2025 жылы 10 қыркүйекте Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, Француз Республикасының жаңадан тағайындалған Бас консулы Максим Жеренжеге экзекватура тапсырып, қызметіне табыс тіледі. Өз кезегінде, Францияның Бас консулы алғыс білдіріп, екіжақты қарым-қатынастарды дамыту үшін жұмыс істеуге дайындығын растады. Ақпарат көзі : https://www.gov.kz/memleket/entities/mfa-almaty/press/news/details/1065404?lang=kk

Бүгін Бөрлі аудандық мәслихатының тұрақты комиссия отырысы депутат М.Дияровтың төрағалығымен өтті.Күн тәртібінде келесі мәселелер қаралды:Бөрлі аудандық мәслихатының 2024 жылғы 19 желтоқсандағы №22-2 «2025-2027 жылдарға арналған Бөрлі ауданының бюджеті туралы» шешіміне өзгерістер енгізу туралы.Бөрлі аудандық мәслихатының 2024 жылғы 20 желтоқсандағы  «2025-2027 жылдарға арналған Ақсай қаласы және ауылдық округтердің  бюджет туралы» шешіміне өзгерістер енгізу туралы.Бөрлі аудандық мәслихатының 2023 жылғы 8 қарашадағы №8-7 «Бөрлі аудандық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» шешімін жою туралы»Депутаттар бюджетке қатысты өз сұрақтарын қойып, жауаптар алды.Қаралған мәселелер сессияның күн тәртібіне енгізілді.Ақпарат көзі : https://www.gov.kz/memleket/entities/burlin-maslihat/press/news/details/1065384?lang=kk

Ү.ж. 10 қыркүйекте «Dubai Autism Center» Төрағасы Хешам Абдулла Кассим Аль Кассим және Орталықтың Бас директоры Мухаммед Аль Эмадимен кездесу өтті. Кездесу барысында тараптар аутизм саласында тәжірибе алмасу және бірлескен бастамаларды іске асыру туралы екіжақты ынтымақтастықтың перспективаларын талқылады. Анықтама: Dubai Autism Center – 2001 жылы Дубай Әмірлігінің Билеушісі шейх Мұхаммед бин Рашид Әл Мактумның Жарлығымен құрылды. Бұл орталық – аутизм спектрі бұзылыстары бар балаларға жан-жақты көмек көрсететін ең ірі мамандандырылған мекеме.Ақпарат көзі : https://www.gov.kz/memleket/entities/mfa-dubai/press/news/details/1065340?lang=kk

Кездесу барысында студенттер оқытушылар мен тәжірибелі заңгерлердің жетекшілігімен халыққа тегін құқықтық көмек көрсететін заң клиникасының одан арғы жұмысы талқыланды.Заң клиникасы — бұл:✅ азаматтарға тегін көмек✅ құқықтық сауаттылықты арттыру✅ заң факультеті студенттеріне практикалық тәжірибеҚұқықтық ағарту ісіндегі жемісті ынтымақтастығы үшін университет ұжымына алғыс білдіреміз!Ақпарат көзі : https://www.gov.kz/memleket/entities/adilet-sko/press/news/details/1065332?lang=kk

