Жергілікті денсаулық сақтау органдарының мамандарынан құралған дәрігерлік комиссиялар әскерге шақырылатын азаматтарды медициналық тексеруден өткізіп, олардың әскери қызметке жарамдылығын анықтайды.Азаматтарды әскерге шақыруды ұйымдастыру және қамтамасыз ету өз құзыреті шегінде жергілікті атқарушы органдарға жүктелген. Әскерге шақыру комиссиясының төрағасы – облыс әкімінің орынбасары.Шақырылатын азаматтардың тізімін жасау, шақыртуларды жіберу және шақырылым іс-шараларын ұйымдастыру жергілікті әскери басқару органдарының міндетіне жатады. Әскерге шақырылған азаматтар комиссиясының шақыруымен жиын пунктіне келуге міндетті.Егер шақыртуды жеке тапсыру мүмкін болмаса, азаматтарды жеткізу міндеті ішкі істер органдарына жүктеледі. Олар әскерге шақырудан жалтарған адамдарды іздеп, жеткізумен айналысады.Жергілікті атқарушы органдар полициямен бірлесіп әскерге шақыру ережесін бұзған азаматтарды анықтау бойынша рейдтік іс-шаралар жүргізеді. Шақырылған азаматтар жиын пунктінде өзінің әскерге жарамдылық мәртебесі бойынша тексеруден өтеді.Медициналық тексеру денсаулық сақтау органдарының мамандары арқылы жүргізіліп, сарбаздардың денсаулығы бағаланады, жарамдылық категориясы анықталады және олардың мерзімді әскери қызметке жарамдылығы туралы шешім қабылданады.Заңды негіздер болса, азаматтарға әскерден кейінге қалдыру немесе босату беріледі. Басқа жағдайларда олар Қазақстан Республикасының Қарулы Күштеріне, басқа әскерлерге және әскери құралымдарға мерзімді әскери қызметке жіберіледі.Айта кетейік, 18-ден 27 жасқа дейінгі, әскерден кейінге қалдыру немесе босату құқығы жоқ азаматтарды әскерге шақыру жылына екі рет – наурыздан маусымға және қыркүйектен желтоқсанға дейін жүргізіледі.Ақпарат көзі : https://www.gov.kz/memleket/entities/mod/press/news/details/1138087?lang=kk

Ағымдағы жылдың 8 қаңтарында Үлкен Нарын ауданы Қоғамдық кеңес мүшелері тарапынан дәрілік заттардың шекті бағаларының сақталуына мониторинг жүргізілді.Мониторингке қатысқандар:аудандық Қоғамдық кеңестің төрағасы– Ережепов Б.К;Қоғамдық кеңес мүшесі – Тоқсанова Л.Ж;Қоғамдық кеңестің хатшысы — Нугуманова Ф.С.Мониторинг «Восток-Ерасыл» ЖШС дәріханасында жүргізілді, басшысы-Атабаева Гаухар Тупаевна, мекенжайы: ШҚО, Үлкен Нарын ауылы, Аблайхан көшесі 57.Мониторинг нәтижелері бойынша:✔ нормативтік құқықтық актілер талаптарының бұзылуы анықталған жоқ;✔ дәрілік заттарға белгіленген шекті бағалар сақталған.Қоғамдық кеңес тарапынан дәрілік заттардың бағасына қоғамдық бақылау жүргізу жұмыстары алдағы уақытта да жалғасатын болады.Ақпарат көзі : https://www.gov.kz/memleket/entities/maslikhat-ulken-naryn/press/news/details/1138033?lang=kk

Жыл басынан бері ҚР Сауда және интеграция министрлігі жергілікті атқарушы органдармен бірлесіп баға мониторингін белсенді түрде жүргізіп келеді. Мониторинг күн сайын, демалыс күндеріне қарамастан жүргізіліп жатыр. Бұл баға өзгерісін уақтылы анықтап, нарықты тұрақтандыру бойынша тиісті шаралар қабылдауға мүмкіндік береді.Осылайша, 1 қаңтарда Сауда және интеграция министрі Арман Шаққалиев елордадағы ірі сауда желілерін аралап, бағаларды тексерді.1 қаңтардан бастап еліміздің барлық өңірлерінде баға мониторингі белсенді түрде жүргізілуде. Сауда және тұтынушылардың құқықтарын қорғау департаменттерінің басшылары әкімдіктермен бірлесіп 600-ден астам сауда нысанын тексерді.Ұлытау облысының әкімі Дастан Рыспековтің басшылығымен әкімдік өкілдері мен Сауда және тұтынушылардың құқығын қорғау департаменті «Самади» гипермаркетіне барды. Мониторинг барысында әлеуметтік маңызы бар азық-түлік тауарларының, атап айтқанда ұн, нан, сүт, күнбағыс майы, қант, күріш және өзге де өнімдердің бағасы мен қолжетімділігі тексерілді. Сондай-ақ тауарлардың сөрелерде болуы мен қоймадағы қор көлеміне ерекше назар аударылды.Қызылорда облысында 31 желтоқсан мен 2026 жылдың 1 қаңтар күндері азық-түлік тауарларының бағасына мониторинг облыс әкімінің орынбасары Ардақ Зебешевтің жетекшілігімен жүргізілді. Сауда және тұтынушылардың құқығын қорғау департаменті, ауыл шаруашылығы және жер қатынастары басқармасы, кәсіпкерлік және өнеркәсіп басқармасы, мемлекеттік кірістер департаменті, сондай-ақ «Байқоңыр» ӘКК» АҚ өкілдерінен құралған жұмыс тобы Қызылорда қаласындағы «Сыбаға», «Смолл» және «Қызылорда» сауда желілерінде тексеру жұмыстарын жүргізді.1 қаңтарда Батыс Қазақстан облысы әкімінің орынбасары Қалияр Айтмұхамбетов облыстық Сауда және тұтынушылардың құқықтарын қорғау департаменті мен Кәсіпкерлік және индустриялық-инновациялық даму басқармасының басшылығымен бірлесіп Орал қаласындағы ірі сауда желілерінде баға мониторингін өткізді.6 қаңтарда Солтүстік Қазақстан облысының әкімі Ғауез Нұрмұхамбетов Петропавл қаласындағы ірі сауда нүктелерінде бірінші кезектегі азық-түлік тауарларының бағасын жеке өзі тексерді.«Өңірде бағаның өсуін тежеу мақсатында тұрақтандыру қоры жұмыс істейді. Өткен жылы оның қаржыландыру көлемі 2,9 млрд теңгені құрады, шамамен 13 мың тонна өнім сатып алынды. Бұл қала халқының үш айлық қажеттілігінің 50 пайызына тең. Қазіргі уақытта тұрақтандыру қорының қорлары шамамен 12 мың тоннаны құрайды», - деді Солтүстік Қазақстан облысының әкімі Ғауез Нұрмұхамбетов.Маңғыстау облысында төрт ірі сауда желісінде, оннан астам үй маңындағы дүкенде, сондай-ақ төрт көтерме базарда баға мониторингі жүргізілді.Сонымен қатар Сауда комитеті өткен жылдың қорытындысын шығарды. 2025 жылы әлеуметтік маңызы бар азық-түлік тауарларына белгіленген шекті сауда үстемесін асыру деректері бойынша ҚР ӘҚБтК-нің 204-4-бабына сәйкес 2 796 әкімшілік қаулы шығарылды. Оның ішінде 55,7 млн теңгеден астам сомаға 1 625 айыппұл салынды.Ақпарат көзі : https://www.gov.kz/memleket/entities/mti/press/news/details/1138042?lang=kk

