Бүгін Қызылорда облысының Өңірлік коммуникациялар қызметінде Қармақшы ауданының әкімі Жандос Еркінбек ауданның 2026 жылдың 6 айдың қорытындысымен әлеуметтік-экономикалық даму қорытындылары бойынша бұқаралық ақпарат құралдары өкілдеріне арналған брифинг өткізді.Брифинг барысында ауданның әлеуметтік-экономикалық даму көрсеткіштері мен негізгі салаларда атқарылған жұмыстар жан-жақты таныстырылды. Атап айтқанда, ауыл шаруашылығы, кәсіпкерлік, өнеркәсіп, білім беру, денсаулық сақтау, жұмыспен қамту және әлеуметтік қорғау, мәдениет пен спорт салаларындағы нәтижелерге кеңінен тоқталды.Сонымен қатар, тұрғын үй құрылысы, инженерлік инфрақұрылымды дамыту, елді мекендерді газдандыру, автомобиль жолдарын жөндеу, электр желілерін жаңғырту, абаттандыру және көркейту бағытында іске асырылып жатқан жобалар туралы ақпарат берілді.Брифинг соңында аудан әкімі бұқаралық ақпарат құралдары өкілдерінің сауалдарына жауап беріп, алдағы кезеңде жүзеге асырылатын басым бағыттар мен жоспарланған жобалар жөнінде мәлімет ұсынды.Ақпарат көзі : https://www.gov.kz/memleket/entities/kyzylorda-karmakshy/press/news/details/1257652?lang=ru

2026 жылғы 6-22 ақпан аралығында Италияда XXV Қысқы Олимпиада ойындары өтеді. Негізгі қалалар Милан мен Кортина-Д ' Ампезцо болмақ. Осы қалаларда олимпиада өткізу туралы шешім 2019 жылғы 24 маусымда Лозаннада (Швейцария) өткен Халықаралық Олимпиада комитетінің 134-ші сессиясында.Бұл Италия тарихындағы төртінші олимпиада болғанмен, Миланда қысқы Олимпиада алғаш рет өткелі отыр. Кортина-Д ' Ампезцо өз кезегінде олимпиадалық тәжірибеге ие — дәл осы жерде 1956 жылы VII Қысқы Олимпиада ойындары өткен.Қазақстан Республикасы Ұлттық құрамасының құрамында 2026 жылғы Олимпиада ойындарында еліміздің атынан ҚР ІІМ Ұлттық ұланының қызмет пен спортты табысты ұштастыра білгее әскери қызметшілері де қатысады. Юлия Галышеваның тәжірибесі және Олимпиада тарихы Ұлттық ұланның спорт командасын даярлау орталығының аға нұсқаушысы аға лейтенант Юлия Галышева — фристайл-могул бойынша еліміздің ең атақты спортшыларының бірі.2017 жылы ол Алматыда өткен Қысқы Универсиадада жеңіске жетіп, Саппорода Қысқы Азия ойындарының алтын және күміс медальдарын жеңіп алған. Сол жылдың желтоқсан айында Галышева Әлем кубогының кезеңдерінде сәтті өнер көрсетіп, Қытайда күміс және алтын медаль иеленді.Оның мансабында 2018 жылғы Пхенчхандағы қысқы Олимпиада ерекше орын алады, онда Юлия Галышева могул пәнінің қола жүлдегері атанды. Бұл марапат фристайл тарихындағы Қазақстанның алғашқы олимпиадалық медалі болды. 2019 жылы ол өзінің жоғары мәртебесін растап, американдық Парк-Ситиде Әлем чемпионы және Әлем кубогы кезеңдерінің жүлдегері атанды. Абзал Әжғалиев —мұздағы тұрақтылық пен жылдамдық Шорт-трек жарыстарында Қазақстан Ұлттық ұланының спорт командасын даярлау орталығының аға нұсқаушысы ефрейтор Абзал Әжғалиев таныстырады.2025 жылы ол 5000 метрлік ерлер командалық эстафетасында Азия ойындарының чемпионы, сонымен қатар аралас эстафетада күміс жүлдегер атанды. Бұған дейін, 2022 жылы Әжғалиев Монреаль мен Солт-Лейк-Ситиде Әлем кубогы кезеңдерінің күміс медальдарын жеңіп алып, халықаралық аренада жоғары дайындық деңгейін көрсетті. Олимпиада құрамасының жас буыныҰлттық ұлан өкілдерінің арасында келешегі зор жаңа буын спортшылары да бар. 5571 әскери бөлімінің сарбазы қатардағы жауынгер Илья Мизерн, қазақстандық шаңғымен секіруші және ел тарихындағы алғашқы қысқы Жасөспірімдер Олимпиадасының чемпионы. Ол 2026 жылғы Олимпиадаға ересектер ойындарындағы ұлттық құраманың негізгі спортшыларының бірі ретінде қосылды.Қазақстандық трамплиннен секіру мектебінің тағы бір өкілі Ұлттық ұланның спорт командасын даярлау орталығының аға маманы — дене шынықтыру және спорт жөніндегі аға нұсқаушы қатардағы жауынгер Данил Васильев. Соңғы маусымдарда ол елдегі ең перспективалы спортшылардың бірі ретінде беделін нығайтты.2024-2025 жылдары Васильев FIS Кубогы кезеңінде жеңіске жеткен алғашқы қазақстандық, сондай-ақ жазғы Гран-при және FIS кубогы кезеңдерінің жүлдегері атанды. Ол төрт Трамплиннің беделді турында сәтті өнер көрсеткен және тұрақты нәтижелер мен ұпайлардың арқасында FIS Милан Олимпиадасы мен Кортина-Д ' Ампезцоға жолдама алды.Айта кету керек, XXV қысқы Олимпиада ойындарына құқықтық тәртіп әскерінің қатысуы әскери қызмет, тәртіп және кәсіби спорттың бір-бірін толықтыратынының жарқын мысалы. Бұл спортшылар халықаралық ареналарда елдің намысын қорғап қана қоймай, жас ұрпақ үшін адалдықтың, рух пен патриотизмнің үлгісі болып табылады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1155153?lang=kk

