"БЖЗҚ" АҚ (бұдан әрі – БЖЗҚ, Қор) enpf.kz сайтындағы "Статистика және аналитика – Зейнетақы активтерін инвестициялық басқару" бөлімінде Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынды. 2026 жылғы 1 қыркүйектегі жағдай бойынша ҚРҰБ және ИПБ басқаруындағы зейнетақы активтерінің жалпы көлемі28 449,60 млрд теңгені құрады. Осы күнгі жағдай бойынша міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) есебінен қалыптастырылған ҚРҰБ сенімгерлік басқаруындағы БЖЗҚ зейнетақы активтері шамамен 26 950,74млрд теңгені[1] құрады. ҚРҰБ сенімгерлік басқаруындағы жұмыс берушінің міндетті зейнетақы жарналары (ЖМЗЖ) есебінен қалыптастырылған зейнетақы активтерінің көлемі - 1 347,58 млрд теңге.ИПБ басқаруындағы зейнетақы активтері151,28млрд теңгені құрады. ҚРҰБ басқаруындағы зейнетақы активтерінің инвестициялық портфеліҰлттық Банк БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.ҚРҰБ ұсынған ақпарат бойынша 2026 жылғы 1 қыркүйектеМЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары төмендегідей: ҚР Қаржы министрлігінің мемлекеттік бағалы қағаздары – 43,46%, квазимемлекеттік компаниялардың облигациялары – 8,00%, ҚРҰБ депозиттері – 3,42%, Қазақстан Республикасының екінші деңгейдегі банктерінің облигациялары – 2,53%,ҚР эмитенттерінің акциялары мен депозитарлық қолхаттары – 2,14%,шет мемлекеттердің МБҚ – 1,75%, МҚҰ – 0,99%.Активтердің 37,38%-ы индексті басқару шеңберінде инвестицияланады. Бұл тәсіл инвестордың стратегиялық мүдделерін көрсететін бағалы қағаздар жиынтығы болып табылатын эталондық портфельге бағдарланған инвестициялық портфельді қалыптастыруды көздейді.Эталондық портфельдің кірістілігі басқару тиімділігін бағалау кезінде шара ретінде қызмет етеді. Эталондық портфель ретінде жетекші әлемдік қаржы компаниялары немесе ҚРҰБ әзірлеген және қадағалайтын индекстер пайдаланылады. Активтерді индекстік басқаруды ҚРҰБ дербес, сондай-ақ дамыған елдер облигацияларының субпортфеліне, дамушы елдер облигацияларының қосалқы портфеліне, корпоративтік облигациялардың қосалқы портфеліне және акциялардың қосалқы портфеліне қатысты шетелдік басқарушы компанияларды тарта отырып жүзеге асырады.2026 жылғы 1 қыркүйектегі жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номинацияланған валюталар бөлінісіндегі инвестициялық портфель мынадай: ұлттық валютадағы инвестициялар – 58,99%, АҚШ долларымен – зейнетақы активтері портфелінің 41,01%.Инвестициялау нәтижесінде бағалы қағаздар бойынша сыйақы түріндегі табыс, оның ішінде орналастырылған салымдар мен "кері РЕПО" операциялары бойынша кіріс1 510,73млрд теңгені, бағалы қағаздарды нарықтық қайта бағалаудан түскен кірістер119,33млрд теңгені, өзге кірістер –3,87млрд теңге. Сыртқы басқарудағы активтерді қоспағанда, шетел валютасында инвестицияланған бағалы қағаздарды нарықтық қайта бағалау теріс болып қалыптасты. 2025 жылғы қыркүйектен бастап 2026 жылғы тамызға дейінгі соңғы 12 айда есептелген инвестициялық кірістің мөлшері шамамен 1,58 трлн теңгені құрады, осы кезеңдегі кірістілік 6,17%-ды құрады.2026 жылғы 1 қыркүйектегіЖМЗЖ инвестициялау бағыттары келесідей: ҚР Қаржы министрлігінің мемлекеттік бағалы қағаздары – 96,30%, ҚРҰБ депозиттері – 3,69%. ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. Бағалы қағаздар бойынша, оның ішінде орналастырылған салымдар мен "кері РЕПО" операциялары бойынша сыйақы түріндегі кіріс – 99,70 млрд теңге. Бағалы қағаздарды нарықтық қайта бағалау салымшыларға 18,80 млрд теңге кіріс әкелді. 2026 жылғы қыркүйеккедейінгі соңғы 12 айда ЖМЗЖ бойынша есептелген инвестициялық кірістің мөлшері 158,51 млрд теңгені құрады, осы кезеңдегі кірістілік – 18,65%.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі – 151,28млрд теңге. 2026 жылғы 1 қыркүйектегі жағдай бойынша "Alatau City Invest" АҚ сенімгерлік басқаруындағы зейнетақы активтері – 24,12 млрд теңге.Компанияның негізгі инвестициялары: Exchange Traded Funds (ETF) пайлары – 29,19%, ҚР эмитенттерінің акциялары мен депозитарлық қолхаттары – 14,80%, РЕПО – 13,96%, ҚР екінші деңгейдегі банктерінің (ЕДБ) облигациялары – 10,88%, шет мемлекеттердің МБҚ – 9,36%, ҚР эмитенттерінің корпоративтік облигациялары – 6,46%, ҚР квазимемлекеттік ұйымдарының облигациялары – 4,64%, шетелдік эмитенттердің корпоративтік облигациялары – 3,32%, МҚҰ – 2,36%. Атап кетейік, портфельдің 48,26% теңгемен, 51,07% АҚШ долларымен, 0,67% басқа валюталарда ұсынылған.  Зейнетақы активтерінің 2025 жылғы қыркүйектен 2026 жылғы тамызға дейінгі соңғы 12 айдағы кірістілігі – 13,91%. "Alatau City Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған.01.09.2026ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері шамамен 19,60 млрд теңге.  Инвестициялардың негізгі бағыттары: ҚР ҚМ МБҚ – 28,55%, ҚР квазимемлекеттік ұйымдарының облигациялары – 20,44%, ҚР ЕДБ облигациялары – 17,76%, ҚР резидент-эмитенттерінің корпоративтік облигациялары – 9,37%,Қазақстан Республикасының ұйымдары шығарған акциялар мен депозитарлық қолхаттар – 8,34%,активтерінің құрылымы MSCI ACWI индексінің құрамдас бөліктерінің құрылымын қайталайтын Exchange Traded Funds пайлары – 6,24%, шетелдік эмитенттердің корпоративтік облигациялары – 4,18%. Ұлттық валютадағы инвестициялар портфельдің 73,73%-ын, АҚШ долларымен 26,27%-ын құрайды.Зейнетақы активтерінің 2025 жылғы қыркүйектен 2026 жылғы тамызға дейінгі соңғы 12 айдағы кірістілігі – 10,95%.  "BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.09.2026ж. жағдай бойынша "Halyk Global Markets" АҚ[2]сенімгерлік басқаруындағызейнетақы активтері шамамен 6,58 млрд теңге болды. Портфель құрылымындағы негізгі инвестициялар: шетелдік эмитенттердің үлестік құралдары (ETF пайлары) – 27,03%, кері РЕПО (90 күнтізбелік күннен аспайтын) – 13,24%, ҚР ЕДБ облигациялары – 13,02%, ҚР квазимемлекеттік ұйымдарының облигациялары – 11,22%, Қазақстан Республикасының ұйымдары шығарған акциялар мен депозитарлық қолхаттар – 8,75%, ҚР ұйымдарының корпоративтік облигациялары – 8,23%, ҚРҰБ ноттары – 7,43%, ҚР Қаржы министрлігінің мемлекеттік бағалы қағаздары – 5,61%, шет мемлекеттердің орталық үкіметтері шығарған мемлекеттік мәртебесі бар бағалы қағаздар – 5,30%.  Ұлттық валютадағы инвестициялар портфельдің 62,39%-на, АҚШ долларымен 37,61%-на тең.Зейнетақы активтерінің соңғы 12 айдағы кірістілігі – 11,30%. "Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.09.2026ж. жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері шамамен 77,64 млрд теңге болды.Портфель құрылымындағы негізгі инвестициялардың сипаты мынадай: ҚР ЕДБ облигациялары – 19,63%, ҚР квазимемлекеттік ұйымдарының облигациялары – 16,36%, ҚР эмитенттерінің корпоративтік облигациялары – 11,20%, ҚР эмитенттерінің акциялары мен депозитарлық қолхаттары – 11,04%, ҚР ҚМ МБҚ – 9,79%, Exchange Traded Funds (ETF) пайлары – 9,07%, шетелдік мемлекеттердің МБҚ – 7,08%, шетелдік эмитенттердің корпоративтік облигациялары – 4,68%, кері РЕПО (90 күнтізбелік күннен көп емес) – 4,64%, МҚҰ – 1,50%. Ұлттық валютадағы құралдарға портфельдің 65,49%, АҚШ долларында – 34,51% инвестицияланды. Зейнетақы активтерінің 2025 жылғы қыркүйектен 2026 жылғы тамызға дейінгі соңғы 12 айдағы кірістілігі – 11,82%. "Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.09.2026 жылғы жағдай бойынша "Tansar Capital" АҚ сенімгерлік басқаруындағы зейнетақы активтері – 0,74 млрд теңге. Портфель құрылымындағы негізгі инвестициялар төмендегідей: активтерінің құрылымы MSCI ACWI индексі компоненттерінің құрылымын қайталайтын Exchange Traded Funds пайлары – 52,95%, Репо – 16,02%, Қазақстан Республикасының ұйымдары шығарған акциялар мен депозитарлық қолхаттар – 15,67%, ҚР ҚМ МБҚ – 11,05%.Ұлттық валютадағы құралдарға портфельдің 42,94%, АҚШ долларымен – 57,06%инвестицияланды."Tansar Capital" АҚ зейнетақы активтерін басқаруды 2026 жылғы 8 сәуірде бастады. Зейнетақы активтерін басқаруды бастағаннан бергі кірістілігі –2,43% құрады. "Tansar Capital" АҚ басқаруындағы қаржы құралдарыинвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.09.2026ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 22,60 млрд теңге.ҚР ЕДБ облигацияларына – 26,85%, РЕПО – 12,14%, ҚР квазимемлекеттік ұйымдарының облигацияларына – 12,57%, ҚР эмитенттерінің корпоративтік облигацияларына – 16,31%, АҚШ мемлекеттік облигацияларына – 8,53%, ҚР ҚМ МБҚ-ға – 7,21%, шетелдік эмитенттердің акциялары мен депозитарлық қолхаттарына – 5,14%, ҚР резиденттері-эмитенттерінің акциялары мен депозитарлық қолхаттарына – 4,52%, шет ел эмитенттерінің корпоративтік облигацияларына – 2,74%инвестицияланды. Ұлттық валютада портфельдің 66,06%-ы, АҚШ долларында 33,94%-ы инвестицияланды. Зейнетақы активтерінің 2025 жылғы қыркүйектен 2026 жылғы тамызға дейінгі соңғы 12 айдағы кірістілігі – 17,05%.  "Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге салайық, БЖЗҚ азаматтардың зейнетақы активтерін инвестициялық басқару бойынша invest.enpf.kz бірыңғай ақпараттық интернет-платформаны іске қосқанын еске саламыз. ОлИПБ туралы барлық негізгі ақпаратты бір цифрлық кеңістікте біріктіреді және инвестициялық қызмет туралы деректерді ұсынуға жүйелі тәсілді қамтамасыз етеді.   [1]зейнетақыжарналары мен төлемдершоттарындағыақшаныесепкеалмағанда[2]01.01.2026 жылданбастап "БЖЗҚ" АҚ "HalykGlobalMarkets" АҚ-дан алынған 2027 жылданбастапсенімгерлікбасқарутуралышарттыбұзутуралыхабарламанегізінде "HalykGlobalMarkets" АҚ-ғазейнетақыжинақтарынаударуғаөтініштердіқабылдаудыжүзегеасырмайдыАқпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1302787?lang=ru

