«Заң мен тәртіп» идеологиясын іске асыру аясында Байқоңыр қаласы №277 мектеп-лицейінде аудан әкімінің тапсырмасымен кеңейтілген мәжіліс өтті.Іс-шараға аудан әкімінің орынбасары Диас Молдабаев, қала прокурорының міндетін атқарушы Арман Жаппасбаев, Байқоңыр қалалық сотының судьясы Бибигуль Абубакирова, Қазақстан Республикасы және Ресей Федерациясының құқық қорғау органдарының өкілдері, білім беру ұйымдарының басшылары, жергілікті атқарушы орган қызметкерлері, ата-аналар комитетінің мүшелері мен сала мамандары қатысты.Мәжілістің негізгі тақырыбы – кәмелетке толмағандар арасындағы құқық бұзушылықтардың алдын алу, ата-аналардың жауапкершілігін арттыру және балалардың қауіпсіз жазғы демалысын ұйымдастыру мәселелері болды.Осы орайда білім бөлімінің басшысы Берік Жәнібеков білім беру ұйымдарындағы құқық бұзушылықтың алдын алу, бала қауіпсіздігін қамтамасыз ету, оқушылар арасындағы әлімжеттік пен топтық төбелестің алдын алу, түнгі рейдтік жұмыстардың ұйымдастырылуы, ата-анамен бірлескен профилактикалық жұмыстар және құқықтық тәрбие бағытында атқарылып жатқан іс-шаралар туралы баяндама жасады.Жиын барысында жасөспірімдер арасындағы құқық бұзушылықтардың себептері мен оған әсер ететін факторлар талқыланып, профилактикалық жұмыстарды күшейту қажеттігі атап өтілді. Сонымен қатар, балалардың бос уақытын тиімді ұйымдастыру, интернет қауіпсіздігі, түнгі уақытта заңсыз жүрудің алдын алу, сондай-ақ жаз мезгілінде су айдындары мен ойын-сауық орындарындағы қауіпсіздік шараларын сақтау мәселелеріне ерекше назар аударылды.Кездесу қорытындысымен уәкілетті органдарға нақты тапсырмалар беріліп, құқық бұзушылықтардың алдын алу бағытындағы өзара іс-қимылды күшейту жөнінде ұсыныстар айтылды.Ақпарат көзі : https://www.gov.kz/memleket/entities/kyzylorda-karmakshy/press/news/details/1227215?lang=ru

«Тазалық – табалдырықтан басталады» дейді дана халқымыз. Мемлекет басшысының бастамасымен жүзеге асып жатқан «Таза Қазақстан» экологиялық акциясы аясында бүгін аудан көлемінде кең ауқымды сенбілік ұйымдастырылды.Іс-шараға аудан тұрғындары, бөлім, мекеме қызметкерлері, ардагерлер мен жастар белсенді қатысып, туған жердің тазалығына өз үлестерін қосты. Ауа-райының қолайсыздығына қарамастан, сенбілікке қатысушылар елді мекен аумақтарын тазалап, көгалдандыру жұмыстарын жүргізді.Мазмұнды экологиялық акция барысында аудан әкімі Жандос Еркінбек сөз сөйлеп:«Тазалық әр адамнан, әр үйден, әр көше мен ауладан басталуы керек. Біздің жеріміз бен елімізді сырттан келіп ешкім көркейтпейді, тазартпайды.Осы орайда барша жерлестерімді тазалық жұмыстарына ұйытқы, жақсы істерге дәнекер болуға шақырамын. Сондай-ақ бүгінгі тазалық шарасына қатысып, белсенділік танытып отырған барша тұрғындарға шынайы ризашылығымды білдіремін. Тазалық – біз үшін басты құндылық. Келешекте де осындай игі бастамалар өз жалғасын табады деп сенемін. Еліміз аман, ауданымыз гүлдене берсін»,- деді.Сондай-ақ аудан басшысы тазалық жұмыстарына белсенді қатысып жүрген бірқатар аудан тұрғындарына «Алғыс хатын» табыстады.Ауқымда шарада аудандық ардагерлер кеңесінің төрағасы Асқар Мереков сөз алып, акция қатысушыларына ізгі тілегін жеткізді.Ауданның көркеюіне бағытталған игі бастама аясында Жандос Еркінбек және барша тұрғындар тал егу шарасына қатысып, көгалдандыру жұмыстарына өз үлестерін қосты.Ақпарат көзі : https://www.gov.kz/memleket/entities/kyzylorda-karmakshy/press/news/details/1227222?lang=ru

Қазақстан Республикасы Ішкі істер министрлігінің Ұлттық ұланында көктемгі әскерге шақыру науқаны басталды. 2026 жылғы 22 мамыр мен 30 маусым аралығында құқықтық тәртіп әскерінің қатарына шамамен 7 мың адамды шақыру жоспарланып отыр.Бұл туралы ҚР ІІМ Ұлттық ұланы Бас қолбасшысының бірінші орынбасары — Бас штаб бастығы генерал-лейтенант Қайрат Ақтановтың төрағалығымен өткен көктемгі әскерге шақыру науқанын ұйымдастыру және өткізу мәселелері жөніндегі ведомствоаралық кеңесте мәлім болды.Қазіргі уақытта Ұлттық ұланның шақыру және жасақтау бөлімінің офицерлері 17 облыс пен республикалық маңызы бар 3 қалада жұмыс жүргізуде.Жас сарбаздардың басым бөлігі қоғамдық тәртіпті сақтау, бұқаралық іс-шаралардың қауіпсіздігін қамтамасыз ету, сондай-ақ маңызды мемлекеттік нысандар мен қылмыстық-атқару жүйесі мекемелерін күзету міндеттерін атқаратын әскери бөлімдерге жіберіледі.Бүгінде Ұлттық ұлан әскери қызметшілері полиция қызметкерлерімен бірлесіп, еліміздің 21 қаласында қоғамдық тәртіпті қамтамасыз етуде. Күн сайын құқықтық тәртіпті сақтау қызметіне 7 мыңнан астам ұландық сарбаз жұмылдырылады, тағы шамамен 2 мың әскери қызметші маңызды мемлекеттік нысандар мен ҚАЖ мекемелерін күзетуде қызмет атқарады.2026 жылдың басынан бері құқықтық тәртіп әскері әскери қызметшілері мыңдаған құқықбұзушылықтың жолын кесіп, есірткі заттарын заңсыз сақтау фактілерін анықтады, заңсыз айналымнан суық және атыс қаруының шамамен 30 бірлігі тәркіленді. Сонымен қатар, ұландықтардың қырағылығы мен жедел әрекеттерінің арқасында адасып кеткен балалар мен жоғалған ұялы телефондар азаматтарға қайтарылды.Ішкі қауіпсіздік пен тұрақтылықты қамтамасыз етуде Астана, Алматы және Түркістан қалаларындағы мерзімді қызмет әскери қызметшілеріне ерекше рөл жүктелген. Күн сайын бөлімшелердің жеке құрамы қоғамдық тәртіпті күзетуге, мемлекеттік, қоғамдық-саяси және мәдени-бұқаралық іс-шаралар кезінде қауіпсіздікті қамтамасыз етуге тартылады.ҚР ІІМ Ұлттық ұланындағы қызмет жас қазақстандықтар үшін батылдықтың, тәртіптің және жауапкершіліктің маңызды мектебі болып қала береді. Олар ел азаматтарының қауіпсіздігі мен тыныштығын қамтамасыз етуге өз үлесін қосуда. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1227228?lang=ru

