Қытайдың Үрімші қаласында өткен «Өткір қанжар» халықаралық  мергендер сайысы  өз мәресіне жетті. Әлемнің 18 елінен келген 60-қа жуық снайперлік жұптың қатысуымен өткен бәсекеде Қазақстан Республикасы ІІМ Ұлттық ұланының құрама командасы жоғары нәтижелер көрсетіп, жалпыкомандалық есепте 6-орынға ие болды. Ерекше марапат «Тарзан» лақап атты  сарбазға бұйырды. Ол аңызға айналған «Қанжар» жаттығуында 2018, 2023 және 2025 жылдары   үш мәрте топ жарған жалғыз қатысушы ретінде тарихқа енді.Жарыс барысында қатысушылар нақты ұрыс жағдайына барынша жақындатылған тапсырмаларды орындады. Олар мергендік дәлдік, тактикалық маневрлер, кепілге алынғандарды босату және позицияны жабдықтау элементтері бойынша сайысқа түсті. Барлық бағытта «Burkit Team» құрамасы кәсіби шеберлік пен жоғары үйлесімділікті көрсетті.Қазақстандық команданың (лақап аттары бойынша) ең үздік нәтижелері: «Кепілді босату» жаттығуы:🥇 1-орын — Немец пен Бензема🥉 3-орын — Тарзан мен Дукс(медаль және алғыс хатпен марапатталды)  «Позицияны жабдықтау» жаттығуы:🥉 3-орын — Тарзан мен Дукс(медаль және алғыс хатпен марапатталды) Жұптық мергендік ату бойынша жалпы есеп:6-орын — Немец пен Бензема(дипломмен марапатталды) «Қанжар» жаттығуы — дәлдікті талап ететін ең әсерлі кезеңдердің бірі:Тарзан, Бензема және Саха арнайы турнир символы – «Қанжар» иегерлері атанды. Сонымен қатар, Қазақстан Республикасының снайперлік жұптары ең үздік тактика қолданғаны үшін арнайы Кубокпен марапатталды. Бұл — отандық әскери қызметшілердің кәсіби біліктілігі мен тактикалық сауаттылығын мойындау деп бағаланды.Халықаралық додада абыроймен өнер көрсеткен «Burkit Team» құрамасы жауынгерлік рухты, тұрақтылықты және қазақстандық мергендер мектебінің әлеуетін паш етті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1037312?lang=kk

Брюссель, 2025 жылғы 18 шілде – Қазақстан Республикасының Бельгия Корольдігіндегі Елшісі Роман Василенко Бельгия Сыртқы істер министрлігінің Протокол қызметінің басшысы Пьер Картювельске сенім грамоталарының көшірмелерін ұсынды.21 шілдеде аталып өтетін Бельгия Корольдігінің Ұлттық күні қарсаңында Елші Қазақстан Республикасы Президенті Қасым-Жомарт Тоқаевтың Бельгия Королі Филиппке арналған құттықтау хатын табыстады. Мемлекет басшысы өз жолдауында Бельгия халқына амандық пен өркендеу тіледі.Кездесу барысында тараптар екіжақты ынтымақтастықтың қазіргі жағдайын талқылап, саяси диалогты одан әрі дамытуға және сауда-экономикалық, инвестициялық, ғылыми, мәдени-гуманитарлық салалардағы өзара іс-қимылды кеңейтуге ортақ ниет білдірді.Протокол қызметінің басшысы қазақстандық дипломатты қызметінің ресми басталуымен құттықтап, табыс тіледі.Кездесу соңында тараптар Қазақстан мен Бельгия арасындағы өзара тиімді ынтымақтастықты одан әрі нығайту мақсатында тығыз байланыста болуға уағдаласты.Ақпарат көзі : https://www.gov.kz/memleket/entities/mfa-brussels/press/news/details/1037300?lang=kk

