Жалпыға бірдей декларациялау шеңберде декларацияны тапсыру мерзімінің аяқталуына 5 күн қалды! 15 қыркүйекте Жалпыға бірдей декларациялаудың шеңбердедекларацияны тапсыру мерзімі аяқталады!Салық міндеттемелерін уақтылы орындау үшін алдын ала декларация тапсыруын сұраймыз.Ақпарат көзі : https://www.gov.kz/memleket/entities/kgd-akmola/press/news/details/1065852?lang=kk

2025 жылғы 10 қыркүйекте Министрліктің әдеп жөніндегі уәкілі заң департаментімен бірлесіп «Қоғам алдында сөйлеу, БАҚ, әлеуметтік желілер және сыбайлас жемқорлықтың алдын алу» тақырыбында семинар өткізді.Іс-шараның мақсаты – мемлекеттік қызметшілердің құқықтық және этикалық мәдениетін нығайту, азаматтармен, бұқаралық ақпарат құралдарымен және цифрлық кеңістікте өзара әрекеттесу кезінде олардың жауапкершілігін арттыру.Семинар барысында мына мәселелерге ерекше назар аударылды:- Қоғам алдында сөйлеу әдебі және цифрлық мәдениет. Қатысушыларға интернеттегі әңгімелерде, ресми сөз сөйлеулерде және әлеуметтік желілердегі жарияланымдарда сыпайы әрі дұрыс үн қолдану ұсынылды. Бұл – цифрлық этиканың негізгі талабы.- Лудоманияға қарсы іс-қимыл. Мемлекеттік қызметшілердің құмар ойындарға қатысуы және ойынханаларға баруы жол берілмейтіні атап өтілді.- Дискриминацияға жол бермеу. Әйелдерге қатысты кез келген кемсіту түрлеріне қатаң тыйым салынатынына және барлық азаматтарға жынысына, әлеуметтік жағдайына қарамастан құрметпен қарау қажеттігіне назар аударылды.- Ар-ождан және діни сенім бостандығы. Қызметкерлерді немесе азаматтарды діни ұйымдардың жұмысына қатысуға мәжбүрлеу – этикалық нормалар мен заңнамаға қайшы келетін өрескел бұзушылық екендігі ерекше атап өтілді.Семинар қызметтік іссапарларда, тексерулер жүргізу кезінде және қызметтен тыс уақытта сыбайлас жемқорлық тәуекелдерінің алдын алу жөніндегі практикалық мәселелерді талқылаумен, сондай-ақ заңнамада көзделген шектеулер мен тыйымдарды түсіндірумен аяқталды.Ақпарат көзі : https://www.gov.kz/memleket/entities/mti/press/news/details/1065736?lang=kk

Найроби, 2025 жылғы 10 қыркүйек – Қазақстан Республикасының Кения Республикасындағы Елшісі, ҚР-ның БҰҰ Найробидегі бөлімшесі жанындағы Тұрақты өкілі Барлыбай Садықовтың БҰҰ Бас хатшысының орынбасары, БҰҰ Адам қоныстары бағдарламасының (UN-Habitat) Атқарушы директоры Анаклаудия Маринейру Сентено Россбахпен кездесуі өтті.Кездесу барысында тараптар Қазақстанның UN-Habitat-пен өзара іс-қимылының өзекті мәселелерін, соның ішінде қалалар мен елді мекендерді дамыту саласындағы ынтымақтастықты кеңейту жоспарларын талқылады.Соңғы жылдары Қазақстан Республикасы мен UN-Habitat арасындағы өзара іс-қимыл айтарлықтай жанданып, бұл серіктестік қалалық және ауылдық елді мекендердегі реттеу, жоспарлау, жобалау және қоршаған ортаны қорғауды қоса алғанда, ұлттық қала құрылысы саясатының әртүрлі аспектілерін дамытуға ықпал еткені атап өтілді.Тараптар 2025 жылдың шілдесінде Қызылорда қаласында климаттық өзгерістерді ескере отырып, қалаларды тұрақты дамытуға, сондай-ақ қалалар мен ауылдар арасындағы байланысқа және шағын қалалардың ел дамуына қосқан үлесіне арналған «Өңірлерден басталатын кешенді қалалық трансформация» тақырыбында өткен бірінші ұлттық қалалық форумның табысты өткенін атап өтті.Кездесу қорытындысы бойынша Қазақстан Республикасы мен UN-Habitat арасындағы ынтымақтастықты одан әрі дамытуға ықпал ететін өзара кездесулерді ұйымдастыру және өткізу туралы уағдаластыққа қол жеткізілді.Анықтама: UN-Habitat (Біріккен Ұлттар Ұйымының Адам қоныстары бағдарламасы) — тұрақты қалалық даму және елді мекендер мәселелеріне маманданған БҰҰ агенттігі. Ол 1976 жылы Ванкуверде өткен БҰҰ-ның Адам қоныстары жөніндегі бірінші конференциясынан (Habitat I) кейін, 1978 жылы құрылған. UN-Habitat үкіметтермен, жергілікті билікпен, азаматтық қоғаммен және бүкіл әлемдегі жеке сектормен тығыз ынтымақтастықта жұмыс істей отырып, урбанизация бойынша жаһандық күн тәртібінде негізгі рөл атқарады. Ақпарат көзі : https://www.gov.kz/memleket/entities/mfa-nairobi/press/news/details/1065743?lang=kk

Енді қостанайлықтар өз шақырған жедел жәрдемнің қозғалысын картадан нақты уақыт режимінде бақылай алады. Бұл шешім Қазақстан Республикасының Денсаулық сақтау министрлігі, Қостанай облысының әкімдігі және Yandex Qazaqstan компаниясының бірлескен жұмысы нәтижесінде іске асырылды. Бригаданың қозғалысын браузердегі картадан көруге болады. Жаңа мүмкіндік диспетчерлерге түсетін жүктемені айтарлықтай азайтуы тиіс. Бұл туралы Yandex Qazaqstan басшысы Тимур Шалекенов Қостанай облысының әкімі Құмар Ақсақалов және Цифрлық даму вице-министрі Дмитрий Мунмен өткен QostanAI Investment Forum барысында айтты. Шақырылған жедел жәрдемнің қозғалысын картадан көру мүмкіндігі әзірге браузерде қолжетімді болады, ал болашақта — Яндекс Go қосымшасына енгізіледі деп жоспарлануда. Бұл да диспетчерлердің жұмысын жеңілдетеді деп күтіледі. Жедел жәрдем шақырылғаннан кейін жүйе автоматты түрде картаға сілтемесі бар SMS жолдайды. Сол сілтеме арқылы бригаданың нақты уақыттағы қозғалысын көруге болады. Бұл шешім Яндекс Картаның JavaScript API технологиясы негізінде жүзеге асырылған. Жаңа жоба шұғыл қызметтердің жұмысын барынша ашық етуге, диспетчерлердің жүктемесін азайтуға және халықпен өзара әрекеттесуді жақсартуға бағытталған. Алғашқы кезеңде қызмет Қостанай аумағындағы кейбір шақыруларға қолжетімді болса, алдағы уақытта барлық шақыртуға енгізу жоспарланып отыр.Ақпарат көзі : https://www.gov.kz/memleket/entities/kostanay/press/news/details/1065689?lang=kk

