Бүгін «Руханият» орталығында аудан әкімі Жандос Еркінбек Мемлекет басшысының жарлығы негізінде құқық қорғау органдарының басшыларымен бірге жеке қабылдау өткізіп, тұрғындардың өзекті мәселелерін тыңдады.Ел Президентінің «Халық үніне құлақ асатын мемлекет» тұжырымдамасын іске асыру мақсатында ұйымдастырылған бұл қабылдауға алдын ала жазылған 50-ге жуық азамат қатысып, өз өтініштері мен ұсыныстарын жеткізді.Жеке қабылдауда тұрғын үй мәселесі, жұмысқа орналасу туралы өтініштері, әлеуметтік көмек, денсаулық сақтау саласына қатысты жеке жағдайлар көтерілді.Аудан басшысы мен құқық қорғау саласының жетекшілері әрбір азаматтың мәселесін мұқият қарап, заң шеңберінде тиісті түсіндірмелер мен жауаптар берді.Мәселен, қабылдауға келген көп балалы азаматша тұрақты баспана алуға жәрдем сұрады. Аудан әкімі бұл мәселені заң шеңберінде шешу керектігін түсіндіріп, жауапты бөлімдерге азаматшаның әлеуметтік жағдайын зерделеп, тұрғын үймен қамтамасыз ету мүмкіндігін қарастыруды тапсырды.Сондай-ақ, бірқатар тұрғындар ауылдардағы жол сапасы, әлеуметтік көмек пен жарық мәселелерін көтеріп, шешімін табуға ықпал етуді сұрады. Аудан әкімі бұл мәселелердің кезең-кезеңімен шешілетінін, кейбірі тиісті бағдарламалар аясында жүзеге асып жатқанын атап өтті.Айта кетейік, аудан әкімі 2025 жылдың басынан бері 31 жеке қабылдау өткізіп, 213 тұрғынның өтініштері мен ұсыныстарын тыңдады.Ақпарат көзі : https://www.gov.kz/memleket/entities/kyzylorda-karmakshy/press/news/details/1073773?lang=kk

Жаңа Салық кодексін түсіндіру бойынша ауқымды ақпараттық науқан аясында Жетісу облысы бойынша Мемлекеттік кірістер департаменті Қаратал ауданының кәсіпкерлері мен тұрғындары үшін көшпелі семинар өткізді.2026 жылдың 1 қаңтарынан бастап күшіне енетін жаңа Кодекс салық жүйесін түбегейлі өзгертуге бағытталған. Оның басты мақсаты — ережелерді өзгерту ғана емес, адалдық пен ашықтық қағидаттарына негізделген салық төлеушілердің жаңа менталитетін қалыптастыру.Жаңа Кодекстің негізгі ережелері:Әкімшілік жүктемені азайту: бизнес, әсіресе өңір үшін маңызды болып табылатын ауыл шаруашылығы мен туризм секторларында бизнес дамуы үшін қолайлы жағдайлар жасалады.Әлеуметтік саланы қолдау: медицина мен білім беру сияқты әлеуметтік маңызы бар салалар үшін корпоративтік табыс салығының (КПН) төмендетілген мөлшерлемелері енгізіледі.Табысты әділ бөлу: жеке табыс салығының (ЖТС) прогрессивті шкаласы және сән-салтанат заттарына салынатын салық салық жүктемесін әділ бөлуді қамтамасыз етеді.Барлығына тең жағдайлар: ҚҚС-ты көтеру және арнаулы салық режимдерінің санын қысқарту жосықсыз кәсіпорындарды көлеңкелі экономикадан шығаруға көмектеседі.Өзгерістермен уақытылы танысу және жаңа ережелерге дайындық — жаңа экономикалық жағдайларға табысты бейімделудің кепілі.Ақпараттық науқан аясында келесі көшпелі семинар 24 қыркүйекте Сарқан ауданында өтеді.Ақпарат көзі : https://www.gov.kz/memleket/entities/kgd-zhetysu/press/news/details/1073525?lang=kk

Түркістандағы «Қуаныш» базарында аптаның сейсенбі және бейсенбі күндері жәрмеңке өтеді. Бұл жәрмеңкеде күніне 8-14 тонна әлеуметтік маңызы бар азық-түлік сатылады. Бүгін өңірдегі жәрмеңкеде 1300 келі сиыр еті 2600 теңгеден қала тұрғындарына ұсынылды. Түркістан қаласында сиыр еті 50-ден астам сауда нүктесінде әлеуметтік бағада сатылып жатыр. «Айналым схемасы» тетігі аясында сауда желілерімен келісімшарттар жасалып, сиыр етінің сүйекті күрек-кеуде бөлігінің келісі 2 070 теңге деңгейінде белгіленген бағада сатылуда. Сондай-ақ өңір нарығында келісі 3700-3800 теңге болатын коммерциялық бағадағы ет өнімдері де бар. Түркістан облысында ауыл шаруашылығы өнімдерінің жәрмеңкелері тұрақты түрде ұйымдастырылып келеді. Жалпы облыстың барлық аудардарында аптасына 16 жәрмеңке өткізіледі. Мұнда ет және өзге де әлеуметтік маңызы бар азық-түлік нарықтағы бағадан 15-20% төмен сатылады.Ақпарат көзі : https://www.gov.kz/memleket/entities/mti/press/news/details/1073542?lang=kk

