26 мамыр күні Жаңаөзен қаласының әкімі Жансейіт Қайнарбаевтың төрағалығымен аппараттық кеңес өтті. Жиын барысында қаланың дамуы мен өзекті мәселелерді шешуге бағытталған екі негізгі мәселе қаралды.Кеңес отырысының күн тәртібіндегі алғашқы мәселе – Жаңаөзен қаласының экономикалық-стратегиялық даму жоспарына арналды. Бұл бағыттағы баяндаманы Жаңаөзен қалалық экономика және бюджеттік жоспарлау бөлімінің басшысы Нұржұма Бопышқызы Гумарова жасады. Екінші мәселе ретінде қаланың салықтық түсімдерінің жай-күйі талқыланды. Бұл тақырып бойынша Жаңаөзен қаласының Мемлекеттік кірістер басқармасының басшысы Нұржан Нұрбергенұлы Жәнібеков баяндама жасады.Кеңес барысында қала әкімі Жансейіт Қайнарбаев қала экономикасын әртараптандырудың маңыздылығын атап өтті. Ол шағын және орта кәсіпкерлікті дамыту, отандық өнімдердің франшизасын арттыру үшін жаңа франшизалар тарту қажеттігін баса айтты. Сондай-ақ, оқшаулау жобасы бойынша жұмыстарды жандандыру, "Бином" және "Абай" мектептерін салу мәселелерін пысықтап, жоспарға енгізу, сондай-ақ спорттық кешендердің құрылысы бойынша нақты тапсырмалар берді.Ауыл шаруашылығы мен туризмді дамыту бағытында кәсіпкерлер іздеудің маңыздылығына тоқталған қала әкімі, өңірдің мұнайға тәуелділігін азайтып, шикізатқа тәуелділіктің үлесін кеміту қажеттігін жеткізді. Оның айтуынша, қазіргі таңда шағын және орта кәсіпкерлік, туризм және ауыл шаруашылығы сынды бағыттарды дамыту қаланың тұрақты экономикалық өсімі үшін басты басымдық болуы тиіс.Кеңес соңында қала әкімі өндірістік мекемелерге қала тазалығы мен абаттандыру бойынша жауапкершілікті күшейтуді, сондай-ақ қалалық сенбіліктерге белсенді қатысуды міндеттеді.Кеңес қорытындысы бойынша қаралған барлық мәселелер хаттамаға енгізіліп, жауапты тұлғаларға бекітілген мерзім ішінде тиісті тапсырмаларды орындау жүктелді. Барлық тапсырмалардың орындалуы қатаң бақылауға алынады.Жаңаөзен қаласы әкімдігінің баспасөз қызметіАқпарат көзі : https://www.gov.kz/memleket/entities/akimat-goroda-zhanaozen/press/news/details/1005522?lang=kk

Маңғыстау облысы бойынша Мемлекеттік кірістер департаменті «Қазақстан Республикасындағы кедендік реттеу туралы» Қазақстан Республикасының кодексінің (бұдан әрі – Кодекс) 47-тарауына сәйкес кедендік тексеру кедендік бақылауды жүргізу нысандарының бірі болып табылатынын хабарлайды.Көшпелі кедендік тексеруді жүргізу тәртібі Кодекстің 418-бабымен айқындалған.Көшпелі кедендік тексерулер мынадай түрлерге бөлінеді:1) жоспардан тыс көшпелі кедендік тексеру;2) жоспардан тыс қарсы көшпелі кедендік тексеру;3) кешенді көшпелі кедендік тексеру.Көшпелі кедендік тексеру нұсқаманың негізінде жүргізіледі (Кодекстің 418-бабының 3-тармағы).Жоспардан тыс көшпелі кедендік тексерулер осындай тексерулерді жүргізу кезеңділігі шектелмей жүргізіледі.Жоспардан тыс көшпелі кедендік тексерулерді тағайындаудың негізі Кодекстің 418-бабының 10-тармағында тізімделген.Тексерілетін тұлға ұсынған мәліметтердің анықтығын растау қажет болған кезде кеден органы көшпелі кедендік тексеруді жүргізу кезінде Қазақстан Республикасының заңнамасына сәйкес құрылған және (немесе) тіркелген және тауарлармен мәмілелер (операциялар) бойынша тексерілетін тұлғамен байланысты тұлғаларда кеден органы жоспардан тыс қарсы көшпелі кедендік тексеру жүргізуі мүмкін.Тексерілетін тұлғаға кедендік тексеру жүргізу туралы нұсқаманың көшірмесін табыс еткен күн көшпелі кедендік тексеру жүргізу басталған күн болып есептеледі.Кодекстің 418-бабының 11-1-тармағына сәйкес кешенді көшпелі кедендік тексеру тәуекелдерді басқару жүйесі негізінде жүргізіледі.Кешенді көшпелі кедендік тексерулерді тағайындау үшін тәуекелдерді басқару жүйесін қолдана отырып, тексерілетін тұлғаларды таңдау тәртібін уәкілетті орган айқындайды.Кешенді көшпелі кедендік тексерулердің жартыжылдық графиктеріне өзгерістер енгізуге жол берілмейді.Кешенді көшпелі кедендік тексерулер кешенді көшпелі кедендік тексерулердің жартыжылдық графигі бойынша жүргізіледі.Уәкілетті орган кешенді көшпелі кедендік тексерулердің графигін өзінің интернет-ресурсында бірінші жартыжылдыққа – кешенді көшпелі кедендік тексерулер жүргізілетін жылдың алдындағы жылдың 25 желтоқсанына дейін орналастырады.Екінші жартыжылдыққа – кешенді көшпелі кедендік тексерулер жүргізілетін ағымдағы күнтізбелік жылдың 25 мамырына дейін орналастырады.Кеден органдары кешенді көшпелі кедендік тексеруді жүргізу басталардан кемінде күнтізбелік отыз күн бұрын тексерілетін тұлғаға нысанын уәкілетті орган белгілеген кешенді көшпелі кедендік тексеру жүргізу туралы хабархатты жібереді немесе табыс етеді.Көшпелі кедендік тексеруді жүргізу мерзімі екі айдан аспауға тиіс. Көрсетілген мерзімге тексерілетін тұлғаға құжаттарды және (немесе) мәліметтерді ұсыну туралы талапты табыс еткен күн мен мұндай құжаттарды және (немесе) мәліметтерді алған күн арасындағы уақыт кезеңі қосылмайды.Көшпелі кедендік тексеруді жүргізу мерзімі мұндай тексеруді жүргізетін кеден органының шешімі бойынша бір айға ұзартылуы мүмкін.Көшпелі кедендік тексеру нәтижелері көшпелі кедендік тексеру актісімен ресімделеді.Көшпелі кедендік тексеру актісі жасалғанға дейін, Еуразиялық экономикалық одақтың кеден заңнамасын, Қазақстан Республикасының кеден және (немесе) өзге де заңнамасын бұзушылық анықталған жағдайда, кеден органының лауазымды адамы тексерілетін тұлғаға көшпелі кедендік тексерудің алдын ала актісін жібереді немесе табыс етеді.Бұл ретте тексерілетін тұлға көшпелі кедендік тексерудің алдын ала актісіне жазбаша қарсылық ұсынуға құқылы.Көшпелі кедендік тексеру нәтижелері бойынша ресімделген, екі данада жасалатын және кедендік тексеруді жүргізген лауазымды адамдар қол қоятын көшпелі кедендік тексеру актісі жасалған күн көшпелі кедендік тексеру аяқталған күн болып есептеледі.Көшпелі кедендік тексеру актісін кедендік тексеруді жүргізген кеден органының басшысы (оны алмастыратын адам) бекітеді.Көшпелі кедендік тексеру актісінің бірінші данасы кедендік тексеру материалдарына қоса тігіледі, актінің екінші данасы есеп-қисаптары қоса беріле отырып, көшпелі кедендік тексеру аяқталған күннен бастап күнтізбелік бес күннен кешіктірілмей тексерілетін тұлғаға жіберіледі немесе табыс етіледі.Көшпелі кедендік тексеру Қазақстан Республикасының заңнамасына сәйкес тіркелген дара кәсіпкерлерді қоспағанда, жеке тұлғаларға қатысты жүргізілмейді.Ақпарат көзі : https://www.gov.kz/memleket/entities/kgd-mangistau/press/news/details/1006917?lang=kk

