2026 жылғы 8 шілде, Женева – Қазақстан Республикасы Премьер-Министрінің орынбасары – Жасанды интеллект және цифрлық даму министрі Жаслан Мәдиев бастаған ҚР ресми делегациясы 2026 жылғы 6-7 шілдеде Женевада өткен БҰҰ-ның жасанды интеллект бойынша алғашқы Жаһандық диалогына қатысты.БҰҰ-ға мүше мемлекеттердің ең жоғары лауазымды 10 делегатының қатарында сөз сөйлеген Ж.Мәдиев БҰҰ аясындағы ашық және әділ келіссөздер үдерісін қолдайтынын білдіріп, әлемдік қауымдастықты деректерді қорғау, ЖИ жүйелерінің қауіпсіздігі, ашықтығы және есеп берушілігі салаларындағы ортақ шараларды әзірлеуге, сондай-ақ инклюзивтілік пен оперативті үйлесімділік қағидаттарына негізделген халықаралық ынтымақтастықты ілгерілетуге шақырды.Үкімет басшысының орынбасары Қазақстанның жаңа Конституциясының ережелері және салалық нормативтік-құқықтық базасы, сондай-ақ Digital Qazaqstan стратегиясы, Astana Hub, Деректер орталықтарының алқабы, Alem.ai халықаралық орталығы және басқа да білім беру бастамаларына негізделген ұлттық ЖИ экожүйесін құру мәселелерін атап өтті. Алматыдағы БҰҰ-ның жаңа құрылымдары – Орнықты даму мақсаттары жөніндегі Өңірлік орталық және Орнықты даму даму үшін Азия-Тынық мұхиты цифрлық шешімдер орталық аясында халықаралық серіктестермен практикалық ынтымақтастық орнатуға ерекше назар аударылды.Қазақстан мен БҰҰ-ның бірлескен бастамалары Ж.Мәдиев пен БҰҰ Бас хатшысы Антониу Гутерриштің екіжақты кездесуі барысында да талқыланды. Бас хатшы Қазақстанның көпжақты жүйені нығайтудағы және бүкіл Орталық Азия өңіріндегі орнықты дамуды ілгерілетудегі бірегей үлесі мен дипломатиялық іс-әрекетіне жоғары баға берді.БҰҰ жаһандық диалогы барысында ҚР Мемлекеттік қызмет істері агенттігінің Төрағасы Дархан Жазықбай да ЖИ дәуіріндегі мемлекеттік аппараттың цифрлық трансформациясы туралы сөз сөйледі. Атап айтқанда, Д.Жазықбай, ЖИ технологияларын пайдалана отырып, кадрлық шешімдердің ашықтығын арттыруға және кандидаттар арасында тең мүмкіндіктерді қамтамасыз етуге бағытталған e-Qyzmet платформасына негізделген кадрларды басқару саласындағы ақпараттық жүйелерін біріктіру жолындағы Қазақстанның озық тәжірибелерін атап өтті.Сонымен қатар, Қазақстан делегациясы Жаһандық диалог аясында жоғары деңгейдегі шетелдік делегациялармен бірқатар екіжақты кездесулер өткізіп, ЖИ саласындағы ынтымақтастықты нығайту, ұлттық кадрлардың біліктілгін арттыру және тиісті халықаралық құрылымдар шеңберіндегі жұмысты үйлестіру мәселелерін талқылады.Ж.Мәдиев бастаған ҚР делегациясы Халықаралық электр байланысы одағының (ITU) аясында осы күндері Женевада өтіп жатқан «Игілік үшін жасанды интеллект (Ai for Good)» саммиті мен Ақпараттық қоғам жөніндегі дүниежүзілік саммиттің (WSIS) жыл сайынғы форумына қатысуын жалғастыруда.Ақпарат көзі : https://www.gov.kz/memleket/entities/mfa-geneva/press/news/details/1255293?lang=ru

Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен жаңа Салық Кодексін енгізу жобалық кеңсесінің 20-шы отырысы өткізілді. Отырыстың негізгі тақырыбы – жеке табыс салығы (ЖТС) бойынша базалық және әлеуметтік салық шегерімдерін қолданудың практикалық мәселелері.Жаңа Салық кодексінің негізгі жаңалығының бірі – салық шегерімдері жүйесін жетілдіру және азаматтарға салық жүктемесін азайту. Атап айтқанда, ай сайын 30 АЕК мөлшерінде, бірақ күнтізбелік жылда 360 АЕК-тен аспайтын базалық салық шегерімі енгізілді. Ол жеке тұлғаның салық салынатын кірісін азайтады, демек, төлеуге жататын ЖТС сомасын азайтады. Бұдан басқа, міндетті зейнетақы жарналары, әлеуметтік аударымдар және міндетті әлеуметтік медициналық сақтандыру жарналары бойынша шегерімдер сақталды.Отырыс барысында қызметкердің табыс мөлшері шегерім сомасынан төмен болған жағдайларда базалық салық шегерімін қолдану мәселесі қаралды. Бұрын қолданыста болған Салық кодексі күнтізбелік жыл шегінде салық шегерімдерінің асып кетуін келесі айларға ауыстыруды көздейтін. Кодекстің жаңа редакциясында мұндай норма жоқ.«Атамекен» ұлттық кәсіпкерлер палатасының өкілдері базалық шегерімнің пайдаланылмаған бөлігін ауыстырудың бұрын қолданыста болған тетігін сақтауды ұсынды. Сонымен бірге, мемлекеттік кірістер комитетінің өкілдері жаңа норманың идеологиясы азаматтарды, ең алдымен табысы төмен қызметкерлерді ай сайынғы қолдау шарасы ретінде базалық салық шегерімін беру болып табылатынын түсіндірді. Сондықтан базалық салық шегерімі әрбір күнтізбелік ай үшін жеке қолданылады және пайдаланылмаған соманы кейінгі салық кезеңдеріне ауыстыруды көздемейді.Талқылау қорытындысы бойынша Мемлекеттік кірістер комитеті келесі күнтізбелік кезеңдерге базалық салық шегерімінің асып кетуіне жол берілмейтінін растайтын ресми түсініктемелер дайындайды деп шешілді.Отырысқа қатысушылар ЖТС бойынша әлеуметтік салық шегерімін қолдану мәселелеріне ерекше назар аударды. Салық кодексінде I және II топтағы мүгедек адамдар үшін 5 000 АЕК, сондай-ақ III топтағы мүгедек адамдар, мүгедек балалардың ата-аналары, асырап алушылар, асырап алушылар мен қамқоршылар үшін 882 АЕК мөлшерінде әлеуметтік салық шегерімі көзделген.Отырысқа қатысушылар Салық кодексінің қолданыстағы редакциясы жұмыс берушінің ауысуы кезінде әлеуметтік салық шегерімінің пайдаланылмаған сомасын есепке алу мүмкіндігін көздейтінін атап өтті. Сонымен қатар Кодексте жеке тұлға бір мезгілде бірнеше жұмыс берушілерде жұмыс істейтін жағдайларда мұндай шегерімді қолдану тәртібін тікелей реттеу қамтылмаған.Талқылау барысында нақты ережелердің болмауы норманы екіұшты қолдану және оны жосықсыз пайдалану тәуекелдерін тудыруы мүмкін екендігі атап өтілді. Осыған байланысты Қаржы министрлігі мен Мемлекеттік кірістер комитетіне салықтық жеңілдіктің әлеуметтік бағытын сақтауды қамтамасыз ететін және оны қолдану кезінде теріс пайдалану мүмкіндігін болдырмайтын бірыңғай тәсілді әзірлеу тапсырылды.Ақпарат көзі : https://www.gov.kz/memleket/entities/economy/press/news/details/1255312?lang=ru

