KOICA мен KazAID: Цифрлық дамуды жеделдететін бірлескен жобаларKazAID халықаралық серіктестердің сенімін жоғары бағалайды.Корея Республикасының Халықаралық ынтымақтастық агенттігі — KOICA — KazAID-ке алғыс хат жолдады.Біз екінші жыл қатарынан «Достық: Цифрландыру» бағдарламасын бірлесіп жүзеге асырып келеміз. Бұл аясында Орталық Азия мамандарын жасанды интеллект, финтех және электрондық үкімет салаларындағы заманауи дағдыларға үйретудеміз.«Біз KazAID-пен серіктестікті жоғары бағалаймыз және ол ынтымақтастықты әрі қарай нығайтып, өңірдің дамуына ықпал етеді деп сенеміз», — деді Корея халықаралық ынтымақтастық агенттігінің (KOICA) Президенті Чанг Вон Сам.Бұл сөздер Қазақстан жобаларының халықаралық аренада мойындалып, өңірдің дамуына үлес қосып жатқанын дәлелдейді.Ақпарат көзі : https://www.gov.kz/memleket/entities/kazaid/press/news/details/1065118?lang=kk

2025 жылғы 11 тамызда Аджман еркін экономикалық аймағының Бас директоры Исмаил Әл Накимен кездесу өтті. Кездесу барысында сауда-экономикалық ынтымақтастықты дамыту мәселелері талқыланды. Анықтама: Аджман еркін экономикалық аймағы — Әмірліктердегі алғашқы аймақтардың бірі және 2025 жылғы «Үздік еркін экономикалық аймақ» атағын иеленді. Қазіргі уақытта бұл аймақта Қазақстан азаматтарының қатысуымен 80 компания жұмыс істейді.Ақпарат көзі : https://www.gov.kz/memleket/entities/mfa-dubai/press/news/details/1065119?lang=kk

Ү.ж. 11 маусымында Рас-әл-Хайма экономикалық аймағының (RAKEZ) бизнес-стратегияларды дамыту жөніндегі Директоры Джон Канлифпен кездесу өтті. Кездесу барысында RAKEZ пен Қазақстан арасындағы ықтимал ынтымақтастық бағыттары талқыланды. Анықтама: Ras Al Khaimah Economic Zone (RAKEZ) — халықаралық компаниялар мен стартаптар үшін кең ауқымды қызметтер ұсынатын БАӘ-дегі жетекші еркін экономикалық аймақтардың бірі.Ақпарат көзі : https://www.gov.kz/memleket/entities/mfa-dubai/press/news/details/1065077?lang=kk

Кеген аудандық мәслихатының әлеуметтік және экономикалық даму, бюджет, тұрмыстық қызмет көрсету, шағын және орта кәсіпкерлік дамыту, өнеркәсіп, құрылыс, көлік қатынастары, байланыс және коммуникация, энергетика, отын ресурстары және ауыл шаруашылығы, жер қатынастары, қоршаған ортаны қорғау, табиғи ресурстарды тиімді пайдалану жөніндегі тұрақты комиссия отырысы өткізілді. Күн тәртібінде "2025-2026 жылдардағы аудан бойынша әлеуметтік нысандардың жылыту маусымына дайындығы туралы" Б.Абдыманаповтың баяндамасы талқыланып, тиісті қаулы қабылданды.Ақпарат көзі : https://www.gov.kz/memleket/entities/maslihat-kegen/press/news/details/1065094?lang=kk

Ү.ж. 11 маусымда Жұмыс сапары аясында Рас-әл-Хайма туризмді дамыту басқармасының (RAKTDA) Вице-президенті Ияд Расбеймен кездесу өтті. Тараптар туризм саласындағы ынтымақтастық мәселелерін талқылады. Анықтама: Ras Al Khaimah Tourism Development Authority (RAKTDA) — Рас-әл-Хайма әмірлігінің туризм саласын стратегиялық жоспарлау және ілгерілетумен айналысатын мемлекеттік орган.Ақпарат көзі : https://www.gov.kz/memleket/entities/mfa-dubai/press/news/details/1065098?lang=kk

