5-7 маусым аралығында Бұқар жырау ауданының Құрылыс ауылында көкпар, бәйге, аударыспақ, асық ату, жамбы ату, дәстүрлі садақ ату, тоғызқұмалақ және теңге ілу сияқты  ұлттық спорт түрлерінен жарыстар өтті. Онда біздің аймағымыздың қалалары мен аудандарынан қатысқан 400-ден астам өкіл жеңіс үшін күресті.Біріншіліктің салтанатты ашылуы мен марапаттау рәсімі облыстық мәслихат төрағасы, Қарағанды өңірінің ұлттық спорт түрлері қауымдастығының президенті Нүркен Қобжановтың қатысуымен өтті. Спортшылар мен қонақтарды ДШжСБ  басшысы Серік Сәпиев  қарсы алды. - Бұл жарыс-маусымның ашылуы. Шілдеде Ұлттық спорт түрлерінен фестиваль өтеді, тамызда тағы бір іс-шара бар. Ал, қыркүйек айында біз маусымның жабылуын ауқымды түрде өткіземіз,-деп түсіндірді,  Қауымдастықтың вице-президенті Нұржан Шайхин, - Барлық жарыстар Қарағанды маңындағы Құрылыс ауылында ұйымдастырылады. Себебі, бұл орын қатысушылар үшін де, көрермен ретінде жарыстарға қатысқысы келетіндер үшін де ыңғайлы. Турнирлердің жеңімпаздары мен жүлдегерлері үшін ақшалай сыйлықтар қарастырылғанын атап өткім келеді. Сондықтан хабарландыруларды қадағалаңыздар және біздің ұлттық спорт мерекелерімізге келіңіздер!Маусымның ашылуында тек қатысушылар ғана емес, жанкүйерлер де көп болды. Сондықтан бастау сәтті болды.Көкпардан 2008-2010 ж. т. жасөспірімдер арасында Қарағанды облысының чемпионаты өтіп, оның нәтижесі мынадай болды:1 орын-Қарқаралы ауданы;2 орын-Шет ауданы;3 орын-Нұра және Ақтоғай аудандары.Үздік ойыншылардан құрама құрылып, тамыз айында Алматы облысында өтетін Қазақстан чемпионатына қатысатын болады.Ақпарат көзі : https://www.gov.kz/memleket/entities/karaganda-sport/press/news/details/1013961?lang=kk

Өскеменде «Заң және тәртіп: өзара іс-қимыл және қоғамдық қауіпсіздікті күшейту басымдықтары» тақырыбында Үйлестіру кеңесінің отырысы өтті, оған Сыбайлас жемқорлыққа қарсы қызметтің Шығыс Қазақстан облысы бойынша Департаментінің басшысы Денис Шакенов қатысты.Кеңес жұмысына облыс әкімі Нұрымбет Сақтағанов, облыс прокуроры Алмат Байшұлақов, құқық қорғау органдарының басшылары, ЖОО ректорлары, үкіметтік емес және жастар ұйымдарының өкілдері, сондай-ақ бұқаралық ақпарат құралдарының өкілдері қатысты.Отырыста сөз сөйлеген Денис Шакенов Сыбайлас жемқорлыққа қарсы қызметтің ШҚО бойынша Департаменті мемлекеттік және жеке құрылымдарда заңдылық пен құқықтық тәртіпті нығайту бойынша мақсатты жұмысты жалғастырып жатқанын атап өтті. Оның айтуынша, бүгінде Қазақстанның сыбайлас жемқорлыққа қарсы саясаты тек сыбайлас жемқорлық көріністерімен күрес жүргізумен шектелмей, қоғамда оған мүлдем төзбеушілікті қалыптастыруға бағытталған.«Біз жазалау шараларынан қарағанда жүйелі профилактикаға басымдылық береміз, оның негізінде қоғамдық сананың өзгеруі, халықтың сыбайлас жемқорлық пен непотизмнің кез келген түрін қабылдамауы жатыр. Алдын алу шараларына зор мән берілуде», — деп атап өтті Денис Шакенов.Отырыс барысында ол «Сыбайлас жемқорлыққа қарсы волонтерлік», «Бизнеске жол» жобалары сияқты сыбайлас жемқорлыққа қарсы бастамалардың іске асырылуы туралы, сондай-ақ Шығыс Қазақстан облысының Қоғамдық кеңесі жанындағы сыбайлас жемқорлыққа қарсы іс-қимыл комитетінің қызметі туралы айтты.Өз сөзінің соңында Денис Шакенов сыбайлас жемқорлықты жою ісінде азаматтық қоғаммен ынтымақтастықты одан әрі нығайтуға сенім білдірді.«Сыбайлас жемқорлыққа қарсы қызметтің ШҚО бойынша Департаменті бұдан былай да заңдылық пен құқықтық тәртіпті нығайтуға бағытталған жүйелі, дәйекті және кешенді жұмыс жүргізеді. Біз жемқорылыққа қарсы сауаттандыру жұмыстарын белсенді жүргізіп, жұртшылықпен әріптестікті кеңейтуді және практикалық бастамаларды іске асыруды жалғастырамыз», — деп атап өтті ол.#Заң_мен_тәртіп#ЗАҢменТӘРТІПАқпарат көзі : https://www.gov.kz/memleket/entities/anticorruption-vko/press/news/details/1013913?lang=kk