Джакарта, 2025 жылғы 27 мамыр – Қазақстанның инвестициялық және туристік әлеуеті таныстырылып, «Salam Kazakhstan» журналының алғашқы санының тұсаукесері өтті. Іс-шараға Индонезияның Сыртқы істер, Сауда, Көші-қон министрліктерінің, Индонезия Сауда-өнеркәсіп палатасының, іскер топтардың, туристік агенттіктердің және жетекші бұқаралық ақпарат құралдарының өкілдері қатысты.Қазақстанның Индонезиядағы Елшісі Сержан Әбдікәрімов өз сөзінде Қазақстан мен Индонезияның орнықты экономикалық өсімге деген ұқсас ұмтылыстары бар екенін атап өтіп, табиғи ресурстарға бай, болашағы зор адами капиталы бар елдер ретінде ерекшеленетінін айтты. Ол Қазақстанның инвестициялық әлеуетінің жоғары екенін, соңғы отыз жылда ел экономикасына 456 млрд. АҚШ долл. астам тікелей шетелдік инвестиция тартылғанын баса айтты – бұл Орталық Азия елдері арасында ең жоғары көрсеткіш.Елші сауда, инвестиция, энергетика, ауыл шаруашылығы, фармацевтика, тоқыма өнеркәсібі және туризм салаларындағы екіжақты ынтымақтастықты одан әрі нығайтуға сенім білдірді. Ол Индонезия Сауда-өнеркәсіп палатасы  мен Қазақстанның Сыртқы сауда палатасы арасында жоспарланған өзара түсіністік туралы меморандумға қол қою және бірлескен жобаларды ілгерілету үшін жаңа платформаға айналатын «Қазақстан-Индонезия» іскерлік кеңесін құрудың маңыздылығын ерекше атап өтті.Қазақ дипломаты екі ел арасындағы туристік алмасудың оң серпініне назар аудартып, сапарлар мен іскерлік байланыстарды одан әрі ынталандыру мақсатында Қазақстан азаматтары үшін визасыз режим енгізуге шақырды. Бұл саяхаттар мен іскерлік байланыстарды одан әрі ынталандыруға септігін тигізеді. Сөз соңында Елші индонезиялық қонақтарды Ұлы дала елі – қызғалдақтар мен алмалардың отаны, көшпенділер мәдениеті мен ежелгі өркениеттер, таңғажайып табиғат әлемі – Қазақстанмен танысуға шақырды.Қонақтарға Қазақстанның туристік бағыттары, мәдениеті және «Kazakhstan: Born Bold» атты жаһандық имидждік бастамасы туралы бейнеролик көрсетілді.Презентация барысында Қазақстанның Қытай, Еуразиялық экономикалық одақ (ЕАЭО) және Еуропалық одақ елдерін байланыстыратын стратегиялық көлік-логистикалық хаб ретіндегі рөліне ерекше көңіл бөлінді. Қатысушыларға шетелдік инвесторларға ұсынылатын мемлекеттік қолдау шаралары, салықтық жеңілдіктер, инфрақұрылымдық преференциялар, арнайы экономикалық аймақтар және 10 жылдық көп мәртелік виза алу мүмкіндігі туралы айтылды.Қазақстан мен Индонезия арасында өзара инвестицияларды қорғау және ілгерілету, сондай-ақ Индонезия мен ЕАЭО арасында еркін сауда аймағын құру туралы үкіметаралық келісімдер өзара сауданың дамуына және инвестиция көлемінің артуына жаңа серпін береді деген сенім білдірілді.Индонезия туристік агенттіктері мен туроператорлары қауымдастығының төрайымы Нунунг Русмиати өз сөзінде Қазақстанға жасаған бұрынғы сапары керемет әсер қалдырғанын айтты. «Қазақстан – бұл тек таңғажайып табиғат пен мәдениет ғана емес, сонымен қатар жоғары қызмет көрсету деңгейі, қауіпсіздік және қонақжайлылық. Біз тікелей турлар ұйымдастыру, мәдени алмасу және бірлескен туристік бастамалар үшін зор әлеует көріп отырмыз», – деді ол. Оның айтуынша, туризм саласындағы ынтымақтастық халықтар арасындағы дипломатия мен өзара түсіністіктің қуатты арнасына айналуы мүмкін.Іс-шара соңында Индонезия Сауда министрлігі, Сыртқы істер министрлігі және Журналистер қауымдастығы өкілдері өз ойларымен бөлісіп, Қазақстанның экономикалық және гуманитарлық байланыстарды нығайтуға бағытталған күш-жігерін жоғары бағалады және одан әрі ынтымақтастыққа дайын екендіктерін білдірді.Salam Kazakhstan – индонезиялық аудитория үшін арнайы әзірленген Қазақстан туралы алғашқы индонезия тіліндегі басылым. Журналда елдің табиғи және мәдени көрікті жерлері, тарихы, экономикалық әлеуеті және инвестициялық климаты туралы құрылымды және көрнекі ақпарат берілген. Сонымен қатар, Индонезия бизнесі мен туристік саласына практикалық қызығушылық тудыратын қызықты фактілер мен мүмкіндіктерге ерекше назар аударылған.Ақпарат көзі : https://www.gov.kz/memleket/entities/mfa-jakarta/press/news/details/1005557?lang=kk

