Қонаев қаласында Халықаралық инженерлік-технологиялық университеті, қалалық әкімдік және білім бөлімі арасында үшжақты меморандумға қол қойылды.Құжатқа қала әкімі Асхат Бердіханов, университет ректоры Дархан Ақпанбетов және қалалық білім бөлімінің басшысы Қаламқас Қойшыбаева қол қойды.Меморандум аясында Қонаев қаласының әлеуметтік-экономикалық дамуына қажетті мамандарды даярлау, мектеп оқушыларына кәсіби бағдар беру, дуалды оқытуды ұйымдастыру және басқа да маңызды шараларды жүзеге асыру жоспарланған.Университет тарапынан қала мектептерінің үш түлегіне білім гранттары табысталды. Бұл бағыттағы жұмыстар алдағы уақытта да жалғасатын болады.Ақпарат көзі : https://www.gov.kz/memleket/entities/almobl/press/news/details/1046608?lang=kk

Отырыстың күн тәртібінде денсаулық сақтау жүйесінің I жартыжылдықтағы қызметінің қорытындылары қаралып, жыл соңына дейінгі негізгі міндеттер айқындалды.Алқада онкологиялық қызметті дамыту, келісімшарттық міндеттемелерді іске асыру, облыстағы санитариялық-эпидемиологиялық ахуал және медициналық әрі фармацевтикалық қызмет түрлері бойынша мемлекеттік бақылаудың нәтижелері талқыланды.Ерекше назар ауылдық денсаулық сақтау жүйесін жаңғырту мәселелеріне аударылды. Алқа мүшелері заманауи тәсілдермен медициналық көмек ұйымдастырылып жатқан Еңбекшіқазақ көпсалалы орталық аудандық ауруханасының қызметімен танысты.Ұлттық жоба аясында жүзеге асырылған ауқымды қайта жаңғырту жұмыстарының нәтижесінде мекеме жаңа инфрақұрылыммен, цифрлық шешімдермен жабдықталып, негізгі бөлімшелер жаңартылды. Сонымен қатар, мультидисциплинарлық тәсілдерге, орнықтылық пен қолжетімділікке негізделген, пациентке бағытталған қызмет көрсету моделі енгізілді.Еңбекшіқазақ КОАА ауылдық аумақтағы денсаулық сақтау жүйесін дамыту — жүйелі тәсіл, сапаға инвестиция және инновацияларды белсенді енгізу арқылы мүмкін екенін көрсетіп отыр. 📍 Алқа отырысы стратегиялық диалог, тәжірибе алмасу және өңірдегі денсаулық сақтау жүйесінің тиімділігі мен тұрақтылығын арттыруға бағытталған шешімдер қабылдау үшін маңызды алаңға айналды.Ақпарат көзі : https://www.gov.kz/memleket/entities/almobl-densaulyk/press/news/details/1046443?lang=kk

2025 жылғы 28 тамызда "Білім бөлімі әдіскерінің тәрбие жұмысы жөніндегі директорлардың орынбасарларымен, педагог-психологтармен және әлеуметтік педагогтармен 2025 жылға арналған бірлескен жұмыс циклограммасына" сәйкес ауданның білім бөлімінің әдіскері В.Н. Касумова ұйымдастырған семинар-кеңес өткізілді.Семинар тақырыптары:1.Білім беру ұйымдарында психологиялық-педагогикалық сүйемелдеу қызметін құру туралы мәселені қарау.Баяндамашы: Пионерское ауылы № 3 ЖББМ педагог-психологы -З.З. Грицюк. 2."Балалар еңбегін пайдалануға қарсы 12 күн" ҰАК өткізу қорытындылары.Баяндамашылар: Осакаровка к. № 12 ЖББМ педагог-психологы -Н.В. Пышкина, Ә.Бөкейхан атындағы ТМ РО әлеуметтік педагогы- Ербол А. 3. Білім беру мекемелерінде психологиялық-педагогикалық сүйемелдеу қызметінің профилактикалық жұмысы мен жұмыс істеуін ұйымдастырудың өзекті мәселелері.Баяндамашылар: білім бөлімінің әдіскері В.Н. Касумова Семинарға білім беру бөлімінің әдіскері, директорлардың тәрбие жұмысы, оқу жұмысы жөніндегі орынбасарлары, педагог-психологтар, әлеуметтік педагогтар қатысты.Жалпы қамту: 57 адам.Іс-шара барысында директорлардың ТЖ және ОЖ жөніндегі орынбасарлары, сондай-ақ педагог-психологтар мен әлеуметтік педагогтар мәлімделген тақырыптар шеңберінде сөз сөйлеушілерге нақтылайтын сұрақтар қойды. Спикерлер білім беру ұйымдарындағы профилактикалық жұмыстың практикалық аспектілеріне назар аудара отырып, жан-жақты және мазмұнды жауаптар берді.Семинар қорытындысы бойынша:* ведомствоаралық және мектепішілік өзара іс-қимылды күшейтудің өзекті бағыттары айқындалды;* тиісті шешімдер қабылданды және құқық бұзушылықтың алдын алу мәселелері бойынша одан әрі қызмет жоспары белгіленді;* білім беру ұйымдарында психологиялық-педагогикалық сүйемелдеу қызметінің мәселелері мен ресурстары қаралды;* қауіпсіз білім беру ортасын қалыптастыру мақсатында ата-аналар жұртшылығымен өзара іс-қимыл нысандары келісілді.Семинар материалдары қатысушыларға практикалық қызметте пайдалану үшін жіберілетін болады.Ақпарат көзі : https://www.gov.kz/memleket/entities/edu-osakarovka/press/news/details/1058650?lang=kk