Қазақстан Республикасының Ұлттық қорғаныс университетінде жедел-тактикалық және жедел-стратегиялық басқару деңгейлері мамандарының оқуды аяқтауына байланысты салтанатты шара өтті.Іс-шараға Қорғаныс министрлігінің басшылық құрамы, оқытушылар, магистранттар, әскери қызметшілердің туыстары мен жақындары қатысты. ҚР Қорғаныс министрінің бірінші орынбасары - Қарулы күштердің Бас штаб бастығы генерал-лейтенант Сұлтан Камалетдинов әскери басшылардың жаңа буынын құттықтай отырып, бұл оқиғаның елдің Қарулы күштері мен қорғаныс қабілетін нығайтудағы маңыздылығын атап өтті. Ол жоғары білікті әскери кадр даярлау жүйесін жетілдіруге елеулі үлес қосатын профессорлық-оқытушылар құрамына, сондай-ақ әскери қызметшілердің отбасы мүшелеріне моральдық қолдау көрсеткені үшін алғысын білдірді. Ол жаңа заманға сәтті бейімделуге мүмкіндік беретін өзекті білімнің маңыздылығын атап өтті.- Қарулы күштерді болып жатқан өзгерістерге бейімдеу, басқару жүйесін жаңғырту және Ұлттық қорғаныс университетінде жаңа технологияларды енгізу бойынша Жоғарғы Бас қолбасшы қойған міндеттерді ескере отырып, әскерлердің қажеттіліктеріне сәйкес білім беру бағдарламалары үнемі жетілдіріліп отырады. Университетте әскери құрылыстың, елдің қорғаныс қабілетін және ұлттық қауіпсіздігін қамтамасыз етудің өзекті мәселелерінің кең спектрі бойынша ауқымды ғылыми-зерттеу жұмыстары жүргізілуде, - деп атап өтті ол. ҰҚШҰ елдері Қарулы күштерінің түлектеріне арнаған сөзінде генерал-лейтенант Сұлтан Камалетдинов  алған білімдері оларға өздерінің қарулы күштерінің міндеттерін лайықты шешуге және біздің достас мемлекеттеріміздің әскери қауіпсіздігін нығайту ісіне үлес қосуға мүмкіндік беретініне сенім білдірді. - Университет басшылығына, профессорлық-оқытушылық құрамға бізге іс жүзінде пайдалы болатын іргелі, әрі мамандандырылған білім үшін алғыс білдіреміз. Барлық магистранттарға оларды қызметте табысты қолдануын тілеймін, - деп бөлісті "Қарулы күштер Бас штабының академиясы" факультетінің түлегі полковник Айбол Жүсіпов. Биыл мемлекеттік аттестаттау комиссиясының шешімімен 217 түлекке магистр дәрежесі берілді. Оның ішінде Ұлттық ұланның 19,  ҰҚК Шекара қызметінің 12,  Төтенше жағдайлар министрлігінің 6 әскери қызметшісі бар. Сонымен бірге  Қырғызстан Қарулы күштерінің 5 және Тәжікстан Қарулы Күштерінің 11 өкілі оқуды аяқтап шықты. Мемлекеттік аттестаттау комиссиясының шешімі бойынша оларға ұлттық қауіпсіздік және әскери істер магистрі дәрежесі берілді. Оқудың барлық кезеңінде емтихандарды және қорытынды аттестаттауды "өте жақсы" бағасына тапсырған магистранттарға төсбелгі берілді. Олардың аты-жөні оқу орнының Құрмет тақтасына енгізіледі.Ақпарат көзі : https://www.gov.kz/memleket/entities/mod/press/news/details/1013898?lang=kk

Соңғы уақытта ақпараттық кеңістікте қазақстан-ресей шекарасындағы, атап айтқанда, «Жайсан» автомобиль өткізу пунктіндегі кезек белсенді талқылануда. Кейбір басылымдар жүк көліктерінің жиналуын cargoruqsat электронды кезек жүйесінің жұмысымен қате байланыстырды.ҚР ҚМ Мемлекеттік кірістер комитеті кептелістің негізгі себебі 2025 жылғы 13 мамырда басталған "Жайсан" өткізу пунктінің алдындағы «Самара – Шымкент» республикалық тасжолы учаскесіндегі уақытша жол жұмыстары болып табылатынын, бұл жұмыстың аяқталуы шамамен 2025 жылғы 7 маусымға жоспарланғанын хабарлайды. Жөндеу шеңберінде көлік қозғалысы уақытша бағдаршам мен құрылыс шлагбаумын қолданумен шектеледі, бұл жолдың өткізу мүмкіндігін төмендетеді.Ресей тарапынан «Сагарчин» өткізу пунктінде тек екі жолақ жұмыс істейді, ал Қазақстан тарапынан "Жайсан" өткізу пунктінде төрт жолақ жұмыс істейді. Бұл өткізу мүмкіндігінің теңгерімсіздігін тудырады және кезектің пайда болуына ықпал етеді.Qoldau.kz цифрлық платформа базасында жұмыс істейтін CarGoRuqsat электрондық кезек жүйесі мемлекеттік шекараны цифрландырудың тиімді құралы болып табылады. 2023 жылы үшінші елдермен шекарада енгізілгеннен бері өткізу пункттерінің өткізу мүмкіндігі 61%-ға ұлғайды. ЕАЭО елдерімен шекарада жүйе арқылы 230 мыңнан астам жүк автомашинасы өтті.CARGORUQSAT ЭКЖ тасымалдаушыларға шекарадан өту уақытын алдын ала брондау мүмкіндігін, брондаудың ашық және тең шарттарын, берешектердің болуы немесе құжаттарды ресімдеу қажеттілігі туралы автоматты хабарламаны, сондай-ақ қажет болған жағдайда жеке тариф бойынша жеделдетіп өтуді ұсынады.Жалпы, ЭКЖ көлік ағындарын тиімді реттеуге мүмкіндік береді, шекарадан өту процестерінің ашықтығын қамтамасыз етеді, адам факторының ықпалын және сыбайлас жемқорлық тәуекелдерін барынша азайтады, осыған байланысты жиналып қалудың себебі болып табылмайды.Ағымдағы жағдайды ескере отырып, тасымалдаушыларға ұсынылады:- шекарадан өту уақытын алдын ала брондау және таңдалған уақытта өткізу пунктіне келу;- жол жағдайы және жүру жолындағы ықтимал шектеулер туралы ақпаратты уақтылы қадағалау;- өткізу пунктінде кептелісті болдырмау мақсатында Комитет тасымалдаушылар мен сыртқы экономикалық қызметке қатысушыларды CarGoRuqsat жүйесінде электрондық кезекті брондауға және келу күнін қатаң сақтауға шақырады;- әлеуметтік желілердегі тәртіпті бұзуды көздейтін арандатушылыққа және жалған ақпаратқа сенбеу, сондай-ақ бағдарлама- боттарды және жүйені айналып өтудің өзге де схемаларын пайдаланудан бас тарту – мұндай әрекеттер бақыланады және жолы кесіледі.Ақпарат көзі : https://www.gov.kz/memleket/entities/kgd-vko/press/news/details/1013867?lang=kk

2025 жылдың 9 маусымында «Заң және тәртіп» идеологиясын іске асыру аясында және жастар арасында құқықтық мәдениет пен құқықтық білім деңгейін арттыру мақсатында Қостанай облысы Әділет департаментінің басшысы Алия Аманжулова А. Байтұрсынұлы атындағы Қостанай өңірлік университетінде дипломдық жұмыстарды қорғауда мемлекеттік аттестаттау комиссиясының төрағасы ретінде қатысты.Дипломдық жұмыстарды қорғау барысында құқықтық жүйені дамытуға және заңнаманы іс жүзінде қолдануға байланысты өзекті тақырыптар қарастырылды. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/1013883?lang=kk

