Будапешт, 2025 жылғы 29 мамыр — Қазақстанның Елшілігінде Мажарстанның жетекші машина жасау компанияларының бірі «Hajdu Hajdúsági Ipari Zrt.»-нің өкілі др. Дьюрко Тюнде ханыммен кездесу өтті.Кездесу барысында Қазақстан мен Мажарстан арасындағы өнеркәсіптік кооперацияның келешегі, соның ішінде сауда ынтымақтастығын дамыту және Hajdu компаниясының өндірістік қызметінің бір бөлігін Қазақстанда орналастыру мүмкіндігі талқыланды.Қазақстан Елшісі өңдеуші өнеркәсіп, оның ішінде машина жасау мен инженерлік жабдықтар өндірісі елдің индустриялық дамуының басым бағыттарының бірі болып табылатынын атап өтті. Қазақстан технологиялық даму жолын ұстанып, қазіргі заманғы құзыреттері бар халықаралық компаниялармен ынтымақтастыққа ашық екенін жеткізді.«Қазақстан өндірістік әріптестік пен технологиялық трансферге ашық. Біз Hajdu компаниясының елімізге деген қызығушылығын жоғары бағалаймыз және бірлесіп өзара тиімді жобаларды жүзеге асыратынымызға сенімдіміз», — деп атап өтті Елші.Қазақстан тарапынан инвестициялық ахуалдың негізгі аспектілері ұсынылды: шетелдік компанияларды қолдау шаралары, инфрақұрылымдық алаңдардың қолжетімділігі, тұрақты нормативтік орта және өңірлік нарықтарға шығу әлеуеті. Инвесторларға Kazakh Invest тарапынан ұсынылатын институционалдық сүйемелдеу тетіктері де ерекше атап өтілді.Др. Дьюрко Тюнде қонақжайлық көрсеткені үшін алғыс білдіріп, компанияның ынтымақтастықты кеңейтуге деген қызығушылығын білдірді. Сондай-ақ ол жақын арада Hajdu компаниясының өкілдерінің Қазақстанға сапары жоспарланып отырғанын, онда неғұрлым егжей-тегжейлі келіссөздер жүргізіліп, елдегі қатысудың ықтимал нысандары қарастырылатынын растады.Кездесу қорытындысында тараптар бейінді құрылымдар мен әлеуетті серіктестердің қатысуымен жұмыс консультацияларын жалғастыруға келісті.Ақпарат көзі : https://www.gov.kz/memleket/entities/mfa-budapest/press/news/details/1011109?lang=kk

Вашингтон, 2025 жылғы 2 маусым – Қазақстанның АҚШ-тағы Елшісі Ержан Ашыкбаев америкалық «Special Competitive Studies Project» ой-талқы орталығы алаңында өткен Тұрақты болашақ форумы аясында өткен «Kazakhstan: An Emerging Middle Power in Central Asia» панельдік сессиясында сөз сөйледі. Сессия модераторы – Ұлыбритания Ішкі істер министрлігінің бұрынғы арнайы кеңесшісі Фиона Хилл болды.Өз сөзінде Елші ҚР Президенті Қасым-Жомарт Тоқаевтың Қазақстан өзін халықаралық тұрақтылық пен орнықтылықты нығайтуға үлес қосуға дайын проактивті Орта держава ретінде қарастыратынын атап өтті. Бұл ұстаным бұған дейін Астана халықаралық форумында нақты айтылған болатын, онда Қазақстан жаһандық диалог алаңы болуға әзір екенін растады.Қазақ дипломаты дәстүрлі бағыттарға сенімді балама ұсына отырып, жаһандық жеткізу тізбегінің негізгі элементіне айналатын Орта дәлізді дамыту арқылы Еуразияның транзиттік хабы ретіндегі елдің рөліне ерекше назар аударды.Сонымен бірге Е. Ашыкбаев АҚШ-пен стратегиялық серіктестікке арнайы тоқталып, Америка Құрама Штаттары Қазақстанның негізгі экономикалық және инвестициялық серіктесі болып қала беретінін атап өтті.Сөзінің соңында Елші Қазақстан стратегиялық және экономикалық серіктестікті тереңдетуге дайындығын ғана емес, сонымен қатар диалог, реформалар мен консенсус үшін платформа бола отырып, неғұрлым тұрақты, интеграцияланған және әділ әлемдік тәртіпті қалыптастыру үшін жауапкершіліктің бір бөлігін өз мойнына алуға ниет білдіретінін атап өтті.Іс-шараға сондай-ақ Қазақстанның Орталық Азиядағы жауапты және сенімді серіктес ретіндегі өсіп келе жатқан рөлін атап өткен жетекші халықаралық сарапшылар, АҚШ мемлекеттік құрылымдарының, талдау орталықтары мен бизнестің өкілдері қатысты.Ақпарат көзі : https://www.gov.kz/memleket/entities/mfa-washington/press/news/details/1011111?lang=kk

