Құрметті Есіл, Жақсы және Жарқайын  аудандарының салық төлеушілері!2025 жылғы 03 қыркүйекте сағат 10.00-де Қазақстан Республикасының жаңа Салық кодексінің ережелерін түсіндіруге арналған өңірлік семинар өтеді.Іс-шараға Ақмола облысы бойынша Мемлекеттік кірістер департаментінің өкілдері қатысады, олар салық заңнамасындағы негізгі өзгерістер туралы айтып, сұрақтарыңызға жауап береді. 📍 Өткізу орны:Есіл қаласы, Гагарин көшесі, 1-үй“Есіл аудандық мәдениет үйі”МКҚКАқпарат көзі : https://www.gov.kz/memleket/entities/kgd-akmola/press/news/details/1060760?lang=kk

Ауыл шаруашылығы кәсіпорындары үшін онлайн-санақ кезеңі 20 қыркүйекке дейін ұзартылды. Барлық заңды тұлғалар, шаруа және фермер қожалықтары, сондай-ақ ауыл шаруашылығымен айналысатын жеке кәсіпкерлер санақтан sanaq.gov.kz сайтында өте алады.Бюроның тіркеліміне сәйкес, санақ 22 мың ірі кәсіпорынды және 271 мың шаруа, фермер қожалықтарын және жеке кәсіпкерлерді қамтуы тиіс. Тамыз айында онлайн-санаққа 574 мың респондент қатысты. Оның ішінде 245,7 мыңнан астамы – ауыл шаруашылығы құрылымдарының өкілдері, шамамен 328 мыңы – үй шаруашылықтары.«Онлайн-санақ кезеңі жақсы нәтиже көрсетті. Жедел деректер бойынша сайт арқылы сауалнамаға ауыл шаруашылығы құрылымдарының 84%-ы қатысты. Айта кету керек, жалпы тізімге ұзақ уақыт бойы белсенділігі жоқ, бірақ тіркеуде тұрған кәсіпорындар мен қожалықтар да енгізілген. Сондай-ақ байланыс деректері өзекті емес субъектілер бар. Бұдан бөлек, кейбір респонденттер жұмысбастылығына байланысты санақтан уақытында өте алмаған. Қосымша берілген 20 күн олардың осындай маңызды мемлекеттік науқаннан тыс қалмауына мүмкіндік береді», – деді Бюро басшысы Мақсат Тұрлыбаев.Еске сала кетейік, онлайн-санақ кезеңі 1 тамызда басталып, 31 тамызда аяқталуы тиіс болған. Интервьюерлердің үй шаруашылықтарын аралайтын екінші кезең 20 қыркүйектен 20 қазанға дейін болады.Ауыл шаруашылығы санағына қатысты барлық сұрақ бойынша 1446 байланыс орталығына сағат 9.00-ден 21.00-ге дейін қоңырау шалуға немесе санақ сайтында орналасқан Sanaq myrza чат-ботына жазуға болады.

Астана, 2025 жылғы 27 тамыз – Қазақстан Республикасы Сыртқы істер министрлігінде «Адами өлшем жөніндегі диалог алаңы» консультативтік-кеңесші органның кезекті отырысы өтіп, балалардың цифрлық ортадағы құқықтарын қорғау және тұрмыстық зорлық-зомбылықтың алдын алу мәселелері қаралды.Іс-шараға ҚР Президенті жанындағы Адам құқықтары жөніндегі комиссия төрағасының орынбасары, ҚР Адам құқықтары жөніндегі ұлттық орталықтың өкілдері, мүдделі министрліктер, қазақстандық құқық қорғаушылар мен үкіметтік емес ұйымдар, азаматтық сектор өкілдері, сондай-ақ іс-шара қонақтары – БҰҰ Адам құқықтары жөніндегі Жоғарғы комиссары басқармасы мен БҰҰ Даму бағдарламасының өкілдері қатысты.ҚР Сыртқы істер министрлігінің Ерекше тапсырмалар жөніндегі елшісі Алуа Надиркулова өз сөзінде ҚР Президентінің тапсырмасы бойынша балалардың құқықтарын қорғауға бағытталған ауқымды заңнамалық және стратегиялық шаралар жүзеге асырылып жатқанын атап өтті. Сонымен қатар балаларға қатысты орын алған қылмыстар үшін жазаны қатаңдату және кәмелетке толмағандарға қатысты буллинг жөнінде әкімшілік жауапкершілікті енгізу бойынша шаралардың қабылданғанына назар аударды.Қатысушылар «Әйелдердің құқықтары мен балалардың қауіпсіздігі туралы» қабылданған жаңа Заңды ерекше назарға алды. Қазақстандағы БҰҰ-Әйелдер құрылымының аға кеңесшісі, сондай-ақ Орталық Азиядан алғашқы рет БҰҰ-ның Әйелдерге қатысты кемсітушілікті жою комитетіне (CEDAW) сайланған Мадина Жарбосынова аталған Заңның қабылдануы қауіпсіз қоғам құрудағы тарихи қадам екенін атап өтті. Ол ҚР Сыртқы істер министрлігі, БҰҰ-Әйелдер және Еуропалық одақтың қолдауымен өңірдің бес елін біріктірген Гендерлік зорлық-зомбылықты жою жөніндегі Орта Азиялық альянсының құрылғанын хабарлады.Балаларды цифрлық ортада қорғау мәселесі бойынша ҚР Оқу-ағарту министрлігінің Балалардың құқықтарын қорғау комитеті төрағасының орынбасары Юлия Овечкина жаңа тәсілдерді таныстырды. Атап айтқанда, 5-9 сыныптарға арналған оқу бағдарламасына медиасауаттылық тақырыптарын қамтитын «Жаһандық құзыреттер» пәні енгізілді, сондай-ақ балалардың интернетте қауіпсіз мінез-құлық дағдыларын қалыптастыруға және ата-аналарды цифрлық тәрбиелеу процесіне тартуға бағытталған «Кибер Тұмар» және «Ата-аналық бақылау» ағартушылық шаралары жүзеге асырылуда.Екінші мәселе бойынша ҚР Ішкі істер министрлігінің аға инспекторы Галия Өтепова жоғарыда аталған Заң қабылданғаннан кейін кісі өлтіру фактілерінің саны 2-3 есеге азайғанын, ал отбасы ішіндегі ауыр дене жарақаттарын келтіру жағдайлары 25%-ға төмендегенін атап өтті. Сонымен қатар ол тұрмыстық зорлық-зомбылық тәуекелін бағалаудың қазақстандық стандартын таныстырды. Бұл стандарт халықаралық ODARA (тұрмыстық зорлық-зомбылық тәуекелін бағалаудың халықаралық құралы) жобасы негізінде әзірленген. Аталған әдістеме қайталама құқықбұзушылық қаупі жоғары тұлғаларды анықтауға мүмкіндік береді және құқықбұзушыларға міндетті психологиялық көмек тағайындалуын қарастырады.Іс-шара соңында қатысушылар жаңа заңнамалық бастамаларды іске асыруда мемлекет, азаматтық қоғам мен халықаралық серіктестердің бірлескен күш-жігері Қазақстандағы адам құқықтарын қорғау жүйесін нығайтуда шешуші рөл атқаратынын атап өтті.Анықтама: «Адами өлшем жөніндегі диалог алаңы» консультативтік-кеңесші орган 2013 жылы ҚР Сыртқы істер министрлігінің бастамасымен құрылған. Бұл алаң үкімет пен азаматтық сектор арасындағы диалогты дамытуға арналған тиімді құрал ретінде қызмет атқаруда. Мұнда адам құқықтарын қорғау саласындағы өзекті мәселелер халықаралық ұйымдар байқаушыларының қатысуымен талқыланады.Ақпарат көзі : https://www.gov.kz/memleket/entities/mfa-pretoria/press/news/details/1060701?lang=kk

29.08.2025 жылы Шемонайха ауданы бойынша Мемлекеттік кірістер басқармасы кәсіпкерлер үшін салық заңнамасының нормаларын түсіндіру бойынша Ашық есік күнін өткізді.Ақпарат көзі : https://www.gov.kz/memleket/entities/kgd-vko/press/news/details/1060707?lang=kk

