Жеке сектор және тұрғын үй аудандарын ажырату 2026 жылғы 16 ақпаннан бастапКТП-Астықжан (ТП-да жұмыстар)Уақыты: 10:00–17:00Мекенжай: «Астықжан» дүкені, Абай даңғылы, 1.ТП-611 (ТП-да жұмыстар)Уақыты: 10:00–13:00Нысандар:ЖК Карабаева – минимаркет«Мырза-Хан» ЖШС, Баймағамбетов көшесі 3/2ЖК ИсмагуловСТОТұрғын сектор:Баймағамбетов көшесі: 3д, 3б, 3/5Садовая көшесі: 75/9, 75/10ТП-253 (ӘЖ-де жұмыстар)Уақыты: 10:00–18:00 (16 және 17 ақпан)Нысандар:«Мирель» балабақшасы, Центральная көшесі 22аКафе, Зеленая көшесі 7Жеке сектор:Центральная көшесі: 4–22, 22а, 5/1, 7/1, 7/2, 8/1, 9/1, 9/2, 9аЗеленая көшесі: 1–7Садовая көшесі: 1/1, 3/1, 19/7, 75/5, 75/7Челябинская көшесі: 5, 21/1, 21/3Баумана көшесі: 21/617 ақпан 2026 жылТП-9 (ТП-да жұмыстар)Уақыты: 10:00–18:00Нысандар:«Шуак-2010» ЖШС«Сервис КСТ» ЖШСЖК ХамзинаЖК ДеркачЖК ЦветинскийЖК Муздубаева«Мечта» дүкені«Родос»Тұрғын сектор:Уральская көшесі 23Дорожников көшесі (өнеркәсіп аймағы) — ӘЖ-де жұмыстарУақыты: 10:00–16:00Нысандар:АвтоЦон, ЖК Коянбаева, ЖК Федоров, ЖК Жалкенов, «Гелиос» ЖШС,«Мир пласт» ЖШС, «Металл-Инвест Атырау» ЖШС, «Костанайшингторг» ЖШС,«Люкс-2016» ЖШС, «Фабий» ЖШС, «Партнер» ЖШС, ЖК Брунер,«Декор-трейд» ЖШС, ЖК Игликов, ЖК Парутин, ЖК Божко,«+АВД» ЖШС, ЖК Исенбаев, ЖК Аветисян, «Сапа +» ЖШС, ЖК Байзаков.ТП-19 (ТП-да жұмыстар)Уақыты: 10:00–18:00Нысандар:ЖК Гиязов«Анара» дүкені«Весна»Тұрғын сектор:Дощанова көшесі: 145–149, 145а, 145б, 145/6, 145/7, 186.Ақпарат көзі : https://www.gov.kz/memleket/entities/kostanai-kalasy-akimat/press/news/details/1161596?lang=kk

2026 жылғы 13 ақпанда Шығыс Қазақстан облысының Жолаушылар көлігі және автомобиль жолдары басқармасында автотасымалдаушылар мен автовокзал басшылары үшін ШҚО бойынша Мемлекеттік кірістер департаментінің өкілі қатысқан жұмыс кездесуі өтті.Іс-шара барысында ШҚО бойынша МКД Түсіндіру жұмысы және Байланыс орталығы басқармасының басшысы Гүлмира Сабралимова жаңа Салық кодексіндегі негізгі өзгерістерге тоқталды.Қатысушыларға арнайы салық режимдері мен өтпелі ережелер, корпоративтік табыс салығы (КТС), жеке табыс салығы (ЖТС), және әлеуметтік салық, қосылған құн салығын (ҚҚС) есептеу және төлеу мәселелері бойынша жаңашылдықтар, сондай-ақ салық есептілігін ұсыну мерзімдерін ұзартуды және кері қайтарып алуды жоюға қатысты өзгерістер түсіндірілді. Комиссия шарттары бойынша салық салу тәртібіне ерекше назар аударылды.Сонымен қатар, қатысушыларға 2026 жылғы 5 қаңтардан бастап Өскемен қаласында басталған «Халық бухгалтері» республикалық акциясы туралы ақпарат берілді. Аталған акция аясында салық төлеушілер консультациялық қолдау ала алады.Кездесу соңында салық төлеушілер өздерін қызықтырған сұрақтарға жауаптар алды. Семинар қорытындысы бойынша қатысушылар түсіндіру жұмыстарының практикалық маңыздылығын атап өтіп, мазмұнды әрі конструктивті диалог үшін спикерге алғыстарын білдірді.Ақпарат көзі : https://www.gov.kz/memleket/entities/kgd-vko/press/news/details/1161598?lang=kk

Шымкентте «Әділ және прогрессивті Қазақстанның халықтық Конституциясы үшін!» атты қалалық коалиция құрылды. Коалицияның негізгі мақсаты - алдағы ұлттық референдумға ұсынылған өзгерістерді тұрғындарға кеңінен және анық жеткізу, қоғамда ашық диалог орнату және азаматтардың саяси науқанға хабардар болуына жағдай жасау. Құрылтай жиналысына саяси партиялардың өкілдері, мәслихат депутаттары, зиялы қауым өкілдері, қоғам белсенділері және жастар қатысты. Кездесу барысында ел үшін осы маңызды кезеңде қоғамдық бірлік пен жауапкершілік мәселелері, сондай-ақ қоғамдық келісім мен азаматтық белсенділіктің маңыздылығы кеңінен талқыланды. Кездесуде сөз сөйлеген Мұрат Жолдықожаев референдумның маңыздылығы мен маңыздылығын атап өтіп, бұл науқан елдің дамуы үшін тарихи шешім екенін атап өтті: «Бүгінгі референдум тек саяси науқаннан да көп нәрсе. Бұл мемлекет пен қоғам арасындағы өзара сенімді нығайтатын және әрбір азаматқа ел тағдырына тікелей қатысу мүмкіндігін беретін маңызды қадам. Халықтың пікірін ескере отырып, әділ және прогрессивті Қазақстан құру - біздің ортақ мақсатымыз. Сондықтан әрбір азаматтың қатысуы мен жауапкершілігі ерекше маңызды», - деп атап өтті ол. Кездесуден кейін Мұрат Жолдықожаев Шымкент қалалық коалициясының басшысы болып тағайындалды. Коалиция құрамына әртүрлі саяси партиялардың өкілдері, партия жақтастары, қоғам қайраткерлері, зиялы қауым өкілдері және жас белсенділер кіреді. Науқан барысында коалиция мүшелері бекітілген кестеге сәйкес онлайн және офлайн режимінде кездесулер, талқылаулар және ақпараттық-түсіндіру іс-шараларын өткізуді жоспарлап отыр. Айта кету керек, бұған дейін Астанада Қазақстан Республикасы Парламенті Мәжілісінің төрағасы және партия төрағасы Ерлан Қошановтың қатысуымен елдің жетекші қоғамдық-саяси күштері «Әділ және прогрессивті Қазақстанның халықтық Конституциясы үшін!» Ұлттық коалициясын құру үшін біріккен болатын. Оның құрамына бес жетекші саяси партия — «АМАНАТ», «Ауыл», «Ақ жол», «Республика» және Қазақстан халықтық партиясы, сондай-ақ миллиондаған азаматтардың мүдделерін білдіретін 300-ден астам қоғамдық ұйымдар кірді. Барлық саяси күштер Конституцияның жаңа нұсқасының жобасын бірауыздан қолдайтынын білдірді. Ұсынылған түзетулер Конституцияның барлық бөлімдерін қамтиды және 77 бапқа қатысты, бұл бүкіл мәтіннің 84%-ын құрайды. Жаңа нұсқа 11 бөлім мен 96 баптан тұрады. Қалалық коалицияның алдағы жұмысы қоғамды біріктіруге, әрбір азаматтың пікірін ескеруге және елдің болашағы туралы маңызды шешімдер қабылдауға белсенді қатысуға бағытталады.