10 қыркүйек 2025 жылы аудандық қоғамдық кеңес отырысы өтті.Күн тәртібінде қаралған мәселелер:1.«Қарқара ауылдық округі әкімі аппараты» мемлекеттік мекемесінің 2024 жылы, 2025 жылдың 7 айында ауылдық округ бойынша атқарған, алда атқаратын жұмыстары     және бөлінген  бюджет қаржысының тиімді жұмсалуы, жергілікті қоғамдастық жиналысымен байланысы жайлы ауылдық округ әкімі Е.Сабырбековтың есебі.2.Ауданның «Мәдениет,тілдерді дамыту, дене шынықтыру және спорт  бөлімі» мемлекеттік мекемесінің 2025 жылдың 8 айында аудан бойынша атқарған, алда атқарылатын жұмыстары  жайлы бөлім басшысы Т.Тәтібаевтың есебі.Ұлы Отан соғысының 80 жылдығы аясында ҚР Президенті Қ.Ж.Тоқаевтың тапсырмасына орай, Кеген ауылынан ұлықталып келген Ұлы Отан соғысы ардагерлеріне көше атауын беру жөнінде, сонымен қатар республикалық «Тарихи тұлғалар» тізіміне енгізілген ауданнан шыққан тарихи тұлғаларға атауы жоқ көшелермен, қайталанатын көшелерді беру туралы ауданның «Мәдениет,тілдерді дамыту, дене шынықтыру және  спорт  бөлімі» мемлекеттік мекемесінің 18 тамыз 2025 жылғы 01-11/117 санды хаты.Кеген ауданының «Кәсіпкерлік бөлімі» мемлекеттік мекемесінің аудан көлемінде шағын және орта бизнесті дамытуда 2024 жылы атқарған, 2025 жылы  атқарып жатқан жұмыстары туралы  бөлім басшысы А.Оспановтың есебіКүн тәртібіндегі бірінші мәселе  бойынша:«Қарқара ауылдық округі әкімі аппараты» мемлекеттік мекемесінің 2024 жылы, 2025 жылдың 7 айында ауылдық округ бойынша атқарған, алда атқаратын жұмыстары     және бөлінген  бюджет қаржысының тиімді жұмсалуы, жергілікті қоғамдастық жиналысымен байланысы жайлы ауылдық округ әкімі Сабырбеков Ернұр Асанұлы баяндама жасады.Баяндаманы тыңдап, талқылай келе ауданның  қоғамдық кеңесі    ШЕШІМ ҚАБЫЛДАДЫ:«Қарқара ауылдық округі әкімі аппараты» мемлекеттік мекемесінің 2024 жылы, 2025 жылдың 7 айында ауылдық округ бойынша атқарған, алда атқаратын жұмыстары және бөлінген  бюджет қаржысының тиімді жұмсалуы, жергілікті қоғамдастық жиналысымен байланысы жайлы  ауылдық округ әкімі Е.Сабырбековтың есебі  еске алынды.Бүгінгі отырыс барысында айтылған ұсыныс пікірлерді ескере отырып, ауылдық округтегі жұмыстарды жандандыру, мамандардың жауапкершілігін арттыру, жергілікті қоғамдастық жиналысымен тығыз жұмыс істеу, ауылдық округ әкімі Е.Сабырбековке ұсынылды.Қарқара ауылдық мәдениет үйінің құрылыс жұмысы толық бітпегендіктен, ол жерде жұмыс істеп отырған мекемелерді басқа жерге орналастыруға ықпал етіп, ғимаратты босатып беру ауылдық округ әкімі Е.Сабырбековке ұсынылды.Күн тәртібіндегі екінші мәселе  бойынша:Ауданның «Мәдениет,тілдерді дамыту, дене шынықтыру  және  спорт  бөлімі» мемлекеттік мекемесінің 2025 жылдың 8 айында аудан бойынша атқарған, алда атқарылатын жұмыстары  жайлы бөлім басшысы Т.Тәтібаев баяндама жасады.Ауданның  қоғамдық кеңесі    ШЕШІМ ҚАБЫЛДАДЫ:Ауданның «Мәдениет,тілдерді дамыту, дене шынықтыру және спорт  бөлімі» мемлекеттік мекемесінің 2025 жылдың 8 айында аудан бойынша атқарған, алда атқарылатын жұмыстары  жайлы бөлім басшысы Т.Тәтібаевқа кітапхана, спорт, мәдениет үйлері басшыларын қатыстыра отырып, келесі отырыста қайта есеп беруі ұсынылды. .Күн тәртібіндегі үшінші мәселе  бойынша:Ұлы Отан соғысының 80 жылдығы аясында ҚР Президенті Қ.Ж.Тоқаевтың  тапсырмасына орай, Кеген ауылынан ұлықталып келген Ұлы Отан соғысы ардагерлеріне көше атауын беру жөнінде, сонымен қатар республикалық «Тарихи тұлғалар» тізіміне енгізілген ауданнан шыққан тарихи тұлғаларға атауы жоқ көшелермен, қайталанатын көшелерді беру туралы ауданның «Мәдениет,тілдерді дамыту, дене шынықтыру  және  спорт  бөлімі» мемлекеттік мекемесінің  бас маманы Ғ.Бозымбаева және тиісті ауылдық округ әкімдері  хабарлама жасады. Ауданның  қоғамдық кеңесі    ШЕШІМ ҚАБЫЛДАДЫ:Ұлықталған ҰОС ардагерлері Алғабас ауылдық округі, Алғабас ауылынан Қадыр Сәулеевке, Жалағаш ауылдық округі, Жалағаш ауылынан бойынша Әмірше Бейсенбаевқа, Тоғызбұлақ ауылынан Арғынбек Бұланбаевқа, Меркі ауылынан Оразай Көпбаевқа берілетін көшелер болмағандықтан, көше атауын беру кейінге қалдырылсын.     Республикалық «Тарихи тұлғалар» тізіміне енген А.Найманбайұлы жайлы тарихи деректерді анықтау қажет, көше атын беру кейінге қалдырылсын.    Ұсынылған тізімге сәйкес басқа тұлғаларға тиісті ауылдық округтердің  ауылдарынан көше атаулары берілсін.Күн тәртібіндегі бесінші мәселе  бойынша:Кеген  ауданының «Кәсіпкерлік бөлімі» мемлекеттік мекемесінің аудан  көлемінде шағын және орта бизнесті дамытуда 2024 жылы атқарған, 2025 жылы  атқарып жатқан жұмыстары туралы  бөлім басшысы А.Оспанов баяндама жасады.Ауданның  қоғамдық кеңесі    ШЕШІМ ҚАБЫЛДАДЫ:Кеген ауданының «Кәсіпкерлік бөлімі» мемлекеттік мекемесінің аудан көлемінде шағын және орта бизнесті дамытуда 2024 жылы атқарған, 2025 жылы  атқарып жатқан жұмыстары туралы  бөлім басшысы А.Оспановтың есебі  толық болмағандықтан, келесі отырыста қайта есеп беру ұсынылды.Ақпарат көзі : https://www.gov.kz/memleket/entities/maslihat-kegen/press/news/details/1065632?lang=kk

Кито қ., 2025 жылғы 10 қыркүйек - Қазақстанның Эквадордағы Құрметті консулы Леопольдо Окампо мен «Club de Leones Quito Luz de América» клиникасының директоры Марсело Вискарра Эквадордағы Қазақстан азаматтарына сапалы медициналық қызмет көрсетуге қолжетімділікті кеңейтуге бағытталған ынтымақтастық туралы келісімге қол қойды.Бұл келісімнің негізгі мақсаты – Эквадорда тұратын Қазақстан азаматтарына халықаралық ынтымақтастық пен екі елдің халықтары арасындағы өзара бірліктің қағидаттарына сәйкес, ерекше жеңілдіктермен дер кезінде медициналық көмек көрсету.Бұл бастама Қазақстан азаматтарының Эквадордағы интеграциясы мен игілігіне белсенді үлес қосқан Л.Окампоның дипломатиялық және гуманитарлық іс-қимылының арқасында мүмкін болды. «Club de Leones Quito Luz de América» клиникасы әлеуметтік жауапкершілік және гуманитарлық қызмет көрсету құндылықтарына сәйкес, қоғамға медициналық қызмет көрсету тәжірибесіне ие.Ресми қол қою рәсімі кезінде екі тарап та Эквадорда уақытша немесе тұрақты тұратын Қазақстан азаматтарының өмір сүру сапасын жақсарту мақсатында, екі елдің әлеуметтік және консулдық мекемелері арасындағы тығыз ынтымақтастықтың маңыздылығын атап өтті.Тараптардың пікірінше, қол қойылған келісім Эквадор мен Қазақстан арасындағы денсаулық сақтау саласындағы қатынастарда маңызды кезеңді білдіреді және екі мемлекет арасындағы екіжақты ынтымақтастықты одан әрі кеңейтудің негізін қалады. Ақпарат көзі : https://www.gov.kz/memleket/entities/mfa-brazil/press/news/details/1065621?lang=kk

