Қазақстан Республикасы Көлік министірлігі 2025 жылғы 21 қаңтарда Республикалық маңызы бар автомобиль жолының ақылы негізде пайдалану туралы Балхаш-Бурылбайтал учаске бойынша ашық нормативтік актілердің интернет-порталында орналасқанын туралы хабарлайды. Осы жобаны қоғамдық талқылауға қатысуыңызды сұраймыз.Толығырақ: https://legalacts.egov.kz/arm/admin/viewcard?id=15407330 Ақпарат көзі : https://www.gov.kz/memleket/entities/transport/press/news/details/924439

ЖАҢА ҚОСЫМШАЛАР, СУПЕРКОМПЬЮТЕРЛЕР, СТАРТАПТАР: ҚАЗАҚСТАН ЛОНДОНДА ҚАНДАЙ ЖОБАЛАРДЫ ҰСЫНАДЫ 22-24 қаңтар аралығында Ұлыбританияның Лондон қаласында British Education Training and Technology Show (Bett Show) көрмесі өтіп жатыр. Қазақстан заманауи білім беру технологияларына арналған ауқымды көрмеге алғаш рет ұлттық павильон ретінде қатысуда. Көрмеде еліміздің алты жетекші университеті қатысып, өздерінің бірегей жобалары мен әзірлемелерін ұсынуда. – Nazarbayev University әлемдік жетекші EdTech көрмесінде Soyle App, қазақ тілінің үлкен тілдік моделі ISSAI KAZ-LLM және Artisan Education стартапын таныстырды. Soyle App көпфункциялы қолданба сөзді тану, дауыс синтезі және ауызша сөз бен мәтінді төрт тілге (қазақша, орысша, ағылшынша, түрікше) аудару мүмкіндіктерін ұсынады. Soyle App қолданбасының аударма сапасы FLoRes деректер жиынындағы BLEU көрсеткіштері арқылы өлшеніп, Google Translate, Yandex Translate және GPT-4o-дің аударма нәтижелерінен асып түседі. GPT чатының қазақша нұсқасын әзірлеуге негіз болатын KAZ-LLM барлық жерде – қазақ тіліндегі аудармалар мен мазмұнды генерациялаудан бастап үлкен мәтіндерді өңдеуге дейін пайдалануға болады. – Аталмыш көрмеге әл-Фараби атындағы Қазақ ұлттық университеті соңғы жетістіктері мен инновациялық жобаларын ұсынуда. Олар: Faraby суперкомпьютер орталығы, Farabi Robotics – Орталық Азиядағы бірінші өнеркәсіптік робототехника және құзыреттілік орталығы, университеттің АТ-инфрақұрылымы, жаппай ашық онлайн курстарды жазу студиясы, виртуалды зертханалық жұмыстар. Faraby суперкомпьютер орталығында әлемдегі ең үздік 600 суперкомпьютер тізіміне кіретін ірі қондырғы орнатылған. Ал Farabi Robotics мақсаты – өнеркәсіптік кәсіпорындарға қолданбалы тәжірибені оқшаулау, масштабтау және индустрия 4.0 салаларында оқыту арқылы әлемдік деңгейдегі технологияларды игеруге көмектесу. – Л.Н.Гумилев атындағы Еуразия ұлттық университеті халықаралық көрмеде білімнің қолжетімділігі мен сапасын арттыруға бағытталған инновацияларды көрсетеді. Cоның ішінде инклюзивті нұсқаулық, жаппай ашық онлайн курстар (MOOCs), соның ішінде сурдоаудармасы бар курстар, барлық оқушыларға тең мүмкіндіктер береді, жасанды интеллект саласындағы әзірлемелер: қазақ тілінде эмоционалды түрде дәріс оқитын аватар, сурдоаудармашы аватары. Инклюзивті нұсқаулық – ерекше қажеттіліктері бар студенттер үшін университет инфрақұрылымы мен білім беру ресурстарының қолжетімділігін жақсартуға арналған шешім. Smart.ENU платформасы – «ақылды кампус» құру үшін жасанды интеллект элементтерін және заттар интернетін қамтитын білім беру үдерісін басқарудың интеграцияланған жүйесі. – Д.Серікбаев атындағы Шығыс Қазақстан техникалық университеті BETT UK 2025 көрмесінде инновациялық білім беру бағдарламаларына және Қытай мен Қазақстан арасындағы ынтымақтастық аясында құрылған «Лу Бань шеберханасы» атты ерекше білім беру жобасына баса назар аударды. Бұл жоба студенттер мен оқытушылардың кәсіби және инженерлік дағдыларын дамытуға, білім беру үдерісіне инновациялық технологияларды енгізуге, дәстүрлі инженерлік пәндерді заманауи цифрлық және автоматтандырылған технологиялармен үйлестіруге бағытталған. Сондай-ақ «SMART GUIDE» интерактивті жобасы таныстырылды. Ол «Лу Бань шеберханасының» интерактивті макетінен және «SMART GUIDE» экскурсиялық роботынан тұрады. – Қ.И.Сәтбаев атындағы Қазақ ұлттық техникалық зерттеу университеті Digital SU жобасы мен жоғары технологиялық MIT FabLab зерттеу орталығын ұсынды. Digital SU жобасы – білім беру процесін автоматтандыратын, студенттер мен оқытушылар арасындағы байланысты жақсартатын және тұтастай университеттің тиімділігін арттыруға көмектесетін кешенді цифрлық экожүйе. Ал MIT FabLab – бұл 3D принтерлермен, ЧПУ станоктарымен, жобалау және модельдеуге арналған бағдарламалық құралдарымен жабдықталған зертхана. Мұнда студенттер өз ғылыми жобаларын әзірлеумен қатар, сандық инженер-конструктор, реверс-инженер және ЧПУ станоктарының операторы мамандығын меңгеріп шығады. – Сафи Өтебаев атындағы Атырау мұнай және газ университеті студенттері мен ғалымдары көрмеде «VR виртуалды кен орны» технологиясын таныстырды. VR технологияның көмегімен студенттер виртуалды ортада түрлі кен орындарын зерттеп, теориялық білімдерін бекіте алады. Жобаның артықшылығы – қауіпсіз эксперименттік орта, виртуалды экскурсиялар, интерактивті және иммерсивті оқу процесі. Utebayev University аталған көрмеде түрлі елдерден келген білім беру және технология саласының мамандарымен танысып, ынтымақтастық орнату мақсатында диалог жүргізеді. BETT UK 2025 көрмесіне қатысу университеттің жетістіктерін көрсету алаңы ғана емес, сондай-ақ халықаралық байланыстарды нығайтуда, оның ішінде бұл халықаралық платформада жоғары білім мен кәсіптік бағдар беру жұмысын жүргізудегі маңызды қадам болды. Көрмеге 600-ден астам экспонент және 300 спикер қатысты, сондай-ақ 130-ға жуық мемлекет білім беру бойынша өз әзірлемелерін ұсынды, ал 600-ден астам халықаралық компаниялар, оның ішінде Google, Microsoft, Lenovo және т.б. қатысуда.Ақпарат көзі : https://www.gov.kz/memleket/entities/sci/press/news/details/924056

