Қазақстан Республикасының жаңа Конституциясы елдің құқықтық негіздерін жаңаша жүйеге түсіруде маңызды қадам болып табылады. Құжатта әділетті заң мен азаматтардың құқықтары мен бостандықтары мемлекеттің ең жоғары құндылығы ретінде белгіленген.Жаңа Конституция мемлекет пен қоғам арасындағы теңгерімді нығайтып, әділетті заңның үстемдігін қамтамасыз етуге бағытталған. Ол әрбір азаматтың құқықтары мен бостандықтарының қорғалуын кепілдендіріп, қоғамдағы сенім мен тұрақтылықты арттыруға негіз болады.Құжаттың маңызды ерекшелігі — мемлекеттік басқаруда адам факторын басты орынға қоюы. Бұл дегеніміз, мемлекеттің әрбір шешімі мен саясаты адам өмірі мен құқықтарын қорғауға бағытталуы тиіс. Сонымен қатар, Конституцияда мемлекеттік институттардың тиімділігі, ашықтығы және есептілігі қамтамасыз етіледі.Қазақстанның жаңа Конституциясы — әділетті заң арқылы күшті, дамыған мемлекет құрудың кепілі. Ол құқықтық тәртіпті нығайтып, азаматтардың сенімін арттыра отырып, еліміздің әлеуметтік-экономикалық дамуына және халықаралық аренада беделін көтеруге мүмкіндік береді.

 Қазақстан Республикасының жаңа Конституциясы еліміз үшін тарихи маңызды құжат болып табылады. Ол мемлекеттік билік пен егемендіктің бірден-бір иесі — Қазақстан халқы екенін айқын жариялайды.Жаңа Конституция қоғам мен мемлекет арасындағы сенімді негіз қалыптастырады. Ол азаматтардың құқықтары мен бостандықтарын қорғау арқылы мемлекеттің тұрақтылығы мен тиімділігін қамтамасыз етеді. Әрбір шешім мен мемлекеттік акт халықтың мүддесіне қызмет етуі тиіс, бұл — еліміздің демократиялық дамуының басты көрсеткіші.Конституциялық өзгерістердің маңызды ерекшелігі — халық биліктің түпкі иесі ретінде анықталуы, бұл елдегі саяси және құқықтық тұрақтылықты нығайтады. Мемлекет билігі азаматтардың сеніміне сүйеніп, олардың қатысуымен жүзеге асырылады.Сонымен қатар, Конституцияда мемлекеттік институттардың ашықтығы, есептілігі және заң алдындағы теңдігі баса көрсетілген. Бұл қадам Қазақстанды заманауи демократиялық мемлекет ретінде халықаралық аренада сенімді және тұрақты елге айналдырады.Жаңа Конституция — халыққа қызмет ететін, құқықтық тәртіп пен әділеттілікті қамтамасыз ететін мемлекет құрудағы тарихи қадам. Ол еліміздің егемендігін нығайтып, әрбір азамат үшін қауіпсіз және сенімді қоғам құруға жол ашады.

2026 жылғы 11 ақпанда Қазақстан Республикасының Президенті жаңа Конституцияны қабылдау мәселесі бойынша 2026 жылғы 15 наурызға республикалық референдум тағайындау туралы Жарлыққа қол қойды. Бұл бастама саяси жүйені жаңғыртуға бағытталған ауқымды реформаның бір бөлігі болып табылады. Реформа Мемлекет басшысы Қасым-Жомарт Тоқаевтың бір палаталы Парламент құру жөніндегі ұсынысынан бастау алып, кең қоғамдық талқылау арқылы пысықталды. Арнайы жұмыс тобы құрылып, азаматтар e-Otinish және eGov порталдары арқылы өз ұсыныстарын жолдады. Екі мыңнан астам ұсыныс қаралып, жүйеленді.Жаңа Конституция жобасында меншік құқығы мәселесіне ерекше мән беріледі. Негізгі қағида айқын: Қазақстан Республикасында барлық меншік түрі танылады, оларға кепілдік беріледі және тең қорғалады. Бұл норма экономикалық тұрақтылықтың, инвестициялық сенімнің және кәсіпкерлік еркіндіктің берік құқықтық негізін қалыптастырады.Сонымен бірге, меншік құқығы абсолютті сипатқа ие емес. Меншікті пайдалану қоғам мен мемлекет мүддесіне сай жүзеге асырылуға тиіс. Қоршаған ортаны қорғау талаптарын сақтау, басқа тұлғалардың заңмен қорғалатын құқықтары мен мүдделеріне нұқсан келтірмеу – меншік иесінің конституциялық міндеті. Меншік субъектілері мен объектілері, құқықтардың көлемі мен шегі заңмен нақты айқындалады. Бұл тәсіл құқықтық айқындық пен тепе-теңдікті қамтамасыз етеді.Жер және оның қойнауы, су көздері, өсімдіктер мен жануарлар дүниесі, өзге де табиғи ресурстар халыққа тиесілі деп бекітіледі. Халық атынан меншік құқығын мемлекет жүзеге асырады. Сонымен қатар, жер заңда белгіленген негіздерде, шарттар мен шектерде жеке меншікте болуы мүмкін. Бұл норма ұлттық байлықты қорғау мен экономикалық айналымды үйлестіруге бағытталған.Осылайша, жаңа Конституция жобасы меншік құқығын тек экономикалық институт ретінде емес, қоғамдық жауапкершілікпен ұштасқан конституциялық құндылық ретінде бекітеді. Негізгі акцент – меншікке кепілдік беру мен оны әділ, заңды әрі қоғам мүддесіне сай пайдалану қағидаттарының үйлесімінде.