Қазақстан Республикасы Ұлттық экономика министрлігінің Табиғи монополияларды реттеу комитетінің Алматы облысы бойынша департаменті 2026 жылғы 10 ақпан сағат 10:00-де, Алматы облысы Жамбыл ауданының Ұңғыртас МТК-ы арқылы тауарлық газды тасымалдау қызметіне арналған тариф пен тарифтік сметаны қарау тақырыбына жария тыңдау өтетінін хабарлайды.Тұтынушылар және өзге де мүдделі тұлғалар жария тыңдауға ZOOM конференциясы арқылы онлайн режимде қатыса алады.ZOOM сілтемесі: https://us05web.zoom.us/j/82883260758?pwd=RVeXxLqqYlMMUcDYmJeTz2YR8jLjBH.1 Конференция идентификаторы: 828 8326 0758Кіру коды: 0551Ақпарат көзі : https://www.gov.kz/memleket/entities/almobl-energy/press/news/details/1155118?lang=kk

Бүгін Қарасай ауданы Шамалған ауылының Мәдениет үйінде Алматы облыстық денсаулық сақтау басқармасының басшысы Ержан Сүлейменовтің қатысуымен көшпелі алқа отырысы өтті. Жиын барысында Қарасай клиникалық көпбейінді орталық аудандық ауруханасының қызметіне қатысты өзекті мәселелер қаралды.Есептік баяндама аудандық аурухананың директоры Бауыржан Сатыбалды тарапынан ұсынылды. Сонымен қатар оның орынбасарлары мен аурухананың құрылымдық бөлімшелерінің өкілдері сөз сөйледі. Алқа отырысын Қарасай ауданы әкімінің орынбасары Бексұлтан Ақылбек ашып, жүргізді. Күн тәртібі аясында директордың ана мен бала денсаулығын қорғау жөніндегі орынбасары Индира Кабаеваның және Қарасай ауданы бойынша МӘМС жүйесінің жауапты үйлестірушісі Гүлнара Жайсанбаеваның баяндамалары тыңдалды.Отырыс басталғанға дейін Ержан Сүлейменов науқастарды қабылдау үдерісімен, дәрігерлердің жұмыс жағдайымен танысып, тұрғындардың өтініш-тілектерін тыңдады.Алқа отырысында медицина қызметкерлерінің, оның ішінде дәрігерлер мен орта буын медицина мамандарының біліктілігін арттыру мәселелеріне ерекше назар аударылды. Аталған бағыт бойынша нақты тапсырмалар беріліп, анықталған кемшіліктерді жою мерзімдері белгіленді.Сонымен қатар дәрі-дәрмекпен қамтамасыз ету, медициналық жабдықтармен жарақтандыру, міндетті әлеуметтік медициналық сақтандыру жүйесінің жұмысы, ана мен бала денсаулығын қорғау мәселелері де талқыланды. Облыстық денсаулық сақтау басқармасының басшысы халық арасында ақпараттық-түсіндіру жұмыстарын күшейтуді, оның ішінде жастар арасынан волонтерлерді тарта отырып, ауқымды профилактикалық іс-шаралар өткізуді ұсынды.Отырысты қорытындылай келе, Ержан Сүлейменов Қарасай ауданының өңір үшін стратегиялық маңызын атап өтті: «Қарасай ауданы — облыстағы ең ірі әрі қарқынды дамып келе жатқан аудандардың бірі. Сондықтан мұнда денсаулық сақтау жүйесін дамыту мәселелері ерекше жауапкершілікті, нақты ұйымдастыруды және кәсіби көзқарасты талап етеді. Анықталған барлық кемшіліктер белгіленген мерзімде жойылуы тиіс», — деді Алматы облыстық денсаулық сақтау басқармасының басшысы.Алқа қорытындысы бойынша аудандық аурухана басшылығына кадрлық мәселелер мен басқару үдерістерінің тиімділігін арттыруға бағытталған нақты ұсыныстар берілді.Ақпарат көзі : https://www.gov.kz/memleket/entities/almobl-densaulyk/press/news/details/1155119?lang=kk

Ұлан-Батыр, 2026 жылғы 3 ақпан – Қазақстанның Елшісі А.Сейтақынов Моңғолия Қарулы күштері Бас штабының бастығы Генерал-лейтенант С.Ганбямбамен кездесті.Әңгіме барысында тараптар екіжақты байланыстардың қазіргі жай-күйін қарастырып, қорғаныс саласындағы ынтымақтастықты одан әрі дамыту перспективаларын талқылады.Тараптар әріптестік байланыстарды нығайту бағытындағы бірлескен жұмысты жалғастыруға дайын екендерін растады.Ақпарат көзі : https://www.gov.kz/memleket/entities/mfa-ulaanbaatar/press/news/details/1155120?lang=kk