ҚХР, Тяньцзинь қаласы, 2025 жылғы 1 қыркүйек - Мемлекет басшысы Саммитті жоғары деңгейде ұйымдастырғаны және тарихы бай Тяньцзинь қаласында жылы қарсы алғаны үшін ҚХР Төрағасы Си Цзиньпинге ризашылық білдірді.– Құрметті Си Цзиньпин мырза, Сізді және барша қытайлық достарымызды елдеріңіздің Шанхай ынтымақтастық ұйымына табысты төрағалық етуімен құттықтаймын. Қазақстан ШЫҰ шеңберіндегі қауіпсіздік пен тұрақтылықты, экономикалық ықпалдастық және мәдени-гуманитарлық байланыстарды нығайтуға бағытталған Қытайдың сарабдал саясатын жоғары бағалайды. Қытайдың жапон басқыншылығына қарсы күрестегі жеңісінің 80 жылдығы және Екінші дүниежүзілік соғыстағы жеңістің 80 жылдығы секілді қос тарихи мерейтой қарсаңында өтіп жатқан бүгінгі Саммитке ерекше мән береміз. Бұл айтулы даталар барша адамзатқа жер бетіндегі халықтың берекелі өмір сүруіне, бірлігі мен ынтымағын арттыруға қызмет етуі қажет. Сондай-ақ тарихи шындықты бұрмалауға жол бермей, өскелең ұрпақты патриотизм рухында тәрбиелеп, шынайы құндылықтарды ұстануға үндеуі керек, – деді Президент.Қасым-Жомарт Тоқаев Шанхай ынтымақтастық ұйымын әлемдік қауымдастық тиімді, ықпалды әрі қажетті халықаралық құрылым ретінде танитынын атап өтті.– Қазақстан ШЫҰ-ның теңгерімді көпполярлі әлемдік тәртіп орнату, қауіпсіздік пен тұрақтылықты қамтамасыз ету, мемлекеттердің ішкі ісіне араласпау және егеменді даму құқығын мойындау, сондай-ақ әділ халықаралық сауда мен өзара тиімді инвестициялық ынтымақтастық секілді басты мақсаттарын толық қолдайды. Ұйымның басым міндеттері жаңа технологиялық дәуірде халықтарымыздың әл-ауқатын, қауіпсіздігін және орнықты дамуын қамтамасыз етуді көздейді. ШЫҰ жарғылық құжаттарының негізгі қағидаттарын берік ұстана отырып, Қазақстан «үш зұлымдыққа», яғни, терроризмге, сепаратизмге және діни экстремизмге қарсы күресте күш-жігер біріктіруді өте өзекті санайды. Біз жаһандық бейбітшілік пен қауіпсіздік мүддесі үшін халықаралық ынтымақтастық нышанына айналған «Шанхай рухын» одан әрі ілгерілетуді қуаттаймыз, – деді Мемлекет басшысы.Қазақстан Президенті ШЫҰ-ны дамытудың басым бағыттары жөніндегі көзқарасын жеткізді. Ең бірінші басымдық – Ұйым аясындағы стратегиялық серіктестік пен өзара қолдауды нығайту.– Геосаяси қақтығыстардың ушығуы, технологиялық бәсеке, қаржы-экономикалық санкция, экологиялық және техногенді апаттар белең алған кезеңде ШЫҰ саяси ықпалдастықты кең ауқымда үйлестіруге, халықаралық қоғамдастықтың өзара сенімін нығайтуға, гуманитарлық ынтымақтастық пен өркениетаралық диалогты дамытуға арналған тұрақты алаңға айналуға тиіс. Осы орайда Қытай Төрағасының жаһандық даму, жаһандық қауіпсіздік, жаһандық өркениет және жаһандық басқару жөніндегі бастамаларын оң бағалаймыз. Біз бүгін қабылдайтын ШЫҰ-ның онжылдыққа арналған даму стратегиясын толық жүзеге асыру аса маңызды, – деді Мемлекет басшысы.Қасым-Жомарт Тоқаев қауіпсіздік саласындағы ынтымақтастықты нығайтудың мәнін атап өтті. Оның айтуынша, халықаралық терроризм, діни экстремизм, есірткі тасымалы, заңсыз көші-қон, киберқылмыс және басқа да деструктивті үрдістер дендеп тұрған уақытта бұл бағыттың мәні арта түседі.– Халықаралық қауіпсіздікке төнген мұндай сын-қатерлерге, соның ішінде «үш зұлымдыққа» қарсы бірлесіп қана күресе аламыз. Сондықтан Қазақстан ШЫҰ-ның қауіпсіздік сын-қатерлерімен күрес жөнінде төрт орталық құру бастамасын қолдайды. Шанхай ынтымақтастық ұйымы мен Азиядағы өзара сенім шаралары жөніндегі кеңес арасында іскерлік байланыстарды күшейту маңызды деп ойлаймыз. ШЫҰ елдерін Ауғанстанға гуманитарлық, техникалық көмек көрсетуді жалғастыруға шақырамын. Сол арқылы аталған мемлекетті қалпына келтіріп, өңірлік және экономикалық процестерге қатыстыра аламыз. Қазақстан Ауғанстанның бірқатар инфрақұрылымдық және логистикалық жобаларының құрылысына кірісті. Бұл ШЫҰ мемлекеттері арасындағы өзара байланысты күшейтуге мүмкіндік береді. Тамыз айының басында Біріккен Ұлттар Ұйымы Бас хатшысының қатысуымен Алматыда БҰҰ-ның Орталық Азия мен Ауғанстан үшін орнықты даму мақсаттары жөніндегі өңірлік орталық ресми түрде ашылды. ШЫҰ-ға қатысушы мемлекеттерге барлық басым бағытта белсенді аймақтық байланыс орнату және күш-жігерді үйлестіру үшін аталған Орталықтың әлеуетін бірлесе пайдалануды ұсынамыз, – деді Президент.Мемлекет басшысы сауда-экономикалық және инвестициялық ынтымақтастықты арттыру өте өзекті деп санайды. Бұл ретте Қазақстан ШЫҰ-ның санкциялық қысымға қарсы еркін әрі әділ әлемдік сауданы дамыту бағытындағы нақты іс-қимылын қолдайды.– ШЫҰ құрылған сәттен бері елдеріміздің әлемдік ішкі жалпы өнімдегі үлесі екі есе ұлғайып, 30 пайызға жетті. Ішкі өңірлік сауда сенімді түрде өсіп келеді. Былтырғы қорытынды бойынша оның көлемі 650 миллиард доллардан асты. Қазақстанның ШЫҰ елдерімен тауар айналымы да тұрақты түрде өсіп, өткен жылы 70 миллиард долларға жуықтады. Қазақстан ШЫҰ даму банкін құру жөніндегі Қытайдың бастамасына қолдау білдіріп, аталған перспективті жобаға атсалысуға әзір. Бұдан бөлек, Астана халықаралық қаржы орталығы базасында перспективті инвестициялық жобаларды сүйемелдеп, заңгерлік, консалтингтік және қаржылық компанияларды шоғырландыратын ШЫҰ Кеңсесін құруды ұсынамын, – деді Қасым-Жомарт Тоқаев.Президент көлік-транзит саласындағы серіктестікті нығайтуды тағы бір басымдық ретінде атады. Мемлекет басшысы 150-ден астам елдің қолдауына ие болған «Бір белдеу, бір жол» мегажобасының зор әлеуетін атап өтті.– Бұл жаһандық бастама «Бір белдеу, бір жол» бағыты бойынша сауда-логистикалық операциялардың барлық қатысушысына жыл сайын 1,5 триллион долларға дейін пайда әкеле алады. Солтүстік – Оңтүстік және Шығыс – Батыс, сондай-ақ Транскаспий халықаралық көлік дәліздерінің мүмкіндігі мол. «ТрансАлтай диалогы» бастамасының жүзеге асырылуына үлкен үміт артамыз. Аталған жобаға Қазақстан, Ресей, Қытай және Моңғолия елдері қосылып, Еуразиядағы «Алтай» аймағының жер көлемі, халық саны, экономикалық қуаты секілді бірегей әлеуетін тиімді пайдалана алады. Ірі жобалар мен жоспарларды іске асыру үшін мемлекеттер арасындағы көлік байланысын нығайтып, транзиттік-тарифтік стратегияға сай келетін тәсілдерді ойластыруымыз керек. Бұл мәселе Ақтау қаласында қараша айында өтетін Шанхай ынтымақтастық ұйымының порттары мен логистикалық орталықтары басшыларының алғашқы форумындағы келіссөздер мен пікірталастарға арқау болуы мүмкін, – деді Президент.Бұдан кейін Қасым-Жомарт Тоқаев жоғары технологиялар және цифрландыру саласындағы ынтымақтастықты жандандыру қажеттігіне назар аударды. Оның айтуынша, бұл істі кейінге қалдыруға болмайды. 2033 жылға қарай жасанды интеллект нарығының көлемі 5 триллион долларға жетіп, осы сектордың әлемдік технология индустриясындағы үлесі 30 пайызға дейін ұлғаяды.– Басқа стратегиялық бағыттарға қарағанда аталған саланың дамуы өте жылдам. Жасанды интеллектіні қарқынды дамытуда ШЫҰ әлемде көш бастай алады деп есептеймін. Сондықтан Қытайдың Жасанды интеллект саласындағы ынтымақтастық бойынша жаһандық ұйым құру туралы ұсынысын толық қолдаймыз. Мұндай өте маңызды іске қомақты үлес қосуға дайынбыз. Қазақстан цифрландырудың барлық спектрі бойынша ынтымақтастықты арттыруды, соның ішінде экономиканың нақты секторларына, денсаулық сақтау ісіне, көлік-логистика саласына, қалаларды басқару жүйесіне «ақылды шешімдерді» енгізуді қуаттайды, – деді Президент.Қасым-Жомарт Тоқаев осы бағыттағы нақты қадам ретінде ШЫҰ-ның жасанды интеллект бойынша тұрақты сарапшылар форумын өткізуді ұсынды.– Алғашқы кездесуді Астанада Digital Bridge беделді форумы аясында өткізуге дайынбыз. Бұдан бөлек, еліміз 2027 жылы «ШЫҰ-ның экономика қызметіндегі жасанды интеллект» тақырыбында жоғары деңгейдегі конференция ұйымдастыруға ниетті. Ал келесі жылы Ұйым елдері бұқаралық ақпарат құралдарының өкілдерімен бірге жаңа технологиялық дәуірдегі ақпараттық саясат проблемаларын талқылауға әзірміз, – деді Президент.Мемлекет басшысы экология саласындағы ықпалдастықты маңызды міндет деп атады.– Климат өзгерісі шекара таңдамай, әлемнің көптеген елі мен өңіріне қауіп төндіріп отыр. Нақты қатерлерге, мәселен, шөлейттенуге, құрғақшылыққа, су қоймаларының тартылуына, мұздықтардың еруіне және басқа да экологиялық мәселелерге қарсы күрес стратегиясын бірлесе әзірлеу өзекті. Сондықтан Қазақстанда Шанхай ынтымақтастық ұйымының Су мәселелерін зерттеу орталығын ашуды қолдаймыз, – деді Қасым-Жомарт Тоқаев.Президент келесі жылы Шанхай ынтымақтастық ұйымының құрылғанына 25 жыл толатынын еске салды.– Халықтарымыздың игілігі жолында шын мәнінде салмақты, жан-жақты пысықталған нәтижеге қол жеткізу мақсатында бұл датаға кеңінен ойластырылған, ұтымды ұсыныстармен келген дұрыс. «Шанхай рухының» жасампаз құндылықтарын ілгерілетуге табанды әрі табысты күш-жігер жұмсағаны үшін Қытай Халық Республикасының Төрағасы Си Цзиньпин мырзаға тағы да алғыс айтамын. Бүгінгі Саммит халықаралық қатынастар жылнамасына көпжақты ықпалдастықты кеңейту тұрғысынан нақты шешімдер қабылданған жемісті форум ретінде енетініне сенімдімін. Ол Ұйымның әлеуетін айтарлықтай күшейтетіні сөзсіз, – деді Мемлекет басшысы.Сөз соңында Қасым-Жомарт Тоқаев алдағы уақытта ШЫҰ-ға төрағалық ететін Қырғыз Республикасына және Президент Садыр Жапаровқа табыс тіледі.Ұйымға мүше мемлекеттер басшылары кеңесінің отырысында Қытай Халық Республикасының Төрағасы Си Цзиньпин, Үндістан Премьер-министрі Нарендра Моди, Беларусь Республикасының Президенті Александр Лукашенко, Иран Ислам Республикасының Президенті Масуд Пезешкиан, Қырғыз Республикасының Президенті Садыр Жапаров, Пәкістан Ислам Республикасының Премьер-министрі Шахбаз Шариф, Ресей Федерациясының Президенті Владимир Путин, Тәжікстан Республикасының Президенті Эмомали Рахмон, Өзбекстан Республикасының Президенті Шавкат Мирзиёев сөз сөйледі.Шанхай ынтымақтастық ұйымына мүше мемлекеттер басшылары кеңесінің отырысында мынадай құжаттарға қол қойылды:1. Шанхай ынтымақтастық ұйымына мүше мемлекеттер басшылары кеңесінің Тяньцзинь декларациясы;2. Шанхай ынтымақтастық ұйымына мүше мемлекеттер басшылары кеңесі отырысының қорытындысы бойынша құжаттарды бекіту туралы Шанхай ынтымақтастық ұйымына мүше мемлекеттер басшылары кеңесінің шешімі;– Шанхай ынтымақтастық ұйымының 2035 жылға дейінгі даму стратегиясы;– Шанхай ынтымақтастық ұйымына мүше мемлекеттердің Шанхай ынтымақтастық ұйымы кеңістігінде экстремистік идеологияға қарсы іс-қимылдың 2026-2030 жылдарға арналған бағдарламасы;– Шанхай ынтымақтастық ұйымының Энергетикалық ынтымақтастықты дамытудың 2030 жылға дейінгі кезеңге арналған стратегиясын іске асырудың жол картасы;3. Шанхай ынтымақтастық ұйымына мүше мемлекеттер басшылары кеңесінің Лаос Халық Демократиялық Республикасына Шанхай ынтымақтастық ұйымының диалог бойынша серіктесі мәртебесін беру туралы шешімі;4. Шанхай ынтымақтастық ұйымына мүше мемлекеттер басшылары кеңесінің Шанхай ынтымақтастық ұйымының Тәуелсіз Мемлекеттер Достастығы жанындағы байқаушы мәртебесін алуы бойынша шешімі;5. Шанхай ынтымақтастық ұйымына мүше мемлекеттер басшылары кеңесінің «Шанхай ынтымақтастық ұйымының серіктесі» мәртебесі туралы шешімі;6. Шанхай ынтымақтастық ұйымына мүше мемлекеттер басшылары кеңесінің Қырғыз Республикасының Шолпан-Ата қаласын 2025-2026 жылдары Шанхай ынтымақтастық ұйымының туристік және мәдени астанасы деп жариялау туралы шешімі;7. Шанхай ынтымақтастық ұйымына мүше мемлекеттер басшылары кеңесінің ШЫҰ Бас хатшысының құжаттарға қол қою өкілеттілігі туралы шешімі;– Шанхай ынтымақтастық ұйымы мен Қытай Халық Республикасы Үкіметі арасындағы Шанхай ынтымақтастық ұйымы Хатшылығының Қытай Халық Республикасына келу шарттары туралы 2004 жылғы 17 маусымдағы келісіміне хаттама;– Шанхай ынтымақтастық ұйымы Хатшылығы мен «Росконгресс» қоры арасындағы өзара түсіністік туралы меморандум;8. Шанхай ынтымақтастық ұйымына мүше мемлекеттер басшылары кеңесінің Шанхай ынтымақтастық ұйымының өткен жылғы қызметі туралы баяндаманы бекіту туралы шешімі;– Шанхай ынтымақтастық ұйымы Бас хатшысының Шанхай ынтымақтастық ұйымының өткен жылғы қызметі туралы баяндамасы;– Шанхай ынтымақтастық ұйымы Өңірлік терроризмге қарсы құрылымы кеңесінің Шанхай ынтымақтастық ұйымы Өңірлік терроризмге қарсы құрылымының 2024 жылғы қызметі туралы баяндамасы.9. Шанхай ынтымақтастық ұйымына мүше мемлекеттер арасындағы Шанхай ынтымақтастық ұйымының Есірткіге қарсы орталығы туралы келісімі;10. Шанхай ынтымақтастық ұйымына мүше мемлекеттердің қауіпсіздіктің сын-қатерлеріне қарсы іс-қимыл жөніндегі әмбебап орталығы жөніндегі Шанхай ынтымақтастық ұйымына мүше мемлекеттер арасындағы келісім;11. Шанхай ынтымақтастық ұйымына мүше мемлекеттер басшылары кеңесінің Екінші дүниежүзілік соғыстың аяқталуына және Біріккен Ұлттар Ұйымының құрылғанына 80 жыл толуына орай мәлімдемесі;12. Шанхай ынтымақтастық ұйымына мүше мемлекеттер басшылары кеңесінің цифрлық экономика саласындағы ынтымақтастықты нығайту жөніндегі мәлімдемесі;13. Шанхай ынтымақтастық ұйымына мүше мемлекеттер басшылары кеңесінің энергетиканы орнықты дамыту бойынша ынтымақтастық туралы мәлімдемесі;14. Шанхай ынтымақтастық ұйымына мүше мемлекеттер басшылары кеңесінің «жасыл» өнеркәсіп саласындағы ынтымақтастық туралы мәлімдемесі;15. Шанхай ынтымақтастық ұйымына мүше мемлекеттер басшылары кеңесінің жасанды интеллект саласындағы халықаралық ынтымақтастықты одан әрі тереңдету туралы мәлімдемесі;16. Шанхай ынтымақтастық ұйымына мүше мемлекеттер басшылары кеңесінің көпжақты сауда жүйесін қолдау туралы мәлімдемесі;17. Шанхай ынтымақтастық ұйымына мүше мемлекеттер басшылары кеңесінің есірткінің әлемдік мәселелерін тиімді шешу және оған қарсы күрес ісіндегі мәлімдемесі;18. Шанхай ынтымақтастық ұйымына мүше мемлекеттер басшылары кеңесінің ғылыми-техникалық және инновациялық ынтымақтастық жөніндегі мәлімдемесі;19. Шанхай ынтымақтастық ұйымына мүше мемлекеттердің уәкілетті министрліктері мен ведомстволары басшыларының орнықты даму саласындағы инвестициялық ынтымақтастықты нығайту туралы мәлімдемесі;20. Шанхай ынтымақтастық ұйымы мен Қытай Халық Республикасы Үкіметі арасындағы Шанхай ынтымақтастық ұйымы Хатшылығының Қытай Халық Республикасына келу шарттары туралы 2004 жылғы 17 маусымдағы келісіміне хаттама.Ақпарат көзі : https://www.gov.kz/memleket/entities/mfa-pretoria/press/news/details/1060731?lang=kk