Мемлекеттік кірістер комитеті «Salyq кэшбэк» пилоттық жобасын 2026 жылғы 1 қаңтардан бастап ұзартылатыны туралы хабарлайды. Жоба микро және шағын бизнес субъектілері берген бақылау-касса машиналарының фискалдық чектері бойынша сыйақы төлеуге бағытталған.     2025 жылы «Salyq кэшбэк» жобасы оң нәтиже көрсетті, сканерленген чектер саны 26% - ға өсті, ал олардың жалпы сомасы өткен жылмен салыстырғанда 32% - ға өсті. Жоба 12 облыстың 48 ауданында: Шығыс Қазақстан, Қостанай, Ақмола, Қарағанды, Маңғыстау, Жамбыл, Түркістан, Алматы, Батыс Қазақстан, Солтүстік Қазақстан, сондай-ақ Жетісу және Ұлытау облыстарында іске асырылды.    Анықтама үшін: 2025 жылы жалпы сомасы 7,6 млрд теңгеге 573 937 чек сканерленді. Есептелген кэшбэк сомасы 152 млн теңгені құрады.     «Salyq кэшбэк» жобасына кез келген адам қатыса алады. Ол үшін тауарлар мен қызметтерге ақы төлеу кезінде (қолма-қол ақшамен де, қолма-қол ақшасыз тәсілмен де) фискалдық чек алу, «Amian» арнайы мобильді қосымшасындағы чектен штрих-кодты сканерлеу және сатып алу сомасының 2% мөлшерінде сыйақы алу қажет.     Сыйақылар «IT Analytics» ЖШС операторы арқылы «Amian» мобильді қосымшасын пайдалана отырып есептеледі.     «Amian» қосымшасын App Store және Google Play-да тегін жүктеуге болады.      Мемлекеттік кірістер комитеті азаматтарды тұтынушылық құқықтарын қорғау мақсатында бақылау-кассалық машиналардың чектерін талап етуге шақырады.  Ақпарат көзі : https://www.gov.kz/memleket/entities/kgd-akmola/press/news/details/1138330?lang=kk

 Құттықтау барысында елдің бірлігі мен ынтымағын сақтауда, жас ұрпаққа тәлім-тәрбие беруде ақсақалдардың атқарып отырған рөліне ерекше тоқталды.Сондай-ақ, алдағы жылы әр шаңыраққа амандық, зор денсаулық, молшылық пен береке тілеп, ауылдың әлеуметтік-экономикалық дамуына ақсақалдардың ақ батасы әрдайым демеу болатынын атап өтті.Ақпарат көзі : https://www.gov.kz/memleket/entities/mangystau-munaily-bayandy/press/news/details/1137883?lang=kk

Қазақстан Республикасы Бас прокуратурасы Құқықтық статистика жәнеарнайы есепке алу жөніндегі комитетінің Қылмыстық қауіп-қатерлердің жәнеқоғамдық қауіпсіздіктің тәуекелдерін болжау орталығы «WhatsApp»мессенджеріне қатысты жаңа киберқатер туралы ескертеді.Шетелдік дереккөздердің мәліметіне сәйкес(https://infobezopasnost.ru/blog/news/kiberataka-ghostpairing-pozvolyaet-moshennikampoluchit-polnyj-dostup-k-whatsapp-bez-vzloma-parolya/,https://www.securitylab.ru/news/567291.php, https://securitymedia.org/news/list/atakaghostpairing-pozvolyaet-nezametno-zakhvatyvat-akkaunty-whatsapp.html) кибералаяқтар«WhatsApp» аккаунттарын басып алудың жаңа қылмыстық схемасынқолдануда. Бұл әдіс «GhostPairing» деп аталады және парольдерді бұзуды,SIM-карталарды ауыстыруды немесе күрделі техникалық шабуылдардықажет етпейді. Алаяқтар «WhatsApp»-қа заңды түрде, қосымшақұрылғыларды байланыстыру функциясын пайдалану арқылы қол жеткізеді.Сценарийі қарапайым: пайдаланушыға «Facebook» немесе «WhatsApp»атынан жасырынған хабарлама жіберіледі, ол «Facebook» пен «WhatsApp»интерфейсін визуалды түрде қайталайтын жалған парақшаларға бағыттайды.Контентке қолжетімділікті растау үшін фейк-парақша телефон нөмірімен растау кодын енгізуді ұсынады, осыдан кейін зиянкес автоматты түрдежәбірленушінің аккаунтына сенімді құрылғы ретінде қосылып, «WhatsApp»-қа толық қол жеткізеді (хабарламаларды оқу, медиафайлдарды қарау, байланыстартізімі, хабарлама жіберу, фотогалереяға қолжетімділік). Бұл ретте телефонәдеттегідей жұмыс істей береді және күдік тудырмайды.«WhatsApp»-тың басып алуын анықтаудың жалғыз жолы -«Байланыстырылған құрылғылар» бөлімін қолмен тексеру. Кез келгенбелгісіз қосылу аккаунттың бұзылғанын көрсетеді және дереу жойылуы тиіс.Сақ болыңыздар, киберқауіпсіздік талаптарын сақтаңыздар:- белгісіз кіріс хабарламаларға, қоңырауларға және әр түрліхабарландыруларға мұқият болыңыздар;- «WhatsApp» кодын бөгде парақшаларға енгізбеңіздер,қосымшадан тыс жерде кодты сұрату - әрқашан алаяқтық;- екі факторлы аутентификацияны пайдаланыңыздар;- аккаунтыңыздың белсенділігін тұрақты түрде тексеріпотырыңыздар;- қорғаныш бағдарламалық қамтамасыз етуді қолданыңыздар.Бір қатенің құны - Сіздің жеке хат алмасуыңызды толық бақылау.ҚҰҚЫҚТЫҚ СТАТИСТИКА ЖӘНЕ АРНАЙЫ ЕСЕП КОМИТЕТІҚАЗАҚСТАН РЕСПУБЛИКАСЫНЫҢ БАС ПРОКУРОРАТЫНЫҢ АППАРАТЫАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1139851?lang=kk

