Құрметті азаматтар!    Цифрлық технологиялардың жедел дамуына байланысты интернет-алаяқтық фактілері жиілеп кетті.     Соңғы төрт айдың өзінде елімізде 8 000-нан астам интернет-алаяқтық оқиғасы тіркелді.     Алаяқтар өздерін банк қызметкерлері, мемлекеттік органдардың өкілдері, байланыс операторлары, курьерлік және медицина ұйымдарының қызметкерлері ретінде таныстырып, азаматтардың ресми құрылымдарға деген сенімін және психологиялық қысымды пайдаланады.     Өкінішке қарай, мемлекеттік және қаржы ұйымдарының қызметкерлері де алаяқтардың құрбаны болуда. Көптеген жағдайда қаскөйлер мессенджерлер арқылы басшылықтың атынан хабарласып, адамдарды алдап, ақшаларын аударуға мәжбүрлеген.      Еске саламыз: Мемлекеттік органдардың және банктердің өкілдері ешқашан телефон арқылы: деректерді, банк картасының реквизиттерін, кодтарын немесе құпия сөздерді сұрамайды. жеке растау      Сізден бейтаныс адамдарға жеке ақпаратыңызды бермеуді және күмәнді қоңыраулар немесе хабарламалар түскен жағдайда құқық қорғау органдарына дереу хабарлауды сұраймыз.       Сонымен қатар, интернет-алаяқтықтан қорғану жолдары мен қауіп-қатерлері туралы жақындарыңызды, әсіресе егде жастағы азаматтарды хабардар етуге шақырамыз.Ақпарат көзі : https://www.gov.kz/memleket/entities/kgd-zhambyl/press/news/details/1015092?lang=kk

Бангкок, 2025 жылғы 11 маусым – Қазақстанның Таиландтағы Елшісі Арман Исетов Дүниежүзілік Буддистер Достығының президенті Фаллоп Тайиримен кездесті.Кездесу барысында тараптар 2025 жылдың 17-18 қыркүйегінде Астанада өтетін VIII Әлемдік және дәстүрлі діндер лидерлерінің съезіне Дүниежүзілік буддистер бауырластығының қатысуын талқылады.Елші А.Исетов бұл шараның конфессияаралық диалогты қамтамасыз етудегі маңыздылығын атап өтті. Жаһандық қауіп-қатерлер мен келіспеушіліктердің күшеюі жағдайында діни әлем көшбасшылары адамзатты біріктіре алатыны айтылды.Өз кезегінде, Ф.Тайири Дүниежүзілік буддистер бауырластығы көптеген жылдар бойы Дін лидерлерінің съезін Қазақстанда өткізуге қолдау білдіріп келе жатқанын, сондай-ақ биыл күзде Астанада өтетін дін қайраткерлерінің форумына қатысатынын растады. Ақпарат көзі : https://www.gov.kz/memleket/entities/mfa-thailand/press/news/details/1015116?lang=kk

12 мамыр күні елордада Мемлекет басшысы Қасым-Жомарт Тоқаев пен Абу-Даби Тақ мұрагері шейх Халед бен Мұхаммед бен Заид Әл Нахаянның қатысуымен «Қазақстан – БАӘ» бизнес-форумы өтті. Аталған шараға Маңғыстау облысы әкімінің бірінші орынбасары Ербол Ізбергенов бастаған делегация да қатысты.Бизнес-форум аясында цифрлық технологиялар, қаржы, урбанистика және «жасыл» экономика бағыттарындағы заманауи трендтерді қамтыған бірқатар тақырыптық сессиялар ұйымдастырылды.Панельдік отырыс барысында Ербол Ізбергенов «Қалалық дамудың болашағын қалыптастыру: жаһандық үрдістер мен жаңа кезеңнің сын-қатерлері» тақырыбында баяндама жасады.Сондай-ақ, форумда екі елдің бизнес қауымдастықтары арасында B2B форматында кездесулер өткізіліп, бірқатар коммерциялық келісімдер жасалды.Оның ішінде, SEMURG INVEST ЖШС мен Abu Dhabi Ports Group арасында «Құрық» портында «Саржа» әмбебап терминалының құрылысын жүргізу және пайдалану жобасы бойынша мәміленің негізгі шарттары жөніндегі келісім және «Ақтау теңіз порты» Арнайы экономикалық аймағы АҚ мен Khalifa Economic Zones Abu Dhabi арасындағы ынтымақтастық туралы меморандумға қол қойылды.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau-uiir/press/news/details/1015100?lang=kk

Телеграмм КС - https://t.me/consot_kz  Конституциялық Сотқа Қазақстан Республикасы Еңбек кодексінің 137-1-бабы 4-тармағының Конституцияға сәйкестігін тексеру туралы азаматтың өтініші келіп түсті.Өтініште айтылған мән-жайлар белгілі бір жұмысты орындау уақытына жасалған еңбек шартын тоқтатуға қатысты болды. Қызметкерді жұмыс беруші еңбек функциясын орындау үшін басқа ұйымға жіберді. Еңбек шартын тоқтату қабылдаушы тараптан Еңбек кодексінің дауланып отырған нормасында көзделгендей жазбаша хабарламаның түсуіне байланысты жүзеге асырылды.Өтініш беруші бұған дейін еңбек қатынастарының екі тарапынан да еңбек шартының тоқтатылуын заңсыз деп тануды талап етіп, орындалатын жұмыс мерзімі туралы нақты шарттардың жоқтығына сілтеме жасай отырып, соттарға жүгінген. Сот органдары талаптарды қанағаттандырудан бас тартты. Азамат еңбек заңнамасының бұл нормасы оның еңбек ету құқығын бұзады деп санайды.Конституциялық Сот дауланып отырған норма азаматтардың еңбекке конституциялық құқығын іске асыруына кедергі келтірмейтінін атап өтті. Еңбек шартын оның мерзімін қоса алғанда, шарттармен жасасу тараптардың ерікті келісімінің нәтижесі болып табылады. Осылайша, азамат шарттың талаптарын қабылдай отырып, өзінің еңбек бостандығына құқығын іске асырады.Баяндалғанның негізінде Конституциялық Сот конституциялық іс жүргізуге өтінішті қабылдау үшін негіздердің жоқтығы туралы қорытындыға келді.Ақпарат көзі : https://www.gov.kz/memleket/entities/ksrk/press/news/details/1015101?lang=kk