Қазақстан Республикасының жаңа Конституциясы елдің құқықтық жүйесін нығайтып, мемлекеттік биліктің негізгі қағидаларын айқындауда маңызды рөл атқарады. Құжатта ҚР Құрылтайы — заң шығару билігін жүзеге асыратын жоғары өкілдік органы ретінде бекітілген.Бұл норма мемлекеттік биліктің бөліну принципін одан әрі нақтылай отырып, заң шығарушы органның қоғамдағы рөлін күшейтеді. Конституцияға сәйкес, Құрылтай елдің барлық азаматтарының мүддесін қорғауға, заңдардың әділ және теңгерімді қабылдануын қамтамасыз етуге бағытталған.Жаңа Конституцияда Құрылытай қызметі ашықтық, есептілік және заңның үстемдігі қағидаларына сүйенетіндігі айқын көрсетілген. Бұл елдегі демократиялық институттарды нығайтып, халық пен мемлекет арасындағы сенімді байланысты бекітеді.Жаңа Конституция — халық билігін заң жүзінде қамтамасыз ететін, мемлекет пен қоғамның құқықтық негізін нығайтып, еліміздің демократиялық дамуына жол ашатын тарихи құжат.

Рудный қаласының мектеп оқушылары қайта өңдеуге арналған макулатура жинау ісіне белсенді түрде атсалысуда. Экологиялық бастама қоршаған ортаны қорғау мен экологиялық мәдениетті қалыптастыруға бағытталған республикалық «Таза Қазақстан» акциясы аясында өтуде.Акцияның жас қатысушылары ескі кітаптар, газеттер, журналдар мен пайдаланылған дәптерлерді жинап жүр. Олар макулатураны үйлерінен әкеліп, көршілеріне жүгінеді, кәсіпорындарда жинау жұмыстарын ұйымдастырады және тіпті көшеден қайта өңдеуге жарамды материалдарды табады. Ұйымдастырушылардың айтуынша, бұл жұмыс қоршаған ортаны тазартуға ғана емес, сонымен қатар жас ұрпақтың табиғатқа жауапкершілікпен қарауын тәрбиелеуге де ықпал етеді.Қағазды қайта өңдеу табиғи ресурстарды сақтауда маңызды рөл атқарады. Мәселен, жиналған макулатураның әрбір тоннасы кемінде 17 ағашты сақтап қалуға мүмкіндік береді, сондай-ақ полигондардағы қалдық көлемін азайтып, экожүйеге түсетін жүктемені төмендетеді.Акция мектеп оқушыларын, педагогтарды және қала тұрғындарын біріктіріп, жастардың экологиялық мәселелерді шешуге белсенді қатысуының жарқын үлгісіне айналды. Мұндай бастамалар экологиялық сананы қалыптастыруға ықпал етіп, әр адамның аз ғана күш-жігерінің өзі табиғатты сақтауға елеулі үлес қоса алатынын көрсетеді.Ақпарат көзі : https://www.gov.kz/memleket/entities/kostanay/press/news/details/1163321?lang=kk

Жедел деректерге сәйкес, 2025 жылғы Жалпы ішкі өнімнің (ЖІӨ) нақты көлем индексі 2024 жылғы тиісті кезеңмен салыстырғанда 106,5% құрады. ЖІӨ құрылымында тауарлар өндірісінің үлесі 36,1% алады, қызметтердікі – 57,7%.Ең жоғары өсім көлік және қоймалау (20,4%),  құрылыс (15,9%), көтерме және бөлшек сауда; автомобильдер мен мотоциклдерді жөндеу (8,9%), өңдеу өнеркәсібі (6,4%), ауыл, орман және балық шаруашылығы (5,9%) слалаларына тиесілі.ЖІӨ – нарықтық бағалардағы өндіруші-резиденттердің өндірістік қызметінің түпкілікті нәтижесі болып табылады. ЖІӨ-нің НКИ экономикада нақты кезеңдегі тауарлар мен қызметтер өндірісі көлемінің өзгерісін сипаттайды.Ақпарат көзі : https://www.gov.kz/memleket/entities/stat/press/news/details/1163290?lang=kk

ЖК/ЖШС 44 тыйым салынған қызмет тізіміне (ЭҚТЖЖ № 185) кіретін қызметпен айналыспаған жағдайда.Өтінім беру шарттары: шекті мөлшер - 600 000 АЕК, мөлшерлеме - 3% (Рудный қ. мәслихатының 2025ж. 27 қарашадағы № 249 шешімі).Хабарландыру әдісі:▫️e-SalyqBusiness;▫️Kaspi Bank;▫️Halyk Bank;▫️Салық төлеушінің кабинеті.⚠️ 2026 жылдың 1 наурызына дейін қолданыстағы режим туралы хабарлама ұсынбаған салық төлеушілерге тіркеу деректерінде автоматты түрде жалпы белгіленген тәртіп 2026 жылдың 1 қаңтарынан бастап тағайындалады.Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1163248?lang=kk

Барлығы жарысқа 5 команда қатысып, қызықты және динамикалық ойын көрсетті.Қорытынды нәтиже бойынша:І орын - мектеп оқушыларының командасыІІ орын - мектептің жас қызметкерлеріІІІ орын - мектеп мұғалімдеріСонымен қатар, ауыл жастары мен ауылдық округ әкімдігі алғыс хаттарымен марапатталды. Қатысқан барлық командалар медальдармен марапатталды.Спорт - бірлік пен ынтымақтастықтың, достық пен құрметтің символы. Осындай жақсы іс-шаралар болашақта да жалғасады деп үміттенеміз!Ақпарат көзі : https://www.gov.kz/memleket/entities/vko-samar-sarybel/press/news/details/1163160?lang=kk

