Валетта (Мальта), 2025 жылғы 8-9 қазан – Еуропа Кеңесінің жастар істері жөніндегі министрлердің 10-конференциясы өтті. Конференция «Демократия үшін жастар: жастар көзқарасы» тақырыбында өтті. Оған Еуропа Кеңесіне мүше мемлекеттердің министрлері мен ресми өкілдері, сондай-ақ халықаралық жастар ұйымдары мен Еуропа Кеңесінің құрылымдарының басшылары қатысты.Қазақстан Республикасын аталған іс-шарада ҚР Страсбург қаласындағы Бас консулы Анель Бақытбекқызы және Еуропа Кеңесінің Жастар істері жөніндегі Еуропалық Басқару комитеті (ЕРКДМ) Бюросының мүшесі Валихан Бахретдинов ұсынды. Пленарлық отырыс барысында А.Бақытбекқызы сөз сөйлеп, Қазақстанның жастар саясаты саласындағы басым бағыттарын таныстырды және 2023-2029 жылдарға арналған Мемлекеттік жастар саясаты тұжырымдамасының іске асырылуы туралы айтты. Ол Қазақстанның жастардың шешім қабылдау процесіне белсенді қатысу қағидатын дәйекті түрде ілгерілетіп, демократия, инклюзия және орнықты даму құндылықтарына негізделген халықаралық серіктестік қатынастар орнатып отырғанын атап өтті.Конференция барысында қазақстандық делегация жастар өлшемін мемлекеттік саясат қалыптастыру процестеріне енгізу, жастардың жергілікті және өңірлік деңгейдегі өмірге қатысуының Еуропалық хартиясын жаңарту, сондай-ақ жастар мобильділігі мен азаматтық белсенділікті дамыту мәселелерін талқылауға қатысты. Сонымен қатар, қазақстандық тарап Еуропалық жастар карталары қауымдастығының (EYCA) қызметіне арналған іс-шараларға қатысты.Қазақстанның бұл конференцияға қатысуы Еуропа Кеңесімен және оның жастар құрылымдарымен диалогты нығайтуға, сондай-ақ елдің инклюзивті, ашық және болашаққа бағытталған жастар саясатын дамытуға бейілділігін тағы бір рет дәлелдеуге мүмкіндік берді.Ақпарат көзі : https://www.gov.kz/memleket/entities/mfa-strasbourg/press/news/details/1087212?lang=kk

Алматы облысында құрылыс нысандарының саласында анықталған заңбұзушылықтар санының едәуір азайғаны байқалады. Ведомство мәліметінше, күшейтілген мониторинг пен кешенді бақылау шараларының арқасында рұқсат беру құжаттарынсыз құрылыс-монтаж жұмыстарын бастаудың фактілері айтарлықтай қысқарған.– Жүйелі тәсіл мен инспекторлардың мұқият жұмысы өз бетінше салынған нысандар мен рұқсатсыз жүргізіліп жатқан құрылыстарды дер кезінде анықтауға мүмкіндік береді. Мемлекеттік нормалар бұзылған және жобадан ауытқу жағдайлары тіркелген кезде, заңбұзушылар Қазақстан Республикасының заңнамасына сәйкес жауапкершілікке тартылады, – деді облыстық мемлекеттік сәулет-құрылыс бақылау басқармасының басшысы Айдын Әуесбай.Биылғы жылы құрылыс саласындағы заңбұзушылықтар бойынша мамандандырылған ауданаралық әкімшілік соттарға 127 материал жолданған. Тексеру нәтижесінде салынған айыппұлдардың жалпы сомасы 100 миллион теңгеден асты.Заңсыз (рұқсатсыз) салынған нысандарды анықтауға ерекше назар аударылуда. Мәселен, Қонаев қаласында құрылыс нормалары бұзылып салынған коммерциялық нысан бұзылды. Осындай шаралар Талғар (2 нысан), Райымбек (1 нысан), Жамбыл (1 нысан) және Қарасай (2 нысан) аудандарында да қабылданды.Сонымен қатар, облыстың аудандық соттарында өз бетінше салынған құрылыстарды бұзу жөніндегі 14 талап арыз қаралу үстінде.Бұдан бөлек, әлеуметтік нысандардың құрылысы барысына ерекше бақылау жүргізілуде. Бұл бағытта құрылыс сапасына тұрақты мониторинг жасалып отыр.Алматы облысының мемлекеттік сәулет-құрылыс бақылау басқармасы құрылыс заңнамасының сақталуын қамтамасыз ету және рұқсатсыз құрылысқа жол бермеу бағытындағы жүйелі жұмыстарын жалғастыруда.Ақпарат көзі : https://www.gov.kz/memleket/entities/almobl/press/news/details/1087201?lang=kk