2009 жылы Қорғаныс министрлігінің құрылымында мемлекеттік әскери-техникалық саясатты жүзеге асыруға жауапты департамент құрылды. Бұл бөлімшенің қызметі елдің экономикалық мүмкіндіктерін, әскери-саяси жағдайды және қорғаныс саласындағы өзекті міндеттерді ескере отырып, Қарулы күштерді техникалық жарақтандыруға бағытталған.Департаменттің әскери қызметшілері армияны қайта жарақтандыруға қатысты заңнамалық жұмыстарға қатысады, заманауи қару-жарақ пен әскери техниканы сатып алу, мемлекеттік қорғаныс тапсырысын қалыптастыру ісімен айналысады. Сондай-ақ, олардың жұмысының маңызды бағыттарының бірі – қорғаныс өнеркәсібін дамыту және әскери-техникалық ынтымақтастықты кеңейту.Соңғы жылдары Қазақстан Республикасының Қарулы күштері заманауи бронетехникамен, әуе шабуылына қарсы қорғаныс жүйелерімен, ұшқышсыз ұшу аппараттарымен және авиациялық техника үлгілерімен жабдықталды.Сонымен қатар, заманауи жойғыш ұшақтар, С-295 және А400М әскери-көліктік ұшақтары, L-410 оқу-жаттығу ұшақтары, Anka ұшқышсыз ұшу аппараттары мен Skylark-1LEX барлау-соққы жасауға арналған дрондар сатып алынды.Отандық өндірісті дамытуға да ерекше көңіл бөлінуде. Әскерлерге брондалған дөңгелекті машиналар, Қазақстанда құрастырылған дрондар жеткізілуде, қолданыстағы қару-жарақ үлгілерін жаңғырту жұмыстары жүргізіліп жатыр. Басқарудың стратегиялық буынында отандық автоматтандырылған радиобайланыс кешендері қолданылады. Бұл шешім жауынгерлік басқару жүйесінің сенімділігін арттырып, ескерту мүмкіндіктерін едәуір кеңейтуге мүмкіндік береді. Армиялық бөлімшелерді радиостанциялармен жабдықтау кезең-кезеңімен іске асуда.Қарулы күштерді заманауи қару-жарақпен және техникамен қамтамасыз ету мақсатында департамент халықаралық ұйымдармен, оның ішінде ҰҚШҰ, ШЫҰ және ЕАЭО-мен өзара іс-қимыл жасайды, сондай-ақ екіжақты және көпжақты кездесулер ұйымдастырады. Маман­дар қару-жарақ нарығына мониторинг жүргізіп, перспективалы технологияларды талдап, жаңа техника үлгілерін сынақтан өткізуге және халықаралық көрмелерге қатысады.Ақпарат көзі : https://www.gov.kz/memleket/entities/mod/press/news/details/1065334?lang=kk

Астана, 2025 жылғы 9 қыркүйек – Қазақстан Республикасы Сыртқы істер министрінің орынбасары Арман Исетов Францияның Қазақстандағы Елшісі Сильван Гиогемен кездесу өткізді.Кездесу барысында тараптар қазақ-француз ынтымақтастығының саяси, сауда-экономикалық және мәдени-гуманитарлық салалардағы қазіргі жағдайы мен перспективаларын егжей-тегжейлі қарастырып, көпжақты алаңдардағы екіжақты өзара іс-қимыл мәселелері бойынша пікір алмасты.А.Исетов Астана мен Париждің екіжақты стратегиялық серіктестікті нығайтуға мүдделілігін көрсететін биік және жоғары деңгейдегі өзара сапарлардың оң қарқынын атап өтті.Өз тарапынан С.Гиоге Франция Үкіметінің энергетика, машина жасау, ауыл шаруашылығы, аса маңызды материалдар, медицина, білім және ғылым салаларын қоса алғанда, Қазақстанмен жан-жақты ынтымақтастықты одан әрі дамытуға ниетті екенін растады.Кездесу соңында тараптар алдағы екіжақты кездесулер мен іс-шаралар кестесін талқылады.Ақпарат көзі : https://www.gov.kz/memleket/entities/mfa/press/news/details/1065318?lang=kk