Жарысқа Арнайы операциялар күштерінің, Құрлық әскерлерінің, Әуе қорғанысы күштерінің, Десанттық-шабуылдау әскерлерінің, Астана, Қарағанды және Павлодар қалаларының парашюттік және авиациялық спорт түрлері федерациялары атынан 18 командадан тұратын 50-ден аса парашютші қатысты.Жарыс 22750 әскери бөлімінің базасында "Жоламан-солтүстік" әуеайлағында өтті. Олар арнайы мақсаттағы парашют жүйелерімен екі жаттығуды "қанат:" "жеке дәл қону" және "командалық дәл қону" орындауды қамтыды.Арнайы операциялар күштері қолбасшысының орынбасары подполковник Саят Исанов парашютшілер жарысының аяқталуымен құттықтады. – Бұл чемпионат өз ісінің мамандарын, рухы мықты, бітімі шымыр адамдарды біріктіретін нағыз жарқын оқиға болды. Арнайы операциялар күштері қолбасшылығының атынан барлық қатысушыларға қарқынды дайындық деңгейі, жауынгерлік көңіл-күй және әділ спорттық күрес үшін шын жүректен алғысымды білдіремін. Сендердің әрқайсың тек шеберлік пен кәсібилікті көрсетіп қана қоймай, кез-келген қиындыққа дайын, тәртіпті команданың бір бөлігі қандай болу керектігін көрсеттіңдер, – деді ол.Жарыс қорытындысы бойынша Арнайы операциялар күштері қолбасшысының ауыспалы кубогымен, Семей қ. 74884 әскери бөлімінің құрамасы марапатталып, үздік команда болып танылды."ҚР Қарулы күштерінің Арнайы операциялар күштері командалары арасында сынақ" тобында командалық жаттығуда 74884 әскери бөлімінің парашютшілері чемпион атанды, екінші орында – 22750 әскери бөлімінің 2-ші құрамасы, үшінші орында – сол әскери бөлімнің 1-ші командасы."Жеке дәл қону" жаттығуында 22750 әскери бөлімінің майоры Асқар Тәкіров жеңді, екінші орынды 74884 әскери бөлімінің лейтенанты Аслан Тасимов, үшінші орынды оның әріптесі сержант Жайдар Сембаев иеленді. АОК құрамына кірмейтін құрамалар арасында бірінші орынды Қарағанды облысы Қазақстан авиациялық спорт федерациясының өкілдері, екінші орынды Астана қаласы парашюттік спорт федерациясының "Астана-1" құрамасы, үшінші орынды ҚР Қарулы күштерінің Десанттық-шабуылдау әскерлері "ДШВ-5" командасының спортшылары иеленді.Жеке біріншілікте Алмас Рахымжанов (Қарағанды облысының Қазақстан авиациялық спорт федерациясы, екіншісі – Геннадий Васильев, үшіншісі – Михаил Латышев (екеуі де Астана қаласының Парашюттік спорт федерациясынан) үздік нәтиже көрсетті.Чемпионаттың жеңімпаздары мен жүлдегерлері кубоктармен, дипломдармен, медальдармен және бағалы сыйлықтармен марапатталды. Ақпарат көзі : https://www.gov.kz/memleket/entities/mod/press/news/details/1037293?lang=kk

Жаздың аптабында елдің оңтүстігі қатты ысыды. Тұрғындар мұндайда шомылуға болатын ең жақын су қоймаларына жаппай ағылады. Қонаев қаласының маңында орналасқан Қапшағай су қоймасы мен Алматының орталығындағы Сайран жасанды көлі — осындай демалыс орны екені белгілі.Кішкентай балалары бар отбасылардың жағажайға келуі ерекше алаңдаушылық тудырады.3660 әскери бөлімінің әскери қызметшілері Қапшағай су қоймасының жағасында жоғалған және қараусыз қалған екі баланы тапты. Екеуі де ата-аналарымен аман-есен қауышты.Әскери жасақ командирі, қатардағы жауынгер Азамат Байғұлға кешкілікте жүзінде үрей бар әйел адам келіп жүгінген. Ол он екі жасар ұлын таппай жатқанын айтып, суға батып кетуі мүмкін деген қорқынышы барын жасырмады. Қатардағы Байғұл өз әріптестері — Айбек Тағайхан мен Бақберген Сәріпбекпен бірге жедел іздеу жұмыстарын ұйымдастырады. Көп ұзамай бала  жағажайдың қарама-қарсы жағынан табылып, анасына қайтарылды.Екінші жағдайда да бөлімше командирі, қатардағы жауынгер Қанафия Әбдікәрімнен әйел адам көмек сұраған. Оның айтуынша, төрт жасар қызын ұйықтатып кеткен, алайда біраз уақыттан кейін келгенде қызы ұйықтап жатқан орнында болмаған. Шарқ ұрып іздегенмен, нәтиже болмай, сарбаздарға жүгінген. Командир шұғыл түрде патрульдік топтарға ақпарат таратады. Қатардағы жауынгерлер Әліби Айдархан мен Ержігіт Батырбектің үйлесімді әрекеттері мен ұқыптылығының арқасында балақай табылып, ата-анасына табысталды.Сол күні кешке ұландықтарға Сайран көлінің жағасында бес жасар баланың жоғалып кеткені туралы хабар келіп түседі. 5571 әскери бөлімінің жауынгерлері — әскери жасақ бастығы қатардағы Абзал Иманқұлов, сондай-ақ қатардағы Жанболат Мұса мен Шерхан Жүсекеев баланы тез арада тауып, анасына тапсырды.— Соңғы кездері балалардың жағажайларда адасып кету жағдайлары жиілеп кетті. Осыған байланысты біз барлық демалушыларға, әсіресе балалармен келгенде өте мұқият болуды ескертеміз. Ешбір жағдайда баланы қараусыз қалдыруға болмайды. Баланың қауіпсіздігі үшін ең алдымен ата-ана жауапты. Бұл туралы ұмытпауымыз керек! - дейді батальон командирінің орынбасары капитан Бақытжан Момбиев.ҚР ІІМ Ұлттық ұланы су айдындары мен демалыс аймақтарында қауіпсіздік ережелерін сақтауға шақырады. #ЗАҢМЕНТӘРТІП#ЗАКОНИПОРЯДОК ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1037284?lang=kk