Миролюбовка ауылдық округінің әкімдігі Миролюбовка және Раздольное ауылдарында сенбіліктер ұйымдастырды, олардың барысында жергілікті халықтың қажеттіліктері үшін бөгет орнату жұмыстары жүргізілді. Бастама жазғы кезеңде тұрғындардың үй учаскелерін үздіксіз суаруды қамтамасыз етуге бағытталған. Жергілікті тұрғындар іс-шараға белсенді қатысты, бірлескен күш-жігермен су беруді тиімді реттеуге және су ресурстарының сақталуын қамтамасыз етуге мүмкіндік беретін бөгет орнатылды. Әкімдік сенбілікке қатысқан барлық бей-жай қарамайтын ауыл тұрғындарына алғысын білдіріп, мұндай іс-шаралар Ауылда өмір сүру жағдайларын жақсарту мақсатында одан әрі жалғасатынын атап өтті.Ақпарат көзі : https://www.gov.kz/memleket/entities/vko-samar-mirolubovka/press/news/details/1013895?lang=kk

9 маусымда Бейрутта Қазақстан Елшісі Расул Жұмалы Ливандағы Армян шіркеулерінің рухани көсемі Арам Біріншімен кездесті. Сұхбат барысында қазіргі адамзат өркениетінде діннің алып отырған рөлі, сан алуан сенім-нанымдардың арасындағы түсіністік орнатудың маңызы бойынша пікір алмасылды. Ливан ғана емес, дүние жүзіндегі армяндарының көрнекті қайраткері болып табылатын Арам Бірінші бүгінгі күнде түрлі аймақтық түйткілдерді реттеуде Қазақстанның жылдан жылға өсіп келе жатқан салмағын атап өтті. Осы ретте ол тиісті игі бастамалардың қатарында Астанада өтетін Әлемдік діндер көшбасшыларының съезіне қызығушылық танытты.    Ақпарат көзі : https://www.gov.kz/memleket/entities/mfa-beirut/press/news/details/1013834?lang=kk

Ерейментау ауданында ауқымды инвестициялық жоба – «BIG FARM» ЖШС-нің мал шаруашылығы кешенінің құрылысы қолға алынуда. Жалпы көлемі 32 мың гектардан астам аумақты қамтитын бұл агроөнеркәсіптік жоба сүт-тауар фермасын, бордақылау алаңын, ет және сүт өңдеу зауытын, сондай-ақ заманауи суару жүйесін іске қосуды көздейді. Бірінші кезеңде 2 000 бас ірі қара малға арналған сүт-тауар фермасы салынып, кейіннен оның қуаттылығы 5 000 басқа дейін ұлғайтылмақ. Бұған қоса, 10 000 басқа арналған бордақылау кешені мен ауыл шаруашылығы өнімдерін өңдейтін цехтар іске қосылады. Жоба аясында 250 тұрақты жұмыс орны ашылады деп жоспарлануда. Жобаны шетелдік инвесторлар қолдап отыр. Өңірге шетелдік серіктестер делегациясының сапары аясында ынтымақтастық туралы меморандумға қол қойылды. Құжат ауыл шаруашылығын дамытуға, заманауи технологияларды енгізуге және өңірдің экспорттық әлеуетін арттыруға бағытталған инвестициялық жобаны бірлесіп іске асыруды көздейді.Ақпарат көзі : https://www.gov.kz/memleket/entities/aqmola-ush/press/news/details/1013767?lang=kk

