2025 жылғы 21 қазанда Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, Мажарстанның Ұлттық күніне орай Мажарстанның Бас консулдығының салтанатты қабылдауыға қатысып, сөз сөйледі. Өз сөзінде Ж. Әбдрашов Қазақстан мен Мажарстан арасындағы жоғары деңгейдегі қарым-қатынастарды атап өтіп, саяси диалогтың белсенді дамуын, мәдени-гуманитарлық ынтымақтастықтың нығаюын, сондай-ақ сауда-экономикалық пен инвестициялық байланыстардың маңыздылығын атап өтті. Сөз соңында дипломат Қазақстан мен Мажарстан арасындағы достық және өзара тиімді ынтымақтастықтың одан әрі тереңдей түсетініне сенім білдірді.Ақпарат көзі : https://www.gov.kz/memleket/entities/mfa-almaty/press/news/details/1090905?lang=kk

ҚР Қорғаныс министрлігінің Ақпарат және коммуникациялар департаменті бұқаралық ақпарат құралдарының өкілдеріне Аягөз гарнизонының артиллериялық бригадасына баспасөз турын ұйымдастырды. Елордадан Аягөз қаласына журналистер әскери бортпен барды. Бұл жерде оларға ауқымды таныстыру бағдарламасы дайындалды.10181 әскери бөлімінде олар оқу корпусын аралап, тренажер сыныбында, ұшқышсыз басқарылатын құрылғылар операторларының практикалық сабақтарында, Т-72 және БМП-2 танктерінен жаттығу атыстарын көрді. Одан басқа олар механик-жүргізушілер мен зеңбірекші-танк операторлары, жаяу әскердің жауынгерлік машиналарын дайындау процестерімен танысты.  Қару-жарақ пен әскери техниканы қысқы пайдалану кезеңіне дайындау жүріп жатқан жауынгерлік машиналар паркінде мерзімді қызмет сарбаздары артиллериялық ұзын ұңғылы қаруға техникалық қызмет көрсетумен айналысты. Нұсқаушының басшылығымен олар зеңбіректің механизмдері мен түйіндерінің майлануын, сондай-ақ жарамдылығын тексерді.«Оңтүстік» әскери қалашығында журналистер оның инфрақұрылымын және жеке құрамның тыныс-тіршілігі үшін жасалған жағдайларды қарап шықты. БАҚ өкілдері казармада, асханада және әскери қызметшілерге медициналық көмек көрсетілетін консультативтік-диагностикалық орталықта болды.Бөлім қонақтарына жеке құрамды моральдық-психологиялық қолдаудың қолданыстағы жүйесі туралы тәрбиеші-офицерлер айтып берді. Журналистерге қарауылға түсер алдында сарбаздарға нұсқау беру және тәуліктік наряд ауысқаннан кейін психологиялық тренинг қалай өткізілетіні көрсетілді.Оларға сарбаздармен тілдесуге де мүмкіндік берілді. «Айбалта» жедел-стратегиялық командалық-штабтық оқу-жаттығуына қатысқан жауынгерлер қойылған міндеттерді орындау барысында алған тәжірибелері туралы айтты. Тілшілер «Сарбаз 2.0» бағдарламасының қалай жүзеге асырылып жатқанын және армия мектебінен өткендерге білім беру мен жұмысқа орналасу тұрғысынан қандай перспективалар ашылатынын білді.Сарбаздардың бос уақыты қалай ұйымдастырылатынын да қонақтар репетицияға қатысып, көркемөнерпаздардың Республика күніне арналған концертті тамашалап көрді. Бөлімнің мұражайында олар мұқият сақталған жәдігерлерді, мұрағаттық құжаттар мен фотосуреттерді қарады. Осы уақытта спорт кешенінде ұлттық мерекеге орай басшылық жауынгерлерге арнап спорттық сайыс, спартакиада ұйымдастырды.  Сарбаздардың қызықты әрі қарқынды қызметі мұқият тамақтануды қажет етеді. Асханада журналистер жауынгерлік оқу және дене шынықтыру сабақтары барысында жұмсалған энергияның қалай қалпына келетінін көрді.Қоғамды толғандыратын мәселелерді көтеріп, түсіріп, көрсетіп, жеткізіп жүрген мамандар бөлімнің Жауынгерлік туы маңында кездесуден естелік ретінде суретке түсті.Ақпарат көзі : https://www.gov.kz/memleket/entities/mod/press/news/details/1090909?lang=kk

Павлодар облысы бойынша Мемлекеттік кірістер департаменті ескертеді. Соңғы уақытта алкоголь өнімдерін сатуға лицензияның қолданылу мерзімін ұзарту қажеттігі туралы жалған ақпаратты тарату жағдайлары тіркелуде. Еске саламыз. Алкоголь өнімдерін сату лицензиясы мерзімсіз! Лицензия ұзартуды қажет етпейді. Егер лицензияны пайдалану шарттары бұзылмаса, ол шексіз мерзімге жарамды. Алаяқтардың айлаларына түсіп қалмаңыздар! Күмән туған жағдайда аумақтық мемлекеттік кірістер органдарына хабарласыңыздар. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1090850?lang=kk

№134 мектепте «Нашақорлықтың алдын алу» тақырыбында ақпараттық сабақ өткізілді.🎯 Сабақтың мақсаты: – Жасөспірімдерді зиянды әдеттерден сақтандыру – Құқықтық және психологиялық сауаттылықты арттыру – Салауатты өмір салтын насихаттау#СалауаттыӨмірСалты #НашақорлықҚауіпті #ПсихологиялықҚолдауАқпарат көзі : https://www.gov.kz/memleket/entities/kyzylorda-kazaly-shaken/press/news/details/1090858?lang=kk

Жақсы ауылының тұрғыны Динара Тлеубаеваны «HALYK BANK-тен 100 000 бонус ұтып ал» акциясын ұтып алуымен құттықтаймыз. Динара Қасымғалиқызы  HALYK POS терминалдары арқылы HALYK картасымен және QR коды арқылы сатып алуды жүзеге асырды және Amian мобильді қосымшасында фискалдық түбіртектерді сканерледі. Жеңімпазға 100 000 бонустың сертификаты табыс етілді.Құрметті салықтөлеушілер акцияға қатысып, сыйлықтар ұтып алыңыз!Ақпарат көзі : https://www.gov.kz/memleket/entities/kgd-akmola/press/news/details/1092116?lang=kk