Қорғаныс министрлігі Армия орталық спорт клубының базасында дрон сайысынан Қазақстанның алғашқы ашық чемпионаты өтті. Оны өткізуге еліміздің жетекші техникалық жоғары оқу орындарының бірі – Satbayev University бастамашы болды. Жарысқа бес аймақтан 14 ұшқыш, оның ішінде күш құрылымдарының өкілдері қатысты. Бұл отандық дрон спорты үшін маңызды оқиға болды, алғаш рет бір алаңда кәсіпқойларды да, ұшқышсыз басқарылатын құрылғылардың әуесқойларын да біріктірді. Сайысқа қатысушылар арнайы дайындалған тас жолда дрон басқарудағы жоғары жылдамдықты, дәлдікті және техникалық шеберлікті көрсетті.Күштік ведомстволар арасында командалық есепте Десанттық-шабуылдау әскерлерінің құрамасы жеңіске жетті. Екінші орынды Құрлық әскерлерінің өкілдері иеленсе, ал Астанадан келген 68665 әскери бөлімінің командасы үшінші тұғырдан көрінді.Күш құрылымдарының мамандары арасында жеке есепте бірінші орынды Ерсайын Майданқан (Десанттық-шабуылдау әскерлері), екінші орынды Рүстем Сейітжанов, үшінші орынды Ілияс Әбілқасов (екеуі де Құрлық әскерлері) алды.Абсолютті жеке санатта Василий Райков үздік деп танылып, екінші орынды Илья Трофимов, үшінші орынды Ерсайын Майданқан олжалады.– Мұндай чемпионат өткізу – Қазақстанда жоғары технологиялық спорт түрлерін дамытудағы маңызды қадам. Ол әскери және азаматтық құрылымдардағы кәсіби дайындық пен бәсекелестік тәжірибенің элементі ретінде дрон сайысты интеграциялау перспективаларын көрсетті, – деп атап өтті Десанттық-шабуылдау әскерлері ұшқышсыз басқарылатын авиациялық жүйелер қызметінің бастығы подполковник Серік Қалтарбаев.Ақпарат көзі : https://www.gov.kz/memleket/entities/mod/press/news/details/1037278?lang=kk

Шымкент қаласының туристік әлеуетін насихаттау мақсатында Өскемен қаласы және Бурабай кентінде арнайы ақпараттық бұрыштар ашылды. Аталған іс-шара Шымкент қаласының туризм саласындағы мүмкіндіктерін Бурабай мен Өскемен тұрғындары мен қонақтарына таныстыруды көздейді.Ақпараттық бұрыштарда келушілер Шымкенттің тарихи және мәдени нысандары, ойын-сауық орталықтары, қонақ үйлер, мейрамханалар мен туристік қызметтер туралы толық ақпарат ала алады. Сонымен қатар, Шымкенттің гастрономиялық ерекшеліктері мен дәстүрлі фестивальдері туралы мәліметтер ұсынылып, арнайы карталар, буклеттер және басқа да ақпараттық материалдар тегін таратылуда.Ақпараттық бұрыштар тұрғындар мен қонақтарға Шымкенттің туристік әлеуетін таныстыруда маңызды рөл атқарады.Сондай-ақ, қазіргі уақытта Алматы, Түркістан және Самарқанд қалаларында да ақпараттық бұрыштар ашылып, жұмыс істеуде. Алда басқа да қалалардан ашу жоспарда тұр.Айта кетсек, 2024 жылдың 9 айында Шымкент қаласына 387 547 турист келген. Оның ішінде, 24 462 адам шетелдіктер. Соңғы жылдары шаһарға келуші туристер саны артып келеді.

Шымкент қаласының Еңбекші ауданы аумағында 2024 жылы ішкі орам көшелерге жалпы ұзындығы 10 шақырым аяқ жол құрылысы жүргізілген болатын. Одан бөлек, Тәуке хан даңғылы бойындағы аяқ жолдар қайта қалпына келтірілді. Бұл өз кезегінде тұрғындардың ыңғайлы жүріп-тұруына септігін тигізіп, қауіпсіздікті қамтамасыз етеді. Аталған жұмыстар жалғасын тауып, аудан аумағында биыл 13 шақырым аяқ жол салу жоспарлануда.Сонымен қатар, 2025 жылы ауданда 2 үлкен жоба іске асырылады. Атап айтқанда, бүгінде Момынов және Тленшин көшелеріндегі теміржол өткелінің құрылысы жүргізілуде. Бұл жобалар кептелістердің алдын алып, тұрғындарға қолайлы жағдай жасайды.