Еріктілер акциясы: ардагерге құрмет – ұрпаққа үлгі Еріктілер акциясы аясында Жарма ауданы әкімі аппараты мен Қалбатау ауылдық округі әкімі аппаратының мемлекеттік қызметшілері зейнеткерлікке шыққан әріптесіміз, ұзақ жылдар бойы бас маман қызметін абыроймен атқарған Нұрғалиев Мырзабек Жақыпбекұлының үйіне барып, аула алдындағы қарды тазалау жұмыстарын жүргізді.Аталған игі шараның мақсаты – мемлекеттік қызмет саласында көп жыл еңбек етіп, ел дамуына елеулі үлес қосқан ардагерге құрмет көрсету, қамқорлық білдіру және қоғамда өзара қолдау мәдениетін нығайту.Еріктілер аула ішін қардан тазалап, үй маңындағы жолды ашып, аумақты ретке келтірді. Қарапайым көмек – үлкен құрметтің белгісі. Мұндай бастамалар мемлекеттік қызметшілердің тек кәсіби міндеттерін атқарып қана қоймай, әлеуметтік жауапкершілікті де терең сезінетінін көрсетеді.Нұрғалиев Мырзабек Жақыпбекұлы көрсетілген қолдау үшін алғысын білдіріп, мемлекеттік қызметшілерге ел игілігі жолындағы еңбектеріне табыс пен сәттілік тіледі.Үлкенге құрмет – ұлттың ұлағаты. Аталған еріктілер акциясы алдағы уақытта да өз жалғасын табады.Ақпарат көзі : https://www.gov.kz/memleket/entities/abay-garma/press/news/details/1161478?lang=kk

Шымкент қаласында «Әділетті және Прогрессивті Қазақстанның Халықтық Конституциясы үшін!» қалалық коалициясы құрылды. Коалицияның негізгі міндеті – референдумға шығарылған өзгерістерді тұрғындарға кеңінен түсіндіру, ашық әрі мазмұнды қоғамдық диалогты қамтамасыз ету және азаматтардың науқанға саналы түрде қатысуына жағдай жасау.Шымкент қалалық коалициясының жетекшісі болып Мұрат Жолдыхожаев тағайындалды. Алдағы уақытта құрамында 150 адамы бар коалиция жұмыс істейді. Олардың қатарына саяси партия өкілдері, партиялық жақтастар, қоғам қайраткерлері, зиялы қауым өкілдері мен жастар белсенділері тартылған. Үгіт-насихат кезеңінде коалиция мүшелері бекітілген желілік кестеге сәйкес онлайн және офлайн форматта кездесулер, пікірталастар мен түсіндіру іс-шараларын өткізуді жоспарлап отыр.Айта кетсек, кеше Астана қаласында Қазақстан Республикасы Парламенті Мәжілісінің Төрағасы, партия төрағасы Ерлан Қошановтың қатысуымен еліміздің жетекші қоғамдық-саяси күштері «Әділетті және Прогрессивті Қазақстанның Халықтық Конституциясы үшін!» атты Жалпыұлттық коалицияға бірікті. Коалиция құрамына бес жетекші саяси партия – «AMANAT», «Ауыл», «Ақ жол», «Respublica», «Қазақстан Халық партиясы» және миллиондаған азаматтың мүддесін білдіретін 300-ден астам қоғамдық ұйым енді.Барлық саяси күштер қабылданатын Жаңа Ата Заң жобасына бірауыздан қолдау білдіріп отыр. Ұсынылған өзгерістер мен толықтырулар Конституцияның барлық бөлімдерін қамтып, 77 бапқа қатысты енгізілмек. Бұл жалпы мәтіннің 84 пайызын құрайды. Жаңа редакция 11 бөлім мен 96 баптан тұрады (бұрын 9 бөлім, 99 бап болған).Қалалық коалиция жұмысы алдағы референдум қарсаңында қоғамды топтастырып, әрбір азаматтың пікірін ескеруге және елдің болашағына қатысты маңызды шешімге белсенді қатысуына бағытталмақ.

Бішкек, 2026 жылғы 13 ақпан – Қазақстан Республикасының Сыртқы істер министрі Ермек Көшербаев Бішкек қаласына ресми сапары аясында Қырғыз Республикасының Сыртқы істер министрі Жээнбек Кулубаевпен кездесті.Келіссөздер барысында сыртқы саяси ведомстволардың басшылары қазақ-қырғыз ынтымақтастығының кең ауқымды мәселелерін талқылады.Қазақстан Сыртқы істер министрі мемлекеттер басшыларының саяси ерік-жігерінің арқасында екіжақты қатынастар өзара іс-қимылдың сапалы жаңа деңгейіне көтерілгенін атап өтті.«Жоғары деңгейдегі өзара сапарлардың қорытындысы бойынша бауырлас қазақ-қырғыз қатынастарын одан әрі нығайтудың нақты бағыты айқындалды. Өз тарапымыздан Қазақстан мен Қырғызстан арасындағы ынтымақтастықты мәңгілік достық пен тату көршілік рухында жан-жақты дамыту үшін бар күш-жігерімізді салуға ниеттіміз», – деді Е.Көшербаев.Өз кезегінде Ж.Кулубаев бауырластық пен тату көршілік қағидаттарына негізделген екі мемлекет арасындағы одақтастық қатынастардың дәйекті дамып келе жатқанын растады.Тараптар соңғы жылдары жоғары деңгейде қол жеткізілген уағдаластықтарды іс жүзінде іске асыру шараларын жан-жақты талқылап, үкіметаралық өзара іс-қимыл желісі бойынша байланыстарды одан әрі нығайтуға дайын екендерін білдірді.«Қазақ-қырғыз қатынастары қарқынды дамып келеді. Екіжақты сауда-экономикалық және инвестициялық ынтымақтастық жылдан жылға нығаюда, және Қырғызстанмен одақтастық қатынастарды жан-жақты тереңдетуге ниеттіміз», – деп атап өтті Е.Көшербаев.ҚР СІМ басшысы Қазақстан Қырғызстанның ең ірі үш сауда серіктесінің қатарында берік орын алып отырғанын айтты. Өзара сауда көлемі 2 млрд АҚШ долларын құрады, және бұл көрсеткішті 3 млрд долларға дейін арттыру мақсаты қойылған. Бұған тауар айналымы номенклатурасын әртараптандыру, өңіраралық байланыстарды одан әрі дамыту және жаңа бірлескен жобаларды іске қосу, оның ішінде трансшекаралық Индустриялық сауда-логистикалық кешен құру ықпал ететін болады, оның іске қосылуының мультипликативтік әсері қазақ-қырғыз ынтымақтастығының барлық бағыттарына таралады.Е.Көшербаев соңғы 20 жылда қазақстандық компаниялардың қырғыз экономикасына салған инвестициялары 1,4 млрд АҚШ долларын құрағанын атап өтті, сонымен қатар екі елдің мүддесіне инвестициялық өзара іс-қимыл аясын кеңейту сәйкес келеді. Осыған байланысты сыртқы саяси ведомстволардың басшылары ынтымақтастықтың елеулі әлеуетін атап өтіп, энергетика, көлік, логистика және ауыл шаруашылығы салаларында өзара тиімді ықпалдастықты дамытуға жәрдемдесуге дайын екендерін білдірді.Екі бауырлас халық арасындағы берік әрі ұзақ мерзімді қатынастардың негізі – мәдени-гуманитарлық байланыстарды тереңдету перспективалары жеке қарастырылды. Тараптар өткізілетін іс-шаралардың қарқындылығына қанағаттанушылық білдірді. Өткен жылы Қырғызстанда Қазақ киносының күндері, Қазақстан-Қырғызстан Жастар форумының 3-отырысы, сондай-ақ Бішкек қаласында «Алтын көпір» ескерткішінің салтанатты ашылуы өтті. Қазақстанда Ш.Айтматовтың аттас повесі негізінде қойылған «Жәмилә» мюзиклінің премьерасы өтті. Биылғы қаңтар айында Астанада Қырғыз киносының күндері табысты ұйымдастырылды.Кездесу барысында министрлер өңірлік және халықаралық күн тәртібінің өзекті мәселелері бойынша да пікір алмасты. БҰҰ аясында тығыз өзара іс-қимылға бейілділіктерін және екі мемлекеттің халықаралық бастамаларын ілгерілету барысында өзара қолдау көрсетуге дайын екендерін растады.Кездесу қорытындысы бойынша Қазақстан мен Қырғызстан Сыртқы істер министрлері кеңесі алаңында да ведомствоаралық өзара іс-қимылды одан әрі нығайтуға дайындық расталды.Ақпарат көзі : https://www.gov.kz/memleket/entities/mfa/press/news/details/1161450?lang=kk