Қасым-Жомарт Тоқаев:«Қазіргі көкірегі ояу жас ұрпақ отаншылдық деген сөзді басқаша қабылдайды. Жастардың басым көпшілігі әсіредіншілдікті, әсіреұлтшылдықты қолдамайды. Олар үшін патриотизмнің басты көрсеткіші – жасампаздық пен жаңашылдық.Жастар «Елді сүю дегеніміз – халыққа пайдасы тиетін жаңалық ашу, жаңа іс бастау» деп түсінеді. Олар Қазақстанды дамыған, көркейген мемлекет ретінде көргісі келеді. Заманауи технологияларды меңгеріп, халқымызды озық ойлы ұлттардың қатарына қосуға талпынады. Өскелең ұрпақтың бойындағы патриотизм – болашаққа деген шынайы ұмтылыс. Бұл – қоғам санасында болып жатқан өзгерістің айқын көрінісі. Мен мұны толығымен қолдаймын. Жастардың күш-жігеріне, олардың дарыны мен біліміне сенемін.Ақпарат көзі : https://www.gov.kz/memleket/entities/kostanai-kamysty-druzhba/press/news/details/1065022?lang=kk

28-ШІҚАЗАҚСТАНДЫҚХАЛЫҚАРАЛЫҚ «КӨЛІКЖӘНЕЛОГИСТИКА» КӨРМЕСІ – TRANSLOGISTICA KAZAKHSTAN 2025 30 ҚЫРКҮЙЕКПЕН 2 ҚАЗАНАРАЛЫҒЫНДААЛМАТЫДАӨТЕДІ TransLogistica Kazakhstan – ОрталықАзиядағыкөлік-логистикалыққызметтерментехнологиялардыңеңірікөрмесі. Олжылсайынкөлікжәнеқоймалогистикасынаарналғанбарлықшешімдердіұсынады.2025 жылғы 30 қыркүйекпен 2 қазанаралығындаАлматықаласында, КЦДС «Атакент»аумағындаөтетінTransLogistica Kazakhstan 2025көрмесіндееліміздіңкөлік-логистикасаласыныңдамуы, көлікинфрақұрылымынжетілдіру, цифрландырудыенгізужәнехалықаралықынтымақтастықмәселелеріталқыланады.Қазіргіуақыттакөрмеге18 елден 200-ден астам компанияқатысуынрастады. Бұлелдерқатарында: Австрия, Әзербайжан, Беларусь, Германия, Грузия, Үндістан, Қазақстан, Қытай, Латвия, Литва, БАӘ, Пәкістан, Ресей, Румыния, Түркия, Өзбекстан, Швейцария және Эстония бар. Экспоненттер саны бойыншадәстүрлікөшбасшы – Қазақстан. ОданкейінгіорындардаҚытай, РесейжәнеТүркиякомпанияларытұр. БиылалғашретҮндістан мен Пәкістаннанкомпанияларқосылыпотыр, бұлшарағахалықаралыққызығушылықтыңартыпкележатқанынкөрсетеді.Экспоненттер жүк тасымалы мен экспедирлеудің барлық түрлері бойынша (құрлық, әуе, теңіз көлігімен) қызметтерін, жүк сақтау бойынша шешімдерді, сондай-ақ жеткізу тізбегін басқару процестерін автоматтандыруға арналған бағдарламалық жасақтама әзірлеушілердің IT-шешімдерін және басқа да ұсыныстарды ұсынады.Көрме күндері аясында халықаралық конференциялар, дөңгелек үстелдер және форумдар өтеді. Олардың ішінде:VIII Халықаралық көлік-логистикалық бизнес-форум «New Silk Way», IV Конференция «Қазақстандағы қойма логистикасы нарығы», II Конференция «Көлемді және ауыр жүктерді тасымалдау BreakBulk Kazakhstan», Expert Talks: «Қазақстан көлік аптасының қорытындылары»Көрменің мақсаты – көлік логистикасы саласындағы практикалық тәжірибені жинақтау, экспоненттер мен келушілерге барлық көлік түрлері бойынша тасымалдау, қоймалау, кедендік қызмет көрсету, логистика және көліктегі ақпараттық технологиялар мәселелерінде тікелей қарым-қатынас орнату мүмкіндігін беру.Ұйымдастырушылар – Iteca және Атакент-Экспо компаниялары көрмеге өнеркәсіптік, өндірістік, логистикалық және сауда кәсіпорындарының көлік бөлімшелерінің басшылары мен мамандарын қатысуға және іскерлік бағдарламаға белсенді қосылуға шақырады.Ресми қолдау көрсетушілер: Қазақстан Республикасы Көлік министрлігі, «Қазақстан Темір Жолы» ҰК» АҚ, Қазақстан көлікшілер одағы KAZLOGISTICS, Қазақстан вагон тасымалдаушылары мен операторлары қауымдастығы, Ұлттық экспедиторлар қауымдастығы.Көрмеге келу үшін тегін именной билет алыңыз – онлайн-тіркеуден өтіп, сілтеме бойынша өтіңіз:http://expo.kz/TLK25VISITТегін тіркеу үшін промокод: TLK25VISIT. Бір промокод арқылы шектеусіз келушілерді тіркеуге болады.Қосымша ақпарат алу үшін хабарласыңыз:E-mail svetlana.lucenko@iteca.events / 📎Көрме сайты: https://translogistica.kz     Ақпарат көзі : https://www.gov.kz/memleket/entities/bko-kolik/press/news/details/1065011?lang=kk

