Аудан әкімі Берік Сәрменбаевтың төрағалығымен актив отырысы өтіп, Сырдария ауданының төтенше жағдайлар бөлімінің бастығы қызметін атқарып келген азаматтық қорғау подполковнигі Қанат Шарафадиновты басқа қызметке ауысуына байланысты құрметпен шығарып салды. – Қанат Шарафадинұлы 2023 жылдың қазан айынан бастап бүгінгі күнге дейін аудандық төтенше жағдайлар бөлімін басқарып, ауданның азаматтық қорғау жүйесінің дамуына зор үлес қосты. Аймақ басшысы Нұрлыбек Машбекұлы Нәлібаевтың тапсырмасымен елді мекендерде Төтенше жағдайлар бекеттерін ашу жұмыстарын жүйелі ұйымдастыра білді. Кәсіби шеберлігінің арқасында төтенше жағдайлардың алдын алу және олардың салдарын жою бойынша жүйелі іс-шаралар өткізді. Осындай жауапты қызметті абыроймен атқарғаны үшін Өзімнің және аудан халқы атынан шынайы алғыс білдіремін, – деді Берік Әбдіғаппарұлы. Жиында Қанат Шарафадиновке ауданның әлеуметтік-экономикалық дамуына, азаматтық қорғау саласын қамтамасыз етуге қосқан үлесі үшін ауданның ең жоғарғы марапаты – «Құрмет грамотасы» табысталды. Актив отырысына қатысушылар азаматтық қорғау подполковнигінің жаңа қызметіне сәттілік тіледі.Ақпарат көзі : https://www.gov.kz/memleket/entities/kyzylorda-syrdarya/press/news/details/1089436?lang=kk

Кездесу барысында қараусыз қалған жануарлардың санын азайту, оларды ұстау жағдайларын жақсарту бойынша өзекті шаралар талқыланды.Бүгінгі күні, жұмыс тобының бұрын әзірленген ұсынымдарына сәйкес, Өскемен қаласында қаңғыбас жануарлардың жағдайын жақсартуға бағытталған бірқатар іс-шаралар іске асырылды. Атап айтқанда:- үйсіз жануарларды зарарсыздандыруға қаражат бөлінді;- зообақылау ұйымдарының өкілдерін тарта отырып, қараусыз қалған жануарларды аулау ұйымдастырылды;- жануарларға арналған жеке баспаналармен ынтымақтастық орнатылды - Шығыс Қазақстан облысының ветеринария басқармасы жануарларды вакцинациялау және зарарсыздандыру жұмыстарына мониторинг жүргізді;- үй жануарларын чиптеу жұмыстары басталды.Отырыс қорытындысы бойынша үй жануарлары иелерінің жауапкершілігін арттыруға және қоғамда жануарларға жауапкершілікпен қарау мәдениетін қалыптастыруға бағытталған бірқатар қосымша ұсыныстар әзірленді.- жергілікті жерлерде жұмысты тіркеу үшін аулау қызметінің қызметкерлерін бейнежетондармен (кеуде камераларымен) жарақтандыру;- жануарларды күтіп-ұстау қағидалары туралы халықты хабардар ету және олардың сақталуын бақылау мақсатында мәслихат, қоғамдық ұйымдар мен аумақтық қызметтер депутаттарының қатысуымен бірлескен аула аралауларды тұрақты негізде жүргізу;- балалар қаңғыбас жануарларды кездестірген кезде өзін қалай қауіпсіз ұстау керектігін түсінуі, агрессия көрсетпеуі және оларға деген адамгершілік қатынасты қалыптастыруы үшін қала мектептерінде барлық мүдделі тараптардың қатысуымен жүйелі түрде ақпараттық-түсіндіру іс-шараларын жүргізу. Сондай-ақ, жануарларға адамгершілікпен қарау, үй жануарларын чиптеу қажеттілігі және ұстау ережелерін бұзғаны үшін иелерінің жауапкершілігі туралы бейнероликтерді, баннерлерді тұрақты негізде орналастыру жоспарлануда.Жұмыс тобы мемлекеттік органдардың, депутаттар мен қоғамдық ұйымдардың күш-жігерін біріктіре отырып, өз қызметін жалғастырады. Ақпарат көзі : https://www.gov.kz/memleket/entities/ukmaslihat/press/news/details/1089425?lang=kk

