Елордадағы «Райымбек батыр атындағы №50 «Қазғарыш» мектеп-лицейінде Алғыс айту күніне орай 250-ге жуық оқушы ұстаздарына ерекше алғыс білдірді, деп хабарлады Астана әкімдігінің ресми сайты.Мектеп қабырғасында түсірілген әсерлі видеожазбада бастауыш сынып оқушылары музыка пәнінің мұғалімі Талғат Желдібаевтің «Алғыс айту» әнін шырқады.«Бүгін мектебімізде Алғыс айту күніне орай оқушыларымыз ұстаздарын қарсы алып, шынайы ризашылықтарын білдірді. Бізге бейбіт өмір, тұрақтылық пен болашаққа нық қадам басу мүмкіндігін берген қасиетті жерімізге мың алғыс»,- деді мектеп директоры. Ақпарат көзі : https://www.gov.kz/memleket/entities/astana/press/news/details/947967

Қорғаныс министрлігі «Қарулы Күштер республикалық мемлекеттік мекемелерінің тауарларды (жұмыстарды, көрсетілетін қызметтерді) өткізу және оларды өткізуден түскен ақшаны пайдалану қағидаларын бекіту туралы» қорғаныс ведомствосы басшысы бұйрығының жобасын дайындады.Нормативтік құқықтық акт жаңа Бюджет кодексін іске асыру үшін және «Қазақстан Республикасының қорғанысы және Қарулы Күштері туралы» Заңның 22-бабы 2-тармағының 5-5) тармақшасына сәйкес әзірленді. Құжатта жеке және заңды тұлғаларға ақылы қызметтер көрсетудің, сондай-ақ оларды сатудан түскен ақшаны пайдаланудың бірыңғай тәртібі айқындалады.Бұйрықты қабылдау ведомстволық мекемелерге олардың материалдық базасын нығайту, медициналық, офистік, спорттық жабдықтар сатып алу, ғимараттар мен құрылыстарды күтіп ұстау бөлігінде жағдай жасайды.Қорғаныс министрі бұйрығы жобасының толық мәтінімен «электрондық үкімет» порталында биылғы жылдың 13 наурызына дейін «Ашық НҚА» бөлімінде мына https://legalacts.egov.kz/npa/view?id=15462729сілтеме бойынша танысуға болады. Ақпарат көзі : https://www.gov.kz/memleket/entities/mod/press/news/details/947752

Отандық ғылымның дамуына елеулі үлес қосқан номинанттарды марапаттау рәсімі Қазақстанның Ұлттық Ғылым академиясында өтті. Әскери офицер полковник Дмитрий Ботинге «Үздік ғылыми қызметкер – 2024» сыйлығы марапатын Ғылым және жоғары білім министрі Саясат Нұрбек табыстады.Радиоэлектроника және байланыс әскери-инженерлік институты әлеуметтік-гуманитарлық пәндер кафедрасының доценті полковник Дмитрий Ботиннің ғылыми қызығушылығы әскери білім мен тарих мәселелеріне арналған. Ол PhD докторы, қауымдастырылған профессор, 50-ден аса еңбектің авторы. – Байқау бізге жаңа тәжірибе алуға және басқа ғалымдармен білім алмасуға мүмкіндік берді. Мен үшін бұл өзімді сынау мүмкіндігі, – деп атап өтті полковник Д. Ботин. Байқауға қатысушыларды іріктеу бағалауды ашық және объективті қамтамасыз ететін автоматтандырылған жүйенің көмегімен жеті бағыт бойынша жүргізілді. Полковник Дмитрий Ботин «Әскери ғылым және ұлттық қауіпсіздік» номинациясының жеңімпазы атанды.Ақпарат көзі : https://www.gov.kz/memleket/entities/mod/press/news/details/947761

Қарағандыда үшінші рет бочча бойынша облыстық турнир өткізілді. С. Сәпиев атындағы бокс орталығында тірек-қимыл аппараты бұзылған 40 спортшы, сал ауруының ауыр түрлеріне шалдыққан балалар мен ересектер жиналды. Спорттың бұл түрі ептілікті, дәлдікті, төзімділікті, сондай-ақ тактикалық ойлауды дамытады.– Қарағандыда бочча 2020 жылдан бастап дами бастады. Қысқа мерзімге қарамастан, бұл спорт түрі танымал болып келеді және жетістіктер бар. Біздің спортшылар республикалық және халықаралық деңгейде өнер көрсетеді. Қарағандылықтар ұлттық құрамаға кіреді, – дейді жарыстың жаттықтырушысы және бас төрешісі Татьяна Ходзинская. – Облыстық жарыстарды үшінші рет өткізіп отырмыз. Белсенділік артып, география кеңейе түсуде. Егер алғашқы жарыста 10 қатысушы болса, қазір 40-қа жетті. Қарағандыдан басқа Саран, Абай аудандарынан да спортшылар келді.Жарыс түрлі санаттарда өткізілді, онда спортшылар өз бетінше және көмекшілерімен ойнайды. Әуесқойлар арасында алғаш рет ашық сынып ұйымдастырылды.Төрешілік BISFed халықаралық федерациясының ережелері мен нормалары бойынша жүргізілді.Ұлттық құраманың мүшесі, бес алтын медаль иегері Аружан Жеңіс ВС3 санатында шеберлік сабағын өткізді.– Екі жылдан бері боччамен айналысамын. Жетістіктер жақсы. Мен спорт шеберімін. Бәрі ұнайды: күшті, батыл болу керек. Халықаралық жарыстарда Польша мен Финляндияда болдым. Әрдайым анам жанымда: ол менің операторым, – деді Аружан.Ұлттық құрамаға Анастасия Кутурман да кіреді. Ол бочча спортымен осы спорт түрі Қарағандыда пайда болған сәттен бастап айналыса бастады. Екі жыл бұрын Грекиядағы халықаралық турнирге қатысқан.– Секцияның ашылғанын біліп, оны көруге келдік. Бізді алмайды деп ойладым. Настяның қолы мүлдем жұмыс істемеді. Бірақ бізді қабылдап, айналыса бастадық. Прогресс жақсы: қазір допты өзі лақтырып жатыр. Сенімдірек, талапкер бола түсті. Аптасына үш рет жаттығуға барамыз, үйде де айналысамыз. Даму үшін де, қарым-қатынас үшін де пайдасы зор: Қарағандыда ғана емес, басқа қалаларда да достар тапты, – деп бөлісті ерекше спортшының анасы Елена Кутурман.Қарағандылық құраманың алдында Астанада өтетін республикалық жарыс тұр.Сәуір айында Анастасия Кутурман мен Аружан Жеңіс Бахрейн астанасы Манамада өтетін World Boccia Challenger халықаралық турнирінде ұлттық құраманың құрамында өнер көрсетеді. Ақпарат көзі : https://www.gov.kz/memleket/entities/karaganda/press/news/details/946696

