08.04.2026 күні аудан әкімінің қатысуымен ауыл әкімі Сауыт Нұрғалиұлының есеп беру кездесуі өтті. Кездесу барысында ауыл тұрғындары тарапынан өзекті мәселелер көтеріліп, тиісті жауаптарын алды. Ауыл әкімі 2025 жылғы атқарылған жұмыстарымен 2026 жылға жоспарларымен бөлісті.Ақпарат көзі : https://www.gov.kz/memleket/entities/mangystau-munaily-batyr/press/news/details/1197417?lang=kk

  Қазақстан Республикасы Қорғаныс министрінің цифрландыру жөніндегі орынбасары Дархан Ахмедиевтің басшылығымен қазақстандық әскери делегация Әзербайжан Республикасының Қорғаныс министрлігінде болды.  Қазақстандықтар Әзербайжанның аумақтық тұтастығы мен егемендігі жолында қаза тапқан батырлардың қабірлеріне тағзым етіп, Шәһидтер аллеясына гүл шоқтарын қойды.  Сапар аясында Әзербайжан Қорғаныс министрінің орынбасары – бас директор Агиль Гурбановпен кездесу өтті. Тараптар әскери, әскери-техникалық және білім беру салаларындағы ынтымақтастықтың қазіргі жай-күйі мен даму перспективалары, сондай-ақ өзара қызығушылық тудыратын бірқатар мәселелер бойынша пікір алмасты.  Делегация мүшелері Бас жедел басқарманың, Халықаралық әскери ынтымақтастық басқармасының, Байланыс және ақпараттық технологиялар бас басқармасының қызметімен танысты. Олар үшін бөлімшелердің құрылымы мен қызмет бағыттары бойынша брифингтер ұйымдастырылды.  Әзербайжан Қорғаныс министрлігінің Киберқауіпсіздік орталығы мен Н-ші әскери бөлімнің қызметіне ерекше назар аударылды. Бұл бөлімшелердің ерекшелігі – заманауи қару-жарақ жүйелерінің, ақпараттық технологиялар құралдарының киберқауіпсіздігін қамтамасыз ету және жасанды интеллект негізінде киберқауіптерге қарсы іс-қимыл жасау.Ақпарат көзі : https://www.gov.kz/memleket/entities/mod/press/news/details/1197451?lang=kk

Алматы облысында әлеуметтік саясаттың мазмұны біртіндеп нақты нәтижеге бағытталып келеді. Соның айқын дәлелдерінің бірі – аға буын өкілдеріне арналған «Белсенді ұзақ өмір орталықтарының» жүйелі жұмысы. Бұл бастама жай ғана әлеуметтік қолдау емес, егде жастағы азаматтардың өмір сапасын арттыруға бағытталған кешенді саясаттың бір бөлігіне айналып отыр.Қарасай ауданындағы осындай орталық 2025 жылдың 16 сәуірінде Ұмтыл ауылдық мәдениет үйі базасында ашылған еді. Бір қарағанда қарапайым әлеуметтік нысан болып көрінгенімен, уақыт өте келе оның қоғам үшін маңызы айқындала түсті. Өйткені мұнда зейнет жасындағы азаматтар бос уақытын тиімді өткізіп қана қоймай, денсаулығын нығайтып, қоғамдық өмірге қайта араласуға мүмкіндік алды.Орталық жұмысының тиімділігі нақты көрсеткіштерден-ақ байқалады. Алғашқыда 65 адам тіркелсе, бүгінде бұл сан 121. Бұл – халық тарапынан сұраныстың артқанын және жобаның өміршеңдігін көрсететін маңызды көрсеткіш.Бір жылдық мерейтой аясында өткен шаралар да орталық қызметінің мазмұнын аша түсті. Ең бастысы – мұнда келушілер тек көрермен емес, белсенді қатысушыға айналған. Олар ұйымдастыру ісіне араласып, өз бастамаларын ұсынуда. Бұл – орталықтың негізгі мақсатының орындала бастағанының белгісі.Мерекелік күн еңбек терапиясы бағытындағы “Қолдан туған құндылық” көрмесімен басталды. Қатысушылардың қолынан шыққан бұйымдар олардың шығармашылық әлеуетінің жоғары екенін көрсетті. Кейін концерттік бағдарламаға ұласқан шарада күй күмбірлеп, ән шырқалып, би биленді. Сонымен қатар, орталықтың бір жылдық жұмысын қорытындылаған бейнематериал ұсынылды.Бүгінде мекеме 11 бағыт бойынша тұрақты қызмет көрсетеді. Алғаш келген азаматтардың денсаулық жағдайы мен әлеуметтік белсенділігі төмен болғаны жасырын емес. Көпшілігі цифрлық технологияларды қолдануда қиналып, қоғамнан оқшауланып қалған еді. Алайда жүйелі жұмыстың нәтижесінде жағдай айтарлықтай өзгерген.АҚарасай аудандық “Белсенді ұзақ өмір орталығы” филиалының кеңесшісі Аңса Дүйсенбай- бір жылдың ішінде қызмет алушылар арасында жаңа әлеуметтік байланыстар қалыптасып, олардың қоғамдық өмірге қатысу деңгейі артты. Ең маңызды жетістіктердің бірі – цифрлық сауаттылықтың өсуі. Қатысушылар смартфон, мессенджерлер мен бейнеқоңырауларды еркін меңгеріп, заманауи ақпараттық кеңістікке бейімделе бастаған. Бұл біздің ұжым үшін үлкен жетістік.Бұл өзгерістер – тек статистика емес, нақты адамдардың өміріндегі оң бетбұрыс. Әрбір жаңа дағды, әрбір жаңа байланыс – олардың өмір сапасын арттыруға жасалған қадам.Қорыта айтқанда, Қарасай ауданындағы «Белсенді ұзақ өмір орталығы» бір жылдың ішінде әлеуметтік жобадан нақты нәтиже беретін тиімді алаңға айналды. Мұнда әр көрсеткіштің артында – адам тағдыры тұр. Ал сол тағдырлардың жақсаруы – атқарылған жұмыстың басты өлшемі.Ақпарат көзі : https://www.gov.kz/memleket/entities/almobl/press/news/details/1197456?lang=kk

Маңғыстау облысы бойынша Мемлекеттік кірістер департаменті еске салады: республикалық «Халықтық бухгалтер» акциясы жалғасуда және 2026 жылғы 30 маусымға дейін жалғасады.Акция Қазақстан Республикасы Қаржы министрлігінің бастамасымен 2026 жылғы 5 қаңтарда іске қосылды. Оның мақсаты — жеке кәсіпкерлер мен шағын бизнес субъектілеріне тегін консультациялық көмек көрсету. Негізгі міндет — кәсіпкерлерге жаңа Салық кодексінің нормаларын дұрыс және қателіксіз қолдануға, бухгалтерлік және салықтық есеп жүргізуге, сондай-ақ мемлекеттік кірістер органдарының ақпараттық жүйелерінде жұмыс істеуге көмектесу.«Біз салық төлеушілерге бақылау моделінен сервистік сүйемелдеуге көшіп жатырмыз. “Халықтық бухгалтер” — бұл өз бизнесін адал жүргізетін және оны сауатты, айыппұлсыз және артық тәуекелсіз жүргізгісі келетіндерге нақты қолдау», — деп атап өтті Департаментте. Кім консультация ала алады?- Жеке кәсіпкерлер;- Шағын және орта бизнес субъектілері;- Жаңа салық заңнамасын қолдануда қиындықтарға тап болған барлық азаматтар. Маңғыстау облысындағы қабылдау кестесі2026 жылғы наурыз айынан бастап консультациялар аптасына екі рет — сейсенбі және бейсенбі күндері сағат 10:00-ден 13:00-ге дейін Ақтау қаласы бойынша Мемлекеттік кірістер басқармасының базасында өткізіледі.Қабылдау орны «Халықтық бухгалтер» арнайы белгісімен белгіленген. Консультацияларды кәсіби бухгалтерлер, аудиторлар және мемлекеттік кірістер департаментінің мамандары жүргізеді. «Халықтық бухгалтерден» не сұрауға болады?- Арнайы салық режимдерін қолдану тәртібі;- Бухгалтерлік және салықтық есеп жүргізу ережелері;- Салық есептілігін толтыру және тапсыру;- Электрондық жүйелерде жұмыс істеу («Салық төлеушінің кабинеті» және т.б.);- Айыппұлға әкелетін жиі кездесетін қателіктер және оларды болдырмау жолдары.Маңғыстау облысының кәсіпкерлері тегін және ыңғайлы форматта білікті көмек алу мүмкіндігін белсенді пайдаланып жатыр.Ақпарат көзі : https://www.gov.kz/memleket/entities/kgd-mangistau/press/news/details/1197330?lang=kk