2025 жылғы 10 маусымда Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы Жәнібек Әбдрашов Португалияның Алматы қаласындағы Құрметті консулдығының салтанатты ашылу рәсіміне қатысып, құттықтау сөз сөйледі.Өз сөзінде, Елші Қазақстан мен Португалия арасындағы екіжақты қарым-қатынастардың дамуын атап өтіп, Құрметті консулдықтың ашылуы гуманитарлық және мәдени байланыстарды нығайтуға, туризмді дамытуға, академиялық алмасулар мен бизнес-бастамаларды қолдауға ықпал ететінін атап көрсетті.Соңында, Ж. Әбдрашов екі ел арасындағы достық және өзара тиімді ынтымақтастықтың одан әрі тереңдей түсетініне сенім білдірді.Ақпарат көзі : https://www.gov.kz/memleket/entities/mfa-almaty/press/news/details/1015054?lang=kk

Елордада Сарыарқа ауданы ғимараттарының бірінің қасбетінде Қазақстан Республикасы ІІМ Ұлттық ұланы әскери қызметшілерінің қызметтік-жауынгерлік іс-әрекетіне арналған "Ұлттық ұлан — ел айбыны" патриоттық муралының салтанатты ашылуы өтті.Муралды салтанатты түрде ашу құрметі қызмет барысында қырағылық пен жанқиярлық танытқан қос сарбаз — Даниял Сәрсенғалиев пен Нұржан Жұмабекұлына берілді. Даниял Сәрсенғалиев таяуда эпилепсиялық ұстамасы бар қызға жедел медициналық көмек көрсеткен болатын. Ал Нұржан Жұмабекұлы "Шарын" базарындағы өртті байқаған бойда тиісті қызметтерге уақытылы баяндап, оқиға орнына қосымша күш шақырып, қауіп аймағына дереу қоршау ұйымдастырған.Өнер нысаны Сейфуллин 9/1 және Кубрин 22/1 көшелерінің қиылысында орналасқан алаңдағы ғимарат сыртына ерекше рең берді. Ол ұландықтардың қоғамдық қауіпсіздікті қамтамасыз етуге, өскелең ұрпақты отансүйгіштік пен адалдық рухында тәрбиелеуге қосқан үлесін мойындаудың символына айналды.Муралдың салынуына Сарыарқа ауданының әкімдігі бірлесіп, Ұлттық ұлан бастама көтерді.- Бұл туынды — біздің әскери қызметшілерімізге деген алғыстың белгісі. Өнер арқылы күндіз-түні тұрақтылық пен тәртіптің сақшысы, тыныштықтың қалқаны болған жандар туралы айтамыз. Мурал жастарды патриоттық тәрбиелеудің маңызды элементіне айналатынына және Отан алдындағы борышын еске салатынына сенімдімін, - деді Ұлттық ұлан Бас қолбасшысының тәрбие және әлеуметтік-құқықтықтық жұмыстар жөніндегі орынбасары Қайрат Үмбетов.Сарыарқа ауданы әкімінің орынбасары Дінмұхаммед Құлдашов өз сөзінде жобаның мәдени және тәрбиелік маңыздылығын атап өтті:"Біз қаланың сыртқы келбетін жақсартып қана қоймай, оны терең мазмұнмен толтыруға тырысамыз. Бұл муралдың пайда болуы әскери қызметке және маңызды міндет атқаратындарға құрметпен қарауды қалыптастырудағы оң қадам деп білеміз. Сондай-ақ, қаламыздың өзіндік болмысының бір бөлігі және аудан тұрғындары үшін мақтаныш нысанына боларына күмән жоқ".Айта кету керек, мурал аудан архитектурасына үйлесімді түрде еніп, елорда көшесінің жарқын екпініне айналды.Графикалық сурет елорда тұрғындары мен қонақтарының қызығушылығын тудырды. Бұл — күн сайын ел қауіпсіздігін қамтамасыз ететіндер үшін үлкен мақтаныш. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1015016?lang=kk

Вашингтон, 2025 жылғы 9 маусым – ҚР-дың АҚШ-тағы Елшілігінде АҚШ-тың Халықаралық діни бостандық жөніндегі комиссиясының (USCIRF) мүшелерімен кездесу өтті.Кездесу USCIRF-тің жаңа Төрағасы Вики Хартцлердің алғашқы жұмыс күнінде өткендіктен, диалогқа ерекше символдық мән беріп, тараптардың сындарлы ынтымақтастықты дамытуға деген өзара мүдделілігін айқын көрсетті.Қазақстанның АҚШ-тағы Елшісі Ержан Ашықбаев америкалық тарапты конфессияаралық және этносаралық келісім саласындағы мемлекеттік саясаттың басымдықтарымен таныстырды. Ол діни бостандыққа және мәдени алуандыққа құрмет Қазақстанда қоғамдық тұрақтылық пен орнықты дамудың маңызды негізі ретінде қарастырылатынын атап өтті.Екіжақты күн тәртібі аясында Е. Ашықбаев діни сенім бостандығы мәселелері бойынша АҚШ-пен арада қалыптасқан ынтымақтастық тетіктерінің бар екенін және америкалық үкіметтік емес ұйымдармен сәтті әріптестікке тоқтады.Сондай-ақ, Елші Қазақстанның мәдени және этникалық алуандылықты сақтаудағы рөлін ерекше атап өтіп, Комиссияның жыл сайынғы баяндамаларын дайындауда барынша байыпты әрі объективті көзқарас қажеттігін жеткізді.Кездесу барысында қазақстандық дипломат Дүниежүзілік және дәстүрлі діндер көшбасшыларының съезі мен Қазақстан халқы Ассамблеясы сияқты ұлттық институттардың дінаралық диалог пен мәдениеттерді жақындастыруда орнықты алаң ретінде маңызын атап өтті. Сонымен қатар, ағымдағы жылы қыркүйек айында Астанада өтетін VIII Съезге дайындық барысы туралы хабардар етті.USCIRF өкілдері Қазақстанның діни бостандықты қамтамасыз ету бағытында қабылдап жатқан шараларын оң бағалап, прагматикалық ынтымақтастықты жалғастыруға мүдделі екендіктерін білдірді. Ақпарат көзі : https://www.gov.kz/memleket/entities/mfa-washington/press/news/details/1014998?lang=kk