Президентіміздің алға қойған міндеттері – мемлекетіміздің жаңа дәуірдегі дамуының берік іргетасы. Бұл мақсаттарға жету үшін әрқайсымыз табандылықпен еңбек етіп, елдің игілігіне үлес қосуымыз қажет.Мемлекет басшысы Жолдауын талқылау жөніндегі кеңесте сөйлеген Шымкент қаласының әкімі Ғабит Сыздықбеков осылай деді. Қала әкімдігінде өткен кеңеске  түрлі мемлекеттік орган өкілдері, қалалық мәлихат депутаттары, Қоғамдық кеңес мүшелері, зиялы қауым өкілдері, жоғары оқу орындарының басшылары, білім, мәдениет және өзге де сала өкілдері қатысты.– Президентіміздің әрбір Жолдауы ел дамуының нақты бағытын айқындап, халықтың болашаққа деген сенімін нығайтады. Мемлекет басшысы өз Жолдауында еліміздің экономикалық өркендеуіне, әлеуметтік тұрақтылығына, ғылым мен технологияны дамытуға, әділетті қоғам орнатуға қатысты өзекті мәселелерді көтерді. Президент жүктеген міндеттердің барлығы – халқымыздың тұрмыс сапасын арттыруға, мемлекетіміздің қуатын күшейтуге бағытталған, – Ғабит Әбдімәжитұлы. Кеңес барысында мемлекет және қоғам қайраткерлері, жоғары оқу орындарының басшылары, ғалымдар, сарапшылар мен түрлі сала өкілдері Мемлекет басшысының Жолдауында айтылған маңызды мәселелер жөнінде өз ойларын ортаға салды. – Президент атап өткен ең негізгі мәселелердің бірі – елімізге қомақты инвестиция тарту. Бұл – экономиканың тұрақты дамуы мен халықтың тұрмыс сапасын арттырудың басты тетігі. Мемлекет басшысы атап өткендей, инвестиция тарту тек орталық органдардың ғана емес, жергілікті атқарушы биліктің де тікелей міндеті болып отыр. Әкімдер өңірлердегі инвестициялық ахуал үшін жеке жауап беретінін Президент нақты айтты, – деді Шымкент қаласы мәслихатының төрағасы Бахадыр Нарымбетов. Мұнан кейін Жұмабек Тәшенов университеті директорлар кеңесінің төрағасы Оңалбай Аяшев ғылым – ел дамуының ең берік тірегі екеніне тоқталып, жасанды интеллект пен цифрлық технологиялар – сол ғылымның жаңа ғасырдағы қозғаушы күші екенін атап өтті.– Жасанды интеллект тек технологиялық құрал емес. Ол – білім мен ғылымның терең синтезі. Қазіргі заманда сапалы білім алған, ІТ саласын жетік меңгерген, білікті мамандарсыз ғылым да, экономика да ілгері баспайды. Сондықтан Президенттің жаңа буын мамандарын даярлау, цифрландыруды ғылыммен тығыз байланыстыру жөніндегі тапсырмалары ел дамуы үшін стратегиялық шешім болып отыр, – деді Оңалбай Аяшұлы. Оның айтуынша, елімізде білім мен ғылымды қолдауға бағытталған ауқымды шаралар жүзеге асуда. Соңғы жылдары үздік шетелдік университеттердің филиалдары ашылып, халықаралық ғылыми орталықтармен ынтымақтастық нығайды. Бұл – қазақстандық ғылымның әлемдік ғылыми кеңістікке интеграциялануының айқын көрінісі. Сонымен бірге ғылымды қаржыландыру көлемі артып, ғылыми жобаларға бөлінетін гранттар еселеп өсуде. Бұл қадамдар жас ғалымдардың жаңа ізденістерге құлшына кірісуіне зор мүмкіндік беріп отыр.Ал, айтыскер ақын Біржан Байтуов Президент биылғы Жолдауында халқымызға үлкен ой салғанын айтты. – Әділетсіздікке төзбеу – азаматтық ардың айнасы, заңсыздыққа көз жұма қарамау – елдің еңсесін тіктейтін күш. Біз осыны берік ұстансақ қана мемлекетіміздің іргесі мықты болмақ. Заңсыздыққа төзімсіздік – тек билікке қойылар талап емес, ол – әрқайсымыздың ішкі мәдениетіміздің өлшемі. Көшеде бейберекет әрекетке, тұрмыстағы ұсақ құқықбұзушылыққа, қоғамдық орындардағы әдепсіздікке көз жұмып қарамай, соған қарсы үн қату – өркениетті қоғамға тән қасиет. Тәртіп орнаған жерде халықтың тұрмысы түзеледі, экономика дамиды, ұрпақтың болашағы жарқын болады, – деді Б.Байтуов. Кеңсті қортындылаған қала әкім Ғ.Сыздықбеков Президент Жолдауы – еліміздің жаңа даму кезеңінің нақты бағдары екенін атап өтті. Оның айтуынша, Президентіміздің тапсырмалары – әділетті қоғам құруға, экономиканы әртараптандыруға, әлеуметтік саланы жетілдіруге және ғылым мен инновацияны дамытуға бағытталған.– Шымкент қаласы да осы міндеттерді жүзеге асыруға белсенді түрде атсалысады. Қала экономикасын дамыту, халықтың тұрмыс сапасын жақсарту, әлеуметтік инфрақұрылымды жетілдіру бағытындағы жұмыстарды жүйелі түрде жалғастырамыз. Әсіресе, жастарға сапалы білім беру, жаңа технологияларды енгізу, инновациялық жобаларды қолдау біздің басты басымдығымыз болмақ, – деген қала әкімі қалалық басқармаларға нақты тапсырмалар мен міндеттер жүктеді. Атап айтқанда, Кәсіпкерлік және индустриалды-инновациялық даму басқармасына, 2025 жылдың соңына дейін инвестиция көлемін кемінде 850 млрд теңгеге жеткізу, өнеркәсіп өнімін жыл соңына дейін 1 трлн теңгеден асыру, шағын және орта бизнестің үлесін қала экономикасында 46,3 пайызға дейін жеткізу міндеттелді. Ал, Цифрландыру басқармасына «Smart Shymkent» жол картасы шеңберінде пилоттық шешімдерді іске қосуды, жалпы цифрландыру бағытында жүзеге асырылатын жобалар санын кемінде 20-ға жеткізу тапсырылды. Сондай-ақ, қала әкімі Жолаушылар көлігі және автомобиль жолдары басқармасына – қаланың көлік-логистика саласын одан әрі дамыту жұмыстарын жалғастыруды тапсырды. Оның ішінде қаланың транзиттік әлеуетін барынша ұлғайту керек, әуежайдың жаңа терминалының мүмкіндіктерін ескере отырып, жаңа ұшу-қону жолағын салу қажет. Сондай-ақ,  А-2 автомобиль жолын реконструкциялау мен Д.Қонаев даңғылының жалғасын салу жұмыстарын белгіленген мерзімде сапалы аяқтауды тапсырды.