Бұл жайлы ҚР Президенті жанындағы Орталық коммуникациялар қызметінде өткен әскери оқу орындарына қабылдау мәселелері жөніндегі брифингте Қорғаныс министрлігі Әскери білім және ғылым департаментінің (ӘБҒД) бастығы полковник Мұрат Олжабаев мәлімдеді.Журналистермен кездесуде ол әскери білім берудің қолданыстағы жүйесі, Қорғаныс министрлігінің оқу орындарына қабылдау шарттары, мамандықтар, оқу мерзімі және кадеттер мен курсанттарға қарастырылған жеңілдіктер туралы айтты. Қорғаныс ведомствосының өкілі Қорғаныс министрлігінің қарамағында Щучинск қаласында Шоқан Уәлиханов атындағы Әскери колледж, Астана қаласында Кеңес Одағының Батыры, Халық қаһарманы, армия генералы Сағадат Нұрмағамбетов атындағы Әскери колледж және Шымкент қаласында Сабыр Рахымов атындағы Әскери колледж бар екенін мәлімдеді.Бұдан бөлек Алматыда «Жас ұлан» республикалық мектебінің базасында Бауыржан Момышұлы атындағы Әскери-спорт колледжі, Қарағандыда Талғат Бигелдинов атындағы Әскери колледж құрылады. Біріншісінде «Дене шынықтыру және спорт жөніндегі нұсқаушы» және «барлау, десанттық-шабуылдау бөлімшелерін басқару», екіншіде – «зымыран және артиллерия әскерлерінің бөлімшелерін басқару», «заттай қамтамасыз ету» және «азық-түлікпен қамтамасыз ету» мамандықтары бойынша даярланады. Колледж не «кіші сержант» әскери атағы беріліп, келісімшарт бойынша қызмет өткеру үшін Қарулы күштердің әскери бөлімдеріне, ҰҚК Шекара қызметіне, Мемлекеттік күзет қызметіне, ТЖМ және Ұлттық ұланға жіберіледі.Бұдан басқа, оларға ҰБТ тапсырусыз конкурстық негізде ұқсас бағыттар бойынша қысқартылған оқу мерзімдері бар білім беру бағдарламалары негізінде әскери институттарға оқуға түсу құқығы беріледі. Жоғары білім деңгейі бойынша офицер кадрларды даярлау Алматыда Радиоэлектроника және байланыс әскери-инженерлік институтында және Құрлық әскерлерінің әскери институтында, Ақтөбеде – Әуе қорғанысы күштерінің әскери институтында жүзеге асырылады. Оқу кезеңінде курсанттар тегін тұрғын-жаймен, қаражатпен, азық-түлікпен, заттай және медициналық үлеспен қамтамасыз етіледі. Түлектерге «лейтенант» әскери атағы беріледі, содан кейін олар одан әрі қызмет өткеру үшін әскерлерге жіберіледі.Қорғаныс ведомствосының өкілі биыл әскери жоғары оқу орындарына түсу мәселесі бойынша азаматтардың жергілікті әскери басқару органдарына жүгінуінен басқа балама нұсқа – EGOV порталы арқылы құжаттарды тапсыру қарастырылғанын да айтып өтті. Үміткерлер кәсіби-психологиялық іріктеуден, нақты медициналық куәландырудан және дене шынықтыру дайындығы бойынша тексеруден өтуі керек. Қорытынды кезеңде конкурстық іріктеу және қабылдау жүргізіледі.– Әскери жоғары оқу орнында білім ала отырып, жастар сұранысқа ие мамандықты ғана емес, сонымен қатар басқа да артықшылықтар мен әлеуметтік жеңілдіктер алады, атап өтсек, әскери білім ордасын аяқтаған түлекке лайықты ақы төленетін жұмыс орны мен тұрғын үй мәселесін шешуге кепілдік беріледі, – деді ӘБҒД бастығы.Естеріңізге сала кетсек, әскери колледждер мен жоғары оқу орындарына түсу үшін қажетті құжаттардың тізбесі, үміткерлерге қойылатын талаптар Қорғаныс министрінің 2024 жылғы 22 қаңтардағы № 35 «Әскери оқу орындарына қабылдау қағидаларында» көрсетілген.Ақпарат көзі : https://www.gov.kz/memleket/entities/mod/press/news/details/947114

Астана, 2025 жылғы 26 ақпан – Қазақстан Республикасы Сыртқы істер министрінің орынбасары Ермұхамбет Қоныспаев Әзербайжан Республикасының Елшісі Ағалар Атамоғлановпен кездесті.Кездесу барысында саяси диалогтың үдемелі дамуы, екі елдің үкіметтік құрылымдары, парламенттері және іскерлік топтары арасындағы өзара іс-қимылдың жандана түсуі, сондай-ақ гуманитарлық байланыстардың кеңеюі аталып өтті. Биік деңгейде қол жеткізілген уағдаластықтарды іске асыру және алдағы ресми іс-шаралардың күн тәртібі мәселелеріне ерекше назар аударылды.Кездесу қорытындысы бойынша тараптар екіжақты ынтымақтастықты одан әрі кеңейтуге өзара мүдделілік танытты. Белгіленген бастамаларды табысты іске асыру және Қазақстан мен Әзербайжан арасындағы стратегиялық серіктестікті тереңдету үшін күш-жігерді үйлестірудің маңыздылығы аталып өтті.Ақпарат көзі : https://www.gov.kz/memleket/entities/mfa/press/news/details/947485