Құрметті салық төлеушілер! Павлодар облысының мемлекеттік кірістер органдары полиция Департаментімен, жеке сот орындаушыларымен бірлесіп көлік құралдарына салынатын салық бойынша берешегі бар жеке тұлғаларды анықтау бойынша рейдтік іс-шаралар жүргізуде. Іс-шаралар шеңберінде:- "Кибер-шериф" базасында берешекті тексеру;- берешекті өндіріп алу туралы салық бұйрықтарын тапсыру;- борышкерлер мен олардың көлік құралдары туралы ақпаратты полицияның патрульдік автомобильдерінде орнатылған "Кибер-шериф" іздеу жүйесіне беру. Назар аударыңыздар! Берешек анықталған кезде полиция қызметкерлерінің көлік құралын айыппұл тұрағына қамауға алуға құқығы бар. Мәжбүрлеу шараларын күтпеңіздер! Мүлікке тыйым салуды, банктік шоттарды бұғаттауды, шығу шектеулерін және т. б. болдырмау үшін қарызды өз еркіңізбен төлеңіздер. Берешектің бар–жоғын kgd.gov.kz Мемлекеттік кірістер комитетінің порталы, "e-Salyq Azamat" мобильді қосымшасы арқылы тексеруге болады. Сұрақтар туындаған жағдайда тұрғылықты жері бойынша мемлекеттік кірістер органдарына немесе 1414 байланыс-орталығына жүгінуге болады. Павлодар облысы бойынша МКД салық төлеу әрбір азаматтың конституциялық міндеті болып табылатынын еске салады және салықтарды уақтылы төлеуге шақырады. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1094516?lang=kk

«Мемлекет басшысының тапсырмасын жүзеге асыру шеңберінде Үкіметпен іс-шаралар кешені әзірленді. Бұл жаңа Салық кодексінің әрекет етуіне қатысты. Бүгін 1111 қызмет түрлерінен  арнайы салық режимін қолдану тәртібі сақталады, 44 қызмет түрі қалды. Жаңа Салық кодексін кезең-кезеңімен енгізуде сервистік сүйемелдеу сияқты бірқатар іс-шаралар қарастырылған. Соның ішінде микро және шағын бизнеске қатысты камералдық бақылау мен салықтық тексерулер тоқатылатын болады. Сонымен бірге қайта тіркелуді жою болжалды. Дара кәсіпкерді оңайлатылған тәртіппен есептен шығару қарастырылған. Қолдау көрсетудің басқа да іс-шаралары әзірленуде, соның ішінде 2026 жылдың 1 сәуіріне дейін негізгі қарыз өтелген жағдайда өсімпұлдар мен айыппұлдарды есептен шығару және ҚҚС бойынша есепке қою шегінен асып кеткен кезде әкімшілік айыппұлдан босату», — деді ҚР қаржы министрі.https://www.instagram.com/p/DP5hTBpCIoJ/?img_index=1 Ақпарат көзі : https://www.gov.kz/memleket/entities/kgd-pavlodar/press/news/details/1090897?lang=kk

KazAID және Румыния Елшілігінің кездесуі2025 жылғы 16 қазанда Астана қаласында KazAID Төрағасы Аркен Арыстанов пен Румынияның Қазақстан Республикасындағы Елшісі Мадалина Лупу кездесті.Кездесу барысында тараптар 2024–2025 жылдарға арналған KazAID қызметін, соның ішінде жыл сайынғы «Достық» және «Авиценна» бағдарламаларын іске асыруды, сондай-ақ жер сілкінісі қаупін азайту, Kaizen әдістемесі, қоғамдық тамақтандыруды дамыту, айқындық туралы есептерді (BTR) жедел дайындау және статистикалық деректерді визуализациялау тақырыптарындағы оқыту семинарларын талқылады.KazAID пен Румынияның халықаралық даму бойынша ынтымақтастық агенттігі (RoAid) арасындағы өзара іс-қимыл мүмкіндіктері қарастырылды. Тараптар 2026 жылы дамуға ресми көмек саласындағы өзара түсіністік пен ынтымақтастық туралы меморандум шеңберінде бірлескен жобаларды іске асыру перспективаларын талқылады.Ақпарат көзі : https://www.gov.kz/memleket/entities/kazaid/press/news/details/1090803?lang=kk

ҚР Қаржы министрлігінің аппарат басшысы Эрнар Ержанов Астана қаласы бойынша Мемлекеттік кірістер департаментінің ұжымына жаңадан тағайындалған басшыны Серік Манзоровты таныстырды. Серік Бағдатұлы 2004 жылы Әл-Фараби атындағы Қазақ ұлттық университетін «Құқықтану» мамандығы бойынша, 2006 жылы West Coast университетін (Ұлыбритания) «Іскерлік менеджмент» мамандығы бойынша, 2009 жылы Тұрар Рысқұлов атындағы Қазақ экономикалық университетін «Қаржы» мамандығы бойынша, 2010 жылы ҚР Президенті жанындағы Мемлекеттік басқару академиясын «Мемлекеттік және жергілікті басқару» мамандығы бойынша және 2019 жылы Л.Б. Гончаров атындағы Қазақ автомобиль-жол институтын «Құрылыс» мамандығы бойынша тәмамдап шыққан.Еңбек жолын 2006 жылы Алматы қаласы Алмалы және Бостандық аудандарының әкімдіктерінде қызметке тұрып бастаған. Салық және мемлекеттік органдар құрылымында түрлі позицияларда жұмыс істеп, оның ішінде МКК Халықаралық ынтымақтастық басқармасы басшысының орынбасары, ҚР Президенті Әкімшілігінің Сыртқы саясат орталығының кеңесшісі және Маңғыстау облысы бойынша Мемлекеттік кірістер департаментінің басшысы болған.               Ақпарат көзі : https://www.gov.kz/memleket/entities/minfin/press/news/details/1090767?lang=kk