2026 жылғы 30 қаңтар күні ШЖК «Жамбыл көпбейінді орталық аудандық ауруханасы» МКК-де 2024–2025 жылдардағы қызмет қорытындысына арналған медициналық кеңес отырысы өтті.Кеңеске Алматы облыстық денсаулық сақтау басқармасының басшысы Е. Сүлейменов, Жамбыл ауданы әкімінің орынбасары Ә. Қамбарұлы, аурухана әкімшілігі, бөлімше меңгерушілері мен медицина қызметкерлері қатысты.Жиын барысында аурухананың соңғы екі жылдағы қызмет нәтижелері жан-жақты талданып, негізгі көрсеткіштер мен алдағы кезеңге арналған басым міндеттер қаралды.Күн тәртібіне сәйкес:• аурухананың 2024–2025 жылдардағы жалпы қызмет қорытындысы;• травматология бөлімінің жұмысы;• босану бөлімі мен акушерлік қызметтің негізгі көрсеткіштері туралы баяндамалар тыңдалды.Баяндамаларда медициналық көмектің сапасын арттыру, ана мен бала денсаулығын қорғау, кадрлық әлеуетті нығайту, сондай-ақ материалдық-техникалық базаны жетілдіру мәселелеріне ерекше назар аударылды.Жиын қорытындысында сала басшылары тарапынан нақты тапсырмалар беріліп, алдағы кезеңге арналған жұмыс жоспарлары айқындалды.Ақпарат көзі : https://www.gov.kz/memleket/entities/almobl-densaulyk/press/news/details/1155121?lang=kk

Прага, 2026 жылғы 4 ақпан – Қазақстан Республикасының Елшісі Қайрат Әбдірахманов Чех Республикасы Парламенті Депутаттар палатасының Халықаралық істер жөніндегі комитетінің төрағасы Радек Вондрачекпен кездесу өткізді. Кездесу барысында тараптар қазақстан-чех парламентаралық диалогын одан әрі ілгерілету перспективаларын талқылап, оның екіжақты қатынастардың бүкіл кешенін нығайтудағы маңызды рөлін атап өтті. Тараптар парламент депутаттары арасындағы, оның ішінде ЕҚЫҰ Парламенттік Ассамблеясы мен Еуропа Кеңесі Парламенттік Ассамблеясы желісі бойынша белсенді байланыстар саяси өзара іс-қимылды тереңдетуге, экономикалық және гуманитарлық байланыстарды дамытуға, сондай-ақ заң шығару саласында тәжірибе алмасуға септігін тигізетінін атап өтті.Осы орайда Қазақстан Республикасының Президенті Қасым-Жомарт Тоқаевтың бастамасымен қолға алынған саяси және әлеуметтік-экономикалық реформалардың заңды жалғасы болып табылатын жаңа Конституция жобасына айрықша мән берілді. Саяси жүйені одан әрі демократияландыруға, Парламент рөлін күшейтуге, тежемелік және тепе-теңдік тетіктерін кеңейтуге, сондай-ақ азаматтардың құқықтары мен бостандықтарын қорғауды нығайтуға бағытталған конституциялық реформалардың мәні мен мақсаттары туралы Чехия тарапына егжей-тегжейлі ақпарат берілді. Жүргізіліп жатқан өзгерістер орнықты әрі әртараптандырылған экономиканы қалыптастыруға, мемлекеттік басқарудың тиімділігін арттыруға және билік институттарына деген қоғамдық сенімді нығайтуға бағытталғаны атап өтілді.Тарапта өңірлік және халықаралық күн тәртібіндегі өзекті мәселелер бойынша пікір алмасты. Сондай-ақ Қазақстан мен Чехия арасындағы парламентаралық ынтымақтастықты одан әрі дамытуға өзара қызығушылықты растап, бұл ретте Чехияның жоғары заң шығарушы органында құрылып жатқан Қазақстанмен достастық тобына ерекше рөл жүктелетінін атап өтті.Ақпарат көзі : https://www.gov.kz/memleket/entities/mfa-prague/press/news/details/1155087?lang=kk

Шымкент қаласының әкімі Ғабит Сыздықбековтың төрағалығымен Қылмыстың алдын алу жөніндегі ведомствоаралық комиссияның кезектен тыс отырысы өтті. Отырысқа құқық қорғау және арнайы органдардың басшылары, мәслихат депутаттары, Қоғамдық кеңес мүшелері және БАҚ өкілдері қатысты. Кездесу барысында қатысушылар қаладағы қазіргі қылмыстық жағдайды, алдын алу шараларының тиімділігін және қоғамдық қауіпсіздікті қамтамасыз етудегі ведомствоаралық ынтымақтастық мәселелерін талқылады. Күн тәртібіндегі мәселелер бойынша Шымкент қалалық полиция департаменті бастығының міндетін атқарушы Арман Бейсенбаев, Құқықтық статистика және арнайы есепке алу комитетінің қалалық департаментінің бастығы Өркен Сейітов және қала прокурорының орынбасары Рашид Әміров баяндама жасады. Кездесу барысында қала әкімі қылмыстың алдын алу мемлекеттік органдар үшін басты басымдық болып қалуы керек екенін атап өтті. «Қылмыстың алдын алу туралы» жаңа Заңды ескере отырып, ол жергілікті деңгейде алдын алу шараларын күшейту, тәуекелдерді ерте анықтау және кешенді тәсілді енгізу қажеттілігін де атап өтті. «Негізгі назар құқық бұзушылықтарды ерте анықтауға аударылуы керек. Алдын алу тек құқық қорғау органдарының ғана емес, сонымен қатар бүкіл мемлекеттік аппараттың міндеті. Бұл жұмыс жүйелі және үздіксіз болуы керек», - деп атап өтті Ғабит Сыздықбеков. Сондай-ақ, қала әкімі кәмелетке толмағандардың суицидін қоса алғанда, ауыр қылмыстардың алдын алу бойынша күш-жігерді күшейту қажеттілігін атап өтті. «Өкінішке орай, мұндай қайғылы оқиғалар болып тұрады, және мұны жоққа шығаруға болмайды. Олардың алдын алу тек құқық қорғау органдарының ғана емес, сонымен қатар тұтастай алғанда қоғамның міндеті. Үйде, ата-ананың, мектепте, мұғалімдердің және көшеде әрбір азамат жауапкершілікте. Сондықтан барлық салаларда кең ауқымды ақпараттық-түсіндіру жұмыстарын жүргізу қажет. Алдын алу шараларын күшейту әсіресе маңызды», - деп атап өтті қала әкімі. Кеңес қорытындысы бойынша қала әкімі жауапты тұлғаларға бірқатар нақты тапсырмалар берді. Құқық қорғау органдары мен аудан әкімдеріне жүйелі, бірлескен және үйлестірілген тәсілді қалыптастыру тапсырылды. Шымкент қаласы әкімінің баспасөз қызметі