Парламент Сенатының Төрағасы Мәулен Әшімбаев Алматы қаласында мәслихат депутаттарымен, жұртшылықпен, этномәдени бірлестіктердің мүшелерімен және белсенді жастармен кездесті. Іс-шаралар барысында жаңа Конституция жобасының негізгі мәні мен алдағы республикалық референдум аясындағы бірлескен жұмыстың басым міндеттері талқыланды.Мәулен Әшімбаев кездесуге қатысушыларға ілтипат білдіріп, конституциялық реформа Мемлекет басшысы бастамашы болған ауқымды жаңғыртулардың дәйекті жалғасы екенін атап өтті. Сондай-ақ ол бұл саяси бағдар әділеттілік, заң үстемдігі және биліктің қоғам алдындағы жауапкершілігі сияқты маңызды қағидаттарға табан тірейтінін айтты.«Президентіміз Қасым-Жомарт Кемелұлы Тоқаевтың бастамасымен барлық салада кешенді жаңғыртулар жүзеге асырылуда. Конституциялық реформа – сол іргелі өзгерістердің заңды әрі дәйекті жалғасы. Мемлекет басшысының Жарлығымен жаңа Конституция жобасы республикалық референдумға шығарылды. Осылайша, 15 наурызда азаматтар өз таңдауын жасайды. Бұл – елдің саяси жүйесін демократияландыру жолындағы маңызды қадам. Жаңа Ата Заңда мемлекеттілікті нығайтуға, Тәуелсіздікті күшейтуге және азаматтардың өмір сүру сапасын арттыруға баса мән берілген. Сондықтан конституциялық реформа заң мен тәртіп қағидатына, азаматтардың құқықтары мен мүдделерін қорғауға, қоршаған ортаға жанашырлықпен қарауға және орнықты даму бағдарына табан тірейді», – деді Мәулен Әшімбаев.Сонымен қатар Сенат Төрағасы жаңа Конституция жобасы «Әділетті Қазақстан» идеясын жүзеге асырудың құқықтық негізін қалайтынына назар аударды. Құжатта елдің зияткерлік әлеуетін дамытуға және халықтың бірлігін нығайтуға берік кепіл болатын басымдықтар қамтылған. Бұл жаңа Ата Заңның адамға бағдарлануын, мазмұнының айқындығын және қоғамды ұйыстырушы рөлін айқын көрсетеді.«Жаңа Конституция жобасы – өткеннің инерциясынан саналы түрде арылып, заманауи мемлекеттік модельге көшу. Ата Заңдағы тұжырымдамалық өзгерістердің бірі адам құқықтары мен бостандықтарын мемлекеттің ең жоғары құндылығы ретінде бекіту екені анық. Жаңа Конституцияда дәл осы қағида мемлекеттік құрылым жүйесінің іргетасына айналады. Бұл – «Әділетті Қазақстан» идеясын декларация деңгейінде емес, нақты конституциялық нормалар арқылы жүзеге асыру деген сөз», – деді Палата Спикері.Мәулен Әшімбаев жаңа Конституция жобасын тарихи құжат деп атап, бұл шешім қоғамдық келісімнің жаңа үлгісіне көшу және ішкі сұраныстар мен сыртқы сын-қатерлерге берілген уақытылы жауап екенін де тілге тиек етті. Ол конституциялық реформаны сараптамалық тұрғыдан ілгерілетудің маңызына тоқталып, осы идеяларды нақты тетіктерге, алдағы уақытта қабылданатын заңдарға және құқық қолдану тәжірибесіне тиімді енгізу қажет екенін айтты.«Жаңа Конституция алдағы жылдарда Қазақстанның тұрақты, қауіпсіз әрі серпінді дамуын қамтамасыз ететін мемлекеттік және саяси құрылымды қалыптастыруға негіз болады. Бұл қадам қазіргі және келешектегі сын-қатерлерді еңсере алатын тиімді жүйе құруға жол ашады. Қазір егемендікті күшейтуге, Тәуелсіздікті нығайтуға, еліміздің қуатты дамуына жағдай жасауға және азаматтардың әл-ауқатын жақсартуға баса мән беруіміз керек. Сонда ғана Қазақстан әлемдік экономика мен саясатта лайықты орнын иелене алады», – деді Сенат Төрағасы.Талқылау барысында сарапшылар мен талдау орталықтарының өкілдері алдағы референдум аясындағы бірлескен жұмысқа қатысты ұсыныс-ойларын айтып, өзекті мәселелер төңірегінде пікір алмасты.Сапар аясында Сенат Төрағасы Абай атындағы республикалық мектептің материалдық-техникалық базасымен, оның ішінде БҰҰ кабинетінің және білім ордасындағы музейдің қызметімен танысты. Сондай-ақ қалалық кітапхана ұжымымен және мегаполистің белсенді жастарымен кездесті. Одан бөлек, сенаторлар Yandex Qazaqstan-ның кеңсесіне барып, еліміздегі цифрландыру үдерістерін одан әрі дамыту мәселелерін талқылады.

Шымкент қаласындағы «Айна» базары аумағында Қазақстан Республикасының жаңа Конституциясын түсіндіруге арналған арнайы кездесу өтті.Жиын барысында Қазақстанның «Ауыл» партиясы атынан Шымкент қаласы бойынша өкіл Әлфараби Мыңбай сөз сөйлеп, ұсынылып отырған Конституция жобасының мазмұнына жан-жақты тоқталды. Ол жаңа редакцияда адам құқықтарын қорғау тетіктерін күшейтуге, мемлекеттік басқару жүйесін жаңғыртуға және азаматтардың қоғамдық-саяси үдерістерге қатысу мүмкіндігін кеңейтуге басымдық беріліп отырғанын атап өтті.Сонымен қатар, спикер кәсіпкерлік қызметке қатысты құқықтық нормалардың маңызын ерекше атап өтті. Оның айтуынша, меншік құқығын қорғау, заң үстемдігін қамтамасыз ету және мемлекеттік органдар қызметінің ашықтығын арттыру – бизнестің тұрақты дамуының негізгі кепілі. Ұсынылып отырған өзгерістер кәсіпкерлер үшін сенімді әрі болжамды құқықтық орта қалыптастыруға бағытталған.Кездесуге базар саудагерлері мен кәсіп иелері белсенді қатысып, Конституция жобасына қатысты өзекті сұрақтарын қойды. Әсіресе, шағын және орта бизнесті қолдау шаралары, жер қатынастары, салық салу тәртібі және мемлекеттік құрылымдармен өзара іс-қимыл мәселелері бойынша мазмұнды пікір алмасу өтті.Ұйымдастырушылардың айтуынша, мұндай кездесулердің басты мақсаты – Конституция жобасының мазмұнын халыққа кеңінен түсіндіру және реформаның мәнін көпшілікке жеткізу. Жиын қорытындысы бойынша қатысушылар еліміздің жаңа Ата Заңына қолдау білдіретіндіктерін жеткізді.

