Қарағанды облысының әкімдігі шығармашыл және талантты тұрғындарды өңірдің рәміздерін құру бойынша байқауға қатысуға шақырады.20 жылдан астам уақыт бойы Суретшілер одағының мүшесі Төлеген Әбілқасовтың облыстың 70 жылдығын мерекелеуге әзірлеген эмблемасы (логотипі) пайдаланылды. Мұрағаттық мәліметтерге сәйкес, оның жобасы байқауда жеңіске жетті. 70 санын алып тастап, бұл логотип барлық жиналыстар мен салтанатты іс-шараларда пайдаланыла бастады. Енді оны жаңартатын уақыт келді.Жобаға қойылатын негізгі талаптар:- қоғамдық келісім мен бірлікті нығайту қағидаттарын ескеру;- геральдикалық стандарттарға сәйкес келуі;- Қарағанды облысының ұлттық дәстүрлерін, тарихи, мәдени, табиғи және әлеуметтік-экономикалық ерекшеліктерін көрсету;- бұрын пайдаланылмаған бірегей жұмыс болуы;- айқын көрнекі құрамдас бөлігі (көлемді кескін, модель) болуы;- жазуда тек қазақ тілін пайдалану;- авторлық құқықтарды бұзбау және плагиатқа жол бермеу.- ұлттық-этнографиялық элементтерді (ою-өрнектерді) пайдалануға жол беріледі:- мемлекеттік ту мен елтаңба бейнелерін, сондай-ақ діни, рулық және асыл тұқымдық белгілерді пайдалануға тыйым салынады.Қатысуға тек Қазақстан азаматтары ғана жіберіледі. Ұжымдық жұмыстар болуы мүмкін. Жобаны бірнеше жеке тұлға жасаған жағдайда, олардың барлығы оның авторлары болып есептеледі.Өңірлік рәміздер жобасын әзірлеу қағидалары ҚР Мәдениет және ақпарат министрінің 2024 жылғы 30 қазандағы № 503-НҚ бұйрығымен бекітілген.Конкурсқа қатысуға өтінішті қағаз және электронды форматта қазақ және орыс тілдерінде Қарағанды облысының ішкі саясат басқармасына мына мекен-жай бойынша тапсыру қажет: Қарағанды қ., Әлиханов к-сі, 13, № 408 кабинет. Электрондық көшірмелерді e.ospanova@karaganda-region.gov.kz, n.zhunisov@karaganda-region.gov.kz жіберу қажет.Өтінім үлгісін мына жерден жүктеуге болады.Тапсыру мерзімі – 2025 жылғы 12 маусымға дейін.Барлық жобалар мемлекеттік рәміздер жөніндегі облыстық комиссия мүшелерімен талаптарға сәйкестігі тұрғысынан қаралады. Содан кейін жұртшылықтың талқылауына ұсынылды. Ең көп дауыс жинаған жоба ҚР Мәдениет және ақпарат министрлігі жанындағы сараптамалық кеңестің қарауына жіберіледі. Оң қорытынды алған жағдайда эмблема облыстық мәслихаттың бекітуіне шығарылады.Анықтама үшін байланыс: (8-7212) 50-44-31, 8-700-589-89-28 (Ноян Жүнісов); (8-7212) 50-45-09, 8-775-655-36-09 (Эльвира Оспанова).Байқау өтеусіз негізде өткізіледі: жеңімпаз ақшалай сыйақы алмайды, бірақ оның жұмысы өңірдің танымалдығына үлес қосады.Ақпарат көзі : https://www.gov.kz/memleket/entities/karaganda/press/news/details/954919

Астана, 2025 жылғы 11 сәуір – Қазақстан Республикасы Сыртқы істер министрінің орынбасары Әлібек Бақаев Пәкістан Ислам Республикасының Елшісі Науман Башир Бхаттимен кездесті.Кездесу барысында тараптар Қазақстан-Пәкістан серіктестігінің жай-күйі мен даму перспективаларын егжей-тегжейлі талқылады, сондай-ақ халықаралық күн тәртібіндегі өзекті мәселелер бойынша пікір алмасты.Басты назар ағымдағы жылға жоспарланған түрлі деңгейдегі екіжақты сапарлар мен іс-шаралардың кестесіне аударылды. Бұл ретте жоғары деңгейде байланыстардың оң динамикасы аталып өтті.Осы тұрғыда екіжақты өзара іс-қимылдың барлық бағыттарына ықпал ететін Сауда-экономикалық, ғылыми-техникалық және мәдени ынтымақтастық жөніндегі Қазақстан-Пәкістан үкіметаралық комиссиясының алдағы отырысының маңыздылығына назар аударылды.Тараптар энергетика, сауда-экономикалық және транзиттік-көліктік салаларындағы өзара тиімді ынтымақтастықты одан әрі дамыту қажеттігін атап өтті.Ақпарат көзі : https://www.gov.kz/memleket/entities/mfa/press/news/details/975554?lang=kk