Бұл іс-шара Қазақстанда инвестицияларды қорғау – ең маңызды мемлекеттік басымдықтардың бірі екенін айқын дәлелдейді.Мемлекет басшысы Қасым-Жомарт Кемелұлы нақты ұстанымды айқындады: инвестор нақты қорғауды сезініп, ашықтық пен тұрақтылыққа сенімді болуы тиіс.Дәл осы қағидаттар еліміздің заманауи инвестициялық саясатының негізін құрайды.Қазақстан 48 үкіметаралық инвестицияларды көтермелеу және өзара қорғау туралы келісімге қол қойып, елімізде қолайлы инвестициялық ахуал үшін сенімді құқықтық негіз қалыптастырды.Конституцияға сәйкес прокурорларға заңдылықтың сақталуына жоғары қадағалау функциясы жүктелген, оның аясында біз азаматтар мен бизнестің құқықтарын да қорғаймыз.Бүгінде біз екі мың инвесторға көмек көрсетіп, 30 мың жұмыс орнын қамтитын 250-ден астам жобаның іске қосылуын қамтамасыз еттік.Қазақстан прокуратурасы тікелей Мемлекет басшысына бағынады, басқа мемлекеттік органдардан тәуелсіз және кез келген құқық бұзушылықтарға жедел әрекет етуге қабілетті.Инвесторларды қорғау тетігін одан әрі күшейту мақсатында Мемлекет басшысының Жарлығымен Инвестициялық омбудсменнің функциялары Бас Прокурорға жүктелді (2025 жылғы желтоқсан).🔹 Бас прокуратура базасында Инвесторлардың құқықтарын қорғау комитеті құрылды.Өңірлерде мен облыс прокурорларының орынбасарлары деңгейінде инвестициялық прокурорларды тағайындадым.Қазақстандағы әрбір маңызды инвестициялық жоба прокурорлық сүйемелдеуде болады.Әрбір инвесторға нақты прокурор бекітіледі.Қазіргі уақытта Заңда барлық мемлекеттік органдар үшін «прокурорлық сүзгі» деп аталатын тетік көзделген.Олар прокурордың келісімінсіз инвесторды тексеруге, оның қызметін тоқтатуға, лицензиясын кері қайтарып алуға және өзге де шектеулер енгізуге құқылы емес.Бұл – біздің қадағалау функциямыздың жүзеге асырылуы. Егер мемлекеттік органның шешімі немесе әрекеті заңсыз болса – біз оны жоямыз, ал кінәлі лауазымды тұлғалар жауапкершілікке тартылады.Егер заңнамада кедергілер болса – олар да жойылатын болады.Мен Комитетке мемлекеттік органдардың заңға тәуелді актілерін айқын немесе жасырын кедергілердің бар-жоғына қатысты ревизия жүргізуді тапсырдым.Олар Конституцияда азаматтар мен бизнес үшін белгіленген кепілдіктерді төмендетпеуі тиіс.Бас прокуратура Мемлекет басшысы айқындаған «Заң және тәртіп» тұжырымдамасына толық сәйкес инвесторлардың құқықтарының сақталуын қамтамасыз етеді.Сонымен қатар, Бас Прокурор Үкімет жанындағы Инвестициялық штабтың бизнестің мәселелерін жедел шешудегі негізгі рөлін атап өтті.Штаб нақты қорғау құралына айналды:- 2 жыл ішінде 200-ден астам инвестициялық жоба қаралды.- Жобалардың жалпы сомасы — 100 млрд АҚШ долларынан астам.- Инвестициялық келісімдердің көлемі 15 есеге өсті.«Бұл — инвесторлардың сенімінің көрсеткіші және тиімді үйлестірудің нәтижесі», — деп атап өтті ведомство басшысы.

Нью-Дели, 2026 жылғы 9 сәуір - Қазақстан Республикасының Үндістан Республикасындағы Елшісі Азамат Есқараев Үндістан Республикасының Азаматтық авиация министрінің орынбасары Пунит Кансалмен кездесу өткізді.Қазақ дипломаты Қазақстан Республикасы мен Үндістан Республикасы арасындағы азаматтық авиация саласындағы ынтымақтастықты дамыту әлеуетінің жоғары екенін атап өтті. Жолаушылар ағынының тұрақты өсуі және тікелей рейстерге сұраныстың артуы осы бағыттағы өзара іс-қимылды кеңейту қажеттігін көрсететіні туралы айтылды.Тараптар қолданыстағы шарттық-құқықтық база, соның ішінде әуе қатынасы туралы келісім және екіжақты уағдаластықтар әуе байланысын дамытуға негіз болып табылатынын.Үндістан Қазақстан азаматтары үшін туристік және іскерлік сапарлар бойынша танымал бағыттардың біріне айналып келе жатқаны, ал Қазақстан үндістандық туристер арасында тартымдылығы артып отырғаны айтылды. 2025 жылы Қазақстанға келген үнді туристерінің саны шамамен 150 мың адамға жетті. Бұған Үндістан азаматтары үшін 14 күндік визасыз режимнің енгізілуі ықпал етті. Қазақстан тарапы Үндістанның Қазақстан азаматтары үшін 30 күнге дейін ақысыз виза енгізу туралы шешімін құптады.Тараптар әуе қатынастарына қатысты мәселелер бойынша екіжақты консультацияларды жалғастыруға мүдделілік танытты.Кездесу қорытындысы бойынша тараптар серіктестікті одан әрі нығайтуға және туризм мен іскерлік байланыстарды дамыту үшін қолайлы жағдайлар жасауға өзара дайын екендерін растады.Ақпарат көзі : https://www.gov.kz/memleket/entities/mfa-delhi/press/news/details/1197226?lang=kk