СҚО бойынша ҚАЖ департаментінің №50 мекемесінде жазасын өтеушілердің бірі қиын жағдайға қарамастан өмірін өзгертуге болатынын дәлелдеді.Жазасын өтеп жүргенде ол уақытты босқа өткізбей, «тігінші» мамандығы бойынша оқудан өтті. Алғашқы сабақтардан-ақ өзін жауапты әрі талантты шәкірт ретінде көрсетті: оның жұмыстары сапасымен және жылдамдығымен ерекшеленді. Мекеме қызметкерлері оның әрдайым жетілдіруге ұмтылатынын айтады.Балалық шағында ол киім дизайнері болуды армандаған еді, бірақ тағдыр басқа жолға салды. Дегенмен, дәл осы мекеме қабырғасында ол өз мақсатын қайта тауып, күшіне деген сенімін оралтты. Мамандық алып, мекеме аумағында тігінші болып еңбек ете бастады.Көптен күткен бостандық күні келгенде, қызметкерлер онымен әңгімелесіп, алға ұмтылу ниетін қолдады. Сол қолдау оның бала арманына жетуіне түрткі болды.Бостандыққа шыққаннан кейін ол алдымен ательеге жұмысқа орналасып, мамандығы бойынша алғашқы тәжірибе жинақтады. Біраз уақыт өткен соң өз кәсібін ашуға бел буды. Бүгінде оның қасында бірлескен ісіне сенетін командасы бар, олар бірге тапсырыс бойынша киім тігумен айналысады.Бұл әйелдің тарихы – білім мен еңбектің табысты қайта әлеуметтенудің кілті екенінің айқын мысалы. Қазіргі таңда СҚО бойынша ҚАЖ мекемелерінде 622 сотталған еңбекпен қамтылған. Олардың базасында 16 жеке кәсіпкерлік пен ЖШС жұмыс істейді, бұл қосымша жұмыс орындарын ашуға мүмкіндік беріп отыр.Жаңа оқу жылына қарай облыс мекемелерінде 11 мамандық бойынша 240 сотталған қабылданды. Ең көп сұранысқа ие және ерекше бағыттардың қатарында – тігінші, құрылыс мамандықтары, сондай-ақ бал ара шаруашылығы мен ландшафтық дизайн бар.Бұл деректер білім мен еңбектің тек мамандық алып қана қоймай, бостандыққа шыққан соң да өмірде өз орнын табуға көмектесетінін көрсетеді.«Мамандық – жаңа өмірге мүмкіндік береді. Ең бастысы – өзіңе сену және мемлекет ұсынған мүмкіндіктерді дұрыс пайдалану керек. Сонда өткен қателіктер жаңа тарихтың бастамасына айналуы мүмкін», – дейді кейіпкеріміз. Ақпарат көзі : https://www.gov.kz/memleket/entities/duissko/press/news/details/1060687?lang=kk