Satbayev University беделді британ лигасы Russel Group университеттерімен білім беру серіктестігін құрудаSatbayev University халықаралық ғылыми орталықтармен ынтымақтастығын кеңейтіп жатыр. University of Glasgow және University of Exeter сынды әлемнің жетекші университеттерімен бірнеше меморандумға қол қойылғаны оның айқын дәлелі бола алады.2025 жылғы BETT Show халықаралық білім көрмесінде Satbayev University ректоры Мейрам Бегентаев Шотландияның ең үлкен университеті University of Glasgow-дың ғаламдық ынтымақтастық жөніндегі деканы Moyra Boland-пен меморандумға қол қойды. Бұл құжат «Mechanical Engineering and Management» мамандығы бойынша 1+1 форматына негізделген қос дипломды магистратура бағдарламасын іске қосуды қарастырады, бұл қазақстандық студенттерге Satbayev University мен Glasgow университетінде білім алуға мүмкіндік береді. Сонымен қатар ынтымақтастық аясында оқытушылар мен зерттеушілердің алмасуы жүзеге асырылып, Satbayev University ғалымдары Glasgow университетінде дәріс оқи алады.University of Glasgow 2025 жылғы QS әлемдік рейтингінде 78-орынға ие және Ресейдің жетекші зерттеу университеттерін біріктіретін Russell Group құрамына кіреді.Аталған көрмеде сондай-ақ University of Exeter-мен меморандумға қол қойылды. Бұл университет БҰҰ-ның Тұрақты даму мақсаттары бойынша әдістемені жасаушы және ESG саласында жетекші орын алушы ретінде танылған. Ынтымақтастық нәтижесінде бірнеше қос дипломды магистратура бағдарламалары құрылып, олар Тұрақты даму, соның ішінде Mining & Minerals, Climate, Data Science, Environmental Management және Geology бағыттарын қамтиды. Бұл бағдарламаларға Satbayev University студенттері қатысып, бірлескен ғылыми жобаларға, оның ішінде Exeter университетінің CREWW және Engineering Exeter зертханаларында жүргізілетін зерттеулерге қатыса алады.University of Exeter QS әлемдік рейтингінде 169-орында және тұрақтылық бойынша әлемдегі 32-орынға ие. Бұл университеттің Тұрақты даму мақсаттарын жүзеге асырудағы жетістіктерін көрсетеді.Осылайша University of Glasgow және University of Exeter-мен жасалған екі серіктестік Satbayev University студенттері мен оқытушылары үшін жаңа мүмкіндіктер ашып, білім сапасын арттырып, Қазақстандағы ғылым мен технологиялардың дамуына ықпал етеді.Ақпарат көзі : https://www.gov.kz/memleket/entities/sci/press/news/details/924493

Сенат Төрағасы Мәулен Әшімбаев Солтүстік Қазақстан облысының еңбек ұжымдарымен, мәслихат депутаттарымен, Қазақстан халқы Ассамблеясының мүшелерімен, қоғамдық және діни бірлестіктердің өкілдерімен кездесті. Өңірге сапар барысында Мемлекет басшысының Жұмысшы мамандықтар жылы аясындағы және аймақтардың өсіп-өркендеуіне жол ашатын жаңа өндіріс орындарын дамыту жөніндегі тапсырмаларын іске асыруға қатысты мәселелер де талқыланды. Бұл ретте маңызды бағыттар бойынша Сенат пен мәслихаттардың бірлескен жұмысы ерекше мәнге ие екені айтылды.Палата Төрағасы «Қазақстан өңірлерінде еңбек ресурстарын дамыту: қазіргі жағдайы мен келешегі» тақырыбына арналған дөңгелек үстелге қатысты. Ол өз сөзінде Мемлекет басшысы Жолдауда белгілеп берген басымдықтардың бірі – аймақтардың өсіп-өркендеуіне жол ашатын жаңа өндіріс орындарын дамытудың маңызына назар аударды. Мәулен Әшімбаев атап өткендей, бұлмақсатқа қол жеткізу үшін білікті, кәсіби мамандар мен барлық деңгейде кешенді жұмыс жүргізу қажет.«Президентіміз Қасым-Жомарт Кемелұлы Тоқаев «Ana tili» газетіне берген сұхбатында экономиканың өсуін қамтамасыз ету – алдымызда тұрған басты міндет екенін атап өтті. Қазіргі таңда елімізде салалық мамандар – инженерлер, энергетиктер, су шаруашылығы мамандары, агрономдар, мал дәрігерлері және басқа да маңызды мамандықтардың өкілдері сұранысқа ие. Сондықтан Мемлекет басшысы 2025 жылды Жұмысшы мамандықтар жылы деп жариялады. Бұл ретте аталған мамандарды даярлап қана қоймай, елімізде ерекше еңбек мәдениетін қалыптастыру, еңбек адамдарына құрмет көрсетуге тәрбиелеу, еңбексүйгіштік пен кәсіпқойлық құндылықтарын дәріптеу асамаңызды. Еңбек адамдары – ел дамуыныңнегізі. Сол себепті, жұмысшы мамандықтардың беделі жоғары деңгейде болуы керек», – деді Сенат Спикері.Осы орайда облыстардың сапалы экономикалық дамуын олардың ерекшеліктері мен бүгінгі проблемаларын ескере отырып қамтамасыз етуді көздейтін нақты шараларға баса мән берілді. Мәулен Әшімбаевтың айтуынша, еңбек ресурстарының тапшылығы, әртүрлі өңірлер, қала мен ауыл және мамандықтар арасындағы еңбек диспропорциясы, теңгерімсіз урбанизация, демографиялық дағдарыс қазіргі таңдағы ең өзекті мәселелер болып саналады. Оларды шешу үшін барлық мүдделі тараптың күш-жігерін ортақ мақсатқа жұмылдыру қажет.«Өңірлер арасындағы еңбек ресурстарының теңгерімін қамтамасыз ету – маңызды міндет. Түркістан, Жамбыл облыстары сияқты еңбек ресурстары артық өңірлер мен жұмыс күші жетіспейтін аймақтар бар. Мысалы, Солтүстік Қазақстан облысы. Аталған мәселеге бұл өңірдегі халықтың табиғи кему үдерісі де өз салдарын тигізуде. Бүгінде Солтүстік Қазақстан облысында туу көрсеткіші төмен, ал, өлім-жітім жоғары деңгейде. Бұл экономикалық өсудің баяулауына және өндіріс әлеуетінің төмендеуіне әкелетін проблемалар туындатады. Демографиялық үрдістер мен экономикамыздың қажеттіліктерін ескере отырып, еңбек ресурстарының ішкі көші-қонын жүйелеу, кадрларды ротациялау, жастарды оқыту және жұмысқа орналастыру бағдарламаларын жандандырудың маңызы зор екенін аңғарамыз. Бұрынғы тәжірибені талдап, ол бағдарламалардың неге тиімсіз болғанын зерделеп, елімізде еңбек көші-қонының ауқымын арттыруға қажетті қадамдар мен тетіктерді пысықтаған жөн», – деп, Палата Төрағасы еңбек көші-қоны бағдарламаларын одан әрі дамыту керек екенін атап өтті.Мәслихат депутаттарымен және өңір жұртшылығымен кездесу кезінде Мәулен Әшімбаев Солтүстік Қазақстан облысының агроөнеркәсіптік әлеуетіне тоқталып, Сенат депутаттары оны іске асыруға заңнамалық деңгейде қолдау көрсетуге дайын екенін жеткізді. Осыған байланысты индустриялық және инфрақұрылымдық жобалар, сондай-ақ, бірлескен жұмыстың басқа да негізгі бағыттары сөз болды. Сонымен қатар кездесуде инфрақұрылымды жаңғырту, оның ішінде ауылдардағы электр желілерін жаңарту мәселесі аса маңызды екені айтылды.«Облыста инфрақұрылымды жаңғыртуға да баса мән беріліп отыр. Атап айтқанда, былтыр2-ші ЖЭО-да жаңа мұржаның құрылысы аяқталды. Ауылдық жерлерде электр желілерін жаңарту жұмыстары жүргізіліп жатыр. Сенаторлар 2025 жылға арналған республикалық бюджетті қарау барысындаСолтүстік Қазақстан облысының ұсыныстарын назарға алды. Соның нәтижесінде маңызды инфрақұрылымдық жобаларды іске асыруға қосымша қаражат бөлінді. Нақты айтар болсақ, олар – ауылдарды сумен, жылумен жабдықтауға және өңірлік даму салаларына қатысты жобалар. Алдағы уақытта Палата осы өңірден сайланған сенаторлармен бірге Солтүстік Қазақстан облысының жан-жақты дамуына қажетті көмек пен қолдау көрсетуді жалғастырабереді», – деп, Мәулен Әшімбаев мәслихат депутаттарын Парламенттің заңнамалық жұмысына белсенді қатысуға және өңірлердегі өзекті проблемаларды шешуге арналған тұжырымдамалық ұсыныстар әзірлеуге шақырды.Кездесуге Қазақстан халқы Ассамблеясының мүшелері мен өңірдегі дін өкілдері де қатысты. Парламент депутаттары олармен бірге рухани дипломатияны дамытуға қатысты маңыздымәселелерді талқылап, Әлемдік және дәстүрлі діндер көшбасшыларының VIII Съезі аясындағы мақсат-міндеттерді іске асыру жөнінде пікір алмасты.«Еліміздегі барлық этникалық топтың рухани, мәдени, гуманитарлық мүдделерін қамтамасыз ету үшін бірлескен жұмысымызды одан әрі жалғастыра береміз. Бұл істе ең маңызды міндеттердің бірі мемлекеттік тілді ілгерілету және қолдау екені анық. Қазақ тілі – Қазақстандағы барлық этникалық топты ортақ мұратқа жұмылдыратын басты тетіктердің бірі. Оған ешқандай күмән жоқ. Жалпы, қазіргі таңда бәріміз мемлекеттілік, Тәуелсіздік және Президентіміздің елдегі бірлік пен келісімді нығайтуға арналған саясаты сияқты ортақ құндылықтар төңірегінде бірігуіміз керек. Бұл ретте Солтүстік Қазақстан облысы өзге өңірлерге үлгі көрсетеді деп сенемін», – деді Сенат Төрағасы.Сонымен қатар сапар аясында сенаторлар 6 мыңнан астам студент оқитын Манаш Қозыбаев атындағы Солтүстік Қазақстан университетіне барып, оқу орнының білім беру ісімен, ғылыми-зерттеу қызметімен және одан әрі даму стратегиясымен танысты. Сондай-ақ депутаттарға мал, өсімдік шаруашылықтарына арналған зертханалары бар оқу-зертханалық корпустың қызметі таныстырылды. Онда тәжірибелер мен ғылыми зерттеулер жүргізіледі.Сенат Төрағасы Азаматтарды қабылдау орталығының қызметімен де танысты. Одан бөлек, «Зеленый Север» ЖШС жылыжай кешені мен «Nord Panels» ЖШС ағашты терең өңдеу зауытының еңбек ұжымдарымен жүздесті.Мәулен Әшімбаев «Qyzyljar Creative Center» креативті индустрия орталығында «Sensitive» инклюзивті би тобының ұжымымен және Бочча өңірлік бөлімшесінің параспортшыларымен де кездесті. Мемлекет басшысының тапсырмасын орындау мақсатымен іске асырылған бұл жоба жастардың өңірден кетуін азайту үшін тиісті жағдай жасай отырып, креативті экономикаға қажетті мамандар даярлауға, жас таланттардың қабілеттерін шыңдауға және оларға қолдау көрсетуге ықпал етіп келеді.Ақпарат көзі : https://www.gov.kz/memleket/entities/sko/press/news/details/924171