Астана, 2025 жылғы 11 сәуір – Қазақстан Республикасының Сыртқы істер министрлігінде 2024 жылға арналған Қазақстан мен Біріккен Ұлттар Ұйымы арасындағы Тұрақты даму саласындағы ынтымақтастықтың негіздемелік бағдарламасының нәтижелері талқыланды.Сонымен қатар Алматыда Орталық Азия мен Ауғанстан елдері үшін БҰҰ Тұрақты даму орталығының ашылуын ескере отырып, 2026-2030 жылдарға арналған жаңа ынтымақтастық бағдарламасының негізгі параметрлері ұсынылды.Бағдарламада адамдардың құқықтары мен мүмкіндіктерін кеңейту және күшті институттар, тұрақты және инклюзивті экономика, тұрақты қоршаған орта, әлеуметтік бірлікті нығайту сияқты негізгі бағыттарға ерекше назар аударылады.Талқылауға БҰҰ елдік тобы, мемлекеттік органдар мен үкіметтік емес ұйымдар өкілдері қатысты.Ақпарат көзі : https://www.gov.kz/memleket/entities/mfa/press/news/details/975544?lang=kk

KazAID 2025 жылы "Авиценна: денсаулық сақтау" бағдарламасын жалғастыруда2024 жылы KazAID Орталық Азиядан келген медициналық оқу орындарының студенттері үшін "Авиценна: денсаулық сақтау" бағдарламасын сәтті іске асырды. Шетелдік студенттер мен серіктестердің бастаманы жоғары бағалауы оның маңыздылығын растады және бағдарлама 2025 жылы кеңейтілген мүмкіндіктермен жалғасуда.KazAID академиялық ұтқырлықты қолдап медициналық білім беру саласындағы өңірлік ынтымақтастықты нығайта отырып, Астана медицина университетімен (АМУ) және TIKA Түрік ынтымақтастық және үйлестіру агенттігімен серіктестікте "Авиценнаны: денсаулық сақтау" бағдарламасын қайта іске қосады. Бағдарлама жоғары академиялық жетістіктерге қол жеткізген Қырғызстан мен Тәжікстанның медициналық оқу орындарының студенттерін қолдауға бағытталған. 2025 жылы осы елдердің 10 студенті АМУ академиялық ұтқырлығы аясында 10 сәуірден 2 мамырға дейін білім алады. Бағдарлама медициналық білім берудің негізгі аспектілерін, сондай-ақ Астананың көрікті жерлеріне баратын мәдени бөлімді қамтиды.Оқыту KazAID қазақстандық халықаралық даму агенттігінің гранты арқасында қатысушыларға өтеусіз негізде беріледі.Қазақстан медициналық білімнің жоғары деңгейіне және денсаулық сақтаудағы озық тәсілдерге ие бола отырып, Орталық Азияның жас мамандарымен білім және тәжірибесімен бөліседі.Болашақта бастаманы одан әрі дамыту және географиялық қамтуды кеңейту жоспарлануда.Ақпарат көзі : https://www.gov.kz/memleket/entities/kazaid/press/news/details/975519?lang=kk

