Ақтау гарнизонында Әскери-теңіз күштерінің 29011 әскери бөлімінде Шахмардан Есенов атындағы көпсалалы колледждің жоғары курсында оқитын 50 студентке арналған ашық есік күні ұйымдастырылды.Жастар алдында Қарулы күштер Әскери-теңіз күштерінің бас қолбасшысы 1-ші дәрежелі капитан Қанат Ниязбеков сөз сөйледі. Ол студенттерге Әскери-теңіз күштерінің құрылу тарихы, қалыптасуы және даму кезеңдері, одан өзге елдің теңіз шекарасының қауіпсіздігін қамтамасыз ету жолында әскери теңізшілер атқарып жүрген міндеттер жайында әңгімелеп берді.Қонақтарға әскери бөлім аумағына экскурсия ұйымдастырылды. Студенттер бөлімнің музейін аралап, құраманың тарихымен, әскери нышандарымен және мұрағаттық материалдарымен танысты. Бұдан өзге олар кітапханаға барып, асханада әскери қызметшілердің қалай тамақтанатынын көріп, матростардың күнделікті ас мәзірінен дәм татты.Әскери-теңіз күштерінің ардагері отставкадағы 1-ші дәрежелі капитан Марат Төлебаевпен кездесу жастарға ерекше әсер етті. Ардагер әскери теңізші мамандығы, теңіз дәстүрлері және мұнда тапсырмаларды орындау кезінде болған қызықты оқиғалар туралы айтып берді.Мұндай іс-шаралар әскер мен жастар арасындағы байланысты нығайтып, Отан қорғаушы мамандығына деген құрметті қалыптастыруға ықпал етеді.Ақпарат көзі : https://www.gov.kz/memleket/entities/mod/press/news/details/1227021?lang=ru

Белград, 22 мамыр 2026 жыл – Қазақстанның Елшісі Мәди Атамқұлов Сербияның Сауда-өнеркәсіп палатасы мен Шығыс Еуропа бойынша итальяндық өнеркәсіптің жалпы конфедерациясының ұйымдастырған «CEE – Western Balkans Energy, Infrastructure & Industrial Security Forum 2026» форумына қатысты.Қазақстан Елшісі форум қатысушыларына арнап сөз сөйлеп, оларға Транскаспий халықаралық көлік бағытының әлеуетін таныстырды.Ол аталған маршруттың геосаяси және геоэкономикалық артықшылықтарын, жүк тасымалының өсу динамикасын, сонымен қатар Қазақстан тарапынан оның өткізу қабілетін арттыру жөніндегі жұмыстарды атап өтті.Форумның «Адриатика – Қара теңіз – Орталық Азия» тақырыбындағы панельдік талқылауына KMG International компаниясының сауда және логистика директоры А. Живс те қатысты, ол тыңдаушыларға мұнай нарығын дамыту трендтері мен Қазақстанның Еуропадағы энергетикалық қауіпсіздікті қамтамасыз етудегі рөлі туралы мәлімет берді.Іс-шараны Сербияның премьер-министрі Дж. Мацут ашты, форумға Италия, Сербия, Хорватия, Болгария, Румыния, Мажарстан, Грекия сынды елдерден ірі энергетикалық компаниялар мен еуропалық қаржы институттарының өкілдері қатысты.Ақпарат көзі : https://www.gov.kz/memleket/entities/mfa-belgrad/press/news/details/1227012?lang=ru

Newsletter Kazakhstan - 22.05.2026Ақпарат көзі : https://www.gov.kz/memleket/entities/mfa-brussels/press/news/details/1226880?lang=ru

«Kazakhstan Aselsan Engineering» — кең ауқымды өндіріспен айналысатын бірегей кешен.Оның ішінде байланыс және ақпараттық технологиялар, радиолокациялық жүйелер, электрондық оптика, авиация және қару жүйелері өндіріледі. #Қазақстандажасалған #Индустриялықпарк #Астанаhttps://www.instagram.com/p/DYl04uhN-2y/ Ақпарат көзі : https://www.gov.kz/memleket/entities/astana-uir/press/news/details/1226897?lang=ru