Шымкентте Мемлекет басшысының Жолдауын талқылауға арналған жиын өтті. Алқалы сөзді қала әкімі Ғабит Сыздықбеков жүргізді. «Елбасымыз алға қойған міндеттер – еліміздің жаңа дәуірдегі дамуының берік іргетасы. Бұл мақсаттарға жету үшін әрқайсымыз аянбай еңбек етіп, ел игілігіне үлес қосуымыз керек», - деді әкім. Қалалық әкімдікте өткен жиынға түрлі мемлекеттік органдардың өкілдері, қалалық мәслихат депутаттары, Қоғамдық кеңес мүшелері, зиялы қауым өкілдері, жоғары оқу орындарының басшылары, сондай-ақ білім, мәдениет және басқа да салалардың өкілдері қатысты. Ғабит Сыздықбековтің айтуынша, Президенттің әрбір Жолдауы ел дамуының нақты бағытын айқындап, халықтың ертеңгі күнге деген сенімін нығайтады. Мемлекет басшысы өз Жолдауында еліміздің экономикалық өркендеуіне, әлеуметтік тұрақтылыққа, ғылым мен техниканы дамытуға, әділетті қоғам құруға қатысты өзекті мәселелерді алға тартты. Елбасы алға қойған барлық міндеттер халқымыздың өмір сүру сапасын арттыруға, мемлекетіміздің қуатын нығайтуға бағытталған. Жиын барысында мемлекет және қоғам қайраткерлері, жоғары оқу орындарының басшылары, ғалымдар, сарапшылар мен түрлі сала өкілдері Мемлекет басшысының Жолдауында көтерілген маңызды мәселелер бойынша өз пікірлерін білдірді. Шымкент қалалық мәслихатының төрағасы Бахадыр Нарымбетов Мемлекет басшысы атап өткен өзекті міндеттердің бірі – елге қомақты инвестиция тарту екенін, бұл экономиканың тұрақты дамуы мен халықтың әл-ауқатын арттырудың басты тетігі екенін баса айтты. "Мемлекет басшысы атап өткендей, инвестиция тарту тек орталық органдардың ғана емес, жергілікті атқарушы органдардың да тікелей міндеті болып табылады. Елбасы өңірлердегі инвестициялық ахуал үшін әкімдердің жеке жауапкершілікте екенін ерекше атап өтті", - деді Бахадыр Нарымбетов. Жұмабек Тәшенев атындағы университеттің директорлар кеңесінің төрағасы Оңалбай Аяшев ғылым – ел дамуының ең берік тірегі, ал жасанды интеллект пен цифрлық технологиялар жаңа ғасырдағы ғылымның қозғаушы күші екеніне тоқталды. "Жасанды интеллект - жай ғана технологиялық құрал емес. Ол білім мен ғылымның терең синтезі. Қазіргі заманда сапалы білім мен IT саласын жетік меңгерген білікті мамандарсыз ғылым да, экономика да ілгері жылжи алмайды. Сондықтан Елбасының мамандардың жаңа буынын даярлау және цифрландыруды ғылыммен тығыз байланыстыру жөніндегі тапсырмасы ел экономикасын дамытуға бағытталған стратегиялық шешім", - деді А. Ол елімізде білім мен ғылымды қолдау бойынша ауқымды шаралар қолға алынып жатқанын айтты. Соңғы жылдары жетекші шетелдік жоғары оқу орындарының филиалдары ашылып, халықаралық ғылыми орталықтармен ынтымақтастық нығая түсті, бұл қазақстандық ғылымның әлемдік ғылыми кеңістікке интеграциялануының айқын көрінісі. Сондай-ақ, ғылымды қаржыландыру ұлғайып, ғылыми жобаларға бөлінетін гранттар да айтарлықтай өсуде. Бұл қадамдар жас ғалымдарға жаңа зерттеулерге кең мүмкіндіктер береді. "Әділетсіздікке төзбеу азаматтық ар-ожданның айнасы, ал заңсыздықпен келіспеушілік - халықтың рухын көтеретін күш. Осы қағидаларды ұстану арқылы ғана мықты мемлекет құра аламыз. Заңсыздыққа төзбеу - билікке қойылатын талап қана емес, әрқайсымыздың ішкі мәдениетіміздің көрсеткіші. Күнделікті тәртіпсіздік пен тәртіпсіздікке жол бермеу. Тәртіп орнаған жерде халықтың тұрмысы түзеліп, экономикасы дамып, ұрпақ болашағы жарқын болатынына қарсы шығу – өркениетті қоғамға тән қасиет», - деді Біржан Байтуов «Айтыскерлердің» Жолдауына. Жиын соңында қала әкімі Ғабит Сыздықбеков Елбасы Жолдауы ел дамуының жаңа кезеңінің жолындағы іс-қимылдың бағдары екенін атап өтті. Оның айтуынша, Мемлекет басшысының тапсырмалары әділетті қоғам құруға, экономиканы әртараптандыруға, әлеуметтік саланы жақсартуға, сондай-ақ ғылым мен инновацияны дамытуға бағытталған. "Шымкент қаласы осы міндеттерді жүзеге асыруға белсенді түрде атсалысатын болады. Біз қала экономикасын дамыту, халықтың өмір сүру сапасын жақсарту және әлеуметтік инфрақұрылымды жақсарту жұмыстарын жүйелі түрде жалғастыратын боламыз. Жастарға сапалы білім беру, жаңа технологияларды енгізу және инновациялық жобаларды қолдау басты басымдылық болмақ", - деді қала әкімі мен басқармаларға маңызды тапсырмалар берді. Кәсіпкерлік және индустриалды-инновациялық даму басқармасына 2025 жылдың соңына дейін инвестиция көлемін кемінде 850 миллиард теңгеге дейін ұлғайту, жыл соңына дейін өнеркәсіп өнімінің көлемін 1 триллион теңгеге жеткізу, қала экономикасындағы шағын және орта бизнестің үлесін 46,3 пайызға жеткізу міндеті жүктелді. Цифрландыру бөлімінің алдында «Smart City» жобасын жүзеге асырудың «Smart Shymkent» жол картасы аясында цифрлық технологиялар мен шешімдерді іске қосу және жүзеге асырылып жатқан цифрландыру жобаларының санын 20-ға жеткізу міндеті тұр. Жолаушылар көлігі және автомобиль жолдары басқармасына қаланың көлік-логистика саласын одан әрі дамыту жұмыстарын жалғастыру тапсырылды. Атап айтқанда, қаланың транзиттік әлеуетін барынша арттыру, жаңа әуежай терминалының мүмкіндіктерін ескере отырып, жаңа ұшу-қону жолағын салу қажет. Сондай-ақ, А-2 автожолын қайта жаңғырту және Д.Қонаев даңғылының ұзарту құрылысын белгіленген мерзімде әрі сапалы аяқтау тапсырылды.

10.09.2025 жылы Жамбыл облысының Жуалы ауданы бойынша мемлекеттік кірістер басқармасы және Жамбыл облысы бойынша МКД қызметкерлері қатысуымен медиа-жоспар шеңберінде Жуалы аудандық әкімшілігінің акт залында, 2026 жылдан бастап күшіне енетін жаңа Салық кодексіндегі негізгі өзгерістер бойынша салық төлеушілерге арналған семинарлар өткізілді.Іс-шараға қатысушылар – мекеме басшылары, жеке кәсіпкерлер, жеке тұлғалар, шаруа қожалықтарының басшылары, бухгалтерлер – салық заңнамасындағы алдағы жаңалықтармен танысып, өздерін қызықтырған сұрақтарын қою мүмкіндігіне ие болды. Жалпы семинарға 108 тындаушы қатысты.Семинар барысында келесі мәселелер қаралды: салық есептілігінің нысандарын қысқарту, арнайы салық режимдерінің өзгеруі, ҚҚС реформасы, жалпыға бірдей декларациялау, салықтық әкімшілендіруді цифрландыру және басқа да тақырыптар.Ашық диалог форматында өткен кездесу салық төлеушілерге алдағы өзгерістерге дайындалу бойынша нақты ұсыныстар алуға, сондай-ақ өзекті мәселелерді талқылауға мүмкіндік берді.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1065602?lang=kk

