ҚР Өнеркәсіп және құрылыс министрлігі Қазақстан Республикасының аумағынан түсті және қара металдардың сынықтары мен қалдықтарын, сондай-ақ пайдалануда болған құбырларды, рельстерді, теміржол төсемінің элементтерін және жылжымалы құрамды темір жол көлігімен әкетуге тыйым салуды енгізу туралы бұйрықтың жобасын жариялады.Бұл норма отандық металлургиялық кәсіпорындарды шикізатпен қамтамасыз ету және тиеу мақсатында қабылданды, өйткені ел ішінде қайталама металдарды барынша қайта өңдеу неғұрлым жоғары қосылған құны бар өнім өндірудің, сондай-ақ экологиялық тазалық пен ең аз энергия шығыны үшін стратегиялық маңызды бағыт болып табылады. Министрлік өнеркәсіпті мемлекеттік ынталандыру саласындағы уәкілетті орган ретінде соңғы бірнеше жыл ішінде ішкі және сыртқы нарықтарға бағдарлана отырып, болат өнеркәсібі өндірісін кеңейтуге бағытталған дәйекті жұмыстарды жүргізіп келеді. Бұл ұлттық өнеркәсіптік саясатты дамытудың негізгі элементі болып табылады.Бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.Ақпарат көзі : https://www.gov.kz/memleket/entities/mps/press/news/details/923563

Бүгін ҚР Өнеркәсіп және құрылыс вице-министрі Олжас Сапарбеков энергетикалық және коммуналдық саласын жаңғырту тақырыбындағы брифингте сөз сөйледі.Ол ұлттық жоба аясында отандық тауарларды барынша пайдалану жоспарларына тоқталды. «Энергетикалық және коммуналдық саласын жаңғырту» ұлттық жобасы аясында отандық тауарларды қолдануға және инвестициялар тартуға бағытталған. Бұл бәсекеге қабілеттілікті арттырып, отандық кәсіпорындардың өндіріс көлемін ұлгайтуға мүмкіндік береді», – деді Олжас Сапарбеков.Құжат шеңберінде жеткізушілер арасында отандық өндірілген өнімнің үлесін 2025 жылы шамамен 20% деңгейінде қамтамасыз ету, 2029 жылға дейін 60% шамасындағы шекке жету үшін міндеттер белгіленген.Көрсеткішке қол жеткізу мақстында, елде жаңа өндiрiс қуаттарын ашу мақсатында оффтейк келісім-шарттар жасау, жеткізушілер мен мердігерлер арасындағы өзара ашық әрекеттесу үшін электрондық сатып алу алаңын әзірлеу сияқты отандық тауар өндірушілерді қолдау шаралары әзiрлендi.Энергетика және коммуналдық салаларды жаңғырту шеңберінде қажетті өнім түрлерінің тізбесі әзірленді. Алдын ала мәліметтер бойынша, тізім сомасы шамамен 4 трлн теңге құрайтын 1 000-нан аса тармақтан тұрады. Бұл өнімдер желілерді, станцияларды, жылумен жабдықтауды, сумен жабдықтауды және кәрізді жаңғыртуда қажет.700-ден астам өнім түрін шығаратын 187 кәсіпорынның тізімі құрылды.«Отандық кәсіпорындардың темір-бетон бұйымдарына, полиэтилен құбырларына және трансформаторлардың, қазандықтардың, кабельдік бұйымдар мен ажыратқыштардың жекелеген түрлеріне сұранысты толығымен қамтамасыз етуге мүмкіндігі бар», – атап өтті вице-министр.Вице-министр бүгінгі таңда Қазақстанда жалпы сұраныстың ішінде 330-дан астам өнім түрі бойынша өндірісті оқшаулау мүмкіндігі бар екенін айтты.Тауарлардың бұл түрлерін локализациялау үшін офтейк келісім-шарттар жасасу тетігі қарастырылады. Осылайша, табиғи монополия субъектілерінің тауарлардағы қажеттілігі техникалық оператор тарапынан сарапталатын болады. Сарапталған көлем «Казахинвест» және «Qazindustry» ұлттық институттарына ұсыналады. Бұл институттар өндірістің жаңа түрлерін жолға қоюға дайын инвесторларды немесе жұмыс істеп тұрған отандық өндірушілерді іріктеу бойынша жұмыс жүргізеді.Ұлттық жоба аясында отандық тауар өндірушілерді қолдау механизмдерін Қазақстан Республикасының заңнамасына сәйкес нормативті-құқықтық актілерінде бекітуді көздеп отырмыз. Фото Үкіметтің баспасөз қызметіненАқпарат көзі : https://www.gov.kz/memleket/entities/mps/press/news/details/924035

