Шымкент қаласы ауыл шаруашылығы және ветеринария басқармасының ұйымдастыруымен сала мамандарына Жаңа Конституция жобасын түсіндіруге арналған маңызды іс-шара өтті. Жиынға Мирас университеті Құқық секторының аға оқытушысы, заң ғылымдарының кандидаты Нұржан Жақсылықов арнайы спикер ретінде қатысып, 1995 жылы қабылданған қолданыстағы Ата заң мен жаңа конституциялық жобаның салыстырмалы айырмашылықтарын түсіндірді.Жиын барысында Нұржан Нұртазаұлы референдумға ұсынылып отырған реформалардың бірнеше маңызды бағыттарына тоқталды. Спикердің айтуынша, ең бірінші артықшылықтардың бірі – Ата заңның кіріспесіндегі тарихи және құқықтық құндылықтарға қатысты өзгерістер. Ол 1995 жылы қабылданған Конституцияның кіріспесінде тек бейбітшілік мұраттарына жету мен өзге елдермен достық мақсаты жазылғанын еске салды. Ал жаңа жобада заң мен тәртіпке, әділеттілікке басымдық беріліп отырғанын және құжатқа маңызды тарихи ұғымдар қосылғанын ерекше атап өтті.Іс-шараға 30-ға жуық ауыл шаруашылығы және ветеринария саласының қызметкерлері қатысып, өздерін толғандырған сұрақтарын қойды. Жиын қорытындысы бойынша қатысушылар конституциялық өзгерістердің практикалық маңызын талқылап, елдің тұрақты дамуы мен әділетті қоғам құру жолындағы бұл бастамаларды толықтай қолдайтынын білдірді.Ақпарат көзі : https://www.gov.kz/memleket/entities/shymkent-auyal-zharuazhalyk/press/news/details/1167513?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен Жобалық кеңсенің алтыншы отырысында жаңа Салық кодексінің нормаларын имплементациялау мәселесінің кезекті тобы талқыланды.Бау-бақша қоғамы: ҚҚС бойынша есепке тұру керек пе?Отырыста бау-бақша кәсіподақтарының өтініштері қаралды. Бау-бақша қоғамдары тұтыну кооперативі түрінде коммерциялық емес ұйым ретінде тіркеледі. ҚҚС бойынша міндетті тіркеу шегінің 40 млн теңгеге дейін төмендеуіне байланысты, ҚҚС төлеуші болу міндетті ме деген сұрақ туындап отыр.Қаржы вице-министрі Ержан Біржанов түсіндіргендей, тұтыну кооперативі дегеніміз - жалпы шығынды жабу үшін мүшелік жарна есебінен ортақ қор құратын азаматтардың бірлестігі. Мұндай жарна тауар немесе қызмет үшін төлем болып саналмайды, яғни ҚҚС бойынша салық салынатын айналым деп танылмайды. Тиісінше, мүшелік жарнаны алған кезде ҚҚС пайда болмайды да, мұндай жарна бойынша шот-фактура жазылмайды. Осы себепті, ҚҚС бойынша есепке тұру қажеттілігі жоқ.ҚҚС бойынша міндет кооператив қосымша кәсіпкерлік қызмет жүргізіп, тауарды немесе қызметті сатудан кіріс алған жағдайда ғана туындауы мүмкін.Егер қызмет жарна жинаумен және оны кооператив мүшелерінің қажеттілігіне жұмсаумен шектелсе, салық салынатын табыс пайда болмайды.ЖЖМ импорты кезінде ҚҚС-тан босатуЖиында халықаралық тасымалдау кезінде әуе кемелері пайдаланатын жанар-жағармай материалы импортын ҚҚС-тан босатуды көздейтін Салық кодексінің 479-бабының нормалары талқыланды. Ол дипломатиялық немесе консулдық мекемелер тарапынан отынды мақсатты пайдалану туралы қосымша растауды көздейді. Отырысқа қатысушылар мұндай талаптарды артық деп таныды. Артық бюрократияны болдырмау үшін бұл шарт қолданылмайды.Резидент еместердің қызметі бойынша шот-фактура2026 жылдан бастап резидент еместерден жұмыстар мен қызметтерді сатып алу кезінде шот-фактура жазып беру талабы енгізіледі. Бұл ретте ҚҚС төлеуші мен төлемейтіндер үшін тәртіп әр түрлі. Мемлекеттік кірістер комитеті жақын арада осы нормалардың іс жүзінде қолданылуы жөнінде ресми түсініктеме береді.Өзін-өзі жұмыспен қамтығандармен жұмыс істеу кезіндегі шығыстар және ауыл шаруашылығы тауарын өндірушілердің өнім өндірісін растауҰзақ қарастыруды және жан-жақты талдауды талап ететін жүйелік мәселе ретінде, ЖШС-ның мүмкіндігі бойынша жалпыға бірдей белгіленген режимде КТС бойынша шығысты, егер тұлға бір мезгілде осы серіктестіктің құрылтайшысы болып табылса, өзін-өзі жұмыспен қамтығандар үшін арнаулы салық режимін қолданатын жеке тұлғамен шартқа сәйкес, шегерімге жатқызу мәселесі қаралды.Қазіргі уақытта Салық кодексінде мұндай шығысты шегерімге жатқызуға тыйым жоқ. Жеке тұлғаның (оның ішінде құрылтайшының) қосымша мәртебесі шегерімнен бас тартуға негіз болмайды.Бұл ретте өзін-өзі жұмыспен қамтушылар үшін режим бастапқыда өзге кәсіпкерлік қызметті жүргізбейтін адамдарға арналғаны атап өтілді. Еңбек қатынастарын азаматтық-құқықтық шартпен алмастыруға жол берілмейді.Бұл мәселе Жобалық кеңсенің келесі отырысында да қаралады.Сондай-ақ, арнайы салық режимін қолданатын шаруа қожалықтарының өнім өндірісін растау мәселесі талқыланды. Бұл ауыл шаруашылығы өнімін сату кезінде сұр импортты болдырмау үшін қажет. Егер мал шаруашылығында малдың шығу тегі ақпараттық жүйе арқылы расталса, егін шаруашылығында қадағалау жүйесі жұмыс істейді. Растау механизмі нақтылауды қажет етеді. Мәселе бейінді мемлекеттік органмен бірлесіп пысықталып, Жобалық кеңсесінің кезекті отырысына шығарылады.Ақпарат көзі : https://www.gov.kz/memleket/entities/economy/press/news/details/1167516?lang=kk