Абай облысында сотталғандарға арналған әйелдер клубы ашылды.         Абай облысының әйелдер колониясында 300-ден астам сотталған әйел жазасын өтеп жатыр, бұл 18 бен 65 жас аралығындағы әйелдер. Бұл әйелдер орташа, ауыр және аса ауыр қылмыстар үшін сотталған. Олардың көпшілігі балаларымен байланыста болу және оларға қамқорлық жасау үшін "Әйелдер ісі " атты клубын құрған болатын. Олардың көпшілігі жалғызбасты аналар және көп балалы аналар. Мұндағы клуб мүшелері балаларына тоқылған, тігілген және тіпті ойыншықтар жасап жібереді.            Клубта барлығы 50 әйел бар. Сотталғандардың ішінде қазір балалары балалар үйінің қамқорлығында қалғандары бар . Балалар анасының сыйлықтарын туыстары келгенде, сәлемдемелер және бандерольдер арқылы алады.           - Клубтың негізгі мақсаты - сотталған әйелдер үшін қауіпсіз кеңістік, онда олар психологиялық қолдау ала алады, өзін-өзі көрсетуді, эмоционалды интеллект пен сындарлы қарым-қатынасты дамыта алады, қолдау ортасын құруға ықпал етеді, жеке тұлғаны дамытуға, ішкі ресурстарды қалпына келтіруге және бостандықта өмір сүруге дайындалуға бағытталған , - деп атап өтті мекеменің психолог инспекторы Алтынгүл Агатанова.Ақпарат көзі : https://www.gov.kz/memleket/entities/duisabai/press/news/details/1073555?lang=kk

Ереван, 2025 жылғы 18 қыркүйек – Армениядағы Қазақстан Елшілігінде дәстүрлі сараптамалық кездесулер аясында Қазақстан Президенті Қ.Тоқаевтың халыққа арнаған Жолдауында «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» тақырыбында дөңгелек үстел өтті.Іс-шара барысында қатысушылар Жолдаудың негізгі бағыттарымен танысты. Өз сөзінде Елші Б.Иманбаев Қазақстанның дамуындағы қазіргі үрдістер, жүргізіліп жатқан ауқымды реформалар және елдің сыртқы саясатындағы басымдықтар туралы айтып өтті.Армян сарапшылары Жолдауда көрсетілген бастамалардың Қазақстанның ішкі жаңғыруы үшін де, бүкіл аймақ үшін де маңызды екенін атап өтті. Цифрландыру, көлік инфрақұрылымын және энергетиканы дамыту мәселелерінде Армениямен күн тәртібінің ұқсастығы ерекше айтылды. Армения Премьер-министрі Аппараты жанындағы Қоғамдық байланыстар және ақпарат орталығы халықаралық қатынастарды зерттеу департаментінің басшысы Дж.Меликянның пікірінше, цифрлық мемлекет құру бағыты «Армениямен ынтымақтастықты тереңдетудің жаңа көкжиектерін ашып, әсіресе жасанды интеллект пен смарт-қалалар саласында зор мүмкіндіктер береді».Халықаралық әлеуетке ие болашақ технологиялық кластер ретінде ұсынылған «Alatau city» жобасы ерекше қызығушылық тудырды. «Интеграция және даму» бірлестігінің төрағасы А.Сафарян бұл жобаны «технологиялық серпілістің символы – халықаралық ынтымақтастық үшін перспективті алаң» деп сипаттап, осы мүмкіндікті дер кезінде пайдалану қажеттігін атап өтті.Армян институты тұрақтылық және мемлекеттік басқару негізін қалаушы, саясаттану ғылымдарының кандидаты Г.Меликян: «Цифрландыру – заманауи дамудың ажырамас бөлігі. Қазақстан жаңа технологиялық шындыққа жедел бейімделіп, бұл бағыттағы жетістіктерімен тәнті етуде», – деді.Талқылау барысында сарапшылар Жолдаудың сыртқы саяси қырларына да назар аударды. Қазақстанның еуразиялық интеграцияны дамытудағы және жаңа көлік-логистикалық дәліздерді қалыптастырудағы белсенді рөлі атап өтілді. Қазақстан мен Арменияның географиялық орналасуын ескере отырып, Орталық Азия мен Оңтүстік Кавказды байланыстыратын көлік коммуникацияларын дамытуда күш біріктіруге қызығушылық білдірілді.Қазақстанның бір палаталы парламенттік жүйеге көшу бастамасы да қызығушылық туғызды. Кавказ институтының директоры А.Искандарян: «2019 жылдан бері Президенттің әрбір жолдауы – елдің ұзақ мерзімді даму стратегиясының қисынды кезеңі. Бүгінде біз технологиялық трансформацияның саяси жаңғырумен қатар жүруін байқаймыз, бұл құрметке лайық», – деп атап өтті.Әлеуметтік-экономикалық даму орталығының басшысы Г.Макарянның пікірінше, «амбициялық міндеттердің табысты жүзеге асуы үшін кәсіби база қажет, бұл тұрғыда кадр даярлау және тәжірибе алмасу басым бағытқа айналуы тиіс».Сарапшылар Қазақстан–Армения ынтымақтастығының қазіргі үрдістерін талқылай келе, биылғы жылдың екіжақты қатынастар үшін мазмұнға аса бай екенін атап өтті. Олардың бағалауынша, саяси, экономикалық және гуманитарлық бағыттарда диалог белсенді дамуда.Дөңгелек үстел қорытындысы бойынша қатысушылар осындай кездесулерді жалғастырудың маңыздылығын атап өтіп, оларды өзара пікір алмасу мен ынтымақтастықты кеңейтуге арналған тиімді алаң деп бағалады.Ақпарат көзі : https://www.gov.kz/memleket/entities/mfa-erevan/press/news/details/1073556?lang=kk

Абай облысындағы әйелдер колониясында “Кітап сыйла” акциясы өтті.          23 сәуір – Қазақстанда алғаш рет Ұлттық кітап күні аталып өтілуде. Бұл жаңа мереке Мемлекет басшысы Қасым-Жомарт Тоқаевтың бастамасымен оқу мәдениетін насихаттау және отандық әдебиетті қолдау мақсатында енгізілді. Бұл күнді белгілеу туралы қаулы 2024 жылғы 16 шілдеде күшіне енді.                Осыған орай, Абай облысы бойынша ҚАЖД-ніың №23 әйелдер түзеу мекемесінде Абай облысы Жарма ауданының кітапхана қорымен бірлесіп ұйымдастырылған “Кітап сыйла” атты қайырымдылық акциясы өтті. Іс-шараның мақсаты — мекеме кітапханасын толықтырып, сотталғандарға кітап оқу, өзін-өзі дамыту және рухани байыту мүмкіндігін сыйлау.           Акция аясында колонияға шамамен 150 көркем, ғылыми-көпшілік және оқу басылымдары тапсырылды: классикалық шығармалар, заманауи романдар, психология, анықтамалық әдебиет. Ерекше көңіл жеке дамуға және әлеуметтік бейімделуге көмектесетін кітаптарға бөлінді.          — Кітап оқу сотталған әйелдерге күнделікті қиындықтардан арылып қана қоймай, өмірін қайта ой елегінен өткізуге, жаңа бағыт табуға көмектеседі, — деді тәрбие жұмысы жөніндегі орынбасар Анар Сабиева.            Ұйымдастырушылар барлық қатысушыларға алғыс айтып, қолдау мен мейірімділіктің тіпті темір тордың ар жағындағы тағдырларды өзгертуге қауқарлы екенін атап өтті.Ақпарат көзі : https://www.gov.kz/memleket/entities/duisabai/press/news/details/1073566?lang=kk