Қостанай облысының Құсмұрын ауылында оқу жылының алғашқы күні «Келешек мектептері» Ұлттық жобасы бойынша салынған мемлекеттік тілде оқытатын жаңа заманауи мектеп оқушыларға өз есігін айқара ашты.    Жалпы құрылысына 3,5 млрд. теңге бөлінген Құсмұрын ауылының №1 жалпы білім беретін мектебінде табысты білім беру процесі үшін балаларға барлық жағдай жасалған. Оқу кабинеттері заман талабына сай және педагогтер мен оқушыларға ғылыми жұмыстар әзірлеуде жасанды интеллекті пайдаланып, виртуалды тәжірибелер жасауға мүмкіндік беретін интерактивті  жабдықтармен жарақталған.Салтанатты жиында облыс әкімі Құмар Іргебайұлы Ақсақалов оқушыларды, ата-аналарды және барша ұжымды құттықтай отырып, «Жаңа мектептің ашылуы – ата-аналар мен балалардың көптен күткен қуанышы!Мектеп еліміздің Конституциясының 30-жылдығы, сондай-ақ қазақтың тұңғыш ғалымы, тарихшы, этнограф және ағартушысы Шоқан Уәлихановтың туғанына 190 жыл толуын мерекелеу жылы ашылып, өзінің қайталанбас тарихын жаза бастағаны ерекше қуантуда.Бұл оқушылардың бойында нағыз патриотизм, белсенді азаматтық ұстанымды қалыптастыру жолында мықты негіз болатынына мен сенімдімін.Баршаңызға толағай табыстар мен жоғары жетістіктерге жетуді тілеймін!», - деді. Мектепте 24 оқу кабинеті бар. Физика, химия, биология пәндері кабинеттерінің биотехнология және нанотехнология бойынша оқу зертханалары бар, робототехника және компьютерлік сыныптар, STEM зертхана заманауи түрде жабдықталған.Заманауистаноктарменжабдықталған«Үймәдениеті»жәнетігінжабдықтары бар «Дизайнжәнетехнология»жаңашеберханалары, аспаздықкабинетіоқушыларғаөміргеқажеттідағдыларды үйренуге көмектеседі.Кеңспортзалытолығыменспорттыққұралдармен жабдықталған,алжасбишілердіхореографиязалықабылдауғадайын.Оқушыларды жан-жақты дамытуға және педагогтердің белсенді жұмысына арналған акт залы, оқу залы бар заманауи кітапхана, «Көрнекі өнері» кабинеті және жайлы коворкинг зоналар жұмыс істейді.Мұның бәрі оқушылардыңбілімсапасынарттыруға, қабілеттеріменталанттарынашуға, өскелеңұрпақтыңғылымижәнешығармашылықәлеуетіндамытуғабағытталған.Мектеп оқушысының анасы Балғын Ермағамбетова: «Бүгін жаңа мектебімізді көріп, біздің қуанышымызда шек жоқ! Бұрынғы мектеп ескі әскери госпитальдің ғимаратында орналасқан болатын. Енді ауылымыздағы бұл заманауи білім ордасында оқып, қызым жоғары нәтижелерге қол жеткізетініне сенімім мол!», - деп  қуанышымен бөлісті.Бұл «Келешек мектептері» Ұлттық жоба аясында ашылған облыстағы бесінші мектеп екенін естеріңізге сала кетейік. Жалпы жоба бойынша өңірде 4500 орынға арналған 6 мектеп ашылатын болады.Бұлөңірдегіоқушыорындарыныңтапшылығымәселесіншешіп, қазақстандықтардыңжаңабуынын жан-жақтыдамытуүшінбарлыққажеттіжағдайлардыжасауғамүмкіндік береді.Ақпарат көзі : https://www.gov.kz/memleket/entities/kostanay/press/news/details/1060662?lang=kk

Ақмола облысы бойынша Мемлекеттік кірістер департаментінде құрмет демалысына аудит басқармасының бас маманы Айгүл Кожанованы шығарып салу рәсімі өтті.28 жылдан астам Айгүл  Қайырвалиқызы салық жүйесінде қызметтік міндеттерін адал орындап отырып, әртүрлі жауапты лауазымдарда жұмыс атқарды.Ол жұмысын Степногорск қаласы бойынша салық комитетінің басқа да кірістер бөлімінің салық инспекторы лауазымынан бастады.2004 жылдың наурызында Ақмола облысы бойынша Салық комитетіне ауыстырылды.Бүгінгі күнге дейін өзінді білімді маман, адал қызметкер және мол тәжірибелі, жас мамандарға үлгі-өнеге, игі бастама көрсетіп келеді.Қаржы жүйесінің дамуына елеулі үлес қосқан, лауазымды міндетін абыроймен атқарған үшін  «Мемлекеттік кірістер органдарының үздігі» төс белгісімен, ҚР ҚМ Мемлекеттік кірістер комитетінің және Ақмола облысы бойынша Мемлекеттік кірістер департаментінің құрмет мадақтамалармен және алғыс хаттарымен марапатталған.Құрметті Айгүл  Қайырвалиқызы!Сізді құрмет демалысына шығуыңызбен құттықтаймыз!Сізге зор денсаулық, баянды бақыт, отбасына құт-береке тілейміз!Ізгі ниетпен Ақмола облысы бойынша Мемлекеттік кірістердепартаментінің ұжымы Ақпарат көзі : https://www.gov.kz/memleket/entities/kgd-akmola/press/news/details/1060673?lang=kk

 ҚР Президенті жанындағы Қазақстанның стратегиялық зерттеулер институты ағымдағы жылдың 11 шілдесі мен 12 тамызы аралығында кең ауқымды сауалнама өткізді. Оған 17 облыс пен Астана, Алматы, Шымкент қалаларынан 18 жастан асқан 8000 адам қатысты.Әлеуметтік зерттеу респонденттердің Президент институтына сенімінің зор екенін көрсетті: азаматтардың 82,4% Қасым-Жомарт Тоқаевқа үлкен қолдау білдіріп отыр.Ең жоғары деңгейде қолдау көрсетіп отырғандар – 18-29 жас аралығындағы қазақстандықтар (90,3%). Одан кейінгі орындарда 30-45 жастағылар (82,4%), 46-60 жастағылар (78,6%) және 61 жастан асқандар (77,8%) тұр.Ауыл тұрғындарының сенімі қала халқына қарағанда сәл жоғары (сәйкесінше, 84,9% және 80,9%).Табыс деңгейі мен жұмыспен қамтылу ерекшеліктеріне қарамастан, респонденттердің сенім деңгейі бірдей дәрежеде.Президентке ең көп қолдау білдіретіндер: білім беру саласының қызметкерлері (89,6%), денсаулық сақтау мамандары (84,5%), мемлекеттік қызметшілер (87,1%), құқық қорғау органдарының қызметкерлері (96,9%), ауыл шаруашылық саласының өкілдері (86,2%), ғылым (85,7%), мәдениет пен өнер саласының мамандары (85,9%).Зерттеу қорытындысы ел арасында Президентке сенімнің тұрақты жоғары деңгейде екенін айқын көрсетті. Бұл өз кезегінде жүргізіліп жатқан мемлекеттік саясаттың азаматтар үшін тиімділігін дәлелдейді.

Қазақстан Республикасы Президентінің жанындағы Қазақстан стратегиялық зерттеулер институты ағымдағы жылдың 11 шілдесі мен 12 тамызы аралығында халық арасында жаппай сауалнама жүргізді. Таңдау көлемі 8000 респондентті құрады. Сауалнамаға 17 облыс пен республикалық маңызы бар Астана, Алматы және Шымкент қалаларынан 18 жастан асқан респонденттер қатысты. Социологиялық сауалнама деректері бойынша респонденттер халықтың президент институтына деген сенімінің жоғары деңгейін атап өтті. Мемлекет басшысы рейтингте тұрақты түрде жетекші орынды иеленіп келеді – азаматтардың 82,4 пайызы Президент Тоқаевқа сенеді. 18-29 жас аралығындағы жастар Мемлекет басшысына көбірек сенеді (90,3%). Одан кейін 30-45 (82,4%), 46-60 (78,6%) және 61+ (77,8%) жас топтары келеді. Ауыл халқы Президентке қала тұрғындарына қарағанда сәл артық сенім артады (тиісінше 84,9 және 80,9%). Сонымен қатар, табыс деңгейі мен жұмыспен қамту деңгейі әртүрлі респонденттердің сенім рейтингі іс жүзінде бірдей деңгейде. Алынған мәліметтерді талдау сондай-ақ Мемлекет басшысына білім саласы (89,6%) және денсаулық сақтау (84,5%), мемлекеттік қызметкерлер (87,1%), құқық қорғау органдары (96,9%), ауыл шаруашылығы саласы (86,2%), ғылым және өнер (85,7%), мәдениет (85,7%) салаларының (84,5%) қызметкерлеріне үлкен сенім артатынын көрсетеді59. Осылайша, социологиялық зерттеудің нәтижелері мемлекет басшысына деген халықтың сенімінің тұрақты жоғары деңгейін көрсетеді, бұл азаматтардың алдындағы мемлекеттік саясаттың тиімділігін көрсетеді.

Еліміздің теміржол саласында қызмет етіп жүрген мыңдаған еңбек майталмандарының әрқайсысы өз ісінің жауапкершілігін терең сезінеді. Солардың бірі – Қазықұрт станциясының сұрыптау дөңесінің кезекшісі Әбдірахман Мұқағали Нұрғалиұлы.Оның негізгі міндеті – пойыздардың қозғалысын үйлестіру, вагондарды дұрыс реттеп, бағыттау арқылы тасымал процесінің үздіксіз әрі қауіпсіз орындалуын қамтамасыз ету. Бұл – ұқыптылықты, жоғары жауапкершілікті және кәсіби біліктілікті талап ететін маңызды жұмыс.Әбдірахман Мұқағали  өз мамандығын абыроймен атқарып, әріптестері арасында беделге ие. Теміржол саласында еңбек ету – тек қана жұмыс емес, бұл – қозғалыстың, қауіпсіздіктің және  нақтылықтың кепілі.Осындай қарапайым еңбек адамдарының табанды еңбегі арқасында жүк пен жолаушылар тасымалы уақытылы орындалуда.