Мемлекеттік саясат кәсіпкерлікті дамытуды көздейтін жайлы жағдайлар жасауға, әкімшілік жүктемені азайтуға және бизнесті жүргізудің түсінікті ережелерін бірізді түрде қалыптастыруға бағытталған.Салық заңнамасын жетілдіру бұл бағытта қолға алынған жұмыстардың бірі. Биыл қаңтар бастап жаңа Салық кодексі күшіне еніп, бұған сәйкес арнайы салық режімдері оңтайландырылған болатын. Оның ішінде жеңілдетілген декларация негізіндегі арнайы салық режімі ең сұранысқа ие тетіктердің біріне айналды. Айталық, бұл тәртіпті қолданудың алғашқы нәтижелері кәсіпкерлердің қызметіндегі оң динамиканы байқатып отыр.Атап айтсақ, 2026 жылдың бірінші жартыжылдығының қорытындысына сәйкес осы режімді қолданған бизнестің табысы 9,4 трлн теңгеге ұлғайған. Былтырғы сәйкес кезеңмен салыстырғанда өсім 18,9%, яғни 7,9 трлн теңгеге артып отыр.Осы режімге сәйкес қызмет ететін кәсіпкерлердің жұмыспен қамту көрсеткіштері де оң серпінді көрсетіп отыр. Жалдамалы қызметкерлер саны 14,2%, яғни 445 мыңнан 509 мың адамға дейін өскен. Сәйкесінше еңбекақы қоры да 7,2% ұлғайған.Жалдамалы жұмыскерлері жоқ бизнес субъектілері 30,5% азайған. Декларацияларда табысын нөлден бес млн теңгеге дейін көрсеткен кәсіпкерлердің үлесі үштен бірге төмендеді. Бұл деректер жаңартылған режім шеңберіндегі алғашқы есептіліктің қорытындысы бойынша алынды. Тамыз айында кәсіпкерлер алғаш рет биылғы бірінші жартыжылдыққа арналған декларацияны тапсырды.Осы ретте жеңілдетілген декларация негізіндегі арнайы салық режімін жылдық табысы 600 мың АЕК болатын Салық кодексінде белгіленген талаптарға сәйкес келетін дара кәсіпкерлер мен заңды тұлғалар қолдана алатынын айта кетейік.Жеке немесе корпоративті табыс салығының мөлшерлемесі – 4%. Бұл орайда жергілікті өкілді органдар оның мөлшерін заңнамада белгіленген шекті деңгейде азайтуға немесе ұлғайтуға құқылы. Салық және есепті кезең жартыжылдық болып саналады.Осы режімді қолданатын кәсіпкерлер (импортталатын тауарларға арналған ҚҚС және бейрезиденттерге байланысты ҚҚС есепке алмағанда) әлеуметтік салық пен ҚҚС төлеушілері болып саналмайды.Алғашқы нәтижелер бизнес пен жұмыспен қамтудың декларацияланатын кірістердің өсімін көрсетіп отыр. Сонымен бірге жалдамалы жұмыскерлері жоқ кәсіпкерлер мен ең төменгі кірісті декларациялайтын субъектілер азайған.Алынған мәліметтер АСР-дегі өзгерістің алғашқы оң нәтижелері туралы айтуға толық мүмкіндік беріп отыр. Олардың әрмен қарай нәтижелері кейінгі есепті кезеңдердегі деректердің жинақталуына қарай бағаланатын болады. Ақпарат көзі : https://www.gov.kz/memleket/entities/minfin/press/news/details/1302790?lang=ru