Импортқа тәуелділікті төмендету және ішкі нарықты отандық тауарлармен қамтамасыз ету үшін Үкімет қаржылық қолдаудың жаңа құралдарын қолданады. «Инвестицияға тапсырыс» тетігін енгізу және «Бәйтерек» холдингін 1 трлн теңгеге дейін капиталдандыру жөніндегі жоспарлар туралы Премьер-министрдің орынбасары – ұлттық экономика министрі Серік Жұманғарин хабарлады.Оның айтуынша, экономиканың нақты секторы шамамен 8 трлн теңге көлемінде қолдау шараларымен қамтылады.Инфляцияның себептерінің бірі болып саналатын базалық тауарлар тапшылығын жоюға баса назар аударылады. Қазіргі уақытта азық-түлік секторында 12 бағыт және азық-түлікке жатпайтын секторда 24 бағыт айқындалды. 2030 жылға дейін «Бәйтерек» холдингінің еншілес ұйымдары арқылы шамамен $100-120 млрд сомаға өнеркәсіптік жобаларды қаржыландыру жоспарлануда."Ішкі нарықты отандық тауарлармен жүйелі түрде қамтамасыз ету үшін «Инвестицияға тапсырыс» бағдарламасы жүзеге асырылуда. Бүгінде инфляциялық қысымның негізгі себептерінің бірі – тұтыну және тұтыну емес сегменттерде отандық өндірістегі бірқатар базалық тауарлардың тапшылығы. Біздің мақсат – ішкі нарықты отандық өндіріс тауарларымен қамтамасыз ету және импортқа тәуелділікті төмендету. Экономикалық өсудің проактивті саясаты Мемлекет басшысы қойған стратегиялық міндеттердің орындалуын қамтамасыз ете отырып, экономиканы индустрияландыру мен әртараптандырудың негізгі құралына айналады", — деді Серік Жұманғарин.Ақпарат көзі : https://www.gov.kz/memleket/entities/economy/press/news/details/1163152?lang=kk

Үкімет 2029 жылға қарай $400 млрд жиынтық инвестиция тарту арқылы экономикалық өсудің жаңа моделіне көшуді қамтамасыз етеді. Мемлекет басшысының Үкіметтің кеңейтілген отырысында қойған міндеттерін жүзеге асыру тетіктері туралы Премьер-министрдің орынбасары – ұлттық экономика министрі Серік Жұманғарин баяндады.Оның айтуынша ұлттық жоспардағы болжамдарға сәйкес инвестициялардың Жалпы ішкі өңімге қатынасы қазіргі 14–15%-дан 2029 жылы 23%-ға дейін ұлғаяды. Нәтижесінде 2029 жылы негізгі капиталға салынатын инвестициялар 2024 жылғы деңгеймен салыстырғанда 2,5 есеге артуға тиіс.Металлургия, мұнай химиясы, газ өндірісі мен фармацевтиканы дамытуға басты назар аударылатын болады. Мемлекет инвесторларды шақыруымен ғана шектелмей, экономикалық өсудің проактивті саясатын енгізуде. Яғни, Үкіметтің өзі жергілікті бизнестің қажеттіліктеріне «инвестицияға тапсырыс» қалыптастырады және жаңа өндірістерді іске қосу үшін дайын технологиялармен шетелдік серіктестерді тартады."Бұл саясаттың мәні – мемлекеттің тек инвесторларды шақыруымен ғана шектелетін модельден нақты инвестициялық жобаларды қалыптастыру мен іске қосуға мемлекеттің белсенді қатысуы моделіне көшу. Инвестиция тартудың бұл тәсілі экономика салаларының нақты қажеттіліктеріне бағытталған. Аталған жобаларды жүзеге асыру елдегі еңбек өнімділігінің орташа деңгейін арттырады, бұл «орта табыс тұзағын» еңсеру және жан басына шаққандағы жалпы ішкі өнімнің одан әрі өсу үшін қажет негізгі шарттардың бірі", — деді вице-премьер Серік Жұманғарин.Ақпарат көзі : https://www.gov.kz/memleket/entities/economy/press/news/details/1163135?lang=kk

        2026 жылғы 18 ақпанда сағат 09:00-дан бастап 15:00-ке дейін «Ашық үкімет» (egov.kz) порталынды «ҚҚС бойынша салықтық тіркеуді мониторингтеу» тақырыбында интернет-конференция өтеді. Egov.kz сайтына кіріп, https://dialog.egov.kz/conference/5758 сілтемесі бойынша аталған тақырыпта сұрақтарды қалдырыныздар.       Сұрақтарға ҚР ҚМ МКК Салықтық әкімшілендіру департаменті ҚҚС әкімшілендіру басқармасының басшысы Әзімшайық Еділ Серікұлы жауап береді.Ақпарат көзі : https://www.gov.kz/memleket/entities/kgd/press/news/details/1163072?lang=kk