Қазақстан Республикасындағы қазіргі сыртқы экономикалық қызмет процестері тауарлардың шекара арқылы өтуінің заңдылығы мен қауіпсіздігін қамтамасыз ететін кедендік рәсімдерді қатаң сақтауды талап етеді.Кедендік бақылаудың құралдарының бірі – тауарларды шығарудан бас тарту мүмкіндігі болып табылады.Бұл шара заңнаманы бұзушылықтар анықталған жағдайларда қолданылады және ЕАЭО Кеден кодексінің және ұлттық заңнаманың нормаларымен реттеледі.Құқықтық реттеу негізделген:- 2017 жылғы 11 сәуірдегі Еуразиялық экономикалық одақтың Кеден кодексі (ЕАЭО КК);- 2017 жылғы 26 желтоқсандағы «Қазақстан Республикасындағы кедендік реттеу туралы» Қазақстан Республикасының кодексі   (бұдан әрі – Кодекс);- 2017 жылғы 19 желтоқсандағы Еуразиялық экономикалық комиссия Алқасының №188 «Тауарларды шығаруға байланысты кейбір   мәселелер туралы» шешімі.Кодекстің 201-бабына сәйкес, тауарларды шығарудан бас тартудың негіздері мыналар болып табылады:1) кеден органы тауарларды шығаруды жүзеге асыратын шарттарды орындамау;2) кеден декларациясында мәлімделген мәліметтерді өзгерту (толықтыру) жөніндегі кеден органының талаптарын орындамау;3) алдын ала кедендік декларация тіркелген күннен кейінгі отыз күнтізбелік күн ішінде тауардың келмеуі;4) мерзімдік кедендік декларациялау ерекшеліктерін сақтамау және (немесе) декларанттың кедендік төлемдерді, арнайы, демпингке қарсы, өтемақы алымдарын, пайыздар мен (немесе) өсімпұлдарды белгіленген мерзімде төлеу жөніндегі орындалмаған міндеттемесінің болуы;5) кеден органының талабы бойынша тауарды тауарларды шығару мерзімдері ішінде ұсынбау;6) зияткерлік меншік құқықтарын сақтамағаны үшін тоқтата тұру жағдайында тауарларды шығару мерзімін ұзартпау;7) кеден органының сұратылған кедендік құжаттарды ұсыну жөніндегі талаптарын орындамау;8) жолаушылар кедендік декларациясында мәлімделген тауарларды жеке пайдалану үшін әкелінетін тауарларға жатқызбау;9) кеден органдары кедендік бақылау кезінде тауарларға қатысты Еуразиялық экономикалық одақтың кеден заңнамасын және (немесе) Қазақстан Республикасының кедендік және өзге де заңнамасын бұзушылықтарды анықтаған жағдайда, мына жағдайларды қоспағанда:- әкімшілік немесе қылмыстық іс қозғауға негіз болып табылмайтын анықталған бұзушылықтар жойылғанда;- анықталған бұзушылықтар жойылып, мәлімделген тауарлар Қазақстан Республикасының заңдарына сәйкес тәркіленбегенде және оларға тыйым салу қолданылмаған жағдайда; - декларантқа қатысты банкроттық іс қозғалған жағдайда.Тауарларды шығарудан бас тарту кеден органының ақпараттық жүйесін пайдалану арқылы немесе қағаз жеткізгіштегі кедендік декларацияға тиісті белгілер қою арқылы рәсімделеді. Бас тарту құжатында мұндай шешімге негіз болған барлық себептер көрсетілуі тиіс.Тауарларды шығарудан бас тартуға байланысты кедендік операциялар тауарларды шығару мерзімі аяқталғанға дейін кеден органымен жүзеге асырылады.Тауарларды шығарудан бас тарту рәсімі Қазақстан Республикасының кедендік әкімшілендіру жүйесінің маңызды элементі болып табылады. Ол сыртқы экономикалық операциялардың заңдылығын қамтамасыз етуге және елдің экономикалық қауіпсіздігін қорғауға бағытталған. Сыртқы экономикалық қызметке қатысушылар үшін бас тарту тәуекелін азайтудың негізгі шарты – құжаттарды дұрыс дайындау және заң талаптарын сақтау.Ақпарат көзі : https://www.gov.kz/memleket/entities/kgd-vko/press/news/details/1073579?lang=kk

        Семейде колония аумағына тыйым салынған зат лақтырмақ болған күдіктілер анықталды.         Семейде қауіпсіздігі орташа колония аумағына тыйым салынған зат лақтырудың жолы кесілді. 34 және 29 жастағы күдіктілерді жасырын патрульдеу кезінде қызметкерлер байқап қалған.          Абай облысы бойынша ҚАЖД № 20 мекемесінің қызметкерлерімен ер адамдар оқиға орнында ұсталды. Ер адамдар негізгі қоршау арқылы таспамен оралған байламды лақтыруды көздеген. Онда белгілі бір иісі бар жасыл түсті өсімдік тектес зат болды.            Сараптама көрсеткендей, тәркіленген зат 60 гр кептірілген марихуана болып шықты. Естеріңізге сала кетейік, есірткі заттарын заңсыз жөнелту немесе өткізгені үшін 5 жылдан 10 жылға дейінгі мерзімге бас бостандығынан айыру түріндегі қылмыстық жаза қарастырылған.           — Ұсталғандарға қатысты сотқа дейінгі тергеу басталды, - дейді жедел бөлім бастығы Сұңғат Абраев.Ақпарат көзі : https://www.gov.kz/memleket/entities/duisabai/press/news/details/1073585?lang=kk