🔐 1-қадам: Салық төлеуші кабинетіне кіріңіз.🧭 2-қадам: Басты беттен «Сервистер» бөлімін таңдаңыз.📋 3-қадам: «Берешектер туралы мәліметтер» қызметіне өтіңіз.✍️ 4-қадам: Қажетті мәліметтердің барлығын толтырыңыз.✔️ 5-қадам: Мәліметтердің дұрыстығын тексеріп, өтінішті жіберіңіз.📨 6-қадам: Өтініш өңделгеннен кейін дайын анықтаманы «Нәтижелер журналынан» жүктеп алыңыз.💡 Анықтаманы бірнеше минут ішінде онлайн алуға болады.#салықтар#қарағандыАқпарат көзі : https://www.gov.kz/memleket/entities/kgd-karaganda/press/news/details/1255322?lang=ru

Серік Жұманғарин Ghazanfar Bank төрағасы Мұхаммед Исмаил Газанфармен кездесті.Кездесу барысында тараптар Қазақстан мен Ауғанстан арасындағы қаржылық-банктік ынтымақтастықты дамыту мәселесін талқылады.Серік Жұманғарин атап өткендей, Қазақстан Ауғанстанмен сауда-экономикалық байланысты нығайтуға зор мән береді. Өзара сауданың одан әрі өсуінің негізгі шартының бірі екі елдің шаруашылық жүргізуші субъектілері арасында есеп айырысудың үздіксіз жүргізілуін қамтамасыз ететін сенімді және ашық банк инфрақұрылымын дамыту.Қазіргі уақытта 23 қазақстандық банктің екеуі ауған банктерімен корреспонденттік қатынастарды қолдайды. 2025 жылдың қорытындысы бойынша Қазақстан мен Ауғанстан арасындағы трансшекаралық төлемдер мен ақша қаражатын аудару көлемі 2024 жылмен салыстырғанда 26%-ға ұлғайып, 140 млрд теңгеге жетті. Бұл ретте көрсетілген кезеңде тауарлар мен қызметтер үшін төлемдер көлемі бес есеге өскен.Тараптар банктер арасындағы корреспонденттік қатынасты кеңейту, тікелей банк арналарын құру, трансшекаралық төлемдер тетігін жетілдіру және сыртқы сауда операцияларын қаржылық сүйемелдеу перспективаларын талқылады. Қазіргі уақытта тағы бір қазақстандық банк Ghazanfar Bank-пен корреспонденттік шоттар ашу рәсімінен өтіп жатқаны атап өтілді.Оң динамика өзара саудада да сақталады. 2026 жылғы қаңтар-сәуірдің қорытындысы бойынша Қазақстан мен Ауғанстан арасындағы тауар айналымы $342,4 млн-ға жетті, бұл 2025 жылғы ұқсас кезеңнің көрсеткішінен 2,3 есе ($150,6 млн) артық. Негізгі салым экспортпен қамтамасыз етіліп, оның көлемі $338,5 млн-ға жетіп, 2,3 есеге ұлғайды. Жеткізілімдердің өсуі, ең алдымен, бидай және бидай-қара бидай ұны, күнбағыс майы және басқа да өнімдер экспортының ұлғаюына байланысты.Анықтама:Ghazanfar Bank – Ауғанстандағы ең көне коммерциялық банктің бірі және 2009 жылдан бастап елдің Орталық Банкінің лицензиясы бойынша жұмыс істейді. Банк корпоративті және бөлшек клиенттерге дәстүрлі және исламдық банктік қызметтердің толық спектрін ұсынады. Соңғы төрт жыл ішінде Ghazanfar Bank Ауғанстан реттеушісі тарапынан банктердің қаржылық тұрақтылығын, басқару сапасын, өтімділігі мен сенімділігін бағалаудың ең жоғары көрсеткішінің бірі – CAMEL 2 рейтингін алды.Банк Қазақстан, Түркия, БАӘ, Қытай, Үндістан, Өзбекстан, Бахрейн және тағы да басқа бірқатар елдегі қаржы институттарымен корреспонденттік қатынастарды қолдайды. Қазақстанда Ghazanfar Bank серіктесі Zaman bank болып табылады. 2025 жылы банк арқылы халықаралық төлемдер мен аударымдар, соның ішінде халықаралық ұйымдар мен бизнес үшін шамамен $1,3 млрд өтті.Ghazanfar Bank кірістерді жылыстатуға қарсы іс-қимыл саласындағы (AML/CFT) халықаралық стандарттардың сақталуына ерекше назар аударады, қаржылық мониторингтің заманауи жүйелерін пайдаланады және қаржылық операциялардың ашықтығын қамтамасыз ету бойынша халықаралық ұйымдармен ынтымақтасады.Ақпарат көзі : https://www.gov.kz/memleket/entities/economy/press/news/details/1255323?lang=ru