ХабарландыруСатылатын объекті:Жеке тұрғын үй бар жер тілімі, жалпы ауданы 69,10 ш.м. Жер учаскесі ауданы 0,25 га; Салынған жылы 2002 жыл Алматы облысы, Енбекшіқазақ ауданы, Алатау көшесі, 3.ААукцион өткізілетін күні: 08.08.2025 12:00Бастапқы бағасы: 13 939 900 тенге.Кепілдік жарна: 3 216 900 тенге.Ақпарат көзі : https://www.gov.kz/memleket/entities/kgd-zko/press/news/details/1046422?lang=kk

ХабарландыруСатылатын объекті:Екі тұрғын үй, жалпы ауданы 219,70 ш.м. 0,1000 га жер учаскесіне жеке меншікқұқығымен. Кұрылыс жылы: 2015 жыл: Батыс Қазақстан облысы,Тасқала ауданы, Аққайнар ауылы, Өркен көшесі, 16-учаске мекенжайы бойыншаАукцион өткізілетін күні: 12.08.2025 ж., 12:00Бастапқы бағасы: 13 968 500 тенге.Кепілдік жарна: 3 223 500 тенге.Ақпарат көзі : https://www.gov.kz/memleket/entities/kgd-zko/press/news/details/1046427?lang=kk

Салық және бюджетке төленетін басқа да міндетті төлемдер туралы" "Қазақстан Республикасының Кодексіне (Салық Кодексі) өзгерістер мен толықтырулар енгізу туралы " ҚР 15.07.2025 ж. № 208-VIII ҚРЗ Заңымен және Қазақстан Республикасының заңдары оны қолданысқа енгізу туралы" жалпыға бірдей декларациялау мәселелері бойынша Салық кодексіне өзгерістер енгізілді.Осыдан, 2025 жылы активтер мен міндеттемелер туралы декларацияны 250.00 нысаны бойынша ұсынуға міндетті:1) сайланбалы және мемлекеттік лауазымдарға кандидаттар;2) 31.12.2024 ж. жағдай бойынша шетелде мүлкі (жылжымайтын мүлік, көлік құралдары, зияткерлік меншік, Авторлық құқық объектілері) бар Қазақстан Республикасының азаматтары мен резиденттері, бағалы қағаздар, шетелдік заңды тұлғадағы қатысу үлесі, цифрлық активтер, инвестициялық алтын, тұрғын үй құрылысына қатысу үлесі, шетелдік банктердегі ақша қаражаты 1000 АЕК-тен жоғары, шетелдік брокерлік шоттардағы ақша); дебиторлық/кредиторлық берешек; құны бірлігіне 1000 АЕК-тен асатын өзге де қымбат мүлік;3) цифрлық активтер болған жағдайда Қазақстан Республикасының азаматтары, Қазақстан Республикасының резиденттері;4) жеке практикамен айналысатын адамдар.Кірістер мен мүлік туралы декларацияны 2025 жылы 270.00 нысаны бойынша ұсынады:1)мемлекеттік қызметшілер және оларға теңестірілген адамдар мен олардың жұбайлары;2) заңды тұлғалардың басшылары және олардың резидент жұбайлары;3) коммерциялық емес ұйымдардың құрылтайшыларын (қатысушыларын) қоспағанда, жарғылық капиталдағы үлестің (акционерлік қоғам акцияларының) 10 пайыздан астамын иеленетін заңды тұлғалардың басшылары, құрылтайшылары (қатысушылары), сондай-ақ олардың резидент ерлі-зайыптылар;4) "Қазақстан Республикасындағы банктер және банк қызметі туралы", "сақтандыру қызметі туралы", "Бағалы қағаздар нарығы туралы" Қазақстан Республикасының заңдарына сәйкес инвестициялық портфельді басқаратын банктің, сақтандыру (қайта сақтандыру) ұйымының ірі қатысушылары, сондай-ақ олардың резидент-ерлі-зайыптылар;5) жеке практикамен айналысатын адамдар;6) Кәсіпкерлік қызметтен түсетін кірістерді қоспағанда, есепті салық кезеңде жеке тұлғаның өз бетінше салық салуына жататын кірісті алған тұлғалар;7) Қазақстан Республикасының шегінен тыс жерлерде орналасқан  шетелдік банктердегі банк шоттарында жиынтығында айлық есептік көрсеткіштің 1000 еселенген мөлшерінен асатын сомада  ақшасы бар тұлғалар;  8) шетелде мүлкі бар тұлғалар;9) меншігінде цифрлық активтері бар тұлғалар;10) Қазақстан Республикасында және (немесе) одан тыс жерлерде есепті салық кезең ішінде құны айлық есептік көрсеткіштің 20 000 еселенген  мөлшерінен асатын мүлікті сатып алған тұлғалар (жылжымайтын мүлік; механикалық көлік құралдары мен тіркемелер; заңды тұлғаның жарғылық капиталындағы қатысу үлесін; бағалы қағаздарды; туынды қаржы құралдарын; тұрғын үйге қатысу үлестері құрылыс; инвестициялық алтынды сатып алған тұлғалар);11)салықагентінебасқашегерімдердіңалдын ала сомасытүріндесалықшегерімдерінқолданутуралыөтініш берген тұлғалар.Декларацияларды тапсыру мерзімі 2025 жылғы 15 қыркүйекке дейін.Ақпарат көзі : https://www.gov.kz/memleket/entities/kgd-vko/press/news/details/1046420?lang=kk