АНАЛИТИКАЛЫҚ АНЫҚТАМАМаңғыстау облысы бойынша Мемлекеттік кірістер департаменті қызметіндегі сыбайлас жемқорлық тәуекелдерінің ішкі талдауының нәтижелері бойынша Ақтау қаласы                                                                                  2025 жыл «  »                                                  Кіріспе бөлімі Қазақстан Республикасының 2022–2026 жылдарға арналған Сыбайлас жемқорлыққа қарсы саясат тұжырымдамасында сыбайлас жемқорлыққа қарсы іс–қимыл жүйесінде негізгі буын ретінде сыбайлас жемқорлық тәуекелдерін, олардың туындау себептері мен жағдайларын анықтау және азайту белгіленген. Сыбайлас жемқорлық тәуекелдерін ішкі талдау Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс–қимыл туралы» Заңына (бұдан әрі – Заң) сәйкес жүргізіледі. Бұл заң сыбайлас жемқорлық құқықбұзушылықтарды жасауға ықпал ететін факторларды анықтауға және зерделеуге бағытталған. Заң талаптарына сәйкес барлық мемлекеттік органдар мен ұйымдар сыбайлас жемқорлық тәуекелдерінің ішкі талдауын жүргізуге міндетті. Оның нәтижелері бойынша сыбайлас жемқорлық құқықбұзушылықтардың жасалуына ықпал ететін себептер мен жағдайларды жою жөнінде шаралар қабылданады. Мақсат – мемлекеттік органдарда ішкі талдау арқылы сыбайлас жемқорлық тәуекелдерін азайту бойынша бақылауды күшейту, құқықбұзушылықтарды болдырмауға бағытталған ұсыныстарды енгізу, сондай–ақ лауазымды тұлғалардың жауапкершілігін айқындау. Осы мақсатта, 2023 жылғы 16 қаңтарда бекітілген №21 Агенттік төрағасының бұйрығына және басқа да әдістемелік ұсынымдарға сәйкес ішкі талдау жүргізілді. Маңғыстау облысы бойынша Мемлекеттік кірістер департаментінің (бұдан әрі – Департамент) басшысы 2025 жылғы 3 сәуірдегі №154 бұйрыққа сәйкес, 2025 жылғы 7 сәуірде Департаменттегі сыбайлас жемқорлық тәуекелдерін ішкі талдауға жауапты жұмыс тобы құрылды. Жұмыс тобының құрамында: Бокаева Галия –Департаменттің заң басқармасының басшысы, Құдайберген Райхан – Ұйымдастыру–қаржы басқармасының басшысы, Утегенов Ертуган Кенесович – аудит басқармасының басшысы, Джақанқызы Мадина – өндірістік емес жеке тұлғаларды және арнаулы салық режимдерін әкімшілендіру басқармасының басшысы, Сейлов Магжан – камералдық мониторинг басқармасының басшысы, Смирнов А. – жанама салықтарды әкімшілендіру басқармасының басшысы, Мырзалиев А. – берешекпен жұмыс басқарма басшысы Оспанов С. – пост кедендік бақылау басқармасының басшысы, Омаров Б. –дәрменсіз борышкелермен жұмыс  басқармасы, Шамуратов С. – кедендік әкішілендіру басқармасы басшысы, Салиев Нурберген – тарифтік реттеу басқармасыСыртқы және ішкі факторлар бойынша сыбайлас жемқорлық тәуекелдеріне ішкі талдау жүргізілді.Талдау кезеңі: 2024 жылғы мамырдан 2025 жылғы маусымға дейін.                                            Сипаттамалық бөлімСыбайлас жемқорлық тәуекелдеріне ішкі талдау жүргізу барысында Қазақстан Республикасының Конституциясы, «Сыбайлас жемқорлыққа қарсы іс–қимыл туралы» Заңы, сыбайлас жемқорлық тәуекелдеріне ішкі талдау жүргізу ережесі және өзге де нормативтік құқықтық актілер басшылыққа алынды. Көлік салығын төлеу процесінде сыбайлас жемқорлық тәуекелдерінің болуы мүмкін. Бұл тәуекелдер салық төлеуші мен уәкілетті орган өкілінің арасындағы тікелей байланыс кезінде пайда болуы ықтимал. Атап айтқанда, кейбір тұлғалар салық мөлшерін азайту, төлем мерзімін кейінге шегеру немесе басқа да артықшылықтарға заңсыз жолмен қол жеткізу мақсатында жемқорлық әрекеттерге бара алады. Мұндай жағдайлар мемлекеттік органның ашықтығы мен әділдігіне күмән тудырып, азаматтардың мемлекеттік жүйеге деген сеніміне кері әсер етеді. Сонымен қатар, бұл мемлекеттік бюджеттің толық орындалуына кедергі келтіріп, жалпы әлеуметтік әділеттілік қағидатына қайшы болады. Аталған тәуекелдерді жою үшін көлік салығын төлеу процесін толық цифрландыру қажет. Барлық рәсімдер онлайн платформа арқылы жүзеге асырылуы тиіс. Бұл адам факторын азайтып, ашықтықты қамтамасыз етіп, азаматтар үшін ыңғайлы әрі әділ жүйе қалыптастырады. Автоматтандырылған жүйе жемқорлық тәуекелдерінің алдын алып, мемлекеттік қызметтің тиімділігін арттыруға мүмкіндік береді. Сыбайлас жемқорлық тәуекелдері мынадай бағыттар бойынша зерделенді: Салық заңнамасын таңдаулы қолдану — кейбір көлік құралдарын әдейі тізілімге енгізбеу; Деректерді бұрмалау — қолмен енгізілген мәліметтер жекелеген тұлғалар үшін салық жүктемесін азайту мақсатында бұрмалануы мүмкін; Мөлдірліктің болмауы — автоматтандырылған бақылаудың болмауы процесті ашық емес және сыртқы араласуға осал етеді. Сыбайлас жемқорлықтың алдын алу және болдырмау бойынша тұрақты негізде қабылданып жатқан шаралар; Этикалық нормаларды сақтау, қызметтік тәртіп, ұжымдағы моральдық климат. Қазіргі уақытта көлік салығы кейбір жағдайларда қолмен жүргізілетін тізілімдер негізінде есептеледі, бұл салық органдарының немесе басқа уәкілетті құрылымдардың лауазымды тұлғаларымен жүзеге асырылады. Мұндай тәсіл келесі тәуекелдермен қатар жүреді: Біркелкі ережелердің болмауы; Жекелеген көлік құралдарын салық базасынан әдейі алып тастау мүмкіндігі;Есептеудің дұрыстығын жедел тексеру мүмкіндігінің болмауы; Талдау мен кейінгі бақылау жүргізу кезінде қиындықтар. Осы орайда жемқорлық тәуекелдерін талдау үшін өткізілді – Салықты есепке алу мен есептеу кезінде қолмен жүргізілетін тетіктерді қолдану келесі әлеуетті жемқорлық тәуекелдерін тудырады: Салық заңнамасын таңдаулы қолдану — кейбір көлік құралдарын әдейі тізілімге енгізбеу; Деректерді бұрмалау — қолмен енгізілген мәліметтер жекелеген тұлғалар үшін салық жүктемесін азайту мақсатында бұрмалануы мүмкін; Мөлдірліктің болмауы — автоматтандырылған бақылаудың болмауы процесті ашық емес және сыртқы араласуға осал етеді. Сыбайлас жемқорлық тәуекелдерін азайту және жою бойынша ұсынымдар: Біріншіден Автоматтандырылған ақпараттық жүйені енгізу; Салық базасын қалыптастыру кезінде ақпаратты қолмен енгізуді болдырмау, Тіркелген көлік құралдары туралы ақпаратты салықтық есептеулермен автоматты түрде салыстыруды қамтамасыз ету; Есептеулердің дұрыстығын бақылау модулін енгізу. Сыбайлас жемқорлық тәуекелдерін азайту және жою мақсатында: Мемлекеттік қызмет көрсету процесінде анықталған сәйкессіздіктерді жою жөнінде ұсыныстар енгізу; Электрондық ақпараттық жүйелерді тиімді пайдалану; Қызмет көрсету кезінде тұлғалық байланысты болдырмау; Құжат айналымының ашықтығын қамтамасыз ету;Мемлекеттік қызметшілер арасындағы мүдделер қақтығысын болдырмау.                                                                      Жұмыс тобының мүшелері:Бокаева Галия ХайырлаевнаҚұдайберген  Райхан Утегенов Ертуган КенесовичОспанов Сериккали Буркитович Сейлов Магжан МугаевичРакашова Джанаргуль ЕламановнаСмирнов Андрей ЮрьевичМырзалиев Амал МырзалиевичОмаров Бахтияр СагындыковичДжаканқызы  МадинаШамуратов Султан ИсаевичСалиев Нурберген АйтбаевичАқпарат көзі : https://www.gov.kz/memleket/entities/kgd-mangistau/press/news/details/1013707?lang=kk

  Сырдария өзеніндегі су деңгейінің төмен болуына байланысты суды үнемдеп, егісті әртараптандыру бағытында бірқатар жұмыстар атқарылуда. Аталған мәселеге байланысты Қазалы ауданында Қазақстан Республикасының Су ресурстары және ирригация вице-министрі Нұрлан Алдамжаров келіп, аудандағы шаруашылық жетекшілері және су бөлімшелері мен ауыл шаруашылығы құрылымдарының басшыларымен кездесті.Вице-министрі Нұрлан Жанұзақұлы жұмыс сапары барысында аудан әкімі Мейрамбек Шермағанбет, «Арал-Сырдария» бассейндік инспекциясының басшысы Зейнулла Қазтоғанов және тиісті сала басшыларымен бірге Басықара ауылындағы Ә.Тыныбаев атындағы су торабы мен аудандағы күріш егумен айналысатын шаруашылық «Жалаңтөс батыр» ЖШС-нің егіс алқабына барды.Аудан әкімі вице-министрге биыл Қазалы ауданы бойынша 18245 жерге ауылшаруашылығы дақылдары, оның ішінде күріш дақылын 6436 гектар жерге орналастыру жоспарланғанын айтты. Алайда Сырдария өзеніндегі су деңгейінің төмендеуіне байланысты суды үнемдеу мақсатында күріш белгіленген жоспардан 800 гектарға кем, яғни 5636 гектарға орналастырылғанын жеткізді.Нұрлан Жанұзақұлы алдағы уақытта Сырдария өзеніндегі су деңгейі төмендеген жағдайда жоғары магистралды каналдардан арнайы насостар арқылы төменгі каналдарға су жіберу мақсатында тиісті жұмыстар жасалатындығын айтты. Сонымен қатар тиісті сала басшылары мен шаруашылық басшыларына мүмкіндігінше суды тиімді пайдаланып, тиісті өнімді алуға бірлесе жұмыс жасау керектігін жеткізді.Айта кетейік, бүгінде жалпы аудан бойынша күріш егумен 9 шаруашылық айналысады. Қазіргі таңда барлық шаруашылық бойынша егілген 5636 гектар күріш дақылының барлығы толықтай суға бастырылды.Ақпарат көзі : https://www.gov.kz/memleket/entities/kyzylorda-kazaly/press/news/details/1013712?lang=kk