2025 жылғы 24 қаңтарда Қостанай облысының әкімі Құмар Ақсақалов Алтынсарин ауданына жұмыс сапарымен барды. Сапардың мақсаты – ауылдық жерлердің әлеуметтік-экономикалық дамуына ықпал ететін жобалардың жүзеге асырылуын бағалау. Сапар барысында әкім бірқатар нысандармен танысты: салынып жатқан сүт-тауар фермасы, жаңа Мәдениет үйі және жаңа тұрғын үйлер. Бұл жобалар Мемлекет басшысының тапсырмаларын тікелей орындауға бағытталған және өңір тұрғындары үшін үлкен пайда әкелуде. Басбек ауылындағы ферма: азық-түлік қауіпсіздігіне сенімді қадам Қостанай облысы Алтынсарин ауданы Басбек ауылында 660 бас ірі қара малға арналған сүт-тауар фермасының құрылысы басталды. Жобаның құны – 3,5 млрд теңге, оның 500 млн теңгесі кәсіпорынның өз қаражаты, ал 3 млрд теңге мемлекеттік қолдау шаралары аясында 2,5% мөлшерлемемен несие ретінде бөлінді. Қостанай облысының әкімі Құмар Ақсақалов бұл жобаның агроөнеркәсіп кешенінде өңделген өнімнің үлесін 2026 жылға қарай 70%-ға дейін арттыру жөніндегі Мемлекет басшысының тапсырмасын орындауға бағытталғанын атап өтті. Ферма жылына 4,5 мың тонна сүт өндіруге мүмкіндік береді. «Бұл жоба азық-түлік қауіпсіздігін қамтамасыз етуге, импортқа тәуелділікті төмендетуге және ауыл шаруашылығы экономикасын дамыту үшін жаңа мүмкіндіктер жасауға бағытталған. Біз Мемлекет басшысының агроөнеркәсіп кешенінің тұрақты өсуі мен ауылдық жерлердегі өмір сапасын жақсартуға бағытталған стратегиясын іске асырып жатырмыз», – деді өңір басшысы. Айта кету керек, бұл облыстағы Мемлекет басшысының тапсырмаларын іске асыруға бағытталған жалғыз жоба емес.Қостанай облысында жоғары сапалы сүт өндірісі үшін Федоров, Қарабалық, Мендіқара және Алтынсарин аудандарында тағы 6 заманауи өнеркәсіптік сүт-тауар фермаларының құрылысы жүргізілуде.Аталған фермалардың іске қосылуы сүт өндірісін 43 мың тоннаға арттырады, ал облыстағы сүт өңдеу кәсіпорындарының жүктемесі 80%-дан 95%-ға дейін өседі. Ферма директоры Талғат Тапаев та жобаның аудан үшін маңыздылығын атап өтті:   «Тек өсімдік шаруашылығына басымдық беру – бұл тәуекелдерге және әлеуетті банкротқа әкелетін жол. Нарықтық ауытқулар мен климаттық өзгерістер мұндай шаруашылықты тұрақсыз етеді. Диверсификация – бұл жай ғана таңдау емес, бұл өмір сүру мен өсудің қажеттілігі. Сүт шаруашылығын дамыту – өз шаруашылығыңызды нығайту, бір бағытқа тәуелділікті азайту және ұзақ мерзімді тұрақтылықты қамтамасыз етудің нақты жолы.Мұны түсініп, әрине, мемлекеттік қолдаудың арқасында 600 басқа арналған сүт-тауар фермасының құрылысын қолға алдық. Ол жылына 4,5 мың тонна сүт өндіреді және 30-дан астам жергілікті тұрғынды жұмыспен қамтамасыз етеді. Өзгеруге дайын болмағандар артта қалады. Біздің мысалымыз өзгерістердің мүмкін екенін және олардың тек шаруашылық үшін ғана емес, бүкіл өңір үшін табыс әкелетінін көрсетеді. Біздің міндетіміз – жобаны уақытында аяқтап, ферманы толық қуатында іске қосу», – деді ол. Осындай жобаларды жүзеге асыру өңірдің экономикалық дамуына ғана емес, әлеуметтік инфрақұрылымның жақсаруына да ықпал етіп, ауыл тұрғындарының өмір сүру деңгейін арттыруға жағдай жасайды.   Мәдениет үйі: шығармашылық пен бірліктің орталығы Облыс әкімі Құмар Ақсақаловтың жұмыс сапарының келесі нысаны – Большая Чураковка ауылында жаңа Мәдениет үйінің салтанатты ашылуы болды. «Ауыл – Ел бесігі» бағдарламасы аясында жүзеге асырылған бұл жоба ауыл тұрғындары үшін маңызды оқиғаға айналды. Нысанның құрылысына 404 миллион теңге бөлінді.Мәдениет үйі күн сайын 100 адамға дейін қабылдай алады, бұл шығармашылық дамуға, бос уақытты тиімді өткізуге және дәстүрлерді сақтауға мүмкіндік береді. Салтанатты ашылу рәсімінде Құмар Ақсақалов осындай жобалардың маңыздылығын атап өтті: «Жаңа Мәдениет үйі – бұл жай ғана ғимарат емес. Бұл – өмірдің, шығармашылық пен шабыттың орталығы. Біз ауылдық жерлердегі мәдени инфрақұрылымды жақсартып, тұрғындарға өздерін дамытуға және дәстүрлерін сақтауға жағдай жасап жатырмыз. Өйткені, мәдениеттің дамуы экономиканың дамуымен тығыз байланысты. Мәдени және интеллектуалдық тұрғыдан дамыған адам – бұл елдің экономикалық дамуының негізгі қозғаушы күші». Мәслихат депутаты Ботакөз Бидаулетова да бұл нысанның ауданның мәдени өмірінде алар орны ерекше екенін атап өтті: «Бүгінгі оқиға – Мемлекет басшысының мәдениетті дамыту жөніндегі тапсырмаларының жергілікті жерлерде қалай жүзеге асырылып жатқандығының көрнекі мысалы. Мәдениет үйі ауыл тұрғындарын біріктіріп, барлық буын өкілдері үшін шығармашылық пен шабыт орталығына айналады». Сонымен қатар, ауыл тұрғыны, жастар өкілі Талғат Қапиятов өз әсерімен бөлісті: «Мәдениет үйінің ашылуы – жастар үшін өте маңызды оқиға. Мұнда шығармашылықпен айналысуға, спортпен шұғылдануға және қарым-қатынас жасауға барлық жағдай жасалған. Бізде хореография, күрес үйірмелеріне қатысу, үстел теннисі ойнау, тіпті тренажер залында жаттығу мүмкіндігі бар. Бұл жер бізді біріктіріп, даму үшін жаңа мүмкіндіктер сыйлайды. Біз осындай сыйлық үшін ризашылығымызды білдіреміз және Мәдениет үйі әрбір тұрғын үшін шабыт пен белсенділік орталығына айналатынына сенімдіміз». Большая Чураковка ауылындағы Мәдениет үйінің ашылуы – бұл ауылдың әлеуметтік инфрақұрылымын дамытуға қосылған үлес. Нысан тұрғындардың күнделікті өмірінің маңызды бөлігіне айналып, дәстүрлерді сақтауға, шығармашылық әлеуетті ашуға және ауыл қоғамының бірлігін нығайтуға мүмкіндік жасайды. Өткен жылы Қостанай облысында мәдениет саласын қаржыландыру 24,3%-ға артып, 16,9 млрд теңгені құрады. Мәдениет нысандарының инфрақұрылымын жақсартуға ерекше көңіл бөлінуде, бұл жаңа Мәдениет үйінің құрылысы сияқты жобаларды жүзеге асыруға мүмкіндік береді.Осындай ауқымды жобалар мемлекеттік қолдаудың ауылдық аймақтарды дамытуға бағытталған нақты қадам екенін көрсетеді. Бұл жай ғана сөз емес, өмір сүру, жұмыс істеу және шығармашылықпен айналысу үшін қолайлы жағдай жасау жолындағы шынайы әрекеттер.   Көпбалалы отбасыларға арналған тұрғын үйлер: Убаған ауылындағы жаңа үйлер Облыс әкімінің жұмыс сапарының соңғы нысаны Алтынсарин ауданының Убаған ауылы болды. Мұнда сегіз жаңа екі пәтерлі үйдің кілттері салтанатты түрде табысталды. Бұл жоба Мемлекет басшысының тапсырмаларын орындау мақсатында жүзеге асырылып жатқан қолжетімді тұрғын үймен қамтамасыз етуге арналған мемлекеттік бағдарлама аясында іске асырылды. Құрылысқа жалпы 298,2 миллион теңге жұмсалды. Әр пәтердің орташа ауданы – 85 шаршы метр. Үйлер таза әрлеумен салынған, барлық қажетті коммуникациялармен қамтамасыз етілген және толықтай қоныстануға дайын. Жаңа үйлердің иелері қатарында көпбалалы отбасылар, жетім балалар және әлеуметтік осал топтардың өкілдері бар. Салтанатты рәсімде Қостанай облысының әкімі Құмар Ақсақалов атап өтті: «Біз жыл сайын тұрғын үй құрылысын арттырып келеміз. 2024 жылдың қорытындысы бойынша 500 мың шаршы метрге жуық тұрғын үй пайдалануға беріліп, 5 мыңнан астам отбасы пәтермен қамтамасыз етілді. Өткен жылы Мемлекет басшысының тапсырмасы бойынша жалдамалы тұрғын үй сатып алуға қаражат бөлінді. Өңірде 18 миллиард теңгеден астам сомаға 940 пәтер сатып алынды, бұл 2023 жылмен салыстырғанда 5,7 есе көп. Биыл кезекте тұрған азаматтарға 1000 пәтер сатып алу жоспарланып отыр». Әкімнің айтуынша, азаматтарды қолжетімді тұрғын үймен қамтамасыз ету – ел басшылығы тапсырмаларын жүзеге асырудың маңызды бағыттарының бірі. Жаңа үйлер – бұл жай ғана баспана емес, ертеңгі күнге деген сенімділік пен өмір сапасының жақсаруының символы. Біз тұрғын үй мәселелерін шешу жолындағы жұмысты жалғастырамыз, әр отбасының жайлы үйге қол жеткізіп, тұрақты болашақ құруы үшін жағдай жасаймыз. Жаңа үйдің кілттерін алған көпбалалы ана Гүлшат Сүйесенова өз қуанышымен бөлісті: «Бұл біздің отбасымыз үшін үлкен бақыт. Енді бізде өзіміздің жайлы үйіміз бар, мұнда балаларымыз жақсы жағдайда өсіп-өнеді. Көпбалалы отбасыларға қолдау көрсетіп жатқан мемлекетке және ел басшылығына алғысымыз шексіз. Бұл – біздің өміріміздің жаңа кезеңі, біз бұл сәтті әрдайым есте сақтаймыз». Сегіз үйдің құрылысы – бұл тек бастама ғана. Биылғы жылы аудан билігі тағы 7 екі пәтерлі үй салуды жоспарлап отыр, бұл одан да көп отбасыларды тұрғын үймен қамтамасыз етуге мүмкіндік береді. Бұл жобалар – ауылдық аймақтарды қолдауға бағытталған мемлекеттік бағдарламаның табысты орындалып жатқанының айқын мысалы. Әр жаңа үй – ауыл тұрғындарының тұрақтылығы мен болашаққа деген сенімінің кепілі. Сапардың қорытындысы Әкімнің жұмыс сапары мемлекеттік қолдаудың ауыл тұрғындарының өмірін қалай өзгертетінін көрсетті. Бұл жобалар жайлы өмір сүруге, экономиканы нығайтуға және ауыл жастарының дамуына жағдай жасауға бағытталған. Осындай бастамалардың арқасында ауылдар – өмір сүргің, жұмыс істегің және болашағыңды құрғың келетін мекенге айналуда.Ақпарат көзі : https://www.gov.kz/memleket/entities/kostanay/press/news/details/924480