Бастаушы ауылдық округі бойынша Көкжота аулының Жамбыл атындағы орта мектебінің оқушыларымен "Заң және тәртіп" тақырыбы аясында Самар АПБ ҚҚБ учаскелік полиция инспекторы полиция капитаны О.К.Токушевпен кездесу сағаты ұйымдастырылды. Заң -бәрімізге ортақ ереже екендігінің түсіндіріп, ал тәртіп -сол заңды сақтаудың көрінісі екенің айтып өтті. Заңды білу және орындау арқылы біз өз болашағымызды қауіпсіз етеміз.Ақпарат көзі : https://www.gov.kz/memleket/entities/vko-samar-bastaushy/press/news/details/1137888?lang=kk

Жаңа жыл әр шаңыраққа амандық пен береке, жүрекке жылу мен үміт сыйласын.Отбасыларыңызда татулық орнап, балалардың күлкісі үзілмесін.Алдағы жыл қуанышқа, игі жаңалықтарға толы болып, әр күніңіз жарқын сәттерге ұлассын.Баршаңызға зор денсаулық, мол бақыт, тыныш та бейбіт ғұмыр тілеймін.Жаңа жыл құтты болсын! Құрметпен, Баянды ауылының әкімі Қадырбек Құдабайұлы.Ақпарат көзі : https://www.gov.kz/memleket/entities/mangystau-munaily-bayandy/press/news/details/1137891?lang=kk

АҚПАРАТТЫҚ ХАБАРЛАМА  Айдар атауы: 2026 жылғы өзгерістер «БЖЗҚ» АҚ-дан берілетін зейнетақы төлемдері 5 пайызға өседі 2026 жылғы 1 қаңтардан бастап Бірыңғай жинақтаушы зейнетақы қорынан (БЖЗҚ) төленетін зейнетақы төлемдері зейнетақы төлемдерін бұрыннан алып жүрген зейнеткерлер үшін 5 пайызға ұлғаяды.Естеріңізге сала кетейік, БЖЗҚ-дан берілетін зейнетақы төлемдерінің мөлшерін есептеу Қазақстан Республикасы Үкіметінің 2023 жылғы 30 маусымдағы қаулысымен бекітілген Зейнетақы төлемдерінің мөлшерін есептеу әдістемесіне сәйкес жүзеге асырылады. Аталған әдістемеге сәйкес, зейнетақы төлемдерін алғаш рет ала бастайтын азаматтар үшін ай сайынғы төлем мынадай тәртіппен есептеледі: зейнетақы жинақтарының сомасы зейнетақы жинақтарын төлеу мөлшерлемесі — 6,5 пайызға көбейтіліп, 12 айға бөлінеді. Кейінгі жылдары ай сайынғы төлем мөлшері зейнетақы төлемдерін индекстеу мөлшерлемесіне сәйкес 5 пайызға арттырылады.БЖЗҚ-дан жүзеге асырылатын ай сайынғы зейнетақы төлемінің ең төменгі мөлшері республикалық бюджет туралы заңмен тиісті қаржы жылына белгіленген ең төменгі күнкөріс деңгейінің (ЕТК) кемінде 70 пайызына тең. 2026 жылғы ең төменгі күнкөріс деңгейі - 50 851 теңге. Ал ай сайынғы зейнетақы төлемінің ең жоғары мөлшері шектелмейді және ол алушының зейнетақы жинақтарының көлеміне тікелей байланысты.Әдістемеде төменде көрсетілген санаттарға жататын азаматтар үшін зейнетақы төлемдерінің мөлшерін есептеу кезінде қолдануға болатын арттырушы түзету коэффициенттері көзделген:мерзімсіз уақытқа белгіленген I немесе II топтағы мүгедектігі бар адамдар;міндетті кәсіптік зейнетақы жарналары жиынтығында кемінде 60 ай төленген және зейнеткерлік жасқа жеткен адамдар. Егер азамат жоғарыда көрсетілген екі талапқа бірдей сәйкес келсе, ең жоғары мәнге ие түзету коэффициенті қолданылады.Осылайша, зейнетақы төлемдерінің мөлшері тұрақты түрде аударылатын зейнетақы жарналары мен жинақталған инвестициялық кіріс есебінен қалыптасатын зейнетақы жинақтарының көлеміне тікелей тәуелді. БЖЗҚ-дан берілетін төлемдер жеке зейнетақы шотындағы қаражат толық таусылғанға дейін жүзеге асырылады. Жеке зейнетақы жинақтары салымшының меншігі болып табылатындықтан, олар азаматтық заңнамада белгіленген тәртіппен мұраға қалдырылады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).   Ақпарат көзі : https://www.gov.kz/memleket/entities/abay-audany/press/news/details/1142468?lang=kk

Қазақстанда креативті индустрия субъекттерін мемлекеттік қолдау және ынталандыру қағидалары бекітілді. Жаңа құжат саланы дамытудың жүйелі әрі ашық тәсілін қалыптастырып, креативті жобалардың идея мен пилоттық шешімдерден бастап, халықаралық нарықтарға шығу және коммерцияландыруға дейінгі кезеңін қамтиды.Қаржыны қайтару мәселесіне де ерекше мән берілген. Мемлекеттік қолдау жобалардың тұрақтылығы мен экономикалық жағдайына бағытталып, грант арқылы қаржыландыру үлесін барынша азайтуды және жеке инвестиция тартуды көздейді.Құжатта креативті және пилоттық жобаларды қаржыландыру, бірлесіп қаржыландыруға арналған қаржылық құралдар, жеке инвесторлармен бірлескен бастамаларды іске асыру, креативті өнім экспортын қолдау, зияткерлік меншікті тіркеу және құқықтық қорғауға жұмсалған шығындарды өтеу, халықаралық шығармашылық байқаулар мен іс-шараларға қатысу, сондай-ақ халықаралық деңгейдегі жетістіктер үшін сыйақы беру мәселелері қарастырылған.Сонымен қатар, қаржылық емес қолдау шаралары да анықталған. Оларға консультациялық, акселерациялық және білім беру бойынша қолдау, халықаралық мәдени және креативті платформаларға қатысуға жәрдемдесу, үй-жайлар мен жабдықтарды жеңілдетілген шарттармен ұсыну, цифрлық сервистер мен онлайн-платформаларды дамыту, жобаларға маркетингтік және құқықтық жетекшілік ету, креативті индустрияны дамытудың өңірлік стратегияларын әзірлеу, инклюзияны қамтамасыз ету шаралары және саланың жекелеген бағыттары бойынша арнайы бағдарламалар кіреді.Қағидалардың қабылдануы креативті индустрияны ел экономикасының маңызды және бәсекеге қабілетті саласына айналдыруға бағытталған. Креативті индустрия ел үшін табыс әкеліп, жұмыс орындарын құрып, экспортты дамытуға мүмкіндік береді.Дереккөз: ҚР Мәдениет және ақпарат министрлігінің баспасөз қызметіhttps://www.gov.kz/memleket/entities/mam/press/news/details/1136890?lang=kk Ақпарат көзі : https://www.gov.kz/memleket/entities/zhetysu-digital/press/news/details/1137867?lang=kk

