СҚО әкімі Ғауез Нұрмұхамбетов Аққайың ауданында инфрақұрылым және ауылшаруашылық нысандарында болып, аудан тұрғындарымен кездесу өткізіп, мәселелер мен алдағы жоспарларды талқылады.Сапарды «Астраханское» ЖШС қолдауымен қайта жөндеуден өткен Астраханка ауылындағы мәдениет үйін аралаудан бастады. Бұл нысан ауыл тұрғындарының мәдени өмірінің орталығына айналды, шығармашылық ұжыммен жылу жүздесу болды.Өңір басшысы Ленинское ауылында жөндеуден өткен ауылішілік жолдардың жағдайын тексерді. Биыл 5 көшеге асфальт төселді. Сондай-ақ Тюменка, Көктерек, Токуши және Власовка ауылдарына кірме жолдар салынды. Сондай-ақ, жергілікті тұрғындардың қауіпсіздігі мен жайлылығын қамтамасыз етудің маңызды бөлігі болып табылатын қыс мезгілінде оларды күтіп ұстау мәселелері талқыланды.СҚО әкімі Қиялы ауылында «Гагарино» серіктестігінің сүт фермасының құрылыс барысымен танысты. Сондай-ақ «Северный бройлер» құс фабрикасының инкубаторында, «Иван Зенченко» ЖШС-нің жем-шөп ауласында, ауыл шаруашылығы тәжірибе стансасындағы Петкус тазалау желісінде болып, диқандармен кездесуде егін жинау науқанын қорытындылады. "Ауылдық денсаулық сақтау саласын жаңғырту ұлттық жобасы аясында Власовка ауылында жаңа медициналық пункт салынуда. Дәл осындай нысандар Тюменка, Ивановка ауылдарында да тұрғызылуда. Жыл соңына дейін медициналық мекемелер ашылады деп күтілуде. Бұл ауыл тұрғындары үшін медициналық қызметтің қолжетімділігі мен сапасын жақсартуға мүмкіндік береді", - деп жазды өңір басшысы әлеуметтік желіде.Ақпарат көзі : https://www.gov.kz/memleket/entities/sko/press/news/details/882972

Астанада 30 қараша күні халықаралық мұз шоуы өтеді, онда әлемдік мәнерлеп сырғанаушылармен бірге елорданың жас спортшылары мұз айдынына шығады, деп хабарлайды қала әкімдігінің ресми сайты. Мұз айдынына 10-12 жас аралығындағы №2 БЖСМ тәрбиеленушісі – 12 бала шығады, олар әлемдік жұлдыздармен бірге өнер көрсетеді.Шоу үздік мәнерлеп сырғанаушылардың басын қосады, олардың арасында екі дүркін Олимпиада чемпионы Евгений Плющенко, Ресей чемпионы Александра Трусова, әлем чемпионы Дмитрий Алиев және т.б. бар. Көрермендердің ерекше назары үздік спортшылармен өнер көрсететін жас қатысушыларға аударылады.Жастар арасында Қазақстан чемпионаты мен кубогының жүлдегері Мария Полехина және спартакиада жүлдегері Алана Охрименко бар. Балалар «Щелкунчик», «Күлбике мен әдемі ханзада» сияқты әйгілі ертегілерге, сондай-ақ классикалық «Аққу көлі» және «Кішкентай су перісі» балеттерінің үзінділеріне негізделген орындауларды көрсетеді.Жас мәнерлеп сырғанаушыларды тәжірибелі тәлімгерлер – ҚР спорт шебері, жастар ҚРЧ жеңімпазы, кубоктар мен чемпионаттардың жүлдегері, №2 БЖСМ 1-санатты жаттықтырушы Екатерина Бихерт және жоғары санатты жаттықтырушы, ҚР Ұлттық төрешісі Олеся Воинкова жаттықтырады. Ақпарат көзі : https://www.gov.kz/memleket/entities/astana/press/news/details/882710

Қазіргі таңда Алға ауданының екі ауылында ауызсу нысандарының құрылысы жүріп жатыр. Қалған 28 елдімекенге ауызсу түгел жеткізілген. Бұл туралы Өңірлік коммуникациялар қызметі алаңында өткен баспасөз конференциясында Алға ауданының әлеуметтік-экономикалық дамуы жөнінде баяндама жасаған әкім орынбасары Болатбек Кангужин мәлімдеді.Пресс-конференцияда ол инженерлік инфрақұрылым саласындағы жетістіктерге тоқталды. Оның айтуынша, Тікқайың және Көктоғай ауылдарындағы ауызсу нысандарының құрылысы басталған. Алайда, құрылысқа жауапты мердігердің салғырттығынан жұмыс аяқталмаған. «2022 жылғы рәсімделген келісімшартқа сәйкес, құрылыс-монтаж жұмыстары басталған еді. Алайда, бүгінгі күнге дейін мердігер тиісті жұмыстарды атқармауы салдарынан, нысан белгіленген мерзімде орындалған жоқ. Сондықтан сотқа мердігерді «жосықсыз» деп тану, айыппұл тағайындау және жұмыстарды толығымен аяқтауға міндеттеу бойынша екі мәрте талап арыз берілді. 2025 жылы жұмыстар толығымен аяқталады деп жоспарлануда», - деді спикер. Аудан әкімінің орынбасары, сондай-ақ, алғалықтардың 98%-ы көгілдір отынға қол жеткізгенін жеткізді. Жуырда Жерұйық ауылына газ тартылмақ. Қазір жобалық-сметалық құжат дайындалып, мемлекеттік сараптамадан өткізілген.Ақпарат көзі : https://www.gov.kz/memleket/entities/aktobe/press/news/details/883015