2025 ж. 3 маусым - Будапешт қ. Керқұландардың (Equus przewalskii Poljakov) ежелгі мекені Қазақстанға оралуын - халқымыздың өзінің тарихы танымы, эпос және аңыздарындағы сақталған болмысымен жүздесуі, ал табиғат ананың өз перзенттеріне қауышу десе болады. Жылқы – көшпенді дала салтын ұстанған халық үшін қасиетті жануар. Алғаш болып жылқыны қолға үйреткен қазақтың арғы тегі. Сондықтан, қазақ үшін төрт түлік ішінде жылқының алар орны ерекше.  Керқұландар, кеше Мажарстанның Хортобадь табиғи қорығынын ежелгі заманда аумағында еркін жайылған қазақ даласына Чехия әуе әскери күштерінің ұшағымен жол тартты. Дебрецен қ. халықаралық әуежайында керқұландарды шығарып салу салтанатына, кәсіби мамандардан басқа, жылқы десе жанын беретін Мажар қыпшақтар одағының төрағасы, парламент депутаты Шандор Ф. Ковачта қатысты.Бауырлас мажар даласынан әзірше 4 бас керқұлан бие ұшаққа тиеліп, Қостанай облысы Алтын дала мемлекеттік табиғи резерватына жөнелтілді.2024 жылы Прага зообағы 7 жылқы жіберген болатын. Барлығы 2029 жылға дейін 40-45 жылқыны алдыру жоспарланған.Қазақстандағы жабайы жылқыларды қалпына келтіру жобасы 2024 жылы ҚР Экология және табиғи ресурстар министрлігінің Орман шаруашылығы және жануарлар дүниесі комитеті, Прага зообағы, Қазақстан биоалуандылықты қорғау қауымдастығы, Франкфурт зоологиялық қоғамы, Нюрнберг зообағы, Берлин зообағы және Берлин хайуанаттар паркі, Мажарстан Хортобадь ұлттық паркінің әріптестігімен басталған болатын. Жалпы осы жабайы жылқылардың ең көп популяциясы (265 бас) Мажарстанда тіркелген.  Ақпарат көзі : https://www.gov.kz/memleket/entities/mfa-budapest/press/news/details/1011112?lang=kk

Будапешт, 2025 жылғы 3 маусым — Pureco Ltd. компаниясының орталық кеңсесінде Қазақстанның Мажарстандағы Елшісі Абзал Сапарбекұлының сумен жабдықтау, ағынды суларды тазарту және нөсер суларды басқару саласындағы орнықты шешімдерге маманданған компания басшылығымен кездесуі өтті.Келіссөздер барысында тараптар Қазақстанда сумен жабдықтау және су бұру жүйелерін жаңғырту шеңберіндегі ықтимал ынтымақтастықты, оның ішінде шалғай және ауылдық өңірлерде заманауи технологияларды енгізу мәселелерін талқылады. Әсіресе, өндірісті жергіліктендіру, техникалық әріптестік орнату, сондай-ақ компанияның Қазақстан Республикасындағы экологиялық бағыттағы жобаларға қатысу мүмкіндіктері ерекше назарда болды.Елші 2025 жылы Қазақстанда жаңа Су кодексі қабылданғанын атап өтті. Бұл құжат су ресурстарын басқарудың тиімділігін арттыруға, цифрлық шешімдерді дамытуға, суды қайта пайдалану тәжірибесін енгізуге, сондай-ақ климаттық және инфрақұрылымдық сын-қатерлер жағдайында тұрақты сумен қамтуды қамтамасыз етуге бағытталған.Pureco Ltd. компаниясының басшылығы қазақстандық нарықты зерттеуге және жобаларға қатысу мүмкіндігін қарастыруға мүдделілік білдірді. Атап айтқанда, олар модульдік су тазарту жүйелерін, ағынды суларды биологиялық өңдеу технологияларын, сондай-ақ жаңбыр суларын жинау және қайта пайдалану шешімдерін енгізу мүмкіндіктерін қарастыруға дайын екендерін білдірді.Тараптар Kazakh Invest-тің үйлестіруімен өзара іс-қимылды жалғастыруға келісті. Атап айтқанда, инвестициялық ұсыныс әзірлеу, Қазақстан өңірлеріндегі логистикалық және өндірістік мүмкіндіктерді талдау, сондай-ақ компания өкілдерінің Қазақстанға сапарын ұйымдастыру арқылы ықтимал өндірістік алаңдарды зерделеу жоспарлануда. Ақпарат көзі : https://www.gov.kz/memleket/entities/mfa-budapest/press/news/details/1011114?lang=kk

Пусан, 2025 жылғы 21 мамыр – Қазақстан Республикасының Пусан қаласындағы Бас консулы Аслан Асқар Донгнам радиология және ядролық медицина институтының  (동남권원자력의학원) директоры Ли Чанг Хун (이창훈) мырзамен кездесті. Аурухана шетелдік пациенттерге арналған онкологиялық ауруларды диагностикалау және емдеу мүмкіндіктерімен таныстырды.Busan, May 21, 2025 – The Consul General of the Republic of Kazakhstan, Mr. Aslan Askar, met with Dr. Lee Chang-hoon, Director of the Dongnam Institute of Radiological & Nuclear Medicine. The hospital presented its capabilities in diagnosing and treating cancer for international patients. Пусан,21 мая 2025 года – Генеральный консул Республики Казахстан в городе Пусан Аслан Асқар провёл встречу с директором Института радиологии и ядерной медицины Донгнам (동남권원자력의학원) господином Ли Чанг Хуном (이창훈).Больница представила доступные возможности диагностики и лечения онкологических заболеваний для иностранных гражданАқпарат көзі : https://www.gov.kz/memleket/entities/mfa-busan/press/news/details/1011120?lang=kk

