2024 жылдың 6 желтоқсанында Энергетика вице-министрі Ерлан Ақкенженов Жетісу облысының тұрғындарымен кездесу өткізіп, облыстың отын-энергетика кешеніндегі ағымдағы жағдайына тоқталып өтті.«Бүгін Энергетика министрлігінің негізгі қызметі мұнай-газ және энергетика салалары сияқты стратегиялық бағыттарда, сондай-ақ, сондай-ақ газ инфрақұрылымын іске асыру, электрмен жабдықтау, жылумен жабдықтау және халықты мұнай өнімдерімен және сұйытылған мұнай газымен қамтамасыз етуде бағытталған.Өңірде 2024 жылдың 11 айында электр энергиясын өндіру көлемі 0,8 млрд кВтсағ. құрады, бұл ретте өңірде тұтыну 1,4 млрд кВтсағ. Негізгі жабдықтарының физикалық тозуы 66,47 %-ды құрайтын «Текелі энергетикалық кешені» ЖШС белгіленген 24 МВт-ты электр қуаты және белгіленген 42 ГКал/сағ жылу қуатымен қамтамасыз етеді», - деп вице-министр атап өтті.Вице-министрдің айтуы бойынша Жетісу өңірінің жаңартылатын энергия көздерін дамытудың әлеуеті зор. Еліміздегі су энергетикасы қорының едәуір бөлігі осы аймақта шоғырланған.Облыста қуаты 209,7 МВт жаңартылатын энергия көздерінің 11 объектісі жұмыс істейді, оның ішінде: қуаты 104,7 МВт 8 су электр станциясы, 4,95 МВт қуаты 1 күн электр станциясы, қуаты 100 МВт 2 жел электр станциясы.Сонымен қатар, 2029 жылға қарай белгіленген қуаты шамамен 131 МВт 8 шағын су электр станциясын іске қосу жоспарлануда және Сауд Арабиясының ACWA Power Company компаниясымен жалпы қуаты 1000 МВт жел электр станциясын салу жобасын іске асыру мәселесі қарастырылуда.Газдандыруға тоқталсақ, бүгінгі таңда облыста шамамен 319 мың адам табиғи газбен қамтамасыз етілген, 2024 жылдың қорытындысы бойынша 44 елді мекенде 91,2 мыңнан астам адамды газбен қамтамасыз ету жоспарлануда.Есептік кездесуден кейін вице-министр азаматтарды жеке қабылдады, оның аясында тұрғындар өздерін қызықтырған сұрақтарға толық жауап ала алды.Баяндамадан кейін вице-министр азаматтардың жекелеген елді мекендерді газдандыру, облысқа бөлінген сұйытылған мұнай газының көлемін арттыру мүмкіндігі, сондай-ақ сағат белдеуінің өзгеруіне байланысты электр энергиясын тұтыну көлеміне қатысты және т.б. сұрақтарға жауап берді.Жеке қабылдау барысында да азаматтар өздерін толғандырған сұрақтарын қойып, толық жауаптарын алды.Ақпарат көзі : https://www.gov.kz/memleket/entities/energo/press/news/details/898546

Сұңғат Есімханов Түркістан облысына сапары аясында "Кентау Сервис" МКК ЖЭО-да реконструктивтік жұмыстардың барысын қарастырды. Қазіргі уақытта ЖЭО-да 4 қазандық пен 1 турбина жұмыс істейді. Резервте тағы 2 қазандық бар. Жылу желілерінің температуралық жұмыс кестесі сақталуда. Жыл соңына дейін тағы 2 қазандықты қайта жаңартуды аяқтау жоспарлануда.Бұдан басқа, "Оңтүстік Жарық Транзит" ЖШС басшысының жылу маусымның өту барысы және 2025 жылы жоспарланған жөндеу жұмыстары туралы баяндамасы тыңдалды.Өңір әкімдігінің өкілдерімен және энергетикалық кәсіпорындардың басшылығымен өткен кеңестің қорытындысы бойынша вице-министр күзгі-қысқы кезеңнің барысын бақылауда ұстауды, температуралық кестені, отынның пайдалану қорының нормативін сақтауды тапсырды.Энергетикалық қадағалау комитетінің аумақтық департаментінің басшысына өңірдің энергетикалық кәсіпорындарының жұмысына бақылауды күшейту тапсырылды.Ақпарат көзі : https://www.gov.kz/memleket/entities/energo/press/news/details/898553