Алматы облысында Президенттік олимпиаданың бірінші кезеңі өтудеАлматы облысында жаратылыстану-математика циклы пәндері бойынша Президенттік олимпиаданың бірінші (іріктеу) кезеңі басталды.Биыл облыстағы зияткерлік додаға 673 оқушы қатысуда. Олар математика, физика, химия және информатика пәндері бойынша білімдері мен қабілеттерін сынайды.Президенттік олимпиаданың негізгі мақсаты – дарынды және қабілетті оқушыларды анықтау, олардың пәндік білім деңгейін саралау, логикалық ойлау қабілеті мен ғылыми-зияткерлік әлеуетін дамыту.Бірінші кезеңнің қорытындысы бойынша 20 оқушы екінші кезеңге іріктеледі.Президенттік олимпиада оқушылардың білімін жетілдірумен қатар, олардың ғылыми-зерттеу бағытындағы қызығушылығын арттыруға, зияткерлік қабілеттерін дамытуға және республикалық деңгейдегі білім додаларына дайындалуына мүмкіндік береді.Алматы облысында дарынды балаларды анықтау және қолдау, олардың зияткерлік әлеуетін дамыту, сондай-ақ республикалық және халықаралық олимпиадаларға сапалы дайындау бағытындағы жұмыстар тұрақты түрде жүргізілуде.Айта кетейік, Президенттік олимпиада – жаратылыстану-математика бағытындағы пәндер бойынша білім алушылардың қабілетін анықтауға және олардың ғылыми-зияткерлік әлеуетін дамытуға бағытталған республикалық деңгейдегі зияткерлік жарыстардың бірі.Ақпарат көзі : https://www.gov.kz/memleket/entities/almobl-bilim/press/news/details/1302783?lang=ru