25 желтоқсанда Қостанай қаласында психоневрологиялық патологиялары және тірек-қимыл аппараты бұзылған мүгедектігі бар балаларға арналған жаңа оңалту орталығының ашылу салтанаты өтті. Бұл жоба өңірде ерекше қажеттіліктері бар балаларды қолдау және оңалту жүйесін дамытудағы маңызды қадам болып табылады.Қостанай облысында мүгедектігі бар адамдарды әлеуметтік қолдауға бағытталған шараларды қаржыландыру көлемі жыл сайын артып келеді. 2025 жылы бұл мақсаттарға 15 млрд теңгеден астам қаражат бөлінді, бұл 2022 жылғы деңгеймен (7,6 млрд теңге) салыстырғанда екі есе көп.Қаржының едәуір бөлігі оңалтудың техникалық құралдары мен қызметтерін қамтамасыз етуге бағытталуда. Атап айтқанда, тифло- және сурдоқұралдармен, кресло-арбалармен, протездік-ортопедиялық бұйымдармен қамтамасыз етуге, санаториялық-курорттық емдеуге, жеке көмекші мен ымдау тілі маманының қызметтеріне жұмсалатын шығындар 2022 жылғы 3 млрд теңгеден 2025 жылы 7 млрд теңгеге дейін өсті.Сонымен қатар, жергілікті бюджеттен I топтағы мүгедектігі бар адамдар мен балаларды санаторий-курорттық емдеу кезінде алып жүруге қосымша қаражат бөлінуде. Инватакси қызметін көрсету аумағы да кеңейтіліп, бұл азаматтардың қозғалысын жеңілдетіп, әлеуметтік қызметтерге қолжетімділікті арттырды.Соңғы екі жылда облыста иппотерапия және кресло-арбаларды жөндеу қызметтері де енгізілді. Бұл шаралар әртүрлі патологиялары бар балалардың денсаулық жағдайын жақсартуға, сондай-ақ мүгедектігі бар ересектердің әлеуметтік бейімделуіне оң әсерін тигізуде.Жаңа оңалту орталығының ашылуы Мемлекет басшысының әлеуметтік инфрақұрылымды дамыту және азаматтардың өмір сүру сапасын арттыру жөніндегі тапсырмаларын іске асырудың кезекті кезеңі болды. Орталықты заманауи жоғары технологиялық оңалту жабдықтарымен жарақтандыруға «Қазақстан халқына» қоғамдық қоры 1 млрд теңге бөлді. Бұған дейін мұндай жабдықтар негізінен республикалық медициналық ұйымдарда ғана болып, өңір балалары үшін қолжетімділігі шектеулі еді.Орталықта балалардың денсаулығын нығайтуға және әлеуметтік оңалтуға бағытталған арнайы әлеуметтік қызметтердің толық кешені көрсетіледі. Емдік және бейімделген дене шынықтыру, механо- және эрготерапия сабақтары өткізіледі, сенсорлық және интерактивті залдар, тұзды және шунгитті бөлмелер жұмыс істейді. Сонымен қатар тірек-қимыл аппараты, жүрек-қан тамырлары, жүйке жүйесі ауруларын, сондай-ақ тері ауруларын емдеуге арналған арнайы ванналарды қолдану арқылы су процедуралары жүргізіледі.Егер бұған дейін облыс орталығындағы жалғыз оңалту орталығында (20 төсек-орын) жылына 400-ден аспайтын бала ғана оңалтудан өте алса, жаңа орталықтың ашылуымен жыл сайын 1,5 жастан 18 жасқа дейінгі кемінде 900 баланы қамту жоспарланып отыр. Оңалту курсының ұзақтығы 14 күннен 21 күнге дейін ұлғайтылды.Аталған орталықтың ашылуы мүгедектігі бар балаларға көрсетілетін оңалту көмегінің қолжетімділігі мен сапасын едәуір арттырып, Қостанай облысында инклюзивті әлеуметтік ортаны қалыптастыруға маңызды үлес қосады.Ақпарат көзі : https://www.gov.kz/memleket/entities/kostanay/press/news/details/1137784?lang=kk

7 қаңтарда Ұлы Отан соғысының ардагері Павел Васильевич Даценко 101 жасқа толды. Қостанай облысының қорғаныс істері жөніндегі департаментінің әскери қызметшілері майдангердің шаңырағына арнайы барып, туған күні мен Рождество мерекесіне орай құттықтап, ізгі тілектерін жеткізді.Департамент өкілдері Қазақстан Республикасы Қорғаныс министрінің атынан жолданған құттықтау хатын табыстап, ардагерге жауынгерлік ерлігі мен елге сіңірген еңбегі үшін шынайы ризашылықтарын білдірді. Павел Васильевичке мықты денсаулық, отбасының амандығы мен ұзақ ғұмыр тіледі.– Сіз Ұлы Жеңіске өлшеусіз үлес қосқан, батырлық пен табандылықты ту еткен қаһарман ұрпақтың өкілісіз. Сіздің өмір жолыңыз – біз үшін отансүйгіштік пен халқына адал қызмет етудің жарқын үлгісі, – деді ардагерлермен жұмыс жөніндегі қызмет басшысы лейтенант Адия Нұрпейісова.Павел Даценко 1925 жылы Қостанай облысының Владимировка ауылында дүниеге келген. 1942 жылдың желтоқсанында майданға аттанып, екінші Украина майданының құрамында шайқасты. Ол Курск доғасындағы ұрыстарға, Корсунь-Шевченко және Яссы–Кишинев шабуыл операцияларына қатысып, Румыния, Венгрия және Чехословакия жерлерін азат етуге атсалысты. Жеңісті Вена қаласының маңында қарсы алған. Соғыс жылдарында бірнеше рет жарақат алды. Бейбіт өмірде Ұлттық қауіпсіздік комитеті органдарында қызмет етті.Майдангердің ерлігі II дәрежелі Отан соғысы орденімен, «Германияны жеңгені үшін», «Ерлігі үшін», «Кеңес Одағының маршалы Жуков» медальдарымен бағаланды. Сондай-ақ Қазақстан Республикасы Президентінің Жарлығымен «Ерен еңбегі үшін» медалімен марапатталған.Соғыс ардагерлеріне қамқорлық көрсету – қорғаныс істері жөніндегі департамент қызметінің маңызды бағыттарының бірі. Майдангерлерге құрмет көрсету арқылы әскери қызметшілер батырлардың ерлігін ұлықтап, жас ұрпақты отансүйгіштік рухта тәрбиелеуге үлес қосып келеді.Ақпарат көзі : https://www.gov.kz/memleket/entities/mod/press/news/details/1137682?lang=kk