«Баршаңызға мәлім, мен бұқаралық спортты дамытуға ерекше мән беріп отырмын. Жастарымыз дені сау, мықты азамат болып өсуі керек. Сондықтан ұлт саулығын сақтау үшін бұқаралық спорттың маңызы айрықша. Жақында мен Олимпиадаға қатысушылармен кездестім, спорттағы нақты міндеттер мен басымдықтарға тоқталдым. Шын мәнінде, бұл саладағы заңнаманы жаңартатын кез келді деп ойлаймын. Заңға енгізілетін өзгертулер бұқаралық спорт пен балалар спортын дамытуға зор серпін береді. Сондай-ақ болашақ жеңімпаздар шоғырын даярлауға жол ашады. Депутаттар осы маңызды заң жобасына айрықша мән бергені жөн деп санаймын».Қасым-Жомарт Тоқаев, Қазақстан Республикасының президенті Қазақстанда дене шынықтыру сабақтарынан бастап халықаралық деңгейдегі спортшыларды даярлауға дейін тең қолжетімділікті құру бойынша спорт саласын дамытуда дәйекті жұмыс жүргізілуде. Бұқаралық және ұлттық спорт түрлерін насихаттау, инфрақұрылымды жаңғырту және жаттықтырушылар құрамын қолдау басымдыққа ие болып қала береді.Бүгінгі таңда спортпен және дене шынықтырумен 8 миллионнан астам қазақстандық шұғылданады. Бұл ел халқының 41,4% құрайды. Мемлекет бұл көрсеткішті 2029 жылға қарай 50% - ға жеткізуді көздейді. Қазірдің өзінде тұрақты шұғылданушы балалар мен жасөспірімдердің үлесі 30% - дан асады. Мемлекеттік спорттық тапсырыс бағдарламасының ауқымы кеңеюде: 4 жастан 17 жасқа дейінгі 240 мыңнан астам бала 7 мыңнан астам спорт секцияларына тегін барады. Жыл сайын миллионға жуық адамды қамтитын 25 мыңнан астам спорттық іс-шара ұйымдастырылады.Ұлттық мәдени құндылығымыздың бірі ретінде ұлттық спорт түрлеріне ерекше назар аударылады. 2024 жылдың есебі бойынша 670 мыңға жуық адам жүйелі түрде айналысады. Еліміз бойынша 16 555 үйірме, 15 балалар-жасөспірімдер мектебі, 17 клуб пен мамандандырылған орталық жұмыс істеуде. Ең танымал түрлері – қазақ күресі, көкпар және тоғызқұмалақ. Қазақстан Астанада өткен 5-ші Дүниежүзілік көшпенділер ойындарында 112 медаль (43 алтын, 32 күміс, 37 қола) еншілеп, айқын көшбасшысы екенін көрсетті.Мемлекет басшысының тапсырмаларын орындау мақсатында Мәжіліс пен Сенаттың мақұлдауынан өткен «Дене шынықтыру және спорт туралы» жаңа заң жобасы әзірленді.Қазіргі уақытта құжат Президентке қол қоюға жіберілді. Заң жобасы келесі жүйелі өзгерістер енгізуді көздейді:кәсіби ойын спорт клубтарын ұстауға бөлінетін бюджет қаражатына лимит бекіту;ҚР азаматтығын алмаған спортшыларды бюджет есебінен қаржыландыруға тыйым салу;«спорттың басым түрлері» ұғымын нақтылау, сондай-ақ олардың өңірлік тізбесін бекіту;аккредиттелген спорт федерациясына діни экстремизм мен терроризмнің алдын алу үшін шаралар қабылдауды міндеттеу;спорт федерацияларын аккредиттеу талаптарын белгілеу;«мүгедектігі бар спортшыны сүйемелдеуші» ұғымын енгізу;мемлекеттік дене шынықтыру және спорт ұйымдарының басшыларын ротациялау.спорт саласына вертикальды басқару жүйесін енгізу мәселесі.Сонымен қатар, вертикальды басқару жүйесіне көшу жүзеге асырылады. Министрліктің құрылымына 33 жоғары спорт шеберлігі мектебі, 19 олимпиадалық резервті дайындау орталығы, 14 интернат-колледж беріледі. Министрлік тарапынан 8 республикалық федерацияның президенті мен 11 өңірдің спорт басқармаларында жаңа басшылар келісілді. Әкімдіктердің тиімділігін бағалау үшін KPI жүйесі әзірленуде.Дене шынықтыру мен спортты дамытудың 2029 жылға дейінгі тұжырымдамасына сәйкес Қазақстанда 25 мыңнан астам спорт нысаны тіркелген. 2024 жылы еліміз бойынша 90 спорттық нысан салынды. Оның  29-ы қалаларда, 61-і ауылдық жерлерде. Ауқымды инфрақұрылымдық жобалар бойынша Түркістанда ескек есу каналы, Өскеменде үстел теннисі академиясы, Шығыс Қазақстан облысында жабық стадион мен оңалту орталығы, Щучинск қаласында шаңғы базасының үшінші кезегнің құрылысы жүріп жатыр. 2025 жылдың соңына қарай Ұлттық дене шынықтыру және спорт университетін ашу жоспарланған.Футбол инфрақұрылымын жаңғырту жаңа бағыт алды. Атап айтар болсақ, Қызылорда, Орал, Түркістан, Жетісу және басқа өңірлерде стадиондардың құрылысы мен реконструкциялау жұмысы жүргізілуде. Ал Астана, Шымкент, Ақтау, Өскемен және Семей қалаларында жаңа жобалар пысықталуда. Сондай-ақ, УЕФА стандарттарына сай келетін алты стадионды салу жоспарға енді. Сонымен қатар балалар спорт алаңдарының құрылысы басталып, басым бөлігі ауылдық жерлерге бөлінді.Кадр мәселесін шешу барлық бастамаларды табысты іске асырудың негізгі бағыты болып қала береді. Жаттықтырушыларды қайта даярлау жұмыстары жүргізу, лицензиялау жүйесі енгізу, тәлімгерлік институты дамыту бойынша қарқынды жұмыстар атқарылуда. Жаттықтырушылардың мәртебесі педагог қызметкерлердің мәртебесіне теңестіріліп, әлеуметтік кепілдіктер мен жалақыны көтеру шаралары қарастырылды. Заң жобасындағы түзетулердің екінші пакеті балалар мен жасөспірімдер спорт мектептері жаттықтырушыларының орташа еңбекақысын 30% - ға арттыруды көздейді.Спорттық атақтар мен разрядтарды беру бойынша жаңартылған нормалар мен талаптардың жобасы әзірленді. Олимпиадалық емес пәндерді қоса алғанда спорттың 163 түрі ескере отырып, атақ алу шарттары қайта қаралды. Оған жаттықтырушылардың қатысуын растау жөніндегі нормалар қосылды. Республикалық және халықаралық турнирлерге арналған критерийлер өзектендірілді.Саланы цифрландыру маңызды бағытқа айналды. 2025 жылдың соңына дейін спортшылардың, жаттықтырушылардың, төрешілер мен әдіскерлердің бірыңғай тізілімін, спорттық іс-шаралардың электрондық күнтізбесін және спорттық инфрақұрылым объектілерінің тізімін қамтитын e-спорт цифрлық платформасы енгізілетін болады. Бұл жүйені енгізу спорт саясатындағы барлық элементтердің ашықтығын, қамту ауқымын бақылау мен тиімділігін қамтамасыз етеді.Қазақстан халықаралық аренада қол жеткізген жоғары нәтижелерін арттыруда. 2024 жылдың қорытындысы бойынша ұлттық командалар 1 206 медальға қол жеткізді. Оның 1 086-сы (399 алтын, 341 күміс және 346 қола) олимпиадалық және олимпиадалық емес спорт түрлеріне тиесілі. Параспорт бойынша қоржындағы медаль саны – 120. Паралимпиадалық дисциплиналардан 56 медаль (16 алтын, 20 күміс, 20 қола), сурдлимпиадалық және паралимпиадалық емес спорт түрлерінен 64 медаль (30 алтын, 17 күміс, 17 қола) еншіледі.Барлық қабылданып жатқан іс-шаралардың мақсаты - чемпиондардың жаңа буынын тәрбиелеу мен ұлт денсаулығын нығайтуда қабілеті тұрақты, тиімді және баршаға қолжетімді спорт жүйесін құру.Ақпарат көзі : https://www.gov.kz/memleket/entities/karaganda-sport/press/news/details/975508?lang=kk