Атырау мемлекеттік мүлік және жекешелендіру департаменті «Әкімшілік құқық бұзушылық туралы» Қазақстан Республикасы Кодексінің 158, 795, 383, 482-баптарына және ҚР Қаржы министрінің 2015 жылғы 30 наурыздағы №227 бұйрығымен бекітілген Мүлікті тәркілеу бөлігінде қылмыстық іс бойынша сот үкімі негізінде не  мүлікті мемлекетке беру туралы шешім негізінде тыйым салынған мүлікті өткізу немесе пайдалану қағидаларында белгіленген тәртіпке   сәйкес  тәркіленген заттай дәлелдемелерді, заңсыз пайдаланылған белгісіз тауар белгілерін, балық аулау құралдарын, электр қаруларын жою жөніндегі жұмыстарды жүзеге асырды.Ақпарат көзі : https://www.gov.kz/memleket/entities/gosreestr/press/news/details/1073597?lang=kk

Бүгін облыс әкімі Нұрлыбек Нәлібаев мемлекет және қоғам қайраткері Бақберген Сәрсенұлы Досманбетовты 80 жасқа толу мерейтойымен құттықтады. Басқосуға зиялы қауым өкілдері, мерейтой иесімен қызметтес болған замандастары қатысты.Аймақ басшысы Бақберген Сәрсенұлының еңбек жолына тоқталып, ізгі тілегін жеткізді.«Бүгінгі ресми жиынымыз адал еңбегімен халықтың ықыласына бөленген, өнегелі істердің ұйытқысы болған ардақты ағамыздың құрметіне арналады. Өңірдің дамуына елеулі еңбек сіңірген, есімі Сыр жұртына етене таныс Бақберген Досманбетов ағамыз 80 жасқа толды.Бақберген Сәрсенұлы 1945 жылы Қармақшы ауданында дүниеге келген. Мәскеу басқару институтының құрылыс және қала шаруашылығы факультетінде білім алған.Еңбек жолын теміржолда қарапайым жұмысшы ретінде бастап, әр жылдары бұрынғы Н.В.Гоголь атындағы Қызылорда педагогикалық институты, қазіргі Қорқыт ата атындағы университетте комсомол комитетінің хатшысы, аға оқытушы, кафедра меңгерушісі, проректор, ректор, Қызылорда қаласының әкімі қызметтерін атқарған.Экономика саласын зерттеп, 9 монография, 60 ғылыми мақала жазған.Қала әкімі болған тұста өңіріміздің тіршілігіне серпіліс әкеліп, жұмыс орындарының жандануына мүмкіндік жасады.Парламент Сенатының II, III, IV шақырылымының депутаты ретінде халықтың әл-ауқатын жақсартуға бағытталған бастамалар көтеріп, ел игілігін көздейтін заңдардың қабылдануына елеулі үлес қосты.Тәуелсіздіктің қалыптасу жылдарында елде жұмыссыздық белең алып, айлап-жылдап еңбекақы, зейнетақы берілмеді. Электр энергиясы жетіспей, көгілдір отын арман болып, арбалап ағаш тасығанымыз да көз алдымызда. Сондай заманда елді бірлікке үндеп, сабыр мен төзімнің үлгісін көрсеткен осындағы аға буын Сіздердің еңбектеріңіз ерен.Ерекше атап өтуіміз қажет, қаламыздың сол жағалауында орналасқан, көркі мен сәулеті келіскен «Болашақ» университетінің құрылғанына да 30 жыл толды.Бүгінде университеттен өңіріміз бен еліміздің еңбек нарығына қажетті мамандар білім алып, ел дамуына өлшеусіз үлес қосып келеді. Бұл – Бақберген Сәрсенұлы ағамыздың білім мен ғылымға деген құрметінің нақты көрінісі.Сыр жұртшылығының атынан Сізді мерейтойыңызбен шын жүректен құттықтаймыз! Ұзақ ғұмыр, деніңізге саулық, отбасыңызға бақ-береке тілейміз!», – деді Н.Нәлібаев.Басқосуда облыс әкімі мерейтой иесіне Қызылорда облысының Құрмет грамотасын табыстап, дәстүрге сай иығына шапан жапты. Ел ағалары Ибрагим Әбибуллаев, Бекмырза Еламанов, Нажмадин Мұсабаев, Сәпен Аңсат, Қылышбай Бисенов сөз сөйлеп, Бақберген Сәрсенұлының елге жасаған елеулі еңбегін атап өтті.Бақберген Сәрсенұлы Досманбетов экономика ғылымдарының докторы, «Болашақ», Қорқыт ата атындағы Қызылорда, Гумилев атындағы Еуразия ұлттық университеттерінің профессоры, Қазақстан Республикасы Жоғары мектебі Ғылым академиясының академигі, «Құрмет», «Парасат», ІІ дәрежелі «Барыс» ордендерімен марапатталған, Қызылорда облысының құрметті азаматы.Жиын соңында мерейтой иесі көрсетілген құрметке алғаусыз алғысын білдірді.Ақпарат көзі : https://www.gov.kz/memleket/entities/kyzylorda/press/news/details/1073599?lang=kk