Алматы облысы елдегі цифрлық трансформацияға қарқын беріп отырған жетекші өңірлердің бірі саналады. Бұл бағыт өңірде қазірдің өзінде жүзеге асырылып жатқан нақты жобалар арқылы дәлелденуде.Президент Қасым-Жомарт Тоқаевтың «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу жолдары» атты Жолдауын талқылауға арналған кеңейтілген отырыста өңірде жүріп жатқан өзгерістер мен алдағы жоспарлар жан-жақты қаралды. Жиынға Алматы облысының әкімі Марат Сұлтанғазиев төрағалық етті.Өңірде Алатау қаласының инновациялық инфрақұрылымы салынуда, жерді спутниктік бақылау енгізілуде, жасанды интеллект құрылыс алаңдарында және су ресурстарын басқару жүйесінде қолданыла бастады. Сонымен қатар, өнеркәсіп, логистика, туризм және тұрғын үй-коммуналдық шаруашылық салалары дамуда. Бұл Президент Жолдауында көрсетілген цифрландыру мен инновацияға деген басымдықпен толық үйлеседі.Негізгі басымдық – инвестиция тарту. Бірнеше айдың ішінде өңірге жарты триллион теңгеден астам қаражат тартылды. Жыл қорытындысымен бұл көрсеткіш 1 триллион теңгеге жуықтайды деп күтілуде. Әкім Марат Сұлтанғазиев атап өткендей, инвесторлар үшін ең бастысы – ашық ережелер, жедел шешім қабылдау және кооперация алаңдарының болуы. Бұл міндеттерді Alatau АЭА мен «Қонаев» ӘКК жүзеге асырады.Алатау қаласы инновациялар орталығы әрі бүкіл облыс үшін «цифрлық полигон» ретінде қарастырылуда. Мұнда бас жоспар бекітілді, шағынаудандар қалыптасты. Болашақта қалаға ерекше мәртебе беріліп, өзгеше юрисдикция қарастырылмақ. Алатауда сынақтан өткен шешімдер ертең бүкіл өңірде, тіпті ел көлемінде енгізілуі мүмкін: «ақылды» ТКШ-дан бастап басқарудың цифрлық платформаларына дейін.Өңірдің экономикалық іргетасы энергетика мен инфрақұрылымды дамыту арқылы нығаюда. Күн және жел электр станцияларын салу бойынша ірі меморандумдарға қол қойылды. Бұл Мемлекет басшысы қойған энергетикалық қауіпсіздік міндеттеріне толық сәйкес келеді.Көлік-логистика саласында Алматы торабының жүктемесін азайтуға басымдық берілген. «Жетіген – Қазыбек бек» теміржол желісі салынып жатыр, заманауи көлік-логистикалық хаб пен жаңа логистикалық парктер құрылуда. Автожолдарға қатысты нақты межеге қол жеткізу жоспарланған – кемінде 95 пайызы жақсы немесе қанағаттанарлық жағдайда болуы тиіс.Облыс әкімінің орынбасары Рустам Исатаев атап өткендей, агросекторда негізгі басымдық – дәлме-дәл егіншілік пен суды тиімді пайдалану. Тозған желілер үлкен шығынға әкелуде. Осыған байланысты өңірде арналарды қайта жаңғырту, заманауи суару технологияларын енгізу және пайдаланылмай жатқан жерлерді қайта айналымға қайтару шаралары жүзеге асырылуда.– Мемлекет басшысы атап өткендей, пайдаланылмай жатқан ауыл шаруашылығы жерлері инвестиция мен жұмыспен қамтудың орталығына айналуы тиіс. 2026 жылдың ортасына дейін қайтарылған барлық жерлер ауыл шаруашылығы айналымына енгізілуі қажет, – деді Рустам Исатаев.Бұл міндеттерді шешуде дрондар, спутниктер мен жасанды интеллект күнделікті бақылаудың тиімді құралына айналып келеді.Өңір әлеуметтік салада да цифрлық дәуірге қадам басуда. «Болашақ мектептері» салынып, жасанды интеллектке басымдық берілген білім беру жүйесі қалыптасуда. Жаңа медициналық мекемелер ашылып, әлеуметтік көмек нақты мұқтаж жандарға бағытталуда. Тұрғын үй құрылысы қолжетімділікке бағдарланса, коммуналдық қызметтер «ақылды» жүйеге біріктірілуде – таза сумен қамтудан бастап газдандыруға дейін.Президент атап өткендей, туризм – экономиканың маңызды драйвері. Алматы облысында осы бағытта жүйелі жұмыстар жүргізілуде, әсіресе тау кластерін дамытуға ерекше көңіл бөлінген.– Қазіргі таңда тау кластерін инженерлік инфрақұрылыммен және көлік қолжетімділігімен қамтамасыз ету бойынша ауқымды жұмыс атқарылуда. «Ой-Қарағай» курортына газ құбыры тартылуда, сыртқы электрмен жабдықтау жобалары әзірленуде, туристік базаларға жол салу жоспарланған. Мұның барлығы туристер ағынын жылына 850 мың адамға дейін арттыруға мүмкіндік береді, – деді «Ақ Бұлақ» шипажайының директоры Сұңқар Искаков.Қазірдің өзінде туристер саны артып келеді, жаңа курорттар салынып, инфрақұрылым жүргізілуде. Туризм жаңа жұмыс орындарын құрып, жергілікті тұрғындар үшін тұрақты табыс көзіне айналып отыр.Осылайша, Алматы облысы Президент Қасым-Жомарт Тоқаев белгілеген стратегиялық міндеттердің аясында жасанды интеллект дәуіріне батыл қадам жасауда. Цифрлық Алатау, жасыл энергетика, заманауи жолдар, жаңа мектептер мен медициналық нысандар, туризмді дамыту, ауыл шаруашылығы мен ТКШ-дағы «ақылды» технологиялар – өңірдің алдағы жылдардағы басты бағыты болып табылады.Ақпарат көзі : https://www.gov.kz/memleket/entities/almobl/press/news/details/1065604?lang=kk

Ұлттық экономика министрлігінде Премьер-Министрдің орынбасары – министр Серік Жұманғариннің төрағалығымен Президент Қасым-Жомарт Тоқаевтың 2025 жылғы 8 қыркүйектегі "Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу" атты Қазақстан халқына Жолдауын іске асыруға арналған кеңес өткізілді.Кеңес Премьер-Министр Олжас Бектеновтың Үкімет отырысында берген тапсырмаларын дамытуға арналды.Серік Жұманғарин тұрақты экономикалық өсуді қолдаудың маңыздылығын атап өтті. Инфляция қарқынын және реттелетін қызметтер бағасын тежеу үшін Табиғи монополияларды реттеу комитетіне бір апта мерзімде тарифтерді қайта қарау жөнінде ұсыныстар беру тапсырылды. Сондай-ақ инфляция деңгейін бақылау мен төмендету жөніндегі шаралар кешені жаңартылады.Негізгі бағыт — жаңа инвестициялық циклды іске қосу. Ұлттық экономика министрлігі Сыртқы істер министрлігімен бірлесіп инвестиция тарту жүйесін жаңғырту жөніндегі іс-қимыл жоспарын дайындайды. "Бәйтерек" холдингі отандық және шетелдік капиталдың қатысуымен перспективалық жобаларды талдап, құрылымдаумен айналысады.Алатау қаласын іскерлік белсенділік пен инновацияның жаңа орталығы ретінде дамытуға ерекше көңіл бөлінді. Әкімшілік жүктемені азайту үшін Ұлттық экономика министрлігі бизнеске кедергілерді жою және міндетті талаптар тізілімін өзектендіру жұмысын жалғастырады. Бұл ретте негізгі міндет шағын және орта кәсіпкерлікті қорғау және қолдау болып қала бермек.Ақпарат көзі : https://www.gov.kz/memleket/entities/economy/press/news/details/1065536?lang=kk

ҚР Салық кодексінің 145-бабына сәйкес салықтық тексерудің екі түрі бар:- тәуекел дәрежесін бағалау негізінде мерзімді салықтық тексерулер- жоспардан тыс салықтық тексерулер  Салық есептілігін, уәкілетті мемлекеттік органдардың мәліметтерін, сондай-ақ салық төлеушілердің қызметі бойынша ресми және ашық ақпарат көздерінен алынған мәліметтерді талдау нәтижелері бойынша салық төлеушілерге қатысты салық органдары тағайындайтын тексерулер тәуекел дәрежесін бағалау негізінде мерзімді салықтық тексерулер болып табылады . Тәуекел дәрежесін бағалау негізінде мерзімді салықтық тексеру бекітілген кесте бойынша жүргізіледі. Кестеге өзгерістер енгізуге жол берілмейді. Кесте орналастырылған:- өткен жылдың 25 желтоқсанына дейін- ағымдағы жылдың 25 мамырына дейінЖоспардан тыс тексеру кестеден тыс келесі негіздер бойынша тағайындалады: - салық төлеушінің өтініші немесе шағымы бойынша- ҚҚС бойынша қызметті жою, тоқтату немесе есептен шығару кезінде- ҚҚС бойынша асып кетуді қайтару кезінде- халықаралық келісімдерді қолдану кезінде- қылмыстық іс жүргізу негіздері бойынша- салық органдарының хабарламасы орындалмаған кезде- жер қойнауын пайдалануға арналған келісімшарт аяқталған кезде- жалған шот-фактуралар мәселелері бойынша- дебиторлармен есеп айырысу бойынша- салық төлеушінің өтініші бойынша- уәкілетті органның немесе соттың шешімі бойынша- банктер мен қаржы ұйымдарын бақылау үшін- жалпы салық міндеттерінің орындалуын бағалау үшінКейбір жоспардан тыс тексерулер дәлелденген мерзімде қайта жүргізілуі мүмкін.Ерекшелік: егер сотқа шағым берілсе-сот шешіміне дейін қайта тексеру жүргізілмейді. Егер компания көлденең мониторингке қатысса, тексерулер жүргізілмейді (қарсы тексерулерді, ҚР ҚІЖК көзделген негіздер бойынша салық тексерулерін қоспағанда, салық төлеушінің өзі өтініші бойынша немесе салық төлеушінің тексеру нәтижелері туралы хабарламаға шағымына байланысты.)Ақпарат көзі : https://www.gov.kz/memleket/entities/kgd-vko/press/news/details/1065499?lang=kk