025 ЖЫЛДЫҢ 1 ҚАҢТАРЫНАН БАСТАП ҚАЗАҚСТАНДА ХАЛЫҚҚА АРНАУЛЫ ӘЛЕУМЕТТІК ҚЫЗМЕТ КӨРСЕТЕТІН ӘРБІР ҰЙЫМ ӨЗ ҚЫЗМЕТІН ЖҮЗЕГЕ АСЫРУ ҮШІН ЛИЦЕНЗИЯ АЛУЫ КЕРЕКАқпарат көзі : https://www.gov.kz/memleket/entities/mangystau-soc/press/news/details/975496?lang=kk

«WTT Youth Star Contender Metz» халықаралық турнир Францияда (Мец қ.) өтті. 19 жасқа дейінгі жас санатында Қазақстан атынан Алан Құрманғалиев қатысты.Қарағандылық спортшы бірінші орынды иеленді! Алан Коннор Гринді (Англия) 3:0, Энрике Риосаны (Пуэрто-Рико) 3:0, Ма Ёнминаны (Корея) 3:1, Флавио Мурьені (Франция) 3:2, Ли Сынсуды (Корея) 3:1, Юлиана Чиритуді (Румыния) 3: 1, Ян Хао- Дженаны (Тайбэй) 3:1 есебімен жеңді.Алан Құрманғалиев пен оның жаттықтырушысы Эльмира Алиеваны жеңісімен құттықтаймыз!Фото @ttfrkАқпарат көзі : https://www.gov.kz/memleket/entities/karaganda-sport/press/news/details/975490?lang=kk

Астана маңында Ұлы Отан соғысындағы Жеңістің 80 жылдығына арналған салтанатты парадқа қатысушылардың қарқынды жаттығулары өтіп жатқан шатырлы лагерьге Қарулы күштердің ардагерлері мен ауған жауынгерлері келді.Отан қорғаушылардың бірнеше буынының осылайша кездесуі жылы әрі достық атмосферада өтті. Ерлік мектебінен өткен және жауынгерлік достықтың бағасын білетін ардагерлер Қазақстан әскерін құрудағы маңызды кезеңдер, қызметтің қызықты эпизодтары, өткен жылдардағы парадтар, олардың ел және Қарулы күштер үшін маңызы жайлы айтты. Жас офицерлер, сарбаздар мен сержанттар, әскери білім ордаларының курсанттары мен кадеттері сұрапыл соғыс сынынан өткен жауынгерлерді ыждағатпен тыңдады. Әңгіме арасында қызықты деректер, одан басқа әскери борыш пен патриотизм тақырыптары да қозғалды. – Мерейтойлық датаға арналған шеруге қатысу үлкен құрмет әрі зор жауапкершілік. Сап түзеген жауынгерлер, лектер мен қатарлар арасындағы арақашықтық, қатарлар, аралықтардың біркелкілігі – бұндай үйлесімді қимылды бұрынғы парадтарда көрдік. Сендер де бұл тапсырманы орындап, әскерлің ел мен жерді қорғауға жауынгерлік күші мен дайындығын көрсететіндеріңе сенімім мол, – деп атап өтті отставкадағы контр-адмирал Ратмир Комратов. ҚР Қарулы күштері Әскери-теңіз күштерінің бұрынғы бас қолбасшысы Ратмир Комратов және мерзімді қызметтің әскери қызметшісі гвардия қатардағы жауынгері Алмаз Дәулетбекұлы екеуі де Тараздың тумасы. Мұны білген сарбаз өзінің туған жері туралы өлең оқып берді, ол контр-адмиралға ерекше әсер етіп қуанды.  Ардагерлер парадқа қатысушылардың тұрғылықты жағдайымен, тамақтану және медициналық қамтамасыз етуді ұйымдастырумен танысып, оларға мықты денсаулық, табандылық, сенімділік және құрметті миссияның ойдағыдай өтуін тіледі. Ақпарат көзі : https://www.gov.kz/memleket/entities/mod/press/news/details/975457?lang=kk

Өтетін орны: Жетісу облысының Дәнеш Рақышев атындағы филармониясыӨтетін уақыты: 2025 жыл, 15 сәуір, сағат 17:00Байланыс телефондары:8 (7282) 32-45-28; 24-34-07КІРУ ТЕГІНАқпарат көзі : https://www.gov.kz/memleket/entities/zhetysu-archive/press/news/details/975446?lang=kk