8 қыркүйекте Исламабад қаласында Қазақстан Республикасы Сауда және интеграция министрі Арман Шаққалиев пен Пәкістан Ислам Республикасының Федералды сауда министрі Джам Камал Хан арасында кездесу өтті. Келіссөз барысында тараптар Қазақстан мен Пәкістан арасындағы сауда-экономикалық ынтымақтастықтың қазіргі жай-күйі мен даму перспективаларын, сондай-ақ Қазақстан Республикасы Президенті Қасым-Жомарт Тоқаевтың биылғы қараша айында Исламабадқа жасайтын ресми сапарына дайындық мәселелерін талқылады. 2025 жылдың алғашқы 7 айының қорытындысы бойынша Қазақстан мен Пәкістан арасындағы өзара сауда көлемі 89,6 млн АҚШ долларын құрады, бұл өткен жылдың сәйкес кезеңімен салыстырғанда 2,5 есе жоғары (36,3 млн АҚШ доллары). Қазақстан экспорты 7,2 есе өсіп, 55,5 млн АҚШ долларын құрады, ал импорт 19,3%-ға өсіп, 34,1 млн АҚШ долларына жетті. Қазақстаннан Пәкістанға экспортталатын негізгі тауарларға шикі мұнай, кептірілген бұршақ дақылдары, дәнді дақылдар, сондай-ақ машиналар мен жабдықтар жатады. Пәкістаннан Қазақстанға импорттың негізгі бөлігін азық-түлік өнімдері (картоп – 27,1%, цитрус жемістері – 18,8%), киім және тоқыма бұйымдары (25%), дәрі-дәрмектер (11,3%) құрайды. Министр Арман Шаққалиев Қазақстан мен Пәкістан өзара сауда көлемін 1 млрд АҚШ долларына дейін жеткізу жөнінде биік мақсат қойып отырғанын атап өтіп, мұнай-химия, металлургия, машина жасау және фармацевтика салаларын қоса алғанда, 40 тауар позициясы бойынша жеткізілімдерін арттыруға дайын екенін білдірді. 2025–2027 жылдарға арналған сауда-экономикалық ынтымақтастық жөніндегі Жол картасын іске асыруға ерекше назар аударылды. Бұл құжат биылғы сәуір айында қол қойылған. Қазақстандық тарап әріптестерді құжаттағы іс-шараларды нақты жүзеге асыруға белсенді қатысуға шақырды. Сондай-ақ тараптар электронды сауда саласындағы ынтымақтастықтың маңыздылығын атап өтті. Бұл бағыт айтарлықтай өсім әлеуетіне ие. ҚР Президентінің Исламабадқа сапары қарсаңында "Made in Kazakhstan and Pakistan" тауар өндірушілер көрмесін және Қазақстан-Пәкістан бизнес-форумын өткізу жоспарланып отыр. Тараптар іс-шара бағдарламасы, кездесулер форматы және қатысушылар құрамы бойынша бірлескен дайындықты бастап кетті. Ынтымақтастықтың маңызды бағыты - транзиттік сауда туралы келісімге қол қою. Бұл келісімнің жобасы қазірдің өзінде келісіліп, қараша айында қол қоюға дайындалуда. Өз кезегінде Пәкістан тарапы Карачи қаласындағы көрмеде қазақстандық делегацияның жетістіктерін жоғары бағалап, іскер топтар арасындағы байланыстарды дамыту және ауыл шаруашылығы, өнім өңдеу, денсаулық сақтау, білім беру, аккредиттеу және сертификаттау салаларында ынтымақтастықты кеңейтудің маңыздылығын атап өтті. Министр Джам Камал Хан Пәкістанда жүргізіліп жатқан экономикалық реформалар туралы айтып өтті. Олардың қатарында қайта қаржыландыру мөлшерлемесінің төмендеуі, өнеркәсіптік өндірістің өсуі, арнайы экономикалық аймақтардың дамуы, сондай-ақ ауыл шаруашылығында технологияларды енгізу бар.Геологиялық барлау және тау-кен өндірісі, тоқыма өнеркәсібі, IT және жасанды интеллект салаларында, сондай-ақ кадр даярлау бағытында ынтымақтастықтың болашағына ерекше назар аударылды. Кездесу қорытындысы бойынша министрлер Қазақстан Президентінің Исламабадқа алдағы сапары екіжақты ынтымақтастықты дамытуға және екі ел арасындағы сауда-экономикалық байланыстарды нығайтуға тың серпін беретініне сенім білдірді.Ақпарат көзі : https://www.gov.kz/memleket/entities/mti/press/news/details/1065278?lang=kk