Осы жылы Алматы облысы, Қонаев қалалық көпсалалы ауруханасында өткен жылдың шілде айында басталған дәрі-дәрмектерді міндетті таңбалау тәжірибесі жалғасын тапты. Бұл жүйе аясында медициналық мекеме тауарларды таңбалау және қадағалау жөніндегі Бірыңғай оператордың жүйесінде тіркеліп, таңбалау кодтарымен жұмыс істеуге және дәрі-дәрмектердің қозғалысын оңай бақылауға мүмкіндік беретін жеке кабинетке қол жеткізді.Медициналық мекеменің провизоры Күлбану Қадыржанқызы Бекмағамбетованың айтуынша, дәрі-дәрмектерді таңбалау – бұл олардың сапасын бақылауға және жалған өнімдердің таралуының алдын алуға бағытталған маңызды құрал. Бұл – өмірлік маңызы бар тетік.Маманның айтуынша, жүйе тұтынушыларды жалған дәрі-дәрмектерден қорғауға, дәрілік заттардың айналымының ашықтығын қамтамасыз етуге және олардың барлық кезеңдердегі қозғалысын бақылауға бағытталған. Аурухана басшылығының айтуынша, таңбалау тетігін енгізудің арқасында фармацевтикалық нарық анағұрлым құрылымды әрі қауіпсіз бола түсуде. Бұл – қуанарлық жайт.Таңбалау рәсімі қаптамаға өндіруші, сериясы, жарамдылық мерзімі мен шыққан жері туралы ақпаратты қамтитын бірегей кодты енгізуді қарастырады. Медициналық препарат берілген кезде ол сканерленіп, деректер ақпараттық жүйедегі базамен салыстырылады. Бұл жөнінде практик-дәрігерлер де айтып отыр.Провизор Күлбану Қадыржанқызының айтуынша, таңбаланған дәрілерге бақылау Ұлттық дәрі-дәрмектерді таңбалау және қадағалау жүйесі арқылы жүзеге асады. Бұл дәрілік заттардың қозғалысын тиімді бақылауға, жалған өнімдердің нарыққа түсу мүмкіндігін болдырмауға мүмкіндік береді. Сонымен қатар, қазіргі таңда науқастар өздері де сатып алынған дәрілердің түпнұсқалығын мобильді қосымша арқылы тексере алады. Бұл тәжірибе ауруханада белсенді түрде қолданылып келеді.Айта кетейік, таңбалау жүйесінің ең маңызды артықшылықтарының бірі – жалған дәрілердің санын азайту болып отыр. Өйткені контрафактілі дәрі-дәрмектер халық денсаулығына үлкен қауіп төндіреді – оларда көрсетілген белсенді заттар болмауы немесе зиянды компоненттер болуы мүмкін. Бұл туралы Қонаев қаласының тұрғындары да айтып жүр, олар дәрі-дәрмектерді дәл осы ауруханадан алады. Сонымен қатар, таңбалау реттеуші органдардың тарапынан бақылауды күшейтіп, жеткізу тізбегінің кез келген кезеңінде заңбұзушылықтарды уақтылы анықтауға мүмкіндік береді. Бұл нарықтың ашықтығын арттырып, тұтынушыларға сапалы дәрі-дәрмек алуға деген сенімділікті қамтамасыз етеді.Дәрі-дәрмектерді таңбалау тетігін енгізу – бұл пациенттердің қауіпсіздігін арттыру және ашық фармацевтикалық нарықты қалыптастыру жолындағы маңызды қадам. Маман пікірінше, бұл бастаманың одан әрі дамуы фармацевтикалық салаға деген сенімді күшейтіп, ауруханадан немесе дәріханадан дәрі алу үдерісін азаматтар үшін барынша қауіпсіз етеді. Ең бастысы – нарықтың барлық қатысушылары өзгерістерге сәтті бейімделіп, ал тұтынушылар еш алаңсыз сапалы әрі сертификатталған дәрілерді қабылдай алуы тиіс.Айта кету керек, бұл жүйе аурухананың амбулаториялық қызметінде ғана емес, стационар бөлімшелерінде де белсенді түрде енгізілген. Ақпарат көзі : https://www.gov.kz/memleket/entities/almobl-densaulyk/press/news/details/1005290?lang=kk