Алматы облысы әкімінің өкімімен Айдын Әуесбайұлы Әуесбай 2025 жылғы 23 қаңтарынан бастап Алматы облысының мемлекеттік сәулет-құрылыс бақылау басқармасының басшысы лауазымына тағайындалды. Айдын Әуесбайұлы 1981 жылы туылған, білімі жоғары, 2005 жылы М.Тынышбаев атындағы Қазақ көлік және коммуникациялар академиясын «Құрылысты механикаландыру және автоматтандыру» мамандығы бойынша, 2012 жылы Ө.А.Жолдасбеков атындағы экономика және құқық академиясын «Құқықтану» мамандығы бойынша, 2024 жылы Халықаралық көліктік-гуманитарлық университетін «Экономика» мамандығы бойынша бітірген. Еңбек жолын 2006 жылы Алматы облысы Жамбыл аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің жетекші маманы болып бастаған. Әр жылдары Алматы облысы Жамбыл аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің жетекші маманы, бөлім бастығы, Жамбыл ауданы Ұзынағаш селолық округ әкімінің орынбасары, Алматы облысы Қарасай ауданы Райымбек ауылдық округінің әкімі, Қарасай ауданы әкімі аппаратының басшысы, аудан әкімінің орынбасары, Алматы облысы әкімі аппаратының әдеп жөніндегі уәкілі, Алматы облысы жолаушылар көлігі және автомобиль жолдары басқармасы басшысының орынбасары, «ӘӘК Қонаев» АҚ тау-кен металлургия және өңдеу өнеркәсібіндегі инвестициялық жобалар департаментінің директоры лауазымдарында қызмет атқарған. 2023 жылғы 23 желтоқсаннан бастап бүгінгі күнге дейін  Алматы облысы Іле ауданы әкімінің орынбасары лауазымында қызмет етті.  Ақпарат көзі : https://www.gov.kz/memleket/entities/almobl/press/news/details/923447