🏛️ Қарағанды облысы бойынша Мемлекеттік кірістер департаменті хабарлайды:📖 Қазақстан Республикасы Салық кодексінің 109-бабына сәйкес, қызметі мәжбүрлеп тоқтатылуға жататын салық төлеуші:✅ Әрекетсіз салық төлеушілер тізіліміне енгізілген;✅ Талап қою мерзімі ішінде бір мезгілде мынадай барлық шарттарға сәйкес келген:📄 Салықтық есептілікті өз бетінше ұсынбаған;🌍 Экспорттық-импорттық операцияларды жүзеге асырмаған;🏦 Банктік шоттар арқылы төлемдер және (немесе) ақша аударымдарын жүргізбеген;🧾 Қосылған құн салығын төлеуші ретінде тіркеу есебінде тұрмаған;👥 Басқа заңды тұлғаның басшысы және (немесе) құрылтайшысы, бірлескен кәсіпкерлікке қатысушы болмаған;⏸️ Салықтық есептілікті ұсынуды тоқтата тұрмаған;🏠🚗🌱 Жеке тұлғалардың салық салу объектілерін қоспағанда, мүлік салығы, көлік құралдары салығы және жер салығы бойынша салық салу объектілеріне меншік құқығы болмаған;💼 Әлеуметтік төлемдер бойынша берешегі болмаған;💰 Салықтар, бюджетке төленетін төлемдер, кедендік төлемдер мен салықтар бойынша тиісті қаржы жылының 1 қаңтарындағы 6 айлық есептік көрсеткіштен (АЕК) асатын берешегі болмаған.⚠️ Маңызды ерекшеліктер:🚫 Бұл бап: 🔎 Салықтық мониторингке жататын салық төлеушілерге; ⛏️ Жер қойнауын пайдалану жөніндегі келісімшарттар бойынша қызметін жүзеге асыратындарға; 📑 Заңда көзделген белгілі бір хабарламалары, тыйым салулары және өзге де шектеулері бар салық төлеушілерге қолданылмайды.⚖️ Қызметті тоқтату тәртібі:📌 Қызметті мәжбүрлеп тоқтату заңды күшіне енген сот актісінің негізінде ғана жүзеге асырылады.🗂️ Осыдан кейін салық төлеуші тіркеу есебінен шығарылады.Ақпарат көзі : https://www.gov.kz/memleket/entities/kgd-karaganda/press/news/details/1255328?lang=ru

Бөлшек сауда бизнесі үшін маңызды хабарлама!2026 жылғы 1 шілдеден бастап Тауарлардың ұлттық каталогын (ТҰК) енгізудің соңғы мерзімі (дедлайн) келді. Енді барлық бөлшек сауда сатушылары, соның ішінде жеке кәсіпкерлер мен шағын дүкендер тауарларды өткізу кезінде NTIN кодтарын қолдануға міндетті.Нені түсіну қажет?NTIN коды — бұл жай ғана формальдылық емес, бұл фискализацияға арналған міндетті реквизит. Егер сіздің есепке алу жүйеңіз немесе кассалық аппаратыңыз жаңартылмаса және ТҰК-тан кодтарды тартпаса, сіз заң аясында БКМ чектерін басып шығара алмайсыз және ЭСФ АЖ-да құжаттарды жүргізе алмайсыз.Уақытша кодтар туралы:Жүйе базада позициялардың болмауына байланысты сауда тоқтап қалмауы үшін уақытша XTIN кодын пайдалануға мүмкіндік береді. Бірақ есіңізде болсын: сізде nationalcatalog.kz сайтындағы жеке кабинет арқылы XTIN-ді тұрақты NTIN-ге айналдыру үшін тура 30 күн бар. Бір ай өткеннен кейін уақытша кодтың күші жойылады.Кодтарды тіркеу және беру бойынша барлық процедуралар мүлдем тегін жүзеге асырылады.Салықтық тексерулерді күтпей, техникалық мамандарыңызбен (ТҚО) бірлесіп бағдарламалық жасақтаманы жедел түрде жаңартуды сұраймыз.❓ Қосымша кеңес алу үшін бизнес тіркелген жер бойынша жергілікті Мемлекеттік кірістер басқармасына (МКБ) немесе 1414 нөмірі бойынша ресми байланыс орталығына хабарласа аласыз. Ақпарат көзі : https://www.gov.kz/memleket/entities/kgd-zhetysu/press/news/details/1255356?lang=ru

Миролюбовка ауылында көше саудасына арналған жаңа дүңгіршектерді орнату жұмыстары аяқталды. Жобаны іске асыру кәсіпкерлер үшін қолайлы жағдай жасауға, жергілікті өнімді өткізу мүмкіндіктерін кеңейтуге және қоғамдық кеңістіктерді абаттандыру деңгейін арттыруға бағытталған.Жаңа сауда павильондары заманауи сыртқы түрімен, пайдалану ыңғайлылығымен ерекшеленеді және қауіпсіздік талаптарына сәйкес келеді. Оларды орналастыру сатушылар үшін де, ауыл тұрғындары үшін де қолайлылықты қамтамасыз ете отырып, арнайы бөлінген орындарда сауданы ұйымдастыруға мүмкіндік береді.Дүңгіршектерді орнату шағын бизнесті дамытуға, қосымша жұмыс орындарын құруға және халық үшін күнделікті сұраныстағы тауарлардың қолжетімділігін арттыруға ықпал етеді деп күтілуде. Осындай жобаларды іске асыру ауылдық инфрақұрылымды дамытудағы және Миролюбовка тұрғындарының өмір сүру сапасын жақсартудағы маңызды қадам болып табылады.Ақпарат көзі : https://www.gov.kz/memleket/entities/vko-samar-mirolubovka/press/news/details/1255371?lang=ru

Шығыс-Қазақстан облысы бойынша Мемлекеттік кірістер департаменті Қазақстан Республикасы Салық кодексінің 145-бабына сәйкес ірі салық төлеушілер мониторингін жүргізу барысында уәкілетті орган ірі салық төлеушілер мониторингіне қатысушылардан екенің хабарлайды:      1) салықтардың дұрыс есептелуін және салықтар мен бюджетке төленетін төлемдердің уақтылы төленуін (ұстап қалуды және аударуды) растайтын құжаттар мен жазбаша түсініктер;      2) қатысушының және оның еншілес ұйымдарының қаржылық есептілігін ұсынуды талап етуге құқылы.      Ірі салық төлеушілер мониторингіне қатысушының талапты орындау мерзімі табыс етілген күннен кейінгі он бес жұмыс күнін құрайды.Ірі салық төлеушілер мониторингінің нәтижелері бойынша бұзушылықтар мен алшақтықтар анықталған жағдайда, уәкілетті орган ірі салық төлеушілер мониторингіне қатысушыға бұзушылықтар мен алшақтықтарды өз бетінше жоюы үшін ірі салық төлеушілер мониторингінің нәтижелері жөнінде ұсыным (бұдан әрі осы параграфтың мақсатында – ұсыным) береді.      Ірі салық төлеушілер мониторингіне қатысушы ұсыным табыс етілген күннен кейінгі он бес жұмыс күні ішінде:      1) ұсынымда көрсетілген бұзушылықтармен және алшақтықтармен келіскен жағдайда, анықталған бұзушылықтар мен алшақтықтарды жояды;      2) ұсынымда көрсетілген бұзушылықтар мен алшақтықтармен келіспеген жағдайда, бұзушылықтар мен алшақтықтардың жоқ екендігі туралы түсінікті (бұдан әрі осы параграфтың мақсатында – түсінік) ұсынады.      Уәкілетті орган бұзушылықтар мен алшақтықтарды, сондай-ақ қатысушының ұсынымға түсінікте баяндалған дәлелдерін негіздеу үшін ірі салық төлеушілер мониторингіне қатысушымен кездесу өткізеді.Ірі салық төлеушілер мониторингіне қатысушының баяндалған дәлелдерімен келіспеген жағдайда, уәкілетті орган түсінікті алған күнінен кейінгі отыз жұмыс күнінен кешіктірмей ірі салық төлеушілер мониторингі бойынша уәжді шешім (бұдан әрі осы параграфтың мақсатында – уәжді шешім) шығарады.      Уәжді шешім ірі салық төлеушілер мониторингіне қатысушыға ол шығарылған күннен кейінгі екі жұмыс күні ішінде ұсынылады.      Ірі салық төлеушілер мониторингіне қатысушының уәжді шешімді орындау мерзімі табыс етілген күннен кейінгі бес жұмыс күнін құрайды.Уәжді шешімді орындамау салықтық тексеруді тағайындауға негіз болып табылады. Ақпарат көзі : https://www.gov.kz/memleket/entities/kgd-vko/press/news/details/1255375?lang=ru