Қызылорда, 2026 жылғы 19-21 ақпан – Қазақстан Республикасы Сыртқы істер министрінің орынбасары Әлібек Қуантыров және ҚР СІМ Ерекше тапсырмалар жөніндегі елшісі Бақыт Дүйсенбаев өңірдің инвестициялық әлеуетімен танысу мақсатында Еуропалық Одақтың Қазақстандағы Елшісі А.Симкич бастаған еуропалық елшілер делегациясымен, сондай-ақ Швейцария, Ұлыбритания және Канада елшілерімен бірге өңірдің инвестициялық әлеуетімен танысу мақсатында  Қызылордаға барды.Сапардың негізгі мақсаты – серіктестікті нығайту, инвестициялық диалогты дамыту, сондай-ақ Қызылорда облысының әлеуметтік-экономикалық және туристік әлеуетімен танысу.Таныстыру сапары аясында қонақтар «Қайсар» футбол стадионын, жаңа теннис орталығын, инклюзивті спорт орталығын, облыстық тарихи-өлкетану музейін және музыкалық колледжді аралады. Шетелдік меймандар үшін Қорқыт Ата атындағы Қызылорда университеті студенттерімен «кафетерий» форматында кездесу ұйымдастырылды. Сондай-ақ «Абай Дәулет» ЖШС аграрлық компаниясына бару, этноауылға экскурсия және 11 этномәдени бірлестікті біріктіретін Достық үйіне барып шығу бағдарлама аясында қарастырылды.Сапар барысында негізгі іс-шаралардың бірі делегацияның Қызылорда облысының әкімі Нұрлыбек Нәлібаевпен ресми кездесуі және «Қызылорда облысының инвестициялық әлеуеті» тақырыбындағы дөңгелек үстелге қатысуы болды.Дөңгелек үстелде Қазақстанның Еуропа Одағы елдерімен ынтымақтастығының жетістіктері мен перспективалары талқыланды. Сондай-ақ Қызылорда облысының негізгі әлеуметтік-экономикалық көрсеткіштері мен басым даму бағыттары мәлімденіп, агроөнеркәсіптік кешен, көлік, логистика және энергетика салаларындағы перспективті инвестициялық жобалар ұсынылды.Ә.Қуантыров өңірдің Транскаспий халықаралық көлік бағыты (ТХКБ) аясындағы көлік байланыстылығы және Еуропалық Одақтың «Global Gateway» стратегиялық бастамасын іске асыру тұрғысынан маңыздылығы зор екенін атап өтті. Еуропалық делегацияның Қызылорда қаласына сапары Кеңейтілген серіктестік және ынтымақтастық туралы келісімнің 10 жылдығы аясында Қазақстан мен ЕО арасындағы серіктестіктің жоғары қарқынын айқындайды.Ә.Қуантыров атап өткендей, «Еуропалық Одақ біздің ең ірі сауда серіктесіміз болып қала береді: Қазақстанға ЕО-ның Орталық Азиямен жалпы саудасы шамамен 80 пайызға тиесілі, ал 2005 жылдан бері Еуропаның ҚР экономикасына салған жиынтық инвестиция көлемі 200 млрд АҚШ долларынан асты». Бұл Еуропа капиталының Қазақстандағы үлесі ұзақ мерзімді сипатқа ие екенін және экономикалық өзара іс-қимылдың тығыз деңгейін айғақтайды».Сапар қорытындысы бойынша шетелдік елшілер мен бизнес қауымдастығы өкілдері Қызылорда облысының инвестициялық мүмкіндіктеріне қызығушылық танытып, өзара тиімді ынтымақтастықтың ықтимал бағыттарын одан әрі талқылауға дайын екендерін растады.Ақпарат көзі : https://www.gov.kz/memleket/entities/invest/press/news/details/1168649?lang=kk

Құрметті отандастар! «Отандастар қоры» КеАҚ қазақ тілін насихаттауды жалғастыра отырып, 2026 жылдың наурыз айынан бастап қазақ тілін үйрету бойынша тегін онлайн курстардың жаңа легін бастайды!Тіл – ұлттың айнасы ғана емес, сіздің өз тарихыңызды терең түсінуге мүмкіндік береді. Бұл курс сіздің мәдени және тілдік деңгейіңізді кеңейтуге көмектеседі. Курсқа қатысушыларға қойылатын талаптары:– Шетелдегі этникалық қазақтар, бұрынғы отандастар, шетелде тұратын Қазақстан Республикасының азаматы болуы шарт;– Жас ерекшелігі маңызды емес;– Қазақ тілін үйренуге және дамытуға қызығушылығы болуы;– Онлайн сабақтарға тұрақты түрде қатысуы;– Негізгі құрал-жабдықтар: интернетке қосылған компьютер немесе смартфон. Курстың артықшылықтарыТілді меңгеру мүмкіндігі:– Қазақ тілінде еркін сөйлеу, жазу және түсіну дағдыларын дамыту;– Тілді меңгеру арқылы жаңа мүмкіндіктерге жол ашады: мемлекеттік қызмет, бизнес, мәдени шараларға қатысу.Тілдік орта қалыптастыру:– Онлайн курстарда тыңдалым, оқылым, жазылым және сөйлеу дағдылары кешенді түрде дамиды.Мәдениетпен танысу:– Тек тілді ғана емес, қазақ халқының мәдениеті мен дәстүрін де үйренуге мүмкіндік береді. Өз-өзіне сенімділік:– Тілді меңгерген сайын, жаңа ортада өз ойын еркін жеткізе алатын деңгейге жетеді, бұл өзіне деген сенімділікті арттырады. Сертификат алу мүмкіндігі. Ол үшін төмендегі шарттарды орындау қажет.Курсты толық аяқтау:         – Барлық сабақтарды толық өту;     – Әр сабақтың тапсырмаларын орындап, тесттерден өту.Қорытынды тест немесе емтихан тапсыру:   – Курсты қорытындылау үшін жалпы білім деңгейін тексеретін емтихан немесе тест тапсыру қажет;    Белсенділік:– Сабақтарға тұрақты қатысып, белсенділік танытқан қатысушыларға беріледі. Неге дәл осы курс?– Сізге арналған интерактивті сабақтар;– Қызықты бейнематериалдар мен әдеби шығармалар. Курсқа қалай тіркелуге болады?Онлайн қазақ тілі курсы түрік және орыстілді аудиторияларда А1, А2, В1, В2 деңгейлерінде үйретіледі. Курсқа тіркелу және қатысу үшін деңгейіңізді анықтайтын тесттен өтіңіз 🔽 Орыс тіліндегі тестhttps://docs.google.com/forms/d/e/1FAIpQLSeHSwC1Bh7oodrUEqaCIVwPXmIlR4yGaMOZa2JjlKkVrwQG6Q/viewform?usp=dialog  Түрік тіліндегі тестhttps://docs.google.com/forms/d/e/1FAIpQLScoCUYTiYCmNHLKhoGF12NZ00La_c_xHs51ZX8LP31pJrjjSQ/viewform?usp=dialog   Түрік және орыстілді аудитория үшін:– 25 ұпайға дейін жинағандар - А1 тобы– 50 ұпай аралығында жинағандар - А2 тобы– 75 ұпай аралығында жинағандар - B1 тобы– 75 ұпайдан көп жинағандар - В2 тобына қосылуыңызды сұраймыз. Түрік тілді аудитория үшін Whatsapp группалар:A1:  https://chat.whatsapp.com/LjaLJXMkz8d4G9MuMF3uUy    A2: https://chat.whatsapp.com/Eo9wP7FYd7YLqnBEPDEw4nB1 https://chat.whatsapp.com/JlVlOJjHNZhLsZK2gaeX4HВ2  https://chat.whatsapp.com/JOkqN6WOmRxCnWg96G5X81 Орыс тілді аудитория үшін Telegram группалар:А1: https://t.me/+TmqhiKZHeVJiOWEy  А2: https://t.me/+erC61FUMki00YTAy  В1: https://t.me/+tbNy0C7bOoNlNDA6 В2: https://t.me/+A3V_axFsPp40ZmM6   WhatsApp және Telegram группаға қосылғаннан кейін оқытушының нұсқаулық беруін күтуіңізді сұраймыз. Оқытушы сабақ кестесін барлық қатысушылар тесттен өтіп болғаннан кейін жолдайды. Сабақ кестесі бойынша онлайн қазақ тілі курсы 2026 жылдың  наурыз айынан басталады.  Ақпарат көзі : https://www.gov.kz/memleket/entities/mfa-podgorica/press/news/details/1167556?lang=kk