2025 жылғы 21 қазанда Министрліктің әдеп жөніндегі уәкілі мен заң департаменті бірлесіп«Лудомания, адам құқықтары мен заңды құрметтеу. Сыбайлас жемқорлықтың алдын алу» тақырыбында оқыту-семинар өткізді.Іс-шараның мақсаты – мемлекеттік қызметшілердің құқықтық және этикалық мәдениет деңгейін арттыру, сыбайлас жемқорлық пен әлеуметтік ауытқушылыққа төзбеушілікті қалыптастыру, адалдық пен қоғамға қызмет ету қағидаттарын дамыту.Семинар барысында баяндамадағы негізгі тақырыптар қарастырылды:• Лудомания (ойынға тәуелділік) – адамның іс-әрекетін бақылауын жоғалтуға, отбасы мен кәсіби қарым-қатынастардың бұзылуына әкелетін психологиялық тәуелділік. Қатысушыларға мемлекеттік қызметшілердің құмар ойындарға қатысуының жол берілмейтіні және тәуелділік белгілері болған жағдайда уақтылы психологиялық көмекке жүгіну қажеттігі ескертілді.• Заңды және адам құқықтарын құрметтеу – қызметтік және моральдық жауапкершіліктің ажырамас бөлігі. Заңдылық пен азаматтардың құқықтарын сақтау мемлекеттік қызметтің жоғары мәдени құндылығы ретінде атап өтілді.Арнайы назар антитеррористік және діни экстремизмнің алдын алу мәселелеріне аударылды – мемлекеттік қызметшілердің деструктивті діни ағымдарға тартылуына жол бермеу, сондай-ақ жеке тәртіп пен мемлекеттік қызметшінің имиджі мәселелеріне, оның ішінде:• қоғамдық орындарда алкогольдік және басқа да мас болу жағдайында болмау;• кемсіту мен жыныстық бопсалауға жол бермеу;• жалпы қабылданған моральдық-этикалық нормалар мен қызметтік әдеп қағидаларын сақтау.Сонымен қатар алдағы мереке қарсаңында адалдық, сыпайы мінез-құлық және әріптестер мен азаматтарға құрмет көрсету мәселелері бойынша түсіндіру жұмыстары жүргізілді.Ақпарат көзі : https://www.gov.kz/memleket/entities/mti/press/news/details/1090746?lang=kk

Республика күнімен, Қазақ елі!25 қазан — халқымыздың тарихи таңдау жасаған күні. Бұл — егемендігіміздің бастауы, Тәуелсіздікке апарар жолдың алтын қақпасы.Бүгінгі Қазақстан – бейбіт өмірдің, ел бірлігінің, болашаққа деген сенімнің нышаны.Бабалар армандаған еркін елдің іргесін бірге бекітейік!Мәңгілік Ел болу жолындағы қадамымыз нық болсын!Республика күні құтты болсын!#РеспубликаКүні#ҚазақЕлі#Бірлік#МәңгілікЕлАқпарат көзі : https://www.gov.kz/memleket/entities/kyzylorda-kazaly-kolaryq/press/news/details/1090904?lang=kk

2025 жылғы 27 маусымда Еуразиялық экономикалық одақтың Жоғары кеңесі алаңдарында Еуразиялық экономикалық одақ пен оның мүше мемлекеттері, бір жағынан, және Моңғолия, екінші жағынан, арасындағы Уақытша сауда келісіміне қол қойылды.Аталған Келісім Еуразиялық экономикалық одақ елдері мен Моңғолия арасындағы сауда байланыстарын дамыту мен нығайтуға, сондай-ақ қазақстандық тауарларды әріптес елдің нарығына ілгерілетуге қолайлы жағдай жасауға мүмкіндік береді.Осыған байланысты, Қазақстан Республикасының Сауда және интеграция министрлігі Қазақстан Республикасы Үкіметінің «Еуразиялық экономикалық одақ пен оның мүше мемлекеттері, бір жағынан, және Моңғолия, екінші жағынан, арасындағы Уақытша сауда келісімін ратификациялау туралы» Қазақстан Республикасының Заңы жобасы туралы қаулысы жобасының ресми интернет-ресурста, сондай-ақ «Ашық НҚА» интернет-порталында орналастырылғаны туралы хабарлайды.Аталған жоба бойынша көпшілік талқылау «Ашық НҚА» интернет-порталында 2025 жылғы 21 қазаннан 6 қарашаға дейін өтеді (сілтеме: https://legalacts.egov.kz/npa/view?id=15632664 ).Ақпарат көзі : https://www.gov.kz/memleket/entities/mti/press/news/details/1090752?lang=kk

Абу Даби, 2025 жылғы 21 қазан – Қазақстан Республикасының Біріккен Араб Әмірліктеріндегі Елшісі Рауан Жұмабек БАӘ Сыртқы істер министрлігі Консулдық қызмет департаментінің директоры Рашид Рахмамен кездесу өткізді.Тараптар консулдық ынтымақтастықты дамыту, Қазақстан азаматтарының құқықтарын қорғау және төтенше жағдайларда өзара әрекеттесу мәселелерін талқылады.Қазақ дипломаты БАӘ-нің консулдық қызметтерді цифрландыру саласындағы жетістіктеріне тоқталып, олардың тиімділігі мен жаңашылдығын ерекше атап өтті.Р.Рахма Әмірліктер тарапының Қазақстанмен өзара іс-қимылды одан әрі дамытуға дайын екенін растап, екіжақты қатынастардың қазіргі деңгейін оң бағалады.Кездесу қорытындысы бойынша тараптар бірлескен бастамаларды іске асыру мақсатында жуық арада консулдық консультациялар өткізу жөнінде уағдаласты.Ақпарат көзі : https://www.gov.kz/memleket/entities/mfa-abudhabi/press/news/details/1090714?lang=kk