Астанада Қазақстан Республикасы Премьер-министрінің орынбасары – ұлттық экономика министрі Серік Жұманғарин мен Өзбекстан Республикасы Премьер-министрінің орынбасары Жамшид Ходжаев екіжақты кездесу өткізді. Жиында тараптар сауда-экономикалық ынтымақтастықты дамыту, өзара сауданың өсуі және Қазақстан мен Өзбекстан арасындағы Жол картасын жүзеге асыру мәселелерін талқылады.Кездесуді ашқан Серік Жұманғарин екі мемлекет басшылары арасындағы уағдаластықтарды жүзеге асыру бағытындағы сындарлы ұстанымы мен жүйелі жұмыстары үшін Өзбекстан Үкіметіне алғысын білдірді.«Өзбекстан Президенті Шавкат Мирзиёевтің Астанаға сапары және Үкіметаралық комиссияның 23-ші отырысы біздің стратегиялық әріптестігіміздің берік негізін айқындады. Бүгінде бізде нақты уағдаластықтар мен бірлескен жұмыс жүргізіліп жатқан Жол картасы бар», — деп атап өтті Қазақстан Премьер-министрінің орынбасары.Екі елдің сауда-экономикалық байланысы өсіп келеді. 2026 жылғы жеті айдың қорытындысы бойынша Қазақстан мен Өзбекстан арасындағы тауар айналымы өткен жылғы сәйкес кезеңмен салыстырғанда 29,8%-ға артып, $3,25 млрд-қа жетті.Екі ел алдында $10 млрд-тық тауар айналымына шығу міндеті тұр. Осы мақсатқа жету үшін өзара сауданы дәйекті түрде кеңейту және бірлескен жобаларды жүзеге асыруды жеделдету маңызды.Өзбекстан Премьер-министрінің орынбасары Жамшид Ходжаев өз кезегінде екі ел арасындағы қарым-қатынастар дамуының оң динамикасын атап өтті. Ол Қазақстан Өзбекстан үшін бауырлас ел әрі сенімді әріптес екенін атап өтті. Тараптар өзара сауда мен инвестицияны дәйекті түрде арттыруда, көлік тасымалы көлемін ұлғайтуда. Өзбекстан Қазақстанмен кең ауқымды бағыттар бойынша ынтымақтастықты одан әрі дамытуға мүдделі.Жиын соңында тараптар сауда-экономикалық өзара іс-қимылды кеңейту, бірлескен инвестициялық жобаларды ілгерілету және қол жеткізілген уағдаластықтарды жүзеге асыру жөніндегі жұмысты жалғастыруға уағдаласты.Ақпарат көзі : https://www.gov.kz/memleket/entities/economy/press/news/details/1302784?lang=ru

   2026 жылғы 28-30 қыркүйек аралығында Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы Комитеттің Дәрменсіз борышкерлермен жұмыс басқармасымен бірлесіп «Жеке тұлғалардың банкроттығы» тақырыбында семинар өткізді.   Іс-шараның мақсаты — Жеке тұлғалардың банкроттығы туралы заңнаманы қолдану бойынша практикалық дағдыларды қалыптастыру, соттан тыс және сот арқылы банкроттық рәсімдерін жүргізу, төлем қабілеттілігін қалпына келтіру тәртібін түсіндіру, сондай-ақ азаматты банкрот деп танудың құқықтық салдары туралы ақпараттандыру.   Семинарға тыңдаушы ретінде аумақтық мемлекеттік кірістер органдарының қызметкерлері қатысты.   Семинар барысында ZOOM платформасы арқылы дәрістер оқылып, лектор ретінде:- Ерденбаев Ербол Сержанович – Дәрменсіз борышкерлермен жұмыс басқармасының сарапшысы  сөз сөйледі.   Семинар барысында қатысушылар тарапынан қойылған сұрақтарға лекторлар толыққанды жауаптар берді.   Семинар қорытындысы бойынша 133 қатысушыға біліктілікті арттыру туралы сертификаттар табысталды.Ақпарат көзі : https://www.gov.kz/memleket/entities/kgd/press/news/details/1302775?lang=ru