Маңғыстау облысы бойынша Мемлекеттік кірістер департаментінде Сыбайлас жемқорлық құқықбұзушылықтарға ықпал ететін себептер мен жағдайларды жою бойынша ұсынымдар мен іс-шаралар жоспары №Сыбайлас жемқорлық тәуекелі  сипаттамасыІшкі сыбайлас жемқорлық тәуекелдерін талдау нәтижелері негізіндегі ұсыныстарОрындалуын растау нысаныУәкілетті мемлекеттік органның  позициясы Орындау мерзімі1Салық сомасын әдейі кем есептеу арқылы салық төлеушіге жеңілдік жасау және оның орнына жеке пайда табу;Салық төлеушілердің дербес шоттарына заңсыз түзетулер енгізу; Тәуекелдерді уақтылы анықтау және алдын алу мақсатында ішкі бақылау жүйесін жетілдіру, өзгерістерді тіркеу және мониторинг жүргізуді жүйелі түрде жүргізу.ҚР ҚМ МКК-не ұсыныс бойынша хат жолдауҰсыныс Салық кодексінің жаңа редакциясын әзірлеу шеңберінде қаралады.1 жыл ішінде2Көлік салығын төлеу процесінде сыбайлас жемқорлық тәуекелдерінің болуы;Салық төлеушіге артықшылық беру мақсатында ішкі ақпаратты беру;Ішкі процестер мен шешімдерді жариялау, қоғаммен байланыс орнату арқылы қызметкерлердің әрекеттеріне қоғамдық бақылауды арттыру.ҚР ҚМ МКК-не ұсыныс бойынша хат жолдау Ұсыныс Салық кодексінің жаңа редакциясын әзірлеу шеңберінде қаралады.1 жыл ішінде                                                                  АРБ басшы м.а.                                                                                                                                       А. Онгаров  Ақпарат көзі : https://www.gov.kz/memleket/entities/kgd-mangistau/press/news/details/1013720?lang=kk

2025 жылғы 11 маусымда (10:00 (Webex), 12:00 (Webex), 14:00 (Webex), 16:00 (Webex) "БЖЗҚ" АҚ (БЖЗҚ, Қор) онлайн-форматта "Ашық есік күнін" өткізеді.Іс-шараның тақырыбы: "Сіздің зейнетақы жүйесіндегі құқықтарыңыз: алаяқтардың құрбаны болмау жолдары".Ақпаратты неліктен тек ресми көздерден немесе тікелей Қордан алу маңызды? Қызмет көрсету бойынша заңды ұсыныстарды алаяқтық схемалардан қалай ажыратуға болады? Ақылы кеңес беру қызметін ұсынатын үшінші тараптардан қандай қауіптер туындауы мүмкін? – БЖЗҚ қызметкерлері осы және басқа да сұрақтарға жауап береді, зейнетақы жинақтарының сақталуын қамтамасыз етуге бағытталған қауіпсіздік шаралары, Қордан берілетін зейнетақы төлемдерін алу тәртібі, оларды ресімдеу шарттары мен тәсілдері, enpf.kz сайтындағы төлемдерді ресімдеу тәртібі туралы ақпаратты қалай табуға болатындығы туралы егжей-тегжейлі түсіндіреді.Іс-шараға қатысу үшін тіркелу қажет.Көрсетілген уақытта сілтеме бойынша өтуіңізді сұраймыз https://enpf.webex.com/enpf/j.php?MTID=mac5a974ec1de4cbfc571c8aba010ccd2Event-кеңестің нөмірі: 2512 663 5277Event-кеңестің паролі: 1234           "БЖЗҚ" АҚ өз салымшыларын (алушыларын), БАҚ өкілдерін және қатысуға ниетті барлық азаматтарды «Ашық есік күнінде» қуана күтеді!Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1013681?lang=kk

💠ҚР ҚМ Мемлекеттік кірістер комитеті сыртқы экономикалық қызметкеқатысушыларды көлік құралдарын кедендік ресімдеу кезінде міндетті төлемдерді төлеу тәртібі туралы хабарлайды.Қолданыстағы заңнамаға сәйкес Көлік құралдарын Қазақстан Республикасының аумағына әкелу кезінде мынадай төлемдер төленуге тиісКедендік декларациялау үшін кедендік алым – 6 айлық есептік көрсеткішті құрайды (ҚР Үкіметінің 05.04.18 ж. № 171 Қаулысымен бекітілген).💠Әкелу үшін төленетін кедендік алымдар – Еуразиялық экономикалық одақтың Бірыңғай кедендік тарифіне сәйкес айқындалады. Салық мөлшерлемесі қозғалтқыштың шығарылған жылына, көлеміне және түріне байланысты және 0% - дан 18% - ға дейін өзгеруі немесе өлшем бірлігіне байланысты белгіленген мөлшерде белгіленуі мүмкін (ЕЭК Кеңесінің 14.09.21 г № 80 шешімі).Акциз–жеңіл автомобильдерге және негізінен адамдарды тасымалдауға арналған, қозғалтқыш көлемі 3 000 текше см-ден асатын өзге де моторлы көлік құралдарына қатысты төленеді, акциз ставкасы 1 куб см үшін 100 теңгені құрайды (Салық кодексінің 463-бабының 4-тармағы).Қосылған құн салығы (ҚҚС) – салық салынатын импорттың 12% (ҚР Салық кодексі).Мемлекеттік кірістер комитеті сыртқы экономикалық қызметке қатысушыларды белгіленген талаптарды сақтауға және көлік құралдарын әкелу кезінде міндетті төлемдерді уақтылы төлеуге шақырады.Қосымша ақпарат пен кеңес алу үшін Сіз аумақтық мемлекеттік кірістер органдарына хабарласа аласыз немесе https комитетінің ресми сайтына кіре аласыз:/ kgd.gov.kz.Ақпарат көзі : https://www.gov.kz/memleket/entities/kgd-vko/press/news/details/1013557?lang=kk