ЕК-15/2, ЕК-16 және ЕК-23 жаңа көшелерінің құрылысын Хан Шатыр СОО маңындағы Анет баба, Қ.Мұхамедханов және Төле би көшелерінің қиылысы ауданында іске асыру жоспарлануда.Бүгінгі таңда жоба 3 кезекке бөлінген.I кезек:- ЕК-13 көш., Е305 көшесінен ЕК-12 көш. дейін;- ЕК-15/1 көш., ЕК-32 көшесінен Қ. Мұхамедханов көш. дейін;- ЕК-16/1 көш., ЕК-23 көшесінен ЕК-27 көш. дейін;- Е-23 көш., Е306 көшесінен «Хан-Шатыр» СОО дейін;- ЕК-20 көш., ЕК-15/1 көшесінен Е306 көш. дейін;- ЕК-27 көш., ЕК-16/1 көшесінен ЕК-15/1 көш. дейін;- №1 РПК-2Т және №2 РПК-2т қондырғысы бар 20 кВ алаңнан тыс электрмен жабдықтау.II кезек:- ЕК-15/2 көш., ЕК-32 көшесінен Қ. Мұхамедханов көш. дейін;- ЕК-16 көш., ЕК-32 көшесінен Қ. Мұхамедханов көш. дейін;- ЕК-23 көш.ЕК305 көшесінен Е306 көш. дейін.III кезек:- ЕК-12 көш., Қ. Мұхамедханов көшесінен «Хан-Шатыр» СОО дейін ;- ЕК-16/1 көш., ЕК-13 көшесінен ЕК-23 көш. дейін;- ЕК-23 көш., Е32 көшесінен Е305 көш. дейін.«Мемсараптама» РМК II кезектегі жұмыс жобасын қарады.Сараптама нәтижелері бойынша жалпы ұзындығы 2,5 км екі және төрт жолақты қозғалыстың II кезекті жолдарын салу жобасына оң қорытынды берілді.Тапсырыс беруші «Астана қаласының Көлік және жол-көлік инфрақұрылымын дамыту басқармасы» ММ, бас жобалаушы – «АРРУАЛ» ЖШС.Ақпарат көзі : https://www.gov.kz/memleket/entities/mps/press/news/details/882989

Ұлттық қорғаныс университетінде әскери байланысты дамытудың өзекті мәселелері талқыланған дөңгелек үстел өтті.Отырысты ҰҚУ жан-жақты қамтамасыз ету факультет байланыс және ақпараттық қауіпсіздік кафедрасының профессорлық-оқытушылар құрамы ұйымдастырды.Іс-шараға Қарулы күштердің, Ұлттық қауіпсіздік комитеті Шекара қызметінің, Төтенше жағдайлар министрлігінің, Ұлттық ұланның, сондай-ақ жеке компаниялардың өкілдері қатыстыМамандар Қарулы күштердегі, басқа да әскерлер мен әскери құралымдардағы байланысты жаңғырту мәселелерін талқылап, заманауи технологияларды енгізуде тәжірибе алмасты.Қазіргі цифрлық жүйелерді пайдалануға, оларды қолда бар байланыс құралдарымен біріктіруге ерекше назар аударылды. – Талқылау қорытындысы байланысты одан әрі жетілдіру мен елдің қорғаныс қабілетін нығайтудағы нақты қадам болмақ. Қабылданған шешімдер өз нәтижесін беретініне сенімдімін, – деп атап өтті Байланыс департаменті бастығының орынбасары полковник Талғат Тілеукенев. Азаматтық сектор өкілдері әскери қызметшілерді оқыту жөнінде бастама көтерді. Курстық дайындықтан өткеннен кейін оларға әріптестері үшін сабақ өткізу құқығы бар сертификаттар беріледі.Ақпарат көзі : https://www.gov.kz/memleket/entities/mod/press/news/details/882957