 Шымкент қаласының әкімі Ғабит Сыздықбековтің төрағалығымен Құқық бұзушылық профилактикасы жөніндегі ведомствоаралық комиссияның кезектен тыс отырысы өтті. Кеңеске құқық қорғау және арнаулы органдардың басшылары, мәслихат депутаттары, Қоғамдық кеңес мүшелері мен бұқаралық ақпарат құралдарының өкілдері қатысты.Жиын барысында қатысушылар қаладағы қазіргі криминогендік ахуалды, қабылданып жатқан профилактикалық шаралардың тиімділігін, сондай-ақ қоғамдық қауіпсіздікті қамтамасыз етудегі ведомствоаралық өзара іс-қимыл мәселелерін қарады. Күн тәртібіндегі мәселелер бойынша Шымкент қалалық Полиция департаменті бастығының міндетін атқарушы Арман Бейсенбаев, Құқықтық статистика және арнайы есепке алу жөніндегі комитеттің қалалық департаментінің басшысы Өркен Сейітов және қала прокурорының орынбасары Рашид Әміров баяндама жасады.Отырыс барысында қала әкімі құқық бұзушылықтардың алдын алу мемлекеттік органдар қызметінің негізгі басымдықтарының бірі болып қала беруі тиіс екенін атап өтті. Сонымен қатар, жаңа «Құқық бұзушылық профилактикасы туралы» Заңның күшіне енуіне байланысты жергілікті деңгейде алдын алу шараларын күшейту, қауіп-қатерлерді ерте кезеңде анықтау және кешенді тәсілді енгізу қажеттігіне тоқталды.«Негізгі акцент құқық бұзушылықтарды ерте анықтауға қойылуы тиіс. Профилактика – тек құқық қорғау органдарының ғана емес, бүкіл мемлекеттік аппараттың ортақ міндеті. Бұл жұмыс жүйелі әрі тұрақты түрде жүргізілуі қажет», – деді Ғабит Сыздықбеков.Мегаполис басшысы сондай-ақ ауыр құқық бұзушылықтардың, оның ішінде кәмелетке толмағандар арасындағы суицид жағдайларының алдын алуға ерекше назар аудару қажеттігін айтты.«Өкінішке қарай, Шымкентте мұндай қайғылы жағдайлар кездесіп отыр, оны жоққа шығаруға болмайды. Олардың алдын алу – тек құқық қорғау органдарының ғана емес, бүкіл қоғамның міндеті. Үйде – ата-ана, мектепте – мұғалім, көшеде – әрбір азамат жауапты. Сондықтан барлық салада ауқымды ақпараттық-түсіндіру жұмыстары жүргізілуі тиіс. Профилактиканы күшейту аса маңызды», – деп атап өтті қала әкімі.Қала әкімі жауаптыларға бірқатар нақты тапсырмалар жүктеді. Құқық қорғау органдары мен аудан әкімдеріне өзара жүйе құрып, бірге әрі үйлесімді жұмыс істеуді тапсырды.Шымкент қаласы әкімінің баспасөз қызметі

 9 ақпан ақиық ақын Мұқағали Мақатаевтың туғанына 95 жыл толады. Осыған орай Қазақстан Қарулы күштерінде ақын өлеңдерін оқудан челлендж басталды.Аталған поэзиялық челлендждің басты мақсаты - Мұқағали Мақатаевтың бай әдеби мұрасын әскери ортада кеңінен насихаттау, әскери қызметшілер арасында ұлттық әдебиетке деген құрметті нығайту. Сондай-ақ, патриоттық тақырыптағы өлеңдер арқылы Отанға адал қызмет етудің биік рухын дәріптеу көзделген.4-9 ақпан аралығына жоспарланған поэзиялық челленджге Қазақстан Қарулы күштерінің барлық әскери қызметшілер мен сарбаздар қатыса алады. Қатысушылар ақын өлеңдерін оқып, бейнежазба форматында жариялап, эстафетаны келесі әскери бөлімге жолдайды.Поэзиялық челлендж әскери ұжымдар арасындағы шығармашылық байланысты нығайтып, жеке құрамның бірлігін арттыруға оң ықпал етеді. Мұндай рухани іс-шаралар әскери қызметшілердің бойында азаматтық ұстанымды қалыптастырып, ұлттық рухты көтеруге септігін тигізеді.Аталған акцияны Мұқағали Мақатаевтың «Отан» өлеңімен бастаған Қорғаныс министрлігі Медиа-контент орталығы Атырау гарнизоны баспасөз қызметінің бастығы лейтенант Нұржанат Мұхамет эстафетаны Әскери-теңіз күштеріне жолдады.Мұқағали Мақатаевтың шығармалары отансүйгіштік пен адамгершіліктің, ерлік пен елдік рухтың айқын көрінісі екенін айта кету керек. Ақын поэзиясы бүгінгі күні де өзектілігін жоғалтпай, жас ұрпақты туған жерді қадірлеуге, елге адал қызмет етуге үндейді.Бұл бастама Қарулы күштерде рухани-мәдени құндылықтарды дамытуға, жас әскери қызметшілердің әдебиетке қызығушылығын арттыруға бағытталған.Ақпарат көзі : https://www.gov.kz/memleket/entities/mod/press/news/details/1155049?lang=kk