Алматы облысының әкімі Марат Сұлтанғазиев құрылыс және мердігерлік жұмыстардың сапасыз орындалуына қатысты материалдарды құқық қорғау органдарына жолдауды тапсырды. Мұндай шешімге маслихат депутаттарының Кеген ауданында жүргізген мониторингінің нәтижелері негіз болды.Естеріңізге сала кетейік, депутаттар құрылыс жұмыстарының сапасына, жобалық-сметалық құжаттаманың сәйкестігіне, сондай-ақ техникалық және авторлық қадағалаудың ұйымдастырылуына қатысты бірқатар сұрақтар көтерді.– Атап айтқанда, екі нысан пайдалануға берілгенімен, құрылыс кезінде орын алған бұзушылықтарға байланысты олар белгіленген талаптарға сай емес: Кіші Қарқара ауылындағы медициналық пункт апатты деп танылды, ал Кеген ауылындағы «Балауса» балабақшасы тек 50 % қуаттылықпен ғана жұмыс істеп тұр, – деді Алматы облыстық маслихатының төрағасы Қуат Байғожаев.Мониторинг нәтижесі 2013 жылы пайдалануға берілген 280 орындық балабақшаның бүгінгі күні толыққанды жұмыс істемейтінін көрсетті. Топырақтың қозғалуына байланысты нысанның бір блогы жарамсыз деп танылған. Қазіргі уақытта жобалық-сметалық құжаттама әзірлену сатысында, алайда жөндеу жұмыстарына бюджеттен қаржы қарастырылмаған.Депутаттар сұрақтары 2018 жылы салынған Шырғанақ ауылындағы фельдшерлік-акушерлік пунктке де қатысты. Бұл ФАП пайдалануға берілгенімен, қабылдау актісінің болмауына байланысты әлі күнге дейін денсаулық сақтау жүйесінде тіркелмеген. Ғимараттың қабырғаларында жарықтар анықталған. Аталған мәселені шешу үшін техникалық сараптама жүргізу қажет.Сондай-ақ депутаттар Жалаңаш ауылындағы Мәдениет үйінің құрылысы, өрт сөндіру депосының құрылыс кестесінен кешігуі, аудандағы суару жүйелерін қайта жаңарту жұмыстарының баяу жүруі бойынша да проблемаларды тіркеді.– Төрт инфрақұрылымдық нысанда мердігерлер тарапынан жұмыстар өте баяу жүргізілуде, әрі олардың сапасы талаптарға сай емес екені анықталды. Олардың қатарында Кеген ауданындағы Торайғыр және Көпалы арналары бар, – деп мәлімдеді Қуат Байғожаев.Белгілі болғандай, Жалаңаш ауылдық округінде 12 құдықты қайта жаңғырту және құбырлар тарту жобасы аясында жоспарланған жұмыстың тек 25 % ғана орындалған. Қазіргі уақытта жоба жүзеге асыру тоқтатылған. Жобалық-сметалық құжаттама қайта қаралып, қайта сараптамадан өтуде. Инспекция құбырлар жобадан ауытқумен төселгенін, гидрооқшаулаудың жоқтығын және техникалық әрі авторлық қадағалаудың іс жүзінде жүргізілмегенін анықтады.Кеген ауданында қайта жаңғыртуға жоспарланған жалпы құны 8 миллиард теңгеден асатын магистральды суару арналарының тек 31 шақырымы ғана салынған. Қарқара ауылынан басталатын «Мөнкебай» каналының құрылысы қаржыландыру тапшылығына байланысты айтарлықтай кешігіп жатыр. Мердігер ұйым жұмысын өз қаражаты есебінен жалғастыруда.Мониторинг қорытындысы бойынша маслихат депутаттары бұл мәселелерді облыстық деңгейде қарастырып, жауапты мемлекеттік органдар тарапынан нақты шаралар қабылдауды ұсынды.Алматы облысының әкімі Марат Сұлтанғазиев маслихат депутаттары ұсынған сапасыз құрылыс және мердігерлік жұмыстарға қатысты материалдарды жан-жақты зерделеп, оларды тиісті құқық қорғау органдарына жолдауды тапсырды. Сонымен қатар өңір басшысы облыс аумағында жүзеге асырылып жатқан нысандарға тиісті бақылау жүргізбегені үшін Құрылыс басқармасының басшысына тәртіптік шара қолдануды тапсырды.– Маслихат депутаттарының жұмыс сапарлары барысында түскен материалдар құрылыс нысандарындағы кемшіліктерді дер кезінде анықтап, оларға жедел әрекет етуге мүмкіндік береді. Бұл – халықтың пікірін ескеріп, негізделген басқарушылық шешімдер қабылдауға ықпал ететін кері байланыстың маңызды тетігі, – деді Сұлтанғазиев.Ол «азаматтар сапасыз құрылыс немесе жауапсыз мердігерлер туралы алдын ала білуі керек. Бұл – тек ашықтық мәселесі емес, бұл – қоғам алдындағы сенім мен әлеуметтік жауапкершілік мәселесі. Бюджеттен бөлінген әрбір теңге сапалы нәтижемен дәлелденуі тиіс, ал азаматтар өз пікірлерінің ескерілетініне және құрметтелетініне көз жеткізуі қажет. Тек осы жолмен ғана қоғамдық бақылау жүйесін тиімді құрып, барлық қатысушылардың жауапкершілігін арттыруға болады», – деп атап өтті. Ақпарат көзі : https://www.gov.kz/memleket/entities/almobl/press/news/details/1013490?lang=kk