Еске салайық, 2024 жылдың 1 қазанынан бастап Тауарларды таңбалау және қадағалау жөніндегі бірыңғай оператор (Tañba) қазақстандық жеңіл өнеркәсіп тауарларын экспорттаушыларына арналған бақылау сәйкестендіру белгілерін (БСБ) алу қызметін ұсынып келеді. Жаңашылдық 120 қазақстандық экспорттаушыға Wildberries, Ozon және басқа да танымал маркетплейстерінде тоқыма өнімдерін сату үшін оны таңбалауға мүмкіндік берді. Бұрын қазақстандық экспорттаушыларында мұндай мүмкіндік болмаған және олардың тауарларын Ресей Федерациясының аумағындағы маркетплейстері арқылы сату қолжетімсіз болды.2023 жылдың 1 наурызынан бастап Ресейдегі маркетплейстерінде жеңіл өнеркәсіп тауарларын сату алдында оның әрбір таңбалау кодын тексеру міндетті болды. Таңбалау кодын тексермеу бұзушылық болып табылады және ондай жағдай маркетплейс те, таңбаланбаған жеңіл өнеркәсіп тауарларын сатушыларға айыппұл салуына әкеп соғады.Бүгінгі таңда тауар айналымына қатысушылар цифрлық таңбалау жүйесіне белсенді түрде қосылуда, бұл экспортқа, оның ішінде танымал маркетплейстерде тауарларды сатуға жаңа мүмкіндіктер ашады. Бүгінгі таңда тапсырыс берілген БСБ-ның жалпы саны 196 мыңнан астам бірлікті құрады.«Тауарларды таңбалау халықаралық нарықтардағы қазақстандық тауарлардың позициясын нығайтуда маңызды рөл атқарады. Бұл нарықтағы ашықтық пен біздің өнімдерге деген сенімді арттырып қана қоймай, олардың халықаралық стандарттарға сай болуына көмектеседі. Бұл экспортты дамыту және Қазақстанның сенімді сауда серіктесі ретіндегі имиджін нығайту үшін маңызды қадам», - деді аяқ киім таңбалау жобасының жетекшісі Ерлан Қарабаев.Жеңіл өнеркәсіп тауарларына БСБ қолданумен қатар, экспорттаушы тауарды жөнелту құжаттарын ресейлік оператордың таңбалау жүйесі арқылы тауар қабылдушыға жіберуі керек, осылайша ол БСБ-ны алушы елде айналымға енгізеді.Өнімді таңбалау бірқатар елдердегі нарықтар мен маркетплейстерге шығудың міндетті талабы болып табылады. Бұл құрал қазақстандық экспорттаушыларға халықаралық нарыққа шығуды қамтамасыз етеді және тұтынушылардың брендке деген сенімін арттырады.Анықтама үшін: 2020 жылдан бастап «Қазақтелеком» Қазақстандағы тауарларды таңбалау және қадағалау жөніндегі бірыңғай оператор болып тағайындалды. Бүгінгі таңда үш өнім тобына міндетті таңбалау енгізілді: аяқ киім, темекі бұйымдары және дәрі-дәрмек. Ал келесі өнім топтары үшін таңбалау бойынша пилоттық жобалар іске қосылды: мотор майлары, сыра қайнату өнімдері, зергерлік бұйымдар.Ақпарат көзі : https://www.gov.kz/memleket/entities/mps/press/news/details/924212

Командалық-штабтық жұмылдыру оқу-жаттығуы штаб бастығы – «Батыс» өңірлік қолбасшылығы әскерлері қолбасшысының бірінші орынбасары полковник Бағлан Өсербаевтың басшылығымен өтті.ҚР Қарулы күштері Бас штабы Аумақтық қорғаныс департаментінің бастығы генерал-майор Асқар Жоламанов пен «Батыс» өңірлік қолбасшылығы әскерлерінің қолбасшысы генерал-майор Бауыржан Артықов жұмылдыру мәселелерін ұйымдастыру және қойылған міндеттерді орындау жеделдігін қадағалады.Басшылық Аумақтық қорғаныс бригадасы қолбасшылығының жергілікті әскери басқару органдарымен өзара іс-қимыл деңгейін, оның тіркелген құрамды белгіленген мерзімде қабылдау және маңызды объектілерді күзету жөніндегі міндеттерді орындау қабілетін тексерді. Аумақтық қорғаныс бригадасының командирі полковник Нұржан Дәуітов атап өткендей, жеке құрам жауынгерлік және моральдық-психологиялық даярлықтың жоғары деңгейін көрсете отырып, қойылған міндетті толық орындады.– Үш күн ішінде маңызды іс-шаралар өткізілді, атап айтсақ, жұмылдыру барысын басқару жөніндегі штабты ашу, дабылмен көтеру, жұмылдыру ресурстарын қабылдау пункттерін ашу, оларды дайындау үшін оқу орталығын қалыптастыру, әскери қалашық аумағын күзету ұйымдастырылды, – деді ол.Жұмылдыру резервтерін дайындау үшін оқу-жаттығу орталығын қалыптастыру және жауынгерлік іс-қимылдар жүргізуде бөлімшелерді толық жасақтауды ұйымдастыруға ерекше назар аударылды. Қорытындылау кезінде басшылық аумақтық әскерлердің дағдарыстық жағдайда жедел әрекет етуге дайындығының маңыздылығын атап өтті.Ақпарат көзі : https://www.gov.kz/memleket/entities/mod/press/news/details/924267

Ұлттық қорғаныс университетінің бастығы генерал-майор Асқар Мұстабеков Алматыдағы жоғары оқу орындары мен конструкторлық бюрода болды.Satbaev University-де ғылым және корпоративтік даму жөніндегі проректор Ержан Күлдеевпен кездесу өтті. Сұхбаттасушылар инновациялық әзірлемелерді қорғаныс саласына интеграциялау мүмкіндіктерін талқылады. Генерал-майор А. Мұстабеков технопарк пен зертханада ғалымдардың бірегей ізденістерімен танысты. Халықаралық ақпараттық технологиялар университетімен ҚР Ұлттық қорғаныс университеті виртуалды шындық технологиясы негізінде әскери қызметшілер мен тактикалық деңгейдегі жалпы әскери бөлімшелерге жауынгерлік даярлықтың интерактивті кешенін құру жөніндегі бірлескен ғылыми жобаны іске асыруда. Аталмыш жобаны әзірлеушілерімен кездесу барысында жобаның мақсаттары, міндеттері, талаптары және кейбір техникалық аспектілері нақтыланды. Алматыдағы «Алатау» арнайы конструкторлық бюросының ғылыми-өндірістік кәсіпорны» ЖШС-де сериялық өндірістің тұйық технологиясы мен механикалық және климаттық пайдалану сынақтарын жүргізуге арналған зертхана бар. Бұл кәсіпорынның әскери техника мен арнайы техникалық құралдарды әзірлеу және өндіру құқығына лицензиялары бар. Осы артықшылықтарды ескеріп генерал-майор Асқар Мұстабеков өзінің басшылығымен ғылыми жобаларды бірлесіп іске асыруды және қорғаныс бағытындағы тәжірибелік-конструкторлық зерттеулер аспектілерін талқылады.Осылайша, ҚР Ұлттық қорғаныс университеті әскери ғалымдар мен азаматтық сектор өкілдерінің қорғаныс саласындағы күш-жігерін бір арнаға тоғыстырып, жоспарлы жұмыс жүргізуде.Ақпарат көзі : https://www.gov.kz/memleket/entities/mod/press/news/details/924329