2017 жылғы 26 желтоқсандағы «Қазақстан Республикасындағы Кедендік реттеу туралы» Қазақстан Республикасының Кодексінің 343 бабы бойынша Еуразиялық экономикалық одақтың кедендік шекарасы арқылы қайтыс болғандардың денелері (мәйіттері) салынған табыттарды және күлі салынған сауыттарды өткізу кезінде жолаушыларға арналған кедендік декларация ретінде қайтыс болған адамның денесі (мәйіті) салынған табытты немесе күлі салынған сауыттарды алып жүретін адам берген еркін нысандағы өтініш пайдаланылуы мүмкін.      Еуразиялық экономикалық одақтың кедендік аумағынан әкетілетін қайтыс болғандардың денелері (мәйіттері) салынған табыттарды және күлі салынған сауыттарды кедендік декларациялау кезінде мынадай құжаттар:      1) Қазақстан Республикасында азаматтық хал актілерін тіркеу үшін айқындалған тәртіппен азаматтық хал актілерін тіркеу бөлімдері беретін қайтыс болуы туралы куәлік не қайтыс болуы туралы медициналық куәлік не көрсетілген құжаттардың нотариат куәландырған көшірмелері, ал жерленгеніне ұзақ уақыт өтуіне байланысты мұндай құжаттар болмаған кезде – әкетілетін сүйектерді сәйкестендіруге мүмкіндік беретін өзге де құжаттар;      2) қайта жерленген жағдайда эксгумация өткізу мүмкіндігі туралы жергілікті мемлекеттік санитариялық қадағалау органдарының еркін нысандағы қорытындысы;      3) мырыш табыттарды дәнекерлеу бойынша жерлеу қызметтерін көрсетуді жүзеге асыратын мамандандырылған ұйымның оларда бөгде салынымдардың жоқтығын көрсете отырып және қайтыс болған адамның заттары мен құнды заттары қайтыс болған адамның денесімен (мәйітімен) бірге жөнелтілген жағдайда олардың тізімдемесі қоса беріле отырып, еркін нысандағы актісі (анықтамасы) ұсынылады.       Еуразиялық экономикалық одақтың кедендік аумағына әкелінетін қайтыс болғандардың денелері (мәйіттері) салынған табыттарды және күлі салынған сауыттарды кедендік декларациялау кезінде мынадай құжаттар:      1) жөнелтуші елдің уәкілетті мекемесі берген қайтыс болуы туралы куәлік не қайтыс болуы туралы медициналық куәлік не осы құжаттардың көшірмесі, ал мәйіттің жерленгеніне ұзақ уақыт өтуіне байланысты ондай құжаттар болмаған кезде – әкелінетін сүйектерді сәйкестендіруге мүмкіндік беретін өзге де құжаттар;      2) мырыш табыттарды дәнекерлеу бойынша жерлеу қызметтерін көрсетуді жүзеге асыратын мамандандырылған ұйымның оларда бөгде салынымдардың жоқтығын көрсете отырып және қайтыс болған адамның заттары мен құнды заттары қайтыс болған адамның денесімен (мәйітімен) бірге жөнелтілген жағдайда олардың тізімдемесі қоса беріле отырып, еркін нысандағы актісі (анықтамасы) ұсынылады.к/б «Әуежай Оскемен» ШҚО бойынша МКД  Ақпарат көзі : https://www.gov.kz/memleket/entities/kgd-vko/press/news/details/1065258?lang=kk

Бүгін аудан әкімі Жандос Еркінбектің төрағалығымен кезекті мәжіліс өткізілді. Жиын барысында Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауынан туындайтын міндеттер және өзекті салалық мәселелер кеңінен талқыланды.Аудан басшысы Жандос Еркінбек өз сөзінде Жолдаудың еліміз үшін маңыздылығына тоқталып, оның аясында 7 негізгі бағыт бойынша нақты тапсырмалар белгіленгенін атап өтті. Осы орайда, аудан көлемінде орындалуға тиіс міндеттер бойынша жауапты бөлім басшыларына нақты тапсырмалар жүктелді.Атап айтқанда, жаңа инвестициялық жобаларды жүзеге асыру бағытында нақты шаралар қабылдау үшін Рауан Мұрсалұлына, ауыл шаруашылығы мақсатындағы жерлерді қайтару және айналымға қосу жұмыстарын жандандыруы үшін Әсет Тұрмаханұлына, аудан көлеміндегі электр, жылу, су жүйелерінің тозу деңгейін тексеру үшін Мария Айтуарқызына нақты тапсырмалар жүктелді.Жиында аудан тұрғындарын алдағы жылу беру маусымына дайындау барысы қаралды. Қатты отынмен қамтамасыз ету жұмыстарының барысы, әлеуметтік нысандар мен білім беру ұйымдарының дайындық деңгейі қозғалды.Сондай-ақ күзгі егін жинау науқанының барысы да талқыланды. Өткен аптада аудан көлемінде күрішке алғашқы орақ түсіп, егін жинау науқаны басталған болатын. Бұл ретте аудан әкімі егінді дер кезінде жинап алу, ауыл шаруашылығы құрылымдарымен үйлесімді жұмыс жүргізу бойынша тапсырмаларын берді.Биыл Қармақшы ауданында жалпы көлемі 25 457 гектар алқапқа ауыл шаруашылығы дақылдары орналастырылды. Оның ішінде күріш – 12 993 гектар, майлы дақылдар – 1 163 гектар, жаздық бидай – 1 000 гектар, арпа – 130 гектар, сүрлем жүгері – 39 гектар, күнбағыс – 2 гектар, мал азықтық дақылдар – 8 950 гектар, картоп, көкөніс және бақша дақылдары – 1 180 гектарды құрап отыр.Аудан басшысы Әсет Тұрмаханұлына егін орағын мерзімінде және сапалы өткізу бойынша жұмысты үйлестіруді тапсырды.Жиын қорытындысында Жандос Еркінбек мемлекеттік саясатты сапалы іске асыруда жауапкершілікпен жұмыс істеу қажеттігін атап өтіп, тиісті бөлім басшыларына нақты тапсырмалар жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1065264?lang=kk