Академик Ә.Қуатбеков атындағы Халықтар достығы университетінде «Конституциялық реформа – ұлттық келісім мен бірліктің факторы» тақырыбында дөңгелек үстел өткізілді.Іс-шараға оқу орнының басшылық құрамы мен профессор-оқытушылар қатысып, конституциялық реформалардың мәні, олардың қоғам дамуына ықпалы және ұлттық бірлік пен қоғамдық келісімді нығайтудағы рөлі кеңінен талқыланды.Әлеуметтану ғылымдарының кандидаты Мұхамедкәрім Ертаев қазіргі қоғамдық трансформация жағдайында құқықтық жүйені жаңғыртудың маңыздылығына тоқталды.– Қоғам өзгерген сайын құқықтық нормалар да заман талабына сай жаңарып отыруы тиіс. Бүгінде саяси, әлеуметтік және мәдени үдерістер қарқынды дамып келеді. Ғылым мен білім беру жүйесіне цифрландыру тетіктері енгізілуде. Сондықтан азаматтардың құқықтары мен жеке деректерін цифрлық кеңістікте қорғау мәселесі өзекті бола түсуде. Жаңа Конституция жобасында адам құқықтарының ең жоғары құндылық ретінде айқындалуы – уақыт талабы, – деді М. Ертаев.Жиында заң ғылымдарының кандидаты Садық Тәңірбергенұлы да сөз алып, жаңа Конституция жобасының Преамбуласында халқымыздың тарихи жолы, тәуелсіздік құндылықтары, ұлттық бірлік пен қоғамдық келісім идеялары көрініс тапқанын атап өтті. Оның айтуынша, бұл ұлт рухын көтеріп, қоғамдағы татулық пен тұрақтылықты нығайтуға бағытталған маңызды қадам.Сондай-ақ жаңа редакциядағы Ата Заңда білім, ғылым және инновация мемлекеттік саясаттың стратегиялық басымдықтары ретінде айқындалғаны ерекше атап өтілді. Бұл – елдің орнықты дамуын адами капитал сапасымен байланыстыратын жүйелі ұстанымның көрінісі.Дөңгелек үстел барысында қатысушылар Конституциялық реформаға қолдау білдіре келе, оның тарихи маңызына тоқталып, оны Қазақстанның жаңару кезеңіндегі маңызды белес ретінде бағалады. Жиын қорытындысында реформалардың мазмұнын қоғамға кеңінен түсіндіру, азаматтық белсенділікті арттыру және ұлттық келісімді нығайту бағытындағы жұмыстарды жалғастыру қажеттігі айтылды.

Ө.Жәнібеков атындағы Оңтүстік Қазақстан педагогикалық университетінде «Конституциялық реформа: қоғамдық диалог және Президенттің жаңа бастамалары» тақырыбында Қазақстан Республикасының жаңа Конституциясын түсіндіруге арналған дөңгелек үстел өтті.Іс-шараға университеттің профессор-оқытушылар құрамы қатысып, ел болашағына тікелей әсер ететін конституциялық өзгерістерді жан-жақты талқылады. Жиынға университеттің Басқарма мүшесі, Стратегиялық даму және әлеуметтік істер жөніндегі проректор Баршагүл Исабек модераторлық етті.Модератор өз сөзінде Конституциялық реформаның мәні тек құқықтық өзгерістермен шектелмейтінін атап өтті. Оның айтуынша, бұл бастама қоғамдық сананы жаңғыртуға, азаматтық жауапкершілікті арттыруға және мемлекеттік басқарудың жаңа моделін қалыптастыруға бағытталған.Дөңгелек үстел барысында қатысушылар жаңа Конституция азаматтардың құқықтары мен қауіпсіздігін қорғауға, билік тармақтары арасындағы тепе-теңдікті нығайтуға және демократиялық институттарды дамытуға негізделгенін ерекше атап өтті. Сонымен қатар, Ата Заң жобасының ашық қоғамдық талқылау арқылы әзірленіп, халық тарапынан түскен ұсыныстардың ескерілгені реформаның басты артықшылықтарының бірі ретінде бағаланды.Ғалымдардың пікірінше, Конституция жобасына «Білім. Ғылым. Инновация» бағыттарының енгізілуі – стратегиялық тұрғыдан маңызды қадам. Бұл – мемлекеттің дамуы табиғи ресурстарға емес, адами капиталға, білімді әрі бәсекеге қабілетті ұрпаққа сүйенуі тиіс екенін айқындайтын түбегейлі бетбұрыс. Осыған байланысты Конституция мазмұны мен маңызын жастарға кеңінен әрі түсінікті түрде жеткізу – негізгі міндеттердің бірі екені атап өтілді.Жаңа редакциядағы Конституцияның тағы бір маңызды бағыты – цифрландыру. Алғаш рет азаматтардың құқықтарын цифрлық ортада қорғау жөніндегі нормалардың бекітілуі заманауи талаптарға сай шешім ретінде бағаланды. Бұл жеке деректердің қауіпсіздігін қамтамасыз етуге және цифрлық кеңістіктегі құқықтық қорғауды күшейтуге бағытталған.«Қазақстан тарихы және қоғамдық пәндер» кафедрасының аға оқытушысы Ақмарал Байдлаева өз баяндамасында Конституцияның жаңа редакциясының басты ерекшелігі – адам құқықтарына бағдарлануы екенін атап өтті.– Адам құқықтары мен бостандықтары жаңа Преамбулада ғана емес, бүкіл Конституцияның мағыналық өзегі әрі негізгі басымдығы ретінде айқындалды. Бұл елдің құндылықтық бағдарларын нақтылап, құқық үстемдігін нығайтуға жол ашады. Сонымен қатар, ұсынылып отырған өзгерістер қатарында бірқатар институционалдық жаңашылдықтар бар. Атап айтқанда, бір палаталы парламент моделіне көшу, вице-президент лауазымын енгізу, сондай-ақ халық өкілдігін күшейту мақсатында Конституциялық халық кеңесін құру көзделіп отыр. Бұл бастамалар мемлекеттік басқару жүйесін жетілдіруге және азаматтардың билікке қатысу тетіктерін кеңейтуге бағытталған, – деді спикер.Қатысушылар Конституциялық реформаның тарихи маңызына тоқталып, оны ел дамуының жаңа кезеңіне бастайтын маңызды қадам ретінде бағалады.Жиын қорытындысында дөңгелек үстел Конституциялық реформаның мазмұнын терең түсіндіруге мүмкіндік берген, ғылыми қауымдастықтың ортақ пікірлері талқыланған ашық диалог алаңы болғаны атап өтілді. Жаңа Конституция әділетті, заманауи және адамға бағдарланған мемлекет құру жолындағы берік негіз екені жиын барысында айқындалды.Сондай-ақ қатысушылар жаңа Конституцияның ел тағдыры үшін айрықша маңызын ерекше атап өтіп, оған толық қолдау бірлдірді.