Қазақстан Республикасы ІІМ Ұлттық ұланының Бас қолбасшылығында Қазақстан Республикасы Ішкі істер министрінің орынбасары — Ұлттық ұланның Бас қолбасшысы генерал-лейтенант Аңсаған Балтабековтың төрағалығымен әскери кеңес өтті. Онда 2026 жылдың бірінші жартыжылдығындағы әскердің қызметтік-жауынгерлік қызметінің қорытындысы шығарылып, алдағы кезеңге арналған басым міндеттер айқындалды.Әскери кеңестің жұмысына өңірлік қолбасшылықтардың қолбасшылары, Ұлттық ұлан академиясының бастығы, бас басқармалардың, басқармалардың, орталықтардың, дербес бөлімшелер мен қызметтердің басшылары қатысты. Бейнеконференцбайланыс режимінде өткен отырысқа өңірлік қолбасшылықтар мен әскери бөлімдердің командалық құрамының офицерлері қосылды.Отырыс барысында қызметтік-жауынгерлік қызметтің жай-күйі туралы баяндамалар тыңдалды, құқықтық тәртіпті қамтамасыз етудің, жауынгерлік даярлықты ұйымдастырудың, сондай-ақ жаңа әскери бөлімдерді жасақтаудың өзекті мәселелері қаралды. Қолда бар проблемалық мәселелерге және оларды шешу жолдарына ерекше назар аударылды.Ағымдағы жылдың алты айында Ұлттық ұланның әскери қызметшілері қоғамдық тәртіпті сақтау бойынша 1,3 мыңнан астам тапсырма орындаған. Патрульдік-бекеттік қызметті атқару барысында 6 мыңнан астам құқық бұзушы ұсталып, ішкі істер органдарына жеткізілді. Оның ішінде 151 адам қылмыс жасады деген күдікпен ұсталған.Ұлттық ұлан бөлімшелері сондай-ақ қоғамдық қауіпсіздікті қамтамасыз ету жөніндегі міндеттерді орындауға дайындықтың жоғары деңгейін растай отырып, бес халықаралық саяси іс-шараның және шет мемлекеттер басшылары мен ресми делегациялардың он бір сапарының қауіпсіздігін қамтамасыз етті.Қызметтің басқа бағыттарында да айтарлықтай нәтижелерге қол жеткізілді. Әскери қызметшілермен қылмыстық-атқару жүйесі мекемелерінің аумағына тыйым салынған заттарды өткізудің 43 әрекеті тоқтатылды. Жарты жылда айдауылдау бөлімшелері 31 мыңнан астам сотталғандар мен қамауда отырған адамдарды тасымалдады.Ұлттық ұланның цифрлық трансформациясы жалғасуда. Әскерде әскери қызметшілердің ұсыныстарын орталықтандырып жинауға және қарауға арналған "Ұсыныс алаңы"; тамақтану сапасын электрондық жүйе арқылы бағалау; жеке құрамның моральдық-психологиялық жай-күйіне мониторинг жүргізуді қамтамасыз ететін “E-Nazar" жүйесі; жасанды интеллект жүйесі бар камералар; сондай-ақ командирлер мен басшылар қызметінің тиімділігін объективті бағалауға мүмкіндік беретін “Басшының рейтингтік платформасы" ақпараттық платформалары табысты жұмыс істеуде.Отырысты қорытындылай келе, ішкі істер министрінің орынбасары — Ұлттық ұлан Бас қолбасшысы генерал-лейтенант Аңсаған Балтабеков қызметтік-жауынгерлік қызметті одан әрі жетілдіруге бағытталған бірқатар нақты тапсырмалар берді. Басым міндеттердің қатарында тәрбие және профилактикалық жұмыстың тиімділігін арттыру, жас толықтыруды табысты бейімдеуге жәрдемдесу, жеке құрамның қауіпсіздігін қамтамасыз ету, әскери және қызметтік тәртіпті нығайту, сондай-ақ әскери бөлімдердің материалдық-техникалық базасын одан әрі дамыту айқындалды.Әскери кеңес отырысының қорытындысы бойынша тиісті қаулы қабылданып, жүзеге асыру үшін өңірлік қолбасшылықтар мен әскери бөлімдерге жіберілді. ҚР ІІМ Ұлттық ұланының баспасөз қызметі Ақпарат көзі : https://www.gov.kz/memleket/entities/kvv/press/news/details/1255376?lang=ru

«Алматы ОблГаз Engineering» ШЖҚ МКК Қазақстан Республикасы Энергетика министрінің 2025 жылғы 21 мамырдағы №216-нқ «Қазақстан Республикасының ішкі нарығында тауарлық газды көтерме өткізудің шекті бағаларын бекіту туралы» бұйрығына сәйкес, 2026 жылғы 1 шілдеден бастап тауарлық газды сатып алудың көтерме бағасы (ҚҚС-сыз) 1 000 м³ үшін 55 716,0 теңгеге, ал ҚҚС-пен есептегенде 1 000 м³ үшін 64 630,56 теңгеге дейін ұлғайғанын хабарлайды.Назарларыңызға газды тасымалдау тарифі мен кәсіпорынның жабдықтау үстемесі өзгеріссіз қалғанын және олардың ұлғайтылмағанын жеткіземіз. Тауарлық газдың көтерме бағасының өсуіне байланысты тұтынушылар үшін тауарлық газды бөлшек саудада өткізу бағасының өсімі (ҚҚС-пен) есептегенде 1 000 м³ үшін 19 339,52 теңге шегінде болады.Ақпарат көзі : https://www.gov.kz/memleket/entities/almobl-energy/press/news/details/1254992?lang=ru