 Бүгін қала әкімі Ғабит Сыздықбеков сумен жабдықтау жүйесі іске қосылған Текесу тұрғын алабын аралады. Мегаполис басшысы жергілікті тұрғындарды маңызды оқиғамен құттықтап, жобаның маңыздылығын атап өтті.Бұл бағыттағы жұмыстар әкімнің тапсырмасы бойынша жүзеге асырылды. Халықпен кездесулердің бірінде жергілікті тұрғындар ауыз суға тұрақты қол жетімділіктің жоқтығына назар аударған болатын.Жоба 130 абонентті сапалы ауыз сумен қамтуға бағытталып, 14 шақырым су құбыры жүргізілді. Жұмыстар демеушілер қаражаты есебінен жүргізілді. Қала әкімі демеушілер мен мердігер ұйымдарға көрсеткен әлеуметтік жауапкершіліктері үшін алғысын білдірді. Бірлескен жұмыстар нәтижесінде жергілікті халық санитарлық талапқа сай таза, үздіксіз ауыз суға қол жеткізді.Шымкент қаласы әкімінің баспасөз қызметі

Шымкент қаласының әкімі «Жасыл Балқа» ауданын жаңғырту аясында жаңа тұрғындарға кілттерді табыс етті. Шымкентте Зеленая Балка ауданын жаңғырту тұжырымдамасын кезең-кезеңімен жүзеге асыру жалғасуда. Қазақстан Республикасының Конституциясы күні қарсаңында қала әкімі Ғабит Сыздықбеков Нұрлыбаев көшесі, 3-үйде бұрын тұрып келген сегіз отбасыға жаңа пәтерлердің кілтін табыс етті. Жаңа тұрғын үй бөлмелер саны бойынша бұрын тұрған пәтерлерге сәйкес келеді, әрлеуі таза және тұруға толық дайын. Жаңадан келген тұрғындар үшін бұл тұрғын үй жағдайлары мен өмір сүру сапасын жақсарту жолындағы көптен күткен қадам. Отбасыларды жаңа баспаналарымен құттықтаған қала әкімі оларға жаңа баспаналарында амандық, жылулық пен жайлылық тіледі. Ол мұндай жобалар Шымкенттің тұрақты дамуының және қала экологиясының сапасын арттырудың маңызды элементі екенін атап өтті. Айта кетерлігі, «Жасыл балқа» ауданын жаңғырту тұжырымдамасы азаматтарды жаңа баспанаға көшіру бағдарламасын ғана қамтып қоймай, аумақты кешенді абаттандыруды да қарастырады. Басты мақсат – азаматтардың өмір сүруі үшін заманауи, жайлы және қауіпсіз ортаны қалыптастыру. Жоба басталғалы 66 отбасы жаңа пәтерге қоныстанды. Бұл қабылданған қадамдардың тиімділігі мен бағдарламаның қала тұрғындарының өміріне оң ықпалын тигізетінін растайды. Шымкент қаласы әкімінің баспасөз қызметі

 Шымкентте Көксай шағынауданын жаңғырту тұжырымдамасы жалғасуда. Тұжырымдама аясында 66 отбасы тұрғын үй жағдайын жақсартуға мүмкіндік алды.  Тұрғындар тозығы жеткен үйлерден бөлме саны бірдей, әрленген жаңа қонысқа көшірілуде. Бүгін қала әкімі Ғабит  Сыздықбеков  Конституция күні қарсаңында Нұрлыбаев көшесі 3  мекен жайдағы апатты үйде тұратын тағы 8 отбасына жаңа пәтер кілттерін табыстады. Тұрғындарды қуанышымен құттықтап, аталған бағдарламаның мегаполисті дамытуда, халықтың өмір сапасын арттыруда маңызы зор екенін атап өтті.Жобада көпқабатты тұрғын үйлермен қатар өзге де  әлеуметтік маңызы бар  нысандарды кезең-кезеңімен салу жоспарланған. Сонымен қатар аталған елдімекенді кешенді түрде абаттандыру қарастырылған.Шымкент қаласы әкімінің баспасөз қызметі

2025 жыл – жұмысшы мамандықтардың қадірін арттырып, шынайы еңбектің бағасын ұғынатын жыл. Осы орайда, ел экономикасының алға басуына үнсіз үлес қосып жүрген мамандардың бірі – Көлік жөндеуші!Көлік жөндеуші – бұл темір тұлпардың тынысын тыңдап, ақауын анықтап, қайтадан жолға шығуына жан бітіретін нағыз шебер.Жеңіл көлік, жүк көлігі немесе арнайы техникалар болсын – бәрінің «жаны» осы маманның қолында.Бұл мамандық – тек қол еңбегі емес, бұл – логика, дәлдік, және жауапкершілік. Әрбір гайка мен болт – адам өмірінің қауіпсіздігіне тікелей әсер етеді.Автокөлік әлеміне қызығатын, жаңа технологияларды меңгеруге құштар жастар үшін – көлік жөндеуші мамандығы болашақтың өзегі болмақ!#ЖұмысшыМамандықтарЖылы2025#КөлікЖөндеуші