Брюссель, 2026 жылғы 8 сәуір – Брюссель қаласында Қазақстан Республикасының Бельгия Корольдігіндегі Елшілігінің ұйымдастыруымен және Астана қаласы әкімдігінің қолдауымен қазақ мәдениетінің Shanyraq Fest Brussels фестивалінің ресми тұсау-кесері өтті.Бельгия дипломаттар клубымен бірлесіп дайындалған салтанатты ашылу рәсімі Бельгия астанасының беделді орындарының бірі – Корольдік Галль клубында (Cercle Royal Gaulois) өтті. Іс-шараға дипломатиялық корпус өкілдері, құрметті консулдар, іскерлік және мәдени орта өкілдері қатысты.8–11 сәуір аралығында өтетін фестиваль Қазақстан Республикасының мәдени мұрасын насихаттауға, сондай-ақ Қазақстан, Бельгия және Еуропалық одақ арасындағы гуманитарлық байланыстарды нығайтуға бағытталған.Өз сөзінде Қазақстан Республикасының Брюссельдегі Елшісі Роман Василенко Қазақстанның Бельгиямен және Еуропалық одақпен ынтымақтастығының серпінді әрі жан-жақты дамып келе жатқанын атап өтіп:«Осы фестиваль сияқты мәдени бастамалар біздің қоғамдарымыз арасындағы өзара түсіністікті нығайтуға ықпал етеді», – деді.Өз кезегінде Бельгия дипломаттар клубының президенті, Елші Рауль Делькорд мұндай іс-шаралардың мемлекетаралық диалогты дамыту және мәдени ынтымақтастықты кеңейту үшін маңыздылығын атап өтті.Ашылу рәсімі аясында Астана қаласындағы Еркеғали Рахмадиев атындағы Мемлекеттік академиялық филармония әртістерінің концерті өтті. Фестивальге қатысу үшін Брюссельге музыкалық және сахналық өнердің түрлі бағыттарын ұсынатын 40-тан астам талантты қазақстандық әртіс келді. Концерттік бағдарламада қазақ ұлттық және әлемдік классикалық музыканың танымал туындылары орындалып, көрермендердің ыстық ықыласына бөленді.Shanyraq Fest Brussels фестивалі еуропалық серіктестермен гуманитарлық өзара іс-қимылды тереңдетуге бағытталған жүйелі саясатты көрсетеді және Қазақстан мен Еуропа елдері арасындағы мәдени алмасуды кеңейтуге, сондай-ақ екіжақты және көпжақты байланыстарды одан әрі нығайтуға арналған перспективалы алаң ретінде қарастырылады.Ақпарат көзі : https://www.gov.kz/memleket/entities/mfa-brussels/press/news/details/1197230?lang=kk

Президент Қасым-Жомарт Тоқаев Пәкістан Премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісімге қол жеткізілуін құптайды.Бұл келісім АҚШ Президенті Дональд Трамптың және Иранның жоғарғы басшылығының, сондай-ақ әскери қақтығысқа қатысқан елдердің ізгі ниеті мен парасаттылығының арқасында мүмкін болды.Мемлекет басшысы әлемдік сауданың дамуына және барлық мемлекеттің экономикалық өркендеуіне жағдай жасау мақсатында қол жеткізілген бітімгершілік келісімнің ұзақ мерзімді сипатқа ие болатынына үміт білдірді.Ақпарат көзі : https://www.gov.kz/memleket/entities/mfa-skopje/press/news/details/1197196?lang=kk