22-23 қаңтарда Алматы қаласында жауған қардың қалыңдығы 18 см-ге жетті. Осыған байланысты коммуналдық қызмет қарды күреу мен шығару жұмыстарын кең ауқымда ұйымдастырды.Түнгі уақытта қарды шығару үшін 161 жүк көлігі жұмылдырылды. Қар жауғаннан бері 24 мың текше метр қар шығарылды.Қауіпсіз қозғалысты қамтамасыз ету және жолдарды тазарту мақсатында 442 арнайы техника, оның ішінде 175 тартылған көлік қолданылды. 1280 жұмысшы жолдарды тазалауға кіріссе, оның ішінде 257 адамы қосымша тартылған.Сонымен қатар, тротуарларды, қоғамдық орындарды, қоғамдық көлік аялдамалары мен жерүсті өткелдерін механикаландырылған тазалау жұмыстары жүргізілуде.24 қаңтар күндізгі уақытта 448 арнайы техника мен 1192 жұмысшы жұмылдыру жоспарланып отыр.«Қазгидромет» РМК болжамынша 24 қаңтарда күн алабұлтты, жауын-шашын күтілмейді. Күндізгі ауа температурасы -10…-12°С шамасында болады.Коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/923862

In the Almalinsky district of Almaty, the implementation of two projects for the construction of water supply and sanitation networks in the private sector continues, where there were no centralized utilities and where the networks need to be reconstructed.The implementation of one of the two projects was launched in 2024 and will be completed this year. As part of the project, 15 km of utility networks will be laid and reconstructed on 19 streets in the district. On 6 of them, work has already been completed. As a result of the implementation of the two projects, 6.8 thousand consumers will be provided with central utility networks.It should be noted that in 2024, large-scale work has already been carried out in the Almalinsky district to build water supply networks on 12 streets, including Industrialnaya, Tsiolkovsky, Volkhovskaya and others. Today, residents of these streets are provided with a central water supply and sanitation system.The water supply pumping station on Tole bi street, corner of st., has also been reconstructed and overhauled. Volkhovskaya. Previously, the station was in a state of emergency, and its equipment had not been repaired since 1992. After the reconstruction, more than 500 residents of 4 apartment buildings are provided with an uninterrupted water supply.In general, in Almaty, on the instructions of the city akim Yerbolat Dosayev, in 2024, 219 km of new water supply and sanitation networks were built, 27.3 km of existing networks were modernized, which made it possible to cover about 60 thousand subscribers. In 2025, it is planned to build 240 km and modernize 48 km of networks.Ақпарат көзі : https://www.gov.kz/memleket/entities/almaty/press/news/details/924280

Қазіргі жастар жаңа технологиялар мен көне дәстүрлерді біріктіре отырып, инновациялар мен ата-бабалар мұрасы арасында тепе-теңдік табуды қолға алып жатыр. Әйгерім Асылбекова Қарағанды облысы әкімінің грантына халық шығармашылығын жандандыру үшін «Алтын мұра» кесте студиясын ашуды жоспарлап отыр.– Студия ашу идеясы кестеге деген сүйіспеншіліктен туындады, – дейді Әйгерім. – Мен үшін бұл әдемі заттар жасау процесі ғана емес, ою-өрнектер арқылы жан дүниенің бір бөлігін жеткізу, дәстүрлерді сақтау және оларға заманауи идеяларды енгізу тәсілі. Кесте эстетиканы, тарихты және жеке тұлғаны біріктіруге мүмкіндік береді, бұл бүгінде ерекше бағаланады.Әйгерім қолөнер қайтадан жандануда деп санайды, ал жан-тәніңмен жасалған бұйымдар барған сайын құнды болып келеді. Оның студиясы тек бірегей бұйымдарды жасау орны ғана емес, сонымен қатар оқыту мен шабыттандыру кеңістігі болады. Бірнеше бағытта жұмыс істеу жоспарланған: киімге арналған қолмен және машинамен кестелеу, интерьер заттарын безендіру, заттарды кастомизациялау, сондай-ақ барлық ниет білдірушілер үшін шеберлік сыныптарын өткізу көзделген.– Жіптер мен маталар арқылы тарихты айтып, масмаркеттен кездестірмейтін шынымен де бірегей нәрсе жасауға болады, – дейді бойжеткен. – Мен студиямызда жасалған өрнектер затты әшекейлеп қана қоймай, әрбір клиент үшін жеке нәрсеге айналғанын қалаймын. Бұл үйлену тойына арналған үлгілер, сондай-ақ үйге арналған сәндік элементтер – жастықтар, дастархандар немесе сүлгілер болуы мүмкін.Қазір Әйгерім студияның тұжырымдамасымен жұмыс істеп, ұйымдастыру үдерістерін зерттеуде. Болашақта ол өз идеяларын жүзеге асыру және адамдарды қуантатын сапалы өнімдер жасау үшін шеберлер, дизайнерлер және ілгерілету жөніндегі мамандар командасын жинауды жоспарлап отыр.Бұл арманды жүзеге асыруға Әйгерімге облыс әкімінің «Тәуелсіздік ұрпақтары» жобасы бойынша алған гранты көмектеседі. 2024 жылы байқауға 407 жас қатысып, олардың 25-і жеңімпаз атанды.Ақпарат көзі : https://www.gov.kz/memleket/entities/karaganda/press/news/details/923808

Қарағанды облыстық футбол қауымдастығының президенті болып өңір әкімі Ермағанбет Бөлекпаев сайланды. Облыс басшысы облыстағы футбол қозғалысын жандандыруға және «Шахтер» ФК-ын Премьер-лигаға қайтаруға көмектесетін міндеттерді алға қойды.Ермағанбет Бөлекпаев балалар мен жасөспірімдер футболын дамыту бойынша жұмысты күшейтуді тапсырды. Ол үшін Теміртау, Балқаш және Саран стадиондарының базасында «Шахтер» ФК филиалдары ашылады. Бұл футбол клубына өз спортшыларын тәрбиелеуге және әлеуеті жоғары ойыншыларды клуб академиясына іріктеуге мүмкіндік береді.Балалар мен жасөспірімдер командалары арасында турнирлер, сондай-ақ шахтер мен металлург күндері сияқты өңір үшін маңызды мерекелерге орайластырылған матчтар ұйымдастырылады. Бұл да жас дарынды футболшыларды іздеуге көмектеседі.Еске салайық, Қарағандыда УЕФА стандарттарына сәйкес заманауи стадион, жыл бойы жаттығуға арналған футбол манежін салу жоспарлануда. Сонымен қатар, биыл обоыс орталығында бас стадионды және өңірдің бірқатар қалаларындағы стадиондарды жаңғырту жоспарланған.Ақпарат көзі : https://www.gov.kz/memleket/entities/karaganda/press/news/details/923880