ҚР Премьер-министрі Олжас Бектеновтің төрағалығымен өткен Үкімет отырысында су ресурстарын басқару мәселелері қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте су ресурстарын басқаруға қатысты жауапты тұлғаларға тапсырмалар жүктелді.«Су алу науқанында су шаруашылығы нысандары жұмысының тұрақтылығын, жоспарға сәйкес ұйымдастырылуын қатаң бақылауға алыңыздар. Сырдария суын егістікке ысырапсыз пайдаланып, Кіші Аралға жіберілетін көлемді жеткізу қажет.Одан бөлек, көлдер жүйесі мен шабындық, жайылымдарды суландыруға ерекше назар аудару керек. Бұл аймақтағы экологиялық жағдайды тұрақтандыруға септігін тигізеді.Биыл су жеткізу қызметінде биллингтік жүйе ресми түрде іске қосылып, су тұтынушылармен электрондық келісімшарт жасау толық аяқталды. Қолданыстағы қағидаларға сәйкес, шаруашылықтар әр айдың 25-іне дейін су жеткізу қызметі үшін төлем жүргізуі тиіс», – деді Мұрат Нәлқожаұлы.Айта кетейік, су саласын дамытудың 2024-2028 жылдарға арналған өңірлік кешенді жоспарына 112 жоба енгізілген. Су ресурстарын тиімді пайдаланудың жүйелі шараларына 10 млрд. теңгеге жуық қаржы бөлінді.Өткен жылы су үнемдеу технологияларын пайдалана отырып, 8,1 мың гектар жерге ауыл шаруашылығы дақылдары егілсе, биыл бұл көрсеткіш 14,2 мың гектарға жеткізілді.Су шығынын азайту үшін 65 мың гектар күріш алқаптары лазерьмен тегістелді. Осыған сәйкес бірінші кезекте 75 нысанның су қорғау жобалық құжаттамасын әзірлеу жоспарлануда.Ақпарат көзі : https://www.gov.kz/memleket/entities/kyzylorda/press/news/details/1254994?lang=ru

Астана, 2026 жылғы 8 шілде – Қазақстан Республикасы Сыртқы істер министрінің Бірінші орынбасары Ержан Ашықбаев ҚР-дың АҚШ-тағы Аризона штатындағы Құрметті консулы Хью Холлманмен кездесу өткізді.Кездесу барысында білім беру, экономика, инвестиция салаларындағы қазақ-америкалық ынтымақтастықты одан әрі дамыту, сондай-ақ Қазақстанның серіктес Аризона штатымен кең ауқымды бағыттар бойынша дәйекті түрде дамып келе жатқан өңіраралық байланыстарды нығайту мәселелері талқыланды.Екі ел арасындағы академиялық өзара іс-қимылдың жарқын үлгісіне айналған Манаш Қозыбаев атындағы Солтүстік Қазақстан университеті мен Аризона Университеті арасындағы ынтымақтастыққа ерекше назар аударылды. Бірлескен білім беру бағдарламаларымен 1 200-ден астам студент қамтылғаны, сондай-ақ ү.ж. 11 шілдеде қос диплом бағдарламасының алғашқы түлектерін бітіру рәсімі өтетіні аталып өтті.Бұдан басқа, тараптар сауда-экономикалық ынтымақтастықты одан әрі кеңейту, жаңартылатын энергетика, ауыл шаруашылығы және ақпараттық технологиялар салаларына инвестицияларды тарту, сондай-ақ Қазақстан мен Аризона штаты арасында өзара іскерлік миссиялар ұйымдастыру перспективаларын талқылады.Аризона штаты жоғары технологиялар, тау-кен өнеркәсібі, ауыл шаруашылығы және білім беру салалары қарқынды дамыған АҚШ-тың жетекші экономикалық әрі инновациялық орталықтарының бірі болып табылады.Ақпарат көзі : https://www.gov.kz/memleket/entities/mfa/press/news/details/1254971?lang=ru

Ақтау қаласы бойынша Мемлекеттік кірістер басқармасы басшысының орынбасары Андрей Смирновпен сұхбат Андрей Юрьевич, Сәлеметсіз бе! Уақыт бөлгеніңіз үшін рахмет. Қазір Ақтау мен Маңғыстау облысының көптеген тұрғындары 270.00 нысанына қызығушылық танытуда. Айтыңызшы, бұл қандай декларация және ол не үшін қажет? Андрей Смирнов: Сәлеметсіз Бе! 270.00 нысаны – жеке тұлғаның кірістері мен мүлкі туралы декларация. Ол Қазақстандағы кірістер мен мүлікті жалпыға бірдей декларациялау жүйесінің негізгі бөлігі болып табылады. Декларация азаматтарға алынған кірістер мен қолда бар мүлік туралы ашық есеп беруге, ал мемлекетке салықтарды дұрыс есептеуге және көлеңкелі экономикамен күресуге көмектеседі. 270.00 нысанын тапсыруға кім міндетті? Андрей Смирнов: ҚР Салық кодексінің 417-бабына сәйкес міндет мынадай санаттарда туындайды:- Мемлекеттік қызметшілер, бюджеттік ұйымдардың, квазимемлекеттік сектордың қызметкерлері және олардың жұбайлары;- Заңды тұлғалардың басшылары мен құрылтайшылары (үлесі 10%-дан асатын қатысушылар), дара кәсіпкерлер және олардың жұбайлары;- Адвокаттар, нотариустар, сот орындаушылары, кәсіби медиаторлар;- Салық агенті ұстамаған кірістерді алған жеке тұлғалар (мүлікті сату, жалдау, шетелден түскен кірістер, бағалы қағаздар және т.б.);- Шетелде шоттары, мүлкі немесе цифрлық активтері бар тұлғалар;Алдыңғы жылдары белгілі бір салық шегерімдерін қолданғандар.Егер адамда мұндай кірістер немесе шетелде активтер болмаса және ол аталған санаттарға жатпаса — тапсыру қажет емес. Бірақ біз мұны өз еркімен жасауға кеңес береміз — бұл болашақ сұрақтардан аулақ болуға көмектеседі. Биылғы жылы тапсыру мерзімі қандай? Андрей Смирнов: 2025 жылғы декларацияны 2026 жылғы 15 қыркүйектен кешіктірмей тапсыру қажет. Салық (ЖТС 10%) қажет болған жағдайда 2026 жылғы 25 қыркүйекке дейін төленуі тиіс. 270.00 нысанын қандай тәсілдермен тапсыруға болады? Андрей Смирнов: ең ыңғайлы тәсілдер:- Онлайн арқылы Салық төлеушінің кабинеті немесе egov.kz порталы.- Мобильді қосымшалар арқылы — Kaspi.kz, Halyk және басқа банктер (өте ыңғайлы).- Жеке - Мемлекеттік кірістер басқармаларында немесе ХҚКО арқылы.Электрондық форматты ұсынамыз – тезірек және қателер аз. Декларацияда нені көрсету керек? Андрей Смирнов: 270.00 нысанында:- Төлем көзінен салық салынбаған кірістер (авто/пәтер сату, жалдау, шетелдік кірістер және т.б.);- Сатып алынған және иеліктен шығарылған мүлік (Жылжымайтын мүлік, көлік, бағалы қағаздар);- Шетелдегі мүлік және шоттар;- Салық шегерімдері.Маңызды: егер мүлік сатып алынғаннан қымбатырақ сатылса және оның мерзімі 2025 жылы бір жылдан аз болса, салық туындауы мүмкін. Осы формамен алғаш рет бетпе-бет келген тұрғындарына не ұсынар едіңіз? Андрей Смирнов:- Соңғы күнге қалдырмаңыз.- Құжаттарды алдын ала дайындаңыз: сатып алу-сату шарттары, шоттар бойынша үзінді көшірмелер, кірістер туралы анықтамалар.- Егер өз бетіңізше толтыру қиын болса - біздің Клиенттерге Қызмет Көрсету Орталығына келіңіз. Біз тегін кеңес береміз.- Мемлекеттік кірістер комитетінің сайтында немесе әлеуметтік желілерде хабардар болыңызЖалпыға бірдей декларация – бұл жазалау мақсатта емес, ашықтық пен әділеттілікке жасалған қадам. Толық түсіндірулер үшін көп рахмет, Андрей Юрьевич! Андрей Смирнов: оқасы жоқ! Егер сұрақтарыңыз болса Ақтау қаласы бойынша мемлекеттік кірістер басқармасына қоңырау шалыңыз. Біз байланыстамыз.Ақпарат көзі : https://www.gov.kz/memleket/entities/kgd-mangistau/press/news/details/1254967?lang=ru