Мекке қаласында Қазақстан мұсылмандары діни басқармасының атынан қазақстандық қажылардың құрметіне арнайы дастарқан жайылды.Іс-шараға Қажылық миссиясының төрағасы Кенжетай Байкемелұлы, Қазақстанның Жидда қаласындағы Бас консулы Руслан Қоспанов, миссия мүшелері, 15 қажылық компаниясының жетекшілері, уағыз-насихатқа жауапты имамдар мен қажылар қатысты.Рухани басқосу қасиетті Құран аяттарын оқумен басталды. Бұдан кейін миссия төрағасы Кенжетай Байкемелұлы меймандарға Бас мүфти Наурызбай қажы Тағанұлының дұғай сәлемін жеткізіп, қажыларға құт-береке тіледі және қажылық жөнінде насихат айтты.Сонымен қатар, рухани шарада Бас консул Руслан Тобылұлы мен Қазақстан қажыларына қызмет көрсететін «Машариқ әл-Мутамаииза» мекемесі Басқарма кеңесінің мүшесі Хусам Шабана, Ислам тарихын зерттеуші белгілі ғалым Әшірбек Мүминов сөз сөйлеп, қажыларға ізгі тілегін арнады.Мерекелік дастарқаннан кейін қонақтар Сауд Арабиясы Корольдігі Қажылық және ұмра министрлігінің ұйымдастыруымен ұсынылған көрмені тамашалады. Қажыларға арнайы әзірленген көрмеде қажылық пен Мекке қаласының тарихы, ардақты Пайғамбарымыздың (оған Алланың салауаты мен сәлемі болсын) өмірі заманауи форматта көрсетілген.Дереккөз: Қазақстан мұсылмандары діни басқармасыАқпарат көзі : https://www.gov.kz/memleket/entities/mfa-jeddah/press/news/details/1011085?lang=kk

Қасиетті Мекке қаласында Қазақстан қажыларын ұлы сапарға бастап келген туроператорлар басшыларымен кездесу өтті.Жиынға наиб мүфти Кенжетай Байкемелұлы бастаған Қазақстан қажылық миссиясының өкілдері, Бас консул Руслан Тобылұлы және 15 қажылық туроператорының жетекшілері қатысты.Басқосу барысында қазақстандық қажылардың ұлы құлшылыққа дайындығы, қажылық турфирмаларының қызмет көрсету сапасы т.б мәселелер талқыланды.Қазақстан қажылық миссиясының төрағасы Кенжетай Байкемелұлы компаниялар жетекшілеріне қажыларға сапалы қызмет көрсетуді, олардың құлшылығының дұрыс орындалуын қадағалауды тапсырды. Сондай-ақ жиында қажылардың денсаулығын қадағалау, қауіпсіздік шараларын ескеру секілді мәселелер пысықталды. Қажылық компаниялары жетекшілеріне ҚМДБ тарапынан 15 компанияға бөлініп берілген уағызшы имамдардың лайықты насихат жұмыстарын жүргізуі, қажылардың іс-шараларға жүйелі қатысуын қадағалау сынды тиісті тапсырмалар берілді.Жиында Қазақстан қажылық миссиясының мүшелері де өз ұсыныс-тілектерін жеткізіп, ұлық сапарда белсенділік танытып, жұмысқа жауапкершілікпен қарауға шақырды.Дереккөз: Қазақстан мұсылмандары Діни басқармасыАқпарат көзі : https://www.gov.kz/memleket/entities/mfa-jeddah/press/news/details/1011086?lang=kk

Астана, 2025 жылғы 3 маусым – Қазақстан Республикасы Сыртқы істер министрінің орынбасары Роман Василенко Астанаға ірі іскерлік делегацияны басқарып келген Швеция Корольдігі Сыртқы істер министрлігінің Сауда саясаты жөніндегі бас директоры Камилла Мелландермен кездесу өткізді.Тараптар Қазақстан мен Швеция арасындағы ынтымақтастықтың қазіргі жағдайы мен даму перспективаларын, сондай-ақ сауда-экономикалық байланыстар мен инвестициялық ынтымақтастықты кеңейту мәселелерін талқылады.Министрдің орынбасары швед делегациясына соңғы жылдары Қазақстанда жүргізілген институционалдық реформалар мен әртараптандырылған әрі болашаққа бағытталған экономиканы құруға бағдарланған шаралар туралы айтты.Осы тұрғыда Р.Василенко өнеркәсіп, «жасыл» технологиялар, орнықты даму, цифрландыру және инновациялар сияқты салаларда жетекші швед компанияларымен ынтымақтастықты жандандыруға мүдделілік білдіріп, Қазақстан мен Швеция арасындағы өзара сауда көлемін арттыру үшін күш-жігерін екі еселеуге шақырды.Өз кезегінде К.Мелландер екіжақты экономикалық ынтымақтастықты кеңейту үшін жоғары әлеует бар екенін атап өтіп, тұрақты сауда, цифрлық трансформация, көлік және логистика, сирек жер металдарын барлау және өндіру салаларында іскерлік байланыстарды нығайту мен тәжірибе алмасуға жәрдемдесуге швед тарапының дайын екенін білдірді.Тараптар Қазақстан мен Швецияда бизнес жүргізуге арналған жағдайларды жақсарту бойынша диалогты жалғастыру ниетін растады.Кездесу өзара түсіністік пен ашықтық рухында өтіп, қазақ-швед сауда-экономикалық және инвестициялық ынтымақтастығын нығайту жолындағы кезекті қадам болды.Анықтама: 2024 жылы Қазақстан мен Швеция арасындағы тауар айналымы 327,4 млн АҚШ долларын құрады (экспорт – 27,7 млн, импорт – 299,7 млн). 2024 жылы Швецияның Қазақстанға тікелей инвестицияларының жалпы ағыны 47,8 млн долларға жетті, ал 2005 жылдан бері 675 миллион доллардан асты. Қазақстанда швед капиталының қатысуымен «Ericsson», «Scania», «Volvo» және басқа да компанияларды қоса алғанда 60-тан астам кәсіпорын тіркелген.Ақпарат көзі : https://www.gov.kz/memleket/entities/mfa/press/news/details/1011084?lang=kk