Тауардың шығу тегін айқындау халықаралық сауда жүйесінде маңызды рөл атқарады. Шығу тегі дұрыс анықталған жағдайда кедендік баждардың, сауда саясаты шараларының, шектеулер мен сыртқы экономикалық қызмет статистикасының қолданылуы қамтамасыз етіледі.Тауар халықаралық келісімдер бойынша тарифтік преференциялар шеңберіне кірмеген жағдайда, оның шығу тегі преференциялық емес мақсаттарда айқындалады — яғни халықаралық және өңірлік актілерде бекітілген жалпы қағидаларға сәйкес.Шығу тегін айқындаудың құқықтық негізі 2014 жылғы 29 мамырдағы Евразиялық экономикалық одақ туралы келісімі, ЕАЭО Кеден кодексі (4-бөлім) және ЕЭК Кеңесінің 2018 жылғы 13 шілдедегі № 49 шешімі болып табылады. Аталған құжаттар ашықтық, объективтілік және кемсітпеушілік қағидаттарына негізделген және Одаққа мүше мемлекеттер арасында бірыңғай тәсілді қамтамасыз етеді.Шығу елін айқындаудың негізгі өлшемшарттары мыналар болып табылады:Тауардың мемлекеттің аумағында толықтай өндірілгені;Өндіріс барысында әртүрлі елдердің материалдары пайдаланылған жағдайда — жеткілікті қайта өңдеудің жүргізілуі.Қазіргі үрдістер жеткізу тізбегін цифрлық қадағалау құралдарын және электрондық шығу тегі сертификаттарын енгізумен байланысты, бұл рәсімдердің ашықтығын арттырып, әкімшілік кедергілерді азайтуға мүмкіндік береді.Осылайша, қазіргі заманғы тәсілдер тауардың шығу тегін айқындау қағидаларын жетілдіруге және біріздендіруге бағытталған, бұл өз кезегінде ашық әрі болжамды сыртқы сауданы дамытуға ықпал етеді.Ақпарат көзі : https://www.gov.kz/memleket/entities/kgd-vko/press/news/details/1090711?lang=kk

ҚР Ұлттық қорғаныс университетінде Қазақстанның мемлекеттік егемендігі туралы декларацияның қабылдануының 35 жылдығына және Президенттің елдің ұлттық цифрлық трансформациясы жөніндегі тапсырмасының орындалуына арналған ведомствоаралық ғылыми-практикалық конференция өтті.Симпозиумға Парламент депутаттары Ғалиасқар Сарыбаев, Сұлтан Дүйсембинов, Болат Керімбек, университет басшылығы, профессорлық-оқытушылар құрамы, магистранттар мен докторанттар қатысты. Кездесу барысында баяндамашылар Қазақстан егемендігінің тарихи және идеологиялық аспектілерін, одан өзге әскердегі цифрлық трансформация мәселелерін талқылады.– Президент Қасым-Жомарт Тоқаев Қазақстан халқына Жолдауында адамзат қауіпсіздігіне, оның ішінде жасанды интеллект негізінде әрекет ететін аса қауіпті қару-жарақтарды қолдану арқылы қауіп-қатердің мүлдем жаңа түрлерінің пайда болуы туралы айтқан болатын. Сондықтан біздің миссиямыз жаңа технологиялар мен барынша ақпаратты талдауды меңгерген жаңа буын офицерлері мен мамандарын даярлау, – деп атап өтті ҚР Ұлттық қорғаныс университетінің бастығы (PhD) философия докторы генерал-майор Асқар Мұстабеков.Үзіліс кезінде Парламент депутаттарын ҚР Ұлттық қорғаныс университетінің ғалымдары мен мамандары әзірлеген жобалармен таныстырды. Ғылыми форумға қатысушылар цифрландыру, инновациялар және жасанды интеллект Қарулы күштердің жауынгерлік әзірлігі мен жауынгерлік қабілетін қамтамасыз етудің негізіне айналатынын атап өтті.Конференция форматы оларға сындарлы түрде пікір алмасуға және қазіргі заманғы сын-тегеуріндер мен қауіп-қатерлер туралы пікірталастың өзектілігін, армияны интеллектуализациялау мәселелерінің ғылыми және маңыздылығын негіздеуге мүмкіндік берді.Конференцияға қатысушылар да идеологиялық және ақпараттық кеңістіктің жаһандануы, қызметтің барлық салаларын цифрландыру тұрғысында озық технологияларды меңгерген жоғары білікті әскери кадрларды даярлау басым міндет екенін атап өтті.Ақпарат көзі : https://www.gov.kz/memleket/entities/mod/press/news/details/1090621?lang=kk