Бангкок, 2026 жылғы 30 маусым – Қазақстанның Таиланд Корольдігіндегі Елшісі Марғұлан Баймұхан Таиланд Корольдігі Қаржы вице-министрі доктор Сантитарн Сатхиратхаймен кездесті.Кездесу барысында тараптар Қазақстан мен Таиланд арасындағы сауда-экономикалық, инвестициялық және қаржы салаларындағы ынтымақтастықтың қазіргі жай-күйі мен даму перспективаларын, сондай-ақ өзара сауда мен инвестицияларды кеңейтуге қолайлы жағдай жасауға бағытталған шарттық-құқықтық базаны жетілдіру мәселелерін талқылады. Сонымен қатар, қазақстандық дипломат Қазақстанда жүзеге асырылып жатқан конституциялық реформалар және алдағы Парламент сайлауы туралы ақпарат берді.Елші М.Баймұхан 2026 жылғы 24-26 маусым аралығында Таиланд Премьер-министрінің орынбасары – Сыртқы істер министрі Сихасак Пуангкеткеоның Қазақстанға жасаған ресми сапары екіжақты қатынастарға тың серпін бергенін атап өтті. Сапар аясында Қазақстан Республикасының Президенті Қасым-Жомарт Тоқаевпен және Қазақстан Республикасы Премьер-министрінің орынбасары – Сыртқы істер министрі Ермек Көшербаевпен кездесулер өтті. Екі елдің сыртқы саяси ведомстволары арасында Іс-қимыл жоспарына қол қойылып, сондай-ақ Қазақстан–Таиланд бизнес-форумы ұйымдастырылды. Аталған форум екі елдің іскер топтарының ынтымақтастықты кеңейтуге өзара мүдделі екенін тағы бір мәрте растады.Қаржы вице-министрі С.Сатхиратхаймен кездесу барысында Қосарланған салық салуды болдырмау туралы келісімді және Инвестицияларды көтермелеу және өзара қорғау туралы келісімді ілгерілету мәселелеріне, сондай-ақ «Астана» халықаралық қаржы орталығымен ынтымақтастықты дамытуға ерекше назар аударылды.Кездесу қорытындысы бойынша тараптар қаржы-экономикалық және инвестициялық ынтымақтастықты одан әрі тереңдетуге өзара мүдделілігін растады, сондай-ақ Таиланд Премьер-министрінің орынбасары – Сыртқы істер министрі Сихасак Пуангкеткеоның Қазақстанға жуырдағы ресми сапары барысында қол жеткізілген уағдаластықтарды іске асыру мақсатында өзара іс-қимылды жалғастыруға дайын екендіктерін білдірді.Анықтама үшін: 2025 жылдың қорытындысы бойынша Қазақстан мен Таиланд арасындағы екіжақты тауар айналымы 255,1 млн АҚШ долларын құрады (+7,8%). Қазақстан Таиландтың Орталық Азиядағы ең ірі сауда әріптесі болып табылады. Инвестициялар, агроөнеркәсіптік кешен, көлік және логистика, цифрлық экономика мен туризм салаларында ынтымақтастықты одан әрі дамыту үшін елеулі әлеует сақталуда.Ақпарат көзі : https://www.gov.kz/memleket/entities/mfa-thailand/press/news/details/1254933?lang=ru

Бангкок, 2026 жылғы 3 шілде – Қазақстан Республикасы Экология және табиғи ресурстар министрлігі Халықаралық ынтымақтастық департаментінің Көпжақты ынтымақтастық және инвестициялар басқармасының басшысы Инкар Әбжәли бастаған Қазақстан делегациясы 2026 жылғы 1–3 шілде аралығында Бангкок қаласындағы ұйымның штаб-пәтерінде өткен БҰҰ-ның Азия және Тынық мұхиты үшін экономикалық және әлеуметтік комиссиясының (АзТМЭӘК) Қоршаған орта және даму жөніндегі комитетінің 9-сессиясына қатысты.Сессия барысында АзТМЭӘК-ға мүше мемлекеттердің өкілдері, халықаралық ұйымдар мен сарапшылар тұрақты даму саласындағы өңірлік ынтымақтастықтың өзекті мәселелерін, оның ішінде климаттың өзгеруіне бейімделу, табиғи ресурстарды тиімді басқару, айналмалы экономиканы дамыту, биоалуантүрлілікті сақтау және орнықты қалалық дамуды ілгерілету бағыттарын талқылады.«Тұрақты биоэкономика арқылы Азия-Тынық мұхиты өңіріндегі синергияны іске асыру» атты тақырыптық іс-шара және «Азия-Тынық мұхиты өңіріндегі орнықты әрі төзімді қалалық дамуды нығайту» атты сарапшылар кеңесі аясында қазақстандық тарап елімізде экологиялық күн тәртібін ілгерілету бойынша іске асырылып жатқан шаралар туралы ақпарат ұсынды. Атап айтқанда, климаттық саясатты жетілдіру, жаңартылатын энергия көздерін дамыту, «жасыл экономика» қағидаттарын енгізу, биоалуантүрлілікті сақтау, сондай-ақ қалдықтар мен табиғи ресурстарды басқару жүйесін жаңғырту мәселелері қамтылды.Қазақстанның Комитет жұмысына қатысуы еліміздің Азия-Тынық мұхиты өңіріндегі экологиялық тұрғыдан орнықты әрі инклюзивті дамуға бағытталған бастамаларды ілгерілетуге практикалық үлес қосуға дайын екенін растады.Ақпарат көзі : https://www.gov.kz/memleket/entities/mfa-thailand/press/news/details/1254937?lang=ru