Қазақстан Республикасы Президенті жанындағы Орталық коммуникациялар қызметінде өткен брифингте Қорғаныс министрлігі 2025 жылғы күзгі шақыру науқаны басталғанын хабарлады.Биылғы шараның ерекшеліктері туралы бұқаралық ақпарат құралдары өкілдеріне ҚР Қарулы күштері Бас штабы Ұйымдастыру-жұмылдыру жұмыстары департаменті бастығының орынбасары полковник Фархат Айдарбаев айтып берді.Оның мәлімдеуінше, ағымдағы жылдың 1 қыркүйегі мен 30 желтоқсаны аралығында шамамен 22 мың жас әскер қатарына шақырылады. 18 бен 27 жас аралығындағы азаматтар Қарулы күштердің, Ұлттық ұланның, ҰҚК Шекара қызметінің, Төтенше жағдайлар министрлігінің және Мемлекеттік күзет қызметінің қатарын толықтырады.– Шақыру науқанын ұйымдастыру үшін жергілікті атқарушы органдардың шешімімен 195 шақыру комиссиясы құрылды. Оларға аудан, облыс және республикалық маңызы бар қала әкімдерінің орынбасарлары төрағалық етеді, – деді Қорғаныс министрлігінің өкілі.Полковник Фархат Айдарбаев әскери-патриоттық тәрбие, әскери қызмет және жекелеген орталық мемлекеттік органдардың функцияларын қайта бөлу мәселелері бойынша заңнамаға енгізілген өзгерістерге тоқталды. Оның айтуынша, бұл толықтырулар 16 шілдеде күшіне енді. Олар есепке алу мен шақыру жүйесінде цифрлық әдістерді заң жүзінде бекітіп, жергілікті әскери басқару органдарының жұмысын оңтайландыруға мүмкіндік береді.Енді SMS-хабарламалар арқылы жеткізілген шақырулар ресми түрде заңды ескерту әдісі болып табылады. Сонымен бірге, шақыру туралы ақпарат «электрондық үкімет» веб-порталындағы жеке кабинетке де орналастырылады. Мұнымен бірге қағаз нұсқадағы шақыру да тұрақты тіркеудегі жеріне, уақытша тұру немесе жұмыс орнына жеткізіледі. Сондай-ақ шақыру қағазын азамат жергілікті әскери басқару органына келіп те ала алады.Министрлік өкілі жылдың басынан бастап ішкі көші-қон кезінде азаматтарды әскери есепке автоматты түрде тіркеу механизмі енгізілгенін еске салды. Бұл рәсімді азаматтың өзі қатыспай-ақ жүзеге асыруға болады. Қазірдің өзінде бұл мүмкіндікті 250 мыңға жуық адам пайдаланған.Сондай-ақ 17 жастағы азаматтарды әскери есепке қою да проактивті форматқа ауыстырылған. Бұл деректер «электрондық үкімет» порталы арқылы тіркеледі. Осы жүйе арқылы әскерге шақырудан кейінге қалдыру немесе босату туралы мемлекеттік қызмет көрсетіледі. Бұған оқу, бір немесе бірнеше баланың болуы, ауылдық жерде мұғалім немесе дәрігер болып жұмыс істеу және ғылыми дәрежесінің болуы негіз болып саналады.Полковник Фархат Айдарбаев медициналық ақпараттық жүйелердің өңірлік шақыру пунктерімен интеграциялануының артықшылықтары туралы да айтты. Мұндай тәсіл азаматтың әскери қызметке жарамдылығын бастапқы кезеңде анықтауға мүмкіндік береді.– Мерзімді әскери қызметтен өткен азаматтар – ел қорғауға қажетті жағдайда жедел жұмылдырылатын әскери дайындықтағы резервтің негізі, – деді Қорғаныс министрлігінің өкілі.Департамент бастығының орынбасары армиядағы құқықтық тәртіпті нығайту, жеке құрамның өмірі мен денсаулығын сақтау бойынша жүйелі шаралар туралы да айтып өтті. «Өміріңді сақта» бағдарламасы жүзеге асырылуда, азаматтармен ашық үкімет қағидаты бойынша өзара әрекет етуге бағытталған ARMIA.KZ ақпараттық сервисі іске қосылды. Қорғаныс министрлігі сарбаз аналары комитетімен тығыз жұмыс жүргізуде. «Отбасымен бейнеқоңырау» видеосервисі де оң нәтиже беріп отыр.Сонымен қатар әскери қызметшілер мен әскери борышын өтеген азаматтарға арналған әлеуметтік кепілдіктер де заң жүзінде бекітілді. Бүгінде 2 100-ден астам сарбаз жауынгерлік дайындықта жоғары нәтиже көрсетіп, мемлекеттік білім гранты бойынша оқуға мүмкіндік алды. 20 мыңнан астам әскери қызметші жалпы сомасы 8 млрд теңгеге кредиттік демалыс алу құқығын пайдаланды.Брифинг соңында Қорғаныс министрлігінің өкілі журналистердің сұрақтарына жауап берді.Ақпарат көзі : https://www.gov.kz/memleket/entities/mod/press/news/details/1060537?lang=kk

Мемлекет басшысының тапсырмасына сәйкес бүгін қала мектептерінде іске асырылып жатқан «Әлеуметтік әмиян» жобасы аясындағы аппараттық-бағдарламалық кешеннің енгізілуімен таныстым.Бұл жүйе әлеуметтік төлемдерді тиімді әрі ашық алуға мүмкіндік беріп, цифрлық инфрақұрылымды нығайтады. Сонымен қатар мектептердегі интернет пен бейнебақылау мәселелері бойынша да пікір алмасып, түсіндіру жұмыстарын жүргіздік.Басты мақсатымыз – тұрғындарға қолайлы жағдай жасап, заманауи цифрлық шешімдер арқылы нақты көмек көрсету.Ақпарат көзі : https://www.gov.kz/memleket/entities/shymkent-sandyk/press/news/details/1060525?lang=kk

* 10 жастан 18 жасқа дейінгі ұлдар мен қыздаршақырыладыЖаттығу тегін жүргізіледіБарлық сұрақтар бойынша телефон нөмірібойынша хабарласуға болады87225127617 БЖСМInstagram sport_kurchatov_galina_sudgaimer87759983265 ватцап87054169002Ақпарат көзі : https://www.gov.kz/memleket/entities/abay-kurchatov/press/news/details/1060526?lang=kk

 2025 жылдың 2 қыркүйегінен бастап мемлекеттік қызметтерді цифрландыру және сапасын арттыру мақсатында «ЦОН» мобильді қосымшасында көлік құралдарын тіркеу кезінде сатып алу-сату шартын рәсімдеуге арналған жаңа сервис іске қосылды.Бұған дейін көлікті сату немесе сатып алу үшін азаматтар қызмет көрсету орталықтарында QR-код арқылы шартқа қол қоятын. Енді бұл үдеріс «ЦОН» мобильді қосымшасының «Автокөлікті сатып алу-сату шарты» сервисі арқылы жүзеге асырылады. Шартқа қол қою үшін сатушы да, сатып алушы да электрондық цифрлық қолтаңбаны (ЭЦҚ) пайдаланады. Осылайша, шартты мамандандырылған ХҚКО-ға бармай тұрып алдын ала рәсімдеуге болады. Бұл азаматтарға уақытты үнемдеуге және қызметті алу процесін жеңілдетуге мүмкіндік береді. Нәтижесінде, құжатқа қол қойылғаннан кейін оны ХҚКО-ға ұсыну арқылы көлікті тіркеу рәсімі аяқталады.  Маңыздысы, жасалған шарттың деректері сервистің базасында тұрақты түрде сақталады. Бұл ашықтықты қамтамасыз етіп, қажет болған жағдайда мәмілені қайта тексеруге мүмкіндік береді.Сонымен қатар, құжатты қолдан жасау немесе қате мәлімет енгізу қаупін болдырмау үшін оның заңды күші сақталып, жеке деректердің құпиялығы қамтамасыз етіледі. Мемлекеттік ақпараттық жүйелермен интеграцияның арқасында мәліметтер автоматты түрде тексеріліп, қателіктердің алдын алады.Бір шартты рәсімдеудің құны – 1 500 теңге.Сервисті пайдалану үшін азаматтар «ЦОН» мобильді қосымшасын (App Store және Google Play) жүктеп, ЖСН мен телефон нөмірі арқылы авторизациядан өтуі қажет.Бұл сервис келісімді рәсімдеудің қосымша мүмкіндігі, осылайша, азаматтар мемлекеттік қызметті өзіне ыңғайлы кез келген тәсілмен ала алады.Жаңа «Автокөлікті сатып алу-сату шарты» сервисі мемлекеттік қызметтерді цифрландыру бағытындағы маңызды қадамдардың бірі болып саналады. Ол қазақстандықтарға қызметті ыңғайлы, қауіпсіз әрі ашық форматта пайдалануға жол ашады.Ақпарат көзі : https://www.gov.kz/memleket/entities/akimat-munayli/press/news/details/1063238?lang=kk