ҚР Сыбайлас жемқорлыққа қарсы іс-қимыл Агенттігінің Алматы қаласы бойынша департаменті «Заң мен тәртіп» идеологиялық нарративі аясында «UWW грэпплинг спорттық күресі федерациясы» қоғамдық бірлестігімен бірлесіп спорттық іс-шара ұйымдастырды. Іс-шараға 400-ге жуық жас спортшы – балалар мен жасөспірімдер қатысты.Аталған шара бұқаралық спортты дамытумен қатар, өсіп келе жатқан ұрпақтың бойында негізгі адамгершілік қағидаттарды қалыптастыруға бағытталды. Спорт – бұл тек физикалық шынығу ғана емес, сонымен бірге ішкі тұрақтылықты, рухтың күшін, адалдықты және жауапкершілік сезімін тәрбиелеудің қуатты құралы.Іс-шара барысында Алматы қаласының Сыбайлас жемқорлыққа қарсы қызметінің басшысы Арман Рахимов қатысушыларға: күш үстемдік үшін емес, қорғау үшін қажет — Отанды, отбасын, әлсіздер мен көмекке мұқтаждарды қорғау үшін қажет екенін атап өтті. Спорт — бұл агрессия емес, бұл — өзін-өзі бақылау. Бұл жолда физикалық жағынан мықты емес, тәртіпті, адал және моральдық тұрғыдан төзімді адам жеңіске жетеді.Іс-шара соңында жарыс ұйымдастырушыларына, жаттықтырушыларға және белсенді қатысқан жас спортшыларға алғыс хаттар табысталды. Бұл – жарысты ұйымдастыруға қосқан үлесі, бастамашылдығы, адал күрес рухына беріктігі мен өз қатарластарына үлгі бола білгені үшін берілген марапат. Бұл – әділетті және тұрақты қоғам құра алатын ұрпақты тәрбиелеуге қосылған ортақ үлес.Ата-аналарға да ерекше алғыс білдірілді – балаларын тәрбиелеуге, оларға уақытын, күш-жігері мен қаражатын арнағандары үшін. Себебі болашақтың іргетасы – отбасында қаланады.Іс-шараға балалар үйінен келген тәрбиеленушілердің қатысуы ерекше мәнге ие болды. Мұндай шаралар олар үшін – өздерінің маңыздылығын сезініп, өз күшіне сенуге және ішкі әлеуетін ашуға үлкен мүмкіндік.Бұл оқиға жай ғана спорттық жарыстар жиынтығы емес, жаңа буынның мінезі қалай қалыптасатынын көрсеткен жарқын мысал болды. Тәртіп, адалдық, құрмет, дамуға ұмтылу және заңға бағыну – бұл қасиеттер спортта да, өмірде де бірдей маңызды.#ЗАҢ_мен_ТӘРТІП#ЗАҢ мен ТӘРТІП Ақпарат көзі : https://www.gov.kz/memleket/entities/anticorruption-almaty/press/news/details/1014977?lang=kk

«QH Денсаулық жолы» жобасы аясында Алматы облысында тұрғындарға қолжетімді, сапалы тексеру қызметін ұсынады.📍 Қарасай ауданы Үшқоңыр ауылы Іргелі ауылы 🗓 16 маусым – 20 маусым 2025 жыл📍 Ұйғыр ауданы Ава ауылы Кетпен ауылы 🗓 23 маусым – 27 маусым 2025 жыл🩺 ТЕГІН ҚЫЗМЕТТЕР Маммография Компьютерлік томография (КТ) УДЗ (онкологтың жолдамасы бойынша) Алдын ала кеңес және бағыттау 📌 Барлық тексерулер ТЕГІН жүргізіледі!🆔 Өзіңізбен бірге ЖСН мен жеке куәлігіңізді алыңызАқпарат көзі : https://www.gov.kz/memleket/entities/almobl/press/news/details/1014983?lang=kk

Бразилиа, 2025 жылғы 10 маусым - Қазақстан Республикасының Елшілігінде Елші Болат Нүсіповтің Халықаралық сауда, инвестициялар және орнықты даму жөніндегі Бразилия институтының (IBCIS) президенті Велбер Бараллмен кездесуі өтті.Кездесу барысында екі елдің іскер топтарын басым және өзара тиімді жобаларға тарту арқылы Қазақстан мен Бразилия арасындағы сауда-экономикалық және инвестициялық ынтымақтастықты дамыту мәселелері талқыланды. Сонымен қатар, бірқатар бразилиялық компания тарапынан нақты жобаларды іске асыру мәселелері бойынша пікір алмасылды.Анықтамалық: Халықаралық сауда, инвестициялар және орнықты даму жөніндегі Бразилия институты (IBCIS) – халықаралық сауданы орнықты дамытуға, шетелдік инвестицияларды тартуға және бразилиялық компаниялардың шетелдегі инвестицияларын кеңейтуге бағытталған қызмет пен жобаларға техникалық және операциялық қолдау көрсететін ұйым. Осы тұрғыда институт сапалы әрі қолжетімді контент жасауды көздейтін сараптамалық орталық (think tank) ретіндегі рөлін күшейтті. Ақпарат көзі : https://www.gov.kz/memleket/entities/mfa-brazil/press/news/details/1014994?lang=kk

2025 жылғы 1 маусымдағы жағдай бойынша 2024 жылдың 1 ақпанынан бастап "БЖЗҚ" АҚ (бұдан әрі – БЖЗҚ, Қор) 13,34 млн АҚШ долларына 108 694 өтініш орындап, өтініш берушілердің банктік шоттарына аудару үшін уәкілетті операторларға аударды. Оның ішінде тұрғын үй жағдайларын жақсарту мақсатында 7,95 млн АҚШ долларына 64 325 өтініш, білім алу ақысын төлеу үшін 5,38 млн АҚШ долларына 44 369 өтініш орындалды. Естеріңізге сала кетейік, нысаналы жинақтарды алушы барлық соманы немесе оның бір бөлігін пайдалануға құқылы, ақшаның пайдаланылмаған қалдығы нысаналы жинақтау шотында (НЖШ) қала береді.Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыру (7,77 млн АҚШ долларына 62 749 өтініш орындалды), тұрғын үй сатып алуға ипотекалық тұрғын үй қарызын алу үшін бастапқы жарнаны енгізу – 57,78 мың АҚШ долларына 496 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 44,69 мың АҚШ долларына 407 өтініш. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (4,79 млн АҚШ долларына 39 065 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (437,15 мың АҚШ долларына 3 935 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (122,91 мың АҚШ долларына 1 113 өтініш орындалды).Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға ағымдағы жылы 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағы 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады.Ақпарат көзі : https://www.gov.kz/memleket/entities/akimat-beyneu/press/news/details/1019125?lang=kk

Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Астана қаласына Қазақстан мен Иран арасындағы Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссияның тең төрағасы ретінде келген Иран Ислам Республикасының Ауыл шаруашылығы джихады министрі Голамреза Нури Гезельджемен кездесу өткізді.Тараптар Қазақстан мен Иран арасындағы өзара іс-қимылдың қазіргі жағдайы мен келешегін, оның ішінде сауда-экономикалық, инвестициялық, ауыл шаруашылығы және көлік-логистика салаларындағы ынтымақтастық мәселелерін талқылады.Қазақстан СІМ басшысы бұл кездесуді жақында Тегеранға жасаған сапары аясында басталған мазмұнды диалогтың жалғасы ретінде бағалап, екіжақты серіктестіктің зор әлеуетін атап өтті және Қазақстанның Иранмен экономикалық және инфрақұрылымдық байланыстарды кеңейтуге дайын екенін жеткізді.Ақпарат көзі : https://www.gov.kz/memleket/entities/mfa-gorgan/press/news/details/1015094?lang=kk

 Мемлекеттік кірістер Департаменті тауарлар, жұмыстар мен көрсетілетін қызметтер үшін қолма-қол немесе қолма-қол емес есеп айырысулар кезінде сатушы бақылау-кассалық машинаны (БКМ) пайдаланып, қағаз немесе электрондық форматта фискалдық чек беруі тиіс екенін еске салады. Фискалдық чек – бұл сатып алу фактісін растайтын заңды құжат. Чектің көмегімен заңда белгіленген мерзім ішінде тауарды қайтаруға немесе айырбастауға болады, осылайша өз құқықтарыңызды қорғай аласыз. Фискалдық чек бермей жатса, не істеу керек? Фискалдық чек берілмеген жағдайда азаматтар салық төлеуші орналасқан жері бойынша мемлекеттік кірістер органына «e-Otinish» ресми сервисі арқылы шағым жолдай алады.Шағымға бұзушылықты дәлелдейтін бейнежазба, нақты мекенжайы мен уақыты, кәсіпкерлік субъектісінің атауы, сатып алынған тауар, жұмыс немесе қызмет туралы мәлімет, сондай-ақ мүмкін болған жағдайда басқа да қосымша ақпарат қоса берілуі қажет.Фискалдық чек берілмеген жағдайда салық төлеушіге алғаш рет ескерту жасалады. Бір жыл ішінде бұзушылықтар қайталанса, айыппұл салынады:- нотариустарға, жеке сот орындаушыларына, шағын бизнес субъектілеріне – 20 АЕК;- орта бизнес субъектілеріне – 30 АЕК;- ірі бизнес субъектілеріне – 40 АЕК.Сондай-ақ, қызмет барысында БКМ болмауы құқықбұзушылық болып саналады және алғаш рет ескерту жасалады. Бір жыл ішінде бұзушылықтар қайталанса, айыппұл салынады:- нотариустарға, жеке сот орындаушыларына, шағын бизнес субъектілеріне – 15 АЕК;- орта бизнес субъектілеріне – 30 АЕК;- ірі бизнес субъектілеріне – 50 АЕК. Сонымен қатар, салықтық мәдениетті арттыру мақсатында 2025 жылдың 3 сәуірінен бастап «Чек талап ет – жүлде ұтып ал» Республикалық акциясы басталды!Енді сіздердің әрқайсысыңыз күнделікті сатып алулар жасай отырып немесе ақылы қызметтерді ала отырып, тек фискалдық түбіртек алып қана қоймай, бағалы сыйлықтарды, соның ішінде ақшалай сыйлықтарды ұтып ала аласыз. Алынған түбіртекті «Amian» мобильді қосымшасында тіркесеңіз болғаны.Сондай-ақ, 2025 жылдың 1 мамырынан бастап «Бәйге» атты жаңа мотивациялық науқан күшіне енеді.Осы науқан аясында еліміздің әр өңірінде тоқсан сайын жеңімпаздар анықталатын болады 100 000 теңге жүлдесі random.org сайты арқылы Instagram парақшасында тікелей эфирде ұтыс ойыны арқылы аймақтағы ең үздік 50 пайдаланушының біріне беріледі - барлығы 20 жеңімпаз.Сонымен қатар, 2025 жылдың 19 мамырынан бастап Ақмола облысында Halyk Bank ұтыс ойыны басталады.  Оған Банктің POS терминалдарында Банк карталарымен жасалған операциялардан чектер қатысады.Әрбір жүктеп салынған чек ұтып алудың бір мүмкіндігі.Ай сайын – 10 жеңімпазға дейін, әрқайсысы 100 000 бонус алады.Қатысу оңай: тауарларды сатып алу немесе қызметтерге ақы төлеу кезінде фискалдық түбіртек сұраңыз және оны «Amian» қолданбасында тіркеңіз. Неғұрлым көп чектерді тіркесеңіз, ұтып алу мүмкіндігіңіз соғұрлым жоғары болады.Сондай-ақ, Ақмола облысының тұрғындары «Салық кэшбэк» пилоттық жобасына қатысып, Amian мобильді қосымшасында сатып алу сомасының 2% көлемінде кэшбэк ала алатынын еске саламыз. Алынған қаражатты банк картасына аударуға немесе ұялы телефон балансына аударуға болады. Ақпарат көзі : https://www.gov.kz/memleket/entities/kgd-akmola/press/news/details/1014843?lang=kk

2024 жылдан бастап қалада 1 400-ден астам абаттандыру және сәулет талаптарының бұзылу фактілері анықталды. Анықталған барлық құқықбұзушылықтар бойынша ескерту берілді. Әсіресе қаланың орталық бөлігінде абаттандыру ережелерін қатаң сақтау мәселесіне ерекше назар аударылды.Қолжетімді орта құрудың маңыздылығы атап өтілді. Бұл ретте заманауи талаптарға сай ыңғайлы пандустардың, кіреберіс топтардың және бекітілген Дизайн-кодқа сәйкес келетін көрнекі маңдайшалардың болуы міндетті екені айтылды.Оң тәжірибе ретінде келесі нысандар аталды: Абай және Гоголь көшелерінің қиылысында орналасқан «Перекрёсток» дәріханасы, «Fix Price» дүкендер желісі, Толстой көшесіндегі «Юпитер» фотосалоны, қайта жаңғырту жұмыстары аяқталуға жақын қалған «Дастархан» базары және қасбеті жаңартылып жатқан «Айналайын» дүкені.Абаттандырудың маңызды элементтерінің бірі — түнгі уақытта ғимараттар мен құрылыстардың сәулеттік жарықтандырылуы. Мұндай шешімдер нысандардың сәулеттік келбетін айқындап қана қоймай, қала кеңістігінің жайлылығы мен қауіпсіздігін арттыруға септігін тигізеді.Қала аумағында, соның ішінде орталық бөлігінде де, жер учаскелерін өз бетінше иемдену фактілерін анықтау бойынша жұмыстар жалғасуда. Аталған құқықбұзушылықтардың алдын алу және жою бағытындағы шаралар жүйелі түрде жүргізілетін болады.Сәулет бөліміне нысан иелерімен өзара іс-қимылды күшейту, сондай-ақ қасбеттерді қолданыстағы Дизайн-код пен абаттандыру талаптарына сәйкестендіру бойынша жұмыстарды жандандыру тапсырылды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1014858?lang=kk