Бизнес-форум алаңында барлығы 32 коммерциялық құжат рәсімделді. Қол қойылған келісімдер қаржы, логистика, өнеркәсіп, энергетика, агроөнеркәсіп кешені, цифрлық сервистер мен инфрақұрылым салаларындағы қазақстандық-пәкістандық ынтымақтастықты дамыту мен тереңдетуге бағытталған.Сапар аясындағы ең ірі өнеркәсіптік келісім – қазақстандық Falcon EuroBus ЖШС мен пәкістандық QCC International компаниясы арасында отандық электробустарды Пәкістанға жеткізу туралы жасалған, құны 108 млн АҚШ доллары болатын келісімшарт болды. Бұл құжат ұлттық машина жасау саласын ілгерілету және халықаралық нарықтарда Made in Kazakhstan брендін нығайту тұрғысынан стратегиялық маңызға ие. Сонымен қатар, экспорттық өнім түрлерін кеңейту мен жоғары технологиялық өндірісті одан әрі жергіліктендіруге жаңа мүмкіндіктер ашады.Келісімдердің елеулі бөлігі бірлескен инвестициялау тетіктерін іске қосуға және қаржылық ынтымақтастық инфрақұрылымын дамытуға арналды. Атап айтқанда, «Самұрық-Қазына» АҚ мен Fauji компаниялар тобы Қазақстан мен Пәкістан аумағында жобаларды іріктеу және іске асыру үшін бірлескен инвестициялық платформа құру жөніндегі келісімге келді.«Бәйтерек» ҰБХ» АҚ Habib Bank Limited арқылы жобалық және сауда қаржыландыру бағытындағы серіктестігін кеңейтіп, көлік-логистика секторында TCS Private Limited компаниясымен ынтымақтастық орнатты.Сондай-ақ Freedom Holding Corp. пен «Фридом Банк Қазақстан» АҚ пәкістандық серіктестермен бірқатар келісімдерге қол қойды. Атап айтқанда, Meezan Bank Limited-пен 20 млн АҚШ доллары көлемінде корреспонденттік қатынастарды дамыту және халықаралық есеп айырысулар жөнінде келісім жасалды. Бұдан бөлек, трансшекаралық қаржылық және цифрлық сервистерді дамытуға бағытталған уағдаластықтар бекітілді.Келісімдердің маңызды бөлігі көлік-логистика секторына тиесілі болды. «Қазақстан темір жолы» ҰК» АҚ пен National Logistics Corporation мультимодальды тасымалдар мен транзит саласындағы ынтымақтастық туралы келісті.«Қазпошта» АҚ Pakistan Post және TCS Private Limited компанияларымен пошта-логистикалық инфрақұрылымды дамыту және цифрлық шешімдерді енгізу жөнінде меморандумдарға қол қойды. Сонымен қатар, Ақтау халықаралық теңіз сауда порты мен Карачи порты порттық логистиканы дамыту және өзара ықпалдастықты кеңейту туралы келісімдерге келді.Өнеркәсіп саласында KazFoodProducts пен Almoiz Group арасында Жетісу облысында қант өндіретін бірлескен кәсіпорын құру жөнінде 20 млн АҚШ доллары көлеміндегі инвестициямен келісім жасалды. Сондай-ақ Kusto Group пен QazTrade арасында құрылыс материалдарын өндіруді дамытуға бағытталған 20 млн АҚШ доллары көлеміндегі меморандумға қол қойылды.Химия және қайта өңдеу өнеркәсібінде BARK Qazaqstan ЖШС мен пәкістандық бейінді құрылымдар арасында келісімдер жасалды. Сонымен қатар, Қызылорда облысында химиялық өндіріс іске қосу жөнінде NorSon Chemical Industries мен «Байқоңыр» ӘКК арасында меморандумға қол қойылды.Цифрлық сервистер, IT және телекоммуникация саласын қамтитын жеке келісімдер топтамасы да бар. Astana Hub пен IGNITE Pakistan стартап-экожүйелерді дамыту бойынша ынтымақтастық меморандумына қол қойды. QazCode пен Jazz Pakistan телекоммуникация секторындағы өзара іс-қимылды жолға қою жөнінде уағдаласты.Бұдан бөлек, цифрлық шешімдер мен жасанды интеллект саласында, сондай-ақ төлем сервистерін интеграциялау бағытында келісімдер жасалды. Білім беру және медицина салаларында Астана медицина университеті мен Maroof International Hospital, сондай-ақ iTech KZ пен Gift University арасында ынтымақтастықты кеңейтуге бағытталған меморандумдарға қол қойылды.Ғарыш саласында «Қазақстан Ғарыш Сапары» АҚ мен SUPARCO ғылыми-техникалық ынтымақтастық және спутниктік деректер алмасу жөнінде келісімге келді.Сонымен қатар, Отбасы Банк пен Meezan Bank Limited арасында исламдық қаржыландыру саласындағы келісімдерге, сондай-ақ агроөнеркәсіп кешенін дамыту мен екі елдің сауда-өнеркәсіп ұйымдары арасындағы іскерлік байланыстарды нығайтуға бағытталған меморандумдарға қол қойылды.«Қазақстан – Пәкістан» бизнес-форумы Қазақстан Республикасының Сауда және интеграция министрлігі тарапынан QazTrade және Kazakh Invest ұйымдарының белсенді қатысуымен ұйымдастырылды. Форум Қазақстан Республикасының Президенті Қасым-Жомарт Тоқаевтың Пәкістан Ислам Республикасына мемлекеттік сапары аясында өтті.Ақпарат көзі : https://www.gov.kz/memleket/entities/mti/press/news/details/1155035?lang=kk