Алматы облысында инфрақұрылымдық жобалардың сапасы мен орындалу мерзіміне бақылау күшейтіледі.Алматы облысының әкімі Марат Сұлтанғазиевтің тапсырмасы бойынша «Қабанды» және «Шибут» бөгеттерінің құрылысы кезінде анықталған заңбұзушылықтарға қатысты материалдар қосымша сараптамаға жіберіліп, құқық қорғау органдарына құқықтық баға беру үшін жолданатын болады.Бақылауды күшейтуге облыстық мәслихат депутаттарының көшпелі мониторингі барысында анықталған фактілер себеп болды. 2022 жылдан бері салынып жатқан және ауыл шаруашылығы тауарын өндірушілерді суармалы сумен қамтамасыз етуге тиіс нысандар бүгінде небәрі 73 пайызға ғана дайын.— "Құрылыс-монтаж жұмыстары барысында анықталған кемшіліктер мен мәселелер мерзімнің бұзылуына және құрылыс сапасының төмендеуіне әкеліп соғады. Бұл, өз кезегінде, мемлекеттік қаражатты тиімді игеруге кері әсерін тигізеді", — деді облыстық мәслихат төрағасы Қуат Байғожаев.Инспекция барысында депутаттар «Қабанды» нысанында мердігер мекеме құрылысқа жарамсыз сары топырақты пайдаланғанын тіркеді. Құрылыс алаңында небәрі үш адам мен екі техника ғана жұмыс істеген. Ал «Шибут» бөгетінде тереңдігі 12 метрден асатын резервуардың айналасында қоршау болмаған, бұл қауіпсіздікке қатер төндіреді.Қосымша міндеттемелер аясында мердігер ұйым Шалкөде ауылын ауызсумен қамтамасыз ету үшін ұзындығы 2200 метрлік су құбырын тартуға келісім берді.Мониторинг барысында жиналған мәліметтер талдау жүргізу үшін Мемлекеттік сәулет-құрылыс бақылау басқармасына жолданды. Сараптама қорытындысы бойынша материалдар ресімделіп, уәкілетті органдарға жолданады.— "Су шаруашылығы инфрақұрылымының құрылысы — бұл ауыл шаруашылығының тұрақтылығы мен азық-түлік қауіпсіздігінің кепілі. Бюджет қаражатының тиімсіз жұмсалуына жол берілмейді. Барлық фактілер мұқият зерделеніп, қолданыстағы заңнама аясында тиісті шешімдер қабылданады", — деп атап өтті Алматы облысының әкімі Марат Сұлтанғазиев.Жобалардың жүзеге асырылуына бақылау анықталған заңбұзушылықтар толығымен жойылғанға дейін жалғасады.Ақпарат көзі : https://www.gov.kz/memleket/entities/almobl/press/news/details/1013493?lang=kk

Астанада Қазақстан Республикасы Ұлттық қорғаныс университетінің жедел-тактикалық басқару буыны бойынша білім алған магистрант-офицерлерінің салтанатты бітіру рәсімі өтті. Биыл университетті 150-ден астам магистрант тәмамдап, Қазақстан Қарулы Күштері мен өзге де әскерлер мен әскери құрылымдардың командалық құрамын толықтырады.Биылғы түлектер қатарында – ҚР ІІМ Ұлттық ұланының 19 офицері бар. Сонымен қатар құқықтық тәртіп әскері атынан полковник Арман Искаков докторантураны аяқтап, диссертациясын сәтті қорғап, PhD ғылыми дәрежесіне ие болды.Ұлттық қорғаныс университеті — еліміздің Қарулы Күштерінің әскери оқу орындарының оқу және ғылыми қызметін үйлестіретін ірі ведомствоаралық оқу-әдістемелік әрі ғылыми орталық саналады.— Бүгін біз университетіміздің түлектерінің салтанатты рәсіміне қатысып отырмыз. Алда оларды әскери бөлімдер мен құрамаларды басқару, армиямыздың жауынгерлік дайындығы мен кәсібилігін арттыру сынды маңызды міндеттер күтіп тұр. — Айта кету керек, биыл біздің офицерлермен қатар, Қырғызстан мен Тәжікстанның да офицерлері білім алды. Бұл өзара әскери ынтымақтастық пен бауырластықты нығайтуға сеп болады, — деді Қазақстан Республикасы Қорғаныс министрінің бірінші орынбасары – Бас штаб бастығы Сұлтан Камалетдинов.Университет құрылғаннан бері 1,5 мыңнан астам жедел-тактикалық және жедел-стратегиялық басқару буынының әскери мамандары дайындалғанын айта кеткен жөн.— Сіздерді әскери қызмет жолындағы тағы бір маңызды белестен сүрінбей өткендеріңізбен құттықтаймын. Университет қабырғасынан алған жоғары біліммен қатар, достық, қолдау рухын да өздеріңізбен бірге алып бара жатқандарыңызға сенімдімін. Бұл рух жылдар өте келе нығая түсіп, елдеріміздің қорғаныс қабілетін және бейбіт дамуын қамтамасыз етуге қызмет етеді, — деді Ұлттық ұлан Бас қолбасшысының орынбасары Бауыржан Абжанов түлектерге арнаған құттықтау сөзінде.Салтанатты шара соңында ҚР Қарулы Күштерінің Ұлттық әскери-патриоттық орталығы және Ұлттық ұланның ән-би ансамблі бірігіп өнер көрсетті. Құрмет қарауылы ротасының сарбаздары қарумен саптық көрініс жасап, көрермендерге әсерлі дефиле тарту етті.Әскери дәстүр бойынша, түлектер салтанатты маршпен сап түзеп, Ұлттық ұланның үлгілі- көрсетімді оркестрі сүйемелдеуімен «Атамекен» патриоттық әнін орындады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1013494?lang=kk

Алматы облысының әкімі Марат Сұлтанғазиев Ұйғыр ауданындағы медициналық мекемелер құрылысы барысында мониторинг кезінде тіркелген фактілерге жан-жақты тексеру жүргізуді тапсырды. Зерделеу нәтижелері бойынша материалдар тиісті органдарға жолданатын болады. Өңір басшысы әлеуметтік жобаларды іске асырудың барлық кезеңінде құрылыс стандарттарын қатаң сақтау мен ашықтықты қамтамасыз етудің маңыздылығын атап өтті.Мониторинг Алматы облыстық мәслихатының депутаттары тарапынан Кіші Дихан, Дардамты, Ақтам, Тиірмен және Ават ауылдарында жүргізілді. Бұл елді мекендерде «Ауылдық денсаулық сақтауды жаңғырту» ұлттық жобасы аясында дәрігерлік амбулаториялар салынуда.— "Нысандарда жұмыс өте баяу жүріп жатыр, ал сапасы белгіленген талаптарға сәйкес келмейді. Соның ішінде – Ұйғыр ауданындағы Ақтам ауылындағы дәрігерлік амбулатория", – деді облыстық мәслихат төрағасы Қуат Байғожаев.Ақтам ауылында құрылыс кестеден едәуір артта қалуда. Жобалық шешімдерден ауытқушылықтар анықталған: терезелер дұрыс орнатылмаған, сыртқы сылақтың қалыңдығы нормадан асып кеткен, жер үсті суларымен және септикке жақын орналасуымен байланысты қауіптер бар. Сонымен қатар, нысан әлі күнге дейін денсаулық сақтау жүйесінің балансына берілмеген, бұл оның толық пайдаланылуына кедергі келтіруде.Кіші Дихан ауылында амбулатория ғимараты бұрынғы нысаннан төмен деңгейде салынған, бұл еріген және жауын-шашын суларымен басып қалу қаупін тудырады. Су бұру жүйесі бұзылған, тротуар плиткасы жобадан жоғары төселген, бұл іргетастың тұрақтылығына әсер етуі мүмкін. Дардамтыда ішкі және сыртқы әрлеуде көптеген ақаулар, инженерлік желілердегі кемшіліктер мен іргетасты толық жылытпау фактілері тіркелген.Тиірменде әрлеу жұмыстары сапасыз материалдармен жүргізілген, линолеум мен плитканың төсеу деңгейі бұзылған, баспалдақтарда тұтқалар жоқ. Ават ауылында абаттандыру жұмыстары аяқталмаған, кәріз жүйесі желдеткішпен жабдықталмаған, электрмен және сумен жабдықтау бойынша заңбұзушылықтар анықталған.Тексеру қорытындысы бойынша депутаттар салалық басқармалар мен мердігер ұйымдарға нақты ұсынымдар берді. Ерекше назар жобалық-сметалық құжаттаманы жетілдіруге, заңбұзушылықтарды жоюға және сапаны бақылауды күшейтуге аударылды.Ұйғыр ауданының әкімдігі жағдайды ерекше бақылауға алды. Қазіргі таңда құрылыс мерзімдерін нақтылау, инженерлік шешімдерді қайта қарау және нысандардың қолданыстағы құрылыс нормаларына сәйкестігін қамтамасыз ету жұмыстары жүргізілуде."Медициналық нысандардың құрылыс сапасын және аяқталу мерзімін қамтамасыз ету – халықтың медициналық қызметтерге қолжетімділігімен тікелей байланысты басты міндет. Барлық жауапты тараптар заңнама мен стандарттар аясында қатаң жұмыс істеуі тиіс", – деді Марат Сұлтанғазиев.Ақпарат көзі : https://www.gov.kz/memleket/entities/almobl/press/news/details/1013498?lang=kk