Зейнетақы аннуитеті туралы не білесіз?«БЖЗҚ» АҚ-да (БЖЗҚ, Қор) зейнетақы жинақтары (ЗЖ) бар қазақстандықтар зейнетақы алудың бірнеше тәсілін таңдай алады. Олар: зейнетақыны БЖЗҚ-дан кесте бойынша алу (жинақтар таусылғанға дейін), өмір бойы төлем алу үшін сақтандыру компаниясымен шарт жасасу немесе осы тәсілдерді үйлестіріп қолдану.Әр ай сайын берілетін төлемдерді өмір бойына немесе кепілдендірілген мерзім ішінде тұрақты түрде алып отыру үшін сақтандыру компаниясымен зейнетақы аннуитеті шарты жасалуы қажет.Зейнетақы аннуитеті деген не?Зейнетақы аннуитеті — бұл азамат пен өмірді сақтандыру компаниясы арасындағы шарт, оған сәйкес сақтандыру компаниясы ай сайынғы зейнетақы төлемін өмір бойы немесе келісілген жасқа дейін төлеуге міндеттенеді.Қазіргі таңда Қазақстанның сақтандыру нарығында зейнетақы аннуитетінің мына түрлері қолданылады:Жедел зейнетақы аннуитеті – шарт жасалғаннан кейін төлемдер бірден басталады.Кейінге қалдырылған зейнетақы аннуитеті – төлемдер шартта көрсетілген белгілі бір уақыттан кейін басталады (осы кезеңде қаражат инвестицияланып, болашақ төлемдер көлемі артады).Бірлескен (жұбайлар) аннуитет – екі адамның зейнетақы жинақтары біріктіріліп, өмір бойы төлем алу қарастырылады (бірі қайтыс болған жағдайда, екіншісі төлем алуды жалғастырады). Аннуитет шарттары:тиісті жасқа жету – азаматтың аннуитет шартына отыру жасы аннуитет түрі мен міндетті кәсіптік зейнетақы жарналарының (МКЗЖ) болуына байланысты:жедел зейнетақы аннуитетін ер адамдар 55 жастан, әйелдер 53 жастан бастап рәсімдей алады (2028 жылдан бастап әйелдер үшін белгіленген жас мөлшері кезең-кезеңмен өсіп, 2031 жылы 55 жасқа жетеді). Егер азаматтың еңбек қызметі зиянды/қауіпті салада өтіп, кемінде 60 ай бойы МКЗЖ төленген болса, жедел аннуитетті ерлер де, әйелдер де 50 жастан бастап рәсімдей алады (жедел аннуитет бойынша жасалатын төлемдер барлық жағдайларда шарт жасалғаннан кейін бірден беріледі).кейінге қалдырылған аннуитетті міндетті зейнетақы жарналары (МЗЖ) төленген азаматтар 45 жастан бастап жасай алады. Ал зиянды/қауіпті сала өкілдері (МКЗЖ кемінде 60 ай төленген жағдайда) – 40 жастан бастап рәсімдей алады. Кейінге қалдырылған аннуитет төлемдері 55 жастан бастап беріледі.жинақ сомасының жеткіліктілігі – сақтандыру компаниясынан ең төменгі ай сайынғы төлем мөлшері республикалық бюджет туралы заңмен бекітілген төменгі күнкөріс шамасының (ТК) 70%-ынан кем болмауы тиіс. 2025 жылы 32 360 теңге мөлшеріндегі ай сайынғы ең төменгі төлемді алу үшін ер азаматтардың зейнетақы жинағының мөлшері кем дегенде 9,1 млн теңге, ал әйелдердің шотында 11,9 млн теңге болуы шарт.Егер МЗЖ және (немесе) МКЗЖ есебінен қалыптастырылған жинақ мөлшері аздық етсе, ерікті зейнетақы жарналары (ЕЗЖ) қаражатын да қолдануға болады. Тіпті жарналардың барлық түрлері бойынша зейнетақы жинағы да жеткіліксіз болса, жұбайыңызбен немесе жақын туыстарыңызбен (әке-шешеңіз, балаларыңыз, асырап алушыңыз, асыранды ұл-қызыңыз, ата-анасы бір және ата-анасы бөлек аға-інілер, әкпе-қарындастар, ата-әжелер, немерелер[1]) бірлескен аннуитет рәсімдеуге немесе өз қаражатыңыз есебінен толықтыруға болады.Зейнетақы аннуитетінің негізгі ерекшеліктері:Зейнетақыны ресми зейнет жасына жетпей алуға болады.Жинақ сомасы толық төленіп қойса да, төлемдер өмір бойы/келісілген кезең соңына дейін жалғасады.Жыл сайын төлем мөлшері 7%-ға индексацияланады.Сақтандыру төлемдерін алушы зейнетақы аннуитетін сатып алған кезде жинақтардың меншік құқығын сақтандыру компаниясына береді, яғни ол жинағын баламалы қажеттіліктерге пайдалана алмайды. Қайтыс болған жағдайда оның сақтандыру компаниясына берілген жинақтары туыстарына мұрагерлікке берілмейді (ал БЖЗҚ-дағы зейнетақы жинақтары мұраға беріледі). Бұл ретте зейнетақы аннуитеті шарты бойынша зейнетақы төлемдерінің кепілдендірілген кезеңін бекітуге болады. Ол кезде төлемдер алдымен алушыға, ол қайтыс болған жағдайда мұрагерлеріне аударылады. Шарт жасасу тәртібі. Өзгерту/бұзу шарттарыЗейнетақы аннуитеті шарты жазбаша жасалады. Зейнетақы аннуитеті шартын жасау үшін МЗЖ салымшысының (салымшыларының) және (немесе) пайдасына МКЗЖ аударылған жеке тұлғаның сақтандыру ұйымына берген өтініші негіз бола алады. Өтініште сақтандыру сыйлықақысын есептеу және сақтанушыны (сақтандырылушыны) сәйкестендіру үшін қажетті деректер қамтылуы қажет. Қажетті құжаттар тізбесі мен тапсыру тәсілдері туралы толық ақпаратты БЖЗҚ сайтындағы "Қызметтер – Зейнетақы аннуитеті" бөлімінен таба аласыз.Зейнетақы аннуитеті шарты жасалған сәттен бастап екі жыл ішінде оны бұзуға немесе өзгертуге болмайды. Осы мерзім өткеннен кейін шартқа өзгерістер енгізу мүмкіндігі берілгенімен, қаражатты БЖЗҚ-дағы шотқа түгелдей қайтаруға рұқсат жоқ: сақтандыру ұйымында өзгерістер енгізілген күні қолданыста болған төменгі күнкөріс деңгейінің 70%-нан кем болмайтын ай сайынғы сақтандыру төлемінің мөлшерін қамтамасыз ете алатын сома қалуы тиіс.Екі жылдан кейін шартты бұзу басқа сақтандыру компаниясымен жаңа аннуитеттік шарт жасалған жағдайда ғана мүмкін болады. Бұл ретте қаражат жаңа сақтандыру ұйымына аударылады.enpf.kz сайтындағы "Онлайн сервистер – Болжамды зейнетақы калькуляторы" бөлімінде орналастырылған зейнетақы калькуляторының көмегімен сақтандыру компаниясына аудару үшін жеткілікті соманы есептеп, сақтандыру компаниясынан және БЖЗҚ-дан берілетін болжамды төлемдердің мөлшерін салыстыруға болады. ЕСКЕРТУ: Шартқа қол қоймас бұрын оның барлық талаптарын мұқият оқып шығып, салмақты әрі саналы шешім қабылдау маңызды.АНЫҚТАМА: 01.01.2025 жылғы жағдай бойынша 2024 жылы 62 592 салымшы БЖЗҚ-дан сақтандыру ұйымдарына 394,54 млрд теңге сомада зейнетақы жинақтарын аударды. Биылғы жарты жылда 01.07.2025ж. жағдай бойынша 33 543 салымшы сақтандыру ұйымдарына БЖЗҚ-дан 151,78 млрд теңге жіберді. [1] ҚР "Неке (ерлі-зайыптылық) және отбасы туралы" кодексінің 1-бабыАқпарат көзі : https://www.gov.kz/memleket/entities/akimat-beyneu/press/news/details/1064741?lang=kk