Бүгін ҚР Премьер-министрі Олжас Бектеновтің төрағалығымен егін жинау науқанының барысы туралы Үкімет отырысы өтті. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейінгі жиналыста аймақ басшысы жауапты сала басшыларына тапсырма берді.«Өздеріңізге белгілі, биыл өңірімізде вегетациялық кезең өте күрделі жағдайда өтті.Мемлекет басшымыздың, Үкіметтің қолдауының арқасында көршілес мемлекеттермен қажетті су көлемін жеткізу бойынша нәтижелі келіссөздер жүргізіліп, нақты шаралар қабылданды.Өңірімізде егін жинау жоспар бойынша қазан айының 15-нен кешікпей аяқталуы тиіс. Қала, аудан әкімдіктері, жұмысты мерзімінде бітіруге күш салу керек. Ол үшін шаруашылықтарды қажетті дизель отынымен толық қамтамасыз ету маңызды.Бүгінде күзгі егін жинау жұмыстарына бөлінген 10 400 тонна арзандатылған дизель отынының 5 500 тоннасы жеткізілген. Дегенмен, шаруашылықтардың дизель сатып алу көрсеткіштері әлі де төмен. Қала, аудан әкімдіктері, мәселені қатаң бақылауға алып, қыста шаруашылықтардың толық есептесуін ұйымдастырыңыздар. Бөлінген дизель отыны игерілуі керек.Мемлекет басшымыздың тапсырмасына сәйкес күрішті кезең-кезеңімен оңтайландырып, суды аз қажет ететін өзге дақылдардың көлемін арттыруымыз қажет. Егін шаруашылығын әртараптандыру, су үнемдеу технологиясын кеңінен енгізу – заман талабы.Президентіміздің тапсырмасына сәйкес 2026 жылға су үнемдеу технологияларын мемлекеттік қолдау шараларына облысымызға 9 млрд. теңге қаржы бөлінді. Бұл – бұрын-соңды болмаған қолдау. Осының арқасында егіс құрылымын әртараптандырып, оның ішінде су үнемдеу технологияларын пайдалану көлемін ұлғайтуымыз керек. Оның ішінде, күрішті тамшылатып суару әдісімен егуді қолға алуға тиіспіз», – деді Н.Нәлібаев.Жиында жылу беру маусымына дайындық барысы да қаралды.«Алдағы жылу беру маусымына қажетті көмір қорын жасақтау күн тәртібінен түскен емес. Мен бұған дейінгі мәжілістерде көмір жеткізуді шілде айынан бастауды тапсырғанмын. Бірақ тапсырма тиісті деңгейде орындалмауда. Жылу беру маусымында көмірге қатысты ешқандай мәселе туындамауы тиіс. Қызылорда қаласы мен барлық аудан әкімдеріне көмір жеткізу және қажетті көмір қорын жасақтау жұмыстарын жеделдетуді тапсырамын.Облыстық білім, денсаулық сақтау, мәдениет, дене шынықтыру, жұмыспен қамту басқармалары Қызылорда қаласы, аудан әкімдіктерімен бірлесіп, 25 қыркүйекке дейін шұғыл түрде дайындық паспорттарын алыңыздар. Қазандықтарды әзірлеп, отын қорын жасақтап, әлеуметтік нысандардың жылу беру маусымына толық дайын болуын қамтамасыз етіңіздер», – деді облыс әкімі.Сонымен қатар, барлық аудандағы вокзалдарды жөндеу жұмыстары қауіпсіздік талаптарына сай, жинақы, белгіленген тәртіппен ұйымдастырылуы қажет екені ескертілді.Ақпарат көзі : https://www.gov.kz/memleket/entities/kyzylorda/press/news/details/1073378?lang=kk

Қазақстан Республикасы Қарулы күштері Арнайы операциялар күштерінің өкілі Сандуғаш Сейдіш армрестлингтен әлем чемпионы атанды. Жарыс Болгарияның Албена қаласында өтті.Қазақстандық спортшы 50 келіге дейінгі салмақта бірінші орынды иеленді.Чемпионның айтуынша, оның мұндай жетістікке жетуіне қарқынды жаттығулар мен Арнайы операциялар күштері қолбасшылығының қолдауы маңызды рөл атқарған.Ақпарат көзі : https://www.gov.kz/memleket/entities/mod/press/news/details/1073411?lang=kk

Қазақстан Республикасы Қорғаныс министрлігінің Радиоэлектроника және байланыс әскери-инженерлік институтында 160-тан астам бірінші курс курсанты Отанға адал болуға ант берді.Бір ай ішінде бірінші курс курсанттары жас жауынгер курсынан өтіп, әскери дайындықтың негіздерін меңгеріп, мінездерін шыңдап, армиялық өмір салтына бейімделді.Іс-шараға Қазақстан Республикасы Ұлттық қорғаныс университетінің бастығы генерал-майор Асқар Мұстабеков, Әуе қорғанысы күштерінің Әуе шабуылына қарсы қорғаныс әскерлерінің қолбасшысы генерал-майор Қайрат Дәуітов, институттың жеке құрамы, Қарулы Күштердің ардагерлері, курсанттардың туыстары мен жақындары қатысты.Салтанатты рәсім басталмас бұрын қонақтар үшін әскери институттың оқу орталығына экскурсия ұйымдастырылды. Жаңа тактикалық алаңда әскери дайындық элементтері мен ұрыс жағдайына барынша жақын ортада дрондардың шабуылын тойтару бойынша сабақтар көрсетілді.Институт бастығы генерал-майор Нұртас Қабақов курсанттарды құттықтап, бұл іс-шараның маңыздылығын атап өтті.— Бүгінгі салтанатты рәсімді оқу орталығында өткізуіміздің себебі ата-аналар балаларының әскери білімді қалай меңгеріп жатқанын өз көздерімен көрсін деген ой еді. Біздің оқу орнымыз заманауи сын-қатерлер мен қауіптер жағдайында тапсырмаларды орындай алатын жаңа буын офицерлерін даярлайды. Бүгін сіздер ел қауіпсіздігін күзететін қатарға қосылып отырсыздар. Қазақстан армиясының болашағы сіздердің тәртіптеріңізге, білімдеріңізге және табандылықтарыңызға байланысты, — деді ол.Іс-шара барысында алғаш рет оқу орнының гимні орындалды. Оның сөзін институт бастығы ақын әрі композитор Нұрлан Нұртазинмен бірлесіп жазған. Бұл ән бірінші курс курсанттары үшін жай ғана ән емес, әскери институттың абыройы мен даңқын сақтау жөніндегі нағыз антқа айналды.— Бүгін мен үшін ерекше күн. Әскери ант беру — зор құрмет пен үлкен жауапкершілік. Енді біз жай ғана курсант емеспіз, Отан қорғаушыларымыз, сол сенімді ақтау үшін барымды саламын, — деді курсант Арлен Жақашбаев.Биыл әскери жоғары оқу орнына Қазақстанның барлық өңірінен 200-ден астам курсант қабылданды. Олардың арасында әскери даярлығы жоғары бағаланған, «Сарбаз 2.0» бағдарламасы бойынша қабылданған 30-ға жуық мерзімді қызметтегі сарбаз бар. Сонымен қатар, Ұжымдық қауіпсіздік туралы шарт ұйымына мүше мемлекеттер арасындағы ынтымақтастық аясында институтқа Қырғызстан мен Тәжікстаннан сегіз азамат оқуға түсті.Айта кетейік, биыл институтта екі жаңа мамандық ашылды. Олар – «әскери істегі криптология» және «аударма ісі». Бұл бағыттар қазіргі заманғы сын-қатерлер мен қауіптер жағдайында сұранысқа ие мамандарды даярлаудың негізіне айналмақ.Ақпарат көзі : https://www.gov.kz/memleket/entities/mod/press/news/details/1073454?lang=kk