Премьер-министрдің орынбасары Серік Жұманғарин «Alarko Holding» түрік компаниясының вице-президенті Шахин Аббаспен кездесті.Кездесуге қатысушылар құны $650 млн болатын қызанақ өсіру бойынша ауқымды инвестициялық жобаны іске асыру барысын талқылады. Шымкентте 2025 жылдың соңына дейін екі кезең бойынша жылыжай кешенін және өсірілген өнімді қайта өңдейтін цех салу жоспарланып отыр. Бірінші кезеңде – 45 гектар, екінші кезеңде – 130 гектар. Толық қуатқа шыққанда кешен жылына 51 мың тонна өнім өндіруге мүмкіндік береді. Өткізу нарықтары: ішкі және Ресей Федерациясы, Қатар, БАӘ-ге экспорттау.Кәсіпорында 2 мыңға жуық жұмыс орны ашылады. Компания Шымкентте жылыжайларға арналған құрылымдар шығаратын зауыт ашуды жоспарлап отыр, бұл құрылыс мерзімін қысқартуға мүмкіндік береді. Жоба аясында халықаралық стандарттар бойынша ауыл шаруашылығы мамандарын даярлау үшін мамандандырылған академия құрылады.Тараптар инвестициялық жобаны іске асыру үшін мемлекеттік қолдау шаралары көзделген инвестициялар туралы келісімнің жобасы мен шарттарын талқылады.Серік Жұманғарин инвесторға жан-жақты қолдау көрсетілетінін айта келе, ауыл шаруашылығының басқа да басым салаларында, атап айтқанда, астық, қант қызылшасы, теріні терең өңдеуді қоса алғанда, өндірісті жолға қою мүмкіндігін қарастыруды ұсынды.Ақпарат көзі : https://www.gov.kz/memleket/entities/moa/press/news/details/883012

2024 жылғы 13 қарашада Қазақстан Республикасының Энергетика вице-министрі Әлібек Жамауов Теңіз кен орнына жұмыс сапарымен барды.Сапар барысында Министрлік делегациясы кешенді технологиялық желілерді, екінші буын зауытын, үшінші буын зауытын және бірлескен өндірісті басқару орталығын қоса алғанда, негізгі өндірістік объектілерге аралады. Кен орнында мұнай өндіруді едәуір ұлғайтуға арналған Болашақ кеңейту жобасын (БКЖ) іске асыруға байланысты нысандарға ерекше назар аударылды.Вице-министр Ә.Жамауов Теңіз кен орны операторының басшылығымен кездесу өткізді, оның барысында мұнай мен газ өндірудің ағымдағы көрсеткіштері, сондай-ақ жобаның келешектегі дамуын талқылады.Сонымен қатар, сапар аясында делегация БКЖ-на қатысты нысандарды қарап шықты, онда оларды іске қосудың жоспарлары мен техникалық аспектілері пысықталды.Вице-министр мұнай өндірісін жылына 12 миллион тоннаға ұлғайтуға және Қазақстанның энергетикалық қауіпсіздігін едәуір нығайтуға мүмкіндік беретін БКЖ объектілерін уақтылы пайдалануға берудің стратегиялық маңыздылығын атап өтті.Ақпарат көзі : https://www.gov.kz/memleket/entities/energo/press/news/details/882973

Қазақстан Республикасы Төтенше жағдайлар министрінің бұйрығымен суда адамдарды құтқару кезінде көрсеткен ерлігі мен жанқиярлығы үшін полиция қызметкері Ердәулет Макимов «Суға батқандарды құтқарғаны үшін» медалімен марапатталды.Марапатты ТЖМ басшысының атынан Павлодар облысы ТЖД бастығы Рустамбек Амрин табыстады.«Су – өмірге қауіпті стихия, сол себепті аталмыш жағдайларда әр секунд санаулы болып табылады. Сіз қайғылы жағдайдың алдын алдыңыз. Сіздің батыл әрекеттеріңіздің арқасында бір ғана өмірді емес, екі жасөспірімнің өмірін сақтап қалдыңыз», - деп атап өтті Департамент бастығы және батырға денсаулық пен қызметте табыс тіледі.Жағдай ағымдағы жылдың 1 тамызында орын алды. Ақтоғай ауданы полиция бөлімінің аға тергеушісі Ердәулет Макимов кезекті демалыста болатын, сол күні Ертіс өзенінің жағасында отбасымен демалыста болғанда су жағасында тұрған ұлдардың айқайын естіді. Судағы батып бара жатқан жасөспірімдерді көріп, офицер бір секунд ойланбастан өзенге секірді.Полиция маманы судан бір баланы шығарып үлгерді, ал екіншісі ағынмен кете бастады. Ол ойланбастан қайта суға түсіп, жасөспірімге жетіп, күшін жинап, онымен бірге жағаға жетті және балаларға дәрігерге дейінгі көмек көрсетті.Өз кезегінде, Ердәулет Макимов төтенше жағдайларда көмек көрсету әркімнің міндеті деп санайды. Полиция қызметкері ішкі істер органдарында 12 жылдан астам уақыт қызмет етіп келеді. Жұбайымен бірге олар үш бала тәрбиелеп отыр.Ақпарат көзі : https://www.gov.kz/memleket/entities/emer/press/news/details/882979