Шығыс Қазақстан облысының әкімдігінде Сыбайлас жемқорлыққа қарсы іс-қимыл және мемлекеттік органдар қызметіндегі заңдылық пен тәртіп қағидаттарын нығайту мәселелеріне арналған кеңес өтті. Бұл іс-шара құқық бұзушылықтардың алдын алудың жүйелі шараларын ашық талқылауға арналған алаңға айналды.Кеңеске ҚР Сыбайлас жемқорлыққа қарсы іс-қимыл агенттігінің ШҚО бойынша департаменті басшысының орынбасары Н.Қ.Садықов, ШҚО әкімінің орынбасары Е.Ж.Нұрғалиев, сондай-ақ білім басқармасының, дене шынықтыру және спорт басқармасының басшылары, орта білім беру ұйымдарының және облыстың қалалары мен аудандарының білім бөлімдерінің өкілдері қатысты.Кездесудің негізгі тақырыбы ҚР Қылмыстық процестік кодексінің 200-бабына сәйкес енгізілген Сыбайлас жемқорлыққа қарсы қызметтің ұсыныстарын қарау болды. Ұсыныстар білім беру және спорт саласында сыбайлас жемқорлық құқық бұзушылықтар жасауға ықпал ететін факторларды — әлеуметтік саясаттың екі негізгі бағытын жоюға қатысты болды.Кеңеске қатысушылар атап өткендей, осы салалардағы сыбайлас жемқорлыққа қатысты мәселелер қоғам үшін ерекше сезімтал, өйткені олар азаматтардың, өскелең ұрпақтың мүдделерін тікелей қозғайды және мемлекет институттарына деген сенімді қалыптастырады.Талқылау барысында ШҚО білім басқармасының басшысы И.Чернышева мен ШҚО дене шынықтыру және спорт басқармасының басшысы А.Можанов қабылданған шаралар туралы баяндады. Олардың айтуынша, Сыбайлас жемқорлыққа қарсы қызметтің ұсыныстарына жауап ретінде анықталған тәуекелдерді жоюға бағытталған ұйымдастырушылық және профилактикалық шаралар жүзеге асырылуда. Тәрбие жұмысына, процестердің ашықтығын арттыруға және ішкі бақылауды күшейтуге ерекше көңіл бөлінеді.#Заң_мен_тәртіп#ЗАҢменТӘРТІП Ақпарат көзі : https://www.gov.kz/memleket/entities/anticorruption-vko/press/news/details/1011059?lang=kk

Астана, 2025 жылғы 3 маусым – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу жұмыс сапарымен Астанаға келген Буркина-Фасоның Сыртқы істер, халықаралық ынтымақтастық және шетелдегі буркиналықтар министрі Карамоке Траоремен кездесу өткізді.Бұл сапар Буркина-Фасо сыртқы саяси ведомствосы басшысының екіжақты қатынастар тарихында Қазақстанға алғашқы ресми сапары және серіктестікті жаңа деңгейге көтеруге тың мүмкіндіктер ашады.Кездесу барысында тараптар саяси, сауда-экономикалық, мәдени-гуманитарлық саладағы кең ауқымды мәселелерді талқылады. Әсіресе, логистика, пайдалы қазбаларды өндіру, цифрландыру және қорғаныс өнеркәсібі сияқты болашаққа бағытталған салалардағы ынтымақтастықты арттыруға басымдық берілді.«Африка бағыты – Қазақстан сыртқы саясатының маңызды бөлігі. Астана құрлық елдерімен өзара тиімді және тең құқықты серіктестікті нығайтуға ұмтылады», – деді М.Нұртілеу.Сонымен қатар Қазақстан СІМ басшысы Буркина-Фасоның Алматыда Орталық Азия мен Ауғанстан үшін Орнықты даму мақсаттары жөніндегі БҰҰ Өңірлік орталығын құру бастамасын қолдағаны үшін алғыс айтты.Министрлер шарттық-құқықтық базаны тереңдетуге және әртүрлі деңгейдегі сапарларды жандандыруға өзара мүдделілігін растады, сондай-ақ халықаралық және өңірлік күн тәртібіндегі өзекті мәселелер бойынша пікір алмасты.Келіссөздердің қорытындысы бойынша екі елдің сыртқы істер министрліктері арасында Саяси және дипломатиялық консультациялар жөніндегі меморандумға қол қойылды. Бұл құжат ведомствоаралық диалогты институциялау бағытындағы маңызды қадам болды.Буркина-Фасо сыртқы саяси ведомствосы басшысының сапары қазақ-африкалық қарым-қатынастардың қарқынды даму кезеңіне сәйкес келуде. Соңғы жылдары Астанада Того, Конго Республикасы, Гвинея-Бисау мен Руанданың көшбасшылары, сондай-ақ Сьерра-Леоне, Бенин және Руанданың сыртқы істер министрлері ресми сапармен болды.Қазақстан Африка құрлығындағы өз дипломатиялық өкілдіктерін жүйелі түрде кеңейтіп, тең құқық пен өзара құрмет негізінде бірлескен экономикалық жобаларды ілгерітуде.  Ақпарат көзі : https://www.gov.kz/memleket/entities/mfa/press/news/details/1011047?lang=kk