Шет ауданының Ақсу-Аюлы ауылында биыл 25 бейнебақылау камерасы орнатылды. Жабдықтар аудан орталығының негізгі көшелерінде, сондай-ақ елді мекенге кіреберістерде және адамдар көп жиналатын жерлерде орналасқан.Ақсу-Аюлы әкімі Дархан Смаиловтың айтуынша, қондырылған құрылғылар замануи функциялармен, соның ішінде адамдардың беті мен автомобильдерді дәл тану атқарымымен жабдықталған. Камералар автономерлерді талдау арқылы көлік құралының немесе оның иесінің іздеуде екенін анықтауға қабілетті.Камералардан барлық ақпарат полиция бөліміне келіп түседі, онда қызметкерлер тәулік бойы қоғамдық тәртіпті қадағалайды.Жаңа бейнебақылау жүйелерінің мүмкіндіктері мен жұмыс алгоритмін көрсету үшін Дархан Смайылов жергілікті полиция бөлімі мен аудандық прокуратураның басшылығына арнайы тұсаукесер ұйымдастырды.– Мұндай жүйелерді енгізу оқиғаларға жедел ден қоюға, қылмыстың алдын алуға және біздің тұрғындарымызға неғұрлым қауіпсіз жағдай жасауға мүмкіндік береді, – дейді аудан орталығының басшысы. – Сонымен қатар, камералар халықтың құқық қорғау органдарына деген сенімін арттыруға көмектеседі. Ақпарат көзі : https://www.gov.kz/memleket/entities/karaganda/press/news/details/923934

Тілдерді дамыту басқармасының мамандары TilQazynaKaragandy өңірлік жобасы аясында қазақ тілін білуге арналған онлайн-байқау ұйымдастырды. Саран тілдерді дамыту орталығының курстарында оқитын Анастасия Абрамович және «Мәміле» сөйлесу клубының қатысушысы жеңімпаз атанды.Орталықта ол қазақ тілін небәрі жарты жыл оқыған. Осы уақыт ішінде ол мемлекеттік тілді А2 деңгейінде игере алды.Анастасия байқау туралы естіген бетте, оған қатысу туралы шешім қабылдаған. Байқауға қатысушылар Дулат Исабековтың «Гауһар тас» әңгімесін түпнұсқада оқып, оның мазмұны бойынша 25 сұраққа жауап беруі тиіс еді.– Әрине, мен кейде сөздікпен оқуыма тура келді, бірақ бұл тек оң нәтижесін берді деп есептеймін. Бұл тәжірибе менің сөздік қорымды және жалпы қазақ тілін түсінуімді кеңейтті. Әңгіменің өзі маған өте ұнады. Ол бүгінгі таңда өзекті проблемаларды сипаттайды және бізді қолымызда барды бағалауға үйретеді, – дейді Анастасия.Жеңімпазды Қарағанды облысының Тілдерді дамыту басқармасынан құттықтап, диплом мен естелік сыйлық табыс етілді.Анастасияның өзі қазақ тілін үйренуді жалғастыра беруге ниетті екенін айтады.Ақпарат көзі : https://www.gov.kz/memleket/entities/karaganda/press/news/details/923931

Балқашта әуежайды қайта жаңарту жұмыстары жалғасуда. Әуежай инфрақұрылымын жаңғырту қала мен туризмді дамытуға жаңа мүмкіндіктер береді деп күтілуде. Жоспар бойынша жолаушылар ағыны жылына 13 мыңнан 40 мыңға дейін үш есеге өсуі тиіс.Жоба екі негізгі кезеңнен тұрады: рульдік жолдар мен перронды реконструкциялау, сондай-ақ аэровокзал ғимаратын күрделі жөндеу және арнайы автокөлік қызметі үшін нысан салу. Бірінші кезең бойынша жұмыстар өткен жылдың желтоқсан айының соңында аяқталды.Құрылысшылар бетон жабынының екі қабатын, яғни шамамен 114 мың шаршы метр төседі, заманауи жарық-сигналдық жабдықтар орнатылды, қауіпсіздік жолақтары, дренаж жүйелері мен тазарту құрылыстары орнатылды. Қыркүйектен бастап аэровокзалды қайта жөндеу және арнайы көлік қызметі ғимаратының құрылысы жалғасуда. Барлық жөндеу-құрылыс жұмыстарын аяқтау осы жылға жоспарланған.Жолаушылар көлігі және автомобиль жолдары басқармасында түсіндіргендей, жобаны іске асыру әуежайдың өткізу қабілетін сағатына 60-тан 80 жолаушыға дейін арттыруға, оларға қолайлы жағдай жасауға және мүмкіндігі шектеулі азаматтар үшін қолжетімділікті қамтамасыз етуге, сондай-ақ әуеайлақ құрылыстарының сипаттамалары мен параметрлерін Халықаралық азаматтық авиация ұйымы ұсынатын тәжірибеге сәйкес келтіруге мүмкіндік береді.Бұдан басқа, жер бетінде қызмет көрсетудің толық спектрін көрсету үшін бюджет қаражаты есебінен мамандандырылған әуеайлақ техникасын кезең-кезеңімен сатып алу мәселесі пысықталуда. Бірінші кезекте қажетті арнайы техниканы сатып алу жоспарланған: әуеайлақтық өрт сөндіру автомобилі, жүк тартқыш, отын құюшы және өздігінен жүретін трап.Барлық жұмыстар аяқталғаннан кейін Балқаштан Шымкент, Жезқазған және Түркістан қалаларына ұшу географиясын кеңейту жоспарланып отыр. Әуежайды қайта құру ұшуларды ыңғайлы және қолжетімді етеді.Еске салайық, әуежайды ауқымды жаңарту қажеттілігі бұрыннан туындаған: ол 1967 жылы салынған, соңғы рет әуе айлағы 2007 жылы жөнделген болатын.Ақпарат көзі : https://www.gov.kz/memleket/entities/karaganda/press/news/details/924105