Қызметте үздік көрініп жүрген жас мемлекеттік қызметшілердің ата-аналарына құрмет көрсету жақсы дәстүрге айналып келеді. Осындай үдерістің аясында Атырау облысы Экономика және қаржы басқармасының бас маманы Сейтжанов Жәдігер Сейтжанұлының анасы Аманшиева Маруа Сисенқызы облыс әкімінің Алғыс хатымен марапатталды.Облыстық бюджеттің қаржыландыру жоспарларын жүргізу, облыс бойынша түсімдер мен шығыстардың орындалуын талдау бөлімінің басшысы Шынар Мақсотқызы Ж.Сейтжановтың кәсіби жетістіктерінен бөлек, қоғамдық өмірдегі белсенділігін, адами қасиеттерін атап өтіп, осындай елінің лайықты азаматы қылып тәрбиелеп өсіргені үшін Аманшиева Маруа Сисенқызына ризашылығын білдірді.Марапат иесіне облыс әкімінің Алғыс хатымен бірге гүл шоғы табысталып, естелік фотосуретке түсірілді.Ақпарат көзі : https://www.gov.kz/memleket/entities/atyrau-economy/press/news/details/1046346?lang=kk

Амангелді ауданында әлемдік деңгейдегі тарихи-мәдени оқиға өтті2025 жылдың 5 тамызында Қостанай облысы, Амангелді ауданындағы «Тәж Торғай» туристік кешенінде Қазақстан тарихында айрықша орын алатын айтулы жоба – «Ұлттық жады қабырғасының» ашылу салтанаты өтті. Маңызды нысан халықаралық деңгейде мойындалып, Global Book of Records әлемдік рекордтар кітабына ресми түрде тіркелді.Жобаның басты мақсаты – халқымыздың тарихи жадын жаңғырту, ел тарихында өшпес із қалдырған біртуар тұлғалар мен тағдырлы оқиғалар жайлы мәліметтерді жас ұрпақтың санасына сіңіру. Қабырғадан қазақ халқының азаттық жолындағы күрестері, ұлттық рухты көтерген тарихи кезеңдер, сондай-ақ шетелде билік етіп, сол жерде мәңгілік тыныс тапқан бабалардың есімдері көрініс тапқан.Қабырғаның ұзындығы – 35 метр, биіктігі – 3 метр 80 сантиметр. Бұл тек сәулет өнерінің үлгісі ғана емес, сонымен қатар ұлттық сананы тәрбиелейтін рухани орталыққа айналды.Жобаның авторы әрі демеушісі – белгілі қоғам қайраткері, «Тілеп» қайырымдылық қорының президенті, Амангелді ауданының Құрметті азаматы Сапар Ысқақұлы Ысқақов. Елдің руханияты мен тарихи танымына сүбелі үлес қосып жүрген азаматтың бастамасымен бұл бірегей ескерткіш өмірге келді.Ашылу салтанатына республикалық және халықаралық деңгейдегі құрметті қонақтар, тарихшы ғалымдар, зиялы қауым өкілдері, БАҚ қызметкерлері мен блогерлер қатысты. Жиында Қостанай облысы әкімінің орынбасары Бақытжан Нарымбетов, тарих ғылымдарының докторлары мен кандидаттары, танымал сарапшылар сөз сөйлеп, бұл жобаның ел үшін маңыздылығына тоқталды.Атап айтқанда, халықаралық талаптарға сай сараптама жүргізу үшін келесі беделді мамандар арнайы шақырылды:Дерех Самир Али – Сирия Араб Республикасының Қазақстандағы бұрынғы Құрметті консулы (2010–2017);Орденбек Блесбекұлы Мазбаев – география ғылымдарының докторы, Л.Н. Гумилев атындағы Еуразия ұлттық университетінің профессоры;Жеңіс Жомарт Жеңісұлы – тарих ғылымдарының кандидаты, Ш. Уәлиханов атындағы Тарих және этнология институты директорының орынбасары;Күзембаев Аманжол – тарих ғылымдарының докторы, Ахмет Байтұрсынұлы атындағы Қостанай өңірлік университетінің профессоры.Салтанатты рәсім барысында Global Book of Records ұйымының Азия мен Африка аймағы бойынша бас офицері Қуандық Құдайбергенов сөз сөйлеп, «Ұлттық жады қабырғасының» әлемдік рекордтар қатарына енгенін ресми түрде жариялады.Осы тарихи сәтке орай ұлттық киім киген жастар 34 елдің туын көтеріп, бейбітшілік пен достықты, болашаққа деген сенімді білдірді. Сахнада туған жер мен ел тарихына арналған әндер шырқалып, этноауыл, ұлттық өнер мен қолөнер көрмелері, концерттік бағдарламалар ұйымдастырылды.Амангелді ауданы осындай ауқымды әрі мазмұнды жобаның арқасында халықаралық деңгейде танылып, мәдени туризм саласына жаңа серпін берді. Бұл оқиға – тек аудан үшін ғана емес, тұтас Қостанай облысы мен Қазақстанның рухани әлеуетін әлемге паш еткен маңызды қадам.«Ұлттық жады қабырғасы» – халқымыздың өткені мен бүгіні арасын жалғайтын, келер ұрпақ бойына отансүйгіштік пен тарихи сананы сіңіруге бағытталған тағылымды ескерткіш.Ақпарат көзі : https://www.gov.kz/memleket/entities/kostanay/press/news/details/1046327?lang=kk