Қостанай қаласы әкімдігінің «Қостанай жылу энергетикалық компаниясы» ШЖҚ КМК хабарлайды:2025 жылғы 16 қазан күні сағат 9:00-ден 23:00-ге дейін «Қостанай Су» ШЖҚ КМК жаңа тұтынушыларды жоспарлы қосуға байланысты қазандыққа су беру тоқтатылады.Осыған байланысты аталған уақытта «Kostanay Plaza» сауда орталығында және келесі 14 көпқабатты тұрғын үйде ыстық су беру уақытша тоқтатылады:Назарбаев даңғылы №195,197,199,205,207,209,211,213,215,223,225,227,229,231.Қазандық жылу беру режимінде жұмысын жалғастырады.Көпқабатты тұрғын үйлердің жауапты тұлғалары мен МИБ төрағаларынан ыстық су жүйесінің жылу алмастырғыш жабдығын сенімді түрде ажыратуды сұраймыз.Су беру қалпына келтірілгеннен кейін ыстық су қайта қосылады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1087172?lang=kk

 2025 жылғы 1 қазандағы жағдай бойынша бағдарлама басталған сәттен бері (2024 жылғы 1 ақпан) уәкілетті оператор 22,29 млн АҚШ долларынан астам сомаға 156 956 өтініш орындады. Қаражат уәкілетті операторларға өтініш берушілердің банктік шоттарына есептеу үшін аударылды. Оның ішінде тұрғын үй мәселелерін шешу үшін 14,14 млн доллар сомасына 98 046 өтініш, білім алу ақысын төлеуге шамамен 8,15 млн доллар сомасына 58 910 өтініш орындалды. Естеріңізге сала кетейік, нысаналы жинақтарды (НЖ) алушы барлық соманы немесе оның бір бөлігін пайдалануға құқылы. Пайдаланылмаған қалдық нысаналы жинақтау шотында (НЖШ) сақталады. Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыруға 13,85 млн АҚШ долларына 95 786 өтініш, тұрғын үй сатып алуға ипотекалық тұрғын үй қарызын алу үшін бастапқы жарнаны енгізуге 101,44 мың АҚШ долларына 755 өтініш және азаматтық-құқықтық мәмілелер бойынша меншікке тұрғын үй сатып алуға (түпкілікті есеп айырысу) 69,88 мың АҚШ долларына 553 өтініш орындалды. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (7,38 млн АҚШ долларына 52 574 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (527,67 мың АҚШ долларына 4 477 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (194,54 мың АҚШ долларына 1 526 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Нысаналы жинақтар төлемін алу үшін алушыға не оның заңды өкіліне БЖЗҚ-мен тиісті келісім жасаған уәкілетті операторға жүгіну қажет. Өтінішті "Отбасы банкі" АҚ, "Қазақстан Халық банкі" АҚ-ның бірінің интернет-ресурсы немесе   мобильді қосымшасы арқылы беруге болады. Айта кетейік, 01.08.2025ж. бастап аталған тізім "Банк ЦентрКредит" АҚ жаңа уәкілетті операторымен толықтырылды. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға биыл 3,04 АҚШ долларымөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағындағы қаражат 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды.Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады.Нысаналы жинақтар төлемін рәсімдеу үшін алушы не оның заңды өкілі БЖЗҚ-мен тиісті келісім жасалған уәкілетті операторға жүгінуі қажет. Өтінішті интернет-ресурс немесе "Отбасы банк" АҚ (тұрғын үй жағдайларын жақсарту және білім беру ақысын төлеу мақсатында), "Қазақстан Халық банкі" АҚ, "Банк ЦентрКредит" АҚ (білім беру ақысын төлеу мақсатында) уәкілетті операторларының бірінің мобильді қосымшасы арқылы беруге болады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OMсілтемесі бойынша көруге болады.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1087179?lang=kk