Самар ауданындағы Көкжота ауылында Жамбыл Жабаев атындағы мектептің 95 жылдық мерейтойы салтанатты түрде аталып өтті. Білім ордасының тарихы 1931 жылдан бастау алады. Сол жылы ауылда алғашқы бір қабатты бастауыш мектеп ғимараты бой көтерген. Кейін оның орнына үлкен екі қабатты мектеп салынып, Самар ауданының бірнеше буын жастарына білім мен тәрбие берген маңызды орталыққа айналды.Мерейтойға орай ұстаздар мен түлектерді, ауыл тұрғындарын Самар ауданының әкімі Серік Жеңісов құттықтады. Өзінің құттықтау сөзінде ол мектептің 95 жылдық тарихында ауданның мерейін өсірген көптеген танымал тұлғаларды тәрбиелеп шығарғанын атап өтті. Олардың қатарында профессорлар, педагогтер, спортшылар мен кәсіпкерлер бар. Бүгінде олар Самар ауданын республика көлемінде танытып жүр.Мерекелік шара барысында туған мектепке деген ыстық лебіздерін әр жылдардағы түлектер, ауыл қонақтары мен Самар ауданының тұрғындары білдірді.Айтулы күннің ерекше оқиғаларының бірі — Самар ауданының тумасы, еңбек сіңірген ұстаз Күлпаш Райысованың есімі берілген әдебиет кабинетінің ашылуы болды.Сонымен қатар бұрынғы түлектер мен 2026 жылғы мектеп бітірушілері мектеп аумағына Түлектер аллеясын отырғызды. Бұл аллея ұрпақтар сабақтастығы мен туған мектепке деген құрметтің символына айналмақ.Ақпарат көзі : https://www.gov.kz/memleket/entities/vko-samar/press/news/details/1227175?lang=ru

Әл-Кувейт, 2026 жылғы 24 мамыр – Қазақстан Республикасының Кувейт Мемлекетіндегі Елшісі Ержан Елекеев Кувейт Мемлекетінің Тікелей инвестицияларды тарту жөніндегі агенттігінің (Kuwait Direct Investment Promotion Authority – KDIPA) Бас директоры шейх Мишааль Джабер Әл-Ахмад Ас-Сабахпен кездесу өткізді.Кездесу барысында тараптар Қазақстан мен Кувейт арасындағы инвестициялық ынтымақтастықты одан әрі нығайту перспективаларын жан-жақты талқылап, азық-түлік қауіпсіздігі мен агроөнеркәсіптік саладағы өзара іс-қимылды дамыту мәселелеріне ерекше назар аударды.Қазақстан Елшісі Кувейт тарапын Қазақстанның өңірдегі ірі аграрлық өндірушілердің бірі ретіндегі әлеуеті, сондай-ақ ауыл шаруашылығы өнімдерін өндіру саласындағы бірлескен инвестициялық жобаларды іске асыру мүмкіндіктері туралы хабардар етті.Осы тұрғыда Кувейт тарапы Кувейт бизнесінің Қазақстандағы өндірістік кәсіпорындарды сатып алу және дамыту жобаларына қатысу мүмкіндіктеріне, кейіннен өнімдерді Кувейтке жеткізу және оларды өңдеу бағыттарына қызығушылық танытты. Сонымен қатар, Кувейтті Парсы шығанағы мен Таяу Шығыс елдерінің нарықтарына өнім жеткізуге арналған өңірлік хаб ретінде пайдалану мүмкіндігі атап өтілді.Бұдан бөлек, тараптар KDIPA мен Қазақстанның бейінді инвестициялық құрылымдары арасындағы ынтымақтастықты дамыту, тәжірибе алмасу, бірлескен бастамаларды ілгерілету және екіжақты инвестициялық жобаларды жүзеге асыруға жәрдемдесу мәселелерін талқылады.Кездесу барысында Қазақстан Елшісі кувейттік инвесторлардың инфрақұрылымдық жобаларға қатысу мүмкіндіктерін таныстырып, халықаралық инвесторлардың елеулі қызығушылығын тудырып отырған әрі Орталық Азиядағы ең перспективалы инвестициялық және технологиялық жобалардың бірі саналатын «Alatau City» жаңа қаласы жобасының іске асырылуы басталғанын ерекше атап өтті.Өз кезегінде, Мишааль Джабер Әл-Ахмад Ас-Сабах Кувейт тарапының Қазақстанмен инвестициялық және іскерлік ынтымақтастықты одан әрі кеңейтуге мүдделі екенін растады.Kuwait Direct Investment Promotion Authority (KDIPA) – 2013 жылы тікелей шетелдік инвестицияларды тарту және сүйемелдеу, Кувейттің инвестициялық мүмкіндіктерін ілгерілету және қолайлы бизнес-ортаны дамыту мақсатында құрылған мамандандырылған мемлекеттік орган.Ақпарат көзі : https://www.gov.kz/memleket/entities/mfa-kuveyt/press/news/details/1227135?lang=ru

 Қазақстандықтардың жинақталған инвестициялық кірісі2026 жылдың алғашқы үш айында 307 миллиард теңгеден асты.Қазақстандықтардың инвестициялық кірісі Қазақстан Ұлттық Банкінің (ҚҰБ) зейнетақы активтерін басқаруы және жеке инвестициялық портфельді басқарушылар (ЖИБ) арқылы қалыптасады.ҚҰБ-ның міндетті зейнетақы жарналары (МЗЖ), міндетті кәсіби зейнетақы жарналары (МЗЖ) және ерікті зейнетақы жарналары (ЕЗЖ) арқылы зейнетақы активтерін басқарудағы инвестициялық қызметінің нәтижесінде 2026 жылдың алғашқы үш айында жинақталған инвестициялық кіріс 271,4 миллиард теңгені құрады, ал 34,1 миллиард теңге жұмыс берушінің міндетті зейнетақы жарналарынан (МЗЖ) түсті.Өз кезегінде, ЖИБ инвестициялық қызметінің нәтижелері бойынша 2026 жылғы жинақталған инвестициялық кіріс 2026 жылдың 1 сәуіріндегі жағдай бойынша 1,56 миллиард теңгені құрады.Еске сала кетейік, сенімгерлер теңгерімді инвестициялық саясатты жүзеге асырады, валюталар, елдер, секторлар және эмитенттер бойынша әртүрлі қаржы құралдарына инвестиция салады. Инвестициялық табыс әртүрлі көздерден қалыптасады: бағалы қағаздар бойынша пайыздық табыс (депозиттер және басқа да мәмілелер), қаржы құралдарының нарықтық және валюталық қайта бағалауы, сыртқы басқарудағы активтер және т.б. Осылайша, инвестициялық табыстың мөлшері бірқатар факторларға байланысты: портфельдегі құралдардың нарықтық құнының динамикасы, валюта бағамының ауытқуы, инфляция, дивиденд төлемдері және басқа да жағдайлар. Табыс әртүрлі кезеңдер бойынша өсуі де, төмендеуі де мүмкін, бұл салымшылардың зейнетақы жинақтарының жалпы сомасына әсер етеді. ҚРҰБ басқаратын зейнетақы активтері бойынша инвестициялық табыстың осы жылдың басынан бері төмендеуінің негізгі себебі - теңгенің АҚШ долларына қатысты нығаюына байланысты шетел валютасындағы активтердің теріс айырбас бағамының қайта бағалауы - бір АҚШ доллары үшін 505,53 теңгеден 478,77 теңгеге дейін.Қаржы нарығының құбылмалылығына қарамастан, орта және ұзақ мерзімді перспективада оң инвестициялық табыс және зейнетақы жинақтарынан нақты кірістілік қамтамасыз етілуде. 1998 жылы жинақтаушы зейнетақы жүйесі құрылғаннан бері жинақталған инвестициялық кіріс 2026 жылдың 1 сәуіріндегі жағдай бойынша 1184,74% құрады, ал бүкіл кезеңдегі инфляция 970,03% болды.2026 жылдың 1 сәуіріндегі жағдай бойынша ҚРҰБ тапқан таза инвестициялық кіріс 2014 жылдың 1 сәуірінен бастап (зейнетақы активтерін ENPF-ке біріктіргеннен кейін) 10,54 триллион теңгені құрады. Төлемдерді ескере отырып, оның салымшылардың (алушылардың) жалпы зейнетақы жинақтарындағы үлесі 40,7% құрайды, бұл азаматтардың жинақтарының құрылымындағы инвестициялық қызметтің маңызды рөлін көрсетеді.Зейнетақы активтерінің жеке қысқа мерзімдердегі кірістілігі оларды басқару тиімділігінің көрсеткіші емес екенін атап өту маңызды, себебі қысқа мерзімде жинақталған қаржы құралдарынан және басқа да операциялардан түскен кіріс сол кезеңдегі бағалы қағаздар құнының және валюта бағамдарының ауытқуларын әрқашан қамтымайды. Сондықтан, ұзақ мерзімді инвестициялық кірісті объективті талдауды ұзақ мерзімді перспективада жүргізу ұсынылады.Естеріңізге сала кетейік, салымшылар өздерінің зейнетақы активтерінің бір бөлігін (міндетті зейнетақы жарналарынан алынған зейнетақы жинақтарының 50%-ға дейін және ерікті зейнетақы жарналарынан алынған зейнетақы жинақтарының 100%-ға дейін) реттеуші талаптарға сай келетін жеке инвестициялық портфельді басқарушыға (ЖИБ) аударуға құқылы.Зейнетақы активтерін сақтауға және олардың ұзақ мерзімді оң кірістілігін қамтамасыз етуге бағытталған Қазақстан Республикасы Ұлттық Банкінің консервативті басқаруымен салыстырғанда, ENPF инвестициялық декларациялары және реттеушінің талаптары ENPF үшін зейнетақы активтерінің кірістілігін арттыру үшін кеңірек инвестициялық мүмкіндіктерді көздейді (дегенмен, ENPF-тегі тәуекелдер де жоғары).Зейнетақы активтерінің инвестициялық басқару және есепке алу жүйесі толығымен ашық: әрбір инвестор өзінің инвестициялық кірісін enpf.kz веб-сайтындағы жеке шотында немесе мобильді қосымшада көре алады.ENPF зейнетақы активтерін инвестициялық басқару және ENPF зейнетақы активтері инвестицияланған қаржы құралдары туралы ақпарат ENPF ресми веб-сайтында (www.enpf.kz) «Статистика және аналитика/зейнетақы активтерін инвестициялық басқару» бөлімінде, сондай-ақ invest.enpf.kz порталында жарияланған.nvest.enpf.kzАқпарат көзі : https://www.gov.kz/memleket/entities/social-abay/press/news/details/1227129?lang=ru