Жетісу облысының орталығы Талдықорған қаласында «Таза Қазақстан» акциясы тақырыбында мурал пайда болды. Аталған экологиялық бағдарламаның аясында облыста сенбілік шараларымен қатар осындай насихат жұмыстары да жүргізіліп келеді, - деп хабарлайды Жетісу облысы әкімінің баспасөз қызметі.Талдықорған қаласындағы «Бірлік» шағын ауданында № 43 үйдің қабырғасында жуырда «Таза Қазақстан» акциясын бейнелейтін мурал салынды.- Талдықорған қаласында бүгінгі күні тұлғатану, туризм, экология т.б. тақырыптарда 14 мурал бар. Соның біреуі «Таза Қазақстан» акциясына арналып отыр. Бұл мурал қала әкімінің ұсынысына орай демеушілік көмек арқылы салынды. Қазір көпшілік жазба ақпаратты оқудан гөрі, көзбен қабылдауға бейім, сондықтан осы тақырыпты мурал арқылы насихаттағанды жөн деп таптық. Басты мақсат - тазалықты сақтау мәселесіне қала тұрғындарының назарын аударту, оған қоса «Таза Қазақстан» акциясының маңызын айшықтау, - дейді Талдықорған қаласы әкімінің орынбасары Қуаныш Сейтімбетов.Үш буын ұрпақтың ағаш егу сәті бейнеленген бұл суретті күнде көретін қала тұрғындары мұндай бастамаға разы.- «Таза Қазақстан» аясындағы сенбіліктерге үнемі қатысамыз. Себебі қала өзіміздікі, ертең бізден кейінгі жас ұрпақ осы жерде өсіп-өнеді, сондықтан қаланың тазалығы бәрімізге ортақ міндет. Кішкентай балаларға да өзіміз үлгі болуымыз керек. Осы муралды көргенде сол жауапкершілікті үнемі есіме аламын, - қала тұрғыны дейді Нұржан Әлібаев.Жалпы «Таза Қазақстан» бағдарламасы аясында Жетісу облысында жалпы 1 990 техника жұмылдырылып, 10 714 тонна қоқыс шығарылып, 2 445 км арық желісі тазаланды. Облыс аумағында акция кезінде 40,1 мың түп көшет отырғызылды. «Таза Қазақстан» республикалық экологиялық бағдарламасы Жетісу облысында белсенді түрде ұйымдастырылып, тұрғындар тарапынан зор қолдауға ие болды. Бүгінгі күннің өзінде жалпыұлттық тазалық шарасына облыс бойынша 226 мыңнан астам адам атсалысты. Жетісу облысы әкімінің баспасөз қызметі.Фотосуреттер авторы: Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/882884

«Азаматтарға арналған үкімет» Мемлекеттік корпорациясы киберқауіпсіздік саласындағы жетекші компания - TSARKA-мен ынтымақтастық туралы Меморандумға қол қойылғанын жариялады. Бұл келісім ақпараттық қауіпсіздік деңгейін арттыруға және Мемлекеттік корпорацияның ақпаратын қорғауға бағытталған.Әріптестік аясында TSARKA ақпараттық жүйелердегі осалдықтарды анықтау және жою мақсатында Tumar.One платформасынан зерттеу және тестілеу жүргізу үшін баг-хантерлерді белсенді түрде тартады.Баг-баунти платформасы – тәуелсіз киберқауіпсіздік зерттеушілері бағдарламалық қамтамасыз етуді тестілеу және анықталған осалдықтар туралы хабарлау мүмкіндігіне ие болатын инновациялық модель.«Меморандумға қол қою – екі ұйымның киберқауіпсіздіктің жоғары стандарттарын ұстанатынын, мемлекеттік сонымен қатар жеке құрылымдар арасындағы серіктестіктің маңыздылығын растайды. Бұл қадам қауіпсіздікті үздіксіз бақылауды қамтамасыз етіп, мемлекеттік басқару жүйесіне азаматтардың сенімін арттыруға мүмкіндік береді», – деп атап өтті TSARKA Group президенті Олжас Сәтиев.«Цифрлық дәуірде деректер қауіпсіздігін қамтамасыз ету – біздің қызметіміздегі негізгі аспектілерінің бірі. Серіктестер бағдарламалық қамтамасыз етуді тестілеп, осал тұстардың анықталғаны туралы хабарлап отырады. Біз өз тарапымыздан бұзушылықтар, рұқсатсыз қолжетімділік және басқа да қауіптерді болдырмау үшін кешенді шаралар қабылдаймыз. Бұл Мемлекеттік корпорацияның деректерді қорғауды күшейтіп, олардың құпиялылығына кепілдік беруіне мүмкіндік береді», – деп қосты «Азаматтарға арналған үкімет» Мемлекеттік корпорацияның Басқарма Төрағасы Арман Кенжегалиев.«Азаматтарға арналған үкімет» Мемлекеттік корпорациясы мен TSARKA арасындағы ынтымақтастық барлық азаматтар мен ұйымдар үшін қауіпсіз цифрлық ортаны құрудағы маңызды қадам болмақ.Ақпарат көзі : https://www.gov.kz/memleket/entities/ulytau/press/news/details/882948