«БЖЗҚ» АҚ 2024 жылға арналған жылдық актуарлық есебін жариялады Қазақстан демографиялық қартаю дәуіріне аяқ басып келеді және ғасырдың орта тұсына қарай ол демографиялық қартаю деңгейі өте жоғары елдер санатына енеді: республика халқы санының 2050 жылдың соңына қарай 26,5 млн адамға дейін өсуі мүмкін екенін ескерсек, елдің әрбір алтыншы тұрғыны 60 жастан асады – егде жастағы адамдардың үлесі халықтың жалпы санының 18,8% құрайды.Бұл ретте БЖЗҚ-дан зейнетақы төлемдерін алушылардың саны 2025 жылдан 2050 жылға дейінгі кезеңде 4 есеге артады - 520 мыңнан 2 млн-ға дейін. Бұл деректер "БЖЗҚ" АҚ (бұдан әрі – БЖЗҚ, Қор) жариялаған "2024 жылғы актуарлық есепте" (бұдан әрі – есеп) келтірілген. Онда Қазақстанның зейнетақы жүйесін одан әрі дамытуға байланысты кешенді актуарлық есептеулер мен болжамдардың нәтижелері көрсетілген. Демографиялық өзгерістердің зейнетақымен қамсыздандыру жүйесіне салатын  салмағы айтарлықтай. Сондықтан мемлекеттің маңызды міндеттерінің бірі – халықаралық стандарттарға сай келетін және лайықты зейнетақы төлемдерін қамтамасыз ететін зейнетақы жүйесін қалыптастыру. Жүйенің тиімділігі есепте талданып, болжанатын бірқатар көрсеткіштер бойынша бағаланады. Ұсынылған жылдық актуарлық есеп мемлекеттік органдар, сарапшылар және жалпы жұртшылық үшін маңызды деректер көзі саналады. Демографиялық трендтер  Есептің бірінші бөлімінде демографиялық өзгерістер және олардың зейнетақы жүйесіне әсері сипатталған. Есепте 2025 жылдың басындағы демографиялық жағдай және стохастикалық және детерминистік модельдерді қолдана отырып жасалған 2050 жылға дейінгі ұзақ мерзімді болжамдар келтірілген. Жалпы тенденциялар – өмір сүру ұзақтығы артады, туу деңгейі төмендейді – болжам бойынша 2050 жылға қарай халықтың құрылымындағы егде жастағы азаматтардың үлес салмағы өседі, ал еңбекке қабілетті халықтың саны азаяды. Бұл өзгерістер зейнетақы жүйесінің жинақтаушы компонентінің рөлін арттыруды талап етеді. Қазақстан Республикасының зейнетақы жүйесіЕсептің екінші бөлімі Қазақстанның қолданыстағы көпдеңгейлі зейнетақы моделін сипаттауға, оны халықаралық рейтингтерде бағалауға, сондай-ақ барабар зейнетақы табысын қалыптастыру үшін зейнетақы жарналарының оңтайлы мөлшерлемелерін талдауға арналған. Республикада Қаржы нарығы мен жинақтаушы зейнетақы жүйесін қалыптастырудың бастауында тұрған сарапшылардың жүйені одан әрі жетілдіру жолдары туралы пікірлері келтірілген. Зейнетақы ағындарына болжамҮшінші бөлімде зейнетақы ағындарын модельдеу және болжау нәтижелері, атап айтқанда KazPRESTO кешенді актуарлық моделі және оның болжамды нәтижелері, демографияны, еңбек нарығын, міндетті зейнетақы жарналарының 10% есебінен зейнетақы төлемдерін модельдеу көрсетілген. Болжамды есептеулер жинақтаушы жүйедегі зейнетақы ағындарының ұзақмерзімді перспективада тұрақты өсуін көрсетеді. Сонымен қатар, жинақтарды мерзімінен бұрын пайдалану саясатын бақылау, жарналардың жүйелілік деңгейін арттыру, халықты зейнетақы жүйесімен қамту, сондай-ақ инвестициялық басқарудың тиімділігін арттыру қажеттілігіне, әсіресе нақты табыстылығы төмен болған кезде баса назар аударылады. БЖЗҚ-ның жылдық актуарлық есебі – Қазақстанның зейнетақы жүйесін дамытудың ағымдағы жай-күйі мен ұзақмерзімді перспективаларын кешенді бағалауға мүмкіндік беретін маңызды құжат. Ондағы тұжырымдар зейнетақы жүйесінің тұрақтылығын және зейнетақы төлемдерінің лайықтылығын арттыруға бағытталған тиімді шешімдерді әзірлеу үшін негіз болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay-kokpekti-ulkenboken/press/news/details/1092954?lang=kk