Шымкент қаласының әкімі Ғабит Сыздықбеков тұрғындармен бірге Қайтпас-1 және Тәуелсіздікке 20 жыл тұрғын алаптарына газ беруге қатысты. Тұрғын алаптары мен шағын аудандарды кезең-кезеңімен газдандыру аясында 1250-ден астам абонент табиғи газға қол жеткізді.Бұл бағыттағы жұмыстар 5000-нан астам адамның өмір сүру сапасын жақсартуға мүмкіндік берді. Тұрғын үй алаптарында газ құбырларының құрылысы өткен жылдың көктемінде басталып, олардың жалпы ұзындығы шамамен 40 шақырымды құрады.Мегаполис басшысы қала тұрғындарының қуанышына ортақтасып, жауаптыларға алғысын білдірді. Сондай-ақ күнделікті өмірде табиғи газды пайдалану ережелерін сақтау және газ жабдықтарының жай-күйін уақтылы тексеру қажеттігіне тоқталды.Айта кету керек, тұрғын алаптарын газдандыру көмірге тәуелділікті азайтып, ластаушы заттар шығарындыларының деңгейін төмендетуге және мегаполистегі экологиялық жағдайды жақсартуға мүмкіндік береді. Газға қосылуды жеделдету үшін тұрғындар «QazaqGaz Aimaq» АҚ-на өтінімдері мен құжаттарын ұсыну қажет.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/923857

Аким Атырауской области Серик Шапкенов встретился с руководством ТОО «Голдбридж международная компания». Стороны обсудили проект по производству сахара в Атырауской области, сообщает пресс-служба акима области.Глава компании Лина Тайкен рассказала, что они намерены построить завод, который будет производить 144 тысячи тонн сахара в год.– Проект призван покрыть потребность в сахаре не только в регионе, но и в стране в целом. Мы обменялись опытом с ведущей китайской компанией по производству дрожжей из свеклы и досконально изучили ее технологию. Они поддержали наш проект и готовы вложить 80% инвестиций. Реализация нашего проекта в Атырауской области займёт полтора года. Если официальные документы будут готовы вовремя, летом 2026 года запустим завод и, кроме сахара, будем выпускать ещё четыре вида продукции. Просим вас предоставить для этих целей земельный участок, – сказала Л. Тайкен.Серик Шапкенов отметил, что на сегодня 90% сахара завозится из других стран. Глава региона поддержал проект, представленный компанией «Голдбридж», и заверил, что окажет необходимую поддержку.– Для нас это нужный и эффективный проект. Земли Атырау пригодны для выращивания свеклы. Уверен, что благодаря таким проектам мы обеспечим своей продукцией внутренний рынок и откроем путь для развития аграрного сектора. Со своей стороны готовы обеспечить необходимой инфраструктурой, – сказал С. Шапкенов.В завершение глава региона поручил рассмотреть варианты предоставления земельного участка и подготовить необходимые документы для заключения трехстороннего меморандума.Ақпарат көзі : https://www.gov.kz/memleket/entities/atyrau/press/news/details/924021

Аймақ басшысы Серік Шәпкенов «Qatar su» ЖШС копаниясының өкілдерімен кездесіп, жерасты суын өндіру жобасын талқылады,-деп хабарлайды облыс әкімінің баспасөз қызметі.Жобаны ұсынған «Qatar su» ЖШС-нің атқарушы директоры Николай Еньшин бұл бағыт бойынша арнайы лицензиялар алғанын айтып, өңірдегі су қорларын зерттеу және бағалау үшін геологиялық барлау жұмыстарын жүргізудегі жоспарымен бөлісті.- Біз «Атыраугидрогеология» компаниясымен келіссөздер жүргізуді бастадық. Мемлекеттік қорлардан қажетті құжаттардың пакетін алып, өңірлік гидрогеология мәліметтер базасын құрып, «Жаңасу», «Бали»кен орындары туралы мәліметтерді енгізуді жоспарлап отырмыз. Сондай-ақ, тарихи деректер негізінде судың сапасы мен өндірушілік әлеуетін бағалауға мүмкіндік беретін алдын ала гидрогеологиялық цифрлық модель жасаймыз. Бұл жоба ауыз су мен техникалық суды өндіру және оны тиімді тасымалдау мақсатында құрылатын инфрақұрылымды қамтиды. Су тасымалдау жүйесі магистральдық су құбырларына қосылатын болады, ал оны Теңізшевройл компаниясымен ұзақ мерзімді оффтейк-келісімшарттар мен серіктестік жобалары аясында жүзеге асырғымыз келеді,-деді Н.Еньшин.Бұл кездесуде сөз сөйлеген ТШО-ның бас директоры Кевин Лайон Келешек кеңею жобасының аяқталуына байланысты өндіріс нысандарын сумен қамтамасыз ету ең маңызды міндеттердің бірі екенін атап өтті.-Әлеуметтік жауапкершілігі мол компания ретінде біз осы бағытта сумен қамтуды жақсарту мүмкіндіктерін қолдаймыз. Өндірістегі қауіпсіздік – біздің басты басымдықтарымыздың бірі. ТШО әрдайым ынтымақтастыққа ашық, алайда әлеуетті мердігерлерге қойылатын компанияның талаптары да ескерілуі қажет, – деді Кевин Лайон.Серік Шәпкенов өңірді сумен қамтудағы қиындықтарға тоқталып, жерасты суын пайдалануға бағытталған жобаның өңірге тиімділігіне тоқталды.- Сумен қамту елімізде стратегиялық маңызы бар мәселе. Біз суды Жайық және Қиғаш өзендерінен алып отырмыз. «Астрахань-Маңғышлақ» магистральды су құбырымен тұрғындарды және өндіріс орындарын сумен қамтимыз. Сіздің жобаңызғе туралы қызығушылық танытып, келісім бердім. Себебі, жерасты суын тиімді пайдалану маңызды. Оның сапасы жақсы, пайдалану әлдеқайда тиімді. Құрамын минералдау мәселесі шешілсе, халыққа таза ауыз су ретінде де беруге болады. Инвестициялық жобаңыз көңілге қонымды, егер жұмыс бастауға дайын болсаңыз, қолдаймыз,-деді С.Шәпкенов.Ақпарат көзі : https://www.gov.kz/memleket/entities/atyrau/press/news/details/924031