2026 жылғы 22 мамыр, Женева – Қазақстан Республикасының Денсаулық сақтау министрі Ақмарал Әлназарова бастаған қазақстандық делегация Женевада өткен Дүниежүзілік денсаулық сақтау ассамблеясының 79-сессиясына (ДСА-79) қатысты.Пленарлық отырыс барысында Қазақстанның Денсаулық сақтау министрі жалпы пікірталастар аясында сөз сөйлеп, Қазақстанның жаһандық денсаулық сақтау архитектурасын нығайтуға, медициналық-санитариялық алғашқы көмекті (МСАК), цифрлық денсаулық сақтауды және климат өзгерістеріне төзімді денсаулық сақтау жүйелерін дамытуға бейілділігін растады.Маңызды оқиғалардың бірі – ҚР Денсаулық сақтау бірінші вице-министрі Тимур Сұлтанғазиевтің Дүниежүзілік денсаулық сақтау ассамблеясының жаһандық денсаулық сақтау күн тәртібіндегі негізгі мәселелерді қарайтын А комитетінің төрағасы болып сайлануы болды.Ассамблея аясында қазақстандық делегация Дүниежүзілік денсаулық сақтау ұйымының Бас директоры доктор Тедрос Гебрейесуспен кездесті. Тараптар МСАК саласындағы ынтымақтастықты одан әрі нығайту, МСАК бойынша Жаһандық коалицияны ілгерілету, Алматыдағы ДДСҰ-ның МСАК жөніндегі Географиялық қашықтағы офисін дамыту, сондай-ақ Орталық Азиядағы өңірлік бастамаларды талқылады.Сонымен қатар, қазақстандық делегация халықаралық серіктестермен және халықаралық ұйымдардың басшыларымен, оның ішінде ДДСҰ-ның Еуропалық өңірлік бюросының директоры Ханс Клюгемен, Дүниежүзілік зияткерлік меншік ұйымы Бас директорының орынбасары Эдвард Кваквамен, Көші-қон жөніндегі халықаралық ұйымы, ЮНИСЕФ және Вакциналар және иммундау жөніндегі жаһандық альянс өкілдерімен екіжақты кездесулер өткізді. Кездесулер барысында денсаулық сақтау, фармацевтика, медициналық білім беру, цифрландыру және қоғамдық денсаулық сақтау салаларындағы ынтымақтастық мәселелері талқыланды.Сонымен қатар, Қазақстан өкілдері медициналық-санитариялық алғашқы көмекті нығайтуға, денсаулық сақтау қызметтерімен жалпыға бірдей қамтуды қамтамасыз етуге, денсаулық сақтау жүйелерінің тұрақтылығын арттыруға және микробтарға қарсы төзімділікпен күреске арналған бірқатар тақырыптық іс-шараларға қатысты.Іс-шаралар барысында Қазақстанның бастамасы – қазіргі таңда 26 серіктесті біріктіретін МСАК бойынша Жаһандық коалицияны ілгерілетуге ерекше назар аударылды. 21 мамырда Қазақстан Resolve to Save Lives ұйымымен бірлесіп МСАК-ты және денсаулық сақтау жүйелерінің тұрақтылығын нығайту мәселелеріне арналған арнайы іс-шараның тең ұйымдастырушысы болды.Қазақстанның ДСА-ға қатысуы денсаулық сақтау саласындағы ұлттық бастамаларды халықаралық деңгейде ілгерілетуге, ДДСҰ және халықаралық серіктестермен әріптестікті нығайтуға, сондай-ақ МСАК, цифрлық денсаулық сақтау, кадр даярлау және денсаулық сақтау жүйелерінің тұрақтылығы салаларындағы практикалық ынтымақтастықты кеңейтуге ықпал етті. Ақпарат көзі : https://www.gov.kz/memleket/entities/mfa-geneva/press/news/details/1226911?lang=ru

Женева, 22 мамыр 2026 жылы –  Қазақстан Республикасы Денсаулық сақтау бірінші вице-министрі Тимур Сұлтанғазиев пен Қазақстан Республикасының ДСҰ және халықаралық экономикалық ұйымдар жанындағы Тұрақты өкілі Қайрат Төребаев Дүниежүзілік зияткерлік меншік ұйымы (ДЗМҰ) Бас директорының көмекшісі Эдвард Кваква және ұйымның профилдік бөлімшелерінің өкілдерімен екіжақты кездесу өткізді.Кездесу барысында тараптар зияткерлік меншік саласындағы ынтымақтастықтың болашағын талқылады. Атап айтқанда, заңнаманы жетілдіру, мемлекеттік органдардың институционалдық әлеуетін дамыту, сондай-ақ инновацияларды қолдау, дәрілік заттардың қолжетімділігі мен денсаулық сақтау жүйесінің орнықтылығы арасындағы тепе-теңдікті сақтай отырып, зияткерлік меншік құқықтарын қорғау тетіктерін нығайту мәселелері қарастырылды.Қазақстан тарапы денсаулық сақтау саласындағы зияткерлік меншікті реттеуде қолданылатын тәсілдерді баяндады, сондай-ақ нормативтік базаны жетілдіру жөніндегі жүргізіліп жатқан жұмыс туралы ақпарат берді. Жалған тауарлардың айналымына қарсы іс-қимыл мәселесіне, соның ішінде жалған дәрілік заттар мен медициналық бұйымдарға ерекше назар аударылды.Кездесу аясында Қазақстан дәрілік препараттардың цифрлық бақылау жүйесін енгізу тәжірибесімен бөлісті. Бұл жүйе өнімнің өндірушіден тұтынушыға дейінгі бүкіл жеткізу тізбегі бойынша қозғалысын бақылауға мүмкіндік береді. Аталған құрал нарықтың ашықтығын арттыруға және жалған өнімдермен күресуге тиімді жәрдемдеседі.Тараптар сонымен қатар қолданыстағы реттеу тетіктерін бірлесіп талдау, мамандарды кәсіби дайындаудан өткізу бағдарламаларын жүзеге асыру және халықаралық тәжірибемен алмасу мүмкіндіктерін талқылады. ДЗМҰ осы бағыттар бойынша одан әрі ынтымақтасуды және сараптамалық өзара іс-қимылды қолдауға дайын екенін білдірді.Кездесу қорытындысы бойынша тараптар Қазақстан Республикасының Денсаулық сақтау министрлігі мен ДЗМҰ арасындағы ынтымақтастықты нығайтуға, сондай-ақ зияткерлік меншікті тиімді қорғау жүйесін дамытуға және денсаулық сақтау саласының орнықтылығын арттыруға бағытталған бірлескен бастамаларды жетілдіруге өзара мүдделілігін растады.Ақпарат көзі : https://www.gov.kz/memleket/entities/mfa-wto/press/news/details/1226916?lang=ru

