"Таза Қазақстан" бағдарламасы аясында Шығыс Қазақстан облысында Миролюбовка ауылдық округінде Қайыңды өзенінің жағалау аймақтарын жинау бойынша "Мөлдір бұлақ" акциясы өткізілдіАқпарат көзі : https://www.gov.kz/memleket/entities/vko-samar-mirolubovka/press/news/details/981024?lang=kk

22.04.2025 жылы Миролюбовка ауылында сенбілік өткізіліп, Самар ауылы тарапынан елді мекенге кіреберіс тазартылды.Ақпарат көзі : https://www.gov.kz/memleket/entities/vko-samar-mirolubovka/press/news/details/981030?lang=kk

Ар-Рияд, 2025 жылғы 21 сәуір – Сауд Арабиясы Корольдігінің астанасында Шығанақтағы араб мемлекеттерінің ынтымақтастық кеңесі штаб-пәтерінде ШАМЫК Саяси мәселелер және келіссөздер жөніндегі хатшылығының ұйымдастырған «ШАМЫК – Орталық Азия елдері арасындағы стратегиялық қатынастардың жаңа көкжиектері» атты форум өтті.Іс-шараға ШАМЫК пен Орталық Азия елдерінің елшілері, сондай-ақ Түркия мен Әзербайжан елшілері қатысты. Форум барысында өңірлік ынтымақтастықты нығайту жолдары, өзара іс-қимылдың жаңа бағыттары мен халықаралық күн тәртібіндегі өзекті мәселелер талқыланды.Қазақстанның Сауд Арабиясындағы Елшісі Мадияр Меңілбеков форумда сөйлеген сөзінде ағымдағы жылдың 16 сәуірінде Кувейтте өткен «Орталық Азия – ШАМЫК» форматындағы 3-ші министрлік кездесудің маңыздылығын атап өтті. Ол аталған жиынға ҚР Премьер-Министрінің орынбасары – Сыртқы істер министрі Мұрат Нұртілеудің қатысып, жуырда ғана құрылған «ОА – ШАМЫК» алаңының перспективті өзара іс-қимыл механизмі ретінде қалыптасып келе жатқанын мәлімдегенін қоса жеткізді.Сонымен қатар, Елші саяси, сауда-экономикалық, мәдени-гуманитарлық бағыттар бойынша нақты әрі өзара тиімді ынтымақтастықты кеңейтудің маңыздылығына тоқталды.Форум аясында қатысушылар өңіраралық әріптестіктің қазіргі жай-күйін, даму келешегін саралап, халықаралық күн тәртібіндегі өзекті мәселелер бойынша пікір алмасты.Ақпарат көзі : https://www.gov.kz/memleket/entities/mfa-riyadh/press/news/details/981042?lang=kk

2024 жылғы қаңтар-желтоқсандағы алдын ала деректер бойынша Жалпы ішкі өнімнің (ЖІӨ) нақты көлем индексі (НКИ) 2023 жылғы тиісті кезеңмен салыстырғанда 104,8% құрады. ЖІӨ құрылымында тауарлар өндірісінің үлесі – 35,4%, қызметтердікі – 58,4% құрады. Ең жоғары өсім Ауыл, орман және балық шаруашылығы (13,3%), Құрылыс (13,1%), Көтерме және бөлшек сауда; автомобильдерді және мотоциклдерді жөндеу (8,8%), Көлік және қойма (8,5%), Ақпарат және байланыс (6,3%), Өңдеу өнеркәсібі (5,9%) салалары есебінен болды.    ЖІӨ – нарықтық бағалардағы өндіруші-резиденттердің өндірістік қызметінің түпкілікті нәтижесі болып табылады. ЖІӨ-нің НКИ экономикада нақты кезеңдегі тауарлар мен қызметтер өндірісі көлемінің өзгерісін сипаттайды. Ақпарат көзі : https://www.gov.kz/memleket/entities/stat/press/news/details/981044?lang=kk