Ақтөбе облысының прокуратурасы облыстық Кәсіпкерлер палатасының алаңында сотталғандарды жұмыспен қамтуды кеңейту және өңір кәсіпкерлік субъектілерін қылмыстық-атқару жүйесі мекемелерінде өндіріс ашуға және кеңейтуге тарту мәселелері бойынша дөңгелек үстел өткізді.Іс-шара 2025 жылғы 23 маусымда құқық қорғау органдарының кеңейтілген алқасында Мемлекет басшысы берген тапсырмаларды іске асыру аясында өткізілді.Атап айтқанда, колония жағдайында өндірісті кеңейтуге кәсіпкерлерді белсенді тарту арқылы сотталғандардың жұмыспен қамтылуын арттыру туралы тапсырмалар.Дөңгелек үстел жұмысына облыс прокуратурасы, облыстық Кәсіпкерлер палатасы, «Даму» КДҚ АҚ филиалы, Халық банкі, облыс әкімдігінің кәсіпкерлік, жұмыспен қамтуды үйлестіру, мемлекеттік сатып алу, құрылыс басқармаларының, қылмыстық-атқару жүйесі органдарының өкілдері, сондай-ақ бизнес субъектілері мен ірі жер қойнауын пайдаланушылар, қазіргі уақытта қылмыстық-атқару мекемесінде өндіріс жүргізіп отырған кәсіпорындар және «Еңбек» РМК филиалы қатысты.Облыс прокурорының бірінші орынбасары Талғат Әлібаев Президент тапсырмасының маңыздылығы мен өзектілігін атап өтіп, колонияда сотталғандарды жұмыс орындарымен қамтамасыз ету бойынша әлеуметтік міндет атқарып отырған кәсіпкерлерге алғысын білдірді, мұндай әріптестіктің артықшылықтарына тоқталды.Сондай-ақ, дөңгелек үстелге қатысушыларға орташа қауіпсіздік мекемесінің аумағында шығарылатын өнімдермен танысу мүмкіндігі ұсынылды.Бұл мақсатта Кәсіпкерлер палатасының ғимаратында арнайы көрме ұйымдастырылды.Ақпарат көзі : https://www.gov.kz/memleket/entities/prokuratura-aktobe/press/news/details/1046286?lang=kk

Қазақстан Республикасы Қорғаныс министрлігінің әскери музыканттары мен Құрмет қарауылы ротасы 2025 жылғы 22–31 тамыз аралығында Мәскеудің Қызыл алаңында өтетін XVII Халықаралық әскери-музыкалық «Спасск мұнарасы» фестиваліне қатысады.Ұлы Жеңістің 80 жылдығына арналған биылғы фестиваль әлемнің көптеген елдерінен келген үздік әскери оркестрлерді бір сахнада тоғыстырады. Оған Қазақстан делегациясының қатысуы халықтар арасындағы мәдени және әскери-патриоттық байланыстарды нығайтуға қосқан үлес болмақ.Фестивальде Қазақстан Қарулы күштерінің атынан Ұлттық әскери-патриоттық орталықтың Орталық әскери оркестрі мен Құрмет қарауылы ротасы өнер көрсетеді. Шығармашылық құрамда Қорғаныс министрлігі Орталық ансамблінің би труппасы мен фольклорлық-этнографиялық ансамблі де бар.Қазақстандық тараптың музыкалық бағдарламасына қазақтың ұлттық әуеніне негізделген шығармалар, классикалық және қазіргі заманғы композициялардың түпнұсқалық аранжировкалары енген. Оркестр құрамына ұлттық үрмелі және ұрмалы аспаптардың үйлесімді енгізілуі орындауға ерекше ұлттық рең бермек.1995 жылы құрылған Қорғаныс министрлігінің Орталық әскери оркестрі еліміздегі жетекші шығармашылық ұжымдардың бірі. Оркестр мемлекеттік және әскери салтанатты рәсімдерге, шерулер мен концерттерге қатысып келеді. Өнерлі ұжым тек Қазақстанда ғана емес, Ұлыбритания, Германия, Қытай, Ресей және басқа да шет мемлекеттерде сан мәрте өнер көрсеткен. Оркестр тарихындағы ерекше оқиға Лондонда өткен беделді Lord Mayor’s Show фестиваліне қатысып, үздік әскери ұжым ретінде танылуы болды.Бүгінде Орталық әскери оркестр Қазақстан Қарулы күштері әскери-оркестрлік басқармасының бастығы – бас әскери дирижер подполковник Алмас Ибрагимовтың жетекшілігімен жұмыс істейді. Сондай-ақ музыкалық жетекшілік қызметтерді оркестр бастығы подполковник Мақсат Шәкенов пен көркемдік жетекші аға әскери дирижер капитан Нұрлан Қошқаров атқарады.Қазақстандық әскери музыканттардың «Спасск мұнарасы» фестиваліне қатысуы олардың жоғары орындаушылық шеберлігін, саптық даярлығы мен сахналық мәдениетін көрсетіп қана қоймай, ұлттық дәстүрлерге деген құрмет пен ашық мәдени үнқатысуға ұмтылысты да паш етпек. Ақпарат көзі : https://www.gov.kz/memleket/entities/mod/press/news/details/1046267?lang=kk

 1–3 тамыз күндері Сингапурде өткен жағажай самбосы бойынша V әлем чемпионатына 20 елден келген мықты спортшылар қатысты.  Аталған беделді жарыста Қазақстанның намысын ІІМ Ұлттық ұланының 5451 әскери бөлімінің әскери қызметшісі қатардағы Болат Сапар абыроймен қорғап, қола жүлдені жеңіп алды.Жарыстар арнайы жабдықталған спорттық жағажай алаңдарында өтті. Чемпионат қорытындысы бойынша 1-орынды ФИАС 1 құрамасы, 2-орынды Грузия құрамасы иеленсе, 3-орынды Румыния мен Қазақстан спортшылары бөлісті.– Қазақстан мен Ұлттық ұлан атынан әлемдік деңгейдегі додаға қатысу – мен үшін үлкен мәртебе. Әр белдесу оңайға соқпады, алайда елге медальмен оралғаныма қуаныштымын, – деді әсерімен бөліскен Болат Сапар.Халықаралық жарыста Ұлттық ұлан сарбазының жүлде иеленуі – оның жеке жетістігі ғана емес, өзгелерге жігер беретін маңызды оқиға. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1046205?lang=kk