Бүгін елордада еліміздің жетекші қоғамдық-саяси күштері «Әділетті және Прогрессивті Қазақстанның Халықтық Конституциясы үшін!» атты Жалпыұлттық коалицияға бірікті. Оның құрамына бес жетекші саяси партияның өкілдері мен миллиондаған азаматтың мүддесін білдіретін 300-ден астам қоғамдық ұйым енді.Отырысқа қатысушылар Жаңа Конституция жобасы саяси жүйе архитектурасын қоғамның жаңа сұранысына сай түбегейлі қайта жаңғыртатынын атап өтті. Бұл биліктің барлық тармағының тұрақты жұмысын қамтамасыз етеді.Мәжіліс Спикері, Жалпыұлттық Коалиция Жетекшісі Ерлан Қошанов атап өткендей, Жаңа Конституция – шын мәнінде тарихи құжат. Онда ең алдымен адамға басымдық беріліп, мемлекеттің басты байлығы жер қойнауындағы ресурстар емес, білімді жас ұрпақ екені айқындалды. Бұл – Президент қолға алған ауқымды өзгерістердің алтын арқауы. Енді ол ең жоғары конституциялық деңгейде бекітілуде.«Қазақстанның жаңа Конституциясы – осы іргелі реформалардың шырқау шыңы. Бұл – Президентіміздің жылдар бойғы ой-толғамдарының жемісі. Халықтың мұң-мұқтажы, талап-тілегі мен үміт-сенімі ұштасқан тарихи құжат. Сондықтан Жаңа Конституция халықпен бірге жазылған – нағыз Халықтық Конституция деуге толық негіз бар. Біз келер ұрпаққа әр азамат мақтан тұтатын, Өркендеген, Әділетті Қазақстанды қалдыруымыз керек. Бәрімізді біріктіретін осы асқақ арман. Сол арманға – Әділетті әрі Прогрессивті Қазақстанға Президентімізбен бірге жетейік», – деді ол.Өз сөзінде Мемлекеттік кеңесші Ерлан Қарин Жаңа Конституцияның маңызына тоқталды: «Қазақстан болашақта азаматтары білімді, ғылымды меңгерген, инновацияға арқа сүйеген, технологиясы дамыған елдердің қатарында болуға ұмтылатынын байқатты. Сондықтан, бұл елдің өркендеуіне жаңа серпін беретін Конституция», – деді ол.Сондай-ақ отырыс барысында «Ауыл» партиясының Төрағасы Серік Егізбаев, «Ақ жол» Қазақстан Демократиялық партиясының Төрағасы Азат Перуашев, «Respublica» партиясының Төрағасы Айдарбек Қожаназаров, Мәжілістегі Қазақстан Халық партиясы фракциясының жетекшісі Магеррам Магеррамов, Мәжіліс депутаттары, «AMANAT» партиясы фракциясының мүшелері Ерлан Саиров, Үнзила Шапақ және Сергей Пономарев сөз сөйледі.Сонымен қатар «АгромашХолдингKZ» АҚ Президенті Динара Шүкіжанова, Республикалық адвокаттар алқасының Төрағасы Мәди Мырзағараев, саясаттанушы Марат Шибұтов, «Қазақ тілі» халықаралық қоғамының Президенті Рауан Кенжеханұлы өз ұстанымдарымен бөлісті.Кездесуге қатысушылар Жаңа Конституция жобасы мемлекеттің саяси жүйесін одан әрі жаңғыртуға, әлеуметтік кепілдіктерді нығайтуға, кәсіпкерлікті қолдауға, ғылымды, мәдениетті және ұлттық құндылықтарды дамытуға бағытталған стратегиялық бағдарға толық сәйкес келетінін атап өтті.Сонымен қатар мемлекет институционалдық өзгерістер жолында маңызды кезеңнен өткені атап өтілді: «Күшті Президент – ықпалды Парламент – есеп беретін Үкімет» формуласы нығаюда, Конституциялық Сот жұмыс істеуде, заңсыз шығарылған активтер мемлекетке қайтарылуда, ұлттық ресурстарды әділ бөлу қағидаты күшейтілуде. Бұл барлық шешім әділдік, теңдік және болашақ ұрпақ алдындағы жауапкершілік құндылықтарына негізделді.Жаңа Негізгі заң қоғамдағы терең өзгерістер мен дүниетанымы жаңарған, мемлекетке жоғары талап қоятын жаңа буынның қалыптасуына жауап ретінде қабылданғаны атап өтілді. Осы үміттердің өзегінде адалдыққа, заң үстемдігіне, адамның қадір-қасиетіне деген құрметке және адам құқығына кепілдік беруге деген сұраныс жатыр. Жаңа Конституция осы қоғамдық талаптарға айқын әрі нақты жауап береді.Сондай-ақ Негізгі заң жобасы қоғаммен ашық әрі ауқымды диалог аясында әзірленгені айтылды. Конституциялық комиссия жұмысы жария түрде, тікелей эфирде және тұрақты кері байланыс орната отырып жүргізілді. Осы уақыт аралығында азаматтардан, сарапшылардан, кәсіби қауымдастықтардан және түрлі сала өкілдерінен 10 мың ұсыныс пен өтініш келіп түсті. Олардың әрқайсысы құжатты әзірлеу барысында қаралып, ескеріліп отырды.Сөз сөйлеген барша азамат осы шешуші кезеңде Жаңа Конституцияны қабылдаудың тарихи маңызын қалың жұртшылық арасында ілгерілету үшін қоғамдағы жетекші күштерді біріктірудің маңызын атап өтті.Коалиция құрамына саяси партиялардың орталық және өңірлік құрылымдары, республикалық қоғамдық бірлестіктер, Парламент және мәслихат депутаттары, ғылыми және сарапшылық қауымдастық өкілдері, мәдениет және спорт қайраткерлері, кәсіподақ ұйымдары, салалық қауымдастықтар мен жастар бірлестіктері кірді.Жуырда Коалиция мүшелері өңірлерде түсіндіру жұмысын бастайды. Алдағы референдум қарсаңында ашық диалог пен азаматтардың саналы түрде қатысуын қамтамасыз ету мақсатында еңбек ұжымдарымен, сарапшылар қауымымен және тұрғындармен кездесу өткізу жоспарланып отыр. Соның ішінде шалғай елді мекендер де назардан тыс қалмайды. Себебі әрбір қазақстандық азаматтың дауысы аса маңызды.

«Әділетті және Прогрессивті Қазақстанның Халықтық Конституциясы үшін!» Жалпыұлттық коалициясын құру жөніндегі республикалық бастама аясында Алматы облыстық коалициясы құрылды.Облыста коалиция құрамына 300-ден астам адам кірді. Олардың қатарында мәслихат төрағалары мен депутаттары, саяси партия филиалдарының жетекшілері, заңгерлер, қоғамдық ұйымдар мен бұқаралық ақпарат құралдарының өкілдері, сарапшылар, кәсіподақ және жастар бірлестіктерінің мүшелері бар.Өңірлік коалиция жетекшісі Қуат Байғожаевтың айтуынша, коалицияның басты мақсаты – Конституциялық өзгерістердің мән-маңызын тұрғындарға кеңінен түсіндіру, қоғамдық пікір алмасу алаңдарын ұйымдастыру және реформаларды қолдауға бағытталған бірлескен іс-шараларды өткізу.«Жаңа Конституция саяси жүйені жаңғыртуға бағытталған. Құжатты әзірлеу барысында азаматтар мен сарапшылардан мыңдаған ұсыныс түсті. Бұл оның ашық форматта дайындалғанын көрсетеді. Өңірде біз халықпен кездесулер өткізіп, негізгі өзгерістер туралы ақпарат береміз», – деді Қуат Байғожаев.Алатау қалалық коалиция жетекшісі Роза Абилова да Негізгі заң жобасының маңызына тоқталды.- «Құжатта азаматтардың құқықтары мен бостандықтарын қорғау мәселесіне ерекше мән берілген. Сонымен қатар мемлекеттік институттардың тиімділігін арттыру көзделген. Сондықтан тұрғындардың референдум қарсаңында ұсынылып отырған өзгерістермен танысуы маңызды», – деді Роза Абилова.Өңірлік коалиция алдағы уақытта облыс аумағында ақпараттық-түсіндіру кездесулерін, ашық диалог алаңдарын және қоғамдық талқылауларды ұйымдастыруды жоспарлап отыр. Сонымен қатар шалғай елді мекендердегі тұрғындармен де кездесулер өткізу көзделген.Айта кету керек, жаңа Конституция бойынша республикалық референдум 15 наурызда өтеді.Ақпарат көзі : https://www.gov.kz/memleket/entities/almobl/press/news/details/1161422?lang=kk