П. Полкин көшесіндегі шұңқырларды жөндеу. Асфальт төсемді шұңқырлы жөндеу жұмыстары басталды.Ауылдық округ әкімдігі жолдың барлық қатысушылары үшін қауіпсіз әрі ыңғайлы болуы үшін жол төсемінің зақымдануын жояды.Ақпарат көзі : https://www.gov.kz/memleket/entities/vko-katon-karagay-novohairuzovka/press/news/details/1005341?lang=kk

Салтанатты рәсімі Сағадат Нұрмағамбетов атындағы Құрлық әскерлері әскери институтының Оқу орталығында өтті.Оған оқу орнының қолбасшылығы, Қарулы күштердің ардагерлері, Түркістан облысынан шақырылған жауынгерлердің туыстары мен жақындары қатысты.Бұған дейін елуге жуық сарбаз бір айлық жас жауынгер курсынан өтті. Олар жалпыәскери жарғыларды зерделеп, әскери істің негіздерін, соның ішінде саптық, атыс және тактикалық дайындықты игерді. – Бүгін Қарулы күштер қатарына қосылып, нағыз жауынгер болдыңыздар. Отан қорғаушы атағын абыроймен алып жүріңіздер, – деді Құрлық әскерлері әскери институты бастығының орынбасары полковник Нұрлан Айтжанов сарбаздарға.Іс-шараға қатысқан ата-аналар аз уақыт ішінде ұлдарынан өзгеріс байқағанын айтады. – Армияда қызмет ету туралы шешімге өзім келдім. Бұл ел үшін өте жауапты әрі маңызды екенін түсінемін. Менің ойымша, армияда алған тәжірибем азаматтық өмірде де пайдалы болмақ, – деді қатардағы жауынгер Болат Әбдікәрім.Ант берген әскери қызметшілер ротада қызмет етеді. Олардың міндетіне әскери уоқу орны нысандарын күзету мен қорғау кіреді.Ақпарат көзі : https://www.gov.kz/memleket/entities/mod/press/news/details/1005343?lang=kk

Жыл басына орталықтандырылған сумен жабдықтау жүйесіне қол жеткізген ауылдар саны 307 (413-тен) құрады, 290,7 мың тұрғыны бар немесе барлық ауылдар халқының жалпы санының 97%-ы, оның ішінде 38 ауылда кешенді блок модульдер орнатылған.2024 жылдың қорытындысы бойынша жалпы 35 мыңнан астам тұрғыны бар 20 ауылдық елді мекенге орталықтандырылған ауыз су желісі тартылды. Осы мақсатта 5,7 млрд. тенге қаражат жұмсалды. Оған қоса, мыңға жуық тұрғыны бар 12 ауылға кешенді блок модульдар орнатылды.Ағымдағы жылы 16 ауылдық елді мекенді (4 мыңнан астам адам) сапалы ауыз сумен қамтамасыз ету мақсатында 15 жоба іске асырылуда. Бүгінгі таңда осы мақсатқа барлық қаржыландыру көздерінен 8,4 млрд. теңге (РБ – 1,0 млрд. теңге, ҰҚ – 0,5 млрд. теңге, АМҚ- 4,3 млрд. теңге, ЖБ – 2,6 млрд. теңге) бөлінді. Бүгінгі таңда барлық нысандар бойынша мердігер ұйымдары анықталып, құрылыс жұмыстары жүргізілуде.Жыл соңында 8 мыңдай адам таза ауыз сумен қамтылатын болады. Нәтижесінде, өңір халқының 100%-ы орталықтандырылған ауыз сумен қамтамасыз етіледі деп күтілуде.Ақпарат көзі : https://www.gov.kz/memleket/entities/bko-kurylys/press/news/details/1005385?lang=kk

Шарджа Әмірлігіндегі «Әл-Қасимия» университетінің президенті Джамал Салим Әл Турайфимен кездесу өтті.Кездесу барысында тараптар білім беру саласындағы екіжақты ынтымақтастық мәселелерін талқылады.Ақпарат көзі : https://www.gov.kz/memleket/entities/mfa-dubai/press/news/details/1005398?lang=kk

Павлодар облысы бойынша мемлекеттік кірістер Департаменті тауарлар, жұмыстар мен көрсетілетін қызметтер үшін қолма-қол немесе қолма-қол емес есеп айырысулар кезінде сатушы бақылау-кассалық машинаны (БКМ) пайдаланып, қағаз немесе электрондық форматта фискалдық чек беруі тиіс екенін еске салады. Фискалдық чек – бұл сатып алу фактісін растайтын заңды құжат. Чектің көмегімен заңда белгіленген мерзім ішінде тауарды қайтаруға немесе айырбастауға болады, осылайша өз құқықтарыңызды қорғай аласыз.Фискалдық чек бермей жатса, не істеу керек?Фискалдық чек берілмеген жағдайда азаматтар салық төлеуші орналасқан жері бойынша мемлекеттік кірістер органына «e-Otinish» ресми сервисі арқылы шағым жолдай алады.Шағымға бұзушылықты дәлелдейтін бейнежазба, нақты мекенжайы мен уақыты, кәсіпкерлік субъектісінің атауы, сатып алынған тауар, жұмыс немесе қызмет туралы мәлімет, сондай-ақ мүмкін болған жағдайда басқа да қосымша ақпарат қоса берілуі қажет.Фискалдық чек берілмеген жағдайда салық төлеушіге алғаш рет ескерту жасалады. Бір жыл ішінде бұзушылықтар қайталанса, айыппұл салынады:- нотариустарға, жеке сот орындаушыларына, шағын бизнес субъектілеріне – 20 АЕК;- орта бизнес субъектілеріне – 30 АЕК;- ірі бизнес субъектілеріне – 40 АЕК.Сондай-ақ, қызмет барысында БКМ болмауы құқықбұзушылық болып саналады және алғаш рет ескерту жасалады. Бір жыл ішінде бұзушылықтар қайталанса, айыппұл салынады:- нотариустарға, жеке сот орындаушыларына, шағын бизнес субъектілеріне – 15 АЕК;- орта бизнес субъектілеріне – 30 АЕК;- ірі бизнес субъектілеріне – 50 АЕК.Сонымен қатар, салықтық мәдениетті арттыру мақсатында Мемлекеттік кірістер комитеті 2025 жылдың соңына дейін екі республикалық акция «Чекті талап ет – жүлде ұтып ал!» және «Бәйге» жүргізуде. Қатысу шарты өте қарапайым – фискалдық чектерді «Amian» мобильді қосымшасында сканерлеп, тіркеу қажет. Қатысқан әрбір азамат құнды сыйлықтар мен 100 мың теңге көлеміндегі ақшалай жүлдені ұтып алу мүмкіндігіне ие болады. Неғұрлым көп чек тіркелсе, жүлде ұтып алу мүмкіндігі соғұрлым жоғары болады!Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1049668?lang=kk