8 желтоқсан күні таңғы сағат 4-тен бастап Алматы қаласында 22 сағатқа дейін қар жауа бастады.Күндізгі кезеңде 609 бірлік арнайы техника мен 1280 жол жұмысшысы жұмылдырылды.Жауын-шашын басталғаннан бері 159 құмшашқыштың күшімен жолдарды көктайғаққа қарсы материалдармен өңдеу жүргізілуде. Сағат 10:00-дегі жағдай бойынша 1480 тонна пайдаланылды.64 бірлік шағын көлемді техниканың күшімен тротуарларды, көлік аялдамаларын, қоғамдық орындарды жинау жұмыстары жүргізілуде.Алматы қаласының аумағын абаттандыру қағидаларына сәйкес қарды тырмалау әрбір 5 см жаңа жауған қардан кейін жүргізіледі. Қазгидрометтің мәліметінше, таңғы сағат 9:30-ға дейін қалада 4 см қар жауған.Қардың түсу қарқындылығы күрт артқаннан кейін сағат 09:30-дан бастап жолдардың жүріс бөлігінен қарды тырмалау бойынша 18 баған ұйымдастырылды.Қарды жол жиегіне сыпырғаннан кейін, жұмыстарды жүргізу технологиясына сәйкес, коллонналар құрылып, қарды шығару ұйымдастырылады.Қар жауғаннан кейін жолдардың, тротуарлардың, пандустардың шекаралас бөлігін қардан толық тазарту жүргізіледі.Аудан әкімдіктерінде және қала әкімдігінде қар тазалау жұмыстарын бақылау бойынша тәулік бойы кезекшілік ұйымдастырылды."Қазгидромет" РМК ақпараты бойынша, бүгін түстен кейін қар жауады, ол 22 сағатқа дейін аяқталады. Ауа температурасы -3 декабря -5°С, одан әрі 9 желтоқсандағы түнгі кезеңде -11...-13°С дейін төмендейді. Түнде айтарлықтай жауын-шашынсыз.9 желтоқсанда жауын-шашынсыз, ауа температурасы -6...-8 °С. Коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/898520

Алматы қаласының мәслихатының кезектен тыс XXV сессиясында депутаттар 2025–2027 жылдарға арналған қала бюджетін қолдап, бекітті. Сессия жұмысына қала әкімі Ерболат Досаев, депутаттар және жергілікті атқарушы органдардың басшылары қатысты.Мегаполис басшысы Ерболат Досаев бюджет жобасы Мемлекет басшысының тапсырмаларын орындауға және қаланың Даму бағдарламасы мен Бас жоспарының басымдықтарын жүзеге асыруға бағытталғанын атап өтті.«2025 жылға арналған бюджет Алматыны бүкіл ел үшін үлгі ретінде тұрақты дамушы қала ретінде көрсетеді. Бұл бюджет қазіргі заманға сай, жайлы қала құруға бағытталған, онда әрбір тұрғын өміріндегі оң өзгерістерді сезіне алады. Бұл мәслихат пен әкімдік арасындағы бірлескен жұмыстың негізгі міндеттерді тиімді шешуге мүмкіндік беретінін көрсететін мысал», – деді Ерболат Досаев.Мәселен, Алматының 2025 жылға арналған бюджеті 2 трлн 177 млрд теңге деңгейінде жоспарланған, бұл 2022 жылдың басындағы көрсеткіштен (1 трлн 70 млрд теңге) екі есе көп. Негізгі қаржыландыру бағыттары көлік және инженерлік инфрақұрылымды дамытуға, әлеуметтік бағдарламаларды жүзеге асыруға және қаланың экологиялық жағдайын жақсартуға бағытталған. Әлеуметтік сала басымдық болып қала береді, оның қаржыландыруы 15%-ға (110,6 млрд теңгеге) ұлғайып, 851,9 млрд теңгеге немесе жалпы бюджеттің 39,1%-ына жетті.Бюджетте даму жобаларына ерекше назар аударылған. Даму бюджетінің көлемі 2022 жылғы 207 млрд теңгеден 2025 жылы 455,9 млрд теңгеге дейін 2,2 еседен астам ұлғаяды. Бұл жол және инженерлік инфрақұрылымды жаңғырту, қаланы көріктендіру және қала ортасын жақсарту бойынша ірі жобаларды іске қосуға мүмкіндік береді. Сонымен қатар, мегаполисті көріктендіру және көгалдандыруға бағытталған «Таза Қазақстан» бағдарламасын белсенді түрде жүзеге асыру жалғасуда.Алматы экономикасының дамытудың негізгі қозғаушы күші шағын және орта бизнес (ШОБ) болып қала береді, ол қаланың жалпы өңірлік өнімінің 60%-дан астамы. 2025 жылы кәсіпкерлікті қолдауға 71 млрд теңге бөлінеді, бұл 4 мыңнан астам жаңа жобаның дамуын қамтамасыз етеді. 2030 жылға қарай ШОБ-тың қала экономикасына қосатын үлесі 70%-ға жетуге тиіс.Сессия аясында депутаттар Алматы қаласын дамытудың 2021-2025 жылдарға арналған түзетілген жоспарын қабылдады. Өзгерістер ҚР-ның 2029 жылға дейінгі жаңа Ұлттық даму жоспарымен үйлестіруге байланысты енгізілді. Жаңартылған жоспарда жайлы қалалық орта, тұрақты экономикалық өсу, жасыл Алматы, урбанизацияны басқару, қауіпсіздік және цифрлық технологияларды дамыту сияқты бағыттар көзделген.Ақпарат көзі : https://www.gov.kz/memleket/entities/almaty/press/news/details/898524