Бразилиа, 2025 жылғы 18 шілде – Домбыра күніне арналған онлайн форматтағы шара аясында «Қазақстан-Чили» достық қоғамының «Ұлы даланың үні – домбыра арқауымен» тақырыбындағы төртінші отырысы өтті.Іс-шара барысында Қазақстанның Бразилиядағы және Чилиде қоса атқарушы Елшісі Болат Нүсіпов, Латын Американың энергетикалық ұйымы ОLADE-нің Бас хатшысы – Қазақстанның Чилидегі Құрметті консулы Андрес Ребольедо, Қоғамның Атқарушы директоры Марсия Алехандра Кастро Сепульведа, Чили университетінің оқытушылары мен студенттері, сондай-ақ Достық қоғамының басқа мүшелері де сөз сөйледі.Қазақстан Елшісі Болат Нүсіпов өз сөзінде елде жүргізіліп жатқан реформалар аясындағы Қазақстанның қазіргі дамуымен, сондай-ақ Қазақстан мен Чили арасындағы ынтымақтастықтың негізгі бағыттарымен таныстырды. Осы тұрғыда биыл Чили Парламентінде Достық тобының құрылғаны және чилилік ME-Elecmetal компаниясының Қазақстанда инвестициялық жұмысын бастағаны атап өтілді.Қазақстандық дипломат отырыс қатысушыларына екі ел арасындағы ынтымақтастықты нығайтуға қосқан белсенді үлестері үшін алғыс білдіріп, мұндай форматтағы кездесулердің екіжақты және көпжақты диалогтың қосымша арнасы ретінде іс жүзіндегі маңыздылығын атап өтті.Чилилік танымал музыкант Мария Аргентина Муньостың домбырамен орындаған Құрманғазының «Ақжелең» мен «Кісен ашқан» атты әйгілі күйлері, қатысушылардың ерекше ықыласын тудырды. Сондай-ақ Франсиска Каррасконың чилилік ұлттық аспап — чарангоның рөлі, Марсия Алехандра Кастро Сепульведаның қазақтың ұлттық аспабы — домбыраның символизмі және Латын Америкасы елдері жөніндегі сарапшы Ануар Теміровтың Ұлы даланың қазақ халқы үшін маңызы туралы испан тіліндегі мазмұнды баяндамалары тыңдалды.Мәлім болғандай, 2025 жылғы 19 тамызда Қазақстан мен Чили, екі ел арасындағы дипломатиялық қатынастар орнатылуының 32 жылдығын атап өтеді. «Қазақстан-Чили» достық қоғамының келесі бесінші отырысын 2026 жылғы жазда өткізу жоспарлануда.Ақпарат көзі : https://www.gov.kz/memleket/entities/mfa-brazil/press/news/details/1037270?lang=kk

ҚР Парламенті Сенатының депутаттары Байқадамов Наурызбай Сейтқалиұлы мен Рүстемов Руслан Рүстемұлы, сондай-ақ ҚР Парламенті Мәжілісінің депутаты Ергешбаев Мұрат Нәлқожаұлы жұмыс сапарымен Қармақшы ауданына келді.Сапарға Қармақшы ауданының әкімі Жандос Еркінбек, «AMANAT» партиясының Қызылорда облыстық филиалының төрағасы Алмасбек Есмаханов және салалық құрылым басшылары қатысты.Депутаттар алдымен Жаңажол ауылдық округіндегі «Жаңажол» жауапкершілігі шектеулі серіктестігінің егіс алқаптарында болды. Мұнда олар күріш алқаптарының жай-күйі мен бақша дақылдарының өсірілу барысымен танысты. Сонымен қатар, шаруашылықтарда қашыртқы суларын екінші рет пайдалану арқылы егін алқаптарын сумен қамтамасыз ету тәжірибесі көрсетілді.Сапар барысында ҚР Парламентінің өкілдері серіктестікке қарасты алма бағының жұмысын көріп, тамшылатып суару технологиясының қолданылуымен танысты. Аталған технология заманауи тәсілдерге негізделіп, су үнемдеу мен өнімділік көрсеткіштерін арттыруға бағытталған.Мұнан кейін депутаттар Дүр Оңғар, Иіркөл және Төребай би ауылдарындағы газдандыру жобаларына арналған стендтік таныстырылымға қатысты. Жоба аясында ауылдық елді мекендерге газ құбырлары мен орамішілік желілер тарту жұмыстары жүргізілуде. Депутаттарға жобаның кезеңдері мен қаржыландыру көздері жөнінде тиісті сала мамандары ақпарат берді.Жұмыс сапары аясында Парламент мүшелері инфрақұрылымдық жобалардың жүзеге асырылуы мен ауыл шаруашылығы саласындағы өзекті мәселелерге назар аударып, ұсыныстарын білдірді. Сонымен қатар, халықтың өмір сүру сапасын арттыру бағытында атқарылып жатқан жұмыстарға оң бағасын берді.Ақпарат көзі : https://www.gov.kz/memleket/entities/kyzylorda-karmakshy/press/news/details/1037243?lang=kk