Бүгін Turkistan Hub алаңында IT-саласының үздігі, “Түркістан сақшылары” анимациялық жобасының авторы Ғасыр Құралбайұлы офлайн форматта шеберлік сабағын өткізді. Іс-шараға Түркістан облысының Цифрландыру, мемлекеттік қызметтер көрсету және архивтер басқармасына қарасты “IT индустриясын дамыту” бөлімінің бас маманы Айтнұр Мырзагелді мен ақпараттық технологиялар саласына қызығушылық танытып жүрген мамандар қатысты.Мастер-класс барысында IT-эксперт жасанды интеллекттің күнделікті жұмыстағы мүмкіндіктері мен тиімді қолдану жолдары туралы кеңінен тоқталды. Атап айтқанда, ChatGPT секілді заманауи қосымшаларды қалай пайдалану керектігі, оған дұрыс сұрақтар қою арқылы қандай нақты ақпараттар алуға болатыны жайлы пайдалы кеңестерімен бөлісті. Сонымен қатар, бұл құралдарды жұмыс өнімділігін арттыруда қалай тиімді қолдануға болатыны туралы түрлі тәсілдер ұсынылды.Шара аясында болашақта қандай мамандықтарға сұраныс төмендеуі мүмкін және керісінше, қандай салаларда кадр тапшылығы туындайтыны жайында да пікір алмасылды. Ғасыр Құралбайұлы қатысушыларды сергіту мақсатында мотивациялық және командалық ойындар ұйымдастырып, сабақтың практикалық бөлігін жандандыра түсті.Ақпарат көзі : https://www.gov.kz/memleket/entities/turkestan-sandyk-mem-kysmet/press/news/details/1005432?lang=kk

Саран қалалық мәслихатының шешімімен әлеуметтік көмек «Ардагерлер туралы» Заңның 3-бабының 1-тармағында көрсетілген ардагерлер санатына жататын адамдарға жылына бір рет 14 күннен аспайтын, бірақ мүгедектігі бар адамдар үшін белгіленген санаториялық-курорттық емдеудің кепілдік берілген көлемінен аспайтын мерзімге санаторий-курорттық емдеуге кеткен шығындарды өтеу үшін табыстары ескерілмей көрсетіледі.Осы мәселе бойынша кеңес алу үшін «Саран қаласының жұмыспен қамту және әлеуметтік бағдарламалар бөлімі» ММ-не мына мекенжай бойынша хабарласуға болады: көш. Жеңіс көшесі 45, 1 қабат, 12 кабинет, телефон 76805.Ақпарат көзі : https://www.gov.kz/memleket/entities/social-saran/press/news/details/1005435?lang=kk

Шет ауданының Ағадыр ауылының танымал пауэрлифтері Дәрібай Оспанов пен Қараман Абдулкәрім әлем чемпионатында тағы да жеңіске жетті. Біріншілік Норвегияда, Драммен қаласында өтті. Ең мықты атақ үшін 54 елден 1400 спортшы бақ сынасты.Дәрібай Оспанов екі жыл бұрын әлем чемпионатында бірнеше рет жеңіске жету мақсатын мәлімдеген болатын. Сол кезде облыс әкімі Ермағанбет Бөлекпаев ақсақал-чемпионға Мемлекет басшысының атынан алғыс хат табыс етті. Дене шынықтыру және спорт басқармасы спортшы мен жаттықтырушыға спорт құралдарына сертификат табыс етті.Драммендегі әлем чемпионатында Дәрібай Оспанов 70+ жас тобында 93 кг салмақ дәрежесінде өнер көрсетті. Штанганы классикалық қысыммен көтеруде ол үшінші, жарақтандырылған түрде – бірінші орын алды. Осы жеңіспен 76 жастағы ақсақал бес дүркін әлем чемпионы атанды.Оның ұлы Қараман Абдулкәрім бірінші түрде 190 кг, екінші түр бойынша 245 кг көтерді. Екі жаттығуда да ол үздік атанды және жеті дүркін әлем чемпионы атанды.Дәрібай Оспанов – халықаралық дәрежедегі спорт шебері, ҚР еңбек сіңірген жаттықтырушысы. Ол осы жетістікпен тоқтамайтынын айтады. Осыдан бір жыл бұрын АҚШ-тың Остин қаласында өткен әлем біріншілігіндегі жеңісінен кейін ақсақал даниялық рекордты озғысы келетінін айтқан болатын. «Ол 94 жаста өнер көрсетті, ал мен 95 жаста да жарысқа барамын», – деп өз ойымен бөлісті дене шынықтыру және спорт басқармасындағы салтанатты шарада Дәрібай Оспанов.Қарағанды облысы дене шынықтыру және спорт басқармасының баспасөз қызметінің ақпараты бойыншаАқпарат көзі : https://www.gov.kz/memleket/entities/karaganda/press/news/details/1005439?lang=kk