Павлодар облысының прокуратурасында "Салық және кеден даулары бойынша кәсіпкерлік субъектілерінің мемлекеттік органдардың әрекеттеріне (әрекетсіздігіне) шағымдану" тақырыбында дөңгелек үстел өтті. Іс-шараға мамандандырылған ауданаралық әкімшілік сотының судьялары, прокуратура қызметкерлері, мемлекеттік органдардың өкілдері қатысты. Сондай-ақ, дөңгелек үстел жұмысына Павлодар облысы бойынша Мемлекеттік кірістер департаментінің (МКД) қызметкерлері қатысты. Кездесудің негізгі мақсаты - салық және кеден органдарымен даулар туындаған кезде бизнес құқықтарын қорғаудың практикалық тетіктерін талқылау, негізгі проблемаларды анықтау, сондай-ақ шағымдану рәсімін жетілдіру бойынша ұсыныстар әзірлеу. Іс-шараға Мамандандырылған ауданаралық әкімшілік сотының (МАӘС) судьялары, мемлекеттік органдардың өкілдері, сондай-ақ прокуратура қызметкерлері қатысты. МКД заң басқармасының басшысы Әсем Дүйсембекова осы саладағы дауларды қарау кезінде туындайтын негізгі проблемаларды атап өтті. Баяндамада әкімшілік актілерді шығару кезінде кәсіпкерлердің құқықтары мен заңды мүдделерін қамтамасыз ету мәселелеріне ерекше назар аударылды. Іс-шара барысында қатысушылар тәжірибе алмасты, кәсіпкерлердің қадағалау органдарымен өзара іс-қимыл кезінде кездесетін мәселелерін талқылады. Іс-шара қорытындысы бойынша қатысушылар шағымдану тетігінің тиімділігін арттыруға, құқықтық мәдениетті күшейтуге және уәкілетті органдар тарапынан бұзушылықтардың алдын алуға бағытталған бірқатар ұсыныстар тұжырымдады. Қатысушылар бизнес пен мемлекеттік органдар арасындағы диалогтың маңыздылығын атап өтіп, осындай іс-шараларды жалғастыруға қызығушылық білдірді. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1014863?lang=kk

Бүгін біз тек технологиялар ғана емес, сонымен қатар байланыс құралдары да керемет қарқынмен дамып жатқан динамикалық уақытта өмір сүріп жатырмыз.Ұялы телефонды пайдалану арқылы күнделікті мәселелерден алшақтамай, пайдалы ақпаратпен танысу ыңғайлы.Ақмола облысы бойынша Мемлекеттік кірістер департаментінің Telegram-арнада салық және кеден заңнамасы бойынша бейнероликтерді, пресс-релиздерді және басқа да пайдалы ақпаратты көре аласыз.Арна сілтемесі https://t.me/+erahiLRyGQE4NDFiЖазылыңыз және жаңалықтардан хабардар болыңыз. Ақпарат көзі : https://www.gov.kz/memleket/entities/kgd-akmola/press/news/details/1014837?lang=kk