Қызылорда қаласының астана болғанына 100 жыл толуына орай ұйымдастырылған «Тарихтың таңбасы, рухтың ордасы – Қызылордам» атты облыстық өнер байқауында Қармақшы ауданы жүлделі І орынды иеленген болатын.Осыған орай, Қармақшы ауданы әкімдігінде аудан әкімі Жандос Еркінбектің қатысуымен байқауға қатысқан мәдениет және өнер саласының қызметкерлерін арнайы қабылдау рәсімі өтті.«Қызылорда қаласының астана болғанына 100 жыл толуына орай жоғары деңгейде ұйымдастырылған «Тарихтың таңбасы, рухтың ордасы – Қызылордам» атты облыстық өнер байқауы өткен болатын. Осы мерекелік кеште аудандар арасында топ жарып, киелі Қармақшы ауданының өнер ұжымдары жоғары дайындық пен кәсіби шеберліктің нәтижесінде жүлделі І орынды иеленіп, аудан мерейін асқақтаттыңыздар! Бұл жетістік – Қармақшы ауданының өнер мен мәдениет саласындағы, яғни, өздеріңіздің бірлесе жасаған жүйелі жұмыстың жемісі! Сонымен қатар, мерекелік бағдарламада ауданымыздың мерейін асқақтатып, ел алғысын алып жүрген ақтангер айтыскер Серік Ыдырысов, Нұржан Шөмекей секілді тұлғаларымыздың атсалысуы да рухани кештің жоғары деңгейде өтуіне серпін болды.Алдағы уақытта да Қармақшы ауданы алдыңғы қатардан көріне беруіне тілектеспін»,-деді аудан әкімі.Шара барысында аудан басшысы өнер майталмандарына аудан абыройын асқақтатқан еңбектері үшін ризашылығын білдіріп, аудан әкімінің атынан алғыс хаттар табысталды.Сонымен қатар, аудандық “Әжелер ансамблі” ұлттық әндер шырқап, салтанатты қабылдауға ерекше рухани кеш сыйлады.Кездесуде аудандық ардагерлер кеңесінің төрағасы Асқар Мереков, қоғамдық кеңес төрағасы Әбдірахман Құлдүйсенов және алғыс хат иелері сөз сөйлеп, байқаудың жоғары деңгейде өтуіне атсалысқан мамандарға алғыстарын білдірді.Аудан әкімі шығармашылық ұжымның еңбегі жастарға үлгі екенін атап өтіп, мәдениет саласын дамыту бағытындағы қолдау жалғаса беретінін жеткізді.Ақпарат көзі : https://www.gov.kz/memleket/entities/kyzylorda-karmakshy/press/news/details/1037251?lang=kk

KIA ЗАУЫТЫ ІСКЕ ҚОСЫЛАДЫ: KIA CORPORATION БІРІНШІ АТҚАРУШЫ ВИЦЕ-ПРЕЗИДЕНТІ ҚАЗАҚСТАНҒА АРНАЙЫ ІС-САПАРМЕН КЕЛДІЖаңа KIA автозауыты — Қазақстандағы ең ірі өнеркәсіптік жобалардың бірі, отандық машина жасау саласындағы ең ауқымды құрылыс.Бүгін Қостанайдағы KIA зауыты шешуші тексерістен өтті. Оны арнайы келіп, әлем бойынша KIA зауыттарының жұмысына жетекшілік ететін KIA Corporation компаниясының бірінші атқарушы вице-президенті Чон Чжунчхоль тексеріп шықты.KIA Corporation вице-президентінің Қостанай облысына сапары бұл кезеңнің маңыздылығын айқындады: ол кәсіпорынның толық дайындығына жеке өзі көз жеткізді.Зауыт құрылысы рекордтық қысқа мерзімде – 2023 жылдың күзі мен 2025 жылдың жазы аралығында аяқталды. KIA Corporation тарапынан жобаға 117 млрд теңге тікелей инвестиция салынды. Бұл – Оңтүстік Кореядан тыс жерде автомобиль өнеркәсібіне құйылған ең ірі шетелдік капиталдардың бірі. Жалпы инвестиция көлемі – 131,5 млрд теңге.«Бұл – өңір тарихындағы ең ірі шетелдік өндіріс. Қазақстан Президенті Қасым-Жомарт Тоқаевтың қолдауының және барлық құрылымдардың үйлесімді жұмысының арқасында зауыт небәрі бір жарым жылда салынды», — деді Қостанай облысының әкімі Құмар Ақсақалов.Жоба мемлекеттік деңгейде толық инфрақұрылыммен қамтамасыз етілді: жолдар, теміржол тармақтары, инженерлік желілер салынды.Жаңа өндірістің іске қосылуы – инвестициялық көлемі жағынан ғана емес, әлеуметтік әсері тұрғысынан да маңызды. Алғашқы кезеңде 1 500-ден астам жұмыс орны ашылады. Бұл – аймақтағы еңбек нарығын күшейтіп, қостанайлық жастар үшін жаңа мүмкіндіктер ашатын ең ірі жобалардың бірі.Сонымен қатар, автозауыт маңында Локализациялау орталығының құрылысы жүріп жатыр. Бұл жерде тағы 800 адам жұмыспен қамтылады. Орталықта автомобильге арналған орындықтар, шығатын газ жүйесінің бөлшектері және пластикалық элементтер шығарылады.Жаңа зауыттың ерекшелігі – автоматтандырылған және роботтандырылған өндірістік процестер. Кәсіпорын озық автоматтандырылған желілермен жабдықталған, бүгінде онда 67 робот іске қосылған. Бұл зауытты өңірдегі ең заманауи өндіріс орындарының біріне айналдырады.Жоғары технологиялы өндіріс үшін кадрларды дайындау корейлік Dong-Eui университетімен, Ахмет Байтұрсынұлы атындағы Қостанай өңірлік университетімен және жергілікті колледждермен бірлесіп жүзеге асырылды. Бұл зауыт іске қосылмай тұрып-ақ кәсіби мамандардың командасын жасақтауға мүмкіндік берді. Негізгі басымдық – жергілікті мамандарға беріліп отыр.«Біз Орталық Азияда инвестиция салатын елді таңдаған кезде, таңдауымыз Қазақстанға түсті — бұл Еуразияның қақ ортасында орналасқан ел. KIA үшін бұл – өте маңызды әрі стратегиялық жоба, — деді KIA Corporation компаниясының бірінші атқарушы вице-президенті Чон Чжунчхоль. — Қазақстан тарапынан, әсіресе зауыт пен локализациялау орталығының инфрақұрылымын дамытуда көрсетілген қуатты қолдаудың арқасында біз жобаны белгіленген мерзімде іске асыра алдық.Қазір біз автокомпоненттер жеткізушілерін анықтау бойынша жұмыс істеп жатырмыз. Мақсатымыз — негізгі бөлшектерді тікелей Қазақстанда өндіру. Бұл жобаның болашағына сенеміз және Қазақстанмен, Қостанай облысымен ұзақ мерзімді серіктестікті дамытуға ниеттіміз. Жергілікті мамандардың кәсібилігіне ерекше алғыс айтқым келеді – қостанайлық мамандардың дайындығы бізді шынымен таңғалдырды».Ақпарат көзі : https://www.gov.kz/memleket/entities/kostanay/press/news/details/1037237?lang=kk