Баламның «Ұлттық қор – балаларға» бағдарламасына қатысушы екенін қалай тексеруге болады?БЖЗҚ-ның kids.enpf.kz сайтындағы «Қатысушыны іздеу» бөлімінде баланың ЖСН-ін енгізіп, «Тексеру» батырмасын басыңыз.Нәтижесінде баланың қай есепті жылдан бастап бағдарламаға қатысушы екені және жинақталған мақсатты талаптардың жалпы сомасы көрсетіледі. Нысаналы талаптар мен нысаналы жинақтардың айырмашылығы неде?Нысаналы талаптар – Үкіметтің Қазақстан Республикасының 18 жасқа толмаған азаматтары алдындағы міндеттемелері. Олар Ұлттық қордың инвестициялық кірісінің 50%-ы есебінен жыл сайын қалыптастырылады.Нысаналы талаптардың есебі БЖЗҚ-да жүргізіледі, бірақ активтер Ұлттық қор активтерінің құрамында қалып, инвестициялануын одан әрі жалғастырады және оларға жыл сайын қосымша инвестициялық кіріс есептеледі.Нысаналы жинақтар – Қазақстан Республикасының нысаналы жинақ алуға құқығы бар 18 жасқа толған алушы-азаматының нысаналы жинақтау шотында жинақталған нақты ақша.Бала 18 жасқа толғанда оның нысаналы талаптары нысаналы жинаққа айналады. Олар бағдарламаның әрбір қатысушысының БЖЗҚ-дағы нысаналы жинақтау шотында АҚШ долларымен есептеледі және сақталады.   Нысаналы жинақтар Ұлттық қордан БЖЗҚ-ға түскеннен кейін инвестициялана ма?БЖЗҚ-дағы нысаналы жинақтау шоттарына есептелген нысаналы жинақтар қаржы құралдарына инвестицияланбайды. Олар АҚШ долларында сақталады және нысаналы жинақ алушылар немесе олардың мұрагерлері пайдалана алады. Бір отбасының балалары нысаналы жинақтарын тұрғын үйге және емделуге берілетін біржолғы зейнетақы төлемдері сияқты бір-біріне бере ала ма?Қолданыстағы заңнамада тұрғын үй жағдайларын жақсарту немесе білім алуға ақы төлеу мақсатындағы нысаналы жинақ төлемдерін жақын туыстарының пайдасына беру көзделмеген.Менің балама БЖЗҚ-да шот ашылды және оның нысаналы жинақтары да аударылды. Бұл қаражатты кім пайдалана алады?Сіздің балаңыз 18 жасқа толғаннан кейін нысаналы жинақтарын екі мақсатқа – тұрғын үй жағдайларын жақсартуға және (немесе) білім беру ақысын төлеуге өз бетінше пайдалану құқығына ие болады. Ол үшін балаңызға Уәкілетті операторларға өтініш беру қажет. Бүгінгі күні уәкілетті оператор-банк ретінде:"Отбасы банк" АҚ (тұрғын үй және білім алу),"Халық банкі" АҚ (білім алу),"Банк ЦентрКредит" АҚ (білім алу) тіркелген. Ата-аналар жинақтарды тексере ала ма?Кәмелетке толмаған баланың ата-аналары немесе заңды өкілдері өз баласына Бағдарлама аясында жасалған есептеулерді kids.enpf.kz сайтында, EGOV mobile мобильді қосымшасында, сондай-ақ кейбір банктердің қосымшаларындакөре алады.Бала он сегіз жасқа толғанда "БЖЗҚ" АҚ-да оған нысаналы жинақтау шоты ашылады, оған тек нысаналы жинақтарды алушының (кәмелетке толған баланың) өзі ғана қол жеткізе алады.Балаға БЖЗҚ-да шот ашылып, оның нысаналы жинақтары есептеліп қойды. Алайда, 18 жасқа толғанға дейін бір ай бұрын бала азаматтығын өзгертті. Оның нысаналы жинақтарымен не болады?Қазақстан Республикасының азаматтығы он сегіз жасқа толғанға дейін немесе одан кейін тоқтатылған кезде нысаналы талаптарға қатысушы немесе нысаналы жинақтарды алушы нысаналы жинақтар төлемін алу құқығынан айырылады. Бұл ретте оның нысаналы талаптары мен нысаналы жинақтары белгіленген тәртіп бойыншапен басқа қатысушылар арасында бөлінетін болады, ал оның нысаналы жинақтау шоты жабылады. Нысаналы талаптарға қатысушы-нысаналы жинақтарды алушы қайтыс болған жағдайда мұраға қалған нысаналы жинақтарды алу үшін мұрагерге қандай құжаттар талап етіледі және оларды қайда ұсыну қажет? "Ұлттық қор – балаларға" бағдарламасына қатысушы қайтыс болған жағдайда оның нысаналы талаптары немесе нысаналы жинақтары азаматтық заңнамаға сәйкес мұраға беріледі. Оларды алу үшін мұрагерлер БЖЗҚ-ға жүгінуі қажет.Қаражат қайтыс болған адамдардың нысаналы жинақтарын нысаналы жинақтау шотына есептегеннен кейін ғана қолжетімді болады. Төлемдерді алу үшін мұрагерлер уәкілетті оператор-банкте АҚШ долларымен банктік шот ашады.      Мұрагерлер қаражатты кез-келген мақсатта пайдалана алады, яғни оларды мақсатты пайдалану туралы міндетті талап жойылады.Нысаналы жинақтары бар адамның қайтыс болуына байланысты төлемдерді ресімдеуге қажетті құжаттардың өзекті тізбесі БЖЗҚ сайтында орналастырылған. Нысаналы жинақтарды бөліп-бөліп пайдалануға бола ма?Нысаналы жинақтарды алушы он сегіз жасқа толған және Қазақстан Республикасының азаматтығы болған жағдайда, нысаналы жинақтау шотындағы нысаналы жинақты қолда бар нысаналы жинақтар шегінде шектеусіз рет пайдалануға болады. Егер бала ҚР азаматы емес деген ақпарат шықса, не істеу керек?Егер ЖСН-ы көрсетілген бала "Жеке тұлғалар" мемлекеттік дерекқорынан (ЖТМДҚ) алынған мәліметтерге сәйкес ҚР азаматы болмаса, сәйкесінше, ол «Ұлттық қор - балаларға» бағдарламасына қатыса аламайды және нысаналы талаптары да болмайды.ЖТМДҚ-дағы мәліметтерді өзектендіру қажет болған жағдайда, тұрғылықты жері бойынша көші-қон қызметіне жүгінуге кеңес береміз.ЖТМДҚ-ға тиісті түзетулер енгізілгеннен кейін, БЖЗҚ осы жеке тұлғаны өткізіп алған кезеңді ескере отырып, нысаналы талаптарға қатысушы балалардың және (немесе) нысаналы жинақтарды алушылардың тізіміне енгізеді. Жинақтау қандай валютада жүргізіледі және кейіннен нысаналы жинақтарды алушыға аудару қай валютада жүзеге асырылады?ҚР заңнамасына сәйкес нысаналы талаптар мен нысаналы жинақтарды есепке алу БЖЗҚ-да АҚШ долларымен жүргізіледі. Төлеген кезде нысаналы жинақтарнысаналы жинақтарды алушылардың уәкілетті оператор - банктерде АҚШ долларымен ашатын банктік шоттарына есептеліп, аударылады. 12.Ұлттық қордан төлемдер алу үшін қандай банктерде банктік шот ашуға болады? "Ұлттық қор – балаларға" жобасына қатысатын банктерге қойылатын қандай да бір алғышарттар, талаптар бар ма?Заңнамада екінші деңгейдегі банктер бойынша ешқандай шектеулер белгіленбеген, яғни БЖЗҚ-мен тиісті келісім жасасқан Қазақстанның екінші деңгейдегі кез келген Банкі Бағдарламаға қатыса алады. Бүгінгі күні уәкілетті оператор-банк ретінде:"Отбасы банк" АҚ (тұрғын үй және білім алу),"Халық банкі" АҚ (білім алу),"Банк ЦентрКредит" АҚ (білім алу) тіркелген. Тарихи отанымыз – Қазақстанғакөшіп келдік, "қандас" мәртебесіне ие болдық. Біздің баламыз "Ұлттық қор-балаларға"жобасына қатыса ала ма?Қазақстан Республикасының он сегіз жасқа толмаған барлық азаматы жобаға қатысады. Сіздің балаңыз Қазақстан Республикасының азаматтығын алғаннан кейін "Ұлттық қор-балаларға" бағдарламасына қатыса алады.  Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1170369?lang=kk