«Қазақстан Республикасының жаңа Конституциясының қабылдануына байланысты амнистия туралы» ҚР 2026 жылғы 1 шілдедегі № 329-VІІІ Заңына сәйкес, әкімшілік жазалардан, соның ішінде істерін мемлекеттік кірістер органдары қарайтын құқық бұзушылықтар бойынша ауқымды босату көзделген.Төменде салықтар мен кедендік төлемдер бойынша қандай айыппұлдар есептен шығарылуға жататыны, ал қайсысы жатпайтыны туралы егжей-тегжейлі талдау берілген.Босатудың негізгі шарттарыАмнистия жеке тұлғаларға, жеке кәсіпкерлерге және жеке практикамен айналысатын тұлғаларға (адвокаттарға, нотариустарға және т.б.) қолданылады.Айыппұлды есептен шығарудың негізгі критерийлері:Айыппұл сотпен емес, мемлекеттік кіріс органының лауазымды тұлғасымен салынған.Айыппұл заң өз күшіне енген сәтте — 2026 жылғы 1 шілдеде орындалмаған (толық немесе ішінара төленбеген).Құқық бұзушылық Амнистия туралы заңның 8-бабында белгіленген ерекшеліктер тізіміне кірмейді.Қандай құқық бұзушылықтар айыппұлдан БОСАТЫЛАДЫЕгер «тыйым салынған» баптар тізіміне енгізілмесе, ӘҚБтК-нің 720-бабына сәйкес істерін мемлекеттік кіріс органдары қарайтын құқық бұзушылықтар амнистияға ілігеді. Әдетте, бұл рәсімдік және онша ауыр емес құқық бұзушылықтар:Тіркеу мерзімін бұзу: салық органына тіркеу есебіне тұру туралы өтініш беру мерзімін бұзу (ӘҚБтК-нің 269-бабы).Арнайы режимдердегі қателіктер: арнайы салық режимін заңсыз қолдану (ӘҚБтК-нің 270-бабы).Есептілікті тоқтату: есептілікті ұсыну тоқтатылған кезеңде қызметті жүзеге асыру (ӘҚБтК-нің 271-бабы).Декларацияларды кешіктіру: егер бұл үшін айыппұл салынған болса, салық есептілігін белгіленген мерзімде ұсынбау (ӘҚБтК-нің 272-бабы).Кассалық аппараттар (БМК) бойынша бұзушылықтар: бақылау-кассалық машиналарды қолдануға байланысты барлық бұзушылықтар, соның ішінде чекті бермеу немесе қолма-қол ақшаның сәйкес келмеуі (ӘҚБтК-нің 284-бабы).Кедендік рәсімдер: мемлекеттік кіріс органдары қараған жағдайда, кеден ісі саласындағы әкімшілік құқық бұзушылықтардың көпшілігі (ӘҚБтК-нің 521–558 баптары). Оларға кедендік бақылау аймағы режимін, декларация тапсыру мерзімін, тауарларды сақтау тәртібін бұзу және т.б. жатады.ЕАЭО-ға экспорттау/импорттау кезіндегі бұзушылықтар: бұл салық салу объектілерін жасыру ретінде сараланған жағдайларды қоспағанда, Кеден одағы шеңберінде тауарларды өткізу кезіндегі міндеттерді орындамау (ӘҚБтК-нің 287-бабы).🔴 Қандай құқық бұзушылықтар амнистияға жатпайдыЗаң ерекшеліктердің қатаң тізімін белгілейді. Бұл баптар бойынша айыппұлдар толық көлемде төленуі тиіс, өйткені олар қоғамға барынша қауіпті немесе мемлекеттің қаржылық тұрақтылығына нұқсан келтіретін құқық бұзушылықтар деп танылған.ӘҚБтК-нің келесі баптары бойынша амнистиядан бас тартылады:Сот айыппұлдары: айыппұл салу туралы қаулыны сот шығарған кез келген салық немесе кедендік бұзушылық.Көлеңкелі экономика: салық салу объектілерін және өзге де мүлікті жасыру (ӘҚБтК-нің 275-бабы).Қасақана төлемеу: есептелген салықтарды және басқа да міндетті төлемдерді төлеуден жалтару (ӘҚБтК-нің 277-бабы).Есептілікті бұрмалау: декларациялар мен есептеулердегі салықтар мен төлемдер сомасын азайтып көрсету (ӘҚБтК-нің 278-бабы).Рәсім қалай жүреді?Босату автоматты түрде жүзеге асырылуы тиіс. Мемлекеттік кірістер органдары айыппұл салу туралы тиісті қаулылардың орындалуын өз бетінше тоқтатуға міндетті. Мемлекеттік органдарға амнистия бойынша барлық шараларды іске асыру үшін заң қолданысқа енгізілген күннен бастап алты ай уақыт (яғни 2026 жылдың соңына дейін) берілді. Мұндай істер бойынша атқарушылық өндірістер де тоқтатылуға жатады. Ақпарат көзі : https://www.gov.kz/memleket/entities/kgd-zhetysu/press/news/details/1254940?lang=ru

Вильнюс, 2026 жылғы 7 шілде – Қазақстанның Литвадағы Елшісі Тимур Оразаев Литваның Сыртқы істер министрінің орынбасары Аудра Плепитемен кездесу өткізді. Тараптар екіжақты және көпжақты күн тәртібінің өзекті мәселелері бойынша пікір алмасты, сондай-ақ екі елдің сыртқы істер министрліктері арасындағы алдағы саяси консультациялар раундын талқылады.Қазақстандық дипломат литвалық тарапты 2026 жылғы 1 шілдеде Қазақстан Республикасының жаңа Конституциясының күшіне енуі және 23 тамызға жоспарланған парламенттік сайлауы туралы хабардар етті. Конституциялық реформаның негізгі бағыттары таныстырылды. Қазақстанның Еуропалық одақпен ынтымақтастығының қазіргі кезеңіне ерекше назар аударылды. Атап айтқанда, Елші Қазақстан Президенті Қ. Тоқаевтың ағымдағы жылдың маусым айында жасаған ресми сапарының, оның ішінде еуропалық бизнес өкілдерімен өткен кездесулердің қорытындылары туралы хабардар етті. Сондай-ақ Қазақстан мен Литва арасындағы азаматтық авиация саласындағы ынтымақтастық тұрғысынан Көлденең авиациялық келісімнің маңыздылығы атап өтілді.Тараптар халықаралық ұйымдар шеңберіндегі өзара іс-қимылды жалғастыру мәселелерін, оның ішінде Қазақстанның Біріккен Ұлттар Ұйымындағы бастамаларын және екі ел өкілдерінің БҰҰ органдарына сайлануына қатысты мәселелерді талқылады.Екі ел арасындағы сауда-экономикалық және инвестициялық ынтымақтастықтың қазіргі жағдайы мен даму перспективалары, сондай-ақ оған көлік-транзит саласындағы проблемалардың әсері қаралды. Қазақстан мен Литва арасындағы сындарлы саяси диалогты екі елдің бизнес қауымдастықтарының мүддесі үшін одан әрі дамытуға өзара мүдделілік расталды.Ақпарат көзі : https://www.gov.kz/memleket/entities/mfa-vilnius/press/news/details/1254915?lang=ru

