.gov.kz/memleket/entities/maslihat-kegen/press/news/details/1133513?lang=kk

Торайғыров университетінде Павлодар облысы бойынша Мемлекеттік кірістер департаментінің оқу кабинеті ашылды, сондай-ақ Павлодар облысы бойынша Мемлекеттік кірістер департаменті мен "Торайғыров университеті" КЕАҚ арасындағы ынтымақтастық туралы Меморандумға қол қойылды.Қол қойылған меморандум кадрлар даярлау саласындағы өзара іс-қимылды дамытуға, студенттердің білім беру сапасы мен практикалық даярлығын арттыруға, сондай-ақ оларды одан әрі жұмысқа орналастыруға жәрдемдесуге бағытталған. Құжат кәсіби практиканы ұйымдастыруда, бірлескен іс-шараларды өткізуде, тәжірибе мен білім алмасуда, сондай-ақ білім беру процесіне білікті мамандарды тартуда ынтымақтастықты көздейді.Департамент пен университет арасындағы серіктестік қатынастарды орнату және тиімді ынтымақтастықты дамыту аудиторлар мен бухгалтерлер сияқты жоғары білікті мамандықтар кадрларының тапшылығын өтеуге мүмкіндік береді."Экономика және қаржы" кафедрасының базасында оқу кабинетінің ашылуы студенттерге практикалық дағдыларды алуға, мемлекеттік кірістер органдарының қызметімен танысуға мүмкіндік беретін және бәсекеге қабілетті және білікті мамандарды даярлауға ықпал ететін заманауи білім беру кеңістігін білдіреді. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1133514?lang=kk

Алматы облысында Мемлекет басшысының тапсырмасына сәйкес жүзеге асырылып жатқан «Ауылдық денсаулық сақтауды жаңғырту» ұлттық жобасы аясында ауыл тұрғындарына арналған жаңа медициналық нысандар пайдалануға берілді. Атап айтқанда, Сұраншы және Жайсан ауылдарында заманауи талаптарға сай дәрігерлік амбулаториялар өз жұмысын бастады. Бұл бастама ауыл халқының медициналық қызметтерге қолжетімділігін арттыруға және өңірдегі денсаулық сақтау инфрақұрылымын жүйелі түрде дамытуға бағытталған.Жаңа медициналық нысандардың ашылу рәсіміне Алматы облысы әкімінің бірінші орынбасары Қанат Болатұлы Есболатов қатысып, ауыл тұрғындарын маңызды әлеуметтік нысандардың іске қосылуымен құттықтады. Оның айтуынша, ауылдық жерлерде сапалы медициналық қызмет көрсету – өңірлік және ұлттық деңгейдегі басым міндеттердің бірі.«Халық денсаулығы – мемлекеттің басты құндылығы. Осыған орай ауыл тұрғындарын сапалы әрі қолжетімді медициналық көмекпен қамтамасыз ету мақсатында мұндай нысандарды жүйелі түрде іске қосып келеміз. Атқарылып жатқан бұл жұмыстардың барлығы ауыл халқының өмір сүру сапасын арттыруға және денсаулық сақтау жүйесін одан әрі дамытуға бағытталған мемлекеттік саясаттың нақты нәтижесі. Осы қуанышты жаңалықпен баршаңызды шын жүректен құттықтай отырып, жаңа нысан ел игілігіне ұзақ жылдар бойы адал қызмет етеді деп сенемін», – деді ол.Сұраншы ауылындағы дәрігерлік амбулатория 1981 жылы салынған ғимаратта орналасқан. Бұрын қатты отынмен жылытылған нысан 2007 жылдан бастап табиғи газға қосылған. Ұлттық жоба аясында амбулатория ғимараты толықтай жаңғыртылып, заманауи медициналық талаптарға сәйкестендірілді. Бүгінде мұнда физиотерапия, емдік дене шынықтыру, дәрігерге дейінгі қабылдау, акушерлік қызмет, күндізгі стационар, оқшаулағыш және қақырық жинау кабинеттері жұмыс істейді. Медициналық мекеме ауыл тұрғындарына алғашқы медициналық-санитарлық көмекті сапалы әрі уақтылы көрсетуге мүмкіндік береді.Ал, Жайсан ауылында 1960 жылы салынған ескі ғимараттың орнына жаңа, заманауи медициналық нысан бой көтерді. Қазіргі таңда амбулатория 2 527 тұрғынға қызмет көрсетіп, қажетті барлық медициналық құрал-жабдықтармен толық қамтамасыз етілген. Жаңа ғимараттың іске қосылуы ауыл тұрғындарының медициналық көмекке қолжетімділігін едәуір арттырып, сапалы қызмет алуға жол ашты.Айта кетейік, Алматы облысында «Ауылдық денсаулық сақтауды жаңғырту» ұлттық жобасы аясында барлығы 38 денсаулық сақтау нысанының құрылысы қарастырылған. Аталған жобаны жүзеге асыру үшін 8,3 млрд теңге бөлінген. Оның ішінде Жамбыл ауданының 16 елді мекенінде 7 дәрігерлік амбулатория, 3 фельдшерлік-акушерлік пункт және 6 медициналық пункттің құрылысы жүргізілді. Бүгінде 16 медициналық нысанның 7-еуі пайдалануға берілсе, қалған 9 нысанды 2025 жылдың соңына дейін толық аяқтау жоспарланған.Жаңа медициналық мекемелердің пайдалануға берілуі ауыл тұрғындарының өмір сүру сапасын арттырып қана қоймай, профилактикалық шараларды күшейтуге, ауруларды ерте анықтауға және медициналық қызметтердің сапасын жақсартуға мүмкіндік береді. Бұл өз кезегінде ауылдық жерлердегі халық денсаулығын нығайтып, ұлттық денсаулық сақтау жүйесін дамытудың маңызды құрамдас бөлігіне айналмақ.Ақпарат көзі : https://www.gov.kz/memleket/entities/almobl/press/news/details/1133491?lang=kk