Алатау қаласында халықты тұрақты жұмыспен қамтуға бағытталған жоспар аясында “Бос жұмыс орындары жәрмеңкесі” өтті. Шараға Алматы облысының еңбек мобтльділігі орталығы КММ-нің Алатау қаласы бойынша мансап орталығы ұйытқы болды.Жәрмеңкенің басты мақсаты- тұрғындар арасындағы жұмыссыздық деңгейін төмендету, жұмыс іздеп жүрген азаматтар мен жас мамандарды тұрақты жұмыспен қамту.Айта кетейік, жыл басынан мансап орталығы қызметіне 126 адам жүгінген. Ал аталған жәрмеңкеге 48 азамат қатысты. Оларға 12 жұмыс беруші тарапынан 48 бос жұмыс орны ұсынылды. Қатысушылардың ішінде пробация қызметінің есебінде тұрған 25 азамат пен 10 жас болды. Шара қорытындысы бойынша 3 адам тұрақты жұмысқа орналастырылды. Сонымен қатар, пробация есебіндегі 8 тұрғын жұмыспен қамтуға жолдама алып, олардың 3-еуі тұрақты қызметке қабылданды.Ұйымдастырушылардың айтуынша, мұндай жәрмеңкелер алдағы уақытта да жалғасын тауып, халықты жұмыспен қамту бағытындағы жұмыстар жүйелі түрде жүргізіледі. Бұл – әлеуметтік тұрақтылықты сақтауға және тұрғындардың әл-ауқатын арттыруға бағытталған маңызды қадам.Ақпарат көзі : https://www.gov.kz/memleket/entities/almobl/press/news/details/1163044?lang=kk

Хельсинки, 2026 жылғы 16 ақпан – Қазақстанның агроөнеркәсіптік кешені саласындағы делегациясы ауыл шаруашылығы вице-министрі Ермек Кенжеханұлы бастаған құрамда Финляндияға жұмыс сапарымен барды. Делегация құрамына ҚР Ауыл шаруашылығы министрлігінің, Ақмола және Солтүстік Қазақстан облыстары әкімдіктерінің өкілдері, сондай-ақ аграрлық бизнес қауымдастығының өкілдері кірді.Сапар аясында Финляндияның Ауыл және орман шаруашылығы министрлігінде және «EastCham Finland» халықаралық сауда палатасында талқылаулар, сондай-ақ фин компанияларымен жеке кездесулер өтті.Кездесулер барысында тараптар агроөнеркәсіптік саладағы әріптестікті кеңейту әлеуетін талқылады, оның ішінде уәкілетті органдар арасындағы өзара іс-қимылды жандандыру, озық тәжірибелермен алмасу, инновациялық шешімдерді енгізу, сондай-ақ агроөндірістің экологиялық тұрақтылығын сақтай отырып өнімділікті арттыру мәселелері қарастырылды.Қазақстан мен Финляндия арасындағы іскерлік өзара іс-қимылды дамыту, атап айтқанда, бірлескен жобаларды жүзеге асыру мақсатында B2B байланыстарын жандандыру, талқылаудың басты бағыттарының бірі болды.Ауыл шаруашылығы техникасын әлемдік жетекші өндірушілердің бірі «Valtra» компаниясымен келіссөздер ерекше маңызға ие болды, оның барысында әріптестікті дамытудың одан әрі практикалық қадамдары талқыланды.Сапар қорытындысы бойынша диалогты жалғастыру, кейінгі бизнес-байланыстарды ұйымдастыру және нақты бірлескен жобаларды пысықтау жөніндегі мүмкіндіктерді қарау туралы уағдаластықтарға қол жеткізілді.Ақпарат көзі : https://www.gov.kz/memleket/entities/mfa-helsinki/press/news/details/1162927?lang=kk

Әл-Кувейт, 2026 жылғы 16 ақпан – Қазақстан Республикасының Кувейт Мемлекетіндегі Елшісі Ержан Елекеев Kuwait Oil Company компаниясының атқарушы директоры Ахмад Әл-Эйданмен кездесу өткізді.Кездесу барысында тараптар көмірсутектерді барлау және өндіру саласындағы тәжірибе алмасу, мұнай өңдеуді дамыту және салалық кадрларды даярлау мәселелерін қоса алғанда, Қазақстан мен Кувейттің мұнай саласындағы өзара іс-қимыл перспективалары жөнінде пікір алмасты.Сонымен қатар қазақстандық мұнай сервистік компаниялардың технологиялық және сервистік міндеттерді іске асыруға қатысу мүмкіндіктері, оның ішінде инжиниринг, бұрғылау жұмыстары және жабдықтарға техникалық қызмет көрсету салалары талқыланды.Өндірістік және инфрақұрылымдық жобаларды іске асыруға қазақстандық инженерлер мен техникалық мамандарды тарту мәселелеріне ерекше назар аударылды. Мұнай-газ саласында қазақстандық кадрларды даярлаудың жоғары деңгейі және олардың Қазақстан Республикасының аумағында іске асырылып жатқан ірі халықаралық жобаларға, соның ішінде Теңіз және Қашаған кен орындарын игеру жобаларына қатысу тәжірибесі атап өтілді.Кездесу қорытындысы бойынша тараптар Қазақстан мен Кувейттің бейінді құрылымдары арасындағы практикалық өзара іс-қимылдың нақты бағыттарын пысықтауға және салалық диалогты одан әрі дамытуға дайын екендіктерін растады.Kuwait Oil Company – мұнай барлау, өндіру және сақтау саласына жауап беретін Кувейттің мұнай секторындағы негізгі мемлекеттік компания. Компания елдің негізгі мұнай кен орындарын басқарады және ұлттық мұнай өндіру көлемінің елеулі бөлігін қамтамасыз етеді. Кувейтте мұнай өндіру көлемі тәулігіне шамамен 2,5-2,7 млн баррельді (жылына 120 млн тоннадан астам) құрайды. Компанияда шамамен 11-12 мың қызметкер жұмыс істейді, олардың ішінде 1,5 мыңнан астамы – шетелдік мамандар. Олар негізінен Оңтүстік және Оңтүстік-Шығыс Азия елдерінен (Үндістан, Пәкістан, Бангладеш, Филиппин), сондай-ақ бірқатар араб және батыс мемлекеттерінен тартылған. Шетелдік қызметкерлер қатарында Қазақстан Республикасының азаматтары да бар, олардың саны 50-ден асады.Ақпарат көзі : https://www.gov.kz/memleket/entities/mfa-kuveyt/press/news/details/1162940?lang=kk