Қорғаныс министрінің тәрбие және идеологиялық жұмыс жөніндегі орынбасары вице-адмирал Серік Борамбаев Алматы гарнизонына жұмыс сапары барысында "Бітімгер" оқу орталығы мен Қорғаныс министрлігіне қарасты білім беру мекемелерінде болды.Сапар аясында вице-адмирал Біріккен Ұлттар Ұйымы миссиясы аясында тапсырмаларды орындауға дайындалып жатқан үшінші қазақстандық біріккен бітімгершілік контингентінің даярлық барысымен танысты.Қорғаныс министрлігінің өкілі оқу орталығының материалдық-техникалық базасын, сондай-ақ бітімгерлердің сапалы дайындық жүргізуіне арналған тұрмыстық жағдайларды аралап көрді.«Бітімгер» оқу орталығындағы салтанатты сап түзеу барысында Серік Борамбаев қазақстандық бітімгерлердің халықаралық қауіпсіздікті нығайтудағы және елдің әлемдік аренадағы беделін арттырудағы маңызды рөлін атап өтті.– Біріккен Ұлттар Ұйымы туы астындағы бітімгершілік операцияларға қатысу – бұл жаһандық тұрақтылыққа қосылған үлес қана емес, сонымен қатар Қазақстанның әлемдік қауымдастық алдындағы жауапты әрі сенімді серіктес екенін дәлелдейді, – деді вице-адмирал.Сол күні Қорғаныс министрінің орынбасары Радиоэлектроника және байланыс әскери-инженерлік институтында және Бауыржан Момышұлы атындағы әскери-спорт колледжінде болды. Ол оқу орындарының материалдық-техникалық базасымен, оқу процесін ұйымдастыру және курсанттар мен сарбаздардың казармадағы тұрмыс жағдайларымен танысты.Институтта Серік Борамбаев академиялық ұтқырлық бөлімі мен конструкторлық бюроның жұмысымен танысып, профессор-оқытушылар құрамы мен курсанттардың бірлесіп жүзеге асырып жатқан ғылыми-зерттеу және жобалық жұмыстарын көрді. Кейбір ғылыми әзірлемелер қазірдің өзінде Қарулы Күштердің бөлімшелерінде қолданылуда.Сапар қорытындысы бойынша Қорғаныс министрінің орынбасары әскери ұжымдардағы моральдық-психологиялық ахуалды нығайту, әскери-патриоттық тәрбие мен мәдени-демалыс жұмысын жетілдіру бойынша бірқатар тапсырмалар берді.Ақпарат көзі : https://www.gov.kz/memleket/entities/mod/press/news/details/1087194?lang=kk

2025 жылғы 15 қазанда Осакаров ауданының білім бөлімі инклюзивті білім беру мәселелері бойынша ата - аналар жұртшылығымен кезекті онлайн-кездесу өткізді. Кездесуге 20-дан астам ата-ана қатысты. Кездесу барысында бүгінгі күннің өзекті мәселелері, атап айтқанда: «Инклюзивті білім беру кеңістігіндегі педагог пен ата-аналардың өзара іс-қимылы» мәселелер қаралды. Барлық сұрақтарға толық және ашық жауаптар берілді. Қорытындысында ауданның ата-аналар жұртшылығы берілген ақпарат үшін алғыстарын білдірді.Ақпарат көзі : https://www.gov.kz/memleket/entities/edu-osakarovka/press/news/details/1087124?lang=kk

2025 жылғы 06 қарашада Қарағанды облысы бойынша барлық аумақтық мемлекеттік кірістер басқармаларында салық төлеушілер үшін Ашық есік күндері өткізілді, олардың мақсаты салық заңнамасындағы өзекті өзгерістерді ақпараттандыру және түсіндіру болып табылады.Іс-шара аясында салық төлеушілерге 2026 жылғы 1 қаңтардан бастап енгізілетін салық кодексіндегі инновациялар бойынша егжей-тегжейлі кеңес берілді.Кездесулер барысында қатысушылар салық заңнамасындағы алдағы өзгерістермен танысуға, бұл инновациялардың олардың бизнесіне немесе жеке міндеттемелеріне қалай әсер ететінін түсінуге, сондай-ақ өз сұрақтарын қоюға және жауап алуға мүмкіндік алды.Іс-шара жұмыстың ашықтығын және қаржылық сауаттылық деңгейін арттыруға ықпал ететін салық төлеушілермен ашық қарым-қатынас үшін диалог алаңын құруға ұмтылысын атап өтті.Ақпарат көзі : https://www.gov.kz/memleket/entities/kgd-karaganda/press/news/details/1100479?lang=kk