Елордада бірнеше күннен бері тоқтаусыз қар жауды. Қыс мезгілінің басынан бастап қаланың коммуналдық қызметтері күшейтілген жұмыс режиміне көшті. Күн сайын 2,5 мыңға жуық жол жұмысшы қар тазалауға шығады, деп хабарлайды елорда әкімдігінің ресми сайты.14 қараша күні күндізгі ауысымда Астана көшелерін қар мен мұздан 2,5 мыңнан астам жол жұмысшы мен 1,4 мың бірлік арнайы техника тазартады.14 қарашаға қараған түні елордадан 30 мың текше метрден астам қар шығарылды, бұл шамамен 2,3 мың ауыр жүк көлігін құрайды.Қыс мезгілінің басынан бастап қар полигондарына 17 095 рейспен 210 мың текше метрден астам қар шығарылды.Ең алдымен, ереже бойынша, жолдарда кептеліс болмас үшін қозғалысы өте қарқынды тұстар тазартылады. Сондай-ақ, орташа қарқындылығы бар учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. қардан тазартылады.Сол сияқты орталық көшелерді, жолаушылар көлігі маршруттары, аялдамалар мен тротуарлар жолдарын тазалауға басымдық беріледі.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, сол сияқты мұнда бейнебақылау камералары орнатылып, жарықтандыру қосылған.«Қазгидромет» РМК деректері бойынша, 14 қарашада Астанада көшпелі бұлт шығып, қар жауып, жел соғады – жылдамдығы 9-14 м/с, екпіні 15-18 м/с дейін болады деп күтілуде.Елорда тұрғындары мен қонақтарын жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» телефон нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/882897

Азия атқыштар конфедерациясы (ASC) 2024 жылғы рейтингін жариялады. Онда Орталық спорт клубының спортшысы кіші сержант Әсем Орынбай «скит» бойынша әйелдер арасында 1722 ұпаймен бірінші орынды иеленді.Екінші орынға 1627 ұпаймен Катар атқышы Әл Шаршани Рим тұрақтаса, үшінші орынға 1500 ұпай жинаған қытайлық Гао Цзинмей жайғасқан. – 2024 жыл тартысты өтті. Менде күнделікті жаттығулар мен жарыс кестесі болды. Дұрыс жоспарланған дайындық пен қатаң тәртіп нәтиже берді. Күш-жігерімнің осылай бағаланғанына қуаныштымын, – деді Ә. Орынбай.Естеріңізге сала кетейік, биылғы қазан айында Әсем Орынбай 15 елден 200-ден астам спортшы қатысқан Азия кубогында үш алтын жеңіп алған болатын.Азия ойындарының үш дүркін жүлдегері, Әлем чемпионаттары мен кубоктарының жүлдегері, Әлем кубогының чемпионы, Токио мен Париждегі Олимпиада ойындарына қатысушы Әсем Орынбай «скит» және стендтік ату пәндерінде өнер көрсетеді.Ақпарат көзі : https://www.gov.kz/memleket/entities/mod/press/news/details/882937

Жизақ облысындағы Орталық әскери округтің «Фориш» полигонында басталған Hanjar-2024 («Қанжар-2024») тактикалық-арнайы оқу-жаттығуы 20 қарашаға дейін жалғасады.Іс-шаралар екі ел әскери қызметшілерінің тығыз ынтымақтастығын, қалалық жағдайда арнайы операция жүргізуде тәжірибе алмасуды және заңсыз қарулы құралымдарды жоюды көздейді.Hanjar-2024 («Қанжар-2024») тактикалық-арнайы оқу-жаттығуы арнайы мақсаттағы бөлімшелерді жауынгерлік әзірліктің жоғары дәрежесіне келтіруді, оларды жауынгерлік қолдануға дайындауды және арнайы операцияны бірлесіп жүргізуді қоса алғанда, үш кезеңге жоспарланған.Бірлескен іс-қимылдар барысында Қазақстан мен Өзбекстанның әскери қызметшілері әртүрлі қару түрлерінен ату, шартты тұрғындар тұратын жерлерде жауынгерлік іс-қимылдар жүргізу дағдыларын пысықтайды, сондай-ақ операцияға егжей-тегжейлі талдау жүргізеді.Оқу-жаттығу аясында ұлттық тағамдар күндері, Достық футбол матчы және Самарқан қаласына экскурсия жоспарланған.Ақпарат көзі : https://www.gov.kz/memleket/entities/mod/press/news/details/882947

Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге – 982,2 млрд теңге, ынтымақты зейнетақы төлеуге – 2 трлн 136 млрд теңге қарастырылды.2024 жылғы 1 қарашадағы жағдай бойынша зейнеткерлер саны – 2 млн 421 мың адам.2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері – 89 122 теңге, базалық зейнетақы – 42 608 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Ақпарат көзі : https://www.gov.kz/memleket/entities/enbek/press/news/details/882920