Василий Иванович өз өмірін туған қаласы мен оның тұрғындарына қызмет етуге арнады. Өзінің кәсіби қызметі барысында ол депутаттық корпус құрамында қала тұрғындарының мүдделерін лайықты қорғады, әлеуметтік маңызды мәселелерді шешуге белсенді қатысты, Өскеменде жергілікті өзін-өзі басқару жүйесін дамытуға және нығайтуға ықпал етті.Өскемен қаласының депутаттық корпусы мен қалалық мәслихат аппаратының қызметкерлері Василий Ивановичтің отбасына, туыстары мен жақындарына қайғырып көңіл айтады. Ол туралы жарқын естелік әріптестері мен қала тұрғындарының жүрегінде мәңгі сақталады.Ақпарат көзі : https://www.gov.kz/memleket/entities/ukmaslihat/press/news/details/1167570?lang=kk

Амангелді ауданында «Адал азамат» біртұтас тәрбие бағдарламасы аясында аудандық «SMART BALA» жобасы – «Жас өнертапқыштар әлемінде» тақырыбында жоба байқауы ұйымдастырылды.Аталған білім бәйгесі оқушылардың шығармашылық қабілетін шыңдауға, ғылыми ізденісін қолдауға және инновациялық ойлауын дамытуға бағытталған маңызды алаңға айналды. Жоба аясында жас буынның цифрлық сауаттылығын арттыру, инженерлік ойлау қабілетін жетілдіру, заманауи технологияларды тиімді қолдана алатын көшбасшы ұрпақ қалыптастыру және жобалық жұмыс жасау дағдыларын дамыту көзделді.Байқауға ауданның 11 мектебінен 19 оқушы қатысып, өз жобаларын қорғады. Зияткерлік сайыс екі аталым бойынша өткізілді: «Цифрлық жоба» және «SMART POSTER».Байқауға ұсынылған жұмыстар мазмұны жағынан алуан түрлілігімен ерекшеленді. Қатысушылар смарт-мектеп макеттерін, экологиялық бағыттағы инновациялық жобаларды, IT және робототехника саласындағы тың идеяларды, цифрлық қауіпсіздік пен жасанды интеллектке негізделген бастамаларды таныстырды.Жобаларды қорғау кезеңі жоғары деңгейде өтіп, ерекше тартысқа толы болды. Әділқазылар алқасы қатысушылардың жұмыстарын жаңашылдығы, практикалық маңыздылығы, ғылыми негізділігі, безендірілу сапасы және қорғау шеберлігі бойынша бағалады.Аудандық «SMART BALA» жобасы – дарынды оқушыларды қолдауға, олардың ғылыми-техникалық әлеуетін арттыруға және білім беру саласында заманауи трендтерді енгізуге бағытталған жүйелі жұмыстың нақты көрінісі. Осындай бастамалар өскелең ұрпақтың зияткерлік дамуына серпін беріп, болашақ инженерлер мен өнертапқыштардың қалыптасуына жол ашады.Ақпарат көзі : https://www.gov.kz/memleket/entities/kostanay/press/news/details/1167577?lang=kk

2026 жылғы 1 қаңтардан бастап жаңа Салық кодексі күшіне енді, оның шеңберінде салықтық тексерулер жүргізу мәселелеріне қатысты өзгерістер болды, атап айтқанда:- салықтық тексерулер түрлерге бөлінбей жүргізіледі;- тексерулердің негіздері жинақталып, қысқартылды;- құрылымдық бөлімшелері жоқ заңды тұлғалар мен дара кәсіпкерлер үшін - 10 жұмыс күніне, құрылымдық бөлімшелері бар заңды тұлғалар үшін-20 жұмыс күніне ұзарту кезінде салықтық тексеру мерзімдері қысқартылды;- салықтық тексеру аяқталғанға дейін талап қою мерзімін ұзарту регламенттелген;- нұсқаманы қоспағанда, салықтық тексеру құжаттарын веб-портал арқылы электрондық тәсілмен тапсыру регламенттелген;- салық төлеушінің нұсқамаға шағымдану кезеңінде салықтық тексеруді тоқтата тұру алынып тасталды;- салық жүктемесінің коэффициенті тиісті қызмет түрі бойынша және қызметті жүзеге асыру өңірін ескере отырып, салық жүктемесі коэффициентінің жоғарғы көрсеткішінің кемінде 90 пайызын құрайтын салық төлеушілерге қатысты кешенді салықтық тексерулер жүргізу құқығы шектелген;- шағын және шағын кәсіпкерлік субъектілеріне тексеру жүргізу кезінде құжаттарды ұсыну туралы талапты екі есеге дейін тапсыру шектелген;- құжаттарды ұсыну туралы талапты орындау мерзімі 10 жұмыс күніне дейін қысқартылды. Ақпарат көзі : https://www.gov.kz/memleket/entities/kgd-zhetysu/press/news/details/1167094?lang=kk