ҚР ҰБ пен ИПБ басқаруындағы инвестициялық портфельге2026 жылдың 1 наурызындағы жағдай бойынша шолу enpf.kz сайтында зейнетақы активтерін ҚР ҰБ пен ИПБ басқаруы туралы 2026 жылдың 1 наурызындағы жағдай бойынша есебі ұсынылған    "БЖЗҚ" АҚ (бұдан әрі – БЖЗҚ, Қор) enpf.kz сайтындағы "Статистика және аналитика – Зейнетақы активтерін инвестициялық басқару" бөлімінде Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынды. 2026 жылғы 1 наурыздағы жағдай бойынша ҚРҰБ және ИПБ басқаруымен зейнетақы активтерінің жалпы көлемі 26 851,19 млрд теңгені құрады. Осы күнгі жағдай бойынша міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) есебінен қалыптастырылған ҚРҰБ сенімгерлік басқаруындағы БЖЗҚ зейнетақы активтері шамамен 25 874,71 млрд. теңгені құрады. ҚРҰБ сенімгерлік басқаруындағы жұмыс берушінің міндетті зейнетақы жарналары (МЗЖ) есебінен қалыптастырылған зейнетақы активтерінің көлемі - 877,09 млрд. теңге.ИПБ басқаруындағы зейнетақы активтері 99,39 млрд теңгені құрады. ҚРҰБ басқаруындағы зейнетақы активтерінің инвестициялық портфеліҰлттық Банк БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.ҚРҰБ ұсынған ақпарат бойынша 2026 жылғы 1 наурызда МЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары төмендегідей: ҚР Қаржы министрлігінің мемлекеттік бағалы қағаздары – 41,92%, квазимемлекеттік компаниялардың облигациялары – 9,19%, ҚРҰБ депозиттері – 2,93%, ҚР эмитенттерінің акциялары мен депозитарлық қолхаттары – 2,59%, Қазақстан Республикасының екінші деңгейдегі банктерінің облигациялары – 2,37%, шет мемлекеттердің МБҚ – 2,06%, МҚҰ – 1,17%.Активтердің 36,21%-ы инвестордың стратегиялық мүдделерін көрсететін бағалы қағаздар жиынтығы саналатын эталондық портфельге қатысты инвестициялар портфелін қалыптастыруды көздейтін индекстік басқаруда болады. Эталондық портфельдің кірістілігі басқару тиімділігін бағалау кезінде шара ретінде қызмет етеді. Эталондық портфель ретінде жетекші әлемдік қаржы компаниялары немесе ҚРҰБ әзірлеген және қадағалайтын индекстер пайдаланылады. Активтерді индекстік басқаруды ҚРҰБ дербес, сондай-ақ дамыған елдер облигацияларының субпортфеліне, дамушы елдер облигацияларының қосалқы портфеліне, корпоративтік облигациялардың қосалқы портфеліне және акциялардың қосалқы портфеліне қатысты шетелдік басқарушы компанияларды тарта отырып жүзеге асырады.2026 жылғы 1 наурыздағы жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номинацияланған валюталар бөлінісіндегі инвестициялық портфель мынадай: ұлттық валютадағы инвестициялар – 59,63%, АҚШ долларымен – зейнетақы активтері портфелінің 40,36%.Инвестициялау нәтижесінде бағалы қағаздар бойынша сыйақы түріндегі табыс, оның ішінде орналастырылған салымдар мен "кері РЕПО" операциялары бойынша кіріс 359,93 млрд теңгені, бағалы қағаздарды нарықтық қайта бағалаудан түскен кірістер 211,27 млрд теңгені, сыртқы басқарудағы активтер бойынша кірістер 15,08 млрд теңгені, өзге кірістер 0,56 млрд теңгені құрады. Бағамдық қайта бағалауды ескере отырып, сыртқы басқарудағы активтерді қоспағанда, шетел валютасында инвестицияланған бағалы қағаздарды нарықтық қайта бағалау теріс болып қалыптасты.2025 жылғы наурыздан бастап 2026 жылғы ақпанға дейінгі соңғы 12 айда есептелген инвестициялық кірістің мөлшері шамамен 2,66 трлн теңгені құрады, осы кезеңдегі кірістілік 11,39%-ды құрады.2026 жылғы 1 наурыздағы ЖМЗЖ инвестициялау бағыттары келесідей: ҚР Қаржы министрлігінің мемлекеттік бағалы қағаздары – 86,06%, РЕПО операциялары – 8,57%, ҚРҰБ депозиттері – 5,36%, инвестициялық шоттардағы ақшалай қаражат – 0,01%.ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. Бағалы қағаздар бойынша, оның ішінде орналастырылған салымдар мен "кері РЕПО" операциялары бойынша сыйақы түріндегі кіріс – 19,48 млрд теңге. Бағалы қағаздарды нарықтық қайта бағалау салымшыларға 1,48 млрд теңге кіріс әкелді.2025 жылғы наурыздан бастап 2026 жылғы ақпанға дейінгі соңғы 12 айда ЖМЗЖ бойынша есептелген инвестициялық кірістің мөлшері шамамен 72,84 млрд теңгені құрады, осы кезеңдегі кірістілік – 10,63%.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі 99,39 млрд теңгеден асады.01.03.2026ж. жағдай бойынша "Alatau City Invest" АҚ сенімгерлік басқаруындағы зейнетақы активтері – 16,52 млрд теңге.Компанияның негізгі инвестициялары: Exchange Traded Funds (ETF) пайлары – 24,09 %, ҚР эмитенттерінің акциялары мен депозитарлық қолхаттары – 12,34%, ҚР ҚМ МБҚ – 3,22%, ҚР екінші деңгейдегі банктерінің (ЕДБ) облигациялары – 12,26%, РЕПО – 7,16%, ҚР эмитенттерінің корпоративтік облигациялары – 9,80%, ҚР квазимемлекеттік ұйымдарының облигациялары – 9,62%, шетелдік эмитенттердің корпоративтік облигациялары – 5,13%, МҚҰ – 4,51%, шет мемлекеттердің МБҚ – 2,02%.Атап кетейік, портфельдің 55,41% теңгемен, 43,52% АҚШ долларымен, 1,06% басқа валюталарда ұсынылған. Зейнетақы активтерінің 2025 жылғы наурыздан 2026 жылғы ақпанға дейінгі соңғы 12 айдағы кірістілігі – 12,90%."Alatau City Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған.01.03.2026ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 7,88 млрд теңге болды.Портфель құрылымындағы негізгі инвестициялар: шетелдік эмитенттердің үлестік құралдары (ETF пайлары) – 26,64%, кері РЕПО (күнтізбелік 90 күннен аспайтын) – 6,72%, ҚР ЕДБ облигациялары – 14,97%, ҚР Қаржы министрлігінің мемлекеттік бағалы қағаздары – 13,52%, ҚР квазимемлекеттік ұйымдарының облигациялары – 10,78%, Қазақстан Республикасының ұйымдары шығарған акциялар мен депозитарлық қолхаттар – 4,19%, ҚР ұйымдарының корпоративтік облигациялары – 5,52%, шет мемлекеттердің МБҚ – 5,03%, ҚРҰБ ноталары – 12,05%.Ұлттық валютадағы инвестициялар портфельдің 64,38%-на, АҚШ долларымен 35,62%-на тең.Зейнетақы активтерінің 2025 жылғы наурыздан 2026 жылғы ақпанға дейінгі соңғы 12 айдағы кірістілігі – 11,49%."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.03.2026ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері шамамен 12,61 млрд теңге. Инвестициялардың негізгі бағыттары: ҚР ЕДБ облигациялары – 21,50%, ҚР ҚМ МБҚ – 16,44%, ҚР квазимемлекеттік ұйымдарының облигациялары – 14,13%, РЕПО – 15,46%, ҚР резидент-эмитенттерінің корпоративтік облигациялары – 10,12%, шет мемлекеттердің МБҚ – 7,82%, шетелдік эмитенттердің корпоративтік облигациялары – 6,93%, ҚР эмитент-резиденттерінің акциялары мен депозитарлық қолхаттары – 2,19%.  Ұлттық валютадағы инвестициялар портфельдің 68,53%-ын, АҚШ долларымен 31,47%-ын құрайды.Зейнетақы активтерінің 2025 жылғы наурыздан 2026 жылғы ақпанға дейінгі соңғы 12 айдағы кірістілігі – 10,82%. "BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.03.2026ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 6,4 млрд теңге.ҚР квазимемлекеттік ұйымдарының облигацияларына – 24,25%, ҚР ЕДБ облигацияларына – 15,52%, ҚР эмитенттерінің корпоративтік облигацияларына – 16,21%, шет ел эмитенттерінің корпоративтік облигацияларына – 9,02%, ҚР ҚМ МБҚ-ға – 5,44%, АҚШ мемлекеттік облигацияларына – 8,65%, РЕПО – 8,06%, ҚР резиденттері-эмитенттерінің акциялары мен депозитарлық қолхаттарына – 3,77%, шетелдік эмитенттердің акциялары мен депозитарлық қолхатарына – 2,56% инвестицияланды.Ұлттық валютада портфельдің 66,68%-ы, АҚШ долларында 33,32%-ы инвестицияланды.Зейнетақы активтерінің 2025 жылғы наурыздан 2026 жылғы ақпанға дейінгі соңғы 12 айдағы кірістілігі – 17,65%. "Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.03.2026ж. жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері шамамен 55,98 млрд теңге болды.Портфель құрылымындағы негізгі инвестициялардың сипаты мынадай: кері РЕПО (90 күнтізбелік күннен көп емес) – 18,95%, ҚР ҚМ МБҚ – 15,13%, ҚР ЕДБ облигациялары – 14,54%, МҚҰ – 12,24%, Exchange Traded Funds (ETF) пайлары – 9,05%, шетелдік эмитенттердің корпоративтік облигациялары – 6,24%, ҚР эмитенттерінің корпоративтік облигациялары – 7,12%, ҚРҰБ ноталары – 5,16%, ҚР квазимемлекеттік ұйымдарының облигациялары – 5,02%, ҚР эмитенттерінің акциялары мен депозитарлық қолхаттары – 3,89%.  Ұлттық валютадағы құралдарға портфельдің 65,54%, АҚШ долларында – 34,36% инвестицияланды.Зейнетақы активтерінің 2025 жылғы наурыздан 2026 жылғы ақпанға дейінгі соңғы 12 айдағы кірістілігі – 10,29%."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға  оны ИПБ-ға 100% көлемінде беруге болады.2026 жылдың 1 қаңтарынан бастап ИПБ қызметін Ki композиттік индекстері негізінде бағалау жүйесі енгізілді. Композиттік индекс – бұл жаһандық экономикалық тенденцияларды, сондай-ақ капитал нарығындағы жағдайларды ескере отырып, ИПБ жұмысының нәтижелерін объективті бағалауды қамтамасыз ететін ұлттық және әлемдік қор нарықтарының индекстерін қамтитын бенчмарк түрі. 2026 жылдан бастап ИПБ зейнетақы активтерін сенімгерлік басқару жөніндегі қызметті тәуекел деңгейі, кірістілігі және инвестициялау мерзімдері бойынша ерекшеленетін үш инвестициялық портфельдің бірін таңдауды көздейтін жаңа тәсіл негізінде жүзеге асырады. Егер зейнетақы активтерінің кірістілігі белгіленген ең төменгі деңгейден (композиттік бенчмарктан) төмен болған жағдайда, ИПБ теріс айырма сомасын меншікті капитал есебінен өтеуге тиіс. Осылайша, жеке басқарушылар жинақтардың сақталуын меншікті капиталмен қамтамасыз етуге жауапты. Айта кету керек, зейнетақы жинақтарын ИПБ-ға беру мүмкіндігі пайда болған 2021 жылдан бастап барлық басқарушы компаниялар белгіленген нормативтерді сақтады, осыған байланысты белгіленген айырмашылықты өтеу қажеттілігі туындаған жоқ.  ҚР Ұлттық Банкінің сенімгерлік басқаруындағы жинақтар төлемдерге құқық алған кезде инфляция деңгейінен төмен емес сақталуының мемлекеттік кепілдігімен қорғалады.Сондай-ақ, БЖЗҚ азаматтардың зейнетақы активтерін инвестициялық басқару бойынша invest.enpf.kz бірыңғай ақпараттық интернет-платформаны іске қосқанын еске саламыз. Ол ИПБ туралы барлық негізгі ақпаратты бір цифрлық кеңістікте біріктіреді және инвестициялық қызмет туралы деректерді ұсынуға жүйелі тәсілді қамтамасыз етеді. Ақпарат көзі : https://www.gov.kz/memleket/entities/social-abay/press/news/details/1197182?lang=kk