Душанбе, 2026 жылғы 16 ақпан – Душанбеге ресми сапары аясында Қазақстан Республикасының Сыртқы істер министрі Ермек Көшербаев Тәжікстан Республикасының Сыртқы істер министрі Сироджиддин Мухриддинмен келіссөздер жүргізді.Кездесу барысында екі ел арасындағы саяси, экономикалық, су-энергетикалық, транзиттік-көлік және мәдени-гуманитарлық өзара іс-қимылдың басым бағыттары қаралды.Тараптар достық, өзара сенім және стратегиялық әріптестік қағидаттарына негізделген саяси диалогты одан әрі нығайтуға бейілділігін растады. Екіжақты қатынастарды тереңдету және өңірлік мәселелер бойынша күш-жігерді үйлестіру тұрғысынан жоғары және ең жоғары деңгейлердегі тұрақты байланыстардың маңызы аталып өтті.Е.Көшербаев Қазақстан Республикасының Президенті Қасым-Жомарт Тоқаев пен Тәжікстан Республикасының Президенті Эмомали Рахмон арасындағы жеке қарым-қатынастардың жоғары деңгейін, сондай-ақ ең жоғары деңгейде қол жеткізілген келісімдерді іске асырудың маңыздылығын атап өтті.«Қазақстан үшін Тәжікстанмен өзара тиімді ынтымақтастықты дамыту – маңызды басымдық. Екі мемлекеттің басшыларының саяси ерік-жігерінің арқасында стратегиялық әріптестігіміз сапалық жаңа деңгейге көтерілді. Одақтастық қатынастар туралы тарихи шартқа қол қойылды», – деп мәлімдеді Қазақстан СІМ басшысы.Өз кезегінде С.Мухриддин екіжақты қатынастардың одақтастық сипаты Қазақстан мен Тәжікстан арасындағы дәстүрлі тату көршілік пен өзара құрмет рухына толық сәйкес келетінін атап өтті.Экономикалық байланыстарды кеңейту мәселесіне ерекше назар аударылды. Өзара сауданы ұлғайту, инвестициялар тарту үшін қолайлы жағдайлар жасау және бірлескен жобаларды іске асыру жөніндегі қосымша шаралар талқыланды. Қазақстан көптеген жылдар бойы Тәжікстанның ең ірі үш сауда серіктесінің қатарына тұрақты түрде кіреді. Өткен жылы өзара сауда көлемі 1,2 млрд АҚШ долларынан асты. Тараптар мемлекет басшылары айқындаған тауар айналымын 2 млрд АҚШ долларына жеткізу мақсатына қол жеткізу үшін келісілген шаралар қабылдауға уағдаласты.Сұхбаттастар ауыл шаруашылығы саласындағы ынтымақтастық перспективаларына, оның ішінде агроөнеркәсіптік кооперацияны дамыту және ауыл шаруашылығы өнімдерін жеткізуді ұлғайту мәселелеріне жеке тоқталды.Министрлер су-энергетика саласындағы өзара іс-қимыл мәселелерін қарап, су ресурстарын ұтымды әрі өзара тиімді пайдалану және энергетикалық әріптестікті дамыту маңызын атап өтті.Тараптар көлік және логистика саласындағы ынтымақтастықты тереңдету перспективаларын, оның ішінде инфрақұрылымды дамыту, өңірлік бағыттар мен халықаралық дәліздердің тиімділігін арттыру мәселелерін талқылады. Сыртқы саяси ведомстволардың басшылары теңізге тікелей шығатын жолы жоқ Қазақстан мен Тәжікстан Еуропа, Кавказ және Оңтүстік Азияның ірі нарықтарына өзара қолжетімділік бере отырып, елеулі транзиттік әлеуетті іске асыра алатыны жөнінде ортақ пікір білдірді.Министрлер өңірлік және халықаралық күн тәртібіндегі өзекті мәселелер бойынша пікір алмасты. Біріккен Ұлттар Ұйымы, Ислам ынтымақтастығы ұйымы, Тәуелсіз Мемлекеттер Достастығы, Ұжымдық қауіпсіздік туралы шарт ұйымы сияқты халықаралық құрылымдар аясындағы сындарлы ынтымақтастық және екі мемлекеттің халықаралық бастамаларына өзара қолдау көрсетуіне назар аударылды. Орталық Азиядағы өңірлік қауіпсіздік пен орнықты дамуды қамтамасыз ету мәселелері бойынша пікір алмасып, халықаралық алаңдарда күш-жігерді тығыз үйлестіруге дайын екендіктерін растады.Тараптар қол жеткізілген өзара түсіністік деңгейіне қанағаттанушылық білдіріп, екі ел халықтарының мүддесі үшін қазақ-тәжік әріптестігін одан әрі нығайту бағытында бірлескен жұмысты жалғастыруға ниетті екенін растады.Келіссөздер қорытындысы бойынша Қазақстан Республикасы Сыртқы істер министрлігі мен Тәжікстан Республикасы Сыртқы істер министрлігі арасындағы 2026–2028 жылдарға арналған ынтымақтастық бағдарламасына қол қойылды.Е.Көшербаев сондай-ақ Душанбе қаласындағы Дусты (Достық) алаңында тәжік мемлекеттілігінің негізін қалаушы және алғашқы билеушісі Исмоил Сомони ескерткішіне гүл шоғын қою рәсіміне қатысты.Ақпарат көзі : https://www.gov.kz/memleket/entities/mfa-dushanbe/press/news/details/1162947?lang=kk