Экономикалық зерттеулер институтында "Мемлекет басшысының Жолдауы: Қазақстанның әлеуметтік-экономикалық дамуының өзекті мәселелері" атты дөңгелек үстел өткізілді. Кездесуге қатысушы сарапшылар, экономистер мен мемлекеттік орган өкілдері Президент Қасым-Жомарт Тоқаевтың 2025 жылғы 8 қыркүйектегі "Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу" атты Жолдауында белгіленген негізгі бағыттарды қарастырды.Іс-шараны ашқан Институт басқарма төрағасының орынбасары Қайсар Нығметов талқылау практикалық сипатта болуы тиіс екенін атап өтті."Бүгінгі таңда біздің басты міндетіміз-талқылау ғана емес, нақты ұсыныстар дайындау. Сараптамалық талдау Мемлекет басшысының стратегиялық бастамаларын іске асыру үшін негіз болуы тиіс", - деді ол.Талқылау барысында ғылыми және сараптамалық қоғамдастық өкілдерінің баяндамалары оқылды. Олардың қатарында ҚР Президенті жанындағы Стратегиялық зерттеулер институты директорының ішкі саясат жөніндегі орынбасары Алуа Жолдыбалина, тәуелсіз сарапшы, Ұлттық корпоративтік басқару академиясының лекторы Мақсат Мұханов, сондай-ақ Еңбек және халықты әлеуметтік қорғау министрлігінің өкілі Бәтжан Ақмолдина бар.Көлік инфрақұрылымы мен инвестициялық саясат мәселесіне ерекше назар аударылды. Институттың жетекші ғылыми қызметкері Азамат Нұрсейітов жүк авиациясын дамыту және дербес технологияларды енгізу жөніндегі тапсырмалар интеграцияланған іскерлік экожүйе ретінде логистика мен инновацияның бірыңғай пайымын қалыптастыратынын атап өтті."Бұл бағыт ауқымды инвестиция мен жүйелі басқаруды талап етеді. Транзиттік әлеуетті дамыту және экспорттық маршруттар географиясын кеңейту мемлекеттің экономикалық саясатының басымдығы болып қала береді. Бұл ретте барлық инфрақұрылымдық жобалардың бірыңғай желі ретінде жұмыс істеуі маңызды", – деді сарапшы.Урбанистика және жаңа Alatau Сity қаласын құру мәселесі де қызығушылық тудырды. Саяси ғылымдар докторы, Институттың Өңірлік зерттеулер және өмір сапасы орталығының жетекші ғылыми қызметкері Ғабит Матаев бұл жоба барлық процестерді басқару барынша ашық және тиімді болатын "цифрлық қаланың" үлгісі болатынын атап өтті."Қазірдің өзінде цифрландыру азаматтардың өмірін жеңілдетеді: мобильді қосымшалар арқылы жол ақысын төлеуге, мемлекеттік қызмет алуға немесе дәрігерге жазылуға болады. Alatau City-де барлық қызметтер бірыңғай жүйеге біріктіріледі. Ауқымды деректерді пайдалану көлік ағынын реттеуге, энергия тұтынуды бақылауға, экологиялық көрсеткішті бақылауға және қалалық инфрақұрылымның жұмысын оңтайландыруға мүмкіндік береді", – деп түсіндірді ол.Экономикалық зерттеулер институтындағы дөңгелек үстел бұл алаңның идеялар қалыптастырылып, әлеуметтік-экономикалық дамудың стратегиялық басым бағыттары талқыланатын, практикалық шешімдер әзірленетін жетекші сараптамалық орталық ретіндегі маңыздылығын тағы да растады.Ақпарат көзі : https://www.gov.kz/memleket/entities/economy/press/news/details/1073462?lang=kk

Жаңа Салық кодексін түсіндіру бойынша ауқымды ақпараттық науқан аясында Жетісу облысы бойынша Мемлекеттік кірістер департаментінің қызметкерлері Көксу ауданының кәсіпкерлері мен тұрғындары үшін көшпелі семинар өткізді.2026 жылдың 1 қаңтарынан бастап күшіне енетін жаңа Салық кодексі елдің салық жүйесін түбегейлі өзгертуге бағытталған. Негізгі мақсат — тек нормаларды өзгертіп қана қоймай, адалдық, ашықтық және әділдік қағидаттарына негізделген салық төлеушілердің жаңа менталитетін қалыптастыру.Жаңа Кодекс мыналарға бағытталған:    Әкімшілік жүктемені азайту және әсіресе өңір үшін негізгі салаларда — ауыл шаруашылығында, туризмде және кәсіпкерлікте — бизнесті дамыту үшін қолайлы жағдайлар жасау.    Медицина және білім беру сияқты әлеуметтік маңызы бар салалар үшін корпоративтік табыс салығының (КТС) төмендетілген мөлшерлемелерін енгізу облыстың әлеуметтік саласына тікелей қолдау көрсетеді. Бұл ретте, жеке табыс салығының (ЖТС) үдемелі шкаласы және сән-салтанат заттарына салынатын салық табысты әділ бөлуге мүмкіндік береді.    ҚҚС-ты арттыру және арнайы салық режимдерінің санын қысқарту жосықсыз кәсіпорындарды көлеңкелі экономикадан шығаруға және нарықтың барлық қатысушылары үшін тең жағдайлар жасауға көмектеседі.Өзгерістермен уақтылы танысу және жаңа ережелерге дайындық — жаңа экономикалық жағдайларға табысты бейімделудің кепілі.Ақпарат көзі : https://www.gov.kz/memleket/entities/kgd-zhetysu/press/news/details/1073468?lang=kk