Қонаев қаласында Алматы облысының әкімі Марат Сұлтанғазиев Қырғыз Республикасының Алматыдағы Бас консулы Жеңішбек Асанқұловпен кездесу өткізді. Келіссөздер барысында тараптар сауда-экономикалық ынтымақтастықтың перспективаларын, сондай-ақ ауыл шаруашылығы, туризм және кәсіпкерлік саласындағы жоспарларды талқылады. Кездесуде екі елдің іскерлік қоғамдастығын бірлескен жобаларға белсенді тарту арқылы серіктестікті дамытуға өзара мүдделілік білдірілді. Қазақстан мен Қырғызстан 33 жыл бойы достық және ынтымақтастық дәстүрлеріне негізделген тату көршілік қарым-қатынасты сақтап келеді. Осы уақыт ішінде экономика, логистика, мәдениет және білім беру сияқты түрлі салаларды қамтитын 150-ден астам келісімді қамтитын берік шарттық-құқықтық база қалыптасты. • Екі мемлекет үкіметаралық, парламентаралық және өңіраралық деңгейлерде белсенді ынтымақтастық орнатып келеді. Тек соңғы жылдың ішінде ғана ел басшылары әртүрлі іс-шаралар аясында алтыдан астам кездесу өткізді, – деп атап өтті Марат Сұлтанғазиев. – Біз бұл байланысты одан әрі нығайтып, жаңа жобаларды іске қосып, серіктестік деңгейін көтеруіміз керек. Кездесуде экономикалық өзара іс-қимыл, логистика және бірлескен бастамаларды жүзеге асыру мәселелеріне ерекше назар аударылды. Қырғызстан – Қазақстанның негізгі сауда серіктестерінің бірі, ал 2024 жылы Алматы облысы мен көршілес республика арасындағы тауар айналымы 12%-ға өсіп, 150 млн АҚШ долларын құрады. Өңірде қырғыз капиталының қатысуымен 31 кәсіпорын және 8 бірлескен компания жұмыс істейді. Сондай-ақ қырғызстандық ауыл шаруашылығы өндірушілері үшін көтерме тарату орталығын құру мүмкіндігі қарастырылуда. Бұл логистиканы жақсартып, көлік шығындарын азайтуға мүмкіндік береді. • Біздің басты міндетіміз – екі ел арасындағы сауда-экономикалық және мәдени-гуманитарлық ынтымақтастықты жандандыру. Біз тауар айналымының өсуіне, бірлескен кәсіпорындар құруға және инвестициялық жобаларды жүзеге асыруға мүдделіміз. Кәсіпкерлік қызметті кеңейту үшін бизнес-форумдарды ұйымдастыру маңызды, – деп атап өтті Жеңішбек Асанқұлов. Сондай-ақ тараптар туризм әлеуетін дамыту және өңіраралық ынтымақтастық мәселелерін талқылады. Алматы және Ыстықкөл облыстарындағы танымал маршруттарды біріктіретін бірыңғай тау-туристік кластерін құру мүмкіндігі қарастырылды. Бұл көбірек турист тартуға және туризм индустриясының инфрақұрылымын нығайтуға мүмкіндік береді. Тараптар мәдени ынтымақтастықтың маңыздылығын атап өтті, оның ішінде академиялық алмасу бағдарламаларын кеңейту, өнер саласындағы серіктестік және бірлескен мәдени іс-шаралар ұйымдастыру мәселелері қаралды. Кездесу соңында қатысушылар сындарлы диалог үшін алғыстарын білдіріп, одан әрі ынтымақтастық екіжақты қатынастарды нығайтуға және жаңа стратегиялық бастамаларды жүзеге асыруға ықпал ететінін атап өтті.Ақпарат көзі : https://www.gov.kz/memleket/entities/almobl/press/news/details/946893

Щучинск қаласының жоғары колледжі аланында «Білім беру» саласы бойынша техникалық және кәсіптік, орта білімнен кейінгі білім беру ұйымдарының педагогтері арасында облыстық кәсіптік шеберлік конкурсы өтті.Іс-шара педагогикалық мамандықтар мен жалпы білім беретін пәндер оқытушысы мамандығының мәртебесін арттыруға, педагогикалық тәжірибемен бөлісуге және танымал етуге ықпал етеді.Конкурсқа 16 колледжден жалпы білім беретін және арнайы пәндердің 22 оқытушысы қатысты.Жарыс барысында педагогтар жоғары теориялық білім, кәсіби шеберлік және заманауи мультимедиялық технологияларды оқыту тәжірибесінде шебер қолдануды көрсетті.Байқау соңында келесі бағыттар бойынша жеңімпаздар мен жүлдегерлер анықталды: Педагогикалық мамандықтар бойынша:1 орын- Әлия Заманбекова, Ж. Мусин атындағы Көкшетау жоғары қазақ педагогикалық колледжі;2-орын- Наталья Короткова, Щучинск қаласының, жоғары педагогикалық колледжі;3-орын- Гүлзат Жұманбаева, Жоғары қазақ гуманитарлық-техникалық колледжі.Жалпы білім беретін пәндер бойынша:1 орын - Арайлым Басымова, Щучинск қаласының, жоғары педагогикалық колледжі;2 орын - Қарлығаш Қалиева, Көкшетау қаласының, Жоғары техникалық колледжі; Сарша Жанар, Ж. Мусин атындағы Көкшетау жоғары қазақ педагогикалық колледжі.;3 орын - Гүлнара Жексенбаева, Ш. Уәлиханов атындағы университетін жанындағы көпсалалы колледж.Сонымен қатар, «Кәсіпкерлік үшін» номинациясы бойынша білім басқармасының дипломдарымен Анастасия Семерная, Есіл қаласы. агротехникалық колледжі; Лилия Домбровская, Ветеринария және биотехнология жоғары колледжі; Светлана Злочная, Щучинск қаласының,Жоғары техникалық колледжі; Айжан Қабдешова, Ш. Уәлиханов атындағы университетін жанындағы көпсалалы колледж марапатталды.Байқаудың барлық қатысушылары сертификаттармен марапатталды. Облыстық турдың жеңімпаздары конкурстың республикалық кезеңінде Ақмола облысын таныстырады.Ақпарат көзі : https://www.gov.kz/memleket/entities/aqmola/press/news/details/946694

Бүгін Астанада ҚР Мәдениет және ақпарат министрлігінің, Қазақстанның Азаматтық альянсы және Астана қаласы әкімдігінің ұйымдастыруымен Дүниежүзілік үкіметтік емес ұйымдар күніне орай салтанатты іс-шара өтті.Кездесу барысында мемлекеттің қоғамдық-саяси және әлеуметтік-экономикалық жүйесін дамытуда ҮЕҰ-ның маңызды рөлі аталып өтті. ҮЕҰ өкілдері азаматтық қоғамның дамуына қосқан елеулі үлесі үшін «Еңбек ардагері» медалімен және алғыс хаттармен марапатталды.Мемлекет үкіметтік емес секторды қолдауды жалғастырып келеді. 2024 жылы мемлекеттік әлеуметтік тапсырыс көлемі 41%-ға, ал гранттық жобалар саны 33%-ға артты. Өткен жылдың өзінде 2 мыңнан астам әлеуметтік жоба жүзеге асырылды.Айта кетейік, 2008 жылдан бастап ҮЕҰ саны шамамен 2,5 есе артты. Бүгінде елімізде 22 мыңнан астам үкіметтік емес ұйым тіркелген, оның 18 мыңы белсенді жұмыс істейді.Биыл қазан айында Қазақстанның XII Азаматтық форумы өтеді. Бұл – мемлекет пен азаматтық сектор арасындағы өзара іс-қимылдың тағы бір жарқын көрінісі болмақ. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/947179