Швейцариялық Stadler Rail компаниясы Қазақстандағы түнгі пойыздарға арналған 600 жатын вагон жасайды. Бұл жоба қазақстандық нарықтың швейцариялық компаниялар үшін тартымдылығын тағы бір мәрте көрсетеді.Астанадағы Швейцариялық Stadler Rail компаниясының зауытында ауысым ауысады: бір ауысым кетіп, келесісі келеді. Соңғы бірнеше айда мұнда шамамен 400 қызметкер тәулік бойы дерлік ірі тапсырыс бойынша жұмыс істеп келеді: олар түнгі пойыздарға арналған шамамен алты жүз жатын вагон жасауға тиіс. Соңғы жылдары Қазақстан теміржол инфрақұрылымын тұрақты түрде кеңейтіп, жаңартып келеді, ал Тюргау кантонынан шыққан Швейцариялық вагондар мен локомотивтер өндірушісі Stadler Rail осы үдерісте маңызды рөл атқаруда. Тапсырыстың жалпы сомасы 2 миллиард швейцария франкінен немесе шамамен 2,5 миллиард доллардан асады.Stadler Rail компаниясының Орталық Еуропа бөлімшесінің басшысы Филипп Бруннердің айтуынша, Астана зауыты іс жүзінде нөлден бастап қайта құрылды: «Біз зауытты өз бақылауымызға алып, оны өндіріс стандарттарымызға сәйкес қайта тұрғыздық». Ол бұрынғы Кеңес республикаларында ұқсас өндіріс орындарын іске қосу тәжірибесіне ие: Украинаға қарсы агрессия аясында Ресей мен Беларуське батыс санкциялары салынғандықтан, компания Беларусьтегі Stadler зауытын тастап кетуге мәжбүр болды. «Дегенмен, бұл тәжірибе босқа кеткен жоқ», – дейді ол. Кейбір қызметкерлер Минскіден Қазақстанға ауыстырылды, ал Астанадағы зауыт директоры – 12 жылдан астам уақыттан бері Бруннермен бірге жұмыс істеп келе жатқан Беларусь азаматы.Берн экономикалық байланыстарды тереңдетуге басымдық береді.Қазақстан мұнай мен газға тәуелділікті азайту арқылы экономикасын әртараптандыруға ұмтылуда. Сондай-ақ ол туризмді қоса алғанда, жаңа өнеркәсіптік салаларды дамытуды жоспарлап отыр. Билік осы процестерге шетелдік компаниялардың, соның ішінде швейцариялық компаниялардың қатысуына үміт артады. Швейцарияның Экономикалық істер жөніндегі мемлекеттік хатшылығының (Staatssekretariat für Wirtschaft, SECO, елдің Экономика министрлігінің бөлімшесі) мәліметі бойынша, Швейцария Қазақстандағы шетелдік инвесторлар арасында үшінші орында.Қазіргі уақытта онда шамамен 40 швейцариялық компания жұмыс істеп тұр, және олардың санының өсуі күтілуде. Осы контексте Швейцарияның экономика министрі Ги Пармелин жақында Астанаға Швейцария-Қазақстан бизнес-форумына қатысу үшін барды. Қазақстан министрлерімен, бизнес өкілдерімен және лоббистермен сөйлескенде ол сапарының мақсаты – екіжақты экономикалық қатынастарды тереңдету екенін атап өтті. Ги Пармелиннің айтуынша, Берн үшін «қажет болған жағдайда швейцариялық бизнес үшін жағдай жасау шарттарын жақсарту мақсатында жергілікті мәселелер туралы компаниялардан тікелей ақпарат алу» маңызды.Геосаяси контекстӘртүрлі салалардағы швейцариялық компаниялар Қазақстанға қызығушылық танытуда. Мысалы, канат жолдары саласына маманданған Bartholet компаниясының Маркус Менци елдің оңтүстігінде инфрақұрылымдық әлеуеттің зор екенін атап көрсетеді: «Қазақстан – өте перспективалы нарық. Онда тартымды туристік аймақтар мен қалалық көлік саласында біздің инженерлік-техникалық шешімдерімізді енгізуге мүмкіндіктер бар."Roche фармацевтикалық тобы да осы елде белсенді. Жақында Швейцарияда өндірілген дәрілер тікелей Қазақстанда қаптала бастады – бұл жергілікті биліктің қосылған құнның бір бөлігін ел ішінде жасау талаптарына байланысты. Экономист К. Қаппаровтың айтуынша, Қазақстанда батыс инвесторларының назары күшейіп келеді.Ел солтүстіктен Ресеймен, оңтүстік-шығыстан Қытаймен шектеседі,және Украинаға қарсы агрессиясы үшін Мәскеуге салынған санкциялар тауарларды Қазақстан арқылы транзит етуді бұрынғыдан әлдеқайда тартымды етті. Сонымен бірге дәл осы бағыттар санкцияларды айналып өтудің бір ғана жолы деген күдік тудырады. «Бірақ Қазақстанның ең ірі сауда серіктестері – АҚШ пен Еуропалық Одақ. Қазақ үкіметі ондай тәуекелге бармайды, себебі санкциялар біздің экономиканы әлсіретуі мүмкін».Есептелген тәуекелStadler Rail компаниясының бас директоры Петер Шпулер де Гай Пармелинмен бірге зауытқа барды. Компанияның Қазақстандағы жобасы Беларусьтегі зауыт секілді тағдырға ұшырауы мүмкін бе деген сұраққа ол: «Кәсіпкерлік қызмет әрқашан есептелген тәуекелді қамтиды», – деп жауап берді. Сонымен бірге, Спухлер Қазақстандағы жағдай түбегейлі өзгеше деп есептейді: «Соңғы жылдары геосаяси ахуал өзгерді, бірақ біз Қазақстанда тұрақтылықты көріп отырмыз». Алғашқы Stadler Rail түнгі пойыздары жақында Астанадан елдің бұрынғы астанасы Алматыға дейінгі шамамен 14 сағаттық бағытта қатынай бастайды.  Translated with DeepL.com (free version)Ақпарат көзі : https://www.gov.kz/memleket/entities/mfa-geneva/press/news/details/1137669?lang=kk