2026 жылғы 4 ақпанда Қостанай қаласының әкімдігінде Қазақстан Республикасы жаңа Конституциясының жобасын талқылауға арналған қалалық актив өтті.Іс-шараға мемлекеттік мекемелердің басшылары, мәслихат депутаттары, қоғамдық кеңестердің мүшелері, үкіметтік емес ұйымдардың, білім беру мекемелерінің өкілдері және еңбек ұжымдары қатысты.Кездесу барысында жаңа Конституция жобасының негізгі ережелері жан-жақты қарастырылды. Аталған ережелер демократиялық институттарды одан әрі дамытуға, заң үстемдігі қағидаттарын нығайтуға, азаматтардың мемлекеттік басқаруға қатысуын кеңейтуге және билік органдарының қоғам алдындағы жауапкершілігін арттыруға бағытталған.Конституцияны талқылау азаматтарды мемлекеттік басқару үдерістеріне тартудың және құқықтық мәдениетті қалыптастырудың маңызды кезеңі екені атап өтілді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1154967?lang=kk

Халықаралық шарттар мен ұлттық заңнама арақатынасы мәселесі көп жылдан бері сарапшылар мен қоғам арасында талқыланып келеді. Мәжіліс депутаты, Конституциялық комиссия мүшесі Мұрат Әбенов жаңа Конституция жобасында ұсынылып отырған өзгерістердің мәнін түсіндірді.«Біз әріптестерімізбен бірге жоба нормаларын мұқият зерделедік. Маңыздысы – жаңа Конституцияда Қазақстан Республикасының ратификациялаған халықаралық шарттары мен халықаралық құқықтың жалпыға танылған нормаларының заңдық күшін жоққа шығаратын ешқандай ереже жоқ», – деді депутат.Оның айтуынша, Қазақстан өзге мемлекеттермен қарым-қатынаста өзара сыйластық қағидатына, сондай-ақ БҰҰ аясындағы адам құқықтары жөніндегі негізгі халықаралық шарттарға адалдығын сақтайды. Жоба мәтінінде адамның ажырамас құқықтары мен бостандықтарына қатысты қабылданған халықаралық міндеттемелерден бас тартуды білдіретін нормалар қарастырылмаған.Бірінші өзгерістер блогына тоқталған депутат халықаралық шарттардың заңдардан басымдығына байланысты туындаған қайшылықтарды атап көрсетті.«Қолданыстағы Конституцияда заң мен халықаралық шарт арасында қайшылық болған жағдайда халықаралық шарттың нормалары қолданылуы мүмкін еді. Тәжірибеде бұл ұлттық заңнамаға, тіпті азаматтардың құқықтары мен бостандықтарын іске асыруға кері әсер етуі ықтимал жағдайларда да халықаралық келісім ережелерінің автоматты түрде қолданылуына әкелді», – деп атап өтті Әбенов.Сонымен қатар депутат халықаралық шарттардың өз сапасына қатысты тәуекелдерге де назар аударды.«Мұндай шарттарды жасау кезінде кеткен нақтылаусыз және анық емес міндеттемелер кейіннен басым күшке ие болып, оларды Қазақстан заңдары арқылы түзету мүмкін болмай қалды. Бұл құқықтық жүйенің тұрақтылығына кері әсер етті», – деді спикер.Мұрат Әбеновтің түсіндіруінше, жаңа Конституция жобасында халықаралық шарттар қолданыстағы құқық мәртебесін сақтайды, алайда ең жоғары заңдық күш ешқандай ескертусіз тек Конституцияға тиесілі болады.Екінші өзгерістер блогы халықаралық шарттарды қолдану тәртібіне қатысты.«Қолданыстағы Конституциядағы тағы бір кемшілік – халықаралық шарттардың күшіне ену тәртібі «Қазақстан Республикасының заңнамасымен айқындалуы мүмкін» деген норма», – деп атап өтті Әбенов.Ол аталған норма Ата заңның негізгі қағидаттарына қайшы келетінін еске салды. Оның айтуынша, мұндай құрылым құқықтық белгісіздік туғызады, мемлекеттік органдардың құзыретін нақты көрсетпейді және әсіресе халықаралық сауда, техникалық реттеу, стандарттарды сақтау салаларында құқықтық дауларға жол ашады.Мұрат Әбенов сондай-ақ ашық рәсімдердің маңызын да атап өтті.«Құрылтай аясындағы талқылауды қоса алғанда, заңдарды ашық әрі жария рәсімдер арқылы қабылдау, мемлекеттік органдардың өкілеттігі мен жауапкершілігін нақты бекіту, қажетті қаржылық ресурстарды айқындау, сондай-ақ парламенттік бақылау тетіктері халықаралық міндеттемелерді орындаудың неғұрлым тиімді әрі болжамды жүйесін қалыптастырады», – деді ол.Әбенов атап өткендей, ең жоғары заңдық күш тек Конституцияға тиесілі болатын айқын иерархия құқықтық жүйені барынша түсінікті етеді.«Бұл жағдайда конституциялық реттеудің басты мақсаты – негізгі конституциялық құндылықтардың тұрақтылығын, азаматтардың құқықтық кепілдіктерін және заңнаманың өзара үйлесімділігін қамтамасыз ету», – деп түйіндеді депутат.