Сіздер – өмірлік тәжірибесі мол, өнегесімен ұрпаққа жол көрсетіп, елдің өсіп-өркендеуіне елеулі үлес қосқан ардақты жандарсыздар. Сіздердің ақыл-кеңестеріңіз бен тағылымды жолдарыңыз – кейінгі ұрпақ үшін баға жетпес қазына.Сіздерге зор денсаулық, ұзақ ғұмыр, отбасыларыңызға амандық пен береке тілейміз! Әр күндеріңіз қуанышқа, сыйластық пен мейірімге толы болсын!Ұрпақ тәрбиесіне қосқан үлестеріңіз бен еңбектеріңіз үшін алғысымыз шексіз!Ақпарат көзі : https://www.gov.kz/memleket/entities/almobl-bilim/press/news/details/1302768?lang=ru

Салық төлеуші қызметті тоқтату туралы салықтық өтініш бергенде ол «Қабылданбады» мәртебесін алса, бұл рәсімнің аяқталғанын білдірмейді. Бас тарту себебін СӘИЖ АЖ (КНП ИСНА) кабинетінде көруге болады. Сіздің жағдайыңыз Қызметті тоқтатуға өтініш берген кезде бұрынғы өтініш бойынша бас тарту келді. Себебін қалай көруге және алдыңғы бас тартуды ескере отырып өтінішті қалай дұрыс қайта беруге болады? Қалай түзетуге болады? СӘИЖ АЖ-да «Құжаттар» → «Менің құжаттарым» → «Салықтық өтініш» бөлімінде берілген салықтық өтініштердің, оның ішінде қызметті тоқтату туралы өтініштердің тарихы қолжетімді. Егер мемлекеттік кірістер органы есептен шығарудан бас тартса, өтінішке «Қабылданбады» мәртебесі беріледі. Бас тарту себебін көру үшін «Қабылданбады» мәртебесін басып, мемлекеттік кірістер органының құжаттарды қабылдағаны немесе қабылдамағаны туралы электрондық хабарламаны ашу қажет. Хабарламада бас тарту негізі көрсетіледі. Бас тартуға негіз болған себептер жойылғаннан кейін салық төлеуші СӘИЖ АЖ арқылы жалпы тәртіппен қызметті тоқтату туралы салықтық өтінішті қайта беруге құқылы. Заңнама Қызметті тоқтату тәртібі және есептен шығарудан бас тарту негіздері Қазақстан Республикасының 2025 жылғы 18 шілдедегі № 214-VIII «Салық және бюджетке төленетін басқа да міндетті төлемдер туралы» Кодексімен (Салық кодексі) реттеледі, оның ішінде жекелеген санаттағы ЖК-нің қызметін жеңілдетілген тәртіппен тоқтату нормаларымен.  Ақпарат көзі : https://www.gov.kz/memleket/entities/kgd-mangistau/press/news/details/1302744?lang=ru

Алматы облысының Боралдай ауылында  «Carlsberg Kazakhstan» компаниясының алкогольсіз сусын шығаратын жаңа кәсіпорыны ашылды. Жобаға 344 млн доллар инвестиция салынды. Зауытта жылына 1 млрд литрге дейін сусын өндіріледі. Мұнда 230-ға жуық жергілікті тұрғын жұмыс істейтін болады. Дайын өнім Қазақстан нарығынан бөлек ТМД елдеріне экспортталады, – деп хабарлайды Алматы облысы әкімінің баспасөз қызметі. Салтанатты рәсімге Алматы облысының әкімі Шыңғыс Әрінов, Дания Корольдігінің Сыртқы істер министрі Ларс Лёкке Расмуссен, ҚР Сыртқы істер вице-министрі мен компания өкілдері және жергілікті тұрғындар қатысты. Өңір басшысы өз сөзінде жаңа кешеннің ашылуы аймақтың өнеркәсіптік әлеуетін арттыратын елеулі қадам екенін атап өтті.«Мемлекет басшысы Қасым-Жомарт Тоқаев: «Үкіметтің міндеті – экономиканың өсімін қамтамасыз ету және азаматтардың әл-ауқатынжақсарту», – деп алдымызға нақты міндеттер қойған болатын. Экономиканың өркендеуі ең алдымен елдің әр өңіріндегі жүзеге асып жатқан нақты жобалардан көрінеді. Сондықтан өндірісті дамыту мен инвестиция тарту біздің өңіріміз үшін де маңызды бағыттардың бірі болып отыр. Осы жолдағы ірі жобалардың бірі – «Carlsberg Kazakhstan» компаниясыныңжаңа өндіріс орнын іске қосуы. Бұл өңір экономикасын әртараптандыруға, инвестициялық белсенділікті арттыруға және бәсекеге қабілетті өнім көлемін көбейтуге мүмкіндік береді», – деді Шыңғыс Сайранұлы. Игі шараға арнайы келген Ларс Лёкке Расмуссен кәсіпорынның іске қосылуы екі ел арасындағы ынтымақтастықты арттыруда үлкен маңызға ие екенін жеткізді. «Қазақстан мен Дания географиялық тұрғыдан бір-бірінен алыс орналасқан мемлекеттер болғанымен, бұл бірлесіп жұмыс істеуге кедергі емес. Бүгін ашылған жаңа кәсіпорын – соның айқын дәлелі әрі болашаққа салынған ортақ инвестиция. Сондай-ақ зауыт сауда-саттықты арттырып, жаңа жұмыс орындарын ашуға, халықтың әл-ауқатын жақсартып, жаңа технологияларды өндірісте пайдалануға мүмкіндік береді», – деді мәртебелі мейман.Шара барысында қонақтар жаңа өндіріс желісін іске қосу түймесін бірлесе басып, кешеннің жұмысын бастап берді. Одан кейін зауытты аралап, оның өндірістік қуатымен танысты. Жобаның бірінші кезеңінде түрлі дәмдегі сусындар әзірлеп, оның қаптамасын дайындау үшін бес өндірістік желі жұмыс істейді. Кейін өнімді қоймаларда сақтау, тасымалдау сияқты логистикалық мүмкіндіктерді де дамыту көзделіп отыр. Кәсіпорында қажетті шикізат жергілікті өндірушілерден алынады. Бұл импортқа тәуелділікті азайтып, жергілікті тауарға сұранысты арттырады. Зауытта су, жарық, жылу көздерін тиімді пайдалануға мүмкіндік беретін озық технологиялар қолданылған.Айта кетейік, кәсіпорынның ашылуынан бөлек бүгін Қонаев қаласында екі ел арасындағы ынтымақтастықты ілгерілету мақсатында  «Қазақстан – Дания» бизнес-форумы өтіп жатыр. Алқалы жиында инвестициялық жобаларды іске асыру жолдары талқылануда.Ақпарат көзі : https://www.gov.kz/memleket/entities/almobl/press/news/details/1302710?lang=ru