Нью-Йорк, 2026 жылғы 20 мамыр - Қазақстан Республикасы Бразилия, Иордания, ҚХР, Франция, Оңтүстік Африкамен, сондай-ақ Халықаралық Қызыл Крест Комитетімен (ХҚКК) бірлесіп, халықаралық гуманитарлық құқыққа (ХГҚ) саяси бейілділікті жандандыру жөніндегі Жаһандық бастаманы ілгерілетуді жалғастыруда.2024 жылғы қыркүйекте алты мемлекет бастамашылық жасаған бұл жоба қарулы қақтығыстардың салдарын жеңілдету, бейбіт тұрғындардың зардап шегуін азайту және азаматтық инфрақұрылымды сақтау мақсатында халықаралық гуманитарлық құқық нормаларын құрметтеу, қорғау, сақтау және адал қолдануды қамтамасыз ету жөніндегі шараларға серпін беруге арналған.Осы бастаманы іске асырудағы маңызды практикалық қадам БҰҰ Қауіпсіздік Кеңесінің бейбіт халықты қорғау жөніндегі жыл сайынғы ашық дебаттарының алдында өткен баспасөзге ресми шығу шарасы болды. Шара барысында алты бастамашы ел бірлескен мәлімдеме жасап, оған тағы 83 мемлекет қосылды (жалпы алғанда құжатты 89 ел мен Еуроодақ делегациясы қолдады).Бірлескен мәлімдемеде бүкіл әлем бойынша шамамен 130 қарулы қақтығыста бейбіт тұрғындар тап болатын қабылданғысыз шынайы жағдайларға байланысты ерекше алаңдаушылық білдірілді. Мемлекеттер соғыс жүргізу ережелерін қатаң сақтауды басты басымдыққа айналдыруға шақырды, БҰҰ-ға мүше барлық елдерді осы маңызды бастамаға (оған қазірдің өзінде 111 мемлекет ресми түрде қосылды) қосылуға, сондай-ақ үстіміздегі жылдың 7 желтоқсанында Иорданияда өтетін соғыс кезіндегі адамгершілік жөніндегі қорытынды конференцияға ең жоғары деңгейде қатысуға үндеді.Кейінірек, Қауіпсіздік Кеңесінің ашық дебаттары барысында Қазақстан Республикасының делегациясы бейбіт халықты қорғау және қақтығыстардың түпкілікті себептерін жүйелі түрде жою жөніндегі бірінші кезектегі шаралар туралы өз пайымын таныстырды. Халықаралық қоғамдастықтың тарапынан Қазақстанның қақтығыс аймақтарынан 750-ден астам әйел мен баланы репатриациялау және оларды сәтті реинтеграциялау бойынша оң ұлттық тәжірибесі ерекше қызығушылық тудырды.Әлемдегі гуманитарлық жағдайдың күрт нашарлауы аясында Қазақстан авторларының бірі болған жоғарыда аталған Жаһандық бастама саяси бағыттары әртүрлі мемлекеттерді біріктіруші факторға айналғанын атап өтеміз.Бастама туралы толығырақ ақпаратпен мына сілтеме арқылы танысуға болады: https://www.icrc.org/en/global-initiative-international-humanitarian-law.Ақпарат көзі : https://www.gov.kz/memleket/entities/mfa-kazakhstanun/press/news/details/1226993?lang=ru

Торонто, 2026 жылғы 22 мамыр – University of Toronto алаңында Қазақстан Республикасының Канададағы Елшілігі ұйымдастырған «Қазақстан–Канада жоғары білім және кадр даярлау мәселелері жөніндегі диалог» тақырыбындағы дөңгелек үстел өтті.Іс-шараға University of Toronto, Ontario Tech University, Toronto Metropolitan University, York University, Queen's University, Humber Polytechnic, George Brown College, Cambrian College, MITACS және өзге де жетекші академиялық әрі зерттеу ұйымдарының өкілдері, сондай-ақ Онтарио провинциясы Үкіметінің және сарапшылық қауымдастықтың өкілдері қатысты.Іс-шараны ашқан Қазақстанның Канададағы Елшісі Д.Құсайынов Қазақстанның Еуразиядағы өңірлік академиялық және зерттеу хабы ретіндегі ұстанымын дәйекті түрде нығайтып келе жатқанын атап өтті. Оның айтуынша, еліміз халықаралық әріптестікті, бірлескен білім беру бағдарламаларын және ғылыми ынтымақтастықты белсенді дамытуда. Елші стратегиялық маңызы бар салаларға, соның ішінде тау-кен өнеркәсібі, энергетика, ауыл шаруашылығы және жасанды интеллект бағыттарына кадр даярлау мәселелеріне ерекше назар аударды.Негізгі баяндамамен Maqsut Narikbayev University қауымдастырылған профессоры, Harvard University шақырылған зерттеушісі Муслим Хасенов сөз сөйледі. Ол Қазақстандағы жоғары білім мен ғылым саласындағы реформаларға шолу жасап, халықаралық академиялық әріптестіктің дамуы мен жоғары білімді интернационалдандырудың жаңа тәсілдері туралы баяндады.Пікірталас барысында University of Toronto халықаралық байланыстар жөніндегі директоры Мишель Битон Қазақстан мен Канада арасындағы академиялық байланыстардың кезең-кезеңімен дамып келе жатқанын атап өтті. Оның айтуынша, бұл үрдіс бірлескен білім беру бастамаларын іске асыруды, ғылыми-зерттеу ынтымақтастығын және қазақстандық жоғары оқу орындарының бағдарламаларына канадалық оқытушылардың қатысуын қамтиды.Ал Ontario Tech University халықаралық білім беру жөніндегі директоры Шоуна Гаррет жоғары технологиялық экономика салалары үшін мамандар даярлау бағытындағы ынтымақтастықтың әлеуетіне тоқталды. Әсіресе, Қазақстанның атом электр станциясын салу жоспарларын ескере отырып, инженерия, цифрлық технологиялар және ядролық энергетика салаларындағы әріптестіктің маңызын ерекше атап өтті.Жалпы, іс-шара Қазақстан мен Канаданың жоғары білім беру және болашақ экономикасы үшін кадр даярлау салаларындағы ынтымақтастықты кеңейтуге өзара мүдделі екенін көрсетті.Ақпарат көзі : https://www.gov.kz/memleket/entities/mfa-ottawa/press/news/details/1226998?lang=ru