Мекке, 2026 жылғы 23 мамыр – Қазақстан Республикасының Сауд Арабиясы Корольдігіндегі Елшісі, Қазақстан Республикасының Ислам ынтымақтастығы ұйымы жанындағы Тұрақты өкілі Мадияр Меңілбеков қазақстандық қажыларды қажылық сапары барысында алып жүретін туроператорлар басшыларымен өткен кездесуге қатысты.Кездесуге Наиб мүфти Кенжетай Байкемелұлы бастаған Қазақстанның қажылық миссиясының өкілдері, Корольдіктің Қажылық және ұмра министрлігінің өкілдері, сондай-ақ 14 қазақстандық турфирманың басшылары қатысты.Өз сөзінде Елші биыл шамамен 4 мың қазақстандық азаматтардың қажылық өтеу үшін Сауд Арабиясына келгенін және барлық ұйымдастыру шаралары жоғары деңгейде әрі тыныш жағдайда өтіп жатқанын атап өтті. Сонымен қатар, Қазақстан Елшісі қазіргі қажылық маусымының Таяу Шығыстағы күрделі әрі тұрақсыз жағдай аясында өтіп жатқанын, осыған байланысты қауіпсіздік, үйлестіру және өзара қолдау мәселелерінің ерекше маңызға ие екенін жеткізді. Қалыптасқан сын-қатерлерге қарамастан, барлық мүдделі тараптардың бірлескен күш-жігерінің арқасында қажылықты қауіпсіз әрі толыққанды орындауға қажетті жағдайлар жасалғаны атап өтілді.Өз кезегінде, қажылық миссиясының төрағасы Кенжетай Байкемелұлы Қазақстанның Сауд Арабиясындағы Елшілігі мен Жидда қаласындағы Бас консулдығына қажылықты ұйымдастыруға көрсеткен жан-жақты қолдауы мен қазақстандық қажыларға көрсетілген көмегі үшін алғыс білдірді.Отырыс барысында қазақстандық қажылардың қажылықты орындауға дайындығы, туроператорлар тарапынан көрсетілетін қызмет сапасын арттыру, сондай-ақ қажылықты ұйымдастыру мен сүйемелдеуге қатысты өзге де өзекті мәселелер жан-жақты талқыланды.Атап айтқанда, қажылардың қауіпсіздігін қамтамасыз ету, барлық тартылған тараптардың қызметін үйлестіру және ұйымдастырушылық тетіктерді жетілдіру мәселелеріне ерекше назар аударылды. Қатысушылар үйлесімді әрі жауапты өзара іс-қимылдың маңыздылығын атап өтіп, қажылық маусымындағы жұмыстың тиімділігін арттыруға бағытталған ұсыныстарымен алмасты.Ақпарат көзі : https://www.gov.kz/memleket/entities/mfa-riyadh/press/news/details/1227130?lang=ru

Шымкентте қала әкімі Ғабит Сыздықбековтің төрағалығымен Құқық бұзушылықтардың алдын алу жөніндегі ведомствоаралық комиссия мен Нашақорлыққа қарсы іс-қимыл штабының бірлескен отырысы өтті.Жиынға құқық қорғау және арнайы органдардың, прокуратураның өкілдері, аудан әкімдері мен басқарма басшылары қатысты. Онлайн форматта ҚР ІІМ Профилактикалық жұмысты үйлестіру комитетінің төрағасы Арман Саданов пен ведомство өкілдері қосылды.Күн тәртібінде қоғамдық қауіпсіздікті қамтамасыз ету, интернет-алаяқтықтың алдын алу, жасөспірімдер арасындағы құқық бұзушылықтардың профилактикасы, сондай-ақ білім беру ұйымдарында есірткінің таралуына жол бермеу мәселелері қаралды.Шымкент қаласы полиция департаментінің бастығы Мұхтар Қожаев қаладағы криминогендік ахуал тұрақты екенін атап өтіп, интернет-алаяқтық, ойын-сауық орындарындағы құқық бұзушылықтар және кәмелетке толмағандардың қауіпсіздігі мәселелері ерекше бақылауда екенін айтты.Өз кезегінде Арман Саданов профилактикалық жұмысты жетілдіру бағытындағы ұсыныстарын айтып, құқық бұзушылықтардың алдын алу шараларын күшейтудің маңыздылығына тоқталды.Жиын қорытындысы бойынша жауапты мекемелерге профилактикалық жұмысты күшейту, қоғамдық орындардағы бейнебақылау жүйесін дамыту және халықтың құқықтық сауаттылығын арттыру бағытында нақты тапсырмалар берілді.