Астана, 2025 жылғы 27 мамыр – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Финляндия Республикасы Парламентінің депутаты, Қазақстанмен парламенттік «достық тобының» жетекшісі Вилле Скиннаримен кездесу өткізді.Тараптар екіжақты ынтымақтастықтың кең ауқымды мәселелерін талқылады. Атап айтқанда, биік және жоғары деңгейдегі байланыстарды сақтау, парламенттік дипломатияны дамыту және сауда-экономикалық серіктестікті нығайту мәселелері қозғалды.Осы тұрғыда Қазақстан мен Финляндия арасындағы Сауда-экономикалық ынтымақтастық жөніндегі үкіметаралық комиссияның рөлі ерекше аталып өтті. Осы комиссия – Қазақстан мен Суоми арасындағы ресми өкілдер мен іскер топтар арасындағы диалог пен өзара іс-қимылдың тиімді институционалдық алаңдарының бірі.Сұхбаттастар өңірлік және халықаралық күн тәртібіндегі өзекті мәселелер бойынша пікір алмасты. Бұл тұрғыда Финляндияның Еуропадағы қауіпсіздік және ынтымақтастық ұйымындағы биылғы төрағалығы, сондай-ақ Хельсинки қорытынды актісінің 50 жылдығы мен 2010 жылғы ЕҚЫҰ саммитінің Астана декларациясына 15 жыл толуына орайластырылған іс-шаралар назардан тыс қалмады.Ақпарат көзі : https://www.gov.kz/memleket/entities/mfa/press/news/details/1005450?lang=kk

Мемлекеттік кірістер органдары ұсынатын мемлекеттік қызметтердің бірі «Салықтарды,  бюджетке төленетін төлемдерді,  өсімпұлдарды, айыппұлдарды есепке жатқызуды және қайтаруды жүргізу».Есепке алу - бұл мемлекеттік кірістер органының бюджетке артық немесе қате төленген сомаларды басқа салық міндеттемелерін өтеу есебіне аудару жөніндегі операциясы. Қайтару – салық төлеушінің банктік шотына бюджетке артық немесе қате төленген сомаларды қайтару жөніндегі операциясы.Іс жүзінде салық төлеуші салықтық міндеттемеде көзделген төлемнен көп төлем жасаған жағдайлар кездеседі. Бұл жағдайда салық төлеуші салықтарды, бюджетке төленетін төлемдерді, кедендік төлемдерді, өсімпұлдарды, пайыздар мен айыппұлдарды есепке жатқызуды және (немесе) қайтаруды жүргізуге арналған салықтық өтінішті (бұдан әрі – салықтық өтініш) төлем жүргізілген мемлекеттік кірістер органына ұсынуға құқылы, ол өз кезегінде бес жұмыс күні ішінде осы салықтық өтінішті орындайды.Салықтың, бюджетке төленетін төлемнің, өсімпұлдың артық төленген сомасын қайтару, бюджетке салық берешегі болмаған жағдайда салық төлеушінің банктік шотына жүргізіледі.Төленген мемлекеттік бажды қайтару кезінде қайтаруға негіз болып табылатын уәкілетті мемлекеттік органның құжатын қоса бере отырып, салықтық өтініш берілетінін атап өту қажет. Төлем туралы құжат талап етілмейді. Қайтару мемлекеттік баж сомасы бюджетке есептелген күннен бастап үш жыл ішінде төлеушінің банктік шотына жүргізіледі.Салықтық өтініш салық төлеушінің кабинеті арқылы, сондай-ақ ЭЦҚ болған жағдайда http://egov.kz   арқылы беріледі. Дербес шоттар жүргізілмейтін бюджетке төленетін төлемдер бойынша салық төлеуші қүжаттарды уәкілетті мемлекеттік органға ұсынады. Бұдан әрі, уәкілетті мемлекеттік орган мемлекеттік кірістер органына көрсетілген сомаларды есепке жатқызуға не қайтаруға корытынды жібереді.  Мемлекеттік кірістер органы қорытындыға сәйкес салық төлеушінің банктік шотына есепке жатқызуды не қайтаруды жүргізеді.Бір мезгілде, 01.01.2026 жылдан бастап Салық кодексінің 121-бабына сәйкес талап қою мерзімі өткен салықтың, бюджетке төленетін төлемнің, өсімпұлдардың артық төленген сомасы салық органының шешімі негізінде есептен шығарылуға жататынын хабарлаймыз. Осыған байланысты, ескіру мерзімі өтпеген салық және бюджетке төлем сомасын есепке жатқызуды не қайтаруды ұсынамыз.Сондай-ақ, Мемлекеттік қызмет көрсету туралы ақпаратты https://vko.kgd.gov.kz мекенжайы бойынша ШҚО бойынша МКД сайтында, сондай-ақ 1414 нөмірі бойынша колл-орталығына қоңырау шалу арқылы білуге болатындығын хабарлаймыз.Ақпарат көзі : https://www.gov.kz/memleket/entities/kgd-vko/press/news/details/1056100?lang=kk