Шымкент қаласында сегіз айға созылған «Кітап оқитын ұлт» жобасының жеңімпаздарын марапаттау рәсімі өтті. Ауқымды әдеби байқауға 66 мыңнан астам тұрғын қатысып, жалпы саны 500 мыңнан аса кітап оқылған.Салтанатты жиынға Шымкент қаласының әкімі Ғабит Сыздықбеков қатысып, кітап оқуды өмір салтына айналдырған белсенді тұрғындарды марапаттады. Жоба Мемлекет басшысы Қасым-Жомарт Тоқаев ұсынған «Оқитын ұлт» бастамасын жүзеге асыру аясында ұйымдастырылды.Байқау қоғамдағы «жастар кітап оқымайды» деген пікірдің шындыққа жанаса бермейтінін көрсетті. Жобаға 26 мыңнан астам мектеп оқушысы, 18 мыңнан аса студент, 6 мыңнан астам педагог, 15 мыңнан аса отбасы мүшелері мен жүздеген мемлекеттік қызметкер қатысқан. Қатысушылар кемінде 15 кітаптан оқып, арнайы талқылаулар мен пікір алмасу алаңдарына белсенді түрде атсалысты.Жоба аясында «Кітап оқитын мектеп», «Кітап оқитын колледж», «Кітап оқитын университет», «Кітап оқитын педагог», «Кітап оқитын әулет» және «Кітап оқитын мемлекеттік қызметші» номинациялары бойынша үздіктер анықталды. Әсіресе, отбасылық оқу мәдениетін насихаттайтын бағыт көпшіліктің ерекше қызығушылығын тудырған.Ұйымдастырушылардың айтуынша, кітап оқу тұтас әулеттің мәдениетіне айналған жағдайда ғана оның қоғамға әсері айқын байқалады. Жоба тек жарыс форматында өтпей, рухани әрі зияткерлік орта қалыптастыру алаңына айналған.Жеңімпаздардың қатарында мемлекеттік қызметкерлер, педагогтар, оқушылар мен студенттер бар. Атап айтқанда, Мемлекеттік қазынашылық департаменті басшысының орынбасары Зәмзәгүл Әбсәдірова, Бауыржановтар әулеті, педагогтар Аяжан Байтемір, Иса Шаншар және Гүлнафис Кемерова үздіктер қатарынан көрінді.Студенттер мен мектеп оқушылары арасында да ерекше белсенділік байқалды. Олардың қатарында Азамат Қанадылаев, Мирас Мұталов және бірқатар мектеп оқушыларының командалары бар. Үздік қатысушыларға 1 миллион теңгеге дейін ақшалай сертификаттар табысталды.Белгілі әдебиеттанушы, жазушы Құлбек Ергөбек байқаудың қоғам үшін маңызын атап өтті.– Кеңес кезеңінде кітап оқудан әлемде алдыңғы қатарда болдық. Кейін тұрмыс мәселесі алға шықты. Бүгінгі байқау халықтың әдебиетке деген ықыласы әлі де сақталғанын көрсетіп отыр, – деді ол.Байқау қорытындысы бойынша бірінші орын иегерлеріне 1 миллион теңге, екінші орынға 600 мың теңге, ал үшінші орын иелеріне 400 мың теңге көлемінде сертификаттар табысталды. Мемлекеттік қызметшілер арасындағы үздіктерге 100 мыңнан 300 мың теңгеге дейінгі сыйақылар берілді.Ұйымдастырушылардың мәліметінше, Шымкентте басталған жоба алдағы уақытта да жалғасын табады. Негізгі мақсат – кітап оқуды күнделікті мәдени дағдыға айналдырып, ойлы әрі білімді ұрпақ қалыптастыру.