Төлем көзіндегі КТС – мемлекеттік бюджет кірісінің маңызды көздерінің бірі. Ол Қазақстан Республикасында тұрақты мекеме құрмайтын резидент еместердің кірістерінен ұсталады.Салықты кім ұстайды:Резидент заңды тұлғалар мен ұйымдар резидент еместерге табыс төлеген кезде салық агенті ретінде КТС ұстайды.Салық мөлшерлемелері:20% – белсенді кірістерге және оффшорлық аймақтардағы компаниялардың кірістеріне;15% – дивидендтерге, сыйақыларға, роялтиге және тәуекелдерді сақтандыру шарттары бойынша сақтандыру сыйлықақыларына;5% – қайта сақтандыру шарттары мен халықаралық тасымалдауға.Салықты бюджетке аудару мерзімдері:Төленген кірістер бойынша – төлем жасалған айдан кейінгі 25 күннен кешіктірмей;Есептелген, бірақ төленбеген кірістер бойынша – КТС декларациясын тапсыру мерзімінен кейінгі 10 күн ішінде;Алдын ала төлем кезінде – кіріс есептелген айдан кейінгі 25 күннен кешіктірмей.Есептілікті тапсыру:КТС бойынша есепті салық агенті тоқсан сайын тапсырады:I–III тоқсандар үшін – келесі тоқсанның екінші айының 15-іне дейін;IV тоқсан үшін – келесі жылдың 31 наурызына дейін. Ақпарат көзі : https://www.gov.kz/memleket/entities/kgd-vko/press/news/details/1065473?lang=kk

KazAID пен Швейцария Елшілігінің кездесуі2025 жылғы 10 қыркүйек, Астана -  «KazAID» Қазақстанның халықаралық даму агенттігі өкілдері мен Швейцария Елшілігінің өкілдері кездесті.Кездесуге Швейцария Елшілігінің Қазақстандағы миссия басшысының орынбасары Тобиас Вердер және KazAID серіктестік және аймақтық жобалар департаментінің директоры Бекзат Жақұпов қатысты.Кездесу барысында тараптар KazAID пен Швейцарияның даму және ынтымақтастық агенттігі (SDC) арасындағы жұмыс перспективаларын талқылады. Ақпарат көзі : https://www.gov.kz/memleket/entities/kazaid/press/news/details/1065482?lang=kk

250 және 270 декларацияларын кім тапсыруы керек? Активтер мен міндеттемелер туралы декларацияны (250.00-нысан) 2025 жылғы 1 қаңтардан бастап ұсынады:1) шетелде мүлікке иелік ететін ҚР азаматтары мен резиденттері, соның ішінде:- жылжымайтын мүлік, көлік құралдары, жер;- шетелдік компаниялардағы қатысу үлесі;- шетелдік банктердегі шоттардағы ақша, егер олардың сомасы жиынтығында 1000 АЕК-тен асса;- инвестициялық алтын;- тұрғын үй құрылысына қатысу үлесі;- эмитенттері шетелде тіркелген бағалы қағаздар, туынды қаржы құралдары;- шетелдік брокерлік шоттардағы ақша;- зияткерлік меншік, авторлық құқық объектілері;- басқа тұлғалардың жеке тұлға алдындағы дебиторлық/кредиторлық берешегі және (немесе) жеке тұлғаның басқа тұлғалар алдындағы берешегі (растайтын құжаттарды қоса бере отырып);- (бағалау құны болған жағдайда) құны 1000 АЕК-тен асатын басқа мүлік (қалауы бойынша).2) сайланбалы және мемлекеттік лауазымдарға кандидаттар, сондай-ақ олардың жұбайлары;3) банктердің, бағалы қағаздар нарығының және сақтандыру ұйымдарының ірі қатысушы мәртебесіне үміткер тұлғалар, сондай-ақ олардың жұбайлары;4) жеке практикамен айналысатын адамдар (нотариустар, адвокаттар, жеке сот орындаушылары, медиаторлар);5) цифрлық активтерге ие ҚР азаматтары мен резиденттері. Кірістер мен мүлік туралы декларацияны (270.00-нысан) ұсынады:1) мемлекеттік қызметшілер мен оларға теңестірілген адамдар, сондай-ақ олардың жұбайлары;2) банктердің, бағалы қағаздар нарығының және сақтандыру ұйымдарының ірі қатысушылары, сондай-ақ олардың жұбайлары;3) коммерциялық емес ұйымдардың құрылтайшыларын (қатысушыларын) қоспағанда, жарғылық капиталындағы үлестің (акционерлік қоғам акцияларының) 10 пайыздан астамын иеленетін заңды тұлғалардың басшылары, құрылтайшылары (қатысушылары), сондай-ақ олардың резидент ерлі-зайыптылары;4) жеке практикамен айналысатын адамдар (нотариустар, адвокаттар, жеке сот орындаушылары, медиаторлар);5) кәсіпкерлік қызметтен түсетін кірістерді қоспағанда, есепті салықтық кезеңде жеке тұлғаның өз бетінше салық салуына жататын кірісті (мүлікті жалға беруден түсетін кірістер; шетелдік банк шоттары бойынша сыйақылар; цифрлық активтермен жасалатын операциялардан түсетін кірістер; төлем көзінен салық ұсталмаған өзге де кірістер) алған тұлғалар;6) шетелдік банктердің банк шоттарында жиынтығында айлық есептік көрсеткіштің 1000 еселенген мөлшерінен асатын сомада ақшасы бар тұлғалар;7) шетелде активтері бар тұлғалар (жылжымайтын мүлік, көлік құралдары, бағалы қағаздар, ТҚҚ, инвестициялық алтын, шетелдік компаниялардағы үлесі; тұрғын үй құрылысына қатысу үлесі);8) меншігінде цифрлық активтері бар тұлғалар;9) есепті салық кезеңі ішінде жиынтық құны 20 000 еселенген АЕК мөлшерінен асатын, оның ішінде ҚР шегінен тыс жерде мүлікті сатып алған тұлғалар.  250 және 270 декларацияларын кімге тапсырудың қажеті жоқ? Декларация 250.00:шетелдік активтері жоқ жеке тұлғаларға;төменде көрсетілгендер болып табылмайтын жеке тұлғаларға:- сайланбалы және мемлекеттік лауазымдарға кандидаттар, сондай-ақ олардың жұбайларына;- банктердің, бағалы қағаздар нарығының және сақтандыру ұйымдарының ірі қатысушылары, сондай-ақ олардың жұбайлары;- жеке практикамен айналысатын адамдар (нотариустар, адвокаттар, жеке сот орындаушылары, медиаторлар);- цифрлық активтерге иелік ететін ҚР азаматтары мен резиденттері. Декларация 270.00:Салық кодексінің 633-бабында көрсетілген тұлғалардың мынадай санаттарына жатпайтын жеке тұлғаларға:1) мемлекеттік қызметшілер мен оларға теңестірілген адамдар, сондай-ақ олардың жұбайлары;2) банктердің, бағалы қағаздар нарығының және сақтандыру ұйымдарының ірі қатысушылары, сондай-ақ олардың жұбайлары;3) коммерциялық емес ұйымдардың құрылтайшыларын (қатысушыларын) қоспағанда, жарғылық капиталындағы үлестің (акционерлік қоғам акцияларының) 10 пайыздан астамын иеленетін заңды тұлғалардың басшылары, құрылтайшылары (қатысушылары), сондай-ақ олардың резидент ерлі-зайыптылары;4) жеке практикамен айналысатын адамдар (нотариустар, адвокаттар, жеке сот орындаушылары, медиаторлар);5) кәсіпкерлік қызметтен түсетін кірістерді қоспағанда, есепті салықтық кезеңде жеке тұлғаның өз бетінше салық салуына жататын кірісті (мүлікті жалға беруден түсетін кірістер; шетелдік банк шоттары бойынша сыйақылар; цифрлық активтермен жасалатын операциялардан түсетін кірістер; төлем көзінен салық ұсталмаған өзге де кірістер) алған тұлғалар;6) шетелдік банктердің банк шоттарында жиынтығында айлық есептік көрсеткіштің 1000 еселенген мөлшерінен асатын сомада ақшасы бар тұлғалар;7) шетелде активтері бар тұлғалар (жылжымайтын мүлік, көлік құралдары, бағалы қағаздар, ТҚҚ, инвестициялық алтын, шетелдік компаниялардағы үлесі; тұрғын үй құрылысына қатысу үлесі);8) меншігінде цифрлық активтері бар тұлғалар;9) есепті салық кезеңі ішінде жиынтық құны 20 000 еселенген АЕК мөлшерінен асатын, оның ішінде ҚР шегінен тыс мүлікті сатып алған тұлғалар. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1066241?lang=kk