«Ауыл шаруашылығын жаңа деңгейге көтеру қажет. Бұл салаға тың серпін беру үшін мемлекет соңғы жылдары реформа жүргізіп жатыр. Қомақты қаражат бөлінуде, биыл шаруаларды қолдауға бір триллион теңге жұмсалды. Қажетті несиелер уақытында берілді. Мұндай ауқымды қолдау елімізде бұрын-соңды болмаған.Бірақ, агроөнеркәсіптің орасан зор әлеуетін толық ашуға бұл шаралардың әзірге жеткіліксіз екені анық. Мәселе – қаражаттың көлемінде емес, ең бастысы, оны тиімді пайдалану қажет. Озық агроэкономикаға көшу үшін Үкіметтің нақты жоспары болуы керек.Қазір ауыл шаруашылығы өнімдерін терең өңдейтін бірқатар ірі жоба жүзеге асырылып жатыр. Оған отандық және шетелдік инвесторлар қатысуда. Инвестицияның жалпы көлемі 2 миллиард доллардан асады. Үш мыңнан астам жұмыс орны ашылады. Өнімдер әлемнің көптеген еліне тасымалданады. Мұндай жобалардың ауқымын кеңейту қажет. Әр аймақта дайын өнімді өндірістен дүкен сөресіне дейін жеткізетін әрбір өңірдің ерекшелігіне қарай біртұтас желі қалыптасуы керек.Көптеген аймақта өндірістің барлық сатысын қамтитын үздік агрокәсіпорындар бар. Оларды жұртшылық жақсы біледі. Бұл кәсіпорындар цифрландыру тәсілдерін жаппай енгізу арқылы өндірістің тиімділігін әлдеқайда арттыруда.Үздік агрокәсіпорындар ауыл шаруашылығы өнімін шығарудан бастап оны терең өңдеуге дейін тұтас өндірісті толығымен жолға қойып, зор табысқа жетіп отыр. Сондықтан осындай агрохолдингтердің тәжірибесін тарату үшін барынша жағдай жасаған жөн.Бұл – құзырлы министрліктің және қоғамдық ұйымдардың міндеті. Мұндай қадам инновациялар мен ғылыми жаңалықтарды ауыл шаруашылығында кеңінен қолдануға мүмкіндік береді».

 «Елімізде ауқымды аэро-геофизика зерттеулері әбден ескірген.Цифрлық құралдарды пайдалана отырып, жер қойнауының заманауи картасын жасайтын уақыт келді. Мұндай қадам кен орындарының әлеуетін жаңа сапалық тұрғыдан бағалауға мүмкіндік береді. Бұл жұмысқа да халықаралық сарапшыларды тартуға болады. Әрине, ғылыми негізі болмаса, барлау жұмысын ойдағыдай жүргізу мүмкін емес.Келесі жылдың ортасына дейін озық халықаралық стандарттарға сай сертификаты бар зертхана ашу керек. Оны Ұлттық геологиялық қызметтің базасында құрған жөн. Жер қойнауына қатысты мәліметтің бәрін, ең алдымен, жасанды интеллектіні енгізу арқылы жүйелеп, цифрландыру қажет.Геологиялық барлау саласы ауқымды инвестицияға мұқтаж. Үкімет бұл өзекті мәселені ескеру керек. Геологиялық барлау және жер қойнауын игеру саласындағы реформалардың заң жүзіндегі және іс жүзіндегі рәсімдерін жыл соңына дейін аяқтау керек».