Маңғыстау облысының әкімі Нұрдәулет Қилыбай өңірдегі ауыл әкімдіктерінің жұмыс сапасын арттырып, аймақ халқының өмір сүру деңгейін көтеру мақсатында “Ең үздік ауылды” анықтап, “Үздік ауыл әкімдігі” рейтингін өткізуді тапсырды.-Қазақстан Республикасы Президентінің жолдауында айқындалған ауыл халқының тұрмыс-тіршілігін көтеру мақсатында облысымыздағы ауыл әкімдіктері арасында байқау жариялауды жөн санадық. Негізгі мақсат - ауыл мәртебесін көтеру, жағдайын ілгерілету, экономикасын дамыту, ауыл әкімдері мен қызметкерлерін жігерлендіру, дербестігін және жауапкершілігін арттыру, - деді аймақ басшысы Нұрдәулет Қилыбай.“Үздік ауыл” жобасы ауылдың тұрғын үй-коммуналдық шаруашылық жағдайы (газ, су, тоқ, интернет, қоқыс),қаржылық тұрақтылық, шағын және орта бизнесті қолдау, ауыл шаруашылығының өркендеуі, жұмыспен қамтылған халық саны, қоғамдық тәртіп, әлеуметтік сала көрсеткіштері, ауылдағы мектеп түлектерінің ҰБТ нәтижесі негізінде қорытындыланады.Үздіктерді мәслихат депутаттары мен қоғам белсенділерінен құрылған арнайы комиссия анықтайды. Байқау жылдың соңында қорытындыланып, жеңімпаздар салтанатты түрде марапатталады.Өңірде алғаш рет бастау алатын жоба жыл сайын өткізілмек. Қазіргі таңда Маңғыстау облысында 46 елді мекен бар.Көрсеткіштері жоғары үздік ауыл әкімдері мен әкімдіктерге:- 1 орынға - коммуналдық шаруашылық техникасы беріледі және әкімшілік ұжымы (ауыл әкімінен бастап техникалық қызметкерлерге дейін) 6 лауазымдық жалақымен марапатталады, ауыл әкіміне қызметтік автокөлік беріледі;- 2 орынға - әкімдік ұжымы (ауыл әкімінен бастап техникалық қызметкерлерге дейін) 4 лауазымдық жалақымен марапатталады;- 3 орынға - әкімдік ұжымы (ауыл әкімінен бастап техникалық қызметкерлерге дейін) 2 лауазымдық жалақымен марапатталады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/924008

Ерлан Текешов ШҚО әкімі аппаратының басшысы болып тағайындалды. Бүгін облыс активіне жаңа аппарат басшысын облыс әкімінің бірінші орынбасары Нұрымбет Сақтағанов таныстырды.Ерлан Хасенұлы Текешов - Шығыс Қазақстанның тумасы. Ол Алматы қаласындағы Қазақ политехникалық институтын және Д.Серікбаев атындағы Шығыс Қазақстан техникалық университетін бітірген.Ол әр жылдары геолог, Сауда және қызмет көрсету департаментінің штаттан тыс инспекторы, Шығыс Қазақстан облысы әкімі аппаратының «Іс басқармасы» мемлекеттік кәсіпорнының бас директоры қызметтерін атқарды.Сондай-ақ Өскемен қаласының тұрғын үй-коммуналдық шаруашылық, жолаушылар көлігі және автомобиль жолдары бөлімін, құрылыс бөлімін басқарды. Кейін Шығыс Қазақстан облыстық құрылыс басқармасының басшысы болды. Ерлан Текешов Шемонаиха ауданы әкімінің орынбасары, Тарбағатай ауданының әкімі, Шығыс Қазақстан облысы әкімінің орынбасары, «ШығысЭнергоТрейд» ЖШС-нің бас директоры қызметтерінде жұмыс істеген.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/924018