Өскемен қалалық мәслихатында әкімдік бөлімдерінің, «Алматы қаласының көлік холдингі» ЖШС («ONAY!») филиалы өкілдерінің, Жолаушылар тасымалын басқару орталығы ЖШС, сондай-ақ қалалық тасымалдаушылардың қатысуымен Өскемен қаласында тасымалдаушыларды субсидиялау тәртібін қарау бойынша қалалық мәслихаттың тұрақты комиссияларының бірлескен отырысы өтті.Кездесу барысында қалалық қоғамдық көлікте жол жүруге арналған есептік тарифті қалыптастыру тетігі егжей-тегжейлі қаралды, жолаушылар тасымалына арналған тариф қалыптастырылатын негізгі құрамдас бөліктер, сондай-ақ тасымалдаушыларды бюджеттен субсидиялау тәртібі талқыланды.  Сонымен қатар, қосымша танысу үшін мәслихат депутаттары «ONAY!»  орталығына барды, онда қоғамдық көлік жұмысының мониторингі жүйесімен және жол ақысын төлеудің электрондық жүйесінің жұмыс істеуімен танысты. Бұдан басқа, қалалық маршруттардың ұзақтығына егжей-тегжейлі талдау жүргізілетін болады.Кездесу қорытындысы бойынша депутаттар қоғамдық көлік жұмысын жақсартудың және қозғалыс кестесін сақтаудың маңыздылығын атап өтті.Ақпарат көзі : https://www.gov.kz/memleket/entities/ukmaslihat/press/news/details/1089430?lang=kk

2025 жылдың 16 қазанында Осакаровка ауылындағы No12 жалпы орта білім беретін мектебінде 9-10 сынып оқушылары арасында «Менің кіші Отаным» атты жас тарихшылардың Республикалық зияткерлік байқауының аудандық кезеңі өтті.Байқаудың мақсаты – мектеп оқушыларының зерттеушілік және талдау қабілеттерін дамыту, тарихқа деген қызығушылықты арттыру, патриоттық және азаматтық белсенділікке тәрбиелеу, туған жердің өткені мен болашағына шығармашылық көзқарасты қалыптастыру.Байқауға аудандағы 11 мектептен 20-дан астам өтінім келіп түскен. Қазылар алқасы облыстық кезеңде аудан атынан келесі мектептердің оқушылары қатысады деп шешті:«№ 9 гимназия базасындағы тірек мектебі РО» Доминова Камила (10 сынып), Әлихан Бөкейхан атындағы ТМ РО Абишева Мадина (9 сынып) және Жеңісқанқызы Балауса (10 сынып).Жас тарихшыларға сәттілік тілейміз!!!Ақпарат көзі : https://www.gov.kz/memleket/entities/edu-osakarovka/press/news/details/1089393?lang=kk

 Президент Қасым-Жомарт Тоқаев 2025 жылғы 8 қыркүйектегі Қазақстан халқына жолдауында Ұлттық банктің инвестициялық корпорациясы негізінде цифрлық активтердің мемлекеттік қорын құруды ұсынды. Бұл бастама – еліміздің қаржы жүйесін жаңғыртудың және цифрлық экономиканы дамытудың маңызды қадамы болып табылады.Мемлекеттік қордың негізгі мақсаты – жаңа цифрлық қаржы жүйесіндегі болашағы зор активтерден құралған стратегиялық крипторезерв жинақтау. Мұндай резерв ұлттық экономиканың тұрақтылығын арттырып, жаһандық қаржы нарығындағы жаңа үрдістерге бейімделуге мүмкіндік береді.Президент атап өткендей, кәсіпкерлер мен іскер қауым еліміздің цифрлық дамуының негізгі қозғаушы күші болуы тиіс. Цифрлық технологияларды бизнес-процестерге енгізу, инновациялық жобаларды қолдау және блокчейн, финтех салаларын дамыту – Қазақстанның жаңа экономикалық моделінің басты бағыттарының бірі.Цифрлық активтердің мемлекеттік қорының құрылуы елдің инвестициялық тартымдылығын арттырып қана қоймай, ұлттық мүддеге сай жаңа экономикалық мүмкіндіктер ашады. Бұл бастама елімізді өңірдегі цифрлық және қаржылық орталықтардың біріне айналдыруға жол ашады.#ЦифрлықҚазақстан #ПрезидентЖолдауы #ҚасымЖомартТоқаев #ҰлттықБанк #Крипторезерв #Инновация #ЦифрлықЭкономика #БолашаққаБастыҚадам