Душанбе, 2026 жылғы 16 ақпан – Душанбеге ресми сапар аясында Қазақстан Республикасының Сыртқы істер министрі Ермек Көшербаевты Тәжікстан Республикасының Президенті Эмомали Рахмон қабылдады.Кездесу барысында Э.Рахмон екіжақты ынтымақтастықтың стратегиялық әріптестік пен одақтастық рухында дәйекті түрде дамып келе жатқанын қанағаттанушылықпен атап өтіп, екі ел арасындағы көпқырлы өзара байланыстардыі одан әрі нығайтудың маңыздылығына назар аударды.Өз кезегінде Е.Көшербаев Қазақстан Республикасының Президенті Қасым-Жомарт Тоқаевтың атынан жылы лебізі мен ізгі тілектерін жеткізіп, биік және жоғары деңгейлерде қол жеткізілген келісімдердің іске асырылу барысы туралы ақпарат берді.«Қазақ-тәжік қатынастарының тұрақты әрі дәйекті даму сипатына ие екенін және олардың әлеуеті зор екенін ерекше атап өткім келеді», – деді Қазақстан СІМ басшысы.Министр Тәжікстан Президентін қазақ-тәжік ынтымақтастығының қазіргі жай-күйі мен оны одан әрі кеңейту перспективалары жөнінде жан-жақты хабардар етті. Мемлекет басшылары қойған өзара тауар айналымын 2 млрд АҚШ долларына жеткізу жөніндегі мақсатқа қол жеткізу бағытындағы тараптардың күш-жігерін қоса алғанда, сауда-экономикалық байланыстарды тереңдетуге ерекше назар аударылатыны мәлім етілді.Кездесу барысында халықаралық және өңірлік күн тәртібінің өзекті мәселелері де талқыланды. Қазақстан мен Тәжікстанның көпжақты құрылымдар шеңберіндегі өзара іс-қимылының жоғары деңгейі және өзара қолдау көрсетуі аталып өтті.Ақпарат көзі : https://www.gov.kz/memleket/entities/mfa-dushanbe/press/news/details/1162946?lang=kk