Жыл басынан Су ресурстары және ирригация министрлігінің Ішкі аудит департаменті жүргізген тексеріс нәтижесінде 29 тұлға әкімшілік жауапкершілікке тартылды.Бұл жұмыстар судың «көлеңкелі» нарығымен, су саласындағы заңсыз әрекеттермен күресу және тәртіп пен ашықтықты қамтамасыз ету үшін жүзеге асырылуда. Айта кету керек, Су ресурстары және ирригация министрі Нұржан Нұржігітовтің тапсырмасы бойынша Ішкі аудит департаменті 9 айда 11 мекемеге аудиторлық тексеру жүргізді.Мәселен, Жамбыл облысы бойынша «Қазсушар» филиалына жүргізілген тексеріс барысында су ресурстарын заңсыз пайдаланудың 10-ға жуық фактісі мен шаруалармен суармалы су беру келісімшарттарын жасау барысында заң бұзушылықтарға жол берілгені анықтаған болатын. Аудит қорытындысы бойынша мекеме басшысы мен Аса өндірістік аймағының басшысы қызметінен босатылды. Бұдан бөлек, филиал директорының орынбасары мен Қордай, Байзақ, Меркі өндірістік аймақтарының басшылары қатаң сөгіс түрінде тәртіптік жауапкершілікке тартылды.«Аудит қорытындысы бойынша анықталған барлық заң бұзушылықтарға қатысты материалдар Бас прокуратураға жолданды. Сондай-ақ, министрліктің құзыретті құрылымдары мен ведомстволарына ұсынымдар мен тапсырмалар берілді»,- деді Ішкі аудит департаментінің директоры Ғалымжан Молдаш.Ақпарат көзі : https://www.gov.kz/memleket/entities/water/press/news/details/898473

UFC-де ирландиялық Иан Гарриді жеңген талантты спортшымыз Шавкат Рахмоновты керемет жеңісімен шын жүректен құттықтаймыз!Шавкат өзінің шеберлігі мен табандылығының арқасында 19-жеңіске қол жеткізіп, жаттықтырушылары мен жанкүйерлерінің сенімін тағы да ақтады. Бұл жетістік қазақстандық спортшылардың әлемдік деңгейде мойындалуға лайық екенін тағы бір рет дәлелдеп отыр.Алдағы уақытта спортшымызға зор денсаулық, жарқын жеңістер мен чемпиондық атақ тілеймін! Біз Сіздің жетістіктеріңізді мақтан тұтамыз! Ақпарат көзі : https://www.gov.kz/memleket/entities/aqmola/press/news/details/898436

Ауыл шаруашылығын насихаттау, экологиялық мәдениетті ілгерілету және фермерлерді қолдау үшін басты алаңға айналған ауқымды отбасылық іс-шара «Сарыарқа» СОО-да өтуде.Әлеуметтік маңызы бар жоба фермерлерді, сарапшыларды, жастарды және жанұяларды балалармен біріктіріп, қарым-қатынас, оқу және шабыт үшін бірегей кеңістік құрды.Фестивальдің миссиясы-ауыл шаруашылығын беделді және перспективалы сала ретінде танымал ету, фермерлерді қолдау және табиғи өнімді саналы түрде тұтыну мәдениетін дамыту арқылы Аграрлық Қазақстанды жаңғырту.Фестивальге барлығы 5000-нан астам қонақ қатысады, оның ішінде ірі компаниялардың өкілдері, фермерлер, елорда тұрғындары бар. Бұл іс-шараны Халықаралық SlowFood қозғалысы қолдайды.Фермерлер мен сарапшылардың ірімшік жасау, флористика, жылыжайлар, дұрыс тамақтану және экология туралы дәрістері сияқты бірегей шеберлік сабақтары өтеді, фестиваль қонақтары ауыл шаруашылығы, көшпенділік, ұлттық тағамдар және оның пайдасы туралы әңгімелейді.Мұнда Қазақстанның ең үздік фермерлік және табиғи өнім өндірушілерінің табиғи өнімдері, аспаздық шоулар, балаларға арналған конкурстар мен интерактивтер, тақырыптық фотоаймақтар мен этникалық қойылымдар ұсынылған.Фестиваль аясында 7-11 сынып оқушылары арасында жылыжай қызметін ұйымдастыру бойынша республикалық ғылыми жобалар конкурсы өтуде.Ақпарат көзі : https://www.gov.kz/memleket/entities/moa/press/news/details/898424