2025 жылғы 02 қыркүйекҚХР, Бейжің қаласы Қасым-Жомарт Тоқаев Қытай Қазақстанның тағдыр қосқан тату көршісі, жақын досы және мәңгілік стратегиялық серіктесі екенін атап өтті. Президенттің айтуынша, ортақ тарих, терең байланыс пен өзара түсіністік – халықтарымызды біріктіретін мызғымас құндылықтар.– Біздің елдеріміздің арасында әрдайым терең сенім бар, қарым-қатынасымыз қарқынды және тиімді түрде дамуда. Байланыстарымыз жылдан жылға нығайып келеді. Соның арқасында елдеріміз берік әрі серпінді іскерлік қатынастардың іргетасын қалады. Қытай – жаһандық көшбасшы мемлекет, Қазақстанның түрлі бағыттағы, соның ішінде сауда саласындағы басты серіктесі. Бұл – Төраға Си Цзиньпиннің арқасы. Былтыр біздің елдеріміз арасындағы сауда айналымы 44 миллиард долларға жетті. Бұл – екі ел тарихында бұрын-соңды болмаған ең жоғары көрсеткіш. Бірақ біз мұнымен тоқтап қалмауымыз керек. Сондықтан қытайлық достарымызбен осы қарқынды одан әрі арттырып, алдағы бес жылда өзара сауда көлемін едәуір ұлғайтуды жоспарлап отырмыз. Бұған әлеуетіміз жетеді. Мемлекет басшылары деңгейінде өзара саяси ерік-жігер мен ортақ ұмтылыс бар, – деді Қасым-Жомарт Тоқаев.Мемлекет басшысы екі елдің инвестициялық ықпалдастығы да ұдайы кеңейіп келе жатқанына назар аударды.– Қытай Қазақстан экономикасына 27 миллиард доллар инвестиция салды. Бұл, шын мәнінде, өте жақсы үдеріс. Сондықтан осы жұмыс табысты түрде жалғасады деп толық сеніммен айтуға болады. Біздің елімізде қытай капиталы бар 6 мыңнан астам кәсіпорын жұмыс істеп жатыр. Олардың арасында CNPC, CITIC, SINOPEC, HUAWEI сияқты әлемдік деңгейдегі мықты корпорациялар бар. Бұдан бөлек, ірі және орта бизнес өкілдері жұмыс істейді. Біз барлығына ерекше көңіл аударып жатырмыз. Қытай Халық Республикасының Төрағасы, қадірлі досым Си Цзиньпин мырзамен бірге көп салалы қазақ-қытай ынтымақтастығын дамыту үдерісін үнемі бақылап отырмыз. Осы жолы Қытай тарапы мен бастаған қазақ делегациясына ерекше көңіл бөліп, ыстық ықыласымен қонақжайлық көрсетті. Ресми сапарым тиімді, ойдағыдай өтті деп санаймын. Төраға Си Цзиньпин мырзамен өткен келіссөздер нәтижесін өте жоғары бағалаймын. Елдеріміздің арасындағы қарым-қатынастың болашағы жарқын боларына сенемін. Осыған орай, құрметті Си Цзиньпин Төрағаға қазақ-қытай байланыстарын нығайтуға қосып жатқан үлесі үшін шынайы ризашылығымды білдірдім, – деді Қасым-Жомарт Тоқаев.Мемлекет басшысының айтуынша, бүгінгі басқосу бизнес өкілдері арасындағы байланыстарды одан әрі нығайтуға зор септігін тигізері анық.– Қазіргі таңда Қазақстан тұрақты түрде дамып келеді. Біздің экономикамыз – Орталық Азиядағы ең ірі экономика. Жалпы, жыл сайынғы өсім қарқынды деп айтуға болады. Осы жылдың соңына қарай жалпы ішкі өнім 300 миллиард доллардан асады деген болжам бар. Бұл – экономиканы әртараптандыру, инвестициялық ахуалды жақсарту және т.б. үшін қабылданған кешенді шаралардың нәтижесі. Сондай-ақ бұл – Қытаймен табысты қарым-қатынастың айқын көрінісі. Қазақстанда инвесторлардың құқықтары мен мүддесін қорғау үшін қолайлы жағдай жасалып жатыр. Осы мақсатпен Ұлттық цифрлық инвестициялық платформа енгізіліп жатыр. Сонымен қатар Инвестициялық штаб жұмыс істеуде. Бұл құрылым шұғыл шешімдер қабылдап, инвесторларға жан-жақты мемлекеттік қолдау көрсетеді. Биылғы маусым айында Төраға Си Цзиньпин мырзаның Қазақстанға сапары барысында Инвестицияларды көтермелеу және өзара қорғау туралы келісімге қол қойылды. Екі ел арасындағы визасыз режим де іскерлік байланыстарды кеңейтуге тиімді ықпал етуде. Шын мәнінде, біздің стратегиялық серіктестігіміздің әлеуеті зор. Қолда бар мүмкіндіктерді толыққанды пайдалану қажет, – деді Президент.Сонымен қатар Қасым-Жомарт Тоқаев өзара ынтымақтастықты одан әрі жандандырудың бірқатар басым бағыттарына тоқталды.– Қазақстан Қытайдың жақын көршісі және сенімді серіктесі ретінде Төраға Си Цзиньпин ұсынған «Бір белдеу, бір жол» жаһандық бастамасын қолдайды және оны жүзеге асыруға белсене қатысады. Қытай мен Еуропа арасында құрлық арқылы тасымалданатын жүктің 85 пайызы біздің жеріміз арқылы өтеді. Биыл «Достық – Мойынты» темір жолының екінші желісі іске қосылады. Соның арқасында Қазақстан арқылы өтетін «Қытай – Еуропа» транзит дәлізінің жүк өткізу мүмкіндігі 5 есе артады. Сонымен бірге, Қазақстан Транскаспий халықаралық көлік бағдарының әлеуетін кеңейтуге барынша атсалысуда. Былтыр осы бағыт бойынша 4,5 миллион тонна жүк өткізілді. Бұл – алдыңғы жылмен салыстырғанда 62 пайызға артық деген сөз. Біз осы саладағы жұмыс қарқынын одан әрі күшейте береміз. Алдағы уақытта бұл көрсеткішті 10 миллион тоннаға жеткізуді көздеп отырмыз. Каспийдегі Ақтау және Құрық порттары арқылы тасымалданатын жүктің көлемі белсенді түрде артып келеді. Бірлескен күш-жігеріміздің арқасында ірі инфрақұрылым жобалары іске қосылды. Соның ішінде Ляньюньган портындағы қазақ-қытай логистика терминалы және Сианьдағы құрғақ порт бар. Сондықтан қытай компанияларының көлік-транзит саласындағы жобаларға қатысуына мол мүмкіндік бар деп күмәнсіз айтуға болады, – деді Мемлекет басшысы.Президент энергетика саласындағы ықпалдастықты келесі басымдық ретінде атады.– Атырау облысында Sinopec компаниясымен бірлесіп, полиэтилен шығаратын зауыттың құрылысы басталды. Ауқымды жобаның өндірістік қуаты – жылына бір миллион екі жүз елу мың тонна өнім. Зауыттың құрылысына 7,4 миллиард доллар қаражат салынбақ. Алдағы уақытта CNPC компаниясының қатысуымен Шымкент мұнай өңдеу зауытын жедел жаңғыртудан өткізу жоспарда бар. Біз жаңартылатын энергетикамен де айналысамыз. Бұл ретте, China Power International Holding және China Energy сияқты жетекші қытай компанияларының қатысуымен бірқатар жобаны қолға алмақпыз. Энергетика саласындағы тағы бір маңызды жоба – Маңғыстау облысындағы бу-газ қондырғысының құрылысы. Қуаты 160 мегаватт болатын жоба China Huadian Corporation компаниясымен бірге жүзеге асырылады, – деді Мемлекет басшысы.Сонымен қатар Қасым-Жомарт Тоқаев атом энергетикасы саласына қытай технологиясын тартуға және осы бағытта білікті мамандар даярлауға мүдделі екенімізді жеткізіп, аталған саладағы ынтымақтастық мәселесі Төраға Си Цзиньпинмен кездесу кезінде егжей-тегжейлі талқыланғанын айтты.– Бұл бағыт бойынша өзара ықпалдастығымыздың келешегі зор екенін атап өттік. Екі ел осы салада стратегиялық серіктестер болуы керек деп уағдаластық. Біз бұл жұмысқа CNNC компаниясын тартуды көздеп отырмыз. Бүгін осы компанияның басшылығымен кездесу болады. SANY компаниясы да біздің нарығымызда белсенді түрде жұмыс істеп жатыр. Бұл компанияларға ризашылығымды білдіремін. Дәстүрлі қуат көздерін дамыту – еліміздің энергетикалық қауіпсіздігін қамтамасыз етудің негізгі жолы. Энергетика саласындағы бірлескен жобалардың барлығы біздің өзара тиімді ынтымақтастығымызды одан әрі нығайта түседі деп санаймын, – деді Президент.Мемлекет басшысының айтуынша, бүгінде Қазақстан тау-кен металлургиясы кешенін дамыту үшін стратегиялық маңызы бар бірқатар жобаны жүзеге асырып жатыр.– Бұл іске Қытайдың ірі компаниялары атсалысуда. Мысалы, Fujian Hengwang Investment компаниясының Жамбыл облысында металлургия зауытын салу жобасын атап өтуге болады. Зауыт жылына үш миллион тонна болат өндіруге мүмкіндік бермек. Ал Jiaxin International компаниясы Алматы облысындағы Бұғыты кенішінде вольфрам кенін өңдеу жобасын іске қосты. Құрылыс индустриясында қытайлық кәсіпкерлермен табысты байланыс орнатылды. Атап айтқанда, China Glass компаниясы Қазақстан үшін теңдесі жоқ шыны зауытының жобасын жүзеге асырды. Жақында Алматы қаласында автокөлік өндіретін мультибрендті зауыт іске қосылады. Зауыт жылына 120 мың көлік шығарады. Соның ішінде GWM (Great Wall Motor), Chery және Changan көліктері бар. Сонымен қатар Алматыда электробус шығаратын BYD компаниясының зауыты іске қосылмақ. Бұл жобалар Қазақстанның экономикасын әртараптандыруға жол ашады. Сондай-ақ еліміздің экспорттық қуатын арттыруға мол мүмкіндік береді. Жалпы, осындай мысалдар көп, олардың барлығын атап өтуге ұзақ уақыт керек болады, – деді Қасым-Жомарт Тоқаев.Президент ауыл шаруашылығы саласындағы тиімді ынтымақтастықты нығайтуға орасан зор мүмкіндік бар екенін жеткізді.– Қазақстан егістік көлемі бойынша әлемде алтыншы орында тұр. Сондай-ақ бидай экспорты бойынша ең ірі 10 елдің қатарына кіреді. Біз жыл сайын шетелге он миллион тоннадан астам бидай және екі миллион тоннаға жуық ұн жеткіземіз. Қытай нарығы еліміз үшін өте маңызды. Қазақстан жергілікті нарыққа жылына 2 миллион тоннаға дейін астық экспорттай алады. Ауыл шаруашылығы өнімдерін экспорттаумен қатар, өңдеу өнеркәсібін бірлесе дамыту біз үшін ерекше маңызды. Бұл ретте, Dalian Group компаниясының Ақмола облысында бидайды терең өңдейтін кәсіпорын құру бастамасын толық қолдаймыз. Fufeng Group компаниясының Жамбыл облысындағы жүгері өңдеу жобасын құптаймыз. Зауыт өнімдері Қытай мен Еуропаға экспортқа жіберілетін болады. Біз қытайлық кәсіпкерлерді органикалық және жоғары сапалы мал шаруашылығы өнімдерін шығару жұмысына белсене қатысуға шақырамыз, – деді Мемлекет басшысы.Президент цифрландыру саласындағы Қытайдың жетістіктері бүкіл әлемге белгілі екенін атап өтіп, осы бағытта тығыз байланыста жұмыс істеуге ниет білдірді. Сарапшылардың мәліметіне сәйкес, 2033 жылға қарай жасанды интеллект нарығының көлемі 5 триллион долларға жетіп, оның әлемдік технология индустриясындағы үлесі 30 пайызға дейін артпақ.– Біз Қытайдың Жасанды интеллект саласындағы ынтымақтастық жөніндегі жаһандық ұйым құру бастамасын қолдаймыз. Бұл мәселе бойынша мен кеше тарихи шаһар Тяньцзинь қаласында өткен Шанхай ынтымақтастық ұйымы саммиті кезінде ашық түрде мәлімдеме жасадым. Қазақстанда цифрлық экономиканы дамыту бойынша жүйелі шаралар қолға алынуда. Жасанды интеллект технологиясын кеңінен қолданысқа енгізу үшін ауқымды жұмыс істеліп жатыр. Биыл Қазақстанда аймақтағы алғашқы Суперкомпьютер іске қосылды. Сондай-ақ Alem.AI халықаралық жасанды интеллект орталығы ашылды. Біз «Alatau City» жаңа қала салу жобасына айрықша мән беріп отырмыз. Бұл қала елімізде және тұтас аймақта инновацияны, криптоиндустрия мен технологиялық кәсіпкерлікті дамытуға жол ашатын қуатты орталық болуға тиіс. Осы орайда, біз қытайлық компаниялармен өзара тығыз байланыста жұмыс істеуге ниеттіміз. Бүгін China State Construction Engineering Corporation компаниясы қазақ тарапымен тиісті келісімге қол қояды. Біз оны толық қолдаймыз. Құрылысты тез арада бастау қажет деп ойлаймын. Жақын арада «Alatau City» біртұтас экожүйе ретінде арнайы мәртебеге ие болады, – деді Қасым-Жомарт Тоқаев.Мемлекет басшысы қаржы секторындағы қазақ-қытай іскерлік байланысын нығайтуға шақырды.– «Астана» халықаралық қаржы орталығы Қазақстандағы тартымды инвестициялық ортаның берік негізі саналады. Бұл орталықта көптеген елдің 4 200-ден астам компаниясы жұмыс істеп жатыр, солардың қатарында 850 қытай компаниясы бар. Қазақстан даму банкі Қытайдың жетекші қаржы институттарымен ынтымақтастық аясында еурооблигацияны Қытай юанымен (Dim Sum bonds) орналастыра бастады. Бұл Орталық Азиядағы дәл осындай тұңғыш келісім болды. Осы өте маңызды қадам халықаралық инвесторлардың Қазақстанның қаржы жүйесіне сенімін нығайта түсті, – деді Мемлекет басшысыҚасым-Жомарт Тоқаев елімізде ауқымды инвестиция тартуға барынша қолайлы жағдай жасалғанын, ірі жобаларды жүзеге асыруға толық мүмкіндік бар екенін мәлімдеді.– Қытай бизнесінің өкілдері елімізден сенімді серіктестер таба алады. Сонымен бірге олар аймақтағы және әлемдегі абырой-беделін күшейтіп, өсіп-өркендеудің жаңа көздерін аша алады. Бұл мәселе Қазақстан Үкіметінің ерекше бақылауында болады. Құрметті қытайлық бизнес өкілдері, Сіздер Қазақстан мен Қытай арасындағы ықпалдастықты одан әрі нығайту ісінде өте маңызды рөл атқарасыздар. Бұл қол жеткізген уағдаластықтар экономикалық байланысты күшейтуге ықпал етіп, елдеріміздің стратегиялық серіктестігіне тың серпін бермек. Мен бұған кәміл сенемін. Себебі бұл мақсат-міндеттер біздің еліміздің ұлттық мүддесіне сай келеді. Сондықтан тиісті жобаларды іске асыру барысы еліміздің ең жоғары билігінің назарында болады, – деді Президент.Жиында ҚХР Мемлекеттік кеңесінің бірінші вице-премьері, ҚКП ОК Саяси бюросы Тұрақты комитетінің мүшесі Дин Сюэсян, ҚХР Халықаралық саудаға ықпал ету комитетінің төрағасы Жэнь Хунбинь, CITIC Group компаниясы директорлар кеңесінің төрағасы, Іскерлік кеңестің тең төрағасы Си Гохуа, «Самұрық-Қазына» акционерлік қоғамының басқарма төрағасы, Іскерлік кеңестің тең төрағасы Нұрлан Жақыпов сөз сөйледі.Қазақстан-Қытай Іскерлік кеңесінің қорытындысы бойынша жалпы құны 15 миллиард доллардан асатын 70-тен аса коммерциялық құжатқа қол қойылдыАқпарат көзі : https://www.gov.kz/memleket/entities/almobl/press/news/details/1060477?lang=kk