Мемлекеттік қызмет істері агенттігінің бастамасымен облыс тұрғындары мен бизнес-қоғамдастық өкілдері үшін ұйымдастырылған «Көрсетілетін қызметті алушылар күні» өтті. Іс-шарада Мемлекеттік кірістер департаменті, сондай-ақ кәсіпкерлік және сауда, ауыл шаруашылығы басқармалары өздерінің консультациялық алаңдарын ашты.Іс-шара барысында азаматтар мен кәсіпкерлер Департамент мамандарына тікелей жүгініп, өздерін қызықтырған барлық сұрақтар бойынша сол жерде білікті көмек пен түсініктемелер ала алды.Бейіндік алаңның жұмысын Мемлекеттік кірістер департаменті басшысының орынбасары Марат Бейсенов үйлестірді. Акцияға қатысушылармен тілдесе отырып, ол былай деп атап өтті:«Бүгінгі іс-шара аясында біз қарапайым тұрғын болсын немесе бизнес өкілі болсын, жүгінген әрбір адамға нақты, атаулы көмек көрсетуге тырыстық. Мамандар салық міндеттемелерін орындау тәртібі мен салықтарды есептеудің ерекшеліктерін егжей-тегжейлі түсіндірді. Салық декларацияларын дұрыс ресімдеу мәселелеріне және берешектерді өтеудің ыңғайлы тетіктеріне ерекше назар аударылды. Біздің басты мақсатымыз – салық органдарымен өзара іс-қимылды барлық адамдар үшін барынша қарапайым әрі түсінікті ету».Өткізілген іс-шара қазіргі жағдайда мемлекеттік қызметтерді алудың қолжетімділігі мен ыңғайлылығын айқын көрсетті.Айта кету керек, түрлі салалар бойынша осындай акциялар халықтың құқықтық, қаржылық және салықтық сауаттылығын арттыруға бағытталған «Көрсетілетін қызметті алушылар күні» республикалық жоспары аясында тоқсан сайын өткізілетін болады.Павлодар облысы бойынша МКД түсіндіру жұмысыжәне Байланыс-орталығы басқармасы  Ақпарат көзі : https://www.gov.kz/memleket/entities/kgd-pavlodar/press/news/details/1226857?lang=ru

21 мамырда Ақмола облысы бойынша Мемлекеттік кірістер департаментінің қызметкерлері AMANAT партиясының Республикалық Әйелдер қанатының жоспары аясында, инклюзия бағытында «Мүмкіндігі шектеулі балаларды (ЕОА) кәсіби бағдарлау және жұмысқа орналастыру: қиындықтар, қолдау шаралары мен мүмкіндіктер» тақырыбында  АШЫҚ ДИАЛОГ алаңына қатысты.Шара барысында Мемлекеттік кірістер департаментінің басқарма басшысы Шынар Мусина мүгедектер мен мүмкіндігі шектеулі адамдарға мемлекет тарапынан көрсетілетін салық жеңілдіктерін түсіндірді. Ақпарат көзі : https://www.gov.kz/memleket/entities/kgd-akmola/press/news/details/1226866?lang=ru

Қазақстан Республикасы ІІМ Ұлттық ұланының "Орталық" өңірлік қолбасшылығына қарасты 6637 әскери бөлімінің әскери қызметшілері тыл еңбеккері Виктор Лахтинді 93 жылдығымен құттықтады.Іс-шара барысында әскери қызметшілер ардагердің үйіне барып, шын жүректен тілектерін арнап, естелік сыйлықтар табыс етті. Кездесу барысында Виктор Прохорович өзінің өмір жолы мен еңбек жылдары туралы естеліктерімен бөлісіп, жас ұрпаққа батасын берді.Әскери бөлім өкілдерінің айтуынша, ардагерлерге құрмет көрсету жастарды патриоттық тәрбиелеудің және ұрпақтар сабақтастығын нығайтудың маңызды бөлігі болып табылады. Тыл еңбеккерлерінің жанқиярлық еңбегі және олардың ел дамуына қосқан үлесі әрқашан жоғары бағаланады және ұмытылмайды.Өз кезегінде Виктор Прохорович ұландықтарға көрсеткен ықыласы мен қамқорлығы үшін алғыс білдіріп, оларға зор денсаулық, отбасыларына амандық және қызметте табыс тіледі. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1226838?lang=ru

Шымкентте жылу желілерін цифрландыру және жасанды интеллект технологиялары талқыланды2026 жылғы 21 мамырда Шымкент қаласында ҚР Энергетика министрлігі мен Шымкент қаласы әкімдігінің қолдауымен «Жылу желілерін цифрландыру: диагностика және жасанды интеллект» тақырыбында семинар-кеңес өтті. Іс-шара барысында жылумен жабдықтау саласына цифрлық технологиялар мен жасанды интеллектіні енгізу, жылу желілерін құбырішілік диагностикалау, цифрлық мониторинг және инфрақұрылымды предиктивті басқару мәселелері талқыланды. Семинарды ҚР Энергетика вице-министрі Ілияс Бақытжан ашып, энергетика саласындағы цифрлық трансформация жұмыстары мен жасанды интеллект технологияларын енгізудің маңызын атап өтті. Семинар аясында жылу желілерін жер қазу жұмыстарынсыз тексеруге мүмкіндік беретін заманауи роботтандырылған диагностика технологиялары таныстырылды. Сонымен қатар, цифрлық егіздер, онлайн бақылау жүйелері және киберқауіпсіздік бағытындағы жаңа шешімдер бойынша тәжірибе алмасу өтті. Шымкент қаласында жүзеге асырылған пилоттық жоба нәтижесінде жылу желілерін диагностикалауда жасанды интеллект технологияларын қолданудың тиімділігі дәлелденіп, экономикалық әсері 76,2%-ды құрады. Семинарға мемлекеттік органдардың, табиғи монополия субъектілерінің, халықаралық және ғылыми ұйымдардың өкілдері, сондай-ақ Қазақстан, Ресей және Өзбекстан елдерінің сарапшылары қатысты.  Ақпарат көзі : https://www.gov.kz/memleket/entities/shymkent-energetika-kommunal/press/news/details/1226843?lang=ru