Қарағанды облысының әкімі Ермағанбет Бөлекпаев жұмыс орындарындағы кездесулерін жалғастыруда. Бұл жолы ол басқармалар мен ведомстволардың басшыларымен бірге «Қазақстан» шахтасына келді.  Ашық диалогқа кәсіподақ өкілдері, Qarmet компаниясының басшылығы қатысты. – Өздеріңіз білетіндей, жыл бойы тұрғындармен кездесулер өткіземін, бірақ қатысушылар арасында кәсіпорындардың қызметкерлері аз екенін байқадым. Біз еңбек ұжымдарына келіп, мәселелерді ашық диалог барысында талқылау керек деп шештік, – деді Ермағанбет Бөлекпаев. – Мен сіздердің мамандықтарыңызда тәуекелдер бар екенін түсінемін және біздің міндетіміз, басшылықтарыңыздың міндеті – оларды барынша азайту. Сондықтан біз әлеуметтік қорғау, қауіпсіздік және еңбек жағдайын жақсарту шараларын дамытуды жалғастырамыз. Атқарылған жұмыс туралы мемлекеттік еңбек инспекциясы департаментінің басшысы Медеу Ахметов есеп берді. Жұмысшы мамандықтарын қолдау және дамыту шаралары туралы жұмыспен қамтуды үйлестіру және әлеуметтік бағдарламалар басқармасының басшысы Төлеу Мұхтар баяндады. «Қазақстан» шахтасында көбінесе Шахтинск өңірінің тұрғындары жұмыс істейді, сондықтан әңгіме негізінен осы аймақты дамыту туралы қозғалды. Ермағанбет Бөлекпаев Шахтинскіні жылумен жабдықтауды жақсарту үшін не жасалып жатқанын айтты. Өткен жылы ЖЭО-ын жөндеуге арналған қаржыландыру бірнеше есеге арттырылды. Бүгінде станция тұрақты жұмыс істеп тұр. Үйлердің жылы болуы үшін 4 шақырым жылу желілерін ауыстырып, жылу оқшаулағыштар қалпына келтіріле бастады. Бұдан басқа, Шахтинск қаласын газдандыруға дайындық жүріп жатыр. Су құбыры желілерін қайта жаңарту жалғасуда. Көлік инфрақұрылымы да жақсартылып келеді: соңғы екі жылда қала мен іргелес ауылдардың 30 км жолы жөнделді. Кездесуге қатысушылар тұрғын үй мәселесін көтерді. Облыс әкімдігі «Отбасы банкімен» бірлесіп іске қосқан жеңілдікті ипотека бағдарламасы бойынша 116 шахтер мен 113 металлургтер Қарағанды, Саран, Теміртау, Шахтинск, Абай қалаларынан пәтер сатып алды. Облыстық бюджеттен бұл бағдарламаға 2 млрд теңге бөлінді. «Отбасы банкі» филиалының директоры Бауыржан Жуасбаев жұмысшы мамандарға арналған «Наурыз жұмыскер» жаңа тұрғын үй бағдарламасы туралы айтып берді. Ол 2025 жылдың 17 наурызында басталады. Артықшылықтары: бастапқы жарна – 10% -дан (әрленген бастапқы нарықтағы тұрғын үй), 20%-дан (жартылай әрленген және қайталама нарықтағы тұрғын үй); мөлшерлеме - әлеуметтік осал санаттар үшін 7%, қалғандары үшін 9%. Кездесуде сондай-ақ Шахтинскідегі абаттандыру, қоқыс жинау, жарықтандыру, балалар алаңдарын абаттандыруға қатысты сұрақтар қойылды. Оларға қала әкімі Мұрат Қыдырғанбеков бірден жауап берді. Таңертең Шахтинскіден Қарағандыға дейін автобустардың жетіспеушілігіне шағымдар айтылды. Ермағанбет Бөлекпаев шешуді қажет ететін мәселелер бойынша тапсырмалар берді. Шахтерлер Шахтинск ауруханасында медициналық қызмет көрсету мәселесін көтерді. Сондықтан, кездесуден кейін облыс әкімі сол жерге барып, медицина нысанын көріп қайтты. Кеңес заманында салынған ғимарат бірнеше жылдан бері жаңартуды қажет етіп келеді. Өткен жылы емхананы күрделі жөндеу басталды. Қазір 4 және 5-ші қабаттар дайын, 3-ші жартылай дайын. Оны биыл аяқтау көзделіп отыр. Аурухана директоры Талғат Жүкен жабдықтардың жаңартылуы туралы айтып берді.  Реанимация, операциялық бөлме, сондай-ақ жүрек ауруларын диагностикалау үшін жаңа техника алынған. Ермағанбет Бөлекпаев медицина мамандарының жетіспеушілігі мәселесін шешуді тапсырды.Ақпарат көзі : https://www.gov.kz/memleket/entities/karaganda/press/news/details/924158

Жалпы отырыста ҚР Парламенті Мәжілісінің депутаттары «Қазақстан Республикасының кейбір заңнамалық актілеріне тауардың шығарылған елін айқындау мәселелері бойынша өзгерістер мен толықтырулар енгізу туралы» заң жобасын бірінші оқылымда мақұлдау туралы шешім қабылдады.Осы заң жобасы аясында қолданыстағы СТ-KZ және Индустриалды сертификаттарды алмастыратын, сондай-ақ қолданыстағы барлық электрондық жүйелерді біріктіретін қазақстандық тауар өндірушілердің тізілімі енгізіледі.Әзірленіп жатқан Тізілім тауар өндірісін растау жүйесін жетілдіруге бағытталған. Ол сараптама жүргізу үшін қажетті құжаттарға қолжетімділікті қамтамасыз ететін мемлекеттік ақпараттық жүйелермен біріктіріледі.Тізіліммен жұмыс істеудің негізгі кезеңдері мыналарды қамтиды: 1) өтініш беру; 2) цифрлық растау; 3) өндірістік бағалау; 4) Тізілімге енгізу немесе енгізбеу туралы шешім қабылдау.Жүйе қолданыстағы тізілімдер мен сертификаттарды ауыстыра және біріктіре отырып, отандық өндірушілер туралы ақпаратқа қол жеткізудің бірыңғай нүктесін жасайды.Одан бөлек, мемлекеттік қолдау шаралары, оның ішінде реттелетін сатып алулар Тізілімге енгізілген өндірушілерге ғана көрсетілетін болады.Осылайша, қазақстандық тауар өндірушілердің жаңа Тізілімі бизнесті қолдау мен ұлттық экономиканы дамыту жолындағы маңызды қадам болмақ.Ақпарат көзі : https://www.gov.kz/memleket/entities/mps/press/news/details/922502

2025 жылғы 21 қаңтарда ҚР Премьер-Министрі «Мемлекеттік тұрғын үй қорынан тұрғын үйді жекешелендіру ережесіне өзгерістер енгізу туралы» Қазақстан Республикасы Үкіметінің Қаулысына қол қойды.Қаулымен бұрын сатып алу құқығынсыз берілген жалдамалы тұрғынжайларды және жалғыз тұрғынжайы апатты деп танылған тұрғынжайларды азаматтарға жекешелендіру құқығын беру көзделген.Жекешелендірудің қолданыстағы тетіктеріне сәйкес азаматтар тұрғынжайды қалдық құны бойынша толық сатып ала алады немесе артық төлемсіз бөліп төлеуді ресімдей алады.Енгізілген өзгерістерге сәйкес, «бөліп төлеу» тетігін таңдау кезінде бастапқы жарна 30% -дан 10% -ға дейін төмендетілді, сондай-ақ қалдық құны 15 млн теңгеден асатын тұрғынжайлар үшін бөліп төлеу мерзімі 15 жылға дейін ұзартылды. Қағида алғашқы ресми жарияланған күнінен бастап күнтізбелік 10 күн өткен соң қолданысқа енгізіледі.Бөліп төлеу тетігі кезінде есептеу мысалдары:Тұрғынжайдың қалдық құны - 9 млн. теңге, бастапқы жарна - 900 мың теңге. 10 жылға дейін бөліп төлеу мерзімін таңдау кезінде ай сайынғы төлем 67,5 мың теңгені құрайды.Тұрғынжайдың қалдық құны - 16 млн. теңге, бастапқы жарна - 1,6 млн. теңге. Бөліп төлеу мерзімін 15 жылға дейін таңдау кезінде ай сайынғы төлем 80 мың теңгені құрайтын болады.Құжатты толық нұсқасымен осы сілтемеден өтіп таныса аласызАқпарат көзі : https://www.gov.kz/memleket/entities/mps/press/news/details/922600

«Мемсараптама» РМК емхана құрылысына жобалық құжаттаманы қарау қорытындысы бойынша оң қорытынды берді.Алматы қаласы Наурызбай ауданының "Құрамыс" шағын ауданында күн сайын 500-ден астам адамды қабылдай алатын жаңа емхана ашылады.Емхананың 3 қабатты ғимаратының жалпы құрылыс алаңы 4126, 71м2 құрайды.Ғимарат бір-бірімен біріктірілген 5 блоктан (A, B, C, D, E) тұрады. Бірінші мен екінші блокта функционалдық диагностика кабинеттері, физиотерапиялық емдеу және профилактика бөлімшелері, жалпы практика, конференц зал қарастырылған. С, D блогында –стоматологиялық, хирургиялық, қабылдау бөлімі, сондай-ақ педиатрия әйелдер бөлімі. Е блогында – жаппай тексеруге арналған флюрографиялық кабинет, ересектер мен балалар бөлімшелері бар. Барлық блоктар инженерлік және техникалық үй-жайлармен, жуынатын бөлмелермен жабдықталған.Тапсырыс беруші «Алматы қаласының құрылыс басқармасы» КММ, бас жобалаушы – «ЖОБА» ЖШС болып табылады.Ақпарат көзі : https://www.gov.kz/memleket/entities/mps/press/news/details/923286