Жыл сайын мамыр айының төртінші жексенбісінде Қазақстан Қарулы күштерінің мәдениет және өнер қызметкерлері кәсіби мерекесін атап өтеді. Қазақстан әскерінің шығармашылық мамандық өкілдерінің басын бір арнаға қосатын басты мәдени мекеме – Қарулы күштердің Ұлттық әскери-патриоттық орталығы. Бұл әскери-патриоттық тәрбиені дамытуда, таланттарды қолдауда және елдің тарихи мұрасын сақтауда маңызды рөл атқаратын орта. Әскердің тарихи шежіресін, бабалардың жауынгерлік жолын, Отан қорғаушылардың ерліктерін, көрнекті тұлғаларды ұлықтау және әскери дәстүрлерді нығайту миссиясын бұл орталық құрамындағы үш мекеме атқарады.Атап айтсақ, Астанадағы Әскери-тарихи музей, Алматыдағы Даңқ музейі және биыл Отан қорғаушылар күні қарсаңында Ақмола облысының Родина ауылында ашылған музей кешені. Қарулы күштер музейлерінде 50 мыңнан астам жәдігер сақталған. Олардың арасында бірегей тарихи құндылықтар да бар. Жыл сайын бұл музейлерге ондаған мың адам, соның ішінде жақын және алыс шетелден қонақтар да келеді. Орталық қызметінің маңызды бағыттарының бірі – өскелең ұрпақты әскери-патриоттық рухта тәрбиелеу.Бүгінде 280 мыңнан астам бала мен жасөспірім «Жас сарбаз» республикалық балалар-жасөспірімдер қозғалысының құрамында. Оның тәрбиеленушілері әскери-патриоттық клубтарда, «Жас сарбаз» сыныптарында және Smart Sarbaz үйірмелерінде алғашқы әскери дайындық дағдыларын үйреніп жүр. Жасөспірімдер өз жетістіктері мен алған машықтарын жылда өтетін халықаралық деңгейдегі «Айбын» әскери-патриоттық жастар жиынында көрсетеді.Қарулы күштердің Ұлттық әскери-патриоттық орталығы әскери қызметшілердің, басқа да әскерлер мен әскери құрылымдар қызметкерлерінің балаларының шығармашылық қабілеттерін дамытуға белсенді қолдау көрсетеді.Балалар шығармашылық студияларында вокал, домбыра және би өнерін үйренеді. Олар республикалық және халықаралық деңгейдегі іс-шараларға белсенді қатысып, жоғары нәтижелер мен жүлделі орындарды олжалап жүр.Одан бөлек Қорғаныс және Оқу-ағарту министрліктерінің келісімі негізінде жыл сайын әскери қызметшілердің 4 мыңға жуық баласы «Балдәурен» республикалық оқу-сауықтыру орталығында және оның басқа да филиалдарында демалады.Лагерьде болған кезде жасөспірімдерге арнап әскери бөлімдерге экскурсиялар ұйымдастырылады, онда балалар әскери қызметтің жағдайымен, заманауи әскери техника үлгілерімен және армия тынысымен танысады.Аталмыш орталық құрамына сондай-ақ, Орталық ансамбль мен Орталық әскери оркестр де кіреді. Шығармашылық ұжымдардың әскери-музыкалық фестивальдер мен байқауларға қатысуда мол тәжірибесі бар. Жалпы гарнизондарда жиырмадан астам әскери оркестр жұмыс істейді. Олар қоғамдық орындарда өнер көрсетіп, мемлекеттік деңгейдегі салтанатты іс-шараларға қатысады.Ұлы Отан соғысы ардагерлерінің үйлеріне барып, қарияларға сазды әуенмен тамаша көңіл-күй тарту етеді. Төртінші жыл қатарынан Ұлттық әскери-патриоттық орталығы жанынан өнерпаз мерзімді қызмет сарбаздарынан құралған шығармашылық взвод жұмыс істейді. Қызметін аяқтағаннан кейін жастар жоғары оқу орындарында жеңілдікпен білім алуға немесе Қарулы күштердің шығармашылық ұжымдарына келісімшарт негізінде әскери қызмет етуге мүмкіндік алады.Тарихты, өнерді және Отанға қызмет етуді бір арнаға біріктірген Қарулы күштердің мәдениет пен өнер қызметкерлерінің қызметі – жауынгерлік дәстүрлер сабақтастығы мен әскердің рухани келбетінің жарқын көрінісі.Ақпарат көзі : https://www.gov.kz/memleket/entities/mod/press/news/details/1227121?lang=ru

Салтанатты іс-шаралар Тараз, Гвардейск, Жаркент, Абай, Ақтау, Атырау, Бейнеу және Ақтөбе гарнизондарындағы «Оңтүстік», «Шығыс» және «Батыс» өңірлік қолбасшылықтарының 19 әскери бөлімінде өтті.Осы айтулы күні жас сарбаздарды қолдауға қолбасшылық өкілдері, Қарулы күштердің ардагерлері, жауынгерлердің жақындары келді.Сарбаздар жас жауынгер курсы барысында әскер тәртібіне бейімделіп, жалпы әскери жарғыларды оқып, қару-жарақпен жұмыс істеу негіздерін меңгерді және жауынгерлік дайындықтың бастапқы дағдыларын үйренді.Астанада мерзімді қызметтегі әскери қызметшілердің салтанатты әскери ант қабылдау рәсімі «Отан Ана» монументінің жанында өтті. Мұнда 68665 әскери бөлімінің 137 сарбазы Отанға адал болуға ант берді.Салтанатты рәсім басталғанға дейін басшылық, қадірлі қонақтар мен әскери қызметшілер ескерткішке гүл шоқтарын қойып, ел үшін қаза тапқан батырларға құрмет көрсетті.Арнайы операциялар күштері қолбасшысының тәрбие және идеологиялық жұмыс жөніндегі орынбасары полковник Саят Бурбасов сарбаздарды осындай маңызды күнмен құттықтады.– Әскери ант – Отанға адал болуға және ел тәуелсіздігін қорғауға дайын болу үшін берілетін серт. Осы күннен бастап ар-намысқа тәртіпке және өзара қолдауға негізделген үлкен жауынгерлік бауырластықтың бір бөлшегісіңдер. Сендер Отан қорғаушы атағын абыроймен алып жүретіндеріңе сенімдімін, – деп атап өтті ол.Салтанатты рәсімге елорда тұрғындары мен қонақтары да куә болды. Жиналғандар мемлекеттің тәуелсіздігі мен қауіпсіздігін қорғаудың абыройлы міндетін атқарушыларға деген мақтаныш пен құрметті сезініп, салтанатты шараны қызығушылықпен тамашалады.– Мен үшін ант беру – өмірімдегі жаңа кезеңнің басталуы. Осы күнге мұқият дайындалдық, қазір ел мен жердің алдында жауапкершілікті сезініп отырмыз. Осы сәттен бастап әскери қызметті барынша абыроймен атқаруға, жарғыны қатаң сақтауға және антқа адал болуға дайынмын, – деді сарбаз Азат Шалабайұлы.Қоян-қолтық ұрыс пен саптық дайындық элементтерін көрсету кезінде жауынгерлік рух пен саптық машықты көрсеткен әскери қызметшілердің қойылымдары келушілерді таң қалдырды.– Бүгін немеремнің ант бергенін көріп, бір қуанып қалдым. Әрбір отбасы үшін балаларының өз елінің ер азаматы, нағыз қорғаушысы болғанын көру ерекше әрі әсерлі сәт, – деді Алматыдан келген әскери қызметшілердің бірінің әжесі Роза Әмреева.Салтанатты іс-шараның қызған шағында қатысушылар мен көрермендерге жарқын әсер қалдырған дрондар шоуы болды.Қарулы күштерде көктемгі әскерге шақырылған төрт мыңнан астам сарбаз Отанына адал болуға ант бергенін айта кеткен жөн.Ақпарат көзі : https://www.gov.kz/memleket/entities/mod/press/news/details/1227118?lang=ru

Масқат, 2026 жылғы 18–19 мамыр — Қазақстан Республикасы Президенті Әкімшілігінің Басшысы Роман Скляр Оман Сұлтандығына сапар жасап, Оманның Премьер-министрінің экономикалық мәселелер жөніндегі орынбасары, ханзада Сайид Тейязин бен Хайсам Әл Саидпен кездесті.Кездесу барысында Роман Скляр Қазақстан Республикасының Президенті Қасым-Жомарт Тоқаевтың Оман Сұлтаны Мәртебелі Хайсам бен Тарикке жолдаған хатын табыстады. Хатта екі ел арасындағы екіжақты ынтымақтастықты одан әрі нығайту және инвестициялық серіктестікті кеңейту мәселелері қамтылған.Тараптар экономикалық, инвестициялық және сауда салаларындағы ынтымақтастықты дамыту перспективаларын талқылап, әріптестікті әртараптандыруға және жаңа бірлескен бастамаларды іске қосуға өзара қызығушылықтарын растады.Ақпарат көзі : https://www.gov.kz/memleket/entities/mfa-muscat/press/news/details/1227104?lang=ru