       Осындай атаумен «Түркістан облысының қоғамдық-саяси тарихының мемлекеттік архиві» КММ Ұлы Отан соғысының Жеңісіне 80 жыл толуына орай жылжымалы құжаттық көрменің алғашқы бағытын Қазығұрт ауданынан бастады.       Көрменің негізгі мақсаты Оңтүстік өлкесінен Ұлы Отан соғысына қатысқан жауынгерлердің ерлігін үлгі ете отырып, соғыс ардагерлеріне құрмет көрсету, батыр ата-баба рухына тағзым ету, майдандағы және тылдағы теңдесі жоқ ерлік шежіресінің қайсарлығы мен қаһармандығының жарқын айғағы ретінде архив қорында сақталған құжаттар негізінде дайындалған құнды ақпараттарды насихаттау, Қазығұрт ауданы бойынша нақты мәліметтермен таныстыру.       Сондай-ақ жылжымалы құжаттық көрме жергілікті аудан тұрғындарына 1941-1945 жылдарда аталмыш аудандардан майданға аттанған жауынгерлердің жанкешті ерліктеріне арналған фотоқұжаттары мен жеке тектік құжаттарынан жинақталған көрме таныстырылды.       Дәл осылай кезекті жылжымалы құжаттық көрме Келес ауданында болып өтті.       Іс-шараға колледж студенттері, ауданның мемлекеттік мекеме қызметкерлері, зиялы қауым өкілдері қатысып, тарихи құнды құжаттармен танысты.       №13 колледжде ұйымдастырылған көрмеге Түркістан облысының қоғамдық-саяси тарихының мемлекеттік архиві қорында сақталған қазақстандықтардың, оның ішінде Келес ауданынан Ұлы Отан соғысына қатысқан қаһарман тұлғалардың Ұлы Жеңіске қосқан үлесін көрсететін архивтік құжаттар, фотосуреттер, сонымен қатар Келес аудандық архиві қорындағы жеке тектік құжаттар мен аудандық кітапхана материалдарынан жасақталған көрме қойылды.Ақпарат көзі : https://www.gov.kz/memleket/entities/turkestan-sandyk-mem-kysmet/press/news/details/981089?lang=kk

Бастаушы ауылдық округінде «Таза Қазақстан» акциясы аясында жұмыстар жалғасудаАқпарат көзі : https://www.gov.kz/memleket/entities/vko-samar-bastaushy/press/news/details/1072051?lang=kk

Туған жер-Сіз туылған, өскен және өмір сүрген ел. Онымен ең жылы естеліктер, көңілді әңгімелер, туыстары мен жақындарының қуанышты оқиғалары байланысты. Бүкіл әлемде туған және әдемі орын жоқ. Бұл менің Палатцы ауылы . Бұл іс-шараның басты мақсаты-отансүйгіштік сезімін, Отанға деген сүйіспеншілікті, өз халқының тарихи өткені, бүгіні мен жарқын болашағы үшін мақтаныш сезімін тәрбиелеуАқпарат көзі : https://www.gov.kz/memleket/entities/vko-samar-palatcy/press/news/details/980842?lang=kk

Әлеуметтік желілерде азаматтар кейбір дүкендерде сатушылар сауда жасағаннан кейін  сатып алушылардан ЖСН-ді беруді талап ететінін айтып, шағымдануда. Маңғыстау облысы бойынша Мемлекеттік кірістер департаментінде бақылау-касса машинасының чегінде сатып алушының ЖСН-і қай кезде көрсетілуі керектігін түсіндірді.Бұрын деректерді тіркеу және (немесе) беру функциясы бар бақылау-касса машиналарын (БКМ) қолдану тәртібіне өзгерістер мен толықтырулар енгізілген (Салық кодексінің 166-бабына).Салық кодексінің 166-бабы 5-тармағының 2) тармақшасына сәйкес БКМ қолдану кезінде тауарға, жұмысқа, көрсетілетін қызметке төленген сомаға БКМ чегін немесе тауар чегін беру жүзеге асырылады.Салық кодексінің 166-бабының 6-тармағына сәйкес БКМ чегінде көрсетілуі тиіс ақпарат тізбесі белгіленген.Өз кезегінде, Салық кодексінің 166-бабы 7-тармағына сәйкес онлайн-БКМ чегінде сатып алушының (клиенттің), тауарларды, жұмыстарды, көрсетілетін қызметтерді алушының талабы бойынша сатып алушының (клиенттің), алушының сәйкестендіру нөмірі (ЖСН) көрсетілуі тиіс.Осылайша, тауарды сату (жұмысты орындау, қызметті көрсету) кезінде сатушы БКМ чегін беруге және тек қана сатып алушының (клиенттің) талабы бойынша БКМ чегінде сатып алушының (клиенттің), алушының ЖСН нөмірін көрсетуге міндетті.Ақпарат көзі : https://www.gov.kz/memleket/entities/kgd-mangistau/press/news/details/980848?lang=kk