Сыртқы істер министрлігінің бастамасымен Конституциялық реформа жөніндегі комиссия жұмысының қорытындылары бойынша дипломатиялық корпус үшін брифинг өтті. Іс-шараға Қазақстанда аккредиттелген дипломатиялық корпус пен халықаралық ұйымдардың шамамен 80 өкілі, сондай-ақ сарапшылар қатысты.Брифинг Комиссия төрағасы және Конституциялық Сот басшысы Э.Азимованың және Комиссия мүшелерінің, соның ішінде Әділет министрі Е.Сәрсембаевтың, Конституциялық Сот төрағасының орынбасары Б.Нұрмұхановтың, Адам құқықтары жөніндегі уәкіл А.Ластаевтың, Сыртқы істер министрінің орынбасары А.Иcетовтың, сондай-ақ Республикалық адвокаттар алқасының төрағасы М.Мырзағараевтың қатысуымен ұйымдастырылды.Кездесу барысында Комиссия мүшелері Қазақстанның жаңа Конституциясы жобасының негізгі жаңалықтарын, сондай-ақ Қазақстан Республикасы Президентінің бастамасымен іске асырылып жатқан реформаның тұжырымдамалық негіздерін таныстырды.«Конституция жобасында Қазақстан Республикасының егемендігі, тәуелсіздігі, унитарлығы және аумақтық тұтастығы өзгеріссіз қалады. Конституцияға өзгерістер тек жалпыұлттық референдум нәтижелері бойынша енгізіледі. 2026 жылғы 15 наурыздағы республикалық референдум қазақстандықтардың елдің одан әрі даму жолын айқындайтын жауапты таңдау күні болады», - деп айтты брифинг барысында Э.Азимова.Конституция биліктің теңгерімді әрі есеп беретін моделін қалыптастырады, бір палаталы Құрылтайға көшуді көздейді және сонымен қатар Құрылтайда заң шығару бастамасы құқығына ие азаматтардың өкілді органы ретінде Халық Кеңесі үшін құқықтық негізді бекітеді. Оның құрылу және қызмет тәртібі жеке конституциялық заңмен айқындалады.Брифинг барысында Конституция жобасының Республиканың сыртқы саясатының құқықтық аспектілеріне де қатысты ережелері түсіндірілді.Сыртқы істер министрінің орынбасары А.Иcетов «конституциялық жаңашылдықтар мемлекетіміздің халықаралық құқықтың іргелі қағидаттарына және ел дамуының жаңа кезеңіне көшу жағдайындағы ұлттық басымдықтарға берік бейілділігін жан-жақты көрсетеді. Қазақстан Республикасының халықаралық ынтымақтастық моделінің негізіне БҰҰ Жарғысының негізгі қағидаттары және қабылданған барлық халықаралық міндеттемелерді адал орындау қағидаты қаланған» деп атап өтті.Халықаралық шарттар елдің құқықтық жүйесінің бір бөлігі болып қала беретіні және міндетті түрде орындалуға жататыны айтылды.Кездесу қорытындысы бойынша дипломатиялық корпус пен халықаралық ұйымдар өкілдері Қазақстан Республикасындағы конституциялық реформалар процесінің ашықтығы мен айқындығын атап өтті.Ақпарат көзі : https://www.gov.kz/memleket/entities/mfa-beirut/press/news/details/1163525?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық Кодексін енгізу жөніндегі жобалық кеңсенің кезекті отырысында қаржы секторына қатысты 38-ге жуық мәселе талқыланды.10-нан астам сұрақ редакциялық және нақтылау сипатында болды. Жиында салық құпиясына жатпайтын мәліметтер тізбесін кеңейту, электрондық шот-фактураларды жазып беру тәртібі және басқа да техникалық нормалар талқыланды. Сонымен қатар, сұрақтардың жеке блогы олардың инвестициялық нарыққа әсері тұрғысынан қосымша талдауды қажет етеді.Кепілдіктер мен факторинг бойынша ҚҚСҚазақстан қаржыгерлер қауымдастығы кеңесінің төрағасы Елена Бахмутованың ақпараты бойынша, жаңа Салық кодексі ақшалай нысанда берілген кредиттер мен микрокредиттер бойынша пайыздарды ҚҚС-тан босатады. Алайда, банктік кепілдіктер мен кепілдіктер беру операциялары ҚҚС-тан босатылмайды. Факторингтік операциялар да салық салуға жатады.Факторинг – бұл жеткізуші банкке немесе қаржы ұйымына талап қою құқығын беру арқылы тауар үшін төлемді мерзімінен бұрын алатын құрал. Бұл негізінен несиеге ұқсас қысқа мерзімді қаржыландырудың бір түрі. Сонымен бірге, Салық кодексінде факторинг тікелей қарызға жатқызылмаған, сондықтан оған несиелер үшін көзделген ҚҚС-тан босату қолданылмайды.Бірқатар банктер үшін бұл мәселе өте маңызды, өйткені клиенттермен жұмыс істеудің едәуір бөлігі кепілдіктер мен факторингтік операциялар арқылы құрылады. Дамыған нарықтарда факторинг қаржылық қызмет ретінде қарастырылады және ол бойынша пайыздық кіріс әдетте ҚҚС-тан босатылады. Салық режимін халықаралық тәжірибеге келтіру Қазақстанның қаржы нарығының бәсекеге қабілеттілігін арттырып, бизнес үшін, ең алдымен шағын және орта бизнес үшін қаржыландыру құнын төмендетуі мүмкін.Талқылау қорытындысы бойынша келесідей тұжырымдар жасалды. ҚҚС-тан босату салық жеңілдігі болып есептеледі және Қаржы нарығын реттеу және дамыту жөніндегі агенттіктің ұстанымын талап етеді. Үкіметтің саясаты бойынша, егер олар экономиканың нақты секторын қаржыландыруға және ішкі инвестициялық белсенділіктің өсуіне ықпал етсе, салықтық жеңілдіктер беру мүмкіндігі қарастырылады.Бағалы қағаздар бойынша кірістерЖиында борыштық құралдар бойынша сыйақы түріндегі табысты айқындау мәселесі жеке қаралды.Қолданыстағы редакцияда бағалы қағаздарды өтеу кезіндегі дисконт сыйақы құрамынан алынып тасталады және құнның өсуіне жатқызылады. Бұл салық шегерімдерін қолдануды қиындатады және қосымша салық жүктемесіне әкелуі мүмкін.Қаржы қоғамдастығының өкілдері нормаларды екіұшты түсіндірмеу үшін сыйақы құрамында дисконтты сақтауды ұсынды.Салық салынатын кірісті азайту үшін борыштық бағалы қағаздарға кемінде үш жыл иелік ету қажеттілігі туралы норма да талқыланды. Нарық қатысушыларының пікірінше, бұл инвесторлардың осындай құралдарға деген қызығушылығын төмендетіп, биржалық алаңдар арасында тең емес жағдайлар туғызуы мүмкін.Барлық ұсыныстар кабылданған Кодексте ескеріле отырып, жан-жақты қаралады.Ауыл шаруашылығы өнімдерін экспорттау кезіндегі ҚҚСТағы бір мәселе ауылшаруашылық өнімдерін экспорттау кезіндегі ҚҚС-ты түзетуге қатысты болды.Қолданыстағы нормаға сәйкес, экспорт кезінде ауыл шаруашылығы тауарын өндіруші бұрын есепке қабылданған ҚҚС-ты 80 пайызға азайтуға міндетті. Тиісінше, қайтару 20 пайыз мөлшерінде жүзеге асырылады, өйткені фермерлер салық міндеттемелерін 80 пайызға төмендетуге құқылы.Бұл норма бейіндік заңнамаға сәйкес егін шаруашылығы мен мал шаруашылығы өнімдеріне, оның ішінде бастапқы қайта өңдеу өнімдеріне ғана қолданылатыны түсіндірілді.Ұлттық экономика министрлігі ауыл шаруашылығы және қайта өңделген өнімдерді экспорттау кезінде ҚҚС қолдану тәртібі бойынша ресми түсініктеме дайындайтын болады.Мемлекеттік кірістер комитетінің мәліметінше, 12 ақпанда жеңілдетілген декларация негізінде арнайы салық режимін 921 мың салық төлеуші, жалпыға бірдей белгіленген режимді 113 мың адам таңдаған.500 мыңға жуық салық төлеуші әлі таңдау туралы шешім қабылдаған жоқ. Оларға 1 наурызға дейін салық режимін таңдау қажеттігі туралы ескертіліп, жеке кабинеттері арқылы қайталама хабарламалар жіберілді.Ақпарат көзі : https://www.gov.kz/memleket/entities/kostanai-ekonomika-zhosparlau/press/news/details/1163059?lang=kk