Аягөз ауданына қарасты Тарбағатай ауылында «Batyr Bolamyn» қорының бастамасы және «Қазақстан халқына» қорының демеушілігімен балаларға арналған шағын спорт кешені ашылды. Бұл кешен шалғай ауылдарда спортты дамытуға бағытталған.«Batyr Bolamyn» қоры бүгінге дейін 70-тен астам спорт залын ашып, көпбалалы және әлеуметтік осал топтардың балаларына бокс, қазақ күресі, дзюдо, баскетбол, шахмат, тоғызқұмалақ сияқты спорт түрлерімен тегін айналысуға мүмкіндік берді. Сондай-ақ, спорттық жабдықтармен қамтамасыз етіп, ауыл балаларына дене шынықтырумен айналысуға жағдай жасады.Спорт кешенінің ашылуына «Batyr Bolamyn» қорының президенті Ернұр Сәбікенұлы, Аягөз ауданы әкімінің орынбасары Ерлан Молдашев және ауыл тұрғындары қатысты. Шарада қор басшылығына көрсеткен қолдауы үшін дәстүр бойынша шапан жабылып, алғыс білдірілді.Ақпарат көзі : https://www.gov.kz/memleket/entities/abay/press/news/details/898413

Малайзия астанасы Куала-Лумпурда есту қабілеті зақымданған спортшыларға арналған 10-шы Азия-Тынық мұхиты ойындары аяқталды. Жарысқа 24 елден 1300-ден астам спортшы қатысты. Олар спорттың 10 түрі жеңіл атлетика, тхэквондо, дзюдо, еркін және грек-рим күресі, үстел теннисі, бадминтон, шахмат, боулинг және футболдан бақ сынады. Қазақстан құрамасы сапындағы 80 спортшы спорттың 8 түрі жеңіл атлетика, тхэквондо, дзюдо, еркін күрес, грек-рим күресі, бадминтон, шахмат және үстел теннисінен сайысқа түсті.Ұлттық құрамада Абай облысының спортшылары жақсы нәтиже көрсетіп, ел абыройын асқақтатты. Дзюдодан 60 келі салмақта Алтынбек Кәкетаев алтын, 48 келіде Айым Жетпісбаева күміс медаль жеңіп алды. Ал 57 келіде тхэквонда жарысында Айым Жеңісбекова қола жүлдегер атанды.Қазақстан құрамасы Азия-Тынық мұхиты ойындарына 1996 жылдан бері қатысып келеді. Спортшылар Бішкек, Ыстықкөл, Қарағанды, Шымкент, Алматы мен Алматы облысында оқу-жаттығу жиындарынан өткен.Ақпарат көзі : https://www.gov.kz/memleket/entities/abay/press/news/details/898412

Өткен түнде елорданың коммуналдық қызметтері қар полигондарына шамамен 7 мың текше метр қар шығарды, деп хабарлайды Астана әкімдігінің ресми сайты.7 желтоқсандағы күндізгі ауысымда қала көшелерінен қар мен мұзды күреуге 2 мыңға жуық жол жұмысшы мен 1,2 мыңнан астам арнайы техника шықты.7 желтоқсанға қараған түні қар полигондарына 7 мың текше метрге жуық қар 827 ауыр жүк рейсімен шығарылды.Қыс мезгілінің басынан бастап қаладан 67 753 рейспен 861 мың текше метр қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/898360

«Таза Қазақстан. Астана – тазалық пен тәртіптің үлгісі» ауқымды экологиялық акция асында «Lampa А» инклюзивті балалар көлеңкелі театры» жас көрермендерге «Теремок» ертегісі негізінде әзірленген «Таза Қазақстан» спектаклін көрсетті, деп хабарлайды Астана әкімдігінің ресми сайты.Оқиға кенеттен қоқыс көп пайда болған орманда өрбиді. Жас көрермендер экологиялық мәселені шешуге және сұрақтарыға жауап табуға атсалысады.Қойылым балалар мен олардың ата-аналарына қоршаған әлемге ұқыпты қарау қажеттігін насихаттаған «Таза Қазақстан» жобасына арналды.«Біздің спектакльдің идеясы «Таза Қазақстан» жобасымен бірдей болды. Ертегі негізінде балалар тәртіп орнату – қоршаған ортаның маңызды бөлігі екенін түсінеді. Спектакль барысында балалар өздерінің қиялына ерік береді, ата-аналар өз кезегінде балаларымен бірге ден бөліп, қойылымнан ләззат алып, ойларын басқа жаққа бөледі», – дейді «Lampa А» балалар орталығының директоры Алуа Барманқұлова.Елордалық «Lampa А» балалар театры осындай спектакльдерді тұрақты өткізеді.Елордада «Таза Қазақстан. Астана – тазалық пен тәртіптің үлгісі» ауқымды экологиялық акциясы өтіп жатыр.Экоакция аясында қалада нөсер және арық кәріз желілерін санитарлық тазалау, көшелерді, тротуарларды, кварталішілік аумақтарды, қоғамдық кеңістіктер мен аулаларды тазалау жұмыстары жүргізіліп жатыр.Ақпарат көзі : https://www.gov.kz/memleket/entities/astana/press/news/details/898374