ҚР Еңбек және халықты әлеуметтік қорғау министрлігінің (бұдан әрі – Еңбекмині) кеңейтілген алқа отырысында министр Светлана Жақыпова мүгедектігі бар адамдарды техникалық құралдармен және оңалту қызметтерімен қамтамасыз ету, объектілердің қолжетімділігін арттыру және оңалту іс-шараларының нәтижелері бойынша жүргізіліп жатқан жұмыстар туралы баяндады.Іс-шараға ҚР Премьер-Министрінің орынбасары Ермек Көшербаев, Парламент депутаттары, ҚР Президенті Әкімшілігінің және Үкімет аппаратының өкілдері, ЕХӘҚ вице-министрлері, аппарат басшысы, комитет төрағалары, департамент директорлары, ЕХӘҚМ бағынысты ұйымдарының басшылары, орталық мемлекеттік органдардың өкілдері, облыстар мен Астана, Алматы, Шымкент қалаларының әкімдерінің орынбасарлары, жұмыспен қамтуды үйлестіру және әлеуметтік бағдарламалар басқармаларының басшылары мен әлеуметтік әріптестер және өзге де жауапты лауазымды тұлғалар қатысты.Алқа отырысы барысында Светлана Жақыпова мүгедектігі бар адамдардың өмір сүру сапасын арттыру мәселелеріне ерекше назар аударды.Бүгінде 737,4 мың адам немесе халықтың 3,6%-ның мүгедектігі бар. Олардың жартысынан көбі еңбекке қабілетті жастағы адамдар, 15%-дан астамы балалар, 30%-ға жуығы зейнеткерлер.18 жастан асқан адамдар арасында мүгедектіктің себептері ішінде психикалық бұзылулар (18,1%), қан айналымы жүйесінің аурулары (17,2%) және жарақаттар (12,9%) басым. Балалардың мүгедектігінде жүйке жүйесінің аурулары (26%), туа біткен ақаулар (24,6%) және психикалық бұзылулар (23,8%) басым. Соңғы 3 жылда балалардың мүгедектік көрсеткіші 10% - ға өсті.«2024 жылы Әлеуметтік қызметтер порталы арқылы мүгедектігі бар 512,3 мың адам техникалық құралдармен және оңалту қызметтерімен қамтылды.Министрлік тұрақты негізде Порталды жаңарту бойынша жұмыс жүргізуде. Жыл басынан бері жосықсыз жеткізушілердің 3400 өтінімі алынып тасталды, 5 мыңнан астам қайталанатын карточкалар жойылды, соның ішінде түрлі жалған акциялар өткізіп, сыйақылармен жарнама жасағандар бар. Жеткізушілердің қызметіне қойылатын талаптар күшейтілді, атап айтқанда 3 күн ішінде өнімді беру немесе тауарларды жеткізу туралы мәліметтер болмаған кезде тапсырыс жойылады. Сондай-ақ тауарлар мен қызметтердің құнын өтеу үшін ұсынылатын кепілдендірілген соманы айқындау әдістемесі қайтадан қаралуда», – деді Светлана Жақыпова.Мүгедектігі бар адамдар үшін объектілердің қолжетімділігін қамтамасыз ету мониторингі интерактивті қолжетімділік картасы арқылы жүзеге асырылады. 2024 жылы әлеуметтік нысандардың 40%-дан астамы қолжетімділікпен қамтамасыз етілді, 2695 тексеру іс-шаралары жүргізілді. Биыл бұл көрсеткіш 60% - ға дейін ұлғайтылады.«Елімізде мүгедектігі бар адамдарға арналған 4 жаңа заманауи оңалту орталығы (Семей, Тараз, Кентау және Орал қалалары) және аутизм спектрі бұзылған және басқа да ментальды бұзушылығы бар балаларға арналған 7 күндізгі болу орталығы (Шымкент, Павлодар, Өскемен, Талдықорған, Тараз, Қостанай және Ақтөбе қалалары) ашылды.Төрт өңірде «Қазақстан Халқына» қорымен бірлесіп, инновациялық оңалту құралдарын қолдана отырып, үйде тірек-қимыл аппараты бұзылған балаларды оңалту бойынша пилот іске асырылуда (Семей, Қызылорда, Павлодар, Шымкент қалалары)», – деді Светлана Жақыпова.Министр оңалту іс-шараларының бақылауы мен тиімділігін арттыру үшін Оңалтудың цифрлық күнделігі іске қосылғанын, нозология түрлері бойынша әлеуметтік оңалту хаттамалары әзірленгенін айтты.2024 жылы 13 мыңға жуық адам толық оңалтудан (қайта куәландырылған мүгедектігі бар адамдардың 7,2%) өтті және 11 мыңнан астамы анағұрлым жеңіл мүгедектік тобына ауыстырылды.Сөз соңында Светлана Жақыпова Еңбекмині 2025-2030 жылдарға арналған инклюзивті саясат тұжырымдамасын іске асыруға кіріскенін, оның шеңберінде мүгедектікті танудың дәстүрлі және медициналық модельдерінен әлеуметтік-құқық қорғау моделіне көшу жүзеге асырылатынын хабарлады.Ақпарат көзі : https://www.gov.kz/memleket/entities/enbek/press/news/details/947228