Міндетті әлеуметтік сақтандырумен қамтылған жұмыс істейтін халықтың мүддесін қорғау мақсатында, мынадай әлеуметтік тәуекелдер туындаған жағдайларда: еңбекке қабілеттілігінен айырылу; асыраушысынан айырылу; жұмысынан айырылу; жүктілікке және босануға байланысты кірісінен айырылу; жаңа туған баланы (балаларды) асырап алуға байланысты кірісінен айырылу; бала бір жарым жасқа толғанға дейін оның күтіміне байланысты кірісінен айырылу жағдайларына әлеуметтік төлемдер төлеу көзделген.Мемлекеттік әлеуметтік сақтандыру қорынан (Қор) төленетін әлеуметтік төлемдердің мөлшері әр адамға жеке есептеледі және Қорға төленген әлеуметтік аударымдардың уақтылығы мен толықтығына тікелей байланысты болады. Айта кету керек, әлеуметтік аударымдар міндетті зейнетақы жарналары сияқты қызметкердің жалақысынан ұсталмайды, ол жұмыс берушілердің және (немесе) жеке кәсіпкерлердің қаражаты есебінен төленеді.Осыған байланысты, біз жүйенің қатысушыларына Қорға нақты түскен әлеуметтік аударымдарды тексеріп отыруды ұсынамыз. Мұны egov.kz электрондық үкімет порталы арқылы (Басты бет/жұмысқа орналастыру және жұмыспен қамту/міндетті әлеуметтік сақтандырудың әлеуметтік аударымдары туралы ақпарат) немесе екінші деңгейлі банктердің мобильді қосымшаларында, сондай-ақ «Азаматтарға арналған үкімет» мемлекеттік корпорациясының (Мемлекеттік корпорация) бөлімшелеріне немесе Қордың филиалына жеке басын куәландыратын құжатпен жүгіне отырып тексеруге болады.Бүгінгі таңда цифрлық қызметтердің дамуымен әлеуметтік төлемдерді рәсімдеу оңайырақ болып отыр.Қордан әлеуметтік төлемдерді тағайындау үшін дәстүрлі түрде Мемлекеттік корпорацияның бөлімшелері арқылы да, үйден шықпай-ақ электронды түрде де жүгінуге болады.Көбіне әлеуметтік төлемдер проактивті түрде тағайындалады: егер мемлекеттік органдардың ақпараттық жүйелерінде барлық қажетті мәліметтер болса, жүйеге қатысушыға «1414» Бірыңғай байланыс орталығынан төлем алу құқығын іске асыру туралы смс-хабарлама келеді. Осы смс-хабарламаға келісім алған жағдайда төлем проактивті түрде тағайындалады.Сонымен қатар, әлеуметтік төлемдерді келесі әдістердің бірімен:  - еңбекке қабілеттілігінен айырылу жағдайы бойынша: жалпы еңбекке қабілеттілігінен айырылу (ЖЕА) дәрежесін бастапқы белгілеу кезінде-медициналық-әлеуметтік сараптама бөлімшесі арқылы, ал ЖЕА мәліметтері болған кезде - egov.kz электрондық үкімет порталы арқылы немесе Мемлекеттік корпорацияға;- асыраушысынан айырылу жағдайы бойынша: egov.kz электрондық үкімет порталы немесе Мемлекеттік корпорацияға;- жұмысынан айырылу жағдайы бойынша: жұмыссыз ретінде тіркелу кезінде - enbek.kz электрондық еңбек биржасының порталдары арқылы, egov.kz  электрондық үкімет немесе Мансап орталығы, ал жұмыссыздарды тіркеу туралы мәліметтер болған жағдайда - екінші деңгейлі банктердің мобильді қосымшаларында немесе Мемлекеттік корпорацияға;- жүктілігі және босануы бойынша: - egov.kz электрондық үкімет порталына немесе Мемлекеттік корпорацияға жүгіну арқылы;- бір жарым жасқа дейінгі бала күтімі бойынша: - egov.kz. электрондық үкімет порталы, екінші деңгейлі банктердің мобильді қосымшалары немесе Мемлекеттік корпорацияға жүгінуге болады.Егер өтініш беруші электрондық түрде өтініш берген болса, онда әлеуметтік төлемді тағайындау мерзімі 4 жұмыс күнін, ал Мемлекеттік корпорация арқылы жүгінген жағдайда - 8 жұмыс күнін құрайды.Әлеуметтік төлемдерді тағайындау кезінде Қордың филиалдары құжаттардың (мәліметтердің) дұрыстығын тексеретінін атап өткен жөн. Уақтылы төленбеген немесе толық төленбеген, сондай-ақ төленген әлеуметтік аударымдар міндетті зейнетақы жарналарының аударылған сомалары бойынша бағаланатын қызметкердің табысына сәйкес келмеген жағдайларда Қордың филиалдары электрондық іс макетін толық ресімдеуге жібереді. Мұндай жағдайларда тағайындау мерзімі 30 жұмыс күніне дейін ұзартылады және тиісті мемлекеттік органдардан, жұмыс берушіден және т. б. қосымша мәліметтер талап етіледі.Жүйенің тиімділігі нақты сандармен расталады. Қызылорда облысында ағымдағы жылдың 8 айында 204 848 мың жүйенің қатысушысы үшін Қорға 15,0 млрд. теңге сомасына әлеуметтік аударымдар түсті. Осы уақыт ішінде 55 893 мыңнан астам адам 26,6 млрд. теңге сомаға төлемдер алды.Міндетті әлеуметтік сақтандыру жүйесі туралы Қордың www.gfss.kz. ресми интернет-ресурсынан білуге болады.Қызылорда облысы бойынша «Мемлекеттік әлеуметтік сақтандыру қоры» АҚ филиалыАқпарат көзі : https://www.gov.kz/memleket/entities/kyzylorda-karmakshy/press/news/details/1090628?lang=kk