Министр Қазақстан Республикасы Әділет министрлігінің қызметі туралы айтып, жүргізіліп жатқан құқықтық реформалармен және көрсетілетін қызметтердің цифрландыру саласындағы негізгі жетістіктерімен таныстырды.Кездесу барысында тараптар өзара қызығушылық тудыратын мәселелер бойынша пікір алмасып, екіжақты ынтымақтастықты одан әрі дамыту перспективаларын талқылады.Ақпарат көзі : https://www.gov.kz/memleket/entities/adilet/press/news/details/1302711?lang=ru

Гонконг, 2026 жылғы 24 қыркүйек – Жыл сайынғы АСЕАН кинофестивалінде қазақстандық «Бақыт құшағында» атты музыкалық фильмінің көрсетілімі өтті. Шығармашылық жоба көрермендерге Қазақстанның бай мәдениетін таныстырып, Орталық және Оңтүстік-Шығыс Азия арасындағы гуманитарлық байланыстарды нығайтудағы маңызды қадам болды. Көрсетілім алаңы дипломаттарды, мәдениет қайраткерлерін, шетелдік киносүйер қауымды, сондай-ақ жергілікті қазақстандық қауымдастық өкілдерін біріктірді.Қазақстан Республикасының Гонконгтағы Бас консулы Бауыржан Досманбетов өзінің құттықтау сөзінде киноөнері тілінің мәдени дипломатияның бірегей құралы екенін атап өтті. Оның айтуынша, мұндай ауқымды фестивальге қатысу халықтар арасында жанды диалог орнатуға және халықаралық аудитория үшін заманауи қазақстандық кинематографияның жаңа қырларын ашуға мүмкіндік береді.Гонконгтық көрермендерге қазақстандық фильмді режиссер әрі продюсер Санат Шапашов, продюсер әрі сценарийдің тең авторы Әнел Оспанова, костюм жөніндегі суретші Гүлмарал Тоқанбекова және басты рөлдерді орындаушы актерлер Дәурен Серғазин мен Әлия Телебарисова таныстырды.Сеанс аяқталғаннан кейін түсірілім тобы мен актерлік құрам аудиторияның сұрақтарына жауап берді. Қонақтар арасында, әсіресе, аңызға айналған қазақ композиторы Шәмші Қалдаяқовтың мұрасынан шабыт алған туындының музыкалық атмосферасы ерекше ықылас тудырды. Көрермендер фильмнің ұлттық колоритін, эмоционалдық тереңдігін және жасампаздық идеясын жоғары бағалады.Шығармашылық ұжымның Гонконгқа сапары отандастармен және студенттермен өткен жылы кездесумен аяқталды. Ашық диалог форматында кинематографистер түсірілім жұмыстарының қалтарыстары, отандық киноиндустрияның дамуы және болашаққа жоспарлары туралы айтып беріп, қазақстандық диаспораға туған жермен байланыстың жарқын сезімін сыйлады.Ақпарат көзі : https://www.gov.kz/memleket/entities/mfa-hongkong/press/news/details/1302700?lang=ru

Өтетін жері: Жетісу облысы, Көксу ауданы, Зылиха Тамшыбай ауылдық мәдениет үйіӨтетін уақыты: 2 қазан, 2026 жыл  cағат 10:00  Байланыс телефондары:8 (7282) 24-34-07; Электронды пошта: 7su.ocnt@mail.ru                                                 Ақпарат көзі : https://www.gov.kz/memleket/entities/zhetysu-archive/press/news/details/1302677?lang=ru

Құрметті аға буын өкілдері!Сіздерді мейірімділік, даналық пен құрмет күнімен құттықтаймын!Бұл күн – сіздердің өмірлік тәжірибелеріңізге, даналықтарыңызға және қоғамның дамуына қосқан баға жетпес үлестеріңізге алғыс білдіріп, құрмет көрсету үшін айрықша ерекше сәт. Сіздер көптеген маңызды оқиғалардың куәгерлері әрі белсенді қатысушылары болдыңыздар.Сіздердің арқаларыңызда біз бейбітшілік пен келісімде өмір сүрудеміз, мәдениетіміз бен дәстүрлерімізді дамытуға мүмкіндік алып отырмыз. Сіздердің еңбектеріңіз бен қажырлы күш-жігерлеріңіз кейінгі ұрпақтың жарқын болашағына берік негіз қалдырады.Сіздерге зор денсаулық, бақыт пен әр күннің қуанышын тілеймін. Айналаңыз әрдайым қамқор жандарға толы болып, әрбір сәтіңіз жақындарыңыздың жылуы мен мейіріміне бөленсін!Өскемен қалалық мәслихатының төрағасы    А. СветашАқпарат көзі : https://www.gov.kz/memleket/entities/ukmaslihat/press/news/details/1302667?lang=ru