16 қазанда Алматы қаласының Кәсіпкерлер палатасында білім беру және денсаулық сақтау салалық кеңесінің отырысы өтті.Кездесу барысында Қазақстан Республикасының жаңа Салық кодексінің нормаларын түсіндіруге байланысты өзекті мәселелер қаралды.Салық саласындағы өзгерістер бойынша түсіндірмелерді Алматы қаласы бойынша Мемлекеттік кірістер департаментінің өкілдері түсіндірді:- Омаров Азат Сапарғалиұлы, Департамент басшысының орынбасары;- Успанов Нұрлыбек Булатұлы, Жеке кәсіпкерлер мен жеке тұлғаларды әкімшілендіру басқармасының басшысы;- Талғат Данияр Талғатұлы, Камералдық мониторинг бөлімінің басшысы;- Албаева Айжан Нажманқызы, Бостандық ауданы бойынша МКБ басшысының орынбасары.Мұндай кездесулер кәсіпкерлік қауымдастыққа салық салу, әкімшілендіру және реттеу бойынша практикалық мәселелерді тікелей талқылауға, сондай-ақ уәкілетті органдардан кері байланыс алуға мүмкіндік береді.Ақпарат көзі : https://www.gov.kz/memleket/entities/kgd-almaty/press/news/details/1089320?lang=kk

Жұмыс сапары аясында Алматы облысының әкімі Марат Сұлтанғазиев Талғар, Қарасай және Іле аудандарында болып, өңірдің әлеуметтік-экономикалық даму барысымен және инфрақұрылымдық жобалардың жүзеге асырылуымен танысты. Өңір қызметінің басым бағыттарының бірі – құрылыс саласын дамыту және тұрғындарды қолжетімді әрі жайлы баспанамен қамтамасыз ету болып табылады.Облыстың барлық аудандарында тұрғын үй құрылысы қарқынды дамып келеді. 2025 жылдың тоғыз айының қорытындысы бойынша құрылыс саласындағы жұмыс көлемі 21,1%-ға артқан. Бұл көрсеткіш өңірде инфрақұрылымдық бағдарламалардың белсенді орындалып жатқанын және инвестициялық белсенділіктің жоғары деңгейін көрсетеді. Соңғы үш жылда Алматы облысында 177 мың шаршы метр тұрғын үй пайдалануға берілді. Ірі құрылыс жобалары Қонаев қаласында, сондай-ақ Іле, Қарасай және Талғар аудандарында жүзеге асырылуда.Мәселен, Қонаев қаласында инженерлік инфрақұрылыммен толық қамтылған жаңа шағын аудандар салынды. Іле ауданында шамамен 600 отбасы жаңа пәтерлерге қоныстанды. Сонымен қатар, Қарасай мен Талғар аудандарында тұрғын үй, әлеуметтік және коммерциялық нысандардың құрылысы жүргізілуде.Әлеуметтік жағынан осал азаматтарды баспанамен қамту мәселесіне де ерекше көңіл бөлінуде. Соңғы жылдары бұл санаттағы азаматтарға 235 пәтер берілді, жұмыс бұл бағытта жалғасуда.Жұмыс сапары барысында Марат Сұлтанғазиев Іле ауданында салынып жатқан ZERGER тұрғын үй кешенінің құрылыс барысымен танысты. «Монолит» компаниялар тобы жүзеге асырып жатқан бұл жоба өңірдегі ең ірі құрылыс жобаларының бірі болып табылады. Кешен құрамына 46 үй және 1372 пәтер кіреді, құрылыста шамамен 250 маман еңбек етуде.Тұрғын үй кешені заманауи технологиялар мен сапалы материалдарды пайдалану арқылы, барлық нормативтік талаптарға сай салынуда. Аумақта демалыс аймақтары, 360 метрлік жаяу және жүгіру аллеясы, автотұрақ және бейнебақылау жүйесі қарастырылған. Мұндай жобалар тұрғындарға жайлы әрі қауіпсіз өмір сүру ортасын қалыптастырып, құрылыс саласының дамуына және жаңа жұмыс орындарының ашылуына ықпал етеді.Айта кету керек, «Монолит» компаниялар тобы әлеуметтік жауапкершілік қағидаттарын белсенді түрде жүзеге асырып келеді және өңірдің дамуына өз үлесін қосуда. Өткен жылы компания өз қаражаты есебінен олимпиада жүлдегері мен оның жаттықтырушысына екі жаңа пәтер сыйға тартты.Халықты тұрғын үймен қамтамасыз ету – Алматы облысы әкімдігінің басты әлеуметтік басымдықтарының бірі. 2025 жылы өңірде 960 мың шаршы метр тұрғын үй салу жоспарланған, оның 901,5 мың шаршы метрі немесе 93,9% пайдалануға берілді. Бұл өткен жылмен салыстырғанда 116% артық көрсеткішті құрап, өңірдің құрылыс саласының тұрақты дамып келе жатқанын дәлелдейді.Ақпарат көзі : https://www.gov.kz/memleket/entities/almobl/press/news/details/1089311?lang=kk