СҰРАҚ 1. 2026 жылға дейін сатып алынған тауарлардың қалдықтарымен не істеу керек? ЖАУАП. 2026 жылға дейін 12% мөлшерлеме бойынша сатып алынған тауарлар (қалдықтар) оларды қандай да бір түрде бөлек ескерудің қажеті жоқ, бұл ретте оларды 2026 жылғы 1 қаңтардан кейін одан әрі өткізу 2026 жылдан бастап қолданыстағы Салық кодексінде көзделген мөлшерлеме бойынша салық салуға жатады (16%, 10%, 5%). СҰРАҚ 2. 2026 жылы бейрезидент – жеке тұлғаға төленетін дивидендтерге салық салу тәртібін түсіндіруді сұраймын үлесі 60% және бейрезидент – заңды тұлғаға капитал үлесі 40%? ЖАУАП. Заңды тұлғаның жарғылық капиталында 25% және одан көп мөлшерде үлесі бар бейрезидент – жеке тұлғаға дивидендтер төлеу:1) 230 000 АЕК-тен аспайтын табыс сомасы кезінде 5% мөлшерінде жеке табыс салығының мөлшерлемесі қолданылады;2) 230 000 АЕК асатын табыс сомасы кезінде мынадай құрамдастырылған мөлшерлеме қолданылады:5% - 230 000 АЕК шегіндегі табысқа және 15% - асып кету сомасына. Заңды тұлғаның қатысушысы (акционері) болып табылатын бейрезидент – заңды тұлғаға дивидендтер төлеу:корпоративтік табыс салығының 15% мөлшерлемесі қолданылады. СҰРАҚ 3. 2026 жылдан бастап ҚҚС салу тұрғын үйді сату және жалға беру қалай өзгереді? ЖАУАП. 2026 жылдан бастап тұрғын үйді сату және жалға алу кезінде ҚҚС-тан босату бойынша өзгеріс енгізілді.Құрылыс компаниясы құрылысы басталған және (немесе) пайдалануға қабылдау 2026 жылғы 1 қаңтарға дейін жүзеге асырылған тұрғын үй ғимаратты (тұрғын үй ғимаратының бір бөлігін) сату ҚҚС-тан босатылатын болады. Сондай-ақ, ҚҚС-тан босату 2026 жылғы 1 қаңтарға дейін жасалған сатып алу құқығымен тұрғын үйді ұзақ мерзімді жалдау шарты бойынша тұрғын үйді (тұрғын үй ғимаратының бір бөлігін) жалға беру кезінде қолданылатын болады.Ақпарат көзі : https://www.gov.kz/memleket/entities/kgd-mangistau/press/news/details/1138740?lang=kk

Астана қаласы бойынша Қылмыстық-атқару жүйесі департаменті бос лауазымдарға қабылдау жүргізілетінін хабарлайды.Қылмыстық-атқару жүйесі департаменті (ҚАЖД) Қазақстан Республикасы Ішкі істер министрлігі Қылмыстық-атқару жүйесі комитетінің аумақтық бөлімшесі болып табылады және заңдылық пен құқықтық тәртіпті қамтамасыз етуге, қылмыстық жазаларды орындауға, сотталғандардың құқықтары мен заңды мүдделерін сақтауға, сондай-ақ оларды қайта әлеуметтендіруге және қоғамға бейімдеуге бағытталған қызметті жүзеге асырады.Қылмыстық-атқару жүйесі органдарындағы қызмет — жоғары тәртіпті, кәсібилікті және азаматтық жауапкершілікті талап ететін жауапты мемлекеттік қызмет. ҚАЖ органдарындағы қызмет тұрақтылықты, әлеуметтік кепілдіктерді және кәсіби өсу мүмкіндіктерін қамтамасыз етеді.Бос лауазымдар тізбесі:Пробация қызметінің инспекторы;№64 мекеменің режим және күзет бөлімінің бақылаушысы;№3 мекеменің бақылаушылар қызметі бөлімінің бақылаушысы;№2 мекеменің режим бөлімінің ақпараттандыру және байланыс тобының бақылаушысы;Астана қаласы бойынша Қылмыстық-атқару жүйесі департаментінің қаржылық қамтамасыз ету бөлімшесінің инспекторы.Кандидаттарға Қазақстан Республикасының заңнамасына сәйкес әлеуметтік кепілдіктер мен жеңілдіктер беріледі.Барлық сұрақтар бойынша мына телефон арқылы хабарласуға болады:📞 8 (7172) 27-33-90 https://www.instagram.com/p/DCRrwhFMm6w/?igsh=MXI4cHZwaHQwOHNqZg==https://www.instagram.com/reel/DFNxVLOsDGF/?igsh=dTZpamlqbGxycHN1 Ақпарат көзі : https://www.gov.kz/memleket/entities/duisastana/press/news/details/1137670?lang=kk