Сеул, 2025 жылғы 21 қазан — Сеулде Республика күніне орай дөңгелек үстел өтті. Іс-шара «Қазақстан мен Оңтүстік Корея: кеңейтілген стратегиялық серіктестікті дамыту» тақырыбында ұйымдастырылды.Дөңгелек үстелге Корея Республикасының дипломатиялық, академиялық және іскер топтарының өкілдері, сондай-ақ журналистер мен студенттер қатысты. Құрметті қонақтар қатарында Aju News Corporation медиа тобының Президенті және Қазақстан–Корея достық қауымдастығының Төрағасы Квак Ён Гиль, Орталық Азия – Корея Республикасы ынтымақтастық форумы Хатшылығының Атқарушы директоры Ли Джон Гук, Корея Губернаторлар қауымдастығының (GAROK) Халықаралық дипломатия басқармасының Басшысы Ха Тэ Ёк, Кореяның Қазақстандағы бұрынғы Елшілері Ким Дэ Сик пен Пэк Джу Хён, The Korea Herald газетінің Президенті Ким Ён Сам, Орталық Азия – Корея Республикасы достық қауымдастығының Төрайымы Ли Ок Рён, Сеул медиа технологиялар институтының (SMIT) Президенті Хи Хан, Ханкук шет тілдер университетінің профессорлары мен зерттеушілері, іскерлік орта, құқық, медиа және мәдени ұйым өкілдері болды.Қазақстан Елшісі Нұрғали Арыстанов өз сөзінде Қазақстан Президенті Қасым-Жомарт Тоқаевтың «Республика күні — халқымыздың ғасырлар бойғы тәуелсіздік пен мемлекеттілік туралы арманын бейнелейтін символ» деген сөздерін келтірді. Ол тәуелсіздік жылдарында Қазақстан экономика, дипломатия, инновация және әлеуметтік салада айтарлықтай жетістіктерге жеткенін атап өтті.Елші Мемлекет басшысы іске асырып жатқан елдің ішкі және сыртқы саясатының негізгі бағыттары туралы айтып өтті, оның ішінде жасанды интеллектті дамыту, су үнемдеу технологияларын енгізу, «ақылды қалалар» салу және Парламент реформасы мәселелеріне тоқталды.Нұрғали Арыстанов Қазақстан мен Корея арасындағы кеңейтілген стратегиялық серіктестіктің маңызын ерекше атап өтіп, саяси диалогтың, экономикалық ынтымақтастықтың және гуманитарлық алмасулардың тұрақты өсіп келе жатқанын жеткізді.2025 жылғы 15–16 қазан Қазақстан Премьер-Министрінің орынбасары Қанат Бозымбаев бастаған қазақстандық делегацияның табысты сапары өтіп, онда жаңа инновациялық жоба — Alatau Smart City қаласының кең мүмкіндіктері таныстырылғаны айтылды.Корея Республикасы Қазақстанның ең ірі үш шетелдік инвесторының бірі әрі ең ірі он сауда серіктесінің қатарында екені атап өтілді. Қазақстанда Shinhan Bank, BNK Bank, Hyundai, KIA, Samsung Electronics секілді ірі компаниялар табысты жұмыс істеуде. Елші 2025 жылы іске қосылған жаңа бірлескен жобалар туралы да хабарлады: Қостанайдағы KIA зауыты, Алматыдағы Open Healthcare медициналық орталығы және Samsung Electronics тұрмыстық техника өндірісі.Адамдар арасындағы байланыстар саласында да айтарлықтай өсім байқалады: екі ел арасындағы әуе рейстері аптасына 20-ға дейін артты. 2025 жылдың бірінші жартыжылдығында өзара сапарлар саны айтарлықтай өсті: Қазақстанға Корея Республикасының азаматтары 28%-ға көп — 17 202 адам келсе, Кореяға Қазақстан азаматтары 19,4%-ға артық — 37 737 адам барған.Дөңгелек үстел барысында қатысушылар аймақтық, ғылыми және білім беру деңгейіндегі ынтымақтастықтың перспективалары туралы пікір алмасты. GAROK ұйымының атынан сөйлеген Елші Ха Тэ Ёк өңіраралық дипломатияның маңыздылығын атап өтіп, 2025 жылғы қыркүйекте Түркістанда өткен Орталық Азия мен Корея өңірлері ынтымақтастық форумының табысты өткенін айтты.Қатысушылар Қазақстан халқын Республика күнімен құттықтап, елдің тәуелсіздік жылдарындағы жетістіктерін жоғары бағалады және стратегиялық серіктестіктің одан әрі дамуы Қазақстан мен Корея арасындағы тұрақтылықты, өркендеуді және достықты нығайта түсетініне сенім білдірді.Ақпарат көзі : https://www.gov.kz/memleket/entities/mfa-seoul/press/news/details/1090605?lang=kk

Осы мақсатпен Халықаралық қатынастар, қорғаныс және қауіпсіздік комитетінің төрағасы Андрей Лукин бастаған Сенат делегациясы Астана қаласындағы 68665 әскери бөлімі мен Қарулы күштердің Әскери полиция бас басқармасына барды.Арнайы мақсаттағы бригадада сенаторлар әскери қызмет өткеру үшін жасалған жағдайлармен, сарбаздардың тұрмысымен және бос уақытты ұйымдастыру тәртібімен танысты. Аталған әскери бөлімді жуырда ғана200-ден астам жас сарбаз толықтырды. Бүгінде оларды жаңа ортаға бейімдеу бағытында жүйелі жұмыс жүргізілуде.Депутаттарға бөлімдегі психологиялық-профилактикалық жұмыстар, сарбаздарды медициналық тексеру тәжірибесі, казармадағы бейнебақылау жүйесі туралы мәлімет берілді. Сондай-ақ, сарбаздардың «Отбасымен бейнеқоңырау» видеоқызметі арқылы жақындарымен байланыс орнату сәті көрсетілді.Халықаралық қатынастар, қорғаныс және қауіпсіздік комитетінің мүшесі Сергей Ершов жас сарбаздармен жүргізіліп жатқан жұмыстарға оң бағасын берді.– Біз жас сарбаздар казармаға келген алғашқы күннен бастап олармен жүргізілетін тәрбие жұмысын көрдік. Тамақтану тәртібінен бастап, тұрмыс жағдайына дейін барлығы қатаң бақылауда екен. Армиядағы ең маңызды нәрсе – әскери тәртіп. Тәртіп бар жерде – талап орындалады, – деді С. Ершов.Әскери полиция бас басқармасында сенаторлар оқу-материалдық базаға, қару-жарақ пен әскери техника үлгілеріне, киім үлгілері мен жабдықтарға шолу жасады. Сондай-ақ, кинологиялық қызмет мамандарының қызметтік иттермен бірге тыйым салынған заттарды іздеу жұмысы көрсетілді.Депутаттар жылжымалы нысандарды бақылау жүйесінің жұмысымен, гауптвахтадағы тәртіптің ұйымдастырылуымен, әскери қызметшілерді психофизиологиялық зерттеу тәртібімен де танысты.Сенат комитетінің төрағасы Андрей Лукин мұндай кездесулер Қарулы күштерді дамытуға, әскери құқықбұзушылықтардың алдын алуға және жас сарбаздарды іріктеу сапасын арттыруға бағытталған заңдардың нақты жүзеге асуын бақылауға мүмкіндік беретінін атап өтті.– Расында да, армияда әскери қызметтің беделін көтеруге бағытталған үлкен әрі жүйелі жұмыс жүргізіліп жатыр. Негізгі назар – ашықтық пен жариялылыққа аударылған. Бұл – қоғамның армияға деген сенімін арттырып, тәртіптің нығаюына септігін тигізеді, – деді А. Лукин.Сенаторлардың бұл сапары Қарулы күштер мен заң шығарушы билік өкілдері арасындағы ашықтық пен өзара байланысты нығайтуға бағытталған жүйелі жұмыстың бір бөлігі болды.Ақпарат көзі : https://www.gov.kz/memleket/entities/mod/press/news/details/1090587?lang=kk