ҚҚС бойынша декларацияны алдын ала толтыру мемлекеттік кірістер органдарының ақпараттық жүйелеріндегі (оның ішінде электрондық шот-фактуралардың ақпараттық жүйесі, салық төлеушілердің жеке шоттары және тауарларға арналған декларациялар) өзекті мәліметтер негізінде автоматты түрде жүзеге асырылады.«Т-1» жұмыс қағидаты (Деректерді жаңарту) Сервистің бір күн кешігумен жұмыс істейтініне назар аударамыз. Егер электрондық шот-фактура бүгін жазып берілсе немесе ҚҚС-ты есепке жатқызу туралы хабарлама бүгін жіберілсе, бұл мәліметтер жүйеде ертең ғана көрсетіледі.«Расталды» мәртебесінің маңыздылығы Есептеулер кезінде сервис ҚҚС-ты есепке жатқызу туралы «Расталды» мәртебесін алған хабарламаларды ғана пайдаланады. Осыған байланысты барлық хабарламаларды мұқият және дұрыс толтыруды қатаң ұсынамыз.Артықшылықтар және жауапкершілік аймағы Сервисті пайдалану салық төлеушілерге СЕН (салық есептілігі нысанын) толтыру кезінде өздерін тексеруге көмектеседі және камералдық бақылау қорытындылары бойынша хабарламалар алу қаупін айтарлықтай төмендетеді.Дегенмен мынаны есте ұстаған жөн: жүйе салық төлеушілердің өздері ұсынатын деректерге сүйенеді. Егер алдағы уақытта бұл мәліметтерді салық төлеуші өзгертсе немесе нақтыласа, бұл камералдық бақылау нәтижелеріне тікелей әсер етіп, жаңа хабарламалардың жіберілуіне әкеп соғуы мүмкін. Ақпарат көзі : https://www.gov.kz/memleket/entities/kgd-pavlodar/press/news/details/1226852?lang=ru

Әзербайжан Республикасының Баку қаласында өткен Дүниежүзілік урбан форумның 13-сессиясына Сыр өңірінің делегациясы қатысты. Аталған халықаралық алаң БҰҰ-Хабитат ұйымының қолдауымен ұйымдастырылып, урбанизация, қала құрылысы, климат тұрақтылығы және заманауи инфрақұрылым мәселелерін талқылауға арналды.Форумға әлемнің 100-ден астам елінен 20 мыңнан аса делегат жиналды. Олардың қатарында мемлекет және үкімет басшылары, халықаралық ұйымдар өкілдері, сарапшылар мен урбанистика саласының мамандары бар.Қазақстан делегациясы құрамына Қызылорда облысының өкілдері де енген. Олар өңірдің тұрақты дамуы, қала инфрақұрылымын жаңғырту және экологиялық бастамалар бағытында тәжірибе алмасты.Форумда ҚР Премьер-министрі Олжас Бектенов Мемлекет басшысы Қасым-Жомарт Тоқаев айқындаған урбанистикалық даму саясатының негізгі басымдықтарына тоқталды. Атап айтқанда, азаматтарға қолайлы әрі қауіпсіз орта қалыптастыру, цифрландыру мен жасанды интеллект технологияларын енгізу, су қауіпсіздігі және климат тұрақтылығы мәселелері кеңінен талқыланды.Сонымен қатар Urban Expo көрмесі өтуде, онда қатысушылар назарына Қазақстанның ұлттық павильоны ұсынылды. Экспозиция қоғамдық кеңістіктерді жаңарту, инфрақұрылымдық шешімдер және жаңа қала құрылысы жобалары арқылы елдің тұрақты, жайлы әрі экологиялық таза қалаларды дамытуға заманауи көзқарасын көрсетеді. Green ID жобасына ерекше назар аударылды, бұл – көгалдандыруға, климат тұрақтылығы мен қалалық ортаның сапасын арттыруға бағытталған бастама.Айта кету керек, өткен жылы Қызылорда қаласында тұңғыш Ұлттық урбан форум ұйымдастырылып, мемлекеттік органдар, халықаралық ұйымдар, сарапшылар мен бизнес өкілдері бас қосты. Іс-шара өңірдегі тұрақты қалалық даму, заманауи инфрақұрылым қалыптастыру және урбанистика бағытындағы өзекті мәселелерді талқылауға мүмкіндік берді.Ақпарат көзі : https://www.gov.kz/memleket/entities/kyzylorda/press/news/details/1226575?lang=ru