Радиоэлектроника және байланыс әскери-инженерлік институтында ғылыми-зерттеу қызметі аясында курсанттар авиациялық қауіпсіздік, тұрақты байланыс және қашықтан басқару салаларындағы нақты міндеттерді модельдейтін оқу-инженерлік прототиптер әзірлеуде. Бұл жобалар болашақ офицерлерді практикалық даярлаудың маңызды бөлігі болып табылады, мұнда теориялық білім бірден тәжірибе жүзінде қолданылады.  Осындай жобалардың бірі — аэродромдардағы орнитологиялық қауіп-қатерлерді төмендету тәсілдерін зерттеуге арналған биоакустикалық прототип. Дыбыстық және ультрадыбыстық әсерді үйлестіре отырып, курсанттар мұндай шешімдердің тиімділігін, сондай-ақ қауіпсіздік тұрғысынан ескерілуі тиіс шектеулерді талдайды.  Тағы бір бағыт дала жағдайында тұрақты байланысты қамтамасыз етуге арналған. Жедел хабарлау мобильді құрылғысы ұялы байланыс желілерінсіз командаларды жеткізу жүйесін модельдейді және басқару иерархиясын, хабарламаларды криптографиялық қорғауды, сондай-ақ автономды қорек көзін қарастырады. Бұл әзірлеме болашақ офицерлерге төтенше жағдайлар мен радиокедергілер кезінде басқару қағидаттарын тәжірибе жүзінде түсінуге мүмкіндік береді.  Үшінші бағыт — Long Range технологиясын қолданатын қашықтан басқару аппаратурасының жұмыс істейтін оқу макеті. Ол радиотолқындардың таралуы мен антенналарға қатысты пәндерді оқыту барысында пайдаланылады және энергияны ең аз тұтыну жағдайында алыс қашықтыққа сымсыз байланыстың мүмкіндіктерін көрнекі түрде көрсетеді.  Жобалардың ғылыми жетекшісі, PhD докторы, арнайы пәндер кафедрасының оқытушысы полковник Владимир Арсеньевтің айтуынша, ұсынылған әзірлемелер бастапқыда оқу прототиптері ретінде қарастырылады.  — Олардың басты құндылығы — әзірлеу үдерісінің өзінде: міндет қоюдан бастап инженерлік есептеулерге, бағдарламалауға, сынақтан өткізуге және нәтижелерді талдауға дейін. Сонымен қатар бірқатар жобалар бойынша жұмыс жалғасып, олар магистрлік диссертациялардың негізіне айналуы және ғылыми-зерттеу қызметі аясында әрі қарай дамуы мүмкін, — деп атап өтті ол.  Осындай оқыту форматы курсанттарға оқу кезеңінің өзінде-ақ кейінгі қызметіне қажетті, байланыс, басқару және қауіпсіздік салаларындағы заманауи жүйелермен жұмыс істеуге бағытталған практикалық дағдыларды меңгеруге мүмкіндік береді. Болашақ офицерлер дайын шешімдерді пайдаланумен ғана шектелмей, олардың қалай жасалатынын және нақты жағдайларға қалай бейімдеуге болатынын терең түсінуді үйренеді.Ақпарат көзі : https://www.gov.kz/memleket/entities/mod/press/news/details/1137652?lang=kk

Шымкент туризмі – қала экономикасын дамытудың стратегиялық драйвері2025 жылы Шымкенттің туристік саласы қаланың әлеуметтік-экономикалық дамуының негізгі драйверлерінің бірі ретіндегі мәртебесін толықтай бекітті. Туристер ағынының артуы, инвестициялық белсенділік, халықаралық байланыстардың кеңеюі және цифрлық шешімдердің енгізілуі мегаполистің заманауи туристік әрі іскерлік орталық ретіндегі орнықты бейнесін қалыптастыруда.Туристік ағынның өсуі және қонақүй инфрақұрылымының дамуы2025 жылдың 11 айының қорытындысы бойынша Шымкент қаласына 406 мыңнан астам турист келген. Туристердің басым бөлігін ішкі туристер құраса, келу туризмі де тұрақты өсім көрсетуде. Қала аумағында 159 қонақүй мен орналастыру нысаны жұмыс істейді, олардың нөмірлік қоры 4 мыңнан астам бөлмені құрайды. Орналастыру орындары көрсеткен қызмет көлемі 10 млрд теңгеден асты, бұл қонақүйлердің жоғары жүктемесін және ілеспе сервистердің дамуын айғақтайды.Инвестициялар және жаңа туристік форматтарАлдағы екі жылда Шымкентте 12 жаңа қонақүйдің ашылуы жоспарланған, олардың қатарында Hilton халықаралық бренді де бар. Экологиялық және отбасылық демалыс бағытындағы жобалар, соның ішінде Бадам су қоймасындағы глэмпинг іске асырылуда. Сонымен қатар сакралды туризмді дамытуға ерекше көңіл бөлінуде: негізгі кесенелердің аумағы абаттандырылып, бірқатар тарихи-мәдени нысандарды қайта жаңғырту жоспарланған.Маршруттар, сервис және қауіпсіздікҚалада мәдени, сакралды, экологиялық, іскерлік және өндірістік бағыттарды қамтитын 17 туристік маршрут жұмыс істейді. «Шымкент 24 сағат», «Шымкент 72 сағат» форматтары, сондай-ақ Түркістан – Ташкент – Ақсу-Жабағылы – Шымкент халықаралық бағыты ерекше сұранысқа ие. Туристік нарықта 24 туроператор мен 120 туристік агенттік қызмет көрсетеді.Сервис сапасы мен қауіпсіздікті арттыру мақсатында туристік нысандарды паспорттау енгізіліп, ақылды санитарлық аймақтар орнатылған. Қалада 25 қызметкерден тұратын туристік полиция жұмыс істейді, сондай-ақ қоғамдық орындарда «SOS» жедел байланыс түймелері орнатылған.Көлік қолжетімділігі және әуе қатынасы2024 жылғы желтоқсанда Шымкент әуежайының жаңа терминалы пайдалануға беріліп, оның өткізу қабілеті едәуір артты. Бүгінде қала 6 елдің 8 қаласына тікелей әуе рейстерімен байланысқан. Олардың қатарында Қытайдың Сиань, Шанхай, Үрімжі, Германияның Мюнхен, Венгрияның Будапешт, сондай-ақ Каир, Сеул және Баку қалалары бар. Бұл Шымкенттің Қазақстанның оңтүстігіндегі маңызды көлік хабы ретіндегі рөлін күшейтті.Оқиғалық және гастрономиялық туризм2025 жылы қалада оқиғалық туризм қарқынды дамыды. «ДәмДәсTour»гастрономиялық фестивалі, Street Food Fest, халықаралық блог-турлар, әуе жыландар фестивалі және 500 дрон қатысқан Drone Show өткізілді. Аталған шараларға шамамен 50 мыңға жуық көрермен жиналды. Наурыз ұлттық мерекесі мен оңтүстік өңірдің асханасы қаланың туристік брендіне айналды.Цифрландыру және туристік навигацияШымкентте туризмді ілгерілетудің заманауи цифрлық құралдары енгізілуде. Visit-shymkent.com туристік порталы жұмыс істейді, 3D-маршруттар әзірленіп, негізгі нысандар цифрландырылды. Әуежайда, теміржол вокзалында және автовокзалдарда QR-кодтар орнатылған. 2025 жылға арналған туристік іс-шаралар күнтізбесі үш тілде дайындалып, онлайн-платформаларда кеңінен насихатталуда. Туристік ақпараттық орталықтың киоскілері Түркістан, Алматы, Бурабай, Өскемен және Самарқанд қалаларында ашылды.Халықаралық ынтымақтастық және дипломатия2025 жылдың басынан бері 32 халықаралық дипломатиялық кездесу өткізілді. Шымкент қаласының әкімдігі мен Франция Республикасының Қазақстандағы Елшілігі арасында 2025–2028 жылдарға арналған ынтымақтастық жол картасына қол қойылды. Парижде Шымкент күндері ұйымдастырылып, қалаға Еуропалық Одақ елдерінің елшілері келді. Болгарияның Пловдив қаласымен бауырластық байланыс орнатылды, Қырғызстан мен Францияның Құрметті консулдықтары ашылды, сондай-ақ Қытай, Оңтүстік Корея, Германия және Венгрия компанияларымен меморандумдарға қол қойылды.Инфрақұрылымды кешенді дамыту, халықаралық деңгейде ілгерілету, цифрландыру және оқиғалық белсенділік Шымкенттің тұрақты туристік имиджін қалыптастырып отыр. Туризм қала экономикасының маңызды саласына ғана емес, мегаполисті халықаралық кеңістікке ықпалдастырудың тиімді құралына айналуда, оның инвестициялық және мәдени тартымдылығын арттыруда.