2025 жылғы 3 маусымда Комитет Төрағасы 3-сыныпты мемлекеттік әділет кеңесшісі Сәбит Нұрлыбай мен Институт директоры Индира Оралқызы Әубәкіровның қатысуымен Бас прокуратураның Құқықтық статистика және арнайы есепке алу жөніндегі комитеті мен Қазақстан Республикасы Әділет министрлігі «Қазақстан Республикасының Заңнама және құқықтық ақпарат институты» арасында ынтымақтастық туралы меморандумға қол қойылды.Заңнама институтымен серіктестік оның ғылыми әлеуетін, Комитеттің үлкен деректерін (BIG DATA) және оның ІТ-технологияларын қолдана отырып, құқық бұзушылықтың алдын алуға, азаматтар мен кәсіпкерлердің құқықтарын қорғауға бағытталған нақты шараларды, сондай-ақ заңнамалық шешімдерді әзірлеуге мүмкіндік береді.Деректермен алмасу, бірлескен зерттеулер, семинарлар мен конференциялар өткізуге ерекше назар аударылды.Қатысушыларға Комитеттің енгізілген бірегей ақпараттық-талдау жүйелері көрсетілді, оның көмегімен қылмыстық және әкімшілік процестердің барлық кезеңдері цифрландырылды, сондай-ақ «e-Otinish» ақпараттық жүйесі негізінде тәуекелдерді болжаудың талдамалық моделі көрсетілді.Меморандумға қол қою ынтымақтастықты одан әрі нығайтады және елдегі заң үстемдігі мен құқықтық тәртіпті нығайту үшін жаңа мүмкіндіктер ашады. Қазақстан Республикасы Бас прокуратурасының Құқықтық статистика жәнеарнайы есепке алу жөніндегі комитетіАқпарат көзі : https://www.gov.kz/memleket/entities/pravstat/press/news/details/1011039?lang=kk

Қасым-Жомарт Тоқаев Кароль Тадеуш Навроцкийді Польша Президенті болып сайлануымен құттықтады.– Еліңіздің әлеуметтік-экономикалық дамуын баянды етіп, халқыңыздың ырыс-берекесін еселеу жолындағы игі бастамаларыңыз бен қолға алған жоспарларыңыздың табысты жүзеге асуына шынайы тілектеспін. Қазақстан мен Польша арасындағы дәстүрлі достық пен өзара түсіністік рухындағы қарым-қатынастарды одан әрі нығайту мақсатында Өзіңізбен бірлесе күш-жігер жұмылдыруға дайын екенімді растаймын, – деп жазылған жеделхатта.Қасым-Жомарт Тоқаев Кароль Тадеуш Навроцкийдің аса жауапты қызметіне сәттілік, достас Польша халқына құт-береке тіледі.    Ақпарат көзі : https://www.gov.kz/memleket/entities/mfa-warsaw/press/news/details/1011000?lang=kk

Қаржы министрі Мәди Такиев министрліктің ұжымына жаңадан тағайындалған аппарат басшысы Эрнар Ержановты таныстырды.Эрнар Бөрібайұлы 1998 жылы Қазақ мемлекеттік басқару академиясын «Экономист» мамандығы бойынша тәмамдаған.Еңбек жолын 1998 жылы «Эйр Қазақстан» ЖАҚ-да бастаған.Мемлекеттік қызметте 2003 жылы қаңтардан бастап ҚР Қаржы министрлігі Салық комитетінің Батыс Қазақстан облысы бойынша Салық комитетінде жұмыс істей бастады. Сонымен қатар Қаржы және Ұлттық экономика министрліктерінде түрлі басшылық қызметтерді атқарды.2016 жылдың ақпаны мен 2018 жылдың ақпанына дейінгі аралықта ҚР Президенті Әкімшілігінде Әлеуметтік-экономикалық мониторинг бөлімінің консультанты болып жұмыс істеді.2018 жылдың ақпаны мен 2021 жылдың тамызына дейін Қаржы министрлігінде Салық және кеден заңнамасы департаментінің директоры болды.2021 жылдың тамызынан 2022 жылдың қыркүйек айына дейін Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаментіне қарасты Әуезов ауданының Мемлекеттік кірістер басқармасын басқарды.2022 жылдың қыркүйегінен бастап Қаржы министрлігі аппаратының басшысы лауазымына тағайындалған дейін ҚР Президенті Әкімшілігінде Әлеуметтік-экономикалық саясат бөлімінің сектор меңгерушісі болып еңбек етті.Еліміздің дамуына қосқан үлесі үшін «Құрмет» орденімен марапатталған.Ақпарат көзі : https://www.gov.kz/memleket/entities/kgd-akmola/press/news/details/1011005?lang=kk