 ҚР ҰБ және ИПБ басқаруындағы инвестициялық портфельдер: 2025 жылдың 1 қыркүйегіндегі шолу   "БЖЗҚ" АҚ (бұдан әрі – БЖЗҚ, Қор) enpf.kz сайтындағы "Статистика және аналитика – Зейнетақы активтерін инвестициялық басқару" бөлімінде Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынды.2025 жылғы 1 қыркүйектегі жағдай бойынша ҚРҰБ пен ИПБ-лардың басқаруындағы зейнетақы активтерінің жалпы көлемі – 25 083,08 млрд теңге. Осы күнгі жағдай бойынша міндетті зейнетақы жарналары (бұдан әрі - МЗЖ), міндетті кәсіптік зейнетақы жарналары (бұдан әрі - МКЗЖ), ерікті зейнетақы жарналары (бұдан әрі - ЕЗЖ) есебінен қалыптастырылған, ҚРҰБ сенімгерлік басқаруындағы БЖЗҚ зейнетақы активтері 24 463,47 млрд теңге[1] болды. ҚРҰБ сенімгерлік басқаруындағы жұмыс берушінің міндетті зейнетақы жарналары (бұдан әрі – ЖМЗЖ) есебінен қалыптастырылған зейнетақы активтерінің көлемі – 551,25 млрд теңге. ИПБ басқаруындағы зейнетақы активтері шамамен 68,36 млрд теңге.   ҚРҰБ басқаруындағы зейнетақы активтерінің инвестициялық портфеліҰлттық Банк БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.2025 жылғы 1 қыркүйекке МЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары мынадай: ҚР Қаржы министрлігінің мемлекеттік бағалы қағаздары – 42,58%, квазимемлекеттік компаниялардың облигациялары – 8,85%, Қазақстан Республикасының екінші деңгейдегі банктерінің облигациялары – 2,78%, ҚРҰБ депозиттері – 2,14%, ҚР эмитенттерінің акциялары мен депозитарлық қолхаттары – 1,77%, МҚҰ - 1,20%.2025 жылғы 1 қыркүйектегі МЗЖ, МКЗЖ, ЕЗЖ есебінен сатып алынған қаржы құралдары номиналданған валюталар бөлінісіндегі инвестициялық портфель мынадай: ұлттық валютадағы инвестициялар – 57,33%, АҚШ долларымен – 42,67%.Алынған кірістің құрылымын талдаудан бағалы қағаздар бойынша сыйақы түріндегі, оның ішінде орналастырылған салымдар мен "кері РЕПО" операциялары бойынша және бағалы қағаздарды нарықтық қайта бағалаудан түскен кірістер – 1 277,10 млрд теңге. Сыртқы басқарудағы активтерді қоспағанда, шетел валютасын қайта бағалаудан түскен кіріс - 139,12 млрд теңге, сыртқы басқарудағы активтер бойынша алынған кіріс, оның ішінде бағамдық қайта бағалау есебімен - 456,19 млрд теңге, өзге кірістер - 5,16 млрд теңге. Бағалы қағаздарды нарықтық қайта бағалау теріс болды.   2024 жылдың қыркүйегінен бастап 2025 жылдың тамызына дейінгі соңғы 12 айда есептелген инвестициялық кіріс мөлшері шамамен 2,74 трлн теңгені құрады, осы кезеңдегі кірістілік – 12,60%, инфляция мөлшері – 12,20%.2025 жылғы 1 қыркүйектегі ЖМЗЖ инвестициялау бағыттары мынадай: ҚР Қаржы министрлігінің мемлекеттік бағалы қағаздары – 97,58%, ҚРҰБ депозиттері – 2,22%, инвестициялық шоттардағы ақшалай қаражат - 0,20%. ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. 2025 жылдың 1 қыркүйегіндегі жағдай бойынша ЖМЗЖ есебінен зейнетақы активтерінің соңғы 12 айдағы кірістілігі 7,64% көрсетті.Зейнетақы жинақтары - ұзақ мерзімді инвестициялар. Сондықтан, инвестициялық кірістің мөлшерін кем дегенде бір жыл ішінде талдаған жөн. Жекелеген кезеңдерде шетел валюталары бағамдарының құбылмалылығына, қаржы құралдарының нарықтық құнының өзгеруіне, сондай-ақ инфляцияның ықпалына байланысты кірістіліктің төмендеуі байқалуы мүмкін. Кейбір құралдар бойынша алынған кіріс басқа құралдар бойынша уақытша шығындарды жабатын инвестициялық портфельді әртараптандыру зейнетақы жинақтарының ұзақ мерзімді келешекте сақталуын және орнықты табыстылығын қамтамасыз етеді. Соңғы 3 жылдағы инвестициялық кіріс тұрақты түрде өсіп, зейнетақы активтерінің кірістілігі инфляция деңгейінен асып түсті.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі 68,36 млрд теңгеден асады.01.09.2025ж. жағдай бойынша "Alatau City Invest" АҚ сенімгерлік басқаруындағы зейнетақы активтері шамамен – 12,74 млрд теңге.Компанияның негізгі инвестициялары: ҚР ҚМ МБҚ – 18,59%, Exchange Traded Funds (ETF) пайлары – 16,76%, ҚР екінші деңгейдегі банктерінің (ЕДБ) облигациялары – 16,29%, РЕПО – 16,14%, ҚР квазимемлекеттік ұйымдарының облигациялары – 11,33%, шетелдік эмитенттердің корпоративтік облигациялары – 6,17%, МҚҰ – 5,90%, ҚР эмитенттерінің корпоративтік облигациялары – 5,82%, шет мемлекеттердің МБҚ – 2,77%. Атап кетейік, портфельдің 75,09% теңгемен, 23,47% - АҚШ долларымен, 1,43% - басқа валюталарда ұсынылған. 2025 жылдың 1 қыркүйегіндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 10,94% болды."Alatau City Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған. 01.09.2025ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 6,42 млрд теңге болды.Портфель құрылымындағы негізгі инвестициялар: РЕПО (күнтізбелік 90 күннен аспайтын) – 44,31%, ҚР Қаржы министрлігінің мемлекеттік бағалы қағаздары – 10,41%, шетелдік эмитенттердің корпоративтік облигациялары – 9,54%, ҚР ЕДБ облигациялары – 8,73%, шетелдік эмитенттердің үлестік құралдары (ETF пайлары) – 7,49%, ҚР ұйымдарының корпоративтік облигациялары – 5,25%, ҚР квазимемлекеттік ұйымдарының облигациялары – 4,99%, шет мемлекеттердің орталық үкіметтері шығарған мемлекеттік мәртебесі бар бағалы қағаздар – 3,84%.Ұлттық валютадағы инвестициялар портфельдің 76,27%, АҚШ долларымен 23,73% тең.2025 жылдың 1 қыркүйегіндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 12,59% болды."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.09.2025ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері - шамамен 7,67 млрд теңге.  Инвестициялардың негізгі бағыттары: ҚР ЕДБ облигациялары – 25,92%, Қазақстан Республикасының квазимемлекеттік ұйымдарының облигациялары – 16,53%, ҚР ҚМ МБҚ – 15,71%, РЕПО – 12,33%, ҚР резидент-эмитенттерінің корпоративтік облигациялары – 12,25%, шетелдік эмитенттердің корпоративтік облигациялары – 11,61%.Ұлттық валютадағы инвестициялар – портфельдің 74,12%, АҚШ долларымен 25,88%.2025 жылдың 1 қыркүйегіндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 12,85% болды."BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.09.2025ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 2,98 млрд теңге.ҚР квазимемлекеттік ұйымдардың облигацияларына – 17,81%, ҚР ЕДБ облигациялары – 17,48%, ҚР эмитенттерінің корпоративтік облигацияларына – 16,33%, ҚР ҚМ МБҚ-ға 16,05%, РЕПО – 9,30%, АҚШ мемлекеттік облигацияларына – 5,40%, шетелдік эмитенттердің акциялары мен депозитарлық қолхатары – 3,83%, ҚР резиденттері-эмитенттерінің акциялары мен депозитарлық қолхаттарына – 3,42% инвестицияланды.Ұлттық валютада портфельдің 69,03%, АҚШ долларында – 30,97% инвестицияланды.2025 жылдың 1 қыркүйегіндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 16,14% болды."Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2025 жылғы 1 қыркүйектегі жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері шамамен 38,55 млрд теңге болды.Портфель құрылымындағы негізгі инвестициялардың сипаты мынадай: ҚР ҚМ МБҚ – 23,31%, РЕПО – 16,96%, ҚР ЕДБ облигациялары – 9,78%, шетелдік эмитенттердің корпоративтік облигациялары – 9,52%, шет мемлекеттердің МБҚ – 8,59%, МҚҰ – 8,47%, Exchange Traded Funds (ETF) пайлары – 6,51%, ҚР эмитенттерінің корпоративтік облигациялары – 5,62%, Қазақстан Республикасының квазимемлекеттік ұйымдарының облигациялары – 3,14%, шетелдік эмитенттердің акциялары мен депозитарлық қолхаттары – 2,79%, ҚР эмитенттерінің акциялары мен депозитарлық қолхаттары – 2,70%.   Ұлттық валютадағы құралдарға портфельдің 59,33%, АҚШ долларында – 40,67% инвестицияланды.2025 жылдың 1 қыркүйегіндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 13,25% болды."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге сала кетейік, 2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға  оны ИПБ-ға 100% көлемінде беруге болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).    [1] зейнетақы жарналары мен төлемдер шоттарындағы ақшаны есепке алмағанда     Ақпарат көзі : https://www.gov.kz/memleket/entities/social-abay/press/news/details/1090556?lang=kk