Бішкек, 2026 жылғы 13 ақпан – Бішкекке ресми сапары аясында Қазақстан Республикасының Сыртқы істер министрі Ермек Көшербаевты Қырғыз Республикасының Президенті Садыр Жапаров қабылдады.Әңгімелесу барысында С.Жапаров Қазақстан мен Қырғызстан арасындағы одақтастық қатынастарды одан әрі тереңдетудің маңыздылығын айқындап, екі мемлекет арасындағы жан-жақты ынтымақтастықтың дамуындағы оң серпінді қанағаттанушылықпен атап өтті.Өз кезегінде Е.Көшербаев Қазақстан Республикасы Президенті Қасым-Жомарт Тоқаевтың атынан жылы лебіз бен ізгі тілектерді жеткізіп, жоғары және аса жоғары деңгейлерде қол жеткізілген уағдаластықтардың іске асырылу барысы туралы ақпарат берді.«Қазақ-қырғыз қарым-қатынастарының әлеуеті зор әрі олар жыл сайын жаңа сапалы мазмұнмен толыға отырып, жыл сайын өрлеу бағытында дамып келе жатқанын атап өткім келеді. Бұған, ең алдымен, Сіздің Президент Қасым-Жомарт Тоқаевпен арадағы тұрақты саяси диалогыңыз ықпал етуде», – деп атап өтті Е.Көшербаев.Сондай-ақ, Министр Қазақстан екіжақты сауда-экономикалық байланыстарды одан әрі кеңейтуді өзара ықпалдастықты тереңдетудің негізгі факторларының бірі ретінде қарастыратынын айтты. Ол біздің еліміздің Қырғызстанның ірі сауда серіктестерінің үштігінде берік орын алып отырғанын атап өтті. Өзара сауда көлемі 2 млрд АҚШ долларын құрады және бұл көрсеткішті 3 млрд долларға дейін жеткізу мақсаты қойылған.Кездесуге қатысушылар екі елдің көпжақты форматтағы ынтымақтастығын жоғары бағалап, өңірлік және халықаралық күн тәртібіндегі өзекті мәселелерді талқылады.Кездесу қорытындысы бойынша тараптар бауырлас мемлекеттердің одақтастық қатынастарды дәйекті түрде нығайту бағытына бейілділігін растады.Ақпарат көзі : https://www.gov.kz/memleket/entities/mfa/press/news/details/1161357?lang=kk

2026 жылғы 13 ақпанда Елшіліктің бастамасымен Қазақстан Республикасының Елшісі Тимур Пірімбетовтің Қасиетті Тақтың Евангелизация жөніндегі Дикастериясының про-Префектісі кардинал Луис Антонио Таглемен кездесуі өтті.Кездесу барысында Қазақстан Елшісі сұхбаттасын Қазақстан Республикасында мемлекеттік басқаруды жаңғыртуға және демократиялық институттарды нығайтуға бағытталған ауқымды саяси реформалар туралы хабардар етті. Ерекше назар жаңа Конституцияның қабылдануына, сондай-ақ Қазақстанның конфессияаралық диалогты нығайтуға арналған бастамаларына, соның ішінде Әлемдік және дәстүрлі діндер лидерлерінің Съезін өткізуге аударылды.Өз кезегінде кардинал Л.Тагле Қазақстанда жүзеге асырылып жатқан конституциялық реформаларды құптап, олардың қоғамды одан әрі демократияландыру, әлеуметтік әділеттілікті нығайту және «Әділетті Қазақстанды» құру үшін маңызын атап өтті. Кардинал қоғамдық келісімді сақтау мен әртүрлі конфессия өкілдері арасындағы диалогты дамытуға бағытталған күш-жігерді жалғастырудың маңыздылығына ерекше назар аударды.Тараптар сондай-ақ Қазақстан Республикасы мен Қасиетті Тақ арасындағы өзара іс-қимылды дамыту және рухани-гуманитарлық байланыстарды нығайту мәселелері бойынша пікір алмасты.Анықтама: Қасиетті Тақтың Евангелизация жөніндегі Дикастериясы Рим Куриясының негізгі құрылымдарының бірі болып табылады және оны Рим Папасы басқарады.Ақпарат көзі : https://www.gov.kz/memleket/entities/mfa-vatican/press/news/details/1161364?lang=kk