Қазақстан Республикасының бастамасымен халықаралық деңгейде маңызды тарихи шешім қабылданып, Біріккен Ұлттар Ұйымы Бас Ассамблеясы 2026 жылды Орнықты даму мақсатындағы халықаралық еріктілер жылы деп жариялау туралы қарар қабылдады.Еріктілер қозғалысын дамыту және экологиялық бастамаларды қолдау мақсатында өңірде бірқатар жобалар жүзеге асырылуда. Осы бағыттағы негізгі жаңалықтардың бірі – еріктілер арасында «Үздік экологиялық стратегиялар» конкурсының ұйымдастырылуы. Аталған конкурс жеңімпазына 1 млн теңге көлемінде грант беріледі. Марапат жыл қорытындысы бойынша салтанатты іс-шарада табысталады. Байқауға қатысушылар өз бастамаларын алдын ала әзірлеп, іріктеу және жобаларды қорғау кезеңдерінен өтеді.Облыста қазіргі таңда 3 мыңға жуық ерікті бар, оның ішінде 2 456-сы – жастар. Волонтерлік қозғалысты қолдау және дамыту мақсатында 2026 жылы өңірде жалпы сомасы 19 245 мың теңгені құрайтын 11 жоба іске асырылуда. Соның бірі – облыстық жастар ресурстық орталығы жүзеге асырып жатқан, құны 5 млн теңге болатын «Қостанай облысында волонтерлікті ілгерілету» жобасы.Жалпы республика көлемінде волонтерлік қызмет соңғы жылдары тұрақты өсім көрсетіп келеді. Жыл сайын Ұлттық еріктілер желісіне 60 мыңнан астам азамат тартылып, 200-ден астам адам «Жыл еріктісі» халықаралық сыйлығының лауреаты атанған.Өңірлік деңгейде де волонтерлік белсенділік артып отыр. 2025 жылдың қорытындысы бойынша облыста 2 211 іс-шара ұйымдастырылып, оған 22 мыңнан астам ерікті қатысты. Жалпы волонтерлік қызмет көлемі 4 800 сағаттан асты. Сонымен қатар, өңірлік фронт-офис жаңа бастамашыл жастар мен көшбасшылардың қалыптасуына мүмкіндік беретін тиімді алаңға айналып отыр.Ақпарат көзі : https://www.gov.kz/memleket/entities/kostanay/press/news/details/1197131?lang=kk

Нью-Дели, 2026 жылғы 8 сәуір - Қазақстан Республикасының Үндістан Республикасындағы Елшісі Азамат Есқараев Үндістан Сыртқы істер министрлігінің Сыртқы экономикалық қатынастар департаментінің Бас директоры др. Басир Ахмедпен кездесу өткізді.Қазақ дипломаты 2026 жылғы 22 ақпанда Қазақстан Республикасы мен Үндістан Республикасы дипломатиялық қатынастардың орнатылғанына 34 жыл толуын атап өткенін ерекше атап өтті. Екі ел арасындағы байланыстардың тек ресми дипломатиямен шектелмей, терең өркениеттік, тарихи және мәдени негіздерге сүйенетіні айтылды. Қазақстан мен Үндістан Еуразия және Азия кеңістігіндегі жақын әріптестер ретінде екіжақты ынтымақтастыққа стратегиялық мән береді.Қазақстан тарапы Үндістанды 2026 жылғы БРИКС ұйымына төрағалық етуімен құттықтады. Осы орайда үнді тарапының шақыруымен қазақстандық делегацияның БРИКС аясындағы кездесуге қатысуы жоспарланып отырғаны атап өтілді. Тараптар алдағы іс-шараның жекелеген ұйымдастырушылық мәселелерін талқылады.Алдағы байланыстар БРИКС саммиті қарсаңында Үндістанға жоғары деңгейдегі сапарға дайындықтың маңызды кезеңі ретінде қарастырылатыны атап өтілді. Осыған байланысты қазақстандық тарап тиісті келісімдерді белгіленген тәртіппен одан әрі келісуге мүдделілігін растады.Тараптар алдағы байланыстар Қазақстан мен Үндістан арасындағы стратегиялық әріптестікті одан әрі нығайту үшін маңызды мүмкіндік болатынын атап өтті. Бұл сауда, инвестиция, технология және мәдени-гуманитарлық байланыстар салаларындағы ынтымақтастықты кеңейтуге, сондай-ақ өңірлік тұрақтылық, халықаралық бейбітшілік және көпжақтылық қағидаттарына ортақ ұстанымды растауға ықпал етеді.Кездесу қорытындысы бойынша тараптар екіжақты ынтымақтастықты одан әрі тереңдетуге өзара мүдделілігін растады және барлық негізгі бағыттар бойынша белсенді диалогты жалғастыруға келісті.Ақпарат көзі : https://www.gov.kz/memleket/entities/mfa-delhi/press/news/details/1197135?lang=kk

7 сәуірде Абай аудандық мәслихатының кезектен тыс 50 сессиясы өтті. Сессияны шақыруға аудандық бюджетке өзгерістер енгізу қажеттілігі негіз болды. Бюджетке енгізілетін өзгерістер туралы "экономика және қаржы бөлімі" ММ басшысы Б. Р. Муталяпова баяндама жасап, тұрғын үй көмегін көрсету қағидаларына өзгерістер енгізу туралы баяндама жасады "жұмыспен қамту және әлеуметтік бағдарламалар бөлімі" ММ басшысы А. Ш. Таласов сондай-ақ, мәслихат депутаттары ауданның консультативтік-кеңесші органдарының құрамына өзгерістер енгізді. Барлық қарастырылған мәселелер бойынша шешімдер қабылданды. Сессия жұмысына аудан әкімінің орынбасарлары, ауданның қоғамдық кеңесінің төрағасы, "АМАNАТ" партиясы аудандық филиалының атқарушы хатшысы қатысты.Ақпарат көзі : https://www.gov.kz/memleket/entities/social-abay/press/news/details/1197075?lang=kk

              Абай облысы бойынша Қылмыстық-атқару жүйесі департаментінің орташа қауіпсіздік мекемесінде сотталғандар Семей қаласындағы КМҚК «Политехникалық колледж» базасында техникалық мамандықтар бойынша кәсіби білім алуда.          Қазіргі уақытта колледжде жасы 20-дан 65-ке дейінгі 70-тен астам сотталған білім алуда. Орташа қауіпсіздік мекемесінде жазасын өтеп жатқан сотталғандар электрогазбен дәнекерлеуші, ағаш ұстасы (столяр-тығыздаушы), тігінші, слесарь-сантехник, автокөліктерді жөндеу слесары сияқты мамандықтарды игеруде. Оқу мерзімі — он ай.          — Мен 64 жастамын. Өмірімнің көп бөлігін мектеп пен балаларға арнадым — отыз жылдан астам уақыт география пәнінен сабақ бердім. Зейнетке шығуыма бірнеше ай ғана қалған еді, алайда тағдыр басқаша шешті — мен осында келіп, сегіз жылға бас бостандығымнан айырылдым.Соған қарамастан, мен оқуға ешқашан кеш емес екеніне нық сенемін. Биыл колледжде білім алып, электрогазбен дәнекерлеуші мамандығын меңгеріп жатырмын. Бұл маған үміт сыйлап, өмірдің тоқтап қалмағанын сезіндіреді. Бостандыққа шыққаннан кейін шағын дәнекерлеу цехын ашып, қоғамға пайдалы болып, білімімді балаларым мен немерелеріме бергім келеді, — деп бөлісті сотталған.             — Бас бостандығымнан айырылғанға дейін Алматы қаласында тұрып, бір ЖШС-де жүк тасушы болып жұмыс істедім. Үйде мені жұбайым мен бес кәмелетке толмаған балам күтіп отыр. Сотталғаннан кейін отбасым іс жүзінде күнкөріссіз қалды — бұл мен үшін ең ауыр жағдай. Қазір мекеме аумағында техникалық қызмет көрсету станциясы жұмыс істейді, мен сол жерде еңбек етіп, жақындарыма қолдан келгенше көмектесуге тырысып жүрмін. Сұранысқа ие маман болу үшін колледжде автокөліктерді жөндеу слесары мамандығы бойынша оқуды бастадым. Бұл мамандық мен үшін адал әрі заңға бағынатын жаңа өмірге жолдама болады деп сенемін. Балаларыма сынбаған, еңбек ете алатын, отбасын асырай білетін адам болып оралғым келеді, — деп бөлісті сотталған.           — Кәсіби оқыту — ресоциализацияның негізгі элементі. Біз сотталғандардың тек жазасын өтеп қана қоймай, бостандыққа нақты дағдылармен және қоғам үшін өз құндылығын түсіне отырып шығуы үшін бар күшімізді саламыз. Алынған мамандық — жаңа, заңға бағынатын өмірді бастауға, жұмыс табуға және отбасын қамтамасыз етуге мүмкіндік. Дәл еңбек пен білім олардың қоғамға табысты бейімделуінің негізі болып табылады, — деп атап өтті сотталғандардың еңбегін ұйымдастыру бөлімінің бастығы Куанышбек Туканов.Ақпарат көзі : https://www.gov.kz/memleket/entities/duisabai/press/news/details/1197014?lang=kk