Жұмысшы мамандықтары жылы аясында Абай облысында колледж студенттері мен педагогтеріне арналған «Табыс формуласы» шеберлік сағаты ұйымдастырылды. Іс-шарада Электротехникалық колледждің түлектері, бүгінде өңіріміздегі ірі кәсіпорындарда жетекші қызметтер атқарып жүрген кәсіби мамандар өз тәжірибелерін бөлісті.Спикерлер өз салаларындағы кәсіби талаптарды, мотивацияның рөлін және еңбек жолында кездескен қиындықтарды қалай еңсергендерін айтып, қатысушыларға нақты мысалдар келтірді.Шеберлік сынып барысында «Абай Аймағы» АҚ филиалының директоры Ринат Елубаев энергетика саласындағы мамандарға қойылатын талаптар туралы баяндады. Ал «ҚТЖ – Жүк тасымалы» ЖШС филиалының қызметкерлермен жұмыс бөлімінің басшысының орынбасары Бекзат Каримханов теміржол мамандарының кәсіби құзыреттері жайлы әңгімелеп берді.Электротехникалық колледждің ақпараттық технологиялар бойынша директор орынбасары Никита Лобанов өз баяндамасында «Технопарк концепциясы» тақырыбында сөз қозғады. Ол салалар бойынша технопаркті құрудың мүмкіндіктерін, оның білім беру мен өндіріс арасындағы байланысты нығайтудағы рөлін атап өтті. Лобановтың айтуынша, мұндай технопарктер жаңа технологияларды енгізуге және болашақ мамандарды даярлауға мүмкіндік береді.Шараға 200 студент пен 100-ден астам педагог қатысты. Қатысушылар спикерлерге сұрақтар қойып, олардың студенттік өмірі мен кәсіби жетістіктері туралы қызықты мәліметтер алды. Шеберлік сыныптар интерактивті форматта өтіп, жас мамандарға білім мен кәсіби даму жолындағы бағыт-бағдарын айқындауға зор мүмкіндік берді.Ақпарат көзі : https://www.gov.kz/memleket/entities/abay/press/news/details/924066

Семей қаласының әкімдігі жаңа ғимаратқа қоныстанды. Облыс орталығындағы бұрынғы «Ертіс» қонақ үйі күрделі жөндеуден өткізіліп, әкімдіктің салалық бөлімдері мен кейбір басқармаларға берілді. Бүгін аймақ басшысы Нұрлан Ұранхаев әкімшілік ғимаратына барып, аралап көрді.Көп қабатты ғимарат адам танымастай өзгерген. Тұрғындарға қолайлы болу үшін қажетті жағдайлар жасалған. Нысанның іші мен сырты талапқа сай жаңартылып, жылу, желдету, су, кәріз жүйелері ауыстырылған. Жарықтандыру да назардан тыс қалған жоқ. Ғимарат ішіне бейнебақылау камералары да орнатылған. Есік, терезелер ауыстырылып, еден мен төбе жөнделді. Жаңа жеделсаты қойылды.Ғимаратқа сондай-ақ ардагерлер кеңесі, азаматтарды қабылдау орталығы, өңірлік коммуникациялар қызметі де орналасты.«Біздің міндетіміз – жерлестеріміз тарапынан түсетін өтініштерге дер кезінде ден қою. Осыны ескере отырып, қалалық әкімдіктің бөлімдерін бір ғимаратқа орналастыруды жөн деп ұйғардық. Ғимаратқа келген қала мен облыс тұрғындары жергілікті атқарушы билік өкілдеріне жолдаған сауалдарына бір жерден жауап алады. Бұл халықтың уақытын үнемдеп, қалаған қызметтерін алуға мүмкіндік береді», - деді облыс әкімі.Сонымен қатар, аймақ басшысы ғимараттың ауласын абаттандыруды аяқтауды тапсырды.Ақпарат көзі : https://www.gov.kz/memleket/entities/abay/press/news/details/924074

Қарағанды облысының әкімі Ермағанбет Бөлекпаев еңбек ұжымдарымен кездесулер өткізуде. Басқосулар зауыттар мен кәсіпорындардың қызметкерлерін жұмыстан үзбеу үшін жұмыс орындарында өткізіледі.  Мұндай алғашқы кездесу Maker компаниясының машина жасау зауытында өтті, онда өңір басшысы негізгі басқармалар мен ведомстволардың басшыларымен бірге келді. – Біз сіздермен кез келген тақырыптағы мәселелерді талқылауға дайынбыз. Кәсіпорын қызметкерлері, әдетте, менің тұрақты кездесулеріме келе алмайды. Сондықтан мен әріптестеріммен осылай кездесу өткізу туралы шешім қабылдадым, – деді Ермағанбет Бөлекпаев еңбек ұжымына. – Президент биылғы жылды Жұмысшы мамандықтары жылы деп жариялады. Бұл қарапайым жұмыскерлердің, мамандардың қаншалықты маңызды екенін көрсетеді: онсыз мықты өнеркәсіп пен тұрақты экономиканы елестету қиын. Біздің міндетіміз – лайықты еңбек жағдайларын, әлеуметтік қорғауды және әрбір қызметкердің кәсіби өсуі үшін мүмкіндіктерді қамтамасыз ету. Ол өңірдегі еңбекке қабілетті халықтың жартысына жуығы жұмысшы мамандықтарымен айналысатынын атап өтті. Облыс әкімі колледждерді кластерлеу және бұл жұмысшы кадрларды даярлауға қалай әсер ететіні туралы да айтып берді. Әрбір салада тірек колледждері анықталған, бар-жоғы өңірде осындай 8 колледж бар. Олардың материалдық-техникалық базасын жақсартып, шеберханалар мен зертханалар үшін заманауи жабдықтар сатып алатын болады. Басқармалар мен департаменттердің басшылары өз бағыттары бойынша: кәсіптік және техникалық білім беруді трансформациялауға, жұмысшы кәсіптерін қолдау мен дамытуға, еңбек қауіпсіздігін жақсартуға және т. б. бағытталған шаралар туралы баяндады. Зауыт жұмысшыларына «Отбасы банкі» мен облыс әкімдігінің бірлескен жеңілдікті ипотекалық бағдарламасы таныстырылды. Қазір ол шахтерлар мен металлургтер үшін қол детімді. Оған машина жасаушыларды да қосылуға шақырды. «Отбасы банк» пен әкімдік кез келген ірі компаниялардың ұсыныстарын қарауға дайын. Жұмысшылар Үлкен Михайловканы дамыту мәселесіне қызығушылық танытты. Сондай-ақ, қаладағы кәріздің жағдайына да алаңдаулы. Облыс әкімі қазіргі міндет – қаланы орталықтандырылған сумен 100% қамтамасыз ету, содан кейін коллекторларды жөндеуді қолға алатынын атап өтті. Биыл жұмыстарды бастау жоспарланған. Кездесуде апатты деп танылғаннан кейін бұзылған 44 мектеп туралы сұрады. Олардың орнына жаңасы салынады. Қазір ЖСҚ жасалуда. Зауыт қызметкерлері осындай кездесу үшін алғыс айтып, өз жетістіктерімен бөлісті.  «Maker» ЖШС директоры Жәнібек Байғабеловтың айтуынша, кәсіпорын өндіріс көлемін арттырған, зауытта 822 адам еңбек етеді, жағдайлары жақсы, сондықтан қызметкерлер өз орындарын сақтап қалуға тырысады, кадрлар ағымы аз.Ақпарат көзі : https://www.gov.kz/memleket/entities/karaganda/press/news/details/923643