Женева, 2026 жылғы 13 ақпан – 11 және 13 ақпанда Дүниежүзілік сауда ұйымының штаб-пәтерінде Қазақстан Республикасының ДСҰ жанындағы Тұрақты өкілі, Сауда саясатын шолу жөніндегі органның төрағасы Қайрат Төребаевтың төрағалығымен Папуа–Жаңа Гвинеяның Сауда саясатына шолу өтті.Папуа – Жаңа Гвинея делегациясын БҰҰ-ның Женевадағы бөлімшесі мен басқа халықаралық ұйымдар жанындағы Тұрақты өкіл Мишель Хау’офа ханым басқарды. Отырыс барысында елдің әлеуметтік-экономикалық дамуы, COVID-19 пандемиясынан кейінгі экономиканы қалпына келтіру шаралары, макроэкономикалық тұрақтылықты қамтамасыз ету және жүргізіліп жатқан институционалдық реформалар туралы ақпарат ұсынылды.Ұлттық сауда саясатының 2017–2032 жылдарға арналған бағдарламасын іске асыру, Ұлттық сауда офисін құру, арнайы экономикалық аймақтарды дамыту, өңдеуші өнеркәсіпті қолдау және қосылған құны жоғары өнім өндірісін арттыру жөніндегі саясатқа ерекше назар аударылды. Сондай-ақ Ұлттық сауда порталын енгізу, «бір терезе» жүйесін дамыту, цифрлық трансформация және инфрақұрылымды нығайту бағытындағы шаралар атап өтілді.ДСҰ мүшелері Папуа – Жаңа Гвинеяның көпжақты сауда жүйесіне бейілділігін, Сауда рәсімдерін жеңілдету жөніндегі келісімді іске асырудағы қатысуын, инвестициялық бастамалар мен балық шаруашылығына субсидиялар бойынша келіссөздердегі белсенділігін жоғары бағалады. Сонымен қатар транспаренттілік пен хабарлама міндеттемелерін орындауды одан әрі жетілдіру қажеттілігі атап өтілді.Төраға Қайрат Төребаев Папуа – Жаңа Гвинея делегациясына және ДСҰ мүшелеріне мазмұнды әрі конструктивті пікір алмасу үшін алғысын білдіріп, Сауда саясатына шолу механизмі сенімді нығайтуға, транспаренттілікті арттыруға және орнықты экономикалық дамуға бағытталған реформаларды қолдауға ықпал ететінін атап өтті.Келесі шолу 2026 жылғы 4 және 6 мамырда өткізіліп, Белиздің Сауда саясатына шолуына арналатын болады.Ақпарат көзі : https://www.gov.kz/memleket/entities/mfa-wto/press/news/details/1161331?lang=kk

Қ. Қайсенов көшесі, 67 мекенжайындағы Шығыс Қазақстан облыстық этнографиялық музейінде «Шабыт мекені» атты көрмесінің вернисажы өтті. Өнерсүйер қауымға өз жұмыстарын Өскемен қаласының талантты, өзіндік шығармашылық жолын таңдаған суретшілері Людмила Ким мен Наталья Краснобаева ұсынды. Көрменің ашылу салтанатына суретшілердің достары мен шығармашылығын бағалаушылар жиналып, өнер саласындағы әріптестері Н.П. Аштема мен Л.И. Мартынова құттықтау сөз сөйледі. Қонақтар суреттердің әсем әлеміне енді, әр суреттің көңіл күйін сезініп, авторлармен тікелей әңгімелесуге мүмкіндік алды.Ақпарат көзі : https://www.gov.kz/memleket/entities/vko-cultura-arhiv/press/news/details/1161336?lang=kk

2026 жылғы 12 ақпанда Шығыс Қазақстан облысы бойынша Мемлекеттік кірістер департаментінде аумақтық бөлімшелер үшін жаңа Салық кодексі шеңберінде салық берешегін өндіріп алу тәртібіндегі өзгерістер, сондай-ақ «таза парақ» қағидаты бойынша өсімпұлдар мен айыппұлдарды есептен шығару механизмін қолдану мәселелері бойынша техникалық оқу өткізілді.Іс-шара барысында қатысушыларға өтпелі кезеңде микро және шағын бизнес субъектілері үшін салықтық жүктемені төмендетуге және салықтық әкімшілендіруді жеңілдетуге бағытталған негізгі жаңашылдықтар түсіндірілді.Кездесу соңында жаңа нормаларды қолдану барысында туындайтын практикалық мәселелер талқыланып, қаралған тақырып аясында тиісті түсіндірмелер берілді. Ақпарат көзі : https://www.gov.kz/memleket/entities/kgd-vko/press/news/details/1161281?lang=kk

Бұл — Кеңес әскерлерінің Ауғанстан жерінен шығарылған күні.13 ақпан күні интернационалист-ардагерлер мен ауыл тұрғындары Естелік тасына жиналып, соғыстан оралмаған боздақтарды еске алып, ерлікке тағзым етті.Іс-шарада ішкі саясат бөлімінің басшысы Ольга Нұрғалиева, аудандық Ардагерлер кеңесінің төрайымы Раиса Овчарова, интернационалист-ардагер Есен Бимурзин және аудандық полиция бөлімінің Ардагерлер кеңесінің төрағасы Иван Цырельчук сөз сөйледі.Аудандық Мәдениет үйінің қызметкерлері шараға ерекше жылылық сыйлады: олардың тақырыптық нөмірлері, музыкасы мен сөздері әрбір жүректі тербетті, еске алу мен ризашылықтың қаншалықты маңызды екенін тағы бір мәрте көрсетті.Бұл күн — жай ғана тарихи дата емес.Бұл — жүректегі сыз, ерлік пен ұрпақтарды біріктіретін қасиетті жады.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1161238?lang=kk

2026 жылдың 20 ақпанында жергілікті уақыт бойынша сағат 15:00-де Алматы қаласында Қазақстан–Италия сауда үйінің ресми ашылуы өтеді.Бұл жаңа алаң Қазақстан Республикасы мен Италия Республикасы арасындағы сауда-экономикалық және инвестициялық ынтымақтастықты дамытуға арналған институционалдық платформа болмақ.Сауда үйі Алматы қаласы, Наурызбай батыр көшесі, 17А (Almaty Plaza) мекенжайында орналасқан. Ол Алматы, Милан және Атырау қалаларында жұмыс істеп тұрған кеңселерді біріктіретін Италия-Қазақстан сауда қауымдастығының (ACIK) жаңа іскерлік алаңы болып табылады.Жоба екі ел арасындағы экономикалық әріптестікті нығайтып, бизнесті қолдаудың тұрақты орталығына айналуды көздейді. Сонымен қатар ол Орталық Азия мен Еуропа арасындағы өзара тиімді ынтымақтастықты ілгерілетуге бағытталған.Сауда үйінің қызметі сауда мен инвестицияларды қолдауды, бірлескен кәсіпорындар мен өнеркәсіптік жобаларды дамытуға жәрдемдесуді, өндірістік кооперацияны кеңейтуді, технологиялар мен тәжірибе алмасуды, «Made with Italy» өнеркәсіптік ынтымақтастық үлгісін ілгерілетуді, сондай-ақ гуманитарлық және мәдени байланыстарды нығайтуды қамтиды.Сауда үйінің инфрақұрылымында іскерлік келіссөздер мен кездесулер өткізуге арналған кеңселер, бизнес-форумдар, таныстырылымдар мен ресми іс-шараларға арналған конференц және көрме залдары, сондай-ақ өзара іс-қимылдың аралас форматтарын ұйымдастыруға мүмкіндік беретін заманауи цифрлық шешімдер қарастырылған.Іскерлік өзара әрекеттестікті қосымша қолдау мақсатында алаңда Қазақстанның даму институттарының ақпараттық бұрыштары орналастырылады. Олардың қатарында Kazakh Invest, QazTrade, Kazakh Export және Kazakh Tourism бар. Бұл ұйымдар ынтымақтастық мүмкіндіктері мен мемлекеттік қолдау шаралары туралы өзекті ақпарат ұсынады.Сауда үйінің ашылуы Қазақстанның еуропалық бағыттағы экономикалық дипломатиясын дамытудағы маңызды қадам ретінде қарастырылады және екіжақты ынтымақтастықты жаңа сапалы деңгейге шығаруға мүмкіндік береді. Аталған жоба екі ел арасындағы жоғары деңгейде қол жеткізілген келісімдердің нәтижесі болып табылады. Оның ішінде Италия Премьер-министрі Джорджия Мелонидің Астанаға ресми сапары, сондай-ақ уәкілетті мемлекеттік органдардың, даму институттарының және іскер топтардың жүйелі өзара іс-қимылы бар.Ақпарат көзі : https://www.gov.kz/memleket/entities/mti/press/news/details/1161229?lang=kk