           Абай облысы бойынша ҚАЖ орта қауіпсіздік мекемесінің қызметкерлері Абай облысы ПД Есірткі қылмысына қарсы іс-қимыл басқармасының қызметкерлерімен бірлесіп, «Мұрагер» әкелер клубы аясында Семей жоғары көп салалы колледжінің студенттері арасында нашақорлықтың алдын алуға бағытталған профилактикалық іс-шара өткізді.Кездесудің негізгі мақсаты – жастардың есірткі құралдарын тұтынуға деген тұрақты теріс көзқарасын қалыптастыру, сондай-ақ құқықтық және әлеуметтік жауапкершілікті арттыру болды. Іс-шара барысында студенттерге есірткінің зияны, оның адам денсаулығына, психикасына және болашағына тигізетін зардаптары туралы жан-жақты ақпарат ұсынылды.Заңсыз есірткі айналымы мен оны қолданудың құқықтық салдарына ерекше назар аударылды. Мамандар білім алушыларға қолданыстағы заңнама нормаларын түсіндіріп, есірткі қылмыстары үшін көзделген қылмыстық және әкімшілік жауапкершілік туралы еске салды. Сонымен қатар, салауатты өмір салтын ұстанудың, белсенді өмірлік ұстанымның және қоршаған ортаның жағымсыз ықпалына қарсы тұра білудің маңыздылығы айтылды.– Нашақорлықтың алдын алу – бір реттік шара емес, жастардың дұрыс өмірлік бағдарларын қалыптастыруға бағытталған жүйелі жұмыс. Біздің міндетіміз – студенттерге салауатты өмір салты, өз іс-әрекетіне жауапкершілікпен қарау және заңды құрметтеу табысты болашақтың негізі екенін жеткізу, – деді сотталғандармен тәрбие және әлеуметтік-психологиялық жұмыс жөніндегі бөлімнің бастығы Мақсат Серікханов.– Мұндай кездесулер дұрыс емес таңдаудың салдары туралы ойлануға мәжбүр етеді. Біз көптеген пайдалы ақпарат алдық және өз денсаулығымыз бен болашағымызды қорғаудың қаншалықты маңызды екенін түсіндік, – деп бөлісті колледж студенті.Өткізілген кездесу студенттер арасында үлкен қызығушылық тудырып, нашақорлықтың алдын алу мен жастар арасында заңға бағынатын мінез-құлықты қалыптастыруға маңызды үлес қосты.Ақпарат көзі : https://www.gov.kz/memleket/entities/duisabai/press/news/details/1197041?lang=kk

2026 жылғы 8 сәуірде Халықаралық даму жөніндегі қазақстандық агенттік «KazAID» «Авиценна:Денсаулық сақтау» бағдарламасы аясында Қырғызстан мен Тәжікстан студенттері үшін Астананың мәдени-тарихи орындарына мәдени және білім беру турын ұйымдастырды. Қатысушылар тығыз бағдарлама бойынша жүрді: Тәуелсіздік сарайы, Бейбітшілік және келісім сарайы, Ұлттық музей, Жеңіс аркасы, Орталық мешіт және «Бәйтерек» монументіне барумен. Студенттерге Қазақстанның тәуелсіздігінің символдары мен астананың заманауи сәулет өнерінің керемет туындылары таныстырылды. Бұл тур Орталық Азия студенттеріне Астананың мәдени және сәулеттік ұлылығын тереңірек түсінуге мүмкіндік берді — ұлттық символ Бәйтеректен бірегей Бейбітшілік пен келісім сарайына дейін. Бағдарлама елдер арасындағы мәдени және гуманитарлық байланыстарды нығайтып, қонақтарға Қазақстанның жетістіктерін таныстырып, кәсіби ынтымақтастыққа шабыттандырады.«Авиценна: Денсаулық сақтау» бағдарламасы арқылы KazAID Орталық Азиядағы серіктес елдердің жастары арасында мәдени алмасу мен кәсіби байланыстардың қалыптасуын қолдайды.Анықтамалық мәліметтер Қазақстанның Халықаралық даму агенттігі «KazAID» – 2020 жылы Қазақстан Үкіметі құрған ресми даму көмегін (ДРК) жүзеге асыратын агенттік. Агенттіктің миссиясы – даму ресми көмегі саласында мемлекеттік саясатты жүзеге асыру, серіктес елдерде даму мен тұрақты өсімді ілгерілету, Қазақстандағы әртүрлі салалардағы жетістіктерді көрсету және әртүрлі елдердің мамандары арасында тәжірибе алмасу мен байланыс орнатуды жеңілдету.«Авиценна: Денсаулық сақтау» бағдарламасы – 2024 жылы Қырғызстан мен Тәжікстан медицина студенттері үшін іске қосылған жыл сайынғы академиялық мобильділік жобасы. БАҚ үшін байланыс: a.kopisheva@kazaid.kzАқпарат көзі : https://www.gov.kz/memleket/entities/kazaid/press/news/details/1196949?lang=kk

 Астана қаласындағы №13 жалпы білім беретін мектеп пен Арнайы операциялар күштері өскелең ұрпақты Отансүйгіштікке тәрбиелеу мақсатында ынтымақтастық туралы меморандумға қол қойды.Меморандумның негізгі мақсаты – әскери-патриоттық тәрбиені нығайту, тәжірибе мен білім алмасу, жастарға кәсіби бағыт-бағдар беру, сондай-ақ түрлі спорттық және мәдени іс-шараларды бірлесе ұйымдастыру.Шараның салтанатты ашылу барысында Арнайы операциялар күштері қолбасшысының тәрбие және идеологиялық жұмыстар жөніндегі орынбасары полковник Саят Бурбасов оқушыларға:– Елдің болашағы – жастардың қолында. Сендер біздің ертеңгі ізбасарымызсыздар. Біз жүріп өткен жолды жалғай отырып, Отанға қызмет етуді бүгіннен бастау қажет, – деп атап өтті.Қолбасшының орынбасары мектеп директоры Гүлмира Закиринаға, директордың тәрбие ісі жөніндегі орынбасары Дана Күнтасоваға және «Жаубасар» клубының жетекшісі Әнуар Қасеновқа ерекше төсбелгілер табыстап, естелік сыйлықтар ұсынды.Өз кезегінде мектеп директорының тәрбие ісі жөніндегі орынбасары Дана Күнтасова алдағы жоспарларға тоқталып:– Бүгін маңызды құжатқа қол қойылды. Алда бірлескен жобалар мен ауқымды жұмыстар күтіп тұр. Біздің мектептен іріктелген «Жаубасар» командасы «Айбын» жастар жиынында Қазақстан Республикасы Қарулы күштері Арнайы операциялар күштерінің намысын лайықты қорғайды деп сенемін, – деді.Меморандумға №13 мектеп директоры Гүлмира Закирина мен 22750 әскери бөлімінің командирі подполковник Тимур Түстібаев қол қойды.Ресми бөлімнен кейін келушілер оқушылар дайындаған робототехника жобаларын, әскери киім үлгілері мен жарақтар көрмесін тамашалады. Сонымен қатар, жаттығу алаңы мен атыс тирін аралап көрді.Шара соңында Құрмет қарауыл ротасының, мектеп оқушыларының дефилесі және қоян-қолтық ұрыстың элементтері көрсетілді.Жазда өтетін «Айбын» халықаралық жастар жиынында осы мектептен іріктелген «Жаубасар» командасы Арнайы операциялар күштерінің атынан Астана қаласының намысын қорғайтын болады.Ақпарат көзі : https://www.gov.kz/memleket/entities/mod/press/news/details/1196950?lang=kk