Мемлекет басшысы Еуропалық Кеңес Президентімен келіссөз жүргізді2025 жылғы 23 қыркүйек АҚШ, Нью-Йорк қаласыҚасым-Жомарт Тоқаев Еуропалық Кеңес басшысы Антониу Коштаға ілтипат білдіріп, Қазақстан Ұйыммен екіжақты негізде, сондай-ақ C5+ форматы аясында серіктестікті арттыруды берік ұстанатынын жеткізді.Әңгімелесу барысында Қазақстан мен Еуропа Одағы арасында сауда-экономикалық, инвестициялық және мәдени-гуманитарлық байланыстарды ілгерілетуге бағытталған саяси диалогтың қарқынды дамып келе жатқаны айтылды.Қасым-Жомарт Тоқаев пен Антониу Кошта халықаралық және өңірлік күн тәртібіндегі өзекті мәселелерді талқылады.Кездесуде өзара тиімді өңіраралық ынтымақтастықты одан әрі нығайтуды жалғастыру жөніндегі уағдаластыққа қол жеткізілді.Ақпарат көзі : https://www.gov.kz/memleket/entities/mfa-tel-aviv/press/news/details/1073188?lang=kk

БЖЗҚ туралы өзекті сауалдар 1. Қазіргі уақытта Қазақстанда зейнетақының қай бөлігіне салық салынады, ал қайсысына салық салынбайды?Қазақстанда мемлекеттік бюджеттен берілетін зейнетақы төлемдеріне салық салынбайды, ал Бірыңғай жинақтаушы зейнетақы қорынан (БЖЗҚ) төленетін төлемдерге салық салынады. Қолданыстағы Салық кодексіне сәйкес БЖЗҚ-дан берілетін зейнетақы төлемдері төлем көзінен 10% мөлшерлеме бойынша жеке табыс салығы (ЖТС) салынатын кіріске жатады.  Яғни, зейнетақы жарналары жеке зейнетақы шоттарына салық салынғанға дейін аударылады. Ал ЖТС төлемдер жасалған кезде ұсталады. ЖТС міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) есебінен қалыптастырылған зейнетақы төлемдерінің барлық түрлерінен жиынтық түрде ұсталады. Бұл ретте түзету және салық шегерімдерінің сомалары ескеріледі.  Алайда, бұл норма тек 2025 жылдың соңына дейін күшінде болады. Естеріңізге сала кетейік, жаңа Салық кодексі 2026 жылдың 1 қаңтарынан бастап күшіне енеді және оған сәйкес БЖЗҚ-дан берілетін зейнетақы төлемдерінен ЖТС ұсталмайды. 2. ҚР жаңа Салық кодексіне зейнетақы төлемдеріне салынатын жеке табыс салығына (ЖТС) қатысты қандай өзгерістер енгізілді?ҚР жаңа Салық кодексіне сәйкес, алушы Қазақстан Республикасының резиденті болып табылмайтын жағдайларды қоспағанда, 01.01.2026ж. бастап жеке табыс салығы (ЖТС) зейнетақы төлемдерінің барлық түрлерінен, сондай-ақ тұрғын үйге және/немесе емделуге арналған біржолғы зейнетақы төлемдерінен (БЗТ) ұсталмайды. Сонымен қатар 2026 жылғы 1 қаңтардан бастап тұрғын үйге/емделуге БЗТ алып, одан ЖТС төлеу міндеттемесін кесте бойынша зейнетақы төлемдерін алғанға дейін кейінге қалдырғандар, ол міндеттемеден босатылады. 3. 2026 жылғы 1 қаңтарға дейін ұсталған ЖТС қайтарыла ма? Жаңа Салық кодексінің ережелерінде бұрын ұсталған ЖТС-ты қайтару көзделмеген.Қолданыстағы Салық кодексіне сәйкес тұрғын үйге/емделуге біржолғы зейнетақы төлемдерін пайдалану кезінде ЖТС ұстау көзделген. Бұл ретте алушының таңдауына ЖТС ұстап қалудың екі жолы ұсынылады: БЗТ алған кезде бірден немесе зейнеткерлікке шыққанға дейін кейінге қалдыру. 01.01.2026 ж. бастап жаңа Салық кодексінің енгізілуіне байланысты салымшы ЖТС-ты бұған дейін төлеп қойған болса, ол қайтарылмайды. Ал кейінге қалдырылған ЖТС бойынша міндеттемелердің күші жойылады.   Айта кетейік, 2025 жылдың 31 желтоқсанына дейін БЖЗҚ-дан берілетін зейнетақы төлемдерінен және біржолғы зейнетақы төлемдерінен ЖТС есептеу, ұстап қалу және төлеу қолданыстағы режимде жүзеге асырылатын болады. 4. Егер алушы зейнеткерлік жасқа жеткен және ЖТС төлеп отырған жағдайда, 2026 жылғы 1 қаңтардан бастап ЖТС ұстап қалу жалғастырыла ма?Жаңа Салық кодексінің ережелері 2026 жылғы 1 қаңтардан бастап Қазақстан Республикасының бейрезиденттеріне БЖЗҚ-дан жүзеге асырылатын зейнетақы төлемдерін қоспағанда, БЖЗҚ-дан берілетін зейнетақы төлемдері, біржолғы зейнетақы төлемдері түріндегі кірістерді жеке табыс салығынан босатуды көздейді. 5. Ерікті зейнетақы жарналары бойынша салық шегерімдері туралы норма қалай өзгереді?Өзгерістер 2026 жылдың 1 қаңтарынан бастап өз пайдасына жасалған ерікті зейнетақы жарналары бойынша салық шегерімдерін жоюды қамтиды. Алайда, БЖЗҚ-дан берілетін төлемдердің басқа түрлері сияқты ЕЗЖ есебінен жасалатын төлемдер де ЖТС-тан босатылады. Бұл ретте салық агентінің БЖЗҚ-ға қызметкердің пайдасына аударған ерікті зейнетақы жарналары жеке тұлғаның табысы болып саналмайтындықтан, оған ЖТС салынбайды, ал жұмыс беруші үшін мұндай шығыстар корпоративтік табыс салығын есептеу кезінде шегерілуге жатады деген норма сақталады. Яғни, бұл жағдайда қызметкер де, жұмыс беруші де салық жеңілдіктерін алады.Ақпарат көзі : https://www.gov.kz/memleket/entities/akimat-beyneu/press/news/details/1077316?lang=kk