Бұл бағытта соңғы бес жылда бірқатар жетістік бар деп айтуға болады. Өңдеу өнеркәсібінің жалпы қосымша құны екі есе өсіп, 17 триллион теңгеге жуықтады. Ал, оның жалпы ішкі өнімдегі үлесі 12,4 пайызға жетті. Былтырдың өзінде 163 жаңа өндіріс іске қосылды. Соның нәтижесінде 12,5 мың тұрақты жұмыс орны пайда болды.Мысалы, Алматы, Қостанай, Қарағанды, Атырау облыстарында машина жасау және металлургия саласындағы ірі кәсіпорындар ашылды. Биыл Алматыда әртүрлі автокөліктер шығаратын Қазақстандағы ең үлкен өндіріс орны жұмысын бастады. Бірақ бұл, әрине, жеткіліксіз.Экономиканы әртараптандыруды тың қарқынмен жалғастыру керек. Ішкі және сыртқы нарықта бәсекеге қабілетті, терең өңделген өнім шығаруға басымдық берілуге тиіс. Қазір бұл жұмыс жүйесіз жүргізіліп жатыр. Қолдау шарасын ұстанымдары мен талаптары әртүрлі институттар жүзеге асырады. Мұндай ахуал кәсіпкерлерді әбден шатастырады. Бұл саланы ретке келтіріп, үйлестіру жұмысын толығымен қолға алу керек.Тау-кен металлургиясы қашанда Қазақстанның жаңа индустриалды қалыбының сенімді тірегі болып келеді. Оның ел экономикасындағы үлесі – 8 пайыз.Бірақ саланың даму әлеуеті зор. Әсіресе, терең өңделетін өнімдерді шығаруға мол мүмкіндігі бар. Жаһандық үдерістерге сәйкес, сирек кездесетін металдардың және айрықша қажет басқа да материалдардың маңызы арта түсті. Бұл саладағы әлемдік өндірістер мен сауда-саттықтың жаңа желісінде өз орнын нықтап алуына Қазақстанның толық мүмкіндігі бар.Біз алдағы үш жыл ішінде тау-кен саласында жоғары технологиялық өнім шығаратын кемінде үш кәсіпорынды іске қосуға тиіспіз. Сондай-ақ Үкімет көмірсутегі шикізатын терең өңдейтін бірқатар озық жобаны жүзеге асыруы қажет.Атырауда ірі газ-химия кешенінің құрылысы басталды. Павлодарда сұйытылған газды терең өңдеуге арналған жоба қолға алынды. Осы кәсіпорындардың дер кезінде іске қосылуын қамтамасыз ету керек. Ілеспе газ бен сұйытылған мұнай газын қажетке жарату мәселесін түбегейлі қайта қараған жөн. Оны толыққанды экономикалық ресурсқа айналдыру қажет.