Сукре, 2025 жылғы 5 тамыз – Боливияның тәуелсіздігінің 200 жылдығына арналған салтанатты отырысқа қатысу мақсатында Қазақстан Республикасының Бразилиядағы Елшісі Болат Нүсіповтың Боливияға жұмыс сапары аясында Боливия Сыртқы істер министрлігінің Саяси істер жөніндегі директоры Елші Майра Монтеромен кездесу өтті.Қазақстан Елшісі Мемлекет басшысы Қасым-Жомарт Тоқаевтың Боливия Президенті Луис Альберто Арсеге ел тәуелсіздігінің 200 жылдығына орай жолдаған құттықтау хатын тапсырып, Боливия басшылығына игі тілектерін жеткізді.Кездесу барысында тараптар екіжақты және көпжақты күн тәртібіндегі өзекті мәселелерді талқылап, Қазақстан мен Боливия арасындағы жан-жақты қатынастарды одан әрі нығайтуға ниетті екенін растады. Саяси диалогты кеңейту және сауда-экономикалық ынтымақтастықты дамыту мәселелеріне ерекше назар аударылды. Осы тұрғыда екі ел арасындағы алғашқы саяси консультациялардың мерзімі мен мазмұны бойынша пікір алмасу өтті.Келіссөздер қорытындысы бойынша тараптар екі елдің дипломатиялық өкілдіктері деңгейінде жұмыс байланыстарын қолдап отыруға және екі елдің сыртқы саяси ведомстволары арасында саяси консультациялар тетігін таяу уақытта іске қосуға мүдделілік білдірді.Ақпарат көзі : https://www.gov.kz/memleket/entities/mfa-brazil/press/news/details/1046179?lang=kk