Абай атындағы балалар кітапханасы 18–22 қараша аралығында Үндістан мәдениетімен танысқысы келетіндер үшін арнайы шара ұйымдастырмақшы. Әлемдік дәстүрді тануға бағытталған жаңа бағдарлама аясында бірқатар кездесулер өткізу жоспарланған. Кіру тегін.«Қазір әлем мәдениетін тану маңызды. Бұл адамның дүниетанымын көзқарасын қалыптастырады. Біздің «Мәдениеттер тоғысы» жобамыз Италия, Жапония және Қытай дәстүрімен таныстырды. Алдымен қарағандылықтарға Үндістан атмосферасына еніп, танысу мүмкіндігін ұсынамыз», – дейді кітапхана өкілдері.Бағдарлама:* 18 қараша сағат 12:00-де – Үндістан мәдениет күндерінің ашылуы; Үнді ұлттық әні мен биі, танымдық викторина өтеді;* 19 қараша сағат 14:00-де – "Йога әлемі" йогадан шеберлік шыңдауға болады;* 20 қараша сағат 15:00-де – "Мехенди өнері" Хна көркем кескіндеме шеберлік сыныбы;* 21 қараша сағат 15:00-де – "Үнді тағамдары" аспаздық сабағы;* 22 қараша сағат 10:30-да – «Золотая антилопа» мультфильміннің көрсетілімі (Үнді ертегілері негізінде).Апта бойы кітапханада кітап көрмесі мен Қарағанды облыстық бейнелеу өнері музейі ұсынған сурет көрмесі өтеді. Кітапхананың мекенжайы: Бухар-жырау даңғылы, 30Ақпарат көзі : https://www.gov.kz/memleket/entities/karaganda/press/news/details/882861

Министрліктің Су ресурстарын реттеу, қорғау және пайдалану комитеті бассейндік инспекцияларды жаңа жабдықтармен қамтамасыз ету бойынша жұмыс жүргізуде.Бүгінгі таңда бассейндік инспекцияларға 18 жеңіл автокөлік, көп функциялы құрылғылар, судың жылдамдығы мен шығынын өлшеуге арналған датчиктер берілді. Сондай-ақ бассейндік инспекциялар ғимараттарына жөндеу жұмыстары жүргізілуде.«Су ресурстарын реттеу, қорғау және пайдалану комитеті судың «көлеңкелі» нарығына қарсы күресті күшейту үшін құрылған. Ведомство суды заңсыз пайдаланумен және оны есепке алу деректерінің бұрмалануымен, сондай-ақ, елдің су объектілеріндегі құқыққа қарсы шаруашылық қызметпен күреседі. Қазіргі уақытта бассейндік инспекциялар мен мемлекеттік су инспекторларының функцияларын кеңейту, жедел әрекет етудің жаңа құралдарын енгізу бойынша жұмыс атқарулуда», − деді Су ресурстары және ирригация министрі Нұржан Нұржігітов.Бүгінгі таңда бассейндік инспекциялардың жалпы штаты 241 адам. Министрлік құрылғаннан бері штат саны 1,5 есе ұлғайды. Бұл республиканың әрбір облыс орталығында бассейндік инспекция бөлімдерін ашуға мүмкіндік берді.Айта кетейік, елімізде 8 бассейндік инспекция бар. Ол Арал-Сырдария, Балқаш-Алакөл, Ертіс, Есіл, Жайық-Каспий, Нұра-Сарысу, Тобыл-Торғай және Шу-Талас бассейндік инспекциялары.Ақпарат көзі : https://www.gov.kz/memleket/entities/water/press/news/details/882866

Премьер-Министрдің орынбасары – Ұлттық экономика министрі Нұрлан Байбазаров Байбазаров Бакуде өткен БҰҰ-ның климаттың өзгеруі жөніндегі –COP29 жыл сайынғы конференциясына қатысты.Нұрлан Байбазаров «ИДБ-ға қатысушы елдерде климаттық өзгерістерге төзімді су инвестицияларын қаржыландыруды ашу» атты жоғары деңгейлі сессияда сөйлеген сөзінде су саласының өзекті мәселелеріне тоқталып өтті. Сондай-ақ Қазақстанның тәжірибесімен бөлісіп, қазіргі сын-қатерлерді шешу жөніндегі жоспарлар мен су ресурстарын тұрақты басқарудың стратегиялық инвестициялары туралы айтты.«Еліміздің су саласын реформалау және трансформациялау үшін жаңа ведомство яғни, Су ресурстары және ирригация министрлігі құрылды. Жаңа Су кодексі әзірленіп, Су ресурстарын басқару жүйесін дамыту тұжырымдамасы мен Су саласын дамытудың кешенді жоспары бекітілді», - деп хабарлады іс-шараға қатысушыларға вице-премьер.Оның айтуынша, орта мерзімді кезеңде Қазақстан 20 жаңа су қоймасын салу әрі кемінде 15 жұмыс істеп тұрған су қоймасын реконструкциялау, сондай-ақ 3500 шақырым каналды жөндеу мен цифрландыру міндетін қойды.Қазақстан Үкіметі еліміздің барлық өңірлерінде, оның ішінде халықаралық қаржы ұйымдары мен қаржы институттарын тарта отырып, су инфрақұрылымын салу мен жаңғырту бойынша белсенді жұмыс жүргізе бастады.Сонымен қатар, Н.Байбазаров Ислам Даму Банкі (ИДБ) Қазақстанның су шаруашылығы саласына $1,1 млрд инвестиция құятынын атап өтті. Бірінші кезеңде ИДБ бөлетін қаражатты 8 су қоймасын салу мен реконструкциялауға әрі 115 каналды күрделі жөндеуге бағыттау жоспарлануда.Ақпарат көзі : https://www.gov.kz/memleket/entities/economy/press/news/details/882869