Елдің астықты жүрегі саналатын Ақмола облысы биыл да көктемгі дала жұмыстарын толық көлемде аяқтаған алғашқы өңірлердің бірі болды. Өткен жылы дәл осы кезеңде егіс жұмыстарының шамамен 60 пайызы ғана аяқталған болса, биыл шаруалар 19 күн ішінде науқанды толық тәмамдады.Облыстық ауыл шаруашылығы басқармасының мәліметінше, биылғы егіс алқабының жалпы көлемі 5,5 миллион гектарды құрап, былтырғыдан 63 мың гектарға артты. Егіс жұмыстары жоғары агротехникалық деңгейде, қолайлы мерзімде және барлық ресурстарды жұмылдыра отырып ұйымдастырылды.Дайындық кезеңі қыста басталды: алқаптарда қар тоқтату жұмыстары жүргізілді, көктемде 2 миллион гектардан астам жерге ылғал жабу мен өңдеу шаралары атқарылды. Бұл көрсеткіш өткен жылмен салыстырғанда үш есе көп. Дала жұмыстарына 37 мыңнан астам техника, соның ішінде заманауи егіс кешендері тартылып, науқан кідіріссіз әрі үйлесімді өтті. Облыста тәулік бойы жұмыс істейтін өңірлік аграрлық кеңес құрылып, шаруаларға тұрақты кеңес берілді.Зеренді ауданындағы жұмыс сапары барысында облыс әкімі Марат Ахметжанов шаруаларға атқарған жұмыстары үшін алғыс білдірді.«Биыл біз ауыл шаруашылығы тауар өндірушілерін ерте қаржыландырумен, арзандатылған жанар-жағармаймен және барлық қажетті ресурстармен қамтамасыз еттік. Бұл оң нәтижесін берді – егіс жұмыстары сәтті өтті», – деді өңір басшысы.Мемлекеттік қолдау маңызды рөл атқарды: 778 шаруашылыққа 100 миллиард теңгеден астам сомаға несие берілді, 76 мың тоннадан астам дизель отыны жеңілдетілген бағамен үлестірілді.Егіс құрылымында стратегиялық маңызы бар дақылдардың үлесі артты. Дәнді және дәнді-бұршақты дақылдар 4,6 млн гектарға себілсе, майлы дақылдар көлемі рекордтық 430 мың гектарды құрап, былтырғыдан 161 мың гектарға көбейді. Мал азығы, көкөніс және картоп егілген алқаптар да ұлғайды.Көктемгі жаңбырдың мөлшері қалыпты деңгейден сәл артық болып, өңір бойынша егін біркелкі және қалың шығып жатыр. Бұл – мол өнімнің басты кепілі.Егісті алғаш аяқтаған шаруашылықтар қатарында – «Агрофирма Родина» ЖШС, «Ақтық», «Заречное», «Новоприречное», «Белгородское», «Хлебороб», «Жер-1» және басқа да ірі агроқұрылымдар бар.«Мемлекет тарапынан ауыл шаруашылығына шынайы қолдау көрсетіліп жатқаны байқалады. Ендігі міндетіміз – осы қарқынды төмендетпей, егісті уақытылы қорғау шараларын жүргізу», – деді «Викторовское» ЖШС директоры Виталий Гончаров.Келесі кезең – өнім жинауға дайындық. Аграрлар егісті зиянкестер мен аурулардан қорғау жұмыстарын жүргізіп, техниканы ретке келтіріп, астық қабылдау нысандарын дайындауға кіріседі. Ал көктемгі науқанның табысты өтуі биылғы егінге сенімді бастау болмақ.Ақпарат көзі : https://www.gov.kz/memleket/entities/aqmola-ush/press/news/details/1011017?lang=kk

Тель-Авив, 2025 жылғы 3 маусым – Қазақстанның Израильдегі Елшісі Дәулет Ембердиев Израильдің Туризм министрі Хаим Кацпен кездесті.Кездесу барысында тараптар туризм саласындағы екіжақты ынтымақтастықтың қазіргі жағдайы мен даму келешегін талқылады. Әсіресе, Қазақстанның туристік тартымдылығын арттыру, мәдени байланыстарды ілгерілету, сондай-ақ екі елдің туристік агенттіктері арасындағы өзара іс-қимыл мәселелеріне ерекше назар аударылды.Елші Израильдің бұл саладағы ынтымақтастықты нығайтуға деген қолдауы мен қызығушылығына ризашылық білдіріліп, іскерлік және гуманитарлық байланыстарды одан әрі кеңейтуге дайын екендігі атап өтті. Дипломат сондай-ақ Қазақстанда туристік инфрақұрылымды дамыту бағытында қабылданып жатқан шаралар туралы ақпарат берді.Кездесу соңында тараптар туризмді дамыту мен достық байланыстарды нығайтуға бағытталған бірлескен бастамаларды жүзеге асыруда өзара қызығушылықтарын растады. Ақпарат көзі : https://www.gov.kz/memleket/entities/mfa-tel-aviv/press/news/details/1010927?lang=kk