 «Тағы бір мәселе. Өңірлерге инвестиция тарту барысында арнайы экономикалық аймақтар айрықша рөл атқарады. Алайда олардың көбінің жұмысы мәз емес. Бұл мәселе бойынша әңгімелер талай рет айтылды.Үкімет арнайы экономикалық аймақтардың тиімділігін арттыру үшін терең сараптама жасап, түбегейлі шаралар қабылдауға дайын болуы керек. Арнайы экономикалық аймақтарды басқаруға жеке компанияларды, қажет болса, шетел компанияларын тартуға болады.Әлеуметтік-кәсіпкерлік корпорациялар аймақтардың экономикалық өсімін арттыратын қозғаушы күш болуға тиіс. Бірақ көбі коммуналдық мүліктерді басқарумен және аса маңызды емес жобаларды жүзеге асырумен шектеліп отыр. Олардың аймақ экономикасына әсері шамалы. Үкімет осындай корпорацияларды толыққанды даму институтына айналдыруы керек.Инвестиция тарту – орталық атқарушы органдардың ғана міндеті емес. Осы маңызды жұмысқа жергілікті билік те атсалысып, бәрі жұмыла жұмыс істеуге тиіс. Әкімдердің аймақтағы инвестициялық ахуалға тікелей жауапкершілігін белгілеу керек.Стратегиялық жоспарлау және реформалар агенттігі аймақтардың инвестициялық тартымдылық индексін енгізуге тиіс. Мүмкін, бұл жұмысқа тәуелсіз сарапшыларды тартқан жөн болар.Инвестицияға қолайлы ахуал қалыптастыруға тікелей әсер ететін ең басты фактор – макроэкономикалық тұрақтылық.Бірақ қазіргі басты мәселе: жоғары инфляция экономикалық көрсеткіштер мен халықтың табысын «жұтып қойып» жатыр. Оның дайын тұрған шешімі жоқ, бұл – көптеген мемлекет бетпе-бет келіп отырған түйткіл. Мәселе бәріне ортақ болғанмен, ол біздің жағдайда айрықша сезіліп отыр.Осы макроэкономикалық құрсаудан шығуымыз керек. Қиындықтар күні кеше ғана пайда болған жоқ. Оны шешу үшін әлемдегі озық тәжірибелерді ескеріп, жұртқа ұнай бермейтін шаралар қабылдауға және оның жауапкершілігін көтеріп алуға дайын болу қажет.Үкімет пен Ұлттық банк мемлекеттік ауқымдағы міндетті алдына қойған біртұтас команда ретінде жұмыс істеуі керек. Қазір әркім көрпені өзіне қарай тартатын кез емес».

«Қарқынды өсіп келе жатқан көптеген мемлекетте даму көшінің басында жүретін қалалар инвестициялар мен технологияларды өзіне тартатын полюске айналған. Алатау қаласы еліміздің жаңа іскерлік және инновациялық орталығы болуға тиіс. Жалпыұлттық маңызы бар осы жобаны жүзеге асыру үшін арнайы жер бөлінді, бастапқы жоспарлау жұмысы аяқталды, инфрақұрылымның негізгі желілері қосылды.Жақында Қытайға барған сапарымда әлемнің жетекші компанияларымен құны миллиардтаған қаржы тұратын келісімдер жасалды. Шэньчжэнь жаһандық технополисін салуға қатысқан сондай компанияның бірі енді Alatau City жобасын жүзеге асыруға тікелей атсалысады.Келесі қадам – Alatau City-дің мықты институционалдық негіздерін қалыптастыру. Қаланы ел Үкіметіне тікелей бағынатындай етіп, оған арнайы мәртебе беру туралы жарлықты он күн ішінде әзірлеу керек.Содан кейін жарты жылдан асырмай, жеке заң қабылдау қажет. Құжатта қаланы басқару режимі, оның қаржылық моделі және басқа да маңызды мәселелер қамтылуға тиіс.Арнайы құқықтық мәртебе – қалаға берілетін артықшылық емес, жобаның қағаз жүзінде қалып қоймай, нақты іске асуына қажетті шара немесе құрал екенін айта кеткен жөн.Alatau City аймақтағы толық цифрланған алғашқы қалаға айналуға тиіс. Мұнда Smart City технологияларын қолданудан бастап тауарлар мен қызмет ақысын криптовалютамен төлеуге дейінгі жаңалықтың барлығы енгізілуі керек.Бұл қала Қазақстанның келешектегі келбетін танытпақ. Онда технологиялық өрлеуге және өмір сүруге барынша қолайлы жағдай үйлесім табуы қажет».

Құрметті салық төлеушілер! Естеріңізге сала кетейік, жеке тұлғалардың мүлік салығын төлеу мерзімі 2025 жылдың 1 қазанында аяқталады. Салықты  төлеу салық салу объектілерінің орналасқан жері бойынша бюджетке есепті салық кезеңінен кейінгі 2024 жылғы 1 қазаннан кешіктірілмей жүргізіледі, яғни 2024 жылғы мүлік салығы төленеді.Ақпарат көзі : https://www.gov.kz/memleket/entities/kgd-akmola/press/news/details/1076660?lang=kk