Ағымдағы жылдың 17 қазанында облыс әкімдігі мен мемлекеттік органдар басқармалары басшыларының қатысуымен Қостанай облысы әкімдігі жанындағы терроризмге қарсы комиссияның жұмыс тобының отырысы өтті. Күн тәртібінде терроризмге қарсы комиссия отырыстарының хаттамалық тапсырмаларын орындау туралы және террористік тұрғыдан осал объектілердің ведомстволық және бейіндік объектілерінің терроризмге қарсы қорғалуының жай-күйіне мониторинг жүргізу мәселесі бойынша әкімдіктің бейінді бөлімшелерінің уәкілетті мемлекеттік органдармен өзара іс-қимылы туралы мәселелер талқыланды.Өткізілген іс-шаралар бойынша мемлекеттік мекемелердің, сондай-ақ әкімдік басқармаларының басшылары тыңдалды.Ақпарат көзі : https://www.gov.kz/memleket/entities/upr-ump-kostanay/press/news/details/1089266?lang=kk

2025 жылғы 17 қазанда қалалар мен аудандар әкімдерінің, Әдеп жөніндегі уәкілдердің барлық деңгейдегі мемлекеттік органдардың бірінші басшыларының, әдеп нормалары мен қызметтік мінез-құлық нормаларын сақтау мәселелері бойынша қатысуымен Қостанай облысы активінің кеңейтілген кеңесі өткізілді.Ақпарат көзі : https://www.gov.kz/memleket/entities/upr-ump-kostanay/press/news/details/1089274?lang=kk

Алматы қаласында Қорғаныс министрлігі Спорт комитеті – Армия орталық спорт клубында әскери ант беру салтанатты рәсімі өтті.Ан берген әскери қызметшілер қатарында атақты спортшы, бокстан екі дүркін әлем чемпионы Алуа Балқыбекова да болды. Ол екі алтын медальдің біріншісін биыл наурыз айында Сербияның Ниш қаласында өткен әлем чемпионатында 50 келі салмақ дәрежесінде ұтса, ал екіншісін қыркүйек айында Ұлыбританияның Ливерпуль қаласында өткен жарыста жеңіп алды.Әскери ант беру оның қызметтік және спорттық мансабындағы маңызды кезең болды.– Погон тағып, Қарулы күштер қатарында қызмет ету – мен үшін үлкен мәртебе. Армия орталық спорт клубында қызмет ету спортта дамуға және Қазақстанды беделді халықаралық турнирлерде танытуыма мүмкіндік берді, – деді А. Балқыбекова.Сол күні қазақ күресінен Азия біріншілігінің жүлдегері, республикалық чемпионаттардың екі дүркін жеңімпазы және V Дүниежүзілік көшпенділер ойындарының жеңімпазы Бақыт Құсақбаева әскери ант қабылдады.Әскери ант бергеннен кейін А. Балқыбекова мен Б. Құсақбаеваға қатардағы жауынгер әскери атағы берілді.Қазақстан Қорғаныс министрлігі спорттың дамуына жан-жақты қолдау көрсетіп келеді. Армия спортшыларының елімізде және әлемдік аренадағы жетістіктері – спортшылардың биік рухы мен Отанға адалдығының жарқын дәлелі.Ақпарат көзі : https://www.gov.kz/memleket/entities/mod/press/news/details/1089255?lang=kk