Хабарландыру! Құрметті салық төлеушілер!Алматы қаласы Әуезов ауданы бойынша Мемлекеттік кірістер басқармасы (жөндеу жұмыстары жүргізілуіне байланысты) «Абай» бизнес-орталығының ғимаратына уақытша көшеді.Мекенжайы: Алматы қаласы, 8-шағынаудан, 4а үй.Ақпарат көзі : https://www.gov.kz/memleket/entities/kgd-almaty/press/news/details/1037179?lang=kk

        «Кеден» ақпараттық жүйесін кезең – кезеңімен енгізу жөніндегі жұмыстарды жалғастыру шеңберінде Еуразиялық экономикалық одақтың кедендік аумағына көліктің барлық түрлерімен әкелу болжанатын тауарларды алдын ала хабардар етуді ұсыну функционалы (бұдан әрі-алдын ала ақпарат) табысты жұмыс істейді.       Кеден органдары алдын ала ақпаратты кедендік операциялар жасауды жеделдету және кедендік бақылау жүргізуді оңтайландыру үшін пайдаланады.      Өз кезегінде, алдын ала ақпарат беру тауарлар мен көлік құралдарының өткізі пунктеріне келуін электрондық тіркеу арқылы кедендік операцияларды және аралас қызметтердің (ветеринариялық, фитосанитариялық, карантиндік және т.б.) интеграцияланған бақылауынан өту мерзімдерін қысқартуға мүмкіндік береді, сыртқы экономикалық қызметке қатысушылар барлық бақылауды электрондық форматта өтеді.       Аралас қызметтердің интеграцияланған бақылауынан өту (ветеринариялық, фитосанитариялық, карантиндік және т.б.) кезінде «Кеден» АЖ автоматты режимде ЕАЭО СЭҚ ТН кодтары деңгейінде қандай да бір бақылаудан өту қажеттігін айқындайды.      Алдын ала ақпарат электрондық транзиттік декларацияға айналдыруға мүмкіндік береді, осылайша сыртқы экономикалық қызметке қатысушылар транзиттік декларацияның өзін толтыруға уақытты үнемдейді.      Алдын ала ақпараттандыру модулін енгізу есебінен транзиттік декларацияларды ресімдеу, тіркеу және шығару уақыты 30 минуттан 10 минутқа дейін қысқарды.      «Кеден» АЖ енгізілген сәттен бастап 2025 жылғы 16 қараша мен 2025 жылғы 30 маусым аралығында 1 312 мыңнан астам алдын ала ақпарат тіркелді оның ішінде транзиттік декларацияға түрлендірілді 660 мың, 280 мың транзиттік декларацияны қолмен толтырылды.      Кедендік операциялардан өтуді жеделдету мақсатында сыртқы экономикалық қызметке қатысушылардың алдын ала ақпарат беруге шақырамыз. Ақпарат көзі : https://www.gov.kz/memleket/entities/kgd/press/news/details/1037187?lang=kk