Қазақстан Республикасы Салық кодексінің 88-бабы 1-тармағына сәйкес, жекелеген қызмет түрлерін (бұдан әрі – ЖҚТ) жүзеге асыратын тұлғалар салық төлеуші ретінде міндетті түрде тіркелуге тиіс, бұл қызмет түрлерінің тізбесі аталған тармақта белгіленген.Қазақстан Республикасы Салық кодексінің 88-бабы 6-тармағына сәйкес, салық органы салық төлеушіні жекелеген қызмет түрлерін жүзеге асыратын ретінде тіркеуге қоюды үш жұмыс күні ішінде жүзеге асырады:хабарламаны тапсырған күннен бастап;Лицензиялауға жататын қызмет түрлері бойынша рұқсаттар мен хабарламалардың мемлекеттік электрондық тізілімінен мәліметтер алынған күннен бастап.Жеке қызмет түрлерін жүзеге асыратын салық төлеуші ретінде қызметті бастау немесе тоқтату туралы хабарламалар https://www.elicense.kz сайты арқылы ұсынылады.Қазақстан Республикасы Ұлттық экономика министрінің 2015 жылғы 6 қаңтардағы №4 бұйрығымен бекітілген «Хабарламалардың нысандарын және мемлекеттік органдардың хабарламаларды қабылдау қағидаларын бекіту,                     сондай-ақ хабарламаларды қабылдауды жүзеге асыратын мемлекеттік органдарды айқындау туралы» қаулысының 1-қосымшасына сәйкес, хабарлама электрондық немесе қағаз түрінде жолданады.Бұрын ҚР-сы БАСЖ ақпараттық жүйесінде «elicense.kz» жүйесімен толыққанды интеграция болмаған.  Қазіргі уақытта СӘИЖ ақпараттық жүйесінде «elicense.kz» жүйесімен деректер алмасуды автоматтандырылған түрде қамтамасыз ететін интеграция жүзеге асырылған. Аталған функционал осы жылдың сәуір айында, соның ішінде мекенжай тіркелімі кодының көмегімен енгізіледі.Мәлімет ретінде хабарлаймыз:Егер ИС АР анықтамалығында мекенжайдың тіркеу коды (бұдан әрі – МТК) жоқ болса, жылжымайтын мүлік иесі өтініш беруші ретінде объектінің мекенжай коды берілуі үшін сәулет және қала құрылысы бөлімдеріне жүгінуі тиіс немесе «электрондық үкімет» порталы арқылы мына сілтемеде өтініш бере алады: https://egov.kz/cms/ru/services/buy_sale/passP2203_mps.Сонымен қатар, «электрондық үкімет» порталында өтініш берушіге мына сілтеме бойынша мекенжайды нақтылау туралы анықтама (беру/жою) беріледі: https://egov.kz/cms/ru/services/pass668_mir.     Ақпарат көзі : https://www.gov.kz/memleket/entities/kgd-akmola/press/news/details/1087132?lang=kk

Атырау мемлекеттік мүлік және жекешелендіру департаменті басшысы Ерлан Мақсотұлы Жаңабаев Атырау ТВ телеарнасының тікелей эфирінде «Әлеумет» саяси қоғамдық бағдарламасына «Мемлекеттік мүлікті тиімді басқару, жекешелендіру және сыбайлас жемқорлықты алдын алу» тақырыбында сұхбат берді.Сұхбат барысында Ерлан Жанабаев мемлекеттік мүлікті тиімді басқару, жекешелендіру үдерісінің ашықтығын қамтамасыз ету, сондай-ақ сыбайлас жемқорлықтың алдын алу шаралары туралы кеңінен әңгімеледі.Бағдарламада мемлекеттік активтерді тиімді пайдалану, жекешелендірудің жаңа тетіктері мен цифрландыру арқылы ашықтықты арттыру мәселелері талқыланды. Сонымен қатар, қоғаммен байланыс және халықтың ақпараттану деңгейін көтеру бағытында жүргізіліп жатқан жұмыстар туралы да айтылды.Эфир соңында Ерлан Жанабаев мемлекеттік мүлік саласындағы адалдық пен жариялылық қағидаттарын нығайту әр мемлекеттік қызметшінің басты міндеті екенін атап өтті.Ақпарат көзі : https://www.gov.kz/memleket/entities/gosreestr/press/news/details/1087086?lang=kk

Семинар по общим изменениям и новшествам в новом налоговом кодексе15.10.2025 года Управлением государственных доходов по Зайсанскому району проведен семинар на темы «Общие изменения и новшества в новом налоговом кодексе», зачет НДС, НДС не подлежащий зачету, бездейстаующие налогоплательщики, участники внешне экономической деятельности, акция Байге, требуй чек- выйграй приз, Salyq кэшбэк.На все вопросы даны ответы , предложения приняты.Ақпарат көзі : https://www.gov.kz/memleket/entities/kgd-vko/press/news/details/1087338?lang=kk