2025 жылдың қорытындысы бойынша Шымкент қаласының жалпы өңірлік өнімі 5,7 трлн теңгені құрап, өсім 11%-ға жетті. Бұл республика бойынша орташа көрсеткіштен (6,5%) едәуір жоғары. Нәтижесінде мегаполис өңірлер арасында Астана қаласынан кейін 2-ші орында.Бұл – соңғы жеті жылдағы ең жоғары өсім қарқыны. Экономикалық өсімге өнеркәсіп өндірісінің артуы, жаңа кәсіпорындардың іске қосылуы, өңдеу өнеркәсібіндегі жобалардың жүзеге асырылуы және инвестиция тарту жұмысының күшеюі оң серпін берді.Сонымен қатар құрылыс саласындағы жоғары қарқын, тұрғын үй көлемінің ұлғаюы, инфрақұрылымдық жобалардың жүзеге асырылуы және сауда айналымының кеңеюі өңір экономикасының кешенді дамуына ықпал етті.Қазір жалпы өңірлік өнім құрылымында өнеркәсіп саласының үлесі 20%, ал сауда саласының үлесі 25,5%-ды құрап отыр.Соңғы үш жылда өңір экономикасы қарқынды дамып, жалпы өңірлік өнім көлемі 2022 жылғы 3,3 трлн теңгеден 2025 жылы 5,7 трлн теңгеге дейін өсіп, шамамен екі есеге ұлғайды.Сондай-ақ шағын және орта кәсіпкерліктің жалпы өңірлік өнімдегі үлесі 40,5%-дан 56%-ға дейін артты.Шымкент қаласы әкімінің баспасөз қызметі