ҚР Өнеркәсіп және құрылыс министрлігі Қазақстан Республикасының аумағынан түсті және қара металдардың сынықтары мен қалдықтарын, сондай-ақ пайдалануда болған құбырларды, рельстерді, теміржол төсемінің элементтерін және жылжымалы құрамды темір жол көлігімен әкетуге тыйым салуды енгізу туралы бұйрықтың жобасын жариялады.Бұл норма отандық металлургиялық кәсіпорындарды шикізатпен қамтамасыз ету және тиеу мақсатында қабылданды, өйткені ел ішінде қайталама металдарды барынша қайта өңдеу неғұрлым жоғары қосылған құны бар өнім өндірудің, сондай-ақ экологиялық тазалық пен ең аз энергия шығыны үшін стратегиялық маңызды бағыт болып табылады. Министрлік өнеркәсіпті мемлекеттік ынталандыру саласындағы уәкілетті орган ретінде соңғы бірнеше жыл ішінде ішкі және сыртқы нарықтарға бағдарлана отырып, болат өнеркәсібі өндірісін кеңейтуге бағытталған дәйекті жұмыстарды жүргізіп келеді. Бұл ұлттық өнеркәсіптік саясатты дамытудың негізгі элементі болып табылады.Бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.Ақпарат көзі : https://www.gov.kz/memleket/entities/mps/press/news/details/923563

Бүгін ҚР Өнеркәсіп және құрылыс вице-министрі Олжас Сапарбеков энергетикалық және коммуналдық саласын жаңғырту тақырыбындағы брифингте сөз сөйледі.Ол ұлттық жоба аясында отандық тауарларды барынша пайдалану жоспарларына тоқталды. «Энергетикалық және коммуналдық саласын жаңғырту» ұлттық жобасы аясында отандық тауарларды қолдануға және инвестициялар тартуға бағытталған. Бұл бәсекеге қабілеттілікті арттырып, отандық кәсіпорындардың өндіріс көлемін ұлгайтуға мүмкіндік береді», – деді Олжас Сапарбеков.Құжат шеңберінде жеткізушілер арасында отандық өндірілген өнімнің үлесін 2025 жылы шамамен 20% деңгейінде қамтамасыз ету, 2029 жылға дейін 60% шамасындағы шекке жету үшін міндеттер белгіленген.Көрсеткішке қол жеткізу мақстында, елде жаңа өндiрiс қуаттарын ашу мақсатында оффтейк келісім-шарттар жасау, жеткізушілер мен мердігерлер арасындағы өзара ашық әрекеттесу үшін электрондық сатып алу алаңын әзірлеу сияқты отандық тауар өндірушілерді қолдау шаралары әзiрлендi.Энергетика және коммуналдық салаларды жаңғырту шеңберінде қажетті өнім түрлерінің тізбесі әзірленді. Алдын ала мәліметтер бойынша, тізім сомасы шамамен 4 трлн теңге құрайтын 1 000-нан аса тармақтан тұрады. Бұл өнімдер желілерді, станцияларды, жылумен жабдықтауды, сумен жабдықтауды және кәрізді жаңғыртуда қажет.700-ден астам өнім түрін шығаратын 187 кәсіпорынның тізімі құрылды.«Отандық кәсіпорындардың темір-бетон бұйымдарына, полиэтилен құбырларына және трансформаторлардың, қазандықтардың, кабельдік бұйымдар мен ажыратқыштардың жекелеген түрлеріне сұранысты толығымен қамтамасыз етуге мүмкіндігі бар», – атап өтті вице-министр.Вице-министр бүгінгі таңда Қазақстанда жалпы сұраныстың ішінде 330-дан астам өнім түрі бойынша өндірісті оқшаулау мүмкіндігі бар екенін айтты.Тауарлардың бұл түрлерін локализациялау үшін офтейк келісім-шарттар жасасу тетігі қарастырылады. Осылайша, табиғи монополия субъектілерінің тауарлардағы қажеттілігі техникалық оператор тарапынан сарапталатын болады. Сарапталған көлем «Казахинвест» және «Qazindustry» ұлттық институттарына ұсыналады. Бұл институттар өндірістің жаңа түрлерін жолға қоюға дайын инвесторларды немесе жұмыс істеп тұрған отандық өндірушілерді іріктеу бойынша жұмыс жүргізеді.Ұлттық жоба аясында отандық тауар өндірушілерді қолдау механизмдерін Қазақстан Республикасының заңнамасына сәйкес нормативті-құқықтық актілерінде бекітуді көздеп отырмыз. Фото Үкіметтің баспасөз қызметіненАқпарат көзі : https://www.gov.kz/memleket/entities/mps/press/news/details/924035

Еске салайық, 2024 жылдың 1 қазанынан бастап Тауарларды таңбалау және қадағалау жөніндегі бірыңғай оператор (Tañba) қазақстандық жеңіл өнеркәсіп тауарларын экспорттаушыларына арналған бақылау сәйкестендіру белгілерін (БСБ) алу қызметін ұсынып келеді. Жаңашылдық 120 қазақстандық экспорттаушыға Wildberries, Ozon және басқа да танымал маркетплейстерінде тоқыма өнімдерін сату үшін оны таңбалауға мүмкіндік берді. Бұрын қазақстандық экспорттаушыларында мұндай мүмкіндік болмаған және олардың тауарларын Ресей Федерациясының аумағындағы маркетплейстері арқылы сату қолжетімсіз болды.2023 жылдың 1 наурызынан бастап Ресейдегі маркетплейстерінде жеңіл өнеркәсіп тауарларын сату алдында оның әрбір таңбалау кодын тексеру міндетті болды. Таңбалау кодын тексермеу бұзушылық болып табылады және ондай жағдай маркетплейс те, таңбаланбаған жеңіл өнеркәсіп тауарларын сатушыларға айыппұл салуына әкеп соғады.Бүгінгі таңда тауар айналымына қатысушылар цифрлық таңбалау жүйесіне белсенді түрде қосылуда, бұл экспортқа, оның ішінде танымал маркетплейстерде тауарларды сатуға жаңа мүмкіндіктер ашады. Бүгінгі таңда тапсырыс берілген БСБ-ның жалпы саны 196 мыңнан астам бірлікті құрады.«Тауарларды таңбалау халықаралық нарықтардағы қазақстандық тауарлардың позициясын нығайтуда маңызды рөл атқарады. Бұл нарықтағы ашықтық пен біздің өнімдерге деген сенімді арттырып қана қоймай, олардың халықаралық стандарттарға сай болуына көмектеседі. Бұл экспортты дамыту және Қазақстанның сенімді сауда серіктесі ретіндегі имиджін нығайту үшін маңызды қадам», - деді аяқ киім таңбалау жобасының жетекшісі Ерлан Қарабаев.Жеңіл өнеркәсіп тауарларына БСБ қолданумен қатар, экспорттаушы тауарды жөнелту құжаттарын ресейлік оператордың таңбалау жүйесі арқылы тауар қабылдушыға жіберуі керек, осылайша ол БСБ-ны алушы елде айналымға енгізеді.Өнімді таңбалау бірқатар елдердегі нарықтар мен маркетплейстерге шығудың міндетті талабы болып табылады. Бұл құрал қазақстандық экспорттаушыларға халықаралық нарыққа шығуды қамтамасыз етеді және тұтынушылардың брендке деген сенімін арттырады.Анықтама үшін: 2020 жылдан бастап «Қазақтелеком» Қазақстандағы тауарларды таңбалау және қадағалау жөніндегі бірыңғай оператор болып тағайындалды. Бүгінгі таңда үш өнім тобына міндетті таңбалау енгізілді: аяқ киім, темекі бұйымдары және дәрі-дәрмек. Ал келесі өнім топтары үшін таңбалау бойынша пилоттық жобалар іске қосылды: мотор майлары, сыра қайнату өнімдері, зергерлік бұйымдар.Ақпарат көзі : https://www.gov.kz/memleket/entities/mps/press/news/details/924212