 Мемлекет өз Конституциясы мәтініне халықаралық құқықтың негізгі қағидаттарын, жалпыадамзаттық құндылықтарды және халықаралық құжаттарда бекітілген адам құқықтары мен бостандықтарын енгізеді. Конституциялық реформа жөніндегі комиссияның кезекті отырысында Мәжіліс депутаты, заң ғылымдарының докторы Үнзила Шапақ осылай деп мәлімдеді.Оның түсіндіруінше, халықаралық құқық пен ұлттық құқықтың арақатынасы үстемдік пен бағыныштылыққа емес, өзара әрекеттесу, толықтыру және үйлестіру қағидаттарына негізделеді. Осыған орай, ұсынылып отырған Конституция жобасында халықаралық шарттарға қатысты негізгі ережелер көзделді.«Осылайша, 5-баптың 1-тармағы туралы қысқаша тұжырымдап айтсам,  Қазақстан Республикасы халықаралық міндеттемелерден бас тартпайды, керісінше оны қолданылатын құқықтың, яғни қоғамдық қатынастарды реттейтін маңызды құрамдас бөлігі ретінде мойындайды», – деп нақтылап өтті депутат.Яғни, Ата заң жобасында халықаралық шарттардың ел аумағында қолдану механизмі – заңдармен белгіленетіні қарастырылған. Бұл тұрғыда көздің қарашығындай қорғалатын ұлттық мемлекеттік егемендікті тікелей немесе жанама түрде шектеуге не әлсіретуге жол бермеу – негізгі міндеттердің бірі.«Яғни, біз халықаралық міндеттемелерді қолданыстағы құқықтың бөлігі ретінде танимыз, оларды заң талаптарына сәйкес қолданамыз және оларды жариялаймыз, өйткені олар қоғамдық қатынастар субъектілері үшін міндетті жүріс-тұрыс ережелерін белгілейді», – деп түсіндірді заңгер.

Жаңа Конституция жобасында тұңғыш рет мыңжылдық тарихымыз басты құндылық ретінде жазылды. Бұл туралы Мемлекеттік кеңесші Ерлан Қарин Конституциялық реформалар жөніндегі комиссияның VII отырысында айтты.Оның сөзінше, қазіргі қолданыстағы 1995 жылғы Конституцияда тарих туралы бір де бір сөз жоқ.«Жаңа Конституция жобасының Преамбуласындағы «Ұлы Даланың мыңжылдық тарихының сабақтастығын сақтай отырып» деген сөйлем тарихымыздың үздіксіз сабақтастығын, Қазақстан көшпелілер өркениетінің ошағы екенін айғақтайды. Осылайша, тарихымыз Конституцияда тұңғыш рет декларация емес, мемлекеттік құндылық ретінде бекітіліп отыр», – деді Ерлан Қарин.Преамбуладағы «Ұлы Дала» мен «мыңжылдық тарих» ұғымдары Қазақстанның тарихи субъект екенін айғақтайтын әрі мемлекеттік бірегейлікті айқындайтын ұғымдар.Сонымен бірге, Мемлекеттік кеңесші жаңа Конституцияда мемлекеттік тіл – қазақ тілі екені тайға таңба басқандай нақты жазылғанына да тоқталды.«Атап айтқанда, 9-баптың 1-тармағында «Қазақстан Республикасының мемлекеттік тілі – қазақ тілі» деп анық көрсетілген. Яғни, бізде мемлекеттік тіл біреу, ол – қазақ тілі. Басқа мемлекеттік тіл жоқ. Тіліміз биік тұғырда, өз орнында. Мемлекетіміз барда сол тұғырдан ешқашан төмен түспейді. Ол үшін осы мемлекетті сақтауымыз керек, қорғауымыз қажет. Елдің бірлігін ойлауымыз керек», – деп атап өтті Ерлан Қарин.Сондай-ақ, ол жаңа Конституция жобасы мен 1995 жылы қабылданған қолданыстағы Ата Заңда айырмашылық өте көп екенін жеткізді.«Жаңа Конституция жобасы – жарты жылдан астам уақыт бойы ел азаматтарынан, сарапшылардан, қоғам белсенділерінен, түрлі ұйымдардан келіп түскен ұсыныстар мен бастамалардың нәтижесі, осы күнге дейін жүргізілген түрлі ұзақ талқылаулардың жемісі», – деді Ерлан Қарин.

2026 жылғы конституциялық реформа Қазақстанның даму бағытын түбегейлі жаңа деңгейге көтереді. Бұл реформа – ресурстарға тәуелді экономикалық модельден бас тартып, ел болашағын білім, интеллект және адам капиталы арқылы қалыптастыруға бағытталған бетбұрыс кезеңі.Ендігі жерде мемлекеттің басты байлығы минералды ресурстар емес, зияткерлік әлеуеті жоғары, білімі терең, ойы озық азаматтар болады. Конституциялық деңгейде білім, ғылым, мәдениет және инновация ел дамуының негізгі басым бағыттары ретінде бекітіледі. Бұл – ұзақ мерзімді әрі орнықты өсудің берік негізі.Реформа аясында білім беру сапасын арттыру, ғылымды қолдау, мәдени құндылықтарды дамыту және инновациялық технологияларды кеңінен енгізу басты назарда болады. Әсіресе жасанды интеллект дәуірінде интеллектуалдық даму мемлекеттің бәсекеге қабілеттілігін айқындайтын негізгі факторға айналады.Қазақстан осылайша адам капиталын дамытуды стратегиялық мақсат ретінде таңдап, болашақ ұрпаққа зияткерлік экономикасы мықты, білімге негізделген заманауи мемлекет қалдыруды көздейді. Бұл – тек заңнамалық өзгеріс емес, ұлттық сананың жаңаруы мен ел дамуының жаңа философиясы.Білім мен интеллект – Қазақстанның ертеңгі табысының кілті.

2026 жылғы конституциялық реформа аясында қабылданатын Жаңа Конституцияда қоғам дамуына жауап беретін заманауи құндылықтар нақты әрі жүйелі түрде бекітіледі. Негізгі заң әділеттілік, заң үстемдігі мен қоғамдық тәртіпті мемлекеттің басты бағдарлары ретінде айқындайды.Жаңа Конституцияда қоршаған ортаны қорғау мәселесіне ерекше мән беріліп, табиғатқа ұқыпты қарау қағидаты алғаш рет конституциялық деңгейде бекітіледі. Бұл – болашақ ұрпақ алдындағы жауапкершілікті күшейтуге бағытталған маңызды қадам.Сонымен қатар цифрлық кеңістіктегі құқықтарды қорғау нормасы енгізіледі. Азаматтардың цифрлық ортадағы жеке деректері мен құқықтарының қорғалуы құқықтық мемлекеттің ажырамас бөлігі ретінде қарастырылады.Дәстүрлі құндылықтарды сақтау да Конституцияның маңызды бағыттарының бірі болып қала береді. Неке – ер мен әйелдің ерікті одағы ретінде айқындалып, отбасы институтын қорғау мемлекеттің міндеті ретінде бекітіледі.Осылайша, Жаңа Конституция әділетті, қауіпсіз және адамға бағдарланған қоғам құруға бағытталған құндылықтық негізді қалыптастырады.