Іс-шара елорда да, жыл сайынғы «Ulttyq ónim – 2026» Қазақстандық өндірушілердің IX көрмесі аясында ұйымдастырылды.Ашық диалог форматында өткен жиынға 100-ден астам қатысушы жиналды. Олардың қатарында отандық кәсіпорын басшылары, орталық мемлекеттік органдардың өкілдері, «Атамекен» ұлттық кәсіпкерлер палатасы мен салалық сарапшылар болды. Көшпелі отырыстың басты мақсаты — жаңа Салық кодексін іс жүзінде жүзеге асыру жолдарын талқылау, салық жүйесін жаңғырту мәселелерін қарастыру және отандық өндірушілерді қолдаудың тиімді тетіктерін бірлесе айқындау.Панельдік сессияны салық консультанты Дмитрий Казанцев жүргізді. Кездесу барысында кәсіпкерлер көкейіндегі сауалдарын ашық қойып, мемлекеттік органдардың басшылары мен салалық мамандарынан бірден жауап алу мүмкіндігі берілді. Олардың қатарында Ұлттық экономика, Қаржы, Сауда және интеграция, Ауыл шаруашылығы, Өнеркәсіп және құрылыс, Еңбек және халықты әлеуметтік қорғау министрліктері, Мемлекеттік кірістер комитеті мен «Атамекен» ұлттық кәсіпкерлер палатасының өкілдері болды.Жиынды аша отырып, Қазақстан Республикасының ұлттық экономика бірінші вице-министрі Азамат Әмрин көшпелі отырысты көрме алаңында өткізу — еліміздің түкпір-түкпірінен жиналған 600-ден астам кәсіпкерді қамтып, бизнес қауымдастығымен барынша кең байланыс орнатуға, нақты сектордың ортақ пікірін естуге және кәсіпкерлердің сұраныстарына жедел әрекет етуге мүмкіндік беретінін атап өтті. 200-нысан және жалдамалы жұмыскердің әлеуметтік қорғалуыТалқылаудағы өзекті мәселелердің бірі — жеңілдетілген режимдегі есептілік, атап айтқанда 200-нысан болды. Ұлттық экономика және Еңбек және халықты әлеуметтік қорғау министрліктерінің өкілдері бұл нысанды сақтау неге маңызды екенін түсіндірді. Бұл есептілік қызметкер үшін төленетін негізгі аударымдарды біріктіреді: әлеуметтік және медициналық сақтандыру жарналары, зейнетақы аударымдары, жеке табыс салығы және әлеуметтік салық. Осы төлемдердің тұрақты әрі уақтылы жүргізілуі Мемлекеттік әлеуметтік сақтандыру қорынан төленетін жәрдемақылардың мөлшеріне тікелей әсер етеді. Атап айтқанда, жүктілік пен босану бойынша, бала күтімі кезінде, асыраушысынан айырылғанда, еңбекке қабілеттілігін жоғалтқанда және жұмыссыз қалған жағдайда берілетін төлемдер осы аударымдарға байланысты қалыптасады. Азамат Әмрин келтірген деректерге сәйкес, былтыр еліміздегі орташа жалақы 435 мың теңгені құраған. Ал кәсіпкерлердің 54%-ы жалдамалы қызметкерлері үшін ең төменгі жалақы ретінде 85 мың теңге көрсетеді.«Кәсіпкерлер жалақыны ең төменгі мөлшерде көрсетіп, «конвертпен» төлеген жағдайда, қызметкерлердің әлеуметтік қорғалуы қамтамасыз етілмейді. Сондықтан бұл міндетті мемлекет атқаруға мәжбүр, себебі бұл оның негізгі функцияларының бірі. Елімізде 1 млн 300 мың жеке кәсіпкер және 9 млн жалдамалы қызметкер бар. Біз қабылдайтын шешімдер кешенді түрде жасалады, тек бизнес мүддесін емес, қарапайым азаматтардың да жағдайын ескереміз. Егер жалақы 300 мың теңге болса, барлық қорға аударымдар дәл осы сомадан жүргізілуі тиіс. Бұл мемлекетке төленетін ақша емес – бұл адамның өзіне аударылатын қаражат. Яғни ол емханаға барып, медициналық қызмет ала алады. Ал егер сіз оны ертең жұмыстан босатсаңыз, ол алты ай бойы 50–60 мың емес, шамамен 120 мың теңге көлемінде жәрдемақы алып, отбасын асырауға мүмкіндік алады», — деп түйіндеді Азамат Әмрин.Өзін-өзі жұмыспен қамтығандар: режим еңбек қатынастарын алмастырмауы тиісТалқылаудағы маңызды тақырыптардың бірі — өзін-өзі жұмыспен қамтығандарға арналған арнайы салық режимін дұрыс қолдану мәселесі болды. Салық кеңесшісі Дмитрий Казанцев қазақстандық кәсіпкерлерге ашық ескерту жасады: салықты оңтайландыру мақсатында қызметкерлерді өзін-өзі жұмыспен қамтығандар қатарына ауыстыру тәжірибесі, түптеп келгенде, әрі бизнеске, әрі осы режимнің өзіне кері әсер етуі мүмкін. «Кейбір кәсіпкерлер қызметкерлерін жұмыстан шығарып, оларды өзін-өзі жұмыспен қамтыған ретінде рәсімдегенде, мемлекет те, Мемлекеттік кірістер комитеті де бұл адамдардың бұрынғыдай таңғы 9-дан кешкі 6-ға дейін жұмыс істеп, ай сайын тұрақты табыс алып жүргенін көрмей қалады деп ойлайды. Тек енді ол ресми түрде өзін-өзі жұмыспен қамтыған ретінде тіркеледі. Біз кейде бизнесте шектен шығып кетіп, соның салдарынан осы санатқа берілген мүмкіндіктердің өзі қысқарып қалуына себеп болуымыз мүмкін. Мәселен, B2B форматындағы жұмысты шектеу немесе табыс шегін төмендету сияқты өзгерістер енгізілуі ықтимал», — деді Д.Казанцев.Кәсіпкерлер тарапынан айтылған бұл алаңдаушылықты Қазақстан Республикасы ұлттық экономика бірінші вице-министрі Азамат Әмрин де растады. Ол уәкілетті органдар бұл режимнің қолданылуын жүйелі түрде бақылап отырғанын атап өтті және егер мұндай бұзушылықтар кең көлемде қайталанса, мемлекет өзін-өзі жұмыспен қамтығандарға рұқсат етілген қызмет түрлерінің тізімін қайта қарауға дайын екенін жеткізді.«Егер мұндай заңбұзушылықтар жаппай сипат алса, біз бұл қызмет түрлерін тізімнен алып тастаймыз. Бұл норманы енгізген кезде-ақ біз оның мұндай қаупі бар екенін айтқанбыз. Бұл — екіжақты жол: жұмыс істеңіздер, тіркеліңіздер, барлық салық өз пайдаңызға төленеді. Бірақ егер бұл режим салықтан жалтару құралына айналса, біз тиісті шаралар қабылдаймыз», — деді Азамат Әмрин.Қазақстан Республикасы Қаржы министрлігі Мемлекеттік кірістер комитетінің мәліметінше, бүгінде өзін-өзі жұмыспен қамтығандарға арналған арнайы салық режимін 521 мың адам пайдаланады. Олардың ішінде шамамен 125 мың адам ай сайын тұрақты түрде түбіртек рәсімдеп отырады. Салықтық әкімшілендірудің біріктірілген жүйесі және «Таза парақ» Талқылаудың жеке бөлігі Салықтық әкімшілендірудің ақпараттық жүйесі — СӘБЖ және бірыңғай салық төлеуші кабинеті жұмысына арналды. Қазақстан Республикасы қаржы вице-министрі Әсет Тұрысовтың айтуынша, бұл жүйе бұрын бөлек жұмыс істеген жеті түрлі жүйенің орнын басып, өткен жылы-ақ толыққанды іске қосылған.Жылдың алғашқы тоқсанында ескі және жаңа кабинетті қатар пайдалану бизнес қауымдастықтар мен «Атамекен» ҰКП-ның өтініші бойынша сақталған. Бұл кәсіпкерлерге жаңа Салық кодексі аясындағы есептілікті бұрынғыға үйреншікті форматта тапсыруға мүмкіндік беру үшін жасалды. Вице-министрдің айтуынша, дәл осы өтпелі кезең деректердің сәйкес келмеуіне және пайдаланушылардан келіп түскен өтініштердің көбеюіне негізгі себеп болған.«Ескі салық төлеуші кабинеті (КНП) тарих қойнауында қалуы тиіс. Біз оны бағалаймыз, бірақ жаңа технологиялар тек жаңа кабинетте ғана дамиды. Ескі жүйеден бас тарту әрі бізге, әрі бизнеске жеңілдік әкеледі. Бірінші тоқсанда екі жүйені қатар ұстау — бизнеске жасалған қолдау. Алайда бұл қосымша қауіптерде туындатады. Бірінші тоқсан қорытындысы бойынша СӘБЖ барлық есептілік нысандарын қабылдады», — деді Әсет Тұрысов.Сондай-ақ вице-министр Қаржы министрлігінде салық мәселелері мен ақпараттық жүйелер бойынша кеңес беретін бірыңғай колл-орталық іске қосылатынын, ал хабарламаларды орталықтандыру мәселесі бизнес қауымдастықтармен бірлескен жедел штабта қаралып жатқанын жеткізді.Салықтық әкімшілендіру тақырыбын жалғастыра отырып, қатысушылар микро және шағын бизнестің салық берешегін реттеуге бағытталған «Таза парақ» бағдарламасының қорытындыларын да талқылады. Мемлекеттік кірістер комитетінің деректеріне сәйкес, бұл бағдарламаны 19 мыңға жуық микро және шағын бизнес субъектісі пайдаланған. Нәтижесінде 13 млрд теңге көлеміндегі негізгі берешек өтеліп, 9,3 млрд теңге айыппұл мен өсімпұл есептен шығарылған. Оның ішінде 4,4 млрд теңге өсімпұлға, ал 4,9 млрд теңге айыппұлға тиесілі. Ауқымды түсіну үшін айта кетсек, 2026 жылғы 1 қаңтардағы жағдай бойынша Қазақстанда салық берешегі бар 157 мыңнан астам тұлға тіркелген, олардың жалпы қарызы 1,1 трлн теңгені құраған. Соның ішінде 101 мыңнан астамы — микро және шағын бизнес субъектілері, олардың жиынтық берешегі 801 млрд теңге болған. Бизнес-модель өзгеруі тиіс Бизнес қауымдастық атынан сөз сөйлеген «Атамекен» ҰКП ШОБ дамыту комитетінің төрайымы, «LANZHOU COMPANY» ЖШС-нің бас директоры Гүлбану Майғарина салықтық әкімшілендірудегі өзгерістермен қатар, кәсіпкерлерге өздерінің бизнес-моделін де қайта қарау маңызды екенін атап өтті. Оның айтуынша, бұрын дүкен ашу немесе өнімді сөреге қоюдың өзі тұрақты табысқа жеткізетін уақыт артта қалды.«Бүгінде ең алдымен бізге қаржылық білім жетіспейді. Біздің сауалнама нәтижесіне сәйкес, микро және шағын бизнес өкілдерінің 68 пайызы маркетингсіз жұмыс істейді. Қазіргі таңда тұтынушыны тарту тәсілдері түбегейлі өзгерді. Егер кәсіпкер заманауи құралдарды қолданбаса, цифрлық ортада жұмыс істеуді білмесе, клиентінің қайдан келетінін түсінбесе, мұны бизнес басқару деп айту қиын. Бүгін бизнесті тек нақты деректерге сүйене отырып басқару қажет. Барлық шешімдер деректер негізінде қабылдануы тиіс. Осы кезеңде нағыз мықтылар — өз бизнесін шынайы басқаратындар, ал оны тек көрініс үшін жүргізіп жүргендер емес», — деп атап өтті Гүлбану Майғарина.Сөз соңында ол мемлекеттік органдар мен «Атамекен» ұлттық кәсіпкерлер палатасына ашық диалог алаңын ұсынғаны үшін алғыс білдіріп, жаңа салықтық өзгерістерге бейімделу бағытындағы бірлескен жұмыстың маңыздылығын ерекше атады. Көшпелі отырыс қорытындысы бойынша кәсіпкерлерден түскен барлық ұсыныстар мен жүйелі мәселелер Салық кодексін енгізу бойынша Жобалық кеңсе аясында тиісті салалық мемлекеттік органдардың, Мемлекеттік кірістер комитетінің және «Атамекен» ҰКП-ның қатысуымен жан-жақты қаралатын болады.https://www.gov.kz/memleket/entities/economy/press/news/details/1227086?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1229445?lang=ru