ҚР Туризм және спорт министрі Ербол Мырзабосынов биылғы 26 қазан мен 4 қараша аралығында Черногорияның Будва қаласында және сол уақытта АҚШ-тың Пуэбло қаласында өткен бокстан жастар арасындағы әлем чемпионаттарының жеңімпаздарымен және жүлдегерлерімен кездесіп, жас былғары қолғап шеберлері мен олардың жаттықтырушыларын марапаттады.Іс-шараға Қазақстан бокс федерациясының президенті Шахмұрат Мүтәліп, Қазақстан бокс федерациясының бас хатшысы Рауан Игенев, Бокстан ҚР жастар әйелдер құрама командасының аға жаттықтырушысы Жанкелді Ахметов, бокстан ҚР жастар құрама командасының аға жаттықтырушысы Мақсат Бақтыбазаров және әлем чемпионатының жеңімпаздары мен жүлдегерлері қатысты.Министр жас боксшылардың әлем чемпионаттарындағы табысын ерекше атап өтіп, еліміздің болашағы үшін бұл жеңістің маңызы зор екенін айтты.Сондай-ақ спортшылардың жарқын жеңісі халықаралық аренада еліміздің абыройын арттырып қана қоймай, өскелең ұрпаққа даүлгі-өнеге екенін жеткізді.«Жас спортшылардың әлем чемпионаттарында топ жаруы – үлкен жетістік. Бұл жеңіс ел боксшыларының бұған дейінгі жетістіктерінің заңды жалғасыекендігін көрсетеді. Сондай-ақ әлемге біз Қазақстан құрамасының жаңа, жұлдызды буынының өсіп келе жатқанын дәлелдедік. Жастар – біздің үмітіміз, еліміздің жарқын болашағы. Боксшыларымыз өздерінің еңбекқорлығы, таланты мен талабының арқасында әлемдік аренада еліміздің абыройын асқақтаты. Олардың жетістіктері жаңа буынға үлгі-өнеге болады. Жас боксшыларымыздан болашақта одан да жоғары нәтижелер күтеміз», – деді Ербол Мырзабосынов.Айта кетейік, Черногорияның Будва қаласында өткен жастар арасындағы бокстан әлем чемпионатында қазақстандық боксшылар 6 алтын, 1 күміс, 10 қола медаль еншілеп, алғаш рет жалпыкомандалық есепте бірінші орын алды. Ал АҚШ-тағы әлем чемпионатында біздің боксшылар екі күміс медаль иеленді.Ақпарат көзі : https://www.gov.kz/memleket/entities/tsm/press/news/details/882844

Абай облысындағы заңсыз қоқыс үйінділерін жою жұмысы облыс әкімі Нұрлан Ұранхаевтың төрағалағымен өткен жиында талқыланды. Бұл бағыттағы жұмыс жалғасуда. Ғарыштық мониторинг деректеріне сәйкес өңірде 2024 жылдың сәуір-қазан айлары аралығында 266 қоқыс орны анықталған. Бүгінде оның 133-і жойылды, бұл жалпы көлемнің 50 пайызын құрайды. Әсіресе Семей қаласы мен Аягөз, Жарма, Жаңасемей аудандарында заңсыз қоқыс үйінділері азаймай тұр.«Аталған қала, аудан әкімдері, бұл бағыттағы жұмысты ширату керек. Мәселені шешудің жолдарын қарастыру қажет. Полициямен бірлесе жұмыс істеңіздер. Ал қоқыс полигонын салу қажет болса оны да ойластырыңыздар», — деді облыс әкімі.«Таза Қазақстан» экологиялық бағдарламасы аясында tazaqazaqstan.kz онлайн-платформасы іске қосылды. Бұл платформа арқылы азаматтар экологиялық мәселелерді жою бойынша өз өтініштерін бере алады. Платформа іске қосылғаннан бері 102 өтініш түсіп, оның 92-сі орындалды.«Облыстың экологиялық ахуалын жақсарту бағытындағы жұмыс жалғасады. Қалдықтарды басқарудың инфрақұрылымын дамытуға, азаматтардың өтініштері бойынша жұмыстың тиімділігі мен сапасын арттыруға ерекше көңіл бөлінуде», - деді облыстық Табиғи ресурстар және табиғатты пайдалануды реттеу басқармасының басшысы Айнұр Ақмырза.Өңірдегі өзекті жобалардың бірі – Семей қаласында тұрмыстық қатты қалдықтарға (ТҚҚ) арналған заманауи полигон мен қоқыс сұрыптау зауытының құрылысы.Абай облысын дамытудың кешенді жоспарына сәйкес жоба 2025 жылға дейін жүзеге асырылады. Қазір жоба аяқталып, мемлекеттік сараптамадан оң қорытынды алды.Ақпарат көзі : https://www.gov.kz/memleket/entities/abay/press/news/details/882826