Ел аумағындағы барлық ақшалай есеп айырысулар мемлекеттік кірістер органдарына деректерді тіркеу және/немесе беру функциясымен жарақтандырылған бақылау-кассалық машиналарды (БКМ) пайдалана отырып міндетті есепке алынуға жатады. Бұл ретте қолданылатын БКМ моделі Мемлекеттік тізілімге енгізілуі тиіс.Бақылау- касса машиналарын қолданудан кім босатылады?1. Кәсіпкер болып табылмайтын жеке тұлғалар жүзеге асыратын есеп айырысулар.2. Жеке сот орындаушылары, адвокаттар мен медиаторлардың қызметі.3. Белгіленген нысандағы билеттерді міндетті түрде бере отырып қоғамдық қалалық көлікте жолаушыларды тасымалдау бойынша қызметтер көрсету.4. Қазақстан Республикасының Ұлттық Банкі жүргізетін операциялар.5. Жалпыға ортақ пайдаланылатын телекоммуникациялық желі жоқ елді мекендерде жүзеге асырылатын салық төлеушілердің қызметі.6. Екінші деңгейдегі банктер жүргізетін есеп айырысулар.7. Діни бірлестіктер.8. Ұлттық пошта операторы-байланыс желісіне қол жеткізусіз орындарда есеп айырысуды жүзеге асырған жағдайда.9. Уәкілетті органдар мақұлдаған арнайы мобильді қосымша арқылы жүзеге асырылатын ақшалай есеп айырысулар.Телекоммуникациясыз аумақтар үшін ерекше жағдайлар.Кәсіпкерлік қызмет телекоммуникациялық желі жоқ аймақта жүргізілетін жағдайларда, осы модель Мемлекеттік тізілімге енгізілген жағдайда, деректерді беру функциясынсыз бақылау-кассалық машиналарды пайдалануға жол беріледі.Ақпарат көзі : https://www.gov.kz/memleket/entities/kgd-kyzylorda/press/news/details/1013483?lang=kk

8 маусым күні Қонаев қаласының Алматы облысының әкімшілік орталығы мәртебесін алғанына үш жыл толды. 2022 жылы дәл осы күні бұрынғы Капшагай қаласы облыс орталығы болып жарияланған болатын.Сол уақыттан бері қалада және облыс аумағында ауқымды әлеуметтік-экономикалық өзгерістер орын алды. Үш жыл ішінде жалпы өңірлік өнім 109,6%-ға артып, 5,9 трлн теңгені құрады. Шикізаттық емес сектордағы өсім қарқыны бойынша Алматы облысы республикада алғашқы бес өңірдің қатарында.Облысқа 2,3 трлн теңгеден астам инвестиция тартылды. Халықаралық деңгейдегі PepsiCo, LC Waikiki, KT&G, Qazaq Global Food компаниялары өз өндіріс орындарын ашты. Сонымен қатар, Қытаймен жалпы құны 7 млрд АҚШ долларына жуық келісімдер жасалып, нәтижесінде шамамен 6 мың жұмыс орны құрылды.Инфрақұрылымдық салада да бірқатар жұмыстар атқарылды. 1000 шақырымнан астам автожол жөнделіп немесе жаңадан салынды. Газбен қамту деңгейі 58,1%-ды құрады, ал ауылдық елді мекендердің 99,5%-ы орталықтандырылған ауызсумен қамтамасыз етілді. Үш жылда шамамен 2 млн шаршы метр тұрғын үй пайдалануға берілді.Адам капиталы мен цифрландыру саласында да нәтижелер бар. 140 мыңнан астам жаңа жұмыс орны құрылды, жұмыссыздық деңгейі 4,6%-ға дейін төмендеді. «Цифрлық отбасы картасы» мен білім беру платформалары секілді заманауи сервистер енгізілді.Қонаев қаласы Smart Qonaev жобасы аясында дамып келеді. Қаржыландыру көлемі төрт есеге артты. Қалада қоғамдық кеңістіктер жаңартылып, туристік инфрақұрылым жетілдірілуде. 2025 жылы қалаға 1,6 млн турист келеді деп күтілуде.Сонымен қатар, Қонаев қаласының маңында еркін экономикалық аймақ мәртебесімен жаңа Алатау қаласының құрылысы басталды. 2025 жылы бұл жобаның инфрақұрылымына 100,7 млрд теңге бағытталады.Қазіргі уақытта Алматы облысы – тұрақты дамып келе жатқан өңір. Өңірде өмір сүруге, жұмыс істеуге және кәсіби тұрғыда өсуге барлық жағдайлар жасалуда. Ал Қонаев қаласы облыстың әлеуметтік-экономикалық дамуының орталығына айналды.Ақпарат көзі : https://www.gov.kz/memleket/entities/almobl/press/news/details/1013465?lang=kk

Іс-шараны аудан әкімі Қайсар Мыржақыпов бастап , облыстық көркемөнерпаздардың халық шығармашылығы мен кинобейнеқор орталығының басшысы Дәмер Қалқаев құттықтау сөз алды. Айта кетсек барлығы 100 қатусышы қатысты. Акцияда барлығы жеті күй орындалып, "Даймондс" үлгі би ансамбілінің бастауымен концерттік бағдарламаға ұласты. Барша Қазақ елін Ұлы мұрамызды ұйықтайтын қасиетті мереке - Ұлттық домбыра күнімен құттықтаймыз.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1013376?lang=kk