Аппараттық кеңесте су тасқыны кезеңіне дайындық мәселелері жан-жақты қаралды. Көктемгі кезеңдегі ықтимал қауіптердің алдын алу және инфрақұрылымның тұрақты жұмысын қамтамасыз ету шаралары талқыланды.Ағымдағы жыл басынан бері қала көшелерінен 200 мың тоннадан астам қар шығарылды. Өткен жылдың осы кезеңінде бұл көрсеткіш 96 мың тоннаны құраған. Қар көлемінің айтарлықтай артуы алдын алу жұмыстарын күшейтуді талап етеді.Дайындық аясында нөсер және дренаж желілерінің өткізу қабілетін қамтамасыз ету бойынша жүйелі жұмыстар жүргізілуде. Бірқатар шағын аудандар мен жеке сектор аумақтарындағы нөсер кәріз жүйелерінің жай-күйі ерекше бақылауға алынған. Дренаж жүйелері штаттық режимде жұмыс істеуде.Кеңес қорытындысы бойынша жауапты мемлекеттік органдарға нақты тапсырмалар берілді. Нөсер кәріздері мен су бұру жүйелерін күтіп ұстау және жедел қызмет көрсетуді ұйымдастыру бойынша міндеттер жүктелді.Мердігер ұйымдарға қар шығару жұмыстарын күшейтілген қарқынмен жалғастыру тапсырылды. Басқарушы компаниялар мен бизнес субъектілеріне өз аумақтарындағы қарды уақытылы тазалау және шығару қажеттігі ескертілді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1167608?lang=kk

Қазақстанның Мароккодағы Елшісі Сәулекүл Сайлауқызы Ислам әлемінің білім, ғылым және мәдениет ұйымының (ИСЕСКО) Бас директоры Салим Әл-Маликпен кездесті.Бұл кездесу 2026 жылғы 2-4 ақпанда ИСЕСКО штаб-пәтерінде өткізілген «Әл-Фарабидің балалық шағы және өмірі» атты сурет көрмесінің логикалық жалғасы болды. Аталған көрменің авторы Қазақстанның Мемлекеттік сыйлығының лауреаты, еңбек сіңірген қайраткер, Қазақстан Өнер академиясының академигі, көрнекті суретші Жанұзақ Мүсәпір болып табылады. Көрме барысында қазақстандық суретші ислам әлемінің ұлы ойшылына деген құрмет белгісі ретінде Әл-Фарабидің өміріне арналған туындылар сериясын ИСЕСКО-ға сыйға тартты.Өткізілген кездесу аясында аталған туындыларды Ұйым қорына ресми тапсыру рәсімі өтті. Картиналар Рабаттағы ИСЕСКО штаб-пәтерінде салтанатты залда орналастырылып, Ұйымға ерекше мәдени атмосфера мен бірегей эстетикалық келбет сыйлады.Сондай-ақ, ИСЕСКО Бас директорына көрмені ұйымдастыруға қосқан ереулі үлесі үшін Қазақстан Көркем академиясының медалі мен Құрмет грамотасы табыс етілді.Тараптар көркем туындылардың тапсырылуы халықтарды біріктіретін ортақ ислам мұрасын белгілейтінін және Қазақстанның ұлы ойшылдың есімін халықаралық сахнада насихаттауға деген шынайы ұмтылысын бейнелейтінін атап өтті.Сонымен қатар, кездесу барысында тараптар Қазақстан мен ИСЕСКО арасындағы ынтымақтастықтың өзекті мәселелері бойынша пікір алмасып, білім, ғылым және мәдениет саласындағы болашақ өзара іс-қимылдың нақты бағыттарын белгіледі.Ақпарат көзі : https://www.gov.kz/memleket/entities/mfa-rabat/press/news/details/1167660?lang=kk

Гент, 2026 жылғы 23 ақпан – Қазақстанның Бельгиядағы Елшісі Роман Василенко Гент университетінің (UGhent) ректоры Петра де Суттермен кездесу өткізді. Тараптар жоғары білім беру, ғылыми зерттеулер және академиялық ұтқырлық салаларындағы ынтымақтастықтың қазіргі жай-күйі мен оны кеңейту перспективаларын талқылады.Р.Василенко Қазақстанның ашық әрі халықаралық деңгейде ықпалдасқан білім беру экожүйесін дәйекті түрде қалыптастырып жатқанын, өзін Орталық Азиядағы өңірлік академиялық хаб ретінде орнықтыруға ұмтылатынын атап өтті. Қазіргі таңда елде шетелдік университеттердің шамамен 40 филиалы жұмыс істейді, соның ішінде қос диплом бағдарламалары да бар. Қазақстандық жоғары оқу орындарында 35 мыңнан астам шетелдік студент білім алуда, ал 2029 жылға қарай олардың санын 150 мыңға жеткізу жоспарланған.Қазақстанда жүргізіліп жатқан ауқымды саяси және институционалдық реформаларға ерекше назар аударылды. Қазіргі уақытта заң үстемдігін нығайтуға, мемлекеттік басқару жүйесін жаңғыртуға және азаматтардың қоғамдық-саяси өмірге қатысуын кеңейтуге бағытталған кешенді конституциялық реформа жүзеге асырылуда. Жаңартылған Конституция жобасы бойынша түпкілікті шешім 2026 жылғы 15 наурызға белгіленген жалпыұлттық референдумда қабылданады.Р.Василенко ғылымды, технологияларды және адами капиталды дамыту Қазақстан үшін орнықты даму мен халықаралық ынтымақтастықтың негізгі элементі болып саналатынын атап өтіп, бұл жетекші еуропалық университеттермен өзара іс-қимылға қосымша мүмкіндіктер ашатынын айтты. Қазақстан мен UGhent арасындағы ынтымақтастықтың нақты негізі қалыптасқан. М. Әуезов атындағы Оңтүстік Қазақстан мемлекеттік университеті UGhent-тің биоинженерлік технологиялар факультетімен ғылым және мамандар даярлау бағытында өзара әрекеттесуде. Алты қазақстандық зерттеуші Гент университетінде ғылыми тағылымдамадан өтті, ал екі PhD маманы Л. Гумилев атындағы Еуразия ұлттық университетінде ғылыми-педагогикалық қызметін жалғастыруда. Гент университеті сондай-ақ Назарбаев Университетімен, С.Демирель атындағы университетпен және ҚР ҒЖБМ Ғылым комитетінің Математика және математикалық модельдеу институтымен белсенді ынтымақтастық орнатқан.Академиялық алмасулармен шектелмей, ынтымақтастықты бірлескен зерттеулер, PhD бағдарламаларына бірлесіп жетекшілік ету, сондай-ақ биотехнология, аграрлық ғылымдар, жасанды интеллект және цифрландыру салаларындағы инновациялық жобаларды іске асыру бағытында кеңейтуге өзара қызығушылық білдірілді.Кездесу қорытындысы бойынша тараптар академиялық ұтқырлықты дамыту, жаңа білім беру бағдарламаларын іске қосу және ғылыми-зерттеу ынтымақтастығын кеңейту жөніндегі бірлескен жұмысты жандандыруға дайын екендерін білдірді, сондай-ақ алдағы екіжақты сапарлар мен іс-шаралар аясында Гент университетінің академиялық бастамаларға қатысу мүмкіндігін қарастырды.1817 жылы құрылган UGhent Бельгияның жетекші зерттеу университеттерінің бірі болып табылады және гуманитарлық ғылымдар, инженерия, жаратылыстану және қолданбалы пәндер салаларында күшті ғылыми әлеуетке, сондай-ақ кең халықаралық серіктестік желісіне ие. Университет тәжірибеге бағытталған зерттеулерге басымдық береді және жаһандық ғылыми-білім беру жобаларына белсенді қатысады. Университетте 41 000-нан астам студент пен 9 000 қызметкер бар. Барлық бакалавриат бағдарламалары нидерланд тілінде жүргізіледі, ал магистратурада бірқатар бағдарламалар ағылшын тілінде де ұсынылады. 2025 жылғы қарашада UGhent делегациясының Қазақстанға сапары өтті. Оның барысында Алматы мен Астанадағы университеттермен кездесулер ұйымдастырылып, ҚР Ғылым және жоғары білім министрлігімен келіссөздер жүргізілді. Бұл сапар екіжақты академиялық диалогтың дамуына қосымша серпін берді. Делегация құрамына жасыл энергетика, дәлме-дәл егіншілік, агроэкономика, тағам технологиялары, өсімдік селекциясы, жасанды интеллект, экономика және әлеуметтік ғылымдар салаларындағы зерттеушілер кірді.Ақпарат көзі : https://www.gov.kz/memleket/entities/mfa-brussels/press/news/details/1167667?lang=kk