Қостанай облысы бойынша Мемлекеттік кірістер департаменті Еуразиялық экономикалық комиссия Кеңесінің 2025 жылғы 23 мамырдағы №45 «Кеден одағы Комиссиясының 2011 жылғы 9 желтоқсандағы №877 шешіміне өзгерістер енгізу туралы» шешімін танысу үшін орналастырады.Аталған өзгерістер Кеден одағының «Доңғалақты көлік құралдарының қауіпсіздігі туралы» ТР ТС 018/2011 техникалық регламентінде бірліктегі көлік құралының анықтамасын толықтыруға қатысты.2025 жылғы 23 мамырдағы №45 шешім 2025 жылғы 20 қазаннан бастап күшіне енеді.Хабарлаймыз, жеке пайдалануға арналған авто және мотокөлік құралдары мен тіркемелер тізбесі Еуразиялық экономикалық комиссия Алқасының 2017 жылғы 30 маусымдағы №74 шешімімен айқындалған.Қосымша: 4 беттен тұрады.Кедендік бақылау басқармасыАқпарат көзі : https://www.gov.kz/memleket/entities/kgd-kostanay/press/news/details/1087046?lang=kk

Ақсу ауданы бойынша МКБ-да азаматтар мен кәсіпкерлерді салық заңнамасындағы алдағы өзгерістер туралы хабардар ету мақсатында "Ашық есік күні" өткізілді.Іс-шараның негізгі мақсаты қатысушыларды 2026 жылдан бастап күшіне енетін жаңа Салық кодексінің негізгі ережелерімен егжей-тегжейлі таныстыру болды.Кездесу барысында кәсіпкерлерге салық кодексінің нормалары түсіндірілді, ҚҚС, КТС, ЖТС сияқты маңызды салықтарды есептеуге және төлеуге қатысты өзгерістерге ерекше назар аударылды.Қатысушылар шағын және орта бизнес үшін салық салу ерекшелігін қоса алғанда, маңызды өзгерістер мен инновациялар, салықтық әкімшілендіру рәсімдерін жеңілдетуге және бизнес үшін бюрократиялық кедергілерді қысқартуға бағытталған шаралар туралы толық ақпарат алды.Ақпарат көзі : https://www.gov.kz/memleket/entities/kgd-zhetysu/press/news/details/1087037?lang=kk

Халықаралық істер, қорғаныс және қауіпсіздік комитетінің Айгүл Құспанның төрағалығымен өткен отырысына Қорғаныс министрінің орынбасары вице-адмирал Серік Борамбаев, сондай-ақ отставкадағы генерал-лейтенанттар Бақытжан Ертаев пен Абай Тасболатов қатысты.Кездесу барысында елдің қорғаныс қабілетін нығайтуға бағытталған шараларға қатысты кең ауқымды мәселелер талқыланды. Атап айтқанда, мемлекеттік қорғаныс тапсырысының орындалуы, қорғаныс-өнеркәсіп кешені үшін мамандар даярлау және әскери қызметшілердің жаңа еңбекақы жүйесі сөз болды.Мәжілістің салалық комитетінің төрағасы Айгүл Құспан өткен сессия барысында Парламент қабылдаған маңызды заңнамалық шешімдерді еске салды. Олар аумақтық қорғаныс, резервтегі қызмет және азаматтарды әскери-патриоттық тәрбиелеу мәселелерін қамтыған. Бұл жұмыстардың нәтижесінде әскери қызметшілердің азық-түлік үлесі артты. Сондай-ақ депутаттар Қорғаныс министрлігінің мерзімді әскери қызметтен өткен азаматтарға білім беру және басқа да жеңілдіктер беру тетігін енгізу жөніндегі бастамасын қолдады.Отырыста V және VI шақырылымда Мәжіліс депутаты болған Бақытжан Ертаев пен Абай Тасболатов заң шығару саласындағы тәжірибелерін ортаға салды.Қарулы күштердің ардагерлері әскери қызметшілерді тұрғын үймен, азық-түлікпен қамтамасыз ету және өзін-өзі қамтамасыз ету моделіне көшу мәселелері бойынша ұсыныстарын айтты.Отырыста айтылған ұсыныстарға сараптамалық баға беріліп, заң жобалары бойынша одан арғы жұмыс барысында қаралатын болады.Ақпарат көзі : https://www.gov.kz/memleket/entities/mod/press/news/details/1087040?lang=kk