ҚР Еңбек және халықты әлеуметтік қорғау министрлігінің (бұдан әрі – ЕХӘҚМ) кеңейтілген алқа отырысында министр Светлана Жақыпова еңбек қатынастарын реттеу саласындағы негізгі сын-тегеуріндерді айтып, оларды шешу бойынша қабылданған және жоспарланған шаралар туралы хабарлады.Іс-шараға ҚР Премьер-Министрінің орынбасары Ермек Көшербаев, Парламент депутаттары, ҚР Президенті Әкімшілігінің және Үкімет аппаратының өкілдері, ЕХӘҚ вице-министрлері, аппарат басшысы, комитет төрағалары, департамент директорлары, ЕХӘҚМ бағынысты ұйымдарының басшылары, орталық мемлекеттік органдардың өкілдері, облыстар мен Астана, Алматы, Шымкент қалаларының әкімдерінің орынбасарлары, жұмыспен қамтуды үйлестіру және әлеуметтік бағдарламалар басқармаларының басшылары мен әлеуметтік әріптестер және өзге де жауапты лауазымды тұлғалар қатысты.Светлана Жақыпова өз сөзінде еңбек қатынастарын реттеу ЕХӘҚМ қызметінің маңызды бағыты болып табылатынын атап өтті. Министр осы саладағы негізгі сын-тегеуріндерге тоқталып, ведомствоның проблемалық мәселелерді қалай шешетінін айтты.Біріншісі – бейресми еңбек қатынастарының болуы. Еңбек шартынсыз жұмыс істеу, кірістерді жасыру, еңбекақы төлеу бойынша берешек мәселелері өзекті болып қала береді. Бұл әлеуметтік тәуекелдер туындаған кезде қызметкер үшін жағымсыз салдарға әкеледі.«Өткен жылы еңбек инспекторлары 5,6 мың кәсіпорынды тексерді, еңбек шартынсыз 200-ден астам жұмыс фактісі анықталды, 3,7 млрд теңге сомасына жалақы бойынша берешек өндірілді, 2,8 мың кәсіпорын жоғары тәуекел аймағынан шығарылды. Бұл ретте 49 кәсіпорында шамамен 950 млн теңге сомаға 1343 жұмыскер алдындағы жалақы бойынша берешек сақталады», – деді министр.Министр ЕХӘҚМ қызметкерлерінің еңбек қатынастары мен кепілдіктерінің ашықтығын қамтамасыз ету үшін бірқатар цифрлық шешімдерге бастамашылық жасалғанын айтты: жұмыс берушінің HR Enbek ақпараттық жүйесіндегі кәсіпорындардың штат кестесін декларациялауы; еңбек және ұжымдық шарттар жасасу рәсімін электрондық форматқа ауыстыру; еңбек жанжалдарын дәлірек болжау және алдын алу үшін еңбек тәуекелдері картасының функционалын кеңейту.«Ұсынылған шаралар жұмыс берушілердің еңбек шарттарында көзделген міндеттемелерді орындауын қамтамасыз етеді, сондай-ақ жұмыскерлердің еңбек жағдайларына мониторинг жүргізуге мүмкіндік береді», – деп атап өтті Светлана Жақыпова.Екінші сын-қатер – жұмыскерлердің біліктілігінің төмен деңгейі. Бейіндік білімі бар көптеген жұмысшылар еңбек өнімділігін арттыру үшін қажетті дағдыларға ие емес. Жалақының өсуі кәсіби құзыреттілікті ескермей, әкімшілік әдістермен көбірек қамтамасыз етіледі.«Жұмыс берушілер мен қызметкерлерді біліктілік жүйесіне тарту мақсатында «Кәсіптік біліктілік туралы» Заңға сәйкес бірқатар шаралар іске асырылды. Сұранысқа ие 12 мың құзыретті қамтитын Цифрлық дағдылар банкі құрылды, бұл еңбек нарығының өзекті қажеттіліктерін дәлірек анықтауға мүмкіндік береді. Сұранысқа ие 4 500 мамандық үшін 800-ден астам кәсіптік стандарттар әзірленді, олар жоғары оқу орындары мен колледждердің 11 мыңнан астам білім беру бағдарламаларына негіз болды. Бұл еңбек нарығының талаптарына жауап беретін кадрларды даярлауды қамтамасыз етеді», – деді ЕХӘҚМ басшысы.Жақын арада жоспарлануда:- біліктілікті танудың 5 жаңа орталығын ашу, оның 2-і халықаралық стандарттарға сәйкес келеді, бұл құзыреттерді бағалау сапасын арттырады;- мемлекеттік органдар мен бизнестің ұсыныстары негізінде 800 жаңа кәсіпті қоса отырып, Ұлттық қызметтер сыныптауышы жаңарту;- Еуропалық біліктілікті ескере отырып, Ұлттық біліктілік шеңберін өзектендіру. Бұл отандық дипломдарды шетелде тануға және өмір бойы оқыту тұжырымдамасын дамытуға ықпал етеді.Үшіншісі – жарақат және зиянды еңбек жағдайлары.Еңбекмині қабылдаған еңбекті қорғау саласындағы кешенді шаралар 2024 жылы тұтастай алғанда өндірістік жарақаттануды төмендету бойынша оң серпінді сақтауға мүмкіндік берді. Мәселен, өткен жылы зардап шеккендердің саны 2023 жылғы деңгейге қарағанда 4,5% - ға, ал өлім-жітім саны 19,5% - ға азайды.«2024 жылы еңбекті мемлекеттік бақылау функциялары Халықаралық еңбек ұйымының стандарттарына сәйкес Еңбекминінің қарамағына қайтарылды. Осылайша, мемлекеттік бақылау нәтижелері бойынша шешімдер қабылдау кезінде еңбек инспекторларының тәуелсіздігі мен бейтараптығы қамтамасыз етілді.Зиянды еңбек жағдайларында жұмыс істейтін жұмыскерлердің әлеуметтік қорғалуын арттыру үшін арнаулы әлеуметтік төлемдер енгізілді. Өткен жылдың қорытындысы бойынша 17 млрд теңге сомасына 13 мыңнан астам адамға төлемдер тағайындалды», – деді Светлана Жақыпова.Бұдан басқа, заңнамалық деңгейде «ескерту» санкциясын «айыппұлға» ауыстыру және айыппұлдарды екі есеге ұлғайту бөлігінде еңбекті қорғау саласындағы талаптарды бұзғаны үшін жауапкершілікті қатаңдату жөнінде шаралар қабылданды.Кәсіпорындардың цифрлық картасы енгізілді, ол нақты уақыт режимінде еңбек жағдайларына мониторинг жүргізуге мүмкіндік береді.Өндірістегі жазатайым оқиғаларды тергеудің жеделдігі мен ашықтығы FSM мобильді қосымшасын енгізу арқылы артады.Сонымен қатар зиянды еңбек жағдайларында 519 мың жұмыскер жұмыс істейді. Адам шығынымен аяқталған топтық жазатайым оқиғалар және өндірістік жарақаттануды жасыру фактілері бар.Осыған байланысты Мемлекет басшысының тапсырмасын орындау үшін еңбекті қорғау саласындағы қадағалау мен бақылау тетіктерін қатаңдату жөніндегі келесідей шараларды іске асыру жоспарлануда:1) жұмыс орындарында кәсіптік тәуекелдерді бағалаудың жаңа әдістемесін енгізу;2) қауіпті жұмыстарды шұғыл тоқтата тұру үшін мемлекеттік еңбек инспекторларына қадағалау функцияларын беру;3) төтенше жағдайлар тәуекелдері туралы ерте хабарлау жүйелерін енгізу (мобильді қосымшалар, арнайы датчиктер және басқа да заманауи технологиялық шешімдер);4) кәсіптік тәуекелдерді бағалауды жүргізу бойынша мамандандырылған ұйымдарға қойылатын талаптарды күшейту;5) мемлекеттік ақпараттық жүйелердің деректері негізінде кәсіпорынға бармай профилактикалық бақылау мүмкіндіктерін кеңейту.Ақпарат көзі : https://www.gov.kz/memleket/entities/enbek/press/news/details/947257