Бизнестің цифрлық картасы Ұлттық экономика министрлігінде Премьер-Министрдің орынбасары – Ұлттық экономика министрі Серік Жұманғариннің төрағалығымен өткізілген кеңесте таныстырылды."Атамекен" ҰКП әзірлеген Бизнестің цифрлық картасы—дэшбордтары, болжамды модельдері мен ашық статистикасы бар заманауи ақпараттық-талдамалық платформа. Бұл кәсіпкерліктің дамуының қазіргі ахуалы туралы ақпарат беріп, қолдау шараларының тиімділігін бағалауға, инвестициялық белсенділікті талдауға және мемлекеттік органдарды салмақты шешім қабылдауға қажетті құралмен қамтамасыз етуге мүмкіндік береді. "Атамекен" ҰКП төралқа төрағасы Райымбек Баталовтың айтуынша, жаңа жүйе мемлекеттік және ведомстволық деректер базасымен интеграцияланбақ. Бұл еліміздегі кәсіпкерліктің жай-күйіне объективті талдау жасауға мүмкіндік береді. Жоба 2029 жылға дейінгі Ұлттық даму жоспары шеңберінде іске асырылуда. "Атамекен"ҰКП толық қаржыландырады. Бизнес үшін БЦК мемлекеттік қолдау шаралары, өңірлердегі басым бағыттар мен оларды мамандандыру, инвестициялық жобаларды іске асыру, қызмет түрлері бойынша міндетті талаптар, сондай-ақ өнімге сұраныс туралы деректерге қол жеткізеді. Мұндай ақпарат кәсіпкерлерге дамуды жоспарлауға, жаңа тауашаларды табуға және тиімді стратегия құруға көмектеседі.Мемлекет үшін цифрлық карта басым салаларды мониторингілеу мен инвестициялық жобаларды іске асыру құралы, сұраныс пен ұсынысты талдау жүйесі, кәсіпкерлік ахуалды объективті бағалау көзі және мемлекеттік қолдаудың нәтижелілігі, сондай-ақ бизнестің қарсы міндеттемесін бақылау құралы.Бүгінгі таңда шағын және орта бизнес ЖІӨ-нің шамамен 40%-ын және еліміздегі жұмыспен қамтудың жартысына жуығын қамтамасыз етеді. Ал БЦК мемлекет пен кәсіпкерлердің нақты аналитикасы мен жүйелі өзара іс-қимылы арқылы осы көрсеткіштердің одан әрі өсуіне ықпал етуі керек.Қазіргі уақытта "Атамекен" ҰКП мемлекеттік органдармен бірлесіп, QazTech платформасында Бизнестің цифрлық картасын енгізуді пысықтауда.Ақпарат көзі : https://www.gov.kz/memleket/entities/economy/press/news/details/1073210?lang=kk

Қасым-Жомарт Тоқаев Черногория Президентімен кездесті2025 жылғы 23 қыркүйек АҚШ, Нью-Йорк қаласыМемлекет басшысы БҰҰ Бас Ассамблеясының 80-ші сессиясы алаңында Черногория Президенті Яков Милатовичпен кездесті.Қасым-Жомарт Тоқаев еліміз Черногорияны Балқан түбегіндегі маңызды серіктесі санайтынын атап өтті.Келесі жылы екі ел арасындағы дипломатиялық ынтымақтастық орнағанына 20 жыл толады. Осы жылдар ішінде мемлекеттер арасында достық пен өзара түсіністікке негізделген сындарлы қарым-қатынас қалыптасты.Яков Милатович екіжақты байланыстарды дамытуға айтарлықтай үлес қосқаны үшін Қазақстан Президентіне алғыс айтты. Оның айтуынша, Черногория қазақстандық туристер жиі келетін елдердің біріне айналған.Алматы мен Подгорица арасында тікелей әуе рейсінің ашылуы, сондай-ақ Қазақстан азаматтарына визасыз режим енгізілуі қос халықты жақындата түсті.Ақпарат көзі : https://www.gov.kz/memleket/entities/mfa-tel-aviv/press/news/details/1073214?lang=kk

Қаржы министрлігінің Әдеп жөніндегі уәкілі Кәмшат Арыстанбекова мен Мемлекеттік кірістер комитетінің Әдеп жөніндегі уәкілі Тасқын Ақбаев Екібастұз қаласы бойынша Мемлекеттік кірістер басқармасының еңбек ұжымымен кездесті. Іс-шараны ашқан Мемлекеттік кірістер департаменті басшысының орынбасары, Департаменттің әдеп жөніндегі уәкілі Марат Бейсенов кездесудің негізгі мақсаты – бұзушылықтарды алдын алу және мемлекеттік қызметтің оң имиджін қалыптастыру екенін атап өтті. Іс-шара барысында қызметтік әдеп нормаларын сақтаудың негізгі аспектілері, сондай-ақ сыбайлас жемқорлыққа қарсы заңнаманың өзекті мәселелері талқыланды. Мемлекеттік қызметшілердің әдеп кодексін сақтауға, сондай-ақ мемлекеттік қызметшілердің құмар ойындарға қатысуына тыйым салуға ерекше назар аударылды. Іс-шара соңында Әдеп жөніндегі уәкілдер мамандардың мемлекеттік қызметші мәртебесін көтеруге және жалақыны көтеру перспективаларына қатысты сұрақтарына жауап берді. Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1073221?lang=kk