Зияткерлік меншік объектілерінің қызметін жүргізу жөніндегі функционалды іске қосу туралы «Keden» ақпараттық жүйесінде Құрметті СЭҚ қатысушылар!Қостанай облысы бойынша Мемлекеттік кірістер департаменті 2025 сәуірден бастап зияткерлік меншік объектілерінің кедендік тізіліміне енгізу «Keden» жүйесінде жүзеге асырылатынын хабарлайды.Жүйеде өзін-өзі тіркеу туралы ақпарат пен нұсқаулықты және өтініштерді электронды түрде толтыру тәртібін (Пайдаланушы нұсқаулығы) орналыстырамыз Қосымша: 4 парақта.Кедендік бақылау басқармасыАқпарат көзі : https://www.gov.kz/memleket/entities/kgd-kostanay/press/news/details/980850?lang=kk

2025 жылдың 18 сәуірінде Ақмола облысының Ақкөл қаласында Л.Н. Гумилев атындағы Еуразия ұлттық университетінің PARAM BILIM-2 суперкомпьютері салтанатты түрде іске қосылды.Іс-шараға ҚР Ғылым және жоғары білім вице-министрі Динара Щеглова, Еуразия ұлттық университетінің ректоры Ерлан Сыдықов, «Республикалық ғарыштық байланыс орталығы» АҚ Басқарма төрағасы Мәлік Жүйріктаев, Ақкөл ауданының әкімі Біржан Әбдірахманов, «Қазақтелеком» АҚ компаниясының өкілдері, журналистер, профессор-оқытушылар құрамы және ЖОО ғалымдары қатысты.Салтанатты рәсімнен кейін іс-шараға қатысушылар «ақылды қаланың» маңызды нысандарының бірі - Республикалық ғарыштық байланыс орталығының (РҒБО) «Ақкөл» ғарыштық байланыс орталығына (ҒБО) барды.«Ақкөл» ҒБО мамандары қонақтарға геостационарлық орбитада 36 мың шақырым биіктікте орналасқан «Kazsat» байланыс жерсеріктерін басқару қалай жүргізілетнін айтып, көрсетті.Мұнда, ғарыштық байланыс орталығының конференц-залында Гумилев атындағы ЕҰУ Ақпараттық технологиялар факультеті ұйымдастырған «Қазақстанның цифрлық трансформациясы» ғылыми-практикалық конференциясының Пленарлық отырысы өтті.Айта кету керек, «РҒБО» АҚ және Гумилев атындағы ЕҰУ Қазақстанның ғарыш саласы үшін кадрлар даярлау бойынша бірнеше жыл ынтымақтастықта. Жыл сайын еліміздің осы жетекші жоғары оқу орнының студенттері «Ақкөл» ғарыштық байланыс орталығы базасында өндірістік практикадан, тағылымдамадан өтеді. Бүгін бұл бағытта тағы бір қадам жасалды.ЕҰУ ректоры Ерлан Сыдықов пен «РҒБО» АҚ Басқарма төрағасы Мәлік Жүйріктаев «РҒБО» АҚ базасында Ақпараттық технологиялар факультетінің филиалын құру туралы шарт жасасты.«Біз үшін мамандарды даярлау мәселесі өте маңызды. Бұл кадрлық резервімізді құру, мамандардың біліктілігін арттыру болып табылады. Біз жоғары технологиялық компания екенімізді ескере отырып, ғылым мен өндірісті біріктіру мәселесіне байыпты қараймыз. Еліміздің жоғары оқу орындарымен ынтымақтастықтың табысты тәжірибесі бар», - деп атап өтті М.Жүйріктаев.РҒБО филиалы факультеттің оқу-ғылыми бөлімшесі болып табылады және оны құрудың мақсаты – оқу процесінің тәжірибелік бағытын күшейту, сондай-ақ бірлескен ғылыми зерттеулер жүргізу және олардың нәтижелерін өндіріске енгізу», - деп толықтырды ЕҰУ Ақпараттық технологиялар факультетінің деканы Шахмаран Сейілов.Белгілі болғандай, филиал жұмысы кәсіпорын базасында, атап айтқанда «Ақкөл» ғарыштық байланыс орталығында жүргізілетін болады, филиал штаты ЕҰУ факультетінің қызметкерлері мен ғылыми, тәжірибелік және оқытушылық қызмет тәжірибесі бар РҒБО мамандары қатарынан қалыптастырылатын болады.Дереккөз : https://www.gov.kz/memleket/entities/mdai/press/news/details/979971?lang=kk  Ақпарат көзі : https://www.gov.kz/memleket/entities/zhetysu-digital/press/news/details/980877?lang=kk