Шымкент қаласына сапары барысында еуропалық елдердің дипломатиялық делегациясы бірқатар маңызды іс-шараларға қатысты.Сапар М.Әуезов атындағы Оңтүстік Қазақстан университетінен басталып, делегация өкілдері студенттермен кездесті. Кездесу барысында “Жаһандық серіктестік үшін білім беру дипломатиясын дамыту” тақырыбында мазмұнды пікір алмасу өтті. Университет аумағында ағаш отырғызу рәсімі ұйымдастырылып, достық пен ынтымақтастықтың символына айналды.Одан кейін делегация Шымкент қаласының өндірістік әлеуетімен танысты. “Santo”, “BalTextile” және “KazAlpack” сияқты жетекші кәсіпорындарға барып, олардың заманауи технологиялармен жабдықталуы мен экспорттық мүмкіндіктеріне жоғары баға берді.Сапар барысында қонақтар жаңадан салынған атшабар кешеніне де барды. Онда еуропалық дипломаттар ұлттық спорт түрлері — көкпар, теңге ілу, жамбы ату сынды сайыстарды тамашалап, халқымыздың бай мәдени мұрасымен танысты.Кешкісін қала әкімінің бірінші орынбасары Асылов Қуаныш Жұмабекұлының қатысуымен іскерлік кешкі ас өтті. Кеш шеңберінде Шымкенттің экономикалық және инвестициялық әлеуеті талқыланып, дөңгелек үстел форматында пікір алмасу ұйымдастырылды.Бұл сапар Шымкент пен Еуропа елдері арасындағы көпжақты әріптестікті тереңдетуге, жаңа бастамалар мен серіктестік жобаларды ілгерілетуге үлес қосты.🔸Шымкент қаласы туризм, сыртқы байланыстар және креативті индустрия басқармасының баспасөз қызметіАқпарат көзі : https://www.gov.kz/memleket/entities/shymkent-turizm/press/news/details/975424?lang=kk

Қаламызға Шымкент пен Еуропалық Одақ арасындағы өзара ынтымақтастықты нығайту мақсатында Еуропа елдерінің 18 елшісінен құралған делегация сапармен келді. Сапар аясында Қазақстан Республикасы Сыртқы істер министрінің орынбасары Роман Василенко мен Еуропалық Одақтың Қазақстан Республикасындағы Төтенше және Өкілетті Елшісі Симкич Алешка бастаған ресми тұлғалармен бірқатар кездесулер өткізді. Шымкентке келген елшілер қатарында:•Алешка Симкич (Еуропалық Одақ),•Андреа Бахер (Австрия),•Кэтрин Лич (Ұлыбритания),•Салман Бал (Швейцария),•Ева Пулано (Швеция),•Моника Иверсен (Германия),•Янне Хейсканен (Финляндия),•Михал Лабенда (Польша),•Петрос Накузис (Кипр),•Жозе Атаиде Амарал (Португалия),•Эфталия Какиопулу (Грекия),•Боян Хаджиев (Болгария),•Рефик Шабанович (Хорватия),•Яап Ора (Эстония),•Отто Рона (Мажарстан),•Ирина Мангуле (Латвия),•Мадалина Лупу (Румыния),•Роберт Кирнаг (Словакия). Бұл сапар Шымкент пен Еуропа мемлекеттері арасындағы дипломатиялық, сауда-экономикалық, туризм және мәдени-гуманитарлық байланыстарды одан әрі дамытуға бағытталған маңызды қадам болып табылады. 🔸Шымкент қаласы туризм, сыртқы байланыстар және креативті индустрия басқармасының баспасөз қызметіАқпарат көзі : https://www.gov.kz/memleket/entities/shymkent-turizm/press/news/details/975420?lang=kk

Қазақстанның Франциядағы Елшілігі және Шымкент қаласы әкімдігінің ұйымдастыруымен «Францияда Шымкент қаласының күндері» өтті.Іс-шараны Қазақстанның Франциядағы Елшісі Г.Арыстанқұлова, Гарж-ле-Гонесс қаласы спорт мәселелері жөніндегі мэрінің орынбасары Б. Гюно және «AKFT» қазақ диаспорасының төрағасы Р.Гюнай, құрметті қонақ ретінде шақырылған, дзюдодан жазғы олимпиада ойындарының чемпионы Елдос Сметов ашып, қатысушыларға құттықтау сөздерін арнады. Сонымен қатар, Шымкент қаласы әкімдігінің туризм басқармасының басшысы Б. Әділханов, Ақсуат ауданының әкімі Е.Ескендіров, «Мәдениет пен спортты дамыту» қоғамдық бірлестігінің президенті А.Ислам өз тілектерін білдірді.Мерекелік бағдарлама барысында Шымкент қаласының «Qagan» этно-ансамблі, «Яссы» би тобы өнерін көрсетті. Сондай-ақ, «Мәдениет пен спортты дамыту» қоғамдық бірлестігі ұлттық ойындарды - асық ату, арқан тарту - ұйымдастырды.Іс-шара аясында футболдан өткен халықаралық турнир де үлкен қызығушылық тудырды. Оған қазақстандық дипломаттар, қандастар, Францияда жұмыс істейтін және оқып жатқан отандастар, шетелдіктерден құралған топтар қатысты. Турнирдің нәтижесінде «Париж қазақ спорт» командасы чемпион атанды, «Оңтүстік Қазақстан облысы» командасы күміс медаль жеңіп алса, «Достық» командасы қола медальға ие болды. Жеңімпаздарды дзюдодан Олимпиада чемпионы Е. Сметов марапаттады.Сонымен қатар, қатысушылар «Ұршық» қолөнершілер қоғамы ұйымдастырған шеберлік мастер-класына қатысып, тоқылған ұлттық әшекейлер мен қолөнер бұйымдарының жасалуын тамашалады. Көктемгі кездесу ұлттық киімнің «Bibikarden» әйелдер топтамасының көрсетілімімен аяқталды.Бұл іс-шара Қазақстанның Франциядағы диаспорасы үшін екі ел арасындағы достық пен ынтымақтастықты нығайтуға қосылған үлкен үлес болды.Ақпарат көзі : https://www.gov.kz/memleket/entities/shymkent-turizm/press/news/details/975414?lang=kk