2026 жылғы 19-21 мамыр аралығында Шығыс Қазақстан облысында білім беру ұйымдары педагогтерінің аутистік спектр бұзылыстары бар балаларға көрсететін арнайы педагогикалық қолдау тәжірибесін зерттеу жұмыстары жүргізілді. Зерттеуге Өскемен қаласының №15 және №26 орта мектептерінің, Ұлан ауданының Р. Марсеков атындағы орта мектебі пен Глубокий ауданының Белоусовка негізгі мектебінің, сондай-ақ Өскемен қаласы және Ұлан ауданының психологиялық-педагогикалық түзету кабинеттерінің педагогтері қатысты.Зерттеу жұмыстарын Ы. Алтынсарин атындағы Ұлттық білім академиясының ғылыми қызметкерлері: Кеңес Барысгүл Ерланқызы, Торебекова Аяулым Қуанышевна жүргізді.Ақпарат көзі : https://www.gov.kz/memleket/entities/vko-bilim/press/news/details/1226599?lang=ru

"KazAID" Қазақстандық халықаралық даму агенттігі" КЕАҚ Корпоративтік хатшысы лауазымына орналасуға конкурс жариялайды - 1 бірлік.«KazAID» КЕАҚ корпоративтік хатшысы лауазымына қойылатын біліктілік талаптары:1) Заңгер мамандығы бойынша жоғары білім дипломы болуы;2) Кемінде 5 (бес) жыл жұмыс тәжірибесі болуы тиіс, артықшылық/басымдық ретінде корпоративтік құқық, корпоративтік қаржы немесе корпоративтік басқару саласындағы тәжірибе;3) Корпоративтік хатшысы ретінде кемінде 3 (үш) жыл тәжірибесі болуы тиіс; 4) Қазақстан Республикасының заңнамасын білу;5) Корпоративтік қатынастарда тараптар арасындағы келіссөздер жүргізу және дауларды шешу қабілеті;6) Ұйымдастырушылық және аналитикалық дағдыларға ие болу;7) Ресми тілде және ағылшын тілінде еркін сөйлеу, егер Директорлар кеңесінің құрамында ресми тілді және/немесе орыс тілін білмейтін мүшелер болған жағдайда.Үміткерлерден түйіндемені қабылдаудың соңғы мерзімі-2026 жылғы 1 тамыз.Түйіндемені электрондық мекенжайға жіберіңізoffice@kazaid.kzАқпарат көзі : https://www.gov.kz/memleket/entities/kazaid/press/news/details/1257144?lang=ru

2026 жылғы мүгедектігі бар қызметкерлерге салық салу тәртібіҚазақстанда мүгедектігі бар адамдар әлеуметтік қорғауға және бірқатар салықтық жеңілдіктерге құқылы. Жұмыс берушілер жалақы мен салықтарды есептеу кезінде осы ерекшеліктерді ескеруі қажет.Қандай жеңілдіктер қарастырылған?ЖТС (жеке табыс салығы)Мүгедектігі бар қызметкерлерге қосымша салықтық шегерімдер беріледі:I және II топ – жылына 5 000 АЕКIII топ – жылына 882 АЕКСонымен қатар 30 АЕК мөлшеріндегі базалық шегерім қолданылады.МӘМСМүгедектігі бар қызметкерлер үшін МӘА және МӘМС жарналары төленбейді. Оларды мемлекет төлейді.МЗЖМіндетті зейнетақы жарналарын төлеуден тек мерзімсіз мүгедектігі бар I және II топтағы адамдар босатылады.Жалпы тәртіппен төленетін төлемдер:Әлеуметтік аударымдарӘлеуметтік салықМЗЖ — III топ және мерзімді мүгедектік кезіндеҚандай құжаттар қажет?Жеңілдіктерді қолдану үшін жұмыс берушіге:өтінішмүгедектікті растайтын анықтама ұсыну қажетАнықтаманы Egov.kz порталы арқылы онлайн алуға болады.Маңызды: егер қызметкер бірнеше жұмыс орнында еңбек етсе, салықтық шегерім тек бір жұмыс орнында ғана қолданылады.#КГД #Салық #ЖТС #МӘМС #Қазақстан #СалықтықЖеңілдік #ДГДАқпарат көзі : https://www.gov.kz/memleket/entities/kgd-kostanay/press/news/details/1226664?lang=ru