Өскемен қалалық мәслихатының төрағасы, еңбек сіңірген демалыста жүрген бұрынғы аппарат қызметкерлерін Даналық, құрмет және мейірім күнімен құттықтады.Кездесу барысында оларға мықты денсаулық, бақыт және амандық тілектері жеткізіліп, сонымен қатар мерекеге орай берілген сыйлықтар табыс етілді.Мұндай кездесулер – қаланың дамуына және жергілікті өкілетті органның қызметіне үлес қосқан адамдарға алғыс білдіру мүмкіндік береді.Ақпарат көзі : https://www.gov.kz/memleket/entities/ukmaslihat/press/news/details/1302651?lang=ru

БКМ чегінде көрсетілетін қызметтің атауын көрсету қажет пе?Иә. Қызмет көрсету кезінде БКМ чегінде, оның ішінде, Қазақстан Республикасы Қаржы министрінің 2025 жылғы 24 қазандағы № 626 бұйрығымен бекітілген Бақылау-касса машиналарын қолдану қағидаларына және бақылау-касса машинасының чегінің мазмұнына қойылатын талаптар тізбесіне сәйкес, көрсетілген қызметтің атауы қамтылуға тиіс.«Сату» немесе «Позиция» деген тұжырымдардың өзі көрсетілген қызметтің атауы болып табылмайды.Осыған байланысты кәсіпкер БКМ-ді чекте нақты көрсетілген қызметтің атауы көрсетілетіндей етіп баптауы қажет.  Қызмет көрсету кезінде БКМ чегінде ҰТК кодын көрсету қажет пе?Жоқ. Ұлттық тауарлар каталогына (ҰТК) сәйкес тауардың сәйкестендіру коды тауарларды өткізу кезінде қолданылады.Қызмет көрсету кезінде ККМ чегінде ҰТК-дан тауар кодын көрсету талап етілмейді. БКМ чегі табысты алғанын растай ма?БКМ чегі сатушы (өнім беруші) мен сатып алушы (клиент) арасындағы ақшалай есеп айырысудың жүзеге асырылғанын растайды.Бұл ретте кәсіпкерлік қызметтен алынған табысты растау үшін есепке алу құжаттары және салық салу объектілерін айқындауға негіз болатын өзге де құжаттар да пайдаланылуы мүмкін.Ақпарат көзі : https://www.gov.kz/memleket/entities/kgd-vko/press/news/details/1302622?lang=ru

Сіздерді Халықаралық қарттар күнімен шын жүректен құттықтаймыз! 💐Бұл күн — өмірлік тәжірибесі мол, талай ұрпаққа жол көрсетіп, елдің дамуына өз үлесін қосқан ардақты жандарға деген құрмет пен алғыстың белгісі.Сіздердің еңбектеріңіз бен өнегелі өмір жолдарыңыз — кейінгі ұрпақ үшін баға жетпес мұра. 🤍🙏 Сіздерге зор денсаулық, ұзақ ғұмыр, отбасыларыңызға амандық пен береке тілейміз!Әр күндеріңіз қуанышқа, мейірімге және жақындарыңыздың жылуына толы болсын. Балаларыңыз бен немерелеріңіздің қызығын көріп, әрдайым құрмет пен қамқорлықта жүріңіздер! 🌷🌸 Ізгі ниетпен,Қарағанды облысы бойынша Мемлекеттік кірістер департаменті.Ақпарат көзі : https://www.gov.kz/memleket/entities/kgd-karaganda/press/news/details/1302624?lang=ru

Қазақстан Дүниежүзілік зияткерлік меншік ұйымының (ДЗМҰ) 2026 жылғы Жаһандық инновациялық индексінде (Global Innovation Index, GII) елеулі ілгерілеу көрсетіп, бірден 8 сатыға көтерілді және әлемнің 139 экономикасы арасында 81-орыннан 73-орынға шықты. Бұл – Қазақстанның соңғы 10 жылдағы ең үздік нәтижесі.Өңірлік көрсеткіш бойынша Қазақстан Орталық Азия елдері арасында 1-орынға, ал Орталық және Оңтүстік Азияның 11 экономикасы арасында 2-орынға ие болды. Табыс деңгейі орташадан жоғары 35 елдің ішінде Қазақстан 17-орынға орналасты. Ең елеулі ілгерілеу инновациялық нәтижелер бойынша тіркелді. Инновациялық нәтижелер субиндексі (Innovation Outputs) бойынша Қазақстан бірден 11 сатыға көтеріліп, 84-орыннан 73-орынға шықты, ал инновациялық ресурстар субиндексі (Innovation Inputs) бойынша 75-орыннан 73-орынға жақсарды.GII 2026 нәтижелері Женевадағы ДЗМҰ штаб-пәтерінде мүше мемлекеттердің тұрақты өкілдеріне арналған Индекстің алдын ала таныстырылымы аясында ұсынылды.Қазақстанның рейтингтегі позициясының жақсаруына ұлттық және халықаралық деңгейлерде жүргізілген жүйелі жұмыс негіз болды. 2026 жыл ішінде Қазақстан Республикасының Женевадағы Тұрақты өкілдігі GII мәселелері бойынша ДЗМҰ-мен тікелей өзара іс-қимыл орнатып, нақты индикаторларға, оларды есептеу әдістемесіне және деректердің сапасына басымдық берді.Атқарылған жұмыс Қазақстан мен ДЗМҰ арасындағы өзара іс-қимылды рейтингті жыл сайынғы мониторингтеуден нақты көрсеткіштер, дереккөздер және мемлекеттік саясаттың қажетті шаралары бойынша мазмұнды жұмыс форматына көшіруге мүмкіндік берді.Қол жеткізілген ілгерілеуге қарамастан, ғылыми-зерттеу және тәжірибелік-конструкторлық жұмыстарға жұмсалатын шығыстар, университеттер мен бизнестің өзара іс-қимылы, венчурлік қаржыландыру, инновациялық кластерлерді дамыту, бағдарламалық қамтамасыз ету, сондай-ақ ғылыми-техникалық жарияланымдар бағыттарында одан әрі өсу әлеуеті сақталып отыр.Ақпарат көзі : https://www.gov.kz/memleket/entities/mfa/press/news/details/1302614?lang=ru