2026 жылдың 8 сәуірде «Рапид» ЖШС фирмасында қызметкерлердің құқықтық сауаттылығын арттыруға және еңбекті қорғау деңгейін арттыруға бағытталған еңбек ұжымдарымен кездесу өтті. Іс-шараға Қарағанды облысы бойынша Мемлекеттік еңбек инспекциясы департаменті басшысының орынбасары Әлжан Мәди Ислямұлы, сондай-ақ Қарағанды қаласы Ә. Бөкейхан атындағы аудандық прокуратурасының өкілдері қатысты. Азаматтардың еңбек құқықтарын қорғауды қамтамасыз ету және өңір кәсіпорындарында қолайлы еңбек жағдайларын жасау Департамент қызметінің басымдықтарының бірі болып табылады. Кездесудің негізгі мақсаты жұмыскерлер мен жұмыс берушінің негізгі құқықтары мен міндеттерін, Қазақстан Республикасының еңбек заңнамасының нормаларын, сондай-ақ қауіпсіздік техникасы мен еңбекті қорғау саласындағы талаптарды түсіндіру болды. Жұмыс орындарында қауіпсіздік ережелерін сақтау, өндірістік жарақаттанудың алдын алу және қауіпсіз еңбек жағдайларын жасау мәселелеріне ерекше назар аударылды. Мемлекеттік органдардың өкілдері жұмыс беруші тарапынан да, әрбір қызметкер тарапынан да еңбекті қорғау талаптарын қатаң сақтаудың маңыздылығын атап өтті.Кездесу барысында кәсіпорын қызметкерлері өздерін қызықтырған сұрақтарын қоюға және мамандардан құзырлы түсініктемелер алуға мүмкіндік алды.Ақпарат көзі : https://www.gov.kz/memleket/entities/karaganda-enbek/press/news/details/1196968?lang=kk

                   Абай облысындағы қауіпсіздігі барынша жоғары мекемеде тағдыр мен өткен қателіктердің салдарынан он үш жыл бойы бір-бірінен ажырап қалған әпкесі мен бауырының әсерлі бейнекездесуі өтті.              43 жастағы сотталған есірткі заттарын таратқаны үшін жазасын өтеп жатыр. Осы жылдар бойы оның жанында қалған жалғыз жақын адамы – 46 жастағы туған әпкесі болды. Алғашқы бес жыл ішінде ол ағасына үнемі келіп, хат жазып, моральдық қолдау көрсетіп отырған. Алайда күндердің бір күнінде ол әпкесінен ауыр соққы болған хат алды – бұл хат туған үйден емес, жасаған қылмыс үшін жаза өтейтін мекемеден келген еді. Сөйтсе, қарындасының өзі әйелдер колониясына түсіп қалған екен. Бостандыққа шыққан соң қайтадан қателік жасап, Шымкент қаласындағы қауіпсіздігі барынша жоғары мекемеге жіберілген.              Осы жағдайдан хабардар болған мекеме әкімшілігі сотталғанға көмек көрсету туралы шешім қабылдап, оған әпкесімен бейнебайланыс арқылы кездесу ұйымдастырды.             – Біз әпкеммен тым ерте есейдік… Ата-анамыз қайтыс болғаннан кейін жалғыз қалып, өмір сүруді өзімізше үйрендік. Мен әрқашан оған тірек, үлгі, қорғаушы болуым керек деп ойладым. Бірақ бәрі керісінше болды. Бүгін жүрегім ауыр сезімге толы: егер жиырма жыл бұрын адал жолды таңдасам, қылмысқа бармасам, бәлкім оның тағдыры да басқаша болар ма еді. Мүмкін, ол қазір бақытты әйел, аяулы ана болып, қалыпты өмір сүріп жүрер еді. Бұл кінә сезімі мені бір күн де тастамайды. Бұл кездесу біздің өміріміздегі ең әсерлі сәт болды: бірнеше минуттың ішінде әпкемді көргеніме қуандым әрі тағдырымыздың осылай қалыптасқанына жаным ауырды. Бірақ сонымен бірге үміт пайда болды – бостандыққа шыққан соң міндетті түрде кездесіп, құшақтасып, жаңа, адал әрі бақытты өмір бастаймыз деп сенемін. Бізге осындай мүмкіндік бергені үшін мекеме қызметкерлеріне шын жүректен алғыс айтамын, – деп бөлісті сотталған.            – Отбасылық байланыстарды сақтау – сотталғандарды қайта әлеуметтендірудің ең маңызды элементтерінің бірі. Әсіресе ұзақ жылдардан кейінгі туыстардың кездесуі адамдарға өз өмірін қайта ой елегінен өткізуге және түзу жолға түсуге деген ұмтылысын күшейтеді. Сондықтан біз әрдайым осындай бастамаларды қолдауға тырысамыз, – деді сотталғандар арасында тәрбиелік және әлеуметтік-психологиялық жұмыс бөлімінің бастығы Ермек Рахимов.             Бұл оқиға қатаң режимдегі мекемелердің қабырғаларының ар жағында да тірі адами сезімдер, үміт пен өмірді өзгертуге деген ниет бар екенін еске салады.Ақпарат көзі : https://www.gov.kz/memleket/entities/duisabai/press/news/details/1197005?lang=kk