Претория, 2025 жылғы 4 қыркүйек – Қазақстан Республикасының Оңтүстік Африка Республикасындағы Елшісі Еркін Ахинжановтың ОАР СІМ Қарусыздану және таратпау мәселелері жөніндегі директоры Кгаугела Могашоамен кездесті.Кездесу барысында тараптар Атом энергиясы жөніндегі халықаралық агенттік (АЭХА) шеңберіндегі ынтымақтастықты нығайту перспективаларын талқылады. 2025 жылғы қыркүйекте Вена қаласында өтетін АЭХА Бас конференциясының 69 сессиясына дайындық мәселелеріне ерекше назар аударылды.Сұхбаттастар халықаралық құқықтың негізгі қағидаттарын, сондай-ақ БҰҰ Жарғысы мен АЭХА ережелерін сақтау мәселелеріндегі қадамдардың сәйкестігін растады. Барлық мүше мемлекеттердің тең және ажырамас құқықтары сенімді дамыту, жаһандық қауіпсіздікті нығайту және ядролық технологияларды бейбіт мақсатта пайдалануды ілгерілету үшін негіз болатыны аталып өтті.Қазақстан мен Оңтүстік Африка ядролық қарудан өз еркімен бас тартқан алғашқы мемлекеттердің бірі болып табылады. Бұл тарихи қадам саяси жауапкершілік пен жаһандық қауіпсіздікті нығайтуға деген ұмтылысты көрсетті, сондай-ақ халықаралық қоғамдастықтың ядролық қаруды таратпау және қарусыздану жөніндегі күш-жігеріне айтарлықтай үлес қосты.Кездесу қорытындысы бойынша тараптар көпжақты алаңдарда өзара іс-қимылды жалғастыруға және АЭХА шеңберінде серіктестікті нығайтуға дайын екендіктерін білдірді.Ақпарат көзі : https://www.gov.kz/memleket/entities/mfa-pretoria/press/news/details/1065461?lang=kk

Мәтін: Бүгін облыс әкімі Құмар Иргибайұлы Ақсақалов ҚР Президентінің «Инновация» Жолдауын түсіндіруге арналған кеңес өткізді.Жиында өңірдің даму бағыттары сараланып, жаңа бастамаларды жүзеге асыру үшін басым міндеттер айқындалды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1065466?lang=kk

2025 жылғы 8 қыркүйек, Астана – Президент Қасым-Жомарт Тоқаев «Жасанды интеллект дәуіріндегі Қазақстан: цифрлық трансформация арқылы негізгі міндеттер мен олардың шешімдері» тақырыбында жыл сайынғы халыққа жолдауын жасады. Мемлекет басшысы цифрлық трансформацияға, инвестицияларды жаңғыртуға, жаһандық байланыстарға және институционалдық жаңаруға бағытталған амбициялық реформалар бағдарламасын ұсынды.Жолдаудың негізгі мәні – Қазақстанның жасанды интеллект дәуірінде көшбасшы болуға деген ұмтылысы. Президент Тоқаев Жасанды интеллект және цифрлық даму министрлігін құру туралы жариялады, оны Премьер-Министрдің орынбасары деңгейіндегі маман басқарады. Жаңа орган Қазақстанды үш жыл ішінде «жаппай цифрлық ел» мәртебесіне жеткізуге жетекшілік етеді. Президент жасанды интеллект, ауқымды  деректер және платформалық экономиканы қамтитын кешенді Цифрлық кодексті тез арада қабылдауды тапсырды, сондай-ақ Үкіметке экономиканың барлық секторларына ЖИ-ді толық енгізуді қамтамасыз етуді міндеттеді.«Жасанды интеллект енді абстрактті ұғым емес, – деді К.Тоқаев. – Ол қазірдің өзінде, жастардың мінез-құлқы мен болмыс-бітіміне әсер етіп жатыр. Біз бұған дайын болып, батыл әрекет етуіміз керек. Әйтпесе артта қалудың салдары өте ауыр болады. Қазақстанда бұл трансформацияны қабылдаудан басқа жол жоқ». Ол сондай-ақ қаржылық инновациялардың маңыздылығын атап өтіп, стратегиялық крипторезерв құру үшін Мемлекеттік цифрлық активтер қорын құруды жариялап, қаржы жүйесіндегі технологияларды ілгерілету мен нарыққа жаңа қатысушыларды тарту үшін жыл соңына дейін жаңа Банктер туралы заң қабылдауды ұсынды.Цифрлық трансформациямен қатар, Президент инвестициялар мен экономиканы жаңғыртуға назар аударды. Ол инвестицияларды тарту жүйесін жаңартуды талап етіп, шамадан тыс бюрократия тиімділікті төмендететінін атап өтті. «Инвестицияларды тарту – жаңа тәсілдерді қажет ететін басымдық», — деді ол, бұл процесті Премьер-Министрдің жеке бақылауында болатынын баса айтты. Қ.Тоқаев жергілікті биліктің экономикалық нәтижелеріне жауапкершілігін арттыру үшін  аймақтардың инвестициялық тартымдылық индексін енгізуді ұсынды, сонымен қатар Ұлттық қордың рөлін қайта қарауды ұсынды. «Қордың ресурстары жоғары нарықтық әлеуеті бар перспективалы жобаларды қаржыландыру үшін ұтымды пайдаланылуы керек», — деді ол.Көлік және логистика Қазақстанның Еуропа мен Азия арасындағы маңызды көпір ретіндегі рөлін нығайтуына байланысты жолдауда маңызды орын алды. Қ.Тоқаев «Шығыс–Батыс дәлізі үшін ерекше маңызы бар» деп сипаттаған Достық–Мойынты екі жолды теміржол құрылысының жақын арада аяқталатынын жариялады және басқа маңызды теміржол желілерінде уақтылы ілгерілеуді уәде етті. Ол қазан айына дейін жеке операторларға тең автоматтандырылған қолжетімділікті қамтамасыз ететін Smart Cargo бірыңғай цифрлық кеден және логистика платформасын іске қосуды тапсырды. Авиация саласында ол Қазақстанның Еуразия кеңістігінде жетекші хаб болуға ұмтылысын растады, шетелдік серіктестермен ұлттық жүк тасымалдаушысын құруды және жаңа әуежайларды жаһандық логистикалық тізбектерге біріктіруді ұсынды.Сыртқы саясатта Президент Қ.Тоқаев Қазақстанның көпвекторлы тәсілін растады, тепе-теңдік пен сындарлы қарым-қатынастың маңыздылығын атап өтті. Ол АҚШ пен Ресейдің Аляскадағы диалогы және Әзербайжан мен Армения арасындағы бейбіт күш-жігерді қоса алғанда, соңғы жоғары деңгейдегі саммиттердің нәтижелерін құптады және Қазақстанның Қытай, Түркия, Орталық Азия, Еуропалық Одақ және АҚШ-пен серіктестігінің өсуін атап өтті. Алдағы уақытта ол Біріккен Ұлттар Ұйымының, әсіресе оның Қауіпсіздік Кеңесінің реформасы қажеттігін баса айтты. «БҰҰ-ның баламасы жоқ, – деді ол, – дегенмен БҰҰ-ны, әсіресе, оның ең басты органы – Қауіпсіздік Кеңесін реформалайтын кез келді». Ол Нью-Йоркте өтетін БҰҰ Бас Ассамблеясының алдағы сессиясында Қазақстанның жаһандық реформаға қатысты ұстанымын ұсынатынын қосып айтты.Президент сонымен қатар ұзақ мерзімді саяси салдары бар ауқымды институционалдық реформаны ұсынды. Ол бір палаталы Парламентке өту туралы ұсыныс жасады, бұл мәселе 2027 жылы жалпыұлттық референдум арқылы шешіледі. Қ.Тоқаев бұл процестің ашық және кеңесуші болуы керектігін баса айтты: «Мұндай тағдырлы мәселелерде халықпен ашық диалог жүргізу қажет деп санаймын. Сонда ғана біз Әділетті және Қуатты Қазақстанды құру жолында тағы бір маңызды қадам жасаймыз». Президент сонымен қатар жалпыұлттық басымдықтарды айқындады. Олардың қатарында Алатау қаласына жаңа инновациялық хаб ретінде ерекше мәртебе беру, жыл соңына дейін жаңа Құрылыс кодексін қабылдау, бірыңғай цифрлық жер ресурстары картасын құру және азық-түлік қауіпсіздігі мен су ресурстарын басқарудың ұзақ мерзімді стратегияларын әзірлеу бар. Ол Арал теңізін қалпына келтіру, Каспий теңізін сақтау үшін бірлескен күш-жігер және су үнемдеудің озық технологияларын жедел енгізуді жалғастыруға шақырды. Әлеуметтік саясатта Тоқаев кең ауқымды жеңілдіктер жүйесін тұрақтылық пен әділдікті қамтамасыз ету үшін реформалауды, зейнетақы жүйесін нығайтуды, денсаулық сақтауды кеңейтуді және қаржылық сауаттылықты арттыруды ұсынды. Ол білім берудің ЖИ дәуіріне келесі ұрпақты дайындаудағы рөлін атап өтіп, ЖИ-ді мектеп оқу бағдарламаларына енгізу және ауылдық жерлердегі оқушылар үшін цифрлық оқытуды кеңейту бағдарламаларын ерекше атап өтті.Сөзін аяқтай отырып, Президент Қ.Тоқаев жаһандық өзгерістер жағдайында заң, тәртіп және патриотизмнің біріктіруші қағидаларын баса айтты. «Халқымыз тату болса, ішкі ахуал тұрақты болса, біз барлық қиындықты жеңеміз. Кез келген кедергіден өтеміз», – деді ол. Ақпарат көзі : https://www.gov.kz/memleket/entities/mfa-geneva/press/news/details/1065446?lang=kk