Астанадағы «Аспан» спорт кешенінде Тәуелсіздік күніне орай шинкиокушинкай каратэден республикалық турнир өтіп жатыр, деп хабарлайды елорда әкімдігінің ресми сайты.2 күнге жалғасатын бәсекенің алғашқы күнінде қатысушылар каратэнің теориялық негіздерін көрсететін «ката» бағдарламасында бақ сынаса, екінші күні «кумитэ» бағдарламасында жекпе-жектер өтеді.«Мұндай турнир екінші жыл қатарынан ұйымдастырылып отыр. Осы спорт түрі енді ғана дамып келе жатқандықтан, 9 өңірден 120 қатысушы келді. Салыстырмалы түрде бұл - жақсы көрсеткіш. Бүгін «ката» сайысы бойынша түрлі санаттағы спортшылар базалық элементтерді дәлме-дәл көрсетуі бойынша жеңімпаздар анықталады. Мұның ерекшелігі - жекпе-жекке түскісі келмейтін кей жандар және жасы үлкен азаматтар тек осы бағытпен шұғылданса болады. Мысалы, 44 жастағы қатысушымыз жастармен бәсекелесіп, ел ішіндегі додаларда топ жарып жүр», - деді Республикалық турнирдің бас төрешісі Максим Вавил.Республикалық жарыста Астана, Алматы қалалары, Алматы, Қостанай, Ұлытау, Батыс Қазақстан, Шығыс Қазақстан, Ақмола, Абай облыстарынан 8 жас және одан жоғары жас санаттары бойынша жүлделер сарапқа салынып жатыр.Ақпарат көзі : https://www.gov.kz/memleket/entities/astana/press/news/details/898379

Облысымыздағы Бақты кеден бекеті арқылы жаяу жүргіншілер Қытайға өте алады. Бұл екі ел арасындағы байланысты нығайтып, саяхатшыларға қолайлы жағдай жасаумен қатар сауда айналымын арттыруға мүмкіндік береді.Салтанатты ашылу рәсіміне Мақаншы ауданының әкімі Дәурен Қойгелдин, Абай облысы бойынша Мемлекеттік кірістер департаментінің басшысы Руслан Данияров, ҚР ҰҚК Шекара қызметі Абай облысы бойынша департаментінің бастығы, полковник Асхат Ахметов қатысты. Қытай тарапынан Шыңжаң-Ұйғыр автономиялық ауданының лауазымды өкілдері болды.Бақты кеден бақылау бекетіндегі терминалдарды қайта жаңғырту жұмысы аяқталғанға дейін туристер белгіленген тәртіп бойынша қолданыстағы заңнамаға сәйкес қатынайтын болады.Сондай-ақ жолаушыларға айына 1 рет 25 келіге дейін жүк өткізуге рұқсат етіледі. Тағы бір атап өтерлігі - халықаралық жолаушы тасымалдауға арнайы рұқсаты бар көлікпен ғана кіріп шыға алады.Ақпарат көзі : https://www.gov.kz/memleket/entities/abay/press/news/details/898381