2025 жылғы 04 қыркүйекте Қоғамдық кеңестің, сондай-ақ Алтай ауданының сыбайлас жемқорлық көріністеріне қарсы іс-қимыл мәселелері жөніндегі комиссияның бірлескен отырысы өтті. Отырыс барысында "Алтай ауданының ауданаралық ауруханасы" ШЖҚ КМК, "Алтай ауданының ауыл шаруашылығы, жер қатынастары бөлімі"ММ-де мектеп тамағы, аудандағы жылу маусымына дайындық, Алтай қаласының бюджеті, Алтай ауданының елді мекендерінің шекараларын белгілеу және өзгерту бойынша жерге орналастыру жобалары, сыбайлас жемқорлыққа қарсы іс-қимыл бойынша жүргізіліп жатқан жұмыстар мәселелері қаралды.Қоғамдық кеңес мүшелері ұсыныстар берді.Ақпарат көзі : https://www.gov.kz/memleket/entities/altay-maslihat/press/news/details/1065270?lang=kk

 2025 жылғы 9 қыркүйекте облыс әкімінің орынбасары А.Д. Масабаевтың төрағалығымен Корея Республикасының Қоршаған орта министрлігі, «Loen consulting Co. Ltd» және Future M-Gas компаниялары өкілдерінен құралған Оңтүстік Корея делегациясымен кездесу өтті. Жиын барысында Қарасай ауданындағы Айтей ауылында орналасқан полигонда қалдықтарды көму кезінде түзілетін қоқыс (парниктік) газынан электр энергиясын өндіру жобасын жүзеге асыру аясындағы екіжақты ынтымақтастық мәселелері талқыланды.Аталған жобаның жүзеге асырылуы өңірдің орнықты дамуына маңызды қадам болмақ, зиянды шығарындыларды азайтып, халықты «таза» энергиямен қамтамасыз етуге мүмкіндік береді.Сонымен қатар, кездесу барысында «жасыл технологиялар» саласындағы ынтымақтастықты кеңейту мүмкіндіктері де қарастырылды.Ақпарат көзі : https://www.gov.kz/memleket/entities/almobl-zkh/press/news/details/1065221?lang=kk

Алматы облысында өңірлік Alatau Hub базасында жасанды интеллект жүйесін енгізу бойынша пилоттық жоба іске қосылды. Бұл бастама Алматы облысының Цифрлық технологиялар басқармасы мен Alatau Hub бірлесіп жүзеге асыруда. Экожүйені дамытуға және цифрлық шешімдерді құруға хабтың резиденттері де қатысуда.Жасанды интеллект жүйесі (шартты атауы - Qonaev AI) сынақтық режимде жұмыс істеуде. Қазіргі кезеңде модельдер мен алгоритмдер Алматы облысының цифрлық технологиялар басқармасының деректері негізінде пилотты режимде жұмыс жасауда. Жоба дамуына қарай басқа басқармалар мен аудандық және қалалық әкімдіктердің ақпараттық базаларын интеграциялау арқылы функционалды біртіндеп кеңейту жоспарлануда.Барлық деректерді өңдеу және сақтау үдерістері Alatau Hub базасында орналасқан жергілікті инфрақұрылымда жүзеге асырылады. Бұл жүйенің сенімділігін, бақылануын және ақпараттық қауіпсіздіктің жоғары деңгейін қамтамасыз етеді. Алдағы уақытта серверлік қуаттарды ұлғайту және қосымша дереккөздерді біріктіру, сондай-ақ ақпаратты қорғаудың барлық талаптарын сақтау қарастырылған.Жобаның жеке даму бағыты - жасанды интеллект технологияларын қолдану болып табылады. Бұл жобалық есептеулерді жеделдетуге, ресурстарды тиімді пайдалануға, сапаны бақылауға және инновациялық шешімдер ұсынуға мүмкіндік береді. Бірыңғай деректер базасын құру өңірдің инфрақұрылымдық дамуының тиімділігін арттыруға маңызды қадам болмақ.Ақпарат көзі : https://www.gov.kz/memleket/entities/almobl/press/news/details/1065223?lang=kk