Құрметті жерлестер, облыс әкімдігі, сауда және тұтынушылардың құқығын қорғау департаменті және «Ұлытау» ӘКК жүргізген мониторинг, түсіндірме жұмыстарының нәтижесінде халық көп тұтынатын көкөніс түрі – картоптың бағасы тұрақталып келеді.   Қазіргі таңда аталған көкөніс түрі Кеңгір елді-мекенінде орналасқан «Жанұя» гипермаркетінде 220, Жезқазған қаласындағы «Органик» БК 217, «Самаз» супермаркетінде 220 және Сәтбаев қаласындағы «Жанай» мен «Нұртай» супермаркеттерінде 218 теңгеден саудалануда.   Сонымен қатар, «Ұлытау» ӘКК Павлодар қаласының «Ақтоғай Агро» ЖШС келісім шарт негізінде 38 тонна картоп жеткізу қарастырылуда. Қазіргі таңда картоп жүк көліктеріне тиеліп, облыс орталығы Жезқазғанға тасымалданып жатыр. Қалаға жеткізілген картоп ірі сауда нүктелеріне 198 теңгеден өткізіліп, тұтынушыларға сауда сөрелерінде 218 теңгеден сатылымға түсетін болады.   Сондықтан, облыс тұрғындарына картоп бойынша уақытша туындаған қымбатшылыққа түсіністікпен қарауларыңызды сұраймыз. Жергілікті билік тарапынан бағаны тұрақтандыру бағытында шаралар қолға алынып, бағаны негізсіз өсірмеуге қатысты түсіндірме іс-шаралары жүргіліп жатқандығын жеткіземіз. Ақпарат көзі : https://www.gov.kz/memleket/entities/ulytau/press/news/details/923753

Түркістан облысы, Отырар ауданында 2 мақта өңдеу зауытының капсуласы салынды. Салтанатты рәсімге облыс әкімі Нұралхан Көшеров қатысып, бастамаға сәттілік тіледі. Инвесторлармен кездесіп, мақта-тоқыма кластерін дамыту жобасымен танысты. Аймақ басшысы инфрақұлыммен қамту жұмыстарына жан-жақты қолдау көрсетілетінін жеткізіп, мәселелер туындаған жағдайды дер кезінде хабардар етуді ескертті. Отырар ауданында қолға алынған бұл жоба «Түркістан мақта агроөнеркәсіптік кешені» ЖШС бастамасымен және «Түркістан» ӘКК» АҚ бірлесе жүзеге асырылуда. Бірегей жоба заманауи су үнемдеу технологияларын қолдана отырып, жоғары стандартты шикізат базасын қалыптастыруды, соңғы үлгідегі мақта өңдеу зауыттарын, тамшылатып суару таспаларын шығаратын өндіріс орнын және басқа да инфрақұрылымдық нысандарды қамтиды. Мұнда әкімшілік ғимараты, шаруашылық базасы, сорғы станциялары салынуда. Жалпы инвестициялық құны – 80 млрд тенге. Жоба арқылы қуаттылығы жылына 160 мың тонналық 4 заманауи мақта өңдеу зауытын іске қосу, 6 мың тонна мақта тұқымын шығаратын өндірістік желісін құру көзделген. Оның ішінде, биыл 2 зауыт іске қосылса, 2026 жылы тағы 2 зауытты іске қосу жоспарланып отыр. Жоба толық жүзеге асқанда, жақын маңайдағы аудан, қалалардың 1500-ге жуық тұрғыны жұмыспен қамтылады. Отырар ауданында өндірілген шикізат Түркістан қаласындағы «Turan» арнайы экономикалық аймағында бой көтеріп жатқан жіп иіру, тоқыма, мата өңдеу, бояу және дайын өнім шығару фабрикаларына жеткізіледі. Су үнемдеу технологияларын қолданатын еліміздегі ірі масштабтағы алғашқы жоба өндірістік процесстің барлық кезеңдерін қамтиды. Үздік технологияларды қолдану есебінен су мөлшерін 3-4 есеге дейін үнемдеуге, жоғары өнімділік алуға мүмкіндік береді. Жобаның экономикалық тиімділігі орасан. Мақта-тоқыма кластерін дамытуға ықпал етіп қана қоймай, өңір бюджетіне кіріс әкеліп, салық түсімдерін арттырмақ. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/923693