Ағымдағы жылдың 1 наурызынан бастап фермерлер үшін қолжетімділікті кеңейтуге бағытталған Агроөнеркәсіптік кешен субъектілерін инвестициялық субсидиялау қағидаларына өзгерістер қолданысқа енгізіледі. Импорттық ауылшаруашылық техникасын 2024 жылдың 25 мамырына дейін (қоса алғанда) сатып алған фермерлер үшін субсидиялау қайта басталады. Осы бағыт шеңберінде фермерлер астық және бұршақ дақылдарын себуге арналған сепкіштерді, егіс кешендерін, соқаларды, тырмаларды, қопсытқыштарды, тіркемелі және аспалы орақтарды, пресс-жинағыштар мен шөп шапқыштарды қоса алғанда, агрегаттардың қажетті тізбесін сатып алуға жұмсалған шығындардың 15% өтей алады. Егін шығынын азайту үшін зиянкестерге қарсы дақылдарды өңдеу үшін пайдаланылатын жылжымалы астық кептіргіштер мен дрондарды, сондай-ақ аспалы және тіркемелі желдеткіш бүріккіштерді субсидиялау түрінде қолдау қарастырылған. Ақбөкендердің ауыл шаруашылығы мақсатындағы жерлерді таптап кету жағдайларын болдырмау мақсатында осы мәселе өзекті болып табылатын облыс әкімдіктерінің жергілікті бюджет қаражаты есебінен қоршауларды (топсалы тор және бағаналар) инвестициялық субсидиялау көзделген. Сенім білдірілген өкілдер (агенттер) арқылы қаржыландыруды алатын АӨК субъектілері үшін субсидиялауды таратуға қатысты түзетулер қабылданды. Қазіргі уақытта мұндай бағдарламалар ауылдық елді мекендерде және шағын қалаларда микрокредит беру қағидалары ("ауыл аманаты" бағдарламасы) және АӨК саласындағы жобаларға кредит беру қағидалары (СҚО тәжірибесін тираждау) шеңберінде іске асырылуда. Қаржы лизингі шеңберінде сатып алынған техника, машиналар мен жабдықтар бойынша субсидиялауға өтінімдер беру кезінде субсидиялауды оңтайландыру үшін шот-фактураны ұсыну жөніндегі талап алынып тасталды. Мемлекет басшысының тапсырмасы және ҚР Парламенті Мәжілісі депутаттарының ұсынысы бойынша өңделген өнім үлесін ұлғайту шеңберінде құрғақ сүт және/немесе сүт сарысуын өндіруге арналған жабдықтар сатып алу енгізілді. Қант зауыттарын құру және кеңейту кезіндегі шығындарды өтеу үлесі 25% - дан 40% - ға дейін ұлғайды. Отандық құс шаруашылығын ұлғайту жөніндегі міндеттерді іске асыру мақсатында жұмыртқа және ет бағытындағы құс шаруашылығында асыл тұқымды репродукторды құру және кеңейту кезінде шығындарды өтеу үлесі 25% - дан 40% - ға дейін ұлғайтылды. Бұл жұмыртқа құс фабрикаларын соңғы үлгідегі тәуліктік тауықтармен қамтамасыз ету мәселесін шешуге мүмкіндік береді. 40% өтем үлесімен тауық жұмыртқасын қайта өңдеу зауытын салу мен кеңейтуді субсидиялау жөніндегі бағыт енгізілді. Бұл өзгерістер фермерлер мен аграрлық кәсіпорындарға, әсіресе жабдықтар мен басқа да өндірістік ресурстарға бағаның өсуі жағдайында қаржылық жүктемені азайтуға, ауыл шаруашылығы өндірісінің өсуі мен жаңғыртылуын ынталандыруға, сондай-ақ оның ішкі және халықаралық нарықтардағы бәсекеге қабілеттілігін нығайтуға мүмкіндік береді.Ақпарат көзі : https://www.gov.kz/memleket/entities/moa/press/news/details/947089

Соңғы уақытта әлеуметтік желілерде және онлайн-хабарландыру платформаларында азаматтардың кез келген санаты үшін зейнетақы жинақтарының ең төменгі жеткіліктілік шегінен (ТЖШ) асатын бөлігін алу бойынша төмен пайызбен делдалдық қызметтер көрсету туралы ұсыныстар таратылуда. Сондай-ақ, "делдалдар" БЖЗҚ мен уәкілетті операторлардың логотиптерін пайдалана отырып, зейнетақы жинақтарын алу бойынша жақын арада өзгерістер күтілетіні туралы хабарлайды. БЖЗҚ мұндай ақпараттың шындыққа жанаспайтынын тағы да қатаң түрде ескертеді.               Сондай-ақ, зейнетақы жинақтарын ҚР Әлеуметтік кодексінде көзделген жағдайларда ғана алуға болатынын ескертеміз. Ең алдымен, ол - зейнет жасы, мерзімсіз уақытқа 1 немесе 2 топ мүгедектігінің белгіленуі, ҚР аумағынан тыс ТТЖ кету, мұрагерлік. Зейнетақы жинағының бір бөлігін тұрғын үй жағдайын жақсарту және/немесе емделу ақысын төлеу мақсатына заңмен бекітілген талаптарды орындаған жағдайда, мына санаттағы азаматтар құқылы:    ең төменгі жеткіліктілік шегінен асатын жинағы бар салымшылар (ең төменгі жеткіліктілік шегінен асатын сома мөлшерінде);зейнетақысы жоғалтқан табысының (бұрын алынған жалақысының) кемінде 40% құрайтын зейнеткерлер – олар шотта қалған жинағының 50% дейін пайдалана алады;еңбек сіңірген жылдары бойынша зейнеткерлер (жинағының 100% дейін);зейнетақы аннуитеті шартын жасасқан салымшылар (жинағының 100% дейін). Зейнетақы жинақтарын тұрғын үйге немесе емделуге мақсатты пайдалану тек уәкілетті операторлар – екінші деңгейдегі банктер арқылы ғана мүмкін. Тиісінше, делдалдық қызметтер қажет емес. Бұл ретте БЖЗҚ ешқандай ақы алмайды.Күмәнді әрекетке қатысуға келісе отырып, сіз ақшаңызды жоғалту қауіпін тудырып қана қоймай, болашақта басқа алаяқтық әрекеттер үшін пайдаланылуы мүмкін жеке деректеріңіздің сақталуына да қауіп төндіресіз.БЖЗҚ өз салымшылары мен алушыларына мұндай ұсыныстарды елемеуге, тек ресми көздерден ақпарат алуға және құқықтық тұрғыдан қорғалған салада ғана әрекет етуге қатаң кеңес береді.Барлық сауалдарыңызға жауап алып, өз зейнетақы жинағыңызды мақсатты пайдалану мен аударуға қатысты ақпараттың дұрыстығын БЖЗҚ бөлімшелерінде де, қашықтықтан да:enpf.kz сайты, БЖЗҚ/ЕНПФ ұялы қосымшасы арқылы,байланыс орталығының 1418 нөміріне қоңырау шалу жолымен көпарналы тегін байланыс немесе +7 777 000 1418 нөмірі бойынша WhatsApp арқылы,БЖЗҚ-ның Одноклассники, Telegram, Facebook, Вконтакте, Х және Instagram сияқты танымал платформалардағы әлеуметтік желілердегі ресми парақшалары арқылы да  тексере аласыз.Ақпарат көзі : https://www.gov.kz/memleket/entities/pavlodar-zhelezinka/press/news/details/965540?lang=kk