Қазақстан Республикасы  Еңбек және халықты әлеуметтік қорғау министрі орынбасарының 2024 жылғы 6 желтоқсандағы бұйрығымен биыл алғаш  рет 13 желтоқсан Қылмыстық атқару жүйесі қызметкерлерінің кәсіби мерекесі ретінде бекітілді.   Қылмыстық-атқару жүйесі заңдылықты, құқықтық тәртіпті және сот шешімдерінің орындалуын қамтамасыз етуде маңызды рөл атқарады. Осы кәсіби мереке күні қызметтік міндеттерін адал атқарып жүрген қызметкерлерге жоғары жауапкершілігі мен қызметке деген беріктігі үшін алғыс білдіріледі.Соынмен қатар, қонақтар назарына «Батыс Қазақстан облысы бойынша қылмыстық-атқару жүйе Шежіресі»  туралы кітаптың тұсаукесерін ұсынамыз.   13 желтоқсан 1997 жылы елімізде қылмыстық-атқару жүйесі Кодексі пайда болып, заңды күшіне енді. Ал биыл 2025 жылы алғаш рет 13 желтоқсан «Қылмыстық-атқару жүйесі қызметкерлерінің» кәсіби мейрамы болып бекітілді. Осы орайда департамент басшылығымен «Жүйе туралы шежіре» кітабын жазу жоспарланып, жұмыс тобы құралды. Кітапта Жүйенің өткені және бүгінге дейінгі дамыған сатылары, сондай ақ осы салада еңбегі сіңген ардагерлер мен қызметкерлер туралы баяндалған!    Барша қызметкерлерге зор денсаулық, қызметте табыс, тұрақтылық және отбасылық амандық тілейміз. Ақпарат көзі : https://www.gov.kz/memleket/entities/duis-uralsk/press/news/details/1137628?lang=kk

Бүгін Үлкен Нарын ауданының Алтынбел ауылында «Ауыл құтқарушылары» ведомстволық бағдарламасы аясында өрт сөндіру пунктінің салтанатты ашылуы өтті. Жаңа нысан ауыл тұрғындарының қауіпсіздігін қамтамасыз етуге және өртке қарсы қорғаныс жүйесі мен ауылдық елді мекендердегі өртке қарсы инфрақұрылымды нығайтуға бағытталған.Іс-шараға Қазақстан Республикасының Төтенше жағдайлар министрі, генерал-лейтенант Шыңғыс Сайранұлы Аринов, ШҚО әкімі Нұрымбет Аманұлы Сақтағанов қатысып, ауыл тұрғындарын жаңа қуаныштарымен құттықтады. Олар бұл нысанның ауылдық аймақтардағы қауіпсіздік деңгейін арттырудағы маңыздылығын атап өтті.Қазақстан Республикасының Төтенше жағдайлар министрінің бұйрығымен азаматтық қорғау жүйесін дамытуға қосқан үлесі үшін “Төтенше жағдайлар министрлігіне 30 жыл” мерейтойлық медалімен және ТЖМ Алғыс хатымен бірқатар азаматтар марапатталды. Сонымен қатар, халықтың қауіпсіздігін қамтамасыз етуге қосқан жеке үлесі, ТЖ алдын алуға бағытталған іс-шараларын іске асыруға белсенді қатысқаны үшін ШҚО Н.А Сақтағановтың Алғыс хатымен аудандық №26 өрт сөндіру бөлімінің бірқатар қызметкерлері марапатталды.  Жиын барысында Үлкен Нарын ауданының Төтенше жағдайлар бөлімінің бастығы, азаматтық қорғау подполковнигі Д.Т.Абылқайровқа өртке қарсы қолданатын арнайы техниканың кілті салтанатты түрде табысталды.Өрт сөндіру пункті заманауи техникамен және қажетті құрал-жабдықтармен толық жабдықталған. Бұл өз кезегінде құтқарушылардың төтенше жағдайлар кезінде әрекет ету сапасы мен жеделдігін арттыруға мүмкіндік береді.Ақпарат көзі : https://www.gov.kz/memleket/entities/vko-ulken-naryn/press/news/details/1137615?lang=kk

Лиссабон, 2026 жылғы 6 қаңтар -  Қазақстанның Португалиядағы Елшісі Жан Ғалиев Португалия Республикасы Ассамблеясындағы Сыртқы істер және шетелдегі португал қауымдастықтары жөніндегі комиссияның төрағасы Жузе Сезариумен кездесті.Кездесу барысында дипломат Мемлекет басшысы Қасым-Жомарт Тоқаевтың бастамасымен жүзеге асырылып жатқан жаңғырту реформаларының барысы жөнінде әңгімелеп берді. Сондай-ақ Қазақстан мен Португалия арасындағы ынтымақтастықтың ең перспективалы бағыттары – ауыл шаруашылығы мен агроөнеркәсіп, туризм және спорт, көлік пен логистика, цифрлық технологиялар мен жасанды интеллект, су ресурстары, білім беру және өзге де салалар сындарлы түрде талқыланды.Елші Қазақстан тарапының парламентаралық диалогты жандандыруға әзір екенін атап өтті.Өз кезегінде португалиялық депутат Қазақстанда жүзеге асырылып жатқан өзгерістерге қызығушылық танытып, екі ел халықтарының жақындасуын, оның ішінде мәдени-гуманитарлық алмасулар арқылы нығайтуды қолдайтынын білдірді.Әңгіме соңында тараптар парламенттік дипломатияға арқа сүйей отырып, екі ел арасындағы өзара тиімді ынтымақтастықты кеңейтуге жәрдемдесуге уағдаласты. Ж. Сезариу алдағы уақытта Португалия Республикасы Ассамблеясы депутаттарынан құралған топтың басында Қазақстанға сапармен келуге дайын екенін білдірді.Ақпарат көзі : https://www.gov.kz/memleket/entities/mfa-lisbon/press/news/details/1137617?lang=kk