  Ақмола облысы бойынша Мемлекеттік кірістер департаментінің өкілдері «Адал азамат» білім беру бағдарламасын іске асыру мақсатында, оқушылардың қаржылық сауаттылық, салықтық мәдениет, адалдық пен азаматтық жауапкершілік қағидаттарын қалыптастыру  аясындаКөкшетау қаласындағы Әл-Фараби атындағы ІТ мектеп-лицейінің мұғалімдеріне дәріс өткізді.        Кездесудің тақырыбы — «Қаржылық сауаттылық бойынша кеңестер».      Байланыс орталыға және түсіндіру жұмыстар басқармасының басшысы Айнұр Елікбаева келесі тақырыптар бойынша түсіндірмелер берді:▫️ салық мәдениеті және жауапкершілік;▫️ жалпыға бірдей декларациялау;▫️ жеке тұлғалардың банкроттығы.         Дәріс бейнематериалдармен сүйемелденіп, оқушылар мен ата-аналарға қазіргі экономикалық үдерістерді жақсырақ түсінуге мүмкіндік берді. Ақпарат көзі : https://www.gov.kz/memleket/entities/kgd-akmola/press/news/details/1086996?lang=kk

Отырыс барысында келесі өзекті мәселелер қаралды: Алтай ауданының электрмен жабдықтау және электр желілерінің жағдайы; аудан бюджетінің кіріс бөлігіне талдау жасалды; Соловьево, Чапаево және Малеевск ауылдық округтері әкімдерінің атқарылған жұмыстар мен ағымдағы міндеттер туралы есептері тыңдалды. Талқылау қорытындысы бойынша Қоғамдық кеңес мүшелері иесіз электр беру желілеріне қатысты мәселені мемлекеттік мекеме басшыларын шақыра отырып, қайта қарау туралы шешім қабылдады. Қалған мәселелер бойынша ұсыныстар берілді.Ақпарат көзі : https://www.gov.kz/memleket/entities/altay-maslihat/press/news/details/1086997?lang=kk

2025 жылы Алматы облысында ауыл шаруашылығы саласының инфрақұрылымын дамыту мақсатында 7 ветеринариялық пункттің құрылысы жоспарланған. Бұл мақсатқа облыстық бюджеттен 147 миллион теңге бөлініп, қазіргі уақытта құрылыс жұмыстары қарқынды жүріп жатыр.Бүгінгі күнге дейін 3 объектінің құрылысы толық аяқталып, пайдалануға берілді. Қалған 4 ветеринариялық пункттің құрылысы жалғасуда. Олар:• Еңбекшіқазақ ауданы – Малыбай ауылдық округі,• Қарасай ауданы – Әйтей ауылдық округі,• Жамбыл ауданы – Шолаққарғалы ауылдық округі.Ветеринариялық пункттер – жергілікті деңгейде жануарлар мен халықтың денсаулығын қорғауды қамтамасыз ететін маңызды буын. Мұнда ветеринар мамандар аурулардың алдын алу, диагностика және емдеу, вакцинация жүргізу, сондай-ақ эпизоотиялық жағдайды бақылау жұмыстарын атқарады.Жаңа пункттердің іске қосылуы өңірдің эпизоотиялық тұрақтылығын сақтауға және мал өнімдерінің қауіпсіздігін қамтамасыз етуге мүмкіндік береді.Ақпарат көзі : https://www.gov.kz/memleket/entities/almobl/press/news/details/1087000?lang=kk

Абу Даби, 2025 жылғы 14 қазан – Қазақстан Республикасының Әмірліктердегі Елшісі Рауан Жұмабек Біріккен Араб Әмірліктерінің Әділет министрі Абдалла бен Султан әл-Нуеймимен кездесті.Кездесу барысында тараптар қылмыстық-құқықтық саладағы екіжақты ынтымақтастықтың, атап айтқанда іздеуде жүрген адамдарды экстрадициялаудың, қылмыстық істер бойынша құқықтық көмек көрсетудің бірқатар мәселелерін талқылады.Қазақстандық дипломат қылмыстық істер бойынша адамдарды ұстап беру және құқықтық көмек көрсету туралы сұрау салуларды орындау бойынша орталық орган ретінде БАӘ Әділет министрлігінің маңызды рөліне назар аударып, көмек көрсетіп жатқаны үшін А. әл-Нуеймиге алғыс білдірді.Әмірліктердің Әділет министрі Қазақстанмен қарым-қатынастардың даму динамикасына оң бағасын бере отырып, талқыланған барлық мәселелер бойынша тиісті қолғабыс көрсетуге дайындығын білдірді.Тараптар екі ел  арасындағы серіктестікті одан әрі дамыту мен  нығайту мақсатында барлық қажетті күш-жігерлерін жұмылдыратынына келісті.Ақпарат көзі : https://www.gov.kz/memleket/entities/mfa-abudhabi/press/news/details/1086976?lang=kk