Бүгін Президент Қасым-Жомарт Тоқаев халыққа жыл сайынғы Жолдауын жасады. «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» тақырыбындағы баяндамасында Мемлекет басшысы цифрландыру, инвестицияны жаңғырту, жаһандық байланыс және институционалдық жаңарту бағыттарында ауқымды реформалық бағдарламаны ұсынды.Жолдаудың өзегінде – Қазақстанның жасанды интеллект дәуірінде көшбасшы болу ниеті. Президент Жасанды интеллект және цифрлық даму министрлігін құруды жариялап, оны Премьер-Министрдің орынбасары деңгейіндегі маман басқаратынын айтты. Жаңа орган елді үш жыл ішінде «толық цифрлық ұлтқа» айналдыруды көздейді. Ол Үкіметке жасанды интеллект, үлкен деректер және платформалық экономиканы қамтитын кешенді Цифрлық кодекс қабылдауды, сондай-ақ ЖИ-ді экономиканың барлық саласына енгізуді тапсырды.Мемлекет басшысы стратегиялық крипторезерв қалыптастыру үшін Мемлекеттік цифрлық активтер қорын құруды хабарлап, қаржылық технологияларды дамытуға және жаңа ойыншыларды тартуға бағытталған жаңа Банк туралы заңды жыл соңына дейін қабылдауға шақырды.Инвестиция саласында Президент артық бюрократияны сынға алып, инвестиция тарту жүйесін жаңартуды тапсырды. Ол өңірлік инвестициялық тартымдылық индексін енгізуді, сондай-ақ Ұлттық қордың рөлін қайта қарауды ұсынды. Қордың қаражаты перспективалы жобаларға бағытталуы тиіс екенін атап өтті.Көлік және логистика саласында Достық–Мойынты қос жолды теміржолының аяқталуға жақындағанын мәлімдеді. Қазан айына дейін бірыңғай цифрлық кедендік-логистикалық Smart Cargo платформасы іске қосылуы тиіс. Авиацияда Қазақстанды Еуразиядағы жетекші хабқа айналдыру мақсаты расталды.Сыртқы саясатта Тоқаев еліміздің көпвекторлы бағытын қуаттап, БҰҰ-ның, әсіресе Қауіпсіздік Кеңесінің реформасын қажет деп санады. Ол Қазақстанның ұсыныстарын БҰҰ Бас Ассамблеясының алдағы сессиясында таныстыратынын жеткізді.Саяси реформалардың ішінде – 2027 жылы референдумға шығарылатын бір палаталы Парламентке көшу ұсынысы бар.Президент сондай-ақ Алатау қаласына инновациялық хаб мәртебесін беруді, жаңа Құрылыс кодексін қабылдауды, жер ресурстарының цифрлық картасын жасауды, Арал теңізін қалпына келтіруді және Каспийді сақтауды жалғастыруды ұсынды.Әлеуметтік салада ол жәрдемақы жүйесін реформалау, зейнетақыны нығайту, денсаулық сақтауды кеңейту, қаржылық сауаттылықты арттыру және мектеп бағдарламаларына жасанды интеллектті енгізу қажеттігін атап өтті.Сөзінің соңында Тоқаев елдің бірлігі, заңға берік болуы және отансүйгіштік кез келген сынақты еңсеруге мүмкіндік беретінін ерекше атап өтті.Ақпарат көзі : https://www.gov.kz/memleket/entities/mfa-kuveyt/press/news/details/1065416?lang=kk

Бүгін Бөрлі аудандық мәслихатының кезектен тыс сессиясы мәслихат төрағасы К.Ермекбаевтың төрағалығымен өтті. Сессия отырысына аудан әкімінің орынбасары Д.Имашев,бөлім басшылары,қала және ауылдық округ әкімдері, бұқаралық ақпарат құралдарының өкілдері қатысты. Сессияда аудандық экономика және қаржы бөлімінің басшысы Г.Шамгонованың аудандық,қала және ауылдық округтердің бюджеттерін нақтылау бойынша баяндамасы тыңдалып,депутаттар шешім қабылдады. Келесі Бөрлі аудандық мәслихатының 2023 жылғы 8 қарашадағы №8-7 «Бөрлі аудандық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» шешімін жою туралы» аппарат басшысы Б.Мукашева баяндама  жасап, депутаттар бірауыздан қолдады.Қазақстан Республикасының Бюджет кодексіне және Қазақстан Республикасының «Қазақстан Республикасындағы мемлекеттік басқару және өзін-өзі басқару туралы» Заңына сәйкес, күн тәртібіндегі «2025-2027 жылдарға арналған Ақсай қаласы және ауылдық округтердің бюджеті туралы» шешіміне өзгерістер енгізу туралы» мәселесін қарау үшін мәслихат сессия жұмысына үзіліс жариялады. Сессия тікелей онлайн режимінде көрсетілді.Ақпарат көзі : https://www.gov.kz/memleket/entities/burlin-maslihat/press/news/details/1065399?lang=kk