Үкіметте Мемлекет басшысының бастамасымен қолға алынған Жұмысшы мамандықтары жылы аясында техникалық мамандарды қолдау шараларын қабылдануда.  Премьер-Министр Олжас Бектеновтің тапсырмасымен Отбасы Банкі «Наурыз жұмыскер»  жаңа бағдарламасы іске қосылғаны туралы жарияланып, жұмысшы мамандарды баспанамен қамту мәселесі шешілді.  Бағдарлама өнеркәсіп, энергетика, көлік, ауыл шаруашылығы және су ресурстары салалары қызметкерлерін қамтиды.  Биыл «Наурыз жұмыскер» бағдарламасы аясында жұмысшы мамандықтары өкілдеріне 72 млрд теңге көлемінде 2 440 несие беру жоспарланып отыр.  Өтінімдерді қабылдаудың басталуы 2025 жылдың 17 наурызына жоспарланған. «Наурыз жұмыскер» қазірдің өзінде белгілі «Наурыз» тұрғын үй бағдарламасының бір бөлігі болмақ. Бағдарлама талаптары бойынша азаматтардың әлеуметтік осал санаттары үшін 7% (ЖТСМ 7,1%-дан 9,6%-ға дейін) және қалған барлық санаттар үшін 9%-дық (ЖТСМ 9,4%-дан 13%-ға дейін) мөлшерлемемен несие беріледі. Бастапқы жарна – таза әрлеудегі бастапқы тұрғын үйді сатып алу үшін 10%-дан, әрленбеген бастапқы тұрғын үйді және қайталама нарықтағы тұрғын үйді сатып алу үшін 20%-дан басталады. Несиенің ең жоғары сомасы облыстар үшін 30 млн теңге, Астана мен Алматы қалалары үшін 36 млн теңге. Сондай-ақ «Наурыз жұмыскер» бағдарламасымен қатар Отбасы банкі отандық кәсіпорындармен «корпоративтік» өнім шеңберінде жұмыс істейтін болады, бұл кәсіпорындардың өз қызметкерлеріне несие беру үшін қаражат бөлуін білдіреді.  «Президентіміз 2025 жылды Жұмысшы мамандықтары жылы деп жариялады.  Кеншілер, металлургтер, тас қалаушылар, электриктер құюшылар ауыр жұмыстарды атқарады. Осы және басқа да көптеген мамандық иелері бізді негізгі қажеттілігімізді қамтамасыз етіп отыр. Мұндай мамандарға жасалған қамқорлық – бүкіл қоғамның игілігі үшін жасалған қамқорлықпен тең. Көпшілігі қиын жағдайда жұмыс істейді. Сондықтан олардың баспана мәселесін шешу – қиын еңбек жағдайларының орнын толтыруға септігін тигізеді», — деді «Отбасы банкі» АҚ басқарма төрағасы Ләззат Ибрагимова. Ақпарат көзі : https://www.gov.kz/memleket/entities/aqmola/press/news/details/923547

Астана, 2025 жылғы 24 қаңтар – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу жаңадан тағайындалған Жапонияның Қазақстандағы Елшісі Ясумаса Ииджиманы қабылдады.Кездесу барысында тараптар екіжақты және көпжақты ынтымақтастықтың қазіргі жағдайы мен перспективаларын жан-жақты талқылап, 2025 жылға жоспарланған биік және жоғары деңгейдегі өзара сапарлар мен іс-шаралардың кестесіне ерекше назар аударды.Екіжақты сауда айналымының және жапондық тікелей инвестициялардың елеулі көлемін ескере отырып,сауда-экономикалық ынтымақтастықты одан әрі тереңдетудің маңыздылығы ерекше назарға алынды.Қазақстан мен Жапония арасындағы Экономикалық ынтымақтастық жөніндегі үкіметаралық және жекеменшік секторларындағы бірлескен комиссиясының өзара тиімді серіктестігін ілгерілетуге бағытталған үлесі аталып өтті.Өз кезегінде Я.Ииджима екіжақты қарым-қатынастарды дамыту үшін белсенді өзара ықпалдастыққа дайындығын білдірді.ҚР Сыртқы істер министрлігінің басшысы М.Нұртілеу Жапонияның Елшісіне оның Қазақстандағы қызметіне сәттілік тіледі.Ақпарат көзі : https://www.gov.kz/memleket/entities/mfa/press/news/details/924116