Күн тәртібінің келесі сұрақтары тыңдалған болатын: 1. Меңдіқара ауданының 2026 - 2028 жылдарға арналған аудандық бюджеті туралы. 2. Меңдіқара аудандық мәслихатының тұрақты комиссияларының 2025 жылғы жұмыс қорытындылары туралы.3. 2026 жылға арналған Меңдіқара аудандық мәслихатының жұмыс жоспарын бекіту туралы.4. 2026 - 2030 жылдарға арналған Меңдіқара ауданы дамуының жоспарын бекіту туралы. 5. Мәслихаттың 2021 жылғы 24 қыркүйектегі № 45 «Кәмелетке толмағандардың істері және олардың құқықтарын қорғау жөніндегі комиссия құрамын бекіту туралы» шешіміне өзгеріс енгізу туралы.6. Меңдіқара ауданының 2026 - 2028 жылдарға арналған ауылдардың, ауылдық округтердің бюджеттері туралы.7. Меңдіқара аудандық мәслихатының кезекті сессиясының күн тәртібі туралы.Қ.Р. Рахметқалиев аудандық мәслихаттың төрағасы, ол депутаттарды мәслихат шешімдерінің жобаларымен, сессия күн тәртібімен таныстырды.Депутаттар есеп берулерді тыңдады: Н.О. Бажировты, Меңдіқара ауданы әкімінің орынбасарын, «Меңдіқара ауданының 2026 - 2028 жылдарға арналған бюджеті туралы», Н.В. Тимашованы, Меңдіқара ауданының экономика және бюджеттік жоспарлау бөлімінің басшысын «Меңдіқара ауданының 2026 - 2028 жылдарға арналған ауылдардың, ауылдық округтердің бюджеттері туралы», Б. Қ. Ыбырайды құқықтық тәртіп пен аграрлық мәселелер, шағын және орта бизнесті, өндірісті дамыту, бюджет пен жоспарлау, ауданның әлеуметтік - экономикалық даму мәселелері бойынша Меңдіқара аудандық мәслихаттың тұрақты комиссиясының төрағасын, А. У. Тишбаеваны табиғатты қорғау, дене шынықтыру және спорт, жастар істері, тарихи мұраны қорғау, мәдениет, денсаулық сақтау, халықтық білім беру, әлеуметтік саясат мәселелері бойынша Меңдіқара аудандық мәслихаттың тұрақты комиссиясының төрайымын, «Меңдіқара аудандық мәслихатының тұрақты комиссияларының 2025 жылғы жұмыс қорытындылары туралы» сұрақтары бойынша, аудандық мәслихаттың төрағасын, 2026 жылға арналған Меңдіқара аудандық мәслихатының жұмыс жоспарымен және «Меңдіқара аудандық мәслихаттың кезекті сессиясының күн тәртібі туралы» сұрағы бойынша.Депутаттар Меңдіқара ауданы мемлекеттік мекемелерінің бөлімдері басшыларының ақпаратын тыңдады.Ақпарат көзі : https://www.gov.kz/memleket/entities/maslihat-mendikara/press/news/details/1133404?lang=kk