Қазақстанның барлық ірі қалаларында өтеді. «30 мамыр күні жергілікті уақытпен Қазақстанның барлық ірі қалаларында «Халық заңгері» жалпыреспубликалық акциясы басталады», деп хабарлайды.Акцияның мақсаты – халықтың құқықтық сауаттылығын арттыру және тегін заң көмегін көрсету. Кез келген азамат еліміздің заң қоғамдастығындағы ең үздік өкілдерден тегін қажетті консультация ала алады. Олардың арасында белгілі адвокаттар, нотариустар, прокурорлар, тергеушілер, сот орындаушылары, мемлекеттік органдардың басшылары және басқалары бар.Акция ҚР Үкіметінің қолдауымен өткізіледі, ұйымдастырушылар - ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, Zakon.kz желілік басылымы, «Параграф» ақпараттық жүйесі, Республикалық адвокаттар алқасы, мемлекеттік органдары, Қазақстанның үздік заңгерлері мен адвокаттары.«Халық заңгері» акциясын өткізу дәстүрге айналды және қарапайым қазақстандықтар алғысын білдіруде.Акция Көкшетау қаласы «РИО» сауда орталығы мекенжайы бойынша, сағ. 17- 00 өтеді. Шара барысында Ақмола облысы бойынша Мемлекеттік кірістер департаментінің қызметкерлері азаматтарға салық және кеден саласында кеңес береді.Қызығушылық танытқан адамдардың қатысуға шақырамыз!Ақпарат көзі : https://www.gov.kz/memleket/entities/kgd-akmola/press/news/details/1005154?lang=kk

Мақала Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1005181?lang=kk

Халықаралық балаларды қорғау күні қарсаңында Алматы облысында балалардың денсаулығын сақтау, қауіпсіздігін қамтамасыз ету және жан-жақты дамуына қолдау көрсетуге бағытталған кешенді шаралар өткізіліп жатыр. Бұл туралы Өңірлік коммуникациялар қызметінде өткен брифинг барысында Алматы облысы Денсаулық сақтау басқармасы басшысының орынбасары Лейла Серікбаева мәлімдеді.Облыста бүгінде 13 босандыру ұйымы жұмыс істейді, ал 2025 жылдың алғашқы төрт айында 9 037 сәби дүниеге келген. Ана мен бала денсаулығын сақтау мақсатында патронаждық қызметтің әмбебап-прогрессивті моделі енгізілген. Бұл модель жүкті әйелдер мен 5 жасқа дейінгі балаларға сапалы әрі уақтылы бақылау жүргізуге мүмкіндік береді.«Балалардың амандығы мен саулығы – қоғамның болашағы. Сондықтан біз олардың өмір сүру сапасын жақсартуға, қауіпсіз әрі қолайлы орта қалыптастыруға бағытталған жүйелі жұмыстар жүргізіп келеміз», – деді Лейла Серікбаева.2024 жылдан бастап өңірде адам папилломавирусына қарсы вакцинация жүргізіліп келеді. Бүгінгі күні 14 683 жасөспірім қыз екпеден өтті. Бұл – жатыр мойны қатерлі ісігінің алдын алудағы маңызды қадам. Сонымен қатар, облыс бойынша санитарлық-ағарту жұмыстары жалғасып жатыр.2025 жылы 509 мыңға жуық бала профилактикалық тексеруден өтуі жоспарланған. Осы уақытқа дейін 16 882 түрлі ауру жағдайы анықталды. Балалар арасында стоматологиялық көмектің қолжетімділігін арттыру үшін «Болашаққа – сау тіспен» жол картасы жүзеге асырылуда. Оның аясында мектептерде жаңа стоматологиялық кабинеттер ашылуда.«22 мамырдан 1 маусымға дейін облыс бойынша балалардың денсаулығы мен қауіпсіздігіне, тұлғалық дамуына арналған бірқатар ауқымды іс-шаралар өтіп жатыр. Оған медициналық ұйымдар, білім беру мекемелері, үкіметтік емес ұйымдар мен қоғамдық қорлар белсенді қатысуда», – деп атап өтті.Бұл бастамалар балалардың құқықтарын қорғауға, олардың денсаулығын нығайтуға және қоғам назарын бала тұлғасының маңыздылығына аударуға бағытталған.Ақпарат көзі : https://www.gov.kz/memleket/entities/almobl-densaulyk/press/news/details/1005199?lang=kk

Қызылорда қаласында «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтті.Оған Денсаулық сақтау министрі Ақмарал Әлназарова, Дүниежүзілік денсаулық сақтау ұйымының Қазақстандағы Елдік кеңсесінің басшысы Скендер Сыла, онлайн режимде Дүниежүзілік денсаулық сақтау ұйымы Еуропалық аймақтық бюросының директоры Ханс Клюге, Германия, Қырғызстан, Латвия, Өзбекстан, Ресей, Түркия, Финляндия мемлекеттерінің өкілдері, ғалымдар, барлық өңірдің денсаулық сақтау басқармасының басшылары, дәрігерлер, мейіргерлер, медициналық оқу орындары мен клиника басшылары қатысты.Конференцияда Ақмарал Әлназарова, Ханс Клюге, Скендер Сыла сөз сөйлеп, медицина саласындағы жетістіктерге тоқталды.Конференцияның мақсаты – халықаралық тәжірибені ескеріп, тәуелсіз мейіргерлік қызметті дамыту, орта медициналық қызметкерлердің денсаулық сақтау жүйесіндегі рөлін арттыру, олардың басқарушылық, сараптамалық, клиникалық құзыреттілігін нығайту.Халықаралық ғылыми-тәжірибелік конференцияға қатысқан Алматы облысы денсаулық сақтау басқармасының басшысы Сүлейменов Ержан Абылқасымұлы өз ойымен бөлісті.«Конференция барысында Германия, Қырғызстан, Латвия, Өзбекстан, Ресей, Түркия, Финляндия мемлекеттерінің өкілдері өз тәжірибелерімен бөлісті. Бұл еліміздегі мейіргерлік қызметті дамытуға үлкен септігін тигізеді деп ойлаймын. Біз жасалған ұсыныстарды ескере отырып, болашақта тәжірибеге енгізуге тырысамыз», - деді басқарма басшысы.Іссапар аясында Денсаулық сақтау министрлігінің делегациясы, республикалық медициналық ұйымдар мен өңірлердің денсаулық сақтау басқармасы басшылары облыс орталығы мен аудандардағы медицина ұйымдарының жұмысымен танысып, тәжірибе алмасуда.Ақпарат көзі : https://www.gov.kz/memleket/entities/almobl-densaulyk/press/news/details/1005233?lang=kk