Қостанай қаласында Ұлы Отан соғысының батырларының портреттері пайда болды. Енді майдангерлер Қазақстан тұрғындарына аялдамалардан, билбордтардан және автобустардан қарап тұр.Фотосуреттерде майданда танымал болған қазақстандықтар мен Қостанайдың тумалары бейнеленген. Портреттердің жанында QR-код орнатылған. Оны сканерлеу арқылы соғыс батырларының толық тізімін және олардың өмірбаяны мен майдандағы жолын толығырақ білуге болады.Олжас ДүйсековҚостанай қаласы әкімдігінің ішкі саясат бөлімінің басшысы«Бұл – қазақстандық батырлар Бауыржан Момышұлы, Әлия Молдағұлова, Рахымжан Қошқарбаев, Талғат Бегельдинов, сондай-ақ қостанайлық батырлар – екі рет Кеңес Одағының Батыры атағын алған Леонид Беда, Иван Павлов, Сұлтан Баймағамбетов, Илья Сьянов және Сейтхан Темірбаев».Кеңес Одағының Батыры атағын алған 31 қостанайлық бар. Олардың екеуі екі рет атаққа ие болған. Сонымен қатар, тоғыз майдангер толық Славя Орденінің кавалері атанған.Дереккөз:https://kz.mir24.tv/news/16631423/portrety-geroev-velikoj-otechestvennoj-vojny-razmestili-na-ostanovkah-bilbordah-i-avtobusah-v-kostanaeАқпарат көзі : https://www.gov.kz/memleket/entities/kostanai-kalasy-akimat/press/news/details/980885?lang=kk

Мариногорка ауылдық округінде Мариногорка ауылында халықпен жиын өтті.Бұл жиында жазғы уақытта қаңғып жүретін малға назар аударылды.Учаскелік инспектор Долдин Б. қаңғып жүретін малға айып пұл салынатын туралы ескертті. Округ әкімі Жакупов Р.М. тұрғындарды сеңбілікке шығып, өз аулаларын, ауылдарын қоқсықтан тазарту керек екенің атап өтті.Ақпарат көзі : https://www.gov.kz/memleket/entities/vko-samar-marinogor/press/news/details/980906?lang=kk

Алматы қаласы бойынша Мемлекеттік кірістер департаменті тексеру іс-шараларын, атап айтқанда, Қытай Халық Республикасынан келген көлік құралын кедендік тексеру барысында есепке алу-бақылау маркалары жоқ 1884 бөтелке контрафактілік алкоголь өнімінің заңсыз айналымын анықтап, жолын кесті.Жоғарыда аталған фактілер бойынша Алматы қаласының сот органдарына процессуалдық шешім қабылдау үшін материалдарды беру жұмыстары жүргізілуде.Алматы қаласы бойынша Мемлекеттік кірістер департаменті азаматтарды шығу тегі күмәнді темекі өнімдерін сатып алу кезінде сақ болуға шақырады, себебі контрафактілік өнімдер тұтынушылардың денсаулығы мен өміріне елеулі қауіп төндіреді. Көлеңкелі нарықты азайту және азаматтардың денсаулығын қорғау тек бірлескен жұмыс арқасында мүмкін болады.Алкоголь өнімдеріне жапсырылған есепке алу-бақылау маркаларының түпнұсқалығын «e-Sapa» мобильдік қосымшасы арқылы тексеруге болады. Алматы қаласының тұрғындары акцизделетін өнімдердің заңсыз сатылу фактілері туралы Алматы қаласы бойынша Мемлекеттік кірістер департаментіне Бөгенбай батыр көшесі, 132 мекенжайы бойынша немесе 8 727 270 07 83 телефоны арқылы хабарлай алады.Ақпарат көзі : https://www.gov.kz/memleket/entities/kgd-almaty/press/news/details/980917?lang=kk