Мәскеу қаласындағы Халықаралық самбо орталығында 2025 жылы бесінші рет ұйымдастырылған Жауынгерлік самбо лигасының мерейтойлық турнирі өтті. Өткен жылдар ішінде турнир жауынгерлік самбо әлеміндегі ең беделді  жобалардың біріне айналып, Ресей мен шет мемлекеттердің ең мықты спортшыларын бір арнаға тоғыстырды.Ресей Федерациясының астанасында Жауынгерлік самбо лигасының Гран-при финалы өтті. Аталған додаға Қазақстан, Ресей, Тәжікстан, Қырғызстан және Камерун елдерінің өкілдері қатысты. Кілемге әлем чемпиондары, спорт шеберлері мен ұлттық құрамалардың көшбасшылары шығып, жарыстың жоғары халықаралық деңгейін айқын көрсетті.Тартысты өткен белдесулер қорытындысы бойынша Қазақстан Республикасы ІІМ Ұлттық ұланының әскери қызметшісі — 6697 әскери бөлімінің 1-оперативтік мақсаттағы батальоны автомобиль взводының 1-автомобиль бөлімшесінің аға маманы - аға жүргізушісі ефрейтор Мәлік Байсұлтанов бірінші орынды иеленді. Оның сенімді өнер көрсетуі мен жоғары деңгейдегі дайындығы кәсібилік пен спорттық шеберліктің жарқын үлгісіне айналды.Айта кету керек, мерейтойлық турнир Жауынгерлік самбо лигасының батыл идеядан бастап, жарыстарды ұйымдастырудың жаңа стандарттарын қалыптастырған тұрақты кәсіби алаңға дейінгі өсімін  айқын көрсетті.Ұлттық ұлан әскери қызметшісінің халықаралық аренадағы жеңісі Қазақстан Республикасы ІІМ Ұлттық ұланы жауынгерлерінің дене және жауынгерлік даярлығының жоғары деңгейде екенін тағы бір мәрте дәлелдеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1133444?lang=kk

Өскемен қалалық мәслихатының кезекті сессиясында қаланың әлеуметтік-экономикалық дамуына және халықтың өмір сүру сапасын арттыруға бағытталған негізгі мәселелер қаралды.Әлеуметтік басым бағытты және қаражатты тиімді пайдалануды ескере отырып әзірленген, Өскемен қаласының 2026-2028 жылдарға арналған бюджетіне ерекше назар аударылды.Негізгі шығыстар қаланы абаттандыру мен көгалдандыруды, елді мекендердегі көшелерді жарықтандыруды, автомобиль жолдарын күтіп ұстау мен жөндеуді, тротуарлар салуды, қала көшелерін көгалдандыруды, саябақтар мен скверлерді күтіп ұстауды, әлеуметтік маңызы бар қалалық маршруттар бойынша жолаушылар тасымалын субсидиялауды қоса алғанда тұрғын үй-коммуналдық шаруашылықты дамытуға бағытталатын болады.Сондай-ақ, қаржыландыру халықты жұмыспен қамту және әлеуметтік қолдау саласындағы бағдарламаларды іске асыруға, соның ішінде атаулы әлеуметтік көмек пен мұқтаж азаматтардың жекелеген санаттарына тұрғын үй көмегін көрсетуге бағыттау жоспарлануда.Алдағы жылдарға арналған бюджетте мәдени-бұқаралық, жастар, спорттық, туристік және тілдік іс-шараларды өткізуді қоса алғанда, мәдениет, спорт, туризм және ақпараттық кеңістік салаларына арналған шығыстар көзделген.Сонымен қатар, сессияда Өскемен қаласын дамытудың 2026-2030 жылдарға арналған жоспары бекітілді, онда нысаналы бағыттар бойынша көрсеткіштер бар, оларды іске асыру қаланың тұрақты дамуын және оның тұрғындарының өмірін жақсартуды қамтамасыз етеді. Ақпарат көзі : https://www.gov.kz/memleket/entities/ukmaslihat/press/news/details/1133344?lang=kk

2025 жылдың 26 желтоқсанында «Өскемен-КРО» кеден бекетінде кеден органын өзгенту сұрақтары бойынша дөңгелек үстел отырысы өтті.Кедендік транзит кедендік рәсіміне сәйкес тауарларды тасымалдау кезінде жеткізу орны өзгерген жағдайда,  көлік обылысындағы мүше-мемлекеттердің заңнамаларына сәйкес кеден органдарының рұқсатымен жеткізу орнын өзгертеді.Жеткізу орнын өзгертуге кеден органдарынан рұқсат алу үшін тасымалдаушы жеткізу орнын өзгерту туралы еркін нысанда жазылған өтінішпен тасымалдау бағытында орналасқан кеден органына жүгінеді. Жеткізу орнын өзгерту туралы өтінішпен бірге жеткізу орнын өзгертуді растайтын құжаттарды, транзиттік декларацияны және өзге тауарға арналған құжаттарды ұсынады.Жеткізу орнын өзгерту туралы шешімді қабылдау үшін. Көлік облысына мүше-мемлекеттердің ұлттық заңнамаларын (заңдар, уставтар, тасымалдау ережелері) басшылыққа алады, онда нақты көлік түрімен тасымалдау кезінде жеткізу орнын өзгерту тәртібімен терреледі.Сонымен бірге, тасымалдаушы осы ұлттық көлік заңнамалармен қарастырылған талаптар мен мүмкіншіліктерге сәйкес жеткізу орнын өзгертілетіндігін кеден органына құжаттармен растайды.Жеткізу орнын өзгертуге рұқсат алу үшін тасымалдаушы тасымалдау бағытында орналаспаған кеден органына жүгінсе (егер белгіленген маршрут бойынша), тасымалдаушы әкімшілік жауапкершілікке тартылмайды, маршрутты сақтауды бақылау орны ретіндегі кеден органы жеткізу орны болып табылмайды және Қазақстан Республикасының әкімшілік заңнамасында белгіленген маршрутты сақтамаған үшін әкімшіллік жауапкершілік қарастырылмаған.Ақпарат көзі : https://www.gov.kz/memleket/entities/kgd-vko/press/news/details/1133321?lang=kk