2025ж.08.09. Солтүстік Қазақстан облысы Әділет департаментінің сот орындаушыларының қызметін реттеу және бақылау бөлімі СҚО Жеке сот орындаушылары өңірлік палатасында «Іс қағаздарды қазақ тілінде жүргізу» тақырыбына дәріс оқылды.Ақпарат көзі : https://www.gov.kz/memleket/entities/adilet-sko/press/news/details/1065206?lang=kk

Полиция департаментінің өкілі М. Балацкаямен бірлесіп, бөлім басшысы М. Томас қатысушыларға зияткерлік меншікті қорғау жөніндегі әділет органдарының функциялары туралы айтып берді. Полиция өкілі киберқауіпсіздік, сақтық шаралары мен қорғаныс тақырыбын ашты.Студенттердің барлық сұрақтарына толық жауаптар берілді.Ақпарат көзі : https://www.gov.kz/memleket/entities/adilet-sko/press/news/details/1065209?lang=kk

Астанада авиация генерал-лейтенанты Дәурен Қосановтың басшылығымен өткен кеңесте Мемлекет басшысының Жолдауында айтылған міндеттерге сәйкес қорғаныс ведомствосының даму басымдықтары айқындалды. Кеңес жұмысына Қорғаныс министрлігінің басшылығы, Қарулы күштер түрлерінің бас қолбасшылары, әскер тектері мен өңірлік қолбасшылық әскерлерінің қолбасшылары, сондай-ақ департаменттердің, бас басқармалар мен әскери оқу орындарының бастықтары қатысты.Министр Мемлекет басшысының Жолдауында көрсетілген ел дамуының негізгі бағдарларына тоқталып, цифрландыру құралдары мен жасанды интеллект технологияларын жедел енгізу стратегиялық міндет екенін ерекше атап өтті. Оның айтуынша, Қарулы күштер технологиялық жаңғырудың белсенді қатысушысына айналуы тиіс.– Қорғаныс министрлігінің алдында цифрлық шешімдерді, жасанды интеллект технологияларын, автономды басқару жүйелерін кеңінен енгізу, сондай-ақ ұлттық қорғаныстың киберқұрамдасын дамыту міндеті тұр. Болашақта әскеріміз күрделі гибридтік қатерлерге жауап бере алатын, шапшаң, дәл әрі жоғары технологиялы армия болуы қажет, – деп атап өтті авиация генерал-лейтенанты Дәурен Қосанов.Қорғаныс ведомствосының басшысы биылғы жылдың соңына дейін әрбір әскери бөлімде жергілікті желі құрылысын аяқтауды, ал барлық әскери оқу орындарында оқу үдерісін толық цифрландыруды және жасанды интеллектті оқыту курстарын білім беру бағдарламаларына енгізуді тапсырды. Министр көлік-логистика және құрылыс салаларында жұмыстың сапасын арттыру және 3D-модельдеуді кеңінен қолдану қажеттілігіне назар аударды.Әскери медицинаны дамыту мәселесіне де ерекше көңіл бөлінді. Жасанды интеллект технологияларын әскери медицина саласына да енгізу қажет. Әскери медицина қызметшілеріне медициналық қызметтердің сапасы мен көлемін бақылаудың жаңа жүйесін құру тапсырылды.Кеңесте тәрбие және идеологиялық жұмыс мәселелері де маңызды орын алды. Қоғамның армияға деген сенімін нығайтуға, құқықтық мәдениетті арттыруға және әскери қызметшілердің заманауи құндылық бағдарларын қалыптастыруға ерекше назар аударылатын болады.Ақпарат көзі : https://www.gov.kz/memleket/entities/mod/press/news/details/1065213?lang=kk