Қазақстан Республикасы Президентінің 2026 жылғы 1 шілдедегі № 306 өкімімен Мемлекет басшысының 2024 жылғы 1 қазандағы № 174 өкімімен бекітілген Қазақстан Республикасы Президенті жанындағы Шетелдік инвесторлар кеңесінің дербес құрамы жаңа редакцияда бекітілді.Қазақстан Республикасы Президентінің жанындағы Шетелдік инвесторлар кеңесі – Мемлекет басшысының төрағалығымен жұмыс істейтін консультативтік-кеңесші орган әрі мемлекет пен халықаралық бизнес қауымдастығы арасындағы тікелей диалогтың негізгі алаңы. Кеңес жұмысына дәстүрлі түрде әлемдегі жетекші компаниялар мен ұйымдардың басшылары қатысады. Бүгінде Кеңестің шетелдік құрамына 34 жетекші халықаралық компания мен ұйымның басшылары, сондай-ақ байқаушы мәртебесіндегі 8 өкіл кіреді.Кеңестің жаңартылған құрамына шетелдік тараптан жаңа қатысушылар енгізілді. Бұған дейін Кеңес жұмысына байқаушы ретінде қатысқан «Alstom» компаниясының Африка, Таяу Шығыс және Орталық Азия өңірлері бойынша президенті Мартан Вожур Кеңестің мүшесі болып енгізілді. Сонымен қатар «Power International Holding» компаниясының басшысы Мұтаз Әл-Хаят Кеңес құрамына мүше ретінде қосылды.Ал «Presight AI Holding PLC» компаниясы басқармасының төрағасы Томас Прамотедхам мен Ислам даму банкінің президенті Мұхаммад Сүлейман әл-Джассер Кеңестің байқаушылары мәртебесіне ие болды.Қазақстандық тараптың құрамы да жаңартылды. Кеңес құрамына Қазақстан Республикасы Президентінің Әкімшілігі Басшысының орынбасары Әсел Жанасова, Қазақстан Республикасы Президентінің экономикалық мәселелер жөніндегі көмекшісі Нұрлан Байбазаров, Қазақстан Республикасының Көлік министрі Нұрлан Сауранбаев және Қазақстан Республикасы Сыртқы істер министрлігі Инвестиция комитетінің төрағасы Ардақ Зебешев енгізілді.Кеңестің дербес құрамын жаңарту мемлекет пен халықаралық бизнес арасындағы сындарлы диалогты одан әрі нығайтуға бағытталған. Кеңес жұмысына жетекші халықаралық компаниялар мен қаржы институттары басшыларының қатысуы инвестициялық ынтымақтастықты кеңейтуге, сондай-ақ Қазақстанның жаһандық капитал үшін инвестициялық тартымдылығын одан әрі арттыруға ықпал етеді.Ақпарат көзі : https://www.gov.kz/memleket/entities/invest/press/news/details/1254921?lang=ru

2026 жылғы 1 шілдеде Бөрлі аудандық пробация қызметінің есебінде тұрған сотталғандар арасында құқық бұзушылықтардың алдын алу және сот жүктеген міндеттердің орындалуын қамтамасыз ету мақсатында сот отырысы өтті. Сот отырысы барысында сотталған «А»-ға қатысты бас бостандығын шектеу жазасының өтелмеген бөлігін бас бостандығынан айыру жазасына ауыстыру туралы пробация қызметінің ұсынысы қаралды. Бөрлі аудандық сотының қаулысымен ұсыныс қанағаттандырылып, сотталғанның бас бостандығын шектеу жазасының өтелмеген бөлігі 1 жыл 3 ай 22 күн мерзімге бас бостандығынан айыру жазасына ауыстырылды. Жазаны өтеу кезеңінде сотталған бірнеше рет құқық бұзушылықтарға жол беріп, сот жүктеген міндеттерді орындамаған. Атап айтқанда:– түнгі тексерулер кезінде бірнеше рет тұрғылықты мекенжайында болмаған;– электрондық бақылау құралын қолданудан бас тартып, жазаны өтеу тәртібі мен шарттарын бұзған;– Қазақстан Республикасы Әкімшілік құқық бұзушылық туралы кодексінің 440-бабының 1-бөлігі бойынша әкімшілік жауапкершілікке тартылған. Іс-шараның мақсаты – пробация қызметінің есебінде тұрған тұлғалар арасында құқық бұзушылықтардың алдын алу, сондай-ақ сот белгілеген талаптар мен міндеттердің орындалуын қамтамасыз ету. #заңментәртіп #законипорядок Ақпарат көзі : https://www.gov.kz/memleket/entities/duis-uralsk/press/news/details/1254905?lang=ru

2026 жылғы 2 шілдеде Бөрлі аудандық пробация қызметінің есебінде тұрған сотталғандар арасында құқық бұзушылықтардың алдын алу және сот жүктеген міндеттердің орындалуын қамтамасыз ету мақсатында сот отырысы өткізілді. Сот отырысында пробация есебінде тұрған «С» есімді сотталғанға қатысты бас бостандығын шектеу жазасының өтелмеген бөлігін бас бостандығынан айыру жазасына ауыстыру туралы ұсыныс қаралды. Бөрлі аудандық сотының қаулысымен ұсыныс қанағаттандырылып, сотталғанның бас бостандығын шектеу жазасының өтелмеген бөлігі 6 ай 6 күн мерзімге бас бостандығынан айыру жазасына ауыстырылды. Жазаны өтеу кезеңінде сотталған бірнеше рет құқық бұзушылықтарға жол беріп, сот жүктеген міндеттерді орындамаған. Атап айтқанда:– түнгі тексерулер кезінде бірнеше рет тұрғылықты мекенжайында болмаған;– пробация қызметін хабардар етпестен бірнеше рет Орал қаласына шыққан;– жазасын өтеу кезеңінде Қазақстан Республикасы Қылмыстық кодексінің 200-бабының 1-бөлігі бойынша бірнеше рет қылмыстық жауаптылыққа тартылған. Іс-шараның мақсаты – пробация қызметінің есебінде тұрған адамдар арасында құқық бұзушылықтардың алдын алу, сондай-ақ сот белгілеген талаптар мен міндеттердің орындалуын қамтамасыз ету. #заңментәртіп #закоипорядок Ақпарат көзі : https://www.gov.kz/memleket/entities/duis-uralsk/press/news/details/1254907?lang=ru