                    Дүниежүзілік үкіметтік емес ұйымдар күнін мерекелеу құрметіне, сондай-ақ азаматтық қоғам институттарымен өзара іс-қимылды нығайту және үкіметтік емес ұйымдармен ынтымақтастық деңгейін арттыру мақсатында Абай облысы бойынша ҚАЖ департаментінде "Ақ-ниет"қоғамдық қорының өкілдерімен дөңгелек үстел ұйымдастырылды.        Кездесу барысында қатысушылар одан әрі өзара іс-қимыл, бірлескен әлеуметтік жобаларды іске асыру және өңірдегі азаматтық қоғамды дамытуға бағытталған бастамаларды қолдау мәселелерін талқылады.         ҚАЖ облыс бойынша департаментінің бастығы Абай Ғалымжан Балтабаев қор өкілдеріне сындарлы диалог пен жемісті ынтымақтастықты дамытуға қосқан үлесі үшін естелік сыйлықтар мен алғыс хаттар табыс етті.         -Абай облысы бойынша қылмыстық-атқару жүйесі департаментімен ынтымақтасу біз үшін үлкен мәртебе. Жолға қойылған өзара іс-қимыл бізге сотталғандар мен олардың отбасыларын қолдауға, психологиялық және консультациялық көмек көрсетуге, сондай-ақ олардың табысты қайта әлеуметтенуіне және босатылғаннан кейінгі өмірге бейімделуіне жәрдемдесуге бағытталған әлеуметтік маңызы бар бастамалар мен жобаларды бірлесіп іске асыруға мүмкіндік береді. Біз бұл жұмыстың нақты нәтижелерін көріп отырмыз және мемлекеттік құрылымдар мен азаматтық қоғам институттарының күш-жігерін біріктіру гуманизм қағидаттарын нығайтуға, қоғам тарапынан сенімді арттыруға және өңірде әлеуметтік қолдаудың тұрақты жүйесін қалыптастыруға ықпал ететініне сенімдіміз,-деп атап өтті "Ақ-ниет" қоғамдық қорының басшысы Елдос Байжұмаев.          -Үкіметтік емес ұйымдармен өзара іс - қимыл ведомство қызметінің маңызды бөлігі болып табылады және Абай облысының қылмыстық-атқару жүйесі жұмысының ашықтығы мен тиімділігін арттыруға ықпал етеді, - деп атап өтті департамент бастығы Ғалымжан Балтабаев.Ақпарат көзі : https://www.gov.kz/memleket/entities/duisabai/press/news/details/1226695?lang=ru

         Семейде ұрлық жасағаны үшін сотталған 33 жастағы ер адам бас бостандығынан айыруға ауыстырылды. Мұның себебі пробациялық бақылау шарттарының бірнеше рет бұзылуы болды.          Бұған дейін сот оған бір жыл алты айға бас бостандығын шектеу жазасын тағайындаған болатын. Үкім заңды күшіне енгеннен кейін ол Семей Орталық ауданының пробация қызметіне тағайындалды.          Сотталушыға оның құқықтары мен міндеттері түсіндірілді, сондай-ақ сот белгілеген шектеулерді бұзғаны үшін жауапкершілік туралы ескертілді.            Осыған қарамастан, ер адам тыйым салынған уақытта тұрғылықты жерінде бірнеше рет болмаған. Жіберілген бұзушылықтарға байланысты оған электронды бақылау құралы қолданылды. Пробация қызметінің мәліметінше, мониторинг барысында сотталған адамның қаланың түнгі клубтарының бірінде бірнеше рет болғаны тіркелген. Ол өзі мекемеге достарының шақыруымен — туған күндер мен басқа да іс-шараларға қатысқанын түсіндірді.            Нәтижесінде сот жазаның өтелмеген бөлігін — бір жыл үш айды — бас бостандығынан айыруға ауыстыру туралы шешім қабылдады. Семей қаласының Орталық ауданының пробация қызметінің бастығы Ержан Есполатовтың айтуынша, бостандықты шектеу сотталушының қоғамда қалуына және отбасынан оқшауланбауына мүмкіндік береді.            - Бостандықты шектеу-бұл жағдайды бас бостандығынан айыру орындарына жібермей түзету мүмкіндігі. Алайда, белгіленген міндеттер жүйелі түрде бұзылған жағдайда сот жазаны қатаңдатуға құқылы. Бақылау тұрақты негізде, оның ішінде электронды бақылау құралдарын қолдану арқылы жүзеге асырылады, - деп атап өтті ол.          Ер адамның өзі салдардың ауырлығын түсінбегенін мойындайды:           - Бір жыл бұрын менің өмірім бұзылды-мен он жылға жуық бірге тұрған жұбайыммен ажырастым, бізде екі кішкентай бала бар. Басында бәрі жаңадан басталатын сияқты болды, алда жаңа мүмкіндіктер, жаңа тәжірибелер бар. Мен ұмытып, достарымның ортасында, клубтарда, мерекелерде жұбаныш іздеуге тырыстым. Сот маған бостандықты шектеуді тағайындағанда, мен бәрін басқара аламын деп ойладым — көңіл көтеруді жалғастыру және әлі де заң шеңберінде қалу. Мен қазір қаншалықты қателескенімді түсінемін. Менің клубқа жасаған әрбір сапарым бостандықты жоғалтуға қадам болды, Мен өзіме түзетуге мүмкіндік бердім. Ең қиыны-мен балаларымды қайтадан сәтсіздікке ұшыратқанымды, олардың жанында болу, олардың өсіп келе жатқанын көру, қолдау көрсету мүмкіндігінен айырылғанымды түсіну. Маған кішкентай еркелік сияқты көрінгеннің бәрі қымбат баға болды — жақындарымның еркіндігі мен сенімінің бағасы. Егер мен оның салдарын түсінсем, мен басқа жолды таңдар едім. Енді өз іс-әрекеттері үшін жауапкершілікті қабылдау және жақсы адам болу мүмкіндігіне үміттену ғана қалады, - деп бөлісті сотталған.           Пробация қызметі еске салады: сот белгілеген талаптарды сақтау-қоғамнан оқшауланбай жазаны өтеудің міндетті шарты. Режимді бұзу нақты бас бостандығынан айыруға әкелуі мүмкін.Ақпарат көзі : https://www.gov.kz/memleket/entities/duisabai/press/news/details/1226718?lang=ru