Абу Даби, 2025 жылғы 18 шілде – ҚР БАӘ-дегі Елшісі Рауан Жұмабек Ислам және уақыптар істері жөніндегі Бас басқарма төрағасы Омар Хабтур әл-Дареймен   кездесті.Қазақстан Елшісі екі мемлекет арасындағы жан-жақты ынтымақтастықтың оң динамикасына назар аударып,  Ислам және уақыптар істері жөніндегі Бас басқарма еліміздің дінаралық диалог орнату бастамаларына әрдайым қолдау көрсетіп келе жатқанын атап өтті.  Өз кезегінде Омар әл-Дарей жаһандану және діндер мен мәдениеттердің араласуы дәуірінде бейбітшілікті сақтау және халықтар арасында ынтымақтастықты нығайту маңыздылығына тоқталды. Оның айтуынша, бұл бейбіт қатар өмір сүру ұстанымына сай келеді.Тараптар толеранттылық және өзгеге құрметпен қарау сияқты құндылықтарды ілгерілету мәселелеріне мән берді.Кездесу соңында Ислам және уақыптар істері жөніндегі Бас басқарма төрағасы Қазақстанның дінаралық диалогты дамытуға бағытталған барлық іс-шараларына қолдау көрсететінін атап өтіп, Әлемдік және дәстүрлі діндер лидерлерінің VІІІ Съезіне қатысатынын растады.Ақпарат көзі : https://www.gov.kz/memleket/entities/mfa-abudhabi/press/news/details/1037140?lang=kk

Іс-шара барысында сала ардагерлері мен қазіргі қызметкерлерге Қазақстан Республикасы Ауыл шаруашылығы министрлігінің және Жамбыл облысы әкімінің Құрмет грамоталары, салалық төсбелгілер мен Алғыс хаттары табыс етілді. Марапатау рәсімінде сөз алған басқарма басшысы Нартай Егембердиев пен Шу-Талас облысаралық бассейндік балық шаруашылығы инспекция басшысы Кабдугалиев Азамат Абатайұлы сала ардагерлері мен қызметкерлерін кәсіби мерекелерімен құттықтап, жылы лебіздерін білдірді.Бұл марапаттар – балық шаруашылығы саласына сіңірген еңбектің, табиғатты қорғау мен су ресурстарын тиімді пайдаланудағы кәсіби шеберліктің айқын дәлелі.Сала қызметкерлерін кәсіби мерекелерімен шын жүректен құттықтай отырып, оларға зор денсаулық, отбасылық амандық және еңбектеріне жеміс тілейміз.Ақпарат көзі : https://www.gov.kz/memleket/entities/zhambyl-tabigat/press/news/details/1037078?lang=kk

📍 Вице-министр Шымкентте!Қазақстан Республикасының Цифрлық даму, инновациялар және аэроғарыш өнеркәсібі вице-министрі Дмитрий Мун жұмыс сапарымен Шымкент қаласына келді.💡 Сапар барысында қалада жүзеге асырылып жатқан цифрлық жобалармен танысып, атқарылып жатқан жұмыстарға оң бағасын берді.🌐 Цифрлық шешімдер – халыққа сапалы қызмет көрсетудің және өмір сапасын арттырудың басты тетігі.Шымкент осы бағытта қарқынды дамып, ақылды қала жолында сенімді қадам жасап келеді.🤝 Цифрлы болашаққа бірге қадам басайық!Ақпарат көзі : https://www.gov.kz/memleket/entities/shymkent-sandyk/press/news/details/1037091?lang=kk

Жұмысшы мамандықтар жылы – 2025Комбайншы – алтын дәннің аманаты!Егістік алқабындағы тынымсыз еңбек иесі – комбайншы. Ерте көктемнен күзгі орақ науқанына дейінгі маусымда олардың еңбегі елдің азық-түлік қауіпсіздігін қамтамасыз етеді. Күн-түн демей жұмыс істейтін бұл мамандық иелері – шынайы еңбек ерлері.Заманауи техниканы меңгеріп, үлкен жауапкершілікпен жұмыс атқаратын комбайншылар – ауыл шаруашылығының алдыңғы шебінде.Олар жинаған әрбір дән – еліміздің ырысы мен берекесі!#ЖұмысшыМамандықтарЖылы2025# ГодРабочихПрофессий# Комбайншы