Абай облысының әкімі Нұрлан Ұранхаев «Водный» кентінің тұрғындарымен кездесті. Кездесу барысында кентке қатысты бірнеше мәселе қаралды. Соның ішінде коммуналдық шаруашылық, білім, денсаулық, ономастика салаларына қатысты сұрақтар қойылды.Қазіргі таңда кенттегі 1550 жеке сектордағы үйде 4 мыңнан аса халық тұрады. Бұған дейін кентте орталықтандырылған су желісі болмаған. Облыс әкімінің өткен жылы тұрғындармен кездесуінде осы мәселе көтеріліп, аймақ басшысы жауапты органдарға тиісті тапсырмалар берген болатын. Осы тапсырманың негізінде «Восход және Водный кенттеріне су желілерін тарту құрылысы» бойынша жоба әзірленді. Құрылыс 2023 жылдың тамыз айында басталған, ағымды жылдың соңына дейін аяқтау жоспарланған. Мердігер — «AKM Invest Group» ЖШС.Мердігер мекеме ұзындығы 39 шақырым болатын су құбыры желілерін тартудан бөлек 23 өрт гидранттарын орнатып, су желісін әр үйдің шекарасына дейін жеткізіп берді. 576 құдық орнатылды. Сонымен бірге жобаға кірмеген Восход кентінің 70, Водный кентінің 50 үйіне, №34 мектеп пен дәрігерлік амбулаторияға да су желісі жеткізілді. Мердігер мекеме «Водный» кентіндегі құрылыс-монтаждау жұмысын толық аяқтады. Кенттегі су құбыры желілері жуылып, шайылып, дезинфекцияланды. Қазіргі уақытта «Восход» кентіндегі су құбыры желілеріне дәл осындай жұмыстар жүргізілуде.«Біз үшін қаланың барлық ауданындағы өзекті мәселелер маңызды. Оны түбегейлі әрі қысқа мерзімде шешу мүмкін емес. Соған қарамастан әр шаруаны рет-ретімен еңсеріп келеміз. Сіздердің тараптарыңыздан қойылған сұрақтардан хабардармын. Ұзақ жылдар шешімін таппаған орталықтандырылған ауыз су мәселесі жуықта реттеледі. Қоғамдық көлік, жарықтандыру, жол жөндеу сияқты жұмыстар менің назарымнан тыс қалған емес. Алдағы уақытта да атқарылуға тиісті жұмыстарды кезең-кезеңімен жүзеге асыра береміз, - деді облыс әкімі.Восход кентінде 70 бағана пен шам орнату жұмысы аяқталды. Атап айтқанда, Рудная, Алмазная, Новая көшелері мен Озёрка тас жолы бойы мектептен жаяу жүргіншілер өткеліне, теміржол өткелінен соңғы аялдамаға дейін аралықтарда шам орнатылды.Водный кенті бойынша 75 тірек шам орнату жоспарлануда. Жұмыс 20 желтоқсанға дейін аяқталады деп болжанып отыр. Сондай-ақ, Усть-Каменогорская, Семипалатинская, Республиканская көшелеріндегі 164 шам ауыстырылды. 2025 жылы Водный саяжай алабындағы үйлерге апаратын бағаналар мен электрмен жабдықтау кабелін ауыстыру жоспарланудаВодный және Восход кенттерінде 24 көше бар. 2024 жылы Семеипалатинская және Геодезическая көшелерінің 2,2 шақырымына қиыршық тас пен құм-қиыршық тас қоспаларын себу жұмысы орындалды. Келер жылы осы көшелерді асфальттау жоспарлануда.Сондай-ақ, ұзындығы 1,6 шақырым болатын Предгорная көшесін асфальттау көзделіп отыр. Қазіргі уақытта жоба жолдарды орташа жөндеу үшін ведомстволық сараптамадан өтуде. Қорытындыны алғаннан кейін мердігерді анықтау бойынша Мемлекеттік сатып алудың конкурстық рәсімдері өткізілетін болады.2025 жылы кемінде төрт көшеге инертті материал себу арқылы грейдерлеу жұмысы жоспарланған. Сондай-ақ, кент тұрғындарының өтініші бойынша 2025 жылы соңғы аялдамадан №34 мектепке дейінгі учаскеде жаяу жүргіншілер жолын салынатын болады.Сондай ақ осы кент тұрғындарының өтініші бойынша 12 ескі аялдама павильондары жабық үлгідегі жаңа павильондарға ауыстырылды.Ақпарат көзі : https://www.gov.kz/memleket/entities/abay/press/news/details/898377