Премьер-министрдің орынбасары – ұлттық экономика министрі Серік Жұманғарин жұмыс сапарымен Ұлытау облысына барды. Сапар шеңберінде ол агроөнеркәсіп кешені нысандарының құрылысымен танысып, өңір шаруаларымен кездесті.Кездесуде ауыл шаруашылығының қазіргі жағдайы мен аграршылардың түйткілді мәселелері қаралды. Облыс құрылғалы бері, инвесторлардың қатысуымен құны 3 млрд теңге болатын 4 жоба жүзеге асырылды. Times Agro Holding қатысуымен агроөнеркәсіп кластерін құруды және Samga Agro-мен бірлесіп, Жезқазғанда 500 мал басына арналған тауарлы сүт фермасын салуды қосқанда, жаңа инвестициялық жобаларды жүзеге асыру бойынша жұмыс жүргізілуде.Ауыл шаруашылығы вице-министрі Аманғали Бердалин жиынға қатысушыларды 2026 жылы басталған Мал шаруашылығын дамытудың кешенді жоспары шеңберінде жеңілдетілген несие беру мүмкіндігі туралы хабардар етті. Вице-министр өңірдің табиғи жағдайларын ескере отырып, шалғайдағы мал шаруашылығын дамыту үшін жайылымдық жерлерді ұтымды игеруге баса назар аударды. Осы мақсатта жайылымдарды сумен қамтамасыз ету, жылжымалы вагондар сатып алу және басқа да ілеспе шығындарды қаржыландыруды көздейтін «Жайлау» бірыңғай несие өнімі іске қосылады.Кездесу барысында шаруалар бірқатар мәселеле көтерді. «Кеңгір» ШҚ басшысы Ардақ Нұржанов өңірде сервистік орталықтардың болмауына байланысты «ҚазАгроҚаржы» арқылы лизингке алынған ауыл шаруашылығы техникасына кепілдікпен қызмет көрсетудің күрделілігін атап өтті. Вице-премьер ҚАҚ-қа компания өкілдерінің жұмысын жергілікті жерде ұйымдастыруды, ал Өнеркәсіп және құрылыс министрлігіне қазақстандық автоөндірушілер қауымдастығымен бірлесіп, сервистік орталықтардың ашылуын пысықтауды және Жезқазғанда сұранысқа ие ауыл шаруашылығы техникасының болуын қамтамасыз етуді тапсырды.Сондай-ақ егінді киіктен қорғау мәселесі көтерілді. Биыл мамандар мен техника тарта отырып, ауыл шаруашылығы алқабын қорғау жалғастырылатыны атап өтілді. Сонымен қатар сақтандыру тетігі де қарастырылуда.«Самға» ЖШС директоры Абай Байділдә инфрақұрылымды дамыту – суару жобалары мен тауарлы сүт фермалары үшін су мен электр қатын жеткізу мәселесін көтерді. Ауыл шаруашылығы алқабын суару ісін дамыту үшін қажетті жерасты су қорының жеткіліксіз зерттелуі де атап өтілді. Осыған байланысты әкімдікке Су ресурстары және ирригация министрлігімен бірлесіп геологиялық зерттеу жүргізу және су ресурстарын бағалау мүмкіндігін пысықтау тапсырылды.Кездесуді қорытындылай келе, вице-премьер Ұлытау облысы жаңа өңір ретінде алда бірқатар жүйелі міндеттер тұрғанын атап өтті. Үкімет өңірдегі бизнесті және ауыл шаруашылығын дамытуға қолдау көрсетуді жалғастыра бермек.Премьер-министрдің орынбасары шаруалармен кездесуден кейін өңірдің осы жылға және 2027-2029 жылдардың жоспарлы кезеңіне арналған бюджеттік қамтамасыз ету жөніндегі кеңес өткізді. Өңірлік стандарттар жүйесі (ӨСЖ) бойынша облыстың артта қалуын қысқарту шараларына ерекше назар аударылды. Ұлытау облысы, ӨСЖ-ге сәйкес, республика бойынша базалық инфрақұрылыммен мейлінше аз қамтылған.Жұмыс сапары шеңберінде вице-премьер мал шаруашылығы мен жемшөп дақылдарын өсіруге маманданған Кengir AGRO агроөнеркәсіп кешенінің құрылысымен танысты. Бүгінгі таңда нысанда әкімшілік-тұрмыстық кешен салынды. Биыл 500 гектар аумақта суару жүйесін іске қосу жоспарлануда. Оның 150 гектары картопқа, қалғаны жемшөп дақылдарына арналады. Компания жайылымдық жерлерді пайдаланып, мал шаруашылығының аустралиялық моделін енгізуге ниетті. Қазірдің өзінде 14 ауылдық округте ІҚМ өсіру шаруашылығы құрылды. Сондай-ақ асылтұқымды мал сатып алу үшін «Игілік» және «Береке» бағдарламаларына қатысу, 400 басқа арналған тауарлы сүт фермасын салу жоспарланған.Серік Жұманғарин «Samadi A Group» ЖШС-ның жалпы сыйымдылығы 15 мың тонна көкөніс сақтау қоймасы бар өңірдегі алғашқы көтерме-тарату орталығының құрылыс алаңында болды.  Нысан биыл күзде пайдалануға беріледі деп жоспарлануда. Сондай-ақ кәсіпорын «Бәйтерек» холдингі және Аграрлық несие корпорациямен бірлесіп, өңірде ет өңдеу және шұжық, консерві өнімін шығару жобасын әзірлемек.Ақпарат көзі : https://www.gov.kz/memleket/entities/economy/press/news/details/1196931?lang=kk

Сыбайлас жемқорлыққа қарсы мәдениет – бұл жай ғана ережелер жиынтығы емес. Бұл – адалдық, сатылмаушылық және жемқорлықтың кез келген көрінісіне мүлдем төзбеушілік қағидаттарына негізделген, барлық қызметкерлер ұстанатын құндылықтар жүйесі мен этикалық нормалар. Бұл міндеттің маңыздылығы заңнамалық деңгейде атап өтілген: Заңның 6-бабына сәйкес, «сыбайлас жемқорлыққа қарсы мәдениетті қалыптастыру» құқық бұзушылықтарға ықпал ететін себептер мен жағдайларды анықтау және жоюмен қатар, сыбайлас жемқорлыққа қарсы іс-қимыл жүйесіндегі негізгі шаралардың бірі болып табылады. Мұндай мәдениеттің МКО үшін маңызы зор: оған қоғамның сенімі, елдің экономикалық қауіпсіздігі және оның инвестициялық тартымдылығы тәуелді.Мұндай мәдениетті құру – заңнамада бекітілген қағидаттарға негізделген кешенді процесс. Барлығының негізі – көшбасшылық және басшылықтың үлгі көрсетуі. Бөлім басшысынан бастап ведомство басшысына дейінгі барлық деңгейдегі басшылар сыбайлас жемқорлыққа қарсы стандарттарды іс жүзінде ұстанатынын көрсетуі тиіс. Бұл қағидат – жай ғана ұсыныс емес, тікелей талап. Заңның 19-бабында мемлекеттік органдардың басшылары өздері басқаратын ұжымдарда «сыбайлас жемқорлыққа қарсы іс-қимыл жөніндегі жұмыстың жай-күйі үшін дербес жауапты болады» деп көрсетілген. Осымен қатар, нақты жағдаяттар мен этикалық дилеммаларды талдай отырып, тиімді оқыту жүйесін құру қажет. Бұл әрбір қызметкердің сыбайлас жемқорлықтың мәні мен салдарын нақты түсінуі үшін маңызды.Сыбайлас жемқорлықтан арылудың ең жақсы жолы – цифрландыру және ашықтық арқылы адами факторды барынша азайту. Қызметтерді онлайн форматқа көшіру және түсініксіздікке жол бермейтін нақты регламенттер субъективті шешімдер қабылдау мүмкіндігін тарылтады. Мұндай проактивті тәсіл 3-бапта өз негізгі қағидаттарының бірі ретінде «сыбайлас жемқорлықтың алдын алу шараларының басымдығын» бекітетін заңның рухына да, әрпіне де толық сәйкес келеді. Бұл жұмысты тұрақты аналитика толықтыруы тиіс: ең осал лауазымдар мен учаскелердегі сыбайлас жемқорлық тәуекелдерін анықтап, оларды басқару.Алайда, технологиялар адами факторды алмастыра алмайды, сондықтан ынталандыру жүйесінің маңызы зор. Лайықты еңбекақы және таныстыққа емес, кәсібилікке негізделген мансаптық өсу заңсыз баюға деген азғыруды азайтады. Сонымен бірге, әрбір қызметкер кез келген заң бұзушылық анықталып, оның артынан жаза қолданылатынын сезінуі тиіс. Бұл сондай-ақ Заңның 3-бабында бекітілген іргелі қағидаттардың бірі – «сыбайлас жемқорлық құқық бұзушылықтарды жасағаны үшін жазаның бұлтартпастығы». Ол үшін ішкі қауіпсіздік қызметтерінің тиімді жұмысы және қудалаудан қорықпай, сыбайлас жемқорлық фактілері туралы жасырын хабарлауға болатын қорғалған арналар құру маңызды.Осылайша, мемлекеттік кірістер органдарында сыбайлас жемқорлыққа қарсы мәдениетті қалыптастыру – бұл спринт емес, марафон. Бұл процесс жүйелі тәсілді, басшылықтың саяси ерік-жігерін және ең бастысы, әрбір қызметкердің атсалысуы мен жеке жауапкершілігін талап етеді. Жазадан қорқу мәдениетінен сыбайлас жемқорлыққа мүлдем төзбеушілікке негізделген ішкі сенім мәдениетіне көшу – бұл заманауи, тиімді және азаматтардың сеніміне ие фискалдық қызмет құрудың кепілі, сондай-ақ бүкіл мемлекеттің тұрақты дамуына салынған тікелей инвестиция болып табылады. Ақпарат көзі : https://www.gov.kz/memleket/entities/kgd-zhetysu/press/news/details/1196879?lang=kk