Алматы облысында шекара маңындағы аудандарды қоса алғанда, туристік инфрақұрылымды дамыту жалғасуда. Мұнда күн сайын мыңдаған көлік қатынайтын республикалық маңызы бар «Көкпек – Шонжы» автожолы жөнделіп жатыр. Бұл жол танымал ыстық су көздеріне апарады, сондықтан оның қайта жаңғыртылуы өңірдің туризмді дамыту жөніндегі кешенді жоспарына енгізілген.Ұйғыр ауданында ұзындығы 85 шақырымдық жол учаскесін жаңарту жұмыстары басталды. Бұл трасса Арасан ауылдық округін туристік нысандармен байланыстырады және ішкі туризм үшін маңызды рөл атқарады. Мұнда соңғы күрделі жөндеу жұмыстары жиырмадан астам жыл бұрын жүргізілген. Қазір «Көкпек – Шонжы» жолының ыстық су көздеріне апаратын екі бөлігі қайта жөнделуде.Көп жылдар бойы жолдың жағдайы қанағаттанарлықсыз болып, тұрғындар бірнеше рет әкімдікке оны ретке келтіруді сұрап жүгінген.Ұйғыр ауданының тұрғыны Құрметхан Жидебаев атап өтті:– Шарын шатқалы маңындағы бұл бөлік ең қиын учаскелердің бірі саналды. Біз үшін бұл жолдың маңызы зор – ол Қытай шекарасына апарады. Енді туристерге де, кәсіпкерлерге де қатынау жеңілдейді. Бұл жол баршаға қажет.Жөндеу жұмыстарына республикалық бюджеттен шамамен 4 млрд теңге бөлінген. Биыл мердігерлер ресайклинг жасап, инертті материал төсеп, асфальттың алғашқы қабатын салады. Жобаны толық аяқтау келесі жылға жоспарланған.«ҚазАвтоЖол» ҰК облыстық филиалы бөлімінің басшысы Досбол Тепкішовтың айтуынша, бұл жол 1980–1990 жылдары салынған, ал оның жабыны әбден тозған. Жергілікті тұрғындар жолдың жағдайына жиі шағымданып, мұнда апатты жағдайлар көп болған. 2000-жылдардың басында тек үстіңгі қабаты ауыстырылған, одан кейін тек шұңқырларды жамау жұмыстары ғана жүргізілген. Қазір орташа жөндеу жұмыстары атқарылуда, ал биылдың өзінде қозғалыс бір қабат асфальтпен ашылады.Жалпы, 2025 жылы Алматы облысында республикалық маңызы бар 247 шақырым жол жаңартылады, оның шамамен 200 шақырымы Кеген, Райымбек және Ұйғыр аудандарына тиесілі.Ақпарат көзі : https://www.gov.kz/memleket/entities/almobl/press/news/details/1064937?lang=kk

Жалпыға бірдей декларациялау шеңберде декларацияны тапсыру мерзімінің аяқталуына 6 күн қалды! 15 қыркүйекте Жалпыға бірдей декларациялаудың шеңбердедекларацияны тапсыру мерзімі аяқталады!    Салық міндеттемелерін уақтылы орындау үшін алдын ала декларация тапсыруын сұраймыз.Ақпарат көзі : https://www.gov.kz/memleket/entities/kgd-akmola/press/news/details/1064899?lang=kk