Барселона, 2026 жылғы 20 ақпан – Қазақстанның Испаниядағы Елшісі Данат Мұсаев 2026–2029 жылдарға арналған Испанияның Азия-Тынық мұхиты өңірі бойынша стратегиясының таныстырылымына қатысты. Іс-шараға Испанияның Сыртқы істер министрі Хосе Мануэль Альбарес, дипломатиялық корпус өкілдері мен сарапшылар қауымдастығы қатысты.Құжатты таныстырған Испанияның сыртқы саяси ведомствосының басшысы Азия өңірі жаһандық дамудың негізгі орталықтарының біріне айналып келе жатқанын атап өтті. Бұл өңірде әлем халқының, өнеркәсіптік әлеуеттің және экономикалық өсімнің едәуір бөлігі шоғырланған. Жаңа стратегия саяси диалогты нығайтуға, сауда-экономикалық ынтымақтастықты кеңейтуге, сондай-ақ инвестициялық және технологиялық әріптестікті дамытуға бағытталған.Өз сөзінде Қазақстан Елшісі Испанияның Азиядағы белсенділігінің артуы өзара тиімді серіктестікті тереңдетуге қосымша мүмкіндіктер ашатынын, соның ішінде Орталық Азия мемлекеттерімен ынтымақтастықты кеңейтуге жол ашатынын атап өтті. Ол Қазақстанның Еуропа мен Азияны байланыстыратын негізгі транзиттік және инвестициялық хаб ретіндегі стратегиялық маңызын, сондай-ақ тұрақты әрі сенімді әріптес екенін ерекше атап өтті.Д. Мұсаев екіжақты диалогты одан әрі жандандыруға дайын екенін білдіре отырып, Испания Сыртқы істер министрінің жауап сапарын жақын уақытта ұйымдастыруға үміт білдірді.Іс-шара аясында Елші Испания Сыртқы істер министрлігінің жоғары лауазымды өкілдерімен бірқатар кездесулер өткізіп, олардың барысында қазақ-испан ынтымақтастығының басым бағыттары, сондай-ақ екіжақты күн тәртібін Испанияның Азия-Тынық мұхиты өңірі бойынша жаңа стратегиясының басымдықтарымен ұштастыру мүмкіндіктері талқыланды.Ақпарат көзі : https://www.gov.kz/memleket/entities/mfa-madrid/press/news/details/1167676?lang=kk

2025 жылғы 17 желтоқсанда Қазақстан Республикасының Үкіметімен макроэкономикалық тұрақтылықты қамтамасыз ету және экономикалық реформалардың теріс салдарын нивелирлеу жөнінде шешім шығарылды.Осылайша, 2026 жылғы 1 қаңтардан бастап тағайындалған салықтық тексерулерді, қарсы салықтық тексерулерді, сондай-ақ:қылмыстық іс жүргізу заңнамасының негіздері бойынша;прокурорлық қадағалаудың, прокуратура органдарының талап етуі мен актілері бойынша Қазақстан Республикасы Президентінің және Қазақстан Республикасы Бас прокурорының тапсырмасы бойынша не олармен келісім бойынша;салық төлеуші мен оның дебиторлары арасындағы өзара есеп айырысуларды айқындау бойынша;касса бойынша шығыс операцияларын тоқтата тұру туралы өкімді орындау бойынша;жер қойнауын пайдаланушыларға қатысты;салық заңнамасында көзделген, салықтық тексеру жүргізуді талап ететін өтініш және (немесе) талап берілген жағдайларда;салық төлеушінің салықтық тексеру нәтижелері туралы хабарламаға шағымында баяндалған мәселелер бойынша;2025 жылғы 17 желтоқсаннан кейін 2026 жылғы 1 қаңтарға дейінгі салық кезеңдері үшін қосымша салық есептілігін табыс еткен және салық есептілігін кері қайтарып алған жағдайларда;камералдық бақылау нәтижелері бойынша анықталған бұзушылықтарды растау мәселелері бойынша тағайындалатын тексерулерді қоспағанда микро- және шағын кәсіпкерлік субъектілеріне қатысты 2026 жылғы 1 қаңтарға дейін салық кезеңдері үшін салық міндеттемелері бойынша салықтық тексерулер жүргізу жөніндегі іс - қимылдар тоқтатылды. Ақпарат көзі : https://www.gov.kz/memleket/entities/kgd-zhetysu/press/news/details/1167098?lang=kk

Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков аталған өңірде болашақ офицерлерді даярлау барысымен танысып, әскери қызметшілерді медициналық қамтамасыз ету қалай ұйымдастырылатынын көрді.Радиоэлектроника және байланыс әскери-инженерлік институтында министрдің орынбасары жоғары оқу орны басшылығының оқу-тәрбие қызметінің ағымдағы көрсеткіштері, курсанттарды даярлау нәтижелері және қос дипломды білім беру бағдарламаларын іске асыру перспективалары туралы баяндамасын тыңдады. Білім ордасының оқу-материалдық базасымен және инфрақұрылымдық объектілерімен танысқанда ол мамандандырылған аудиторияларды және бейіндік пәндер бойынша практикалық дағдыларды жетілдіруге арналған виртуалды жаттықтыру кешенін қарап шықты.Сағадат Нұрмағамбетов атындағы Құрлық әскерлерінің әскери институтына барғанда генерал-майор Асқар Мұстабеков Қарулы күштер құрамаларына басшылық құрам кадрларын даярлауға жіті назар аударды. Әскери оқу орнында өткен кеңес аясында кадрлық әлеуетті нығайту және білім беру бағдарламаларын жетілдіру мәселелері қаралды. Дәрежелі оқытушылардың үлесін арттыру және мемлекеттік тілде бейіндік әдебиеттерді басып шығару қажеттілігі де назардан тыс қалмады.ҚР Қорғаныс министрлігінің әскери-клиникалық госпиталінде генерал-майор Асқар Мұстабеков емдеу процесінің қалай ұйымдастырылатынын, пациенттерді кешенді тексеруге және дәл диагностикалауға арналған заманауи емдеу және диагностикалық аппараттарды көрді. Бөлімшелерді аралау барысында ол емделіп жатқан әскери қызметшілердің денсаулығы мен медициналық көмек көрсету сапасына мән берді. Жұмыс сапарының соңында Қорғаныс министрінің орынбасары білім беру, тәрбие қызметін одан әрі жетілдіру, сонымен қоса ҚР Қарулы күштерінің әскери қызметшілерін медициналық қамтамасыз етудің тиімділігін арттыру жөнінде нақты тапсырмалар берді.Ақпарат көзі : https://www.gov.kz/memleket/entities/mod/press/news/details/1167711?lang=kk

Бүгін «Руханият» орталығында аудан әкімінің орынбасары Диас Молдабаевтың төрағалығымен Конституциялық реформалар жөніндегі өңірлік актив отырысы өтті.Жиында 2026 жылы 15 наурызға белгіленген республикалық референдум аясында ұсынылған жаңа Конституция жобасының негізгі бағыттары талқыланды.«Өздеріңізге белгілі, 11 ақпанда Мемлекет басшысы «2026 жылғы 15 наурызда республикалық референдум өткiзу туралы» Жарлыққа қол қойды. Келесі күні Қазақстан Республикасының жаңа Ата Заңының жобасы бұқаралық ақпарат құралдарында ресми түрде жарияланды. Жаңа Конституция жобасының өзегіне ретінде білім мен ғылым, мәдениет пен инновациялар қойылды. Бұл мемлекеттің болашағы минералдық ресурстармен емес, адам капиталы мен азаматтардың зияткерлік әлеуетімен айқындалатынын білдіретін түбегейлі бетбұрыс,- деді Диас Асылбекұлы.Жиын барысында аудандық мәслихат төрағасы Әділ Үсенұлы мен аудан прокуроры Нұрбек Келсімұлы жаңа Ата Заң жобасының құқықтық маңыздылығына тоқталып, заң үстемдігі мен жауапкершілік қағидаттарының күшейтілетінін атап өтті.Сондай-ақ қазақ тілі қоғамдық бірлестігінің төрайымы Гүлжауһар Төлегенқызы Конституцияда мемлекеттік тілдің мәртебесін атап өтсе, білім саласының ардагері, Қармақшы ауданының құрметті азаматы Дәмегүл Қожахметқызы заңда білімнің және балалардың жан-жақты дамуына мән берілгенін жеткізді.Шара соңында қатысушылар Конституциялық реформаның ел дамуы үшін маңыздылығын атап өтіп, алдағы республикалық референдумға белсенді қатысуға шақырды.Ақпарат көзі : https://www.gov.kz/memleket/entities/kyzylorda-karmakshy/press/news/details/1167725?lang=kk

Қазақстан Республикасында валюталық реттеудің құқықтық негізін Қазақстан Республикасының «Валюталық реттеу және валюталық бақылау туралы» заңы 2018 жылғы 2 шілде № 167-VI құрайды.2024 жылғы 1 қаңтардан бастап валюталық бақылау функциялары Қазақстан Республикасының Ұлттық Банкі және Қазақстан Республикасы Қаржы министрлігінің Мемлекеттік кірістер комитеті жауапкершілігіне берілді.Валюталық бақылау органдары экспорттық және импорттық келісімшарттар бойынша міндеттемелердің орындалуын, валюталық табыстың репатриациясын, валюталық келісімшарттарды тіркеу тәртібін және есеп беруді қадағалайды.Құқық бұзушылыққа жауапкершілік:Әкімшілік жауапкершілік Қазақстан Республикасының Әкімшілік құқық бұзушылықтар туралы кодексі № 235-V 5 шілде 2014 жылғы арқылы қарастырылады.- 251-бап «Ұлттық және (немесе) шетел валютасын репатриациялау талабын орындамау» экспорттық операциялар бойынша қаражаттың уақытында немесе толық түспеуіне жауапкершілік енгізеді.- 244-бап «Валюталық келісімшартқа немесе шетел банк шотына есептік нөмір алу тәртібін бұзу және олар бойынша ақпарат, құжаттар мен есептерді ұсынбау» валюталық келісімшарттарды тіркеу, шетелдік банктердегі шоттарды ашу және белгіленген есептілікті ұсыну талаптарын орындамауға жауап береді.Практикада ең жиі кездесетін құқық бұзушылықтарға экспорттық табысты уақытында репатриацияламау, валюталық келісімшартқа есептік нөмірдің болмауы, сондай-ақ есеп беруді кешіктіру жатады.Әкімшілік жауапкершілікті қолдану трансшекаралық операциялардың айқындығын, қаржылық тәртіпті және мемлекеттік экономикалық мүдделерді қорғауды қамтамасыз етуге бағытталған.Профилактика және түсіндіру жұмысы:Валюталық бақылау органдары құқық бұзушылықтардың алдын алу және сыртқы экономикалық қызмет субъектілеріне түсіндіру жұмыстарын жүргізуге басымдық береді.Валюталық заңнаманы сақтау — әрбір сыртқы экономикалық қызмет қатысушысының міндеті және Қазақстан Республикасының экономикалық қауіпсіздігінің маңызды құрамдасы болып табылады.Ақпарат көзі : https://www.gov.kz/memleket/entities/kgd-vko/press/news/details/1167726?lang=kk