БЖЗҚ туралы өзекті сауалдарБЖЗҚ-дағы зейнетақы жинақтарынан кесте бойынша берілетін төлемдер: қалай есептеледі, қайда жүгіну керек  Зейнетақы жинақтарынан кесте бойынша берілетін төлемдерге кімдердің құқығы бар? Қазақстан Республикасы Әлеуметтік кодексіне (бұдан әрі - Кодекс) сәйкес, БЖЗҚ-дан бекітілген кесте бойынша ай сайынғы зейнетақы төлемі БЖЗҚ-да міндетті зейнетақы жарналары есебінен қалыптастырылған зейнетақы жинақтары бар:1) зейнет жасына толған (ерлер – 63 жас, әйелдер – 61 жас);2) егер мерзімсіз болып белгіленсе, 1 және 2 топтағы мүгедектігі бар;3) еңбек жағдайлары зиянды өндірістерде жұмыс істеп, оның пайдасына жиынтығында кемінде 84 күнтізбелік ай бойы міндетті кәсіптік зейнетақы жарналары төленгенін растайтын құжаты бар және осы зиянды еңбек жағдайларындағы жұмысын тоқтатқан немесе денсаулыққа кері әсері жоқ басқа жұмысқа ауысқан, 55 жасқа толған азаматтарға (бұдан әрі - жиынтығында кемінде 84 күнтізбелік ай бойы міндетті кәсіби зейнетақы жарналары төленген 55 жасқа толғандар) беріледі.    Кесте бойынша берілетін төлемдер қалай есептеледі? Кесте бойынша берілетін төлемдер былай есептеледі: зейнетақы төлемін ала бастайтын алғашқы жылы зейнетақы жинақтарының сомасы зейнетақы жинақтарының 6,5% төлем мөлшерлемесіне көбейтіліп, 12-ге бөлінеді. Одан кейінгі жылдары ай сайынғы зейнетақы төлемінің мөлшері зейнетақы төлемдерін индекстеудің 5% мөлшерлемесіне ұлғайып отырады. Бұл ретте БЖЗҚ-дан берілетін ай сайынғы зейнетақы төлемінің мөлшері  республикалық бюджет туралы заңда тиісті қаржы жылына белгіленген ең төменгі күнкөріс деңгейінің (бұдан әрі - ЕТК) кемінде 70% мөлшерінде жүзеге асырылады (2025 жылы ЕТК деңгейі - 46 228 теңге). Тек 55 жасқа толған және жиынтығында кемінде 84 күнтізбелік ай бойы міндетті кәсіби зейнетақы жарналары төленген азаматтарға берілетін төлемнің есебі басқаша. Мерзімсіз белгіленген 1 немесе 2 топтағы мүгедектігі бар адамдар, сондай-ақ зиянды және қауіпті өндірістерде жұмыс істеп, зейнет жасына толған, олардың пайдасына жиынтығында кем дегенде 60 ай міндетті кәсіптік зейнетақы жарналары төленген адамдар сияқты белгілі бір санаттағы алушылар үшін Әдістемеде ай сайынғы зейнетақы төлемінің мөлшерін арттыратын түзету коэффициенттері көзделген. Жоғарыда көрсетілген шарттардың біреуінен артығын қанағаттандыратын адамдар үшін ең үлкен мәнге ие түзету коэффициенті қолданылады. Егер БЖЗҚ-дан төлем жасалған күндегі зейнетақы жинақтарының сомасы республикалық бюджет туралы заңда тиісті қаржы жылына белгіленген ең төменгі зейнетақының он екі еселенген мөлшерінен аспаса (2025 жылы 753 252 теңге = 62 771х12), төлем бір рет бірақ беріледі.Түзету коэффициенттері 55 жасқа толған және олардың пайдасына жиынтығында кемінде 84 күнтізбелік ай МКЗЖ төленген адамдарға қолданылмайды.БЖЗҚ-дан берілетін зейнетақы төлемдерін алу үшін қайда және қашан хабарласуға болады?             БЖЗҚ-дан зейнет жасына толуға байланысты зейнетақы жарналарының міндетті түрлері есебінен зейнетақы төлемдерін тағайындау, сондай-ақ мемлекеттік бюджеттен базалық және ортақ зейнетақы тағайындау үшін алушылар тұрғылықты жері бойынша "Азаматтарға арналған үкімет" мемлекеттік корпорациясына (ХҚКО) уақытылы хабарласуы қажет. Мұны зейнет жасына 10 күн қалғанда жасауға болады. Зейнетақы төлемдерінің барлық түрлері өтініш берілген күннен бастап жүргізіледі. Бұл ретте өтініш берілген күн болып өтініштің және қажетті құжаттардың ХҚКО-да тіркелген күні есептеледі. Егер алушы зейнет жасына толғанға дейін ертерек жүгінген болса - зейнет жасына толған күн өтініш берілген күн болып есептеледі. Әсіресе, бюджеттен төлемдер алу үшін уақытылы жүгінген аса маңызды, себебі оны тағайындау үшін алушы ұсынған құжаттар негізінде еңбек өтілін тексеру қажет.БЖЗҚ-да зейнетақы жинақтары бар мүгедектік белгіленген жандарға қайда забарласу қажет?             Мүгедектіктің белгіленуіне байланысты зейнетақы жинақтары төлемін алу үшін БЖЗҚ бөлімшелеріне немесе электрондық цифрлық қолтаңбаны пайдалана отырып, enpf.kz сайтындағы не БЖЗҚ мобильді қосымшасындағы жеке кабинет арқылы жүгіну қажет.          БЖЗҚ-да мүгедектігі бар адамдар үшін үйінде/жұмыс орнында қызмет көрсету ұйымдастырылған. Бұл ретте алдын-ала кеңес беру, оның ішінде қызметтерді қашықтан, ешқайда бармай-ақ алу мүмкіндігі тексеріледі.55 жасқа толған, олардың пайдасына жиынтығында кемінде 84 күнтізбелік ай МКЗЖ төленген тұлғаларға қайда хабарласу қажет?  55 жасқа толған, олардың пайдасына жиынтығында кемінде 84 күнтізбелік ай МКЗЖ төленген тұлғаларға міндетті кәсіптік зейнетақы жарналары есебінен зейнетақы төлемдері арнаулы әлеуметтік төлем тағайындау шеңберінде проактивті қызмет көрсету арқылы не жеке басын куәландыратын құжатты, сондай-ақ банк шоты туралы мәліметтерді ұсына отырып, Мемлекеттік корпорацияға өтінішпен жүгінген кезде тағайындалады.Егер аталған адамның міндетті зейнетақы жарналары есебінен қалыптастырылған зейнетақы жинақтары болса, онда бұл тұлғаға оларды алуға келісімі болған кезде міндетті зейнетақы жарналары есебінен БЖЗҚ-дан қосымша зейнетақы төлемдері тағайындалуы мүмкін.БЖЗҚ зейнетақы төлемдеріне жүгінбеген зейнеткерлерге қатысты қандай іс-шараларды жүзеге асырады?         Телефон нөмірлері еgov мобильді азаматтар базасында тіркелген болашақ зейнеткерлерге (әлеуетті алушыларға) зейнет жасына толғанға  дейін 2 ай қалғанда 1414 нөмірінен зейнетақы төлемдерін тағайындау жөніндегі қызметтерді алу үшін Мемлекеттік корпорацияның жақын жердегі бөлімшесіне уақытылы жүгіну мүмкіндігі туралы SMS-хабарлама жіберіледі. Онда egov.kz сайтындағы қажетті құжаттар тізіміне сілтеме беріледі. Яғни, мемлекеттік органдар зейнетақы төлемдерін белгіленген мерзімде ресімдеу үшін тиісті хабарламалар жібереді. Себебі, өткізіп алған кезең үшін төлемдер тағайындалмайды.         Сонымен қатар, БЖЗҚ-дан зейнетақы төлемдерін жүзеге асыру бойынша проактивті қызмет көрсету мақсатында зейнет жасына толған, Қорда зейнетақы жинақтары бар, бірақ төлем алуға өтініш білдірмеген тұлғалар бойынша БЖЗҚ Мемлекеттік корпорациямен бірлесіп, осындай азаматтарда жасына байланысты тағайындалған зейнетақы төлемдерінің және бюджет қаражаты есебінен мемлекеттік базалық зейнетақы төлемдерінің бар-жоқтығын жыл сайын салыстырып, тексеру жұмыстарын жүргізеді. Жыл сайынғы салыстыру нәтижелері бойынша бюджет қаражаты есебінен тағайындалған зейнетақы төлемдері бар адамдар анықталған кезде БЖЗҚ Мемлекеттік корпорациямен жасалған тиісті келісім шеңберінде оларға зейнетақы төлемдерін өтінішсіз-ақ аударады.      Ақпарат көзі : https://www.gov.kz/memleket/entities/almobl-uigur/press/news/details/1014815?lang=kk