Биыл Ордабасы аудандық орталық ауруханасы заман талабына сай жаңа медициналық құрылғылармен жабдықталған-ды. Атап айтқанда, магниттік-резонанстық томография (МРТ), стационарлық ангиография құралдарымен толықты.Заманауи үлгідегі аппараттар диагностикалық зерттеу барысында дәрігерлерге нақты ақпарат беру арқылы олардың жұмысын жеңілдетіп, диагнозды анықтауға көмектеседі.Магниттік-резонанстық томография (МРТ) және Компьютерлік томография (КТ) Ордабасы, Бәйдібек аудандары мен Арыс қаласының тұрғындарына жүйке жүйесі аурулары (бас және жұлын миы), тірек-қимыл аппараттары (омыртқа, бұлшық ет-буындық жүйе, буындар) тағы бірқатар ішкі құрылыс ауруларын диагностикалауда қолданылып жатыр.Бүгінде озық үлгідегі жабдықтардың көмегімен Ордабасы, Бәйдібек, Арыс аудандарында науқастарға шұғыл және жоспарлы түрде жасалып жатқан кардиологиялық, неврологиялық, хирургиялық оталар сәтті аяқталуда. Енді тұрғындар аудан деңгейінде тиісті медициналық көмек алу мүмкіндігіне ие.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/946642

Түркістан қаласында жол қауіпсіздігін сақтау және автокөлік кептелісін болдырмау мақсатында, полиция басқармасының жол және техникалық инспекциясы тобы әкімдікке 440 ұйғарым мен 15 ұсыныс хат жолдаған. Сонымен қатар 2400 жол белгісі мен 480 метр жол кедергісі орнатылған. Бұл туралы Түркістан қалалық полиция басқармасының бастығы Жасұлан Нысанбаев халыққа есеп беру жиынында баяндады.Шараға қала әкімі Әзімбек Пазылбекұлы, прокурор Кәукен Нәрікбаев және тұрғындар мен жеке құрам қатысты.Түркістандық тәртіп сақшыларының жүйелі жүргізген шаралары нәтижесінде өткен жылы ауыр және аса ауыр қылмыстардың ашылымы 88,9%-ға, бөтеннің мүлкін ұрлау 92,3%-ға, пәтер ұрлығы 78,9%-ға, есірткі қылмысы 82,4%-ға жақсарған.Жиын барысында полиция подполковнигі Ж.Нысанбаев азаматтардың сауалдарына жауап беріп, ұсыныс-пікірлерін тыңдады. Жұртшылықпен қылмыстарды болдырмау мәселесін талқылады. Кездесу соңында тұрғындар полицияның жұмысына оң бағасын беріп, алдағы жұмыстарына сәттілік тіледі.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/946646

Ақпарат көзі : https://www.gov.kz/memleket/entities/ontustik/press/news/details/946649

Түркістан облысы бойынша жыл басынан бері жергілікті бюджетке 30,2 млрд. теңге көлемінде салық түсіп, өсу қарқыны 131%-ды құрады. Биыл қосымша кіріс көздерін анықтау мақсатында салық заңнамаларының негізінде әкімшілендіру, салықтық тексеру, өндіріп алу, жанама салықтарды әкімшілендіру жұмыстары жүргізіліп, жоспарды болжаммен 10 млрд. теңге көлемінде орындау жоспарлануда. Түркістан облысының әкімі Нұралхан Көшеровтің төрағалығымен өткен мәжілісте бюджет түсімдерін ұлғайту мақсатында 2025-2026 жылдарға арналған іс-шара жоспарлары мен бюджет шығыстарын оңтайландыру мәселесі қаралды.Жиында Түркістан облысы бойынша Мемлекеттік кірістер департаментінің басшысы Мақсат Нұрахаев жыл басынан бері атқарылған жұмыстар туралы баяндап, алдағы жоспарлармен бөлісті. Оның мәлімдеуінше, қосымша кіріс көздерінен жалпы 1,6 млрд теңге есептелініп, өндірілді. Сондай-ақ өндірістік емес төлемдерден анықталған қосымша кіріс көздерінен алынған мәліметтерге сәйкес, 148 млн. теңге өндірілген. Мәжілісте салықтан жалтару жайттары жайлы айтылды. Анықталғандай, ауыл шаруашылығы саласында мемлекеттен субсидияға 30 млрд теңгеден астам қаражаттан түсетін салық көлемі мардымсыз. Ауыл шаруашылығы бойынша субсидияланған кәсіпкерліктер туралы басқарманың мәліметтері Мемлекеттік кірістер департаментінің мәліметіне сәйкес келмейді. Бұл бойынша терең зерделеу жұмыстары жүргізіледі.Аймақ басшысы жауапты тұлғаларға бюджет түсімін ұлғайтуды, шағын және орта кәсіпкерлік субъектілерінің үлесін арттырып, бюджет шығыстарын оңтайландыруды, «көлеңкелі» экономиканың көлемін төмендету бойынша жұмыстарды күшейтуді тапсырды.– Жергілікті бюджеттің әлеуеті жоғары. Жұмысты жүйелеп, жандандыра түсу керек. Кәсіпкерлермен, инвесторлармен салық заңнамаларын түсіндіру жұмыстарын күшейтіңіздер. Мемлекеттен бөлінген субсидияларды назарға алып, жұмысшылар саны мен салық мәселелерін реттеп, жұмыс нәтижесін бақылаңыздар. «Көлеңкелі» экономиканы төмендету жұмыстарын күшейтіп, халықтың салықтық сауаттылығын арттыру керек. Қажетсіз жобалардан бас тартып, қаржыны өндіріс орындарын ашуға, жаңа жұмыс орындарын құруға бағыттау қажет. Инвесторлар тарту жұмыстарын күшейтіп, инфрақұрылымды жақсарту жұмыстарын атқарған жөн. Аудан, қала әкімдері мен басқарма басшыларына бюджет шығындарын оңтайландыру жұмыстарын күнделікті жүргізуді тапсырамын. Бірінші кезекте – қажеттіліктерді айқындап, шығындарды қысқарту. Облыс бюджетін қайта қарап, ұсыныс енгізіңіздер, – деген Нұралхан Оралбайұлы бюджетті нақтылау бойынша бірқатар міндет жүктеді.Жиын барысында бюджет шығыстарын оңтайландыру туралы Облыстық экономика және бюджеттік жоспарлау басқармасының басшысы Қанат Қайыпбек баяндады. Оның айтуынша, қосымша кіріс көздерін анықтауға бағытталған іс-шара жоспары әзірленді. Қазіргі таңда іс-шара жоспарының әрбір тармақтарына түгендеу жұмыстары жүргізіліп, нақтыланды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/946692

Бүгін Қазақстан Республикасының Қаржы министрі Мәди Такиев Халықаралық Валюта Қорының (ХВҚ) Қазақстан бойынша миссиясының жаңа басшысы Николя Бланшенің орнына келген Али Аль-Эйдпен кездесу өткізді.Мәди Такиев Али Аль-Эйдті тағайындалуымен құттықтады және ХВҚ Келісім баптары аясында тұрақты миссиялар, мақсатты консультациялар жүргізгені және Қазақстан Республикасының мемлекеттік органдарына ХВҚ тарапынан техникалық көмек көрсеткені үшін ризашылығын білдірді. Кездесу барысында ХВҚ мен Қазақстан арасындағы өзара іс-қимыл, оның ішінде Алматы қаласындағы Кавказ, Орталық Азия және Моңғолияның әлеуетін дамыту өңірлік орталығының мәселелері талқыланды.Ақпарат көзі : https://www.gov.kz/memleket/entities/minfin/press/news/details/946589