    Техникалық байқау жүргізуге рұқсат алу әлдеқайда жеңілдеді: операторларға рұқсат беру құжатын рәсімдеу қызметі енді толықтай автоматтандырылған және elicense.kz порталында қолжетімді. Онлайн өтінім беру жеткілікті.Техникалық байқау – Қазақстан аумағында тіркелген және жол қозғалысына қатысатын барлық көлік құралдары үшін міндетті талап. Бұл ереже шетелдік автокөліктер мен тіркемелерге де қолданылады, себебі ол жалпы пайдаланымдағы жолдардағы қауіпсіздікті қамтамасыз етуге бағытталған.Бұрын техникалық байқау операторлары қызметті бастау үшін немесе тоқтату үшін тек хабарлама берсе жеткілікті еді. Алайда жақында заңнамада өзгерістер енгізіліп, енді ресми рұқсат құжатын алу талап етіледі. Мұндай құжатты Қазақстан Республикасы Көлік министрлігінің Автомобиль көлігі және көлік бақылау комитетінің аумақтық органдары береді.Қызметті пайдалану үшін пайдаланушыға:elicense.kz порталына кіріп, авторизациядан өтіп, «Көлік» – «Рұқсаттар» бөліміне өту қажет;«Техникалық байқау операторының қызметіне рұқсат беру» қызметін таңдап, қажетті деректерді толтыру керек;қажетті қызмет түрлерін белгілеу қажет;деректерді толтыру керек;өтінімді қол қоюдың қолжетімді тәсілдерінің бірімен растау қажет.Рұқсат алу үшін оператор білім туралы құжатты немесе техникалық байқау маманының сертификатын, жеке куәлігін, жабдық туралы мәліметтерді және ғимараттың ішкі-сыртқы көрінісінен 10 фотосуретті қоса тіркеуі тиіс. Сонымен қатар, таңдалған қызмет түріне байланысты қосымша құжаттар талап етіледі: егер жылжымалы техникалық байқау желісі ашылса – көлік құралын мемлекеттік тіркеу туралы мәліметтер; егер стационарлық техникалық байқау желісі ашылса – заңды тұлғаны мемлекеттік тіркеу (қайта тіркеу) туралы мәліметтер және жылжымайтын мүлікке қатысты құқық белгілейтін құжаттар.Дайын рұқсат құжаты 8 жұмыс күні ішінде қалыптастырылып, жеке кабинетте рұқсат құжаты түрінде қолжетімді болады.Қызмет ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ және Қазақстан Республикасы Көлік министрлігі арасындағы ынтымақтастық аясында іске қосылды.Ақпарат көзі : https://www.gov.kz/memleket/entities/abay-kurchatov/press/news/details/1092125?lang=kk

Жетісу облысы бойынша Мемлекеттік кірістер департаменті 2024 жылға арналған жеке тұлғалардың мүлік салығын төлеу мерзімінің аяқталуына жақындап қалғанын азаматтардың назарына хабарлайды. Салықты 2025 жылғы 1 қазаннан кешіктірмей төлеу қажет. 📌Салық төлеушілер кімдер болып табылады? Жеке тұлғалар мүлік салығын келесі меншік объектілеріне қатысты төлеуге міндетті:-тұрғын үйлер мен пәтерлерге;-саяжай құрылыстарына;-гараждарға;- басқа да ғимараттар мен құрылыстарға, үй-жайларға. 1 қазанға дейін салық төленбеген жағдайда, 2025 жылғы 2 қазаннан бастап борышкерлерге берешектің бар екендігі туралы хабарлама жіберіле бастайды.Егер берешек сомасы 1 айлық есептік көрсеткіштен (АЕК) асатын болса, хабарлама жіберілген күннен бастап 30 жұмыс күні өткеннен кейін қарызды мәжбүрлеп өндіру туралы бұйрық шығарылып, әр күнге өсімпұл есептеледі. 💠Төлеу тәсілдері:«e-Salyq Azamat» мобильді қосымшасы;Мемлекеттік кірістер комитетінің kgd.gov.kz сайты;Электрондық үкімет порталы egov.kz;Екінші деңгейдегі банктердің мобильді қосымшалары арқылы төлем жасауға болады. Жетісу облысы бойынша Мемлекеттік кірістер департаменті салық төлеушілерді жеке тұлғалардың мүлкіне салықты уақтылы төлеуді жүзеге асыруға шақырады, өсімпұлды есептеу және салық заңнамасында көзделген өзге де салдарлар сияқты мәжбүрлеп өндіріп алу шараларын қолдануды болдырмау үшін. Ақпарат көзі : https://www.gov.kz/memleket/entities/kgd-zhetysu/press/news/details/1064848?lang=kk

Как известно, в рамках" Года рабочих специальностей "мероприятие" Керуен "было организовано главой государства Касым-Жомартом Токаевым, который в Послании народу Казахстана от 2 сентября 2024 года объявил 2025 год" Годом рабочих профессий".В связи с этим, в районном центре-в селе Кеген центр, в Алане в рамках "Года рабочих профессий" была проведена ярмарка "Керуен". В мероприятии приняли участие председатель районного маслихата А. Нугман, руководитель аппарата У. Акжигит и сотрудники аппарата.Ақпарат көзі : https://www.gov.kz/memleket/entities/maslihat-kegen/press/news/details/1064852?lang=kk