Женева, 2025 жылғы 23 қаңтар - БҰҰ Адам құқықтары жөніндегі кеңесінің Әмбебап кезеңдік шолу Жұмыс тобының 48-сессиясы барысында Қазақстан Республикасының адам құқықтары саласындағы міндеттемелері мен алдыңғы шолу бойынша ұсынымдардың орындалуы туралы төртінші ұлттық баяндамасы қаралды.Жоғары деңгейдегі Қазақстан делегациясының құрамына адам құқықтары саласындағы міндеттемелердің орындалуына мемлекеттік саясат пен мониторингті тікелей жүргізетін еліміздің тоғыз мемлекеттік органының өкілдері мен ҚР Парламенті Мәжілісінің депутаттары кірді.Шолуға 100-ден астам мемлекеттің делегациялары қатысып, елімізбен ашық және сындарлы диалог құруға жоғары қызығушылық танытты. Іс-шара интерактивті талқылау форматында өтті, оның барысында БҰҰ-ға мүше мемлекеттер еліміздің құқық қорғау жүйесін одан әрі жетілдіру бойынша өз сұрақтарын, пікірлері мен ұсынымдарын берді.ҚР Әділет министрі Ерлан Сәрсембаев бастаған қазақстандық делегация БҰҰ Адам құқықтары жөніндегі кеңесіне ҚР Президенті Қ.Тоқаевтың адам құқықтары мен заң үстемдігі саласындағы ауқымды реформаларына, азаптаулар мен қатыгездікті жою, бейбіт жиналыстар мен қауымдастықтар еркіндігі, бұқаралық ақпарат құралдарының қызметін қамтамасыз ету және журналистердің құқықтарын кеңейту, адам саудасына қарсы іс-қимыл және тұрмыстық зорлық-зомбылыққа қарсы күрес мәселелерін реттейтін қазақстандық заңнаманың негізгі новеллаларына назар аудара отырып, кең ауқымды ақпарат ұсынды. ҚР делегациясының мүшелері БҰҰ-ға мүше елдердің сұрақтарына толық жауаптар бере отырып, адам құқықтары мәселелері бойынша диалогты нығайтуға және тәжірибе алмасуға ықпал етті.ҚР Сыртқы істер министрінің орынбасары Роман Василенко өз сөзінде еліміздің БҰҰ Адам құқықтары жөніндегі жоғарғы комиссары басқармасымен, Адам құқықтары жөніндегі кеңестің Арнайы рәсімдерімен және БҰҰ шарттық органдарымен ынтымақтастық бойынша тәжірибесімен бөлісті. Атап айтқанда, ҚР Президентінің Жарлығымен бекітілген адам құқықтары бойынша Арнайы баяндамашылармен өзара іс-қимыл қағидалары және жеке шағымдар бойынша шарттық органдардың хабарламаларын қарау бойынша ведомствоаралық тетігі туралы, сондай-ақ БҰҰ Адам құқықтары жөніндегі Жоғарғы комиссарының басқармасымен техникалық ынтымақтастық туралы хабарлады. Құқық қорғау сарапшыларының пікірінше, БҰҰ-ның құқық қорғау тетіктерімен өзара іс-қимылдың жоғары деңгейі Қазақстанның адам құқықтары мен демократиялық процестерді қорғаудың ұлттық жүйесін нығайтудағы басымдықтарын көрсетеді.Үкіметтің азаматтық қоғаммен диалогын нығайту туралы сұрақтарға жауап ретінде Р.Василенко ҚР СІМ алаңында тұрақты өтетін «Адами өлшем бойынша диалог алаңы» консультативтік-кеңесші органының рөлін атап өтті. Ол осы алаңның сындарлы сипатына тоқталып, бұл жұмыстың көрнекі нәтижесі адам құқықтары мен заң үстемдігі бойынша үш жоспарды қабылдау, сондай-ақ елдің саяси және әлеуметтік өмірінің кең ауқымды мәселелері бойынша құқықтық актілерге бастамашылық жасау болғанын айтты.Қазақстандық делегациямен диалог барысында БҰҰ-ға мүше мемлекеттер өршіл реформаларды жүзеге асыру бойынша қабылданып жатқан шараларға, сондай-ақ Қазақстанда адамның іргелі құқықтары мен бостандықтарын нығайту жөніндегі нақты қадамдардың қабылдануына қолдау білдірді. Атап айтқанда, тұрмыстық зорлық-зомбылыққа қарсы күрес, балалардың қауіпсіздігін қамтамасыз ету, Адам құқықтары жөніндегі уәкіл мен Ұлттық алдын алу тетігінің мандатын күшейту, халықты, әсіресе неғұрлым осал топтарды әлеуметтік қорғау саласында қабылданған заңдар халықаралық қоғамдастықтың жоғары бағасына ие болды.Сонымен қатар, мемлекеттер өлім жазасының күшін жоюды, 2023 жылғы 8 желтоқсанда қабылданған Адам құқықтары мен заң үстемдігі жөніндегі іс-қимыл жоспарын, сондай-ақ Қазақстанның 2022-2024 жылдардағы мүшелігі шеңберінде БҰҰ Адам құқықтары жөніндегі кеңесінің жұмысына қосқан үлесін ерекше атап өтті.Әмбебап кезеңдік шолу БҰҰ Адам құқықтары жөніндегі кеңесінің бірегей тетігі бола отырып, Ұйымға мүше барлық мемлекеттерге адам құқықтары саласындағы жағдайға тұрақты сараптамалық бағалаудан өтуге мүмкіндік береді.Жұмыс тобының БҰҰ-ға мүше елдердің ұсынымдарын қамтитын Қазақстан бойынша баяндамасы Адам құқықтары жөніндегі кеңестің 2025 жылғы маусымдағы 59-шы сессиясында бекітілетін болады.Ақпарат көзі : https://www.gov.kz/memleket/entities/mfa/press/news/details/924252

Астана, 2025 жылғы 24 қаңтар – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Қазақстанда дипломатиялық қызметінің басталуына орай Кипр Республикасының Елшісі Петрос Накузисті қабылдады.Кездесу барысында тараптар саяси, сауда-экономикалық және мәдени-гуманитарлық салалардағы қазақ-кипр ынтымақтастығының ағымдағы аспектілерін, оның ішінде екі елдің сыртқы саяси ведомстволары басшыларының арасында бұдан бұрын қол жеткізілген уағдаластықтарды жүзеге асыруын талқылады.Астана мен Никосияда екі елдің елшіліктері ашылуының маңыздылығы аталып өтті. Бұл қадам қарым-қатынастардың барлық спектрі бойынша өзара тиімді ынтымақтастықты одан әрі дамытуға ықпал етеді деген жалпы пікір білдірілді.Кездесу соңында Министр М.Нұртілеу Кипр Елшісіне Қазақстандағы қызметінде табыс тіледі.Ақпарат көзі : https://www.gov.kz/memleket/entities/mfa/press/news/details/924378

Цифрлық даму министрлігі Meta (Facebook, Instagram, WhatsApp) сервистеріне қолжетімділік бойынша қазіргі мәселелер ғаламдық сипатқа ие екенін хабарлайды.Бұндай ақаулар әлемнің көптеген елдерінде тіркелді.Қосымша ақпарат қолжетімді болған кезде хабарланатын болады.Айта кету керек, бұл ақаулар «ҰАТ» АҚ қызметімен байланысты техникалық ақауларға қатысы жоқ. Ақпарат көзі : https://www.gov.kz/memleket/entities/mdai/press/news/details/924028