Астана, 2025 жылғы 26 ақпан – Президенттік орталықта БҰҰ-ның 80 жылдығына арналған панельдік пікірталас өтті. Іс-шараға Қазақстан Республикасы Сыртқы істер министрінің бірінші орынбасары Ақан Рахметуллин, БҰҰ-ның Қазақстандағы Тұрақты үйлестірушісінің м.а. Стивен О'Малли қатысты. Панелистер ретінде Бразилияның Елшісі Марсель Фортуна Биато, «Қоғамдық пікір» зерттеу институтының директоры Ботагөз Ракишева, Түркияның Елшісі Мұстафа Капуджи және ҚСЗИ Халықаралық қауіпсіздік бөлімінің басшысы Дәурен Әбен сөз сөйледі. Қатысқан қонақтардың арасында дипломатиялық миссиялардың, халықаралық ұйымдардың басшылары мен БАҚ өкілдері болды.Пікірталас барысында қатысушылар БҰҰ-ның мерейтойлық жылдығына бағытталған халықаралық күн тәртібінің өзекті мәселелерін, сондай-ақ Қазақстанның көпжақты дипломатияны дамытуға қосқан үлесін және ядролық қарусыздануды, өңірлік қауіпсіздікті нығайтуды және инклюзивті жаһандық тәртіпті қолдауды қоса алғанда, бітімгершілік бастамаларды ілгерілету жөніндегі елдің күш-жігерін талқылады.Өз сөзінде А.Рахметуллин БҰҰ-ның жаһандық сын-тегеуріндерді шешудегі стратегиялық рөліне назар аудара отырып, осы тұрғыда Қазақстан халықаралық ынтымақтастыққа белсенді түрде ықпал етуді жалғастырып жатқанын және әлемдік қоғамдастық алдында тұрған проблемаларды шешуде көпполярлы тәсілді қолдайтынын атап өтті.«Президент Қасым-Жомарт Тоқаев бұрын мәлімдегендей, «бұл әмбебап ұйымға балама жоқ». БҰҰ-ның 80 жылдығы – бұл мерейтой ғана емес, сонымен қатар қазіргі әлемдегі мультилатерализмнің рөлін түсінудің маңызды кезеңі. Біз жаһандық сын-қатерлерді бірлескен күш-жігер мен халықаралық ынтымақтастық арқылы ғана тиімді шешуге болатынына сенімдіміз», – деп баяндады қазақстандық дипломат.Өз тарапынан С.О'Малли: «Қазіргі жаһандық сын-қатерлер жағдайында халықаралық ынтымақтастық тұрақтылық пен орнықты дамуды қамтамасыз етудің негізгі құралы болып қала береді. Қазақстан бейбітшілік пен тұрақтылықты ілгерілетуде көшбасшылықты дәйекті түрде көрсетіп келеді, ал бүгінгі пікірталас болашақтың ортақ көзқарасын қалыптастыруға мүмкіндік беретінін», – деп атап өтті.Бұл іс-шара көпқырлы әлем контекстінде жаһандық қауіпсіздік пен орнықты дамудың өзекті мәселелерін талқылауға мүмкіндік берді. Пікірталас аясында қатысушылар жаһанданудың үдемелі қарқынымен және жаңа технологиялардың дамуымен қатар жүретін халықаралық жүйедегі өзгерістерді талқылады. БҰҰ-ның жаңа сын-тегеуріндерге бейімделуі және ұйымның бейбітшілік пен жаһандық қауіпсіздікті қолдаудағы рөлін одан әрі нығайтудың маңыздылығы де қозғалды.Ақпарат көзі : https://www.gov.kz/memleket/entities/mfa/press/news/details/946557

Абуджа, 2025 жылғы 25 ақпан – Қазақстан Республикасы Сыртқы істер министрінің орынбасары Әлібек Қуантыров Нигерияның Коммуникациялар, инновациялар және цифрлық экономика министрі Босун Тиджанимен кездесу өткізіп, ғарыштық технологиялар, электрондық үкімет және финтех шешімдері саласындағы ынтымақтастық перспективаларын талқылады.Қазақ тарапы цифрлық платформаларды дамыту, электрондық үкіметті енгізу және озық финтех шешімдерін құру тәжірибесімен бөлісуге дайын екенін білдірді. Тараптар бірлескен бастамаларды дамыту және цифрлық салада нақты жобаларды іске асыру жөнінде уағдаласты.Сонымен қатар Алжир Халық Демократиялық Республикасындағы ҚР Елшісі Ануарбек Ахметов Нигерияның Сауда-өнеркәсіп палатасы өкілдерімен кездесу өткізіп, екі елдің бизнес-қоғамдастықтары арасындағы іскерлік байланыстарды жандандыру жолдарын талқылады. Кездесу барысында тараптар қазақстандық және нигериялық компаниялардың өзара нарыққа шығуына жәрдемдесудің механизмін әзірлеу және бірлескен кәсіпорындарды дамыту бойынша бастамаларды қарастыру туралы келісімге келді.«Kazakh Invest» ҰК» АҚ басқарма төрағасының орынбасары Мадияр Сұлтанбек Нигерияның Инвестицияларды дамыту комиссиясы өкілдерімен келіссөздер өткізіп, шетелдік инвестицияларды тарту тәжірибесімен алмасты және ынтымақтастықтың перспективалық бағыттарын талқылады. Сонымен қатар ол Нигерияның Қаржылық интеграция министрлігінің басшылығымен кездесті. Нигерия тарапы даму институттары арқылы қаржыландыру құралдарына және мемлекеттік кәсіпорындарды тиімді басқару модельдеріне ерекше қызығушылық білдірді.Сапар аясында қазақстандық және нигериялық кәсіпкерлер арасында B2B форматындағы кездесулер өтті. Талқылаулар барысында сауда көлемін кеңейту, бірлескен жобаларды іске қосу және өндірісті жергілікті деңгейде дамыту мүмкіндіктері қарастырылды. Келіссөздер энергетика, тау-кен металлургиясы, қаржы, көлік және логистика, сондай-ақ агроөнеркәсіп кешені салаларындағы компаниялардың қатысуымен өтті.Қазақстан делегациясының сапары аясында банкінің АХҚО-да филиал ашуын және исламдық қаржы саласындағы ынтымақтастықты бастауды көздейтін АХҚО мен «Taj Bank Nigeria» арасындағы өзара түсіністік туралы меморандумға және ғарыш қызметі саласындағы бірлескен жобаларды дамытуды көздейтін «Kazakhstan Gharysh Sapary» ҰК» АҚ мен «Suburban Broadband Limited» арасындағы ынтымақтастық туралы меморандумға қол қойылды.Ақпарат көзі : https://www.gov.kz/memleket/entities/mfa/press/news/details/946687