Алматы облысында мемлекеттік тілді қашықтан үйренуге мүмкіндік беретін "TilOquBot" атты инновациялық Telegram-бот іске қосылды. Жаңа цифрлық құрал Президенттің цифрландыру жөніндегі тапсырмасы аясында әзірленіп, бүгінде өңір тұрғындары арасында кеңінен қолданылуда. Алматы облысы Тілдерді дамыту басқармасының мәліметінше, чат-бот құрамында қазақ тілін меңгерудің төрт деңгейін қамтитын 100 сағаттық оқу бағдарламасы мен іс жүргізу курстары бар. Қазіргі уақытта жүйеге 3 146 адам тіркелген, олардың 58 пайызы облыстың шалғай аудандарында тұрады. – Басты мақсатымыз – қазақ тілін үйренуді әр азаматқа, оның тұрғылықты жеріне қарамастан, қолжетімді ету."TilOquBot" өзінің тиімділігін дәлелдеді: енді ең шалғай ауыл тұрғындарының өзі ыңғайлы форматта білім ала алады. Бұл – цифрлық трансформация жағдайында ерекше маңызды, – деді Тілдерді дамыту басқармасының басшысы Данияр Ахметов. Оның айтуынша, чат-бот мемлекеттік тіл саясатын жүзеге асыру жолындағы кешенді жұмыстың бір бөлігіне айналды. Цифрлық жобалармен қатар, облыста тілдер фестиваліне дайындық басталған.Аталған шара аясында түрлі байқаулар, үздік оқытушылар мен белсенділерді марапаттау, сондай-ақ мемлекеттік тілді насихаттауға бағытталған креативті жобаларды қолдау жоспарланып отыр. – Біз әрбір азаматтың қазақ тілін дамыту ісіне үлес қосып жатқанын сезінуіне жағдай жасауға тырысамыз. Бүгінде тіл – тек дәстүр мен мәдениеттің көрінісі ғана емес, сонымен қатар технология, жаңа форматтар мен жастардың әлемі. "TilOquBot" – осы заман талабына сай келетін, құндылықтар мен тілді ұштастыратын тамаша мысал, – деп түйіндеді Ахметов. Басқарма өкілдерінің хабарлауынша, қыркүйек айында Ұйғыр ауданында тіл фестивалінің қорытынды шарасы өтеді. Алты номинация бойынша жеңімпаздар анықталып, оларға 300 мыңнан 1,5 миллион теңгеге дейінгі ақшалай сыйлықтар табысталмақ.  Ақпарат көзі : https://www.gov.kz/memleket/entities/almobl/press/news/details/975369?lang=kk

     «Заң және Тәртіп» идеологиясын іске асыру аясында Ақтөбе облысының прокуратурасы жүргізілген талдау нәтижелері бойынша 300-ден астам азаматтың конституциялық құқықтарының бұзылғанын анықтады.Заңнамаға сәйкес еңбек шарттары қызметкер зейнеткерлік жасқа толғаннан кейін, қызметкерді кемінде бір ай бұрын хабардар ете отырып, бір лауазымдық жалақы мөлшерінде өтемақы төлеумен бұзылады.Облыс аудандарының білім бөлімдері ұжымдық шартта көрсетілген бір лауазымдық жалақы (тарифтік мөлшерлеме) мөлшерінде өтемақы төлемейтіні анықталды.Мысалы, Шалқар ауданының білім бөлімі 116 қызметкерге жалпы сомасы 12 млн теңгеден асатын бір лауазымдық жалақы мөлшерінде өтемақы төлемеген.Осындай бұзушылықтар Хромтау, Мәртөк, Алға, Әйтекеби және Мұғалжар аудандарында да анықталды.Прокурорлық қадағалау актісі бойынша 300-ден астам қызметкердің конституциялық құқықтары қалпына келтірілді, жалпы сомасы 25 млн теңгеден астам өтемақы төленді.Бұзушылыққа жол берген лауазымды тұлғалар қатаң тәртіптік жауапкершілікке тартылды.Азаматтардың конституциялық құқықтарын қорғау жұмысы жалғасуда.#Заң_мен_Тәртіп#ЗАҢменТӘРТІП #ЖауапкершілікАқпарат көзі : https://www.gov.kz/memleket/entities/prokuratura-aktobe/press/news/details/975352?lang=kk