Қазақстандық делегацияның Кабулға сапары барысында делегация басшысы Премьер-министрдің орынбасары – ұлттық экономика министрі Серік Жұманғарин Қазақстан халқынан Ауғанстан халқына гуманитарлық көмектің екінші жартысын ауған тарапына тапсырды, сондай-ақ осы елдің Премьер-министрінің орынбасары Абдул Ғани Барадармен кездесті. Қазақстан Ауғанстанға гуманитарлық көмектің ОА-дағы ірі жеткізушісі2021 жылдан бері Қазақстан Ауғанстанға ондаған мың тонна ұн, азық-түлік, дәрі-дәрмек, тұрмыстық зат пен жылы киім жіберген. Сонымен қатар биыл наурыз айында Алматыда Орнықты даму мақсаттары бойынша Орталық Азия мен Ауғанстан елдеріне арналған БҰҰ аймақтық орталығы ашылды. Серік Жұманғарин Абдул Ғани Барадармен кездесуде атап өткендей, аймақтық орталықты құрудағы негізгі мақсат – ОА елдерінің Ауғанстанмен әлеуметтік-экономикалық және іскерлік ынтымақтастығын жандандыру. Орталық Азия елдері қазақстандық бастамаға қолдау білдірді.Әртараптандыру есебінен тауар айналымы $3 млрд-ты құрадыҚазақстан Ауғанстанның негізгі сауда серіктестерінің ондығына кіреді. Астық пен ұн қазақстандық дәстүрлі тауарлар саналады. 2024 жылы Ауғанстан нарығына қазақстандық қант экспортының айтарлықтай өсуі байқалды – 143 мың тонна. Бұл 2023 жылмен салыстырғанда бірнеше есе көп (19,1 мың тонна). Ауғанстан нарығына кондитерлік және ұн өнімін жеткізу көрсеткіші артып келеді. Қазақстан сондай-ақ ерте пісетін ауған көкөнісін елорда базарына жеткізуге мүдделі.Өткен жылдың соңында екі ел тауар айналымын $3 млрд-қа ұлғайту жөніндегі жол картасына қол қойды. Ауғанстан аумағында түрлі пайдалы қазба өндірудің орасан зор әлеуетін ескере отырып, өзара инвестицияның мәлімделген көлеміне Ауғанстан кен орнының ресурсын барлау мен өндіру есебінен қол жеткізу жоспарланып отыр. Қазақстандық бизнес жер қойнауының перспективалы учаскелерін іздеуге қаражат салуға үлкен қызығушылық білдіріп отыр.14 сәуірде Ауғанстанға Қазақстаннан барған геолог-мамандар, инженерлер тобы Ауғанстанның тау-кен өнеркәсібі және мұнай министрлігінің қолдауымен бірқатар кен орнын аралады. ҚР Өнеркәсіп және құрылыс вице-министрі Иран Шархан атап өткендей, мамандар Нұрстан провинциясында бериллий, қорғасын және мырыш табылып отырған кен орындарынан 130 келі кен сынамасын алды. Енді зертханада неғұрлым егжей-тегжейлі талдау үшін сынамалар Қазақстанға жіберіледі. Нәтиже алынғаннан кейін қазақстандық тарап кен орнын одан әрі игеру үшін неғұрлым ауқымды келіссөз форматына кірісуге дайын.Қазақстан мен Ауғанстандағы жаңа сауда үйлеріЖол картасында белгіленген іс-шараларды жандандыру үшін Серік Жұманғарин Ауғанстан Премьер-министрінің орынбасарына Қазақстанның Кабулдағы сауда үйін ашуды ұсынды. Абдул Ғани Барадар бұл ұсынысты қолдап, ауған тарапы да Қазақстанда өзінің сауда базарын ашқысы келетінін атап өтті. Сондай-ақ, қазақстандық тараптан ауған тарапы мүдделі болған жағдайда «QazTehna» ЖШС өндіретін қазақстандық автобустарды жеткізу мүмкіндігін қарастыру ұсынылды. Жаңа сауда үйлері ынтымақтастықтың әртүрлі бағыттары бойынша өзара инвестицияларды жандандыруға ықпал етеді.Сонымен қатар Серік Жұманғарин Ауғанстанның байланыс және ақпараттық технологиялар министрі Наджибулла Хакканимен кездесті. Ол қазақстандық компаниялар Ауғанстандағы инфрақұрылымдық және телекоммуникациялық жобалардың құрылысына қатысуға қызығушылық танытып отырғанын атап өтті. Тургунди – Герат жаңа теміржол телімін салу кезінде оптикалық кабель төсеу жұмысына бірлесіп қатысуды ұсынды.Сауда және өнеркәсіп министрі Нұриддин Азизимен кездесуде екі елдің өзара тауар айналымын әртараптандыру мүмкіндігі талқыланды.Ақпарат көзі : https://www.gov.kz/memleket/entities/economy/press/news/details/980930?lang=kk