Абай облысының әкімі Нұрлан Ұранхаев «Қарағайлы» шағын ауданындағы бірнеше әлеуметтік нысанда болып, жүргізіліп жатқан құрылыс барысын бақылады. Қазір аталған ауданда салынып жатқан тұрғын үйлер мен әлеуметтік нысандарды уақытылы пайдалануға қосу мен жылу тапшылығын болдырмау үшін жаңа блокты-модульді қазандық құрылысы жүргізілуде. Қуаттылығы сағатына 21,5 Гкал жететін қазандық «КАЗЭНЕРГОМАШ-Т» ЖШС қаражаты есебінен салынуда. Құрылыс жыл соңына дейін аяқталады деп күтілуде.Бүгінгі таңда жабдықтар мен құбырларды монтаждау, конструкциялармен жұмыс сынды шаруалар атқарылуда. №3 көтергіш-сорғы станциясы іске қосылды. Бұл салқындатқыштың өткізу қабілетін арттыруға және жаңадан қосылған нысандарды жылумен қамтамасыз етуге мүмкіндік берді.Ал 1200 оқушыға арналған жаңа мектептің негізгі құрылыс жұмысы аяқталуға жақын. «Жайлы мектеп» ұлттық жобасы аясында салынып жатқан білім мекемесі аталған аудандағы мектептегі орын тапшылығын шешуге ықпал етпек. Мердігер компания өкілінің айтуынша, нысанның ішкі жұмысымен қатар сыртқы жұмысы, инженерлік, электр желілерін тарту, ғимаратты қаптау қатар жүргізілуде.Жыл соңына дейін құрылысты аяқтауды көздеп отырған мердігер мекеме қаңтар айында мектепке қажетті жиһаз, құрылғыларды орнатуды бастайды.Аймақ басшысы мердігерлерге құрылыс жұмысын сапалы аяқтауды тапсырды.Ақпарат көзі : https://www.gov.kz/memleket/entities/abay/press/news/details/898378

Іс-шараға әлемнің түкпір-түкпірінен ғалымдар мен мамандар қатысып, мәдени ынтымақтастықтың болашағы мен археологиялық және тарихи деректерді бірлесіп пайдалану мәселелерін талқылады.Семинар аясында пленарлық отырыстар өтіп, онда Қазақстан, Қырғызстан, Тәжікстан, Моңғолия, Иран, Түрікменстан, Израиль және Ресей ғалымдары баяндамалар жасады.Қазақстандық өкілдер «Есік» мемлекеттік тарихи-мәдени музей-қорығының көпжылдық зерттеу нәтижелеріне сүйене отырып, Сарытоғай сайында табылған ерте көшпенділердің мәдени кешені туралы баяндады.«Рахат» ескерткішінде, «Есік» музей-қорығында және Шанси археологиялық институтында жүргізілген бірлескен жұмыс туралы деректі фильм дайындауға баса назар аударылды.Бұл сапар археология және музей ісі саласындағы жаңа бірлескен жобаларды құру және ғылыми-мәдени ынтымақтастықты нығайту бағытындағы маңызды қадам болды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898373

«Тәуелсіздік ұрпақтары» грантын тағайындау жөніндегі конкурстық комиссияның қорытынды отырысы өтіп, жеңімпаздар анықталды.Айта кетейік, «Тәуелсіздік ұрпақтары» гранты жыл сайын Мемлекет басшысы Қасым-Жомарт Тоқаевтың тапсырмасымен беріледі.Нәтижесінде комиссия 6 бағыт бойынша ең жоғары балл жинаған 30 жобаны іріктеп алды.Грант иегерлерін марапаттау рәсімі желтоқсан айында Астанада өтеді. Жеңімпаздар жобаларын жүзеге асыру үшін мемлекеттен 3 миллион теңге көлемінде қаржылық қолдау көрсетіледі.Айта кетейік, биыл өтінімдер 5 тамыз бен 6 қазан аралығында қабылданды. Келіп түскен 1284 өтінімнің 897-сі қабылданды. Атап айтқанда, «Бизнес» бағыты бойынша – 495, «Ғылым» бағыты – 62, «Мәдениет» бағыты – 107, «Ақпараттық технология» бағыты бойынша – 94, «Медиа» бағыты – 66, «Волонтерлік» бағыты бойынша – 73 өтінім.2024 жылғы «Тәуелсіздік ұрпақтары» грантының иегерлері ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898375

Әскери білім және ғылым департаменті «Запастағы офицерлер мен запастағы сержанттар бағдарламалары бойынша әскери даярлық қағидаларын бекіту туралы» Қазақстан Республикасы Қорғаныс министрінің 2017 жылғы 24 шілдедегі № 375 бұйрығына өзгерістер мен толықтырулар енгізу туралы» қорғаныс ведомствосы басшысының бұйрығының жобасын әзірледі.Нормативтік құқықтық акт «Білім туралы» ҚР Заңының 5-1-бабы 9) тармақшасына, «Мемлекеттік көрсетілетін қызметтер туралы» ҚР Заңының 5-бабы 2-тармағының 11) тармақшасына және «Жоғары және жоғары оқу орнынан кейінгі білім беру бағдарламаларын iске асыратын бiлiм беру ұйымдарына оқуға қабылдаудың үлгілік қағидаларын бекіту туралы» 2018 жылғы 31 қазандағы Білім және ғылым министрінің бұйрығына сәйкес әзірленді.Бұл өзгерістерді қабылдау, ауыстыру және қалпына келтіру процестерін Қорғаныс министрлігіне ведомстволық бағынысты әскери оқу орындарына цифрлық форматқа ауыстыруға мүмкіндік береді. Мемлекеттік қызмет e-Gov порталы арқылы өтінім беру бойынша көрсетілетін болады, ол пайдаланушылардың уақытын үнемдеп, оны орындауда бюрократиялық факторларды болдырмайды. Қорғаныс министрі бұйрығы жобасының толық мәтінімен «Электрондық үкімет» порталында осы жылдың 20 желтоқсанына дейін «Ашық НҚА» бөлімінде мына https://legalacts.egov.kz/npa/view?id=15330784 сілтеме бойынша танысуға болады.Ақпарат көзі : https://www.gov.kz/memleket/entities/mod/press/news/details/898341