2025 жылғы 29 тамызда Шығыс Қазақстан облысының Өңірлік коммуникациялар қызметінің алаңында Салық кодексіндегі өзгерістерге арналған баспасөз конференциясы өтті. Оған ШҚО бойынша Мемлекеттік кірістер департаменті басшысының орынбасары Қазыбек Қойшинов және түсіндіру жұмыстары және байланыс орталығы басқармасының басшысы Гүлмира Сабралимова қатысты.Қазыбек Қойшинов 2026 жылдың 1 қаңтарынан бастап Қазақстанда салық салу тәсілін түбегейлі өзгертетін, салықтық әкімшілендіруді жеңілдететін және бизнес пен жеке тұлғалар үшін цифрлық сервистерді енгізетін жаңа Салық кодексі қолданыла бастайтынын қысқаша айтып өтті.Бұдан әрі Гүлмира Сабралимова негізгі өзгерістермен таныстырды         * корпоративтік салықтың базалық мөлшерлемесі 20% деңгейінде сақталады, бірақ қызмет түрлері бойынша сараланады (25% - банктер мен ойын бизнесі үшін, төмендетілген мөлшерлемелер — әлеуметтік сала мен ауыл шаруашылығы өндірушілері үшін);         * ҚҚС 16% - ға дейін көтеріледі, медициналық қызметтер мен дәрі-дәрмектер үшін жеңілдікті мөлшерлемелер белгіленеді (2026 жылдан бастап 5% және 2027 жылдан бастап 10%);         * прогрессивті ЖТС енгізіледі-8 500 АЕК-тен жоғары кірістер үшін 15%;құны 450 млн теңгеден асатын қымбат тауарлар мен мүлік салығына акциздер өсуде.Сондай-ақ арнайы салық режимдері оңтайландырылды (өзін-өзі жұмыспен қамтығандар үшін, оңайлатылған декларация бойынша және фермерлер үшін) және салық берешегін кезең-кезеңімен өндіріп алудың жаңа тетіктері енгізілуде. Ақпарат көзі : https://www.gov.kz/memleket/entities/kgd-vko/press/news/details/1060434?lang=kk

Қазақстан Республикасы Конституциясы күнін атап өту аясында Риддер қалалық аумақтық сайлау комиссиясының мүшелері арнайы тақырыптық буклеттер әзірледі. Аталған буклеттер Гоголь атындағы Орталық қалалық кітапханада ұйымдастырылған көрмеде ұсынылды. Ақпарат көзі : https://www.gov.kz/memleket/entities/vko-ridder/press/news/details/1060384?lang=kk

 Адамзат тарихына көз жүгіртсек, кез келген елдің өркендеуі ең алдымен халық арасындағы татулық пен түсіністікке байланысты болғанын байқаймыз. Өйткені ынтымақсыз, өзара сенімсіз ешбір жетістік ұзаққа бармайды. Қоғамдағы тұрақтылық – экономикалық қуаттың, әлеуметтік прогрестің, тіпті халықаралық беделдің де берік тірегі.Бүгінде әлемнің түрлі түкпірінде алауыздықтың кесірінен тұралаған мемлекеттер аз емес. Бір елде этносаралық жанжал өршіп жатса, енді бірінде діни қайшылық қоғамды дағдарысқа ұшыратуда. Мұндай жағдайда Қазақстанның бірлік пен достықты мемлекеттік саясаттың өзегіне айналдыруы – халқымыздың тарихи тәжірибесінен бастау алған даналық шешім.Қазақ халқының қонақжайлығы мен кеңпейілдігі, тағдыр тәлкегіне түскен этнос өкілдеріне қол ұшын созуы – бүгінгі қоғамдық келісімнің берік іргетасы. ХХ ғасырдағы ауыр депортация жылдарында мыңдаған этностар қазақ жерінен пана тауып, жаңа өмір бастады. Бұл – татулықтың құнын ұқтырған тарихи сабақ.Достық – адамдарды ортақ мақсатқа ұйыстыратын, сенім мен ынтымақты күшейтетін асыл қасиет. Әсіресе көпэтносты Қазақстан үшін оның мәні айрықша. Бүгінде елімізде 130-дан астам этнос өкілі тату-тәтті өмір сүріп, дамуға үлес қосуда. Бұл – достықтың қоғамды біріктіріп қана қоймай, мәдениеттерді тоғыстырып, елді рухани байытатынының дәлелі.Тәуелсіз Қазақстанның жетістіктері – жаңа астананың бой көтеруі, халықаралық беделдің артуы, экономикалық табыстар – бәрі де бірліктің арқасында жүзеге асты. Себебі алауыздық бар жерде күш-қуат ыдырап кетсе, ынтымақ бар жерде әр азаматтың еңбегі ел дамуына жұмсалады.Қазақстан халқы Ассамблеясы – татулық пен келісімді нығайтудың бірегей үлгісі. Ол этнос өкілдерінің мәдениетін сақтап қана қоймай, әрқайсысына мемлекет дамуына үлес қосуға мүмкіндік беріп отыр. Әлем елдерінің Қазақстан тәжірибесін этносаралық татулықтың үлгісі ретінде мойындауы – осының айғағы.Саяси жүйелер өзгеруі мүмкін, экономика құбылады. Ал достық пен бірлік – уақыт сынынан өтетін мәңгілік құндылықтар. Олар жылдан жылға маңызын жоғалтпай, қайта арта түседі. Сол себепті бірлікті сақтау – болашақты қорғау, достықты дәріптеу – бейбіт өмірді нығайту. Бұл – баршамызға ортақ парыз.#МыВместе #PeaceAndHarmony #PeaceForAll #TogetherForPeace #ҚХА30жыл #АНК30лет #APK30years #АНК #ANK