Бүгін, Шымкент қаласының Өңірлік коммуникациялар қызметі ақпарат алаңында өткен брифингте, Шымкент қаласы әкімдігінің ресми өкілі, қала әкімінің орынбасары – Сәрсен Абайұлы Құранбек төмендегідей мәлімдемеСоңғы уақытта әлеуметтік желілерде Шымкенттегі қоғамдық көлік қозғалысына қатысты түрлі шағымдар тарауда. Әсіресе №52 бағыттағы автобустың оқушыларға толып кетуі туралы видео көпшіліктің назарын аударды.Қала әкімдігі мен жауапты мекемелер мәселені назардан тыс қалдырмай, тиісті шараларды қолға алды. Қазіргі таңда №52 бағыттағы автобус маршруты жұмыс күндері 18 автобуспен 10–15 минуттық интервалда, ал демалыс және мереке күндері 16 автобуспен 15–20 минуттық аралықта қызмет көрсетіп келеді.Тұрғындардың numerous өтініштері мен шағымдарын ескере отырып, маршруттың қозғалыс сызбасы қайта қаралды. Бұрын айналмалы бағытта жүріп, соңғы аялдамасы Қонаев көшесіндегі «ЦУМ» аялдамасында аяқталатын маршрут енді Т. Айбергенов көшесіне дейін ұзартылды. Бұл өзгеріс жолаушылардың діттеген жеріне ыңғайлы жетуіне және автобустарды ауыстырып міну қажеттілігін азайтуға мүмкіндік берді.Сонымен қатар, бейнероликте көтерілген мәселе бойынша қосымша мәлімет: бүгінде қалада шамамен 300 000 оқушы бар, алайда олардың тек 30 647-і ғана жол жүру картасын рәсімдеген. Қалған оқушылар қоғамдық көлікті картасыз пайдаланады, бұл нақты транзакция санының азаюына әсер етіп, заңнамаға сәйкес бағыттағы автобустар санын арттыру мүмкіндігін шектейді.Кей жағдайларда оқушыларда карта болғанымен, валидатор арқылы тіркеу жүргізілмейді. Мұндай әрекеттер қоғамдық көлік қозғалысын тиімді жоспарлауға және жолаушылар ағынын дәл анықтауға кедергі келтіреді.Осы орайда, тұрғындар мен ата-аналарға балалардың жол жүру картасын дер кезінде рәсімдеп, әр сапарда валидаторға тіркеуін қадағалау ұсынылады. Бұл – маршрут сапасын жақсартып, қосымша автобустарды іске қосуға ықпал ететін маңызды қадам.Айта кету керек, бүгінде оқушыларға арналған жол жүру картасын онлайн рәсімдеу мүмкіндігі бар. Енді арнайы барудың қажеті жоқ – jenil.avtobys.kz сайты арқылы оқушының мәліметтерін енгізіп, өтінім берсе жеткілікті. Барлық процесс тегін жүргізіледі. Картаның физикалық нұсқасы талап етілмейді, жол жүру төлемі телефондағы мобильді қосымша арқылы QR кодпен жүзеге асырылады.Осылайша, №52 бағыттағы қозғалыстың жаңартылған сызбасы мен электрондық карта жүйесін кеңінен қолдану Шымкент тұрғындарының қоғамдық көлікті қолайлы әрі тиімді пайдалануына жағдай жасайды. 

 Шымкент қаласында экологиялық ахуалды жақсарту және тұрғындарға жайлы өмір сүру ортасын қалыптастыру мақсатында көгалдандыру мен абаттандыру бағытындағы ірі жобалар жүзеге асырылуда.2025 жылы Абай ауданы аумағында бұрынғы ескі қоқыс полигонының орнына жаңа «Экопарк» саябағының құрылысы басталды. Бұл жоба мегаполистің экологиялық мәдениетін арттырып, тұрғындарға демалыс пен спортқа арналған заманауи кеңістік ұсынбақ. Құрылыс барысында саябақ аумағын көгалдандыру жұмыстары да белсенді жүргізілуде.Демеушілік қолдау аясында «Дани нан» компаниясы саябақ аумағына 5 000 дана ағаш көшетін (рябина, дуб, катальпа, ясень, клен, черемуха, тополь, липа) отырғызуды қолға алды. Әр ағаштың биіктігі 3–7 метр аралығында. Сонымен қатар, «BI GROUP» ЖШС демеушілігімен 9 дана су ұңғымасы қазылып, 13 гектар жерге автоматты суғару жүйесін орнату жоспарланған. Ал «DALA FRUIT» ЖШС қолдауымен 1 800 дана жеміс ағашы отырғызылып, 1 215 м² аумаққа сәндік өсімдіктер егілмек. Сондай-ақ, 8 гектар жерге тамшылатып суғару жүйесі жүргізіледі.Қалалық жайлы ортаны дамыту басқармасы тарапынан да қала көшелерін көгалдандыру жүйелі түрде жүргізілуде. 2025 жылы ұзындығы 54,2 шақырым болатын 27 магистралды көшеде (жалпы көлемі 500 мың м²) газон мен суғару жүйесін жаңарту жұмыстары атқарылды. Көгалдандыру аумақтарын сумен қамтамасыз ету үшін басты көшелерде 32 су ұңғымасы іске қосылды.Көктемгі ағаш егу маусымында жаңадан салынған шағын аудандардың басты көшелеріне 3 000 дана ағаш көшеті (гуджум, шынар, қызғалдақ ағашы) отырғызылса, күзгі маусымда биіктігі 2,5–7 метр болатын тағы 2 600 көшет егілмек.Қала көшелерін көркейту мен гүлзарлардың сәнін арттыру мақсатында мемлекеттік-жекешелік әріптестік аясында 22 000-нан астам көпжылдық гүл (лаванда, можжевельник, анабель, спирея, раушан) отырғызу жұмыстары жүргізілуде.Бұдан бөлек, демеушілік қолдау негізінде жалпы аумағы 1 гектар болатын жылыжай жалға алынып, онда гүл көшеттерін өсіру жұмыстары басталды. Бұл бастама 2026 жылы қала көшелеріне 1,6 миллионнан астам гүл егу жұмыстарын сапалы әрі уақытылы орындауға мүмкіндік береді.Ауқымды жоба Шымкент қаласының көркін арттырып қана қоймай, бюджет қаражатын үнемдеу және экологиялық тұрақтылықты қамтамасыз етуге бағытталған.Шымкент – жасыл желегі мен экологиялық мәдениеті дамыған, тұрғындарына жайлы орта қалыптастыруға ұмтылған заманауи қала болуға нық қадам жасап келеді