Бүгін Ботаникалық саябақта облыс әкімі Мұрат Ергешбаевтың қатысуымен «Таза Қазақстан» республикалық экологиялық бағдарламасы аясындағы кең көлемді тазалық акциясы өтті.Ауқымды акцияға облыс бойынша 17694  адам қатысты. Олардың қатарында зиялы қауым өкілдері, облыстық мәслихат депутаттары, басқарма, департамент және инспекция басшылары, «AMANAT» партиясының өкілдері, мемлекеттік мекеме қызметкерлері, жастар ұйымдары мен экобелсенділер болды.«Мемлекет басшымыз Қасым-Жомарт Кемелұлы: «Тазалық – өркениетті қоғамның айнасы, дамуға ұмтылған кез келген елдің мызғымас ұстанымы»,- деген болатын.Қоршаған ортаны қорғау, оны күтіп ұстау тек мемлекеттің ғана емес, әр азаматтың міндеті және қоғамның ортақ негізгі құндылықтардың бірі болуы тиіс.Өңірімізде санитарлық тазалық, абаттандыру, тұрғындардың өмір сүруіне қолайлы жағдай жасау бағытында кешенді жұмыстар қарқынды жүруде.Қызылорда қаласындағы орталық алаң, қалалық мәдени-демалыс паркі және Қорқыт ата сквері, бүгінгі шарамыз өтіп жатқан Ботаникалық саябақ қайта жаңғыртылып, пайдалануға берілді.Өңірімізде дизайн код бекітіліп, облыс орталығынан бастап барлық елді мекендер бірегей архитектуралық талаптарға сәйкестендірілді.Облыс орталығындағы 80-нен аса ескі көпқабатты тұрғын үйдің қасбеттері заманауи панельмен қапталды. Биыл да бұл жұмыстар жалғасын тауып, қосымша 21 тұрғын үй жаңғыртудан өтуде»,- деді аймақ басшысы.Іс-шарада қоршаған ортаны қорғауға және тазалық жұмыстарын тұрақты жүргізуге үлес қосқан 100 қызметкер марапатталды. Экологиялық инфрақұрылымды нығайту мақсатында салалық мекемелерге 26  арнайы техника табысталды. Оның ішінде қалдық тасымалдаушы көліктер, өрт сөндіру техникалары, тракторлар және кіші өрт сөндіру кешендері бар.Ботаникалық саябақ аумағы көгалдандырылып, 500 түп қылқан жапырақты ағаш отырғызылды. Бұл жұмыстар өңірді жасыл желекке бөлеуге, ауа сапасын жақсартуға және қала тұрғындары үшін қолайлы экологиялық орта қалыптастыруға бағытталды.«Таза Қазақстан» бағдарламасы шеңберінде облыстың барлық елді мекенінде бір мезгілде ауқымды сенбілік және абаттандыру жұмыстары ұйымдастырылды.Облыс әкімі Ботаникалық бақ аумағында орналасқан Қорқыт ата атындағы Қызылорда университетінің бастамасымен қолға алынған  жылыжай жұмысымен танысып, оқытушыларымен пікір алмасты.Жылыжайда көкөніс өсіріледі.Айта кету керек, жыл басынан бері өңірдегі экологиялық шараларға 121 992 адам, яғни еріктілер, қоғам қайраткерлері, бюджет саласының және кәсіпорын қызметкерлері белсене қатысты.Осы уақыт аралығында 3 030 тоннаға жуық тұрмыстық қалдық шығарылып, 3 367 сквер мен парк, 256 тарихи-мәдени ескерткіш, 1 019 әлеуметтік нысан, 669 өнеркәсіп және бизнес нысаны, 210 су объектісі және 5 383 көше бойы тазартылды. Бұл жұмыстарға 548 арнайы техника жұмылдырылды.Сонымен қатар, жыл басынан бері облыс аумағына жергілікті климатқа бейімделген 88 567 түп ағаш көшеті отырғызылды. Олардың қатарында қарағаш, терек, Сыр талы және басқа да көшет түрлері бар.Бүгінгі акция – өңірдегі экологиялық мәдениетті дамытуға, табиғатты қорғауды жүйелі жолға қоюға және тұрғындардың қоршаған ортаға деген жауапкершілігін арттыруға бағытталған маңызды бастама.Қызылорда облысы әкімінің баспасөз қызметі

Бүгін «Өнер орталығында» Қызылорда облысының әкімі Мұрат Ергешбаевтың қатысуымен Мәдениет және өнер қызметкерлері күніне арналған салтанатты шара өтті. Жиынға сала ардагерлері, өнер майталмандары және зиялы қауым өкілдері қатысты.Халқымыздың рухани мұрасын сақтап, ертеңге сабақтастыру – мемлекеттік саясаттың басым бағыттарының бірі. Елдігіміздің руханият байрағын көтерген мәдениет және өнер қызметкерлері Қорқыт ата мұрасын, жыраулар жәдігерін, таланттар тарихын жалғап, халық қошеметіне бөленіп келеді.Мемлекет басшысының, Үкіметтің қолдауымен өңірде 200-ден астам әлеуметтік нысан салынды. Оның 22-сі – мәдениет нысаны. Атап айтқанда, барлық ауданда «Руханият орталықтары» бой көтерсе, Қызылордада «Өнер орталығы», «Анаға тағзым» және «Отбасы орталығы» ел игілігіне қызмет етуде. Тарихи-өлкетану музейінің, «Достық үйінің» жаңа ғимараттары ашылды. Балалардың шығармашылық және зияткерлік қабілетін дамыту мақсатында «Оқушылар сарайы» мен «Сыр жұлдыздары» академиясы іске қосылды.Бүгінде Қызылордада Мемлекет басшысының Ұлттық құрылтайда берген тапсырмасына сәйкес жаңа драма театр мен Президенттік кітапхана құрылысы жүріп жатыр.Салаға биылдың өзінде 6 млрд теңгеден астам қаржы бөлінді.Мұрат Нәлқожаұлы өз сөзінде мәдениет пен руханияттың қоғам өміріндегі айрықша маңызын атап өтті.«Мемлекет басшысы Қасым-Жомарт Кемелұлы: «Мәдениет – ұлттың төлқұжаты. Жаһан жұрты елімізді, ең алдымен, өнеріміз арқылы танып біледі», – деген болатын.Елдің рухани тірегін нықтап, ұлттың ұлы мұрасын сақтауда аянбай еңбек етіп жүрген барша мәдениет қызметкерлеріне Сыр жұртшылығы атынан шынайы ризашылығымды білдіремін.Өнер мен руханияттың өрісі кеңейіп, мәдениетіміздің мәртебесі әрдайым биік болсын! Еліміздің рухани дамуына қосып жүрген еңбектеріңіз жемісті болып, шығармашылық табыстарыңыз арта берсін.Сіздерге зор денсаулық, шалқар шабыт, отбасыларыңызға амандық пен бақ-береке тілеймін. Қазақтың қасиетті өнері мен мәдениеті ұрпақ санасында мәңгі жаңғыра берсін!», – деді аймақ басшысы.Мерекелік шарада саладағы аса үздік жетістіктері және елге сіңірген айрықша еңбегі үшін бірқатар азамат «Құрмет» орденімен, Мәдениет және ақпарат министрлігінің «Еңбек ардагері», «Мәдениет саласының үздігі» төсбелгілерімен, Құрмет грамотасы және Алғыс хатпен марапатталды.Сонымен қатар сала мамандарына ҚР Премьер-министрінің бірінші орынбасары Нұрлыбек Нәлібаевтың Алғыс хаты беріліп, олардың ел мәдениетінің өркендеуі жолындағы еңбегі жоғары бағаланды.Сыр елінің рухани-мәдени дамуына қосқан үлесі үшін бірқатар азаматқа облыстың Құрмет грамотасы және облыс әкімінің Алғыс хаты табысталды. Әдебиет пен өнер саласында ерекше қолтаңбасымен танылған шығармашылық өкілдеріне жыл сайын берілетін облыс әкімінің дәстүрлі «Тұран» сыйлығына биыл 19 адам ие болды.Кәсіби мерекеде сахнада Тұрмағамбет атындағы халық аспаптар оркестрі, «Томирис» би, «Қорқыт сазы» қобызшылар, Қорқыт ата атындағы Қызылорда университетінің қыздар вокалды ансамбльдері, Қазанғап атындағы музыкалық жоғары колледжінің баянистері, Қаракөз Ақдәулетова атындағы балалар студиясы және «Сыр сандуғаштары» балалар вокалды тобы, камералық хор ұжымы, классикалық әндер шеруімен Еуропаның талғампаз көрерменінің ыстық ықыласына бөленген әншілер өнер көрсетті.Іс-шара барысында қатысушылар арнайы ұйымдастырылған көрмені аралап көрді. Көрмеге өңірдің рухани-мәдени болмысын танытатын құнды экспонаттар, қолөнер шеберлерінің туындылары, тарихи жәдігерлер және жергілікті өнерпаздардың шығармашылық жұмыстары қойылып, көпшілік назарына ұсынылды.Қызылорда облысы әкімінің баспасөз қызметі