Аудандық жарысқа 47 оқушы бақ сынасты. Оның ішінде Абай облысы Көкпекті ауданының қатысушылары да бар.Жарыс қорытындысы бойынша:Қыздар арасында1-орын: Даутов Дарын2-орын: Сабазова Әдемі3-орын: Базарбаева СабринаҰлдар арасында1-орын: Даутов Дарын2-орын: Құрметов Алдияр 3-орын: Саматов ЕрғанатАйта кетейік, жеңімпаздар мен жүлдегерлер салтанатты түрде құрмет грамоталарымен және мерекелік сыйлықтармен марапатталды.Ақпарат көзі : https://www.gov.kz/memleket/entities/vko-samar-samar/press/news/details/980936?lang=kk

Салық есептілігін тапсыруды тоқтата тұру немесе қайта бастау рәсімінен бас тарту үшін негіздер1) өтініш берілген күнге салық берешегінің, әлеуметтік төлемдер бойынша берешегінің болуы;2) қосылған құн салығы бойынша тіркеу ескіру мерзімін және тіркеу есебі туралы салықтық өтінішті ескере отырып, салық есептілігін ұсынбау фактісінің болуы;3) мемлекеттік кіріс органының көрсетілетін қызметті алушыны әрекетсіз деп тану фактісінің болуы;4) салық органы жіберген орындалмаған хабарламалардың болуы;5) мемлекеттік қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігін анықтау.Ақпарат көзі : https://www.gov.kz/memleket/entities/kgd-kyzylorda/press/news/details/980971?lang=kk

ҚР ІІМ Ұлттық ұланы — бұл тек әскери борышты өтейтін орын ғана емес, арман қанат жайған мекен. Мәселен, 5573 әскери бөлімінде патрульдік-бекеттік қызмет атқаратын әскери қызметші Батырхан Сағидолла тек тамаша мансап қана емес, бір күні еліміздің басты салтанаттарының бірі - Жеңіс шеруінде жүргізуші болуды армандайды.Жас жігіт Ұлттық ұлан қатарына Павлодар облысынан шақыртылып, елорда көшелерінде қоғамдық тәртіп пен азаматтардың қауіпсіздігін қамтамасыз етіп жүр. Бірақ мұнтаздай форманың, нық жүрістің артында темірдей тәртіпке бағынған сарбазбен қатар сөз өнеріне ғашық жан жасырынған. Батырханның қою,қоңыр үні әскери бөлімнің айрықша белгісіне айналып үлгерген.Бос уақытында ол дикциясымен айналысып, өлең оқиды, мәтін жазып, аңызға айналған дикторлар — Юрий Левитан мен Қазақ радиосының алтын дауысы Әнуарбек Байжанбаевтың мұрағаттағы жазбаларын тыңдайды.Батырханның арманы — біреу-ақ, бірақ ол —шексіз әрі шын жүректен шыққан: бір күні әскери шерудің дауысына айналу. Ол атақ-даңқты мақсат етпейді — тек бір күні оның үні сап түзеген сарбаздардың маршы мен ризашылық білдірген халықтың қошеметімен үйлесе естілеріне сенеді.Бүгінде оның қарулас достары Батырханды құрметпен «біздің Левитан» деп атайды. Оның үні бөлім ішіндегі салтанатты жиындарда, әскери шеруге дайындықтар мен түрлі іс-шараларда жиі естіледі. Қолбасшылық та Батырханның ұмтылысын қолдап отыр, себебі дәл осындай жігерлі жастар заманауи Ұлттық ұлан жауынгерлерінің қуатты, білімді және болашаққа бет алған жаңа бейнесін қалыптастыруда.Батырхан Сағидолланың оқиғасы — әр сарбаздың артында арманы биік тұлға тұрғанының жарқын дәлелі. Бұл — әзірге бөлім қабырғасында ғана естілетін үннің бір күні күллі елге таралуын аңсаған жүрек туралы әңгіме. Ал кім біледі, бәлкім, таяуда Астананың бас алаңында ұландықтың нық, сенімді, жігерлі үніне куә болармыз. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/980696?lang=kk