Өткен аптада Шымкент қаласында тергеу органдарының өндірісінде 176 қылмыстық іс тіркеліп, оның төртеуі сотқа жолданды. Ең көп тіркелетін қылмыстардың қатарында алаяқтық (62 іс), ұрлық (41 іс) және есірткі заттарының заңсыз айналымы (9 іс) бар. Сондай-ақ жол-көлік оқиғаларына байланысты 8 іс қозғалған.Алаяқтықтың негізгі түрлері интернет арқылы жасалуда. Мәселен, тіркелген 37 интернет-алаяқтықтың ішінде:• әлеуметтік желілердегі тауар жарнамалары арқылы жасалған алдау (16 жағдай),• инвестициялық жарнамалар арқылы азаматтардың қаражатын иемдену (4 жағдай),• өзін банк қызметкері немесе мемлекеттік қызметші ретінде таныстырып, жалған қоңыраулар шалу (12 жағдай),• жалған несиелер рәсімдеу (4 жағдай) орын алған.Мысалы, «С» есімді қала тұрғыны Instagram желісі арқылы iPhone 17 телефонына тапсырыс беріп, 820 000 теңге қаражатын белгісіз тұлғаға аударған. Қазіргі уақытта бұл факт бойынша қылмыстық іс тергеліп жатыр.Құзырлы органдар қала тұрғындарын интернет арқылы тауар сатып аларда барынша сақ болуға, күмәнді жарнамаларға сенбеуге және тек ресми дүкендерге жүгінуге шақырады.Сондай-ақ соңғы уақытта интернет желісіндегі есірткі дүкендерімен байланысты құқық бұзушылықтар көбейген. Мәселен, бір азамат өз банк картасын танысына уақытша пайдалануға берген. Алайда, карта есірткі сату операцияларында қолданылып, соның нәтижесінде иесі заң алдында жауапкершілікке тартылды.Осыған байланысты тұрғындар өздерінің банк карталарын бөтен адамдарға бермеуге және күмәнді ақша аударымдарынан бас тартуға тиіс. Күдікті жағдай байқалса, дереу 102 нөміріне хабарлау ұсынылады.Қала аумағында жол-көлік оқиғаларының да жиілеп кеткені байқалады. Олардың басым бөлігі жылдамдықты арттыру, телефонға алаңдау, жаяу жүргіншілердің жол ережесін бұзуы және масаң күйде көлік басқару салдарынан орын алып отыр. Тек өткен аптада осындай себептермен 8 жол апаты тіркелген.ТЖД мен полиция департаменті жүргізушілерді жол қозғалысы ережелерін қатаң сақтауға, ал ата-аналарды балалардың скутер мен самокатты қауіпсіздік ережесін сақтамай басқаруына жол бермеуге шақырады.Бұдан бөлек, соңғы күндері көпқабатты үйлерде велосипед, бала арбасы және тұрмыстық заттардың ұрлануы жиілеген. 10 қазан күні Нұрсат шағынауданында белгісіз адам пәтерге заңсыз кіріп, алтын бұйымдар мен ақшалай қаражатты ұрлап кеткен.Сондықтан тұрғындарға бейнебақылау камераларын орнату, үйде адам болмайтынын жария етпеу және қырағылықты арттыру ұсынылады.Бұл туралы бүгін, Шымкент қаласы әкімдігінің ресми өкілі, қала әкімінің орынбасары – Сәрсен Абайұлы Құранбек мәлімдеді.