Жаңа шығармашылық кеңістіктің ашылу рәсіміне Абай облысы әкімінің орынбасары Раханов Мейірлан Ақылбекұлы, «Қазақстан халқына» қоғамдық қорының басқарма төрағасы Ләззат Шынғысбаева, Қазақстан халық кеңесінің мүшелері Нұртай Сабильянов, Думан Орынбеков пен Мерей Қарт және қоғам белсенділері қатысты.Салтанатты шара барысында құттықтау сөздер айтылып, жаңа нысанның ашылуына арналған лента қию рәсімі өтті. Қонақтар Шығармашылық үйінің заманауи мүмкіндіктерімен танысты. Ғимаратта балалардың шығармашылық, техникалық және спорттық қабілеттерін дамытуға арналған түрлі кабинеттер мен арнайы жабдықталған кеңістіктер қарастырылған. Атап айтқанда, «Art-Studio», «Қыш шеберханасы», «Тігін», «MediaStudio», «RoboticsLab», «Робототехника», «FabLab кабинеттері жұмыс істейді. Сонымен қатар спорт залында асық ойыны мен садақ ату бағыттары бойынша үйірмелер ұйымдастырылған.Бүгінде Шығармашылық үйінде 400 бала қосымша біліммен қамтылған. Алдағы уақытта тәрбиеленушілер санын 1000 балаға дейін жеткізу жоспарланып отыр.Жаңа нысан ауыл балаларының бос уақытын тиімді ұйымдастырып, олардың шығармашылық және техникалық әлеуетін дамытуға мүмкіндік береді. Бұған қоса жастарды бір арнада тоғыстыратын алаңға айналмақ.Ақпарат көзі : https://www.gov.kz/memleket/entities/beskaragay-roo/press/news/details/1302598?lang=ru

Жиналыс барысында келесі сұрақтар талқыланды1. Бюджеттің тиімді пайдаланылуы мен игерілуіне аса назар аудару, сыбайлас жемқорлықты болдырмау мәселелері;2. Мектептерде қауіпсіз жағдай жасау және Таза Қазақстан бағдарламасының үнемі басты назарда болуы;3. Құқық бұзушылық, суицид, буллинг және т.б. жағдайларда алгоритмге сәйкес білім бөліміне және тиісті органдарға хабарлау бойынша дұрыс іс қимыл жасау;4. ⁠Ата-аналар, заңды өкілдер, арыз, шағым, ұсыныс білдірушілер және басқада мектепке келуші азаматтардың мәселелесін тиісті заңға сәйкес қарап, дұрыс жауап беру;5. ⁠Мектептерге жылу беру мәселесі және қатты отынның тасымалдануын қадағалау.Сонымен қатар, басқа ағымдағы сұрақтар талқыланды.Жиналыс барысында білім бөлімінің басшысы күрделенген мәселелер бойынша кейбір білім беру ұйымдарының басшылары мен орынбасарларына ескерту жасап, тапсырмалар берді.Ақпарат көзі : https://www.gov.kz/memleket/entities/beskaragay-roo/press/news/details/1302600?lang=ru

19 тамыз білім бөлімінің басшысы Медет Кәдірбекұлы мектеп директорларымен жиналыс өткізді Жиналыста келесі мәселелер қаралды 1. Жаңа оқу жылына мектептердің дайындығы мен білім саласындағы өзгерістер;2. ⁠Мектепке ұстаздарды және басқа да қызметкерлерді жұмысқа қабылдағанда қатаң заңнаманы сақтау, сыбайлас жемқорлыққа жол бермеу мәселелері;3. ⁠”Мектепке жол” акциясын белсенді ұйымдастыру;4. ⁠Қатты отынның кестеге сәйкес тасымалдануын қадағалау және т.б.  сұрақтар талқыланды.Ақпарат көзі : https://www.gov.kz/memleket/entities/beskaragay-roo/press/news/details/1302587?lang=ru

«Орта білім беретін үздік ұйым» конкурсының лауреаты атанған Нұрлыбек Баймұратов атындағы орта мектеп 4 000 000 теңге көлеміндегі жүлдеге ие болды!Бұл — мектеп ұжымының тынымсыз еңбегі мен кәсіби шеберлігінің жемісі. Мектеп ұжымын осы үлкен жетістігімен шын жүректен құттықтаймыз!Ақпарат көзі : https://www.gov.kz/memleket/entities/beskaragay-roo/press/news/details/1302579?lang=ru