2025 жылдың жазғы маусымында Алматы облысында балалардың демалысы мен сауықтырылуын жоғары деңгейде ұйымдастыруға бағытталған кешенді шаралар жүзеге асырылуда. Бұл туралы Алматы облысы Өңірлік коммуникациялар қызметінің ақпараттық алаңында Алматы облысы білім басқармасының Қорғаншылық, қамқоршылық және тәрбие жұмысы бөлімінің басшысы Ізбасар Айжан мен Алматы облысы білім басқармасының Қорғаншылық, қамқоршылық және тәрбие жұмысы басқарманың бас маманы Шарапов Мадияр мәлімдеді.Биылғы жазда өңірде барлығы 30 балалар лагері жұмысын бастайды. Оның ішінде 1 мемлекеттік, 1 республикалық және 28 жекеменшік лагерь бар. Жалпы алғанда бұл демалыс орындары 6 мыңнан астам баланы қабылдауға дайын. Балалардың жазғы демалысын тиімді ұйымдастыру мақсатында облыс әкімдігі жанынан арнайы жұмыс тобы құрылды. Сонымен қатар, облыстық білім басқармасының бұйрығымен арнайы іс-шаралар жоспары бекітілді. Нәтижесінде, биыл облыстағы 335 мыңнан астам оқушының 92% жазғы демалыс және сауықтыру шараларымен қамтылады деп жоспарлануда.Айжан Ізбасардың айтуынша, мемлекет пен демеушілердің қолдауымен әлеуметтік осал топтағы балаларға ерекше көңіл бөлінуде. Атап айтқанда, жетім балалар, көпбалалы отбасылардан шыққан балалар, сондай-ақ мүмкіндігі шектеулі оқушылар үшін арнайы жолдамалар бөлініп, олардың толыққанды демалысы қамтамасыз етіледі және «Қазақстан халқына» қорының есебінен мыңнан астам балаға лагерлерге жолдама беріледі.Сонымен қатар, биыл өңірде «Ұлылар еліне саяхат» жобасы бастау алды. Жобаның мақсаты – жас ұрпаққа патриоттық тәрбие беру, ұлттық сана мен тарихи танымды қалыптастыру. Аталған жоба аясында әлеуметтік осал топтағы, көпбалалы және аз қамтылған отбасылардан шыққан, сондай-ақ ерекше білім беруді қажет ететін дарынды оқушылар еліміздің ұлы тұлғаларына арналған музейлер мен мемориалдық кешендерге саяхаттайды. Сапар барысында тарихи тұлғаларға арналған экспозициялармен танысып, танымдық экскурсияларға қатысады, – деді Шарапов Мадияр.Балалардың қауіпсіздігі – басты назарда. Барлық лагерьлерде өрт қауіпсіздігі, санитарлық-гигиеналық талаптар және құқықтық тәртіпті сақтау шаралары қатаң бақылауға алынған. Су айдындарында қауіпсіздік шаралары күшейтіліп, балалар мен ата-аналар арасында түсіндіру жұмыстары жүргізілуде, - деп қорытындылады спикерлер.Ақпарат көзі : https://www.gov.kz/memleket/entities/almobl/press/news/details/1014802?lang=kk

Алматы облысында ауыл шаруашылығы дақылдарын шегірткелерден қорғауға бағытталған кешенді іс-шаралар жалғасуда. 2025 жылы облыс аумағында аса қауіпті зиянды жәндіктерге қарсы күрес аясында 1 874 930 гектар жерге мониторинг жүргізу жоспарланған. Оның ішінде үйірлі шегірткелерге – 1 650 700 гектар, саяқ шегірткелерге – 150 990 гектар алқап қарастырылған.Ағымдағы маусымда 873 460 гектар жерге тексеру жүргізілуі тиіс, оның ішінде 799 000 гектар – үйірлі шегірткелердің, 74 460 гектар – саяқ шегірткелердің таралуы ықтимал аумақтар. Мониторинг нәтижесінде шегірткелердің жаппай таралуы мен экономикалық зияндылық шегінен асқан жағдайлар анықталған.Жалпы 113 997 гектар аумаққа химиялық өңдеу жүргізу көзделген. Үйірлі шегірткелерге қарсы өңдеулер республикалық бюджет есебінен 63 438 гектарда жүргізілуде (итальяндық прус – 46 755 га, азиялық шегіртке – 16 683 га).Саяқ шегірткелерге қарсы шаралар үшін жергілікті бюджеттен 349,9 млн теңге бөлініп, 50 559 гектар алқапқа химиялық өңдеу жоспарланған. Оның ішінде аса жеңіл авиациямен – 28 027 га, жер үсті техникасымен – 22 532 га жер өңделуде.Химиялық өңдеу жұмыстарына «ЗаРаГранд» және «AVIASILA» ЖШС-тері тартылған:• 15 жер үсті бүріккіш техника,• 1 жеңіл ұшақ,• 5 аса жеңіл әуе кемесі,• 2 дрон,• «Фитосанитария» РММ-нің 4 арнайы техникасы бар.Барлық жұмыстарға 201 адам және 46 автокөлік жұмылдырылған. Мониторингке 74 маман қатысуда (53 – тұрақты, 21 – уақытша), сондай-ақ жергілікті әкімдіктер арқылы жұмыспен қамту орталықтарынан 103 адам тартылды.09 маусымға дейінгі мәліметтерге сәйкес:• 552 771 гектар жерге мониторинг жүргізілді;• Итальяндық прус – 377 149 га (таралғаны – 37 671 га, ЭЗШ асқаны – 24 316 га);• Азиялық шегіртке – 123 100 га (таралғаны – 8 850 га, ЭЗШ асқаны – 7 340 га);• Саяқ шегіртке – 52 522 га (таралғаны – 46 575 га, ЭЗШ асқаны – 43 038 га).Қазіргі таңда өңдеу жұмыстары 62 103 гектар жерде жүргізілді, бұл жоспардың 54,5%-ын құрайды. Оның ішінде:• Итальяндық прус – 21 129 га (45,2%);• Азиялық шегіртке – 6 198 га (37,2%);• Саяқ шегіртке – 34 776 га (68,8%).Аудандар тарапынан шегірткеге қарсы жүргізілген өңдеулер:• Еңбекшіқазақ ауданы: 6 755 га тексерілді, 5 955 га ЭЗШ асты. 5 955 га толық өңделді.• Жамбыл ауданы: 4 530 га тексеріліп, 4 000 га толық өңделді.• Талғар ауданы: 1 760 га тексеріліп, 1 220 га өңделді.• Ұйғыр ауданы: 5 253 га тексеріліп, 3 508 га ЭЗШ асты. 3 508 га өңделді.• Қонаев қаласы: 2 850 га тексеріліп, 2 450 га толық өңделді.• Балқаш ауданы: 7 930 га тексеріліп, 5 410 га ЭЗШ асты. 4 020 га өңделді.• Іле ауданы: 11 214 га тексеріліп, 9 014 га ЭЗШ асты. 8 300 га өңделді.• Қарасай ауданы: 2 010 га тексеріліп, 1 800 га өңделді.• Кеген ауданы: 2 240 га тексеріліп, 2 130 га ЭЗШ асты. Өңдеу 29 мамырдан басталды.• Райымбек ауданы: 7 730 га тексеріліп, 7 415 га ЭЗШ асты. 4 123 га өңделіп, қосымша дрондар мен техника жұмылдырылды.Аса қауіпті зиянкестерге қарсы күрес Алматы облысында жүйелі әрі қатаң бақылаумен жүргізілуде. Арнайы мамандар мен техника күшімен жүзеге асырылып жатқан бұл іс-шаралар ауыл шаруашылығы алқаптарын зиянкестерден қорғауға, өнім сапасы мен көлемін сақтауға бағытталған. Жұмыстар жалғасуда, жағдай күнделікті бақылауда ұсталып отыр.Ақпарат көзі : https://www.gov.kz/memleket/entities/almobl/press/news/details/1014761?lang=kk