Қонаевта сүт безі қатерлі ісігіне қарсы айлық аясында «Қызғылт қазан» марафоны өтті.Оған 150-ге жуық әйел қатысты. Марафоншылар түрлі жас категориялары бойынша сынға түсті. Сондай-ақ қаланың белсенді жасы 50-ден асқан тұрғындары скандинавиялық жүріс бойынша жарысты.Марафоншылар Жамбыл көшесіндегі аллея арқылы жағажайға дейінгі және қайтар бағыттағы жолды еңсерді.«Қоғамда әйелдердің орны бөлек. Нәзік жандыларсыз біздің өмірді елестету мүмкін емес. «Қызғылт қазан» айы сіздердің денсаулықтарыңызға, қатерлі ісіктің алдын алуға бағытталған ай. Тәні саудың – жаны сау. Сол себепті үнемі дәрігерлерге тексеріліп жүруге кеңес береміз. Марафонда баршаңызға сәттілік тілеймін!» – деді қала әкімінің орынбасары Төлеген Кенжебеков ашылу салтанатында.Ал қалалық көпсалалы аурухана директорының орынбасары Айсұлу Оңғарова сүт безі қатерлі ісігі жайлы деректерге тоқталып өтті.«Қызғылт қазан» – тек акция емес, бұл ауру туралы ақпараттандыру, қолдау мен әйелдер өмірін өзгертуге көмек көрсету айы. Егер обырды дер кезінде анықтаса, 90% жағдайда емделіп кетуге мүмкіндік бар. Маммологқа тексеріліп, УДЗ-дан жыл сайын өтіп тұрыңыздар. Бүгінгі марафон денсаулыққа ұмтылу мен тек алға бағыт алудың нышаны болсын! Бақыт, шаттық, табыс!» – деді ол.Жарыс нәтижесінде жеңімпаз атанғандарға бағалы сыйлықтар, медальдар мен ақшалай сыйлықтар табыс етілді.«30 жасқа дейінгілердің арасында 1-орынды иелендім. Жарыс өтетіні туралы естіген сәттен-ақ қатысуға бел будым. Ұйымдастырушыларға рақмет! Қаламыздың әйелдері аман болсын! Марафон жоғары деңгейде өтті», – деді Аделина есімді қатысушы пікірін білдіріп.Сонымен қатар жылжымалы медициналық кешенде 65 әйел маммография мен УДЗ-дан тегін өтті.Қонаев қаласының әкімдігі марафонның өтуіне демеушілік көрсетіп, серіктес болған кәсіпкерлерге алғысын білдіреді.Ақпарат көзі : https://www.gov.kz/memleket/entities/almobl-densaulyk/press/news/details/1090557?lang=kk