МТ-С компаниясы (Tele2 және Altel брендтерінің операторы) мен Қостанай облысының әкімдігі өңірдің телекоммуникациялық инфрақұрылымын дамыту жөніндегі стратегиялық әріптестік туралы меморандумға қол қойды. Бұл келісім Қостанай қаласы мен шалғай аудандар тұрғындары үшін жоғары жылдамдықты 5G интернетке қолжетімділікті едәуір жақсартып, өңірді шынайы цифрлық хабқа айналдыруға мүмкіндік береді.2026 жылы Tele2/Altel Қостанай қаласы мен облыста 24 жаңа 5G базалық станциясын және кемінде 40 жаңа LTE+ алаңын іске қосуды жоспарлап отыр. Сонымен қатар қала мен аудандардағы  қолданыстағы 25 станция жаңғыртылады. Жыл соңына дейін базалық станциялар саны 400-ге дейін артады, оның 74-і бесінші буын байланыс технологиясын қолданады. Кеңжолақты қолжетімділік жобасы аясында аймақтың сегіз елді мекені жоғары жылдамдықты интернетке қосылады.«Биыл цифрландыру және жасанды интеллект жылы. Бұл – облыс экономикасын дамытуға және тұрғындардың өмір сапасын арттыруға бағытталған нақты жұмыс. 2025 жылдың қорытындысы бойынша IT-салада шамамен 340 компания жұмыс істейді. Олар бюджетке шамамен 650 миллион теңге салық түсіріп, бір жыл ішінде 30 пайыздық өсім көрсетті. Сонымен қатар IT-компаниялар қызметтерін экспортқа шығаруда. Өнеркәсіп орындарында автоматтандыру және роботтандыру желілері белсенді енгізілуде», – деп атап өтті Қостанай облысының әкімі Құмар Ақсақалов. –.Меморандум аясында Қостанай облысының әкімдігі тиісті қызметтердің жұмысын үйлестіруді, жер телімдеріне рұқсат беру және желілерге, соның ішінде электр энергиясына қосылу рәсімдерін жеделдетуді өз міндетіне алады.Тұрғындар үшін бұл байланыс тұрақтылығының артуын және қамту аймақтарындағы «ақ дақтардың» азаюын білдіреді. Практикалық тұрғыдан алғанда, бұл бейнематериалдарды жылдам жүктеуге, онлайн-білім беру мен телемедицина мүмкіндіктерін кеңінен пайдалануға жол ашады.Компания басшылығының мәліметінше, биыл өңірге салынатын инвестиция көлемі 2025 жылмен салыстырғанда екі еседен астам ұлғаяды. Соңғы үш жылда өңірдегі желіні салу және жаңғырту жобаларына 5 миллиард теңгеден астам инвестиция бағытталған.«Қостанай облысын дамыту бағдарламасы тек Қостанай қаласының аумағында 5G желісін орнатумен шектелмейді, сондай-ақ моноқалаларды дамытуға қатысуды көздейді. Кездесу барысында Рудный, Лисаков, Арқалық және Жітіқара қалаларында 5G базалық станцияларын салу мүмкіндігін талқыладық. Қала көлеміне қарамастан, барлық тұрғындарға интернетке тең қолжетімділік беру – табысты цифрландырудың негізі» – деп атап өтті Tele2/Altel басқарма төрағасы Александр Бабичев.Tele2 желісі өзінің технологиялық артықшылығын бірнеше рет дәлелдеді. 2025 жылдың қорытындысы бойынша компания SpeedChecker Champion Award халықаралық марапатын «Қазақстандағы ең жылдам мобильді байланыс» номинациясы бойынша иеленді. Бұған дейін компания Ookla ұсынған Speedtest Awards сыйлығын 2025 жылдың бірінші жартыжылдығы қорытындысы бойынша «Қазақстандағы ең үздік 5G желісі» аталымында алған болатын.Меморандумға қол қою тараптардың өңірдің цифрлық экожүйесін тұрақты дамытуға ортақ мүдделі екенін көрсетеді. Жоба технологиялық маңызымен қатар әлеуметтік-экономикалық мәнге де ие: байланыс сапасының артуы кәсіпкерлік белсенділікті ынталандырып, білім, медицина және мемлекеттік қызметтерге қолжетімділікті кеңейтеді, сондай-ақ халықтың өмір сапасын жақсартады.Ақпарат көзі : https://www.gov.kz/memleket/entities/kostanay/press/news/details/1167743?lang=kk

2026 жылдың 23 ақпанында Шығыс Қазақстан облысы бойынша Мемлекеттік кірістер департаментінде аумақтық бөлімшелерінің қызметкерлеріне техникалық оқыту өткізілді. Мұндай іс-шаралар жүйелі түрде өткізіліп, қызметкерлердің кәсіби деңгейін арттыруға бағытталған.Оқыту барысында Аудит басқармасының басшысы Шарип Сейкенов салықтық тексерулерді жүргізу тәртібі туралы толық баяндады. Мамандарға бақылау іс-шараларын ұйымдастыру мен өткізуге байланысты практикалық аспектілер, сондай-ақ салық заңнамасындағы кейбір өзгерістер түсіндірілді.Мұндай техникалық оқытулардың өткізілуі азаматтар мен бизнес субъектілеріне қызмет көрсету сапасын арттыруға, салық төлеушілермен кері байланысты нығайтуға және департаменттің аумақтық бөлімшелерінің тиімді жұмыс істеуін қамтамасыз етуге ықпал етеді.Ақпарат көзі : https://www.gov.kz/memleket/entities/kgd-vko/press/news/details/1167746?lang=kk

Құрметті шетелдік бұқаралық ақпарат құралдарының өкілдері,2026 жылғы 15 наурызда өтетін Қазақстан Республикасының жаңа Конституциясын қабылдау мәселесі бойынша республикалық референдумды жариялауға ниет білдірген шетелдік БАҚ өкілдерін аккредиттеу рәсімінің басталғанын хабарлаймыз.Қазақстан Республикасының заңнамасына сәйкес, шетелдік журналистер ел аумағында кәсіби қызметін тек Қазақстан Республикасы Сыртқы істер министрлігі берген тұрақты немесе уақытша аккредитация болған жағдайда ғана жүзеге асыра алады.Шетелдік БАҚ өкілдеріне жеке басын куәландыратын құжатты ұсыну арқылы бір аудармашы ілесіп жүруге рұқсат етіледі.Шетелдік журналистерді аккредиттеу туралы өтінімдер 2026 жылғы 10 наурыз күні сағат 12:00-ге дейін (Астана уақытымен) mfakzaccreditation@gmail.com электрондық поштасына «Referendum2026» тақырыбын көрсете отырып жолдануы тиіс.Аккредиттеу үшін қажетті құжаттар:журналисті аккредиттеу туралы өтінішпен бас редактордың хаты;журналистің қолданыстағы шетелдік паспортының көшірмесі;толтырылған сауалнама және аккредиттеу нысаны;журналистің электрондық фотосуреті (3х4 см);журналистің қысқаша өмірбаяны;бұқаралық ақпарат құралы туралы анықтамалық ақпарат.Қосымша сұрақтар туындаған жағдайда, Қазақстан Республикасы Сыртқы істер министрлігінің баспасөз қызметіне +7 (7172) 72-00-16 телефоны арқылы хабарласуларыңызды сұраймыз.Ақпарат көзі : https://www.gov.kz/memleket/entities/mfa-islamabad/press/news/details/1167768?lang=kk