Куала-Лумпур, 2025 ж. 21 сәуір -  Қазақстанның Малайзиядағы Елшісі Болат Сүгірбаев Малайзияның «Оңтүстік-Оңтүстік» қауымдастығының Президенті және «AMBank» қаржы тобының негізін қалаушы Азман Хашиммен кездесті. Кездесу барысында тараптар цифрландыру мен жасанды интеллект салаларындағы инвестициялық ынтымақтастыққа ерекше назар аудара отырып, Қазақстан мен Малайзия арасындағы өзара іс-қимылдың келешегі бар бағыттарын талқылады.Тараптар Орталық Азия мен Оңтүстік-Шығыс Азия арасындағы өсіп келе жатқан логистикалық әлеуетке назар аударып, бұл бағытта екі елдің іскерлік топтары үшін жаңа серпінді мүмкіндіктердің ашылып жатқанын атап өтті. Б. Сүгірбаев Қазақстанның сыртқы саяси бастамалары, соның ішінде биыл мамыр айында өтетін Астана халықаралық форумы туралы айтып өтті. Форум қазіргі жаһандық сын-қатерлерді талқылау алаңына айналмақ. Кездесу барысында «орта державалардың» стратегиялық жақындасуының маңыздылығы ерекше аталып өтті.Азман Хашим Қазақстанның геостратегиялық рөлін атап өтіп, елдің өзара тиімді жобаларды іске асырудағы әлеуетін жоғары бағалады. Сондай-ақ, ол жаһандық экономиканың жылдам өзгеріп жатқан жағдайында жаңа сауда тізбектері мен көлік бағыттарын әртараптандыру мен дамытудың маңыздылығын атап өтті.Тараптар Қазақстан мен Малайзияның іскерлік топтары арасындағы практикалық өзара іс-қимылды кеңейтуге мүдделілік білдірді.Ақпарат көзі : https://www.gov.kz/memleket/entities/mfa-kuala-lumpur/press/news/details/980722?lang=kk

«Астана» өңірлік қолбасшылығына қарасты 31775 әскери бөлімі әскери қызметшілерінің ата-аналары, жұбайлары  мен балалары, бауырлары мен әпке-қарындастары елорда шетіндегі далалық лагерге барды. Ұлы Отан соғысындағы Жеңістің 80 жылдығына арналған шеруге санаулы ғана күн қалды. Бұл соңғы жылдардағы ең ауқымды іс-шаралардың бірі. Оған төрт мыңнан астам әскери қызметші қатысады.Парадта ең лайықты, күшті әрі төзімді деген жауынгерлер ғана салтанатты сап түземек. Жеңіс шеруі ұрпақтар сабақтастығының символына айналып отыр.31775 әскери бөлімі мотоатқыштар батальоны командирінің орынбасары майор Дәулет Қаракесековтің зайыбы кездесуден алған әсерін жасыра алмады. – Жұбайым үшін мүндай тарихи оқиғаға қатысудың маңызды екенін түсінемін. Әскери адамға әрдайым отбасының қолдауы қажет. Біз мүнда сол мақсатпен келіп отырмыз. Жолдың қашықтығы еш кедергі емес, – деді Айдана Қаракесекова.Жақындарының далалық лагерьге келуі жауынгерлер үшін тосынсый болды. Дәл осындай сәттерде армияның тек әскери форма мен қатаң тәртіптен тұрмайтынын сезінесің.Ақпарат көзі : https://www.gov.kz/memleket/entities/mod/press/news/details/980749?lang=kk

GOV.KZАқпарат көзі : https://www.gov.kz/memleket/entities/adilet-sko/press/news/details/980769?lang=kk