Ақтөбе облысында шегірткеге қарсы 151,2 мың гектар өңделдіОблыс әкімі Асхат Шахаровтың төрағалығымен өткен аппарат мәжілісінде шегірткеге қарсы күрес мәселелері мен атқарылып жатқан жұмыстар талқыланды.Облыстық аумақтық инспекция басшысы Асылхан Абтиевтің айтуынша, шегірткеге қарсы ауқымды күрес жүргізілуде. Химиялық өңдеу жұмыстары 512,9 мың гектар алаңда жүргізіледі деп жоспарлануда, оның ішінде 368,5 мың гектары жерүсті әдісімен, ал 144,6 мың гектары әуеден өңделмек.Барлығы 95 арнайы техника тартылды: 73 жерүсті вентиляторлы бүріккіш, 13 аэрозольді генератор және 9 жеңіл авиация ұшағы.Айта кету керек, ауа райының күрт жылынуына байланысты биыл шегірткелердің дернәсілдері әдеттегіден ерте шықты. Сәуір айының соңы және мамырдың басында Шалқар, Ырғыз және басқа да бірнеше ауданда зиянкестердің жаппай пайда болуы тіркелді. Осыған байланысты өңдеу жұмыстары облыстың көптеген ауданында 14 мамырдан басталды. «Облыс шегірткеге қарсы қажетті пестицидтермен толық қамтамасыз етілген. Оларды «Бағжан» ЖШС, «Магтоксин» ЖШС және «Аэро» авиакомпаниясы» ЖШС секілді арнайы компаниялар жеткізуде. Мердігер ұйымдар техниканың басым бөлігін іске қосты. Мысалы, «Бағжан» ЖШС 73 жерүсті бүріккіштің 61-ін жеткізді. Жеңіл авиация аудандардың өтінімдері бойынша жедел түрде жіберілуде. Қазірдің өзінде ұшақтар Ырғыз, Байғанин, Ойыл және Шалқар аудандарында зиянкестердің ошақтарын өңдеу бойынша ұшуды орындады», – деді Асылхан Абтиев.1 маусымға дейін 803 мың гектардан астам жер зерттелді. Жоспарланған 172,6 мың гектардың 151,2 мың гектары өңделіп болды.Аймақтағы қазіргі фитосанитарлық жағдайды ескере отырып, облыс әкімі шегірткеге қарсы күрес бойынша мониторинг және жедел әрекет ету штабының күнделікті жұмысын қамтамасыз етуді тапсырды. Сондай-ақ ауыл шаруашылығы қызметтері, мердігер ұйымдар мен аудандық әкімдіктер арасында тұрақты үйлестіруді қамтамасыз ету қажет екенін алға тартты.«Шегірткеге қатысты жағдайға ерекше назар аударуды қажет етеді. Біз егінге зиян келтірмеуіміз керек. Штаб күн сайын отырыс өткізіп отыруы тиіс. Зиянкестердің кез келген ошағы – бұл шұғыл әрекет етуге арналған белгі. Өңдеуді уақытында және сапалы жүргізудің жалғыз жолы бар. Жұмыс нақты, үйлесімді және кідіріссіз ұйымдастырылуы қажет», – деп атап өтті облыс әкімі.***Ақпарат көзі : https://www.gov.kz/memleket/entities/aktobe-til/press/news/details/1010968?lang=kk

Шығыс Қазақстан облысында жастар арасында сыбайлас жемқорлыққа қарсы мәдениет қалыптастыру және «Заң мен тәртіп» идеологиясын ілгерілету мақсатында өңірдің Сыбайлас жемқорлыққа қарсы қызметі оқыту ұйымдастырылды.Кездесуге сыбайлас жемқорлыққа қарсы жас еріктілер — әділ және ашық қоғам құруға үлес қосуға дайын бастамашыл және бей-жай қарамайтын азаматтар қатысты. Іс-шара барысында жас белсенділерге қолданыстағы сыбайлас жемқорлыққа қарсы заңнаманың нормалары, сыбайлас жемқорлыққа қарсы іс-қимыл жүйесінің жұмыс істеу ерекшеліктері, сондай-ақ осы саладағы азаматтардың құқықтары мен міндеттері түсіндірілді.Алған білімдерін бекіту үшін сыбайлас жемқорлыққа қарсы тақырыпта викторина өткізілді. Сонымен қатар, қатысушыларға сыбайлас жемқорлық құқық бұзушылықтардың салдарын бейнелейтін бейнероликтер көрсетілді.Бүгінде ШҚО сыбайлас жемқорлыққа қарсы еріктілер қатарында 136 белсенді бар. Олар мемлекеттік сатып алу порталына мониторинг жүргізеді, әлеуметтік объектілердің қоғамдық мониторингтеріне қатысады, сондай-ақ халықты сыбайлас жемқорлыққа қарсы іс-қимыл тетіктері туралы белсенді хабардар етеді.Мұндай іс-шараларды өткізу жастардың құқықтық мәдениетін дамытуға, белсенді азаматтық ұстанымды қалыптастыруға және мемлекеттік билік институттарына деген сенімді нығайтуға ықпал етеді.#Заң_мен_тәртіп#ЗАҢменТӘРТІП Ақпарат көзі : https://www.gov.kz/memleket/entities/anticorruption-vko/press/news/details/1010976?lang=kk