Орталық Азия Инновациялық университетінде Жаңа Конституцияны түсіндіруге арналған арнайы жиын өтті. Іс-шараға оқу орнының профессор-оқытушылар құрамы қатысып, конституциялық реформаның мазмұны мен маңызын талқылады.Жиында сөз сөйлеген заң ғылымдарының кандидаты Ботабек Имашев тұрақтылық – кез келген мемлекеттің дамуының басты шарты екенін атап өтті. Оның айтуынша, саяси және құқықтық жүйедегі оң өзгерістер елдің болашағына тікелей әсер етеді. Қолданыстағы Конституция тәуелсіздіктің алғашқы кезеңінде қабылданып, мемлекеттілікті қалыптастыруда тарихи миссиясын абыроймен атқарды.– Бүгінгі таңда әлемдегі геосаяси ахуалдың өзгеруі, ғылым мен технологияның қарқынды дамуы, сондай-ақ қоғам сұранысының жаңа деңгейге көтерілуі құқықтық жүйені жаңаша пайымдауды талап етеді. Қалыптасу кезеңінен даму кезеңіне өткен тұста елдің ішкі әлеуеті мен институционалдық тұрақтылығын күшейту – уақыт талабы. Осыған байланысты Конституция нормаларын заман талабына бейімдеу қажеттілігі туындап отыр. Жаңа Конституция – адам құқықтары мен заң үстемдігін басты құндылық ретінде айқындайтын, білім мен ғылымға негізделген өркениетті мемлекет құруға бағытталған нақты қадам, – деді Ботабек Есенбекұлы.Сонымен қатар, университеттің әлеуметтік және тәрбие жұмыстары жөніндегі проректоры Нұрлан Хайдаров жаңа редакцияда заң үстемдігі қағидаты мен азаматтардың құқықтары мен бостандықтарын қорғау тетіктеріне ерекше назар аударылғанын атап өтті. Оның айтуынша, ұсынылып отырған өзгерістер қоғам мен билік арасындағы өзара сенімді нығайтып, мемлекеттік басқару жүйесінің тиімділігін арттыруға бағытталған.Жиын барысында қатысушылар конституциялық реформаның елдің саяси жүйесін кешенді жаңғыртудағы маңызын атап өтіп, ұсынылған өзгерістердің Қазақстанның құқықтық және институционалдық дамуына оң серпін беретініне сенім білдіріп, жаңа Конституцияны қолдайтындықтарын жеткізді.

Шымкент қаласында денсаулық сақтау саласының өкілдерімен арнайы кездесу өтті. Жиынның негізгі мақсаты – Конституциялық реформаның мазмұнын түсіндіру және ұсынылып отырған өзгерістердің мән-маңызын кеңінен талқылау.Кездесуге заң ғылымдарының кандидаты Атақожа Исмаилов пен Шымкент қаласы денсаулық сақтау басқармасының өкілі Қуаныш Сраилов қатысып, баяндама жасады. Сарапшылар Конституцияның жаңартылған тұстарына жан-жақты тоқталып, енгізілетін өзгерістердің құқықтық және қоғамдық маңызын түсіндірді.Басқосу барысында спикерлер Ата Заңға ұсынылып отырған түзетулердің мемлекет негізін нығайтып, қоғамдық келісімді сақтауда айрықша рөл атқаратынын атап өтті. Олардың айтуынша, жаңа редакция – қоғам сұранысы мен заман талаптарына сай әзірленген, құқықтық жүйені жаңғыртуға бағытталған мазмұны терең құжат. Конституция мемлекеттің тірегі әрі қоғам дамуының басты құқықтық бағдары екені ерекше айтылды. Оның тұрақтылығы мен әділеттілігі елдің стратегиялық дамуында шешуші мәнге ие.Спикерлер өзгерістердің ауқымы мен мазмұны қолданыстағы заң талаптары мен мемлекеттің ұзақмерзімді даму мақсаттарына сәйкес келетінін жеткізді. Жаңа жоба посткеңестік кеңістіктегі құқықтық үлгіден біртіндеп алыстап, заманауи әрі тиімді мемлекет моделін қалыптастыруға бағытталған маңызды қадам ретінде бағаланды.Сонымен қатар, жиында денсаулық сақтау саласының ұлттық қауіпсіздік деңгейіндегі стратегиялық маңызы бар бағыт екені айтылды. Осыған байланысты азаматтардың денсаулығына зиян келтіретін кез келген заңсыз әрекеттерге, оның ішінде діни ұрандарды желеу еткен құқыққа қайшы іс-әрекеттерге заң аясында тиісті шектеулер қойылатыны атап өтілді.Кездесу қорытындысында қатысушылар ұсынылып отырған конституциялық өзгерістер елдің құқықтық және әлеуметтік дамуына оң ықпал ететініне сені білдіріп, жаңа Конституцияны қолдайтындықтарын жеткізді.