«Заң мен Тәртіп» идеологиясын іске асыру шеңберінде 2025 жылдың 15 қазанында Әділет министрі Ерлан Сәрсембаевтың төрағалығымен аппараттық кеңес өтті. Кеңеске барлық өңірлік Әділет департаменттерінің басшылары онлайн байланыс арқылы қатысты. Қостанай облысы Әділет департаментінің басшысы Алия Аманжулова ағымдағы жылдың 9 айындағы атқарылған жұмыс туралы баяндама жасады.Талқылау қорытындысы бойынша Департамент жұмысының одан әрі жетілдірілуі, мемлекеттік көрсетілетін қызметтердің сапасын арттыру, азаматтардың өтініштерін сапалы қарау, мемлекет кепілдік берген заң көмегін көрсету, мемлекеттік және жеке сот орындаушыларының орындау өндірісі бойынша қызметі, географиялық көрсеткіштерді тіркеу және басқа да бағыттар бойынша ұсыныстар берілді. Әділет министрі «Заң мен Тәртіп» идеологиясы аясында қойылған міндеттердің орындалуының маңыздылығын атап өтіп, аумақтық бөлімшелердің қызмет тиімділігіне бақылауды күшейту қажеттігін ерекше атап өтті. Қостанай облысыӘділет департаментініңБаспасөз қызметіАқпарат көзі : https://www.gov.kz/memleket/entities/adilet-kst/press/news/details/1086985?lang=kk

Жекелеген қызмет түрлерін тіркеу — енді жылдам әрі ыңғайлыҚостанай облысы бойынша Мемлекеттік кірістер департаменті хабарлайды, ағымдағы жылдың сәуір айынан бастап elicense.kz порталымен ақпараттық жүйелердің интеграциясы жүзеге асырылдыЕнді жекелеген қызмет түрлерін (ЖҚТ) жүзеге асыратын салық төлеушілердің тіркелуі автоматтандырылған түрде және үш жұмыс күні ішінде жүргізіледі — артық құжатсыз және күтусіз.Бұл бизнес үшін нені білдіреді?Қазақстан Республикасының Салық кодексінің 88-бабының 1-тармағына сәйкес, жекелеген қызмет түрлерін жүзеге асыратын тұлғалар міндетті түрде салық органдарында тіркелуге тиісАл осы баптың 6-тармағына сәйкес, тіркеу есебі үш жұмыс күні ішінде жүргізіледі:1. хабарлама берілген күннен бастап;2. немесе салық органы тиісті мәліметтерді elicense.kz порталынан алған күннен бастап.Енді салық төлеушілерге мекемелерге барудың қажеті жоқ — барлығы онлайн форматта жүзеге асырылады.Хабарламаны қалай жіберуге боладыЖекелеген қызмет түрлері бойынша қызметті бастауы немесе тоқтатуы туралы хабарламаны келесі тәсілдермен беруге болады:www.elicense.kz порталы арқылы;немесе электрондық не қағаз түрінде — ҚР Ұлттық экономика министрінің 2015 жылғы 6 қаңтардағы № 4 бұйрығына сәйкес.Жаңа интеграция — цифрлық мемлекетке қадамБұрын elicense.kz пен ИНИС РК жүйелері арасындағы ақпарат алмасу қолмен жүзеге асырылатын.Енді ИСНА жүйесінде жаңа интеграция іске қосылды, соның арқасында мәліметтер автоматты түрде синхрондалады.Бұл жаңашылдықтың артықшылықтары:деректердегі қателіктердің азаюы;кәсіпкерлердің уақытын үнемдеу;ашық әрі жылдам процесс.Мекенжай тіркеу коды (РКА) туралыХабарлама дұрыс өңделуі үшін объектінің мекенжай тіркеу коды (РКА) болуы қажет.Егер ол болмаса, кодты келесі жолдармен алуға болады:eGov порталы арқылы өтініш беру:https://egov.kz/cms/ru/services/buy_sale/passP2203_mpsСондай-ақ келесі қызмет қолжетімді:https://egov.kz/cms/ru/services/pass668_mirАқпарат көзі : https://www.gov.kz/memleket/entities/kgd-kostanay/press/news/details/1086909?lang=kk