            Қостанай қаласында көлік инфрақұрылымын дамыту және жол қауіпсіздігін арттыру мақсатында әзірленген жол картасы аясында өткен жылы жеті оңға бұрылатын қосымша жолақ пен он көше қиылысын кеңейту бойынша ауқымды дайындық жұмыстары атқарылды.            Жобаның кезекті кезеңінде «Береке – Аэропорт» бағытында жаңа оңға бұрылатын ауысу жолдары ашылып, жүргізушілерге Станционная және Уральская көшелеріне екі бағыттан да жасыл бағдаршамды күтпей-ақ оңға еркін бұрылуға мүмкіндік берілді.            Айта кету керек, бұл тәжірибе Қостанайда үшінші жыл қатарынан қолданылып келеді. Мұндай жаңашыл шешім көлік ағынын жеңілдетіп, жолдың өткізу қабілетін едәуір арттырып отыр. Сонымен қатар, «Береке – Аэропорт» жолындағы теміржол өткелдері арқылы жүк көліктері мен автобустардың жүруіне тыйым салынып, арнайы жол белгілері орнатылған.            Биыл оңға бұрылатын жолақтар мен жол бөлігін кеңейту жұмыстары Каирбекова мен Назарбаева, Тәуелсіздік пен Бородина, Әл-Фараби мен Абай даңғылы, сондай-ақ Абай даңғылы мен Гоголя, Тәуелсіздік пен Алтынсарин, Әл-Фараби мен Чехова және Тәуелсіздік қиылыстарында, Баймағамбетов пен Гагарин, Баймағамбетов пен Бауман көшелерінің тоғысында жалғасатын болады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1010980?lang=kk

 Бүгін 50 жылдық мерейтойын әріптестер арасында да, Павлодар облысы бойынша Мемлекеттік кірістер департаментінен тыс жерлерде де есімі танымал адам атап өтуде. Ол – Жүнісов Төлеш Сансызбайұлы. Тәжірибелі маман, өз ісінің нағыз кәсіпқойы және жүрегі кең адам.Өз өмірін кеден қызметімен байланыстырып, Төлеш Сансызбайұлы тек мамандықты таңдап қана қоймай, мемлекетке жауапкершілік, заңға қызмет ету жолын таңдады. Бір ұйымда ширек ғасырға таяп қалған көпжылдық жұмыс: мінездің тұрақтылығын, ұзақ мерзімді қарым-қатынас құру қабілетін және таңдалған іске адалдықты көрсетеді.Төлеш Сансызбайұлы кеден қызметінде жұмыс істеген жылдары кеден бекетінің инспекторынан бастап, "Павлодар – кедендік ресімдеу орталығы" кеден бекетінің басшысына дейін еңбек жолын өтті, әріптестерінің құрметіне, басшылықтың сеніміне және мінсіз қызметі үшін шын жүректен танылуына лайықты болды.Кеден – бұл тек бақылау мен тәртіп қана емес, бұл ұқыптылықты, талаптылық пен шыдамдылықты қажет ететін күнделікті жұмыс. Бұл қасиеттердің барлығы мерейтой иесіне толық тән. Ол кәсіпқойлықтың жоғары деңгейімен, жауапкершілікпен, адамдармен жұмыс істей білу мінезімен, ең шиеленісті жағдайларда сабырлылық пен нормативтік-құқықтық базаны мінсіз білумен ерекшеленеді.Алайда қатаң форма мен нақты ережелердің артында адам тұр. Әріптестер Төлеш Сансызбайұлының қайырымдылығын, әзілкеш сезімін және сенімділігін, оның  сөзбен де, іспен де көмекке келуге дайындығын атап өтеді. Дәл осындай адамдар мемлекеттік қызметшінің нағыз тұлғасын жасайды.Осы айтулы күні, Сізге қымбатты Төлеш Сансызбайұлы, шын жүректен зор денсаулық, амандық, қызметте және өмірде одан әрі сәттілік  тілейміз. Әрбір жаңа күн қуаныш әкелсін, қасыңызда әрқашан сүйіспеншілікке толы отбасы, адал достар және лайықты құрмет болсын. Құрметпен, Павлодар облысы бойыншаМемлекеттік кірістер департаментінің ұжымыАқпарат көзі : https://www.gov.kz/memleket/entities/kgd-pavlodar/press/news/details/1010984?lang=kk

Орыс тілін даярлау курсының тыңдаушыларын шығару рәсіміне Қазақстандағы Түркия, Франция елшіліктерінің жанындағы әскери атташелер подполковник Шенер Кименче мен полковник Роберт Аземанн қатысты. Қазақстан Республикасы Ұлттық қорғаныс университетінің бастығы генерал-майор Асқар Мұстабековтың тілдік даярлық курсынан өту туралы бұйрығы жария етілгеннен кейін тыңдаушыларға сертификаттар табыс етілді. – Біздің оқу орнымыздың қабырғасында достастық армияларының офицерлерін оқыту елдер арасындағы байланыстарды нығайтуға, сондай-ақ Қазақстанның халықаралық аренадағы беделін арттыруға ықпал етеді, – деп атап өтті генерал-майор Асқар Мұстабеков.Түлектердің атынан түрік майор Өзтүрік Ресул мен француз офицері майор Валет Реви ҚР Ұлттық қорғаныс университетінің оқытушылар құрамына тілдік дағдыларды дамытуға қосқан үлесі және оқу барысында жан-жақты қолдау көрсеткені үшін алғыс білдірді.Ақпарат көзі : https://www.gov.kz/memleket/entities/mod/press/news/details/1010876?lang=kk