"Астана – есірткісіз қала" жоспары аясында және "Заң және тәртіп" тұжырымдамасын іске асыру шеңберінде Қазақстан Республикасы ІІМ Ұлттық ұланының 6636 әскери бөлімінде әскери қызметшілер арасында нашақорлықтың алдын алуға бағытталған ауқымды спорттық іс-шара өтті.Сайыста ұландықтар эстафеталарға, командалық жарыстарға, жекпе-жек және әскери дайындық бойынша көрсетілімдерге қатысты. "Астана — есірткісіз қала!" сайысы ұлт денсаулығы үшін күрестің символы ғана емес, әскери қызметшілердің салауатты өмір салтына, патриотизмге және әскери бауырластыққа бейімделуіне де себепші болды.Іс-шараға полиция және әскери полиция департаментінің өкілдері қатысты. Қатысушыларға бағалы сыйлықтар мен естелік сыйлықтар әзірленді.Шараға арнайы келген қоғамға есімі белгілі медиа-тұлғалар: блогерлер Драгон, Рамиль Тұрсынов, Сайлаубек Ерғазы "Сайло", Ләйлә Сұлтанқызы, Айтым Жақыпов, Руслан Силин, Ярослав Мелехин, сондай-ақ Василий Тахтай, Шертім Нұрдәулет, Нұргелді Кердеш, Рүстем Жантенов, Медет Жанатұлы сарбаздарға қолдау білдірді. Астана қаласы мәслихатының депутаты Азамат Айтхожин, Авто және мотоцикл федерациясының президенті Анатолий Бондарь, айтыскер - ақын Айшолпан Тілеутай, "Үйде" қоғамдық бірлестігінің негізін қалаушы Саят Күзенов құрметті қонақ болды.Спорттық шара нашақорлықтың алдын алу ісінде мемлекеттік құрылымдар мен жұртшылықтың өзара жемісті ықпалдастығының үлгісі болды. Дәлірек айтсақ, жастар мен әскери қызметшілер арасында салауатты өмір салты және тәртіп пен патриотизм құндылықтарын бірлесіп қалыптастыруға болатынын көрсетті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1065191?lang=kk

 Теміржол саласының дамуына сүбелі үлес қосып келе жатқан тәжірибелі мамандардың бірі — Исабеков Бауыржан. Ол бұл салада 43 жыл 7 ай бойы тынымсыз еңбек етіп келеді.Өзінің еңбек жолын Түркістан локомотив пайдалану депосында қарапайым кезекші қызметінен бастаған ол бүгінде  жөндеуді бақылау бөлімінің басшысы қызметін абыроймен атқаруда. Жауапкершілігі мол, қажырлы еңбекті талап ететін бұл қызметте ол теміржол көлігінің қауіпсіз әрі үздіксіз жұмыс істеуіне зор үлес қосып келеді.Ұзақ жылдар бойы жинақтаған тәжірибесі, өз ісіне деген адалдығы мен кәсіби біліктілігі жас мамандарға үлгі боларлықтай. Ол тек өз ісінің шебері ғана емес, сонымен қатар теміржол саласында қалыптасқан еңбек дәстүрлерін ұрпаққа үйретіп жүрген білікті тәлімгер.Осындай адал еңбек иелері — еліміздің теміржол саласының негізін қалаушылар мен алға сүйреушілері.

Ү.ж. 27 тамызда Рас-эль-Хайма әмірлігінің Полиция бастығының міндетін атқарушысы, бригадалық генерал Джамаль Ахмед Әл-Тайрмен кездесу өтті. Кездесу барысында екіжақты ынтымақтастық, оның ішінде ҚР азаматтарының құқықтары мен мүдделерін қорғау саласындағы өзара іс-қимыл мәселелері талқыланды.Ақпарат көзі : https://www.gov.kz/memleket/entities/mfa-dubai/press/news/details/1065127?lang=kk

Ү.ж. 17 маусымда Шарджа Әмірлігі Сауда-өнеркәсіп палатасының төрағасы Абдалла Сұлтан Ал Овайеспен кездесу өтті. Екіжақты сауда-экономикалық ынтымақтастықты дамыту мәселелері талқыланды.Ақпарат көзі : https://www.gov.kz/memleket/entities/mfa-dubai/press/news/details/1065108?lang=kk

2025 жылғы 31 шілдеде Рас-эль-Хайма полициясының Туристік полиция басқармасының басшысы Ғанем Әл Сувейдимен кездесу өтті. Кездесу барысында тараптар туристік маусым кезеңіндегі өзара іс-қимыл, ақпаратпен алмасу және құқықтық көмек көрсету бойынша екіжақты ынтымақтастық мәселелерін талқылады.Ақпарат көзі : https://www.gov.kz/memleket/entities/mfa-dubai/press/news/details/1065114?lang=kk