Аваза, 2025 жылғы 5 тамыз - Президент Қасым-Жомарт Тоқаев ең әуелі конференцияны шақыру бастамасын көтергені үшін Түрікменстан Президенті Сердар Бердімұхамедовке ризашылығын білдірді. Сондай-ақ теңізге шығар жолы жоқ дамушы елдердің проблемаларын шешуге және мүмкіндіктерін пайдалануға бейіл танытқаны үшін БҰҰ Бас хатшысы Антониу Гутерришке алғыс айтты.– Жиырма жылдан астам уақыт бұрын Қазақстан Теңізге шығар жолы жоқ дамушы елдерге арналған БҰҰ-ның алғашқы конференциясын өткізіп, жетекші рөл атқарды. Яғни еліміз бұл үздіксіз үдеріске бастапқы жылдардан бері қатысып келеді. Осы тарихи оқиға барысында Алматы іс-қимыл бағдарламасы қабылданды. Бұл құжат теңізге шығар жолы жоқ дамушы елдер тобының мәселелерін жаһандық дамудың күн тәртібіне тұңғыш рет шығарды. Бүгін біз алдымызда тұрған міндеттерді одан әрі ілгерілету мақсатында Авазада бас қосып отырмыз, – деді Мемлекет басшысы.Президенттің айтуынша, осы топ құрамындағы 32 дамушы елде жарты миллиардтан астам адам тұрады. Олардың көпшілігі қаржыландыруға және технологияға қол жеткізуде, сондай-ақ жаһандық нарыққа жол табуда кездесетін кедергілермен бетпе-бет келеді.– Аймақтағы шектеулі байланыс – теңізге шығар жолы жоқ дамушы елдердің басты проблемасы. Бұл транзит және сауда шығыны, сондай-ақ геосаяси факторларға осалдық секілді біршама экономикалық қиындық тудырады. Аталған кедергілер азаматтардың әл-ауқатына әсер етіп, бәсекеге қабілеттілікті төмендетеді. Түрлі қақтығыстар, экономикалық санкциялар, жеткізу тізбегінің бұзылуы және жаһанда сенімсіздіктің белең алуы жағдайды одан әрі ушықтыра түседі. Дегенмен Қазақстан теңізге шығар жолы жоқ дамушы мемлекеттерді жаһандық мәселелердің шешімін табуға атсалысатын тең құқылы әрі перспективті серіктес ретінде қарау керек деп санайды. Мұндай елдердің үні анық естілуге тиіс, ал біздің өзара ынтымақтастығымыз терең, ұжымдық ұмтылысымыз батыл болуы қажет, – деді Қасым-Жомарт Тоқаев.Мемлекет басшысы Қазақстанның Аваза іс-қимыл бағдарламасын тұрақты, инклюзивті және орнықты келешекке жеткізер жол картасы ретінде толық қолдайтынын мәлімдеді.– Бұл маңызды бастама транзиттік елдердің, халықаралық даму ұйымдары мен қаржы институттарының саяси қолдауына ие болуға тиіс. Көлік, энергетика және цифрлы инфрақұрылым сияқты басты секторларға инвестицияны ынталандыруға арналған жаңа қаржы тетіктері керек, – деді Президент.Қасым-Жомарт Тоқаев климаттың өзгеруін тағы бір түйткіл ретінде атады.– Теңізге шығар жолы жоқ көптеген дамушы ел су тапшылығы, мұздықтардың еруі, шөлейттену секілді экстремалды табиғи құбылыстарға душар болып отыр. Бұл проблемаларды шешу үшін өңір елдерінің ортақ күш-жігері мен белсенді халықаралық қолдау қажет. Дегенмен, менің ойымша, климаттың өзгеруіне қарсы күрес шаралары теңгерімді әрі инклюзивті сипатын сақтап, елдердің даму жолындағы сұраныстарына сай болуға тиіс. Климаттық өзгерістермен күреске жұмылу мақсатында Сіздерді келесі жылы сәуір айында Біріккен Ұлттар Ұйымымен бірге Астанада ұйымдастырылатын Өңірлік экологиялық саммитке шақырамын, – деді Мемлекет басшысы.Президент Қазақстанның серіктестермен бірге аймақтағы өзара байланысты нығайту, цифрлық трансформацияны ілгерілету және ұзақ мерзімді әрі орнықты өсімге ықпал етуді көздейтін елеулі шаралар қабылдап жатқанын жеткізді.– Біз Орта дәліз және «Солтүстік – Оңтүстік» бағдары бойындағы көлік жолдары мен транзит инфрақұрылымын дамытуға баса мән береміз. Түпкі мақсатымыз – темір жолдың, автокөлік жолдарының, сондай-ақ авиация мен логистика орталықтарының біртұтас желісін құру. Бұл Қазақстанның Еуразиялық транзит хабы ретіндегі позициясын нығайтады. Қазіргі кезде Азия мен Еуропа арасындағы құрлық арқылы тасымалданатын жүктің 85 пайызға жуығы еліміз арқылы өтеді. Біз сондай-ақ цифрландыруға инвестиция құйып жатырмыз. Астана қаласында Alem.AI жасанды интеллект орталығы құрылды. Жуырда суперкомпьютер іске қосылды. Ғылыми ынтымақтастыққа әрдайым ашықпыз. Серіктестерімізді қатарымызға қосылуға шақырамыз, – деді Қасым-Жомарт Тоқаев.Мемлекет басшысы өңірлік күн тәртібі жөнінде пікір білдіріп, елдердің мүмкіндігі географиямен шектелмейтінін Орталық Азия тәжірибесі көрсетіп отырғанын айтты.– Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі. Біздің өңірдің әлеуметтік-экономикалық дамуы орнықты. Саяси ерік-жігер, стратегиялық инвестиция мен халықаралық серіктестік болса, теңізге шығатын жолдың жоқтығы кедергі емес, керісінше, өсімге ынталандырады. Орталық Азия өзара тиімді ықпалдастық қанат жайған аймаққа айналғанына куә болып отырмыз. Өңірдің сауда, инвестиция, көлік, байланыс және ресурстарды орнықты басқару салаларында даму әлеуеті жоғары. Екі күн бұрын Қазақстан мен Біріккен Ұлттар Ұйымы арасында Орталық Азия мен Ауғанстанға арналған орнықты даму мақсаттары жөніндегі өңірлік орталығын құру туралы келісімге қол қойылды. Оның штаб-пәтері Алматыда орналасқан. Бұл тұтас аймақ үшін маңызды жетістік әрі Аваза бағдарламасының игі мақсаттарына толық сай келеді. Қазақстанның осы бастамасын қолдағаны үшін БҰҰ Бас хатшысына және Орталық Азиядағы серіктестерімізге тағы да ризашылығымды білдіремін, – деді Президент.Қасым-Жомарт Тоқаев сөзін қорытындылай келе, Қазақстанның теңізге шығар жолы жоқ дамушы елдер тобының мақсаттары мен қағидаттарына бейіл екенін растады.– Теңіз қатынасы жоқ дамушы елдердің жаһандық күн тәртібінен тыс қалмауын халықаралық серіктестікті нығайту арқылы ғана қамтамасыз ете аламыз, – деді Мемлекет басшысы.Ақпарат көзі : https://www.gov.kz/memleket/entities/mfa-kazakhstanun/press/news/details/1046180?lang=kk

Жыл сайын 1 - 7 тамыз аралығында әлем бойынша Дүниежүзілік бала емізу апталығы аталып өтеді. Осыған орай, Алматы облысысының басты ақпараттық алаңында арнайы брифинг өтті. Баспасөз мәслихаты барысында, Қонаев қалалық көпсалалы ауруханасының жалпы тәжірибелі дәрігері Мақпал Қамбарбекова, ата сүтінің артықшылықтары мен, апталықтың маңызы жайында баян етті.«Дүниежүзілік бала емізу» апталығының мақсаты – ана сүтінің маңызын, оның бала денсаулығы мен дамуына қосатын ерекше үлесін қоғамға түсіндіру.Ана сүті – нәресте өмірге келгеннен кейінгі ең алғашқы әрі ең маңызды тағам. Ол нәрестенің алғашқы қорғаныс жүйесі болып табылады.Мамандардың айтуынша, ана сүтінің құрамында 400-ге жуық пайдалы қоректік зат бар. Сонымен қатар, ана сүті иммундық және биологиялық белсенді заттарға бай. Олар ішек жұмысын реттеп, баланың ағзасын түрлі аурулардан қорғайды. «ЮНИСЕФ пен ДДСҰ ұсынған ұсыныстар бойынша, сәбиді 6 айға дейін тек ана сүтімен қоректендіріп, кейін қосымша тағамдар енгізе отырып, кемінде 2 жасқа дейін емізу ұсынылады»,-дейді спикер. Ана сүті – тек тағам емес, ол – мейірім мен қауіпсіздік белгісі. Сондықтан қоғамда ана сүтімен қоректендірудің маңызын насихаттап, аналарды барынша қолдаған жөн. Емізуді жалғастыру – болашақтың дені сау ұрпағын қалыптастырудың басты кепілі.Ақпарат көзі : https://www.gov.kz/memleket/entities/almobl-densaulyk/press/news/details/1046181?lang=kk