Ақтау гарнизонындағы әуе шабуылына қарсы қорғаныс бригадасында жас жауынгерлердің әскери ант беру рәсімі өтті.Салтанатты шараға Парламент Мәжілісінің депутаты Наталья Дементьева, Қарулы күштердің, Ауған соғысының ардагерлері, гарнизондағы әскери бөлімдердің командирлері, сарбаз аналар комитетінің өкілдері, жауынгерлердің туыстары мен жақындары қатысты.Өткен күзде Жамбыл, Қызылорда, Ақтөбе, Атырау және Маңғыстау облыстарынан шақырылған сарбаздар тәуелсіз Қазақстан мен оның мемлекеттік мүдделерін қорғауға ант берді.Бригада командирі подполковник Марат Құдабаев әрбір әскери қызметші үшін ант берудің маңыздылығын атап өтті.- Әскери ант - Отан қорғаушының бұзылмайтын заңы. Оны қабылдай отырып сіздер әскери істі адал атқаруға және қызметтің қиындықтарына төзуге міндеттісіздер. Бұл ер адамның жұмысы және ол сіздерге пайда әкеледі. Атап айтқанда мінезді қатайтып, денені нығайтады. Осы жолда табандылық пен сәттілік тілеймін, - деді ол.Ант қабылдағанға дейін сарбаздар жас жауынгер курсынан өтті. Олар әскери бөлімнің тарихымен және дәстүрлерімен танысты, қару-жарақ пен техниканың тактикалық-техникалық сипаттамаларын, мемлекеттік-құқықтық, саптық және атыс дайындығының негіздерін зерделеді.Депутат Наталья Дементьева Отан қорғау жөніндегі қасиетті міндеттемені атқаруға шешім қабылдаған өз ұлы мен жауынгерлік достарын айтулы оқиғамен шын жүректен құттықтады. Депутат оларға шыдамдылық, батылдық және күш-жігер тіледі. Жас сарбаздарды ардагерлер, қоғам қайраткерлері және ата-аналар да құттықтап, сөз сөйледі.Сондай-ақ, бөлім қонақтары үшін қоян-қолтық ұрыс пен қару-жарақ дефилесінің элементтерімен демонстрациялық қойылымдар ұйымдастырылды. Содан кейін қару-жарақ пен әскери техниканың үлгілерін, оқу сыныптарын, казармалар мен асханаларды көрсете отырып, әскери бөлімге экскурсия жүргізілді.Ата-аналар ұлдарының қызмет ету жағдайымен танысып, өздерін толғандырған сұрақтарға жауап алды. Бұл күні сарбаздар алғашқы сейілдемеге жіберілді.Ақпарат көзі : https://www.gov.kz/memleket/entities/mod/press/news/details/898364

Қазақстан Республикасының Цифрлық даму министрлігі байланыс операторларымен талқылау нәтижесінде байланыс қызметтерінің қолданыстағы тарифтерін 2024 жылдың соңына дейін сақтап қалу туралы келісімге келгенін хабарлайды.Министрліктің бұл бастамасы азаматтар мен бизнеске қолдау көрсетуге бағытталған, себебі байланыс құнының тұрақтылығы цифрлық қызметтердің қолжетімділігін қамтамасыз ететін маңызды шарттардың бірі болып табылады. Байланыс операторлары мемлекет бастамасына қолдау көрсетіп, экономикалық қиындықтарға қарамастан, қолданыстағы тарифтерді сақтап қалуға дайын екендіктерін білдірді.«Байланыс – күнделікті өмірдің, жұмыстың және оқудың негізі. Байланыс қызметтерінің тарифтерін тұрақты деңгейде сақтау – азаматтардың мүдделерін қорғауға және әлеуметтік маңызды бастамаларды қолдауға деген ұстанымымыздың айқын дәлелі», – деп атап өтті министрлікте.Министрлік міндеттемелердің орындалуын қадағалауды жалғастырып, елдің телекоммуникациялық инфрақұрылымын одан әрі дамыту бойынша шаралар қабылдайды. Ақпарат көзі : https://www.gov.kz/memleket/entities/mdai/press/news/details/898361