2026 жылғы 3 ақпанда «Даму» кәсіпкерлікті дамыту қоры» АҚ ШҚОФ алаңында кәсіпкерлікті мемлекеттік қолдау бағдарламаларын іске асыру аясында кәсіпкерлерге арналған онлайн-вебинар өтті. Вебинар барысында Қазақстан Республикасының жаңа Салық кодексінің нормаларын түсіндіруге қатысты мәселелер қаралды.Іс-шара барысында Шығыс Қазақстан облысы бойынша Мемлекеттік кірістер департаментінің өкілдері кәсіпкерлерге арнайы салық режимдері мен өтпелі ережелерге қатысты өзгерістерді, сондай-ақ салық есептілігі нысандарының 30%-ға қысқартылуы, салық есептілігін кері қайтарып алу мен тапсыру мерзімін ұзарту тетігінің жойылуы, ақпараттық жүйелердің жұмысына енгізілген жаңашылдықтар жөнінде жан-жақты түсіндірме берді.Сонымен қатар, семинарға қатысушыларға 2026 жылғы 5 қаңтардан бастап Өскемен қаласында «Халық бухгалтері» акциясының басталғаны туралы хабарланды.Іс-шара соңында қатысушылар өздерін қызықтырған сұрақтарды қойып, мемлекеттік кірістер органдарының өкілдерінен өзекті тақырыптар бойынша тікелей түсіндірме алу мүмкіндігіне ие болды.Семинар қорытындысы бойынша қатысушылар мемлекеттік кірістер органдары қызметкерлеріне мазмұнды әрі тәжірибеге бағытталған түсіндірулері үшін алғыстарын білдірді.Ақпарат көзі : https://www.gov.kz/memleket/entities/kgd-vko/press/news/details/1154919?lang=kk

Бюджет кодексіне сәйкес қоршаған ортаға теріс әсер еткені үшін төлем арнайы түсімдерге жатады.Сәйкестендіру мақсатында Қаржы министрлігі бюджеттік сыныптама кодын 105316-дан 401101-ге өзгертті.Салық есептілік нысаны (СЕН) 870.00 декларациясынан төлемдерді тарату бойынша жаңарту 2026 жылғы 3 ақпанда енгізілді.Енді төлемнің бюджетке дұрыс есептелуі үшін төлем 401101 БСК-на жүргізілуі тиіс.Ақпарат көзі : https://www.gov.kz/memleket/entities/kgd-almaty/press/news/details/1154890?lang=kk

2026 жылғы 1 қаңтардан бастап Қазақстанда жаңа ҚҚС және акциз ставкалары енгізіледі. Бұл дәрі-дәрмектер мен акцизге жататын тауарларды импорттайтын барлық тұлғалар үшін маңызды.Дәрі-дәрмек импортына қатысты ҚҚСДәрі-дәрмектерді импорттауға арналған ҚҚС ставкасы:ч2026 жылғы 1 қаңтардан бастап - 5%2027 жылғы 1 қаңтардан бастап - 10%ҚҚС-тен босату сақталады, егер препараттар:тегін медициналық көмек көрсету шеңберіндеміндетті медициналық сақтандыру аясындажетім балалар мен әлеуметтік маңызы бар ауруларды емдеуге арналған болса.Жоғарыда аталған категорияларға жатпайтын дәрі-дәрмектер ғана ерекшеленеді. Мұндай дәрі-дәрмектердің тізімі және ҚҚС-тен босату ережелері Қазақстан Республикасы Үкіметінің 2025 жылғы 31 желтоқсандағы № 1203 қаулысымен және ҚҚК РК 479-бабының 17 тармағында белгіленген.Импорттағы ҚҚС есепке алу әдісі бойыншаБелгілі бір импортталатын тауарлар бойынша ҚҚС есепке алу әдісі арқылы төленеді. Мұндай тауарлардың тізімі және оны қалыптастыру ережелері ҚҚК РК 508 және 509-баптарында бекітіліп, Қазақстан Республикасы Үкіметінің 2025 жылғы 31 желтоқсандағы №1199 қаулысымен расталған.Акциздер: жаңа ставкалар және тауарлар тізімін кеңейту2026 жылғы 1 қаңтардан бастап негізгі тауарларға акциз ставкалары шамамен 10%-ға арттырылады. Бұл:алкоголь өнімдері (шарап пен сыраны қоспағанда)темекі өнімдері, оның ішінде жылтыратылған сигареттерсыра және алкогольсіз сусындарбензин, дизель отыны және басқа да акцизге жататын тауарларға қатысты.Сонымен қатар, акцизге жататын тауарлар тізімі кеңейтілді:энергетикалық сусындар - салық салудың жаңа объектісі, ставкалары кезең-кезеңімен артады;қымбат көлік құралдары, кемелер мен ұшақтар - егер құны 18 000 АЕК-тен (автокөліктер) немесе 24 000 АЕК-тен (кемелер/ұшақтар) асса, импорт «түсініксіз тауарға салынатын салықпен» 10% мөлшерінде салынады.Ақпарат көзі : https://www.gov.kz/memleket/entities/kgd-almaty/press/news/details/1154858?lang=kk