 2025 жылы Шымкент қаласында жергілікті бюджет есебінен шілде-тамыз айларында 9 693 баланы жазғы демалыспен қамту жоспарланған. Бұл бастама ҚР Үкіметінің №64 қаулысына сәйкес әлеуметтік 5 санатқа жататын балаларды сауықтыру және тиімді демалыспен қамтамасыз етуге бағытталған.Балалар демалысын Машат-Арасан, Бекзат Саттарханов атындағы лагерь, Қарлығаш, Үш бұлақ, Таң-Шолпан, Көктөбе, Айсанар сынды қала сыртындағы сауықтыру лагерьлерінде өткізуде.📊 2025 жылғы 16 шілдедегі жағдай бойынша жазғы демалыспен 3 131 бала қамтылды. Қалған балаларды кезең-кезеңімен лагерьлерге жолдау жалғасып жатыр.Лагерьлерде балалар тек демалып қана қоймай, түрлі тренингтер мен қызықты ойындар арқылы жаңа дағдылар қалыптастырып, командалық жұмысқа үйренеді. Жазғы демалысты ұйымдастыруда балалардың қауіпсіздігі; сапалы тамақтануы; медициналық қызметпен қамтамасыз етілуі; бос уақытын тиімді өткізу сынды мәселелер басты назарда.Бұл жұмыстардың барлығы балалардың денсаулығын нығайтып, жаңа оқу жылына сергек әрі дайын оралуына жағдай жасайды.

2025 жыл – еңбек адамдарының қадірін арттыратын ерекше жыл. Солардың бірі – ақ халатты абзал жан дәрігер. Оның әр күні – адам өмірі үшін күрес, әр сәті – жауапкершілік пен жанқиярлықтың айғағы. Дәрігер болу – жүректен шыққан мамандық.#ЖұмысшыМамандықтарЖылы #Годрабочихпрофессий #Дәрігер

2025 жылғы 18 шілдеде Мемлекет басшысы жаңа Салық кодексіне және салық заңнамасына түзетулер енгізілген ілеспе заңға қол қойды.Жаңа кодексте салықтық әкімшілендіруді жаппай оңайлату көзделген:есептілік 30%-ға, салық 20%-ға азайтылады,салықтық жеңілдік пен алым оңтайландырылады,салықтық әкімшілендірудің жаңа тәсілдері: камералдық бақылау профилактикалық және кезеңдік сипатта болып, салық берешегін өндіріп алу, кейінге қалдыру және бөліп төлеу рәсімі жеңілдетіледі. Берешек сомасы аз болса, бизнестің шоты бұғатталмайды. Хабарлама мен шара қарыз сомасына байланысты кезең-кезеңімен қолданылады.Негізгі өзгерістер:ҚҚС базалық мөлшерлемесі-16%, ҚҚС:дәрі-дәрмек пен медициналық қызметке 2026 жылдан бастап 5%, 2027 жылдан бастап 10%,отандық мерзімдік басылымды сату 10%-ға төмендетіледі,ТМККК, МӘМС, археология, кітап басып шығару ҚҚС-тан босатылады,ҚҚС бойынша міндетті тіркеу шегі 10 мың АЕК-ке (40 млн теңге) төмендетілді.Жеке табыс салығы:БЖЗҚ зейнетақы төлемдері босатылады,табысы жылына 8500 АЕК-тен жоғары азаматтарға 15% және табысы жылына 230 000 АЕК-тен жоғары жеке тұлғалардың дивидендтері мен кәсіпкерлерге 15% прогрессивтік шкала енгізіледі,мүгедектігі бар адамдарға әлеуметтік шегерімді 882-ден 5 000 АЕК-ке ұлғайту ,табысы 230 000 АЕК-тен асатын фермерлерге 70% жеңілдік сақтала отырып, салық жылына 4,5%. 10 жылдан асқан көлікке салық төмендейді.Корпоративтік табыс салығы: Базалық мөлшерлеме – 20%,Жоғары тарифтер:банктерге (ШОБ кредитін қоспағанда) және ойын бизнесіне 25%, әлеуметтік саладағы ұйымдарға 2026 жылдан бастап 5%, 2027 жылдан бастап 10%,ауыл шаруашылығы өндірушілеріне 3% сақталады.Бизнес пен инвесторларға арналған салықтар:биржалық бағалы қағаздардың дивидендтерінен түсетін кіріс жеңілдігі сақталады,«Бәйтерек» холдингінің бағалы қағаздарынан түсетін кіріс 2031 жылға дейін КТС-тен босатылады,пайдалы қазбаларды қайта өңдеу мен геологиялық барлауға жеңілдік, жаңа жобаларға 5 жылға нөлдік ПҚӨС қарастырылған.Сән-салтанат салығы Құны 75 млн теңгеден асатын автомобильге, 100 млн теңгеден басталатын ұшаққа, яхта мен қайыққа, қымбат алкоголь мен сигара сияқты тауарларға 10% акциз енгізіледі. Егер барлық жылжымайтын мүлік объектісінің құны 450 млн теңгеден асатын болса, мүлік салығы артады. Мәслихаттар мұндай объектілердің бағалау құнын 50%-ға дейін жоғарылата алады.Салық кодексі 2026 жылғы 1 қаңтардан бастап күшіне енеді.Ақпарат көзі : https://www.gov.kz/memleket/entities/economy/press/news/details/1036878?lang=kk