Қарасай ауданында балаларға арналған ерекше мерекелік шара – Қазақстан Республикасы Президентінің атынан ұйымдастырылатын «Ғажайыпқа толы Жаңа жыл» атты Жаңа жылдық шырша өтті. Игі шара Алматы облысы білім басқармасының бастамасымен Қарасай ауданына қарасты Шамалған ауылындағы «Үшқоңыр» спорт кешенінде ұйымдастырылды.Бұл – жай ғана мерекелік кеш емес, ел болашағы саналатын жас ұрпаққа қамқорлық пен мейірімнің, бірлік пен келісімнің нақты көрінісі. Шараның басты мақсаты – балалар арасында достық пен өзара түсіністікті нығайту, патриоттық рух қалыптастыру және әр баланың жүрегінде ұмытылмас әсер қалдыратын жылы орта құру.Жаңа жылдық шыршаның басты қонақтары әлеуметтік тұрғыдан осал топтар мен көпбалалы отбасылардан шыққан балалар, сондай-ақ оқу, спорт, шығармашылық пен қоғамдық қызметте жоғары жетістіктерге жеткен дарынды балалар болды. Жалпы алғанда, шараға 9–13 жас аралығындағы 180 жеткіншек пен Қонаев қаласындағы «Балалар қолдау орталығының» 50 тәрбиеленушісі қатысты.Мерекелік кештің әсері қатысушылардың көңіл күйінен анық байқалды.«Бүгінгі мерекеде балалардың көзіндегі қуанышты көріп, ерекше толқыдым. Мемлекет тарапынан көрсетіліп жатқан осындай қамқорлық әр ата-анаға үлкен үміт пен сенім сыйлайды. Балалар үшін ұйымдастырылған мұндай кештер олардың жүрегінде ұзақ сақталады», – деп өз әсерімен бөлісті шараға келген ата-аналардың бірі.Ал мерекенің кішкентай қатысушылары үшін бұл күн нағыз ертегіге айналды.«Маған бүгін бәрі өте ұнады. Үлкен шырша, ойындар мен сыйлықтар керемет болды. Осындай мерекеге қатысқаныма қатты қуаныштымын. Жаңа жылда жақсы оқып, үлкен жетістіктерге жеткім келеді», – деді 11 жастағы бала.Ұйымдастырушылар балалардың қауіпсіздігі мен жайлылығына да айрықша мән берген. Шара өтетін залдарда, киім ауыстыру бөлмелерінде және марапаттау аймақтарында барлық қажетті жағдай жасалды. Сонымен қатар халықаралық және республикалық олимпиада жүлдегерлерімен арнайы кездесулер ұйымдастырылды.Мерекелік кеште үздік оқушылар мен дарынды балалардың жетістіктері атап өтіліп, оларға марапаттар табысталды. Бұл – жас жеткіншектерге көрсетілген үлкен сенім мен қолдаудың белгісі.Осыған орай Алматы облысының әкімі Марат Елеусізұлы Сұлтанғазиев мерекелік шараның маңызын атап өтті:«Балалардың шат күлкісі мен жарқын болашағы – біздің ең басты байлығымыз. Мемлекет басшысының атынан өткізіліп отырған бұл Жаңа жылдық шырша – әр балаға деген қамқорлықтың, мейірім мен үміттің белгісі. Біз әрбір баланың өзін қоғамның толыққанды мүшесі ретінде сезінуіне, өз арманына сенуіне жағдай жасауымыз керек. Бүгінгі қуаныш – ертеңгі үлкен жетістіктердің бастауы боларына сенемін», – деді облыс әкімі.«Ғажайыпқа толы Жаңа жыл» мерекесі Алматы облысындағы балалар үшін тек жаңа жылдың басталуын ғана емес, жақсылыққа, білімге және жарқын болашаққа бастайтын сенімді қадам болып отыр.Ақпарат көзі : https://www.gov.kz/memleket/entities/almobl/press/news/details/1133302?lang=kk