Облыс әкімі Нұрлан Ұранхаевтың төрағалығымен әкімдіктің отырысы өтті. Күн тәртібінде биылғы жол жөндеу жұмыстарын аяқтау, жолдарды қысқы маусымға дайындау және күтіп ұстау мәселелері қаралды.2024 жылы жалпы трансферттер аясында жергілікті маңызы бар жолдарды орташа жөндеуге 10,3 млрд теңге бөлінді. Жөндеу жұмыстарымен ұзындығы 60 шақырымды құрайтын аудандық маңызы бар 7 учаске және ұзындығы 96 шақырымдық аудандық маңызы бар 16 учаске қамтылған. «Ауыл – ел бесігі» бағдарламасы аясында 50,4 шақырым көшеде жөндеу жүргізілді. Семейде жалпы ұзындығы 36 шақырымды құрайтын 40 көшені жөндеу жұмысы аяқталуға жақын. Облыстың жолдарын қысқа дайындау жоспарлы түрде жүріп жатыр. Республикалық жолдарға қызмет көрсету үшін «КАЖсервис» ЖШС жұмылдырылған, оның құрамында 293 қызметкер мен 90 бірлік техника бар. Облыстық маңызы бар жолдарды «Семей жолдары» ЖШС үш қосалқы мердігер ұйыммен бірлесіп күтіп ұстауда. Аймақ басшысы жиында жол жөндеу жұмысы әлі аяқталмаған бірнеше аудан әкіміне бұл жұмысты ширатуды тапсырды.«Күн суытып, қар жауа бастағанда жанталасып жол жөндеп кетеміз. Неге уақытылы, ауа райы қолайлы болып тұрғанда жасамаймыз?! Жолдың сапасына сұраныс ерекше болатынын ескертемін! Жылдың аяғына дейін барлығын тездетіп бітіру қажет. Бөлінген қаржыны игеру керек», — деді облыс әкімі.Отырыста өңірдегі қоғамдық көлік мәселесі талқыланды. Облыс әкімі бұл мәселе халық тарапынан жиі көтерілетінін атап өтіп, проблеманы шешетін уақыттың жеткенін айтты.«Семейде қоғамдық көлік дұрыс жүрмейді. Олардың санын кім бақылап отыр? Тұрғындардың шағымы көп. Қайда барсаң да осы мәселе алдымыздан шығады. Автопарк жаңарып жатыр дейсіздер. Дегенмен, халық наразы! Егер жұмыс істей алмасаңыздар басқа өңірден тасымалдаушылар шақыру жағын қарастыру керек. Бұл қашанғы жалғасады? Міне, күн де суыды. Жер тайғақ. Тезірек реттеңіздер бұл жұмысты», — деді облыс әкімі.Абай облысында қыс кезінде халықты қорғау, төтенше жағдайлардың алдын алу мақсатында тиісті шаралар жүзеге асырылуда. Дайындық аясында «2023-2025 жылдардағы қысқы кезеңде Абай облысының тұрғындарын қолайсыз жол-климат жағдайлары кезінде төтенше жағдайлардан қорғауды ұйымдастыру жөніндегі іс-шаралар жоспары» бекітілді.Өңірде қар ұстайтын қалқандарды орнату, жылу пункттерін жөндеу, жабдықтау, жолдардың қиын учаскелеріне кезекшілерді бөлу, қосымша техникаларды тарту және оларды жылумен жабдықтау шаралары жүргізілуде. Аймақ басшысы жиында су тасқынының алдын алуға қазірден бастап қамдану қажеттігін атап өтті.«Су басу қаупі бар аудандар белгілі. Сол аудандарды ерекше назарда ұстау қажет. Жолаушылар көлігі және автомобиль жолдары басқармасына, қала және аудан әкімдеріне жүргізіліп жатқан жол жөндеу жұмыстарының сапасын тұрақты түрде бақылауды, 1 желтоқсанға дейін 2025 жылға арналған жол жөндеу жұмыстары жоспарын ұсынуды, қалалар мен аудандардың бюджеттерінен аудандық маңызы бар автомобиль жолдары мен елді мекендердегі көшелерді жөндеуге және күтіп-ұстауға қаржыландыруды ұлғайтуды тапсырамын», — деді облыс әкіміАқпарат көзі : https://www.gov.kz/memleket/entities/abay/press/news/details/882831