Қонаев қаласында облыстық денсаулық сақтау басқармасының басшысы өңірдегі медициналық мекемелердің бас дәрігерлерін бұқаралық ақпарат құралдарының өкілдерімен ашық кездесу өткізді. Ержан Әбілқасымұлы ауруханалардың ашықтығы мен қызметінің айқын болуын ерекше атап өтіп, бұл бағыттағы жұмыстың маңыздылығына тоқталды. Сонымен қатар, бұқаралық ақпарат құралдары қоғамдық пікір қалыптастыруда, түрлі оқиғалар мен мәселелер туралы халықтың хабардар болуын арттыруда, сондай-ақ қоғам мен медициналық ұйымдар арасындағы диалогты дамытуда маңызды рөл атқаратынын айтты.Айта кетейік, мұндай форматтағы кездесу алғаш рет ұйымдастырылып отыр және бұл – басқарма басшысының алдағы жұмысындағы негізгі қағидаттардың бірі. Ержан Әбілқасымұлының айтуынша, белсенді БАҚ өкілдерімен мұндай кездесулер тоқсан сайын өткізіліп тұрады. Бұл тәжірибе оң нәтижелерге әкеледі деп күтілуде.Кездесу барысында журналистер алғашқы медициналық-санитариялық көмек, дәрі-дәрмекпен қамтамасыз ету, жедел жәрдем қызметі, ауылдық амбулаториялар құрылысы сынды өзекті мәселелерді көтерді. Өз кезегінде, басқарма тізгінін қолға алғанына 20 күннен асқан Ержан Әбілқасымұлы, аталған саланы дамытуда инвесторларды тарту маңызды екенін айтып, бұл медициналық қызметтердің сапасын арттыру мен көтерілген проблемаларды шешудің жолы болатынын атап өтті.Жақын арада облыста жаңа форматтағы call-орталық ашылады деп жоспарлануда. Бұл – Алматы облысы тұрғындарымен тиімді коммуникацияны қамтамасыз ететін жеке бөлімше немесе мамандандырылған бөлім құруды көздейді.Облыстық денсаулық сақтау басқармасының басшысы ауруханалар директорларының алдағы жұмысына ерекше назар аударып, олардың көшбасшылық қабілеті, басқарушылық дағдылары, кәсіби біліктілігі, жұмыс нәтижелілігі және медициналық көмектің сапасына әрі пациенттердің қанағаттануына әсерін бағалау жоспарланып отырғанын жеткізді. Бұл бағытта Қонаев қалалық көпсалалы ауруханасының директоры Айман Ғалымжанқызы Ракишеваның жұмысы үлгі ретінде аталып өтті.Кездесу соңында БАҚ өкілдері Ержан Әбілқасымұлына ашық диалог пен шақырту үшін алғыстарын білдіріп, мұндай тәжірибе болашақта облыстағы барлық медициналық ұйымдардың жұмысына оң ықпал ететініне сенім білдірді.Ақпарат көзі : https://www.gov.kz/memleket/entities/almobl-densaulyk/press/news/details/1005236?lang=kk

Астана, 2025 жылғы 26 мамыр – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу елімізге алғашқы рет келген Руанданың Сыртқы істер және халықаралық ынтымақтастық министрі Оливье Ндухунгирехемен кездесу өткізді. Кездесу Руанда Президенті Поль Кагаменің ү.ж. 28-29 мамырға жоспарланған Қазақстанға ресми сапары аясында өтті.Министрлер саяси, экономикалық және мәдени-гуманитарлық қатынастарды қамтитын кең ауқымды мәселелерді талқылады.«Біз Руанданы еліміздің Африкадағы досы және маңызды серіктесі ретінде қарастырамыз. Бірлескен күш-жігеріміз Президент П.Кагаме сапарының сәтті өтуін қамтамасыз ететініне сенімдімін, бұл Қазақстан-Руанда қатынастарындағы жаңа тараудың басталуына жол ашады», – деп мәлімдеді М.Нұртілеу.Сауда, логистика, қорғаныс өнеркәсібі және цифрландыру сияқты басым салалардағы ынтымақтастыққа ерекше назар аударылды. Осы ретте тараптар шарттық-құқықтық базаны жетілдіру және түрлі деңгейлерде сапарлар алмасу тәжірибесін нығайту бойынша жұмысты жалғастыруға дайын екенін растады. Транскаспий халықаралық көлік бағдарының жаһандық нарықтардың өзара байланыстығындағы рөлінің артуын ескере отырып, екі ел мен олардың аймақтары арасында транзит және логистика маршруттарын дамытудың маңыздылығы аталып өтті.Қазақ тарапы бизнес байланыстарын нығайту және сауда палаталары арасындағы тікелей ынтымақтастықты қолдау мақсатында өзара сауда делегацияларын ұйымдастыруды ұсынды.Қазақстанның «e-Gov» жүйесіндегі жетістіктері мен «Smart Rwanda Initiative» бағдарламасын ескере отырып, тараптар IT секторында, соның ішінде Орталық Азиядағы ең ірі технопарк – «Astana Hub»-тың негізінде серіктестікті дамыту перспективаларын қарастырды.Бұған қоса сұхбаттастар өңірлік және жаһандық күн тәртібіндегі өзекті мәселелер бойынша пікір алмасып, сыртқы саяси ведомстволар арасындағы белсенді өзара іс-қимылды жалғастыруға уағдаласты.Кездесу қорытындысы бойынша серіктестік қатынастарды нығайтудың маңыздылығы аталып, қол жеткізілген уағдаластықтарды іске асыру бойынша бірлескен жұмысты жалғастыруға дайындық расталды.Ақпарат көзі : https://www.gov.kz/memleket/entities/mfa-addis-ababa/press/news/details/1005250?lang=kk