Ташкент, 2025 жылғы 9 қыркүйек – Қазақстан Республикасының Өзбекстан Республикасындағы Елшісі Б. Атамқұлов пен Өзбекстан Республикасы Сыртқы істер министрінің орынбасары Б. Усманов арасында кездесу өтті.Әңгіме барысында тараптар екіжақты ынтымақтастықтың өзекті мәселелерін қарастырып, сауда-экономикалық саладағы оң динамиканы, сондай-ақ мәдени-гуманитарлық байланыстардың нығаюын атап өтті. Биылғы жылы барлық деңгейдегі байланыстардың жоғары қарқындылығы байқалып отырғаны, бұл екі ел арасындағы қатынастардың стратегиялық сипатын көрсететіні атап өтілді.Әңгімелесушілер жоғары деңгейде қол жеткізілген уағдаластықтарды іске асырудың маңыздылығын атап өтіп, оларды іс жүзінде жүзеге асыру бойынша бірлескен жұмысты жалғастыруға уағдаласты.Сондай-ақ, парламентаралық ынтымақтастықтың кеңейтілуі мен екі елдің ғылыми және мәдени орта өкілдері арасындағы байланыстардың жандана түскені атап өтілді. Бұл өзара түсіністікті дамытуға және достық қарым-қатынастарды нығайтуға ықпал етеді.Кездесу қорытындысы бойынша тараптар Қазақстан мен Өзбекстан арасындағы стратегиялық әріптестікті және одақтастықты одан әрі тереңдетуге ниетті екенін растады.Ақпарат көзі : https://www.gov.kz/memleket/entities/mfa-tashkent/press/news/details/1064869?lang=kk

Шағын бизнеске салынатын салықтың ашықтығын арттырып, әкімшілік жүктемені азайтуға бағытталған реформа аяқталды 2026 жылғы 1 қаңтардан бастап бұған дейін қолданыста болған жеті нұсқаның орнына үш әмбебап арнайы салық режимі (САР) қалады:Өзін өзі жұмыспен қамтығандарға арналған АСРҚарапайым декларацияға негізделген АСРШаруа немесе фермер қожалықтарына арналған АСР (ШФҚ)  Өзін өзі жұмыспен қамтығандарға арналған АСРҚолдана алатындар: жеке кәсіпкер (ЖК) мәртебесі жоқ, жалдамалы қызметкерлері жоқ жеке тұлғалар.Табыс шегі: айына 300 АЕК ке дейін (≈ 1,3 млн тг); жылына 15 млн тг дейін.Салық жүктемесі: табыстан 4 % мөлшерінде әлеуметтік төлемдер; ЖТС (ИПН) төленбейді.Есептілік: декларация жоқ — есеп ай сайын e Salyq Business мобильді қосымшасындағы чектер негізінде автоматты түрде жүргізіледі.  Қарапайым декларацияға негізделген АСРТабыс шегі: жылына 600 000 АЕК ке дейін (≈ 2,5 млрд тг).Жұмысшылар: саны бойынша шектеу жоқ.ЖТС ставкасы: 4 % (мәслихаттар 50 %-ға көтеру/төмендету құқығымен).Есептілік: 910.00 нысаны жылына екі рет.Жеңілдіктер:табыс 24 000 АЕК тен асқанда жалақы қоры сомасына салық жүктемесін азайту;түсім 135 000 АЕК тен аз болса, бухгалтерлік есеп жүргізу талап етілмейді.ҚҚС: қолданылмайды.Шектеулер: рұқсат етілмеген қызмет түрлерінің тізбесі бекітілген.  ШФҚ ға арналған АСРҚызмет түрі: ауыл шаруашылығы (міндетті түрде меншікті немесе жалға алынған жер учаскесі болуы керек).Салық: айналымнан 0,5 % (ЖТС ретінде төленеді).Босатулар: ҚҚС тан, әлеуметтік салықтан, ауылшаруашылық жұмыстарына пайдаланылатын мүлік пен көлік салығынан босатылады.Есептілік: 200.00 нысаны жылына бір рет. Күтілетін нәтиже–25 % — шағын бизнес үшін есептілік нысандарының санын қысқарту.≈ 40 мың кәсіпкер салық органына бармай ақ ыңғайлы режимге автоматты түрде өтеді.> 120 млрд тг — бизнес пен мемлекет үшін жыл сайынғы әкімшілік шығындарды үнемдеу.  Ақпарат көзі : https://www.gov.kz/memleket/entities/kgd-zhetysu/press/news/details/1064884?lang=kk