Ұлы Жеңістің 80 жылдығы аясында Целиноград ауданында, қазақтың қаһарман қызы, Кеңес Одағының Батыры Әлия Молдағұлованың 100 жылдығына арналған танымал әнші, актер, режиссер, драматург, ақын, «Үздік драматург» номинациясының иегері Қанат Жүнісовтың «Әлия» драмасымен, тұңғыш халықтық театрының тұсау кесері өтті.Халықтық театрының алғашқы қойылымының кейіпкерлерін сомдаған әуесқой актерлар: мемлекеттік қызметкерлер, аудандық мәдениет үйінің қызметкерлері, 44813 әскери бөлімшесінің қызметкерлері, мектеп оқушылары және жергілікті тұрғындар жоғары деңгейде сахналаса, Әлия рөлін сомдаған Ақмол ауылы мектеп гимназиясының оқушысы Байрақ Гүлжамал көрерменнің ыстық ықыласына бөленді.Әлия Молдағұлованың тартысқа толы қиын кезеңдегі тағдырын, биік, қайталанбас дара тұлға екендігін, майдан даласына аттануын, мергендерді даярлау мектебінен өтуін, жауынгер достарымен, балалар үйіндегі тәрбиешілерімен және командирлерімен қарым-қатынасын қойылым авторы көркемдеп бейнелесе, қоюшы-режиссер Қ.Қуанышбаев атындағы Мемлекеттік Академиялық музыкалық  драма театры режиссерінің көмекшісі,  сонымен қатар Целиноград аудандық мәдениет үйінің үйірме жетекішісі, «Мәдениет саласының үздігі» төсбелгісінің иегері Гүлжан Абдибаева халыққа шебер жеткізіп, көрерменнің жүрегіне жол тапты.Айта кететін болсақ, Ұлы Жеңістің 80 жылдығына мерекелеу аясында, ұрпаққа патриоттық сезімді ояту, туған елге, жерге деген сүйіспеншілікті арттыру, батырларымыздың ерлігін насихаттау мақсатында Ақмола облысында республикалық, облыстық және аудандық деңгейде 600-ге жуық іс-шара жоспарланып, оның 400-ден астамы өткізілді.Бүгінгі өткен «Әлия» спектаклінің премьерасы іс-шара легінің тамаша бөлігіне айналды. Ақпарат көзі : https://www.gov.kz/memleket/entities/aqmola-madeniet/press/news/details/975326?lang=kk

  ТҰРҒЫНДАРМЕН КЕЗДЕСУМұнайлы ауданының әкімі Қанат Құлжанов пен Баянды ауылының әкімі Қадырбек Жексенбаев тұрғындармен кездеседі.🗓️13 сәуір, сағат 15:00📍Баянды ауылы, №3 мектепАқпарат көзі : https://www.gov.kz/memleket/entities/mangystau-munaily-bayandy/press/news/details/1199183?lang=kk

eGov Mobile қосымшасында шетелде алынған жоғары және жоғары оқу орнынан кейінгі білім туралы дипломдарды тану қызметі қолжетімді болды. Қызмет шетелдік жоғары оқу орындарының түлектеріне Қазақстанда жұмысқа орналасу немесе оқуын жалғастыру үшін дипломын ресми түрде растауға мүмкіндік береді.Бұрын дипломды тану рәсімі жеке өтініш беруді және қағаз құжаттарды жинауды талап етсе, енді бүкіл процесс онлайн форматта қолжетімді. Бұл өтінішті қарау мерзімін едәуір қысқартып, қызметті пайдаланушылар үшін ыңғайлы етеді.Қызметті пайдалану үшін:eGov Mobile қосымшасында авторизациядан өту қажет;«Қызметтер» – «Білім» бөлімінде «Жоғары және жоғары оқу орнынан кейінгі білім туралы құжаттарды тану» қызметін таңдау;өтінішті толтырып, қажетті құжаттарды тіркеп және төлем жасау қажет;өтінішті қол қоюдың қолжетімді әдістерінің бірімен растау.Өтініш заңнамада белгіленген мерзімде қаралады. Нәтижесінде, пайдаланушы дипломды тану туралы электрондық құжатты алады немесе заңда көзделген негіздер бойынша дәлелді жауап беріледі.Жаңартылған қызмет ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ және ҚР Ғылым және жоғары білім министрлігімен бірлесіп жүзеге асырылды.Ақпарат көзі : https://www.gov.kz/memleket/entities/aqmola-selinograd/press/news/details/980260?lang=kk

ҚР ҚМ Мемлекеттік кірістер комитеті «Keden» кедендік ақпараттық жүйесін кезең-кезеңімен енгізу шеңберінде «Жолаушы кедендік декларациясы» функционалын іске қосуда..2025 жылдың 21 сәуірі сағат 00:00-ден бастап, мұндай декларацияларды кедендік ресімдеу «Keden» ақпараттық жүйесінде кедендік декларация толтыру арқылы жүзеге асырылады. Ақпарат көзі : https://www.gov.kz/memleket/entities/kgd-akmola/press/news/details/981442?lang=kk