Қостанай облысында денсаулық сақтау саласының 2025 жылдың қаңтар–мамыр айларындағы жұмыс қорытындылары жарияланды. Облыс әкімі Құмар Ақсақаловтың төрағалығымен өткен кезекті аппараттық отырыста атқарылған жұмыстар сараланып, өзекті мәселелер мен алдағы міндеттер талқыланды.Инфрақұрылымды дамыту – басым бағытСоңғы екі жылда ауылдық елді мекендерде 25 алғашқы медициналық-санитарлық көмек көрсету нысаны салынды. Бұл – амбулаториялар, фельдшерлік-акушерлік және медициналық пункттер, олар УДЗ аппараттарымен, зертханалармен, физиотерапиялық және оңалту жабдықтарымен қамтамасыз етілген.2024 жылы ерекше қажеттіліктері бар балаларға арналған аутизм және басқа да менталдық ауытқулары бар балалар орталығы ашылды. Қазіргі уақытта Қостанай ауданының Тобыл қаласында ауысымына 250 қабылдауға арналған жаңа емхананың құрылысы жүргізілуде. Сонымен қатар, Қостанай қаласының Юбилейный шағын ауданында және Рудный қаласында медициналық нысандардың құрылысы аяқталуға жақын.Заманауи жабдықтар – сапалы қызметтің негізіСоңғы үш жылда денсаулық сақтау саласына бөлінетін қаржы 1,3 есеге өсіп, медициналық техника сатып алуға жұмсалатын шығындар 2 есеге артып, 7,2 млрд теңгеге жетті. 2023–2025 жылдар аралығында 46 жедел жәрдем көлігі, 1 реанимобиль, 100-ден астам наркоз-тыныс алу аппараттары, ЭКГ және УДЗ құрылғылары, жаңа туған нәрестелерге арналған инкубаторлар, ангиограф және маммографтар сатып алынды.Нәтижесінде медициналық жабдықтардың тозу деңгейі 2022 жылғы 49,2%-дан бүгінгі күні 27%-ға дейін төмендеді. Алайда, Жангелдин, Амангелді және Федоров аудандарында техникамен қамтылу облыстық деңгейден төмен қалып отыр.Кадр мәселесі: басты назар – мамандар тартуМедициналық кадр тапшылығын шешу мақсатында арнайы қолдау шаралары жүзеге асырылуда. Қабылданған шаралардың нәтижесінде дәрігерлік бос орындар саны 251-ден 160-қа дейін қысқарды. Алтынсарин және Федоров аудандарында кадр тапшылығы толығымен жойылды, көптеген басқа аудандарда да оң динамика байқалады.Ауылдық жерге барған дәрігерлерге 5 млн теңгеге дейін, қалаларға – 3,5 млн теңге көлемінде көтерме жәрдемақы төленеді. Арқалық, Амангелді және Жангелдин аудандарында бұл төлемдер 7–8,5 млн теңгеге дейін ұлғайтылды.Халық денсаулығы – ұдайы назардаБірқатар аудандарда нәресте өлімі фактілері тіркелсе, Рудный қаласында бір ана өлімі орын алды. Қостанай және Қарабалық аудандарында жүрек-қан тамырлары ауруларынан болатын өлім-жітім деңгейі жоғары.Облыс әкімі бұл көрсеткіштерді жақсарту үшін тек медицина саласының ғана емес, сонымен қатар халықтың да өз денсаулығына жауапкершілікпен қарауы маңызды екенін атап өтті. Уақытылы дәрігерге қаралу және алдын ала тексеруден өту ауруларды ерте сатыда анықтауға мүмкіндік береді.Медициналық көмек – адами қарым-қатынаспенОблыстағы медициналық ұйымдарда Пациенттерді қолдау қызметі жұмыс істейді. Азаматтардың басты шағымдары – қабылдауды ұйымдастыру, қызмет сапасы және этика нормаларын сақтау мәселелері. Медициналық мекеме басшыларына қызмет сапасына бақылауды күшейту және әрбір өтініш бойынша нақты әрекет ету тапсырылды.– Пациент келді – тыңдадыңдар, тексердіңдер, көмек көрсеттіңдер. Қызметтің үлгісі дәл осылай болуы керек, – деді Құмар Ақсақалов.Нақты тапсырмалар берілдіОтырыстың қорытындысы бойынша облыс әкімі Денсаулық сақтау басқармасына бірқатар тапсырмалар жүктеді:аурушаңдықтың өсуіне жол бермеу және алдын алу шараларын күшейту;барлық өңірлерде медициналық жабдықтармен қамтылуды облыстық деңгейге жеткізу;кадрларды тарту және медицина қызметкерлерінің біліктілігін арттыру жұмысын жалғастыру;медициналық қызмет сапасын жақсарту;медициналық ұйымдардың берешегін азайту;негізгі көрсеткіштер бойынша теріс динамикаға жол берген Қарабалық, Қостанай аудандарының, Қостанай қаласындағы №3 емхананың және Рудный қалалық емханасының басшыларын қатаң сөгіске тарту. 9 айдың қорытындысы бойынша оң өзгеріс болмаса, лауазымына сәйкестігі мәселесін қарау тапсырылды.Аймақта денсаулық сақтау жүйесі ары қарай да науқасқа бағдарланған тәсілге негізделе отырып, азаматтардың денсаулығы мен сенімін басты орынға қоятын бағытта дамитын болады.Ақпарат көзі : https://www.gov.kz/memleket/entities/kostanay/press/news/details/1014739?lang=kk