2025 жылы қала аумағында тіркелген газдан улану фактілеріне талдау жүргізіліп, қалалық прокуратурамен бірлескен түрде нақты жұмыс алгоритмі әзірленді. Нәтижесінде жапырақты диаграмма негізінде қызыл аймақтар мен тәуекел аймақтары анықталып, сол аумақтарда мақсатты профилактикалық жұмыстар ұйымдастырылуда.Газдан улану жағдайларын болдырмау және алдын алу мақсатында Шымкент қаласының қалалық орта сапасы және бақылау басқармасына қарасты «Шымкент қалалық газ техникалық қызметі» коммуналдық мемлекеттік мекемесі жүйелі түрде түсіндіру іс-шараларын атқарып келеді.Алгоритмге сәйкес, қызыл аймаққа кіретін «Самал-3», «Ақжайық», «Нұрсәт», «Күншығыс», «Қайтпас», «8 шағын аудан» және «Спорт» шағын аудандарында, сондай-ақ тәуекел аймағына жатқызылған «Самал-1, 2», «11 шағын аудан», «Сайрам», «17 шағын аудан», «Көксай», «Қызылжар», «112 орам», «5 шағын аудан» және «Қарасу» аумақтарында профилактикалық жұмыстар атқарылды.Мекеме мамандары тұрғындарға газ жабдықтарын қауіпсіз пайдалану бойынша түсіндіру жұмыстарын жүргізіп, арнайы жадынамалар таратты. Сонымен қатар, үй ішілік газ құрылғылары техникалық талаптарға сәйкес келмейтін 2025 абонент анықталып, бұл жөнінде тиісті шара қабылдау үшін «QAZAQGAZ AIMAQ» ШӨФ-ке мәлімет жолданды.Қауіпсіздік мақсатында газ жабдығы толық қалпына келтірілгенге дейін 230 үй уақытша газ жүйесінен ажыратылды, ал 1 795 үй бойынша жұмыс жалғасуда.Газ техникалық қызметінің тексерісі барысында адам өміріне тікелей қауіп төндіретін ақауы бар 810 абонент анықталып, кемшіліктер жойылғанға дейін олардың газ жүйелері уақытша ажыратылды.Бұдан бөлек, газ тұтыну жүйелерін пайдалану ережелерін бұзған азаматтарға қатысты әкімшілік шаралар қолданылды. Атап айтқанда, ҚР Әкімшілік құқық бұзушылық туралы кодексінің 306-бабының 1-бөлігіне сәйкес 73 тұлғаға жалпы сомасы 1 030 184 теңге айыппұл салынды. Ал 305-бап бойынша 11 тұлға әкімшілік жауапкершілікке тартылып, жалпы 304 730 теңге айыппұл өндірілді.Қалалық газ техникалық қызметі тұрғындарды тұрмыстық газ жабдықтарын уақтылы тексертіп, қауіпсіз пайдалану ережелерін қатаң сақтауға шақырады. Бұл – адам өмірін қорғаудың және тұрмыстық қауіпсіздікті қамтамасыз етудің басты кепілі.

Қазақстан Республикасы Төтенше жағдайлар министрлігінің Құтқарушылар күні мен 30 жылдық мерейтойын мерекелеу қарсаңында Қостанайда салтанатты іс-шара өтті.Ақпарат көзі : https://www.gov.kz/memleket/entities/upr-ump-kostanay/press/news/details/1089234?lang=kk

Құжаттарға апостиль  қою-  бұл шетелде іс- әрекет етуге қажет құжаттарды  ресімдеуге арналған белгілі бір заңды  талаптарды орындау  әрекеттер  рәсімі. Азаматтар шетелге отбасы  жағдайымен    немесе   оқуға  және т.б бойынша шекарадан өткенде құжаттарға апостиль  қою рәсімі   қолданылады.  Апостиль  бір елге берілген  ресми құжаттың  сенімділігін басқа елдің аумағында  дәлелдеу үшін  қажет. Осыған  байланысты   апостиль     халықаралық  құжат   алмасуда  маңызды  құрал және қазіргі уақытта  мемлекеттік қызметтердің сұранысқа ие түрлерінің  бірі  болып табылады.Әділет  Министрінің міндетін атқарушысымен 27.05.2020 ж. №58  бұйрығымен  бекітілген «Қазақстан Республикасы  органдарынан, сондай-ақ  нотариустарынан  шығатын ресми  құжаттарға  апостиль  қою  мемлекеттік  қызмет көрсету туралы» қағидаларына сәйкес  ӘМ, облыстардың,  Нұрсұлтан, Алматы және Шымкент қалаларының  Әділет Департаменттері  қызмет көрсетуші  болып  табылады.Қызмет көрсетуші  эксаумақтық қағидаты  бойынша  мемлекеттік  қызмет көрсетеді, бұл апостиль  қоюға  болатын құжат  берілген елдің облысына немесе  қаласына  қарамастан  «апостиль» мөртабанын қоюға  мүмкіндік  береді.Мемлекеттік  қызмет алуға  электронды өтінім   электрондық үкімет www.egov.kz  веб-порталы арқылы  қызмет алушының  электрондық цифрлық қолтаңбасын  пайдалана  отырып  бере алады.  Электронды  «апостиль»   мөртабанын  алу  қызметінің  мерзімі 1(бір) жұмыс  күн.Ақпарат көзі : https://www.gov.kz/memleket/entities/vko-katon-karagay/press/news/details/1093744?lang=kk