Қазақстанда әскерге шақырылушыларды іріктеудің жаңа әдістемесі – PSY-суицидтік мінез-құлыққа бейімділікті ерте анықтауға бағытталған тәуекелді ауқымды енгізу басталады. Инновация жеке құрамның психологиялық тұрақтылығын арттыруға және әскердегі қайғылы оқиғалардың алдын алуға арналған.PSY-тәуекел әдістемесін Қорғаныс министрлігінің әскери психологтары әзірледі. Жаңа жоба 2025 жылғы көктемгі шақыру кезінде сәтті сынақтан өтті. Соның нәтижесінде суицидке бейімділік белгілері бар 470-тен астам жас анықталып, олардың бәрі қызметтен босатылды немесе қосымша тексеруге жіберілді.Жаңа жүйе бастапқы скринингті, терең психологиялық тексеруді және қажет болған жағдайда психиатриялық сараптаманы қамтитын психодиагностиканың көп сатылы механизмі болып табылады. Негізгі мақсат – психоэмоционалды тұрақтылық тұрғысынан Қарулы күштерде қызмет етуге дайын емес адамдарды шақырудан шығару.PSY-тәуекелді енгізу мәселелері ҚР ҚК Ұлттық әскери-патриоттық орталығында өткен ведомствоаралық жұмыс тобы отырысының негізгі тақырыбына айналды. Оның құрамына Қорғаныс, Ішкі істер, Денсаулық сақтау, Ғылым және жоғары білім министрліктерінің өкілдері, сондай-ақ Ұлттық қауіпсіздік комитетінің, Мемлекеттік күзет қызметінің және басқа да мемлекеттік құрылымдардың мамандары кірді.Қорғаныс министрлігі Тәрбие және идеологиялық жұмыстар департаменті психологиялық және әскери-әлеуметтік жұмыс басқармасының бастығы подполковник Арман Қалышевтің айтуынша, бастама Үкіметтің тапсырмасы бойынша іске асырылуда және әскерге шақыру науқаны шеңберінде жүйелі профилактиканың бір бөлігі болады. – Біз психологиялық тұрақсыздарды електен өткізіп қана қоймай, болашақ әскери бөлімдердің ұжымдарын ықтимал қауіпті жағдайлардан қорғауға тырысамыз. Бұл бөлімшелердегі денсаулық, өмір және моральдық ахуал қатысты, – деді подполковник Арман Қалышев.Еліміздің барлық өңірлерінде PSY-тәуекелді кезең-кезеңімен енгізу туралы шешім қабылданды. Инновация іріктеу тиімділігін арттырады, армиядағы штаттан тыс жағдайлардың санын азайтып, жас әскери қызметшілердің психикалық денсаулығын нығайтудағы маңызды қадам болады деп күтілуде.Ақпарат көзі : https://www.gov.kz/memleket/entities/mod/press/news/details/1046187?lang=kk

Ынтымақ ауылының тұрғыны Ерадил Құмарбек ауыл шаруашылығының заманауи, табысты әрі экологиялық таза сала бола алатынын өз тәжірибесі арқылы дәлелдеді.«Ауыл аманаты» бағдарламасы аясында жеңілдетілген несие алып, ол 600 шаршы метрлік жылыжай тұрғызып, құлпынай өсіру ісін жолға қойды. Жобаны іске асыру үшін жас фермер 2,5% жылдық мөлшерлемемен 9,1 миллион теңге көлемінде қаржылай қолдау алған.– Мені әрдайым жерге деген сүйіспеншілік жетелейтін. Жай ғана жұмыс істеп қоймай, өз ісімді бастағым келді. Құлпынай менің алғашқы қадамым болды – бұл маған еңбекке деген ынтамен қатар, ертеңгі күнге деген сенімді де сыйлады, – дейді Ерадил Құмарбек.Жылыжай заманауи тамшылатып суару жүйесімен жабдықталған, бұл су ресурстарын үнемдеп, тұрақты әрі сапалы өнім алуға мүмкіндік береді. Табиғи әрі хош иісті құлпынай бүгінде жергілікті нарықта үлкен сұранысқа ие. Фермердің айтуынша, оның бастамасы ауыл тұрғындарына, әсіресе жастарға шабыт беріп, олар агробизнеске белсенді түрде қызығушылық таныта бастаған.– Су – өмір. Бүгіннен бастап үнемдеуді үйренсек, болашағымызды жарқын ете аламыз, – дейді ол табиғи ресурстарды ұтымды пайдаланудың маңыздылығына назар аударып.Бүгінде Ерадилдің жылыжайы – тек тұрақты табыс көзі ғана емес, сонымен қатар бастамашылдық, мемлекеттік қолдау мен еңбекқорлық ауыл өмірін түбегейлі өзгерте алатынының жарқын үлгісі.Ақпарат көзі : https://www.gov.kz/memleket/entities/almobl/press/news/details/1046139?lang=kk