Жеке тұлғаларға Қазақстан Республикасынан 10 000 АҚШ долларынан аспайтын (немесе басқа валютадағы баламасы) әкетуге рұқсат етіледі.Декларацияның немесе растайтын құжаттардың болуына қарамастан, белгіленген лимиттен асатын соманы әкетуге тыйым салынады.Бұзушылық үшін Қазақстан Республикасының заңнамасына сәйкес жауапкершілік көзделген.Ақпарат көзі : https://www.gov.kz/memleket/entities/kgd-mangistau/press/news/details/975944?lang=kk

Адам папилломавирусының алдын алуБүкіл әлемде АPV инфекциясы ең көп таралған инфекция болып табылады. Адам папилломавирусы жатыр мойны обыры, тік ішек обыры және басқа да қатерлі ісіктер сияқты ауыр аурулардың дамуына себеп болады. HPV-нің 200-ден астам түрі бар, онкогендік қаупі жоғары түрлері деп аталатын HPV-нің кем дегенде 14 түрі шырышты қабық арқылы таралады және жатыр мойны обыры мен басқа да қатерлі ісіктерді тудыруы мүмкін. Кез келген түрдегі АPV инфекцияларының көпшілігі симптомсыз. Жатыр мойны обырының 10 жағдайының 7-і 16 немесе 18 типті АPV-ден туындайды. АPV таралу жолдары: 1.байланыс-тұрмыстық-қол алысу, поцелуй, терінің зақымдануы арқылы. Вирус ылғалды ортада тез таралады, сондықтан қоғамдық орындарға - сауналарға, ванналарға, спортзалдарға, бассейндерге, дәретханаларға барған кезде мұқият болу керек.2. жыныстық жол-жыныстық жолмен берілетін вирустардың онкогендік түрлері жыныс мүшелерінде орналасқан сүйелдерді тудырады. 3. тік жол-вирус туу каналы арқылы өту кезінде анадан балаға беріледі. Сүйелдер көбінесе нәрестелерде өмірдің алғашқы жылдарында аузында немесе терісінде пайда болады.4.өзін - өзі жұқтыру жолы-көбінесе қырыну немесе эпиляция кезінде АPV дененің бір аймағынан екіншісіне ауысады.Жатыр мойны обыры-бұл әйелдің жатыр мойнының қатерлі ісігі, бұл аурудың барлық дерлік жағдайлары АPV инфекциясынан туындайды. .  Жыл сайын бүкіл әлемде жатыр мойны обырының 600 мың жағдайы және жатыр мойны обырынан 300 мың өлім тіркеледі. Қазақстанда жыл сайын жатыр мойны обырының 1900-ге жуық жаңа жағдайы тіркеледі немесе жатыр мойны обырының 5 жаңа жағдайы күн сайын диагноз қойылады , жылына 600-ден астам әйел осы патологиядан қайтыс болады. Жатыр мойны обыры 25 пен 44 жас аралығындағы әйелдерде Қазақстандағы әйелдер арасында ең көп таралған екінші қатерлі ісік түрі болып табылады. Бүгінгі таңда АPV лечения жоқ, алдын алудың жалғыз әдісі - вакцинация. Дене вакцинаға иммундық жүйеге АPV инфекциясымен күресуге көмектесетін антиденелер жасау арқылы жауап береді. Вакцина қатерлі ісік тудыруы мүмкін емес, құрамында вирустың жеке ақуыздары бар, олар ағзаға еніп, иммунитетті белсендіреді. Иммундық жүйенің жасушалары адам папилломавирусымен күресуге бағытталған антиденелер шығарады.  Әйелдің құнарлылығына (репродуктивті функциясына), ерте менопаузаның басталуына, АPV вакцинасын алған аналардан туған балаларда аутизмнің пайда болуына олар әсер етпейді. HPV вакцинациясына қарсы адамдар вакциналардың қауіпті, тиімсіз, бедеулікке, жыныстық азғындыққа, вакцинаның құрамында рак клеткалары бар және қатерлі ісік тудыруы мүмкін екендігі туралы теріс ақпарат таратады.негізсіз және миф болып табылады. Фактілер-бұл вакцинаны 2006 жылдан бастап әлемде қолдану, әйелдер арасында АPV таралуының төмендеуі. 2024 жылғы қыркүйектен бастап Қазақстанда Ұлттық егу күнтізбесіне сәйкес 11 жастағы қыздарға вакцинация жүргізіледі, сондай-ақ 12-13 жастағы қыздарға иммундау жүргізіледі. Вакцинацияның негізгі мақсаты-Жатыр мойны обырынан қорғау. Қыздарды вакцинациялау олардың болашақ серіктестерін қорғауды, сондай-ақ табын иммунитетін қамтамасыз етеді. Вакцинация вакцинаның 2 дозасынан тұрады, қарсы көрсетілімдер болмаған кезде дәрігердің қарауынан кейін ата-аналарының немесе қамқоршыларының ақпараттандырылған келісімімен тегін негізде жүргізіледі. Ата-аналар, балаларыңызды осы аурудан қорғаңыз. Басшы     Ярушко Н.А.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/975470?lang=kk