Ақтау гарнизонында Әскери-теңіз күштерінің 29011 әскери бөлімінде Шахмардан Есенов атындағы көпсалалы колледждің жоғары курсында оқитын 50 студентке арналған ашық есік күні ұйымдастырылды.Жастар алдында Қарулы күштер Әскери-теңіз күштерінің бас қолбасшысы 1-ші дәрежелі капитан Қанат Ниязбеков сөз сөйледі. Ол студенттерге Әскери-теңіз күштерінің құрылу тарихы, қалыптасуы және даму кезеңдері, одан өзге елдің теңіз шекарасының қауіпсіздігін қамтамасыз ету жолында әскери теңізшілер атқарып жүрген міндеттер жайында әңгімелеп берді.Қонақтарға әскери бөлім аумағына экскурсия ұйымдастырылды. Студенттер бөлімнің музейін аралап, құраманың тарихымен, әскери нышандарымен және мұрағаттық материалдарымен танысты. Бұдан өзге олар кітапханаға барып, асханада әскери қызметшілердің қалай тамақтанатынын көріп, матростардың күнделікті ас мәзірінен дәм татты.Әскери-теңіз күштерінің ардагері отставкадағы 1-ші дәрежелі капитан Марат Төлебаевпен кездесу жастарға ерекше әсер етті. Ардагер әскери теңізші мамандығы, теңіз дәстүрлері және мұнда тапсырмаларды орындау кезінде болған қызықты оқиғалар туралы айтып берді.Мұндай іс-шаралар әскер мен жастар арасындағы байланысты нығайтып, Отан қорғаушы мамандығына деген құрметті қалыптастыруға ықпал етеді.Ақпарат көзі : https://www.gov.kz/memleket/entities/mod/press/news/details/1227021?lang=ru

Белград, 22 мамыр 2026 жыл – Қазақстанның Елшісі Мәди Атамқұлов Сербияның Сауда-өнеркәсіп палатасы мен Шығыс Еуропа бойынша итальяндық өнеркәсіптің жалпы конфедерациясының ұйымдастырған «CEE – Western Balkans Energy, Infrastructure & Industrial Security Forum 2026» форумына қатысты.Қазақстан Елшісі форум қатысушыларына арнап сөз сөйлеп, оларға Транскаспий халықаралық көлік бағытының әлеуетін таныстырды.Ол аталған маршруттың геосаяси және геоэкономикалық артықшылықтарын, жүк тасымалының өсу динамикасын, сонымен қатар Қазақстан тарапынан оның өткізу қабілетін арттыру жөніндегі жұмыстарды атап өтті.Форумның «Адриатика – Қара теңіз – Орталық Азия» тақырыбындағы панельдік талқылауына KMG International компаниясының сауда және логистика директоры А. Живс те қатысты, ол тыңдаушыларға мұнай нарығын дамыту трендтері мен Қазақстанның Еуропадағы энергетикалық қауіпсіздікті қамтамасыз етудегі рөлі туралы мәлімет берді.Іс-шараны Сербияның премьер-министрі Дж. Мацут ашты, форумға Италия, Сербия, Хорватия, Болгария, Румыния, Мажарстан, Грекия сынды елдерден ірі энергетикалық компаниялар мен еуропалық қаржы институттарының өкілдері қатысты.Ақпарат көзі : https://www.gov.kz/memleket/entities/mfa-belgrad/press/news/details/1227012?lang=ru

Newsletter Kazakhstan - 22.05.2026Ақпарат көзі : https://www.gov.kz/memleket/entities/mfa-brussels/press/news/details/1226880?lang=ru

«Kazakhstan Aselsan Engineering» — кең ауқымды өндіріспен айналысатын бірегей кешен.Оның ішінде байланыс және ақпараттық технологиялар, радиолокациялық жүйелер, электрондық оптика, авиация және қару жүйелері өндіріледі. #Қазақстандажасалған #Индустриялықпарк #Астанаhttps://www.instagram.com/p/DYl04uhN-2y/ Ақпарат көзі : https://www.gov.kz/memleket/entities/astana-uir/press/news/details/1226897?lang=ru

2026 жылғы 22 мамыр, Женева – Қазақстан Республикасының Денсаулық сақтау министрі Ақмарал Әлназарова бастаған қазақстандық делегация Женевада өткен Дүниежүзілік денсаулық сақтау ассамблеясының 79-сессиясына (ДСА-79) қатысты.Пленарлық отырыс барысында Қазақстанның Денсаулық сақтау министрі жалпы пікірталастар аясында сөз сөйлеп, Қазақстанның жаһандық денсаулық сақтау архитектурасын нығайтуға, медициналық-санитариялық алғашқы көмекті (МСАК), цифрлық денсаулық сақтауды және климат өзгерістеріне төзімді денсаулық сақтау жүйелерін дамытуға бейілділігін растады.Маңызды оқиғалардың бірі – ҚР Денсаулық сақтау бірінші вице-министрі Тимур Сұлтанғазиевтің Дүниежүзілік денсаулық сақтау ассамблеясының жаһандық денсаулық сақтау күн тәртібіндегі негізгі мәселелерді қарайтын А комитетінің төрағасы болып сайлануы болды.Ассамблея аясында қазақстандық делегация Дүниежүзілік денсаулық сақтау ұйымының Бас директоры доктор Тедрос Гебрейесуспен кездесті. Тараптар МСАК саласындағы ынтымақтастықты одан әрі нығайту, МСАК бойынша Жаһандық коалицияны ілгерілету, Алматыдағы ДДСҰ-ның МСАК жөніндегі Географиялық қашықтағы офисін дамыту, сондай-ақ Орталық Азиядағы өңірлік бастамаларды талқылады.Сонымен қатар, қазақстандық делегация халықаралық серіктестермен және халықаралық ұйымдардың басшыларымен, оның ішінде ДДСҰ-ның Еуропалық өңірлік бюросының директоры Ханс Клюгемен, Дүниежүзілік зияткерлік меншік ұйымы Бас директорының орынбасары Эдвард Кваквамен, Көші-қон жөніндегі халықаралық ұйымы, ЮНИСЕФ және Вакциналар және иммундау жөніндегі жаһандық альянс өкілдерімен екіжақты кездесулер өткізді. Кездесулер барысында денсаулық сақтау, фармацевтика, медициналық білім беру, цифрландыру және қоғамдық денсаулық сақтау салаларындағы ынтымақтастық мәселелері талқыланды.Сонымен қатар, Қазақстан өкілдері медициналық-санитариялық алғашқы көмекті нығайтуға, денсаулық сақтау қызметтерімен жалпыға бірдей қамтуды қамтамасыз етуге, денсаулық сақтау жүйелерінің тұрақтылығын арттыруға және микробтарға қарсы төзімділікпен күреске арналған бірқатар тақырыптық іс-шараларға қатысты.Іс-шаралар барысында Қазақстанның бастамасы – қазіргі таңда 26 серіктесті біріктіретін МСАК бойынша Жаһандық коалицияны ілгерілетуге ерекше назар аударылды. 21 мамырда Қазақстан Resolve to Save Lives ұйымымен бірлесіп МСАК-ты және денсаулық сақтау жүйелерінің тұрақтылығын нығайту мәселелеріне арналған арнайы іс-шараның тең ұйымдастырушысы болды.Қазақстанның ДСА-ға қатысуы денсаулық сақтау саласындағы ұлттық бастамаларды халықаралық деңгейде ілгерілетуге, ДДСҰ және халықаралық серіктестермен әріптестікті нығайтуға, сондай-ақ МСАК, цифрлық денсаулық сақтау, кадр даярлау және денсаулық сақтау жүйелерінің тұрақтылығы салаларындағы практикалық ынтымақтастықты кеңейтуге ықпал етті. Ақпарат көзі : https://www.gov.kz/memleket/entities/mfa-geneva/press/news/details/1226911?lang=ru