  Қазақстан Қарулы Күштерінің барлық түрлері мен тектерінде, өңірлік қолбасшылықтарда, әскери бөлімдер мен мекемелерде бөлімдердің жауынгерлік әзірлігі мен қабілеттілігін бағалауға бағытталған қорытынды тексеріс жүргізілу үстінде.  Қорытынды сынақтар тактикалық, арнаулы, атыс, саптық, дене және басқа да дайындық түрлерін қамтиды. Әскери қызметшілер әскери топография, радиациялық, химиялық және биологиялық қорғаныс пәндері бойынша білімдерін көрсетіп, жауынгерлік және автомобиль техникасын жүргізу машығын сынақтан өткізуде.  Бас штаб комиссиялары жеке құрамның дайындық деңгейімен қатар қару-жарақ пен әскери техниканың жағдайын, сондай-ақ бөлімдер мен құрамалардағы жауынгерлік дайындыққа жауапты лауазымды тұлғалардың жұмысының ұйымдастырылуын бағалауда.  Мәселен, «Шығыс» өңірлік қолбасшылығының 54770 әскери бөлімінде Бас штаб комиссиясының қатысуымен әскери қызметшілер жоғары жауынгерлік дайындық дәрежесіне келтіру іс-қимылдарын пысықтап, атыс қаруынан практикалық оқ ату жаттығуларын орындады және атыс дайындығы бойынша нормативтерді тапсырып шықты. Сондай-ақ офицерлік және сержанттық құрамның әдістемелік дайындығы бағаланды.  – Кешенді тексеріс барысында біз жеке құрамның үйлесімділігін, ұйымдасқан жұмысын, олардың дене, атыс, тактикалық және кәсіби дайындығын бағалаймыз, – деп атап өтті комиссия төрағасы, Бас штабтың жауынгерлік дайындық департаментінің бастығы генерал-майор Анатолий Довганюк.  Тексеріс қорытындысы бойынша әскердің жауынгерлік әзірлігінің нақты жағдайы мен оқу жылы ішінде жүргізілген жауынгерлік дайындықтың нәтижелеріне баға беріледі.Ақпарат көзі : https://www.gov.kz/memleket/entities/mod/press/news/details/1089199?lang=kk

«Алтын күз – 2025» салтанатты шарасында Қармақшы ауданы мал шаруашылығымен қатар егін шаруашылығында да айрықша табыстарымен танылды.Атап айтқанда, Орынбасар Төлепов басқаратын «Жаңажол ЖШС» дихандары биылғы науқанда өзгелерден озық шығып, «Озат егін шаруашылығы» марапатымен алдыңғы қатардан көрінді.Шаруашылық 3100 гектар жерге егін егіп, 234 980 центнер Сыр салысын жинады. Бұл – межеленген жоспардан жоғары көрсеткіш.Ала жаздай тынымсыз еңбек еткен дихандар қауымы жылды жемісті аяқтап, ел ықыласына бөленіп келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1089159?lang=kk

Кездесу барысында азаматтарға әділет органдары қызметінің бағыттары бойынша қолданыстағы заңнамаға түзетулері түсіндірілді.Кездесу соңында азаматтардың жеке қабылдауы өткізілді, азаматтарға әділет органдарының қызметіне байланысты сұрақтарға толық жауаптар берілді.Ақпарат көзі : https://www.gov.kz/memleket/entities/adilet-sko/press/news/details/1089138?lang=kk

Бүгін Қызылорда қаласындағы Өнер орталығында ауыл еңбеккерлеріне арналған «Алтын күз – 2025» салтанатты шарасы өтті. Облыс әкімі Нұрлыбек Нәлібаевтың қатысуымен өткен мерекелік жиында ауыл шаруашылығы саласында үздік нәтижеге қол жеткізген аудан, шаруашылықтар мен еңбек озаттары марапатталды.Ауыл шаруашылығының маңызды саласы саналатын мал шаруашылығы бойынша алда келе жатқан Қармақшы ауданы биылғы жылы «ОЗАТ АУДАН» атағына ие болды.2025 жылдың қаңтар-қыркүйек айларында Қармақшы ауданында 37 725 бас мүйізді ірі қара, 65 548 бас қой мен ешкі, 19 339 бас жылқы, 4 589 бас түйе, 23 137 бас құс тіркеліп, жалпы өсімі 2024 жылмен салыстырғанда 100 пайыздан жоғары деңгейде қалыптасып отыр. Ауыл шаруашылығы өнімдерінің жалпы көлемі де 102,7%-ға орындалған.Ауданның бұл жетістігі – жергілікті шаруалардың еселі еңбегінің және жүйелі жұмыстың нәтижесі.Ақпарат көзі : https://www.gov.kz/memleket/entities/kyzylorda-karmakshy/press/news/details/1089155?lang=kk