Қостанай облысы әкімдігі мен Полиция департаментінің бірлескен кеңесі өтті. Кеңейтілген жиынның басты тақырыбы – елімізде жүзеге асырылып жатқан «Заң мен тәртіп» және «Таза Қазақстан» бағдарламалары. 2025 жылғы 5 қарашада Қазақстан Республикасы ішкі саясатының негізгі қағидаттары, құндылықтары мен бағыттарын бекітті. Бұл құжатта «Заң мен тәртіп» және «Таза Қазақстан» Әділетті Қазақстанды құру жолындағы негізгі қағидаттар болып белгіленді. Енді міне Жаңа Конституция жобасында да осы қағидаттар конституциялық деңгейде бекітілетін болады.«Ел Президентінің бастамасымен өңірде «Заң және тәртіп» қағидаты кезең-кезеңімен жүзеге асырылып келеді. Соңғы 5 жылда қылмыс деңгейі 40%-ке төмендеді. Қоғамдық орындар мен көшелерде жасалатын қылмыстар саны екі есеге азайды. Қауіпсіздікті цифрландыру аясында Жедел басқару орталықтарының жүйесі қарқынды дамуда. 2025 жылы аталған жүйелердің көмегімен шамамен 63 мың құқық бұзушылық анықталып, 370-тен астам қылмыс ашылды. Соңғы 5 жылда облыстағы бейнебақылау камераларының саны 3,3 мыңнан 46,9 мыңға дейін өсті», – деді Қостанай облысының әкімі Құмар Ақсақалов.Жаңа Конституция жобасындағы табиғатты аялау және оған жауапкершілікпен қарау қағидаты «Таза Қазақстан» бағдарламасымен тікелей үндеседі.Өңірімізде 2024 жылдан бері елді мекендерді абаттандыру, сәулеттік келбетін жақсарту, қараусыз қалған ғимараттарды, өндірістік үй-жайларды реставрациялау және қалпына келтіру, аумақтарды тазарту, көгалдандыру, жарықтандыру, сондай-ақ халықты экологиялық тәрбилеу бойынша ауқымды жұмыстар басталды.Өткен жылы облыста 108 көпқабатты үйдің күрделі жөндеуі өткізілді, 80 саябақ пен скверге абаттандыру жұмыстары жүргізілді, 144 мың жасыл желек отырғызылды, 164 балалар және спорт алаңдары, 6 мыңнан астам баған орнатылды.«Таза Қазақстан» бастамасын тиімді жүзеге асыруға облыс экономикасының тұрақты өсімі оң ықпал етуде. 2025 жылдың қорытындысы бойынша өңір экономикасының өсімі кемінде 8% деңгейінде болады деп күтілуде. Бұл көрсеткіш республикалық орташа деңгейден (6,5%) жоғары. Автожол саласын қаржыландыру жыл сайын артуда. Былтыр 103 млрд теңге бөлінген, бұл 2024 жылдан 40%-ке, ал 2022 жылға қарағанда 2,6 есе артық. 1 300 шақырым автожол, сондай-ақ облыстың 103 елді мекеніндегі 400-ден астам көше және ауылдық елді мекендерге апаратын 81 жуық кіреберіс жол жөнделді. Ауылдық жерлердегі 80 619 ауланың 80%-не су кіргізілді. Өткен жылы аймақта 51 әлеуметтік нысан салынды», – деп атап өтті аймақ басшысы.Ақпарат көзі : https://www.gov.kz/memleket/entities/kostanay/press/news/details/1167798?lang=kk

Көксу төрінде күй күмбірледі: «Шаттансын елім» атты мерекелік концерт өтті!Көксу аудандық мәдениет үйі сахнасында Жетісу өңірінің мәдени өміріндегі айтулы оқиға – Дәнеш Рақышев атындағы Жетісу облысының филармониясының  Мұқан Төлебаев атындағы халық аспаптар оркестрі 35 жылдық мерейтойы аясында «Шаттансын елім» атты салтанатты концерт өтті.Бұл кеш – ұлттық өнерді ұлықтап, күй мен әннің құдіретін дәріптеген тағылымды мәдени шара болды. 35 жылдық тарихы бар оркестрдің шығармашылық жолы – қазақтың халық аспаптар өнерінің өркендеу жолымен астасып жатқан үлкен мектеп.Кештің жүргізушісі – Қазақстан Республикасының мәдениет қайраткері, белгілі өнер иесі Гүлзия Байбосынова. Оның мазмұнды әңгімесі мен сахнадағы шеберлігі концерттің көркемдік деңгейін арттырып, көрермен қауымды ерекше әсерге бөледі.Сахна төрінде оркестрге халықаралық байқаулардың лауреаты, талантты дирижер Медет Есбергенов жетекшілік етті. Дирижердің кәсіби шеберлігі мен сезімтал басқаруы әр шығарманың мазмұнын терең ашып, тыңдарман жүрегіне жол тапты.Концерт бағдарламасы мазмұндық тұрғыдан бай, жан-жақты құрылды. Қазақтың дәстүрлі күйлері, халық әндері мен классикалық туындылар оркестрдің сүйемелдеуімен жаңа тыныста орындалды. Домбыра, қобыз, жетіген, сырнай сынды ұлттық аспаптардың үйлесімді үні көрерменге ерекше рухани ләззат сыйлады.Әсіресе, елдік рухты асқақтататын шығармалар кештің басты идеясына айналып, «Шаттансын елім» атауының мәнін тереңдете түсті. Музыкалық туындылар арқылы тәуелсіз елдің жетістігі, халықтың бірлігі мен болашаққа деген сенімі көркем бейнеленді.«Шаттансын елім» атты мерекелік кеш – Көксу жұртшылығы үшін рухани серпіліс сыйлаған, өнердің шынайы қуатын сездірген тағылымды мәдени оқиға ретінде есте қалды.Ақпарат көзі : https://www.gov.kz/memleket/entities/zhetysu-archive/press/news/details/1167803?lang=kk